(1) Der Richterlich Clagspiegel.

Ein nutzbarlicher begriff: wie man setze(n) un(d) formiere(n) sol nach ordenu(n)g der rechte(n) ein yede clag / antwort / vn(d) vßzesprechene vrteyle(n) / gezoge(n) vß geistliche(n) vn(d) weltlichen rechte(n). Da durch sich ein yeder / er sey clager / antworter od(er) richter / in recht geschickt mache(n) / dz selb üben brauchen / vn(d) dargege(n) vor vnrechter that / anfechtung / vnnd fürnemen verhüten mag. Durch doctorem Sebastianum Brandt wider durchsichtiget unnd zům teyl gebessert.

(2) Vorred disz bůchs.

NAch de(m) vnd ein yegklich mensch de(m) gesetz vnderthänig sein sol als geschriben steet. ff. dele. et senatuscon. l. ij. vnnder anderm in latein. Lex est cui omnes homines decet obedire. So ist auch ein yegklicher schuldig die gesetzd zů wissen / vn(d) besunder die / die gemeynlich zůfalle(n). ff. e. l. iura oportet constitui (vt dixit Theophrastus) in his que frequenter accidunt. Herumb seind etliche clagen vnd nutzliche lere vß gemeynen geschribenen rechten der Keyserlichen gesetz vn(d) den hauptbüchern. Ex originalibus libiris in latein Pandectarum. ff. C. vnd Institut gezogen / gott zů lobe. Eim hochgeborne(n) Fürsten des heilige(n) Reychs vmb fleyssiger vorbete willen zů eren / vnnd den vnderthanen des selben / auch aller andern heiligen Rhömischen reychs zů gebrauch / so vil vnd zů täglicher übung not seind beschriben / damit die fynsterniß der vnwissenheit hin gelegt / vnd das gemeyn recht in treflicher handelung offenbar werde in Teütschem gesatzt / des sich ein yeder im rechten so im not sein würt< halten / vnd in warheit besteen mag.

Dem gestrengen auch dem Erentveste(n) fürnemen herrn Johan(n)s Bock Rittern vnnd Petern Mußlern Burgern vnd des Rats der Stat Straßburg / seinen gebiettenden Herren / wünscht Sebastianus Brant doctor / Cantzler der Statt Straßburg heil vnd seligkeit.

Der Leyenspiegel hoher acht

Den mein freünd te(n)gler hat gemacht

Mit schönen formen vnd gedicht

Der personen so zů dem gericht

Vnd allen ämptern sich thůndt halten

All gschäffde vn(d) he(n)del thůn verwalte(n)

Zeygt lieplich vnd geschicklich an

Wes sich sol halten yedeman /

Dar neben ich zů disen stunden

Diß wol geschickt wercklin befunden

Dar inn vß Keyserlichen rechten

All vorderung / clag / widerfechten

So fein vnd wol ist dargethon

Ein gantz parryt vff fechtensplon.

Mit anzeyg / vnd mit allegieren

Wo man mit recht das mög probiere(n)

Da yedes standt geschriben gar /

Wo all meynung entspringen har /

Das zeygt diß bůch grüntlich vor auge(n) /

Das ich mit fleyß hab wöllen schawe(n)

Vnd nach dem besten Corrigieren

Damit es dester baß hofieren

Vnd dienen mög dem spiegel clor

Den ich bestymmet hab hie vor

Im auch ein gstalt vnd vffmutz geben

Ein yeder spüren mag darneben

Was dort gebrist das sind er hie

Was zů de(s) grichts gang dient vn(d) wie

Ein yeder sein clag mög begrinden

Das mag er hie gantz clarlich finden /

Diß hab ich günstigen lieb herren

Euch zů gefallen / dienst vnd eren /

Von neüwem vßgon wöllen lassen /

Dann ich eüch acht in solcher massen

Das es eüch beiden gfallen mag

Wo recht kunst / warheit ko(m)pt an tag /

Damit wöll eüwer gott lang pflegen

Inn gsundtheit seligkeit allwegen /

Vnd eüch geben nach diser zeyt

Die ewig freüd / mir auch darmit.

Actu(m) zů Straßburg den viertzehende(n) tag Februarij. Anno (et)c. xv^c. xvj.

Hie nach volget das Register.

A ij

(3) Register

Actio de his qui in fraudem creditorum.

Das ist wann der schuldener inn vntrew seins creditors oder glaubigers verstoßt vn(d) empfrembdt sein habe mag der creditor / dz ist der glauber / alle empfre(m)bte habe widerrüffen vnd rechtlichen vordern mit diser clag. Folio j.

Fauiana.

Wann der libertus das ist der / der eygen gewesen ist / vn(d) in vntreüw seins patron das ist des der in frey hatt gemacht empfrembdt sein habe / mag d(er) patron die empfrembdte habe wider bringen durch dise clage. ij

Caluisiana.

Das ist ein clag gebürt de(m) der an eines kinds statt vffgenom(m)en würt / vn(d) der vffnemer empfrembdt die habe dem selben zů schaden / das der sein natürlich teyl da von nit gehaben mag. ij

Ediliciana.

Ist ein clag die sich gebürt so ein verkauffte habe ist wider geben / vnd der verkauffer hat das gelt nit wider geben / vnd so dem verkauffer nit wider gebenn würt das gewu(n)nen würt mit dem eygen menschen. ij

Exercitoria.

Vom schiffart vnd dem regierer des schiffs. iij

Institoria.

Wo einer seim sun oder eygenn menschen sein schenckstatt oder gewerbe entpfelhet. iij

Tributoria würt hie nit geübet daru(m)b ist wenig dauon gesatzt. iij

De in rem verso.

Diser lex sagt vom eyge(n) menschen od(er) sune die in irs herrn oder vatters nutz gekaufft / oder so einer einem münch gelt od(er) annders in nutz seines closters gelühenn hett. iij

Actio q(uo)d iussu perpetuo.

So d(er) vatter od(er) herr heißt gewerb treyben mit seim sun od(er) mensche(n). iij

Actio de peculio.

Ein ander clage vß de(m) ha(n)del des suns oder eygen menschen. iiij

De constituta pecunia.

So sich einer verpflicht eim für ein andern zů bezalen. iiij

De vtili actio(n)e ex q(ua) iurat(ur).

Von der clag so du etwas mit dem eyde behalten hast. iiij

Ein clag negociorum gestorum. dz ist wider die / die eim sein sach in seim abwesen on beuelhe des herrn vß gericht habe(n) vmb rechenschafft (et)c. v

De actione depositi causa timoris incendij (et)c.

Hastu dein habe vo(n) forcht wege(n) so es in einer stat brin(n)t od(er) ein vflauff geschicht oder so ein hauß wil niderfallen / oder ein schiff wil vndergeen / yemans zů behalte(n) geben / vnd er laucknet dir. vj

De actione reiecte.

So der wege inn deinen acker gekeret ist. vj

Quod vi aut met(us) causa.

So etwas von forcht wegen oder auß gezwungenem gewalt beschicht. vij

Actio de dolo.

Vom argenlist vnd betriegen. viij

De actio(n)e furti manifesti.

Von offenlichem diebstal. ix

De actio(n)e furti aduersus nautas / caupones / stabularios.

Vom diebstal wid(er) die schiffma(n) / weinschencke(n) / taberner vn(d) stalmeister. x

(4) Register

Ex edicto nau. caup. stabu. vt accepta restituant.

Aber vom diebstal wid(er) die schiffman tabernervnd stalmeister. x

Serui corrupti.

So dir dein dienstbotten verfürt werden. x

Vi bonorum raptorum.

Von dem raub farender habe. xj

De actione iniuriarum.

So einer dem andern schmacheit gethon hat mit worten oder sunst. xj

Criminaliter. xiij

Nunc de interdictis.

De mortuo inferendo.

Von den todten zů begraben. xiiij

De sepulcro edificando.

Von begrebnüß zů bauwen. xiiij

Ne q(ui)d in loco sacro fiat.

Das nicht vnsaubers vff einer geweychten statt werde / oder beschehe. xiiij

Ne q(ui)d fiat in loco vel via vel itinere publico. et si factum fuerit quod tollatur.

Das nichts gemacht werde vff einer offnen gemeynen statt / weg oder fůßpfadt d(er) gemeyn sey / vnd das das gemacht dannen gethon werde. xiiij

Ne quid in flumine publico. ripave eius fiat.

Das nichts gemacht were in gemeynem wasser / oder dem bach dar vß fliessende. xiiij

De loco publico frue(n)do.

So du ein gemeyn statt brauchen möchtest. xv

Vt liceat reficere via(m) pub.

So du einen gemeynen weg raumen mögest. xv

Vt liceat iter agere per viam publicam.

Das du gemeyn weg brauchenn mögest. xv

Vt liceat ripam fluminis reficere vel munire.

Das du ein bach raume(n) mögest. xv

Vt in flumine publico liceat nauigare. vel piscari.

Das du mögest vischen oder schiffare(n) in gemeynen wassern. xvj

Ne vis fiat ei qui in possessionem missus est.

Das dem kein gewalt geschee d(er) in besitz gesetzt ist. xvj

Interdictu(m) q(uo)rum bonor.

So einer einen erbt on testament oder im testament das erb yn zů bringe(n). xvij

Quorum legatorum.

Ein hab im Testament gesetzt yn zů bringen. xvij

De tabulis exhibendis.

Von dem Testame(n)t oder letsten willen zů zeygen. xvij

De liberis exhibendis.

Das man vns vnsere kindt sehen laß vnd in vnsern gewalt gebe. xvij

De liberis deducendis.

Das man vns vnser kindt füren laß / wo hin wir wöllen xviij

De libero ho(m)i(n)e exhibe(n)do.

Das vns d(er) freygeborn mensch vß gefencknüß gelassen vn(d) gebe(n) werde. xviij.

Vnde vi.

Diß clag gebürt wider den der gewalt gethon hat. xviij

Quod vi aut clam.

A iij

(5) Register

Wider den der mit gewalt oder heimlich bauwet od(er) etwas macht vff dem deinen / wider dein verbietten. xx

Vti possidetis.

So du allein in de(m) besitz betrübt würdest / vnd nit vßgetriben / als zwen sprechen sie besitzen. xx

De interdicto vtrobi.

Das du nit betrübt werdest in dem besitz farender habe. xxj

De superficiebus.

Das du nitt betrübt werdest im besitz einer habe die dir zů bezymmern gelühen ist zů eim erbe. xxj

De itinere actuq(u)e priuato.

Das dir nicht verbotten werde d(er) (to.) fůßpfadt oder weg / vnd der gebrauch über einen frembden grundt. xxj

De itinere actuq(u)e priuato reficiendo.

Das du den weg oder sunnderlichen brauch bessern mögest. xxij

De aqua quotidiana.

Von täglichem regenwasser. xxiij

De aqua estiuali.

Von summerwasser. xxiij

De aq(ua) ex castello duce(n)da.

Von dem wasser vß casteln vnd stuben zů füren. xxiij

Interdictum de riuis.

Vo(n) de(m) wasser vß de(m) bach zů füre(n). xxiij

De fonte reficiendo.

Vo(n) de(m) wasser zů schöpffen vß de(m) brunnen / fischwasser / see od(er) grůbe(n). xxiiij

De cloacis purgandis.

Von sprachheüsern zů fege(n). xxiiij

Interdictum de precario.

So eim ein gebrauch vo(n) bete wege(n) gegünt ist mag widerrüfft werde(n). xxiiij

De arboribus cedendis.

Von baum abhauwen. xxv

De glande legenda.

Von frucht vflesen. xxvj

Interdictu(m) de migra(n)do.

Das du dein habe mögest mitt dir füren / so du vß dem bestanden hauß faren wilt. xxvj

Interdictum saluianu(m).

Von dem hast du hernach in der clagen Seruiana. xxvj

De noui op(er)is nu(n)tiatio(n)e.

Wo einer ein andern überbauwe(n) wil / vnnd würt im vom herren des grundes verbotten. xxvj

Ne vis fiat ei qui satisdeit de opere demoliendo.

Das de(m) kein gewalt geschehe / der vor genügen hat gethon den bauw wider ab zů brechenn / vindt es sich das er vnrecht gebauwen hab. xxvij

Edicta.

Si quis ius dice(n)ti no(n) obtemperauerit.

So einer de(m) richter nit gehorsa(m) ist. xxviij

Si quis vocauerit alique(m) in ius quem vocari non licet.

Ladet einer ein fürn richter den er nitt laden sol. xxviij

Si q(ui)s i(n) ius vocat(us) no(n) ierit.

Ist das der geladen inn gericht nicht kompt. xxix

Ne quis eum q(ui) in ius vocatus est. vi eximat.

Das keiner den der in gericht geladen ist mit gewalt vffhalten (et)c. xxix

(6) Register

De eo per quem factum erit quo minus quis in iudicio sistat.

Wider den d(er) den gelade(n) mitt vntrew hindert dz er nicht in gericht ko(m)pt. xxx

De edendo.

Das dir dein eyge(n) oder gemeyne brieff gezeygt vn(d) gegeben werde(n). xxx

De edicio et calu(m)niatoribus (et)c.

Wider die / die vmb falsch sach dich bekriege(n) od(er) bekriege(n) lassen. xxx

De eo q(uo)d met (us) c(aus)a gestu(m) e(st).

So einer förcht er werd bekriegt vmb etlicher habe willen die er besitzt / gibt solliche habe eim andern. xxxj

Furti aduersus nautas: caupones / stabularios / actio.

Das der schiffman / taberner vnd stalmeister / bezale(n) das im schiff / schenckstatt oder stal gestolen ist worden. xxxij

De his q(ui) dei(c)eru(n)t vel effuderu(n)t.

Von den die vß den heüsern werffen oder schütten. xxxiij

De eiectis et effusis.

So einer vß dem hauß gossen oder geworffen hat. xxxiiij

Ne quis in domo sua (et)c.

Das nyemandts an seinem hauß etwas hab wo das fiel das den menschenn schaden thet. xxxiiij

Si messor falsum modu(m) dixerit.

Wider denn der den acker gemessenn hat. xxxv

De religiosis et sumptibus funerum.

Das dir die kostung wider werde / die dich die begrebnüß kost hat. xxxv

De iureiurando.

So du die habe vordern wilt / die du mit deim eyd behalten hast. xxxv

Si mulier ve(n)tris no(m)i(n)e (et)c.

Wider die fraw die sich fälschlich inn besitz hat lassen setzen der habe die etwan irs man(n)s gewesen ist. xxxvj

Wider die fraw so sie wie obstat vngesatzt ist / vn(d) den besitz in eine(m) and(er)n transferiert / wendt oder kert. xxxvj

De eo quod falso tutore auctore gestum esse dicitur.

Vonn der geschicht mit dem falschen vormundt geschehchen. xxxvj

Ein ander clag wid(er) den falschen vormundt / die gebürt dem waisen. xxxvij

Si omissa c(aus)a testamenti.

So d(er) erb sich des erbs nitt auß vrsach des Testame(n)ts angenom(m)en hatt / sunder on Testament. xxxvij

De publicanis et vectigalibus.

Wider die zoller so sie zů vil zols nemen. xxxviij

De liberali causa.

Wider den der frey ist und hat sich für eygen verkauffen lassen. xxxviij

Ex quibus causis in possessionem eatur.

Wider die in besitz gesatzt seind vnnd die frucht niessen od(er) schade(n) thůn. xxxix

De bonis auctoritate iudicis possidendis.

Das dem besitzer die kostung vnd die expenß die er in der besessen habe vßgebe(n) hat wider werden. xxxix

Vi bonorum raptorum.

Wider die / die mitt gesampter handt schaden thůn. xl

De incendio: ruina: naufragio (et)c.

Wider die so es brinnet od(er) die schiff gestümrpt (!) werden oder vndergeen /

A iiij

(7) Register

geplündert (et)c. die selben habe arglistigklich hinnemen. xl

De sepulcro violato.

Wider die / die die todtenn oder greber berauben oder zerstören. xlj

De damno infecto.

So das bauwfellig zym(m)er trawet zů fallen vff dein zym(m)er vnd grundt. xlj

De actione redibitoria.

So du ein siech thier wilt widergeben dem der dirs verkaufft hat. xlij

Quanto minoris.

So du die habe zů thüewer gekaufft hast. xliij

De fideicommissaria hereditatis petitione.

So du ein erbe das dir nitt schlechts im Testament oder letsten willenn geschafft ist / sunnder durch mittel eins andern vordern wilt. xliij

De eo quod falso tutore auctore gestum esse dicitur.

Von der geschicht vom falschen vormundt geschehen. xliiij

Seruiana.

Wid(er) die die habe besitze(n) die dir schweygent v(er)pfant ist für dein haußzynß. xliiij

Ipothecaria.

So du dein pfandt wilt vorderen inn dein gewalt. xlv

De vtili rei vendicatione que datur superficiario.

So du einen grundt bestanden vnd bezymmert hast / vnd ein ander hatt das zymmer besessen. xlv

De rei vendicatione que datur emphiteote.

So d(er) hinderseß sein erbe vordert. xlvj

De iure patronatus.

Ein clag gebürt wider den libertum / das ist den der eygen geweßt vnd frey gelassen ist. xlvij

De partu agnoscendo.

Wider den vatter d(er) des kinds laucknet / vnd widerumb so das kindt des vatters laucknet / vnd fürter vff zům anherren. xlvij

De rei vendicatione.

Von der eygenschafft der habe. xlix

De usufructu.

Von dem nutz der habe. lv

De publiciana.

So du die habe vordern wilt als dein eygen die dir worden ist / von dem / der der habe nit herr ist. lvj

Der recissoria.

So dir dein habe prescribiert ist worden in deinem abwesen vo(n) gemeyns nutz wegen. lvj

De (c)o(n)fessoria (et) negatoria.

Von dienstbarkeit vnd wasser. lvij

De preiudiciali in rem p(er) quam queritur an aliquis sitfilius in potestate patris.

So der vatter sein kindt / der apt sein münich / der lehenherre sein lehenman / vn(d) der burgermeister sein burger in sein gewalt will vordern. lx

Iterum de vsufructu.

Aber von dem nutz der habe. lxj

De petitio(n)e hereditatis.

Von erbe vorderung. lxj

Finium regundorum.

Von marckstein zů setzen / vnnd vndergeen. lxij

Familie herciscunde.

Von erbe zů teylen. lxiij

(8) Register

Co(m)muni diuidundo.

Von teylung gemeyner habe. lxiiij

De actione ex stipulatu.

So einer dem andern etwas verheißt in der handt. lxv

De conditio(n)e ex mutuo.

Von wechseln oder leyhen. lxvij

De co(n)ditione ob causam.

Von wider vordern des das geben ist vmb sachen willen. lxviij

De co(n)ditio(n)e ob turpe(m) ca(usa)m.

Von wider vordern des das geben ist vmb schentlicher sachen willen. lxviij

De conditio(n)e sine causa.

Von wider vordern des das geben ist on vrsach. lxviij

De conditione indebiti.

Von wider vordern des das du nicht schuldig bist gewesen / vnnd hast es doch bezalt. lxix

De conditione furtiua.

Von vordern der gestolen habe. lxix

De conditione ex lege.

Wann einer schreybt im sey gelt gelühen / vnd ist im doch nit dar gezalt / wie er sich behelffen sol. lxix

Ad exhibendum.

Von zeygen farendt habe. lxix

De actione empti.

Von der clag des kauffers. lxix

De inutili stipulatio(n)e ex parte rei.

Von den vnnützen contracten der habe halb. lxxij

Decem capitula.

Zehen capitel vom kauffen. lxxiiij

De actione ex vendito.

Vom verkauffen. lxxvij

Was vntreüw oder arger list sey / was grosser / leychter oder der leychtst vnfleyß sey. lxxviij

De actione ex conducto.

Vom besteen oder entlehen zehen capitel. lxxviij

De actione locati.

Vom hinleyhen vier capitel. lxxxj

De actione pro socio.

Von clagen deren die inn geselschafft seind. lxxxij

De act(i)o(n)e ma(n)dati directa.

So einer de(m) and(er)n gewalt gibt. lxxxviiij

De co(n)traria actio(n)e ma(n)da(ti).

So d(er) procurator clage(n) wil wider den d(er) im gewalt geben hat. lxxxv

De actione depositi.

Von vordern der habe die zů behalt(e)n geben ist. lxxxvj

De actione contraria depositi.

Wider den / der zů behaltenn geben hat. lxxxvij

De actione tutele.

Vonn der clag wider kindtvögt oder den vormundt. lxxxvij

De co(n)traria actio(n)e tutele.

Wider die der vogt od(er) vormundt du gewesen bist. vc

Co(m)mo dati directa.

Von der clag des entlehens. xc

Contraria co(m)modati.

Wider die clag des entlehens. xc

De pignoraticia directa.

So der schuldner das pfanndt wider vordert. xcj

De (con)traria et pignorati.

A v

(9) Register

Dise clage gebürt dem glauber wider de(n) schuldener vo(n) des pfands wege(n). vcij

In q(ui)bus casib(us) pignus tacite contrahatur.

In wölchen puncten die habe schweygendt verpfändt ist. xciij

De actio(n)e prescriptis verbis estimatoria.

So die verkaufft habe oder dz gelt nit würt wider geben. vciij

De prescriptis verbis. de permutando.

So wir etwas gen einander verwechselt haben xciij

De actione descendente ex re iudicata.

Von der clag die vns gebürt vß dem vrteyl das in krafft gangen ist. xciij

De actione que oritur ex confessione.

Von der clag die vns gebu(e)rr vom bekennen / oder der vergicht. xciiij

De actio(n)e ex stipulatu p(ro) dote.

Dise clag gebüre(n) vmb die morgengabe. xciiij

De aq(ua) pluuiali arcenda.

Von regenwasser zů zwingen. xcv

De pastu pecoris.

So mit deim willenn dein thier mir schaden thůt. xcv

De actione ex testame(n)to.

Von der clage die vß dem Testame(n)t gebürt. xcv

De actione ex stipulatu.

Von der clag vß verheissen. xcvj

De actio(n)e ex stipulatu arbitraria loci.

Aber vß verheissen etwas zů thůn an einer nemlichen statt. xcvij

De act(i)o(n)e ex stipulatu presumpta ex tempore.

Von der clag die vns auß der zeyt gebürt. xcvij

Furti non manifesti.

Von heimlichem diebstal. xcvij

De tigno iniuncto.

So du einen frembden sparre(n) in dein zymmer gebauwen hast. xcvij

Arbor(um) furtim cesarum.

So dir dein baum dieblich abgehauwen ist. xcviij

De actio(n)e reru(m) amotaru(m).

So die eeleüt einander stelen. xcviij.

De ratiocinijs distrahendis.

Wider die vögt od(er) vormu(n)d die die farend habe in ire(n) nutz kere(n). xcviij

De actione legis aquilie.

Wider den der dir schaden thůt. xcix

Si quadrupes pauperie(m) fecisse dicatur.

Wo ein vierfüssiges thiere schadenn thůt. Ciij

Wider den rat od(er) richter der kein vogt oder vormundt geben hat. Ciij

De act(i)o(n)e qua(n)to minoris.

So einer ein gebrechlich habe gekauft hat. C.iiij

Quanto pluris.

So einer ein habe zů theüwer kaufft hat. C.iiij

De actio(n)e p(re)scriptis v(er)bis.

So einer mit geding ettwas gekaufft hat vnd nicht verpeent ist. C.iiij

In factum subsidiaria.

Dise clag gebürt so der obern clagenn kein stat hat. C.iiij

De senatusco(nsulto). velleyano.

(10) Register

Die velleyanisch constitutz saget wes die frawen gefreyet seind. C.v

De senatusconsulto macedoniano.

Die macedonianisch co(n)stitutz von den sünen. C.v

Ad senatusco(n)sultum sylleyanum.

Die sylleyanisch constitutz das die herren vor ire(m) haußgesindt sicher sein. C.vj

De senatusconsulto trebelliano.

Die trebellianisch constitutz. So einer stirbt vnnd in seim Testament ein erben gesetzt hat. Cviij

De senatusco(n)sulto cleme(n)ciano siue terculiano.

Die terculianisch co(n)stitutz gebürt den waisen / vnd denen die noch nit fünff vnd zweintzig iar alt seind. C.vij

De consulto violano siue pansiano.

Wider die die zymmer vßbrechen vnd verkauffen. C.viij

Constitutio diui Marci.

Des loblichen Keyser Marci constitutz wider die glauber / vnnd kompt dem schuldenern zů hilff. C.ix

Vnde vi.

Des aller theürste(n) keysers Justiniani co(n)stitutz wid(er) die die gewalt thůn. C.ix

Lex. Meminerint (et)c.

Aber keyser Justiniani constitutz die gewalt strafft. C.xiij

Lex. Si quando.

Aber des selb(e)n Keysers constitutz ein die gewalt strafft. C.viij

Lex. Cum querebatur.

Aber des Keysers Justitiani constitutz eine die gewalt strafft / cum querebatur in latein. C.xiiij

Lex. Non ab re.

Des keysers Zeno Constitutz / strafft ein yegklichen der in frembden name(n) ein habe innhelt. C.viiij

Lex. Constiterit.

Des keysers Constantini co(n)stitutz wo zwen anstösser irer gütter mit einannder kriegen. C.xiiij

Honorius vnnd Theodosius beide Keyser straffen die Christen die da Juden und Heiden berauben. C.xv

Aber zwo co(n)stitutz keyser Justiniani. wo d(er) glauber eins für das ander zů pfande nympt. C.xv

Titel des andern teyls.

De accusatio(n)ibus inquisitionibus. et quotiens crimina in modum exceptionum opponuntur.

Vonn dem verclagen vmb die übelthat zů erfaren / vn(d) wie offt die missethat in exception vßzügen weyß opponiert vn(d) fürgeworffen mög werden. C.xv

Qui accusare no(n) possunt.

Wer die seind die nit verclagen möge(n) vnnd das vmb der scham willen des geschlechts als die frawen. C.xvj

Wölche nit verclagen mögen von irs alters wegen. C.xvj

Qui propter delictum accusare non possunt.

Die nit verclagen mögen vmb irer übelthat wegen. C.xvij

Qui p(ro)pter turpe lucru(m) (et)c.

Die nit verclagen mögen vmb schentlichs genieß willen (et)c. C.xvij

Qui propter inopiam accusare non possunt.

Die nit verclagenn mögen vmb irer armůt willen. C.xvij

(11) Register

Qui propter reuerentiam persone accusare non possunt.

Die nit verclagen möge(n) vmb des wesens od(er) reuere(n)tz willen d(er) person C.xvij

Qui publico crimine damnati accusare non possunt.

Die nit verclagen mögen darumb dz sie von gemeyner übelthat vnnd malefitz wegen verdampt seind. C.xvij

Laicus clericum non accusat.

Die vom verclagen werden auch abgetriben vß andern vrsachen. C.xviij

Repelluntur ab accusatione inimici (et)c.

Die nit verclagen mögen darumb dz sie eins feynd seind. C.xviij

In wölchen casus vnnd puncten die obgeschriben zům verclagen zůgelassen werden. C.xviij

Qui accusari no(n) possunt

Wölche nit verclagt mögenndt werden. C.xix

De accusationibus.

Was verclagung sey vmb sünde vnd missethat. C.xx

Quomodo in accusatione procedatur.

Wie in der verclagung procediert soll werden. C.xx

Quomodo contumacia accusatoris puniatur.

Wie die vngehorsamkeit des verclagers gestrafft sol werden. C.xxiij

Quomodo puniatur co(n)tumacia rei.

Wie die vngehorsamkeit des verclagten gestrafft sol werden. C.xxiij

Quando iudex inquirere possit.

In wölchen übelthaten der richter vo(n) seins ampts wegen inquirieren / erfaren vnd procedieren möge. C.xxvj

Qui ex offico de crimine inquirere et procedere possunt.

Wer die seind die vonn ampts wegen vmb die übelthat vnnd malefitz erfaren vnd procedieren mögen C.xxvj

Quando iudex inquirere per se potest.

Wann der richter von ampts wegen procedieren möge. C.xxvij

Exceptiones co(n)tra inquisitionem et eius processum.

Mit wölcher exception du dich wöre(n) magst / so wider dich von ampts wegen inquiriert vn(d) procediert würt. C.xxvij

Que ad inquisionem requirantur.

Was nottürfftig sey / vn(d) wie vil / vff dz das inquiriert vn(d) von ampts wege(n) procediert möge(n) werde(n). C.xxviij

Iudicis officium in procedendo.

Wie der richter vonn ampts wegenn procedieren sol. C.xxviij

Defensio inquisiti et appellatio.

Wie sich der wören vnnd beschirmen mag wider den also procediert würt / vn(d) wie er appellieren mag. C.xxix

Quomodo crime(n) in modum exceptionis opponitur.

Wie offt die malefitz vnd übelthat in exception weyß fürbracht vnd opponiert mag werde(n) / vn(d) wölche vrspru(n)g vn(d) krafft die übelthat also fürbracht hab. C.xxx

De purgatione.

Wann vnd wie sich einer entschuldigen mag vnd můß. C.xxx

(12) Register

De custodia reorum.

Wann vnd wie die verclagte(n) oder geschuldigte(n) behüt sollen werde(n). C.xxxj

De priuatis carceribus.

Von den sunderlichen kerckern vnnd gefencknüssen. C.xxxij

Si reus u(e)l accusator mortuus fuerit.

Wo der verclagt oder der geschuldigt tod were oder stürbe. C.xxxij

Si quis imperatori maledixerit.

Wölcher de(n) keyser übel sprech. C.xxxij

Ad lege(m) iulia(m) maiestatis.

Von der übelthat lese maiestatis. das ist verletzigung des Keysers. C.xxxij

Ad legem iulia(m) de adulterijs et stupro.

Von dem eebrechen vnd iunckfrawe(n) zerstören. C.xxxiij

Ad lege(m) iuliam de vi publica vel priuata.

Von gemeynem vnnd sunderlichem gewalt. C.xxxv

De raptu virginu(m) seu viduarum. necnon sanctimonialium.

Von rauben der iunckfrawen / witwe(n) vnd closterfrawen. Cxxxvij

De eme(n)datio(n)e p(ro)pinquor(um)

Vonn der straffe der gebornen nahen freündt. Cxxxij

Ad lege(m) cornelia(m) de siccarijs.

Von manschlacht vnnd mörderey. C.xxxvij

De his qui parentes vel liberos occiderunt.

Von den die ire elter oder kindt getödt haben. C.xxxix

De maleficis (et) mathematicis et dictis similibus.

Von den zauberern vnnd denen die sich der verbotten kunst annemen zů treyben vnd warsagen. C.xxxix

De sepulcro violato.

Vonn denen die todten(-)greber zerstören. C.xl

Ad legem fauiam de plagiarijs.

Vonn denen die eim sein eeweyb oder kindt hinfüre(n) / verkauffen / oder sunst empfrembden. C.xl

Ad legem corneliam de falsis. actio subtilis.

Von falscherey in gemeyn. C.xl

De falsa moneta.

Von falscher müntz. C.xlj

De mutatione nominis.

Von d(er) wandelung des name(n)s. Cxlj

Ad lege(m) iulia(m) de ambitu.

Von de(m) geytzigen d(er) eren. C.xlj

Ad legem iulia(m) repetundarum.

So der richter ettwas thůt das er nitt thůn solt / oder etwas vnnderwegen laßt das thůn solt. C.xlij

Ad lege(m) iulia(m) peculatus.

Von denen die gemeyn gelt einer statt hinleyhen. C.xlij

De crimine sacrilegij.

Wo geweycht habe vonn geweychter statt genom(m)en würt. C.xliij

De seditiosis et his q(ui) plebem audent contra rempublicam colligere.

Von den die zwytracht oder vflauff machen. C.xliij

(13) Register

De crimine expilate hereditatis.

Wo einer vonn eim frembden erbe stilet. C.xliij

De crimine stellionatus.

Wie einer der die warheit verwandelt hatt vnd gelogen gestrafft mag werden / als wo einer zweyen versetzt od(er) verkaufft ein habe / vnnd wo einer auff redlich leüt leüget (et)c. C.xliij

De his qui latro(n)es vel in alijs criminibus reos occultant.

Von den die die übelthäter verberge(n) oder herbergen. C.xliij

De requirendis reis.

Wan(n) vn(d) wie die geschuldigte(n) gesůcht vn(d) nach in geforst sol werde(n). C. xliiij

De questionibus.

Wann vnnd wie der übelthäter vmb die warheit zů erfarenn gepeiniget mag werden. Cxliiij

Vt intra certa te(m)pora criminalis questio terminetur.

In wölcher zeyt die peinlich b(e)clagu(n)g volendt sol werden. C.xlv

Ad senatusco(n)sultum turpilianum.

Wie der verclager einer gemeynen übelthat gestrafft soll werde(n) so er bößlich davon gelassen hat. C.xlv

De calumniatoribus.

Wie der calumniator das ist der freuenlich oder falsch verclaget / gestrafft sol werden. C.xlvj

De penis.

Von der peen in gemeyn der übelthat vnd malefitz. C.xlvj

Etlich frag die auff die statut der stett in der verclagung dienen. C.l.

De bonis eoru(m) qui mortem sibi constituerunt.

Von denen die in selbs den todt thůn vnd iren güttern. C.lj.

De sententiam passis et restitutis.

Von den die von der peen erlößt werden als d(er) richter dz vrteyl gebe(n) hat. C.lj.

Hie endet sich das Register diß bůchs.

(14) Sebastianus Brandt.

Der richterlich Clagspiegel gnant

Bin ich / vor nit als wol erkant

Des halb ich lang zeyt bin verlegen

All Cläg setz ich / vnd richt zů wegen

Verstandt der Titel aller rechten /

Wie man dar vß schirme(n) mög vn(d) fechte(n)

Deß gleych mit vßzüg sich erwören

Das man bey gůt bleyb vnd bey eren

Von gůttem recht nit werd getrungen

Teütsch red ich mit lateinischer zungen

Darumb hab man der wort wol acht

Die vß latein seind Teütsch gemacht

Die seind (so vil möglich gewesen)

Verteütscht das yeder die mag lesen

Dar vß nemen gůtten verstant

Mich hat gemustert doctor Brant

Vnd den Clagspiegel recht genant.

Nun volgent hernach die Titel des ersten Teyls diß bůchs.

(15) (Holzschnitt)

(16) Das I Blat

(1. T., 1. K.) Actio de his que in fraudem creditorum.

WAnn der schuldener in untreüwe seines creditors oder glöubigers verstoßt vnd empfremdet sein habe / mag der creditor alle empfremte habe widerrüffen vn(d) rechtlichen vordern durch dise clage.

ff. de. act. et obli. is cui. Vnd das dir dise clag gebüre / ist nottürfftig.

Am ersten das es schulde sey die da rechtlich gefordert mag werden.

ff. de bis que in fraude(m) creditoris omnis. Am andern das die creditores veruntreüwet werden mit radte vnd mit geschicht / das ist so einer weißt das er schuldig ist vnd empfremdet alle sein hab farends vnd ligens / so verdencket man sich / er hab es in vntreüw empfrembdet.

ff. de proba. l. patronus. Empfrembdet er aber nur ein teil seiner habe / oder ein sunderliche habe / als einen rock oder wisen / so er sunst mer hat / dan(n) růwet das verdencken / vn(d) můß d(er) creditor bewysen dz solichs in vntrewe b(e)stossen vn(d) emppfre(m)det sey.

vt. ff. de bis q(ue) in fraudes credito tum. l. j. Am dritte(n) můß d(er) creditor vor / alle habe des schuldners mit recht ersůcht / ine dauo(n) gestossen vn(d) inne(n) habe(n). Ee dan(n) er die beclage die die fre(m)bden habe besitzen.

ff. de bis que in fraude(m) creditoris qui autem. Am vierde(n) dz derd(er) dz nympt vo(n) de(m) empfre(m)der / dz neme vß gewynlicher sach / oder dz er wiß die vntrewe / wan(n) besitzet er die habe vß gewynlicher sach / so ist er schuldig er wiß die vntrew od(er) nit. Dise clag gebürt den creditoribus auch / so d(er) schuldener das sein also heimliche(n) verstossen hat / das in der richter zwing zů sagen wo ers hin verstossen hat / oder ine in einen kercker lege / als lang biß er sagt wo er die habe hab hingethan.

Formier also dein clage.

Herr richter ich clag eüch das .N. mein schuldener in hundert gulden hat sein habe heimlichen also verstossen / oder hat es andern leüten zů behalten geben / mir zů schaden / also das ich mit recht vor eüch behalten hab / das ich bin yn(-)gesatzt in sein hab. Nun find ich nit an seiner habe die er also empfrembdet vnd verstossen hat, das ich dauo(n) betzalt mög werden / so sind ich auch nit die selbe empfrembte habe. Bitt ich eüch sollichs zů erfaren souil vnnd gnůg ist / vnd mit eüwerm rechtlichen spruch erkennen das mein schuldener also lang im kercker oder im thurn sol ligen / biß das er offenbart die / den er sein habe zů kauffen / zů behalten oder zů verstossen hat geben / vnnd heissendt inen eüwer diener ynlegen in solliche gefencknüß das bitt ich eüch.

In diser clag formier dise drey form.

Die ersten / als vor eüch.

Herr richter ich clag über Petrum vnd sprich das .N. besitze ein hauß gelegen in der gassen / an einer seyten an Hans (et)c. stoßt vff Paulum an d(er) andern / das selbig hauß hat mein schuldener in .x. gulden die ich im gelühen hab / mir zů schaden vnd in vntreüwe empfrembdet in Petrum (et)c. in kauffes wyse / vnd der selb Peter hat solche vntreüwe gewißt / vnd so ich nun die habe meins schuldeners ersůchet mit recht vnd in(n)hab / vnd die selb habe nit gnůg ist für mein schulde die er mir schuldig ist. Bit ich eüch solichs zů erfarn souil vnd gnůg ist / vnd erkennen mit eüwerm rechtlichen spruch / das mir der genant Petrus. solle widergeben das genannt hauß / mit den nutzen die er von

B

(17) Der Erst Teyl

der zeyt der empfremdung yn(-)genom(m)en hat / die ich schätz an .x. gulden / vnd mit allen den nutzungen / vnd gerichts(-)schäden die hinfür kom(m)en werde(n) / vnd zwinget in dartzů das er mir solliches gebe bey zymlichen penen.

In diser clag steet mit namen .x. gulden schulde ich (et)c. zů versteen das er mir nit schuldig ist vß malefitz / wann das recht spricht nit das der creditor vß malefitz möge widerbringe(n) empfrembte hab in untreüw / vn(d) solt versteen den schaden an geltschulde / darumb du im dein habe geben hast.

In der clag steet in kauffs weyse / vn(d) das er an der vntreüwe teil hab / wan(n) so die empfremdung nit geschicht vmb sunst / můß der in den die empfrembdung ist geschehen / an der vntreüw teil haben (et)c. die nutzung von dem erdtrych / vnd der gerichts(-)schaden kom(m)en in verdamnung / wann die nutzung in hangender sach yngenom(m)en möcht sein wordenn / were aber frucht gesayt vor der zeyt vff die äcker / vnd yngenom(m)en / die kom(m)en nit.

Die ander form ist so vmb sunst ist vnder den lebendigen empfrembdung geschehen / als so einer dem andern gibt sein habe in vntreüw seins creditors / formier die clag glych als vor / dan(n) du solt nit setze(n) dz der in den die empfrembdung geschehen ist / hab teil an der vntreüwe / oder sie gewißt habe.

ff. de bis que in frau. credi. l. qui autem. Die dritte form ist / so empfrembdt würt an dem todtbet. So formier in aller maß wie vor / dan(n) du nit setzen solt das vntreüwe darin(n) geschehen sey / wan(n) darin(n) würt angesehen das ende.

Du solt wissen das nit allein habe kom(m)en in dise clage / sunder auch ob der empfrembder anderßwo schuld hette / doch vnderscheidenlich / hat mein schuldener den der im mitt geding schuldig ist gewesen ledig gesaget / gebürt mir dise clage, das sich der selbe schuldner widerlege in die vorigen verpflichtung oder schulde. Vnd also formier dein clage.

Herr richtter ich sag / dz Roderus mein schuldner in zehen gulde(n) / hat ledig gesagt mir zů schade(n) Petru(m) rychardi / d(er) selb petrus wz im schuldig als im Rodero geschafft was am todtbeth zehen gulden mit geding / were es dz ein schiff käm vo(n) Paryß. So ich nun habe Roderi meins schuldners mit recht ersůcht vnd innen hab / vnnd mit der habe nit mag bezalt werden. Darumb bitt ich eüch / dz ir den vorgenanten Petrum Rychardi wöllend mit eüwerm rechtlichen spruch dartzů zwinge(n) / dz er sich in die vorgenante(n) schuld wideru(m)b lege.

ff. de bis que in fraud. credi sit pretor. Wer aber die schuld lauter von der / der schuldner were vntreüwlich gelediget / so sol der creditor clagen vff den schuldner / das er das gelt betzale / vnd den wůcher von der schulde / von der er mir in vntreüwe gelediget ist.

So der schuldner verkauffet in vntreüwe der creditoren / vnd die creditores die habe mit recht von dem kauffer bringen / sollen sie dz gelt dem kauffer nit wider geben / es were dan(n) sach das das gelt nit vorhanden were / möcht d(er) richter es heissen wider geben / wann also geschehe nyemandt vntreüwe / verkaufft aber der vntreüw keuffer eim andern die habe / der solichs nit weißt / der ander kauffer ist nit schuldig wan(n) er mangelt vntreüw. Aber der erst kauffer der vo(n) seim verkauffen hat das gelt genommen / ist schuldig das gelt wider zů geben den creditoribus.

ff. e. q(uo)d autem. Am letstenn mercke / das die creditores nit veruntreüwet werdenn / so mitt

(18) Das II Blat

irem willen der schuldener empfremdet sein habe / oder einer vß den creditorn mit der andern willen betzalet würt / wann nyemandts würt mit seinem willen veruntreüwet.

Item was du hie innen nit vindest / sůch .C. de reuocandis que in frau. credi. alienata sunt. im achten bůch am letsten.

(1. T., 2. K.) Fauaina.

Wann der libertus / das ist der der eygen ist gewesen / vnd in vntreüw seines patrons / das ist des der in frey hat gemacht / empfremdt sein habe / mag der patron die empfremdten hab wider bringen durch dise clage.

Das dem patron gebür dise clag / seind diß ding notturfftig.

Am ersten das der libertus todt sey / dann die weyl libertus lebt / hat der patron keinen teil an seins libertus habe.

ff. de suis et leg. l. intestato. Am andern das er sein patron sey. Patron verstee einem yegkliche(n) der sein eygen menschen frey macht / es sey vß freyem oder getzwungen willen.

ff. si q(uo)d in frau. pa. l. ij. Am dritten das der libertus nit hab seine kindt im testament zů erben gesatzt / wann also entfliessen sie dem patron. Hat aber libertus kein testament gemacht vnnd stirbt / vnnd het so vil empfremdt das dem patron sein teil nit möcht werden / gebürt dem patron dise clage.

Insti. de success. liber. §. ss nostra. Am vierden das der libertus mer sol haben dann hundert gulde(n) wert / hat er minder / so mag er gantz seim patron entfliessen.

Am fünfften hett libertus so vil empfremdet in seinem leben / das nach seinem tod nit hundert gulden wert da belibe / wer die empfremdung geschehen wider das recht / so möcht der patron seinen teil widerrüffen.

Am sechsten das die empfemdt habe noch vor(-)handen sey / anders der ist nit schuldig in dem die empfremdung geschehen ist. Also formier dein clage.

Herr richter ich sag eüch das Roderus neüwlich gestorb(e)n / hat besser dan(n) hundert gulden wert gehabt / die wissen aldo (et)c. gelege(n) / in seim lebe(n) vmb sunst in Ticium empfremdt / mir als seine(m) patron zů schaden / hat auch einen fremden zů einem erben in seinem testame(n)t gesatzt / dannoch hat er meer dan(n) hundert gulden wert gelassen / über die entpfremdung / wann der vorgenant Ticius besitzet die wisen. Darumb so bit ich eüch richter / das ir solchs erfaren so vil vnd gnůg ist / vnd erkennen mit eüwerm rechtlichen spruch / das mir der genant Ticius sol wider geben den dritten teil an der wisen / mit der nutzung dauon yngenommen / gerichts(-)schaden / vnd nutzung hinfür kom(m)enden / vnd zwingt in dartzů mit zymlichen penen.

ff. si q(uo)d in frau. pa. l. j. §. j. Item so der libertus empfremdet sein habe am todbeth / stürbt er dan(n) / so ist nicht not in d(er) clag zů setzen mir zů schaden / wan(n) da wirt angesehen das ende.

ff. si q(uo)d in frau. pa. l. j. §. f. Item verkaufft der libertus sein habe zů wolfeil / mag libertus das überig wider vordern / dann dise clag hat anders nit stat / dann so die empfremdung geschicht vß gewynlicher sach / daru(m)b mag der libertus sein kind in vntreüwe seins patrons verheimste wern.

ff. c. si q(uo)d in frau. pa. Julius libertus. Auch mag er gebe(n) im lebe(n) seine(n) gůtte(n) fründe(n) / hab(e)n sy es vm(b) in v(er)dienet (et)c.

(1. T., 3. K.) Caluisiana.

B ij

(19) Der Erst Teyl

ff. c. si q(ui)d in frau. l. viri. Arrogiert oder nympt einer einen an seins kindes statt / vnd in zů seine(m) kind. Darnach empfremdet er ettwas seiner habe in schaden des genom(m)en kindes / also das im gemynnert würt sein vierteil am erbe / das im gebürt vonn gesetz des keysers Pij / mag das genom(m)en arrogatus kindt wider vordern / das empfremdt durch dise clage. Wie soll ich es nemen geschehen sol vnnd krafft hab frag die gelerten oder sůch das recht geschrib(e)n. ff. de adop. l. si paterfa. §. in arrogationibus. et. in. l. sequen. et insti. de adop. Also formier dein clage.

Herr richter ich clage eüch / das .N. besitzt etlich hab .N. vnnd .N. die .N. mein vatter mir zů schaden vn(d) in vntreüwe empfremdt hat / vff das mir das vierteil meins erbs geminderet werde / das mir vom gesetz des keysers Pij gebürt. Bitt ich eüch sollichs erfaren souil vnd gnůg ist / erkennen mit eüwerm rechtlichen spruch /das mir der genant .N. die genanten hab sol widergeben / mit der nutzung dauon yngenommen / gerichts(-)schaden vnd nutzung hinfür kom(m)ende / vnd das er mir sollichs geb zwingt in dartzů mit zymlichen penen.

ff. c. si quis a pa. fu. ma. l. j. in fi. et. l. ij. Merck verthůt vn(d) empfremdet der vatter das sein das dem eelichen kindt nit zů erb werde / das selb kindt hat diß recht nit.

Nun volgen zwo clag / die ein heißt redibitoria / die ander quanto minoris von den du hast hernach / nach der clage wann ein zymmer oder bawe trauwet zů fallen.

(1. T., II. Bl. 4. K.) Ediliciana.

Dise clag gebürt in mancherley weg.

Am ersten so die verkaufft habe ist widergeben dem kauffer / das gelt nit widergeben mit seiner zůgehörunge.

Item so dem verkauffer würt nit widergeben das gewunnen ist / mitt dem eygen menschen.

ff. de edi. edic. q(uo)d si nolit. §. in fructum. Herr richter ich clag eüch von .N. der hat mir zů kauffen geben ein pferdt das den siechtagen hat .N. vnd so ichs im widergeben hab / hat er mir dz gelt nit wider geben. Bitt (et)c. das er dz gelt sol wider geben. In d(er) person des verkauffers formier diß clag. Eüch herr richter clag ich .R. wider den .N. de(m) hab ich geb(e)n zů kauffen ein sieches pferdt oder eygen menschen / des hat er mir mit recht anbehalten das ichs wider můß nemen / vnd hab es wider genommen / er hat aber nit widergeben das er mit meim eygen menschen gewunnen hat.

Bitt ich (et)c. das er mir sollichs auch geben sol / vnnd das er mirs gebe / zwingt in dartzů mit zymlichen penen.

ff. de edi. edic. q(uo)d si nolit. §. fi. Ist im kauff gedingt / sey dz dir der kauff mißfall das d(er) kauff nichts sey (et)c. gebürt dise clag in viertzig tagen.

Herr richter ich clag eüch von .N. der hat mir das .N. zů kauffen gebenn / wer das es mir mißfiel solt ichs im widergebenn. Nun gefelt es mir nitt. Bitt ich eüch zů erkennen durch eüwern rechtlichen spruch / das er solliches sol wider nemen / vnd zwingt in dartzů mit zymlichen penen.

Item so das pferdt mit seinem zeüg / oder der eygen mensch mit seinem cleide vnd schmuck oder getzierde verkaufft ist worden / das pferdt oder dz mensch würt on das getzierd widergeben / gebürt diß clage.

ff. c. ti. ediles. Herr richter ich clag eüch vonn .N. der hat mir widergeben ein pferdt oder

(20) Das III Blat

ein eygen menschen den ich im mit solichen zierden het verkaufft. Nun in der widergebung / widert er sich das getzierde oder cleidung widertzůgeben. Bitt ich eüch aber als vor (et)c. In viertzig tagen sol dise clage gescheen.

ff. de edili. edic. bis enim. Dise clag gebürt einem yegklichen so an eine(m) offen gemeinen wege einer hat einen beyssenden hundt / hawendt schwein / beren / löwen / od(er) ein ander schädlich thier / es sey gebunden oder ledig das schaden thůt oder thůn möcht.

ff. de edili. edic. bis em(m). et de popula. acti. l. vlt(i). Herr richter ich clag eüch vonn .N(.). der an der verbotten offen strassen hat einen beyssenden hundt / oder ein ander thier das schaden mag thůn / das hat schaden gethan / wan(n) den menschen hat es gebissen oder getödt / wan(n) nun sollichs wider den gemeinen nutz ist / vnnd wider das gantz volck. Bitt ich eüch in zů verfellen in zweyhundert gulde(n). Also clagt er als einer vom volck so einem andern schaden geschicht / vnd wert dise clag nit über dz iar / wan(n) dir selbs schaden ist geschehen / am leybe / ist dise clag ewig / vnnd mag der richter verdammen als in billichen bedunckt / geschicht dir aber sunst schaden an deiner habe / sol die verdamnung geschehen zwyfach.

(1. T., 5. K.) Exercitoria.

ff. c. l. j. §. exercitorem. Hat einer ein schiff vff dem mere oder vff einem schiffrych(e)n wasser / bestelt ein schiffmann zů dingen vmb die fůre vnnd ander handel zů tryben mit irer kauffmanschatz zů füren / ist der exercitor schuldig vmb allen den handel der mit dem schiffman gehandelt ist worden. Der heisset der schiffmann dem die regierung des gantzen schiffs empfolhen ist / offennlich oder schwygendt. Der heisset exercitor dem die nutzung des schiffs zů gehören vnd sie ynnympt / das schiff sey sein oder nit / er hab das schiff bestannden ewig oder vff zeyt / also das verlust vnnd gewin im zů stee / es sey fraw oder man(n) / iung oder alt / doch mit seiner vormünder gunst vnd willen sol er den schiffman bestelt haben.

Das dise clage gebüret ist notturfftig.

Am ersten das ein schiffart sey.

ff. c. l. s. §. si ples. Am andern das der schiffman bestellet were von dem exercitor / vnnd die ampt vnderscheiden weren mit wölchen ich handel vnd contrahier / ist mir d(er) exercitor schuldig / hat aber mir der exercitor verbotten das einer on den andern nichts handeln sol vnd contrahieren / der mit eim allein geschafft vn(d) contrahiert hat / hat im den schaden. Also formier dein clage.

Herr richter ich clag eüch von .N. als er .R. bestellet hat einen schiffmann seins schiffs / hab ich mit im über ein kom(m)en / dz er mich mit meiner kauffmanschatz solt gen Cöln füren / dz hat er nun nit gethon / solchs schadt mir .x. gulden. Bitt ich eüch sollichs zů erfaren souil vnnd gnůg ist / vnnd erkennen mit eüwerm rechtlichen spruch / das im sollichs nit zymlich sey gewesen / dz er mir mein schade(n) sol widerkere(n) / vn(d) dz ers thů / zwingt in dartzů mit zymliche(n) pene(n).

(1. T., III. Bl. 6. K.) Institoria.

Deßglychen ist so einer sein sone / eygen menschen / oder einem ander freyen menschen empfelhet ein schenckstat oder annder gewerb zů tryben / kauff oder verkauff ich mit dem sollichs empfolhen ist / gebürt mir dise clag wid(er) den herren oder vatter der schenckstat oder des gewerbs.

Am ersten dz der empfelher sey über .xv. iare / ist er aber darunder / das

B iij

(21) Der Erst Teyl

sollichs geschehe mit seines vormunds heissen anders er wer dan(n) auch schuldig in de(m) contract darin(n) er richter wer worden. Also soltu formiern dein clage.

Herr richter ich clag eüch von .H. der hat dem .T. entpfolhen sein gewerb zů tryben / de(n) selben .T. hab ich gelühen zweintzig gulden als er öle kaufft hat. Bitt ich eüch sollichs zů erfaren souil vnd gnůg ist / vnd mitt eüwerm rechtlichen spruch erkennen / das mir der genannt .H. sol die zweintzig gulden die ich .T. gelühen hab an der genanten kauffmanschatz / wider geben vnd bezalen / vnd das er mirs gebe zwingt in dartzů (et)c.

Vil hoflicher frag sein in disen zweyen clagen / die sůch in Azone. C. de exercitoria et institoria actione. l. iiij.

(1. T., 7. K.) Tributoria.

Nun vahet ein clage die heißt Tributoaria / die selb clage würt aber hie nicht getriben / darumb laß ichs vnderwegen.

(1. T., 8. K.) De in rem in verso.

Ist das vß dem handel vnd contract mit deinem sone oder eygen mensch(e)n geschehen / etwas in dein nutz ist gewant oder kommen / bist du schuldig souil vnd in dein nutz des contracts vnd handels kom(m)en ist.

ff. c. l. iij. Am ersten gebürt sich das dein sone oder eygen mensch dz gewerb mit deinem willen tryb / er trybs als dan(n) nutzlich oder vnnutzlich / so er kauffet salb(e)n vnkeüscheit zů trybe(n) / hielt der vatter sollichs kauffen stät / were ers gantz schuldig. c. l. §. vlt’ Kauffet aber der sone oder der eygen mensch frucht das gesind zů speysen / ob wol der haußuatter nit als vil kauffet / er ist schuldig.

ff. c. l. iij. §. sed si mutuator. Am anndern das der sone oder eygen mensch das gelt entlehen auff das es werde gekert in des herren nutz / vnnd das solliches geschehe / als deinem sone tůch ist kaufft / oder der tochter zů morgen(-)gabe geben / anders dise clag gebürt nit / wan(n) der creditor lyhet so sol er sehen wem er das sein gebe vnd getrawe.

Herr richter ich clag eüch von .H. von dem vorder ich fünff gulde(n) die ich seinem sone oder eygen menschen gelühen habe / oder so ein ander contract od(er) handel mitt ir einem geschehen ist sollichs gelt inn seinen nutz gekert ist. Bitt ich eüch sollichs zů erfarn (et)c. vnd darnach mit eüwerm rechtlichen spruch erkennen das er mir sollichs gelühen gelt sol wider geben / vnd das er mirs wid(er)gebe zwingent in dartzů (et)c.

Item deßglychen ist so du eine(m) münich gelühen oder zů kauffen geben hettest / vnd in seins closters nutz gekeret ist.

(1. T., III. Bl. 9. K.) Actio quod iussu perpetuo.

So der vatter oder herre heißt gewerb treyben mit seinem sone / oder eygen menschen / ist der vatter oder herre schuldig vß dem handel vnd contract.

ff. c. l. si tutor. §. si iussu. Am ersten ist notturfftig dz die person mit d(er) gehandelt od(er) contrahiert wirt sey in gewalt.

ff. c. l. j. §. iussu. §. si et rarum. Am andern das dem sone oder eygen menschen oder der person die co(n)trahieren vnd handeln so gebotten sey oder der herre oder der vatter vnderschrybe oder stät halt den contract.

ff. c. j. et. ff. man dati si tibi. Am dritten das der contract sey geschehen in der habe genant peculium in merce peculiari / vnnd nit in des herren oder vatters habe / wann also hat stat die clage mandati.

Herr richter ich clag eüch von .N. der ist mir schuldig zehen gulden darumb

(22) Das IIII Blat

ich seinem eyge(n) menschen oder seinem sone tůch zů kauff geben hab mitt seinem heissen oder willenn. Bitt ich eüch solliches zů erfaren souil vnnd genůg ist / vnd mit eüwerm rechtlichen spruch erkennen das mir der genant .N. sollich gelt schuldig sey / vnd das er mirs gebe zwingent ine dartzů mitt zymlichen penen mit verfellung der schaden.

Item deßglychen ist aber wider mit dem münich als du oben hast / wann der münich ist auch seins closters eygen.

(1. T., 10. K.) Actio de peculio.

ff. de pecul. l. ss et si damnu(m) cu(m). l. sc. Sich gebürt vß dem contract vnnd handel des sons oder eygen menschen noch ein clage der peculio / aber nicht vß malefitz / das peculium were dan(n) gemert vß malefitz des eygen menschen dan(n) gebürt dise clag wider den herren.

ff. c l. j. Am ersten sol die person als der eygen mensch oder son / sein in gewalt.

ff. c. peculium. et l. deposita. Am andern das der sone oder der eygen mensch hab sollich gůt mit des herren oder vatters willen.

ff. qua(n)do act. de pecu. est annalis l. j. Am dritten das der herre sey über fünff vnd zweintzig iar.

ff. c. et ancillarus §. si seruus. Am vierden das der eygen sey vß seins herren gewalt nit gelassen oder lebe / ist er aber vß gewalt gelassen oder todt / das dannocht nit ein iare vergangen sey. ff. c. si damnu(m). §. peculium. et. §. hinc. Wann als dann gebürt die clag wider den neüwen herren.

Am fünfften das dem herren der eygen nit schuldig sey / auch dem die bey im wonen / wan(n) der herre nympt sollichs vor von dem peculio gantz.

Item das die clag sey vmb habe vn(d) nit vß malefitz. Also formier diß clag.

ff. c. licet. §. ex ca(sus). Herr richter ich sag eüch das ich hab Petrum Růprechts eygen menschen gelühen .x. gulden. Bit ich eüch zů erfaren das peculiu(m) Peters vorgenant vn(d) mit eüwerm rechtlichen spruch erkennen / das mir der vorgenant Růprecht die gelühen .x. gulden sol geben / vnd das er mirs gebe / zwingent in dartzů (et)c.

Vil hoflicher casus schrybt Azo in seiner summa von den vorgeschribenn clagen. C. quod cum eo qui in aliena potestate est gestum esse negocium dicitur. vel de peculio. seu quod iussu. vel de in rem verso. l. iiij.

(1. T., 11. K.) De constituta pecunia.

So ich mich constituier vnd verpflicht / eim für ein andern zů betzalen / gebürt dem dem ich solchs verheissen vnd mich verpflicht hab clag wider mich.

Am ersten můß die schuld sein also das sie mit recht geuorderet mag werden / vnd nicht durch ein exceptio vernicht oder erstöret / vß wölchem contract vnd handel die schuld am ersten keins sey / in gericht / in zollen / in messen / in thieren / in menschen. Oder in ander gestalt / also das vß de(m) contract die schuld von dem ersten schuldener mag rechtlich geuordert werden.

Am andern das solliche verpflichtung geschehe von denen persone(n) die sich verpflichtet(n) oder verbinde(n) mögen / nit vo(n) denen die vnd(er) .xiiij. iaren sein / auch nit von furiosis / oder von einem dem ein vormundt vmb seiner geydigu(n)g wegen gesetzet sein / nit vnder .xxv. iaren on seiner vormundt willen sey.

Am dritten das die constitutz vnnd verpflichtung geschehe nit durch des frage dem ich mich verpflicht / sunder durch schlecht geding / wann geschehe solliches durch frage. Also / wiltu mirs für .N. geben / vnnd spricht als bald / dann ia ich wil dirs für in geben / hat diß clag nit stat / aber ein ander clag hat

B iiij

(23) Der Erst Teyl

stat genant ex stipulatu / von der du hernach hast.

Am vierden das ich mich selber personlichen constituier vnd verbinde zů betzalen. Also / ich will dirs für .N. gebenn / oder ich will dir gnůg für in thůn / oder ich will dir pfandt für inen geben. Sprecher aber / sorg nit du würdest betzalt / sollichs wer kein constitutz oder verbindung.

ff. c. l. promissor. Constituier vn(d) verbinde ich mich vmb mein oder vmb eins andern schuld genůg zů thůn / ich würd ledig gibe ich einen bürgen od(er) pfandt. ff. c. q(ue) au(c)t. Versprich ich aber einem menschen zů geben / nämlich der für mich versprech oder bürge werde / ichs bins schuldig / vnd ob ioch der selb nit bürg wolt werde(n) / stürbt er aber ee die zeyt kompt in der ich versprochen hab / bin ich nit schuldig stirbet er aber nach der zeyt in der ich versprochenn habe / so bin ich schuldig ein andere person zů geben oder stellen / der als gůt ist / oder den schaden abtzůlegen.

ff. c. l. bactenus. Wo ich mich aber der rechten waren schuld verbind oder versprich / so bin ich nicht schuldig über die rechten schulde. Also ob der schuld nur .xx. gulden weren / ich verbinde mich .xx. zů betzaln / bin ich schuldig über .xx. versprich ich .r. zů betzalen / allein bin ich die selbigen schuldig. ff. c. l. j. §. an(e)pe. Verbind ich mich vm(b) die rechte(n) schuld etwas and(er)s zů betzale(n) / bin ich schuldig. ff. c. l. promissor. §. j. Dise clag gebürt nit in den .x. tagen als das versprechen oder co(n)stitutz geschehen ist. ff. de soln. quod dicimus. Es soll der creditor nicht als bald kom(m)en mit dem sack bereit zů entpfahenn das versprochen ist. Insti. de accu. §. de pecunia. Dise clag wert vnderm iare.

Also formier dise clage.

Herr richter ich clag eüch das .T. ist mir schuldig .x. gulde(n) gelühens gelts oder in kauffwyse / od(er) vß verheissen. Nun hat Roderus mir die selben .x. gulden versprochen / oder sich verbunden zů betzalen für den genanten .T. Bitt ich eüch sollichs erfaren souil vnnd genůg ist / vnnd mit eüwerm rechtlichen spruch erkennen das mir der genant Roderus solche schuld soll geben / vnnd das er mirs gebe / zwingt in dartzů mit zymlichen penen.

(1. T., 12. K.) De vtili actione ex qua iuratur.

Von der clag so du etwas mit dem eyd behalten hast.

Hast du besessen etwas / das ich sprich es sey mein / vß vrsach als vff kauff gelühen zů behalten geben / oder gehört mir vo(n) erbfal zů / kurtzlichen vß was sachen ich die habe rechtlichenn vorder / vnnd du hast mirs heim gesatzt / das ich schwör das mein sey / ich schwöre den eyde / gebürt mir fürter diese clag wid(er) den besitzer. Das gebürt sich.

ff. c. ss. si po(r)t. ff. c. si pretor. Am ersten in dieser clag das die habe rechtlich gefürdert sey vmb deren willen geschworn ist.

Am andern das ich geschworen habe / mit deinem willen.

ff. c. si duo. §. si q(ui)s ve(n)didisse. Am drittenn das ich schwöre vß was sach das mein sey / als ich vorder .x. gulde(n) vo(n) .N. die ist er mir schuldig / als ich hab im ein pferdt zů kauffen gebe(n).

ff. de verb. ob. is cui. et de adopt. l. si tibi. §. furiosus. Am vierden das die person die schwören laßt nit sey pupillus oder vnnder xxv. iaren / im sol auch nit vormunde gesatzt sein.

ff. c. q(ue) iurasse. Wiewol kein vnnderscheid ist vnnder dem schwörer / er sey iung oder alt / fraw oder mann.

Herr richter ich clag eüch als ich vordert vo(n) .R. .x. gulde(n) daru(m)b ich im ein

(24) Das V Blat

pferdt zů kauffen het geben / der genant .R. setzt mirs heime / wolt ich schwöre(n) das er mir die .x. gulden vß der genanten vrsach schuldig were / also schwůre ich zů den heiligen das er mir schuldig were. Bitt ich eüch sollichs erfarn als vil vnd gnůg ist / vnd mit eüwerm rechtlichem spruch erkennen / das mir der genant .R. sollich .x. gulden vß der genanten vrsach schuldig sey vnd geben sol / vnd das er mirs gebe / zwingt in dartzů mit zymlichen penen.

ff. de iurein ran. no(n) crit. §. j. et. §. dinus pius. Item der eyd sol Christlich geschworen werden / wan(n) anders docht er nit.

C. de re. cre. et su reiuran. l. actori. Item schwöre ich mit deinem willen wie obstat das die hab mein sey / vnd setz nit dartzů vrsache(n) waru(m)b sie mein sey / gebürt mir auch dise clag / vn(d) darff in der clag nit setzen die vrsach. Hab ich vrsach im eyd gesatzt / gebürt mir die clag vß dem selben Contract so ich clag vnd in nit bewysen möcht / wann der eyd kompt an statt der bewysung. Exemplum. Ich hab geschworen ich hab dir den rock abkaufft vmb .x. gulden / den rock mag ich vo(n) dir vordern vß der clage vom kauffen / vnd ich bin dir schuldig das gelt zů geben.

Ein clag. Negociorum gestorum.

Merck in mancherley meinung / auch manncherley wegen werden die geschäfft deren die nicht ynheimisch sein geübet / vßgericht / vnd vollendt / darum(b) will ich hie setzen etlich libell vff das / das du etwas vonn diser clage wissest zů sagen / wann ich kan dise clag nit volkom(m)enlich in teütsch setzen / was dir aber herinn gebricht diser materien / vnnd diß Contracts halben / sůch in Rofredo in viern titeln Negociorum gestorum / vnd Azone de negocijs gestis. Wan(n) einer sich überuölligklich annympt in můte als ob ers allein üben vnd vßrichten wolt. Aber er übt nur ein geschäfft / vnd vmb sollichs übens willen / so hat ein ander der sunst seines nachgebauren sachen oder geschäfft übt vnd sůcht / meins geschäffts alles vnderwunden wolt haben / das fürbaß vnnderwegen gelassen / vnd in dem fall ist der Gestor pflichtig von allen geübten geschäfften / vnd was er vnderwege(n) gelassen hat / vn(d) in de(m) fall formier also dein clage. Herr richter ich clag eüch von .R. der hat mein geschäfft / oder wie du sollichs zů teütsch wilt machen / on mein heissen geübt oder vßgericht / vnnd hat sich sollichs vnderwunden als ob ers alles vßrichte(n) od(er) üben wolt. Bitt ich (et)c. erkennen das er mir rechenung thů / vnd den wert des schade(n)s den er mir mit argem list oder vnfleyß zůgefügt hat / mit thůn oder mit vnderwegen lassen vnd ob etwas überigs da sey / das er mirs geben sol / vnd das ers alles thů (et)c.

ff. de nego. gest. pomponius. Merck / als bald vnd er sich vnderwunden hat das ers alles wölle vßrichten / so ist er vmb alles pflichtig / vnnd darumb ist er pflichtig von argem list / grossem vnd leychtem vnfleyß / wo ers übel hat vßgericht oder versumpt hette. C. de nego. gest. tutor. Was die wort argelist / grosser vnd leychter vnfleyß / bedeüte(n). Sůch hernach in der clage vom verkauffenn im fünfften capitel am ende / wann wo er sich vnderwindt vßtzůrichten vnnd zů üben oder zů uersehen / so ist es ein contract / darumb so ist er pflichtig von allem geschäfft vnd von argemlist / grössern vnd leychtern vnflyß. Ich hab dir in ein gemeine diß libell gesatzt / wie aber vnd warumb er dir rechenung thůn sol / solt du setzen (et)c.

ff. de condi. inde Julianus. et. l. cum si. Item der Gestor sol rechenung thůn wie vnd wo ers vßgeben habe / vnnd was er yngenom(m)en hette. Vnd wann sollich rechenung geschehen ist / ist dan(n) etwas überigs da / das sol er heraußthůn geben.

(25) Der Erst Teyl

Item nit allein ist schuldig der / der sich aller ding angenom(m)en hat / vß zů richten / von inen allen rechnung zů gebe(n) / sunder auch der sich nur einer sach vnderwunden hat / vnd in dem selben fall formier also das libell.

Herr richter ich clag eüch von .R. der hat sich on mein heissenn meines geschäffts .N. vnderwunden vß zů richte(n) / vn(d) da sollichs Ticius sach der wolt sich aller meiner oder meines geschäffts vnderwunden haben / hat er sollichs vnderwegen gelassen / vnnd wann nun sollichs der genant .R. gewißt hat das er sich des genanten meins geschäffts vnderwand / darumb ist er pflichtig gewesen fürbaß alle mein geschäfft auß zů richten. Bitt (et)c. erkennen das er mir solle rechnung thůn / vnd den wert des schadens den er mit seinem argenlist oder grossem oder leychtem / vnfleyß gethon hat / mitt thůn oder vnderwegen lassen / oder mit bösem versehen / vnd das er mir das überig herauß gebe / vn(d) schaden ablege (et)c.

C. de nego. gest. Item merck das in disem fall der Gestor darumb gestrafft wirt / darumb er das gewißt hat / das ein ander alles sein geschäfft wolt versehen vnd vßgericht haben / vnd darumb so sol er wissen / das er ist pflichtig rechnu(n)g zů thůn vmb alles ander geschäfft das er vnderwegen gelassen hat / das solt du im libell auch melden / vnd den schaden auch bitten abtzůlegen / den solt du dann nämlich in dem libel bestym(m)en / wo du aber nit gewißt hast das Ticius alles geschäfft wolt vßgericht haben / wann du dann ein ding vßrichtest so magst on straff von den andern geschäfften lassen / wann es ist gnůg das du erfreüwet werdest in ein wenig arbeit eines frembdens.

Co(n)tra nego. ges. Item als dise clag gebürt dem / dem das geschäfft verwesen worde(n) ist / als gebürt sie auch widerumb dem der das verwesen hatt. Diser clag formier also dein libell.

ff. de nego. l. ij. Herr richter ich clag eüch vom .R. des geschäfft hab ich in gůttem glaube(n) on sein heissen mich vnderwunden / vnd hab sie nutzlich angehaben zů versehen vnd vßtzůrichten / vnd wann ich nun in den geschäfften des genanten .R. vßgeben hab .x. pfundt. Bitt eüch (et)c. mir die widergeben sol (et)c.

ff. de nego. gest. sed an. vltro. Item es ist gnůg das du sollichs habest nutzlich angefangen vßtzůrichten vnd ob es nit zům nutzlichen end kompt.

ff. de nego. gest. si quis ma(n)dato ticij. Item merck du habst die .x. pfundt vß deinem seckel geben / oder dich gege(n) eim andern obligiert / wan(n) du des pflichtig bist eben als ob du es nit habst.

Item du solt im libell nämlich bestymmen / warumb duß geben hast / vnd wie du sollichs schaden genommen habst.

Item vnderweyle(n) hat einer nit willen das ers alles / sunder nur eins wöll vßrichten vnd versehen / wan(n) in vier weg werde(n) d(er) nit anheimischen geschäfft od(er) gewerbe versehe(n) vn(d) vßgericht / als wo du hast in meine(m) namen ein pferdt kaufft vnnd ist dir übergeben worden / als bald ich das selb sttäte hab / mag ich dich beclagen das du mir das pferdt gebest. Also formier dein clage.

ff. de nego. gest. mandasti. Herr richter ich clag eüch von .R. der hat mein geschäfft verwesen on gewalt oder vngeheissen / vnnd hat ein sollichs pferdt in meinem namen kaufft vmb .x. pfundt / vnd ist im übergebe(n) worden. Nun hat der genant .R. durch seinen grossen oder cleinen vnfleyß in nit der euiction waren versprechen lassen / wan(n) ich nun den genanten kauff stät hab / vnd bin bereit im das gelt darumb

(26) Das VI Blat

das pferdt kaufft worden ist zů betzaln / bitt zů erkennen das er mir das genant pferdt geben sol / vnd als mir das / dz er im nit geweret hat verspreche(n) lassen .x. ß. schadt / das er mir die .x. ß. auch betzalen sol / vnd das er (et)c.

ff. de nego. mandasti tutori. et. l. si negocia. Item was im libell steet gebürt sich alles.

ff. c. si pupilli. §. idem sit. Item was in meinem namen geschehen ist mag ich steet haben / vnd darnach gebürt mir dise clage.

Item nota in vier wege heißt diß geschäfft frembde / wan(n) dise clag gebürt mir vmb frembdes geschäffts willen.

Lura et sollicitudine. Am ersten. Cura et sollicitudine / mit sorgfeltigkeit. Als wan(n) frembdes geschäfft mir gebürt zůuersehen / als ein vormund oder procurator / vn(d) als dan(n) bin ich schuldig / wo sollichs von eim andern vmb meinen willen vßgericht oder versehen würt. Re ipsa. Re ipsa / der habe halben. Ist das geschäfft mein wo du in meiner habe etwas vßgibst nottürfftiglich / vnd nutzlich etwas thůst / vnd also bin ich pflichtig hast du es in meinem namen gethan / hast du es aber in eins andern namen gethan dem das geschäfft nit zůgehört oder zůstůnde zů thůn / ich deßglychen aber schuldig vnd nit der selb.

Ratibabitiones. ff. c. si pupilli. §. Item queru(m). et l. si ego. Item wo aber in etlichen wege dz geschäfft in antreff / sůch sollichs in Azone vnd Rofre. de nego. gest. mit seiner vnderscheide. Ratihabitione / mit vest oder stäte haben. Ist das geschäfft mein das in meinem name(n) geschehen ist / vnd ich hab stät gehabt oder gewilliget / dan(n) wen(n) ichs offenlich oder schwygent stät hab / so gewin(n) ich recht dartzů / als du hast gelt in meine(m) namen vßbracht ich hab es stäte / oder hast etwas gekaufft in meinem name(n) / das verwillig vn(d) approbier ich / das vßbracht exactum vnd gekaufft würt mein.

Ipso gesto. ff. c. soluendo. Item in disem stäte habe(n) sůch aber Azonem wie ob stat mit seinem vnderscheid. Ipso gesto / mit d(er) that. Würt auch frembdes thůn als ob ichs gethan het / als wo einer mein glauber betzalt vnd ob wol solchs über meinen willen geschehe vnd nit wöste / wan(n) er löset mich wie wol er von meinen schuldener wider meinen willen nichts bringen oder vordern mag. Die natürlich vnnd rechtlich vernunfft redt vn(d) will / alienam conditione(m) / frembdes wesen mögen besser werden / des ders nit weißt / vn(d) auch des wider des willen dz geschicht aber dz wesen dz d(er) fre(m)bd nit weißt vn(d) nit wil / mag nit böser werde(n). ff. c. cu(m) pecunias. et. l. que vtiliter. §. vlti. Wan(n) er löset mich wo er in meinem name(n) betzalt vn(d) wolt aber ableschen die pflichtung der schulde / vnd wolt im etwan obligern oder einen verpflichten / vnd ob er sollichs in eins andern namen gethan hette den es überall nichts angangen hat doch er meynter were des schuldner. Ich bin im pflichtig vß diser clage / wan(n) ich mag nit reprobieren vnd widertryben das / das so gar nutzlich wider mich geschehen ist.

ff. c. l. iij. §. bacactione. C. c. curatorem. Item dise clag gebürt in den obgeschriben puncten wo das versehen oder vßricht(e)n were / wan(n) es einer willigklichen gethan hette / wan(n) ers aber von notturfft wegen thůt / ist also ein besunder clage dartzů gemacht / als tutele vonn der vormundtschafft / so růwet dise / anders dise gebürt vtiliter / als wider den curatorem vormundt / oder aber wider den selben der do versicht dz gschäffte nit vß notturfft / sunder vß versehung der notturfft / vnd darumb die besunder clage pro tutela genant vßschleüßt dise nit.

(27) Der Erst Teyl

ff. c. cu(m) po(r)t. et de tu. et cu. da. ab bis. l. postumu(m). Deßglychen ist wann eim geben würt ein vormundt dem der noch nitt geboren ist / Postumo / vnd die weyl Postumus nit geboren ist / gebürt dise clag vmb das das er die weyl versehen vnd vßgericht hat / were aber der geborn / so gebürt die clag tutele vmb beider gůt willen wider den vormundt.

ff. c. ss an vltro. Item dise clag gebürt auch in disen puncten / so der der mit willen versehe(n) hat / hat solchs so es not gewesen ist gethan / oder ist nutzlichen angefanngen worden. Es ist nit gnůg das einer meynt er habs nutzlich angefanngen / wo du aber sollichs auß wollust thetest / gebürt dise clag dir nit / sunder man soll dich nit allein lassen die expenß abtziehen / doch on versehung der vorigen gestalt der habe.

Item vnderweyle(n) ist es nit gnůg das nutzlich angefange(n) ist / es můß nutzlich vollendet werden / also das der herre des geschäffts dester reycher werde / wann er ist nit anders oder auch nicht mere vnd fürbasser schuldig dan(n) in dem vnd rycher ist worden / das ist so das geschäfft des weysen versehen worden ist. Auch findestu meer casus die sůch in Azone.

Insti. de ob. que er quasi co(n)tract. §. Re. Item vß solchem vßrichten üben oder versehen frembdes gewerbs oder geschäffts on heissen oder gewalt / sunder auß willen / seind gemacht zwo clage. Directa / die würt geben den herrn. Contraria die gebürt dem dem der versehen hat. Vnd was sich in ir yegklicher gebürt / hast du oben in den clagen / wz du aber harin(n) nit findest / sůch in Azone vnd Rofredo / wann du hast nit alle casus vnd vnderscheidt hierinne.

(1. T., VI.,13. K.) De actio(n)e depositi causa timoris incendij.

So du von forcht wegen des brinnens / vflauffs oder niderfallens / zů behalten geben hast / hast du dein habe von forcht wegen so es in einer statt brinnet / oder ein vflauff geschicht / oder so ein hauß nider wil fallen / oder ein schiff vnnder wil geen / eim zů behalten geben / vnnd er laugnet dir / gebürt dir dise clag wider den / dem du dein habe hast zů behalten geben / wan(n) er ist dir schuldig zwyfach wider zů geben.

ff. depositi. q(uo)d tumultus. Am ersten můst du dein habe zů behalte(n) geben habe(n) vmb ein der genanten sachen willen / vnd das sollich sach vnd casus geschehen sey.

ff. de re. iud. si q(ui)s ab alio. Am andern das die forcht redlich sey vnd billich. Also redlich wann bru(n)ne ein hauß in der andern oder ferrer gassen / were die forcht nit redlich.

vt in. l. quod tumultus. ff. depositi. Am dritten das sollichs geläucknet werde das es nit zů behalte(n) geben worden sey / wann vmb sein leucken ist er schuldig zwyfach zů betzalen / bekent ers aber / so ist er nur einfach schuldig zů betzalen. Vnd formier also dise clage.

Herr richter ich clag eüch von .N. dem hab ich das vnnd das zů behalten geben in der zeyt als da es da bran / oder da mein oder meins nechsten nachgebawrs hauß wolt niderfallen / oder da der vflauff geschach / oder da dz schiff vndergeen wolt / die selben hab leuckendt er von mir ime zů behalten gebenn / vnd widerr sich sollichs mir wider zů geben. Bitt ich eüch sollichs erfarn (et)c. erkennen das mir .N. solch hab sey schuldig zwyfach wider zů geben / vnd das ers mir gebe / zwingt in dartzů mit zymlichen penen.

(1. T., 14. K.) De actione reiecte.

(28) Das VII Blat

So der weg in einen acker gekert ist.

ff. de via publi. si in agrum. Hat dein nachgebawr einen offen gemeinen weg in deinen acker gelegt od(er) gemacht / magstu in vmb solches beclagen / vnnd begern von ime dir deinen schaden abtzůlegen / souil vnnd dir vmb sollichs an den grund schadenn geschicht / vnd sol der gemeyn weg also blyben. ar. ff. ad. l. aquil. que(m)admodu(m). et C. de allu. l. j. Du magst aber selbs vnerlaubet / den weg wid(er) verschliessen vn(d) vermache(n) / das dz volck durch deine(n) grund nit gange.

Herr richter ich clag eüch vo(n) .N. der hat ein gemeyn weg in mein acker gemacht / darumb ich sollichs schaden nym(m) hundert gulden / der mein acker besser were / wer der gemein weg nit dardurch. Bitt ich eüch (et)c. erkennen das er mir sollich hundert gulden schuldig sey zů gebenn vnnd das er mirs gebe / zwingt in (et)c.

ff. si ser. ven. l. ij. Merck / wan(n) mir mein schuld abgelegt würt / mag ich fürbaß de(n) weg nymmer abtryben / macht aber mein nachgebawr einen besund(er)n weg durch meinen grund / ich möcht sollichs durch dise clag nit abtryben / mir gebürt ein ander / die heißt negatoria.

Merck wan(n) d(er) gemein weg zerbroche(n) ist od(er) ich vo(n) eins bachs wege(n) den gemeyn weg nit geen möcht / ich mag durch deine(n) grund geen über deine(n) wille(n).

(1. T., 15. K.) Quod vi aut metus causa.

So etwas von forcht wegen geschicht oder vß zwingender gewalt.

Zwingt dich einer das du im etwas gebst oder verheist / hastu wider in dise clag mit der du dein habe wider bringst / vnd würst von im deins verheissens vnd geloben ledig geteilt.

ff. q(uo)d me. ca. l. me tum. Am ersten gebürt sich das du durch solch forcht getzwunge(n) werdest die do zwingt ein stäten man(n). C. de tra(n)sac. l. interpositos. Es sol das zwingen in(n)halten forcht des todes / oder pein des lybes. Als / so dich dein feynd od(er) andere mit waffen oder an eine(m) strick od(er) mit and(er)n penen zwinge(n) zů gebe(n) od(er) globe(n) / bistu nit schuldig zů halte(n).

C. q(uo)d me. ca. l. ij. Am andern das die forcht nit allein sey / so du verheist dein habe zů geben / sunder so du dein habe gibst getzwungenlich / wan(n) gibst du dein habe willigklich / wiewol du vor getzwungen bist worden / růwet dise clage.

ff. q(uo)d me ca. l. me tum. Am dritten das das verheissen durch forcht geschehe / oder die habe geben sey / wan(n) dise clag hat nicht stat dan(n) in grossen dingen.

ff. q(uo)d me. ca. l. s. Am vierden das der schade / das ist der todt oder pein des lybs / nahendt gegenwertig seyen.

C. de his q(uo) prop. me. iud. a. sen. appel. no(n) licet. l. ij. et. iij. Am fünfften das solch zwingen geschehe an den enden da sich einer billichen förchten můß.

ff. l. isti quide(m). Merck / es můß nit allwege(n) sein forcht des tods / gnůg ist es des selben glychen / als so ich hab ledig vnd frey gesagt mein eyge(n) menschen / er würt getzwungen von .N. der hat sein instrument in dem ich in frey gesagt hab / das er .N. gebe sein hauß oder er wöll verbrennen sein instrume(n)t / nym war geschehe sollichs / wan(n) ich hinfür meinem gefreyten zů sprecher were mein eygen / erwürd mir eygen geteilt / deßglychen zwingstu in dir zů geben oder er würt mir eygen geteilt / wan(n) er kundt sich der instrument vnd brieffe nit gebrauchen so sie verbrennet sein / deßglychen zwingstu mich dir zů gebenn oder du wilt mir mein frawen oder tochter schenden / die forcht sol in from(m)en vatter vnd můtter vnd

C

(29) Der Erst Teyl

eltern grösser sein / dan(n) die forcht des todes. Es ist nit not das der tochter zeytig zů helffen sey / sunder von angesicht / als wo stro oder beth gege(n)wertig sey.

ff. c. l. nec timore(m). ff. c. l. si partus. Item hatt einer geförcht den todt oder pein des leybes / es irt nicht ob sollich forcht kom(m)e vß seiner vergangner missethat oder nit / wan(n) würt begriffen der eebrecher oder dieb in seiner eebrechung oder steln / vnd gibt gelt das du in nitt tödtest / gebürt im dise clage / wan(n) es ist nit yegkliche(r) diebe oder eebrecher zymlich zů ertödten. Es hat auch stat die peen des rechte(n) genant Julia. de vi publica vel priuata.

ff. c. si q(ue) imp(re)ss(i)o(n)es. ff. de contraben. emp. l. no(n) licet. Item dem getzwungenen würt zů hilff kom(m)en durch Keyserlich constitutz so ich mit forcht vndergetruckt vnd getzwungen würde vom magistrat / vnd gib im darumb zů kauffen / dasselbe sol mir widergeben werden vnnd dartzů behalt ich dz gelt mit. Auch würt d(er) magistrat an die habe vierfach verda(m)pt.

ff. de va. et extra or. cog. l. medico. Item durch den richter so mich ein augen(-)artzt zwinget im zů gebenn oder geloben / oder wil mir böse artzney geben / solichs sol durch den richter gestrafft werden / vn(d) zů vor der contract widerrüfft werden. Merck auch ob du durch solch zwingen schaden nemest oder nit / wan(n) nymbstu nit schaden / als do dich dein creditor zwingt dz du in betzalst / dir gebürt dise clage nit / wan(n) die natur diser clage erheischt / dz dir schade(n) geschee. Deßglychen hab ich dich getzwungen das du mir gebest oder thůst / vnd du zwingest mich von stund an wider das ich dir die habe durch forcht von dir getzwungen widergebe / das bin ich von rechts wegen schuldig gewesenn zů thůn / bist du mir schuldig / aber dem schuldner gebürt wider sein creditor dise clage / die do heißt edictum diui marci. wan(n) der creditor hat durch solchen gewalt verlorn sein schulde / vnnd was er also genom(m)en hat sol er dem schuldener widergeben.

ff. de dolo. l. arbitrio. Item darumb das die clage so billich ist / mag der getzwunge(n) / seinen schaden mit seinem eyde behalten.

In diser clage esein vil Capitel.

ff. de rei. ven. si in rem q(uo)s agat. ff. q(uo)d me. ca. l. si cu(m) exceptio(n)e. §. in bacatione. Das erst würt geben wider einen yegklichen de(n) die habe würt / hat er macht die habe wider zů geben / die habe sol auch mit seinem zeichen bestympt werde(n) wan(n) die clage ist vff die habe / daru(m)b sollen die zeiche(n) bestymbt werde(n). Es ist nit not clage zů setzen wer dich getzwunge(n) habe / wan(n) solich forcht hat nun vermessenheit / vnd besunder sollichs in d(er) nacht od(er) mit reisigem zeüge geschicht.

Also formier dein clage.

Herr richter ich clag eüch / das ich durch forcht die eine(m) stäten man(n) zwingt hab gebe(n) ein wyß pferdt / vn(d) als .N. dz selbig pferd besitzt. Bit ich eüch solchs erfarn souil vnd gnůg ist / vnd mit eüwerm rechtlichem spruch erkennen das mir der genant .N. das selbig pferdt wider soll geben mit der nutzunge dauo(n) empfangen vnnd die dich yngenom(m)en möcht haben / die schätz ich .x. gulden / vnd ist das er mir das pferdt vnd nutzung vorgenant in der zeyt ym vo(n) eüch gesatzt nit wider gibt vnd betzalt. Bitt ich eüch das ir erkennet das er mir sollichs vierfeltigklich die habe vnnd nutzunge zůsamen gerechet sol betzalen / vnd das er mirs gebe zwingt in dartzů (et)c.

ff. q(u)o me. ca. l. si cu(m) exceptio(n)e. §. s et ij. et insti. de offi. iud(i). Item geyt der besitzer die habe nit in der zeyt ym vom richter auffgesatzt / so hat er mit vier monat nach dem vrteil frist zů betzalen / sunder er ist von stund an schuldig die habe mit aller nutzunge oder frucht vierfach zů betzalen oder

(30) Das VIII Blat

drey mal als vil zů der habe vnd nutzunge gerechent. Betzalt er aber in diser zyt vom richter vff gesatzt / er ist die habe vnd nutzung nur einfach schuldig.

Das ander capitel wirt geben wider den der gezwu(n)gen hat / vnd dan(n) wirt bestympt die person die gezwungen hat / vnd wirt hier in nit angesehen / oder macht hab die habe wider zů geben oder nit.

ff. q(uo)d me. ca. l. ss et partus. Herr richter ich clag eüch über .N. der hat mich gtzewunge(n) (= getzwungen)durch forcht die do zwinget ein steten man(n) das ich ym geben hab mein rots pfert. Bit ich vch solichs erfarn so vil vnd gnůg ist / vnd mir ewerm rechtlichen spruch erkennen das mir der genant. N. myn pfert sol wider(-)geben mit der nutzu(n)g do von entpfangen / vnd auch den nutzungen die ich die weyl do von entfange(n) hette / die ich schetz .x. gulde(n) / vnd das er auch globe kein vntrew ym wider geben das pfert darin thüe / das die habe nicht schwecher sey worde(n) / vn(d) zwingt yn dar zů / die vnderscheit zwischen der obern vnd vndern clage wirt benent die person die gezwungen hat / wan(n) nit allein die yngeno(m)men nutzunge / vnd die yngeno(m)en möcht werden / sunder allen schaden de(n) die habe nympt ist er schuldig zů kere(n) als der dieb. ff. q(uo)d me. ca. l. me tum. §. iulian. Er ist schuldig das er globe nicht vngetrewelich mit der habe vmb zů geen.

Das drit capitel wirt gebe(n) wider den der nit gezwunge(n) hat / auch nit macht die habe wid(er) zů gebe(n) / er hat aber gewyn(n) auß meiner habe geno(m)men / wan(n) die habe mir abgetrungen ist / vmb sunst geben worden / vnd er hat die habe verkaufft vn(d) das gelt yngeno(m)men vn(d) die hab ist dar nach vergange(n) / gebürt mir dise clage dz er mir gebe den gewin den er vß meiner habe entpfang hat.

Herr richter ich clag euch das ich durch vorcht die eine(n) steten ma(n) zwinget bin bezwungen worde(n) myn rots pfert hin zů geben das selbig pferd ist auß gewinlicher sach .R. worde(n) der selbig .R. hat das selbige pferdt .T. zů kauffen geben vmb .x. gulden / die er im also bar betzalt hat wann nun das pferdt todt ist. Bitt ich eüch das ir sollichs erfart so vil vn(d) gnůg ist / vn(d) mit eüwerm rechtlichen spruch erkennet das mir der genant .R. die .x. gulden die er vß meiner hab empfangen hat sol wider geben / vnd das er mirs gebe zwingt in dartzů vnd ist das er mirs in vier monaten nach dem vrteil nit gibt. Bit ich eüch dz ir erkennet das er mir die .x. gulden geben vnd vierfach sol betzalen / vnd das er mirs betzale zwingt in dartzů (et)c.

C. de rei ven. l. A in rem. Merck wann die hab vorhanden were / het ich ein zůflucht nach der habe / vnd möchte nit vff das recht clagen.

Das vierdt capitel hat stat so ich will das der contract sol abgeschnitten werden vnd die habe dan(n) wider werden.

ff. q(uo)d me. ca. l. me tum. §. sed. q(uo)d pretor. ff. q(uo) me. ca. l. si cu(m) exceptione. Herr richter ich clag eüch das mich .N. betzwunngen hat durch forcht die einen stäten man(n) zwinget / das ich ym mein rot pferdt vmb .x. gulden hab zů kauffen geb(e)n die er mir betzalt hat mit barm gold / wan(n) ich nun bereit bin ym die .x. gulden wider zů geben. Bitt (et)c. erkennen das er mir das genant pferdt wider sol geben / vnd das er mirs wider gebe (et)c. vnnd ist das er mirs in der zeyt ym von eüch vffgesatzt nit wider gibt. Bitt ich eüch zů erkennen das er mir dz genant pferdt (et)c. als in dem ersten capitel / das alles das man ist einfach wid(er) zů gebe(n) schuldig / würt es im ersten vrteil nit betzalt / můß vierfach bezalt werden. Doch in(n)erhalb des iares vn(d) d(er) getra(n)g geschehe(n) ist / übers iare nur einfach.

C ij

(31) Der Erst Teyl

Merck / das ich durch forcht wie obstat geben hab / vordern ich wider zů geben das ich verheissen oder verlobt hab / halt ichs nit das abgelassen mag ich vordern mit diser clage.

ff. q(uo)d me. ca. Item es halten ettlich doctores das gott selbs die wort durch den pretorem geredt hab die da steen. Was durch forcht geschicht / werde ich nit stat halten

Extra d(er) iud(ex). nouit. §. vlti. Aber dise wort werden durch die geistlichen recht declariert / vnnd besunnder wo durch forcht ein eyd geschworn würt / ob der selb eyd gehalten sol werde(n) od(er) nit / solliches sol allein der geistlich richter erkennen.

(1. T., 16. K.) Actio de dolo.

Von argem list vnd betriegen.

Zů vnsern zeyten betreügt einer den andern so wir mit einander contrahieren vnd handel tryben / darumb ist ein clag gemacht die heißt de dolo.

Dolosus heißt einer d(er) do betreügt / dolus vngetrewe od(er) betriegu(n)g od(er) argelist.

ff. c. elega(n)ter i. p(e)n. Am ersten ist notturfft das betriegung hab vrsach geben de(n) contract oder sey in contract kom(m)en. Exemplum / betriegung geyt vrsach dem co(n)tract so ich keinen willen hab das mein zů verkauffen / du ratest aber ym(m)er das ich sol verkauffen vnd setzest vrsach / vnd ich glaub dir / vnd also verkauff ich dir mein habe / darumb das du mirs ratest / alßdann geyt die betriegung vrsach dem contract / ist dan(n) der contract bonefidei / so ist der contract von rechts wegen nullus vnbündig vnd für nicht / vnd bist nit schuldig den co(n)tract zů halten / du magst sprechen so du angelangt würdest du seyest betrogen worden / vnd ist exceptio peremptoria / das ist souil das dise exceptio zerstöret gentzlichen die clag des anclagers. ff. c. elega(n)ter. Wer aber die hab gebe(n) worde(n) / so wer die eyge(n)schafft übergebe(n) / du magst die habe wid(er) vordern vnd wider bringe(n) durch dise clage.

C. de nuti. stipu. s. si dolo. Ist aber der contract stricti iuris / so beleybt er / aber er würt abgetribe(n) durch dise clage / ist das die habe geben ist. Sunst würt dem betrogen ewigklich geholffenn durch die exceptio / du magst allweg sprechen ich hett sollichs nit gethan het ich die vntreüw vn(d) das es nit war were gewesen gewist. ff. de act. emp. et ven. l. interens q(ue) scie(n)s. §. pr(eto)rium. Die vntrew kompt in dem contract / so ich willen hab etwas zů verkauffenn / du hast aber mirs vernicht / oder gesagt es gelt mir souil nit / vnd vff sollichs hab ich dir zů kauffen gebenn das .xx. gulden wert ist gewesen vmb .vij. Ist dann der contract bone fidei / würt gerechtfertiget die betriegu(n)g biß vff den hindersten pfenning. ff. de dolo. l. j. §. sit pretor. Ist aber er stricti iuris der contract bestätet / aber denen betrogenen gebürt die exceptio wie obstat / möcht aber dem betrogenen mit der exceptio nitt geholffen werden / als so er die habe gebe(n) het / gebürt ym dise clag vmb des willen das der betrogen sol gar nicht am schaden ligen.

C. de transac. l. cu(m) donationis. Am dritten / ich sol nit wissen das betriege(n) so ich betrogen wurde / wan(n) de(m) d(er) dz weißt vn(d) seine(m) wille(n) daryn gibt / de(m) beschicht die vntrew nit wid(er) recht.

ff. c. non debet. Am vierden / dz der betrieger nit sey ein leychter mensch / vnd der betrogen erbers wandels / edel oder wirdig.

C. de dolo ma. l. vlti. Am fünffte(n) / dz vo(n) d(er) zyt als die betrieg(u)ng geschehe(n) ist zwey iar nit vergangen sey.

ff. c. l. ij. Am sechste(n) dz kein and(er) clag stat hab / also vsserhalb des co(n)tracts vntreüw geschicht / als stelen / rauben / oder ander malefitz.

ff. c. sed si dolo. §. vlti. Am sybenden / das der betrieger in der clag bestympt vnd benent werde.

(32) Das IX Blat

Merck / ist das nur der contract ist geschehen vnd die habe nit geben ist / ist not das du clagst wann dich hilfft die exceptio / ist aber fürter procediert also das die habe geben ist vnd der contract bone fidei.

Also formier dein clage.

Herr richter ich clag eüch von .N. der hat mich mit listen vnd betriegliche(n) dartzů bracht das ich im zů kauffen geben hab mein erb oder rock / das het ich sunst nit verkaufft / vnd hab im das erb oder rock übergeben. Bitt ich (et)c. erkennen das er mir sollich erb oder rock sol wider geben / vnnd das er mirs gebe (et)c. So aber die vntreüw kommet inn contract.

Formier dein clag also.

Herr richter (et)c. das ich willen het meinen rock zů verkauffen vmb .xx. gulden / nun hat er mich betrogen in zweyen pfenningen. Bitt ich eüch als vor.

Item was du herin(n) nit vindest / sůch in Azone vonn diser clage / die ist mer zů mercken von der exception wegen dan(n) von der clage wegen.

Dolus. Item dolus vntreüw oder argelist ist ein betrieglich listigkeit den andern zů betriegen / vnd man brüfft sollichs in de(m) so einer ist nit als fleyssig in frembder habe als in seiner habe / vnnd das briefft man in dem das er sich in seinen vnd frembden haben nit glych helt.

Magna negligentia. Magna negligentia / grosser vnfleyß der do kom(m)et auß narrheit oder thorheit / wan(n) wie wol er in seiner habe vnd frembder habe sich glych helt / vnd darin(n) wont / man brieffts aber in dem wol / das er sollichs nit bewart vnd fürsicht als sich sollichs gemeinlich vnder den menschen gebürt vnd erheischt.

minor negligentia. Minor neglige(n)tia / leychter vnfleyß ist ein vnfleyß d(er) do kom(m)et vß mindern oder eim cleinerm fleyß / wann wie wol er in seiner vn(d) frembder hab sich gleych helt / vnd auch in solcher maß vn(d) weyse als sich gewonlich vnder den menschen gebürt vnd heischt / man brieffts aber in dem das er yetzundt nit als fleyssig ist als er vor gewesen ist do der contract geschach.

Leuis culpa. Leuis culpa / der leychts vnfleyß ist do einem gebricht an d(er) weyßheit die in von natur in menschen gefunden möcht werde(n) / das ist das er alles das thůn vnd versorgt solt haben das ein weyser versorgt hette vnd gethan / vnnd das briefft man in dem das ym gebrochen hat an der hohen weyßheit.

Item in ein gemeyn soltu wissen das des vnfleyß getzalt wirt / das versorgt solt worden sein / vnd wan(n) einer des grossen / leychten / leychtsten vnflyß / oder arglistigkeit pflichtig sey / würst du in yegklicher clage sunderlich haben.

Casus fortuit. Casus fortuitus / ist ein beschert verdamnüß oder behůt dem nit widerstanden möcht werden / als so der donder / hagel / od(er) ander vnrat von hymel kommet kompt vnd die habe zerstört / oder die feynde hinfüren oder zerstören.

Ite(m) vo(n) diser materien hastu auch hernach in de(m) titel vo(m) kauffer / am letste(n).

(1. T., 17. K.) De actione furti manifesti.

Von offenlichem diebstal.

So dir einer raubt oder offenlichen stilt das dein / gebürt dir dise clage / vn(d) sol dir die rauberey oder diebstall vierfach wider werden / wann ein yegklicher rauber ist ein dieb.

Am ersten gebürt sich das die habe frembd sey / vnd můß farende habe sein.

C iij

(33) Der Erst Teyl

insti. de ob. q(ue) ex delic. nas. §. furtum. ff. c. l. i. Am andern das die hab gewandelt were wider den willen des / des sie ist / wann diebstall vnnd raub ist ein vngetreüw handelung / oder ein gebrauch frembder habe widers herrn willen.

insti. c. §. placuit. Am dritten das der / der die habe brauch wisse das er es brauch wider des herrn willen / es werd dan(n) bewisen dz ers brluch (= brauch) mit des hern willen / findestu exempla. ff. c q(uo) vas. §. potare. Aber wir versteen das sollichs alweg sey wider des hern willen / es werde dan(n) bewisen das der herr seinen willen daryn geben hab.

Am vierden / das der dieb begriffen oder gesehen werde ee dan(n) er kompt an das end da er den tag blyben wil / sollichs wie obstat gebürt sich wider den der den diebstall gethan hat / wilt du aber clagen wider den der hilff oder rat dartzů geben hat seind dise notturfft.

ff. c. furti. actio (et)c. l. vestre. §. opere et consilio. Am fünfften das er hilff vnd rate dartzů geben habe.

Wie wol aber einer rat oder hilff zům rauben geyt / gebürt wider yn nit dise clag / sunder die ander die heißt furti non manifesti / das ist ein heimlich diebstall / von der selben clag du hernach würst haben.

Also formier dein clage.

Herr richter ich clag eüch von .R. der hat mir gestoln ein pferdt das ist .x. gulden wert / das selb pferdt het ich gelobt oder verheissen a n dem selbige(n) tag .N. bey einer peen .x. pfundt zů geben / vnd wan(n) nun der genant .R. ee dan(n) er kome an die statt do er den tag wolt belyben / ist gesehen worden oder begriffen mit dem gestoln gůt oder habe / vnd so ich nun von des genante(n) diebstals wegen dem genanten .N. das selbig pferdt nit geben mocht / vnd bin darumb in die peen zehen pfundt gefallen. Bitt ich eüch sollichs erfarn souil vnd genůg ist / vnd mit eüwerm rechtlichen spruch erkennen das mir der genant .R. den wert des pferts vnd die verheissen peen vierfach schuldig sey zů betzalen / vn(d) das er mirs betzal zwingt yn (et)c. Hast du aber die habe nit hingelobt bey peen darffstu die peen in die clag nicht setzen / wann aber die gestolen habe were offenlich ein pfandt / gebürt dir auch dise clag / wan(n) sie gebürt auch dem der die habe inngehabt hat vß etlicher vrsach also.

Herr richter ich clag eüch über .N. vnd sag wie er hat ein pferdt / das selbig pferdt mir ist als zů pfandt versetzt vmb .x. gulden von .R. meinem schuldener / das selbig pferdt on mein schuld hat er mir gestolen / vnd wann er nun ee dan(n) er kome an das ende do er den selben tag bleyben wolt mit dem pferdt gesehen oder begriffen ist worden / vnd es schadt mir vmb .x. gulden das ich das pferdt nit hab. Bitt (et)c. erkennen das mir der genannt .N. mein schaden vierfach das ist .xl. gulden sol betzaln vnd geben / vnd das er mirs gebe (et)c.

l. iulia. de vi publica vel priuata. Deßglyche(n) ob dir ein pfert gelühe(n) were dz du etwz mit thetest / vn(d) ee sollichs geschehe / würde dirdz pfert gestole(n) / magstu auch clage(n) vn(d) deine(n) schade(n) vierfach vord(er)n wie obstat / aber nit das pfert od(er) seinen wert / wan(n) die eygenschafft des pferts dein nit ist / der des die eygenschafft ist / möcht auch criminaliter clagen vff den dieb oder rauber vß dem rechten iulia.

Item wer die seind die dise clag füren mögen. sůch insti. de ob. que ex delic. nas. §. furti. et vs q(ue) ad. §. in summa.

Item mit diser clag vorderstu nur die peen / vnd die ist vierfach als die habe wert ist / aber die habe magstu sunderlich vord(er)n mit einer hernach geschriben

(34) Das X Blat

clage. de furtiua conditione.

insti. de perpe. et. temporis. acti. Item dise clag ist ewig. Mit diser peen als die clage vonn dem heimlichen diebstall die ist auch ewig / aber sie ist nur zwyfach / vonn der selbenn hast du auch hernach geschriben.

(1. T., X. Bl. 18. K.) De actione furti aduersus nau. cau. stab.

Von diebstal vnd(er) die schiffman / weinschenck / tabernierer vn(d) stalmeister.

ff. c. l. j. Es ist ein ander clag auch von diebstals wegen / die gebürt wid(er) den schiffman / weinschencke(n) vn(d) tabernierrer od(er) wirt / vn(d) stabulariu(m) zů de(m) man die thierer stellet / wan(n) etwas vo(n) yn od(er) eim fryhe(n) menschen vo(n) ir eine(m) dartzů bestellet gestolen würt / sollich diebstal sol zwyfach wider geben werden.

ff. c. l. j. Am ersten gebürt sich das der der die kauffmanschaftz nympt sey ein schiffmann / tabernierer oder stalmeister.

Am andern das der die habe hab.

Am dritten das der diebstal sey geschehen von dem der das schiff regiert od(er) einem andern der im schiff sey gewesen vmb farends willen.

ff. fur. aduer. nau. cau. sta. l. j. §. j. An dem vierden das der schiffman / tabernierer oder stalmeister hab die habe in sein hůt vnd sorge genommen.

Item es sol auch der diebstal geschehen sein von denen die ynwoner seind im schenckhauß oder dem stall / wan(n) geschehe sollich diebstal von den bilgern botte(n) oder and(er)n die in die schiff kom(m)en / were der schiffman nit schuldig durch diese clag / sunder durch ein ander hernach geschriben.

ff. c. l. j. §. j. Geschehe aber der diebstal von den genanten personen / weren schuldig die regierer / schiffman / tabernierer oder stalmeister das gestolen gůt zwyfach wider zů geben durch dise clage.

ff. c. l. licet. §. in factum. Ite(m) es můß auch die person bestympt werde(n) die de(n) diebstal solt gethan han.

Also formier dein clage.

Herr richter ich clag eüch von .N. in des schiff / tabern od(er) stall ich mein habe gethan oder gesatzt hab / die selb habe ist mir gestolen worden von .R. vnd ist .x. gulden wert gewesenn. Bitt ich (et)c. erkennen das mir der selbe .N. die genanten habe sol zwyfach betzaln / vnd das er mirs betzale zwingt yn (et)c.

ff. si. ser. ven. Id cuius. Dich möcht wunder warumb der schiffman mir die kauffmanschatz in seinem schiff gestoln von einem andern betzaln solle / so doch die recht vßweysen / dz die peen allein straffen sollen die die es gethan handt / od(er) sunst sol die peen nit weyter reichen. Es ist war vonn gemeinen rechten / aber in disem fall so mein knecht sündet bin ich schuldig von der selb sünde wegen. ff. nau. cau. stab. l. j. ct. ij. §. j. Vnd ist dz die vrsach wann die schifleüt (et)c. haben gewonlich sollich böse leüt zů dienern / vnd das sollich boßheit vnd vatreüwe vndertruckt vnd gehindert werde vnd fürkom(m)en / ist sollichs vom rechten vffgesatzt.

(1. T., 19. K.) Ex edicto naute caupones stabularij. vt accepta restituant.

Aber von diebstal wider die schiffman / tabernierer vnd stalmeister.

ff. nau. cau. stab. l. iij. §. vlti. Noch ist ein clag wider die schiffman / tabernierer vnd stalmeister vo(n) diebstals

C iiij

(35) Der Erst Teyl

wegen so in dem schiff (et)c. gestolen würt / vnd ist die clag nur einfach / vnd durchecht die habe.

ff. c. l. j. Am ersten gebürt sich das der wider den du clagst / sey schiffmann / tabernierer oder stallmeister.

ff. c. l. j. Am andern das du dein habe in das schifftabern (et)c. gethan habst.

Am dritten das der schiffman(n) taberner (et)c. die habe (et)c. in sein hůte genom(m)en hab / die habe sey im schiff am gestad oder dabey / also das er es weiß.

Also formier dein clage.

Herr richter ich clag eüch von .N. in des schiff ich sollich mein kauffmanschatz gethan habe mit seinem wissen / vnd er hat solche habe in sein hůtte genommen / sollich habe ist mir gestolen worden. Bitt (et)c. erke(n)nen das er mir solliche habe wider geb(e)n sol / vnd das er mirs gebe zwingt in (et)c. ff. furtus aduer. nau. cau. stabu. l. vnica. In diser clage ist der schiffmann schuldig die habe / oder den wert wider zů geben / wann er hat die habe in sein hůtte genom(m)en / darumb er stäl es oder ander leüt / er ist schuldig wider zů geben. In der vorgeschriebenen clage die zwyfach ist / kompt auß malefitz ist der regierer / schiffmann / taberner (et)c. nit schuldig / wan(n) die bottenleuffer / oder waller (et)c. die habe gestolen haben.

(1. T., X. Bl. 20. K.) Serui corrupti.

So dir dein dienstbott verfüret würt.

Vnderweylen würt gestolen von de(m) haußgesinde durch rate frembder leüte / darumb hast du einen eygnen menschen vnd ich verfüre sein gemüte. Also so er frum(m) ist / mach ich yn böse / oder vngehorsam / oder so er böse ist mach ich yn böser / gebürt dir dise clage wider den verfürer zwyfach.

In dieser clage ist not.

ff. c. de dolo. Am ersten das einer vngetreüwlich verfüre dein eygen menschen.

ff. c. l. j. §. persuadere. Am andern das vß solchem bösen rate der eygen mensche böser werde.

C. de für. si quis seruo. et. ff. c. l. j. In diser clag würt dir verdam(m)ung in wert der habe die der eygen mensch gestolen hat zwyfach.

Herr richter ich clag eüch von .N. der hat .R. mein eygen mensche(n) verfürt vnd ym geraten / das er mit einer thörin hinweg gelauffen ist / vnd mir mein habe mit genom(m)en hat / wan(n) nun der genant .R. vß solche(m) rate ist böser worden in .x. gulden / wan(n) er ist mit einer thörin hinweg gelauffen / vn(d) mir mein habe genom(m)en / vnnd hat mir sollich mein habe die wol .x. gulden wert ist mit ym genom(m)en / oder mir gestolen als er fliehen wolt. Bitt zů erke(n)nen das er mir den wert der gestolenen habe / vn(d) die .x. gulden (der) er böser worden ist zwyfach / das ist viertzig gulden betzalen vnd geben sol / vnd das er mir es gebe (et)c.

ff. de l. j. vin. Dise clag würt nit allein geben wider den der den eygen menschen verfürt sunder auch wider den der einem seinen sun / tochter / eehalten oder diener verfürt / wan(n) schwärer sündet der / d(er) den freyhen verfürt / dan(n) den eyge(n) mensche(n).

ff. q(ue) vi aut clam. §. i b. interdicto. Item den schaden den du nymmest von sollicher verfürung / magst du beweysen mit dem eyde / wann sollicher schaden kompt vß malefitz. Doch sol sollicher schade vor von dem richter vorgeschätzt werden / als du sollichs glyche(n) hernach vindest / wie der schade vom richter vorgeschätzt vnnd darnach mitt dem eyde bewisen sol werden.

(36) Das XI. Blat

(1. T., XI Bl. 21. K.) Vi bonorum raptorum.

Von dem raub farender habe.

insti. c. is q(ue) res alie. Nympt dir einer dein farende habe mit gewalt / hat statt dise clag / vnnd ist dir der rauber im erstenn iar vierfach schuldig die habe wider zů gebenn / aber nach dem iar vnd das geschehen ist / nur einfach. insti. d(e) pub. iud(ex). §. ite(m) lex iulia peculatus. Ein sollicher rauber möcht auch criminaliter mit de(m) rechte(n) iulia. d(e) vi publica vel priuata. gestrafft werde(n).

inisti. c. §. meli. Item diser clag gebürt am erste(n) dz die habe farend sey die geraubet ist.

ff. c. p(re)tor. et insti. c. §. j. Am and(er)n dz die hab frembd sey / wan(n) raub ich mein eygne hab / bin ich nit diser clag schuldig. Sund(er) d(er) clag. si quis in tanta(m). C. vn(de) vi. vo(n) d(er) du hernach habe(n) würst.

ff. quod. me. ca. extat. Am dritte(n) dz sollichs mit vntrew dz ist in raube(n)s weyß geraubt werde / wan(n) gelaubt einer dz er sollichs recht het wirt er nit getrafft mit disem rechte(n). sed ex dicto diui Marci. ff. c. p(re)tor. §. hac. actio(n)e. ex insti. c. §. j. Sunder mit einem andern hernach geschriben / die sich anhebt der weyß Keyser Marcus.

ff. c. pretor. Am vierden das das mit hinnemendem gewalt geschehe.

insti. c. §. sanc. Am fünffte(n) dz der d(er) dise clag fürt / beweyse dz er durch solliche(n) raub ym geschehe(n) die selbe(n) hab ym vß etlicher sach gebürt zů habe(n) / als ob ym ein pfert geluhe(n) wer worde(n) dz etwa(n) zů gebruche(n) / od(er) ym etwz zů behalte(n) gebe(n) wer worde(n).

ff. c. pretor. §. bet. actio. Ite(m) mir gebürt dise clag / du raubst mich / oder deine diener / ich můß auch mit beweysen wölcher vß deinen dienern mich beraubt habe.

Herr richter ich clag eüch dz .B. hat mir raubliche(n) genom(m)en ein tots pfert dz ist .x. gulde(n) wert. Bitt ich (et)c. erke(n)nen dz mir d(er) gena(n)t .B. dz bestymbt pfert mit dryfache(m) wert dz ist .xxx. gulde(n) sol wid(er) gebe(n) (et)c. vn(d) dz er mirs gebe zwingt yn (et)c. wer aber dz pfert vergange(n) / so wer er die .x. gulde(n) vn(d) dreyfachen wert / dz mach .xl. gulden schuldig / das haupt(-)gelt vn(d) wert zůsamen gerechent.

Hat dir einer ein pferdt gelühen gen .N. zů reyten / vnd dir wer das pferdt genom(m)en ee du dar kom(m)en werest / magstu also clagen.

Herr richter ich clag eüch das .B. mir raublich hat ein tots pferdt genommen / das hat mir .H. gelühen biß gen .N. zů reyten / wann mir nun sollichs rauben schadt zehen pfundt / das ich das pferdt nit gebraucht hab. ff. quod me. ca. (et)c. mulier. Bitt (et)c. erkennen das mir der genant .B. das pferdt mit vierfache(m) schaden / das macht viertzig pfundt / sol wider geben / vnd das er mir es gebe / zwingt yn (et)c.

Item merck dz dise clag nit allein gebürt mit vmb raub / sunder auch vm(b) schaden / so einer volck samelt / vmb des willen das er schade(n) thůn wölle / vn(d) sollichen schaden ist er schuldig wider zů keren vierfach.

Also formier dein clage.

ff. de vi bo. rap. l. ij. Herr richter ich clag eüch / das .N. hat gesamelt sollich volck / vnd mit solliche(m) volck hat er mir so vil haupt vihes ertödt vn(d) gewunt / den selbe(n) schaden schätz ich vff .x. gulde(n). Bitt (et)c. erke(n)nen dz er mir schuldig sey vn(d) sol den schade(n) viefach dz ist .xl. gulde(n) betzale(n) / vn(d) kere(n) / vn(d) dz erst thů zwingt yn (et)c.

ff. de vi. bo. rap. l. ij. Merck / das er schuldig sey vierfach de(n) schaden zů betzale(n) / er hab den schaden selbs gethan oder nicht / genůg ist das ers dartzů gesamelt hat den schaden zů volbringen vnd ob er nur selb ander ist gewesen.

Ite(m) merck dz d(er) gesamelt / wan(n) er hat hand angelegt / vn(d) schade(n) gethan / ist er auch allen schade(n) der geschehe(n) ist vierfach wider zů keren schuldig.

(37) Der Erst Teyl

ff. vi. bo rap. l. ij. si q(u)o no(n) boies. Herr richter ich clag eüch dz .T. volck gesamlet hat das sie mir schaden theten / die selben gesamelten haben mir schaden gethan / souil vihes getödt oder hingefüret / das schätz ich .x. gulden / vnd wan(n) nun .R. einer ist gewesen vnd(er) den gesamelten / vnd auch mit seiner eygen handt schaden hatt gethan. Bitt ich eüch (et)c. sollichs zů erkennen / das er mir schuldig sey den schadenn vierfach zů betzalen / vnd was er mirs betzale / zwingt (et)c.

Also hast du .iij. capitel des edicts.

Item wan(n) einer das volck nit samelt / sunder das dz volck vmb ander sachen willen gesamelt ist / als vor einer kirchen / oder an einem gericht (et)c. / vnd es kompt einer vn(d) spricht / was steend ir hie so müssig / seyt ir frum(m) leüt so gehört eüch zů das ir dz übel straffet. Nun hat mir .T. das mein genom(m)en vn(d) mich dartzů geschlagen. Es were gůt das wir in strafften / vnd also eylten die gesamelten vnd theten .T. grossen schaden an seiner habe / also ist der der die gesamelten vffbewegt hat schuldig den schaden den sie also wie obstat gethan haben zwifach wider zů geben.

Herr richter ich clag eüch vo(n) .B. der hat dz volck vor sant Michels kirche(n) gesamelt vmb der gemeyn willen / der selbige .B. hat mir vntreüw das volck bewegt das sie mir grossen schaden an meiner habe gethan haben / den schaden schatz ich vff zweintzig gulden. Bitt (et)c. erkennen das er mir den wert des genanten schade(n)s / das macht viertzig gulden betzalen vnd keren sol / vnd dz er mirs betzal zwingt yn (et)c.

ff. vi bo. rap. pretorait. Merck / das der der das volck nit gesamelt hat / sunder darbey gewesen verschuldt so vil nit als d(er) dz volck samelt / darumb wirt er nit als hert gestrafft.

Merck / das die von der genante(n) schar was sie mir ihren hande(n) schade(n) thůn / sie sein auch den schaden zwyfach zů betzalen schuldig / vn(d) dz würt das fünfft capitel diser clage. Also formier dein clage.

ff. vi bo. rap. l. pretor. §. si quis aduentu suo. Ich clag eüch herr richter / das ein menige des volcks gesamelt vor d(er) kirchen sant Michels / vnd vmb böser bewegung willen hat mir .B. schaden gethan an meiner hab vff .xx. gulden wert / wan(n) nun .P. auch einer ist gewesen vnd(er) de(m) selbe(n) volck / vn(d) hat auch mit seiner eyge(n) hand schade(n) getha(n) / mir mein thier ertödt vn(d) verwu(n)t. Bitt (et)c. erkenne(n) dz mir d(er) selbig .P. den wert des schadens / dz macht .xl. gulden sol wider gebe(n) vn(d) betzale(n) / vn(d) dz er mirs (et)c.

insti. c. ti. §. quadrupliciter. Item merck das dise vierfach ist dreyfach die peen / vnd das einfach durchecht die habe. Aber in der clage vom offen diebstal ist dz vierfach allein peen / vnnd die habe magst du vordern mit einer besundern clage genant von vorderung der gestolen habe.

de conditio(n)e furtiua.

Item dise clage gebürt vnnder dem iar vmb die peen / vnnd nach dem iar hat sie nit stat vmb die peen.

insti. vi bo. rap. in prin. (et)c. Item merck das kein böser dieb ist dan(n) der offenlichen raubt.

(1. T., 22. K.) De actione iniuriarum.

So einer de(m) and(er)n schmacheit gethan hat od(er) laster mit worte(n) od(er) sunst.

In diser clage würt dz wort iniuria genom(m)en für laster / schand / schmachheit oder scheltwort / damit man eim sein ere oder gůtten lewmůt nympt oder abschneyt. Nun mag ein yegklicher den and(er)n lestern od(er) schmähe(n) schende(n)

(38) Das XII. Blat

on narren oder kidne die vnder .xij. iarn seind meydlin / vn(d) knabe(n) vnder .xiiij. iarenist es anders vntreüw vnd argelistes nit vehig / ist es aber arglistigk / es ist diser clage pflichtig. Nun geschicht schmähen in drey wege / mit den wercke(n) als vfft du freuel handt anlegest mit feüsten / prügel / waffen / oder gast mit gewalt oder über meinen willen in mein hauß / es sey mein eygen / bestanden / od(er) nur vmb sunst gelühen / darinn zů wonen. Sollich iniuria oder schmacheit würt gestrafft vß dem rechten Cornelia genant / vnd du magst sollich schmähe nach dem iare vnd es geschehen ist dannoch clagen / vnd rach bitten.

ff. de fur. iniuris tum. Item der schmäher můß sollichs in můte zů schmähen thůn / wan(n) der wille vnd fürsatz vnderscheiden die malefitz. ff. c. illud. et. l. iniuriarum. Wan(n) rede ich etwas in schympff / oder schlahe oder würff ich mit einem stein / so ich ein andern wolt schlahen od(er) werffen / bin ich nit schuldig diser clage. ff. c. l. j. §. iniuria §. iniuria(m) fecisse §. cui. Sunder der clage aquilia von de(m) schaden / von der du hernach würst haben. Mit den worten / so du mich heissest einen bößwicht / oder mit andern worten mich schendest vnd lesterest / das mir mein ere oder lewmůt rüre / ich sey gegenwertig oder nit / oder so ich einen andern getantzt vnd bewegt / ein nämlich person lestern vnd schenden. C. de famo. libel. Mit geschrifft / so ich mach ein lied oder dichtet ein brieff / oder bücher / darinn ich ein andern schmähe / ich habe sollich schrifft / liede (et)c. von mein oder eins andern wegen gethan vn(d) gemacht / der eygen namen der wider den dz gemacht ist sey bestympt oder nit / wer sollichs schreybt oder singet / sol gestraff werde(n) mit den Keyserlichen Constitution. Das ist man soll im das haupt abschlahen. Auch mit der peen sol gestraffet werden der / der sollich schrifft vindet / vnd sie nit verbrennet oder sunst vnnd ertruckt / sunder er offenbart sollichs. Es mag ein yegklicher clagen über sollich schmacheit / vnnd der richter sol in nit allein hören / sunder im lonen mit gelt darnach vnnd der ist der also verclagt würt reych oder arm.

ff. c. §. ait pretor. Deßglychen ist schuldig der / der sollich schrifft kaufft oder verkaufft. Deßglychen sey schuldig der / d(er) on geschrifft zů schmehe eim laßt mache(n) ein schentlich oder stinckend / oder cläglich cleid / oder an solich cleid malen etwas einem andern zů schmähe.

Deßglychen so ich eim sein hauß schendtlichen zeichen.

Merck / wie sunst schmacheit geschicht / vßgenom(m)en wie obstat geschriben / můß allein der clagen dem sollichs geschicht / vnd sunst nyemandt soll vom richter gehört werden.

Merck / wiewol die / die schmähen mit gerůcht oder gesange / mögen darumb getödt werden / wil ich aber so mag ich clagen vnd schätz sollich schmähe an ein sum(m)e gelts / vnd würt er mir verdampt in einer sum(m)a / so mag ich nit noch nyemandt mer den verclagen vmb das leben wie obstat.

Merck / wir lyden nit allein schmacheit an vnsern personen / auch an vnsern kinden die wir in vnnser gewalt habent / verkaufft mir einer meinen sun mit seinem willen / oder fürt man yn in ein schentlichs hauß / oder er oder ein ander leret yn bretspilen / mir geschicht schmacheit.

ff. c. l. §. vlti. Item von vnnsern frawen nitt allein mit worten oder wercken wie obstat / Auch so ich einen knechte oder magte mitt meiner frauwen habe geschicket / vnnd einer hat mitt rede oder gewalte gemacht das der diener oder magt die

(39) Der Erst Teyl

frawe(n) gelassen hat / also kompts das nit allein mein frawe die noch in irs vatters gewalt ist / sunder mir vnnd meiner frawen vnnd irem vatter / wider den schmäher er gebürt dise clage. Ist aber mein fraw / nit in irs vatters gewalt / gebürt mir vnd ir allein dise clage / vnd wan(n) eins vnder den genanten personen clagt / nit dester minder mögen die andern persone(n) auch clage(n) / die fraw mag nicht clagen so dem man(n) schmacheit geschicht.

Die frawen sollen von den mannen beschirmbt werden vnd nit widerum(b).

ff. c. l. j. s. l. si forte. Ite(m) thet einer eine(m) todte(n) des erbe wir weren smacheit / gebürt vns dise clage.

Deßglychen schmähet er des todten lewmůt des erbe wir sein.

insti. c. §. no(n) solu(m) et. ff. c. no(n) solum. Dise clag würt gegeben wider den der die schmähe gethan hat / es sey mitt worten oder wercken / auch wider den der es geheissen vnd gebotten hat / auch wider den / der es gedingt hat / das er sollichs thet / auch wider den der dem gerathen hat schmacheit zů thůn so ers selbs on das thůn wolt.

ff. q(uo)d reipu. Merck / es würt entschuldiget von diser clage wo der magistrat eim seinen schilt durchsticht / so er im streyt übel gestritten oder geschlagen hat. ff. c. iniuriarum actio. l. prealle. §. is q(ue) et. §. q(ue) iure potestatio. Oder so d(er) richter vrteilet ein zů dem todt / oder heißt in in thurn füren / so er im nit gehorsam wil sein. Es wurde dann bewisen das sollichs in neyde oder schmahe geschehen were.

Item so mich einer schmähet / vnd ich eße oder trinck mit im / oder schilt in wider / also würt ein schmähe gen der andern abgeschlagen.

ff. c. no(n) solu(m). §. in. iuriarum actio. Item wo ich mitt worten oder gesanck geschmähet wurde / vn(d) schwige ein iare / mag ich fürbaß nit clagen.

Item wann nun vor dem richter die schmaheit bewisen ist / so sol der dem schmacheit geschehen ist schwörn wie vil er des seinen gebe(n) wolt hette er souil / ee dann er sollich schmacheit wolt lyden.

So aber nun die getzwungenen vntzymlich schweren / ist es dem Richter heim gesatzt / dz er sol ansehe(n) die schmacheit bey der person / vn(d) sol schätzen die sum(m)a / vn(d) dan(n) sol d(er) die schmacheit gelitte(n) hat schweren vnd nit höher.

Item es würt auch die schmacheit beschwärt vnd grösser in drey wege.

Am ersten an der person / anders solle man schätzen macheit die do geschicht dem magistrat / patron / vatter vnd můtter / dan(n) andern personen. An der zeyt geschicht schmacheit / vor de(m) richter / od(er) in angesicht des volcks / od(er) an eine(m) einig schwer ist die geschicht in angesicht schwerer ist die schmacheit. Als ist dir ein wunden geschlage(n) / od(er) an den mund. Auch meret die grösse d(er) wunden / auch so dir ein auge verderbet ist / auch schlecht einer den anderen vff de(n) marckt oder dantzhauß / wiewol er in nit seer wundet oder schlecht / doch merer die statt die schmacheit / nitt allein geschätzet würt so schmacheit an dem lybe geschicht / sunder auch so dir an de(m) leyb nichts geschicht / als so dich einer mit wortest oder gesanck schmähet / dein cleider zerreyßt / oder deiner frauwen knecht oder maget abfůret.

ff. c. q(uo)d senatus. Merck in diser clag magstu ciuiliter oder criminaliter clagen.

ff. ad. l. aquil. que actio. Item würt dir abgeschlagen ein arm / dein naße / oder auge / würt dir die vngeschaffenheit nit geschätzt / wann nyemandt ist seiner glider herre / allein würt geschätzt die arbeit die vn derwegen bleybt damit du verdienet hettest / vnnd das artzlon.

(40) Das XIII. Blat

Herr richter ich clag eüch vo(n) .N. d(er) hat in disem iare im mertze(n) in .P. hauß geredt / ich sey ein hůrn sun / oder ein kätzer / od(er) hat ein schämlich lied von mir gesungen oder geschrib(e)n / sollich schmacheit schätz ich an hundert gulden die ich lieber verlieren wolt dan(n) sollich schmacheit lyden / doch eüwer schätzen all wegen vor behalten. Bitt (et)c. erkennen das dem genanten .N. sollichs nit zymlich sey gewesen / vnd mir sollichs vnbillichen sunder freuelichen gethan habe vnd das er mir sollich sum(m)a gelts schuldig sey für mein schmacheit zů geben.

(1. T., XIII. Bl. 23. K.) Criminaliter. Also.

ff. de accu. l. libellorum. Herr richter ich clag eüch von .N. der hat in disem iar vn(d) monat von mir ein sollichen schentlichen brieff geschribe(n) / darumb bitt ich eüch ym sein haupt heissen abschlahen / wan(n) es gebürt sich das übels soll gestrafft werden / vnd ist das ich es nit bewyse / verbinde ich mich die selbenn peen zů lyden / oder will ich die peen selbes lyden.

ff. e. no(n) solu(m). §. in iuriaru(m) actio. Item du solt wissenn das der nit mag clagen diser clage so ym schmacheit mit worten von einem geschicht / wan(n) sollich schmacheit ym nit zů hertze(n) gangen ist / oder nit gesprochen hat / ich will dich darumb für den richter laden / du můst mir die schmacheit keren / vnd ein wandel darumb thůn / vnd wie er solliche wort fürn würt oder ir glychen / das heißt in latyn / in animum reuocare. Wan(n) wölcher die schmacheit an de(n) ersten veracht / d(er) mag diser clag nit clage(n). Item wan(n) du clagst wider mich mit diser clag / vnd ich excipier wider dich deßglychen / vnd beweyß solches / so würt ein schmacheit gegen der andern abgethan vnd compensiert / als zwen die einander schelten.

ff. c. cum qui. Item du solt wissen / das vil doctores schryben mancherley über das / wan(n) einer dem andern mit worten schmacheit thůt / vnd solichs war ist / ob der selb von der warheit wegen diser clag entschuldiget würde / vn(d) die meyste wenig der treffenlichen doctores / die geben vnd blyben vff der vnderscheid vn(d) sprechen / antweder ich sag dir schmacheit vor de(m) gericht / od(er) vsserhalbe(n) des gerichts / sag ich es dir in gericht vnd beweyß sollichs / da ist kein zwyfel ich würd nit gestrafft. Vnd das soltn versteen / du verclagst eine(n) od(er) excipierst wider yn / wan(n) was die recht verhengen das kan nit schmacheit getzogen werden.

Quia iuris executio no(n) bs iniuriaru(m) actio. ff. de re. factu(m) cuiq(ui)s no(n) vide(n)t vim facere q(ui) iure suo vtit et ordinaria actio(n)e experitur. In dem andern casus das ist vsserhalb des gerichts / wo sollichs gesicht durch geschrifft in latyn / libellis famosis / er ist schuldig ob es schon war ist.

C. de libel. famo. Geschichts aber on geschrifft / antweder das schmähen geschicht vß vrsach oder on vrsach.

facit quod no. Cad. l. cor. d(e) sicca. l. j. Am erste(n) geschicht solilchs in straff weyse vnd obs auch offenlich geschicht / sollichs mag einer wol thůn in straff weyse / vn(d) auch vmb straff willen solichs vorm richter rede(n). vt habetur ad Timotheum quinto. Peccante(m) coram om(m)itus argue vt ceterimorem habeant. Als wan(n) einer ein heimlicher kätzer were / oder wolt ein statt / oder schloß / oder dorff hingeben oder verraten / oder einer der vssetzig were / wan(n) das selbig ist ein siechtagen dauon die gefunden menschen auch siech werden / vnd auch deßglychen / sollich ding zů offenbarenist billichen vnd hat in im ein gerecht vrsach / vn(d) als sollichs nit geschicht in můt zů schmähen / so sein sie diser clag nit pflichtig / dise zwey ding zůsame(n) / mache(n) das dise clag růwet / vnd antzeygt das sollichs nit in schmähens můte geschehen

D

(41) Der Erst Teyl

sey / so sollichs offenbaren in ym selbs ein gemeyner nutz ist / daru(m)b ich sollichs offenbaren billichen / vnd kompt vß rechter vrsach / vnnd ist das sollichs auch dartzů war ist / wan(n) man můß den můt vnd willen in sollichem durch vmbstandt vnd vortzeichen / iudicia in latyn vrteilen. ff. c. ite(m) apud. §. si q(ui)s astrologus Vnnd darumb kompt es da vnderweylen so die vrsach nit billich oder recht ist / wiewol sie nit hilfft wider die peen / so entschuldiget sie doch vo(n) diser clage / darumb das sollichs nit in schmehens willen vnd můtte geschehen ist.

C. d(e) postu. quisquis ei. C. droff. fecto. pro. l. iij. In dem andern casus oder teyl / wann schmehe würt geschehen on vrsach. Als so sich zwen mit einannder hadern / oder so sollichs on haderey geschicht / vnd ob sollich schmacheit schon war ist / er ist pflichtig diser clag / wan(n) alda ist der můt vnd will zů schmähen / vnd die schmähen wort zů reden / vnd darumb so freyt in die warheit nit von diser clage. Alda spricht der Keyser. Es ist nit gnůg das das schmähen war ist / sunder es gebürt sich das der wille vnd die begirde des schmähens nit da sey. Dartzů dienet auch. l. iij. C. que(m) ad test. aperi. Da gebeüt der Keyser das das teyl des testament nit sol vffgethan werden vnd geoffenbart das eins schande rüre.

C. q(ui)s qui quar par. l. ij. libro. r. vi. q. j. ex. totu(m) capitalis. Item es zympt auch nit dz man ym sein schand sage / wan(n) es ist vnmenschlich vnnd schäntlich das vnser gebrechen geoffenbart werden. Wider die die leüt schmähen sich. Darumb thůn die richter vnd magistrat wol / dz sie nämlich peen setzen damit solliche schmacheit gestrafft werde / vnd wiewol solliche schmähe war ist (et)c. er pflichtig.

(1. T., XIII. Bl. 24. K.) Aunc de interdictis de mortuo inferendo.

Von dem todten zů begraben.

Wil einer begraben einen todten in ein grab / daryn ym von rechts wege(n) gebürt zů begrabe(n) / oder wil von neüwem machen ein grab in sein eygen grundt vnd es würt ym von einem andern verbotten gebürt ym dise clag / darinn du gewinnest was es dir schadt sollich verbietten / wann hast du die begrebnüß kaufft / můß er dir das gelt darumb du es kaufft hast / oder hast du die begrebnüß vmb einen lon bestanden / můß er dir den lon wider geben.

C. de reli. et su(m)p. fu. l. sepulcru(m). et. l. ius familiariu(s). Am erste(n) gebürt sich dz die statt in die du wilt grabe(n) den todte(n) sey dein / oder habst sunst gerechtikeit da hin zů grabe(n). Nun hat aber d(er) recht zů begraben de(n) es am todtbeth gesatzt ist / od(er) er ist haußgesind des der dz testame(n)t gesatzt hat.

C. de reli. et su(m)p. fu. l. iij. Am andern / ob die grabstatt frembd ist / das sollich begraben mit des hern der statt wille geschehe.

ff. d(e) mor. infe. l. j. Am dritten / das du als du wölst den todten begraben verbotten seyst worden. Es verbiette dir einer den weg oder statt des grabs.

Herr richter ich clag eüch von .B. der hat mir verbotten mein todtem alda hin zů begraben / nenne wohin (et)c. An die selben statt gebürt mir vo(n) rechts wegen zů begraben. Bitt (et)c. erkennen das mir der selbe .B. schuldig sey meinen schaden abtzůlegen / den ich schätz fünff gulden / vnd das er mirs gebe (et)c. hast du von sollichs verbiettens wegen ein andere statt bestanden.

Formier also dein clage.

Herr richter ich clag eüch vo(n) .M. d(er) hat mir verbotte(n) mein todte(n) da hin ich recht hab zů begrabe(n) / vn(d) vmb sollicher verbiettung willen hab ich den selben

(42) Das XIIII. Blat

todten aldar müssen graben / die selben statt hab ich vmb .N. bestanden vmb .x. gulde(n). Bitt (et)c. erke(n)nen dz mir der genant .M. die selbe(n) .x. gulden vn(d) meine(n) schade(n) den ich auch .x. gulde(n) schätz sol geben vn(d) betzalen / vn(d) dz er mirs gebe.

(1. T., XIIII. Bl. 25. K.) De sepulcro edificando.

Von begrebnu(s)ß zů bawen.

Wiltu ein grab bauwen dartzů du recht hast / vnd einer verbeüt dirs / gebürt dir dise clag vnd ist notturfftig.

ff. de reli. et stip. fu. q(uo)d si locus. Am ersten das dir von rechts wegen gebürt zů bawen.

ff. d(e) mor. infer. l. j. §. pretorait. Am andern das du sollichs bawest oder wöllest bawen / als so du hast gesammelt die matery / speyß / holtz / kalck / sandt. Oder so du die statt gekert hast vnd ein ander irret dich.

Am dritten das dir einer verbiette.

Am vierden das dz grab noch nit gemacht sey / sunder erst gemacht sol werden. Wan(n) als dan(n) hat ein ander clage stat genant. interdictu(m) q(uo)d vi aut clam. Herr richter ich clag eüch vonn .M. der verbeüt mir so ich wil machen ein grab alda (et)c. da hin mir von rechts wegen gebürt mein todten zů gebragen. Bitt (et)c. erkennen das ym sollich yntrag vnd irrung nit zymlichen sey / vnd dz er mir hinfür keinen yntrag noch irrung thů / zwingt yn dartzů (et)c.

(1. T., XIIII. Bl. 26. K.) Ae quid in loco sancto fiat.

Das nichts vnsaubers vff einer gewychten statt beschehe.

ff. c. l. ij. §. hoc interdictum. Bauwt einer vff einer gewychten statt etwas dadurch die selb gewycht stat vnsauber oder schentlich oder entstelt würt / mag nit allein der prelat der selben statt / sunder ein yegklicher das selb irren / vnnd verbietten das sollichs nit gebauwen werde / vnnd ob sollichs gebauwen were / mag er den richter bitten das er sollichs heiß dannen thůn.

Herr richter ich clag eüch von .M. der will da an der gewychte(n) stat sollichs bauwen / dadurch die stat vngestalt vnnd schentlich würt. Bitt ich eüch ym sollichs zů verbietten.

(1. T., XIIII. Bl. 27. K.) Ae quid fiat in loco publico: vel via: vel itinere publico / et si factum fuerit & tollatur.

Das nichts gemacht werd vff einer gemeyn statt / weg oder fůßpfat der gemeyn sey / vnd das das gemacht dannen gethan werde.

Gewonliche(n) geschicht es das einer an gemeyner straß der gemeinem weg etwas bauwet oder legt / dardurch der gemeyn weg geirret würt / ist diß interdict oder clage gemacht worden damit dem selben yntrag geschehe. Am erste(n) mag verbotten werden das er sollichs nit thů / hat ers aber gebauwen / das er sollichs wider abthüe.

Am ersten gebürt sich das der weg oder die statt genieyn sey.

Am andern das etwas da selbst hin gebauwen oder geleget werde.

Am dritte(n) dz sollichs nit gebauwe(n) od(er) geleget werde vo(n) günnu(n)g des fürsten.

ff. c. pretorait. Am vierden ob sollichs gebauwen oder gelegt were geschehen von des fürsten günnung / des die dem andern vnschädlich sey an seinem gebrauch / es sey an trauff oder an liecht.

D ij

(43) Der Erst Teyl

ff. c. pretorait. Am fünfften das der / der do clagt dise clage / habe nit sollichs gleychen gebauwen / wann man sol ein sollichen nit hören.

ff. c. pretor. §. deindeait pretor. Am sechsten / das das gebawen oder gelegt ist altzůhandt schade / oder hinfüro schaden bringen möge.

ff. c. p(re)tor. §. si q(ui)s neminem. Am sybenden das / das man dauon thůn sol kein hauß sey / wann ist es ein hauß / so sol man es nit dannen thůn / wann durch sollichs hauß abbrechen / werde(n) die stette entschickt / es wer dan(n) sach das ein gemeyner gebrauch durch sollichs geirret würde / alßdann mag es nicht durch dise clag / sunnder durch des richters ampt den man also sol anrüffen dannen gethan werdenn. ff. de serui. l. vlti. §. ij. Es ist auch nit zymlich das man in den stetten / brucken mach übern weg / wann den lufft sol frey sein.

ff. c. pretor. §. cus quida(m). et. §. merito in fi. Am achtenn / das die gemeyn statt dester böser werde / ye doch würde mir mein sunder gůt dester vnnützer / mir gebürt auch dise clag.

ff. c. pretor. §. hoc interdicto. Am neünden ist genůg zů dem dise clag gebüre / das der habe gebauwen oder ein ander vor ym.

Herr richter ich clag eüch vonn .M. der einen sollichen bauw gethan hat / oder will ein sollichs bauwen. Nenne wo vnnd was es sey / durch sollichs würt die gemeyn statt böser vnd vngestalt. Bitt ich (et)c. vnnd ym verbiettent das er sollichs nit bauwe / wer es aber gebauwen / das er es wider danne(n) thů / zwingt yn dartzů / würde aber durch sollichs bauwen dein eygener nutze geschediget. Also so dir dein liecht würt verbauwen. / clage also.

Herr richter ich clag eüch von .M. der hat ein solich brucken gemacht oder hats gemacht an einer sollichen gemeyner statt (et)c. Durch solichs bawen würt mir mein liecht benom(m)en. Bitt (et)c. erkennen vnd ym gebietten das er sollichen bauwe abthü / hat ers gebauwen / will er es aber bauwe(n) / das er von sollichem bauwe laß. C. de ser. vr. pre. l. si viuarum Merck / diß liecht das ich hab von deinem bauw od(er) grundt / mag stu mir nehmen es were dan(n) das ich sollich gerechtigkeit vff dir hette.

(1. T., XIIII. Bl. 28. K.) Ae q(uo)d in flumine publico ripave eius fiat.

Das nichts gemacht werd in gemeyne(m) wasser / od(er) de(m) bach daruß fliessende. Dick geschichts das einer etwas wil machen in einem offenliche(n) wasser od(er) gemeynem wasser / oder dem bach der darauß rinnet. Auch geschichts das er was gemacht ist worden im wasser oder seiner bach. Darumb seint gemacht zwey interdict. Ir eins verbeüt das sollichs bauw nicht geschehe. Das annder verbeüt das der der gebauwet hat / sol wider abthůn.

ff. c. l. j. Am erste(n) gebürt sich das das wasser sey gemeyn. Es soll nit sein ein brunnen fluß.

ff. de flu. l. j. §. flumen. Am andern das etwas gebauwen sey oder einer bauwen wölle in dem wasser oder eim bach.

ff. c. l. j. Am dritten das durch sollichen bauw die schiffart gehindert werd / vnd also můß das wasser als groß sein / das es schiffrych sey.

ff. ne quid in flu. pub. l. j. ff. ne quid in flu. pub. l. j. Am vierden / das das wasser anders fließ dan(n) es in dem vergangen sum(m)er geflossen hat. ff. de flu. l. j.

Darumb merck die vnderscheid / das ein teyl diser clag wil / das nichts gebauwen werde / darumb dester böser würde das schiffarn.

(44) Das XV. Blat

ff. ne quid in flu. pub. l. j. in prin. Insti. de rerum di. §. et. ff. e. l. nemo. Das ander wil / das nichts geschehe in de(m) wasser oder seiner bach da durch das wasser anders fließ dan(n) in dem vergange(n) sum(m)er. Vnd ob etwas im wasser gemacht were das sollichs werde dannen gethan.

ff. d(e) flu. l. j. §. fluminum. Auch wisse dz nahe(s)dt alle wasser gemein sein. Ist dz sie ewig sein. Aber dz suchen in cleinern wassern ist nit an allen enden gemeyn / dz macht prescriptio das lang herkom(m)en / als du hernach in dem fünfften interdict hast.

ff. c. l. j. §. pbe(n)ne. Am fünfften / so můß das wasser ewig sein. Ist es aber nitt ewig so gebürt dir dise clage nit / das wasser heißt ewig / das ewig sum(m)er vnd winter fleüßt.

Am sechsten das ein sollichs geschee da durch dester böser zů farn sey.

ff. c. l. j. §. vlti. Am sybende(n) du habst dz gebawen od(er) ein ander / gnůg ist es so du es besitzt.

Herr richter ich clag eüch vo(n) .M. der hat ein sollichs in das .N. wasser gebawen / dadurch die schiffart geirret vnd gehindert würt. Bitt (et)c. erkennen dz er sollichs sol dannen thůn / vnd das er es thü (et)c. Wer aber der baw nit geschehen. Bitt also. Bitt ich eüch sollichs erfarn souil vnd gnůg / vnd ym verbieten das sollichs nit bawe. Wiltu aber vß dem andern teyl clagen / das ist das nichts geschehen in dem wasser dadurch das wasser anders fließ (et)c. als obstat.

Vor eüch herr richter clag ich vonn .M. der hat in dem wasser sollichs gebauwen / durch sollichs fleüßt das wasser / anders (et)c. dan(n) es in dem vergange(n) sum(m)er geflossen. Bitt ich erkennen das er sollichs sol wider abthůn vnnd das er es thü (et)c. wolt er aber ein sollichs erst machen / solt du bitten den richter das er ym sollichs verbiette.

ff. de aqus plu. ar. C. de opere. Item merck es gebürt dir dise clag auch so die dein sunder nutz geschediget würde / vnd ob das wasser nit schiffrych ist / als die cleinen wasser / vnd ob ym der Keyser het günnet etwas in dem wasser zů bawen / so sol man doch sollich günnung versteen / das dir dein eygener nutz dadurch nit geschediget werde. Wann also sol ein yegklicher sich seines rechten gebrauchen das er nyemandt an seiner gerechtigkeit letz oder schedige. Das ist wider die / die sich vogt heissen über die güttere / vnd nemen sich an der eygenschafft vnd zů dem erbe mer dan(n) yn von rechtem gebürt. Auch heissen sie sich billicher richter dan(n) vögt / so das gerichtszwang ir ist / wann es gebürt sich das ein vogt sol den der das erbe hat schirmen vor gewalt vff seinem erbe / sollichs geschicht aber nit.

Herr richter ich clag eüch von .N. der will oder hat gedawen einen sollichen baw / dadurch nur solicher schade geschicht / das mein müle yetzimbt nit geet als sie vor gangen oder gelauffen hat. Bitt (et)c. erkennen das er solichen bauw dannen sol thůn / hat er es aber noch nit gebawen das ir im verbiet sollichs nit zů bawen.

ff. de dam. infec. l. liminu(m). §. vlti. Auch merck / hastu ein goltbrunnen vff dem dein / ich mag auch einen graben vff dem mein / wiewol durch sollichs mein graben dein brun(n) verseyhet vn(d) würt. ff. ne q(ui)d i. lo. pub. l. ij. §. damnu(m). Aber vff einer gemeind möcht ichs mit recht nit gethůn.

(1. T., XV. Bl. 29. K.) De loco publico fruendo.

Das du ein gemeyn statt brauchen mögest.

Wann einer ein gemeyn hoffstat oder etwas gemeyns das einer statt ist besteet vmb einen zynß / vnd wurde er geirret von einem / gebürt die dise clag wider yn / das im verbotten würt das er dich dieselbenn bestanden stat laß

D iij

(45) Der Erst Teyl

gebrauchen vnd nutzen nach dem gesetz des bestandes.

ff. loca. l. ij. Am ersten sol die bestanden statt sein gemeyn einer statt.

Am andern das der zynß betzalt werde / anders es ist kein bestand on zynß.

ff. c. l. ij. in si. Am dritten das der der geirret würt gebrauch sich der statt nachforme des bestandes / gebraucht er aber der statt anders dan(n) es im geluhen were / möcht er geirt vnd verbotten werden die statt zů gebrauchen.

Herr richter ich clag eüch von .N. der laßt mich nit gebrauchen vnd nutze(n) die gemeynen statt .M. die ich vo(m) bawmeister diser statt bestanden hab vmb zehen gulden / alle iar zů geben vnd zů betzalen. Bitt (et)c. ym verbietten das er mich nit irre vnd mich der statt nach gemeinem nutz laß gebrauchen.

(1. T., XV. Bl. 30. K.) Vt liceat reficere viam publicam.

Das du einen gemeinen weg raumen mögest.

So einer wil einen gemeynen weg oder fůßpfat raumen oder widerbringe(n) oder fegen / vnd würt geirret von einem / gebürt ym dise clage.

Am ersten so můß ein gemeyner weg oder fůßpfat sein.

Am andern das ich den weg fegen vnd widerbringen wölle.

Am dritten das mit sollichem fegen oder widerbringen der alt weg / standt vnd wesen des wegen nit verwandelt werde.

ff. c. l. j. Am vierden das mich ein ander irre so ich den weg seübern wil.

Herr richter ich clag eüch von .M. als ich wil den gemeynen weg fegen vn(d) widerbrinngen so irret er mich. Bitt ich (et)c. ym verbietten das er mich nit irre. Würde aber durch sollichs irren dein eygener nutz gehindert / magstu clagen wie obstat vnd sprechen / es schadt mir sollichs irre(n) an meinem hause / sag wie dir das wasser seydt schaden hat gethan (et)c. zwen gulden / die selben zwen gulden. Bitt (et)c. erkennen das er mirs gebe.

(1. T., XV. Bl. 31. K.) Vt liceat iter agere per viam publicam.

Das du gemeyn weg gebrauchen mögest.

So einer gat oder etwas fürer vff einem gemeynen weg vnnd würt gehindert vnd geirret / gebürt dir dise clag wider den irrer.

Am ersten sol der weg gemeyn sein.

Am andern das der der geen oder faren wil / vff de(n) weg geirret werde / wolt aber einer durch meinen weg geen oder faren / mag ich ym verbietten.

dicit. l. ne q(uo)d in lo. pub. l. ij. §. viarum. Herr richter ich clag elich vo(n) .M. d(er) wil mich nit vff de(n) gemeyne(n) weg lasse(n) geen od(er) fare(n). Bitt ich (et)c. ym gebiette(n) dz er mich sol lassen geen oder faren.

C. de vect. insti. non pos. l. j. Merck / das weder die herren noch die stett mögen soll vffsetzen sie habenns dann vom fürsten erworben.

(1. T., XV. Bl. 32. K.) Vt liceat ripa(m) fluminis reficere vel munire.

Das du ein bach raumen mögest.

Es wil vnderweylen einer fegen vnd widerbringen ein loch eines gemeyne(n) wassers / vnd würt im verbotten von einem andern / gebürt ym dise clag.

Am ersten gebürt sich das / das sollich wasser gemeyn sey.

Am andern / das der bach fegens oder bauwens bedürff.

(46) Das XVI. Blat

Am dritten / das durch sollich fegen od(er) bawe(n) / die schiffart gehind(er)t werde. Am vierden / das der / der den bach fegt oder widerbringt / verbürge denen die grund haben an den bach stossen nach seinem standt den schaden abtzůlegen / den der bach thůn würt / sollichs fegens oder bauwens halb vff .x. iar.

Am fünfften / das der baw nit geschehen sey / ee dann das verbürgen gebotten od(er) gefordert werde / würde aber hernach schaden geschehen / würd geclagt mit der clag die do heißt aquilia / hernach geschriben.

ff. de ri. pub. non. l. vnica. Am sechsten dz der / der da fege(n) od(er) bawe(n) wil / werde geirret oder gehindert.

Herr richter ich clag eüch von .M. der mir verbeüt oder mich hindert das ich wil den bach .N. auß dem wasser fliessen on allen schaden fegen / ob er ein sollichs daran bawen / vn(d) auch bereit bin den anstossern verbürgen den schaden widerkern vff .x. iar nach gesetz des rechten. Bitt ich eüch (et)c. Deßglychen magstu clagen von einem bach der vß einem see oder anderßwoher rinnet.

ff. de re. di. riparuin. insti. de redi. §. insula. Merck / du magst sprechen / das diß interdict vnnd clag mög nit gebüren / wan(n) die bäch von den gemeynen wassern rinnent seind deren die nahend bey dem bach grundt haben. ff. ad l. aquil. que(m) admodus. §. si et(c). rectum. Sein sie nun der selbenn / antweder sie wöllens raumen oder ander wöllen sie raumen das mögen sie wol thůn / wöllent aber ander raumen oder fegen mit gewalt / den mag wol verbotten werden / vnd ym gebürr kein clag / wan(n) einer etwas wil thů in dem meine(n) / ich mag ym sollichs mit meinem eygen gewalt verbietten. ff. vt in flu. pa. l. j. §. si priuara. Vnd wan(n) die andern sollichs wöllen thůn vnnd würt yn verbotten / yn gebürt dise clag / wiewol das ist / das die eygenschafft deren ist die anstossen grundt da haben / so ist doch der gebrauch des wassers gemeyn / wann es mag ein yegklicher sein netze alda trucken / vnd die schiff alda füren vnd an die baum binde(n) die alda gewachsen sein / wiewol die baum deren seind / der die grund sein / vnd darumb so mag ein yegklicher die bäch seübern vnd raumen.

(1. T., XVI. Bl. 33. K.) Vt in flu(m)ino publico liceat nauigare vel piscari.

Das du magst fischen oder schiffaren in gemeynen wassern.

Es wil etwan einer in eine(m) gemeyn wasser wog oder see schiffarn oder fische(n) vnd ein ander verbeüt ym sollichs / gebürt im dise clag wider den verbietter.

Am erste(n) gebürt sich das das wasser / wog oder see / seind gemeyn / weren sie aber nit gemeyn / mögen die deren sie sein on schaden sollichs verbietten.

Am andern das du wölest schiffarn oder fischen.

Am dritten das du verhindert werdest oder dir verbotten werde.

ff. d(e) dinct. et tempora. p(re)scribi. l. qui in fluminis. Am vierden das der / der es verbeüt / habs fischen nit herbracht durch fryheit der fürsten / als dan(n) mag ers on schaden verbiette(n) / oder habe aber bey .xl. iaren gefischt in meim wasser / alßdan(n) het er allein vnd sunst nyemand recht das zů fischenn / wann er hat sollichs prescribiert so lang zeyt er habe aber bey viertzig iaren gefischt in gemeynem wasser.

Herr richter ich clag eüch von .M. der hat mir verbotten vn(d) verbeüt mir schiffarn od(er) fischen in dem freyen wasser / wog oder see. Bitt (et)c. das ir ym verbiettent mir sollichs nit mer wöre.

(1. T., XVI. Bl. 34. K.) Ae vis fiat ei q(ue) in possessione(m) missus est.

D iiij

(47) Der Erst Teyl

Das dem kein gewalt geschehe der yn besitze gesetzet ist.

Si q(ui)s in tanta(m). Wann da die ancläger vß vil vnd mancherley vrsach werden yn gesetzt in die habe der die sie anclagt haben / vnd die habe zů versorgen vnd zů behalte(n) / vnd söllicher besitz würt yn gewert / vnnd werden daryn nit gelassen / so mag yn auch das interdict vnd dich die Keyserlich constitutz. Si quis in tantam /. nit zů hilff kom(m)en / wan(n) die cläger haben solliche habe nit besessen / darumb ist nottürfftigklich vnd hilflich erfunden worden dise clage. In der sich am erst(e)n gebitt / dz ein redlich sach sey darumb einer bitter das man yn besitz setze. Als so dir am todtbeth einer etwas verschafft het / oder morgen gabe / oder so dir ein er nit wolt verbürgen für schaden so yn der richter sollichs geheissen hette / oder vß einer ander sach willen / wie die genant were.

ff. c. l. j. §. becvba. Am andern das die sach gerecht war sey / annders die ynsetzung in besitz were krafftloß.

Am dritten das die recht vßweysen das ich yngesetzt sol werden.

ff. c. l. j. in p(ee)n. Am vierden das mir sollicher ynsitze verbotten werde mit vntreüwe.

Am fünfften / das der d(er) es verbüet oder irret / sey nit ein narr od(er) vnder viertzehen iaren / nit herr oder vatter so sie ire knecht sollichs heissen verbieten oder irren / wann sollich die werdenn entschuldiget / so sie wie obenn stat gehorsam seind gewesen.

ff. c. l. j. §. si q(ui)s jo(n). Auch merck / ist das ich glaub mir sollichs verbiette(n) zymlich sey / oder so die habe mein oder mir verpfandt ist / die man anclaget / irre ich sollichen ynsatz / bin ich nit schuldig.

Merck die d(er) besitz gewört wirt hat dise hilff vmb sollichs verbiete(n) vn(d) irren.

Am erste(n) / ist dz er verbotte(n) wirt ee dan(n) er in besitz kompt / hat er dise clag / dz de(m) nit gewalt sol geschehe(n) / den d(er) richter hat heissen in besitz setzen.

Am andern / das der richter sol den mit gewapneter handt ynsetze(n) daryn yn der richter hat heissen setzen / oder in die habe des ders verbotten hat.

ff. c. l. j. §. j. Am dritte(n) / so erfolgest du mit der clag als vil als er dir schadet das dir der besitz verbotten ist.

ff. c. si q(ui)s missus. §. cum pretor. Dise hilff hast du ee du in den besitz kompst / vnnd auch so du im besitz gewesen bist. Es wer gar clein das der richter hieß ein in besitz setzen / wan(n) er yn im besitz nit schirmbt / vß was sach der besitz würt erkennet / sol der richter den besitz schirmen / würt er aber verbotten oder vßgetriben / so sol er aber beschirmen wie obstat.

dicit. l. si qui. §. j. ff. c. Herr richter ich clag eüch von .M. der irret vnd verbeüt mir das ich nit besitzen mag die habe des .N. in die selbenn habe hat der richter erkennet das ich daryn in die selben habe gesetzt sol werden. Bitt (et)c. ym verbietten das er mich in sollichem ynsetzen nit irre (et)c. wöllest du aber fordern den schade(n) / behalt die form vnd setz hintzů / vnd wan(n) mir nun sollichs verbietten oder hind(er)n schadt hundert gulden. Bitt (et)c. erkennen das er mir sollich hundert gulden schuldig sey zů geben vnnd das er mir es gebe / wilt du aber die vorgeschriben clage nit fürn / magst du den richter also bitten.

Herr richter ich clag eüch von .M. der wil mich nit besitzen lassen die habe / daryn ir mich habt heissen sitzen. Bitt ich eüch vnnd rüffen hierinn eüwer amplan / das ir mich mit gewapneter handt inn den genannten besitz setzen.

(48) Das XVII. Blat

Werestu aber in der habe gesessen / vnd werest wider vßgetriben / magstu dise clag wie obstat aber fürn / dann das du clagst du werest vßgetriben / vnd bittest den richter dich wider ynsetze(n) als du gesessen bist / wöllestu aber den schaden vordern den du sollichs vßtrybens geno(m)men hettest / formier dein clag wie obstat in der andern form.

ff. c. si q(ui)s missum. Am dritten magst du wider den richter bitten dich mit macht ynsetzen als da vor gesessen bist / alles mit der clag (et)c.

Merck / der der also yngesetzt ist / besitzt nit / er in(n)helt nur den besitz / in latyn tenta oder tenuta. Wer nach sechs monaten nit verbürgen wolt vmb das / dz geschafft ist oder vmb ein andere habe / die im rechten gefordert ist worden / od(er) so einer vngehorsam ist / vnd nicht im rechten antworten will. Aber dise drey hilff werden yetzundt nit gebraucht. Wann geistlichen würt der vngehorsam gebant / vnd weltlichen in die acht gethan.

(1. T., XVII. Bl. 35. K.) Interdictum quorum bonorum.

So einer einen erbt on testament / oder im testament / vn(d) will den besitz des erbfals vord(er)n vn(d) ynbringe(n) vo(n) den besitzern d(er) erbgütter / würt ym geholffe(n) mit diser clag damit er yngesetzt würt in die habe von de(m) todten verlassen.

Also formier dein clage.

Herr richter ich clag eüch von .M. der behelt vnd besitzt alle habe die gewesen seind etwan .H. des selben .H. ich on testament oder im testament erb bin. Bitt (et)c. erkennen das er mir den besitz des selbenn erbs sol geben / was sich gebüre das man einem sollichen besitz sol geben / frag die gelerten.

vt in. l. pendente C. de bo. posses. im tal. Merck / als lang das testament krefftig ist / so mag das erb nit yngenom(m)en werden von dem der sunst erbe were. ab intestato.

ff. de vulga. et pupil. substi. l. j. Item sol auch nyemandt sorgen vnnd hoffnung haben vff des andern tode von erbs wegen. So der erbe den besitz des erbs den der legatarius in(n)helt / das ist der dem geschafft ist / vordern wil / so hat er dise clage.

(1. T., XVII. Bl. 36. K.) Quorum legatorum.

Es geschicht dick das die dem im testament oder letsten willen gesetzt oder geschafft würt / die selben habe also geschafft bekom(m)en vnd besitzen vnd behalten yne wider den willen der erben / darumb würt den erben geholffen mit diser clage / damit sie die beküm(m)erten habe widerbringen mögen.

Am ersten ist notturfft das das testament od(er) letster wille sey geschehen vo(n) der person die gewalt hab testament oder letsten willen zů machen / vnd das sollichs nach ordenung der rechten geschehe.

ff. c. l. j. §. j. Am andern das der legatarius / dz ist der dem geschafft oder gesatzt ist im testament oder letsten willen / hab beke(n)net die geschaffen habe wider den willen des erben.

C. de legatis. no(n) est dubium. Am dritten / das ers bekom(m)en oder yn genom(m)en habe ee dan(n) der erb das erbe rechtlich besessen hab / wan(n) het der erb das erbe rechtlich besessen (wie das sein sol / frag die gelerten) der legatarius verliere gäntzlich die habe die der besitzer überkommen hette.

(49) Der Erst Teyl

Am vierden / ist das der erbe dem legatario günnet die habe zů besitzen / dz sollichs ee dan(n) der erb das erbe besitz geschehe.

Falcidia. Am fünfften das in dem selb(e)n erbe sey nit Falcidia / das ist dz der erbe mag das vierteyl der verschaffenen habe innhaben.

Am sechsten / das der erb vrbütig oder bereit sey zů verbürgen dem legatario als bald er das vrteyl genom(m)en het das er dem legatario das verschafft geben vnd volgen lassen wölle. Die sachen seind schwer vnd übel zů teütsch zů machen / wo es aber not sein wurde frag einen legisten darumb.

Herr richter ich clag eüch von .M. der .N. hauß im testament das Ticius hat gemacht vnd geschafft / des selben Ti. ich erbe bin / sage wie (et)c. freuelich(e)n (et)c. mit seinem eygen gewalt besessen ee dan(n) dz erbe rechtlich besaß. Bitt (et)c. erkennen das er mir das hauß sol widergeben. ff. c. l. j. Es ist billich das ein yegklich er nit selbs in gehe / in den besitz des das im gebürt / sunder er soll sollichen besitz vordern von dem richter.

(1. T., XVII. Bl. 37. K.) De tabulis exhibendis.

Von dem testament oder letsten willen zů zeygen.

Harumb hat einer ein testament gemacht / das selb testament helt einer innen / vnnd du darffst wol das du es sehest / vnnd dir es getzeygt werde / magst auch vordern durch dise clag.

Am ersten gebürt sich das ein testament oder letster willen in geschrifft gemacht sey / eins oder zwey.

que(m)admodu(m) testamentu(m) apsat. ff. c. si q(ui)s forte. Am anndern das der / der die geschrifft sol haben nit leucken das er es habe bey ym / oder sprech er mög es nit zeygen / anders es het ein andere clag stat genant. Quemadmodum testamentum aperiatur. So er bekennet das ers hette vnd doch nit zeygen wolt.

ff. c. l. i. §. vlti. Am dritten das der des testament du begerest zů sehen sey todt.

Am vierden das das testament oder letster wille sey in geschrifft gemacht / wann sollichs möcht sunst nit getzeugt werden.

ff. c. l. i. in prin. Am fünfften das der das testament besitz oder aber mit vntreüwe von ym hab gethan.

ff. c. locum. Am sechsten wer die clag will füre(n) / de(m) můß etwas im testame(n)t geschafft sein.

Eüch herr richter clag ich von .M. der wil mir das testament .M. in dem mir .xx. gulden geschafft sein nit zeygen / nun schadt es mir vmb .xx. gulden. Bitt (et)c. erkennen das er mir die .xx. gulden betzalen (et)c.

ff. c. l. locu(m) conde(m)natio. Merck / am erstenn soll der richter erkennen das der zeyge das instrument / wil er dan(n) nit gehorsam sein / sol er yn verda(m)nen in schaden. Dise clag ist auch schwer / wo es aber not würde / frag einen legisten.

(1. T., XVII. Bl. 38. K.) De liberis exhibendis.

Das man vns vnsere sehen lasse / vnd yn vnsere gewalt gebe.

So vnsere kindt über iren willen von einem behalten werden / mögen wir sie in vnsere gewalt bringen mit diser clage.

ff. c. l. j. in prin. Am ersten gebürt sich / das sollichs kindt das ich vorder / mein sey.

Am andern / das das kindt in meinem gewalt sey. Wie wir vnnsere kindt in vnserm gewalt haben / sůch insti. de patri. potes. circa princi.

(50) Das XVIII. Blat

Am dritten das das kindt über sein willen mir vorgehalten sey.

ff. c. l. j. §. si vero. Am vierden das der / der den sun vor helt nit hab ein gerecht vrsach mir yn vor zů haltenn / als die můtter so der vatter töubt oder see zornig ist über das kindt. Es mag auch ein recht vrsach sein / dz der dz kindt vorhelt als die můtter / so das kindt ist vnder dreyen iaren. C. vbi. pupillus. educari de. l. j. Als dan(n) mag man es der můter über iren willen nit nehmen / die můtter neme dan(n) dem kindt einen stieffuatter.

ff. c. l. j. in si. Item auch wann mein tochter bey irem eeman ist / wann hielt ichs ym vor ym gebürt dise clag wider mich.

Herr richter ich clag eüch von .M. der helt .N. meinem sun der noch in meinem gewalt ist über seinen willen. Bitt (et)c. erkennen dz er mir meinen sun sol lassen vnd (et)c. vil ander hilff haben wir so vns vnsere kindt vorgehalten werden. So aber mein suns selbs leucket dz er mein sun sey / gebürt mir wider yne.

Am ersten zů rüffen an des richters ampt.

Am andern actio preiudicialis in rem / von der du vor hast gehabt.

ff. de libe. exbi. l. penul. Am dritten / interdichtum de liberis deducendis. Als so mir ein erb von seinen wegen sol werden.

(1. T., XVIII. Bl. 39. K.) De liberis deducendis.

Es wer ein cleiner nutz das man vns vnsere kindt zeygt / man ließ vns sie dan(n) wo wir hin wolten / hierumb in dem vnd dem vor geschriben nechsten interdict / gebürt sich glych vn(d) ist kein vnderscheid / dan(n) das ist kein vnderscheid dann das in der nechsten clag nach dem latyn heißt die clag von den kinden vns zů zeygen / vn(d) in diser / dz man vns vnser kind laß füre(n) wo wir hin wölle(n).

(1. T., XVIII. Bl. 40. K.) De libero homine exhibendo.

Das vns der frey geborn mensch vß gefencknüß gelassen vnd geb(e)n werde.

Offt geschichts dz ein frey geborn mensch würt in gefencknüß über seine(m) willen gehalte(n) / vn(d) nit mit freyem wille(n) yn laßt ziehen wo er hin wil. Ist gemacht dise clag / vnd gebürt einem yegklichen wider den der den gefangen helt.

Am ersten das der / der vß gefencknüß gelassen sol werden / frey sey.

Am anndern das der / der den freyen menschen gefangen hat / nit recht zů ym hab. ff. c. l. iij. Also so er yn hat erlößt von den feynden / vnd er hat mir das selb gelt noch nit betzalt / oder so er ein annder recht sach zů ym hat / sollich gerecht sach gehört dem richter zů erkennen.

ff. c. l. iij. §. si q(ui)s voluntate. Am dritten / das der gefangen mensch über seinen willen gefange(n) sey. Es were dan(n) das sollicher wille mit list vnd vntrew des fahers geschehen were.

ff. c. l. iiij. §. exhibere. Am vierden / das der gefangen gantz frey gelassen werde.

C. qui legit. perso. stan. b a. iti iudicio. l. j. Am fünfften / ob ein fraw oder ein knab vnder viertzehe(n) iaren dise clag wolt füren / das der gefangen sey ir eins freündt von můtter vnnd vatter / vnd das ist ein casus das einer vnder viertzehen iare(n) in gericht steet der doch sunst kein person hat zů steen in gericht.

ff. c. l. iij. §. si tame(n) plures. Am sechsten / ob mer cläger kom(m)en / so mag der richter den würdigsten vn(d) redlichsten welen vnd clagen lassen.

Am sybenden / ist das ein mal geclaget ist / das fürbaß nit mer geclagt werde / es würde dann bewisen das der erst claget vntreüwlich vnd bößlich dauon gelassen hette / das würt in latyn geheissen preuaricare.

(51) Der Erst Teyl

Herr richter ich clage eüch von .M. der hat .N. über seinen willen gefange(n) vnd laß yn nit geen oder steen wo hin er wil. Bitt (et)c. zů gebietten das er yn vß gefencknüß sol lassen / vnd das er es thü / zwinget (et)c.

ff. c. l. iij. §. si tamen reus. Item merck / wil er yn nit vß gefenckniß lassen / mag ich wider in schwöre(n) vn(d) sollichs schätzen an gelt / vnd doch mag der faher wider von mir oder eim andern verclagt werden.

Merck / dise clag ist ewig / vnd kompt der faher in gericht / sol der richter den clager ynsetzen in die habe des fahers (et)c.

Priuat carcer. C. de p(ri)uatis carce. inhibendis. Merck / es ist verbotte(n) das in sunnderheit kein kercker od(er) thürn sol sein / daryn die mensche(n) gelegt werde(n) / sollich gefencknüß solle(n) allein die richter haben.

(1. T., XVIII. Bl. 41. K.) Vnde vi.

Dise clag gebürt wider den der gewalt gethan hat.

Dise clag oder interdict hat stat so du mit gewalt hast verlore(n) den besitz der erden / das ist ligende habe / als heüser / äcker / wisen (et)c.

ff. c. si verum. Item der gewalt můß sein vßtrybend nit zwingend. Wann würde ich getzwungen den besitz meiner habe hin zů geben / gebürt mir nit dise clage / vnd hat ein andere stat mit namen. q(uo)d me. cau. von der du oben geschribe(n) vindest.

Item es sol auch vnbillicher gewalt sein. Incontinenti.Wann würde ich vßgetriben vß meinem besitz / vnd als bald wil ich wider mit gewalt mein besitz bringen / dz mag ich mit meinem eygen gewalt von verhengknüß des rechten thůn. ff. dever. ob. continuus. et. ad. l. iul. q(uo)d ait.

Als bald soltu also versteen / ee du dich bereitest ander dein geschäfft zů thůn. Es mag auch der / der noch nit ist außgetriben / dem der vnbillichen außtreybenn wil widersteen / vn(d) mit gewalt seine(n) besitz schirme(n) / doch mit massen. ff. c. l. j. Moderame(n) inculpate tutele. ff. c. l. iij. §. cu(m) igst. Solliche maß würt gemerckt in zwen weg / thůstu mir aber gewalt on waffen / sol ich mich weren on waffen. ff. c. l. iij. §. armis Waffen sein all geschoß / spieß / stangen / schwert / stein / messer / bogen (et)c. Were aber einer so groß vnnd starck / das sein feüst herter weren dann mein schwert schlege / mag ich mich mit waffen weren. ff. c. l. iij. §. qui armati. Auch bin ich nit schuldig das ich beyt biß ich geschlagen würde / genůg ist das einer mich angee mit waffen / od(er) mit waffen schreck / als dann mag ich mein besitz mit waffen schirmen / vnd mich der waffen brauchen.

ff. ad. l. aqui. si et plagis. §. tabernarius. Item du solt dich allein schirmen vnd nit rechen / wann magstu dich des zwingens mit schlahen erweren / vn(d) schlechst ym mit fleyß ein aug vß / wercst schuldig des gesetz aquilia.

ff. c. l. j. §. ad sola(m). Item der gewalt sol grausam sein.

Item der gewalt sol nit geschehen sein von des richters heissen / als du hernach würst höre(n) in den keyserliche(n) rechte(n). si quis in tantå. et. l. meminerint (et)c.

Dise clag gebürt allein vmb ligende habe / wann vmb farende habe clagt man furti. oder vi bonorum raptorum. Die clag hast du vor geschriben von rauben vnd stelen (et)c. ff. c. l. j. §. vlti. Wurst du aber von deiner ligenden habe vertriben / so auch darinn farends were gewesen / käm die selb habe auch mit in dise clage / die selb farend habe sey des vertriben eygen / entlehent / ym zů behalten geben / oder zů pfandt gesatzt / wolt aber einer vonn der ligende habe wegen diese clage füren / vnd vmb die farende habe die andern / als raub vn(d) diebstall wie ob stat

(52) Das XIX. Blat

er mags thůn. Wiltu clagen vff den verloren besitz / gebürt sich zwey.

ff. c. l. j. Am ersten / das du warlich besessen habst als du vß getribenn bist worden / antweder mit dem lybe / oder mit dem gemüte / vnd darumb ist einer von acker oder vß seinem hauß gangen / vnd hat nyemandt der seinen hinder im gelassen / so er wider kompt würt er nit yn gelassen / oder het yn einer vnder wege(n) gefangen / der ist mir gewalt vertriben / wan(n) also ist ym entwert der besitz den er in seinem gemüt gehabt hat / wiewol er mit dem lyb nit besessen hat. ff. de re. in no(n) vider(e) re(s) amittere. Wan(n) nyemandt verleürt die habe dan(n) der es gehabt hat.

ff. c. l. j. §. penul. Am andern / das der besitz sey warlichen verlorn / and(er)s dir gebürt dise clag nit / vnd darumb ist das mich einer vßtrybt vnd nit die meinen / diese clag gebürt mir nit / wan(n) durch die meinen behalt ich den besitz. Wann die rechtlich besitzung ist der natürlichen besitzung so gewant / das ein von der andern nit gescheiden mag werden. Ui deiectus q(ui)s dicatur. Mit gewalt würt verlorn der besitz ich werd dauon vertriben / oder so ich widerkom(m) vnd würd nit yngelassen. ff. de vsucs. non solum. Item wann ich hab die gewapneten gsehen / oder hab gehört das sie kom(m)en / durch sollich forcht bin ich gangen von dem besitz / zů verlieren den besitz bin ich vertriben.

Juris possessio.

Tiaturalis possessio. ff. c. l. j. §. dicitur. Item dise clag gebürt de(m) vertribene(n) er besitz rechtlich / das ist in de(m) gemsive od(er) natürlich / das ist mit de(m) leyb so ich in der habe / od(er) vff de(m) acker stee / lige oder sitze / oder die habe die in meiner angesicht ist / besitz ich allein rechtlich.

Dise clag würt geben dem vertribenen so er in seinem namen besitzt / sunst würt die clag geben dem in des namen der es besessen hat. Einem yegklichen vertribenen gebürt dise clag an dem der widerkompt vnnd nit yn gelassen würt er besitz rechtlich oder vnrechtlich. Etia(m) predo testetuendus. Wann dem rauber gebürt dise clag / der rauber sol in seinem besitz von dem richter auch beschirmt werden.

Item dise clag gebürt wider den / der vertribenn hat / auch wider den der es gebotten oder geheissen hat / auch wider den der sollichs vertryben von einem andern in seinem namen geschehen / stät helt / wan(n) malefitz stät halten / würt einem gebott gegleychet.

ff. c. l. j. §. deiecisse. et. §. q(uo)tiens. Item der / der in seim oder eins and(er)n namen oder vo(n) gebott od(er) beuelhnüß hat vertriben / ist schuldig diser clag (et)c. So aber der besitz mit recht von dem hern würt gebracht / würt der procurator erlöset / vnd widerumb.

Item diese clag gebürt wider den der wider das haußgesind oder taglöner sollichen gewalt getriben hab / vnd souil vnd sollichs im worden ist.

Uiolentia. ff. c. si. vi. me. deiecerit. Item also sein die stät schuldig diser clag von de(m) das in worden ist / vß violentz / das ist gewalt den ein ander in irem namen gethan hat.

Aber vm(b) ere willen etlicher person würt dise clag vom richter versagt / als den kinden wider vatter vnd můtter / liberti wider iren patron / geschehe aber sollicher gewalt von vatter vnd můtter oder patron wider die genante(n) person mit waffen / het dise clag stat.

Item es sol wider geben werden die ligend habe / vnnd ales das darinn ist gewesen / auch würt der rauber damit nit ledig / wer die halbe die weyl er es besitzt vergangen / oder zů nichten worden.

Item auch alle die nutzung die er yngenom(m)en vnd genossen hat / auch alle die frucht vnd nütz die der vertriben het yngenom(m)en het er besessen.

E

(53) Der Erst Teyl

ff. c. l. j. §. ex die. Ite(m) auch aller schade den d(er) vertribe(n) durch solliche(n) gewalt empfange(n) hat.

Cide si. de possessore. et extra de resti. spo. grauis. So aber nun der vertriben im rechten dein gewalt bewisen hat. C. c. si q(ue)n. Darnach vmb die farend habe vnd schaden des gewalts halben gelitten / mag er nit alle verlorn ding beweysen / sol yn der richter dz verlorn lassen schätzen / die verlorn habe vnd schaden wie obstat gelitten / doch sol der richter nach gelege(n)heit der sachen vnd der person sollichen wert schätze(n) / vnd über sein schätzen soll er den vertriben nit lassen schwören.

Also formier dein clag / so du selbes vertriben bist.

Herr richter ich clag eüch von .N. vn(d) sprich / wiewol ich das hauß alda gelegen besessen habe / ye doch hat der genant .N. mich vonn sollichem besitze getzwungen vnd freuenlich vßgetriben vnnd beraubt. Bitt (et)c. erkennen das er mit den besitz des genanten hauß / ackers oder wisen (et)c. mit gewalt genom(m)en sol widergeben mit dem nutz den ich vonn im yngenommen möcht habenn vnd den schaden den ich sollichs vertrybens halben gelitte hab / den selbigen nutz schätz ich an .x. gulden / vnd den schaden schätz ich an .xx. gulden / doch eüwer rechtlicher schätzung vorbehalten / vnd das er mir es gebe zwingt yn (et)c. So du aber widerkom(m)en bist vnd nit yn gelassen. Sprich also.

Herr richter (et)c. Der ist yngange(n) in besitze des hauß / das selb hauß hab ich besessen / vn(d) als ich wider hinyn wolt / wolt er mich nit ynlassen. Bitt (et)c. wie ob stat / die beschliessung diser clag ist all weg in ein du clagst wider den vertreyber oder sein haußgesinde / taglöner oder der es in eins andern namen gethan gebotten oder geheissen hat / oder den raub in seine(m) namen geschehen stät halt. Dise clage gebürt auch dem lehenman / vnd andern die in latyn vsufructuarius / emphiteota / seu donatarius / superficiarius genant werden.

ff. c. q(uo)d in eo. §. si venditorem. Item merck / es besitz die habe oder sey in der habe oder nit / wan(n) er nur die habe sicht / ye doch besitzt er es natürlich / wann er überkompt den natürlichen besitz durch sehen.

Aber rechtlichen besitzt der / so er wol nit in der habe ist vnnd auch die habe in seinem angesicht nit ist. Wann diser rechtlicher besitz ist vor dem richter erfunden. Nun haben die den rechtlichen besitz der des die eygenschafft ist. ff. c. naturaliter. et. l. possessio. So er einem andern die habe zů niessen geluhen hat / oder der der zů lehen geluhe(n) hat oder zů einem erbe dem hindersessen der fructuarius / der d(er) den nutz neüsser oder nympt / vnd der hinderseß / auch der lehenman die besitzen allein natürlichen. l. ij. Sie besitzen yn selbs auch von des richters wegen das sie zů der habe recht haben / die aber die etwas besteen nit auff lang zeyt. C. de prescrip. xxx. an. Lang zeyt ist im rechten .x. iare die besitzen in frembdem namen / vn(d) darumb so haben sie kein besitz. vt insti. de inter. §. possidere. Ein lang zeyt ist im rechten .x. iare / wann sie besitzen durch mich. vt. C. co(n)ia de vsuca. q(ue) ex co(n)ducto. Also spricht das recht / der besitzt / in des namen besessen würt / vnd darumb hat er innen einen besitz aber den rechtlichen nit / wann ich behalt den selben besitz in meinem gemüt / darumb můß er den natürlichen besitz in(n)haben / wann es ist sunst kein ander besitz / vnd wan(n) er nun den natürlichen hat durch mich / darumb hab ich den selben durch yn / wan(n) die selben besitzen natürlichen.

(54) Das XX. Blat

Colonus. ff. c. possideri. §. q(uo)d seru(m). et l. peregre. Item merck / das die colom die das erdtrych bauwen / die das besteen / entlehen / zů behalten nemen / vnd irs glychen / allein in irem gemütte behalten sie den herrn den natürlichen besitz / vnd ob sie nit in der habe sein / wan(n) sie anders nit von der habe gangen sein in můtte den besitz zů verlieren / wo aber derobgeschriben einer vß de(m) besitz getriben würde / würde er beide besitz verlieren.

ff. q(uo)d in co. Item den besitz überkom(m)en wir vnd gewinnen durch einen yegklichen der in vnserm namen im besitz ist. Vnd etlich ander wege / vnd wir verlieren den besitz auch in ettlich wege / doch ist vnderscheid vnder dem verlieren farender vnd ligender habe / das sůch. C. de aquirenda et amittenda possessione.

(1. T., XX. Bl. 42. K.) Quod vi aut clam.

Wider den der mit gewalt oder heimlichen bau wet / od(er) ettwas machet vff dem deinen wider dein verbietten.

Jactus lapilli. Ist das einer über dein verbietten macht etwas in dem deinen oder vff deinem erdtrych. Sollichs verbietten geschee mitt einem cleinen steinwurff oder sunst / ist dz sollicher der über dz bauwer / der thůt gewalt / macht er aber heymlich das / so du es nit weist / wann er versicht sich oder solt sich versehe(n) / das du yn on gericht nit bauwen lassest etwas vff deim erdtrych / der selb thůt sollichs heimlich / der selb bauwer můß sollichen bauw vff sein kost wider abthůn.

Am ersten gebürt sich das solliches werck mitt gewalt oder heimlichen gebauwen werde vff der erden / oder an andern gebeüwen das vff der erden stee / vnd im ersten der baume.

Am andern das die verbiettung geschee durch einen cleinen steinwurff.

ff. c. vim facit. in prin. §. pbibit. Am dritten das nach sollichem verbietten der bauw geschehe.

Ite(m) merck / ich vbiet mit eine(m) wort od(er) mit eine(m) cleine(n) steinwurff / od(er) legeha(n)t an.

ff. c. probibere. Item ich verbiet od(er) mein taglöner od(er) ein yegklich ander frey person.

Am vierden das die verbiettung blyb.

ff. c. pbibe(n)t. §. si quis paratus. Am fünfften das der dem bauwen also verbotte(n) ist sey nit bereit sich zů weren im rechten / wan(n) bauwet er darnach thůt er mit gewalt.

ff. c. si ali. §. est autem et alia. Am sechsten das der gebauwen hat in dem deine / sollichs habe gebauwen verbrant oder brunnen / wan(n) als dan(n) hat dise clag nit stat.

ff. c. si ali aceruu(m). Am sybenden das sollichs werck das ich nach dem verbietten hab gemacht an deinem acker / das das wesen des ackers nit sey besser worden / als dann gebürt dise clag nit.

Am achten das der / der dise clag füret sey herr / oder es thůt ym sunst schaden / als het ich einen grossen nutz in einem garten / oder het eine(m) ein acker vmb einen teyl gesewet / vnd einer fürt wasser vff das erdtrych / oder hab baum darvnder / durch sollichs würde die frucht geschediget.

ff. c. sp. Am neünde(n) dz ein iar nit vergange(n) sey / nach de(m) dz werck gebauwen sey.

ff. c. pbibere in si. Am zehende(n) / so sollicher baw heimlich geschicht dz d(er) bauwer hab geförcht dz du yn mit recht anlangest / od(er) solt aber solichs gedacht od(er) geförcht haben.

Herr richter ich clag eüch vo(n) .M. der mit gewalt od(er) heimlich über meinen wille(n) od(er) on meine(m) wissen / wan(n) er hat wolgedacht od(er) solt gedacht haben dz ich yn rechts nit erließ / hat an dem ende (et)c. das mein eygen / oder sunst was gerechtigkeit du da selbes hast / soltu fürwenden einen sollichen bauw nach meinem

E ij

(55) Der Erst Teyl

verbietten gemacht oder machen lassen. Bitt (et)c. erke(n)nen dz er sollichen bauw wider abe mit seiner eygen kostung thůn sol / vnd das er es thů (et)c.

Hat er das werck allein mit gewalt gemacht nach deinem verbietten vnd verkünden / clag also.

Herr richter ich clag eüch von .M. der mit gewalt vnd über mein bietten vnd verkünden hat alda (et)c. Die selb statt ist mein eygen / oder so ich sunst ein nutz oder andere gerechtigkeit da hab / vnnd würde durch sollichen bauw geschediget oder gehindert (et)c. einen sollichen bauw gemacht. Bitt (et)c. erke(n)nen dz er sollichen bauw mit seiner eygen kostung dannen thůn / vnd den erste(n) stand widerbringen sol / vnd das er es thů (et)c.

Besitz aber ich es / vnd ein ander hat es gebauwen / clag also.

Herr richter ich clag eüch von .M. der sollichen bauw .N. gebauwen vnd gemacht an dem ende (et)c. die selbig statt ist mein eygen / oder (so du sunst ein gerechtigkeit hast) nach meiner verbiettung besitzt. Bitt (et)c. erkennen das er sollichen baw sol lyden / wider zerbrechen vnd zerstörn / vn(d) in den ersten bestandt wider bringen lassen.

Hat er aber gebauwen on dein wissen / clag also.

Herr richter ich clag eüch vonn .M. der hat ein sollichs gebauwen an das ende / on mein wissen / vnnd hat wol gewißt oder solt gewißt haben / das ich in rechts darumb nit erließ / die selb statt ist mein eygen / oder sag was gerechtigkeit du an der selben statt hast. Bitt ich (et)c. erkennen das er solichen bauw wid(er) mit seiner eygen kostung sol abthůn oder dannen / vnd das er es thů (et)c. Hast du aber sollichs nit gebauwen / sunder ein ander / vnnd du besesset sollichen bauw / clag wie obstat in der nechsten clage.

ff. sp. §. boc interdicto. Merck / du magst in diser clag deinen schaden mit deinem eygen eyde beweysen. Stat iurame(n)to damnu(m) passi. Vnd das ist ein gemeyn regel / wo schade(n) gefordert würt vß malefitz / das sollicher schad mit eyd behalten mag werden. C. vn(d) vi. si q(ui)n. insti. d(e) ver. ob. §. vlti. ff. de partu. sup. Lvlti. Würt aber der schad gefordert vß contract vnd handel / sol er durch zeügen bewisen werden. Dise materie ist schwere. Frag die gelerten.

(1. T., XX. Bl. 43. K.) Vti possidetis.

So du allein in dem besitz betrübet würst vnnd nit außgetriben als zwen sprechen sie besitzen (et)c.

insti. de interdic. §. retinende. Vnderweylen betrübt oder hindert einer einen / also das er in nit fridlich lasset sitze(n) / nit zů acker geen / sewen / darumb ist gemacht dise clage / durch die du deinen besitz beheltest.

Am erste(n) gebürt sich das du besitzest.

Am andern das ligende habe sey.

ff. c. l. j. in prin. Am dritten das sollich habe sey die besessen möge werden / nit heimlich / nit cünstlich / nit gemeyn.

ff. c. l. j. §. huius interdicti. Am vierden / das ein yntrag geschehe / oder du betrübt werdest.

ff. c. l. j. Am fünfften das der besitzer nit besitz mit gewalt / nit heimlich od(er) mit willen vnd gunst von dem der dich betrübt / das ist von deinem widersach.

insti. de interdi. §. vtrobiqs. Am sechsten das du sollichen besitz gehabt hast / als das der krieg zwysch(e)n dir vnd deinem widersach vorm richter bestättiget werde.

(56) Das XXI. Blat

Ite(m) diese clag würt auch gebe(n) so einer dem and(er)n sein gerechtigkeit betrübet.

Item dise clag gebürt sich so beide krieger meynen den besitz zů hab(e)n / yeder spricht er besitz / wölcher dan(n) das beweyßt der behelt seinen willen.

Item auch so einer besitzt vn(d) der ander yn im besitz betrübt. Als so du mir verbeüttest in dem meinen zů bauwe(n) / also irrest du mich an meinem besitz so du mir verbeüttest meinen besitz zů nyessen oder brauchen.

Item so du oder dein arbeiter vß meinem grund zeücht wein rebe(n) in deinen bauw irrestu mich das ich die weinreben antweder abschnyden oder wider in meinen grundt füre / thůstu mir gewalt an meinem besitze / wer mir meinen grundt verbeüt zů arbeiten / verbeüt mir yn zů besitzen.

ff. c. si duo. §. vicinus. Item wo einer vff eim andern grunde schütt oder würfft gebürt dem herrn des grundes wider den werffer oder schütter dise clage / wann der grundt eins yeden sol frey sein biß in hymel. ff. c. si duo. §. lab. o. Wer dann das der schütter (et)c. sollichs besesse mit dienstbarkeit oder gerechtigkeit / ym würd dise clag auch geben wider den herrn des grundes so er yn betrübt inn dem besitze sein gerechtikeit oder dienstbarkeit.

Herr richter ich clag eüch von .N. der mich mein haußgesinde odre bauwern in de(m) besitz dz hauß alda gelege(n) (et)c. irret vnd betrübt also das er mich nit laßt dz hauß od(er) den grund fridliche(n) besitze(n). Bitt (et)c. erke(n)nen dz er mich an solliche(m) meine(n) besitze nit irre(n) solle / vn(d) verbiette(n) ym mich hinfür nym(m)er zů irren.

Item betrübt einer dein hindersessen also er geet vff das feld vn(d) laßt sie nit zů acker gan / nit sewe(n) / nit mein zyuß od(er) dienst thůn od(er) geben / clag also.

Herr richter ich clag eüch von .M. der den .N. vnd .N. mein hindersessen die ich hab an dem ende betrübt vnd hindert / er laßt sie mir mein zynß nit fridlichen geben vnd thůn. Bitt (et)c. erkennen das er mich an sollichem besitze mitt irren solle / vnd verbiettent ym mich hinfür nymmer zů irren / ob aber die bauwern vns in vnserm besitz selbes betrüben.

Herr richter ich clag eüch von .M. wiewol ich im besitze bin von ym yntzůnemen sollich zynß oder dienst die er mir schuldig ist zů thůn od(er) geb(e)n / ye doch betrübt er mich in sollichem besitz vnd widert sich mir sollich dienst zů thůn. Bitt (et)c. das er mir sollich zynß oder dienst thů vnd betzale hinfür vnd in sollichem besitze nit mer betrübe. Dise materie ist schwer zů teütsch zů machen. Frag die gelerten.

Am letste(n) merck wölcher den andern in dieser clag überwindet / sol der überwunden innerthalben dem iare vnnd das vrteil gangen ist im in dem werde des besitz verdampt werden. de treuga et pa. c. penul. Aber nach dem iare magst du nit clagen vff den werdt / sunder allein vff den schirm des besitze / vnd vff ewige verbietung der betrübung / wann mit mein hinderseß mein gült nit gibt / mag in darumb lassen in bann thůn.

(1. T., XXI. Bl. 44. K.) De interdicto vtrobi.

Das du nit betrübet werdest in dem besitz farender habe.

Auch würt deßglychen der besitz einer farender habe betrübt vnnd geirret / darumb ist gefunden dise clag / in der alles das nottürfftig ist das du vindest

E iij

(57) Der Erst Teyl

du der vorgeschriben clage / allein ist diß die vnnderscheid / das die vorig clag gebürt vmbligende / vnd dise vmb farende habe.

Herr richter ich clag eüch von .M. der mich das weyß pferdt das ich besitz nit fridlichen laßt besitzen vnd brauchen / als er laßt mich nit darauff reyten wo ich hin will / oder damit zů acker geen. Bitt (et)c. das er mich dz pferdt sol fridlichen lassen besitzen. Vnd verbiettent im (et)c.

(1. T., XXI. Bl. 45. K.) De superficiebus.

Das du nit betrübet werdest im besitz einer habe die dir zů bezymmern gelühen ist zů einem erbe.

Superficies. Wann du hast ein gůt oder ein grund bestande(n) / vnd hast darauff ein zymmer / es sey stall / hauß oder scheüwt / wie es genannt sey / in latyn würt sollichs genant superficies / vnd du besitzetst das zym(m)er / ein ander kompt vnd betrübt dich in dem besitz des zymmers / gebürt dir dise clage.

Am ersten das das zymmer sey vff die erden gesatzt.

Am andern / das der grundt frembd sey / nicht dein.

Am dritten das du das zymmer besitzest.

Am vierden das du es nit mit gewalt / nit heimlich / nit mit willen besitzest des der dir yntrag thůt oder dich betrübet.

Am fünfften das du sollichs bestanden habst.

Am sechsten das sollicher bestande sey nit vff ein clein zeyt.

Merck / vmb sollich betrübung gebürt dir die obgeschriben clage. vti possidetis. vnnd diese auch wie obsteet / eine heisset vtilis rei vendicatio. vonn der du oben hast hernach steet sie.

Triplex funiculus difficilio ru(m)pitur. Merck / es ist vns nütz das wir vil hilff haben / wan(n) ein dreyfachstuck würt nicht bald zerbrochen. Als Salomon spricht.

Herr richter ich clag eüch von .M. das er mich das zym(m)er das ich vff dem grundt alda gebauwen hab an dem ende / den selben grund hab ich wol von .N. der des selben grundes herr ist bestanden ein sollich zym(m)er darauff zů setzen / nit laßt fridlich besitzen / sunnder er betrübt mich also (et)c. in dem besitz des zymmers. Bitt (et)c. erkennen das er mich also an sollichem besitze nicht betrübe vnd verbiettent im hinfür als vor.

(1. T., XXI. Bl. 46. K.) De itinere actuqs priuato.

Das dir nit verbotten werde der fůßpfadt oder weg / vnd der gebrauch über einen frembden grundt.

Offt geet einer durch des anndern grund dises iar / doch das er nit sein gerechtigkeit habe / der ander kompt vnnd verbeüt im so er geen oder farn wil / ist gemacht dise clage / in der sich gebürt.

Am erstenn das einer sich des pfades oder weges diß iares habe gebraucht durch seins nachpauwrn grund zů seinem grund / oder zů de(m) mynsten dreyssig tag diß iares / doch nit mit gewalt / nit heimlich / nit mitt gunst seins nachpauwrs.

Am anndern / das er sich des weges oder pfads gebraucht / als ob er sollich gerechtigkeit habe. Wan(n) werestu gangen durch deins nachpauwrn grund /

(58) Das XXII. Blat

darumb das der gemeyn weg zerbrochen / oder ein grosser bach da gewachsen were / vnd darumb kanstu anders nit zů dem grundt kom(m)en dan(n) durch den grundt deins nachpauwrn gewynnestu darumb kein gerechtigkeit.

ff. c. l. j. §. hoc interdictum. Am dritten das du solichs wegen oder pfads dich bebraucht habst vff dem velde. Wann dise clag hat nit stat in stetten / dörffern / märckten / sunnder allein vff dem velde.

Am vierden / das du dich gebraucht hast des weges oder des pfads wie ob stat / du habst sein gerechtigkeit oder nit.

Am fünfften das dir als du dich diß iar gebraucht hast verbotten sey.

Herr richter ich clag eüch von .N. der mir als ich geen oder mich des wegs gebrauchen sol / sollichs wegs oder pfads gebrauchen wil durch den grund alda gelegen .N. verbeüt das ich mich sollichs wegs nit gebrauchen sol / solichs wegs oder pfads des ich gebraucht hab diß iare / nit mit gewalt / nit heimlich / nit mit gunst. Bitt (et)c. erkennen das er mir sollichs nit verbieten sol / vnd das ers thů / zwingt in. Negatoria. Magstu sprechen / was hilfft dich das du mit diser clag beheltest / nun mag es doch der der vnder gelegen ist / das ist der herre des grundes dich darnach anclagen / mit der clag genant Negatoria / von der du hernach würst haben / mit der selben clag würt er behalten das dir verbotte(n) würt sollicher brauch / was hilfft dich sollicher behalt (et)c.

Sollicher behalt hilfft.

Felix possidet. Am ersten / wann also steet geschriben. Selig ist der / der da besitzet vnd im Rhömischen hoffe sprechenn die Cortisan. Selig seind die die besitzen / wann sie nyessen die nutzung vnd frucht.

insti. de interdi. §. comodum. Item es ist auch nütz er besitzen dann vordern / wann als offt vnnd dick die recht beider partheyen verborgen oder vff zweyfel seind / beleybet der besitze als er ym anfang gewesen ist vff einer statt.

pprietatis pbatio difficillima. Item es möcht auch sein das sich der nit möcht beweysen einen herren des grundes durch den ich gangen bin / das můß er thůn / wann die eygenschafft der habe ist das aller schwerst zů bewysen. C. de. pba. cu(m) res. Das würstu hernach wol versteen in der clag von der eygenschafft.

Item diser würt sich des gebrauchs brauchen so lang biß d(er) ander beweyßt sein willen. Er ist im auch schuldig vor de(m) richter sicherheit thůn / dz er in an sollichem gebrauch nit irren wöll / so lang biß er seine willen beweyßt.

(1. T., XXII. Bl. 47. K.) De itinere actuqs priuato reficiendo.

Das du den weg oder sunderlichen brauch bessern mögest.

So du hast gerechtigkeit des pfads oder weges / vnd es wer not das du den pfadt oder weg besserst oder raumest / vff das das du mögst den pfadt od(er) weg gebrauch(e)n / ist diese clag erfunde(n) / durch wölche verbotte(n) würt / dz dich nyema(n)t irre od(er) dir verbiette / dz du sollichen pfat od(er) weg besserst od(er) raumest.

Am ersten gebürt sich das du dich sollichs pfads oder weges gebraucht habest diß iar / nit mit gewalt / nit mit gunst.

Am andern das du beweysest das dir sollich gerechtigkeit gebüre.

Am dritten / das du sicherheit thůst ob du einem schaden thůst / das du den schaden ablegen wöllest.

E iiij

(59) Der Erst Teyl

Am vierden das du sollichs nit raumest weyter dann gewonheit ist / vnnd dein gerechtigkeit begreyffet.

ff. veterea. Am fünfften das der geirret werde d(er) do wil raumen / od(er) so er raumet / od(er) so er tregt / legt / oder fürt nottürfftige geschirr zů solliche(n) bessern vnd raumen.

ff. c. veterea. §. vl. Am sechsten das der / der raumen oder bessern wil die nottürfftige geschirre nit ferrer oder weyter leg vff den weg / vff das / das der weg nit böser werde zů wandern / wan(n) als dan(n) mag man es im on straff verbietten.

ff. c. apparet. Am sybenden das der / der die nottürfftige geschirr vn(d) anders das nottürfftig ist füre oder bringe durch den teyl des grundes da es am mynsten schaden thůt / anders der herre des grundes mag sollichs on straff verbietten.

ff. c. apparet. §. vlti. Am achten das du sollich habst gerechtigkeit als ob steet vnd habst sollichen pfat oder weg gebraucht lenger dan(n) in gedächtnüß d(er) menschen ist. Wan(n) dienstbarkeit des wegs hat nit on vnd(er)laß vrsach / wan(n) heüt geet man darauff morgen nit / darumb ist nottürfftig die lengst zeyt / vff das / das sollich gerechtigkeit gewunnen werde / oder gebüre.

Herr richter ich clag eüch von .M. der mich als ich wil raume(n) oder bessern den pfat oder weg / den ich hab durch Hansen .N. grundt sollichs pfads oder wegs ich gerechtigkeit also oder also hab / den selben pfad oder irret od(er) verbeüt zů raumen oder bessern. Bitt (et)c. erkennen das er mir sollichs nit verbietten sol / oder mich an sollichem raumen nit irren solle.

Item ob sollichs irren oder verbietten schaden brächt / sol dir der richter yn in sollichen schaden verdamnen.

Questio. C. d(e) rei ven. l. vl. Item merck / so ich bin im besitz des wegs oder pfads / warumb můß ich beweysen dz mir sollich gerechtigkeit sey gesatzt oder mit lang herkom(m)en gewonheiten / warumb hilfft mich nit der besitz / so doch sollichs in andern sachen geschicht / so ich beweyß den besitz / bedarff ich nit mer beweysen / es sey dann das der anclager seinen willen beweyse der besitz blybt mir.

Responsio. R. Wölcher sagt das im gerechtigkeit oder dienstbarkeit gebüre / der vergicht sollichs im gebüre vff eim frembden grunde. Wann were der grundt mein eygen nit / het ich kein gerechtigkeit oder dienstbarkeit darauff zů fordern. Wan(n) nun gewiß ist das ich sprich mir gebüre dienstbarkeit des weges vff ein frembden grundt / můß ich beweysen das sollich gerechtigkeit oder dienstbarkeit von mir erkaufft / im testame(n)t gesatzt sey / oder so lang herkom(m)en sey / dadurch mir gerechtigkeit gewu(n)nen sey. Res sua nemini debet scruitute(m). An gesehen das ein yegklicher grundt frey ist / vnd nyemandt dienet / es sey dan(n) im dienst oder gerechtigkeit wie obstat auffgesatzt wann ich nun sprich das mir gerechtigkeit oder dienstbarkeit gebüre / wiewol ich sollichs besitz. Insti. de act. in pma columna. So aber durch sollichs man den willen des widersache(r) versteet / wann der grundt ist sein / ich můß von not beweysen dz mir sollich dienstbarkeit oder gerechtigkeit sey vffgesatzt oder gebüre wie obstat / vnnd diß ist ein casus do einer besitzt / vnd darnach beweysen můß.

Gend durch meinen grundt ist einem yegklichen frey vnd erlaubt / so ers nit thůt das er im durch sollichs gerechtigkeit oder dienstbarkeit wöll gewynnen / ich mag im aber das yn geen verbietten / vnd ist das er über sollichs verbietten yn geet / mag ich in beclage(n) vmb die schmacheit / vn(d) die an gelt schätze(n) / als du obgeschriben hast in d(er) clag genant iniuriaru(m). So dir schmacheit gethan ist.

(60) Das XXIII. Blat

ff. de iniurija iniuriarum. Ist er aber yngangen mag ich im nit verbietten / ich můß in lassen vßgeen / so er vnuerbotten ist yngangen.

(1. T., XXIII. Bl. 48. K.) De aqua quotidiana.

Von täglichem regen wasser.

Vil haben dienstbarkeit oder gerechtigkeit das täglich wasser zů füren auff ir gründe / vn(d) sollichs würt in verbotten. Daru(m)b ist dise clag gemacht durch die den verbotten würt / vn(d) du deinen besitz behaltst also (et)c. Vnderweylen ist durch dise clag wider zů bringen ob etwas geschee dadurch der besitz des wasserfluß gehindert würt / das sollichs zerstöret vnd zerbrochen würde.

Teglich wasser. Am ersten gebürt sich das das wasser täglich sey / also täglich / das du es alle tag möchtest füren ob du wöllest.

Am andern das du sollich wasser gebraucht habest diß iare / nicht mit gewalt / nit heimlich / nit mit gunst / zů dem mynsten ein nacht oder tag.

Am dritten / das sollichs wasser sey ewig.

Vom haupt füeren. Am vierden / das du sollichs wasser fürest von haupt vnd nicht and(er)s / von haupt fürest du es / so du es fürest daher / da es entspringet / geet es vo(n) brunne(n) so ist das haupt der brunne. Ist es auß einem fliessenden wasser oder bach / so ist das erste abfliessen das haupt.

Am fünfften das der / der das wasser füret meynet er füre es mit recht.

ff. c. l. j. Am sechsten / das so du in sollich wasser fürest du dich nit weyter brauchest vnd was wasser durch kein ander feld fürest kein anders daryn myschest.

Herr richter ich clag eüch von .N. der verbeüt mir das wasser vß meinem grunde zů füre(n) / das ich hab alda gelegt diß iare / nit mit gewalt / nit heimlich / nit mitt gunst gefüret. ff. c. l. j. Bitt (et)c. erkennen das er mich sollichs wasser hin für soll füren lassen / vnd als mir sollichs sein verbietten zweintzig gulden schadt das er mir sollichs auch betzale / zwingt (et)c.

(1. T., XXIII. Bl. 49. K.) De aqua estiua.

Von Summer wasser.

Von des wassers wege(n) das einer allein in dem sum(m)er füret / ist gemacht diese clage. Hat nun einer des fordern sum(m)er wasser vff seine(n) grundt gefüret vn(d) wil disen sum(m)er aber füren / würt er gehindert / gebürt im dise clage.

Am ersten das das wasser sey täglich / wan(n) sum(m)er wasser hat vnderscheid von täglichem wasser / nit am rechten / allein am brauch.

Summer. Am andern das du dz wasser fernet vn(d) heüwr gefüret habst. Der Sum(m)er hebt sich in de(m) weg an zů sant Peters tag / cathedra genant / vn(d) weret drey monet / ein yeglichs wasser dz (e)r sum(m)er laufft / laufft auch i(m) winter / vn(d) nit wideru(m)b.

Am dritte(n) dz du solichs wasser habst gefüret zů de(m) mynste(n) ein nachtod(es) tag.

Am vierde(n) / das du es nit mit gewalt / nit heimlich / nit mit gunst habst gefüret / als in der vorigen clage.

Herr richter ich clag eüch vo(n) .M. d(er) v(n)beüt mir od(er) irret mich dz ich dz summer wasser nit mag füre(m) vff meine(n) gru(n)d alda gelege(n) / dz selbig wasser hab ich de(n) vorige(n) sum(m)er gefüret. Bitt (et)c. erko(n)nen dz er mich solich wasser füre(n) lasse(n) sol vn(d) dz er mich es füre(n) laß / zwingt in (et)c. Dise vn(d) die vorig clag sind nahe(n)t eins.

(61) Der Erst Teyl

(1. T., XXIII. Bl. 50. K.) De aqua ex castello ducenda.

Von dem wasser vß casteln vnd stuben zů füren.

An etlichen enden füret man das gemeyn wasser vff die wisen oder grunde od(er) in die heüser / vß de(m) castell od(er) caste(n) dz gemeyn wasser / ist dise clag erfunde(n).

Ist das einer hat recht das wasser auß dem casten zů füren / würt sollichs ym verbotten / gebürt ym dise clag wider den verbietter.

ff. c. l. j. Am ersten das dir das wasser sey günnet zů füren vom Keyser oder vom Rate die sollichs zů günnen haben / wann nyemandt ist zymlich wasser zů fůren vß dem gemeyn casten / es sey ym dan(n) von den genanten personen günnet.

Am andern das du geiret werdest.

Am dritten wiltu sollichs wasser füren vonn neüwem das du es on dein er nachgebauren schaden fůrest.

Am vierden / das das wasser gemeyn sey das in casten fleüßt.

ff. c. l. j. Item wiewol die nechsten zwo clag allein den besitz schirme(n) / dise clag setzt auch die eygenschafft. Wan(n) ist dir gegünnet vom Fürsten od(er) Senat / so hast du dise clag. Du hast aber dise clag nit / wann du dich sollichs wasser hettest gebraucht / du habst dan(n) dich sollichs gebraucht als lang vnd in gedächtnüß der menschen ist. ff. de serui. l. ij. Wol würt das wasser gefüret anders her / vnd on vnderlaß gewinnest du recht in zehen iaren.

Priuilegiu(m) principis. So der Fürst günnet einem das er wasser vff seinen grund füre / verhenget er sollichs nit anders dan(n) dz sollichs on der nachgebauwern schaden geschee.

ff. ne q(ui)d i lo. pub. l. ij. §. merito. Herr richter ich clag eüch von .M. der verbeüt mir wider recht oder irret mich das wasser vß dem casten alda (et)c. zů füren sol lassen.

ff. de flu. q(ue) min. Item den schaden magstu auch vordern. Merck / gemeyn wasser magstu füre(n) on des Keysers od(er) Rats günnu(n)g / aber dz gemeyn wasser dz eim gemeynen nutz gewidemt ist / magstu on der Fürste(n) od(er) Senats günnu(n)g nit füren.

(1. T., XXIII. Bl. 51. K.) Interdictum de riuis.

Von dem wasser vß dem bach zů füren.

Hat einer ein bächlein durch den erwasser füret / es würt ym von einem verbotten das er das wasser nit füre / oder er will den bach raume(n) oder bessern / vn(d) es würt ym verbotten / deßglychen hat einer ein verborgene rinne(n) oder zaun in dem wasser oder einen galtbrunnen / vnd wilt wasser darauß nehmen / raume(n) oder bessern vnd würt dir verbotten gebürt die dise clage.

Am ersten das der bach oder riuus sey gemacht wasser daryn zů füren.

Am andern / das du dich des bachs oder fluß diß oder des vergangen summers habst gebraucht.

Am dritten / das du diß gebraucht habest / nit mit gewalt / nit heimlich / nit mit gunst.

ff. c. l. j. Am vierden / dz du dz wasser fürest als du diß oder des vergangen sum(m)ers hettest gefüret / anders man möchte dir es on straff verbiete(n). ff. c. si seruus. §. si quis nouum. Wol möcht einer ein neüwen rinnen oder runsen / oder rören lege(n) in bach / doch also das es dem grunde nit schade durch den das wasser gefüret würt.

(62) Das XXIIII. Blat

Herr richter ich clag eüch von .M. der verbeüt mir oder irret mich das ich wasser nit füren mag durch das bächlin / rünsen / rinnen / rören oder auß dem galtbru(n)nen schöpffen als ich diß vergangen sum(m)ers gethan gefüret hab (et)c. Bitt (et)c. erkennen das er mir sollichs nit sol verbietten / oder an söllichem füren / schöpffen / nit irren / vnd verbietten ym (et)c. vmb den schade(n) sollichs verbiettens oder irrens magstu auch wol clagen.

(1. T., XXIIII. Bl. 52. K.) De fonte reficiendo.

Von dem wasser zů schöpffen vß de(m) brunnen / filsch wasser / see / od(er) grůb(e)n.

Offt hat einer sich gebraucht wasser zů schöpffen vß einem bru(n)nen / see / grůben / einer irret yn / gebürt ym diese clap. Auch wil einer vnnnderweylen sollich rinnen / grůben / vnnd schiffwasser / bessern / fegen oder raumen. Es würt ym verbotten / gebürt ym auch dise clag.

Piscins. Am ersten das ein brunne / see / grůbe / Pisein sey.

Am andern das dz wasser sey lebe(n)dig wasser / nit cistern / oder steen wasser.

Am dritten / das dir es einer verbiet.

Am vierden / das du den brunnen / grůben / oder piscin wöllest fegen.

Am fünfften das du diß nit mit gewalt / nit heimlich / nit mit gunst habest gebraucht diß iare.

ff. c. l. j. Am sechsten / das du es in sollicher weyß vnd formen fegest / od(er) dich sein gebrauchst / als er vor gebraucht oder gefeget gewonlich ist. ff. c. l. j. §. vlti. Wolt aber einer den brunnen fegen / oder das wasser anderst zwingen das nit flüß als es geflossen hat / gebürt dise clag wider yn.

Herr richter ich clag eüch von .M. d(er) verbeüt mir den brauch des wassers vß dem brunnen / piscin (et)c. alda gelege(n) / das selb wasser hab ich gebraucht diß iare / nit mit gewalt / nit heimlich / nit mit gunst. Bitt (et)c. erkennen das er mich sollichs wasser sol brauchen lassen / vnd das er es thů (et)c. Deßglychen magstu auch clagen / so dich einer nit will ein brunnen fegen lassen.

Item du solt dich sein zů dem minsten dreyssig tag habenn gebraucht / als oben in der clag steet.

(1. T., XXIIII. Bl. 53. K.) De cloacis purgandis.

Von sprochheüsern zů fegen.

Vnderweylen will einer sein profet / sprochhauß fegen / es würt ym von eine(m) verbotten. Deßgleychen ob einer wolt ein sprochhauß von neüwem machen.

Ite(m) offt schüt / geüßt od(er) würfft einer etwas daryn / dadurch mit der brauch meines sproch hauß gehind(er)t würt / daru(m)b ist diese clag in eine(m) weg widerbringe(n) das den brauch irret / das solichs da(n)nen gethan werde / dz erst ist verbiettende.

Am ersten gebürt sich das du ein sprochhauß habst.

Am andern das dir einer verbiet das zů fegen / bessern / oder etwas in dem sprochhaus were / dadurch der gebrauch des profet gehindert würde / das dz selb dannen gethan werde.

Am dritten das der das profet bessern oder fegen wölle / hab seinen nachgebauwern sicherheit gethan / oder thů es ym ob er ym schadenn thůn würde / das er sollichen schaden ym ablegen wölle.

(63) Der Erst Teyl

Merck / dise clag het stat es wölle einer fegen sein sproch hauß oder ruinen tolen oder loch / oder profet.

Item vn(d) ob einer den bruch des sproch hauß mit gewalt / heimlich oder mit gunst het / es schadt ym nit.

ff. c. l. j. §. hoc interdictum. Item verbeüt einer einem sollichen neüwen bauwe zů volfüren / es schadt sollichem verkünden nit / er mag sollich verbietten oder verkünnden on straff verschmehen.

Herr richter ich clag eüch vonn .M. der irret mich oder verbeüt mir / so ich wil fegen oder bessern mein sprochhauß dz ich alda an dem end zwyschen mir vnd ym hab. Bitt (et)c. erkennen das er mich an sollichem bessern oder segen nit irren sol / noch mir verbietten / vn(d) das er es (et)c. Hat er aber etwas in de(m) sprochhauß gethan dadurch der gebrauch des sprochhauß auß geirret würt / sprich.

Herr richter ich clag eüch von .M. der hat in das sprochhauß (et)c. zwyschen ym vnd mir alda gelegen geschütt oder gethan / dadurch ich mich des sprochhauß nit mer gebrauchen kan. Bitt (et)c. erkennen dz er sollichs sol dan(n)en thůn / vnd das er es thů (et)c.

ff. c. l. j. §. si quis purga(n)ti. et. l. vlti. Item merck / ich mag innerthalb meines hauß zwyschen mir vnnd dir ein sprochhauß machen wider deinen willen / vnd ob du mir verkündest oder verbeüttest einen neüwen bauw zů machen / sollich verkünde(n) oder verbiette(n) mag ich verschmehen. ff. c. l. vlti. Wolt ich aber an gemeinem wege sollichs bauwenn / müst ich günnung haben von dem gemeyne(m) bauwmeister dem die sorg der gemeynen wege empfolhen ist.

(1. T., XXIIII. Bl. 54. K.) Interdictum de precario.

So du einem von bett wegen etwas gegünnet hast zů brauchen / vnd der brauch im günnen nit eygentlich bestym(m)et ist / das magstu vordern wann du wilt. Precarium. Dise clag heißt inn latyn Precarium / das ist so einer leyhet oder günnet dem andern sein habe / sie sey ligende oder farende habe / oder dienstbarkeit / od(er) gerechtigkeit / oder ander recht das ist precarium / so einer ein biet das er ym leyhe zů brauchen / vnd es würt ym gelühen oder günnet / sollichs leyhen od(er) günnen mag ich widerrüffen wan(n) ich wil / wan(n) billich ist es dz du dich meins willens oder günnens nit lenger brauchst dan(n) ich wil / darumb ist diß die vnderscheid vnder geben / vnd disem leyhen oder günnen / wan(n) der do gibt / gibt also das er es nit wider neme. Wer aber leyhet oder günnet / der leyhet oder günnet also / das er es widerrüffe wan(n) ym eben ist. Co(m)modati. Auch ist vnderscheid zwyschen diser clag vnd der hernach geschriben mit namen Commodati / das auch zů teütsch leyhen heißt / wan(n) in der selben clag gebürt sich das ich dir mein habe leyhe zů einem bestympten nutz vnd vff ein benante zeyt / das gebürt sich in diser clag nit das ich dir gelühen hab vff ein bestymbte zeyt / mag ich es nit vor d(er) selben zeyt widerrüffen / hab ich dir es gelühen zů einem sunderen nutze / es du dz gelühen zů sollichem nutz gebraucht hast / mag ich es nit widerrüffen. Als so ich dir ein pferdt leyhe in ein dorff zů reyten / das du dester reycher erscheinest oder ein leitern dz du zů deinen fenstern steygest / hab ich aber dir es ein benante zeyt gelühen / mag ich es nit widerrüffen / wan(n) mir es eben ist.

ff. c. l. j. Am ersten gebürt sich das du mich bittest dz ich dir etwas leyhe / oder günne /

(64) Das XXV. Blat

du habst mich gebetten durch dein sone / dein eygen menschen / dein procurator / oder ein andern in deinem namen / so du sollichs ståt gehalten hast.

Am andern / das ich dir gelühen hab oder günnet.

ff. c. l. in rebus. Am dritten / das die habe darum(b) du mich bittest dir zů leyhen / sey nit dein wan(n) als dann were sollichs leyhen krafftloß. Das soltu also versteen / das die habe dein sey mit eygenschafft vnd besitz. Wann wer die habe dein eygen / aber du besitzest sie nit / möcht sollichs leyhen wol geschehenn. ff. c. sed et ea(m) rem. Als so ich dir versetz meinen rock vmb schulde / vnnd bitt dich das du mir inn wider leyhest / vnnd du leyhest mir in wider / das mag wol geschehen.

Am vierden das der / der also gelühenn oder gegünnet hat / wölle die habe wider haben / also das er sein willen gewent habe.

ff. c. et. habet. Am fünfften das der / der also von bete wegen gelühen het / hab im nit versprechen lassen / oder gewißheit thůn / das im sollich habe wider sol geben werden / als dan(n) hat dise clag nit stat / sund(er) ein andere mit name(n) prescriptis vbis.

Herr richter ich clag eüch von .M. dem hab ich gelühen mein vaß / wann er hat mich daru(m)b gebetten / sollich vaß widert er sich mir wider zů geben. Bitt ich (et)c. erkennen das er mir sollich mein vaß wider sol geben / vnnd das er mirs gebe (et)c. Sollichs leyhen oder günnen geschicht in ligender vn(d) farender habe / in dienstbarkeit od(er) gerechtikeit. Als so du mich bittest dz ich dich durch mein gru(n)d laß geen / od(er) fare(n) / od(er) trybe(n) / schütte(n) (et)c. od(er) dz ich dir gün(n)e dz der(r) tach tropffen in meine(m) gru(n)dt od(er) hoff falle(n) / od(er) sparre(n) od(er) holtz in mein wandt setze(n) lassen.

ff. c. precario. Item die habe die mein eygen ist / mag mir nit gelühen werden ich hette sie dann versetzt / vnnd meim creditor zů pfandt versetzt / der möcht mir es von berte wegen wider leyhen. Sollichs leyhenn geschicht zwyschenn dem gegenwertigen / vnnd denen die nit gegenwertig sein / vnnd durch einen sendtbrieff. Dise clag gebürt de(m) d(er) von bett wege(n) gelühe(n) hat / wan(n) ers widerrüffen wil. Es ist vo(n) natur billich dz du dich meiner güttikeit nit le(n)ger brauchst dan(n) ich will.

ff. c. quesitum. Item dise clag würt gebe(n) wider den d(er) mit vntreüw vo(n) der habe kom(m)en ist.

Item der erbe des der gebetten hat / ist schuldig als vil vnd der todt schuldig was / vnd also vil als von schuld wegen oder vntreüw an in gereicht oder kom(m)en ist. Wiewol das ist das diß lehen ein ende hat so der stirbt der gebetten hat / vnnd nit so der stirbt der gelühen hat / ye doch gebürt dem erben dise clag vnd wider den erben / als yetzo geschriben ist.

Item es kompt in dise clag die gelühen habe vnd ire frücht.

Item vntreüw des bitters vnd grosser vnfleyß. lata culpa.

ff. c. quesitu(m). §. si seruitute. Item der empfangen schaden ist das / das gelühen nit widerkom(m)et in den erste(n) standt / also was sein der clager schade(n) nympt / als er die habe widerrüfft / darumb so kompt auch all nutzung / gerichts schaden / nach dem vn(d) der krieg bestätiget ist / auch ist schuldig der der gebetten hat / ist das er sich der dienstbarkeit oder gerechtigkeit oder gelühen habe nit rechtlich in vntreüwe hat gebraucht / vnd vß sollichem ist die dienstbarkeit oder gerechtigkeit verlorn.

Item dise clag gebürt auch nach dem iare / wann offt würt gelühenn oder günnet lenger dann ein iare.

Item wan(n) ich dich bitt das du mir günnest in deinem hauß zů wonen / ist nit allein mit / sunder auch den meinen günnet.

F

(65) Der Erst Teyl

(1. T., XXV. Bl. 55. K.) De arboribus cedendis.

Von baum abhauwen.

Wan(n) nun offt deines nachpauwrn baum hanget vff dein hauß / od(er) deine(m) acker / vn(d) thůt dir schade(n). Auch thůn etwan die wurtzel des baums de(m) grund des hauß schade(n) / daru(m)b ist gemacht dise clag / durch die geheissen würt der / d(er) den baum hat / dz er in abhauwe / and(er)s d(er) vff des hauß od(er) acker d(em) baum hanget / mag mit seine(r) eygen gewalt den baum abhauwe(n) / vn(d) dz holtz im haben / hangt er vff das hauß / hangt er aber vff den acker / mag ich den selben baum enteste(n). id est. die este abhauwen .xv. schůch lang vom erdtrych vff zů messen an de(m) baum gege(n) dem grund in die höhe. ff. c. l. j. sj. iij. Also hat dise clag zwey haupt / eins vo(n) dem gründe(r) d(er) heüser / dz ander vo(n) den äckern als yetzundt geschriben steet.

Offt geschicht es in stetten das die baum nitt hangen vff dein hauß / ye doch thůn die wurtzeln des baumes dem grundt deins hauß schaden / gebürt dise clag auch / das sollicher schad abgethan werde.

Am ersten gebürt sich der selb baum hangt vff dein hauß oder acker / oder das dir die wurtzeln an dem grundt deins hauß schaden thůn.

Am andern das der baum oder este schaden thügen.

Am dritten / das dz hauß dein eyge(n) sey / oder der grundt / oder das du sunst recht im hauß habst od(er) nutzu(n)g vff de(n) grund dem der baum schaden thůt.

ff. c. l. j. §. ait p(re)tor. Am vierden / das ich dir verkündet hab dz du den baum da(n)nen thůst / anders so er meine(m) hauß schadet od(er) meine(m) grund / so mag ich den baum abhaußwen biß vff die wurtzeln / so er meine(m) hauß geschadt hat / od(er) die este abhauwe(n) .xv. schůch lang / so er meinem acker geschadt hat / vn(d) ist dz du mir werest / gebürt mir dise clag wider dich / das du mich abhauwen oder stüm(m)eln last.

C. ad. l. iul. de adul. l. graebus. Merck / wie kompt das / dz du dir selber recht sprichst / du magst darum(b) gestrafft werde(n) / neyn / wan(n) wz rechtlich geschicht vn(d) mit recht / dz sol nit gestrafft werde(n). ff. ad. l. aquil. que(m) admodu(m). §. alid(e). Auch vindestu mer dz im einer selba recht spreche(n) mag / als so du hast durch mein grund ein gerechtigkeit od(er) dienstbarkeit wasser vß de(m) gru(n)d lassen rinne(n) / als so du ein loch durch dein wandt machst / vn(d) dz wasser dar vß über mein grund laufft / mag ich dz selbig loch vermache(n) vo(n) des richters vrlaube.

Am fünfften das du dem des der baum ist verkündest das er in dan(n)en thů vff das das du durch sollich verkünden in begreyffst seumig / darumb solt du nemen ein offenbarn schryber vnd getzeügen so du es im verkündest / vnd heiß dir machen sollicher verkündung ein instrume(n)t / hauwet er den ab das ist gůtt thůt er es aber nit gebürt dir dise clage.

Herr richter ich clag eüch von .M. der hat ein baum in seine(m) hoff oder garten / der hanget über mein hauß / er wil in nit abhauwen / vnd wil auch nit leyden das ich in abhauwe. Bitt (et)c. erkennen das er mich sol den baum ab lassen hauwen / vnd das er es thů. Hanget er aber über deinen acker / clag also von .M. der hat alda in seinem acker ein baum der hanget über meinen grundt / den selben baum wil er mich nit .xv. schůch hoch von der erden gemessen abstümmeln lassen. Bitt (et)c. erkennen das er mich den baum stüm(m)eln als recht ist lassenn sol / vnnd das er es thů (et)c. Thetten aber die wurtzeln dem grunde meins hauß schaden / clag also von .M. der hat einen baum in seinem garten

(66) Das XXVI. Blat

des selben baums wurtzel der schwellen meinem hauß schaden thůt / vnd er wil es nit da(n)nen thůn. Bitt (et)c. erke(n)nen das er mich sol lassen die wurtzeln des selben baums von da(n)nen hauwen / vn(d) dz er es thů (et)c. Würde aber der baum von dem windt vff dein hauß geneyget / oder deinen grundt / clag also.

Herr richter ich clag eüch vonn .M. des baum in seine(m) garten vom windt auff mein hauß oder grundt geneyget thůt mir schaden / nun vergihe oder bekenne ich nit das er sollichs recht habe. Bitt (et)c. erkennen das er sollichen baum dannen solt thůn / vnd das er es thů (et)c.

ff. de ser. vr. predi. si arborem. Merck die baum so sie über dein heüser hangen / mögen grossenn schaden thůn / wan(n) sie mgöen das liecht nemen. Causa continua. Wann ich aber den baum zehen oder zweintzig iare also gehabt hab / so hab ich sollich gerechtigkeit oder dienstbarkeit. ff. de serui. ven. si q(ui)s diuturno. Wann der baum hat on vnnderlaß vrsach / das er ist ståt alle tag vnnd nacht / darumb gewynnen ich sein recht zů haben in sollicher zeyt.

In acker oder wisen mag der baum schaden thůn dz die frucht dester minder wachsen von de(m) schatte(n) des baums / die wurtzeln thůn schade(n) den schwellen des hauß / des fallen etwa(n) die heüser vmb / daru(m)b seind dise clag gar nütz.

Merck / die schwel sol ma(n) messen vo(n) stam(m)en / vff gege(n) deine(m) gru(n)d in die höhe .xv. schůch den baumen vff gemessen sollen die este abgehauwen werden.

(1. T., XXVI. Bl. 56. K.) De glande legenda.

Von frucht vflesen.

Vnderweylen fallen die frücht von den baumen in deines nachpauwern grundt / vnnd so du wilt in deines nachpauwrn grundt geen / vnd darinn die frucht vflesen / sollichs würt dir von dem herrn des grundes verbotten. Auff das das du magst die frucht vflesen ist gemacht dise clag in der sich.

Am ersten gebürt / das deins nachpauwrn grund sey nahe(n)t bey de(m) deinen.

Am andern / das der baum hang vff deins nachpauwrn gründt.

Am dritten / das der baum fruchtbar sey.

Am vierden / das die frücht in deins nachpauwrn grundt gefallen seindt.

Am fünfften das du es vflesen wöllest / das dir verbotten sey / von deinem nachpauwrn.

ff. c. l. vnica. Am sechsten / das drey tag nit vergangen seind nach dem vn(d) die frücht gefallen sein.

Merck / als offt die frucht ab dem baum felt / als offt hast du drey tag vff zů lesen.

Herr richter ich clag eüch vom Sum(m)er / der wil mich öffel vn(d) piren von meine(m) baum in seine(m) garte(n) gefalle(n) nit vff lasse(n) lesen. Bit ich (et)c. erke(n)nen / mich sollichs obs vff lassen lesen / vn(d) verbiette(n) im mir sollichs nym(m)er weren.

ff. de iniuri. l. iniuriam. Merck / wiewol ich kein recht hab über deine(n) willen in dein hauß od(er) grund zů geen / wo ich über deine(m) willen yn gee / ich bin in dir schuldig solliche schmachheit abtzůlege(n) nach erkantnüß des richters. ff. ad. exhibendu(m) thesaurum.

Wo ich aber das mein sůch / mag ich über deinen willen in dein hauß geen.

ff. de rei ven. meum e(x) quod ex rem ea est. Merck / das vß dem meinen kompt ist mein / so der baum mein ist / ist auch die frucht mein / so die kůw mein ist / ist auch das kalb mein. Es irret nitt das der baum vff frembd erdtrych hanget / du magst in nit dannen heissen thůn / als du oben hast in der nechsten clage.

F ij

(67) Der Erst Teyl

(1. T., XXVI. Bl. 57. K.) Interdictum de migrando.

Das du dein habe mögest mit dir füre(n) so du vß de(m) bestande(n) hauß fare(n) wilt.

So der / d(er) ein hauß bestande(n) hat / wil vß de(m) bestande(n) hauß ziehen / vnd sein habe mit im nemen / vn(d) der des dz hauß ist / wil den beständer od(er) haußgenossen nit mit seiner habe faren lassen / ist gemacht dise clag in d(er) sich gebürt.

Am ersten das du das bestanden habst.

Am andern das die habe sey in das hauß kommen mit willen / es sey offenlich oder schweygen des hinleyhers.

Am dritten / das das gelt das du von des zynß wegen schuldig bist de(m) hinleyher betzalt sey / oder seyst bereit den zynß zů betzalen vn(d) er wil in nit nemen.

Merck / die habe sey des beständers oder hab sunst recht zů der habe / sie sey im zů behalten geben / oder er habe sie entlehent / im gebürt dise clage.

ff. c. l. j. in prin. Am vierde(n) / dz dir d(er) leyher gewalt thů / als so er dich nit laßt die habe füre(n).

ff. c. l. j. §. si tu(am) gratuitam. Merck / dise clag gebürt auch so dir ein hauß vmb sunst gelühen ist.

Conducti. Herr richter ich clag eüch von .M. der hatt mir das hauß alda gelege(n) .N. gelühen vmb zehen gulden / oder vmb sunst / in das selb hauß hab ich solliche habe gefürt / die selb habe wil er mich nit wid(er) vßfüren lassen / oder er wil mich mit meiner habe nit faren lassen dar vß. Bitt (et)c. erkennen dz er mich mit meiner habe vngeirret faren sol lassen / vnd das ers thů (et)c. Merck dise clag ist nitt notturfftig / aber es ist vns nütz dz wir vil hilff haben / es möcht der richter sollichs von ampts wegen verbietten. Es gebürt sich auch ein andere clage / die heißt ex conducto / von besteen / von der du hernach geschriben vindest.

(1. T., XXVI. Bl. 58. K.) Interdictum saluianum.

Von dem hastu oben geschriben in der clag Seruiana.

(1. T., XXVI. Bl. 59. K.) De noui operis nunciatione.

Offt macht es sich das einer bauwet oder will bauwen vff ein frembd erdtrych / vnd der der recht hat vff der erden / verkündt oder verbeüt im das er nitt bauwe / ye doch bauwet der / vn(d) verschmähet die verkündu(n)g. Darum(b) kom(m)en die recht zů hilff de(m) verkündter od(er) verbietter / dz der bauwer getzwunge(n) würde wid(er) abtzůbrechen das / dz er gebauwe(n) hat vff sein kostu(n)g / vn(d) ob er schon recht zů bauwe(n) het gehabt. Vmb besser verstentnüß diser materien soltu mercken das drey vrsach sein darumb verbotten oder verkündet wirt neüwer bauwe. Die erst ist natürlich. Die ander ist ein gemeyner nutze. Die dritte ist vff gesatzt oder mit lang herkom(m)en gewonheite(n). ff. c. de pupillo. Die natürlich ist als offt etwas in vnser schwelle(n) gemacht / gelegt / gebauwet / od(er) in oder vff de(n) vnsern gebauwen wirt. ff. fi. regu(l)do. l. fi. Gemeyn ist / so offt geschriben recht / eins rats gemächt / oder der Keyser Constitution verkündung der neüwen bauwe schirmen so wider geschriben recht gebauwen wirt vnnd man darumb verbietten. Darumb ist zů mercken / das etlich schuldig seind die eygen bauwe wider bauwe(n) vnd bessern / als alle burger in stette(n) / aber die besitzer der beuwe / seind sie nit burger / seind sie nit schuldig heüser von neüwen zů bauwe(n) / aber die heüser die sie besitze(n) / sein sie bauwfellig / werden sie durch des richters gebott getzwungen wider zů bauwen / also das sie doch irem nechsten nit schaden / so sie sollichs nit recht haben.

(68) Das XXVII. Blat

Item es ist yegklichem erlaubet sein eygen grundt / oder die weyte seiner eygenschafft / mit mauren oder getül / oder zaune vmbgeben / doch das sollichs nit gebe materie d(er) vflauff od(er) ein zerstöru(n)g od(er) verderbe(n) sey einer andern statt.

C. d(e) edifi. prius. l. meniana. Item so einer in sunderheit will bauwe(n) bey eins andern zym(m)er sol er lassen zehen schůch weyt das des trauff da zwyschen frey sey. Geschehe aber sollicher bauw bey gemeynem bauwen / sollen aber zehen schůch zwyschen de(m) gemeyn vnd dem sunder bauw sein. Anders nit / allein sol das zym(m)er zerbrochen sein sunder das hauß sol dem Fisco zů geteilt vnd zůgeschriben werden.

Item im zymmer sol keiner übertretten die gemeyn gewonheit der nehe / ist das in der statt ist gemacht ein süte zů bauwen.

ff. de co(n)tra. emp. Were aber gewonheit in einer statt / wan(n) ein hauß niderfiel / das an der selben statt ein gart würde / sol der richter die sach erfarn vnd erkennen / als offt in sollicher zwytracht erkent ist worden / die zerstörung der heüser würt verbotte(n) / dz die stein nit verkaufft sollen werde(n) / durch dz recht geschribe(n). Der synne des rechten ist das keiner groß oder clein heüser sol abbrechen / dz ist der verkauffer od(er) kauffer in kauffma(n)schatz weyse. Als so ich gib meine(n) nagebawern .xx. gulde(n) dz er dz abbreche / so es nur .xij. wert ist / die peen ist / wer wider das gemächt thůt / dz ich zwyfach als vil als ich kaufft hab / de(m) fiscal gebe / de(m) aber d(er) es verkaufft hat sol d(er) kauff vernicht werde(n). Gib ich aber dir dz gelt daru(m)b ich kaufft hab / vn(d) het zwyfach als vil de(m) fiscal gebe(n) / mag ich dz gelt wider vo(n) dir ford(er)n / wan(n) dein erhalbe(n) ist d(er) kauff krafft loß erteilt / diß recht hat allein nit stat so du dein eygen hauß oder zym(m)er / sunder so du ein frembdes verkaufft hast.

Das dritt das ist vffgesatzt vrsach.

Als offt einer seinem grundt vffgesatzt hat ein dienstbarkeit oder gerechtigkeit / vnd ob nach sollicher vffgesetzter gerechtigkeit / er etwas wider die gerechtigkeit des der die dienstbarkeit hat / bauwen wolt / mag der verkünden od(er) dir verbietten neüwen bauw / bauwest du anders wider die dienstbarkeit.

Nunciationis cause. Item die verkündung neüwes bauwes geschicht vmb willen vnser recht zů behalten / oder vmb willen vnser schaden zů vertreyben / oder vmb willen gemeyner recht vnd nutz zů beschirmen. Als vmb drey vrsach die verkündu(n)g geschicht / also geschicht auch die verkündung in drey wege.

Am ersten mit schlechten worten.

Nu(n)ciatio quo(d) siat. Am andern / durch den richter.

Nu(n)ciatio vbalio. ff. c. l. j. §. nunciatio. et. §. nout operis. Am dritten / mit einem cleine(n) steinwurff. Mit worten geschicht sollich verkündung / wan(n) ich fünde einen newen bauw bauwen / vnnd ich sprich zů im allein mit worten / du solt nit bauwen (et)c. wan(n) ich sunst nit mer dartzů thůn / so macht sollich verkündu(n)g / mein widersach all zů handt eine(n) besitzer / wiewol er solichs vor nit besessen hat / hat er anders ein willen sollichs zů besitzen.

Nu(n)ciatio que sic iudici. Durch den richter geschicht es so einer bauwet einen neüwen bauw vn(d) ich gee zů dem richter vnd sprich zů im.

C. de iude. (et)c. celi. l. nullus. §. cum alio. Herr der richter. Es gehört eüch von ampts wegen zů übels zů vertreybe(n) vnd die menschen zů einträchtigkeit bringe(n) vnd rüffen / wan(n) der richter sol die nit zů vnrichtigkeit vnd zů waffen kommen lassen / die er mit seinem gerichts zwang geschweigen oder getzwingen mag .N. der bauwet auff dem .M. ein neüwes zym(m)er / sendent zů im vnd verbiette(n)t im das er nit bauwe / sendent ir

F iij

(69) Der Erst Teyl

aber nit zů im / ir werdent wol sehen was ich thůn würde / vn(d) darumb bin ich zů eüch kommen / wan(n) es sol sich nyemandt mit seinem eygen gewalt rechen / wan(n) darumb ist der gerichts zwang erfunden worden. Dise verkündung beheltet dir deinen besitz vn(d) alle dein gerechtigkeit / wan(n) der büttel würt gesant zů dem bauwer vnd verbeüt im das er fürter nit bauwen soll.

ff. de operibus pub. l. iij. Lapillus. Item die verkündu(n)g geschicht durch einen cleine(n) steinwurff so ich gee mitt getzeügen vnnd mit einem offenbaren schreyber / vnd sprich also. Ich verbeüt vnd verkünde dir das du nit solt bauwen / vnnd als offt würff ich ein cleinen steinwurff / vff das zymmer / vnd das ist genůg.

Item in dieser clag ist nottürfftig.

Am ersten das eine der genanten vrsach da sey.

Am anndern / das das zymmer nit gemacht sey / sunder das künfftig sey zů bauwen / dann wider gas (= das) (!) gebauwe(n) gebürt das interdict genant. quod vi aut clam. von dem du vor hast.

Am dritten das das gebeüw geschehe vff der erde oder maure / wann dise clag geschicht allein von des richters willen.

ff. c. l. j. §. si quis edificium. Am vierden das der bauw von neüwem geschehe / wan(n) ziert einer das alt gebeüwe / hat die verkündung nit stat. C. de iude. (et)c. celi. l. bec valitura. §. illud. Also möge(n) die Juden kein neüwe iuden schůl machen / die alte(n) mögen sie aber zieren. ff. c. l. j. §. opus nouum. Der der bessert macht nichts neüwes / sunder es behalt allein den alten standt / doch so das bessern also sey / das dem alten wesen gleych sey / anders die verkündung hat stat.

Am fünfften das dem verkünder kein andere hilff gebüre / wan(n) gebürt im ein ander hilff sol dise verkündung nit stat haben.

ff. de polli. l. j. §. cepisse. Am sechsten das die verkündung geschehe in gegenwertigkeit vnd an der statt da das zymmern geschicht / es bauwe einer oder wölle bauwe(n) / also einer die statt keret.

Am sybenden / ob die sach mer dann einen rüret / ist genůg das die verkündung einem geschehe. Geschehe aber die verkündung einem / were sie nit von in allen geschehen die gemeynschafft in dem verkünden hetten.

Am achten das der verkünder schwöre das er nitt in boßheit verkünde / ob sollicher eyd von im begert würde.

Am neünden / ob die verkündung geschehe nur vff einem teyl des bauwes / das sollich teyl getzeyget werde.

ff. c. l. j. in prin. Am zehenden / das der verkünder der verkündung nit ablaß / annders diese clag hett nit statt.

Herr richter ich clag eüch von .M. der als ich im mit eine(m) cleinen stein wurff / oder mit dem büttel verbot oder verkündt den neüwe(n) bauw alda gebauwe(n) (et)c. hat über sollich ich verkünden gebauwen. Bitt ich eüch sollichs erfarn souil vnd gnůg ist / vnd mit eüwerm rechtlichen spruch erkennen das er sollichen bauw den er nach dem verbietten oder verkünden gebauwen hat auf sein kost ab sol thůn vnd das ers thů / zwingt in dartzů mit zymlichen penen.

(1. T., XXVII. Bl. 60. K.) Ae vis fiat ei q(ui) satis dedit de ope demolie(n)do.

Das dem kein gewalt geschehe / der genügen hat gethan den bauw wider ab zů brechen / vindet es sich das er vnrecht gebauwen habe.

(70) Das XXVIII. Blat

Vmb sollicher verkündung willen würt offt der bauw gehindert das der bauw nit geschicht / vnd geschicht es so würts wider zerstört als obgeschriben steet. Nun ist ein ander interdict gefunden worden / durch das geholffen würt dem / dem verkündet würt / das er wiewol im verkündet ist / nit dester minder bauwen mag / also so er ein genügen hat gethan / od(er) bereit ist zů thůn de(m) verkünder / ist er gegenwertig od(er) in seine(m) abwesen de(m) stattrichter od(er) landtrichter / würde es sich erfinde(n) dz er vnbilliche(n) gebauwet het / dz er solliche(n) bauw abthůn wolt / also ist diß interdict oder clage verbietten / das kein gewalt dem geschehe(n) sol der genügung gethan hat das zymmer wider abtzůbrechenn / ob es sich erfünde / das er vnrecht gebauwen hette.

Am ersten gebürt sich das ein neüwe verkündung geschehen sey.

Am andern / das der dem verkündet sey habe genügung gethan oder wolt es aber gethan habenn / oder sey bereit zů thůn dem verkünder / erfindet es sich das er vnbillichen gebauwen habe / das er es wider ab wölle brechen.

Seniegu(n)g thun. ff. c. non solum. Merck / ist das einer bauwet vff einen gemeynen grundt / vnd im würt verkündet er ist schlechts nit mer schuldig dann globen das er sollichs ab wölle brechen / sey das er vnrechts habe gebauwen / bauwet er aber vff das mein / ist er mir schuldig einen bürgen zů setzen / vnd das ist genügung thůn (et)c. wann gelobt er mir schlechts die gelübnüß ist für nichts / vnnd nit dester minder hat stat die vorgeschriben clage / vnnd das ist die vnderscheid warumb ich ein genügung sol haben an dem globen so du bauwest auff der gemeyn / verkünde ich dir nicht in meinem namen / noch vmb das mein / sunder ich verkünde dir in einem frembden namen / vnnd vmb ein frembde habe / darumb sol ich mir genügen lassen an deiner schlecht(e)n gelübde / so ich aber verkünde von meinen wegen vnd vmb meiner habe willen / ist nit ein wunder ob du mir einen bürgen solt setzen oder geben.

Seniegu(n)g thun sol bkyben. Am dritten / das sollich genügung thůn bleyb / anders es were eben als vil als ob die genügung nye geschehen were. ff. c. pretorait. ff. ad sena. co(m). vel leia. non putat. Also bleybt die genügung thůn nit / so die bürgschafft vffhalten / also das sie solliche bürgschafft nit schuldig weren zů halten / als frawen.

ff. c. §. deinde. Am vierden / das der dem genůg gethan ist / über sollichs dannocht irre od(er) verbiette zů bauwen.

Am fünfften das ein iar nit vergangen sey / wann übers iar gebürt dir diese clag nit. Aber diese vorgeschriben clag gebürt .xxx. iare. Also clage.

Herr richter ich clag eüch von .N. der als er mir verkündt hat den neüwen bauw / vnd ich im ein genüge(n) gethan hab den bauw wider zerbrechen / ob sich erfünde das ich wider recht gebauwe(n) het / od(er) ich bereit bin im genůg zů thůn / vnd dan(n) wolt ich bauwen / über sollichs hindert er mich das ich nit gebauwe(n) kan. Bitt (et)c. erkennen das er mich sol bauwen lassen / vnd das er es thů (et)c.

Merck / nit allein gebürt dir dise clag so du besitzst / sund(er) auch die zwo vorgeschribenen clage / mit namen. quod vi aut clam. vnd interdictum vti possidetis. Es ist gůt vns das wir vil hilff haben.

(1. T., XXVIII. Bl. 61. K.) Edicta.

F iiij

(71) Der Erst Teyl

Si quis ius dicenti non obtemperauerit.

So einer dem richter nit gehorsam ist.

Es geschicht offt das die krieger dem richter nit gehorsam seindt / darumb ist gefunden diß edict / durch das der / der nit gehorsam wil sein / gestrafft vnd peenfellig geurteilt oder erkant würt.

Am ersten gebürt sich das ein magistrat sey.

ff. de iurisdic. c. iu. l. extra. Am andern das einer vnder des selben magistrats gerichts zwang sey / anders er wer nit schuldig gehorsam zů sein.

ff. si q(ui)s ius di. no(n) ob. l. vnica. Am dritten / das dem der vnderm gerichts zwang ist etwas gebotten sey.

Am vierden / das er nit gehorsam sey.

Formier also dein clage.

Herr richter ich clag eüch von .N. der ist geladen worden das er für eüch in gericht kom(m)e von meintwegen / vn(d) mir vff mein clag antwort / das hat er nun nit gethan / vnd wan(n) nun sollich sein vngehorsamkeit mir .x. gulden schadt. Bitt (et)c. erkennen das er mir die .x. gulden schadens ab sol legen vn(d) keren / vn(d) das ers thů (et)c. Also formier dein clag / wann du wilt fordern dein schaden / so einer geladen ist von deinen wegen für den richter vnnd nit kom(m)en ist / oder so im der richter etwas gebotten von meinen wegen / vnd er ist vngehorsam gewesen / vnd so dir sein vngehorsam schaden bringet. Wann du aber wilt das in der richter vmb gelt strafft / clag also.

Herr richter ich clag eüch von .N. der hat das gebott im von eüch gebotten nit gethan / vnd ist auch vngehorsam gewesen. Bitt (et)c. das ir in straffet vmb sollich vngehorsamkeit.

Item wan(n) einer also vom richter gestrafft würt / sollich straffgelt ist nit des richters / sunder es gehört dem fisco.

Item wann der beclagt nitt gehorsam ist / so magstu den richter bitten das er in straff in ein der obgeschriben wege / oder magst bitten das dich der richter ynsetz in etlich habe des beclagten.

ff. de rei. ven. qui restituere. Item wann dich der richter heißt etwas widergeben / vnd du bist dem richter nit gehorsam / mag ich mit meinem eyde behalten was ich sollicher vngehorsamkeit schaden nymme.

(1. T., XXVIII. Bl. 62. K.) Si q(ui)s vocauerit alique(m) t(e) ius que(m) vocari no(n) licet.

Ladet einer einen für den richter den er nit laden sol.

C. de in ius vocando. l. ij. Offt ladet oder werden in gericht geladen die / die vnerlaubt nit geladen sollen werden / als vatter vnd můtter / vnd patron / den selben ladern vnnd den kindern / vnd liberten / das sein die / die eygen wer(e)n vnd sein frey gelassen von den der sie eygen waren / sollich lader werden gestrafft in. l. iulia.

C. de episa. au. si lenones. Merck / der sun mag den vatter für den richter laden vnerlaubt / das er in vß seine(m) vätterlichen gewalt lasse / so der vatter in getzwungen hat zů sünde(n).

ff. si q(ui)s a paren. fu. ma. l. vlti. Auch so der vatter hett / streng / oder dem sun peinlich ist.

Item dem vatter dem am todtbeth gesetzt würt etwas vmb des willen dz der vatter sein sun vß gewalt laß / mag d(er) sun den vatter vor dem richter

(72) Das XXIX. Blat

vnerlaubt beclagen / vnd den richter bitten das er seinen vatter zwinge sollich gesatzt an sich nehmen / vnd in vß vätterlichem gewalt lassen.

ff. ad trebel. imperator. Item ob dem vatter ein erbe were gesatzt also das ers dem sone solt widergebenn / mag der sone den vatter beclagen / also das er dem sone můß sicherheit thůn / das er das erbe nit verthů / oder das ers dem sun gebe.

ff. de lib. agno. si quis alium. Item der sun beclagt sein vatter vmb sein narung.

ff. de iudi. l. si nulla. Item auch ob der sun het etwas mit seiner kunst / oder an eines herren hoff oder mit ricterschafft gewunnen / der vatter het sollichs in seinem gewalt / vnd wolt sollichs den sun nit niessen lassen.

ff. c. si bac lege. §. liberos. Item was stat hat in de(n) sun vnd tochter / hat auch stat in richtern oder encklin / vn(d) fürter in richter kindern. Deßglychen in liberto vnd in seinen kinden.

ff. d(e) obse. a li. paprestan. heres. Item in diser clag gebürt.

Am ersten das etwas sey vatter / můter / patron / od(er) sey ein fraw die eine(n) frey gelassen het vatter vnd můtter vnd alle ir vorfarn / auch alle ire kindt / nit allein die eelichen / auch vneelichen / wann der entpfangen ist im frawenhauß / mag sein můtter vnerlaubt in gericht nit laden / wan(n) die můtter ist allweg gewiß. Aber der ist der vatter der die hochtzeyt mit der můtter gehabt hat. Pater est q(ui)s nuptie demonstra(n)t. Vnsern natürlichen eltern seind wir schuldig ere zů thůn gleych eine(m) als de(m) and(er)n.

ff. c. qui q(ui)s et. l. quia semper. ff. c. l. parentes. Item hat mich einer für sein kindt genom(m)en / als lang vnd sollichs nehmen wert / that ich in bey dieser peen nit in recht vordern.

Am andern dz der sun sey vß vätterlichem gewalt gelassen / noch vil minder ist er noch in vätterlichem gewalt.

ff. c. l. libertus. Am dritten / das der sun oder libertus habe den kriege im rechten beuestet / wann hette er allein geclagt vnnd were der krieg durch nein oder ia / des vatters oder patrons nit beuestet / würde er nit gestrafft / wer das ers in gereüwet ee sollich beuestigen geschehe.

ff. c. l. vl. et penul. Am vierden / das sollich für gericht laden geschehe vnerlaubt / wan(n) geschehe etwas von erlaubung des richters / hat die straff nit stat.

Herr richter ich clag eüch von .M. der hat mich sein vatter oder patron vnerlaubt in gericht geladen / vnd den krieg bestät. Bitt (et)c. erkennen das er mir schuldig sey fünfftzig gulden zů geben / vnd das er mirs gebe.

Non habens in ere. luat in corpe. ff. de in ius vocando. l. ve. Merck / wan(n) der einer die fünfftzig gulden nit hat zů betzale(n) / soll man im am leyb peinigen / vnd das ist ein gemeyn regel / wan(n) die geltstraff betrogen wirt / so sollen die selbigen am leyb gepeiniget werden.

(1. T., XXIX. Bl. 63. K.) Si quis in ius vocatus non ierit.

ff. c. l. j. et. ij. Ist das der geladen in gericht nit kompt.

Die geladen in gericht kom(m)en offt nit / darumb ist gemacht dise clag / wann der geladen mag gestrafft werden nach dem gerichts zwang des richters.

Am ersten gebürt sich das du geladen seyst.

Am andern das sollichs laden sey von des richters heischen geschehen.

Am dritten / das der geladen sey vnder dem gerichts zwang des richters.

Am vierden das der geladen nit kom(m)e.

ff. c. si q(ui)s ius vo. no(n) ierit. l. j. et. ij. Am fünfften das der geladen kein bauwer sey.

Am sechste(n) / dz dir solich vngehorsa(m)keit schad / and(er)s d(er) gelade(n) felt nit in peen.

(73) Der Erst Teyl

ff. d(e) iuri. au. anul. Merck / wan(n) offenbar ist das der geladen nit gehört in den gerichts zwang des richters / ist der geladen nit schuldig zů kom(m)en / er wöll dan(n) von höfligkeit willen kom(m)en / der geladen mag nit gestrafft werden dann vom richter. ff. d(e) iudi. si quis ex aliena.

Were aber ein zweyfel ob der geladen in den gerichts zwang des richters gehört / so sol der geladen erscheinen vnnd soll sein freyheit fürbringen in gerichts form / vnd bitten den richter sollich sein freyheit ansehen vnd erkennen vnd declarieren / das er sein richter nit sey.

Also formier dein clage.

Herr richter ich clag eüch von .M. der was geladen von .N. der alda ein richter was / vn(d) er kam nit in gericht / wiewol er in den selben gerichts zwang gehört / darumb bitt ich eüch ir wölt in straffen nach eüwerm willenn / het der richter ein peen in seinem gerichts zwang / so mag er yn in den selbigen penen verdamnen. C. de modo mulctandi. mulctax. Merck / dise peen gehört dem fisco / das ist in gemeynen nutz.

ff. de rei ven. in fundo. et ff. de serui. si cui. Item du möchtest sprechen / was geet mich dann not an zů clagen / so ich mir kein nutz damit schaff / darumb sol ich nit gehört werden / so ich einem andern schaden wil vnd mir damit auch nit nutz schaffen. Responsio. Expedit rei publice ne crimia (et)c. Wiewol ich kein nutz hab / ye doch mag ich clagen / vff das dz er gestrafft werde. ff. d(e) fideins. si q(ui)s acer. Wan(n) es ist ein gemeyner nut das dz übel gestrafft werde. Es ist auch genůg so ich meinen feyndt an dem gůt oder in seiner person zů straffen beger / als die vorgeschriben recht reden / wann clagt ich vmb habe / vnd nit vmb die sünd oder vngehorsamkeit / würd ich nit gehört.

Merck / dise clag vnd die obgeschriben / mit namen so einer dem richter nit gehorsam / ist ein matery.

ff. de iudi. cum que(m) temere. extra d(e) rescrip. ceterum. Merck / wan(n) mich einer ladet für einen frembder richter od(er) nit meinen richter der nit mein richter ist / sol mir der anclager verdampt werden in aller kostung die ichthů. Vff sollichs formier dein clag also.

Herr richter ich clag eüch von .M. der hat mich wider recht für ein frembden richter der nit mein richter gewesenn ist geladen (et)c. darumb ich zweintzig pfundt vertzert hab. Bitt ich (et)c. erkennen das er mit schuldig sey die zweintzig pfundt zerung abtzůlegen / vnd zů geben / vnd das er mirs gebe.

ff. ad erbi. si hereditas. §. quomo autem loco. Merck / wölcher ein in gericht ladet als obgeschriben stat für einen frembde(n) richter / der ist schuldig allein gerichts schaden / das ist dz gelt das die parthey vnnd dartzů von der meylen auch gelt zů geben / als man dann einem botten nach des landes gesetz gilt / was ich aber vmb das essen vertzere / ist man mir nit schuldig wider zů geben / wan(n) ich müst da heim auch essen.

(1. T., XXIX. Bl. 64. K.) Ae q(ui)s eum qui in ius vocatus est vi eximat.

Das keiner den der in gericht geladen ist mitt gewalt vffhalt oder verbiette das der geladen in gericht nit kompt.

ff. c. l. j. si per aliu(m) R(epet)u. j. Offt geschichts das die geladenen so sie in gericht kom(m)en wöllen / werde(n) mit gewalt gefangen oder widerrecht gehindert / also das sie in gericht nit kom(m)en / ist gemacht dise clag wider die selb(e)n. Also das die selben sollen dem anclager verdampt werden in den schaden / den er sollichs vßblybens genom(m)en hat vn(d) sollichen schaden beweyßt der anclager mit seinem eyde.

(74) Das XXX. Blat

Am ersten gebürt sich das einer für gericht geladen sey.

Am andern / das der geladen wolt für gericht kom(m)en.

ff. c. l. iij. §. vlti. Am dritten / das der geladen mit gewalt gefangen oder sunst gehindert sey worden / vff das das er in gericht nit komme.

ff. c. l. j. §. j. et vlt. Am vierden dz der gelade(n) sey ein sollich person dz er in gericht gelade(n) mag werde(n) / and(er)s der fahet od(er) der d(er) gehind(er)t ist / ist diser peen nit schuldig.

ff. c. q(uo)d si quis. Am fünfften das er von dem richter geladen werde der in laden möchte.

Herr richter ich clag eüch von .M. der hat .N. den ich geladen het in gericht / mit gewalt gefangen / oder sunst wider recht vffgehalten oder verbotten / das er in gericht nit kommen ist / vnd wan(n) nun sollich sein vßbleyben mir hundert gulden schadt. Bitt (et)c. er mir sollich hunndert gulden schadens betzalen sol / vnd das er mirs betzale.

Merck / dise schuld kompt vß malefitz / darumb magst du den schade(n) mitt deinem eyde behalten.

ff. c. ss eximendu(m). Merck / dise clag ist darumb erfunden / wan(n) dir gebürt ein clag wider mich vnd die selb clag gebürt sich nit allwege(n) / als du oben vindest in den interdicte(n) vnd andern clagen die nit ewig seind / vnd so du mich geladen hast / hat mich .N. gefangen als lang gehabt biß ich dir mit recht nym(m)er schuldig bin zů antwurten. Also was du an mir verleürst / beheltest du an dem faher (et)c.

Wider den d(er) gelade(n) mit vntreüw hindert das er nit in gericht kompt.

Item ist gemacht dise clag vnd edict wider die / die den geladen hindere(t) vn(d) dadurch yne wider den lader oder den der gehindert hat geholffen würt.

Am ersten gebürt sich das einer für gericht geladen sey.

Am andern das der geladen für gericht geen wölle.

Am dritten / das einer mit listen vnd mit vnrecht dem geladen etwas sage dadurch der geladen nit komme zů recht / sollicher list oder vntreüw sey durch dich oder dein diener geschehen.

ff. c. l. j. §. j. Item hastu dem geladen etwas traurigs verkündet / als dein vatter ist tod oder dein bůl ist dir todt / als sollich exempel geschriben steend im recht.

Item wann der geladen würt gehindert von dem der in geladen hatt / oder würt von einem andern gehindert von ladens wegen / so hat der geladen exception wider den der in gehindert hat / hat aber in ein ander gehindert dan(n) der lader / so hat der geladenn kein exception / wann im gebürt die selb clag wider den der hindert vmb den schaden / würt aber der geladen gehindert vom magistrat vnuerschuldter sach / so gebürt dem geladenn die exception wider den lader. Geschehe aber sollich fahenn oder hindern vß schulde willen / oder arglist des geladen / würt im sein verschulde oder vntreüw der exception schaden / das sie im nit hilflich were / wan(n) nyemandt sol vntreüw oder argelist im rechten zů hilff kommen.

Herr richter ich clag eüch von .M. der hat .N. den ich für gericht geladen het mit argem list gehindert das er nit in recht kommen ist / vnnd geantwurt hette / sollichs vßbleyben schadt mir zehen gulden. Bitt (et)c. erke(n)nen das er mir sollichen schaden ablegen sölle / vnd das er es thů (et)c.

ff. ad. l. aqui. ita vulneratus. Merck / wann ein handtwerckman einen ladet für gericht / vnd für gericht lange steet / damit versaumpt er sein arbeit / so nun der geladenn mit kompt /

(75) Der Erst Teyl

so schadet dem lader sollichs an seiner arbeit / vnd villycht můß er ein andern der die selben weyl für in arbeit lonen / wann wir werden mit grösserm vnstaten von vnser arbeit genom(m)en. Dise clag gebürt vor vß wider den der hindert / vmb des willen das das übel nit vngestrafft bleybe.

ff. c. l. ex hoc edicto. §. ss si stipulator. Item merck / wo d(er) gelade(n) als er für gericht wölt geen / ist gefange(n) od(er) gehindert worden / der richter hat in peen fellig vrteilt / das sunst nit geschehen were od(er) er hat villycht ein peen verheissen wo er nit kom(m)e / also ist die peen verfallen / gebürt dem geladen dise clag wider den der gehindert hat.

(1. T., XXX. Bl. 64. K.) De edendo.

Das dir deine eygen oder gemeyn brieff werden getzeyget vnd gegolten.

ff. de edendo. Hat einer dein eygen instrument oder ander brieff / die sein dein eygen oder euch beiden gemeyn / vnd er versagt dirs zů geben so du ir in gericht bedarffst / magst du in mit des richters ampt dartzů bringen / das er dir es zeygen vnnd geben můß / vnnd wo du sollichs versagens zů schaden kommen bist / magst du den schaden mit diser clag vordern.

Herr richter ich clag eüch von .M. der als ich mein eygen oder vnser beider gemeyn brieff vnd instrument von im voerdert das er mirs gebe wann ich bedörfft des in gericht (et)c. Hat mirs versagt zů geben / oder hat mirs nit volko(m)menlich / sunder betriegenlichen geben vnnd gelühen / wann ich nun sollichs versagens in zweintzig gulden schaden genommen habe. Bitt ich (et)c. erkenne(n) das er mir sollichen schaden ablegen sol / vnnd das ers thů. Sollicher schade möcht also kom(m)en. Ich kriege wider dich vnd du wider mich vmb ein dienstbarkeit eins hoffs od(er) hauß / het ich mein brieff gehabt / ich hett bewisen dz mein hauß solliche dienstbarkeit haben solt / dz ich on das instrume(n)t nit thůn kundt (et)c. Was sich herinne gebürt sůch in Rofredo.

(1. T., XXX. Bl. 65. K.) De edicto de calumniatoribus.

Wider die / die vmb falsch sach dich bekriegen oder lassen bekriegen.

Es macht sich vnder weylen das einer dem andern gelt geyt das er dich in gericht beclage vmb habe / od(er) verclage vmb sünde / vn(d) sollichs geschicht vmb vnrecht. Columniator.

Also das der anclager dem geladen vnrecht thůt / oder so einer wolt dich vnbillichen für gericht laden / vnd ich gebe im gelt das er dich nit vnbillichen solt laden / in disen beide(n) casus gebürt sich dise clag wider die calu(m)niatores / das seind die / die vmb falsch oder erloge(n) sach etlich für gericht laden / gebürt sich diese clag wid(er) den d(er) dz gelt genom(m)en hatt / dz er das gelt im iare vierfach wider geben můß / nach dern iare einfach. In diser sach gebürt sich.

ff. c. l. j. in fi. et. l. ij. et. l. gn(u)aliter. Am ersten das einer gelt gebe einem vff das / das er den anndern felschlich vnd mit lugen für gericht lade / vnd bey gelt solt du versteen alles das also gegolten würde / oder wirt einem sollichen vmb sollichs laden sunst ein nutz der etwas wert wer. Vnnd dise clag hat stat die sach sey in gericht kom(m)en oder nit etwas wert wer. ff. c. l. j. Vnnd dise clag hat stat die sach sey in gericht kom(m)en oder nit. Repetundarus. Dise clag hat stat es sey vmb sünde od(er) vmb habe / wiewol vm(b) sünde ein forcht genant repetundarum auch stat hat.

ff. c. gn(u)alr. j. R(epet)u. Item der / der das gelt genom(m)en hat vnd ob er nit kriege / ye doch wirt er gestrafft / wann er solt on gelt sollichs haben vnderwegen gelassen.

(76) Das XXXI. Blat

Am andern / so ich gelt geben hab das er dich nit fälschlichen kriege / vnd er kriege dich oder nit / da(n)nocht ist er schuldig vierfach wider zů geben. In dem ersten so ich geben hab gelt / das er dich fälschlichen kriege / so mag der dz gelt vord(er)n d(er) gekriegt sol werde(n) / vn(d) nit ich / wan(n) ich hab sollich gelt schentlich gebe(n).

ff. c. generaliter. Am dritten / so ich das gelt gebenn hab das man dich nit fälschlich kriegt / haben du vnd ich die vorderung. Also formier dein clag wider den der dz gelt genom(m)en hat dich fälschlich zů bekriegen.

Herr richter ich clag eüch von .N. d(er) hat .xx. pfund vo(n) .M. genom(m)en dz er mich in der .N. sach vnrechtlich hat bekriegt oder kriegen solt. Bitt (et)c. erke(n)nen das er mir die selben .xx. pfundt schuldig sey vierfach zů geben / vn(d) dz er mirs gebe (et)c. Hastu aber das gelt genom(m)en / das du mich nit fälschlich bekriegst.

Also formier dein clage.

Herr richter ich clag eüch von .N. der hat .xx. gulden von .M. genom(m)en / das er mich in der sach nit fälschlich kriegen solt. Bitt (et)c. erkennen das er mir die .xx. gulden vierfach betzalen sol / vnd das er mirs gebe / zwingt (et)c.

ff. c. ss et p(re)ter ha(n)c. Merck / der der dz gelt gibt / das man einen wider recht oder fälschlich krieg der hat vnrecht / daru(m)b mag er das gelt nit wider vordern / wan(n) er hats schentlich geben / vn(d) darumb wan(n) zwen einander schentlich sach schuldig sein / so ist der anclager nit besser dan(n) der anclagt würt. So ist auch der schuldig der dz gelt nympt wiewol er nit kriegt / wan(n) sollichs gelt růwet wider recht vn(d) schentlich bey dem nemer / darumb ist er schuldig vierfach zů betzalen.

ff. c. et generalit. Merck gib ich .N. zehen gulden das er .M. nit fälschlich kriege oder verclage / vnnd hab solliches gelt allein vmb des besten willenn gebenn das sollicher kriege vnnderwegen beleybe / so mage ich solliches gelt wider vorderen / wann sollichs ist mir zymlichen gewesen / aber der nemer hat sollichs nit zymlichen genommen / wann er solt söllich vnredlich kriegen on gelt vnd erwegen lassen / vnd vmb sollichs gebürt dem der gekriegt solt werden dise clag / vnnd der nemer ist im die sum(m)a gelts vierfach schuldig / vn(d) de(m) geber einfach. Nach dem iar gebürt sich die clag nur einfach.

Merck / das iar hebt sich an deßhalben der dz gelt geben hat / vnd der nemer gewalt gehabt het / die sach zů treyben. So aber gelt von einem andern gebe(n) ist das ich nit gekriegt werde / so hebt sich das iar an von der zeyt als ich sollich geben gewißt hab / vnd nit so das gelt geben worden ist.

Merck / gib ich von deins geheiß wegen sollich gelt / gebürt mir nit dise clag sunder dir / wan(n) du hast sollichs gebe(n) / daru(m)b gebürt dir dise clag wie obstat.

So einer förcht er werde bekriegt vmb etlicher habe willen die er besitzt geyt solliche habe einem andern.

ff.c. l. j. Vmb des wille(n) dz einer den krieg förcht / ist gemacht dise clag in d(en) geholffe(n) wirt dene(n) in d(en) schade(n) vn(d) schmähe etliche habe od(er) der besitz vm(b) d(en) wille(n) sie gelaube(n) vn(d) förchte(n) sich bekrieget werde(n). Sollich habe od(er) besitz verkauffen sie andern / od(er) gebe(n)s in wille(n) dz in wider werde / vff das dz die selbe(n) sein vnderwylen mechtig od(er) gar seer böß / wid(er) solliche(n) empfre(m)bdet gebürt dise clag / in d(er) du alle(n) schade(n) gewyn(n)est dz du solicher empfre(m)bdung halbe(n) nympst / als so solichs empfrembdet ist in eins andern landes od(er) höhers gerichts / so ein sollicher gefryet were wider den ordenlichen richter des empfrembders / vnd wan(n) du von dem

G

(77) Der Erst Teyl

empfrembdet deinen schaden beheltest / als dann magst du anclagen den besitzer můß antwurten vmb die habe.

Am ersten gebürt sich das ein krieg getriben sol werden.

Am andern das die sach sey vmb habe / vnd ob es wider ein person sey / das doch vmb habe sey.

ff. c. l. j. et. l. non solum. Am dritten das der / der die habe besitzt / die habe oder besitze empfrembde.

ff. c. l. iij. extra c. c. ij

Am vierden das der empfrembder die habe empfrembde / also das der den krieg fliehe vnd einen andern an den krieg stoß / vnd der selbig ist dem clager vnderweylen zů mechtig / zů ferre / oder zů böß oder gefreyt.

ff. c. ex hoc. §. ait pretor. Am fünfften das der krieg künfftig vnd nit angehaben sey. d. litig. vlti. Were der krieg angehaben / vnd darnach geschehe solliche empfrembdung / hat dise clag nit / sunder ein anders stat.

ff. c. er. H. §. si. alienauerit. Am sechsten dz sollich empfre(m)bdung nit widerrüfft werde / wan(n) empfrembdet einer wie obstat / vnd widerrüfft die empfrembdung / ist er nit schuldig.

ff. c. non solum. Am sybenden / das dir sollich empfrembdu(n)g schade. Vnd der schade wirt angesehen. Am ersten gege(n) der person / als so der besitzer ist mechtig / oder böser dan(n) der empfrembder gegen der statt als so du empfrembdet hast die habe einem eins andern landes / gege(n) der sach / als den menschen den ich gefordert wolt haben / hast du vß deinem gewalt gelassen / gegen der habe / so du die stat hast empfrembdet in der du ein neüwen bauw hast gethan / vn(d) vmb sollichs neüwen bauwes willen wolt ich dich beclagt haben / mit der clage genant. q(uo)d vi aut clam. oder mit der clag von regen wasser zů zwingen / oder mit dem interdict von dem neüwen bauwe zů verkünden / oder zů verbietten / wann besessest du sollichs so můßtest du sollichs mit deinem eygen gelt abbrechen. ff. c. l. s. in si. et. ij. et. iij. §. i. ij. et. iij. So aber nun ein annder besitzt / můß ich mit meiner kostung abbrechen. Als du oben in disen clagen clärlichen vindest.

ff. c. no(n) solum. §. hec actio. Am achten / das die empfrembdte habe noch vorhanden sey / wan(n) were die habe on schuld des empfrembders vmbkom(m)en oder vergangen / were der empfembder nit schuldig diser clage.

Herr richter ich clag eüch von .M. der vmb willen die sach vo(n) im zů schieben das er darumb nit schuldig sey gerecht zů werden / ein solliche habe mit namen .N. von der selben habe wegen ich in mit gericht wolt anlangen / hatt die selben habe empfrembdet vnd .R. geben / so nun .R. mechtiger ist dann mein widersach / oder ist eins andern landes oder böser / vnd wann mir solliche empfrembdung schadt .xx. pfundt. Bitt (et)c. erke(n)nen das er mir sollich .xx. pfund geben sol (et)c. Also formier dein clag so dir sollich empfrembdung schadt vonn der person wegen oder der statt / so aber dir sollich empfrembdung schadt von der sach wegen. Formier also dein clage.

Herr richter ich clag eüch von .N. der hat seinen eygen menschen den er besaß von des selben eygen menschen wegen ich in beclagt wolt haben / von der eygenschafft wegen hat frey gesagt / oder vff deng rundt hat er gebauwe(n) heimlich oder mit gewalt / oder vff dem grund als er bauwet hab ich im verkündet einen neüwen bauwe / oder mir gebürt die clag wider in genant von de(m) regenwasser zů zwinge(n) / die selbe(n) statt vn(d) grund hat er empfre(m)det / wan(n) sollichs empfre(m)den schadt mir .xx. gulde(n). Bitt (et)c. erke(n)nen dz er mir .xx. gulden geb(e)n sol.

(78) Das XXXII. Blat

ff. c. l. j. et. l. item. §. vlti. Merck / in dieser empfrembdung gebürt sich argerlist vnd betriegu(n)g / daru(m)b wo einer von alters wegen / kranckheit oder ander nottürfftiger küm(m)ernüß wegen die habe empfrembdet darumb das er lieber der habe wolt mangeln dan(n) offt darumb kriege(n) / als so er die habe vmb sunst geyt / würt er nit schuldig diser clage / wo er aber die habe verkaufft / verwechßlet / oder in wölchem andern wege empfre(m)det also dz er des gleychen er wid(er) nemen / sollicher list ist zů schelte(n) wan(n) er wil die habe od(er) seine(n) wert haben vn(d) den kriege vff ein andern bringen.

ff. de pe. here. l. et si rem. Item darumb so hat er die habe oder der habe wert oder dz gelt vmb habe.

ff. c. l. ite(m). §. pen. Merck / wo ich den besitz mitt argem list gantz verlaß / bin ich diser clag nit schuldig / wann ich hab weder den besitz noch habe in keinen anndern bracht / oder keinen andern geben.

ff. c. l. iij. Item merck / ich mag wider den empfrembder clagen vmb den schaden / ee ich icht vßgibe / wan(n) so ich sollichs vßgeben můß ich es gleych als ob ich yetzundt geben hette / vnd vor vß so der empfrembder farend habe verkaufft hette vnd der kauffer hat die habe drey iare inne gehabt / mag ich fürbaß wider den kauffer nit clagen / wan(n) er hat die habe prescribiert / wo ich die habe vom kauffer vorder gebe ich vntzymlich vß mein gelt.

ff. c. no(n) solu(m). §. vl. Merck / dem in des schaden soll ich empfrembden geschicht / vnd seinem erben gebürt dise clag innerhalb des iares / vnnd gebürt wider den der in seinem namen hat empfrembdet vnd sein erben / vnd würt gebe(n) wider den der in eins andern namen empfrembdet hat / als vormunder vnnd procurator / aber nitt wider ir erben / wann dise clag ist vß malefitz.

Merck / der dem solliche empfrembdu(n)g geschehen ist / mag den empfrembder vmb die hauptsach beclagen vmb die habe / oder vmb den wert der habe / wann solliche sein vntreüw macht in dannocht ein besitzer der habe wiewol er die nymmer besitzt / vnnd behelt er dann den wert von dem empfrembden / es mag darnach die habe keiner vom besitzer nit gewynnen / wann er soll nit die habe vnd den wert beib haben / sunder nur ir eins als die habe von dem besitzer vnd den schaden von dem empfrembder wie obstat.

ff. d(e) pecu. ss si q(ui)s de peti. berc. sed et rem pau. Merck / der empfrembder mag nit allein vmb den wert den er von der habe hat anclagt werden / wann die vntreüw macht in ein besitzer / sunder auch vmb das gelt darumb er die habe verkaufft hat / wan(n) das gelt gect an der habe statt. Die wale steet zům anclager vmb wölchs er clagen wölle. Also hast du wie du den empfrembder anclagen solt.

Merck / wider das edict würt auch gethan / so einer meynet habe ein rechtsach wider ein / die selben sach geyt er eim gefreyten / als die geistlichen gefreyet sein / wider wen sie kriegen wöllen den mögen sie geistlichenn fürnemen / oder einen mechtigen oder einen grausamen / der selb mechtig sol ein sollicher sein / das er dir zů förchte(n) sey vnd gewalt an dich mag legen / als herrn / stett / reych edelleüt oder habende straßrauber. C. ne liccat pote(s). pa. litig. pres. l. j. Es würt der gestrafft der hilff der obgeschribenn person in seiner sach vffnympt / in meynung seinen widersachen zů schrecken / wann er verleürt die sach die er also hingeben hat / vnd sollich vffgeben ist krafftloß / vnd der der es vffgenommen hat mag im rechten nit clagen der der also hin geben hat vnnd der der die sach hat vffgenommen vnnd ob er ein Graff were / so mag man in von der sünde wegen vor dem landtrichter

G ij

(79) Der Erst Teyl

beclagen / auff das hertest sol er am gůt gestrafft werden. Die geistlichen sollen auch gestrafft werden von irem obersten.

extra. c. ti. ij. Item sollicher sachergebung oder vffgebung / ist dise vnnderscheid zů vermercken. Geschicht sollich vffgebung am todtbeth / ist die vffgebung krefftig / es were dann das die habe kriegesch were. Geschicht es aber vß geding vnnd geschehe die vffgebung einem mechtigen / die vffgebung ist krafftloß / vnd der vffgeben hat mag nit clagen. C. de litig. l. vlti. Geschicht aber sollich übergeben mit eine(m) mechtigen vnd ist die clag in recht kom(m)en / ist die übergebu(n)g krafftloß / die clag wirt darumb nit verlorn / dan(n) er würt clagen der über geben hat / on wan(n) die übergebung geschicht vß morgengabe willen. C. de act. vel bere. ven. Wer aber die sach nit in gericht ko(m)men so ist die übergebung krefftig / wan(n) anders die übergebung warlich geschicht. C. plus valere q(uo)d agitur per totu(m). Ist aber die übergebung oder das verkauffen nit lauter / so ist sie vnkrefftig. Also ist sie nit lauter so zwyschen dem geber vnd vffnemer ist gedingt worden das der nutz wider dem geber solt werden.

in aut(e). de litig. j. R(epet)u. Merck / also würde die habe kriegsch / so zwyschen dem clager vnd besitzer vmb ligende oder farende habe / od(er) die habe die sich selbs weget vmb die eygen schafft kriege angehaben ist / antweder durch die ladung in gericht oder durch ein rescript vom fürsten erlanget dem richter verkündt vnd geantwurt / vnd dann vom richter oder widersach verkündt. Das sein die peen dem geber vnd nemer / wölcher ein kriegisch habe nympt / es sey in kauffs oder gebenns weyß / oder vß was andern contract es geschicht / hat er gewißt das die habe kriegisch ist gewesen / nit allein würt er getzwungen die habe wider zů gebenn / er würt auch beraubet des gelts das er darumb geben hat / das gelt sol dem fiscal werden / vnnd der geber můß auch so vil dem fisco geben. Wann aber der nemer nit weißt das die habe kriegisch ist / sol der die habe widergeben / vnd das gelt sol im wider werden hat ers geben / oder hat er es nit geben / würd er vom betzalen ledig / vnd das dritteil des gelts darumb die habe verkaufft ist sol der kauffer nehmen vom verkauffer / vnnd sol die andern zweyteil der summa als ers verkaufft hat dem fisco geben.

Item dise peen hat auch stat in gebung vmb sunst / also das die habe warlich geschätzt würde / wann diß gebott ist nit darumb geben worden / so sol der geber den wert der habe dem fisco geben.

Fiscus. C. ne fisc vl. resp. pcuratione(m) alicui patrocinij ca(sus) in lite pres. Merck / als du yetzundt gehört hast das den sunderlichen mechtigen personen verbotten ist das sie den kriegern kein hilff söllen thůn / noch vil mer würt dem fisco verbotten ein sollichs / als dem procurator fisci / das sein die die das gemeyn gelt ynnemen vnd vßgeben / es sey des Keysers od(er) eins and(er)n fiscus.

(1. T., XXXII. Bl. 66. K.) Aaute caupones stabularij.

Das der schiffman / taberner vnd stallmeister betzale das im schiff / schenckstat oder stall gestolen ist worden.

Kompt einer in ein schiff mit seiner habe / oder in ein schenckstat oder stall / vnnd verleürt etwas vonn seiner habe / würt im geholffen am ersten mit diser clage. Also das im die habe vom schiffman / schencken oder stallmeister wider werde / vnnd ist diese clag auß dem contract vnnd auch gleych dem contract oder bey.

(80) Das XXXIII. Blat

Am ersten gebürt sich / dz der den du anclagen wilt / sey schiffman / schenck oder stallmeister.

Am andern / das du dein habe in dz schiff / schenckstat od(er) stal gethan habst.

Am dritten das sie es zů behalten genommen haben wann hetten sie sichs zů behalten gewidert werent sie nicht schuldig.

ff. c. l. j. §. s. Am vierden das die habe verlorn sey.

Exercitor. Merck / bey dem schiffman soltu nit allein versteen den des schiff ist / sunder den Exercitor / das ist der dem die regierung des schiffs entpfollen ist / vn(d) bey dem schiffman soltu versteen ein yegklichen dem das schiff oder ander fůre entpfollen ist vff wasser oder vff landt. ff. c. l. j. §. si de exercitore. §. vlti. ff. c. l. j. Vnd als oben steet das sie die habe zů behalten sollen genom(m)en haben / versteen das die habe sey zů geben oder geantwurt worden oder nit / wan(n) anders die habe in das schiff kom(m)en sein / vnd ob die habe von etlicher notturfft wegen wider auß dem schiff getzogen weren / wo sie vff dem gestad verlorn werden / sein die schifleüt schuldig.

Deßgleychen solt du versteen bey den schencken vnnd stallmeistern alle die die der tabern täglichen nutz nehmen / oder des stals / als die schifleüt vnnd die die tabern oder stall bestanden hab(e)n die die tabern nit der thürhůtter oder der koch / wann der schenck oder stallmeister oder der von iren wegen regiert schuldig ist von der missethat des thürhůtters oder des kochs / wann sie habenn sie in iren heüsern vnd dienen inen.

Herr richter ich clag eüch von .M. schiffman / taberner oder stallmeister / in des schiff / tabern / hauß oder stall ich sol .N. mein habe gethan haben / vnd hab sie darinn verloren / vnnd wann er mir nun die habe nit will wider geben. Bitt (et)c. erkennen das er mir schuldig sey mein schaden zů keren / vnnd das er in mir kere / zwingt in dartzů.

Item merck / es möcht einer in sollicher geschicht clagen in einem anndern wege / als locati vnnd conducti / das ist ein clag von der du hernach hast von hinleyhen vnd von besteen / als so der schiffman gelt nympt vnnd besteet dein habe zů füren gen Cöln / od(er) wo er dir es vmb sunst füret / het stat aber ein clag mit namen Depositi / das ist zů behalten geben von der du auch hernach vindest. Aber der richter hat an geseh(e)n der genanten person boßheit / vnd meynet die zů zwingen / wan(n) was eygentlich oder sunderlich gesatzt ist / das würt mer geförcht dan(n) würde es in gemeyn gesetzt. ff. c. comod. si vt certo. Auch so kompt in dem contract des hinleyhens vntreüw / argelist / grosser vnd leychter vnfleyß. In deposito. In deposito / das ist zů behalten geben kompt vntreüw oder grosser vnfleyß. ff. depo. q(uo)d nerus. Aber in dieser clag kompt vntreüw / grosser / leychter / vnd allerleycht vnfleyß / was sollichs würt bedeüten würst du hernach geschriben vinden / vn(d) auch hieuor nach der clag von argem list. Casus fortuit. Doch kompt nit Casus fortuitus / das ist vnglücke / darwider der schiffman nit mag / also rauber gewaltigklichen kom(m)en / oder das schiff vnder gieng / oder von hymels hitz verbrunne. Hieuor hast auch ein clag wider die genanten person / die heißt von diebstals wege(n) wid(er) den schiffman / schencken vnd stallmeister / vnd eine heißt exercitoria vn(d) institutoria / dise clag ist vß contract oder deßgleychen / wan(n) so ich mein habe in das schiff thůn so ist gleych als ob ich mit im gedingt hett vmb einen gewissen lone / wan(n) so ich nit mit im

G iij

(81) Der Erst Teyl

contrahiert vmb einen gewissen lone / doch weiß ich wol dz ich im lonen můß darumb ist gleych als ob ich mit im gewort vnd contrahiert hette.

Item deßgleyche(n) sol ma(n) auch vrteiln so etwas im bade verlorn würt / wan(n) sein die cleider dem bader geben worden / vnd hat gelt genommen die cleider zů behalten oder im würt das gelt vmb das behaltenn. ff. depo. l. j. §. si vestimenta. Als so einer vormals allwegen gelt geben hat vom dinglach zů behalten / so magst du in auch clagen locati vom hinleyhen / als oben steet / hat aber der bader keinen lone dauo(n) sunder allein zů behalten genommen / so magst du clagen depositi / das ist zů behalten geben wie ob stat. Sein aber die habe dem bader nit zů behalten geben worden / sunder allein in dz bade gelegt so ist er eben schuldig als die schiffman / taberner vnnd stallmeister / wann er nympt geld vmb das bade als die genanten person vmbs schiff / hauß vnd stall.

Merck etliche doctores als Azo / sein wid(er) das hinderst notabel / vnd spreche(n) das sollich gesetz sey allein von den schifleüten / taberner vnd stallmeister / die sein an im selbs böse vnd haben dann vntreüw diener als dann sollich ir boßheit im ersten recht dises titels clarlichen geschriben steet.

Stallmeister. Merck / das sein stallmeister in den grossen stette(n) habe(n) etliche grosse heüser vn(d) machen darin(n) stelle dz sie d(ie) frembde(n) menschen thier darin(n) stellen / so sie zů marckt oder sunst kom(m)en / vnd nehmen darumb iren lone von der stund (et)c.

Rofredus. Item wo ein gůt freündt den andern in sein herberg neme / vnd er verlüre sein habe / hat dise clag nit stat / dise clag ist auch ewig.

(1. T., XXXIII. Bl. 67. K.) De his qui effuderunt vel deiecerunt.

Wider die die vß den heüsern werffen oder schütten.

Würfft einer oder geüßt vß eim hauß / also das das selb vff einen der da für geet falle / vnd sein cleider vnd ander sein habe sein im verderbt oder geschediget / der den schaden entpfangen hat / mag clagen. ff. de his q(ue) deie. vel effu. l. j. §. j. Dise clag ist zwyfach wider den der vßwürfft / wo aber vß solliche(n) vßwerffen ein frey geborn mensch stürbe würde der vßwerffer verdampt in fünfftzig gulden. Geschehe aber einem frey geborn menschen sunst ein schade. ff. c. l. j. §. j. et. §. si cum bo(n) liber. Als ob im sein haupt were gebrochen oder eineugig würde / oder sunst ein schaden geschehen were / so sol der richter ynen erkennen was billich ist / wan(n) er sol ansehen die zerung des kranck(e)n / den lone der artzt / vnd was er die selben weyl verdienet hette / vnnd was er hinfüre verdienen möcht /were er sollichs werffens zů arbeiten gantz vntüglichen worde(n) aber der masen oder vngeschaffenheit soll nit gedacht werden / wan(n) ein freyer leyb mag nit vergolten werden / das cleinest glid am menschen mag nit mitt der gantzen krafft vergolten werden.

Am ersten gebürt sich das etwas vßgossen oder vßgeworffen sey.

ff. c. l. j. R. §. furium sic ut in. l. aq(ui)lia. ff. ad. l. aquil. si putator. Am dritten das die statt dahin gossen oder geworffen ist da der schaden genommen hat ganngen ist / sey also / das ein yegklicher da mag geen als ein gemeyner weg / wann were die statt heimlich / růwet dise clag / wiewol durch sollich werffen schaden geschehen ist.

Herr richter ich clag eüch von .M. wan(n) vß seine(m) hauß ist dz (et)c. gegossen od(er) geworffen / vn(d) er wonet in de(m) hauß / nun sein mein cleider od(er) mein kauffmanschatz

(82) Das XXXIIII. Blat

dester böser worde(n) in .xx. lb. Bitt (et)c. erke(n)nen / dz er mir sollichen schade(n) zwyfach bezale(n) sol / vn(d) dz er in mir bezale. Wan(n) ein fryer me(n)sch ist getödt worden / clag also.

Herr richter ich clag eüch vo(n) .M. wan(n) vß de(m) hauß darin(n) er wonet ist dz (et)c. vßgeworffen worde(n) / daru(m)b mein vatter gestorbe(n) ist. Bitt (et)c. erke(n)nen dz er mir .l. gulde(n) sey schuldig zů gebe(n) / vn(d) dz er mirs gebe / wer aber vß soliche(m) werffen d(er) lyb eines fryen mensche(n) geschediget. Formier also dein clage.

Herr richter ich clag eüch von .N. vß des selben hauß darinn er wonet ist das (et)c. vßgossen oder geworffen worden / dauon ich an meiner handt / aug od(er) haupt (et)c. geschediget bin / vn(d) hab vmb sollicher beschedigu(n)g willen zweintzig pfundt vertzert / zehen pfundt dem artzt geben / souil schadt es mir an meiner arbeit die ich versaumet hab / vnnd auch schadt es mir souil hinfür / wann ich dauge zů meiner arbeit nymmer. Bitt (et)c. erkennen das er mir sollich summa gelts schuldig sey zů geben / vnd das er mirs gebe (et)c.

Merck / wann dise clag gebürt vmb schadenn an cleidern oder kauffmanschatz so ist sie ewig / vnd gebürt auch de(n) erben nit aber wider den erben wann sie aber gebürt so ein freyer mensch gestorben ist / so weret sie nur ein iare vnnd würt nit geben wider den erben / auch nit dem erben als eim erben / sunder als dem der dem vergangen am nechsten zůgehört. ff. c. si vero. §. hec autem actio. Wan(n) aber dise clag gebürt vmb schaden dem leybe eins freyen menschenn zůgefüget / so ist sie dem freyen menschen ewig / aber seinem erben nur iärig.

Merck / dise clag ist vß malefitz / nun sol in malefitz die person bene(n)net werden / aber in diser clag würt nur der innwoner benennet / vnnd steet wol das er nit da heim sey gewesen / das sollicher schade geschehen ist. ff. c. l. penul. §. habitator. Warumb gebürt dann dise clage wider in / das ist darumb / wann der des das hauß ist oder bestannden hat darinne zů wonen / vnnd darinnen wonet / der ist schuldig vmb sein vnfleyß vnd der seinen.

Der in(n)woner sol die seinen warnen das sie nichts args das schaden mag vß schütten oder werffen / das aber die person im clagen nit bestympt würt die sollichs gethan hat / ist nit vnbillich. Wan(n) so ich am weg gee vnd mich vff mein sach bede(n)ck / so würfft d(er) / ich entpfind wol schade(n) vß solliche(n) weisse(n) / so bald aber vn(d) solicher wurff geschicht / verbürgt sich d(er) werffer das ich in nit geschen kan. Möchtstu spreche(n) / die weyl ein fryer lyb am wert nit mag geschätzt werden / waru(m)b vorderstu dan(n) .xx. gulde(n) / nit vm(b) den wert als obgeschribe(n) steet. C. de pe. sancim. Nymmest du dan(n) die .l. gulde(n) zů peen / dz ein graff / herr od(er) ein and(er) edler od(er) vnedler frum(m)er me(n)sch d(er) vil in stette(n) sein nur .l. gulde(n) wert sol sein / so offt einer de(n) and(er)n .l. gulde(n) můß gebe(n) für ei(n) tods pfert / so doch nach ordnu(n)g d(es) recht die peen nach grösse d(er) sünde solt vffgelegt werde(n). Abigeatus. ff. de abigeis. l. j. Die .l. gulde(n) werde(n) nit gefordert vmb den wert gegebe(n) / sund(er) als ein peen / wiewol sie clein ist gege(n) d(er) sünde / so hat es doch d(er) recht setzer also gesetzt / wa(n) es geschicht nur wo ei(n) clein peen solt vfgesetzt worden sein / ist ein grosse / vn(d) wideru(m)b die sünd genant Abigeatus / dz ist / so einer ein herd vich von der weid stilt / so sol der selb den wilden thieren für geworffen werden inn zů tödten. ff. de effrac. l. j. Vnnd widerumb / das ist ein grosse sünde da einer ein wandt auffbricht vnnd gelt darauß stilet / den soll man fünff iare an ein ende schaffen oder versenden die fünff iare in ein inseln / oder sunst an einem gewissen ende zů bleyben. Das ist ein cleine peen.

G iiij

(83) Der Erst Teyl

Merck / die weyl das übel volbracht ist so magstu clagen vmb die künfftige(n) arbeit / vnnd so sol das leben angesehen werden wie lang du geleben magst / würt dir zweintzig iar zů wenig geschätzt / so magstu nach dem selbe(n) aber clagen vmb die künfftigen arbeit der du mangeln můst als du geletzt bist / vnnd irret dich nit die exceptio das vor ein vrteil gangen were an dem dich benüget hette / wann wo billich vrsach sein oder casus kom(m)en / so vordert man wol das das betzalt ist vß vrsach eins vergange(n) vrteils / dz ist / ex causa iudicati / wan(n) gib ich etwas zů wäsche(n) vmb lone / vn(d) würt mit verlorn / ich gewin(n) d(ie) wäscherin mit vrteil an vnd würd betzalt. Conditio sine causa. Darnach würt mir mein habe wider / hat die wäscherin ein zůflucht wider vß dem rechten genant / Conditio sine causa. ff. c. j. si fullo. (et)c. C. de re. iudi. l. j. Vnd mag den wert wid(er) von mir vordern als ob sie es on vrsach mir gebe(n) hette / wie wol ich vor sollichen wert mit vrteil behalten hab / vnd das vrteil in sein krafft gangen ist / das ist das dauon nit appelliert ist worden.

Item würt etwas vß gossen oder geworffen dauon ein schwanger frawe od(er) sunst ein mensch kranck würde / wie die kranckheit geheissen ist / de(m) selbe(n) menschen es were frawe oder mann gebürt dise clage.

(1. T., XXXIIII. Bl. 68. K.) De eiectis et effusis:

So einer vß dem hauß gossen oder geworffen hat.

ff. c. si vero in pn. Es macht sich offt das mer dan(n) einer in einem zym(m)er wonent / vnd einer vnder ine hat vßgeworffen oder geschütt dauon schaden kom(m)en ist / als diebe clagten sollichen schaden müsten betzalen / kom(m)en die recht den betzalern zů hilff mit diser clage / also das sie von dem werffer den schaden möge(n) vordern / doch sollen sie bey einander wonen / vnd nit vnderscheidenlich / wan(n) als dan(n) müßt der allein betzalen vß des zymmer der schad geschicht.

ff. ad. l. aquil. ita vulneratus. Item einer besteet ein hauß darinnen zů wonen mit seinen knechte(n) / dartzů nympt er ein haußgenossenn zů im / der haußgenoß oder der knecht einer thůt schaden / vmb sollichs můß der beständer den schaden betzalen vnd im rechte(n) antwurten / wann nun der beständer in die obgeschriben clage verdampt ist / gebürt im dise clag wider den haußgenossenn oder knecht / wann es ist billich kom(m) ich von deiner sünd wegen zů schaden / das du mir sollichen schaden ablegest / an gesehen das malefitz nit vngestrafft beleyben sol.

Dise clag ist gleych dem malefitz. In diser clag gebürt sich alles das / das in der vorgeschriben clage gebürt.

Herr richter ich clag eüch von .N. der mein haußgenoß oder knecht ist / der hat vß dem hauß in de(m) ich wone / das vßgeworffen / das hat .T. an seinen cleidern souil schadens gethan / darumb ich im zwyfach verdampt bin. Bitt (et)c. erkennen das er mir sollich sum(m)a zwyfach geben sol / vnd das er mirs gebe (et)c. ff. man. si mandato. §. quotiens. Also clag wan(n) du das gelt gebe(n) hast / du magst aber auch clagen das er dich ledig mache so du verdampt würst ee du betzalest.

(1. T., XXXIIII. Bl. 69. K.) Ae quis in domo sua (et)c.

Das nyemandt an seinem hauß etwas habe wo fiel das dem menschen schaden thette.

ff. c. si vero. §. pretorait. Die recht haben aber fürsehen durch ein ander edict vnnd clage gleych dem

(84) Das XXXV. Blat

vorigen / das nyemandt kein schad geschehe / vnd vor vß den menschen die an offen wegen geen / vnd verbeüt der richter das nyemandt so lichtes haben vnder seinem tach / an seinem hauß / oder an einem gebeuwe vnd zym(m)er / wo das fiel das sollichs schaden thette / vnd wer da wider thůt / würt der selbe gestrafft vmb zehen gulden.

ff. c. si vero. §.pretorait. Am ersten gebürt sich / das einer ein sollichs mach / oder also gemacht stehen laß / es sey der herr oder der in(n)woner es irret nit.

Am anndern / das sollichs an den enden gemacht sey da ein gemeyner weg sey / oder die menschen gewonlich in der selben statt oder gassen stehen.

ff. c. l. predicta. Am dritten / wann sollichs viele das es schaden thůn möcht.

In diser clag gebürt sich nit das schaden geschehen sey / sunder das schaden geschehen möge / wann ist schaden geschehen / als so es gefallen ist / so clag der der den schade(n) entpfange(n) hab wider den der es im gethan hat / vmb den schaden on dise peen. Also formier dein clage.

Herr richter ich clag eüch von .M. der an dem ende da ein gemeyne straß ist / hat ein sollichs hencknüß oder .N. vnnd viel es so möcht es schaden thůn. Bitt (et)c. erkennen das er zehen gulden verfallen sey.

Merck / es můß ein sollichs sein das leychtlich fallen möge.

ff. c. si vero. §. vli. Merck / dise clag gebürt eine(r) yegliche(n) über de(n) vierde(n) erbe(n) / wa(n) sie ist vß peen.

(1. T., XXXV. Bl. 70. K.) Sim messor falsum modum dixerit.

Wider den der den acker gemessen hat.

ff. si mes. fal. modixe. l. j. Es fůgt sich offt das einer zehen schöffel kalcks wil kauffen / oder zwen seind stössig vmb die ende irer gründe / also geet der messer hin vnnd wils messen / vnnd misset es / vnnd sagt falsch / zů vil oder zů wenig / also das sollichs dem kauffer schadt / es sey in wölchen weg er gemessen habe / an zymmer / an korn / an wein / das er dich betrogen hab / magst du den schaden an dem messer / od(er) ycher oder kauffer zů kommen.

Am ersten gebürt sich das krieg sey vmb die ende der gründe zwyschen etlichen / als so ein kauff getroffen ist vmb äcker oder wisen / vnd der kauffer will wissen wie vil morgen des ackers sey den er kaufft hat.

Am andern das der messer oder vndergenger gewölt werd.

Am dritten / das der messer gee vnd messe.

Am vierden das er messe / vnd falsch zůsage.

Am fünfften das er mit vntreüw oder mit grossem vnfleyß gemessen habe oder gekaufft.

ff. c. l. j. et. in(n). et vl. et. l. si duobus. §. competit. Am sechsten das mir kein andere clag gebüre wider die kaufer od(er) verkauffer / so der kauffer zů vil hat der morgen / oder der verkauffer hat mir zů wenig geben am wein oder korn an velde.

ff. c. l. j. Am sybenden / das der messer in der kunst sey gelert vn(d) wisse zů messen / anders du müst dir den schaden selbs haben so du eine(n) sollichen hast vsserwölet.

Herr richter ich clag eüch von .M. der hat mit argem list oder vß grossem vnflyß vnrecht oder falsch zů gesagt / als ich in sandte zů messen den acker od(er) wisen / vnd hat zůgesagt es sein .x. morgen / vnd ich vindt nit als vil.

Item er hat zůgesagt mein wise gee biß dahin / vnnd sie geet ferrer / wann

(85) Der Erst Teyl

mir nun sollichs zehen gulden schadt. Bitt (et)c. erkennen dz er mir meinen schaden schuldig sey abtzůlegen / vnd das ers thů.

ff. c. l. iij. §. competit. Merck / dise clag ist ein hilflich clage den personen den sunst nit geholffen mag werden.

(1. T., XXXV. Bl. 70. K.) De sepulchro violato.

ff. de sepul. vio. l. pretor. §. diuus adrianus. Als nach ordenung der recht die todten in stetten nit söllen begraben werden / noch in dörffern / casteln oder gassen / sunder allein ausserhalb / wann der lufft würt vergifft oder gefelscht vonn den schelmen der todten / vnnd werden auch die menschen vergifft. Darumb ist ein peen gesatzt fünfftzig gulden / über die die dawider thůn. So aber dise clage durch lang herkommen gewonheit nit stat hat / darumb laß ichs vnderwegen.

(1. T., XXXV. Bl. 71. K.) De religiosis et sumptibus funerum.

Das dir die kostung wider werd / die dich die begrebnüß kost habe.

Vil vnd offt macht es sich das einer einen todten laßt begraben / vnd in sollichem begraben leyhet er das gelt vnd kostung dar / oder geyt dar / also kommen in die recht mit diser clag zů hilff / das im die kostung můß wider werde(n).

Am ersten gebürt sich / das einer todt sey.

Am andern / das in des selben todten begrebnüß sey kostung geschehen.

l. si q(ui)s sepulebru(m) §. pretor. ff. de religi. et sumpt. fu. Am dritten / das sollich kostung geschehen sey in můt vn(d) willen die wider zů nemen. Kostung. ff. at si q(ui)s. §. funus. et. l. et sumptus funeris. Kostung verstee / es sey geschehen den todten zů begraben / oder zů behůtt(e)n / oder zů fůren / so der todt ferr zů der begrebnüß hat / oder das gelt das man den priestern / oder dem graber / oder wie es genannt sey / das heißt alles kostung der begrebnüß.

ff. c. at si quis. §. equum. Am vierden / das die kostung geschehenn sey nach würdigkeit des todten / darinnen sol man auch ansehe(n) die habe des todten. Auch můß man anseh(e)n die zeyt / wann winter zeyt ist die kostung schwerer dann summer zeyt.

Am sechsten das ein protestation geschehe am begraber / das er solliche kostung thů im můtte das im wider werde.

Am sybenden / das kein andere clag stat habe.

ff. c. l. at si quis §. si q(ui)s equu(m) §. interdictum. Am achten / das solliche kostung geschehe nach der würdigkeit vnnd habe des todten / wann were der todte reych / vnd geschehe clein kostung in schmähe des todten / würt die kostung nit wider gefordert.

Herr richter ich clag eüch von .N. an den vorder ich .xx. pfundt / wann ich hab seine(n) vatter begrabe(n) / vn(d) hab souil vßgebe(n) des selb(e)n erbe er ist. Bitt (et)c. erkennen das er mir sollich gelt betzalen sol / vnd das er mirs gebe (et)c.

ff. c. l. penul. Ite(m) merck / dz die kostu(n)g geet vor vn(d) sol vor betzalt werde(n) vor aller schulde.

(1. T., XXXV. Bl. 72. K.) De iure iurando.

So du die habe vordern wilt die du mit deinem eyde vormals im rechten betzalt hast.

Krieg ist zwyschen zweyen / einer vordert die habe / der ander besitzt die habe der der sie vordert besitzt die habe on vrsach / wann er spricht die habe sey sein / als er spricht die habe ist mein / aber nit vß was sach / der besitzer spricht desselben

(86) Das XXXVI. Blat

gleychen. Ist krieg vmb nutz der erbe. Vnnderweylen spricht der besitzer zů dem anclager / schwör das die habe dein sey / so will ich dirs widergeben / vnderweyle(n) spricht der anclager zů dem besitzer / schwör das die habe dein sey so will ich vom kriegen lassen. In dem casus kompt das recht zů hilff dem d(er) geschworen hat / wan(n) er mag die habe mit recht fürbaß vorderen / aber and(er)s der besitzer / anders der der es vordert / wan(n) der besitzer hat exceptionem wid(er) den anclager / er hat auch wider in die clag ob er von dem besitz kom(m)en. ff. de iureiuran. no(n) postea. §. vit. Zů dem anclager hat allein dise clag wider den besitzer der es im vff sein eyd heimgeben hat / er hat aber nit dise clag wider ein andern / wan(n) der krieg zwyschen vns ergangen bringt den andern keinen schaden.

In diser clag sein alle ding nottürfftig die in der vorgeschriben auch also genanter clag geschriben stehen / sie seind beid gleych / dann in der vorgeschrib(e)n clag můß die sach im eyd bestympt sein / warumb die habe dein sein. In diser aber nit. Also formier dein clage.

Herr richter ich clag eüch von .M. da ich von im vordert .N. die habe vn(d) sprach sie wer mein / vnd als er mir es vff meinen eyd setzt / schwůr ich das die habe mein were / die selben habe will er mir nitt geben. Bitt (et)c. erkennen das er mir die habe geben sol / vnd das er mirs gebe.

Wo aber der besitzer vom besitz kommen / vnd die habe kommen in des anclagers besitz vnd gewalt / clag also.

Herr richter ich clag eüch von .M. als er vordert an mich die habe .N. vnd sie were sein / doch gabe er mirs heim / behübe ich es mit meinem eyde / das das mein were / ye doch bin ich vom besitz kom(m)en / vnd die habe hatt er wider. ff. d(e) iureiuran. et. l. sed et possessor. Bitt ich (et)c. erkennen das er mir die habe sol wider geben (et)c. vnd das ist war / wan(n) d(er) besitzer hat geschworn das die habe sein sey / wo er aber geschworn hett das die habe des anclagers nitt were / so hat er kein clage / sunder allein exceptionem / wann was geet es dich an das ich ein habe besitz die dein nit ist.

ff. de procu. pompo. in fi. Wan(n) ich aber schwör damit das die habe nit dein sey / darumb gebürt mir wider dich diese clag vnd exception zů geben.

(1. T., XXXVI. Bl. 73. K.) Si mulier ventris nomine (et)c.

Wider die frawen die sich fälschlich in besitz hat lassen setzen / der habe die etwan ires mannes gewesen ist.

Offt stirbt einer / vnd sein fraw spricht sie sey von im schwanger so es nit ist / oder sie ist aber schwanger von einem andern / vnnd also vordert sie fälschlich das sie yn gesetzt werde in die verlassen habe / etwan ihres mans / vff das das sie die weyl die habe nyesse / vnd dester reycher werde frembder habe. ff. si mulier ven. no. i. posses. calu(m). cau. esse. dica(n)t. l. j. Also kompt das recht dem erben / es sey auß testament oder on testament zů hilff wider die frawen durch dise clag / mit der beheltest du dein schaden.

Am ersten gebürt sich das einer gestorben sey / vnnd ein frawen hinder ime gelassen habe.

Am andern das die fraw fälschlich bitt sich in die habe zů setzen.

ff. c. l. j. ij. et. iij. Am dritten / das sie yngesetzt sey.

ff. c. l. j. §. j. ij. iij. ff. de acqui. here. cum quidam. Am vierden das nit ein iar sey vergangen. Darumb sprich ich ein eefrauwe / wann erst mag man bitten den ynsatz / so der im leyb getragenn würt der

(87) Der Erst Teyl

ein rechter erbe were / würd er geborn / darumb mag man das erbe die weyl nit anfallen. Wo aber die fraw nit fälschlich ist yn gesetzt worde(n) / gebürt dise clag nit / sie sol die weyl von leybs wegen genert werden von frembder habe.

ff. c. l. j. ij. et. iij. Es mag auch ein sollichs on falsch sein / wan(n) sich die fraw geglaubt hat sie sey schwanger / vnd die hebammen haben es dafür gehalten / villeycht hat sie ir recht zeyt nit gehabt / vnd haben ir vmb anders ach willen vffgehört. Aber in sollichem zweyfel sol man halten das sie nit fälschlich besitz.

Herr richter ich clag eüch von .B. die hat sich ertzeygt vn(d) gesprochen sie sey schwanger / vnd ist nit gewesen / oder sie ist schwanger nit vo(n) irem eeman / hat fälschlich gebetten sich yntzůsetzen in die habe .N. etwan ihres mans / vnd sie ist yngesetzt worden / von der selben habe hat sie souil verthon dz ist fünfftzig gulden wert / auch ist vil der selben habe minder worden / als (et)c. wann ich nun ein erbe .N. Bitt (et)c. erkennen das die genant fraw mir schuldig sey die genanten fünfftzig gulden zů geben / vnnd den schaden in der andern habe ablegen sol / vnd das sie es thů (et)c.

Merck / es ist nit neüw das die frawen bößlistig sein / es ist lang gewesen.

ff. de acqui. poss. possedi. in fi. Merck / in dieser clag als die fraw ist yngesatzt in besitz wiewol sie nit besitzt. ye doch neüsset sie die frucht / als du oben hast. ff. vt in pos. legatorum. Vnd das ist sunst nit allein in der vorderung des erbs.

ff. er q(ue). cau. i pos. ca. fulun. §. vlt(i). Wider die frawen so sie wie obstat yngesatzt ist / vnd den besitz in einen andern tra(n)sferiert / wendt oder keret.

Wann nun vnderweylen nit allein ein fraw nit in den weg sündet / sunder auch in einen andern weg / wan(n) nach dem vnd sie ist yngesatzt wie obstat in d(en) vorigen clage. So übergeyt sie den besitz einem andern / vnd also würt geschediget der erbe der von rechts wegen erben mag / wan(n) villycht in gůttem glauben vertzert er die frucht / oder besitzt er aber in bösem glaube(n) / so hat ers nit zů betzalen / darumb hat der erbe dise clag wider die frawen vmb seinen schade(n).

Am ersten gebürt sich das die fraw sey in besitz gesatzt.

Am andern das sie mit argem list den besitz einem andern yngebe.

Also formier dein clage.

ff. si ven. no. muli. in pos. mis. eadem pos. do. ma. ad alia(m) trans. esse di. l. j. §. j. (et)c. §. ij. et. §. non solu(m). et. §. necessario. Herr richter ich clag eüch von .B. die als sie yngesatzt ist in den besitz .T. etwan irs mans des ich ein erbe bin / vß seinem testame(n)t / hat den besitz .M. vntreüwlich yngeben / das selbig schadt mir zehen gulden. Bitt ich eüch sollichs erfarn souil vnd gnůg ist / vnd mit eüwerm rechtlichen spruch erkennen / das die fraw mir schuldig sey den genanten schaden abtzůlege(n) / vn(d) dz sie es thů (et)c.

(1. T., XXXVI. Bl. 74. K.) De eo q(uo)d falso tutore auctore gestu(m) esse dicit.

Von der geschicht mit eim falschen vormundt geschehen.

So einer weißt dz er nit vormundt ist / mit vntreüw spricht er sey vormund vnnd also vß seinem gewalt so contrahiert ein ander mit dem waisen / der selb contract würt hernach krafftloß / oder er verkaufft ein habe des waisen / vnd d(er) selbkauff würt darnach widerrüfft / als würt de(m) der mit de(m) waisen vß gewalt vnd günnu(n)g des falsche(n) vormunds geschediget / würt de(m) selben geholffen mit diser clag mit der er behelt allen seinen schaden wie obstat entpfange(n). ff. c. l. j. §. j. In der clag würt angesehen die zerung die du hinfür in gericht thůn můst.

(88) Das XXXVII. Blat

Am ersten gebürt sich das ein waise sey.

Am andern das einer wol wisse das er nit vormundt sey / vnd sich doch seines geschäfftes vnderwinde.

Am dritten / das er es nit arglistig thů.

Am vierden / das vß seinem gewalt sey gehandelt oder contrahiert worde(n).

Am fünfften das der / der contrahiert hat wisse nit das der ein falscher vormundt sey / sunder er sol glabut haben das er recht vormundt sey.

ff. c. l. j. §. j. et vlt(i). et. l. nouissime. Am sechsten das der contract nit confirmiert sey vom richter / wan(n) wiewol er sunst von rechts wegen nit taugt / so würt er krefftig von des richters decret oder confirmatz wegen.

ff. c. l. j. §. interdu(m). Am sybenden / das alleind er falsch sich des contracts vnderwindt / wann geschehe sollicher contract vß gewalt des waren vnnd des falschen vormundt der contract ist krefftig.

Herr richter ich clag eüch von .M. der hat sich geheissen ein vormund .M. des waisen / vnd ist nit vormundt gewesen / wan(n) er hat wol gewißt das er nitt vormund gewesen ist / vnd hat sich fälschlich vnd listigklich einen vormund genant / darumb hab ich mit im vnd dem .M. waisen vß seinem willen vn(d) gewalt contrahiert / vnd wann der handel vnd contract mit dem falschen vormundt krafftloß ist / schadt es mir .xx. pfundt das ich nit mit dem waren vormundt contrahiert hab. Judicium restitutionis dicit. l. j. §. j. ff. e. et .l. nouusime. Bitt (et)c. erkennen das er mir die .xx. pfundt schadens vnd die zerung die ich künfftig bin zů thůn / in dem widergeben den gericht (in iudicio restitutio[n]is in latein) so d(er) minder d(er) nach seine(n) tage(n) nit kom(m)en ist / würt vord(er)n wid(er) mich / den schätz ich hund(er)t gulde(n) geben soll / vn(d) dz er mirs gebe (et)c.

ff. de iudi. non que(m)admodu(m). Merck du möchtst sprechen / dise clag gebürt dir nit wider den falschen vormundt / wann das geircht sol nit sein in künfftigen dingen / sunder man mag nur allein clagenn vmb das das man schuldig ist. Minor. Die weyl nun der contract noch nicht beleybt / vnd der minder das ist der / der noch nit zů seine(n) tagen kommen ist / noch nit restituiert ist / das ist so der contract noch nit vnkrefftig geteilt ist / vnd die zerung die er künfftig ist zů thůn in dem widergeben oder dem widerbringenden gericht er noch nit gethan hette. R(e)n. ff. de ac. emp. seruns. §. sciens. Das geschicht vmb vntreüw oder argemlist / das der sich einen vormundt geheissen hat so er es nit was. Ist also sunst auch in einem sollichem / so einer wissentlich verkaufft ein frembde habe / also clagt der kauffer wider in vmb seinen schaden vß der clag vo(m) kauffen genant / ee dan(n) die habe im am rechte(n) ab behalten würt vo(m) erben.

ff. c. l. hui. §. vlt(i). Merck dise clag würt geben de(m) erben / aber nit wid(er)n erbe(n) oder wid(er) den sächer nach de(m) iar / wan(n) dise clag strafft die statt vn(d) würt begriffen wid(er) vntreüwe.

(1. T., XXXVII. Bl. 75. K.) Ein ander clag wider den falschen vormundt / die gebürt den verlassenen waisen.

ff. c. l. vlti. Auß dem vorgeschriben contract würt vnnder weylen geschediget der verlassen waise / kompt im das recht zů hilff mit diser clage.

In diser clag ist alles das nottürfftig als obgeschriben steet.

Also formier dein clage.

Herr richter ich clag eüch von .M. der hat sich genant mein vormund / vn(d) ist es nit gewesen / vnd an dem gericht als ich nun zů gericht mit .T. gieng (et)c.

H

(89) Der Erst Teyl

bekannt er das (et)c. sollichs bekennens bin ich hundert gulden zů schaden kom(m)en. Bitt (et)c. erkennen / das er mir die hundert gulden schadens geben sol / were aber der waise betrogen worden in einem contract / so spräch er in der clag von seines gewalts wegen bin ich in dem contract betrogen worden in zweintzig gulden. Bitt ich (et)c. erkennen.

Merck / der minor hette auch ander hilff.

(1. T., XXXVII. Bl. 76. K.) Si omissa causa testamenti.

So der erb sich des erbs nit vß vrsach des Testaments angenom(m)en hat / sunder on Testament.

ff. si omissa causa testa. l. j. §. j. Es geschicht etwan das einer meynt ein erbe gantz im zů behalten / vnd die so im Testament oder in Codicillis / das ist letsten willen gesatzt ist entschliessen / vnd sie das das yngesatzt ist berauben / als er das erbe besitzen vnd in seinen gewalt solt nehmen / hat er das erbe nit vß vrsach des Testame(n)ts / sunder als sunst sein erbe vn(d) on Testame(n)t zů seinen handen genom(m)en / wan(n) villycht ist er sein sun / oder höret im sunst vom vatter oder von der můtter zů / kompt der pretor denen den gesatzt ist im Testame(n)t zů hilff / das der eben als wol schuldig ist / als ob ers vß dem Testament besäß.

In diser clag ist nottürfftig.

C. si omissa causa testa. l. ij. Am ersten das das Testament sey / also das er vß dem Testame(n)t sich des erbs möchte annemen / oder den besitz der habe bitten.

ff. si omissa causa testa. l. j. §. no(n) co(n)tinuus. Am andern das er das erbe dz er vß dem Testament annemen möcht (besitzt ers anders) besitz als ein erbe on Testament / nit das er es besitz auß eienr sach / vß der das Testament hat gesatzt villycht im schuldig was / also ein ander mir gesatzt hette. per fidei co(m)issum. ein erbe das soltu mir .N. gebe(n) vnd er setzt mich im Testament des selben erbs ein erben. Dise clag hat statt / so offt einer das erbe nit rechtlich oder als ein rauber besitzt / vn(d) schöpfft im ein Titel on Testament zů besitzen.

ff. c. si q(ui)s pecuni(u)a. Am dritten / das er besitz oder gelt genom(m)en hab dz er es einem andern gebe het er es aber sunst vnderwegen gelassen wer er nit schuldig. ff. de peti. hered(i). si et rem et p(r)eius. Hatt er gelt genom(m)en / so sol er am erste(n) vmb das gelt verclagt werden / wan(n) der wert kompt an des erbs statt / vnd wer den wert hat / hat auch die habe.

ff. de legi. l. planein fi. Wan(n) aber d(er) selb nit bezale(n) mag od(er) gnůg thůn / als da(n) sol erst beclagt werden d(er) besitzer / vn(d) habe(n) die dene(n) gesatzt ist ein zůflucht wider den besitzer.

ff. c. l. j. Am vierden das er es vnderwegen laß in vntreüwe.

ff. c. l. j. §. qui sub conditione. In wölchen weg er möcht das erbe an sich nemen / vnd hat sein nit gethan würt verstanden solliches in vntreüwe.

ff. c. l. j. §. si ppona(n)tet. l. q(ue) au(c)t. §. j. Am fünfften das er das erbe nit von vnd vß willen des der das Testame(n)t gesatzt hat vnderwegen gelassen / wan(n) als dan(n) were er nit schuldig.

Herr richter ich clag eüch von .M. als er was ein erbe gesatzt vo(n) Ticio / der selb hat mir .xx. gulde(n) in seine(m) Testame(n)t gesatzt / in vntreüw vn(d) schade(n) d(er) gesatzte(n) habe / hat er dz erbe vß vrsach des Testame(n)ts vnderwege(n) gelassen / vnd besitzt dz erb on Testame(n)t. Bitt (et)c. erke(n)nen dz er mir die .xx. gulde(n) mir gesatzt geben sol zů gleycher weyß als ob er das erbe vrsach des Testame(n)ts besäß. ff. c. l. vlti. Also clag so dir im Testament gesatzt ist / vnd der erb besitzt das erbe. Wann

(90) Das XXXVIII. Blat

er aber nit besitzt / sunder den besitz in vntreüw vnderwegen laßt / clag wie obstat / dan(n) allein das du vnderwegen lassest vnd er besitzt on testament. ff. d(e) reiven. si au(c)t. Das ist die vrsach warumb das ist das der schuldig ist / wann so er in vntreüw den besitz vnderwegen laßt / vnd die vntreüw für den besitz würt gehalten. Darumb ist billich das der d(er) in vntreüw nit besitze(n) will das er schuldig sey. Wan(n) abe der nit besitzt / vnnd nit in vntreüw den besitz vnderwegen gelassen hat / sunder vmb sunst / vnd ein ander besitzt. Nun formier also dein clag.

Herr richter ich clag eüch von .M. d(er) besitzt ein erbe / des besitzer vnderwegen gelassen hat / Ticius d(er) ein erbe gesatzt was in seine(m) testame(n)t / der selbe hat mir in seine(m) testame(n)t .xx. gulde(n) gesatzt od(er) geschafft. Bitt (et)c. erke(n)nen dz er mir die selbe(n) .xx. gulde(n) geben sol als ob er erbe were / vn(d) dz er mirs gebe / zwingt (et)c.

Merck / wan(n) der d(er) im testame(n)t gesatzt ist vord(er)t das gesatz vo(m) erbe(n) / so ist im der erb schuldig nit vß eine(n) contract / wann er hat nit mit im contrahiert / er ist aber schuldig ex quasi contractu / das ist schuldig vß gleycher weyße eim contract. So aber nun der besitzer des erbs wie in der nechsten clag steet kein erbe ist / Dise clag ist vmb der testame(n)t willen gemacht worden / vff das das die testament fürgang hab(e)n. Ultima volu(n)tas testatoris adimplenda. ff. c. l. j. Wann nichts ist billichers dan(n) das der letst wille des menschen frey sey vnd fürgang hab / darumb so ist der besitzer schuldig.

ff. de noxa eletionum. Zů gleycher weyß wölcher die habe nit besitzt ist auch nit schuldig vmb die habe zů antworte(n) / wan(n) aber einer in vntreüw vom besitz kompt so ist er schuldig als ob er besitz / als du in manigen clagen vindest.

(1. T., XXXVIII. Bl. 77. K.) De publicanis et vectigalibus.

Wider die zoller so sie zů vil zolns nemen.

Die zoller nemen vnderweylen mer dan(n) sie sollen. Darumb ist gesatzt die clag damit der getzwungen würt zwyfach wider zů geben / das er wider recht genommen hat / vn(d) das vnder dem iar / nach dem iar nur einfach. Zoller. ff. de publica. l. j. Bey dem zoller verstee einen yegklichen der etwas vom fisco bestanden hat yn zů neme(n) er neme zynß / geleyt / zoll / vnnd was sunst sey / er hab es bestanden oder nitt / er oder sein hauß gesindt hab es gethan.

Am ersten gebürt sich / das einer ein zoller sey.

ff. c. l. j. §. j. et. ij. Am andern das er von des selben ampts wegen etwas mit gewalt neme / der gewalt sie hinnemen oder zwingent.

Herr richter ich clag eüch vonn .M. der ein zoller ist des Keysers oder der statt / vonn des selben ampts wegen hat er mir hundert pfundt abgetrungen oder abgenommen. Bitt ich (et)c. erkennen das er mir die hundert pfundt zwyfach schuldig sey zů betzalen vnd das er mirs betzale.

Publicanus. Merck / du magst wider die obgeschriben person clagen von dem raub farender habe / auch des diebstals / auch so etwas von forcht wegen geschicht / od(er) vß zwingendem gewalt / von den du oben hast. Uiolent raptor. ff. c. l. j. §. h titul. Vmb des willen das die zoller nit bessers wesen sein dan(n) die andern rauber oder zwinger.

Merck / wo die clag nit so gar eben od(er) gäntzlich gesetzt were / soltu sie selber gäntzlich setze(n) / wan(n) ich beken(n) es das ichs so gar gäntzlich von gůttem teütsch nit gesetzt hab als sich villycht gebürt vnd not were.

H ij

(91) Der Erst Teyl

(1. T., XXXVIII. Bl. 78. K.) De liberali causa.

Wider den der frey ist vnd hat sich für eygen verkauffen lassen.

Vnnderweylen macht es sich das sich ein freyer mensch laßt für eygen verkauffen / also das er auch teil am gelt hab / vnd also so alle ding die sich gebüren geschehen sein / so würt der frey geborn eygen / in sollichem gebürt sich auff das das einer der frey ist eygen werde.

Am ersten das der / der sich verkauffen laßt sey elter dan(n) zweintzig iar alt.

Am andern das er sich vff das verkauffen laß das er ein teil am gelt habe.

Am dritten das er ein teil des gelts hab vnd im werde.

ff. de libe. cau. rectissime. Am vierden das er wisse das er frey sey.

Am fünfften das er einem verkaufft werd der glaubt das er eygen sey. ff. de libe. cau. liberis. et. l. q(ue) scie(n)s. Also můß der kauffer nit wissen sein wesen das er frey sey.

ff. c. si vsufructu. ven. et. l. j. i. R(e)n. §. i. Merck vnd ob einer nit wie obstat verkaufft würde / er laßt sich hingeben in morgengab / oder pfandtschafft weyse / oder einen andern nutz vff im machen vnd setzen von eines nutz wegen oder gemächts wegen.

vt in. l. predictis. Wo aber der eins oder mer nit ist / so mag der / der sich verkaufft hatt wider frey von dem richter zů lassen erke(n)nen. So aber der kauffer also betrogen were / wann der kauff krafftloß erteilet vnd hinder sich getriben würde / kompt im das recht zů hilff mit diser clag / wider den der sich verkauffen hat lassenn für eygen / vnd frey ist / vn(d) dise clag gebürt dem kauffer vnder dem selben iar zwyfach / vnnd ist die peen allesament nach dem iar nur einfach / als vil vnnd du vmb in geben hast.

ff. de libe. ca. l. obligat. et. l. vtiq(u)s. Item on dise clag mag ich dannocht clagen wider den verkauffer vmb die peen / ob mir einer ein peen verheissen het im kauff / ob ich abgetribe(n) würde / vn(d) ein clag hindert die andern nit.

In diser clag gebürt sich.

Am ersten das der kauff vmb den geschehen sey.

Am andern das der kauff also geschehen sey / dz er im rechte(n) vntüge(n)lich sey.

Am dritten das der verkaufft sich frey vßrüffe.

Am vierden das er also sich frey rüffe / das er im rechten behalt.

ff. de libe. ca. liberis. et. l. q(ue) sciens. Am fünfften das der / der in kaufft hat / wisse nit das er frey sey / anders west ers / so ist er vnwürdig aller hilff.

ff. de libe. ca. non solum. §. penul. Item dem kauffer schadt sein wissen / wann er es am ersten hatt gewißt da er in kaufft / aber das hernach wissen schadt im an diser clag nit.

Herr richter ich clag eüch von .M. der hat gewißt das er frey was / vnd vff das das er des gelts ein teil neme / hat er sich verkauffen lassen von .T. vnnd ich hab sein wesen nit gewißt / vnd gelaubt er wer des verkauffers eygen / vnnd nach dem hat er sich frey gerüffen lassen / vnd sollichs auch behalten von dem richter / wan(n) alles das / das sich in sollichem gebürt hat sich nit gefunden vnd ist nit geschehen / wann ich nun an sollichem kauff fünftzig gulden mangel. Bitt (et)c. erkennen das er mir solliche fünfftzig gulden zwyfach betzalen sol.

Seruitus de in re gentium. Merck diese clag ist vß malefitz / also hast du wie einer eygen würt nach ordenung Keyserlicher rechten. insti. de re. di. eaq(ue) ab hostibus. Noch ist ein weg dadurch eins eygen würt / vn(d) ist ex iure gentiu(m) / das ist vß de(m) rechten dz nahent alle die halten die vff d(er) erden

(92) Das XXXIX. Blat

seind / was wir fahent deren die vnnser feynde seind / sein vnser eygen / also das die freyen menschen vnser eygen werden / als bald dan(n) sie aber vß vnserm gewalt kom(m)en / so seind sie wider frey.

de so. et pe. nouit. §. vlti. Merck / vß dem magst du wol versteen / das nit not ist das man einen der schlechts gefangen würt ledig zele / wan(n) wie er vß des fahers gewalt kom(m)et so ist er ledig / schwört er aber sich zů stellen 7 oder den eyd schuldig sey zů halten oder nit / gehört allein den geistlichen richtern zů erkennen. ff. de sta. ho. libertis. Wann etwan hiessen die Keyser die selben menschen behalten bey irem leben das sie nit getödt solten werden / sie waren aber der eygen die sie fiengent. ff. de iust. et iur. Vnnd eygenschafft ist ein constitutz vß dem yetz geschriben rechten kom(m)en / da einer eins andern herrschafft vnderthänig würt wider die natur / von dem yetz gemelte(n) rechten würt leychtlich gegangen als das recht sagt. Im ersten rechten am hindersten / also ist es gehalten worden von Christus geburt von allen den die vff der welt waren / was man fieng vnser feyndt oder vnsern feynde(n) name / das was alles vnnser / aber es ist nun in der christenheit anders / wann es sol der krieg billich vnd rechtlich sein / wölcher krieg billich sey ist hart zů beweysen.

Merck / was vß vnsern eygen frawen geborn würt ist vnser eygen.

Merck / vß dem magst du wol versteen / das in Schwaben kein eyge(n) mensche ist / noch in Francken.

C. de validis me(n)dicantibus. li. xj. Merck / wann ein gesunder vnnd starcker mensch / on in theürung betteln geet / wer den selben fahet des eygen ist der selb / vnnd mag in fürbaß verkauffen als ein thier.

(1. T., XXXIX. Bl. 79. K.) Ex quibus causis in possessionem eatur.

Wider die / die in besitz gesatzt seind vnd die frucht nyessen od(er) schade(n) thůn.

ff. vt in pos. legs. l. plurs. Offt werden etlich yn gesatzt in besitz etlicher habe vß mancherley vrsach / gesetzter habe am todtbeh / etwan von künfftigs schade(n) wegen / etwan vmb vngehorsamkeit des geladen / die alle so sie yn gesatzt werden inn besitz so besitzen sie nit / sie haben den besitz allein in pfands weyße / on so einer yngesetzt ist inn die habe die er im rechten gefordert hat / die besitzer wie obstat möge(n) die frucht nit nyessen / sie werden dann dise person / als tochter / tichter kindt oder eeweyb / also dz dise person sunst nit haben. ff. ex q(ue). cau. i. pos. ca. fulcimo. §. vl. Es were dan(n) vmb erbschafft / wölcher mit des richters gewalt daryn gesetzt würt der neüßt die frucht vnd seind sein.

ff. de ho. cauc. iu. pos. ait pretor. j. R(e)n. So aber nu(n) die wie obstat yngesatzt die frucht nyessen / vn(d) vnderweyle(n) thůn sie schade(n) / kom(m)en die recht zů hilff dene(n) in dere(n) habe die ynsetzung gescheen ist dz sie mit diser clage die yngenom(m)en frucht wid(er) geben / vn(d) den schade(n) beke(n)nen müssen.

Am ersten gebürt sich das ein vrsach sey daru(m)b der creditor oder glaubiger bittet den ynsatze inn die habe / als schuld vmb gesatzt habe / oder so der geladen vngehorsam ist / oder vmb ein anders ach.

Am andern / das er sollichs bitt vom richter / vnd das in der richter ynsetze.

ff. ne vis fiat ei q(uem) in poss. l. j. §. hec vero. de iurisdic. om. iud. l. iubere cauere. Am dritten das der richter ein sollicher sey das er ynsetzen möge.

Am vierden / das er die frucht nyesse oder schaden thů.

Also formier dein clage.

vt in predicta. l. pretor. Herr richter ich clag eüch von .M. als der yngesatzt was in den besitze des hauß / oder der wissen / od(er) ander meiner habe / so vil nutzung hatt er vß meiner

H iij

(93) Der Erst Teyl

habe yngenom(m)en / oder er hat mir die selben habe schwecher gemacht. Bitt (et)c. erkennen das er mir die selbe nutzung wider sol geben / vnd den schaden bekeren sol / vnd das ers thů zwingt in (et)c.

Merck / vmb sollichen schaden also gelitten / magstu auch clagen mitt der clag aquilia genant / von der du hernach würst haben.

(1. T., XXXIX. Bl. 80. K.) De bonis auctoritate iuditis possedendis.

Das dem besitzer die kostung vnd die expenß die er in der besessen habe vßgeben hat wider werden.

Als de(m) schuldiger geholffen würt wider den creditor der in besitz gesetzt worden ist / das er die frucht wider erkobert / vnd also würt der schaden gekert wie obstat. Also würt mer diser clag geholffen dem creditor der yngesatzt ist / vnnd hat in dem besitz eypenß gethan / das ist vmb etliche habe vßgeben / als ob er etwas hat zym(m)ern lassen / oder sunst nottürfftig gelt vßgeben hett / das im die selben expenß wider werde / die er nit mit vntreüw vn(d) arglistigklichen gethan hat. In diser clag gebürt sich alles das das sich in der obgeschribenn gebürt / on von der nutzung vnd schaden.

ff. de bon. auc. iu. pos. pretor ait. Es ist auch noch eins nottürfftig / das der yngesatzt die expension argenlist gethan hab / vnd ob sie wol nit nottürfftig oder nütz dem des die habe ist gewesen sein. ff. de nego. gest. sed an vitro. Also hett er aber die expenß / vnd ob sie nit nütz gewesen seind an gesehen das ende / wann sie anders am ersten nütz gewesen sein.

ff. de bon. auc. iu. pos. cus vnus. §. is qui. Auch ist mer nottürfftig gas (= das) (!) die stat daryn er gesatzt ist / gehöre in gerichts zwang des richters / anders sie ynsatzung ist krafftloß.

Herr richter ich clag eüch vo(n) .M. als ich yngesatzt was in den besitz seiner habe od(er) des hauß (et)c. vo(n) seiner vngehorsamkeit wege(n) (et)c. od(er) vß einer and(er)n sach hab ich in den selben besitz souil. c. pfundt vßgeben / sag waru(m)b (et)c. Bitt (et)c. erkennen das er mir sollich expenß wider geben söl / vnd das er es thů.

Questio. Item du möchtest sprechen / diß vß geben mag nit geuordert werden / es ist gewiß das der creditor also yngesatzt hat nur ein pfandt an d(er) habe. ff. de pig. act. no(n) est min. C. q(ue) po. in pig. habe. l. ij. et. iij. Er ist nit schuldig ichtes zů machen oder vß zů geben / wan(n) er ist allein schuldig zů antworte(n) von argemlist vnd grossem vnfleyß. C. de pig. act. creditor. et. l. si ull.. insti. de re. di. §. ex diuerss. Ist er es nun nit schuldig zů thůn vnd geyt es wissentlichen vß / so ist es eben als gebe ers vmb sunst. Darumb ist es ein wunder das der rechtsetz er spricht / er erkobert die expenß oder das vß gebe(n) de(m) schuldiger nit nütz gewesen ist. Re(s). Responsio. ff. de neg. gest. l. j. Es mag nit in ein nachuolge(n) gezoge(n) werde(n) / er ist sein nit schuldig gewesen / daru(m)b sol man es im nit wider gebe(n) wan(n) so du hie nit anheimsch bist vn(d) ich gib etwas in einer sach vß on dein heissen / vnnd sollichs geschicht dir zů nutz / wiewol ichs nit schuldig bin gewesen / ye doch bistu mirs schuldig wider zů geben / vn(d) ob sollichs am letsten kein gůtten vßgang het gehabt / wan(n) mir sollichs vßgeben am ersten nütz ist gewesen. ff. de vsufruc. cus vsufructuarius. non magis. et. l. si absente fructuario. Von der clag hastu oben geschriben. Nymwar / so der erb expenß thůt in der habe / der nutzung gesetzt ist eine(m) andern / wiewol ers nit schuldig ist zů thůn / ye doch thůt ers / er vordert sie wider mit der clag nego. gesto. vom nyesser.

ff. de neg. gest. co(n)di. in hoc. §. impendia. Item das ist ein gemeyns / also offt ich etwas mach oder vß gib in einer habe / thů ich solichs als ob die habe mein sey / gebürt mir kein clag / wan(n) ich wolt

(94) Das XL. Blat

mir nyemandt verpflichten oder schuldig machen / wo aber sollichs geschicht in frembder habe / gebürt die clage.

(1. T., XL. Bl. 81. K.) Vi bonorum raptorum.

Wider die die mit gesampter handt schaden thůn.

ff. vi bo. rap. pretor ait. j. Kn. Es macht sich off das ein gesampte schar einen schaden thůt / darumb ist gemacht dise clag / mit der zů hilff kom(m)en würt dem der den schaden gelitten hat / vnder dem iar zwyfach / nach de(m) iar nur einfach. In disen clagen gebürt sich das ein gesampte schar sey.

ff. c. pretor ait. j. R(e)n. et. §. ne qs. Merck / zehen menschen heissen ein schare.

Drey menschen machen ein collegium.

ff. de ver. sig. veracius. Zwen menschen machen ein hader.

ff. d(e) abigeis. l. vl. Zehe(n) schaff mache(n) ein herd / od(er) vier schwein od(er) fünff mache(n) auch ein herd.

Am andern das vß argemlist von der schar schaden geschee / es sey gegenwertig oder nit / er hab die schar gesammet / oder sey sunst in die schar kom(m)en.

ff. c. p(re)tor. §. neq(ui)s si q(ui)s aduetu suo. Item es ist gnůg das vß vntreüw eins vnder der schar schade(n) gescheen sey.

ff. c. p(re)tor. §. hec actio. Am dritten / das schaden gescheen sey in der schar / wann wo sunst schaden gescheen so růwet dise clage.

ff. c. p(re)tor . j. Ru(n). Am vierden das ein iar nit vergangen sey / wan(n) vnder dem iar ist dise clag zwyfach / darnach nur einfach.

Herr richter ich clag eüch von .M. vß des selben argenlist vnder der schar .N. ein sollicher schad gescheen ist mir vff .l. gulden / oder souil hab ich verlorn oder solliche habe sein mir zerbrochen / zerspalten (et)c. Bitt (et)c. erkennen dz er mir sollich fünfftzig gulden zwyfach betzalen sol / vnd das er mirs gebe (et)c.

Merck / vmb sollichs gebürt auch die clag aquilia genant.

(1. T., XL. Bl. 82. K.) De incendio: ruina: naufragio (et)c.

Wider die ihenen so es brennet oder die schiff gestürmet werden oder vnder geen geplündert (et)c. die selbe habe arglistlich hinnemen.

ff. incen. rui. nen fra. rate naue ex pugna. l. j. §. j. So vnderweylen feür vffgeet / ein hauß niderfallen wil / oder ein schiff will vndergeen / einer nympt etliche habe in argemlist oder thůt schade(n). Deßgleychen ist so ein schiff geplündert oder gestürmet würt vo(n) feynden / kompt der rechtsetzer wider die selben zů hilff mit diser clag / das sie vnder dem iar die habe also vngetreüwlichen genommen vierfach wider gebenn müssen / nach dem iar nur einfach.

ff. c. l. j. §. ex incendio. Am ersten gebürt sich das sich brinnen erhabenn hab / oder ein hauß fallen wöll / ein schiff vndergeen wil / od(er) das schiff geplündert werd / also das vß sollichem vflauff schad geschee / oder etlich habe gestoln oder geraubt werd / es geschee vff der hoffstat da es gebrunnen hat / oder da d(er) vall gescheen soll oder dabey in andern gründen / die argwenigkeit des brinnens oder des niderfals machet dise clage.

vt in p(re)dicta. l. Am andern / das die habe vntreüwlichen genommen oder gestoln werd / od(er) schaden geschehe.

ff. c. l. j. Ru(n). Am dritte(n) das dz iar nit vergange(n) sey / vff das dz vierfach dise clag gebüre

H iiij

(95) Der Erst Teyl

Item merck / in diser clag die gebürt vonn dem schiffplündern oder vndergeen seind zwen sunderlich casus.

ff. c. quo naufragiu(m). §. senatus. Der erst von eins gestoln nagels wegen gebürt dise clag vmb alle die habe die im schiff sein sie werden alle am werde geschätzt / vnnd vmb alle habe soll verdamnung geschehen.

ff. de pe. l. penul. Ich meyn aber nit das von eins nagels wegen alle habe söllent verfallen geschätzt werden / die peen ist sunst groß vnd die sünd clein / wan(n) die peen söllen geleychtert werden. Vnd das ist die vrsach warumb vmb eins nagels willen so der gestolen ist / ist der dieb schuldig vmb all kauffmanschatz / wan(n) vm(b) ein nagels willen möcht das schiff vndergeen / vnnd also verdürb die kauffmanschatz. Etlich sprechen das man sollichs nit sol versteen von einem yegklichen nagel / sunder allein von dem nagel der sollichen schaden möcht bringen wann er vßgetzogen würt vnd sich darnach das schiff trennen würde oder möcht trennen.

ff. c. quo naufragium. §. vlti. Der annder casus das der der also gesündt hat als vil er dem in sunderheit schuldig ist als vnder dem iare vierfach / nach dem iare einfach / so vil ist er de(m) fisco auch schuldig / also würt er achtfeltigklich gestrafft. So doch das recht sagt. Das die peen vom rechten vffgesatzt vierfach übertrette(n) söllen. insti. de act. §. omnes vo acto(n)es. Responsio / das das recht saget hat stat das die peen der person vierfach nit übertrette(n) sol / wan(n) die peen ein person antritt / vnd der person sol geben werden / wo aber die peen sol vnderscheidenlichen personen wider die gesündet würt gegebenn werden / so übertrifft die peen das vierfach / das ein vierfach gehört der person der die habe ist gestolen worden / das annder dem fisco der ist auch geschediget worde(n) / wan(n) es ist gemeyner nutz dz nichts in solche(n) casus genom(m)en sol werde(n).

Herr richter ich clag eüch von .M. der vntreüwlich hat genom(m)en oder geraubt solliche habe / oder in sollicher habe mir schaden gethan / da mein hauß bran / oder fallen wolt / oder so mein schiff vndergieng oder geplündert wurde sollichs schadt mir hundert gulden. Bitt (et)c. erkennen das er mir sollich hundert gulden vierfach betzalen wölle / vnd das ers thů.

Afflictio no(n) dehet addi afflicto. Merck / diß gebürt auch so ein schiff wil vndergeen / oder gestürm soll werden von raubern / so würffe man vnderweyle(n) die habe vff das landt / vn(d) würt verloren / vnd darumb sol nit yegklicher die selben habe an sich nemen / vnnd sprechen. C. de epis. audie(ns). l. tam deme(n)tis. Gott hab sie geplaget / vnd darumb ist das wider recht das sie peinigen den der vor in pein ist. ff. ad. l. rodias de iactu. l. dep(re)catio. Sollich gewonheit ist vnbillichen. C. l. j. de naufra. li. x. Es ist vnbillich vnnd steet übel es sey fiscus oder ein ander / das er von sollichem frembden iamer vnd täglicher sach gewin(n) haben söll.

C. de naufra. li. x. l. ij. Item merck / wil ich clagen von schiff vnndergeen / so sol ich beweysen das ich sollichs gelitten hab vnder dem iare / vnd darnach sol die sach vnder dem iar geendet werde(n) / also sol d(er) krieg in zweyen iare(n) angehabe(n) vn(d) geendet werde(n).

ff. c. l. j. in fi. et. l. ij. in prin. Merck. wer die habe nympt so die schiff nach dem vn(d) sie vndergange(n) seind / der ist pflichtig des diebstals / nympt er es aber so dz schiff vndergeen wil oder gestürmt würt / so ist er diser clag pflichtig.

ff. c. ne quit. Item merck / wann ich also schaden auff dem wasser nym(m) / das die habe im schiff gelegen an das gestad kompt / vnnd ich weiß nit wer es genom(m)en hat / so mag ich die habe vordern von denen die die gründt besitzen daselbst.

(96) Das XLI. Blat

Schiff bestritte(n). Merck / das schiff heißt bestritten / so es bestritte(n) würt oder beraub / oder vndergeet / oder von einander bricht / oder die thuenen übergeben / oder so der segel oder strick brechen. In den casus allen gebürt dise clag vnderm iar vierfach / wan(n) man aber criminaliter würt clagen / gebürn sich andere clage.

(1. T., XLI. Bl. 83. K.) De sepulchro violato.

Wider die / die todten oder ir gräber berauben oder zerstören.

ff. de sepul. vio. p(re)tor. et q(ue) sepulcro. Es macht sich etwan dz einer ein grabe zerstöret oder einen todten beraubt / od(er) etwas von de(m) grab nympt / es sey daran gehangen oder nitt / ist dise clag erfunden / vn(d) auch ein verclagu(n)g ist / dz der clagt den sollichs angeet als freünd vom vatter vnd von můtter / oder der erbe / behelter allen schaden wie groß d(er) ist vmb der schmacheit die im in sollichem geschehen ist. ff. de sepul. viola. ait. p(re)tor. i. Ru(n). Vnd were der schad vff tausent gulden. Ist aber der schad clein / behelter zů dem mynsten hund(er)t gulden / wan(n) aber der obgenanten keiner clage(n) will / mag ein yegklicher frembder clagen / vnd im gebürt diese clag vff hundert gulden. ff. c. pretor in fi. i. R(e)n. §. vlti. Vnd dise clag gebürt einem yegklichen vß dem volck. C. e. q(ue) sepulchra. Dartzů würt er getzwungen dem fisco zehen marck goldes zů geben.

Accusatio / das ist verclagung gebürt auch wider den der gräber zerstöret / wan(n) zeücht er die cörper od(er) gebein heruß. ff. c. l. vlti. Ist er arm / er sol daru(m)b sterbe(n) / ist er reych er soll in ein Insel verdampt werden / oder in ein ertzgrůben. Vnnd der richter mit diser peen die sünd nit strafft / er würt gestrafft in .xx. pfundt gelts.

Item die / die da sünden bey denen die da in tods nöten oder artickeln arbeiten / söllen gstrafft werden in dem dritten teil irer habe / vnnd verliesung der schuld / vnd souil vnd der schuld ist / als vil söllen sie den erben geben / des der die schmacheit gelitten hat.

Item sie werden erloß die do geen in eines sterbenden menschen hauß / vnd in oder die seinen betrüben / oder seiner habe on des richters laube zeichen anschlagen.

Item diser peen ist schuldig der / der verbeüt den todten nit zů begraben.

C. c. l. vlti. Item vmb der geistlicheit willen ist gesatzt das vnder neün tagen vom tode an zů zelen / kein betrübnüß sol geschehen wider nyemanndt auß der person des todten / wann es würt krafftloß.

Am ersten gebürt sich das einer todt sey.

ff. c. l. ij. c. l. p(re)tor. Am andern das er etwan begraben sey / vnd sunderlichen mit dem haupt / wan(n) es heißt sunst kein grab oder religio.

Am dritten / das das grab zerstört sey.

ff. c. sepultura. Am vierden das der begraben nit feyndt sey gewesen.

Herr richter ich clag eüch von .M. der in arge(m)list hat dz grab alda zerstört als er hat den todte(n) begraben beraubt / od(er) die stein od(er) die seuweln da(n)nen gethan / wan(n) nun vß sollichem zerstören schmacheit mir vnd dem todten ist geschehe(n) vnd souil schadens hat er gethan / vnd souil entragen / sollich schmacheit vnd schaden schätz ich an .C. gulden. Bitt (et)c. erkennen das er mir die .C. gulde(n) bezalen sol. So aber einer clagen wil den sollichs nit angeet / sol er sprechen.

Herr richter ich clag eüch von .M. der hat in argemlist das grab zerstöret. Bitt (et)c. erkennen dz er mir .C. gulden schuldig sey zů gebe(n) / vn(d) dz ers thů.

(97) Der Erst Teyl

Moraoia tollit in aut. de nup. Item du möchst sprechen wider das erst libell vnd clag / wie mag eine(n) todten schmacheit geschehen / so doch der todt alle ding scheidet.

ff. de iniurijs no(n) solum. Item / dann so mag einer vmb schmacheit clagen / so er die schmacheit inn sein gemüt hat genommen. Der todt hat weder ia noch neyn / so mag er auch nichts in sein gemüt nemen.

ff. de iniur. vt illud relatum. Item er mag vß seiner eygen person nit clage(n) / so wolt auch der der dz grab zerstört hat / dem todten kein schmacheit thůn / die schmacheit würd dann geschätzt nach dem willen des / der dz thůt. R(e)n. C. de epis. audie(s) l. nemo. Dise clag gebürt sich auch bey der person / wan(n) von wegen des todten clagt man / wann dem todten geschicht schmacheit / wan(n) etlich nottürfftigkeit der lebendigen werden auch zů getzoge(n) den todten / wan(n) man spricht auch sie schlaffen. C. de admi. tu. l. que tutores. Auch hat er vß seiner person / wan(n) es zympt vns das vnsern todte(n) kein schmacheit geschehe(n). Es steet auch wol das wir vnsers herrn bildung ansehen. ff. ad exhiben. liber ho(s). ff. d(e) serui. quotioens. Wider das ander libell vnd clag magstu sprechen / so vns ein sach antrifft / so trifft sie vns von gelts wegen an / in solliche(n) sache(n). R(e)n. ff. c. p(re)tor. §. illud. Dem d(er) dise clagt / trifft die sach in gelts weyß / in dry weg / wan(n) die schmacheit ist geschehen / vnd der der zerstöret / hat gewinne genom(m)en / vnd schaden gethan / vnd auch die freuelkeit des erstörers würt angesehen. ff. c. pretor. §. j. Vnd als oben steet / wann mer dan(n) einer wöllen clagen / sol der richter dem günnen der am billichern vrsach hat zů clagen. ff. d(e) acc. si plures. Solichs geschicht auch in einer yegklichen verclagung einer gemeynen sünde.

ff. de sepul. vio. Item merck / wan(n) ein frembder am ersten clagt hat / vnd das vrteil ist gangen / vnd ein ander kompt / wer der selb gegenwertig gewesen / so het im zů clagen gebürt / vnd wer im auch geben worden dise clage / kompt er hernach vnd wil clagen / er würt nit gehört / vnd ob er gelych wol von gemeynes nutz wege(n) wer vß gewesen / es sey ein verda(m)mend oder absoluierend vrteil gangen.

(1. T., XLI. Bl. 84. K.) De damno infecto.

So das bauwfellig zym(m)er trauwet zů fallen vff dein zym(m)er vnd grundt.

ff. de dam. infec. in hac stipulatione venit. Merck / wann ein zym(m)er oder bauw trauwet zů fallen vff das ander zym(m)er eins andern / mag der herr des andern zym(m)ers / von dem herrn des trauwende(n) zym(m)ers / das ist des das do fallen wil vor dem richter vordern / das er im verheiß / was im schaden von dem trauwende(n) zymmer geschehe / das er im allen schaden keren wil / ob hernach von dem selbigen zym(m)er schade(n) geschehen würde. ff. c. dies cautionum stipula. Die selb stipulatio / das ist die verheissung / ist das sie nit geschicht würt d(er) yngesatzt in die habe vnnd besitz des fallenden zym(m)ers der die verheissung nemen sol. Stipulatio. Die verheissung geschicht also so einer fraget den andern vnd spricht du verheist mir das zů geben oder zů thůn / vn(d) der ander spricht all zů handt / ia ich verheiß / oder nur schlechts ia. Das du sollich stipulierung oder verheissung vordern mögest.

ff. c. l. ij. Am ersten gebürt sich das das zym(m)er sey also bauwfellig / das man förcht das gar schier schaden dauon geschehen werde / vnnd also můß der schaden künfftig vnd nit geschehen sein. ff. c. p(re)tor. §. h edictum. insti. ad. l. aquil. §. vlti. Wann wer der schade(n) geschehen / hat stat ein clag mit namen aquilia. ff. c. euenit. et. l. pretor ait. Von der selben würstu hernach hab(e)n / wo aber der herr der hoffstat nym(m)er wolt bauwen / vnd ließ die stein vn(d) das gefallen holtz ligen / vnd begebe sich des wer er nit schuldig / wo er aber nit wolt sollichs dannen

(98) Das XLII Blat

thůn / müst er nit allein für den vergangen / sunder auch für den künfftigen schaden sicherheit thůn / dem der do den schadenn gelitten hette / oder ob er sich der hoffstat vnd des andern erwegen wolt.

ff. c. si finita. §. ex hoc edicto. Dise clag haben stat in stetten / dörffern oder veldes gründes.

ff. c. l. fluminum. §. j. Am andern das der schad der geschehen möge / geschehe auß gebresten des bauwes das eines in sunderheit ist / vnd das in dörffern vnd stetten / aber auff dem velde ist genůg das der gebrech sey / am erdtrych dem der schad möge geschehen / dan(n) so das zym(m)er würt volnbracht / ob darnach wol geschehe sollicher schad von kreffte der windt / oder vß anderm götlichen gewalt / hette stipulatio / das ist verheissung nit stat / das gebeüw were dan(n) so gar alt das leychtlich fallen möchte / wie clein der windt were.

ff. c. dies. §. p(re)tor. Am dritten das sollichs verkündet werde / dem des das hauß oder acker ist. Ist er gege(n)wertig dz er genůgu(n)g thů / sunst mag ma(n) es verkünde(n) zů de(m) hauß / od(er) seine(m) procurator / od(er) seine(m) in(n)woner / vff dz ob schade(n) hernach geschicht / das geclagt werde über den herrn des velligen zymmers.

ff. c. dies. §. hoc aute(m) iudicium. Am vierden das einer sollich verheissung vor dem richter so er zů dem gericht sitz vorder / anders du würst nit clagen.

ff. c. pretor. et. l. q(ue) bona. Am fünfften das der / der verclagt vnd vordert das im sollichs verheissen geschehe / schweyg das er sollichs nit bößlich arglistigklich vorder am ersten.

ff. c. pretor. Am sechsten / ist der ein herr / der verheissenn sol das er allein verheiß / ist er aber nit herr / das er dan(n) bürgen setz. ff. c. inter quos §. si d(a)ns. Wan(n) allwegen sol man den besitzer mit gericht anlangen / vnd ob er nit herr ist / das er sollichs verheissen thů.

ff. c. dies in prin. Item der richter sol auch vffsetzen einen nemlichen tag / wie lang solliches verheissen weren sölle.

ff. c. si diebus. Am sybenden / das dem sunst nit anders geholffen werde(n) möge / dan(n) durch sollichs verheissen.

Am achten / das du dein zymmer rechtlichen habst von des wegen du mir das verheissen vorderst.

ff. de dam. infec. si is q(ue) vicinos. Item man ist auch den schaden also gelitten abtzůlegen schuldig / annder habe die da zů den zeyten im hauß waren da die verheissunng geschehe / auch die habe die darnach daryn kommen sein.

ff. c. si finita. Am neünden / wil er nit verheissen oder verbürgen / sol der anclager yngesetzt werden in besitz der bauwfelligen zymmer.

ff. c. fluminum. Am zehende(n) / dz nach de(m) vn(d) die vheissung geschehe(n) ist / d(er) schade(n) geschehe.

Am eylfften / wann mer seind dann einer die verheissen sollen / also oder so mer der seind die die verheissung nemen sollen das yegklicher verheiß.

ff. c. si plures. Also so du verheist vnd den schaden abtzůlegen / also verheißt er souil vnd im gebürt. Wo aber mer herren weren eins hauß / oder vn geteilt / vnd wann sie schlecht wie obstat verheissen ist nit yegklicher schuldig den schaden gantz abtzůlegen / dann allein nur für sein teil. ff. de duo. re. l. codem. Wann es mögen in einem yegklichen contract sein mer schuldener dann einer.

Wann du wilt das die verheissung geschehe / clag also.

Herr richter ich clag eüch wider den .M. wan(n) sein hauß vff das mein will fallen / oder als er hat ein bauwfelliges hauß bey dem meinen / vnnd es mag leychtlich mir schade(n) geschehen. Bitt (et)c. erke(n)nen dz er mir schuldig sey zů

(99) Der Erst Teyl

verheissen / geschehe mir schaden das er mir den wöll vßrichten / vnd rüff herinn eüwer ampt an.

insti. d(e) obli. et. ff. de act. et. obli. l. j. Item du möchtst sprechen. Ein yegklicher der vns ist etwas pflichtig / der ist vns pflichtig vß contract oder deßgleychen.

Nun ist dise clag auß der keinem / darumb sol ich nit wider in clagen. R(e)n. Dise regel ist war / wo ich clag wider eins person vß meinen rechten / vnd bitt mir etwas zů thůn / wo ich aber des richters ampt anrüff / vorder ich nichts dz mir von meins rechten wegen gebürt / sunder ich bitt hilff von de(m) richter. insti. de act. §. j. Deß gleychen wa(n) ich vmb habe clag / clag ich wider den der mir im rechten nichts pflichtig ist / er besitz aber die habe.

C. de alie. iu. mu. cau. fac. l. j. Also ist im hie / wiewol der mir nit pflichtig ist / ye doch clag ich / wan(n) der besitzt die bauwfellige zymmer / wann die clag vmb habe durchächtet den besitzer das er von der habe wegen antworten můß.

Pauperies. Also auch hie. ff. e. inter quos. §. d(a)ns. ff. si quadru. paupe. fe. di. l. j. Deßgleychen hastu hernach so dz vier füssig thier schade(n) thůt in einer clag genant Pauperies / so ist er auch vnfleyssig sein zym(m)er zů bessern / vnd darumb würt er getzwungen das er sollich sicherheit vnd verheissung thů / oder aber sich des zymmers vnnd grunds erwege vnd ligen laß / die gebürt auch nit vß dem contract oder deßgleychen oder auß malefitz / wan(n) das thier sündet nit / wan(n) es mangelt der vernunfft / vnd doch ist der schuldig der das thier hat das den schaden gethan hat. Wan(n) du aber wilt clagen so schaden geschehen ist. dic. l. pretor. ff. c. §. j. et. ij. Ich clag wider in als er mir verheissenn hat für den schaden genůg zů thůn / darumb das sein zymmer baufellig ist worden oder gewesen / vnnd nahendt bey dem meinen ist gewesen / das selbig zymmer ist gefallen / vnd hat mir an sollichem meinem zymmer schaden gethan. Bitt ich (et)c. erkennen das er mir schuldig sey den selben schaden abtzůlegen / vnd das er es thů (et)c.

(1. T., XLII. Bl. 85. K.) De actione redibitoria.

So du ein siech thier wilt geben wider dem der dirs zů kauffen geben hat.

Verkaufft einer einem andern ein pferdt das stetig ist od(er) sunst brechen hafftig oder siech / gebürt dem kauffer dise clag wider den verkauffer.

ff. de edili. edic. l. j. in prin. Am ersten gebürt sich das ein kauff beschee / oder ein ander contractus als wechsel / deßgleych ist dem contract des kauffers.

ff. de edili. edic. l. j. §. illud. Am andern das sollichs geschee von einem besundern vnd nit vom fisco.

ff. de edi. edic. ad res donatas. Item dise clag gebürt nit vmb beschenckt oder vmb gegebene habe.

ff. de edili. edic. l. obq(ue). §. die(m) pom. Am dritten das die verkaufft habe sey siech oder hab sunst ein laster an im vnd die selben ding seind allein im eygen menschen vnd den thieren vnnd in iren cörpeln leyb.

ff. de edili. edic. l. obq(ue). §. cum au(c)t. Am vierdenn warinn das laster oder die bößheit am bleyb ist / das der verkauffer verheissenn hab eygentlich / das das verkaufft nitt sollichs laster oder bößheit habe.

ff. de edi. edic. l. j. Aber von dem siechtage(n) des leybes ist schuldig der verkauffer / er versprech darfür oder nit / er wisse den siechtagen oder nit.

ff. c. l. j. Am fünfften das der selb keüffer nit wisse das die gekaufft habe den siechtagen oder laster od(er) bößheit an im hab / anders im gebürt diese clag nit. Wan(n)

(100) Das XLIII Blat

er hat sich selbs betrogen. Scienti non fit iniuria nec dolo. ff. de act. emp. l. j. Auch ist der nicht betroge(n) / der do gewißt hat / er solt auch sollichs nit herinnert oder im sollichs gesagt werden / der sollichs vor gewißt hat.

C. de transac. l. donationis. Item dem der es weißt oder wissen sol vnnd seinen willen daryn geyt / dem geschicht kein vntreüw auch nit wider recht.

ff. c. l. j. §. si intelligatur. Am sechsten das der siechtag heimlich sey / wan(n) were er offenbar / so gebürt dise clag nit / wan(n) dz so langesehe(n) werde(n) / dz d(er) keuffer nit betrogen werde.

C. de edilicijs actionibus. l. si apapriorem. Am sybenden das das laster oder die boßheit sey vorm kauffen gewesenn / nitt darnach. ar. ff. c l. quero §. vlti. Es were dann eygentlich für alle boßheit versprochen worden / Vnd der kauffer sol beweysen das die boßheit vor gewesen sey.

Also magstu formiern dein clage.

Herr richter ich clag eüch vo(n) .R. der hat mir zů kauffen gebe(n) ein rots pferd das selbig pferdt ist stetig / oder hat überbein (et)c. Bitt (et)c. erke(n)nen das er das selbig pferdt wider sol nemen / vnd mir das gelt wider geben (et)c.

Item merck / das der verkauffer so er dir das gelt wider geyt / vn(d) das ander darumb er dir dan(n) verdampt ist / er ist dem clager solchs zwyfach schuldig zů geben / vnd als dann soltu formieren dein clag also.

ff. de edili. edic. Herr richter ich clag eüch von .R. der hat mir ein stetig pferdt / oder wie es sunst ein gebrechen gehabt hat (soltu setzen) zů kauffen geben / vnnd vmb des selben willen ist er mir verdampt worden / das er mir das gelt wider solt gebe(n) vnnd er hat es noch nitt gethan. Bitt (et)c. erkennen das er mir schuldig sey das gelt zwyfach zů betzalen.

Item du solt mercken / das vnderscheid ist vnder der boßheit des thieres od(er) laster / vnd andern siechtagen.

ff. c. scie(n)du(m). §. vlt. Item dise clag gebürt in sechs monaten / vnd fübaß nymmer.

Quanto minoris.

So du die habe zů theür gekaufft hast.

ff. de edili. edict. boue(n). §. aliqu(is). Es ist ein ander clage / als so ein habe kaufft ist / vn(d) ist souil nit werdt als sie gekaufft worden ist / vnnd dise clag gebürt so vmb der boßheit willen oder des siechtagen willen die habe minder werdt ist / also wo ein habe wer .xx. pfundt wert / wo sie den siechtagen oder boßheit nit het / aber von des siechtagen wege(n) oder boßheit halben / so ist sie nur .xv. pfundt wert / vnnd vnderweylen ist das selbig minder / also geschicht das die habe gäntzlich vnnütz ist.

Item in diser clag ist nahent alles das not das in diser vorgeschriben clag gesatzt ist / vnd magst also die formieren.

Herr richter ich clag eüch von .R. der hatt mir ein siechs pferdt zů kauffen geben / das hat überbeine / vnd ist stetig / oder ein buch / oder ein gründt daruff wechßt vergifft das graß (et)c. oder fleisch ist pfinnig / oder wolffbissig gewesenn / nun ist das selbig .N. von des genanten siechtagen oder boßheit willen zehen pfundt oder minder wert / dann wann es den siechtagen oder boßheit nit hett. ff. de edil. edic. sd enqum. §. vlti. Bitt (et)c. erkennen das er mir die genannten zehen pfundt oder pfenning wider geben sol / vnd das er es thů (et)c.

Item dise clag weret nur ein iare.

I

(101) Der Erst Teyl

De fidei co(m)missaria hereditatis petio(n)e p(re)toria.

So du ein erbe das dir nichts schlechts im Testament oder letsten willen geschafft ist / sunder durch mittel eins andern vordern wilt.

Fideico(m)missum. Wann einer ein Testament macht vnd setzt dich zů einem erben / vnd bitt dich / per fideico(m)missum / das ist / er bitt dich vnnd hat ein sollichen glauben / was er dich bitt du thůst sollichs / vnd bitt dich das du mir das erbe gebest / du gibst mir es nit / mir gebürt vmb die habe dise clage.

C. de codicil. hereditatem. Am ersten gebürt sich das einer ein Testament gemacht hab / oder codicillum dz nym als den letsten willen / in de(n) / wiewol keiner directe / dz ist schlechts erb gesatzt mag werden / so mag aber doch der recht erb gebetten werden / das er das erbe wider gebe. C. ad senatusco(n)sultum trebel. l. iij. et. ff. c. l. j. Sollichs mag auch geschehen.

C. de testa. l. bac consultissima. §. ex imperfecto. Am andern geschicht sollichs im Testament das da bey sein syben zeügen gewesen / vnd dartzů gebetten. Ist es aber im codicill / der letste wille geschehen das fünff zeügen gewesen sein gebetten oder nit.

C. de codicil. l. vlti. §. vlti. C. q(u)n decre. op(eris) non est. l. iij. Am dritten das der testierer ein sollich person gewesen sey / dz er ein Testament mag machen vnd mag bitte(n) das sein erbe eine(n) wider geben werde(n) mag.

C. de his qui. vt indig. per to. Am vierden das du ein sollich person seyst / die da eins erbs vehig sey / oder dein person nit vnwürdig sey.

ff. ad trebel. restitura. Am fünfften das wider geben geschehen sey dir oder einem andern.

Also magstu formieren dein clage.

ff. de fideico(m)mis. here. pe. l. j. ij. iij. et. iiij.Herr richter ich clag eüch vo(n) .R. vn(d) sage(n) dz .T. ist instituiert vn(d) gemacht worden im Testament ein erbe / vnnd dartzů gebetten worden das er mir das selb erbe wider gebe mit worten / vnd wann ich nun ein erb worden bin des genanten .M. vnnd der gemelt .R. besitzt das / vnnd das .N. des selben erben. Bitt (et)c. erkennen das er mir dz genant .N. vnd .N. geben sol mit allen zů gehörungen / nutz / vnd was anders sich gebürt magstu auch vordern (et)c.

ff. ad trebel. restituta. Item merck / wo dir das erbe also mit willen des erben wider gebenn were / das mag er allein mit worte(n) thůn. So besteet diß libell wol / wer aber der erb durch dein clag die dir gebürt vß der co(n)stitutz senatusconsultum trebellianu(m). von dem du hernach hast getzwungen worden / das er sich des erbes an müst nemen / so gebürt im dein erbe das vierteyl / wann wo der erb er sey im Testament gesatzt oder der recht erb sey im codicill gebetten wordenn das erbe wider zů geben / thůt er es mit gůttem willen / so mag er das vierteyl des erbs im behalten / wann sich gebürn vier sach in der selben constitutz.

Am ersten das er getzwungen werde sich des erbs an zů nemen.

Am anndern so der sich des erbs mit willen oder getzwungen angenom(m)en hat / das erbe wider geben hab.

Am dritten / das alle clag die der person des erben gebürt haben vmb das erbe / vnd der habe des erbs geen in den fideicommissarium / dem das erbe wider geben sol werden.

insti. de fidei. heredi. §. ergo siq(u)dem. et. ff. ad trebel. l. j. Am vierden wo sich der erbe des erbes mitt willen vnderwindet das er das vierteyl behalt.

(102) Das XLIIII Blat

Ite(m) nachsolche(m) magstu wa(n)deln dz libel wie sich dan(n) d(er) handel begeb(e)n hat.

De eo q(uo)d falso tutore auctore gestu(m) esse dicit.

Von der geschicht von dem falschen vormundt geschehen.

ff. de eo q(uo)d falso tu. auct. gest. esse d(e)r. l. j. §. j. So einer weißt das er nit vormundt ist / mit vntreüw spricht er / er sey vormundt / vnd also vß seinem gewalt so contrahiert ein ander mit dem waisen / der selb co(n)tract würt hernach krafftloß / oder er verkaufft ein habe des waisen / vn(d) d(er) selbig kauff würt darnach widerrüfft / also würt der / d(er) mit de(m) waisen vß gewalt vnd günnu(n)g des falschen vormunds geschediget / würt im geholffen mit diser clag / mit der er behelt allen seinen schaden wie obstat etpfangen (!). In der clag würt angesehen die zerung die du hinfür in gericht thůn můst.

Am ersten gebürt es sich das ein waise sey.

Am andern das einer wol wisse das er nit vormundt sey / vnd er sich doch seines geschäfftes vnderwindt.

Am dritten das ers arglistlich thů.

Am vierden das vß seinem gewalt sey gehandelt oder contrahiert worden.

Am fünfften dz der / d(er) contrahiert hat wisse nit dz er ein falscher vormu(n)d sey.

ff. c. l. j. §. interdu(m). Am sechsten das der contract nit confirmiert sey vom richter / wan(n) wiewol er sunst von rechts wegen nit taugt / so würt er doch krefftig vonn richters decret oder confirmatz wegen.

dic. l. j. §. j. ff. c. et. l. nouissime. Herr richter ich clag eüch vo(n) .N. d(er) hat sich geheissen ein vormu(n)dt .M. des waisen / vn(d) ist nit vormund gewesen / vn(d) hat sich fälschlich vnd listigklich ein vormund genant / darin(n) hab ich mit im vn(d) de(m) .M waisen vß seine(m) willen vn(d) gewalt co(n)trahiert / vn(d) wan(n) nun d(er) handel od(er) co(n)tract mit de(m) falsche(n) vormundt krafftloß ist / vnd es schadt mir zweintzig gulden das ichs nit mit dem waren vormund co(n)trahiert hab. Bitt (et)c. erke(n)nen dz er mir die selbe(n) .xx. gulde(n) schade(n) vnd die zerung die ich künfftig bin zů thůn in de(m) wider gebenden gerichts genant iudicio restitutio(n)is in latein. So d(er) minor der zů seine(n) tage(n) nit kom(m)en ist würt vordern wid(er) mich / die schätz ich .C. gulden gebe(n) sol / vn(d) dz er mirs gebe.

ff. de ac. emp. setuus. §. sciens. Item merck / du möchtst sprechen / diese clag gebürt dir nit wider den falsche(n) vormundt / wann das gericht sol nit sein in hangenden dingen / sunder man mag nur allein clagen vmb das dz man schuldig ist / noch nitt restituiert / dz ist so der contract noch nit vnnkrefftig erteilt ist / vnnd die zerung die er künfftig ist zů thůn in dem wider gebenden vnd widerbringende(n) argenlist / des der sich ein vormundt geheissen hat so ers nit was / als sunst auch in einem sollichen / so einer wissenntlichen verkaufft ein frembde habe / alda claget der kauffer wider in vmb sein schaden / vß dem kauffen geno(m)men / ee dan(n) im die habe am rechten abgehalten würt.

Seruiana.

Wider die / die habe besitze(n) die dir schwyge(n)t verpfant ist für dein haußzynß.

C. de loca. et con duc. certi. ff. in q(ue) cau. pig. vel ypo. ta co(n)tra. l. j. ij. iij. So dein ackerman / weingartman / oder haußgenoß / besteet von dir einen grundt oder hauß / alles das dz in das hauß gefürt vnd bracht ist / ist sein vnderpfandt vmb vnd für den haußzynß des hauß oder grundes. In wölchen weg der besitz der habe einem andern würt / magst du den besitz der selben habe zů dir bringen mit dieser clage.

I ij

(103) Der Erst Teyl

Am ersten gebürt sich das ein contract des hinleyhens geschehen sey.

ff. in qui. cau. pig vel ypo. ta. co(n)tra. borum. Am andern das die habe in den grundt oder hauß gefürt oder bracht sey.

Am dritten das in den gründen genant vrbani / gebürt sich nit das der herre sol wissen das solliche habe daryn gefürt oder bracht sein.

Vrbanu(m) p(re)dium. ff. in qui. cau. pig vl‘ ypo. ta. co(n)tra. quo iure. Merck / bey dem wort grundt. vrbanu(m). soltu versteen heüser / scheüwr / gärten / doch das solliche gründt in stetten / dörffern oder weylern gelege(n) seind / od(er) nit veldt gründt / vff das das die habe ein schweygendt pfandt sey. Vnd das ist die vrsach warumb in stett vnd dorffs gründen sollichs wissen nit gebürt / vn(d) gebürt sich doch in veldtgründen / wan(n) es ist schand mit hoffart reychtumb offenbarn / vnd eins armen armůt deßgleychen offenbarn / du solt nitt einem in sein hauß geen / vnd ersůchen was er darin(n) hat oder nicht. Aber vff den veldt gründen mag sollichs wissen on scham wol geschehen.

ff. d(e) pig. debitor. Am vierden das die habe daryn kom(m)en sein / als lang da zů bleybe(n) so lang dan(n) der ackerman od(er) haußgenoß in de(m) grund wonet / wan(n) were(n) die habe daryn kom(m)en vn(d) da zů beleybe(n) nur ein clein zeyt / als kauffmanschatz / sollich habe were dein pfandt nit / von diser clag gebürt dir vmb die selben habe nicht.

C. q(ui) res pig. ob. pos. l. qui filios. Am fünfften das die hab also sey / das sie des in(n)woners sey / oder das im der selben habe halben gebürt ein clag publiciana / wan(n) allein die habe kompt in dise clag die wir verpfenden oder verpflichten mögen. ff. d(e) acquiren. re. do. rem in bonis. Vnnd vns můß auch von der selben habe wegen antweder clage oder exception gebüren.

ff. q(ui) res pig. ob. pos. l. j. §. ea(m) rem. Am sechsten das ein solliche habe sey die verpfendet werden möge / wan(n) geweychte habe mag nit verpfendt werden.

ff. de pig. obliga. generali. Am sybenden das die habe sollen verpflicht verstannden werden / die einer in sunderheit verpflichten würde / nit sein eeweb / nit schlaffweyb / nit tochter deßgleychen. ff. c. sed et si q(uo)d. ff. de pecu. q(ui) libera(m). Was nit verkaufft mag werden das selbig mag auch nitt verpfandt werden.

ff. de loca. et conduc. l. ij. Am achten / das das hauß oder grundt vmb ein genannt gelt hingelühen sey / anders hinleyhen were krafftloß / vnnd wer auch kein habe also verpfandt vnnd verpflicht.

C. de pig. l. iij. Am neünden das die habe vom beclagten besessen werden / wann dise clag ist vmb habe. C. de alie. iu. mu. cau. fac. l. j. Darumb ist nottürfftig das der beclagt besitz.

C. de admi. tu. l. pro officio. Am zehenden das der bestender oder haußgenoß oder ackermann / sol elter dann .xxv. iar alt sein / auff das das sein habe also verschweygent verpfandt sein / wann die habe des der noch nit zů seinen tagen kom(m)en ist / mögen schweygent nit verpfandt werden. In diser clag hast du zwey libell / das erst ist vmb die habe die in den veldtgrundt gefürt ist.

Herr richter ich clag eüch vonn .M. als .R. vo(n) mir bestande(n) hat ein scheüwern an dem ende .N. vff dem veldt gelegen vmb zehen pfundt zynß ein iare mir daruß zů gee(n) / vn(d) hat mit meine(m) wissen in den selben grundt ein solliche arche(n) .N. die sein ist gewesen gefürt / dz sie darin(n) wer so lang vn(d) d(er) den grundt bauwet / vn(d) als mir dise arch für meine(n) zynß mein pfandt ist gewesen / vn(d) nun .M. die genanten archen besitzet. Bitt ich eüch ir wölt die sachen erfarn souil vnd gnůg ist / vnd mit eüwerm rechtlichen spruch erkennen / dz ich an d(er) selb(e)n archen pfands recht hab / vn(d) dz er mir schuldig sey die selben arche(n) in meine(n)

(104) Das XLV Blat

besitz zů antworten / vnd das ers thů / zwingt in dartzů mit zymlichen penen.

Dander libel ist gleych dem / dann das du nit setzen darffst das sollichs mit deinem wissen in das hauß gefürt sey.

Merck / dise clag gebürt sich nit allein wie obstat vmb den zynß / sund(er) auch vmb schaden den der innwoner des grundes gethan hette.

ff. qui mo. ta. contra. pig. si gratui tam. Item bestee ich ein hauß / vnd leyhe eim vmb sunst ein wonung darin(n)e / vn(d) der dem die wonung vmb sunst gelühen ist / fürt sein habe daryn / solliche sein habe sein nit schweygent verpfandt. ff. in qui. cau. pi. vel ypo. ta. co(n)tra non solum. Dann allein vmb schaden so die wonu(n)g dester böster were worden vß schulde des innwoners.

ff. de pig. ac. l. solutam. §. soluta(m). Item merck / wo einer ein hauß besteet vnd leyhet ettlichen andern kamern für ein zynß / vnd die andern faren mit irer habe yn / yegklicher wo er bestanden hat / die habe sein nit für den gantzen haußzynß pfandt / sunder allein für den kamer zynß / vnd wan(n) einer dem haußherren oder seinem procurator oder de(m) ders bestanden hat sein zynß betzalt / ist er ledig.

ff. de dam. insec. vtiqs. C. ex q(ui). cau. pig. que est dicta et. C. de pig. ac pignoris. §. vlti. Merck / der dem dise clag gebürt / mag mit seinem eygen gewalt handt an die habe legen / vnnd mag die also yngefürten habe im schweygent verpfandt behalten / beschliessen vnd beküm(m)ern. Jo. de bla. nosco. Vnd das mag sunst in anderen pfanden ypotheca genant sein.

ypothecaria.

So du ein pfandt wilt vordern in dein gewalt.

Besitzt einer ein farende oder ligende habe die dein pfand ist / er sey ein schuldener oder ein anderer / du magst die selbenn habe in deinen gewalt mitt diser clag fordern / die heisset in latein ypothecaria.

insti. q(ui). mo. reco(n)tra. ob. §. vlti. Am ersten gebürt sich das er schuldig sey / also das du warlich das gelühe(n) gelt getzelet habest / oder etwas anders / es sey mit zelen oder mit messen. Oder so ein habe verkaufft ist worden vmb schirmes willen der selbige(n) habe / ist dir die selb habe verpflicht vnd obligiert. ff. qui po. in pig. ha. l. creditor. Oder so ich verheiß oder gelob etwas zů betzalen / oder constituier mich selber einen schuldener für ein / vnnd setz vnnd gib im pfandt. Also můß ye ein verpflichtung da sein / vff das das dise clage gebüre.

ff. de pig. ac. l. j. Am andern das diehabe obligiert sey oder verpflicht allein mit willen vn(d) übergebung des der sich verpflicht vnd obligiert hat / vnd das ist gantz / wan(n) also thůn die schuldner / sie sprechen ich wil das thůn / vnnd setz dir alle mein habe zů pfandt / oder mein weingarte(n) oder wissen alda gelegen. insti. qui. mo. recontra. o. §. creditor. Oder so die habe zů pfandt geben / oder hab dir das pfandt in dein gewalt geben. Wann dir die habe in dein gewalt zů pfandt geben würt / so heißt es in latein pignus / vn(d) so das nit geschicht / so heißt es ypotheca. Pignus Hypotheca. Setzest du mir ein garten zů pfandt / ob ich in nymmer gesihe / dannocht ist er mein pfandt.

Am dritten das die habe sey / also das sie obligiert vnnd verpfendt werden möge / würstu hernach hören von der clag pignoraticia genant.

ff. de pig. act. alienas res. Am vierden das der / der die habe obligiert vn(d) verpfendt / das die habe sein sey / oder sunst recht zů der habe hab / oder ob die habe frembd were / das sollich verpfenden mit willen des herren geschehen sey / oder das ers stät habe.

I iij

(105) Der Erst Teyl

Am fünfften das er sey elter dan(n) .xxv. iar alt der die hab also obligiert.

ff. de pig. et que no(n). §. q(uo)d dicit(ur). Am sechsten das die habe zů sollicher maß sey gewesen das sie ward in sunderheit verpfandt / das im antweder der selbenn habe halben clag / oder exception gebürt hette.

Am sybenden weren dir die habe in gemeyn verpfandt worden / das dann die habe also sey das ers auch in sunderheit verpflicht vn(d) obligiert het / als du deßgleychen in der vorgeschriben clag hast.

ff. d(e) pac. si tibi. §. de pignore. Am achten das die schuld sey ein richtlich schuld / wann wer ein geding gemacht das die schuld nym(m)er mer solt gefordert werden / het exception stat.

ff. de verb. sig. is cui. Am nünden das der ein person gewesen sey der das sein obligieren oder verpfenden möcht / nitt furiosus emptor / nitt einer dem die regierung seiner habe verbotten sey.

ff. ad macedo. l. iulianus. Item nit filius familias / das ist der sun der noch nit vß seins vaters gewalt gelassen ist / so im gelt gelühen ist vmb des hass willen der wůcherer / als du hernach würst haben in dem gesetzt senatusconsultum macedonianum.

Am zehenden das der den du beclagest die habe besitz die du also vorderst als in der vorgeschriben clag stat / clag also.

Herr richter ich clag eüch von .M. wan(n) als ich .T. gelühen hab .x. pfund / vnd mir die selben .x. pfundt wider zů geben / hat er mir zů pfandt gesetzt das .N. hauß alda gelegen / das selb hauß ist sein gewesen / wann mir nun die selben .x. pfundt schuld noch nit betzalt ist / vnd .M. das selbig hauß besitzt. phak insti. de ac. §. item quo in scruiana. Bit ich eüch die sach erfarn souil vn(d) gnůg ist / vn(d) mitt eüwerm rechtlichen spruch erkennen / das ich an dem selben haußpfands recht habe / vnd das er mir das selbig hauß in meinen besitz zů antwurten vnnd geben schuldig sey / das als lang zů behalten vnnd innhaben / biß das mir für die genanten schuld gantz genügen geschicht / vnd das er mirs gebe zwingt in dartzů mit zymliche(n) pene(n).

De vtili rei vendicatione q(ui) datur superficiario.

So du einen grundt bestanden vnd bezymmert hast / vnd ein ander hat das zymmer besässen.

ff. de superfi. l. j. So einer besteet ein hoffstat vnd darauff zymmert als offt geschicht / kompt er von dem besitz der selbenn habe / er mag die selbenn habe wider vordern mit diser clag. In der sich gebürt.

ff. c. l. j. Am ersten das der contract des bestands ergangen sey.

Am and(er)n das ern nit vff ein cleine zeyt bestande(n) habe / als zehen od(er) zweintzig iare / was der iar minder sein dan(n) zehen / hat dise clag nit stat.

Am dritten das der betzymmert sey.

C. de alic. tu. mu. cau. fac. l. vnica. Am vierden das dein widersach besitz / wann der der besitzt die habe / můß allwegen vmb die habe antwurten. ff. de peti. hered(es) sed si lego. §. sin au(c)t. et d(e) rei ven. sin autem. Vnd auch der der den besitz vntreüwlichen verlassen hat / wann die vntreüw od(er) argerlist würt geschätzt für den besitz.

Am fünfften das der / der hinleyhet herr sey.

Herr richter ich clag eüch vonn .N. der helt innen das hauß alda gelegen / an einem teyl ist. P. hauß / am andern teyl ist. Q. hauß.

(106) Das XLVI Blat

Am dritten vn(d) am vierden ist gemeyner wege / das selb hauß ist mein erbe darumb das mirs der des die eygenschafft ist zů einem erbe gelühen hat auff dreyssig iare / vnd sol im alle iar fünff schillig heller zynß dauon geb(e)n / das ich vff die hoffstat ein hauß bauwen solt / nun hab ich das hauß gebauwen. Bit ich eüch die sach zů erfarn souil vnd gnůg ist / vnnd mitt eüwerm rechtlichen spruch erkennen das das genant hauß mein sey / vnd das der genant .R. mir den besitz des genanten hauß wider soll geben / vnd das er mirs gebe / zwingt in dartzů mit zymlichen penen.

De rei vendicatione que datur emphiteote.

So der hindersäß sein erbe vordert.

Emphiteosis. Diser contract heißt in latein emphiteoticus / vnd in hat der Keyser Zenon erfunden. Diser contract ist nahent als der contract des verkauffens / vnd nahent als der contract des hinleyhens / vnnd ist doch ir keiner / wann er hat sein eygen eygenschafft vnd gebürnüß.

Merck / etwan wurden allein vnfruchtbar gründe vnd gütter hingelüh(e)n vnd vererbet / vff das das einer einen acker zů eim weingarte(n) / vnd ein hoffstat zů eim hauß oder schewren oder vngebauwen erdtrych zů eine(m) acker oder garten gemachet / darnach ist es dartzů kom(m)en / das nit allein die vnfruchtbarn / auch die allerfruchtbarsten gründe zů einem erbe gelühen werden / vnd das wort emphiteosis ist Kriechisch / vnd heißt in latein melioratio / das ist besserung zů teürsch / vnd geschicht diser contract allein vmb das erdtrych.

C. de emphiteotico iure. l. j. Item diser contract solt nach ordenu(n)g des rechte(n) in geschrifft geschehen vn(d) nit on willen des herrn vn(d) des hindersässen. Wo sollichs nit in geschrifft geschicht / dannocht sol gehalten werden was gedingt worde(n) ist. Wan(n) die lang herkommen gewonheit bricht diß recht in den weg.

Item der herr sol etwas nemen für das erbe / es sey gelt oder etwas.

Item der hindersäß sol hinfür alle iar die gült betzalen vnnd geben / vnnd dienst thůn zů yeder zeyt im iar / wie sie dan(n) sollichs über ein kom(m)en sein.

Item diser contract würt vnderweylen etlich iar / etwan ewig / also das das gůt dem hindersässen nit genom(m)en sol werden noch seinen erben / als lang vn(d) er die gült betzalt.

C. c. l. j. Item die natur diß contracts ist / was der herr des das eyge(n) ist / vnd der hindersäß des das erbe ist / mit einander bedinge(n) vnd über ein kom(m)en / das sollichs behalte(n) werd / vnd ob nichts bedingt würde / so ist doch die natur diß contracts das die gült geben vnd die gewonheit gehalten werde / als bedingt ist worden / es wer dann das die habe gäntzlich zerstöret würde / vnnd ob ein teyl villycht der mynst teyl belib / vnd die selben teyl zů nichten würden / yedoch soll vnd ist schuldig der hindersäß die gült zů geben.

C. de re. alie. non alic. seimus. Item wer nit macht hat zů empfrembde(n) / als der der noch nit .xxv. iar alt ist / vn(d) alle and(er)n die vormu(n)d habe(n) / als narre(n) / vn(d) die / die zů geüdisch sein / mögen sollichs co(n)tracts nit volbringe(n). Es möge(n) auch heilig vn(d) geweychte habe nit vererbt werden / vnd alle andere habe die nit empfrembdet mag werden / mag auch diß contracts nit vererbt werden / von den selben haben hast du.

Item wo der emphiteota das ist der hindersäß sewmig were / vnd die gült

I iiij

(107) Der Erst Teyl

in dreyen iaren nit geb / das selb erbe hat ers vo(n) einem weltlichen entpfangen oder bestanden / oder in zweyen iaren (hat ers von der kirchen / das ist von eine[m] closter / stifft / pfarr oder capeln) er verleürt von rechts wegen sein gerechtigkeit das ist sein erbe / vnnd es schadt dem herrn nit das der hindersäß das erbe gebessert hat. Dies interpellat prio homine. ff. de pact. si vno. Vnnd ob der herr die gült nit geheischen hett / wan(n) die zeyt heischt vnd vordert die gült für den menschen so die zeit vff gesatzt ist / vff wölchen tag die gült geben solt werden / wann der der geben hat zů einem erbe das gůt / der hat darumb die eygenschafft nit übergeben / wan(n) die eygenschafft hat er im behalten / vnd darumb so kompt die habe dester ee wider in ire natur. C. de leg. et co(n)sti. p(e)nci. q(uo)d fauore. et d(e) pact. si q(ui)s in co(n)scribendo. Das soltu versteen / ist das dem gefelt der das gůt vererbt hat / wann das der hindersäß sein gerechtigkeit also verleürt durch seüwmigkeit an der gült / ist gemacht zů gunst des der vererbt / vnd darumb so mag er dem gunst renuncieren / das ist er mag sich des gunst vertzeihen. Wann was in meiner gunst krafftloß ist / wan(n) ich wil / so würt sollichs krafft haben / also mag der herr welen dz der contract stät beleyb vnd die gült vordern / wan(n) der hindersäß solt nit anders von seiner gerechtigkeit es gefall dann dem herren.

Item als lang der herr schweygt / mag d(er) hindersäß sein erbe mit recht vordern von eim yegklichen der das erbe besitzet.

ff. de peu. inca(n)e. in fi. Item wo der herr oder hindersäß wölten das erb von einem frembden vordern / sol der hindersäß dem herren vor geen / wan(n) des erbe ist der nutz der geet für die eygenschafft / vnd ist auch im beütel vnd kornhauß nützer.

C. de emphiteo. iur. l. ij. Item wan(n) der hindersäß in dreyen iaren die gült nit geyt / mag der herr in mit seinem eygen gewalt vßtreyben.

Item es mag der hindersäß sein erbe einem and(er)n verkauffen / er můß aber dem herren vor zeygen / ermanen vnd bitten / das es dem dem er es zů kauffen geben hat leyhe / vnd im auch die warheit sagen wie ers verkaufft hab / vnnd wil dan(n) der herr das erbe vmb souil lassen so mag ers wol thůn / vnd geet vor dem kauffer. Wo aber der herr so im solichs verkündet ist / spricht er wöll sein nit lassen / so mag der hindersäß dz erbe on des herrn willen verkauffen / doch den personen den sollichs nit verbotten ist zů kauffen / vn(d) von den der herr sein gült nutzlichen bringen mag / vnd wan(n) also der hindersäß sein erbe einem andern verkaufft / der da tugentlich ist die gült zů betzalen / sol der herr sich nit widern den andern hindersässen zů entpfahen / vnnd im das erbe leyhen / durch sich selbs oder durch sein brieff / oder ein instrument für getzeügen / vmb die selben brieff vnd leyhen sol der herr den fünfftzigsten teil haben des gelts darum(b) das erbe verkaufft worden ist / od(er) des werts des erbs / das also in ein andern person transferiert oder geben ist / oder so in erbfallen transferiert oder kom(m)en werde. Wo aber der herr wider durch sein brieff oder eine(m) and(er)n durch sein willen in sollichs verkauffen nit gehellen wil / mag der hindersäß on des herren transferieren. C. c. l. vlti. Wo aber der hindersäß anders mit dem erbe vmbgeet dan(n) wie obstat / vnd auch so er das erbe nit in rechtem bauw helt / hat das recht gebotten / das der hindersäß sein gerechtigkeit an dem erbe verlorsn sol haben.

ff. de act. qui pos. naturaliter. Item der herr des erbs besitzt das erbe rechtlich / vnd der hindersäß nur

(108) Das XLVII Blat

allein natürlich / darumb mag in der herr mit seinem eygen gewalt vßtreyben / ob es nit gehalten würd nach laut des gedings.

C. c. l. j. m. prin. Item vß den obgeschriben puncten hastu das diser contract ist nit der contract des verkauffens / oder auch nit des hinleyhens. Wann diser contract ist allein vmb ligende habe am erdtrych / aber die andern in aller habe.

Item in disem contract můß nit allein gelt gebenn werden / wann es mag frucht / hüner vnnd ander ding dann gelt gebenn werden / aber in den andern můß gelt kommen.

Item in disem contract geschicht kein empfrembdung / wann der herre besitzt / vnnd hatt auch die eygenschafft der habe / durch verkauffen verleürt der herre die eygenschafft.

ff. loca. et co(n)dnecus in plures. §. messe. Item durch hinleyhen gewinnet keiner eingerley gerechtigkeit in der gelühenen habe / vnnd darumb so mag der der besteet / weder verkauffen noch mit recht die bestanden habe an sich als eygen oder erbe vordern / wo der den innhalt verleürt / mag im mit keinem rechten geholffen werden. Aber diser hindersäß mag das alles thůn.

Item der herr hat zwen monat in denen er sich berate(n) mag das erbe an sich zů lösen oder den kauff günnen.

Item es seind noch etlich vnderscheid vnd er den erben / wann das gůt von der kirchen vererbt würt / vnd auch ist vnderweylen die gewonheit des landes anders dann wie obstat / wöllichs aber krefftig sey / frage die gelerten darumb. Vnd auch ob ein ander casus sich begebe dann die obsteen / vindest du in den recht büchern dich darnach zů richten.

Item ob der hindersäß das erb verwechseln mög oder verpfende(n) / oder hinleyhen / oder zů lehen geb(e)n / oder einem andern zů einem erb leyhen / oder einer kirchen ein gült geben / oder am todtbeth schaffen.

Item wer in erben sol / vnd wie ferre.

Martinus fauentinus. Item was recht sey so der hindersäß hinweg ist / in latein vagabundus / die frag vnd noch mer dan(n) hndert die vß diser materien kom(m)en / vindest du alle gesetzt durch einen doctore(n) mit namen Martinus Fauen. in de(m) selben sůchs.

De iure patronatus.

Libertus Ingenuus. Dise clag gebürt wider den libertum.

Wann mein libertus das ist der / der mein eygen gewesen ist / vnnd ich hab in frey gesagt / er sey ingenuus das ist frey geborn / vnd er bringt mir schaden / darumb mag ich wider in dise clag füren / mit der ich in wider in mein gerechtigkeit bringen / die ich vmb sollichs zů im habe.

Am ersten gebürt es sich das einer mein eygen sey gewesen / vnd ich hab in vß meinem gewalt gelassen vnd frey gesagt. Libertus. isti. d(e) liber. i. p(e)n. Wann der heißt libertus der vß rechter vnd billicher eygenschafft frey gelassen ist.

Am andern das er sich můß frey geborn vßrüffen vnd sagen / clag also.

Herr richter ich clag eüch vonn .M. der spricht er sey frey geborn / so er doch mein libertus ist. Bitt (et)c. erkennen das er mein libertus sey / vnd darumb mir schuldig sey mein gerechtigkeit zů thůn / vnd das er mirs thů / zwingt in (et)c.

Item merck / du můst beweysen das der dein eygen sey gewesen / vn(d) das du

(109) Der Erst Teyl

in frey gesagt habst. Wie aber die eygenschafft herkom(m)en ist / hast du darnach in einer andern clag / also anhebende.

Vnderweylen macht es sich das ein freyer mensch (et)c.

C. de iure patro. Item was die gerechtigkeit seind die libertus seinem partron schuldig ist zů thůn / hast du durch Azonem.

Item dise clag würt selten geübet / darumb laß ichs fallen.

De partu agnoscendo.

Wider den vatter der des kindes leücknet / vnd widerumb so das kindt des vatters leucknet / vnd fürter vff zům anherren.

Es ist aber ein clag die schaden bringt / vnd würt in latein genant von der geburt zů bekennen oder veriehen / wan(n) einer ist eins sun / vnd würt vom vatter nit bekant oder veriehen / hat der selb dise clage.

vt insti. de act. §. preiudiciales. Item dise clag hat auch in stat in encklin oder tichtern wider den anherren / vn(d) fürter ab. Vnd auch hat stat dise clag widerumb / das der bekenne vnd veriehe den vatter / den anherrn vnd fürter vff (et)c.

ff. d(e) libe. ag. et. C. d(e) alien. libe. a paren. Wan(n) als der vatter ist schuldig den sun zů neren / wan(n) er im selbst nit helffen mag / also widerumb ist schuldig der sun den vatter zů neren.

Item statt hat auch dise clag / wann der vatter wil den sun vordern vnnd zwingen in sein gewalt.

ff. de ven. inspi. l. j. C. de pa. po. l. nec filium. Item statt hat auch dise clag / so das weyb schwanger ist gewesen / vnd der man(n) hat einen arckwon zů ihr gehabt / dz sie vo(n) im nit schwanger sey / vn(d) hat sie vo(n) im gestossen / vn(d) hat sie doch nit verhüte(n) lassen / spricht dz recht im zů schaden / dz er sol getzwunge(n) werde(n) das kindt zů versorgen vnd bekennen.

ff. d(e) libe. ag. si q(ui)s a libe. et. C. de al(i)e libe. a paren. Am ersten gebürt sich so die narung gefordert würt / so můß zweyfel sein ob er der sun sey oder nit / vnd als dan(n) sol die narung gefordert werden mitt diser clag / vnd sol also sprechen / du solt mich bekennen oder veriehen dein sun / vn(d) mich nach notturfft versehen. Were aber gewiß das er sein kindt were / solt die narung allein von des richters ampt wegen gefordert werden. ff. de libe. agno. si q(ui)s a liberis. §. si vel parens. Wan(n) es můß sein das der sun sey / vnd der d(er) vatter sey / vn(d) d(er) tichter sey / vn(d) der d(er) anherr sey.

ff. de libe. agno. si q(u)o a libe. §. ides. Am andern das der sey eelicher sune oder tichter vnd natürlicher / oder allein natürlicher / das seind die kindt / die ein lediger einer ledigen macht.

a in aut(em). qui mo. natur. effici. sui. col. vij. §. si quis igitur. Wer aber ein kindt anders vneelich dan(n) in den weg / so mag es nitt narung vordern von den genanten person.

vt in p(re)dieta au(c)t. §. vlti. Aber diß weltlich recht ist vnd würt gestrafft vnd abgethan durch die geistliche recht / in dem Titel von de(m) der zů der ee genom(m)en hat die er vor in der andern ee fleischlich erkent hat. de eo q(ue) duxit in matri. q(ui)s poss. c. cum haberet. prima. di. ius naturale. ff. de iusticia et iure. l. j. §. ius naturale vulgo quesitus. Alda gebeüt der Bapst / das die kindt von der habe beider eltern ertzogen vnd ernert sollen werden / vnd das kompt vß natürlichen rechten / das gebeüt / das die kindt von iren eltern ernert söllen werden / vnnd das recht ist nit allein gemeyn den menschen sunder auch den thieren / vnd kompt vß ynsprechen der natur.

ff. de libe. agno. si q(ui)s a libe. §. ides q(ui)s in liberis. Item das kind das die gemeyn fraw gebürt hat keinen vatter / daru(m)b mag es vom vatter kein narung bitten / aber von der můtter bitt vnnd vordert das kindt narung vnd erbt sie auch.

Auch wo die můtter sein im testame(n)t vergäß / möchte dz kindt also geboren

(110) Das XLVIII Blat

sollich testament mit recht hinder sich treyben / vnd krafftloß machen. ff. de offi. testa. l. sed instituto. §. de inofficioso. Es wer dann das die můtter ein fürstin were / so erbt sie das natürlich kindt nit.

C. de legit. heredi. si quis. Ite(m) das dz kind vo(n) einer gemeynen frawe(n) geborn kein vatter hab / steet geschribe(n).

Insti. de nupti. §. itaq(ui)s hij. Item es ist auch nottürfftig das das kindt sunst nüt anders hab dauon es ernert mag werden / wan(n) so sich das kindt selbs erneren möcht / würt der vatter nit getzwungen das kindt zů erneren.

ff. de libe. agno. si quis a liberis §. si filius. ff. de libe. agno. l. penulti. Item die kindt vnd tichter söllen wie obstat ernert werden / sie seyen knab(e)n oder töchter / sie sein vnser tichter von sünen oder töchteren.

Item an der clag so der vatter vordert den sun / oder die anherr den enckel oder tichter / in der sich gebürt.

Am ersten das ein sun oder tichter sey.

Am andern das die kindt eelich seind.

Am dritten das der sun antweder sich selber wider den vatter setz / oder von eim andern dem vatter vorgehalten werden / vnd mit des suns willen / wo sollichs nit des suns wille were / so hat stat ein interdict den kinden von wider zů geben hernach geschriben.

Item in der clag von der geburt zů erkennen vnd veriehen gebürt sich.

ff. de libe. agno. l. sine. §. j. Am ersten das fraw vnd man(n) mit einander gescheiden sein / vnd das kind werd nach sollichem scheiden geobrn / wann würt das kindt in der ee geborn / so die gemähelten bey einander wonen / so sol es on widerred ernert werden vo(n) dem vatter vnd můtter.

Contra confessores. Item merck / das die beychtuätter vnrecht thůn / so ein weyb beychtet sie hab von eim andern entpfangen das kindt / so doch der eemann das kindt bekennt vnd vergicht für sein kindt / so die heissen das kindt zů schanden machen / vnd auch die frawen. ff. de his qui sui vel alie. aut. filij. Sie solten ansehen das capitel officij / das geschribenn steet im geistlichen rechten / im Titel von der bůß vnd ablaß der sünde / da steet im geistlichen rechten / im Titel von der bůß vnd ablaß der sünde / da steet geschriben das man der frawen die ein frembde geburt heimlich vor irem mann zů ir legt / vnd irem man(n) sagt sie hab es geborn von im / also wol sol bůß setzen vnd ir sünde vergeben / als der frawen die in der ee von einem and(er)n entpfangen hat / vnd der man(n) glaubt es sey von im entpfangen / wann es würt der frawen inne oder vsserhalben des rechten nit glaubt wider das kindt. Allegans ppri(v)atur pitudine(m) no(n) est audiendus. Vnnd nitt allein einer sollichen frawen / sunder einem yegklichen der sein schand an den tag legt / dem sol man allein wider sich vnnd sunst wider nyemandt glauben den sollichs sagen oder bekennen schaden bringen mag / als du wol verstecst / das sollichs bekennen dem kinde schaden bringt / vnnd ir schande ist sollichs zů beke(n)nen / daru(m)b so soll man ir im rechten nit glaube(n) ob sollichs wol war ist.

ff. de his qui sui vel alie. iuri. su(u)s filij. Item das recht verhengt vn(d) will / das ein yegklicher der in rechter ee geborn ist / das der selbig eelich sey vnnd erben soll. Angesehen das der erbfall kompt nach ordenung Keyserlicher rechte / vnd nit von natur. Also erbt ein yegklich kindt sein vatter / vnd möcht keiner kein adoptieren vnd vß wölen / so er andere kindt hett / wann sie würden ihres teyls beraubt der dem erwölten kindt würde / nach gesetzt des weltlichen rechten.

Veniant co(n)fessores. Consilium autenticorum doctorum non ita faciliter debes paruipendere / feu annihilare. nisi habueris pro te alios autenticos doctores.

(111) Der Erst Teyl

Item nec ratio tua videtur sufficiens qua dicis monasteria succedere. quia licet de iure co(m)muni hoc esse possit. t(u)m in multis locis secus est de consuetudine.

vt in cle. exiui de paradiso. de ver. signi. Item de ordine mendicantium fratres non debent succedere. id eo neqs filij de iure. Et sic consilium doctoris bene stare posset q(uo)d talis filius caute faceret si ordine(m) mendicantiu(m) intraret. aut monasteriu(m) q(uo)d ex co(n)suetudine non succedit. Amoue igitur te deniqs deprecor. vt nihil proprij capitis co(n)tra doctores autenticos in hoc opusculo scribas aut ponas nisi habitis pro te alijs magis autenticis et fide dignis. quia talis diuersitas generat intricationes et errores. im motuijpsius et presentis opusculi vilipendium et annihilationem. Item so ist der rate auch vernichten das der beychtuatter söll die frawe(n) vnderweysen das sie das kindt in ein closter thů / vmb des willen das die rechten erben des erbs nit beraubt werden. ff. de his qui sui vl‘ alieni iuris su(u)s. Nun erben doch die clöster auch nach ordenung geistlicher vnd weltlicher rechten. Die beychtuätter vnd auch die richter solten ansehen den Titel.

In dem vnd andern rechten die vinden das das erben nit von natur hie ist sunder allein vom rechte(n) / anders es möcht der vatter sein kindt vmb kein vrsach enterben / vnd widerumb so möcht auch der fiscus den kätzer nit erben so er kinder hinder im ließ / vnd auch in etlichen andern sünden / werden die kind irs vätterlichen erbs beraubt / vnd erbt der fiscus.

ff. de libe. ag. l. j. Am andern das die fraw irem man(n) verkünd dz sie von im schwanger sey vnd sollich verkündung sol innerhalb dreyssig tagen geschehen nach de(m) scheiden zů zelen / oder ein cleine weyl hernach.

ff. d(e) alen. libe. l. j. Am dritten / das nach dem verkünden der mann sollichs nit widersprech / wan(n) würd er sollichs widersprechen / das sie von im nit schwanger wer / würd er nit getzwungen das kindt zů erneren / doch mit gerichts erkentnüß.

Also formier dein clag wann du sprichst der sey dein vatter / vnd er leucknet sollichs.

Herr richter ich clag eüch von .N. wiewol ich sein sun bin / yedoch leucknet er das ich sein sun sey. Bitt (et)c. die sach erfarn souil vnd gnůg ist / vnd mit eüwerm rechtlichen spruch erkennen das ich sein sun sey / vnnd er mir kintliche recht ertzeygen / vnnd die narung zů geben schuldig sey / vnnd das er mirs thů zwingt in dartzů. Wann ich aber meinen vatter nit bekent vnd veriehe / mag er wider mich also clagen.

Herr richter ich clag eüch von .R. des vatter ich bin / vnd er leucknet vnnd wil mich nit für einen vatter erkennen vnd veriehen. Bitt (et)c. erkennen das er mich für seinen vatter erkenne / vnd mir vätterliche recht vnd treüw schuldig sey zů thůn / vnd das er mirs thů / zwingt (et)c.

ff. de libe. agno. si quis a liberis. Kindtliche recht seind das das kindt ertzogen sol werden / vnd deßgleychen vätterliche recht / das der vatter ernert werden sol. Darumb was ir einem gebricht ist nottürfftig das sollichs im libell vnd clag bestympt werde.

Item wie man sich sollichs nerens erweren soll / frag die gelerten darumb / wann es ist ein vnderscheid so der richter erkent das der soll ernert werden von dem / vnd so er erkent das der sein sun sey.

Merck / diese materie ist schwer / darauff frag die gelerten.

Item der vatter mag also clagen so er nit will dz sich einer sein sun veriche.

(112) Das XLIX Blat

Herr richter ich clag eüch von .R. der heißt sich mein sune wiewol er mein sunt nit ist / vnd nympt von mir sein naru(n)g als mein kindt / wan(n) im ist sollichs vom richter erken(n)t worden. Bitt (et)c. erkennen das er mein sun nit sey / vnnd ich im sein narung zů geben nit schuldig sey / vnnd das er sich auch hinfür mein sun nymmer nenne vnd veriehen sol / vnd das ers thů (et)c.

vt in auten. qui. mod. na. effi. sui. §. decretis et. §. oportet. Item du solt wissen das das natürlich kindt nit allein sol von vatter vnd von můtter ernert werden / er mag auch einen teyl seins vatters erben wo sein vatter nit eelich kindt hat. ff. ad sena. co(n)sul. orfi. per totum. Das selb kindt erbt sein můtter / vnd ob sein můtter eelich kindt hette / so erbt es gleych als vil als der andern eins. Die můtter wer dann ein fürstin.

ff. vbi pupillus educari debeat. Item ein brůder ist schuldig den andern zů neren.

Item in der clag so der vatter oder anherr sein sun od(er) tichter wider in sein gewalt vordert / so er bey einem andern behalten würt / clag also.

Herr richter ich clag eüch von .T. der helt über meinen willen .N. meinen sun oder mein tichter vß .N. meinem sune geborn / der in meinem gewalt ist. Bitt (et)c. erkennen das der genant .N. mein sun oder tichter sey / vn(d) in meinem gewalt sein sol / vnnd das der genant .T. den genanten .N. meinen sune oder tichter mir wider in mein gewalt geben sol / vnd das ers thů (et)c.

Item wie du schaden vordern solt / ob dein sun ein handtwerck kündt / frag die gelerten / wann man ist dir den schaden schuldig ab zů legen.

Item in sollicher form magstu formieren dein libell / so ein statt der andern ein burger helt / oder susnt einer / oder so ein burger nit vnderthänig sein wolt.

Herr richter ich .N. burgermeister der statt zů Hall / clag eüch vonn .B. burgermeister der statt zů Gemunden vnd sprich / wiewol das ist das .R. ist ein burger zů Hall / yedoch helt in .B. d(er) burgermeist zů Gemunde für einen burger oder innwoner daselbst / vnd in irem namen. Bitt (et)c. erkennen das der genant .R. sey ein burger zů Hall / vnd das der .B. burgermeister zů Gemunde schuldig sey inen von der von gemunde wegen wider zů geben / vnd das ers thů zwingt (et)c.

ff. q(uo)d cuius. vniuer. no. l. sic(c). municipes. Item darumb hab ich gesatzt allein den burgermeister in der stat namen wan(n) die die den gerichts zwang innhaben / mögen von der statt wegen / vnnd auch von gerichts zwang wegen in gericht gefordert werden / vnnd auch die schulden an ein statt / mögen von der statt wegen an sie gelangt werden.

Merck / in disen clage(n) alle(n) ko(m)pt schade(n) an d(er) nützu(n)g in ma(n)cherley weg / frag die gelerten / zů gleycher weyß als der vatter den sun in seinen gewalt vordert / also vordert der burgermeister sein burger / vnd der apt sein münch.

De rei vendicatione.

Von der eygenschafft der habe.

Besitzt einer ein habe / der selben eygenschafft sprichst du sie gehöre dir zů / magstu die selben habe vordern mit dieser clag in der sich gebürt.

ff. de acquire(n). re. do. et insti. de re. diui. Am ersten das du clagst das du clagst wider den besitzer / od(er) wider den der arglistigklich oder vntreüwlich hat vom besitz gelassen / das er herr den habe sey / de iure gentium / als vom natürlichen rechten / als mit übergeben vnnd durch ander vil weg / die geschribenn stehen in dem Titel. Der ich dir in diser clag den merern

K

(113) Der Erst Teyl

teyl setzen wil / vnnd auch von Keyserlichem rechten 7 als durch prescribieren / das ist lang herkom(m)en / es sey in ligender oder farender habe / durch vsucapion vnd prescription / das ist gewöre oder lang herko(m)men gewinnestu auch recht / vnd würst herr der habe als du hernach eins teyl vinden würst.

ff. de acquire(n). re. do. seruus. §. in corpales. d(e) alie. iudic. C. l. vnica. ff. de rei ven. l. j. §. per hanc. Ite(m) die habe die du mit diser clag vord(er)n wilt / můß sein corporalis / dz ist dz man die habe gryffen möge / wan(n) die ding die ma(n) nit gryffen mag / als dienstbarkeit vnd gerechtigkeit / heissen incorporales / das ist on einen corpus magst du mit diser clag nit vordern / wan(n) sie werden nit besessen / wan(n) von des besitz wegen můß der besitzer vmb die habe antworten im rechten.

ff. de rei ven. in rem. §. loca. Item die habe sey ligendt oder farendt die also gefordert würt / můß in vnserm gewalt sein / also das wir damit zů schaffen vnd lassen mögen nach vnserm willen / wan(n) sie sol nit heilig / nit geistlich sein. C. d(e) sacrosan. ec. sancimus. Dan(n) allein in dem casus so dise clag gebürt dem prelaten als in geschriben rechten stat.

ff. de rei ven. officium. et l. sinau(c)t. Item sich gebürt dz dein widersach die habe besitz / oder arglistigklich vom besitz gelassen haben.

C. d(e) alie. su. mu. cau. fac. l. vnica. Item ee ich vff das libel das ist die clag komme / soltu wissen das etlich habe vß natürlichem rechten gemeyn sein einem yegklichen / als der lufft vom hymel / fliessendt wasser vom mere / vnd die gestaden littera des meres / oder vniuersitet / das ist ein gemeyn / vnnd nit yegklichs in sunderheit / als do sein die dantzheüser / wärde / märckt / vn(d) deßgleychen / vn(d) ist dz etwas sunst gemeyns in der statt / dorff oder marckt / vnd deßgleychen als brunnen.

Item die habe in latein genant Sacre religiose et sancte / das ist gewycht / geistlich oder heilig habe / sein nyemandts / wann was auß götlichem rechten ist / das ist in nyemandts habe vnd gewalt.

Sacre res. Geweyhet habe sein die ding die nach ordenung der rechten durch gott vnd die bischoff geweyhet vnnd geheiliget seind / als kirchen / kirchhoff / vnnd was sunst anders zů gottes zierde gehört vnd geweyhet ist / das ist alles durch den Keyser vnd heiligsten fürsten Justianum verbotten zů empfrembden vnd obligieren / vßgenom(m)en zů erlösung der gefange(n) menschen. Vnd ob die kirch schuldig were / vnd was einer vß seinem eygen gewalt hielt als geweyhet vnd es ist doch weltlich.

Religiose res. Als ein geistlich statt macht im ein yegklicher selbs mit seine(m) eygen willen / wo einer ein todte(n) hin begrebt (et)c. vo(n) d(er) materie ist nit not mer zů setze(n) / wan(n) yetzundt begrebt man die todte(n) vff die kirchoff (et)c. dz etwan im rechte(n) verbotten ist.

Sancte res. Heilig habe sein die mauren / vnd porten das sein thore der statt vß götlichem rechten. insti. de re. dui. §. id eo au(c)t. Darumb seind sie in nyemandts gewalt / wan(n) darum(b) heissen wir die maure(n) heilig / wan(n) bey haupt abschlahen ist verbotte(n) dz nyemants wider die mauren sünden sol / darüber vß zů steygen / vnd sie abtzůbrechen.

Item eins yegklichen menschen in sunnderheit werden die habe sein eygen in manchen weg / wann etlicher habe eygenschafft würt vns vß natürlichem rechten / das wir nennen ius gentium / etlicher vß Keyserlichem rechten. So aber das natürlich recht elter ist dan(n) die Keyserlichen / das natürlich recht hat gott mit dem menschlichen geschlecht auffbracht. insti. e. §. fere g(r). Aber die Keyserlichen recht genant ciuilia / habent die stett vnn dörffer gemacht / die richter vnnd magistrat gewelt vnd geschöpfft / vnd die recht geschriben / daru(m)b die wilden thier /

(114) Das L Blat

vogel vnd visch in fliessenden wassern / auch alle die wilden thier die vff dem erdtrych / in mere / vnd in küfften geborn werden / seind des von dem sie gefangen werden vß natürlichem rechten / wann das das nyemands ist / das würt vß natürlicher vernunfft des ders occupiert / das ist der es vahet oder wie ers in seinen gewalt bringt. Es irret auch nitt ob wir die wilden thier / visch oder vogel in vnsern oder in frembden gründe(n) vahernt / doch mag dem der in einen frembden grundt yn geet zů iagen / vischen oder vogeln / von dem herren des grunds (sicht er in yngeen) verbotten werden dz er nit yngee / was du aber diser thier vahest / als lang seind sie dein / so lang sie in deiner handt getzwunge(n) seind / wan(n) sie aber vß deiner hůt wider in ir natürlich wildigkeit vnd freyheit kommen / so seind sie nymmer dein vnd werden wider des ders occupiert vnnd vahet. insti. de re. diui. per totum. Also soltu versteen sein natürlich wildigkeit / so es dir vß deinen auge(n) entrunnen ist. od(er) wiewol es ist in deine(n) auge(n) / doch ist dir sein durch ächten zů schwere.

Item ob du wol ein wild thier scheüssest oder verwundest / das das thier gefangen můss werden / so ist es doch dein nit du vahest es dann (et)c.

Apes. Item der binen natur ist wild / wann als wenig als die vogel die in deinen binkorb bringest. Darumb der ders in binkob schleüßt ist ir herre. Fauus. Den wifel den sie in dem baum machen / mag ein yegklicher vßnemen / doch ee das geschicht / sichst du einen on deinen willen in den grundt yngeen / magstu im verbietten das er nit yngee / geet er aber über solliches yn / du magst in beclagen von d(er) schmachheit dir gethan / vnd die an ein gelt schlagen vnd vordern solchs vor dem richter / wann du magst in der sach nit parthey vnd richter sein / als du oben geschriben hast von der clag genant von der schmacheit. Examen. Examen / der schwarm der vß deinem binkorb fleügt / ist als lang dein als lang er in deinem angesicht ist / es sey dan(n) das sein durchächte(n) zů schwer sey / sunst würt es des der in occupiert.

Pauones. Columbe. Der pfauwen vnd tauben natur ist wilde / es irret nit das sie vß natur oder gewonheit her vnd hinwider fliegent / wann sollichs thůn die binen die auch wilder natur sein.

Cerui. Etlich haben hirtzen vnd hinden so heimlich das sie in das holtz vnd wider heim geen / der natur ist wild das nyema(n)dt widerspricht. Aber in solchen thieren die vß gewonheit hin vn(d) herwider geen / ist die regel bestätiget / das sie als lang dein sein so lang sie willen haben wider heim zů geen / wan(n) sie den selbe(n) willen verlassen als dann heben sie an nymme dein zů sein / vnd werden des ders occupiert / den willen wider zů kom(m)en verlassen so sie vß gewonheit nymme kom(m)ens. Anseros Pull. Gänß / hüner / enten natur ist nit wilde / das mögen wir vß dem versteen / wann es sein wilde gänß / hüner vnd enten / die wir wild heissen / darumb werden dein gänß / hüner vn(d) enten verscheicht / wiewol sie vß deiner angesicht kom(m)en / wo sieh in kom(m)en sie sein danocht dein / vnd wölcher die selb(e)n thier in gewynnes meynung innhelt / der felt in die peen des diebstals.

Captum ab hostibus. Item was wir vnsern feynde(n) abnemen vnd vnser feynde vahent / würt von stunden vnser / also das frey menschen vnser eygen werent / wo aber die selb(e)n vß vnserm gewalt entrinnen vnd wider in ir heimat kom(m)en / werden sie wider frey / wo wir aber der feyndtschafft vnrecht haben / so ist die habe nit vnser.

K ij

(115) Der Erst Teyl

Semen lapilli. Item edel gestein vnnd ander ding die an dem gestad des meres gefunden werden / vß natürlichem rechten als bals sein sie des finders.

Pecudu(m) fructo. Item was vß vnsern thieren vnnserm gewalt vnderthan geborn würt ist in dem selben rechten vnser / auch was das güeß oder wasser alluuio in latein deinem acker zůgeyt ist dein.

Alluuio. Nun ist alluuio ein verborgen zůnemen / das mit menschlichen augen nitt begriffen oder gemerckt mag werden / durch alluuionem güeß od(er) wasser würt in sollicher weyß zůgenommen das es also langsam zůnympt / das du nit wol versteen magst in wölchem augenblick der grundt zůgenom(m)en hab. Wo aber die krafft des wassers etwas fürt vß deinem grundt / vnd füret das vff eins andern grundt das beleybt dein / wo aber sollichs zů lang an deinem grund belib / vnd die baum die das wasser mit im gefürt hette in den grundt wurtzeln würden / würt sollichs des dahin es gefürt ist (et)c.

Insula. Item der wörde der in dem mere würt (das selt[e]n geschicht) würt des der in occupiert / wan(n) er ist sunst nyemandts. Aber die insel oder der wasen / oder der werde der in dem wasser würt (das offt vnd dick geschicht im mittel des wassers) er ist der die zů beiden seyten am nechsten gründt dabey haben / yegklichs so breit als dan(n) sein grundt dargege(n) ligt. Ist aber d(er) wasem vff die einen seyte(n) näher dan(n) vff die and(er)n / so ist er allein d(er) die vff d(er) breit als dan(n) sein grund am nächste(n) grunde darbey gelege(n) ist. Würde aber d(er) fluß geteylt vn(d) also dz es eine(m) sein acker zů einer Insel mächt / so d(er) acker fürter zwysche(n) flüssen lege / d(er) acker belybt des des er gewesen ist. Wo aber die flüß gantz anderßwo hin gienge(n) vn(d) flüssen ein and(er)n weg / so ist dz selb kise vn(d) grund dere(n) die daran stossen / hab(e)n aber yegklichs nach der breite die daran stoßt / so aber nach etlicher zeyt d(er) fluß wider keme da er vor geflossen hette / so würd aber der grund vnnd kise deren die am nechsten grundt daran stossen hette(n) / aber yegklichs nach der breit daran stossende. Wo aber ein güeß käme vnd dir deinen acker gantz zerflösset / vn(d) verwandelt dir doch die gestalt deins grunds nicht / nach de(m) hinweg geen des wassers beleybt der grundt wider dein als er vor gewesen ist.

Item wan(n) einer vß frembder materie in gůttem glauben etwas gemacht hat / mag das selbig gemacht wider zů seiner vorigen materie gebracht werde(n) so ist der herr der der materie herr was als ein gossen geschirr von ere / gold od(er) sylber / das mag wider in die vorigen materie gebracht werde(n) / wo aber sollichs nit widerbracht möcht werden in die vorigen neüwen gestalt vnd materie / so ist der herr ders gemacht hat / als macht einer vß eine(m) frembden traube(n) wein / oder vß frembden ähern korn oder frucht / oder vß frembder wollen tůch oder cleidt / oder vß frembden brittern ein schiff (et)c. Sollichs mag nit wider in die vorigen gestalt kom(m)en / wann der wein würt nym(m)er zů trauben / das korn kompt nym(m)er zů ähern / das tůch würt nym(m)er zů wollen / wo aber einer eins teyls auß seiner eygen vnd eins teyls vß frembder materien ein gestalt gemacht hat / als vß seiner vnd frembder wollen ein cleid / das ist kein zweyfel an / der ist herr der die gestalt macht / wan(n) er hat nit allein sein arbeit sunder auch ein teyl d(er) materie dartzů gethan vnnd gelühen / wo aber ein frembder purpur in sein cleidt het weben lassen / wiewol doch die purpur kostlicher ist / yedoch volget sie dem cleidt / vnnd der herr der purpur hat die clage des diebstals / es sey der dieb der

(116) Das LI Blat

das cleid gemacht hat / oder ein ander / wiewol geraubt habe mit diser clag nit gefordert mag werden / so mögen sie doch in andere weg hernach geschriben von dieben vnd etlich andern besitzern gefordert werden.

Per co(n)fusione(m). Item so zweyer herren matery mit irem willen zůsamen gegossen seind / dz ga(n)tz corpus dz vß de(m) giessen worde(n) ist / ist ir beider gemeyn. So also zwen wyn zůsame(n) giessen / sylber od(er) golds knolle(n) zůsame(n) lassen / auch wo vß zweyer vnd(er)scheidenlicher materie ein gestalt worde(n) were / als vß wein vn(d) honig / vß gold vn(d) sylber / co(n)trarie ist deßgleychen / wan(n) es ist nit zweyfel die gestalt oder dz corpus ist ir beider / doch wölcher das kostlicher gelegt hat sol mer haben.

ff. de rei ven. marcellus. et. l. seque(m). Item wo sollichs zůsamen giessen geschee / gebürt wider die selben die clag des diebstals ad exhibendum zů zeygen / vnd die clag gemeyn gůt zů teyln (et)c.

per co(m)mixtione(m). Würt hansen frucht mit deiner vermischt / geschee sollichs von beider willen die frucht würt gemeyn wan(n) yegklicher hat sein wille(n) daryn geben / das dz korn gemeyn sey. Geschee aber dz on geuerd oder über deinen willen / so ist die frucht nit gemeyn. Behelt einer vnd den die frucht yegkliche(n) gebürt dz sein zů vord(er)n / d(er) richter sol aber darin(n) erke(n)nen wie kostlich yeglichs frucht gewesen ist.

Item wan(n) einer vff seinem erdtrych auß frembdem zeüge ein hauß bauwet in gůttem glauben / er ist herr des zym(m)ers / wan(n) alles das gebauwen würt vff die erden volgt der erden / vnd wiewol der der materien herr was / bleybt herr / yedoch mag er die materien nit vordern / wan(n) im rechten steet geschriben vnd ist verbotten das keiner der einfrembden sparren in latein tignum genant / in sein zym(m)er machet / sol dannen thůn / sunder er sol in zwyfach betzalen / als du hast in der clag de tigno iniuncto / von sparren eins zymmers (et)c.

Tignus. Item bey dem vocabel sparren würt alle materie darauß man bauwet vn(d) zymmert verstanden / vnd das ist darumb verbotte(n) das man die zymmer nit wider ab můß brechen / vnd wie das zym(m)er zerbrech wiewol der herr d(er) matery zwyfach betzalung dauon gehabt het / dannocht möcht er die materie als sein eygen mit diser clag vordern. Vnd widerumb bauwet einer vff frembder erde(n) vß seiner materien ein hauß / des würt das hauß des die erd ist / vnd also der herr der materien verleürt die eygenschafft / wann also würts verstanden / die eygenschafft sey mit seinem willen empfrembdet / vnd vor vß so er wol gewißt hat das die erde frembd ist / vnd vff das das hauß zerbrech er möcht die materien für sein eygen nit vordern.

Ite(m) so der d(er) gebauwet hat in gůtte(m) glaube(n) / vff frembde(m) erdtrych den bauw besitzt / vn(d) d(er) herr des grunds vord(er)t dz hauß vor de(m) richter vn(d) bitt im solliches zů zůteyln / vn(d) wid(er)t sich die materien vn(d) taglöner zů bezalen. Exceptio doli. Er mag durch die exception arglistigklich abgetriben werden / so ferr dz der in gůtte(m) glauben gebauwet hab. Wann der gewißt hat das die erd frembd was mag nit allein grosser vnfleyß sunder das er auch freuenlich gebauwen habe auff frembdem grundt vnd erdtrych im rechten für geworffen vnd fürgehalten werden.

Plantatio. Item ist das Peter ein baum oder etwas anders in sein erden setzt / er würt sein / vnd widerumb setzt Peter ein baum in Hansen erden / das gesetzt würt Hansen / vff wölchs erden der stamb des baums steet / des ist der baum.

Steet er vff zweyer erde(n) / d(er) baum ist ir beider in gemeyn / ich glaub nit dz die wurtzeln yema(n)ts icht gerechtigkeit gebe(n) / wiewol er on wurtzeln nit frucht bringen

K iij

(117) Der Erst Teyl

mag / wan(n) in gleychnüß sichstu wol / macht dein pferdt dz mein trage(n) / dz vß meine(m) geborn ist / ist mein / wiewol d(er) anfang vo(n) deine(m) pferdt ist / daru(m)b als die baum vnd anders vß dem erdtych wechßt der erden volgt / vß der selbenn vrsach vnd vernunfft die gesehet frucht sol auch dem grundt volgen.

Item zů gleycher weyß als der der in gůttem glauben vff frembde erden gebauwet hat / wo der herr des grunds den bauw von im vord(er)t beschirmet mag werden durch die exception arglistikeit nach dem wie obstat / also mag auch mit derselben exception hilff / sicher sein der d(er) ein frembden grundt mit seiner kostung in gůttem glauben gesammet hat.

Citere auree. Merck /also hat doch der herr an sollichem gewin(n) / wan(n) er bedarff nit meer dan(n) kostung vnd arbeit betzalen. Vnd bůchstaben ob sie gulden weren volge(n) den karten / bapyr vnd perment nach / als in der form als des gebauwen vnd gesomet der erden nachuolget / vnd darumb hat Peter vff dein tafeln oder bapyr ein hystorien oder lied geschribe(n) / des corpus bist du herr vnd nit Peter / wo du aber von Petern vorderst dein tafeln oder bapyr / vnd vorderst du die geschrifft zů betzale(n) / Peter mag sich beschirme(n) durch die exception der vntreüw oder arglistigkeit / ist das er in gůtem glauben dein tafeln oder bapyr der des besitz an sich gebracht hat.

Pictura. Item so einer vff ein frembd brett oder tafeln malet / etlich meynten sie solte(n) dem gemälts volgen / etlich meynten das gemälts were wie es were es solt der tafeln volgenn. Aber es ist billicher das die tafel des gemälts sey. Es were ein spot solt ein kostlich gemälde einer tafeln volgen die leychts schatz wert were / vnd darumb wan(n) von dem herrn der tafeln so er das bild besitzt der sie gemalet hat die tafel vordert / vnd die tafel doch nit betzalt / er mag durch die exception arglistigkeit abgetriben werden. Auch ist billich besitzt der maler die tafel das dem herren der tafel clag geben werde wider den maler / wo er aber das male(n) nit betzale(n) wolt / mag er auch durch die exception arglistigkeit entschlossen werden / wann anders der maler in gůttem glauben die tafel besessen hat / wann das ist offentlich der maler der hab die tafel oder ein ander gestolen / de(m) herren gebürt die clag des diebstals.

Fructus bona fide percepti. Item wo einer von eine(m) der nit herr gewesen ist doch glaubt er er were herr / in gůttem glauben einen grundt kaufft hat / oder er hat den grundt in gůttem glauben von im bestanden / oder er hat den im geben / oder vß wölcher billicher vrsach der den grund von im in gůttem glauben genom(m)en hat / vß natürlicher vernunfft sein die frücht oder nutzung von im entpfange(n) vmb des bauwes sorgen vnd arbeit willen / vnd darumb ist das der herr hernach kompt / vnd den grundt mit recht gewynnet / er mag die vernutzte frucht. s. industriales nit von ym im rechten vordern / dem aber der wissentlichen hat den frembden grundt besessen ist sollichs nit erlaubt / er würt mit dem grundt der nutzung ob die vertzeret were getrungen vnd getzwungen die wider zů geben.

Vsufructuario. Item der vsufructuarius ist der der den abnutz nympt / de(m) allein die nutzung des grunds zůgehören / würt nit annders der nutzung herr dann ist das ers yngenommen hat / vnd darumb wiewol die frucht zeytig ist gewesen / vnd er ist gestorben ee er sie yn genommen hat / die nutzung gehört seinen erbenn nit / sunder sie sein des herren der eygenschafft.

(118) Das LII Blat

Item in d(er) nutzu(n)g d(er) thier die wir für den hirte(n) trybe(n) / kompt auch die geburt als milch / har vn(d) wolle / auch die schäflin / böcklin / schweinlin / kelblin / pferdtlin (et)c. die sein vß natürliche(n) rechte(n) des d(er) den nutz neme(n) soll / in latein vsufructuarius genant. Fructus ancille. Als die geburt d(er) eyge(n) frawe(n) kompt nit in die nutzung / sund(er) sie ist des herre(n) des sie eyge(n) ist / wan(n) es ist vo(n) den wysen gesatzt worde(n) / dz vnbillich sey dz d(er) mensch in nutzu(n)g gesatzt werd / die weyl gott alle frucht vn(d) nutzung vmb des menschen willen geschaffen hat.

Tbesauri. Item die schätz die ein yeglicher vindet in seine(n) grund es sey die eyge(n)schafft od(er) erbe des grunds sein / in latein in suo iure directo vel vtili / ist des vinders.

insti. de re. diui. §. et co(n)uenie(n)ter. Der Keyser Adrianus hat in dem geben der in funden hat. Der selb Keyser hat auch deßgleychen gesatzt / vindet einer in einer geweychte(n) oder geistlichen statt ongeuerde eine(n) schatz / der halbteyl sol des vinders sein / der ander des des der grundt ist / vn(d) vindet einer in des Keysers grundt der halbteyl ist des vinders das ander des fiscals oder der statt. Vnd ist das er dem fisco seine(n) teyl vnndertrucket / er würt schuldig dem fisco den schatz gantz zů geben. ff. de iure fisci. l. iij. §. fi. Sůcht aber einer mit sunderm fleyß vnd vindet einen schatz / also mit fleyß gefunden in einem frembden grundt sol gantz dem herren des grundes gegeben werde(n).

C. de thesauris. l. vnica. Item es mag ein yegklicher in seinem grundt schätz sůchen / aber doch nitt mit zauberey / anders der schatz also gefunden wer gantz des fisco.

Per traditione(m). Item per traditionem / durch übergebung gewinnen wir eygennschafft der habe / wann nichts ist als zymlicher aller natürlicher gerechtigkeit / dann das der wille des herren / der sein habe einem andern übergeben hat stät sein soll / vnd gehandthabt werde / vnd darumb in wölchen weg die habe seind so mögen sie übergeben werden / vnd so sie geben seind / werden sie empfrembdet.

Item auß was billicher vrsach übergeben würt / on zweyfel die eygenschafft würt auch transferiert / dz ist in den andern gegossen / die verkaufften habe vn(d) übergeben werden anders nit des kauffers / wan(n) so er dz gelt dem kauffer gebe(n) hat / oder im sunst gnůg mit pfanden oder in ander weg gethan / auch wie der verkauffer dem kauffer getrauwet hat / als bald ist die habe des keuffers.

Item es ist auch nit ob der herr einem gelt gebe / oder ein ander der von des herren willen im besitz ist die habe geben (et)c.

Procurator habens liberam. Item wo einer hat freyen gewalt aller geschäfften von dem herren / vn(d) verkaufft er etwas von dem selben geschäfft vnd gibt’s / die habe wer des nemers.

Sola voluntas. Item vnderweylen der bloß will des herren on übergeb(e)n / ist gnůg die habe transferieren / als so die habe dir einer gelühen oder dir zů behalten hat geben / vnnd dir dann die zů kauffen oder sunst gebenn hatt / so er aber bewilliget das sie dein sey / mit dem gewynnest du dir eygenschafft als ob sie dir in dem selben namen geben worden were.

Item wo einer kauffmanschatz in seinem gadem / kornhauß oder wo er das ligen hat verkaufft / vnd geyt dartzů die schlüssel des gadems (et)c. dem kauffer / er transferiert die eygenschafft der kauffmanschatz in kauffer.

Missilis. Item die richter vnd magistrat transferieren die eyge(n)schafft der habe auch vnderweylen / also das der Bapst gekrönet würt / so würt gelt geworffen vmb des willen das die herren wandeln oder reyten mögen / was einer des selbigen gelts vflißt / ist sein / wann es würt darumb geworffen (et)c.

K iiij

(119) Der Erst Teyl

per occupatione(m). Item der würt auch der habe herr die vonn irem herren verlassen ist / wo er sie occupiert / das würt für verlassen geschätzt / das der herr in sollichem můt von im würfft oder laßt / das er nit will das die habe fürbaß mer sein sey / vnd darumb hebt er an der selben habe an nymmer herr zů sein.

Pro derelicto. Ein andere vrsach ist in der habe die in vngewitter des meres dem schiff zů hilff kom(m)en vßgeworffen würt / als ob sie die habe nym(m)er wölle(n) / sunder mer dz sie mit de(m) schiff dz vnglück vn(d) sorg des meres entpfliehe(n) möge(n) / vn(d) daru(m)b wölcher die selben habe von den lünnen oder wellen vßgeworffen oder sunst im mere vmb gewinnes willen oder můte neme / würt im für diebstal getzalt.

Deßgleychen ist von der habe so die menschen über landt faren / vn(d) in irem vnwissen etwas entpfallen ist (et)c.

ff. de acquire(n). re. do. l. ergo. §. alluuio. et de rei ven. si verberatum. §. ite(m) si forte. Item wo der Keyser oder ein ander der sollichs gewalt hat / geyt seinen dienern frembde gründe. Doch so sol man den besitzern sollichs betzalen was sie wert sein.

Item nun merck das vß Keyserlichem rechten wir auch eygen schafft vnd recht zů der habe gewinnen.

Vsucapio. Am ersten per vsucapione(m) / das ist durch gewerde oder besitz nach ordenu(n)g geschriebener rechten / farender habe eygenschafft gewinnen wir in dreyen iare(n). Aber ligender habe durch langen besitz / als zwyschen de(m) gegenwertige(n) in .x. iare(n) / vn(d) vnder den nit heimsche(n) .xx. iare. Vnderweyle(n) aber ob einer in gůtem glaube(n) besitzt gar lang zeyt / doch prescribiert er nit / als so einer ein freyen menschen / od(er) geweyhet / od(er) geistlich habe / od(er) ein flüchtige(n) eygen menschen besitzt.

Res furtiue. Item diebsch habe vnd auch die die mit gewalt besessen sein / vnnd ob sie so lange wie obstat in gůttem glaubenn besessen werden / so werden sie doch nicht prescribiert / wan(n) der diebschen habe prescribierung verbeüt das recht der .xij. tafeln / vnd das recht atilia / der mit gewalt besessen hat / das recht Julia vnd plancia / der gewalt sol außtreybend vnd nit herbringend sein. Vi possesse. Würden aber solliche habe (wie obstat) dreyssig od(er) viertzig iar besessen / sie würde(n) prescribiert. C. de p(re)scrip. xxx. vel. xl. an. l. om(n)es. Das aber geschriben steet das der diebschen vnd mit gewalt besessenen habe / prescribieren verbotten sey / gehört allein dem dieb zů / also das der dieb vnnd der mit gewalt besitzt nit prescribiern mag / wan(n) dem selbe(n) gebürt sich sollichs auch in ein andern weg nit wan(n) sie besitzen in bösem glauben / sunder aber ein ander der von einem sollichen in gůttem glaubenn kaufft hat / oder sunst auß einer andern sach entpfangen hat die habe / mag prescribieren. Wann in farender habe / kompt nit leychtlich das der in gůttem glauben besitzt / mag prescribieren / wan(n) wölcher wissentlichen frembde habe verkaufft die vß einer andern rechten sach oder titel geet / der ist ein dieb. Aber vnderweylen halt es sich anders / wann wo der erb ein habe die dem todten entpfolhen / gelühen oder zů behalten geben ist / so er meynt sie wer sein erbe / in gůtte(m) glauben verkaufft hat oder vmb sunst oder zů morgen gabe geben hat / ist kein zweyfel wann der der das also genom(m)en hat / prescribiert / die habe ist in dz laster des diebstals nit gefallen / wan(n) wo der erb in gůttem glauben die habe als das sein empfrembdt der ist kein dieb. Wann diebstal on willen des stelens geschicht nit.

Furtum sine affectu furandi (et)c. Item es mag auch in ander weg geschehen / das einer ein laster eines diebstals frembder habe transferiern mag / vnd machen das der gůtt glaubig

(120) Das LIII Blat

besitzer sollichs prescribieret. Als wo ich zymlich irre vnnd hab glaubt ich sey ein erb / vnd sunst wo einer glaubt das die habe sein sey.

Rei immobilis no(n) sit furtum. Item in ligender habe ist es also / wölcher ein müssige ligende habe besitzt / das ist vmb abwesen oder versaumnüß des herrn / oder so der herr on erben gestorben ist / on gewalt besitzt vnd begreyfft / oder yngeet / wiewol d(er) in bösem gelauben besitzt / wann er weißt wol das er ein frembden grundt occupiert / geyt er es einem andern der yn in gůttem glauben von im nympt / dem selben mag der lang besitz zů hilff kommen / vnd er gewynnet recht zů der habe / vnd was er hat genom(m)en das das weder gestolen noch mit gewalt nit besessen ist / wann ligende habe würt nit gestolen.

Ne reru(m) dominia i icerto sint. Also ist es mit besunderen constitution gemacht / das einem ein gůttglaubiger langer besitz nit genommen sol werden / vmb des willen das die eygenschafft der habe nit vngeübt sey.

Aiciosa res insti. de vsuca. §. si. et. C. de vsuca. transformanda. et p. emptore. p. tra(n)sactio(n)e. p. donato. p. d(e) relicto p. herede (et)c. Am letsten solt du das mercken das die habe also sein soll / das sie in ir kein laster habe / vff das / das sie von dem keuffer prescribiert mag werden / oder vo(n) einem anndern der die habe auß einem rechten Titel oder vrsach besitzt / oder mer von diser materie. Sůch.

Donatio. Item es ist auch ein andere clag der habe / eygenschafft gewynnen / genant Donatio das ist geben / vnd das geschicht in zwen wege.

Donatio causa mortis. Das ein heißt gebenn vmb oder auß forcht des todes / das einer also geyt / sey das er sterbe / so sol es der haben dem ers gebenn hatt / überlebt er aber / so sol ers wider nemen / oder so es den geber gerauwen hett / oder so der dem gebenn ist / vor stirbt.

Donatio inter viuos. Der ander heißt Donatio viuos / geben zwyschen den lebendige(n) / wan(n) die selb gebung geschicht on alle forcht des todes / vnd wo die geschehen rechtlich / so mögen sie freuenlich nit widerrüfft werden / vn(d) werden volbracht wan(n) der geber seinen willen offenbart /e s sey in geschrifft oder on geschrifft / vnd geleycher weyß als sich im kauffen über gebenn gebürt / sollichs gebürt sich auch alhie / wann die übergebung geschehen ist / so hatt das geben volkom(m)en krafft / vnnd wann er die habe nicht übergeyt / so mag er dartzů getzwungen werden / vnd wann die übergebung die summa fünffhundert gulden nicht übertrifft / so ist man nit schuldig die gebung den richtern vnd magistraten zů verkünden / vnd dannocht sein die gebung krefftig.

Item also werden die habe im rechten übergeben / wann die habe in gegenwertigkeit ist / vnd der dem geben ist sie in seinen gewalt nympt / oder so der geber die brieffe der habe geyt / oder den nutz der habe im behelt / oder die schlüssel der zymmer darinnen die gegeben habe leyt geyt / wo aber einer kirchen gegebe(n) würt / so ist nit not sollichs über gebens / wann es würt die eygenschafft on über geben transferiert.

Reuocatio donationis. C. d(e) dona. reuo. l. vlti. Merck / der geber mag sein gebung widerrüffen / als wo der dem gebenn ist dem geber ein grosse schmacheit thette / oder freuenlich handt an in legt / oder schweren schaden im zůfügt / seinem leben nach stündt / od(er) das geding im geben gesetzt vnd gemacht / nit erfüllet.

Testamentum. insti. de testa. Item wir gewynnen auch recht zů der habe durch die Testament / das ist dem letsten willen am todtbeth oder sunst.

(121) Der Erst Teyl

insti. d(e) le. per to. de singulis reb. p. fideico(m)missus p. to. et ad. l. de fideico(m)miss. here. Item auch so vns etwas geschafft würt vn(d) auch per fideico(m)missum / so der erb gebetten würt das erbe wider zů geben.

Item on Testament / als so wir einen erben.

Item durch den besitz der habe.

insti. d(e) bo. poss. Item per arrogatione(m) / so einer den andern nympt oder wölt zů eine(m) kinde.

insti. de acqui. p. arroga. Item aditione / so der herr seinen eygen menschen freyet / so soll er in mitt etwas begaben.

Item durch yngeen in die clöster / wann nach der profeß / würt sein gůt des closters.

insti. de eo cui libet. ca. bona adi vt in autenti. demonach. §. ill(u)d quam. Item per damnationem / durch vorderung des richters / wann vnderweylen mir allein etlich habe confistiert od(er) gemeyn geteylt / als du hast Vnnd auch hernach im andern Tractat.

insti. de re. diui. per totum. Item merck / wölcher die habe wil vordern / der můß ir herre sein / vß der obgeschriben sachen einer / vnnd wo er vß einem contract herr ist / so můß er zwey zům mynsten beweysen.

Das erst das der contract beschehen sey / vnd das die habe übergeben das ist geantwurt sey / wo du aber ein habe vorderst vß dem contract des kaufers / so můst du vier beweysen.

ff. de acquire(n). re. do. nu(n)qs nuda. Am ersten das der contract geschehen sey / wo der contract nit geschehe(n) were / dan(n) schlecht vnd bloß antwurt farender habe / oder vß der handt geb(e)n / wie man das zů teütsch nennen wil / transferiert die eygenschafft nit.

ff. de contraben. emp. vendidi. Das ander das das gelt getzelt sey / oder sunst ein gewißheit dauon geschehe / oder das dir sunst genůg darumb geschehe.

Das dritt das die habe geantwurt werde / wan(n) on die übergebung in dein gewalt würt die eygenschafft nit transferiert / es můß also geantwurt sein / das die von dir im rechten nit gefordert mag werden / on in etlich weg / on die übergebung. id est. auß der handt geben / die eygenschafft würt transferiert / als du eins teyls oben in dem andern casus vnd hernach in den constitution des keysers Justiniani / wider die die gewalt thůn / vindestu.

Nemo po(s)t plus iuris (et)c. Das vierd das der kauffer der habe herr sey / wan(n) ist er nun nit herr d(er) eygenschafft die er nit hat / mag er die in keinen and(er)n giessen noch transferiere(n). Wan(n) nyemandt mag mer rechts in einen transferiern dan(n) er selbs hat.

ff. de acquire(n). re. do. no(n) est nouu(m). et de offi. proco(n)sul. obseruare. §. vlti. et p. regulas nemo plus iure de regu. iuli. vi. Item vß dem merck wie schwer die eygenschafft zů beweysen sey / darumb ist der rat des rechten das geschriben steet. Das spricht. ff. de rei vendi. l. is qui. Wölcher will ein habe vordern / der sol vor sich erfarn ob er im der selben habe den besitz vß eienr clag dir vor geschribenn steet / die man nennet interdictum / an sich bringen möge / wan(n) es ist gar weyt im besser / er besitz vnnd werd damit sein widersach besitzt vnd er sie vordert. Also magstu formieren dein clag.

Herr richter ich clag eüch von .N. wiewol das ist das die wise alda gelegen einhalb stoßt sie an den gemeynen weg / anderhalb stoßt sie an Hannsen Petern (et)c. mein ist / yedoch der genant .N. hat sie inngehalten vnd besessen / innhelt sie vnd besitzt die nutzung die darauß kom(m)en seind hat er genossen / vnd geneüßt sie noch in diser zeyt / vnnd widert sich der wisen mit der nutzung dauon yngenom(m)en wider zů geben. Bitt ich eüch die sach zů erfarn souil vnd genůg ist / vnd (et)c. erkennen das die genant wisen mein geweßt sey / vnd noch mein sey

(122) Das LIIII Blat

vnd das sie der genant .N. vnbillichen gehalten hab / vnnd noch innhelt / das er schuldig sey mir die genannten wisen mitt der nutzung damit entpfangen wider zů geben / zwingt in dartzů mit zymlichen penen.

Item du solt mercke(n) wan(n) du vmb die habe kriegst / so sol die habe bestympt werden ob sie ein acker oder ein weingart sey / vorderst du aber grosse habe / solt du sagen was es sey / goldt oder sylber / vnnd dartzů das gewicht / wo aber ein grundt gefordert würt / sol der eygen namen genennet werden / vnd dartzů die nechsten zwen gründt / vnd wo es not ist / sol der grundt dem richter vnd deine(n) widersachen getzeygt werden.

ff. co(u)i. diui. l. fundo. de simo. licet. ff. de rei vend. ex diuerso. §. j. Item du solt bitten das der richter erkenne das die habe dein sey / wann der richter ist schuldig vnd sol erkennen nach dem er gebetten würt vnd nit weyter wann wo er weyter oder ferrer erkennet dann von im gebetten ist / so ist das selb krafftloß vnd vnbündig. ff.d e rei ven. qui restituere. Vnd wann der richter erkennt das das mein sey / so sol er auch damit erkennen das mirs mein widersach wider sol geben / vnd wo es darnach not würt er sol in dartzů zwingen mit zymlichen penen. Es were ein cleine hilff das einer ein vrteyl behielte / wan(n) in der richter nit handthaben wolt / so er doch das schuldig ist zů thůn / vnd sein auch macht hat / vnnd das steet geschribenn. ff. de iur. §. iuris dictio. Den den der gerichts zwang erlaubt on die der gerichts zwang nit volendet mag werden.

ff. c. non solum. Item in der widergebung der habe / soll angesehen werden der schade. Die widerbringu(n)g sol geschehe(n) vo(n) de(m) ders besitzt / hastu vier hilff wid(er) in. Antwed(er) die habe sol im mit gewapneter handt genom(m)en werde(n) wiltu / od(er) er sol dir verdampt werde(n) in souil du schwörst im rechte(n) dz ist so du als vil lieber ma(n)geln wöllest / was die habe wert sey (et)c. oder dz er dir verdampt werd in souil als du schwörest im rechten. ad interesse. das ist was dir sollichs widergeben schaden bringt / besitzt er aber nit / so gebüren dir allein die drey hilff / vn(d) die erst nit.

Item merck / in diser clag kommen auch die frücht der nutzung / wan(n) aber die nutzung der frucht mancherley ist vnderscheid vnd auch der kostung darumb geschehen vnd ansehunge.

Fructus naturales. Merck am ersten dz d(ie) frücht etlich heissen naturales. natürlich / als öpffel / bieren / keeß / die von natur kommen.

Industriales. Die andern industriales / wiewol sie von natur kom(m)en / so můß doch d(er) fleyß vnd die sorg des menschen dartzů kom(m)en vnd geschehen / als se getes / das gesehet ist / wann sollichs kommet vß dem ackergang / die milch / har vnd woll / kompt vß sorg der arbeit.

Fructus p(re)cepti. Item etlich frücht sein entpfanngen als das vom erdtrych geteylt sein oder in scheüwren beschlossen.

Qui percipi potuerunt. Ite(m) etlich sol man erst entpfahe(n) vn(d) dz in zwen weg / antwed(er) sie möchte(n) entpfange(n) werde(n) / daru(m)b dz sie nit zering ware(n) / möchten sie yngenom(m)en werden.

Consumpti Extantes. Item etlich sein vertzert als so sie nymmer sein / etlich sein noch vorhanden / vnd der stehen etlich noch / als das getreyde / etlich hangen als öpffel vnd biere(n).

Possessio cu(m) titulo. Item der besitzer / etlich die besitzen mit Titel / etlich in gůttem glauben / etlich in bösem glaube(n). Daru(m)b soltu mercke(n) / dz kein besitzer vn(d) ob er gůts glaubens wer nit die natürliche(n) frucht sein eyge(n) ist / er hab titel od(er) nit. ff. de vsuca. l. sic. Darum(b) sein sie noch vorhande(n) / werde(n) sie ve(n)diciert vn(d) geford(er)t / vn(d) mag d(er) clager anspreche(n).

(123) Der Erst Teyl

vn(d) er ist die natürlich frucht die noch vorhande(n) sein vß meiner habe die mein sein auch schuldig zů geben (et)c. wo er es aber vertzert hette in gůttem glauben möchten sie mit diser clag nit vordern / wan(n) er hat ir nit (et)c. ff. si cer. pe. si me. Auch ist er nit arglistigklich vom besitz kom(m)en / du magst sie aber vordern mit der clage genant co(n)ditio sine causa / als was sie wert gewesen sein / wan(n) d(er) besitzer ist souil vß deiner habe reycher worde(n) / wan(n) er müst souil vßgeben haben / vmb souil frucht (et)c. Industriales / das sein die frücht die mit fleyß gearbeit vnd sorg kom(m)en / sein eins yegklichen gůt glaubigen besitzers / er besitze mit Titel oder nit / das ist die meynung aller rechten gelerten.

C. e. certu(m) est. §. bona. Item wie wol sie sein seind sie vorhanden mögen sie gefordert werdenn / nit mit diser clag / sunder von des richters ampt / wann sie sein des ynnemers als von bauwes wegen / er ist sie aber schuldig wider zů geben. insti. de offi. iudi. §. illoq. au(c)t. Was aber sollicher frucht wegen / er ist sie aber schuldig wider zů geben. ff. de vs. qui scit bo. fi. Was aber sollicher frucht vertzert weren / er ist nitt schuldig. Gůtter glaube gebürt sich allein im anfang.

ff. c. solum. §. me cum. Item besitzt er in bösem glauben vnd on Titel / ist er schuldig wider zů geben die vertzerten conditione sine causa / die noch vorhande(n) sein mit dieser clag nit als die habe gefordert were mit sunderlicher clag / vff die eygenschafft was vß meiner habe kompt ist mein.

vt instit. de offi. iud(ex). §. et si in re(m). Item die frucht die der recht besitzer genommen möchte haben / werden von des richters ampt gefordert.

C. c. l. fundum. Item besitzt er aber mit einem Titel / er ist nit schuldig wider zů gebenn die vertzerten frucht / conditione sine causa / die noch vorhanden sein / mit der clag von der eygenschafft von dem d(er) recht besitzer möchte yngenom(m)en haben / würt er entschuldiget von Titels wegen. ff. de his qui in frau. cred. ait. §. per hanc. On in diser wan(n) er verkaufft hat von eine(m) den er weißt der verkaufft hat in vntreüw seiner glaubiger.

ff. q. me. cau. l. ss et partus. Item wo er kaufft von einm der getzwungen verkaufft hat.

C. de agri. cen. (et)c. colo. que(m)admodum. et in aute(m). de no(n) alie. aut p. mu. §. si q(ui)s igit(ur)

Item wan(n) er verkaufft hat wider die gebott oder geschriben recht / wann als dan(n) sol ein yegklicher sollicher / für ein bösen glaubigen gehalten werden.

Deßgleychen wo er laßt die zeytigen frucht verderb(e)n. Vnd vmb der frucht willen magstu zů der vorgeschriben clage setzen / das der besitzer gůt glaubig ist / vnd wann nun die natürlichen frucht die noch nit gegenwertig oder vorhanden seind mein seind vnd etlich natürlich frücht / als öpffel vnd bieren / die er vß meiner habe yngenommen hat / on vrsach der genant besitzer vertzeichent / vnd ist reycher worden in zehen schilling.

Item wann er nun die frucht industriales / das sein die mitt fleyß vnd arbeit die noch vorhanden sein / vnd all die frucht yngenom(m)en vor dem contestieren des kriegs mir schuldig ist wider zů geben vo(n) eüwers ampts wegen. Bitt ich eüch (et)c. erkennen das der genant besitzer mir schuldig sey alle frucht nach der bestätigung des krieges / oder nach dem vnd der krieg contestiert ist worden / yngenom(m)en hat wider zů geben / vnd das er mirs gebe (et)c.

Ist er aber böß Titels besitzer / also ist kein frucht sein / darumb ist es deßgeleychen natürlichen vnd die mit arbeit (et)c. wider zů geben vnnd auch die yngenom(m)en habe schuldig. Hettest du die habe selb besessen als obstat / so magstu also sprechen vnd hintzů setzen. Wan(n) nun der genant .N. in bösem glauben

(124) Das LV Blat

den grundt besitzt / darauß kompt das die gegenwertigen frücht auß meiner habe entpfangen mein seind.

Item wo er frucht hat auß meiner habe entpfangen vertzert / hat er nit auß keinen rechten die vertzert.

Possessio sine titulo

Item so er on Titel besitzt / so ist er schuldig mir dise frucht die ich yngenommen möcht haben wider zů geben. Darumb bitt ich eüch das ir dem genante(n) P. mir in den yngenom(m)en früchte(n) vn(d) dauon die ich yngenom(m)en möcht haben verdam(m)ent. Ist er aber bößglaubiger besitzer mit einem Titel / so würt er entschuldiget von den früchten die yngenom(m)en solten sein worden vo dir / so due selbs besessen hettest / vnd darumb so soltu sie nit vordern als obstat.

Item in dem obgeschriben libel steet nicht gesatzt die vrsach vß was vrsach die habe dein sey / es můß nicht von nöten sein / du magst aber wol die sach setzen im libel / dan(n) wan(n) der cläger setzt ein vrsach / vnd verleürt vß der selben vrsach / er mag vß einer andern vrsach hernach die selben habe wider vordern / wo er aber kein vrsach setzt so mag er die habe hernach nym(m)er vordern / wan(n) er hat alle sein gerechtigkeit fürbracht / vn(d) wiewol du kein vrsach setzst in deiner clag / so du vmb die habe kriegest / so můß dir antweder durch bekennung der beweysung geoffenbart werden / vß was vrsach dir der habe eygenschafft zů geteylt můß werden / vnd můß deren eine sein die obgeschriben steet. C. de rei ve(n). is q(ui). Darumb so rette das recht. Vnd spricht also / der / der in seinem gemüt gedenckt die habe zů vordern / soll vor betrachten ob er yendert mitt einem interdict den besitz zů im bringen möge / wann es ist im weyt besser er besitz vnd zwinge sein widersachen zů der bürgen der beweysung / wann das ers thůn můß.

Item also hastu wo zů die vorgeschriben clage nütz sein / wann sich gebür also vil arbeit nicht als in der.

De vsufructu.

Von dem nutz der habe.

Vrsusfructus. Vsufructus würt von der eygenschafft vnderweylen gescheiden / vnd das geschicht in manig weg / als so einer eim schafft vsufructum / vnd widerumb so ich dir schaff des grundes eygenschafft / allein der dem geschafft ist / hatt die blossen eygenschafft oder der erb hat vsufructum.

Item es mag einer vsufructum dem andern schaffen / wo aber einer ein testament wider einen vsufructuarium constituiert / der soll es mit gedinge das ist in latein pactionibus vnd stipulationibus thůn.

ff. c. l. vi. §. j. Item der richter mag auch constituieren vsufructum in der clag von dem erbe zů teylen / in der genannten habe zů teyln wo der richter einem die eygenschafft vnd dem andern den nutz zů vrteylet.

Item es würt auch zwyschen den lebendigen vsufructus co(n)stituiert. Nym war der / der der gantzen habe herr ist / mag die blossen eygenschafft in wölche(m) Titel vnd er wil transferieren vnd in einen andern giessen / vnnd im den nutz

L

(125) Der Erst Teyl

behalten. C. d(e) dona. l. q(ui)sq(ui)s. Als so einer geyt einem ein acker / ein wisen / oder hauß / oder gült (et)c. vnd behelt im den nutz das er mag thůn.

C. d(e) bo. q(ui) libe. in potes. pa. consti. l. ante penul. Item vß dem gewalt des rechten würt vsufructus constituiert dem vatter in der habe seines kindes das in seines vatters gewalt ist / die in latein aduenticia heissen / vo(n) dem du hernach hast in der clag vom kauffer. Sollichs mag auch in andern vil puncten geschehen. Nym war die můtter die iren sun erbt mit seinen brüdern / die hat in der vätterlichen lieb allein den nutz.

in auten. de secu(n)dis nup. col. iiij. §. ne q(u)equam. Item die fraw die nach dem iar ein andern mann nympt / alles das sie genom(m)en hat von dem vorigen man(n) / hat allein den nutz / vnd die eygenschafft würt den kinden behalte(n). Auff das aber die eygenschafft so gar alle zeyt nit vnnütz werden / so allwegen der nutz vonn der eygenschafft komme / hat sollichs dem rechtsetzer wolgefallen / das vsufructus in etliche weg verlesche / vnd wider zů der eyenschafft komme.

Item vsufructus würt nit allein constituiert vnd gemacht vß eim grund vnd in heüsern / sunder auch in eygen leüten vnd thieren / auch in andern farende(n) vnd ligende(n) habe(n) / vßgenom(m)en die haben die mit vn(d) in de(m) gebrauch verzert werde(n) / wan(n) die selben habe / nehmen / weder vß natürlicher vernunfft noch vß de(m) rechte(n) vsumfructu(m) / als ist getreyde / wein / öl / vnd cleider / zů den ist gar nahent getzelt gelt / wan(n) dise ding durch emssigen gebrauch vergeen sie.

Vsusfructus ex tinguitur. Item der vsumfructum hat / mag sein recht einem andern verkauffen / vn(d) vmb sunst günnen über den willen des herren des die eygenschafft ist / dz ius personale die selbe gerechtigkeit an im bleyb / wan(n) es geyt allein in solche(n) verkauffen macht die frucht zů nyessen / also vergeet der nutz darnach vß seiner person / er mag keine(m) frembde(n) sein gerechtigkeit geb(e)n / also das er ius personale nit habe / vnd also wann er sollichs thůt / verlescht vsufructus vnd kompt wider zů der eygenschafft / mag ers geben in wölchen Titel vnd das er wil.

Item vsufructus nympt ein ende so der fructuarius das ist der der sein nutz hat / stirbt / oder so er in ein Insel oder wasser oder wilde gesendt würt / oder so im die statt verbotten würt / vnd alle sein habe consistiert oder gemeyn geteylt würt / vnd mag sichs mit nicht gebrauche(n) in der form vnd zeyt wie recht ist / dz ist inn .x. iaren wider den gegenwertigen. ff. c. l. an vsusfructus. Wo aber vsufructus geschafft oder geben were einer statt / so gebüren hundert iar den nutz zů verlieren.

Item vsufructus nympt ein ende wann vsufructuarius dem herren der eygenschafft entweychet / vnd im vsumfructum wider geyt.

Item wo das zymmer verbrennet oder in eim erdtbidem oder sunst verfiel / verlescht auch vsufructus.

insti. de vsufruc. p. totu(m). et presertim. §. fi. Item vsufructus hat ein ende so vsufructuarius kompt wider zů der eygenschafft / vnd von der selben zeyt hebt der herr der eygenschafft an vollen gewalt zů haben wider zů der habe.

de vsufruc. et habitatio(n)e. et in. ff. d(e) vsufruc. et que(m) admodu(m) q(ui)s vtatur fruatur. et d(e) fructu accrescendo. et de vsufru. ea re q(ui) vsu consum. et vsufruc. q(ui)d et caucat. Item in wölcher habe vsufructus der nutz constituieret mag werden / vnd wie groß die nutzung sein mag / ist alles des vsufructuarij / yedoch mag er getzwungen werden das er recht bauwe. Er mag auch was nottürfftig ist wider des herren willen der eygenschafft bessern. Er můß auch gilt vnd tribut bezalen. Er mag auch getzwungen werden das er die heüser vnd scheüwren vff sein kosten decken laß / vnd was du hierin(n) nit vindest / Sůch.

(126) Das LVI Blat

De publiciana.

So du die habe vordern wilt als dein eygen die dir worden ist von dem der der habe nit herr gewesen ist.

Als du oben geschriben vindest wie so schwere die eygenschafft were vn(d) sey zů beweysen / ist erfunden ein andere clag Publiciana genannt / in der solliche schwere beweysung nicht gebürt / vnd doch die habe gefordert würt.

In diser clag wil ich setzen vier libel / wann die materie ist gar schwer / wan(n) einer besitzt ein habe die dir zůgehört antweder auß vrsach der morgengabe / am todtbeth gesatzt / vß kauffen / oder vß einem Titel genommen vn(d) mit gůttem glaubenn / das du glaubt hast / also das die habe des gebers sey gewesen / wiewol er in warheit der habe nit herr ist gewesen / du magst die habe mitt diser clag nit vordern.

Das erst libel geet wo du vß contract die habe vorderst als (et)c.

Libellus ex contractu. Herr richter ich clag eüch vonn .N. der besitzt vnbillichen das hauß alda gelegen / an einem ende .N. am andern .R. am dritten ist ein gemeyne straß / (et)c. das selb hauß gehört mir zů / oder ist mein / wann ich hab es in gůttem gelauben von .T. kaufft / vnd ist in gůttem glauben von im genommen / vnnd hat auch im kauff im glaubt das er herr der habe sey / wiewol es nit gewesenn ist. Bitt ich eüch die sachen erfarn souil vnd gnůg ist / vnd (et)c. erkennen das ich ein rechte vrsach hab das genant hauß zů vordern / vnd das der genannt .N. mit schuldig sey / vnd das er mirs gebe (et)c.

Item vnnd als er in bösem glauben das hauß besitzet vnd kein Titel hat / vß dem zů brieffen oder offenbar sey / vnd ist das er die nutzung vff dem hauß yngenom(m)en on vrsach vertzert hat. Bitt (et)c. erkennen das der genannt .N. die nutzung des hauß entpfangen vertzert / vnd die noch vorhanden sein / die ich schätz .x. pfundt / vnd die ich entpfangen / het ich das hauß besessen mir zů geben schuldig sey / vn(d) dz er mirs gebe zwingt (et)c. Also magstu die nutzu(n)g vordern mit sollicher vnderscheid als du nechst in der vorgeschriben clag hast.

Das ander libel wo vß vrsach des behalten vrteyls / die habe gefordert würt.

Formier also dein clage.

Libellus ex re iudicato. Herr richter ich clag eüch als ich den .N. grundt alda gelegen der mein ist darumb das ich in als das mein gefordert hab vonn .T. vor .N. richter (et)c. der selb richter erkant das der genant grundt mein wer / vnnd verdampt den genanten .T. das er mir den genanten grundt solt wider gebenn / der selbig .T. vß vrsach des behalten oder vergangen vrteyls hat mir den genanten grundt geben / vnd wann .R. den genanttn grundt besitzt vnbillichen. Bitt (et)c. erkennen das ich ein rechte vrsach hab zů vordern den genanten grundt / vnnd das er mir in geben sol / vnd das ers thů zwingt in.

Item du möchtest aber hintzů setzen von der nutzung wie obstat.

Item in diser clag steet nit das der geber nit herr gewesen sey / wan(n) es můß in diser clag nit sein (et)c.

Libellus ex iure iurando. Das dritt libel wo vß vrsach des geschwornen eyds in gericht die habe gegeben were / clag also.

Herr richter (et)c. der .N. grundt alda gelegen gehört mir zů. Wann als ich

L ij

(127) Der Erst Teyl

den genanten grund vordert von .T. als mein eyen / vor .N. dem richter / der selbig .T. gab mirs vff meinen eyd / schwür ich vff meinen eyd bey gott das er mein were. Als er mir es heim gab also schwür ich / vn(d) also vß gewalt meins geschwornen eyds / ward mir der grundt gegeben / vnd als in nun .T. besitzet (et)c. Bitt (et)c. erkennet (et)c. procedier fürter wie obstat.

insti. d(e) act. §. ite(m) si q(ui)s postulante. In disem libel ist nit not zů setzen das du die habe genom(m)en hast / dann du glaubst er wer herr der habe / dan(n) es ist gnůg das dir die hab gegeben ist worden. Der richter sol auch nit anders forschen dan(n) ob er geschworn hab / vn(d) ime die habe auß gewalt seines geschwornen eydes gegeben worden sey. Das wort gewalt laut in latein ex auctoritate in disem libel.

Libellus ex testamento. Das vierd libel kompt vß dem letsten willen / als so ein habe .T. in gůtem glauben hat besessen on Titel / der selb .T. hat ein Testament gemacht / vnd in dem selben Testament .T. zů einem erben gesatzt / vnnd hat nun gebotten das er mir sein erbe wider geb / der selb hat mir das .T. erbe mundtlichen wider geben / das mag sein. ff. ad sena. co(n)sul. trebel. insti. et. l. facta recte. ff. de pub. l. cum sponius. §. j. Vnd so also das erbe widergeben ist das .T. besessen hat / mag ich das selb erbe vordern mit der clag / wiewol ich den besitz noch nit begriffen habe.

In disem casus formier also dein clage.

Ex fidei co(m)misso. Herr richter ich sag vnd sprich das der .M. grundt mein ist / darum das .T. den selben grunndt besessen hat / vnd der selb grundt ist in der zeyt seins sterbens in seinem erbe gefunden worden / der genant .T. hat ein Testament gemacht / vnd hat .P. zů einem erben gesatzt / vnd in gebette(n) das er mir das erbe mundtlich wider geben sol / vnd als .P. den selben grundt wider recht besitzt. Bitt (et)c. erkennen das ich den genanten grundt billichen vorder / oder das ich ein rechte vrsach hab den selben grundt zů vordern / vnnd das er in mir wider geben sol / zwingt in dartzů (et)c.

Item aber magst du vordern die nutzung.

vti dicta. l. facta. Item in disem libel ist nit not zů sprechen das ich den besitz der habe begriffen hab / wann die mundtlich gebung geschehen ist / thůt als vil als ob die habe übergeben ist oder were.

ff. p. here. ff. l. pe. Item so ich hab ein gůten glauben vnd glaub auch das die habe sey des erben der gestorben ist / hab ich dem Titel genant pro herede. ff. de pub. q(u)eu(m)q(ui)s. So es müglich ist als ob mir die habe gegeben sey / vnd hab einen gůttn glauben vnd den Titel als ein erb / darumb hab ich ein billich vrsach die habe zů vordern / vn(d) gebürt mit dise clag. ff. p. here. l. ij. io. de pla.nosco. Wan(n) ich aber sein natürlicher erb wer / so hett ich den Titel nit.

De recissoria.

So dir dein habe prescribiert ist worden in deinem abwesen von gemeynen nutz wegen.

Wann dein habe ist vsucapta / vel prescripta / oder prescribiert vonn einem besitzer / so du nit bist anheimsch gewesen von gemeinem nutz wegen / oder zů schůl vmb lernung willen / oder vmb kauffmanschatz / oder von nottürfftiger sach willen als so du gefangen bist gewesen / die mögen die selben habe erkobern

(128) Das LVII Blat

als ob sie nit prescribiert were. insti. de act. §. rursus. Wo aber einer mit freyem willenn nit anheimsch were / dem würt die selbhilff vnd clag nit geben.

ff. ex q(ue). cau. ma. xxv. an. resti. l. ij. Ite(m) dise materie ist schwer daru(m)b frag die gelerte(n) in disen dinge(n) wan(n) solcher obgeschribe(n) casus bedarff ein eyge(n) libel vn(d) clag / ich will nur eins setzen also.

Herr richter ich sprich wie das .T. den .N. grundt alda gelege(n) (et)c. der mein ist / hat acht iar mit einem Titel besessen in meiner gegenwertigkeit / darumb můst ich vonn gemeynes nutz wegen in der .N. sach hinweg zwey iare / der genant .T. hatt den selben meinen grundt prescribiert. Bitt ich eüch die sach zů erfaren souil vnd gnůg ist / vnd mich durch eüwer vrteyl restituieren vnd die zeyt der prescribierung die in meinem abwesen vergangen ist als die zwey iar wolt von dannen thůn vnd abschneyden / wan(n) sollichs geschicht vnd die selb zeyt von dannen gethan / so würt offenbar oder erscheinen das ich des genante(n) grunds eygenschafft vordern mag / als dan(n) bitt ich eüch dar ir so ir mich restituiert habt / den genanten .T. zwingt (et)c. dz er mir den selben grund wid(er) gebe.

Item du magst aber die nutzung nit vordern / als du hast hieruor von der eygenschafft geschriben sůch in Rofredo von diser vorderung vnd clage.

De confessoria et negatoria.

Von dienstbarkeit vnd wasser.

In disem Titel magst du am ersten mercken / das ein grundt oder bodem dem andern dient / vnd die selben gründt haben zwen namen. Rustica predia. Etlich heissen rustice / das seind veldgründt. Vrbana. Die andern vrbane / das seind die heüser vnnd wonung / in dörffern / weyiern / märckten / vnnd stetten / vnnd die dienstbarkeit heißt rustica / das ist veldisch die dem veldtgrundt sollen.

Item das seind die recht der stetgründt / höher zů bauwen / vn(d) damit thůn sie schaden dem nachgebauwrn an seinem liecht / oder nit höher zů bauwen.

Item den trauff zů kere(n) in dz tach od(er) scheüwr deins nechste(n) / od(er) nit zů kere(n).

Item plancke(n) sparre(n) (et)c. in deines nechste(n) zym(m)er verbauwe(n) vn(d) wid(er) dannen zů thůn / fürschopff zů machen über dein grundt / vn(d) ander deßgleychen.

Ite(m) vnder disen so ist dz die dienstbarkeit / das die vß gesicht nit gesatzt werde.

Item das gegeben werde die vß gesicht.

ff. de serui. vr. p. Item das das liecht geben werde / vnd wan(n) man sol mir das liecht geben / so sol ich auch den hymel sehen / vnd sol er mir antweder sein hauß gantz od(er) eins teyls dannen thůn / vff das das ich liecht entpfahe in mein hauß von im. Vnd wan(n) ich den hymel nit mag gesehen durch deines bauwes willen dz du gebauwen hast / od(er) eins baums alda gewachsen / bistu mir schuldig dan(n)en zů thůn wan(n) der baum mag also wachsen / das er mir am liecht schaden mag.

ff. de serui. vrb. l. luminum. et. l. si actorem. Item wo der baum oder das zym(m)er irret den sonnen schein / der ist mir schuldig der mir den sonnen schein irrt / das er nit in mein hauß möge / vnnd ich bedarff der sonnen schein.

vt in predicto ti. et. l. si arbore(m). §. interdictum. Item merck / nit allein mitt bauwe(n) würt das liecht gehindert / sunder auch mitt abbrechen. Als wo der schein geyt liecht in mein zymmer. Als geschriben steet in dem bůch der Künig. Machabcorp. Die sonn hat geschinen inn die gulden schilt das sollichs in die berg widerschein.

L iij

(129) Der Erst Teyl

Jura rusticoru(m) prediorum. Item der veldt grundt recht seind dise. Iter fůß pfad / actus gebrauch / via weg / aqueductus wasser zů füren / aque haustus wasser zů schöpffen / pecoris ad aquam appulsus das vihe zům wasser das ist zů der trenck zů treybe(n) / ius pascendi das vihe vff die weid zů treybenn / calcis coquende kalck zů brennen / arene fodiende sandt zů graben.

Iter. insti. de serui. rusti. pre. §. ij. Item Iter der fůßpfadt ist ein recht zů geen / zů wandeln de(n) menschen / der mensch gee allein / oder reyt vff einem thier / aber er mag kein thier allein treyben / oder karren oder schlitten füren / der allein den fůßpfadt hat.

Actus. insti. c. §. iij. Actus der gebrauch / ist das einer hat zů treyben vnd zů füren thier / karren vnd schlitten / also wölcher den pfadt hatt / hat den gebrauch nit / aber wölcher den brauch hat / hat den pfadt / wan(n) er mag on die thier da geen.

Via. Via der weg ist so einer geen / brauche(n) vn(d) wa(n)deln mag vff des and(er)n gru(n)d.

ff. de serui. rusti. pre. l. sella(m). §. j. Item es ist in etlichen stetten vnderscheidt vnder dem brauch / vnnd vnder dem weg. Wann wölcher den weg hat / hat gewalt zů füren stein / balcken vn(d) eben stangen / das dem der gebrauche(n) sol nit verhenget würd / wan(n) die frucht möchte beschediget werden.

de serui. rusti. p(re)di. l. vie. et. l. certe. §. atitudo. et. l. via. constitui. Item wan(n) die weyte oder die enge des wegs nit geschriben ist / da die dienstbarkeit gesatzt ist worden / so ist doch sollichs im rechtenn gesatzt / als acht füeß schůch in die schlicht / vnd sechtzehen in die krüm(m)e.

Aqueductus. ff. d(e) serui. predi. l. j. §. aqueducto. Aqueductus wasser zů füren ist / so du wasser magst füren durch ein and(er)n grundt / es sey durch hültzen rören / oder wie solliches durch einen haffner gemacht were / doch nit mit gehauwen stein / auch nit mit roren die de(m) herren des grundes den wasserfluß dester böser machen / mitt sollichen roren legen mag doch der dienend grundt von natur geschedigt werden / als vom regenn das wasser wechßt in dem fluß oder das vß andern erkern zůfleüßt.

Item diß verstee in dem wasser das gefunden ist.

vt in predicto ti. l. labeo. Ite(m) ma(n) mag dir die die(n)stbarkeit gebe(n) dz du dz wasser sůchst vn(d) gefunde(n) werde wan(n) ee dz zym(m)er gemacht wirt / mag dienstbarkeit gegebe(n) vn(d) gesetzt werde(n).

vt in predicto ti. l. ij. Item das wasser zů füren / mag geben vnd günnet werden eim vnd mer / vnd zů etlichen tagen vnd nachten / durch ein fluß oder mer.

Haustus aque. ff. de serui. vr. p(re). laij. §. vlti. Haustus aque wasser schöpffen / ist ein recht das wasser zů schöpffenn vß eim galbrunnen / oder deins nachgebauwrn brunnen / vnnd wo dir das recht offenlich gegünt würt / ist dir damit gegünnet der fůßpfadt zům brunnen / vn(d) ist dir schweygent vergünnet auch der brunnen zů schöpffen.

Pecoris appulsus. Pecoris ad aqua(m) appulsus / d(e) vihet reyb zů de(m) wasser ist / so du dz recht dein vihe über eins and(er)n grund zům bru(n)nen od(er) zům wasser zů treyben hast.

Ite(m) es mag also sein dz ich keine(n) and(er)n nutz vff meine(n) gru(n)d hab / dan(n) allein die weid / vn(d) also můß ich meine ochsen so ich mit zů acker gangen bin / vff des and(er)n gru(n)de vm(b) wassers wille(n) od(er) der weid halbe(n) trybe(n) / sie da zů trencke(n) od(er) speysen / also mag mir gerechtigkeit gebe(n) werde(n) dz ich mag in eine(n) frembde(n) grund kalck brennen / sandt grabe(n) vn(d) erde / dz daruß geschirr gemacht werde / heüser bauwen / vnd anders gezym(m)ert werde / dartzů dan(n) sollichs nottürfftig ist.

Merck / dise würt rechte gerechtigkeit vnd dienstbarkeit / eins als das ander in disen beiden clagen.

Merck / dise dienstbarkeit werden gemacht vnnd constituiert von dem der

(130) Das LVIII Blat

herr des grunds ist / vn(d) wo mer sein der herre(n) / so sollen sy alle iren willen daryn geben / wo aber nur allein einer die dienstbarkeit constituiert vnd verhenget on die andere / ist sollich günnen vernicht. Aber der der sollichs gegünnet hat der mag de(m) richter verbiette(n) / er můß in dz gegünnet recht brauche(n) lassen.

ff. de serui. rusti. p(re). l. q(ue) sella. §. vlt. Ite(m) es gebürt sich in den veldtgründe(n) / dz sie eina(n)der also nahe(n)t sein solle(n) / dz kein gru(n)d zwysche(n) in sey / vnd(er) de(m) grund d(er) do dienet / vn(d) dem de(m) gedienet wirt. Es wer dan(n) das dz mittel veld wer ein solichs dz ich mich frey gebe / als ob es mir kein dienstbarkeit thůn solt / vn(d) es wer ein gemeyner weg / oder ein gemeyne / vnd durch sollichen mein gebrauch geschehen nyemandt kein schad / der alda gieng vnd wandelt oder wer mein eygen / oder deßgleychen.

Item merck / wann dir gebürt dienstbarkeit durch meinen grundt das ein sollichs ist nur eine dienstbarkeit / vnd nit plures oder vil.

Item wo aber damit oder da zwyschen ist ein grundt / d(er) nicht dient / so wirt dienstbarkeit gehindert / nit das sie nit sey / sunder allein das sich der d(er) sie hatt nicht gebrauchen mag durch das verbietten des mitteln grundes herren. Vrbana p(re)dia. In vrbanis / das ist in stettgründen / gebürt sich nit soliche nähe / sunder das eins dem andern schaden mög bringen.

ff. de serui. vr. p(re). si edes me ea tu. Seruitutes acquiruntur. Item die dienstbarkeit werden gesatzt vnd gemacht pactionibus / mit kauffung / vnd sunst günnung / vnd werden auch geschafft im Testament.

insti. c. §. vlti. ff. de serui. vr. p(re). l. iumentum. Ite(m) mit wille(n) d(er) parthey werden sie gemacht / vn(d) nit mit wider einer parthey wille(n).

ff. q(ue)n serui. amit. sed locus. §. vlt. Item nota das recht spricht / so der gemeyn weg vom wasser oder sunst zerbrochen ist / můß der nechst weg geben.

Item du überkom(m)est dz du gewynnest dienstbarkeit durch so lang gewonheit / d(er) gedächtnüß nit im mensche(n) ist .x.xx.xxx. od(er) .xl. iar / es wer dan(n) dienstbarkeit die do het continua(m) causas / dz ist flyssig vrsach on vnd(er)laß. ff. de serui. vr p(re). sed si inter. Also ist die dienstbarkeit den sparre(n) in dein wand zů setze(n) / höher nit zů bawe(n) / wasser zů füren on vnd(er)laß / daru(m)b so hastu in disem titel auch vo(n) wasser insund(er)heit / deß glychen ist in der dienstbarkeit des trauffs / wiewol das doch alwege(n) ir tropfft doch vß natürlicher vrsach wann das doch das wasser vonn dem hymel empfacht so tropfft es / darumb so würt es ewig geschätzt.

ff. q(ue)n serui. a seruitute. Item in disem casus gewynnen wir die dienstbarkeit in zehen iarenn zwyschen den gegenwertige(n) dan(n) anheben zům rechten / wan(n) einer anhebt sich der dienstbarkeit zů gebrauchen / nit mit gewalt / nit heimlich / nit mit gunst.

Item in den dienstbarkeiten die intermission on vnnderlaß haben wir / wie wol sie mit langer zeyt nit gewunnen werden. ff. d(e) aq(ui) plu. arce(m). l. j. §. vlti. Wo aber einer vß einem Titel spricht / im gebüre dise gerechtigkeit / vnd mag sollichs mit zeügen vnd instrumenten beweysen / doch in einer fürdernüß seins willens wo er beweyßt das er solcher dienstbarkeit sich gebraucht habe mit wissen des herren des grundes / vnd hat sollichs nit widersprochen / zehen oder zweintzig iar / versicht man sich im gebüre vß dem Titel vnd vrsach die er fürgeben hat.

Amittuntur autem seruitutes.

Die dienstbarkeit werden verloren / wann dein grundt meinem dient / vnd ich in kauff od(er) sunst würd deines grundes herr / od(er) du würdest meines grundes herr / harumb verleürst du die dienstbarkeit.

L iiij

(131) Der Erst Teyl

ff. q(ue)n. serui. amit. si sic. et. l. vlti. Item du verleürst die dienstbarkeit so du dich d(er) dienstbarkeit nit brauchst in .x. iarn vnd(er) den gege(n)wertige(n) / vn(d) in .xx. iarn vnd(er) den nit gege(n)wertigen / wo and(er)s die dienstbarkeit gesatzt ist die nit hat interualla temporu(m) / vnderlaß die zeyt / vn(d) ob sie vnderlaß hat d(en) tag od(er) nacht / als vnderweyle(n) einer hat gerechtigkeit zů füre(n) dz wasser am andern od(er) am dritten tag / od(er) nacht / od(er) noch kürtzer wo aber die dienstbarkeit hat vnderlaß die iare od(er) monat / so verleürt man sie in zwyfacher zeyt / als in .xx. iaren vnder dem gegenwertigen / vnd .xl. vnder nit heimschen. Vnd das an den veldtgründen ist. Es ist nicht genůg dz ichs nit brauch / sunder es můß sein das mich der zů der dienstbarkeit irre.

Item die dienstbarkeit werden auch verloren mit verhengen / als so du nit bist schuldig die dienstbarkeit nit höher zů bauwen / vnd ich verhenge dir das du nit höher bauwest.

Item so du mir mein trauff in de(m) hoff lassest geen vn(d) ich verhenge dir das.

Item so du nit solt lassen durch dein grundt / vnnd ich verheng dir aldar / da ich geen sol / das du etwas da selbst bauwest / oder sunst machest / wann ich mag dir gebenn die dienstbarkeit vff meinem grundt allenthalben / oder nur an einem ende / vnd wan(n) ein bestym(m)et ende günnet würt vom herrn des grundes / so dienet allein das selb / wo aber der grund dienen sol / so sol doch der der die dienstbarkeit nit hat darumb durch das mittel des weingarten geen / vnd wan(n) er ein mal gangen ist / so mag er die erwölten teyl nit enderen.

ff. c. si cui. (et)c. d(e) serui. rusti. p(re). si. via et q(ue)n serui. amit. l. non satis. Item wo aber eyge(n)tlich verhenget wer dienstbarkeit / durch ein yegklich teyl des grunds zů geen vnd wandeln / so mag er wol den erwölten teyl wandeln.

Confessoria. Also magst du formieren dein clag die in latein heißt confessoria / so du gehindert würst deiner dienstbarkeit zů brauchen.

Herr richter ich clag eüch von .R. der besitzt den grund alda gelege(n) / durch den selben grund gebürt mir die dienstbarkeit des wegs oder des fůßpfads / od(er) ich hab recht über den selbe(n) grundt / gebürt mir die dienstbarkeit des wegs od(er) fůßpfads / od(er) ich hab recht über den selbe(n) grund zů geen od(er) zů fare(n) zů de(m) wein garte(n) alda gelege(n) (et)c. setze wie die dienstbarkeit dir gebüre / vn(d) wan(n) nun der genant .R. mich nit geen od(er) fare(n) laßt durch den genante(n) grund zů meine(m) gru(n)d Bitt (et)c. erke(n)nen dz ich vff den genante(n) grund hab die dienstbarkeit des wegs / oder des pfads / vnd das er sol leyden das ich gee oder fare über den genanten grund / vnnd das er mir auch sicherheit thůn sol / das er weder sein erben mich hinfür nit mer irren noch dz verbiette(n) sollen / an d(er) genanten dienstbarkeit.

Merck / du magst auch bitten dein interesse / dz ist schaden den du sollichs verbiette(n)s genom(m)en hast / vn(d) nympst biß das dz vrteyl geen würt / vn(d) magst also hintzů setze(n) / vn(d) bitt eüch herr darumb zů erke(n)nen dz er mir in bösem glaube(n) verbeüt / od(er) mich irret dz ich nit über den genante(n) gru(n)dt geen vn(d) fare(n) mag / od(er) dar / vn(d) sollichs schadt mir .x. pfunt / dz er mich biß her geirret hat / dz ir erken(n)t dz er mir die .x. pfunt bezale(n) sol vn(d) auch was er mir biß hin vff dz entdlich vrteyl schaden würt auch betzalen sol / vnd das er solichs alles thů / zwingt in (et)c.

ff. si serui. ven. loci. §. in p(o)sessoria. Merck / du magst dein schaden vordern an der nutzung statt / die sich inn andern clagen gebürt.

(132) Das LIX Blat

ff. si serui. vendi. hoq(ue). §. et lege. Item der richter sol auch erkennen / das er dir gewißheit thů / das dir kein irrung hinfür geschehe.

ff. si serui. ven. sicut. §. sz si q(u)ric(e). extra de simo. licet helv. Item er sol auch erke(n)nen dz du sollich dienstbarkeit habst. Sollich möcht der richter sunst nit thůn / es were dan(n) sunderlich gebetten worden vnd gefordert / wan(n) nach dem vnnd gebetten würt / sol der richter das vrteyl geben. Er mag auch nit weyter erkennen dann gebetten würt.

ff. co(u)i predi. l. vt fundus. Confessoria. Item es ist not zů setzen in diser clage so du vmb dienstbarkeit clagen wilt / das du setzst das .R. den grundt besitzt (et)c. wann es gebürt sich dise clag in latein Confessoria genant wider ein yegklichen der dich hindert zů geen / zů fare(n) oder sunst brauch die dienstbarkeit vff dem grundt vff dem dir dann dienstbarkeit gebürt. ff. si vsufructus pe. §. vtru(m) aute(m). Wann es ist genůg ob du also sprechest.

Herr richter ich clag eüch das mir vff dem grundt alda gelegen (et)c. gebürt die dienstbarkeit zů geen / zů faren / mein vihe zů treyben (et)c. zů dem wasser / od(er) vff die .N. mein wisen alda gelegen (et)c. So aber nun der genant .R. mich irret / das ich nit geen / faren / oder mein vihe treyben mag (et)c. wan(n) er hat ein graben oder zaun gemacht / setz wie du gehindert werdest (et)c. Bitt (et)c. erkennen (et)c. wie obstat / wilt du aber clagen vmb nutzung / das ist vsufructus / das ist ein dienstbarkeit die allein der person gebürt / wann dir gebürt dise clag vmb vsufructum / sprich also.

Herr richter ich clag eüch von .R. der besitzt von .N. grundt alda gelegen .N. in de(m) selben grund gebürt mir die dienstbarkeit vsufructus d(er) nutzung der frucht die do wechßt / vn(d) wan(n) nun d(er) genant .R. mich des gefaßte(n) grunds / es sey wise od(er) acker nutzu(n)g (et)c. nit gebrauchen laßt. Bitt (et)c. erke(n)nen dz d(er) vsufructus nutz des genanten grunds mir zůgehöre / vnd das der genant .R. sol leyden das ich den genanten nutz brauch nd nyessen möge / vnd mir sicherheit thůn sol / das er mich hinfür nit irre noch hindern sol / vnd darumb als er drey vergangen iare mich wider recht gehindert vnnd geirret hat / das ich den nutz des genanten grunds nit nyessen vnd mich sein nit brauchen mocht / vnnd er hat die selben frucht yngenom(m)en die ich schätz .x. pfundt wert / das er mir auch die selben yngenom(m)en frücht vnd nutz / oder iren wert / die genanten .x. pfundt auch sol wider geben vnd betzalen / das er das alles thů / zwingt in (et)c.

Item du solt mercken was der clager beweysen oder fürgeben můß in seine(n) artickeln / wan(n) er mag also setzen. Ich sag als .N. ist gewesen einherr des .N. do constituiert er mir die dienstbarkeit des wegs / oder (et)c. durch den genanten grundt zů meinem grundt.

Item durch sein leyden das er leid das ich durch den genante(n) grund gieng hat er mich in besitz gefürt / es heißt nahet besitz / wan(n) sollich gerechtigkeit seind nit corporales / sie mögen nit an gerürt noch griffen werden.

Item d(er) grund vo(n) des wege(n) mir dise dienstbarkeit ist constituiert worde(n) / od(er) ist gewesen mein / zů d(er) zeyt als mir dise dienstbarkeit constituiert ward / wer er aber nit dein gewesen / sunder eins and(er)n / setz darnach den artickel / du magst des grunds herr sein / er sey dein eygen od(er) dein erb / oder du seyst superficiarius oder vasallus / oder habst in gekaufft / also hoffstu du werdest schier oder bald herr / wan(n) ee dir der besitz nit gegeben würt / so magstu dem kaufften grund die dienstbarkeit vflegen vnd machen wie du magst / vnd also setzen.

(133) Der Erst Teyl

ff. co(n). pre. l. fi. Item ich sag das mir der genant nutz am todtbeth ist geschafft worden von dem .N. der des grunds herr ist gewesen / wan(n) sollichs mag gesein als du obe(n) hast im Titel von dem nutz der habe.

ff. si serui. vendi. si quis. Item ich sag das ich .x. iar in deiner gegenwertigkeit oder .xx. iar so du nit gege(n)wertig im landt bist gewesen hab ich mich diser dienstbarkeit gebraucht nit mit gewalt / nit heimlich / nit mit gunst / wan(n) also das gewisen würt / so gebürt dir dise dienstbarkeit / wan(n) die dienstbarkeit die do hat on vnd(er)laß vrsach die mag so in vil iare(n) prescribiert werde(n) / auch on Titel. Der als du oben hast in den dienstbarkeite(n) die do nit habe(n) on vnd(er)laß vrsach / die magstu also setze(n).

ff. de aqua plu. ar. l. j. in fi. Ich sag das ich vnnd mein vorfarn haben vns gebraucht sollicher dienstbarkeit / nit mit gewalt / nit heimlich / nit mit gunst / als lang zeyt / vnd lenger dan(n) in gedächtnüß der menschen ist. Wann aber einer sich dienstbarkeit gebraucht vff dem grundt der im nit gebürt / vnd so du im mit recht wören wöllest / dz er sich d(er) dienstbarkeit nit brauchen solt / wan(n) wo er im besitz des dienstbarkeit were / vnd du hinderst in / vnd last in nit fridlich seinen besitz gebrauchen / vnd beraubst in also seins besitz / er möcht dich beclagen vmb den besitz allein / dann werstu im den schuldig wider zů geben / vnd villycht mit der peen der constitution. si quis intantum. von der du hernach hast. Darumb ist besser du clagest wider in dise clag in latein negatoria genant / vnd sprich also.

Libellus in negatoria. Herr richter ich clag eüch von .R. vnd sprich / dz ich bin ein herr des grundes .N. alda gelegen über den selben grundt braucht sich der genant .R. der dienstbarkeit des weges / oder des fůßpfadts (et)c. zů eim wein garten alda gelegen. So aber nun de(m) genante(n) .R. die dienstbarkeit des wegs nit gebürt durch mein grundt .N. (et)c. Bitt (et)c. erkennen das mein grundt frey sey von der genanten dienstbarkeit / vn(d) verbiettent de(m) genanten .R. das er hinfür nit mer durch mein grundt gee oder fare / vnd das er mir auch sicherheit thů / das er nit mer dardurch geen oder faren wöll / vnd bitt in auch mir in .x. pfundt verdamnen wan(n) souil schadt es mir das er durch meinen grundt gangen ist. Also magst du dein artickel setzen / ist das ich dir solt die dienstbarkeit / so hastu mich mitt gedinge der ledig gesagt / vnd geding sollent gehalten werden.

ff. qua(n)do serui. amit. l. parte(m). §. si fundi. Item .x. oder .xx. iare hast du dich diser dienstbarkeit nit gebraucht / darumb hab ich freyheit wider dich prescribiert / vnd ist mit deim nit brauche(n) verlorn / so sich einer der dienstbarkeit nitt braucht / wiewol er nit hatt gewißt / das im die dienstbarkeit gebürt hat. ff. de vi. et vi. ar. si plures. §. j. Wol wo du durch die macht deines wid(er)sachen dich der dienstbarkeit nit gebraucht hast / wiewol sie nach ordenu(n)g der rechten verloren heißt / sie solt dir wider geben werden.

Auch merck / dz ein vnderscheid ist vnder den dienstbarkeite(n) der stet gründ vnd veldtgründt / die freyheit wider die dienstbarkeit zů prescribieren / wan(n) in dienstbarkeit der veldtgründt bedarff der der prescribiert nichts thůn. Aber in stettgründt dienstbarkeit ist es anders / als du sollichs sichst in der dienstbarkeit der sparrn in dein wandt zů setzen / wann der der freyheit wil prescribieren der můß die löcher vermachen / vnd der mag also sein artickel setze(n) wider den du dise clag fürest.

ff. de serui. vr. p(re)dio. hec au(c)t. iura. Item ich sag das die löcher in de(m) mein sparren waren sein noch offen / wan(n) du hast sie nit zů gemacht / wann wo es also wer / wiewol er sich der dienstbarkeit

(134) Das LX Blat

nit gebraucht het in d(er) zeyt die dan(n) gesetzt ist / die dienstbarkeit zů verliesen / er hat die dienstbarkeit nit verlorn.

C. de pba. si possessor. Item merck / das in diser clag můß ich nit beweysenn das mein grundt frey sey / wann es ist ein yegklicher grundt am ersten frey / daru(m)b versicht man sich er sey noch frey / vnnd würd auch für frey gehalten / er werd dann dienstbarkeit beweysen. Ich můß aber beweysen das er mein sey / darumb das ich gesprochen hab er sey mein / wann der můß beweysen der do spricht es sey (et)c. Vnd das ist ein besunders / wann wiewol ich besitz so můß ich dannocht beweysenn das ich herr sey / darumb das ich gesprochen hab in meiner clag.

ff. de vsuca. sem. nomine. Item wiewol er herr sol sein / der die clag füre(n) wil / yedoch gebürt sie auch de(m) der gekaufft hat vo(n) dem der nit herr der habe ist gewesen / sie gebürt auch dem glauber / wann er besitzt zů aller widerwertigkeit.

ff. si ager vecti. l. j. ij. et. iij. et. ff. de superfi. l. j. Item dem emphiteota / superficiario / vasallo / vnd eim yeglichen der recht zů dem grundt hat / gebürt dise clag vtilis in latein.

Also sol der richter sein vrteyl sprech(e)n / ich verdam(m)e .N. das er .S. sol lassen geen vnnd faren durch seind grundt / oder das er die wandt wider mach das sie das zymmer vnd bürd in tragen mög / vnd das er sicherheit thů / das er hinfür in nit irren wöl / weder durch sich selbs noch durch sein erben / vn(d) das er auch hinfür die wandt machen werd / vnd das er im zehen pfundt für sein schaden geben soll / wann souil schadt sollichs verbietten dem genanten .S. diß vrteyl gebürt sich in der ersten clag confessoria genannt. Also sol der richter sprechen in der andern clag genant negatoria. Ich verdam(m) .R. das er sich .S. grundt oder das er nichts bauwe / oder leg auff die wandt / oder das er im ein gewißheit oder sicherheit thů / das er hinfür in nit irren oder hinder mit geen oder mit faren durch sein grundt / oder nit bauwen vff sein wandt / vnnd sol im dartzů geben .x. pfundt für sein schaden / wann souil hat es im geschadt das er sich sollichs gebraucht hat durch sein grundt / vnd das einer in disen dreyen puncten verdampt sol werden / in beiden clagen spricht das recht. ff. si serui. ven. l. haru(m) et. l. egi. et. l. loci corpus. §. in confessoria (et)c. was du nit vindest in diser materie sůchin Rofredo. e. ti.

De pre iudiciali in rem p quam queritur: an aliquis sit filius in potestate patris.

Insti. de pa. po. So der vatter sein kindt / der apt sein münch / der lehenherr sein lehenman vnd der burgermeister sein burger in sein gewalt will vordern. ff. de his q(ui) sui vl‘ alie. iuris su(n)t. l. Mit diser clag vordert einer sein sun oder tochter in sein gewalt.

Item. (et)c. l. filius. Am ersten gebürt sich das du ein eeweyb hast.

Insti. q(ue). mo. ius. pa. po. sol. et. C. de eman. l. vlt‘. Am andern das vß der selben frawen der sun geborn sey.

ff. si a paren. q(ui)s manumis. fuerit. l. j. Am dritten / das du den selben sun vß dem vätterlichen gewalt nit gelassen habst / vnd das geschicht vnderweylen mit willen. Vnderweylen vßnotturfft ob du in zů sünden gehalten vnd gemüssigt hest. ff. de condi. et. demon. si cui. Oder so du in eim testament ettwas geschäffts genommen hetst / darumb das du in auß deinem gewalt soltest lassen.

ff. de his q(ui) sui vl‘ alie. iuris sunt. Am vierde(n) dz du ein sollicher seyst dz du kind in deim gewalt mögst mache(n).

(135) Der Erst Teyl

insti. de adop. §. maior. Am fünfften / das du im in souil iaren vor geest / das er dein sun mag sein / wann es wer ein gespöt solt der sun elter sein dann der vatter.

ff. qui sui vel alieni iuris sunst. l. fi. Am sechsten / das du von deim weyb nit seyst gewesen / wann so du von deinem weyb bist gewesen vnnd nun kompst / vnd vindest ein kindt eins iars alt von deiner frawen geborn / das selb kindt ist dein nit / noch in deinem gewalt.

Septimo mense nalci p(re)fectum puerum. Item merck / es mag ein fraw von natur in dem sybende(n) monat nach dem vnd sie von dem mann beschlossen worden ist / ein natürlich kindt geberen / vn(d) das selb kindt mag lang leben.

Item auch im achten vnd neündten monat / aber die selb(e)n kindt möge(n) nit lang leben / fürter in dem zehenden so mögen die selben kindt lang leben.

Item darumb sprechen die recht in dem obgemelten Titel / das man glauben sol / das die kindt wie obstat recht eekindt sein / wann man mag sollichs nit beweysen / vnd ist vnmüglich zů beweysen / das der des oder des sun sey / wann zů sollichen wercken nympt man kein zeügen.

Item wo aber der man(n) so alt wer / oder ein solliche kranckheit het / das er zů etlichen wercken nit geschickt wer / wiewol sein fraw bey im wonende ein kindt gebere / sollichs wer nit sein / das hastu clärlich in de(m) nechsten obgeschribe(n) titel.

Vn(n)ica p(re)tas. Patria. Judicialis. Item merck / es sein drey gewalt / der ein heißt Dominica / der herren über ir eygen menschen / der annder Patria / der vatter über sein eelich kindt / der dritt gewalt / Judicialis / gerichts gewalt.

Lebenmann ist schuldig seinem herren. Item mitt dieser clage mag vordern der vatter das kindt / der burgermeister sein burger / der apt sein münch / der lehenherr sein lehenman(n) / dz er im vnderthänig vnnd willig sey zů thůn das / das er im schuldig sey zů thůn / als zů im in ein here zů ziehen / zů hilff zů kommen / so der herr ein landt will kauffen / den herrn vß gefencknüß zů lösen.

hec habentur in li. feudorus et in spec. ti. d(e) feudis. §. q(ue)m et nota. Item zů steüwer zů kommen / so er ritter will werde(n) / oder sein töchter zů der ee wil geben.

Item das ein lehenherr seim lehenman(n) als vil pflichtig ist / et econuerso.

Der herr seim lehe(n) man schuldig. Item merck / das der lehen herr seim lehen mann als vil pflichtig ist als der lehen man(n) dem herrn / vn(d) als der lehen man(n) so er sunst sein lehen verleürt / also verleürt auch der lehenherr sein eygenschafft am lehen. Als du sollichs in li. feudoru(m) in vil capiteln vindest / vnd sunderlich im capitel ex facto / das sagt wan(n) der herr sein eyge(n)schafft verleürt. Auch hastu etlich ander weg durch die der herr sein eyge(n)schafft verleürt vsserhalb des lehenbůchs. Als so d(er) herr thůt wider die constitution / si quis intantum / vnd vil ander geschriben recht.

Item es verleürt der herr etliche gerechtigkeit / die im der lehen man(n) von lehens wegen pflichtig wer zů thůn / dz macht dz lang herkom(m)en so einer nichts mer gethan hat seinem lehen herren / dan(n) das ers vom lehen herren empfacht so weder er noch sein vorfarn zům herrn nye in kein here kom(m)en were / vnnd in andern sachen die er dem lehen herrn schuldig ist / vnd so sollichs der herr nottürfftig wer gewesen / vnd ander sein lehenman(n) sollichs von im ermant seind der herr hat in aber zů sollichem nye gefordert / vnd in sollichen puncten so prescribiert der lehen man sollichs wider den herrn / das der lehen man im sollichs nymmer pflichtig ist zů thůn. in speculatore titulo de feudis. Als du das vnd mer vindest in Speculatore titulo de feudis. in libro feudor. Ob aber die eygenschafft al weg dem lehen man heim falle / oder

(136) Das LXI Blat

so der lehen man dz lehen verleürt / ob das lehen dem herren allweg heimfalle oder dem erben / sůch im lehen bůch.

vt. iiij. q. iij. §. ite(m) in criminali. Item der lehen man ist seim herrn nit schuldig wid(er) ein yegklichen zů helffen. Vnd besunder nit wider sein gemeyn vnder den er wont / vnd auch wider etlich person die im zůgehören.

De vsufructu.

Von dem nutz der habe.

Vsufructus heißt nutz / vnd ist so einer recht hat sich zů brauch(e)n frembder habe / die zů nyessen on schaden des grunds oder bodems / wan(n) vsufructus ist ein recht vff dem corpus. Vnd wan(n) dz corpus nym(m)er ist / so nympt auch vsufructus ein ende / vsufructus würt von der eygenschafft vnderweylen gescheyden / vnnd das geschicht in manig weg / als einer eygenschafft vsufructum / so hat der erbe allein die eygenschafft / vnd dem geschafft ist hat vsufructu(m) / vnd widerumb so ich dir schaff des grundes eygenschafft / allein der dem geschafft ist / hat die blossen eygenschafft / aber der erbe hat vsufructum.

Item es mag einer eim vsufructum / dem andern die eygenschafft schaffen wo aber einer on Testament wil eim vsufructum constituiern / d(er) sol das mitt geding thůn / das ist in latein pactionibus vnd stipulationibus.

ff. c. l. vj. et. l. vij. Item der richter mag auch constituieren vsufructum in der clag von dem erbe zů teylen / vnd in der clag gemeyn habe zů teylen / wo der richter eim die eygenschafft vnd dem andern den nutz vrteylt.

C. de bona. q(ui)sq(ui)s. Item auch zwyschen den lebenndigen würt auch vsufructus constituiert / nym war der Titel / er wil transferieren vnd in einander giessen / vnnd im den nutz behalten / als so einer geyt ein acker / wisen / oder hauß / oder gült (et)c. vnd behelt im den nutz das mag er thůn.

C. de bo. que li. l. ante penul. Item vß dem gewalt des rechten würt vsufructus constituiert dem vatter in der habe seins kindes / die in latein adue(n)ticio geheissen ist / vo(n) de(m) du hernach hast in der clag kauffen. Sollichs mag auch in andern vil puncten geschehen / nymwar / die můtter die iren sun erbt mit sein brüdern / die hat in der vätterlichen habe allein den nutz.

in auten. de nuptijs. §. huic. et C. de sedis nup. l. iij. Item die fraw die nach dem iar ein andern man(n) nympt / alles das sie gewinnen hat von dem vorigen mann / hat sie allein den nutz / vnd die eygenschafft würt den kinden behalten.

Aber das die eygenschafft alltzeyt so gar nit vnnütz werde / so allweg d(er) nutz von der eygenschafft kom(m)e / hat sollichs dem rechtsetzer wol gefallen / das vsufructus in etlich weg verlesche / vnd wider zů der eygenschafft kom(m)e.

Item vsufructus würt nit allein constituiert vnd gemacht vff ein grundt vnd in heüser / sunder auch in eygen leüten vnd thieren / auch anderen ligende(n) vnd farenden haben / vßgenom(m)en die habe die mit vnd in dem gebrauch vertzert werden / wann die selben habe nehmen sie wider vß natürlicher vernunfft / noch vß vusufructum / als ist wein / öl / getreyde / vnd cleider / vn(d) die sein gar nahendt getzelt zů gelt / wan(n) die ding durch fleyssigen gebrauch vergeen.

Item der der vsufructum hat / mag sein recht eim andern verkauffen / hinleyhen vn(d) vmb sunst günnen / über den willen des herre(n) des die eyge(n)schafft ist

M

(137) Der Erst Teyl

also dz ius personale die selbe gerechtigkeit in im bleyb / wan(n) er geyt in solichem v(f)kauffen (et)c. allein macht die frücht zů nyessen / vn(d) also v(f)geet d(er) nutz da(n)nocht vß seiner person / er mag keim frembde(n) sein gerechtigkeit gebe(n) / also das er ius personale nit habe / vn(d) wan(n) er sollichs thůt so verleürt er vsufructu(m) / vn(d) d(er) herr kompt wider zů der eygenschafft / der mags geben in wölchen Titel er will.

Vsusfructus finitur. Item vsufructus nympt ein ende so der fructuarius / das ist der d(er) den nutz hat stirbt / oder so er in ein Insel oder über wasser / oder veldt versendet würt / oder so im die statt verbotten würt / vnd alle sein habe consistiert oder gemeyn geteylt würt / vnnd mit nit gebrauche in der form vnd zeyt wie recht ist / das ist in zehen iaren vnder dem gegenwertigen / vnd zweintzig iaren vnder den nitt gegenwertigen. ff. c. l. au vsufructus. Wo aber vsufructus geschafft oder gebenn were einer statt / so gebürten hundert iare den nutz zů verlieren.

Item vsufructus nympt ein ende wann vsufructuarius dem herrenn der eygenschafft den nutz geyt / vnd widerumb wo der vsufructuarius die eygenschafft auch überkompt.

Item wo das zymmer verbrunne oder in eim erdtbidem oder sunst verfiel / verleürst auch vsufructum.

insti. de vsufruc. per totum. Item wann vsufructus ein end hat / so kompt er wider zů der eygenschafft vnd von der selben zeyt hebt der herr der eygenschafft an vollen gewalt zů haben / inn vnd zů der habe.

C. de vsufructu. et habitatione (et)c. ff. de vsufruc. et que(m)admodu(m) q(ui)s vtatur fruatur. (et)c. de vsufructu accresce(n)do. de vsufructu. ea re. que vsu psum. et vsu fruc. que(m) ad ea. Item in wölcher habe vsufructus der nutz constituiert mag werden / vnnd wie groß die nutzung sein möge / wan(n) alles das im veldt grundt wechßt ist alles sein / yedoch so mag er getzwungen werden dz er recht bauw / er mag auch vß notturfft ist es widers herren der eygenschafft willen bessern / er můß auch gült vnnd tribut betzalen / er mag auch getzwungen werden das er die heüser vnd scheüren decken laß vff sein kosten / vnd was du hie in(n) nit vindest / sůch.

De petitione hereditatis.

Von erbe vorderung.

Es macht sich offt so einer stirbt so wil in einer erben der der nechst ist / dem gebürt dise clag. In der sich.

ff. d(e) vulga. et pupil. substi. l. ij. Am ersten gebürt / das der todt sey / vonn des erbe tractiert würt / wann wir sollen nit sorgfeltig sein vmb des erbe der noch lebt.

C. de post li. reuer. l. nec nos. Am andern das ich sol wissen das der todt sey.

ff. d(e) peti. heredi. l. ij. et. iij. Am dritten ich sol wissen ob er todt sey on Testament / oder ob er ein Testament gemacht hab / also das am ersten ich mag ein weg welen / vnd mag fürbaß von dem gewölten nit fallen od(er) lassen / ich were dan(n) vatter oder můtter / oder vß den kinden / biß vff den vierden grad / den selbenn schadt die obgemelt wale nit / wan(n) in ein weg felet so mögen sie den andern auch geen.

C. q(ui) testa. fa. pos. frater patruelis. Am vierden / wil ich vß dem Testament erben (et)c. das der ein sollich person gewesen sey / der do mit recht ein Testament möge machen.

ff. de here. insti. et q(ui) testa. fa. pos. lan testamento. (Am fünfften / am sechsten) (fehlt)

Am sybenden / das ich also instituiert / sey sollichs das mir geschafft ist vähig / anders ich möchte nit zů erben gesatzt werden.

insti. de here. q(ui) ab intesia. Am achtenn das ich sey der nechst in linea transuersali / vonn der seyten an zů rechen / in der do statt habe / die selbe linien oder das selbe glid / in der selben

(138) Das LXII Blat

linien od(er) glid der nechst / der ist auch im erben der nechste / wiewol sollichs in d(en) linien vn(d) glid die do übersteygt felt / wan(n) wölche vo(n) eim kom(m)en sie sein gleych in de(m) grad oder glid oder nit / so sollen sie gleych erben. C. de legit. here. au(c)t. poss. fratres fratru(s) qs filios. Sollichs aber felt in des brůder sun / der gleych erbt mit seim vettern den andern vettern an seins vatter statt / wiewol er mit seinem vettern nit im grad oder im glid ist.

ff. de iur. et fac. igno. l. j. Am neünden wil ich in on Testament erben / ich sol wissen das ich d(er) nechst erb sey / anders ich würd nit zůgelassen.

C. in qui. cau. cessat lon. te(m). p(re)scrip. Am zehenden das der d(er) das erb besitzt kein Titel hab / wan(n) wider den der mit Titel besitzt / würt dise clage. Sůch Azonem wie man das versteen sol.

C. c. ti. Am eylfften das der mit vrsach besitz dz gantz erbe / oder ein Titel / od(er) doch das mynst teyl / er ist aber nit mer schuldig wider zů geben / dann souil vnd er besitzt / oder arglistigklich vom besitz gelassen hat.

ff. c. q(ui)d si possessor. l. vlti. et. l. no(n) tantum. Item merck / in dise clag kom(m)en auch die habe die nit des erbs sein / als die habe die zů pfandt geben sein dem todten / die der todt entlehet hat / oder im zů behalten geben sein. Wiewol das ist / das wir der entleheten vnd zů behalten gebenden habe / eygenschafft vnd besitz vns behalten. ff. c. non tantum. So aber die habe ist vnder der habe gewesen / vnd in gewalt des todten / gebürt vns clag oder exception / wiewol der gläubiger allein hat vmb die genante habe die clage / als das recht spricht. ff. de acquire(n). re. do. in bonis. Wan(n) die habe haben wir in vnserm gewalt von der wegen vns antweder clag oder exception gebürt.

Item merck / das ee dise clag verhört würt / sol der besitzer des erbs gefragt werden / in was meynung er das erbe besitz / besitzt ers dann pro herede / das ist das er spricht er sey ein erb / oder besitzt ers possessorie / das ist als ein rauber / od(er) so ers sunst in gůttem glauben besitzt / für dein clag also.

Herr richter ich clag eüch von .R. vnd das ich bin ein erb vß dem Testament / oder on Testament .C. so aber nun .R. etliche habe des erbs .C. oder etliche habe die den .C. zů versorgen zůstůnden vnd zůgestannden sein / als ein erb oder ein besitzer in gůttem glaubenn innhelt. Bitt (et)c. erkennen das er mir alles das er des erbs .C. besitzt vnd innhelt gebe.

Item alles das im zů versorgen gebürt hat das der genant .R. besitzt vnd in(n)helt oder in(n)halten würd / biß das dißvrteyl geben würt. Auch alles das das er von übelthat oder malefitz .C. schuldig gewesen ist / od(er) den erbe in souil vn(d) er auch richter worden ist / von der zeyt als im verkündt worden ist / das das erbe mir zůgehöre / auch mit allen früchten vnd nutzung die er yngenom(m)en hat vnd die nütz die ich yngenom(m)en möcht haben / nach dem verkünden sol geben vnd betzalen / vnd das er das alles thů / zwingt in (et)c.

Merck du bedarffst nit beide setzen vß de(m) Testament / oder on Testament / du můst nit mer dann ir eins setzen. Diß libel das würt declariert vnd vßgelegt durch die obgeschriben puncten.

ff. d(e) peti. heredi. si debitor. Merck dz du magst vordern die schuld die vß malefitz vn(d) übelthat kompt / mit diser clag / was aber schuld weren vß contract oder dabey / kommen in diese vorderung nit. Der schuldner sprech dann das er auch ein erb were / vnd wider den magstu also clagen.

Herr richter ich sag das ich ein erb bin .C. on Testament / dem selben .C. ist .R. schuldig gewesen vß dem .N. contract .x. pfundt. Nun will er mir die

M ij

(139) Der Erst Teyl

genanten schuld nit betzalen daru(m)b dz er sich ein erben spricht .C. Bit (et)c. erke(n)nen das er mir die genanten schuld vnd alles das / das er dem gemelten .C. schuldig gewesen ist / das erbe .C. mir zůgehöre als eim rechten erben / vnnd das er mir sol alles das widergeben / das er besitzt vnd in(n)helt des genanten erbs / vnd das er mirs auch betzalen vnd vßrichten sol / vnd das ers thů / zwingt (et)c.

Item wider den böß glaubiger besitzer etlicher habe / nenn die habe oder nit wann es můß in dieser clag nit sein .C. besitzt in der selben habe er schaden gethan hat / er ist auch dem gemelten .C. vß malefitz .N. souil schuldig gewesen so hat er auch etlich frucht des selben erbs vertzeret vnnd yn genommen. Bitt ich (et)c. erkennen das erbe .C. mir zů gehöre als eim rechten erbenn das er alles das / das er des genanten .C. erbs in(n)helt vnd besitzt oder besitzen würt biß diß vrteyl geben würt / auch alle die habe die er arglistigklich vo(n) im gelassen hat / auch was der habe minder worden ist / vnd alle die vertzerte vnd yngenommen frucht / vnnd die ich yngenom(m)en möcht haben / hette ich besessen / auch den wert des schadens den er im erbe gethan hat / den ich schätz an zehen pfunde / vnnd alles das er auß malefitz vnnd übelthat dem gemelten .C. pflichtig was / das ich alles das ein erbe vorderen mag / sol mir betzalen / vßrichten vnd körung thůn / vnd das ers thů (et)c.

insti. de perpe. et tempo. act. §. no(n) omnes autem. Merck dise wort / das ich also ein erbe vordern mag hab ich gesetzt darumb Wann etliche clage kom(m)en vß malefitz vnd gebüren de(m) erben nit / als die clag iniuriarum / vmb schmacheit / die selben werden den erben nit geben.

ff.d e peti. here. l. item veniunt. §. cum p(re)diximus. Item die clag die auß malefitz dem erben gebüren wie obstat / gebüren allein nur einfach.

Finium regundorum.

Von marckstein zů setzen vnd vndergeend.

Darumb das die die anstossend gründe haben gar offt vneins werden / vn(d) mit einander kriegen. ff. c. l. j. (et)c. Ist gemachet dise clag mit der die partheyen gescheiden werden / als so einer des anndern grundt eins teyls yntzeücht / oder er wil in nit lassen marckstein setzen / oder hat die marckstein dannen gethan.

In diser clag gebürt sich.

ff. c. l. j. et. loci l. fini. regun. Am ersten das der der die clage füren will sey des grundes herre / oder aber recht hab zů dem grundt / als dann seind vsufructuarius vnd der glaubiger.

ff. c. hec actio. Am andern das der grundt sey rusticum / das ist veldtgrundt. ff. de verbo. sig. vrbana. Wann die stettgründe heissend nit anstossend / sunder nahend gründe / wan(n) sie seind mit wenden vndermachet / oder vnderscheiden.

ff. c. sed si riuus. Am dritten dz sie anstossen / also dz nicht da zwysche(n) sey / als gemeyner weg oder gemeyn wasser / wo aber ein brunne eins were / das selb schadt nicht / wan(n) ich mag mit diser clag den herren des brunnens beclagen.

Item die weyl zwyschen mir vnd dir ist ein gemeyner weg oder wasser / vn(d) ich wolt doch gern mein grundt vermarcksteint haben / wider den soll ich clagen .R. du solt zům richter geen / vnd in bitten / das er sollichs gebiette von seines ampts wegen / das dir marckstein gesetzt werden.

C. c. si constiterit. Am vierden das der der dise clag füren wil hab mitt seim eygen gewalt die ende des grunds nit occupiert / wan(n) er würt gestrafft das er nit clagen möcht.

(140) Das LXIII Blat

ff. c. licet. Am fünfften / das dein grundt sey occupiert von eim andern darumb das du die stein nit setzest / oder so die stein dannen gethan sein.

Also formier dz erst so du wilt dz die gründ vermarcksteint sein od(er) werden.

Herr richter ich clag eüch von .M. vnd sage / wie das ich vnd .N. haben an dem ende zwo wisen an eina(n)der stossen / in meiner wisen sollen sechs tagweidt sein / vnd in seiner drey tagweid / vnd wan(n) nun die wisen nit versteint sein / vn(d) darumb occupiert .N. meiner wisen zwey tagweid / vnd hat das graß od(er) hew in bösem glauben yngenom(m)en / das schätz ich für .x. pfundt. Auch hat er auff dem selben grundt etlich baum abgehauwe(n) / dich ich schätz auch für .x. pfund Bitt ich eüch die sach (et)c. erkennen das mir der genant .N. die .xx. pfundt geben sol / vnnd bitt eüch das ir die wisen sechs tagweid bleyben / mag es anders nutzlich sein / wo es aber nit nutzlich mag gesein / also das ir meinem grundt etwas von .N. grundt müssen zůgeteylt würt / heissent dem andern für ein tagweidt .xl. gulden geben / vnd wölcher eüwerm spruch nit nachkompt / also das die stein gesatzt mögen werden / was der ander sollichs schaden nympt / vnnd mit seinem eyd behelt / wölt in verdamnen.

Item das ander libel gebürt / so die marckstein sein dannen gethan / vnnd das mag in zwen weg sein / das die alten stein wider gelegt werden vnnd das man die selben stein für marckstein helt / oder das neüwe stein gesetzt werden.

In disem casus formier dein clag also.

Herr richter ich sag eüch wie das ich vnd .R. alda haben zwo wisen an ein ander stossen / vnd die selben wisen waren alda vermarcksteint / an dem ende. So aber der genannt .R. die stein dannen hat gethan / oder also. So aber die genanten marckstein sein verruckt / oder dannen gethan / vnd der genant .R. hat meiner wisen zwey tagweid yn getzogen oder occupiert / vnd darumb in bösem glauben die frucht yn genom(m)en / die schätz ich für .x. pfundt / oder also. So aber der genant .R. vmb der genante(n) marckstein willen sich mit mir zweyet / vnd wil die anwenden / oder zil / oder marckstein nit halte(n) / sunder er occupiert über die marckstein zwey tagweid / vnd hat die frucht in bösem glauben yn genom(m)en / die schätz ich an .x. pfundt. Bitt (et)c. erkennen das er mir die .x. pfundt geben sol / vnd das er die genanten zil vnd stein halten sol / oder also. Bitt (et)c. erkennen das er die genanten stein sol für marckstein halten / vnd mir .x. pfundt für die frucht die er in bösem glauben hat yngenommen geben sol (et)c. Also geschicht es offt das einer die marckstein dannen gethan hat / vnd .R. weiß nitt / oder villeycht steen die stein noch. Aber .R. leucknet das sie marckstein sein / vnd er hat meines grundes zwey tagweid yngenommen.

ff. de termino moto. l. ij. Item wan(n) einer die marckstein mit willen vßgrebt / den mag man für gericht laden vnd sol in fünfftzig gulden dem fisco verdampt werden.

Item wann die marckstein zerstöret sein / vnnd die gründt mögen nit wol bey sollichem stein vnderscheiden werden / würt geclagt das / das die stein gesetzt werden. Also.

Herr richter ich clag eüch / das ich vnd .R. haben alda zwo wisen / der selben wisen marckstein von alter alda gewesen sein bey dem stein alda gelegen / oder stend biß in den stein alda stend / vnd fürter von dem stein in den winckel

M iij

(141) Der Erst Teyl

biß an den baum / vnd so nun der genant .R. die anwenden vn(d) stein nit halten will / sunder er überteylet mich in souil / vnd übernympt in bösem glauben die frucht die schätz ich zehen pfundt.

Item so die genante(n) gründt durch die genanten stein nit nutzlich versteint sein. Bitt (et)c. erkennen das die alten stein sollen gehalten werde(n) / vn(d) sollen die stein marckstein sein / vnd dz er mir die .x. pfundt auch schuldig sey zů gebe(n) (et)c.

Item du solt bitten vnd formieren wie es not sey.

C. si. regun. si co(n)siderit. Item wo einer dem ander seind grundt vnd ertzeügt oder vnder vecht vnnd occupiert / die weyl die sach im rechten hanget / vnd noch nit vßgesprochen ist / der würt gestrafft das er die sach verleürt / vnnd würt getzwungen souil seines grundes zů geben / souil vnd er des frembden grundes occupiert hat.

Item dise clage geen nit allein dem des der grundt eygen ist / sunder auch dem hindersessen / dem glaubiger / dem der vsufructum hat.

ff. c. l. iij. finalibus. Item mit diser clag clagt man auch das die marckstein antweder mit dem willen deren die die gründt habenn / oder mitt des willen der den grund empfembdet hat / das sie gehalten sollen werden / vnnd darumb sollen die neüw gesatzten stein / von den die sie setzen möchten gehalte(n) werden / wo aber die selben nit weren / sollen die alten gehalten werden.

ff. c. si irruptionem. Item in allen obgeschrib(e)n stucken diser clage / sol der richter (ist das not ist) die stett selbs besehen / vnd auch die vndergenger schicken vn(d) senden / es sey dz durch die menschen oder das wasser / die stein dannen gethan werden.

Item es kom(m)en auch die frücht vnd nutzung in dise clage.

ff. c. l. iiij. insti. de offi. iudi. §. co q. qs. et. §. co(n)tumacie. Item der schaden vnd die vngehorsamkeit würt gestrafft nach des richters willenn / wo einer dem richter nit gehorsam wil sein / so er gebüet ein baum ab zů hauwen / oder das zymmer am ende zů bauwen / so ers nit dan(n)en will thůn gantz oder eins teyls.

Familie herciscunde.

Von erbe zů teylen.

So die erben wie sie genant sein das erbe wöllen teyle(n) all oder ir einer / wan(n) nyemandt sol über sein willen in gemeynschafft gehalten werden. Ist erfunden dise clage. In der sich.

Am ersten gebürt das etlich erben sein / vß Testament / oder on Testament oder sunst vß eim rechtlichen Titel.

de peti. heredi. ff. c. l. j. Am and(er)n wan(n) einer diß clag fürt dz in die and(er)n für ein erbe(n) veriehe(n) / and(er)s de(n) selbe(n) gebürt dise clag nit sunder die obgeschribe(n) genant vo(n) de(m) erb zů vord(er)n.

ff. c. l. ij. §. vlti. et §. planc. Am dritten / das etwa anders im erb zů teyln sey wan(n) schuld / das sol man nit teylen / wann sie sein vor im rechten geteylt. Aber der richter soll yegklichem erben / der schuld / einem die / dem andern die (et)c. zů teylen.

ff. c. cetere. Am vierden das die habe die im erbe ist / sey nit bößlich gewunnen / nit gestolen / nit geraubt / nit erwůchert.

ff. c. si filia. §. fami. herciscun. Am fünfften das dise clage nit mer dan(n) ein mal sey angefangen worden.

Am sechsten / das das erbe am ersten nit als man das Testame(n)t gemacht hat / oder durch das Testament geteylet sey / als dan(n) sol das erbe fürbaß nymmer geteylt werden / sunder es sol bey der teylung des letsten vrteyls bleyben.

(142) Das LXIIII Blat

ff. de excep. et p(re). scrip. l. j. §. ad b. Am sybende(n) dz wider diß clag nit prescribiert sey / wan(n) wo etlich in gemeynschafft sei .xxx. iar gewese(n) / die möge(n) fürter nym(m)er zů teylu(n)g getzwunge(n) werde(n).

ff. c. fundus. et. l. heredes. §. aut ea. Am achten das die habe also sey das sie geteylt werden mögen / wan(n) sein sie vn geteylsam als dienstbarkeit gerichtes zwang / vnnd ander gerechtigkeit / die kom(m)en in dise clag nit / wan(n) sie sollen eim erben gantz zůgeteylt werden.

Sente(n)tia no(n) debet p. pre valere. Am neünden das in dem gericht der richter absoluier / oder condemnier in die person alle. ff. c. in hoc iudicio. et. l. heredes §. iudex. Wann das vrteyl sol nit eins teyl krefftig sein vnnd eins teyls vnkrefftig. Wann der richter sol nichts vnerfaren lassen.

Also formier dein libel.

Herr richter ich sag vnd sprich das ich vnd mein brůder sollen vß dem Testament vnsers vaters / sein verlassen habe gleych erben. So nun das genant erbe zwyschen mir vnd meim brůder ist noch nit geteylt / vnd der genant .A. mein brůder mich vergicht auch einen erben. Bitt (et)c. ich eüch das ir das genant erbe teylent yegklichem sein halbteyl zů scheident / vnd wölche habe nutzlichen nit geteylt mag werde(n) vnd vnser einem zůgeteylt würt / heisset dem andern gelt darfür gebe(n) durch eüwern rechtlichen spruch (et)c. Oder also. Ich clag über .A. wan(n) er mit mir erb ist an dem erbe .T. des kinder wir seind / vnd in geerbt haben / so wil er das erbe nit mit mir teylen / oder ich kan mit im in der teylung nit eins werden. Bitt ich eüch das ir das erbe zwyschen vns teylent.

Merck / der richter sol ein oder zwen zů sollicher teylung senden.

Item ein ander libel in dem du gar vil puncten vindest.

Herr richter (et)c. ich sag vnd sprich / das ich vnd .A. mein brůder sein erben / .N. vnnsers vatters / das selb erbe .A. allein yn genommen vnnd die nutzung genossen / die schatz ich zehen pfundt.

Item der genannt .A. als er sich des erbs vnderwunden hat / ist er nit also fleyssig gewesen in der selben habe als in seiner eygen habe / vnnd hat also das erbe geschmächt / oder ist geschädiget worden in zehen pfundt.

Item .A. mein brůder als ich von meinen feynden gefangen ward / hat er mit recht .N. angewunnen .x. pfundt schuld / vnd ich hab in dem erbe vßgebe(n) .x. pfundt / als ich ließ bessern das hauß / vnd loßte das pfandt.

Item der genant .N. vnser vatter die wisen alda gelegen die er von meiner frawen in meinem namen zů morgengabe empfange(n) hat / die .x. pfund wert ist / vnd in seinem Testament hat er mir verschaffen / vnnd auch mit gůttem freyem willen gegeben / vnd wan(n) nun .A. mein brůder mich vergicht sein miterben zů sein. Bitt ich eüch das ir mir dz genant erbe halbs zůteylent / vn(d) den halben teyl der nutzu(n)g die .A. darauß empfange(n) hat / die ich schätz .x. pfundt.

Item das er den halben teyl des schadens den er im erbe gethan hatt oder versaumpt hat auch vßricht.

Item das er mir den halbteyl der zerung die ich des erbs halb gethan hab / der aller sum(m) ist zweintzig pfundt wider gebe.

Ite(m) dz er mit mir teyl den gewin(n) den er de(m) schuldner abbehalte(n) hat als ich gefange(n) wz. Bitt ich eüch dz ir das genant erbe zwysche(n) mir vn(d) .A. meine(m) brůd(er) teyle(n)t / yegliche(n) sein teyl zů teyle(n)t / vn(d) ob etwas nit nutzlich geteylt möcht werde(n) / vnd dem andern zů geteylt würde / heissent dem andern gelt darfür geben.

M iiij

(143) Der Erst Teyl

Ite(m) so ir vnser yegliche(n) vff dz glychst die erbschuld zů teyle(n) / zwinge(n)t yegliche(n) dz einer de(m) andern de(m) die schuld zůgeteylt ist / sein teyl der clag vffgebe.

Item dz die gegebe(n) habe vo(n) meine(m) vatter d(er) sein letste(n) willen in mich gesetzt hat / vnd die habe die mir von im vor geschaffen sein die er von meiner haußfrawen genom(m)en hat / zů vorauß mit vrteyl mir zůgeteylt vnd werden.

Item dz die Testame(n)t tafeln vn(d) ander brieff bey mir als bey de(n) eltern soll sein / vn(d) behalte(n) werde(n) / wan(n) ich bin bereit de(n) genante(n) .A. meine(m) brůder die instrument vnd brieff zů weysen vnd zů zeygen als offt das not sein würde.

Item das ir sollich bücher die verbotten sein zů lesen / die wir im erbe gefunden haben / heissent verbrennen / als bücher in zauberey vnnd falsch ertzney (et)c. den genanten .A. das er mir die genanten sach alle thů / als ich sie von im begert hab / mit eüwerm rechtlichen spruch zů verdamnen.

ff. fami. berci. pr(e). et. l. si filia. §. papiniano. et. l. ites labeo. §. ob rem pignori. et.l. si maritus. et. C. c. certu(m). et. l. filie. Item merck / die habe die dem kinde geben würt vom vatter als ob ers wirdig sey / oder so der vatter in yn setzt sein letsten willenn / ist er nit schuldig den anndern brüdern oder erben mit zů teylen. Aber was er im geyt das ers hab in peculium / das ist in sunderheit hab abgescheiden von des vatters gewalt / sollichs můß er mit den andern brüdern teylen.

ff. c. cetere. §. vl. et. l. sequen. et de fide inistru. l. vlt. Item vß dem obgeschriben libel hastu / das in diser clag gebürt sich das etlich habe geteylt sol werden / als die habe die corporales sein / etlich sollen zůgeteylt werden gantz / als die schuld (et)c. ettlich zů behalten gelegt werden als erbbrieff. Etlich sollen vor abgetzogen werden / als die morgengabe / vnd deßgeleychen. ff. c. cetere. §. mala medica me(n)ta. Etlich sollen verbren(n)t werden oder zerrissen / als böse artzney / od(er) zauberey bücher. ff. c. heredes. §. si incerto. Etlich sollen betzalt vnd widergeben werde(n) / als der teyl d(er) frucht oder teyl der expenß / das ist kostung / vnd der teyl des werts des schadens / der schaden sey geschehen mit zerstören oder zerbrechen / oder sey geschehen darum(b) das mein brůder sein willen daryn nit geben wolt / so vnnser vatter vns beide etwas geheissen het zů thůn / vnd ich wer allwegen willig gewesen sollichs zů thůn / mein brůder wolt aber mir sein willen dartzů nit geb(e)n / vnd also bin ich darumb zů recht gefordert worden / vnd sein etwas zů schaden kom(m)en / sollichen schaden mag ich auch wider vordern mit diser clage.

Item etlich sollen volendt werden / als die gebott des testators was er in seinem letsten willen gebotten vnd geheissen hat / vnnd also wölcher diser clage clagen wil der neme der puncten einen oder mer / vn(d) clag wie obstat / nach dem vnd im not sein würt.

item was du nit hie inn vindest / sůch .C. familie herciscunde (et)c.

Communi diuidundo.

Von teylung gemeyner habe.

ff. co(u)i di. l. j. et. q. Wann du hast ein gemeyne habe mit eine(n) vß geselschafft / oder vß einer andern sach / als ob sie dir vn(d) im geschafft sein / oder in wölchen andern weg oder weyß die habe gemeyn ist / vnd du wilt von der geselschafft lassen / vnd die habe für dein teyl besitzen / gebürt dir dise clag. ff. de condi. inde bi. si no(n) forte. §. indebitum. Wan(n) als nyemandt über sein willen getzwungen würt in gemeynsamkeit oder geselschafft zů kommen. C. d(e) fami. herciscun. iudi. l. vlti. Also würt nyemandt über sein willen in geselschafft vnd gemeynschafft gehalten.

ff. c. l. j. Am ersten gebürt sich das die habe gemeyn sey.

(144) Das LXV Blat

ff. c. p. b. iudicius. Am andern das die habe die zů teylen seind seyen corporales. insti. de re. incor. C. sa. hereis. ea q(ue). Wan(n) die habe die nit corporales sein / als schuld / dienstbarkeit oder gerechtigkeit. ff. c. arbores. §. si per eadem. Seindt mit recht yetzundt geteylt / also das sie nit kom(m)en zů teylen / sunder zů vrteylen. Doch mag man vnderweyle(n) gerechtigkeit mit de(n) brauch / oder mit d(er) zeyt teyle(n).

ff. c. p. b. iudicius. Am dritten das die habe nit sey vniuersitas / das ist ein gemeyn.

ff. c. p. b. iudicius. Am vierden / das du der habe eygenschafft habst. ff. c. co(u)i di. §. qui in rem publi. §. si debitor. et. §. si duo. Oder das du sunst recht zů der habe habst / wan(n) ir habt die habe kaufft vo(n) dem der d(er) habe nit herre ist gewesen. In de(n) casus gebürt inen die clag publiciana / od(er) so sie glaubiger sein.

ff. c. co(u)i di. §. cus de vsufructu. Item wo zwen sein die die nutzung haben / mögen dise clag auch thůn / also das yeder ein teyl des grunds brauch oder nyeß / vnd der ander dz ander teyl. ff. c. co(u)i di. §. inter. et. §. neqs. Die andern die aber kein recht zů der habe habenn / mögen dise clag nit thůn als die die nit von recht wegen die habe besitzen / als rauber / dieb (et)c.

Am fünfften / das prescriptio nit statt habe / oder ein geding gemacht sey / od(er) das die habe also sey / das sie von not wegen nit geteylt solt werden.

ff. c. co(u)i diui. Am sechsten / das mein widersach bekenne das die habe eins teyls mein sey.

ff. c. vt fundus. Am sybenden / das dise clag geschehe vmb gemeyn habe / wann wil ich clagen vmb gemeyn habe / vnd nit gemeyn ist / als ob das die gemeyn habe were / ich mags nit vordern / auch mag sollichs der wilkürt richter den d(er) richter senden würt zů teylen die gemeyn habe nit erkennen.

ff. c. si quis putas in princi. et. l. in summa. Item in diser clag würt angesehen vnd gefordert die nutzu(n)g in der gemeynen habe empfangen / auch die expenß das ist kostung vn(d) der schade(n) gethan arglistigklich oder mit grossem vnfleyß.

Herr richter ich clag eüch von .N. vn(d) sprich / als wir habe(n) alda ein gemeyn hauß / in dem selben hauß hat der genant .N. sollichen schaden gethan / wann die wandt (et)c. hat er arglistigklich / oder mit grossem vnfleyß verfallen lassen / ist sie zerbrochen / den selben schaden schätz ich an .x. pfundt.

Item der genant .R. hat das hauß allein gehabt / vnd ist nit anders darin(n) gewont dann in seim eygen hauß / durch sein liederlicheit hat er das vngedeckt gelassen / vnd also hat das hauß schaden genom(m)en in .x. pfundt.

Item der genant .N. hat allein die nutzung vß dem hauß yngenommen die schätzt ich auch zehen pfundt.

Item in dem selben hauß hab ich verbauwet zehen pfundt.

Item der genant .N. wil über mein widersprechen in dem genanten hauß ein badtstuben machen oder hat yetzundt angehebt zů machen. Oder also.

Item der genant .N. hat in meine(n) widersprechen / oder on meine(n) wissen in dem selben haußstuben / oder badtstuben gemacht / vnd wan(n) nun der genant .N. beken(n)t das dz genant hauß mein vnd sein gemeyn sey / vorder ich den halben teyl des schadens / den er mit seine(m) zerbrechen od(er) versaumung gethan hat.

Ite(m) dz er mir den halb(e)n teyl d(er) nutzu(n)g die er vß de(m) hauß genom(m)en hat gebe.

Item das er mir den halbenn teyl der expenß / das ist kostung die ich in der habe verbauwen hab / der summe ist .xxx. pfundt / widergebe.

Item das er vonn dem genannten bauwe den er in dem hauß wil machen lassen / vnnd das / das er gemacht hat / auff sein eygen kostung vnd expenß sol abbrechen / vnd mit mein schaden den ich schätz zehen pfundt / wann souil schadt es mir das die stuben daryn getzymmert sey mir gebe. Bitt ich eüch (et)c.

(145) Der Erst Teyl

das ir das genant hauß zwyschen mir vnd dem genanten .N. teylent / vnnser yegklichem ein halbe(n) teyl / mag es aber nit nutzlich gesein / so vrteylt vnser eim das gantz hauß zů / vnd verdampt den dem das hauß zů geteylt ist / dem andern in sein summe gelts zů geben vnd zů betzalen / vnnd zwingt den genanten .N. zů allem dem das ich ob gebetten hab.

Item merck / in der gemeynen habe ist das wesenn / oder der gewalt des der verbeüt mechtiger vnd grösser dann des andern.

Item wann den glaubigern ist in einer gemeyn ein habe zů geurteylt. Formier also dein clage.

Herr richter ich clag eüch vnd sprich / das das hauß alda gelege(n) / ist mir vn(d) .R. vmb .x. pfundt in gemeyn verpfandt / vn(d) wan(n) nun der genant beken(n)t / dz das hauß mir vnd im verpfandt sey in gemeyn / vnd ich wil von der gemeynschafft lassen. Bitt ich eüch das ir einen vnder vns pfandßgnossen mit eüwerem rechtlichen spruch zů vrteylt in dem genanten hauß / vn(d) den dem pfands recht zů gesprochen würt / dem andern sein schuld zů geben / darumb er dan(n) pfands recht in dem hauß gehabt hat verdamnet / an gesehen das das pfandt besser ist dann die schuld geschätzt mag werden.

ff. co(u)i diui. l. c. §. si duo. et. §. incertos. Item wo aber dz pfandt also vil nit wert were / so solt der dem dan(n) dz hauß zůgeteylt würt / nit verdampt werden die gantzen schuld de(m) andern zů betzalen / sunder er würt nur allein verdampt in dem als es warlichen wert were.

Item merck / ist einer in der teylung des erbs od(er) der habe / so die teylung vsserhalb des gerichts geschehen über das halbteyl rechts werts betrogen / mag er dise clag füren.

Herr richter ich clag eüch über .R. als das erb vß dem Testament oder on Testament mir vnd .R. gefallen ist / vnd ich vnd der genant .R. haben vns des erbs vnderwunden vnd vsserhalb des gerichts geteylt / vnd wan(n) ich aber in der teylung bin betrogen worden über das halbteyl rechts werts / wann das halbteyl erbs das mir der genant .R. die .ix. pfundt die mir außsteen / auff das dz ich gleychen wert meines teyls hab sol gebe(n) / wo er aber sollichs nit thůn wolt. Bitt ich eüch das ir das genant erbe zwyschen mir vnd im mit vrteyl teylent / yegklichem sein halbteyl zůsprechen.

Item deßgleychen magst du auch clagen bist du betrogen worden im teylen von gemeynschafft wegen.

Item in der clag steet nemlich das die teylung vsserhalb des gerichts geschehen sey / wann were sie in gericht / das ist von des richters heissen so er etwan einem dartzů geben hette geschehen / möchtest du nit clagen / wann dir widerstünde die exceptio rei iudicare / das die sach geurteylt were.

Item daru(m)b ist er dir schuldig dz dir vßsteet zů erfülle(n) / vn(d) wolt er dz nit thůn dz als dan(n) die teylu(n)g geschehe / wan(n) im .R. sol die wale gebe(n) werde(n) / ob er wöl erfüllen den rechten wert / oder ob er wölte das wider geteylt werden.

De actione ex stipulatu.

So einer dem andern etwas verheißt mit der handt.

ff. si cet. pe. certi. p(re)dictio. §. j. nisi. So einer dem andern ettwas verheißt / vß was vrsach / vß wölcher pflichtung /

(146) Das LXVI Blat

vß wölchem contract / es sey gewiß od(er) vngewiß / das verheissen ist (wan[n] alles das / das der mensch thůn sol / das ist vngewiß / dann er nicht gewissers hat dan[n] den todt) gebürt dise clag / doch so ferr dz die pflichtung vn(d) obligieru(n)g sey lauter vn(d) nit vff ein nemliche(n) tag / od(er) mit geding / wan(n) vor de(m) selb(e)n tag od(er) de(m) geding gebürt dise clag nit. Also formier dein clage.

Herr richter ich clag eüch von .R. der hat mir verheissen vff mein frag / vff meim grundt alda gelegen (et)c. zů bauwen ein hauß von stein / oder von holtz / das do zwölff schůch weyt .xv. schůch lang vnd souil in der höhe sey vmb zehen pfundt / der müntz so ich im betzalt hab / vnd nun souil zeyt von der zeyt / als er mirs verheissen hat vergangen ist / das er dz genant hauß hatt machen mögen / vnd hat es doch nit gemacht. Bitt (et)c. erke(n)nen das er mir schuldig sey mein schade(n) ab zů lege(n) / den ich sollicher saumnüß nym / vn(d) dz ers thů / zwingt in dartzů mit zymlichen pene(n). ff. de iure. do. cu(m) post. §. gener. In disem libel steet bestympt das dz hauß .xij. schůch (et)c. wan(n) wo schlechts stůnd im libel ein hauß / so wer die vorderu(n)g spöttisch / wan(n) macht er ein hauß eins schůchs lang / er würt ledig getzelt.

ff. de eo q(uo)d certo loco. l. non vtiqs §. si q(ui)s insulam. Item nemlich steet vff meim grundt (et)c. wann sunst were solich verheissen für nicht so mir sollichs kein schaden brächt.

ff. de ver. obli. l. si q(ui)s cum aliter. Item nemlich steet vmb zehen pfundt (et)c. wann in sollichem verheissen sol vrsach sein / vff das / das darumb gefordert mag werden.

C. ad. l. fal. l. vlti. Merck / nach d(er) lerer meynu(n)g so ist nit not zů setze(n) die vrsach d(er) verheissung es ist gnůg dz ich dich verclage(n) mag / als in dem verheissen ist genůg vrsach / wan(n) betzale(n) vn(d) verheissen habe(n) gleych krafft. ff. de proba. cum de indebito. Dan(n) man versicht sich nit dz yema(n)t on schuld betzale. ff. d(e) eden. l. si patronus. Daru(m)b versicht man sich auch nit / das yema(n)t dz er nit schuldig sey verheiß / vnd wan(n) nun also die vrsach der verheissunng allwege versehen würt / so ist nit not das die vrsach in der verheissung bestympt werde das aber betzalen vnd verheissen gleych sey / würt bewisen im recht bůch.

Quattuor obligationu(m) genera insti. d(e) ob. in p(e)n. Ite(m) merck / dz vier obligieru(n)g od(er) verpflichtu(n)g seind / mit worte(n) / in brieffen / mit wille(n) / vn(d) mit d(er) habe. Vn(d) yegkliche pflichtu(n)g ist / dz man dar vß vordern mag on bestym(m)ung nemlicher vrsach. Obligatio. Wan(n) obligatio dz ist verpflichtu(n)g / ist ein band des rechten / mit de(m) wir mit not gezwunge(n) od(er) schuldig sein etwas zů thůn od(er) zů gebe(n) / nach ordenung der rhömischen rechten / oder einer stat recht.

Item die pflichtung / eine heißt allein natürlich / die ander allein rechtlich / die dritt natürlich vnd rechtlich zůsamen.

Naturalis obligatio. Item natürlich pflichtung ist die / die in im hat natürliche billicheit / vnnd vß dieser natürlichen pflichtung / verpflicht vnd obligiert sich allein der waise das ist der / der nit .xiiij. iar alt ist / vnd keinen vatter hat / on seins vormunds gewalt / so der waise damit reycher würt od(er) kein vntrew od(er) arglistigkeit trybt.

Item der vatter dem sune der in seim gewalt ist / vnd der sune dem vatter / dise personen verpflichten vnd obligiere(n) sich allein mit diser natürlichen verpflichtung / aber sie sein einander nit schuldig / wann die natürlich pflichtung ist nit krefftig zů vordern oder clagen.

Ciuil obligatio. Item die rechtlich pflichtunng ist / wann einer mitt der zierlicheit des rechten gebunden ist / aber die natürlich billicheit will nit das er schuldig od(er) pflichtig sey / als wann einer in einen brieff bekennt hat das im gewechselt sey vnnd gelühen worden ein summa gelts / vffhoffenung / das im das gelt getzelt vnd gelühen solt werden / vnd ist im doch nicht worden. Exceptio no(n) numerate pecume. Sich an das nach ordenung

(147) Der Erst Teyl

der rechten ist pflichtung geschehen / aber die natürlich billicheit will de(n) nit schuldig sein zů betzalen / das er nit hat / darumb so mag er vnder zweyen iaren sich beschirmen mit der exception das im dz gelt nit gezelt sey worde(n) / wo er aber vnder zweyen iaren diß exception nit fürbringt vn(d) opponiert / als dan(n) wil die natürlich billicheit dz ers im selbs zů zele vn(d) schätz / vnd würt pflichtig natürlich vnd rechtlich. Also sichstu das die natürlich pflichtung allein vn(d) die rechtlich allein nit togenlich vnd krefftig seind zů clagen vnd vordern.

Naturalis et ciuilis obligatio. Item die natürlich vnd rechtlich pflichtung mag nach ordennung des rechten / sich verpflicht vn(d) obligiert / so wil die natürlich billicheit / des entschuldigt sein vnd diese pflichtung ist krefftig zů vordern vnd zů clagen.

Item der natürlichen vnd rechtlichen pflichtung ist / schaden / oder missethat / oder schmacheit oder dabey.

Obligatio ex co(n)tractu. Item die pflichtu(n)g vß de(n) co(n)tract ist / so zwen od(er) mer mit geding etwas vontrahiere(n) vnd handeln / vn(d) was vß de(m) geding vnd co(n)tract volget vn(n)kompt / als kauffen vn(d) verkauffen / hinleyhen vnd besteen / geben vnd deßgleychen (et)c.

Ex q(ue)si co(n)tractu(m). Ite(m) vß bey / de(m) co(n)tract ist / wan(n) einer des and(er)n geschäfft sich vnderwindt on heissen des / des es ist / als die vormůnd(er) / vn(d) andere persone(n) d(er) gleyche(n) die da co(n)trahieren vn(d) handele(n) / nicht mit de(m) des geschafft sie regiere(n) / daru(m)b so sein sie nit schuldig vß dem contract / sie sein aber vß bey / dem contract schuldig.

Ex maleficio. Item vß malefitz ist / wan(n) einer dem andern stilet raubet / oder andern schaden oder schmacheit zůfügt vnd thůt / der ist pflichtig vß malefitz.

quasi maleficis. Item vß bey malefitz ist / so einer durch sich selbs nit / sunder aber er dabey / als ist wan(n) vß eins hauß oder in dem er wonet / etwas gegossen od(er) geworffen ist / das dem andern geschadt hat / der ist pflichtig vß bey malefitz.

Re contrabitur. Item die pflichtung vnd obligierung beschehen vnd werden volbracht etwan mit d(er) habe / etwan mit worte(n) / etwan mit brieffen / etwan mit wille(n). Mit der habe würt volbracht die pflichtu(n)g im wechsel / entlehe(n) zů bezalte(n) gebe(n) / vn(d) im pfande / wan(n) vß d(er) gewechselte(n) habe / bistu mir schuldig vn(d) pflichtig d(er) selben habe gleyche(n) wid(er) zů gebe(n) / als pfenning / frucht / oder den wein den du mir leyhest / bistu mir nit schuldig wid(er) zů gebe(n) / sunder allein deßgleychen / daru(m)b heißt sollichs billicher gewechselt dan(n) gelühen / wan(n) als bald du mir ein gulde(n) leyhest / so ist der selb gulden nym(m)er dein / sunder mein / were er dein / ich were in dir schuldig wider zů geben / vnnd gebe ich dir ein andern / ich hett dich nit betzalt. Auß der entlehenten / zů behalten geben / vnd verpfandten habe / bist du mir schuldig die selben habe wider zů geben / wan(n) darumb das die habe zwyschen den contract kom(m)en ist / ist schuldig der der die habe genom(m)en hat.

Verbis p(re)trabit. Item mit worten würt volbracht die pflichtung / durch frage / die vorgeet / vnd antwurt alltzůhandt nachuolgendt / wo aber die antwurt vorgeet d(er) frage / ist vnkrefftig die pflichtu(n)g. Also Hans fragt Anthonien / du verheist mir oder gelobst mir zů geben .T. oder zů machen das.

Item es sol gleych darauff geantwurt werden.

Literarum obligatis. Item es würt auch mit brieffen in geschrifft volnbracht die pflichtu(n)g / wan(n) einer brieff geben hat in den er beken(n)t das im gewechselt vnd gelühen sey worden zehen pfundt die im nit gelühen worde(n) sein / aber er hatt sollichs gethan in

(148) Das LXVII Blat

hoffnung das im sollichs gelt getzelt solt werden / vnd wiewol er vnder zweyen iaren sich schirmen mag mit der exception des nit getzaltenn gelts / so die zwey iar vergangen sein / ist er gebunden natürlich vnnd rechtlich mit den brieffen / das selb gelt zů betzalen.

Consensu contrabitur. Item consensu / mit willen würt volnbracht die pflichtung / in geselschafft in heissen / kauffen vnnd verkauffen / dise ding werden allein mit einhelligem willen volnbracht / on habe / brieff oder wort.

Item mit worten würt volbracht die pflichtung / so wir vns vß frag vnnd wider antwurt etwas geben / oder thůn geloben lassen / vnnd verheissen. Auß sollichem kom(m)en dise clag oben vnd hernach geschriben. In diser pflicht wurden etwan sollich wort gebraucht vnd geübt / du verheist / ich verheiß / du gelobst / ich gelobe / ir gelobet mit treüwen / ich gelobe mit treüwe(n) / du würdest bürge / ich würd bürge / du gibst / dich gibe / du würst thůn / ich thůn (!).

Per interprete(as). Item es irret nit ob so gar nicht dise wort geschehen / wan(n) gnůg ist / das die die mit einander contrahieren beide einander versteen / durch sich selbs od(er) ein frum(m)en dolmetschen / in wölcher zungen vnd was sproche das geschehe.

Item verpflicht einer den and(er)n / antwed(er) es geschicht lauter / od(er) vff ein tag / od(er) mit geding. Pura. Lauter so du gelobst .v. gulde(n) zů gebe(n) / daru(m)b so mögen sie alltzůhand geford(er)t werde(n). In diem. Vff ein tag / wan(n) ein tag gemelt ist / vff den od(er) in dem dz gelt bezalt sol werde(n) das dz wir solle(n) bezale(n) vff ein tag / dz sein wir als bald pflichtig / wir möge(n)s aber ee d(er) tag kompt nit rechtlich vordern / auch nit in de(m) selbe(n) tag d(er) gemelt ist / wan(n) d(er) selbig tag steet gantz in de(m) wille(n) des d(er) betzale(n) sol / ma(n) ist auch nit gewiß ob ers vff den selbe(n) tag nit betzalt ee d(er) tag vergange(n) ist.

Item wan(n) du also verheist .x. gulde(n) iarlich zů gebe(n) als lang du lebst / lauter ist die pflicht vnnd ewig. Aber wo der erb sollich gelt vordert / er würt mitt der exception des gedings entschlossen.

Sub conditio(n)e. Item mit geding geschicht die pflicht / wo die pflicht vertzogen oder gesetzt würt vff ein casum / das ist ein vall / oder geschicht / als sey / das das / oder das geschee / oder nit geschee / sol die pflicht krefftig sein. Als sey Peter burgermeyster / würt verheissen zehen gulden zů geben.

Item in der pflichtung mit geding / ist allein die hoffnung schuldig / vnnd die selben hoffnung senden wir zů dem erben / wo dan(n) ye das geding geschicht oder kompt vns der todt beraubt die pflichtung.

Locus. Ite(m) man sol in d(er) pflicht die stat melde(n) / als zů Rom gelobstu mirs zů gebe(n) wie wol diß pflicht lauter ist / doch so hat sie ein zeyt in ir / dz d(er) gelober würt gezwunge(n) dz gelt zů Rom zů gebe(n) / vn(d) daru(m)b wan(n) einer gelobt zů Rom vnd zů Cöln heüt zů gebe(n) / vnnütz ist dise pflicht / wan(n) dz verheissen ist vnmöglich.

Item es mögen nit allein die habe in pflicht gebracht vn(d) getzogen (wie obstat) werden / sunder auch that oder thůn / als so wir thůn vnd lassen / geloben vnd verheissen etwas zů thůn oder nitt zů thůn / vnd in sollichen gedingen ist das aller best das ein peen darauff gesatzt werde. Pena apposita. Wan(n) so der clager sein schaden sol beweysen so sollichs nit geschehen ist / das würt gar schwere mit zeügen bey zů bringen / so mag er sollichs schaden zůkom(m)en mit der peen / wan(n) die gedingt peen wie groß die ist / mag sie gefordert vnd betzalt werden. Also wann einer etwas gelobt zů thůn / so sol die peen bestympt werden. Ist das du das also

N

(149) Der Erst Teyl

nit thůst / so verheist du zů peen .x. gulde(n) zů geb(e)n. Wo aber etwas zů thůn vnd etwas nit zů thůn verheissen würt in einer gesameten frag / so sol die peenlich clausel also bestympt werden / ist das ettwas darwider geschicht oder geschee nit also / so gelobst du zehen gulden zů peen zů geben.

Rofredus. Item was du hie innen nit vindest sůch in Rofredo / d(er) setzt ein vnderscheid zwysche(n) diser vn(d) einer andern clag mit namen / de conditione ex stipulatione.

De conditione ex mutuo.

Von wechseln oder leyhen.

ff. si cer. pe. l. j. et ij. insti. qui. mo. recontra. obli. Hastu eine(m) dein gelt gewechselt dz man gelühen heißt od(er) ettwas anders dz man gewonlich wiget od(er) misset / er ist dirs schuldig zů betzale(n) mit diser clage.

ff. qui. mo. re contra. obli. in p(e)n. Am ersten gebürt sich das diser contract getroffen werd vnd die hab in contract kom(m)e / wan(n) dise pflichtu(n)g vnd diser contract getroffen werd vnd die hab in contract kom(m)e / wan(n) dise pflichtu(n)g vnd diser contract würt mit d(er) habe co(n)trahiert.

Am andern das die habe die also gewechselt würt / sey also das man sie antweder wäg / zele oder meß.

insti. qui. mo. re contra. ob. §. vnde etiam. Am dritte(n) das die habe sey des der es wechselt oder leyhet / also das dz mein dein sey oder werde.

ff. si cer. pe. l. naz et si a furioso. Am vierden das die personen die do wechselent sein also / dz sie eim obligieren / verpflichten oder binden mögen. Nit ein waise / nit furiosus / nit ein narr nit der dem die regierung seiner habe verbotten ist.

Am fünfften / das die habe der selben gütte vnd wert betzalt werde / wan(n) getreyd für getreyd / wein für wein / öl für öl / gold für gold / pfenning für pfenning / also gůt als gewechselt ist sol das betzalt werden.

ff. si cer. pe. l. non omnis. Am sechsten / das das gewechselt getzalt werde / vff das das ders genom(m)en hat / als bald pflichtig werde.

ff. si cer. peta. l. si ego. Am sybende(n) / das dz im co(n)tract nit geirt sey / wan(n) glaub ich dz ich dir wechsel / vn(d) du nympst es in gebe(n)s wyß / od(er) wideru(m)b / diser co(n)tract wirt nit co(n)trahiert.

Item merck / mir der habe werden wir pflichtig vnd obligiert als mit wechsel geben / des wechsels pflichtung ist in disen haben die in wägen / zalen vnd messen geschicht / als mit wein / öl / getreyd / getzalt gelt / glockenspeyß / gold / sylber / die selben habe wir antweder zelent / messent oder wägent / vnd also geb(e)n wirs das sie deren werden die sie von vns nehmen / vnnd vnder weylen vns nit die selben habe / sunder ander der selben natur wider geben werden / vnd darumb würt diser contract genent wechsel / wan(n) von mir würt dirs also geben / das das mein / dein werde / vnd vß dem selben contract würt dise clage.

Item d(er) de(r) ein habe zů eine(m) brauch gebe(n) würt dz ist gelühe(n) / mit d(er) habe wirt er pflichtig / vn(d) würt d(er) selb schuldig d(er) clag gena(n)t co(m)modati / vo(n) entlehe(n) / aber d(er) wechsel genom(m)en hat / ist weyt vnderscheiden von entlehen / wan(n) die entlehent habe würt also nit geben das sie des werde / der sie entlehet / vnd darumb so ist er schuldig die selben habe wider zů geben. Vnd der d(er) den wechsel geno(m)men hat. Ist das er in einicherley weyß das dz er genom(m)en hat verleürt / es geschee von brinnen / heüsern niderfallen / schiff vndergeen / oder rauberey / od(er) in feyndtschafft / nit desterminder bleybt er pflichtig das gewechselt zů betzalen.

Merck in zwen weg würt gewechselt / wan(n) ich mein gelt dir wechsel in meinem namen / so formier ich mein clag also.

(150) Das LXVIII Blat

Herr richter (et)c. sag / das ich gewechselt oder gelühen hab .R. zehen pfundt der müntze. Bitt (et)c. erkennen das er mir gebe(n) sol .x. pfund d(er) selbe(n) müntz / vnd zwingt in dartzů (et)c. ff. si cer. pe. l. certi. p(re)ditio. §. quoniam. Wan(n) aber d(er) wechsel getribe(n) würt so ein ander dz gelt zelet vnd leyhet in meine(m) namen / wan(n) ich sollichs stät hab / gebürt mir dise clage.

Herr richter (et)c. das Petrus Reycharten gewechselt od(er) gelühen hat in meinem namen .x. pfundt der selben müntz geben sol / vn(d) dz ers thů zwingt in (et)c.

Item wo ich aber sollichen wechsel nit stät hette / wiewol .B. meint gelt gelühen hat in meinem namen / so het .B. auch diß clag / wiewol im vonn mir der gewalt nit geben würt. In sollichem casus formier also dein clage.

Herr richter ich .N. sag eüch dz ich .x. pfundt d(er) müntz die ich het von dem gelt dz .H. was / gewechselt od(er) gelühe(n) hab .R. in de(n) name(n) des genante(n) .H. So aber d(er) genant .H. den wechsel nit wil habe(n) dz ich in seim namen gethan hab / vnd der genant .R. das gelt verthan hat. Bitt (et)c. erkennen das er mir .x. pfundt der müntz geben vnd betzalen sol. Das überig sůch in Rofredo (et)c.

Est et tercia certa conditio specialis que datur pro mutuo.

De conditione ob causam.

Von wider vordern der das geben ist vmb sach willen.

Wann du gibst einem etwas vmb das das er etwas thů / vn(d) er thů solchs nit / oder du gibst im etwas das dz geschee / vnd sollichs geschicht nit / also das die vrsach darumb du sollichs gibst nit vollendt würt / du magst wider vordern das du geben hast mit diser clage. In der sich.

ff. de p(re)scrip. verbo. l. naturalis §. ad eundem. Am ersten gebürt das ein contract geschehe der keinen eygen namen hab / vnd doch nit in allen / sunder allein in dem ich gib dir das / das du gebst / vnd in dem ich gib vmb das das du thůst.

Am andern das die vrsach genent werde / vmb der willen das geben würt.

ff. de p(re)di. ob can. l.j. §. ob rem. Am dritten das die vrsach künfftig zeyt antreffe / wann rüret sie die vergangen zeyt / so het ein ander clag stat / mit namen conditio indebiti.

ff. c. l. j. et de ver. obl. l. impossibil. Am vierde(n) dz die vrsach sey erlich vn(d) nit vnmöglich / auch nit wid(er) gůt sitte(n).

ff. de p(re)di. ob tur. cau. l. j. §. ob re(m). Am fünfften das die vrsach darumb gegeben worden ist / sey nit volbracht oder geschehen / vnd also alles das das geben würt vmb sach willen / vnd die sach ist nit geschehen / hat stat die wider vorderung. C. d(e) p(re)di. ob. tur. cau. l. pen. et vlt. Vnnd das verstee wann sollichs vnderwegen bliben ist / on schuld des nemers.

ff. de condi. sine cau. si pecunias. j. R(e)n. Am sechste(n) / das dich sollichs gereüwe / vn(d) also merck dz reüwe vernicht vn(d) zerbricht die co(n)tract die nit eyge(n) name(n) habe(n) / solichs geschehe vm(b) mein vn(d) dein wille(n) oder vm(b) mein wille(n) od(er) nutz allein / doch dz du schad loß gehalte(n) werdest.

ff. c. quida(m) ferno. Item auch so du sollichs nit angehebt hast.

ff. depo. l. j. §. penul. insti. de ma(n)da. §. recte. et insti d(e) societate. §. manet. Aber die contract die eygen namen haben / zerbricht die reüw nit / on allein so du eim macht vnd gewalt gibst in geselschafft / vnd im zů behalten geben.

Herr richter ich clag eüch von .N. dem hab ich geben ein pferdt das er gen Paryß reyten solt / so er aber nun nit gen Paryß geritten ist. Bitt ich eüch das ir mir mit eüwerm rechtlichen spruch wöllent erkennen das er mir selbig pferdt wider geb / vnd das ers thů zwingt in (et)c.

Item ein ander form.

N ij

(151) Der Erst Teyl

Herr richter ich clag eüch vn(d) sprich dz ich .N. gebe(n) hab ein solichs pfert / vm(b) dz er gen Paryß ritte / so er aber nit geritte(n) ist / vn(d) die sacht nit angefangen hat. Auch mich solichs reüwet dz ich im dz pfert gebe(n) hab. Bitt (et)c. erken(n)en als vor.

De conditione ob turpem causam.

Von wider vordern des das geben ist vmb schendtlicher sach willen.

Vnderweylen gibt einer einem etwas vmb einer lästerlichen oder schendtlichen sach willen / doch das die sach des nemers halb schendtlich sey / das gegeben würt wider gefordert mit diser clag. In der sach.

Am ersten gebürt / das du vmb sündtlicher oder schendtlicher sach willen geben hast. Ist das die sach künfftig ist / vn(d) nit vmb vergangner sach willen geben worden sey. Als das die sach künfftig ist / vn(d) nit vmb vergangner sach willen geben worden sey. ff. c. l. ij. Als ich gib dir das das du nit mördst / nit stälst / nyemand schmacheit thůst / das ein yeder schuldig ist zů lassen on alles geben / wann in den zehen gebotten / gebotten würt / du solt nit stelen / nit mörden / nit vnkeüsch sein / vnd wiewol das an im selbs gůt ist das du nyemandt mördest / so solltest du sollichs on gelt vnderwegen lassen / vnd würt dz neme(n) schentlich geschätzt wiewol gůts hernach geuolgert ist / wan(n) das übel ist vnd erwegen bliben.

ff. c. l. ides. §. sed q(uo)d meretrici. Sunderlich ist gesatzt das das laster sol des nemers halb sein / als wan(n) ich gib einer thörin gelt vmb ir bůlschafft / die selb thůt schendtlich / wan(n) sie ist ein thörin / aber sie nympt nit schendtlichen / vnd darumb so hatt die wider vorderung nit stat. C. de adul. l. que adulteriu(m) in fi. Wan(n) die vnkeüscheit od(er) begird in d(er) offne(n) thörin wirt gestrafft.

Ite(m) deßglyche(n) hat die wid(er) vorderu(n)g nit stat / ist dz sie beide geber vn(d) nemer sollicher sünd / schand od(er) laster habe(n). Als wan(n) ich gib einer frawen die nit ein thörin ist gelt vmb ir bůlschafft / od(er) eim dz er mördt / od(er) eim vrteyler od(er) richter das er dz vrteyl für mich geb / wan(n) mit solliche(n) so verfüre ich den richter / vn(d) der Keyser hat gebotten das der geber sol die sach verlorn haben / billichen ist das die wider vorderung růwe wo beidenthalb sünd vnd schand ist. C. de conditi. ob tur. cau. l. ij. Wann in geleycher sach des lasters oder sünde ist besser das wesen des besitzers.

ff. c. l. vlti. Am andern dz die sach künfftig sey als obstat / wan(n) wer die sach vergange(n) / vnd darnach geben worden / das gegeben mag nit wider gefordert werden.

Herr richter ich clag eüch von .N. vnnd sprich das ich im geben hab zehen pfundt der müntz vmb das das er die nit mörden / wann der genant .N. das gelt schentlichen genommen hat. Bitt (et)c. erke(n)nen das er mir schuldig sey das genant gelt wider zů geben / vnd das ers thů (et)c.

De conditione sine causa.

Von wider vordern das do geben ist on vrsach.

Als offt dz kompt dz einer on vrsach eine(n) .x. gulde(n) verheißt / vn(d) glaubt er were sollichs schuldig / vn(d) hat sollichs betzalt / oder villycht bistu solichs schuldig gewesen vß rechter vrsach / aber die selb vrsach ist hernach vnrecht worde(n) / als du hast ein exempel in einer clag vom weschen hernach geschriben.

Am erste(n) gebürt sich dz einer sich verpflicht / als mit v(f)heissen od(er) mit bezale(n).

Am andern das kein vrsach sey / od(er) ist aber ein vrsach da / so ist sie vnrecht gewesen / oder ist aber hernach vnrecht worden.

ff. d(e) re. iu. cuius. Am dritten das du solichs betzalst on wissend vrsach / also dz du nit wissest

(152) Das LXIX Blat

das du sollichs nit schuldig seyst zů betzalen / sunder du solt glauben das du sollichs zů betzalen schuldig seyest / wann wo du weist das du nit schuldig bist vnd betzalst dannocht du magst nit wider vordern / wan(n) du würst geschätzt / das du mit willen habst geben.

Herr richter ich clag eüch von .N. vnd sprich das ich hab bestanden so vil cleider (et)c. zů wäschen / die selben cleider het ich verloren / vnd als ich vo(n) im beclagt ward / ward ich im in .C. schilling verdamnet vmb den wert der cleider. So aber nun der genant .N. die genanten cleider funden hat / oder wider hat vnd also hat er den wert der cleider vnd die .C. schilling on vrsach. Bitt (et)c. erkennen das er mir die genanten .C. schillin sol wider geben / vnd das er mirs gebe.

Item wann du hast in eim instrument gelobt mir .xx. gulden zů geben on vrsach. Formier also dein clage.

Herr richter ich clag eüch von .N. das ich im zehen gulde(n) gelobt hab on vrsach in eim offen Instrument. Bitt (et)c. erkennen das er mich von sollicher gelübnüß ledig sag vnd das ers thů (et)c. ff. si cer. pe. si me et ticium. Auch hat die clag stat vmb frucht die einer on vrsach vertzert hat / die dein gewesen sey.

De conditione indebiti.

Von wid(er) vordere(n) des dz du nit schuldig gewesen bist / vn(d) hast doch bezalt.

Wann einer betzalt das er nit schuldig ist / dem würt geholffen mit diser clage. In der sich mancherley gebürt. Als Rofredus vnd Azo schreyben / die zů schwere sein zů teütsch zů machen / yedoch will ich setzen ein libel.

Herr richter ich clag eüch wider .N. nach de(m) als ich glaubt ich were im .xx. pfundt schuldig / hab ichs betzalt / wiewol ichs im nit schuldig gewesenn bin. Bitt (et)c. erkennen das er mir die .xx. pfundt sol wider geben / vnd das ers thů.

De conditione furtiua.

Von vordern der gestolen habe.

So einer dir dein habe stilet / so hastu wider den selben vil clage mir penen als offenlich diebstal vierfach / heimlich diebstal zwyfach widergebung.

insti. de vsuca. et lon. tem. p(re)scrip. §. j. et. ij. Item die clag der eygenschafft vnd zů zeygen / vnd dise clage / die all gebüren wider dieb / doch wann eine angehaben würt vnnd volfürt / würt darumb die ander mit der peen nit gehindert / vnd widerumb. Vnd die habe můß farendt sein / ligende habe würt nit gestolen.

Item was sich darinn gebürt sůch in Rofredo / da vindestu vnd in Azone doch formiert Johannes diß libel.

Herr richter ich clag eüch von .N. dz er mir dieblichen hat ein sollich schaff das mein gewesen ist genom(m)en. Bitt (et)c. erkennen das er mir das selb schaff sol wider geben / mit der nutzung dauon yngenom(m)en / vnd die ich selbs yngenommen möcht haben / vnd das ers thů / zwingt in (et)c.

Item du můst der habe herre sein die zwo zeyt / das ist so sie dir gestole(n) worden ist / vnnd so du sie vorderst / wo aber die habe nit dein gewesen were / dannocht gebürt dir dise clag wider den dieb / vnd auch sein erben.

Item es kompt auch in diser clag wider den dieb des schadens den du sollichs stelens gelitten hast.

N iij

(153) Der Erst Teyl

De conditione ex lege.

Exceptio no(n) numerate pecunie. Wan(n) einer schreybt dz im gelt vo(n) .N. gelühen sey / dz im doch nit getzelt ist worden vnd gelühen in vil zeyt / möcht der selb sich beschirmen mit d(er) exception des nit getzalten gelts / vnd die selb vil oder lang zeyt was vo(n) den Keysern gesatzt fünff iar / in den selben fünff iaren / wan(n) der d(er) das gelt getzelt het / oder nit / das selb verschribe(n) gelt vordert / mocht sich der verschryber in den fünff iaren beschirmen mit der exception des nit getzalte(n) gelts. Aber die selbe zeyt hat der Keyser Justinianus abgebrochen vnd gesetzt das sich keiner meer vnnd lenger dan(n) zwey iar mit d(er) genanten exception schirme(n) möge. Also solte(n) auch die stett etliche böß gewonheit vnd vnuernünfftig statuten abthůn vnd straffen / die weyl die Bäpst vnd Keyser ir vorfarn recht vnd gesatzd straffen vnd abthůn. Sapie(n)tis e(t) mutare consilium. Wan(n) es gehört dem weysen zů dz er sein rat in bessers verwandel.

Herr richter ich sag eüch das .N. bekant hat in eim offen Instrument mit des notarien handt geschriben das ich im zehen gulde(n) gelühen hab der müntz wann nun zwey iar vergangen sein. Bitt (et)c. erke(n)nen das er mir die genanten zehen gulden geben sol / vnnd das er mirs gebe zwingt (et)c. Also ist dise clag nit auß wechsel oder vß leyhen / sunnder allein wo sich einer verschreybt das gelt das sey gelühen oder nit / getzelt oder nit (et)c.

Ad exhibendum.

Zů zeygen farende habe.

Hat einer dein fare(n)d hab / ist aber die hab nit dein / vn(d) hast doch erw(a)s recht zů d(er) hab du magst clage(n) wid(er) den besitzer d(er) habe / dz er dir zeyge(n) můß dz du sie gryffst / sehest vn(d) ke(n)nen möchtest / diß clag ko(m)pt selte(n) / wem aber sollichs not geschee / d(er) sehe Rofredu(m) od(er) Azone(m). Darumb wil ich allein diß libel setzen.

Herr richter ich clag eüch von .O. der besitzt vnd hat ein solliches bůch / od(er) ein sollichen sylbern becher / wann ich nun willen hab den selbenn .N. zů vordern. Bitt (et)c. erkennen das er mir den genanten .N. offenlich zeyge / vnd sehen sol lassen / vnd das ers thů zwingt in (et)c.

De actione empti.

Von der clag des kauffers.

Hast du eim etwas abkaufft / dir gebürt wider den verkauffer dise clage dz er dir die habe gebe oder dein schaden köre / das in latein interesse wirt genant vnd würt diß clag genant von kauffen. Aber dem verkauffer gebürt die hernach geschriben clage.

Merck / diß beide clag haben etlich gemeynschafft / wiewol yegkliche clag etwas in sunderheit hat. In disen beiden clagen gebürt sich.

Am erste(n) dz d(er) co(n)tract des kauffe(r)s geschee also. dz einer kauff / d(er) and(er) v(f)kauff.

ff. d(e) contrabend. emp. et ve(n)di. l. ij. Am andern das des verkauffers hab sey ware / vnd des kauffers habe sey das gelt / wann on gelt geschicht kein kauff.

ff. de condi. cau. da. l. vlti. Am dritten das dz gelt sey in einer sum(m)e vn(d) nit in einer gestalt. Als ich gib dir das vmb die pfenning / die in dem seckel oder kistlin sein / wann das ist nitt ein kauff / es ist aber sunst ein contract der kein besundern namen hat.

(154) Das LXX Blat

Am vierden das die habe die verkaufft würt sey gewiß / sie sey gegenwertig oder künfftig / als die geburt eins thiers / vnd künfftig frucht eins iars / es were dann sach das allein die hoffnung gekaufft würde. ff. c. nec emptio. et. l. si debitor. §. viri. Als so einer einem vischer ein zugk abkaufft mit demnetz / oder so einer kaufft das gelt dz geworffen wirt so die grossen herren vnderweyle(n) lassen sträwen vnd werffen / als dan(n) ist stät vnd vest der kauff / vnnd ob nicht gefangen würt wiewol die habe in den contract nit kompt / dannocht ist stät der kauff der hoffnung.

ff. c. conuenit. et l. si debitor. Item du solt versteen das die habe kom(m)e in den kauff / die habe werde mitt den augen getzeygt / oder in der verstentnüß. Als ich gib dir zů kauffenn den dritten teyl der frucht die vff dem grund wechßt / oder gib dir hundert ziegel zů kauffen die habe sey corporalis oder nit corporalis.

ff. de contrahen. emp. si co(n)sensus. Item verstee von der habe also das die habe in wesen sey / wann wer die habe nit / so ist sollichs kein kauff.

ff. de contrahen. emp. sue rei. Am fünfften / das die habe nit sey des kauffers eygen / wan(n) also were d(er) kauff nichts / dann als ferr als von des besitz wegen.

ff. de contrahen. emp. sz et celsus §. j. et. l. si in emptione. §. hominem liberum. Am sechsten / das die verkaufft habe also sey / das wir vns der selben brauchen mögen / anders der kauff ist für nichts zwyschen denen die solichs wissen als kirchen / märckt / dantzheüser / vnnd geistlich geweycht oder gemeyne habe einer statt / oder ein freyer mensch.

ff. d(e) contrahen. emp. l. ij. in prin. Am sybenden das die personen die also contrahieren / sein sollich personen / das sie contrahieren mögen / anders der kauff ist nichts.

Nota. Item nota dz .xiij. person sein vo(n) der wege(n) gewonliche(n) die co(n)tract vernicht werde(n) vn(d) krafftloß sein / daru(m)b sprich ich gewonlich / wan(n) ettlich vnd(er) in möge(n) sich etwan verpflichten vnd obligieren / als du hernach geschriben vindest.

Item es sein vnder inen etlich die den contract vernichten vnnd vnbündig mache(n) vo(n) des alters wege(n) / als dz kind vnd(er) sybe(n) iare(n) / vn(d) hinfür vff .x. vn(d) .xj. iar / vn(d) hinfüre biß vff .xij. iar ein fraw / vnd(er) .xiiij. iare(n) ein man(n) / vn(d) fürter biß vff .xxvj. iare. Etlich von ihres wesens wege(n) / als der d(er) noch vatter od(er) sein anhern hat die in noch in gewalt habe(n) / vn(d) d(er) eyge(n) mensch. Etlich vo(n) siechtagens wegen / als furiosus / narren / stum(m)en / vnd vngehörend. Etlich von sünde(n) vn(d) missethat wegen / als die geydisch / kätzer / apostata / abtrünnig von iren orden oder glauben / vnd die crimen lese maiestatis haben gethan. Infans. Infans dz ist der d(er) noch nit sybe(n) iar alt ist / d(er) mag sich wed(er) natürlich noch rechtlich verpflichte(n). insti. de inuti. stipu. §. pupillus. auch in keinen andern / wan(n) in der pflichtung oder obligierung gebürt sich beider will / vn(d) einhellig verstentnüß / wan(n) er hat kein verste(n)tnüß. Maior infante. Sed maior infante / dz ist ein meydlin vo(n) sybe(n) iaren biß vff dz zehe(n)thalb / vn(d) ein knab biß vff dz eylffthalb iare / der ist allein pflichtig zů halte(n) den co(n)tract vo(n) der ee. Proximus pubertati. Proximus pubertati / dz ist der / d(er) vom zehe(n)thalbe(n) / ein meydlin biß vff .xij. vnd ein knab vo(n) eylffhalbe(n) biß .xiiij. iar / solt du mercke(n). ff. de reg. iur. pupillu(m). et. ad. l. iul. d(e) adul. si minor. Als d(er) minor ist vähig d(er) verstentnüß vn(d) arglistigkeit vn(d) daru(m)b so ist er pflichtig von allen sünden / on der sünd des helsen. Antwed(er) er hat ein vormu(n)d od(er) nit / hat er ein vormu(n)d vn(d) contrahiert mit im / er wirt wed(er) natürlich noch rechtlich v(f)pflicht / co(n)trahiert er aber nit mit seim vormu(n)d / sund(er) mit eim fre(m)bden / doch mit gewalt des vormu(n)ds er ist obligiert rechtlich vn(d) natürlich / wiewol er restituiert mag werde(n) / ist er betrogen / hat er aber kein vormundt / er ist obligiert allein natürlich vnnd nit

N iiij

(155) Der Erst Teyl

rechtlichen. Vnd die natürliche pflichtung ist nit krefftig zů clagen vnnd zů vorderen / vß genommen in zweyen sachen / in den er natürlich vnnd rechtlich obligiert vnd pflichtig würt so er kein vormundt hat. Als wann er in eim contract ist reycher worden / vnd wann er vntreüwlich oder arglistigklich hat gethan / wann von des argenlistes wegen ist er gantz pflichtig.

Pubes. Item Pubes das ist ein knab viertzehen / vnnd ein meydlin zwölff iar alt / doch vnder .xxv. iaren ist pflichtig vmb all die co(n)tract die sein vorfar gethan hat der über .xxv. iar gewesen ist den er geerbt hatt / vnd auch vß dem co(n)tract den sein vormundt mit des richters erkennen gethan hat / on in zweyen sachen.

Am ersten / wo er grossen schaden empfangen het / das wer / mere dann das halbteyl rechts werts.

Am andern / ob er betrogen worden were vom vormundt. In den zweyen puncten ist er nit schuldig vß dem contract des vormunds.

Item was aber der iüngling contrahiert / hat ein vormundt er ist nit pflichtig on seins vormunds gewealt / hat er aber kein vormundt der iüngling / er ist pflichtig natürlich vnd rechtlich / yedoch ist er betrogen vn(d) nympt sein schade(n) / vn(d) ob sollichs nit reicht dem halbe(n) teyl rechts werts / er mag sich bitte(n) zů restituiere(n) / in den ersten stand als lang vn(d) er nit .xxv. iar alt ist / vnd hernach vnder den nechsten vier iaren / vnd sollichs restituieren mag er bitten von der habe die er verlorn hat / vnd die er geben hat / vnd die habe die er nit gewunnen hat / dz ist / wer im ein erb gefallen vn(d) er hett dz erb verschmähet vnd hingelassen.

Item wo er für ein bürge worden were / vnd vff das das er restituiert werde / sol er beweysen dz er nit zů seine(n) tage(n) kom(m)en sey vn(d) betroge(n) sey / vn(d) dz felet in fünff casus. In den d(er) minor dz ist der / d(er) nit alt genůg ist / dz ist d(er) nit .xxv. iar alt ist / wid(er) den co(n)tract vo(n) im gethan nit restituiert würt / wiewol er sich betrogen beweyßt. Der erst wo er sein stand verwa(n)delt / so er eim gibt od(er) v(f)kauft daran erteyl od(er) nutz nympt / in dem wirt er nit restituieren vmb den mindern teyl oder cleinsten / vnd vmb sollichs můß der gantz contract vernicht werden.

Der dritt / wo der minor sich gebraucht hat gemeyns rechten / also das er ein reych erbe genommen hette / oder hett ein eygen menschen kaufft des er nottürfftig gewesen were / vnnd die habe verdorben / oder eygen mensch ist gestorben / als dan(n) würt er nit restituiert / wann er ist nit betrogen worden.

Deceptis (et)c. non decipie(n)tibus iura subueniunt. Der vierd ist das er arglistigklich gefaren oder gethan od(er) betroge(n) hatt / wan(n) den betrogenen vnd nit den betriegern lom(m)en (!) die recht zů hilff.

in auten. sacramenta puberu(m). C. de rescin. ven. Der fünfft / hat er ein eyd geschworn das er wider den contract nit kommen oder sich behelffen wöll / darumb das er minor sey / vnd noch nit alt gnůg sey / wan(n) das recht spricht die eyd deren die über zwölff iar meydlin / vnd über viertzehen iar knaben sein willigklich geschworen über ir contractirer habe / wölle(n) wir vnd gebietten sie vnuerbrochenlich gehalten zů werden.

Filiusfamilias heißt haußuatters sune / das ist der / der noch sein vatter hat vnd er hat in noch nit vß seim gewalt gelassen / wiewol er über .xv. iare ist / vn(d) sollichs lassen vß vatters gewalte / solt geschehen in eim instrument / wo aber ein sollicher hat ein vatter vnd ein anhern / oder fürter hin vff zů zelen / so ist er

(156) Das LXXI Blat

nit in seins vatters gewalt / sunder in seins anhern od(er) altuatters gewalt / wan(n) sein vatter ist selbs in seins vatters gewalt / vnd wer in eins andern gewalt ist / der mag nyemandt in seinem gewalt haben / so er in seins vatters oder altuatters gewalt ist / all die weyl des haußuatters sun in seins vatters oder altuatters gewalt ist / so mag er mit ir keine(n) rechtlichen verpflicht werde(n) / wan(n) nach vßlegung der rechte(n) / so ist die person des vatters vn(d) des suns ein person / dan(n) allein vo(n) d(er) habe die genant würt castre(n)se peculiu(m) / od(er) quasi castrense / wan(n) in den selben haben mag er mit seim vatter contrahieren / das ist vmb das er in den selben haben als ein haußuatter gehalten würt.

Ite(m) wo er sunst mit eim and(er)n co(n)trahiert / er ist pflichtig vn(d) obligiert natürlich vn(d) rechtlich / er mag aber doch seins vatters habe nit obligiere(n) on sei(n) wille(n).

Item diß felet in gelübdnüß vnnd im entliehen oder wechseln / in den selben würt er nit pflichtig / wann ist das er gelobt gemeynem nutz ettwas zů geben / er ist das nit schuldig / verheißt er aber gott als in ein closter zů geen / er ist schuldig / vnd ob sein vatter dartzů seinen willen nit gebe. Im entlehen oder wechsel wiewol er natürlich vnd rechtlich pflichtig ist. Macedoniana exceptio. So würt er doch beschirmbt mit der exception Macedoniani genant / die selb ist hässig erfunden in neyde vnd in haß der wůcherer / vnnd daru(m)b so mag sich des haußuatters sun der selben exception nit vertzeyhen vnd begebe(n) / wan(n) sie ist nicht vmb sein willen sunder in haß der wůcherer erfunden / vnnd darumb wo er in der zeyt vnnd er noch in gewalt der obgeschriben personen einer gewesen ist / gelt entlehet oder gewechselt genommen hette / er ist nit schuldig die selben schuld oder das selbe gelt wider zů geben / weder er noch sein vatter.

Item das felet in den hernach geschriben casus / in denen er oder sein vatter das entlehent gelt schuldig sein wider zů geben.

Der erst wo des hußuatters sun sich mit lügen hat genent er sey selbs haußuatter.

Der ander so inen yederman gehalten vnd geglaubt hat er sey selbes haußuatter / wann er hat gethan vnd contrahiert vnnd ampt gehabt als ein haußuatter.

Der drit so d(er) pupil / dz ist der d(er) vnd(er) .xiiij. iare(n) ist / on sei vormu(n)d / vn(d) d(er) iüngling auch on sein vormundt gelühe(n) vn(d) gewechselt hat des haußuatters sune.

Der vierd wo er den wechsel in seins vatters gewalt vn(d) nutz gekört het / also dz er sein schwester verhinsteüret vn(d) zů morgengab gebe(n) het / od(er) dz haußgesinde dauo(n) gespeyßt / od(er) de(r) glaubiger seins vatters schuld betzalt vn(n)gegeben het / wan(n) als dan(n) so ist schuldig der vatter das selb gelt wider zů geben.

Der fünfft / so er entlehet souil als sich sein vatter nit widern solt im zů geben so er anderßwo ist gesandt / oder aber zů schůle.

Der sechst / wo der vatter sein willen daryn gibt so der sun das gelt entlehet vnd gewechselt hatt / oder so er gegenwertig was vnd es nit widersprach / oder so der sun im brieff gesandt hat das er entlehent hab / vnnd der vatter hatt die that des suns nit improbiert oder widerredt.

Der sybendt / wo er entlehent hat vff das das er sich erlediget von de(m) andern glaubiger des er sich sunst rechtlich nit weren möcht.

Ite(m) merck dz dise exceptio(n) macedoniani gena(n)t gebürt nit allein de(m) hußuatters sune / sund(er) auch seim erbe(n) / vn(d) mit d(er) selbe(n) exceptio(n) wirt beschirmt d(er) bürg.

(157) Der Erst Teyl

Ite(m) merck / wan(n) des haußuatters sun habe hat die in latein genant seind castrense vel quasi castrense / so růwet dise exception so ferr vn(d) weyt die selb habe reicht.

Macedo. Item merck / es ist zů rom einer gewesen der hat geheissen Macedo der ist ein böser wůcherer gewesen / der hat den vorgenanten personen gelt gewechselt vnd gelühen / vnd wan(n) er dan(n) das gelt vn(d) wůcher wolt habe(n) / so vergaben vnderweylen die sün den vättern dz sie stürb(e)n / vnd daru(m)b ist gemacht diß recht in haß der wůcherer / vnd würt geheissen senatusconsultum macedonianum / nach dem wider den es am ersten gemacht ward hat es sein namen.

Furiosus. Furiosus heißt ein narr / od(er) ein tobe(n)der / all die weyl dz er ein narr ist od(er) tobet mag er nit contrahieren / wo er aber vnderweyle(n) nur tobt od(er) mönisch ist / wan(n) sollichs an im vffhöret was er zů der gefunden zeyt thůt / ist gůt vest vnd stät.

Mutus Surdus. Item der stum(m) vnder der vngehörend / die natürlich siechtagen haben / mögen nit contrahieren / wan(n) die pflichtung vnd obligierung geschicht durch die frag vn(d) antwurt (et)c. Vn(d) der d(er) fragt / sol die antwurt des verheissers wideru(m)b hören vnd versteen / das mögen die stummen vnd vngehörenden nit thůn / die anders natürlich sollich siechtagen haben.

Prodigus. Item der geydisch dem die regierung seiner habe verbotte(n) ist / mag nit contrahieren vnd sich verpflichten.

Item merck / also sol man dem geydischen sein habe verbietten. Einer seiner freündt sol zů dem richter geen vnd in bitten / das er offenlich heiß verbiette(n) das nyemandt dem .N. wechsel leyhe oder vff pfandt gebe / oder sunst in keine(n) weg mit im contrahier / wie der contract sey / wann er ist geydisch / er verspilet / verhůret / vnd versaufft / vnd sunst würt er das sein böstlich on / vn(d) verthůts schendtlich / darnach sol er zeügen füren mit den er beweyse / dz er das sein böstlich verthůt / vnd darüber sol sich der richter mit den weysen bedencken / vnnd sol darnach erkennen das er geydisch sey / vnd nach sollichem erkennen / sol der richter sollichs offenlich durch die statt lassen vßrüffen / das nyemandt sol hinfüro dem .N. leyhen / wechseln oder sunst in kein weyse mit im handeln vnnd contrahieren / wan(n) es ist erkennet worden das er geydisch ist / vnd das sein böstlich verthůt / vnd was wider diß mit im gethan oder co(n)trahiert würt / das soll vnbündig / krafftloß vnd vernicht sein. Expedit reipu. ne q(ui)s re sua male vtatur. Wann es ist ein gemeyner nutz das er einer die seinen habe nit böstlich verthů / als geschriben steet.

insti. de his qui sui vl‘ alie. iuris sunt. §. sed etias in fi. Item der ktäzer oder abtrünnig / der der crimen lese maiestatis hat gethan die mögen mit nyemandt contrahieren.

Velleiana exceptio. C. ad sena. co(n)sul velleia. l. senatusco(n)sultu(m). et. l. seq(ue). Item wiewol die fraw vnder den obgeschriben .xiiij. personen nit ist / vnnd wiewol sich die fraw in irem namen obligiere(n) mag / yedoch in bürgschafft wirt ir vnderweylen geholffen mit der exception velleyani genant / wann die fraw eins bürge würt / oder sich für ein andern selbs schuldnerin macht / oder das ir eim anndern zů pfandt gibt / weder sie noch ir bürge ist pflichtig / noch ir habe mag nit für ein andern verpfändt / obligiert vnd verpflicht werden / vnnd ob der selb ir man(n) oder sun were vmb des willen sie sollichs het gethan.

Ite(m) sechs casus sein i(n) den e(r) sich die fraw mit diser exceptio(n) nit schirme(n) mag.

Der erst / wo die fraw bürg wer für das gelt das dem herrn gebe(n) were / vmb das das er sein eygen menschen frey vnd vß seim gewalt gelassen het.

Der ander wo die fraw bürg wer für ein morgen gab einer andern frawen.

(158) Das LXXII Blat

Der dritt / wo die fraw sich diser exception begeben het / yedoch sol sie diser exception vor vnderricht sein / das sie sich damit behelffen möge / wann den frawen ist erlaubt das sie nit schuldig sein die recht zů wissen. Aber die götlichen recht vnd Keyserlichen Constitution / sein sie schuldig zů wissen.

Der vierd / wo sie das gelt oder etwas an des gelts statt genommen hette.

Der fünfft / wo sie den glaubiger hat betriegen wölle(n) / so sie gewißt hat dz sie sich mit diser exceptio(n) behelffe(n) möcht / vn(d) dz d(er) glaubiger nit gewißt hat / wan(n) der blödigkeit d(er) frawen vnnd nit der boßheit od(er) listigkeit würt zů hilff kom(m)en.

Der sechst / ist sie bürg worden oder hat pfand oder ein bürgen geben für ein andern / vnd nach zweyen iaren von der ersten bürgschafft an zů zelen / hat sie sich aber obligiert oder pfandt oder bürgen geben.

Item merck / das sich die fraw nit obligieren noch bürg werdenn mag / für iren mann / in wölchen weg sie sich diser exception vertzeycht vnd begibt / wan(n) als dann so ist es als ob sie dem mann gebe / vnd gebenn zwyschen dem mann vnd der frawen ist verbotten / on vmb der heinsteür vnd hochtzeyt willen / vn(d) vß vrsach des todes / vnd etlich ander mer casus.

Item es ist nit verbotten das sich der mann nit obligieren sol für die frawe(n) wo sollichs kompt in nutz der frawen.

Ite(m) merck / wo nit bürgschaft ist d(er) frawe(n) da růwet die exceptio(n) velleiani genant.

Also hastu wie contract krafftloß vnd vernichten seind der person halb / so aber nun der contract nit allein der person halb / sunder auch der habe halb krafftloß vnd vernichten seind vnd werden / so höre diß clage.

Von den vnnützen contracte(n) der habe halben.

Capitel vom kauffen.

Merck / etlich habe sein die wir vß verbietten des rechten / etlich vß verbiettung der natur nit contrahieren mögen / verbotten ist die empfrembdung ligender habe / des der noch vnder .xj. iaren ist / vn(d) aller der habe des der nit alt gnůg ist / die zů behalten seind / als gold / sylber vnd kostliche cleider / vnd aller der habe die im lange zeyt nit verderben / es sey dan(n) das sollichs geschehe das nach ordenu(n)g der rechten in sollicher empfre(m)bdung geschehen sol / dz sein dise.

Am ersten / das die empfrembdung geschehe vmb schuld / vnd das d(er) glaubiger ye betzalt wölle sein / oder wo wůcher über den minor gieng.

Am andenr / das sollichs geschee mit gewalt seins vormunds.

Am dritten / das sollichs der richter erkent habe / das soll der richter mit gar wol bedachtem můt thůn.

Ite(m) es macht sich auch dz d(er) grund des minors / vnderweyle(n) on des richters erke(n)nen mag empfrembdt werde(n) / als wan(n) der todt / vß des habe d(er) selb grundt d(er) minor worde(n) ist / solichs am letste(n) end od(er) wille(n) geschehe(n) versproche(n) hett / od(er) so der minor sollichs vom fürsten erworben het. Aber die ander habe des minoris die nit behalten mögen werden / als beschaben cleider / oder zerbrochen / vnd obs / als bieren / öpffel (et)c. vnd frucht / als wein / öl / vnd getreyd vnd übrige thier / mögen von den vormunden on des richters erkennen verkaufft werde(n).

Item verbottenn ist die empfrembdunng dem haußuatters sune der habe von seins vatters habe / vnnd die empfrembdung der habe die dem sune worden

(159) Der Erst Teyl

sein vonn der můtter erbe / oder der můtter zůgehört hat / oder was durch glück im kom(m)en were / vnd nit von der habe seins vatters oder vmb seins vatters willen / vnd die selb habe mag auch von dem sun nit empf(r)embdt werden on des vatters willen / wan(n) die eyge(n)schafft sollicher habe ist des suns / aber vsufructus das ist der nutz / des vatters / wo aber des haußuatters sune schuldig oder am wůcher lege / möcht der vatter empfrembde(n) am ersten die farend / vn(d) darnach die ligend habe / was aber dem sun vons vatters habe wirt oder von seinen wegen / mag des haußuatters sun nicht contrahieren / wann es gehört als sammet mit vollem rechten dem vatter zů.

Quasi castre(n)se. Item vmb die habe die castrense vel quasi castrense in latein heisset / dz ist die habe die des haußuatters sun von ertzney od(er) schůl regierung oder mit fürsprechen vnnd ratgeben an den rechten gewynnet / mag er mit eim yegklichen contrahieren / wann in disen haben werden sie gehalten als haußuatter.

Item verbotten ist die empfrembdung des grunds / der zů morgengab geben ist / vn(d) nit geschätzt ist / noch angeschlage(n) an gelt / wan(n) were er an geschlagen an gelt / so hieß er ein gekauffter grundt / diser grund mag wed(er) verkaufft / gegebe(n) od(er) in kein and(er)n weg empfre(m)bdt werde(n) / wed(er) vo(n) d(er) frawe(n) noch vo(n) man(n) / vn(d) ob die fraw ire(n) willen daryn gebe / vn(d) sollichs schwüre / wan(n) dz verbeüt das recht. Qui contra ius fiunt debe(n)t pro infectis haberi. Vnd was wider das recht geschicht / sol für nichten gehalten.

l. j. ff. soma. Item es ist ein gemeyner nutz das die frawen ir morgengab sollen haben / vnd wann ir mann sterben das sie ander zů der Ee nehmen / vnd also die stett werden vol freyer menschen.

Fu(n)dus dotalis. Item wiewol der morgengab grundt willigklich nit empfrembdt soll werden / doch so verhengt das recht / das er vß not empfrembdt mag werden / als wan(n) die fraw zů morgengab geben hat ein teyl eins vngeteylten grunds vngeschätzt / vnd vnangeschlagen an gelt / vnd so der man(n) gereitzt würt von seim gemeyner zů der teylung / wan(n) als dan(n) so geschicht sollichs vß not vn(d) nit mitt willen / aber anders ist es / wann er das gereitzt hett.

Ite(m) nottürfftig ist die empfre(m)bdung so d(er) man(n) seim nachpawern nit genůg thůn wil für den schade(n) / so d(er) morgengab grund des nachpawrn zym(m)er zů falle(n) trauwet / vnd vmb sollichs ist der nachpawr vom richter yngesatzt in den besitz / als dann ist die selb empfrembdung nit willigklich sunder nottürfftig.

Item vnderweylen würt der morgengab grundt empfrembdt / wan(n) es der frawen nutz ist das der grundt zů gelt gemacht würde / als so in die fraw verkaufft vnd iren man(n) damit lößte / den vatter zů erneren / auch die töchter vnd die schwester oder iren brůder zů erneren so sie arm sein.

Ite(m) auch wan(n) d(er) man(n) ein and(er)n gru(n)dt vm(b) den zů morge(n)gab genom(m)en hat.

Fundus. Item diß wort grundt bedeüt heüser / scheüren / gärten / äcker / wisen.

Item verbotten ist die empf(r)embdung der habe die der testieret am letsten willen zů empfrenden verbotten hat / wann er die vrsach gesagt hat / warum(b) er nit wolt das sie empfrembdt würden.

Res litigiose. I(t)em verbotten ist die empfrembdung kriegischer habe / vnd diß habe heißt kriegisch vmb der eygenschafft die sach geübt würt vnd getriben zwyschen de(n) ders vordert / vnd dem besitzer / vnnd die sach würt kriegisch als bald die clag geschehen ist / der selben kriegischen habe empfre(m)bdung ist verbotten bey grossen

(160) Das LXXIII Blat

penen / wan(n) der ders nympt in kauffs oder gebens Titel / oder in wölchem andern contracten die kriegisch habe / hat ers gewißt er würt getzwungen die habe wider zů geben / vnd würt dannocht des gelts beraubt / vnd der ders empfrembdt hat vnd das gelt yngenommen / würt getzwungen das gelt dem fiscal zů geben / vnd souil des seinen dartzů. Wo aber der ders genom(m)en hat nit weißt das die habe kriegisch gewesen ist / der můß gantz wider geb(e)n / vnd das gelt sol im wider werden vom verkauffer / der selb verkauffer der můß souil geben dem kauffer vnd dem fisco als dem verkauffer den dritten teyl / wan(n) er hat in betrogen / er solt im das gesagt haben das die habe kriegisch were / die and(er)n zwey teyl sol er geben dem fisco / vnnd dise peen hat auch stat in der hingebung der kriegischen habe / die sol man abschlahen an rechten wert / vnd yegklicher gestrafft werden als obstat am gelt.

Item vnnütz ist der kauff wo einer sein eygen habe kaufft / es geschehe dan(n) vons besitz wegen den er noch nit het / oder vo(n) eins andern rechten wegen das der kauffer noch nit in seiner habe hette.

Item der kaufffrembder habe ist gegünte / wan(n) das einer eim frembd habe verkauffen möge ist kein zweyfel / aber sollichs ist verhengt zů schade(n) des verkauffers vnd nit des herrn / wan(n) d(er) verkauffer ist pflichtig die habe zů übergeben / vn(d) die frembd habe mag er nit übergebe(n) dz in latein heißt tradere / so wirt es im schade(n) bringe(n) / wan(n) er ist schuldig dz gelt wider zů geben hat ers genommen / vn(d) auch schuldig de euictione / vn(d) merck alhie dz der verkauffer schuldig ist die habe zů übergeben / das ist das er můß machen das der kauffer hab vollen besitz / das ist das er der mechtig sey im besitz / also das der besitz im rechten im nit angewunnen mag werden / wan(n) wo der besitz ym im rechten mag abgewunnen werden / so ist es eben als ob die habe nye übergeben worden sey.

Item sollichs übergebe(n) macht den kauffer ein herre(n) d(er) habe / ist das dz d(er) verkauffer herr gewesen ist. Ist ers aber nit gewesen / so ist er obligiert so im die habe abbehalte(n) ist worde(n). Ist im dz gelt bezalt worde(n) doch mit diser vnderscheid hat d(er) kauffer die habe gekaufft wissend dz sie frembd was. Euictio. Ist im dan(n) nit versproche(n) worde(n) die vertigu(n)g in latein Euictio genant / er mag wider den verkauffer nit clage(n) vmb d(er) vertigu(n)g willen / wan(n) er verleürt dz gelt hat ers gebe(n) Ist im aber vertigung verheissen worde(n) bey peen. Als dan(n) ist der verkauffer schuldig das gelt wider zů geben / vnd alles das dem kauffer versprochen gewesen ist / es sey zwyfach oder dreyfach on allen schaden interesse gewesen ist / es sey zwyfach oder dreyfach on allen schaden interesse genant.

Ite(m) wo er aber gekaufft hat vnwissend fre(m)bde habe / vnd im ist versprochen worde(n) bey pene(n) / ist deßgleychen / wo im abe rnit versproche(n) ist worde(n) / so clag er vmb gelt vn(d) schade(n) nit vff zwyfach sunder allein / vff die natur des co(n)tracts.

Item merck dz frembder habe obligierung od(er) verpfandung ist verbotten / on gunst vnd willen des des sie ist / vnd des glaubers d(er) frembder habe. Nemo po(s)t plus iuris (et)c. Wan(n) es mag nyema(n) de(r) and(er)n mer rechts gebe(n) vn(d) in yntransferiere(n) dan(n) er selbs hat.

Pignus. Item das wort Pignus heißt pfandt / vnd wo eim der besitz es sey farender oder ligender habe in pfands weyß geben würt / so heißt das in latein pignus / wo aber eim der besitz wie obstat nit geben würt / so heißt sollichs pfandt in latein Hypotheca / vnd wann einer obligiert all sein habe mit worten / würt verstanden farend vnd ligend habe / gegenwertig vnd künfftig.

O

(161) Der Erst Teyl

Item merck / wo zwyschen dem glauber vnd dem schuldner diß geding gemacht würt / wo die schuld nit in einer nemlichen zeyt dem glauber betzalt werde / als dann mags der glauber angreyffen vn(d) versetze(n) / vß krafft des gedings mag der creditor nach vßgang des zils das pfandt distrahieren vnd on werde(n) vnd was er von pfandt überigs nympt ist er schuldig dem schuldner wider zů geben / was aber minder ist sol der schuldner erfüllen.

Item wo kein geding in dem pfandt geschehe(n) were / so sol der glauber nach dem vergangen tag der betzalung dem schuldner verkünde(n) das er sein pfand löse / wo ers nit thůt als dann nach zweyen tagen / mag der glauber dz pfandt distrahieren on werden vnd versetzen.

Item wo sollichs geding geschehe(n) were / wo der schuldnerv ff das zil nit betzalt / so solt das pfand des glaubers sein / diß geding ist nichts wert vn(d) krafftloß / wan(n) es ist wider gůt sitten vnd darumb im rechten verbotten.

Item wo sollichs geding geschee / wo die schuld vff die zeyt nit bezalt würd / so solt der glauber das pfandt in kauffs weyß besitzenn doch das dz pfandt im rechten werd geschätzt / diß geding ist zymlich / wan(n) es ist ein kauff mit geding.

Ite(m) vnnütz ist d(er) co(n)tract vm(b) die habe die nit in d(er) natur ist od(er) nye gewesen ist.

Item wo einer verheißt habe die im vnmöglich ist zů geben / als den mon / die sonnen vnd gulden berg.

Ite(m) wo einer verheißt ein habe wiewol die gewesen ist / aber sie ist yetzund nit als etwas das gestorb(e)n ist / dz verheissen ist vnnütz / es were dan(n) dz saumnüß vorm tod gescheen were / als wo einer de(n) and(er)n verheißt etwas / vn(d) er hat es vff den genante(n) tag nit gebe(n) / sund(er) er ist seumig gewesen / vn(d) darnach ist sollichs gestorbe(n) / er ist schuldig den wert des dz v(f)heissen ist wan(n) er ist seumig gewese(n).

Item einer verheißt die habe die noch nit ist / sie ist aber in hoffnung künfftig / als künfftig frucht / oder so einer kaufft ein zugk mit dem netz vom fischer wann als dan ist in sollichem diß geding / sey das etwas gefangen werde.

Item verbotten ist das man keim Juden sol kein eygen menschen verkauffen / wann es zympt nit das ein Jud ein Christen besitz.

Item verbotten ist die empfrembdung der habe die vß dem handel der menschen genommen sein / als geweycht / geistlich / heilig / vnd gemeyn habe / vnnd der frey geborn mensch. Die geweychten habe sein die / die offenlich vn(d) sunderlich durch die Bischoff geweycht sein / als kirchenn / geistlich habe sein todtengreber / heilige habe sein die mauren vnd thor der stett vnd märckte / vnd darumb ist bey dem haupt abschlahen verbotten / wer diß habe zerstöre / oder anders yngeet in die statt oder marckt dann durch die porten. Gemeyn habe sein die grossen wasser vnd die gestad dabey / vnd was gebauwen ist vmb gemeynes nutz willen des volcks / als ratheüser / märckt / dantzheüser. wörde (et)c. Der contract vmb diser habe willen ist vnnütz wo der kauffer vnnd der verkauffer gewißt habenn das sollich habe sein geweycht / geistlich / heilig oder gemeyne / wann wo der kauffer weißt das sollich habe also sein / er verleürt die habe vnd das gelt / wo aber der kauffer nit gewißt hat sollichs / vnd der verkauffer hats gewißt / der verkauffer ist im schuldig souil vnd er sollichs betriegens schaden nympt. Das felet in gottes zierden das in einer kirchenn ist / wann wo die kirch schuldig ist / so mögen sie verkaufft werden gantz / andern kirchen vnnd gotzheüsern /

(162) Das LXXIIII Blat

oder zůsamen gelassen od(er) zerlassen andern weltlichen personen / vnd vmb erlösung willen gefangener leüt. Aber die and(er)n habe d(er) kirchen möge(n) empfre(m)bdet werde(n) / wo die schuld zwingt vn(d) die schuld vo(n) d(er) farende(n) habe nitt mag betzalt werde(n) / als dan(n) sol man die ligende habe zům erste(n) de(r) glaubiger zů pfandt geben / dz ers als lang behalt biß im von d(er) nutzu(n)g vmb dz hauptgůt vnd den wůcher genůg geschehen sey / vn(d) wan(n) man kein vindet der es zů pfandt neme(n) wil / so sollen die die kirche(n) od(er) dz hauß regiere(n) vor de(m) bischoff vn(d) de(m) merern teyl der kirchen diener schwören / das sollichs die schuld zwingt / vn(d) die schuld von farender habe nit betzalt mag werden / vn(d) nach solchem sol die habe feyl gebotten werden vnd feyl sein .xx. tag / vnd wölcher den merern teyl beütet / de(m) sol es gebe(n) werde(n) mit gewalt des bischoffs / vn(d) den merer teyl d(er) kirchen diener da selbst / vn(d) das nach Keyserliche(n) rechte(n). Aber nach geistliche(n) rechten / so nütz sachen der kirchen fürgeben werden / vnd dan(n) sol des bischoffs gewalt vn(d) bestättu(n)g geschehe(n) / vn(d) wo kein kauffer kompt / so sol es de(m) glauber für betzalu(n)g gebe(n) werde(n) / vn(d) dartzů der zehendt sol kom(m)en in die schatzung rechts werts. Als wo die habe sunst .x. wert were / sol mans geben vmb .xj.

Item ein vnnützer grundt der kirchen sol verkaufft werden von der bürde(n) wegen die man von dem grund dem fisco schuldig ist zů thůn / doch můß der prelat schwöre(n) dz ers daru(m)b verkaufft vnd vmb keiner andern sach willen.

Item also hast du das die patron die man nent lehenherre(n) kein gewalt haben über die geistlichen noch weltlichen noch der kirche(n) gůt / sunder allein die der kirchen regierer sein mit obgeschribnem vnderscheidt.

Item in etlichen sachenn ist gantz verbotten die empfrembdung geistlicher habe vnd closter vnd kirchen / vff das dz es nit wider in weltlichen stat kom(m)e.

Item verbotte(n) ist die empfre(m)bdung d(er) habe die der fürst der kirche(n) gebe(n) hat.

Ite(m) d(er) habe die d(er) kirche(n) gebe(n) ist mit soliche(m) geding dz sie nit empfre(m)det werde.

Item verbotten ist der geistlich habe empf(r)embdung on ein kätzer.

Item dise puncten hab ich gesatzt darumb / wan(n) offt in ob vnd hernach geschriben clagen würt der obgeschriben personen habe gedacht. Also hastu hie in diser clag ein zůflucht so es not geschicht vnd thůn würt.

insti. d(e) ob. que ex consensu. Am achten das die contrahieren einhellig sein. Wann wo sie irrent vnnd nit einhellig sein / so ist der kauff vernicht.

Merck sechs irsal machen den contract des kauffens vernicht.

Item wo ich gemeynt hab das ich gekaufft hab vmb zehen / vnd du meynst vmb fünff / der kauff ist vernicht.

Item die irsal des contracts macht den kauff vernicht / so ich meynt ich hett kaufft / vnd du meynest ich hab dirs geben / vnd widerumb.

Item wo der kauffer vnd verkauffer hab(e)n im corpus geirt / so ich meynt ich het den berg oder garten vor dem thor gelegen gekaufft / vnnd du meynst den andern anderßwo gelegen.

Item vernichten ist der kauff wo wir irren an d(er) substantz des corpus oder matery / als der für goldt bley / für bley sylber / oder etwas anders dem sylber geleych / vnd essig für wein setzt.

Item wo nit würt geirret in der substantz sunder allein in der güte / als du mit gold verkaufft vnd ich meynt es wer besser dan(n) es ist / der kauff ist stät.

O ij

(163) Der Erst Teyl

ff. de act. emp. ex empto. §. si q(ui)s. Item vernicht(e)n ist der kauff wo geirt würt im geschlecht / als ich meynt ich kaufft ein frawen / vnd du meynst ein kindt / es were nit so ich meynt ich kaufft ein iunckfrawe(n) / vnd sie ist yetzo zerstöret vnd ist kein. Aber in disem casus hat der verkauffer gewißt das ich geirt hab / er ist schuldig den kauff ab zů lassen.

insti. d(e) emp. §. j. ff. de peric. et como. reiven. q(uo)d si penden(t). Am neünden das der kauff nit in geschrifft geschehen sey / oder mit geding / sunder lauter / wann als dann ee das instrument gemacht ist gäntzlich oder vor dem geding / so mag nit geclaget werden.

ff. de contrahen. emp. si in empt. §. alia. Am zehenden das in den dingen die versůchung begeren / das die versůchung geschehen vnd approbiert sey.

Item diß zehen stuck sein gemeyn der beider clag kauffs vn(d) verkauffs. Aber diß clag des verkauffens begert vnder weylen anders.

ff. de act. emp. l. j. et. C. c. si traditio. Am ersten / das die verkaufft habe sey nit übergeben / wann were sie übergeben / dise clag gebürt nit.

ff. de act. em. l. ij. Am andern ob die habe übergeben sey das der kauffer deren nit mechtig sey inn besitz. Also das nymandt sey im besitz vß vrsach die geschafften habe zů behalten / oder als ein glauber vom richter in besitz gesatzt.

Am dritten das der verkauffer sich das gelt erbotten hab zů geben vnnd auch gäntzlich / anders die clag gebürt nit.

Decem capitula.

Vom kauffen.

Nun wil ich dir setzen zehen capitel die sich in diser clag gebüren. Das erst capitel vß diser clage gebürt dir dz dir dein schad abgelegt werd / das in latein interesse genant würt / vnd das würt in drey wege.

Am erste(n) wo die gekaufft habe nit tradiert vn(d) übergebe(n) ist so würt vß nachuolgu(n)g geclagt vff den schade(n) dz ist interesse gena(n)t / vn(d) also formier dein libel.

Herr richter ich clag eüch von .N. dz er mir zů kauffen geben hat die wisen alda gelege(n) vm(b) .x. pfund / d(er) müntz / vn(d) als ich im dz genant gelt betzale(n) wolt od(er) betzalt hab / wid(er)t er sich mir die wisen zů übergebe(n) / sollichs widerns ich .x. pfund schade(n) nym(m). Bitt (et)c. erke(n)nen dz er mir die genante(n) wisen geben sol / vnd mich inn dem besitz mechtig mach. Wo er aber sollichs nit thůt. Bitt ich eüch in meinen besunderen schaden den ich schätz .x. pfundt zů verdamnen.

insti. de emp. §. quia sane. Merck in diser clag bittestu die habe dir zů gebe(n) / oder dir dein sundern schaden ab zů legen / wann das übergeben ist die pflichtung vnd obligierung / ob ers aber nit übergeben wil / so sol er verdampt werden in sundern schade(n) / wan(n) all die weyl d(er) verkauffer die habe nit übergeben hat / so ist er d(er) habe herr. Vnd daru(m)b wan(n) ers geyt vorm vrteyl als er gebe(n) sol / er wirt vo(n) de(m) schade(n) erlöset.

Interesse. Item interesse das würt gewonlich schad genent / ist ein schatzung oder gezelt gelt die do volgt an stat einer yegklichen habe wo die nit geben würt als sie sol / od(er) eins yegklichen dings wo es nit geschicht als es geschehe(n) sol. Also würt angesehen das interesse / was vns das schaden oder nutz bringen mög so das das verheissen worden ist nit geschehen ist / vnnd sollichs ist vnderweylen mer dann das gelt darumb die habe ist gekaufft.

Item interesse schaden würt geheissen die schatzung des schadens das eim

(164) Das LXXV Blat

geschicht / oder des gewinß der dan(n) růwet vnd versaumpt můß werden so etwas geschehen solt vnd nit geschicht.

Item merck / interesse das ist schaden / kompt vnd würt genennt in drey weg. Etlichs geding / dz ist so einer spricht thů ich nit dz ich verheissen hab so würd ich dir geben .x. gulden für dein schade(n) oder zů penen / vnd den schade(n) ist man alweg schuldig zů betzale(n) nach de(n) vn(d) die parthey sollichs über ein kom(m)en sein.

Item das gemeyn interesse schad ist gemeyn schatzung des schadens das do geschicht eim vß de(m) dz etwas gebe(n) od(er) gescheen sol / vn(d) dz selb würt nit gebe(n) oder geschicht nit an der statt oder in der zeyt / oder würt nit geben als es geben werden solt / oder als es gescheen solt geschichts nit / vnd in de(n) gemeynen schaden werden gerechent die nutzung der habe die man vns schuldig ist / vn(d) lon vnd zynß vnd gült / vnd würt angesehen die statt / die zeyt / vnnd deßgleychen. Singulare interesse. Singulare interesse dz ist sunderlich schad / ist ein schatzung die do kompt vß sunder begird die einer zů eim ding hat. Als so du mir hast zů kauffen geben ein gru(n)d d(er) meins vaters gewesen ist / wan(n) zů de(r) selbe(n) hab ich mer begird wan(n) villychtyend(er)t einer vff d(er) welt / od(er) ich hab gekaufft ein hauß an mir gelege(n) / de(m) selbe(n) hauß sol mein hauß ein dienstbarkeit die ist wid(er) ab / vn(d) daru(m)b ist mir der kauff nützer dan(n) yendert eim andern vff zehen oder mer gulden.

Item in disem libell würt gemelt das ich bereit bin das gelt zů betzalenn / wann wo er das gelt nit betzalt hat / oder bereit ist zů betzalen / er möcht nit clagen vß der clage.

Item du möchtst auch in dieser clag setzen vnd vordern diß frucht vn(d) nutz die vß der gekaufften habe kom(m)en werden / so der kauff gantz krefftig were.

ff. de act. emp. iulianus. cu(m) tribo. l. sequen. Item wo ein hauß gekaufft ist / was dan(n) geschirß im hauß ist vnd zů ewige(n) gebrauch geordent vnd gemacht sein / die gehören auch in den kauff / als eymer damit das wasser vß dem brunnen getzogen würt vnd bild (et)c.

Am andern würt auß diser clage gefordert der schad der do ist ausserhalb der habe / als wann die habe übergeben würt vnd bößlich.

Also formier dein clage.

ff. de act. emp. iulianus. in p(e)n. et §. j. in glo. or. Herr richter ich clag eüch vo(n) .R. d(er) hat mir zů kauffen gebe(n) dz thier vn(d) hat wol gewißt dz es ein siechtage(n) gehabt hat / vn(d) wan(n) ich nun durch den siechtagen des thiers in .C. gulden zů schaden kom(m)en bin / wan(n) dz thier hat mir souil schaffreüdig gemacht od(er) sunst ein and(er) thier / wie dan(n) sollicher schad gescheen vn(d) kom(m)en ist. Bitt (et)c. erke(n)nen dz er mir schuldig sey die genante(n) .C. gulde(n) zů geben.

Zům dritten mal clagt man vff den schaden der vß de(m) kauff kommet / wiewol der contract nit bestendig vnd krefftig ist also.

Herr richter ich clag eüch von .R. der hat mir sollich becher zů kauff geben als sie sylberin sollten sein wiewol sie nit sylberin sein / vnd also bin ich betrogen worden / vnd schadt mir sollichs betriegen .x. pfundt. ff. de act. emp. si iterilis. §. q(ui)squis. Bitt (et)c. erkennen das er mir die .x. pfundt schuldig sey zů geben / vnd das er mirs gebe (et)c. Nymwar d(er) genant kauff ist nit krefftig / wann sie haben geirt in der substantz der matery. Vnd doch magst du clagen vmb den schaden.

Das ander capitel von kauffen würt geben ad cauendum / das ist das der verkauffer getzwungen würt zů versprechen das die verkaufft habe kein siech

O iij

(165) Der Erst Teyl

tagen an ir hab vnd nit schuldig sey / vn(d) auch vom kauffer im rechten nit abgewunnen mag werden / vnd also formier dein clage.

Herr richter ich clag eüch von .R. der hat mir zů kauffen geben ein solliche(n) eygen menschen. Bitt ich eüch das ir mit eüwerm rechtlichen spruch erkennt / das der genant .R. mir versprechen sol / das der genant eygen mensch keinen siechtagen hab / vnd nit schuldig noch flüchtig sey.

Item das er mir versprech das er im rechten nit angenommen mag werden / vn(d) wo er mir nit versprechen wil das er gesundt sey / so schadt mir sollichs zehen pfundt / verdampt mir yn den zehen pfunden.

Item wo der den genannten eygen menschen nit wil versprechen das er on boßheit oder dz er nit schuldig sey / so schadt mir sollichs zweintzig pfundt. Bit ich eüch das ir yn mir in zweintzig pfundt verdampt.

Item wo er nit versprechen will dz er nit flüchtig sey / sollichs schadt mir drey pfundt / verdampt mir yn in drey pfunden.

Item wil er nit versprechen das der eygen mensch nit abgehalten werde / so schadt mir solchs .x. pfund. Bitt ich eüch yn mir in .x. pfundt zů verdamnen. Also wo er in disen puncten vngehorsam gefunden würt / so würt er verda(m)pt.

oia p(re)dicta probank. ff. de acti. emp. l. ex empto. §. si. et. §. seq(ue)n. Item dise schaden sollen alsbald nit geben werden / dann erst so der eygen mensch in diser puncten eim funden ist.

Item merck / das ist der nutz sollichs versprechens / wann wo die verkaufft habe kostlich were / so magst du bitten das dir zwyfach versprochen werde.

Also formier dein clage.

Herr richter ich sag von .R. der hat mir zů kauffen geben ein solichs pferdt vmb .C. gulden / die ich im betzalt hab. Bitt ich eüch das ir mit eüwerm rechtliche(n) spruch erke(n)t dz er mir verspreche(n) sol dz gelt zwyfach wid(er) zů geben / wo es sich vindt das dz pferdt vmb siechtagen willen wider zů geben sey.

ff. d(e) edi. edic. q(uo)d si nolit. et. ff. d(e) euic. l. ij. in glo. or. Item wo mir das pferdt im rechten angewunnen würt. Bitt (et)c. erkennen aber als vor. Also magst du vordern sollichs / vn(d) wo er sollichs nit mit willen wil versprechen / so sol in doch der richter als bald zů solchem verdamnen als ym zwyfach des betzalten gelts / vnnd das betzalen bleybt stehen so lang biß der casus einer kompt vnd erscheinet.

ff. de euic. cum fundus. Item es soll nit der zwyfach wert der habe gefordert werden / sunder allein das gelt darumb die habe verkaufft ist.

Das dritt capitel vom kauffen / würt geben zů zeygen vnd vnderrichten.

Also formier dein clage.

Herr richter ich clag eüch vo(n) .N. der als er .H. erb ist / hat mir zů kauffen geben an dem ende ein wisen vmb .x. pfundt. die ich im betzalt hab / so ich aber noch nit weiß die ende der wisen / vnd der genant .N. hat noch die instrument vnd brieff / in denen die ende vnd tagweid der wisen geschriben steen. ff. de act. emp. ticius heres. Bitt (et)c. erkennen das er mich die ende der wisen soll zeygen vnd die instrument vnnd brieff sol gebe(n) / vn(d) wo er sollichs nit thůn wil / so verdampt mir yn in .x. pfundt schadens / wan(n) es schadt mir souil / wan(n) der verkauffer ist schuldig das er den kauffer vnderricht wie ferr vnd wie groß die wise sey / vn(d) sollichs mag de(n) kauffer vil schade(n) / wan(n) villycht habe(n) die anstosser etwa(n) vil d(er) wisen yngetzoge(n) vnd occupiert / so die end d(er) wisen nit clarlich vnderscheide(n) od(er) vermarcksteint sein.

(166) Das LXXVI Blat

Das vierd capitel vom kauffen würt geben den schaden wider zů keren vn(d) ab zů legen.

Also formier dein clage.

Herr richter ich clag eüch von .R. der hat mir zů kauffen geben ein sollichs pferdt / vnd übergeben vmb zweintzig gulden die ich im betzalt hab / vnnd als nach dem vnd der kauff gescheen / ist das pferdt bey .R. dem verkauffer blibe(n) / der .R. hat wider recht arglistigklich oder mit vnfleyß das pferdt an eim aug geblent / solichs schadt mir .xxx. gulden. ff. de acti. emp. si ea res. Bitt (et)c. erkennen dz er mir die .xxx. gulden geben sol / vnd zwingen yn (et)c.

Das fünfft capitel vom kauffen würt geben ad reuocandum vmb widerrüffung.

Also formier dein clage.

Herr richter ich clag eüch von .R. der hat mir ein sollichs pferdt zů kauffen geben / vnd ich hab dem genante(n) .R. ein sollichen gulden ringkfür den weinkauff geben / wann ee das genant pferdt mir übergeben ward / vnnd ee ich das gelt betzalt sein wir mit gemeyn od(er) einhelligem můt vom kauff gangen / vnd haben vom kauff gelassen. Bitt (et)c. erkennen das mir der genant .R. schuldig sey den ringk wider zů geben / vnd das ers thů zwingt in (et)c.

C. q(ue)n. li. ab emp. recedere. l. j. Item merck / all die weyl das gelt nit betzalt / oder die habe nit übergebe(n) ist / so mag beid parthey zymlichen vom kauff lassen mit irer beider willen.

Das sechst capitel vom kauffen würt geb(e)n vmb wider zů nemen / in latein redibendum genant vnd das in zweyen casus.

In dem ersten / so der verkauffer wissentlichen betrogen hat den kauffer.

Also formier dein libel.

Herr richter ich clag eüch von .R. der hat mir wissend zů kauffen gebe(n) sein eygen frawen bild / ich glaubt sie were ein iunckfraw / sie ist aber ein fraw / vmb zehen gulden die ich im betzalt hab. ff. de act. emp. ex empto. Wann nun der genant .R. mich hat also wissentlich lassen irren / vnd hat mirs nit gesagt. Bitt (et)c. erkennen das er mir die zehen gulden die ich im vmb die eygen frawen irrendt betzalt hab / sol wid(er) geben / wann ich bin bereit im die eygen frawen wider zů geben.

Der ander casus wan(n) yendert ein laster od(er) ein siechtag geoffenbart solt sein worden / vnd ist nit geschehen / vnd wer der geoffenbart worde(n) / oder het ich sollichen siechtagen oder laster gewißt / ich hets in keinen weg kaufft / vonn dem hast du oben ein sunderliche(n) clage. Aber dise clag hat auch stat in etlichen andern dingen die auch solten geoffenbart sein worden / als böß nachpawrn oder anstösser / vmb des selben willen setz ich dir hie ein libel also.

ff. de contrahen. emp. q(uo)d sepe. Herr richter ich clag eüch von .R. der hat mir zů kauffen geben ein solliche wisen alda gelege(n) / vn(d) dartzů den besitz übergebe(n) vmb sechs pfund / d(er) müntze / die ich im betzalt hab / mir ist aber nitt gesagt worden die bösen anstösser oder end des grunds / vnd het ich sollichs gewißt / ich het nit kaufft die genanten wisen. Bitt (et)ch. erkennen das er mir die sechs pfundt sol wider geen / wan(n) ich bin bereit im die genanten gründt wider zů geben / vnd das ers thů / zwingt (et)c.

Das sybendt capitel vom kauffen / gebürt vmb das gelt eins teyls wider zů vordern / vnd das geschicht / wann ich ein siechtagen oder laster het gewißt / yedoch so het ichs kaufft / aber ich het doch souil daru(m)b nit geben / vnd also magst du vordern souil vnd du nicht darumb geben hettest / wo du sollichen siechtagen gewißt hettest.

Also formier dein clage.

O iiij

(167) Der Erst Teyl

Herr richter ich clag eüch vo(n) .R. der hat mir zů kauffen gegebe(n) ein sollichs thier / das den siechtage(n) hat den ich nit gewißt hab vmb. vj. pfundt / die ich im betzalt hab / so ich aber vmb das genant pferdt zwey pfundt minder geben het wo ich sollichen siechtagen an im gewißt het. ff. de act. emp. iuliano. infi. j. R(e)n. Bitt (et)c. erkennen das er mir die genanten zwey pfundt wider sol geben (et)c. Von diser clag hast du clärlicher oben in zweyen sunderlichen clagen.

Das acht capitel würt geben vmb die betriegung / vnnd das in zwen weg / wann arglist ist inn contract kommen.

Also formier dein clage.

Herr richter ich clag eüch von .N. als ich von im kauffen wolt / ein solichs pferdt vmb sechs gulden / hat mir der selb .N. gelogen vom pferdt / vnnd hatt gesprochen es ziehe im karren vnd im wagen / das doch also nit ist / vnd mich also arglistigklich betrogen vnd überfürt / das ich das pferdt von im gekaufft hab vmb acht gulden / wan(n) ich nun zwen gulden vmb das genant pfert mer geben hab dann ich mir fürgesatzt hette durch sein betriegen. ff. de act. emp. iulianus. §. si venditor. Bitt (et)c. erke(n)nen das er mir die zwen gulden wider sol geben (et)c.

In dem andern casus / als so ich ein habe gekaufft hab vnd bin betrogen über das halbteyl des rechten werts / das ist des gelts das du darumb gebe(n) hast. In dem selben casus formier also dein clage.

Herr richter ich clag eüch von .R. der hat mir ein sollichs pferdt zů kauffen geben vmb viertzehen pfundt / vnnd dartzů übergebenn / es ist aber nur acht pfundt wert gewesenn / wann ich nun betrogen worden bin über das halbteyl rechts werts. Bitt (et)c. erkennen das er mir sol widergeben die viertzehen pfund wan(n) ich bin bereit im das pferdt wider zů geben. Wo er aber nit will das diser contract abgeschnitten oder für nichten geteylt werde / das er mir dann wider gebe die sechs pfundt / die ich im geben hab über den rechten wert.

ff. de minor. l. in cause. §. pomp. C. de rescin. vendi. l. ij. Merck / wiewol ymlich ist das die kauffer vnd verkauffer einander betriegen mögen on arglistigkeit. Sie mögen aber doch einander nit betriegen über den halben teyl rechts werts / vnd wo sollich betriegung geschicht / sie mag abgetriben werden durch dise clage.

Das neünd capitel vom kauffen würt geben wider den verkauffer / so dem kauffer die gekaufft habe vor gericht abbehalten würt.

Also formier dein clage.

ff. de euic. l. euicta. Herr richter ich clag eüch von .R. der hat mir alda ein wisen zů kauffen geben / vnd den besitz auch übergebe(n) vmb .x. pfund die ich im betzalt hab. Nun hat .B. die genanten wisen mir als für sein eygen gůt vor de(m) richter abgewunnen mit vrteyl / vnd als ich dem benanten .R. bey zeyt genůg verkündt habe / das er kom(m)e vnd mich beschirme im rechten / das mir die habe nit angewunnen werd / vn(d) mir solichs schadt zwölff pfund das mir die wisen angewun(n)en ist. Bitt (et)c. erke(n)nen dz er mir die genante(n) .xij. pfundt sol gebe(n) / vn(d) dz ers thů (et)c.

Item wie man verkünden sol / vnd der verkauffer die sach beschirmen soll. Sůch Azonem de euictionibus.

Das .x. capitel vom kauffen gebürt das dz im kauff gedingt worden ist vo(m) verkauffer das sollichs erfült werd / vnd in dem formier also dein clage.

Herr richter ich sag eüch das .R. hat mir zů kauffen gebe(n) ein solichs pferdt

(168) Das LXXVII Blat

vmb zweintzig pfundt / vnd als bald hat er mir verheissen zů schreyben ein zedel / wann ich nun das genant gelt dem genanten .R. geben vnd betzalt hab / oder bin bereit im sollichs zů betzalen. ff. de pac. iure ge(n)tiu(m). §. q(ue)nymmo. Bitt (et)c. erkennen das er mir den genanten zedel sol schreyben / wil ers aber nit schreybenn / das er mir mein schaden sol ablegen od(er) betzalen / den ich schätz .x. pfundt / vnd das ers thů / zwingt in (et)c.

De actione ex vendito.

Vom verkauffen.

Als de(m) kauffer mit d(er) vorgeschribe(n) clag geholffen wirt / also würt de(m) verkauffer mit disen clagen geholffen zů vord(er)n dz gelt vom kauffer mit disen clagen.

In dem ersten capitel formier also dein clage.

Herr richter ich clag eüch das ich .R. zů kauffen gebe(n) hab ein solichs pferdt vmb zweintzig pfundt / der müntze / vnnd wann ich bereit bin dem genanten .R. das pferdt zů übergeben.

Item als ich nach solliche(m) kauffen vn(d) verkauffen da dz pfert in eim soliche(n) siechtage(n) gefallen was .x. pfundt vmb artzney vßgeben hab. Bitt (et)c. erkennen das er mir die .xx. gulde(n) daru(m)b er dz pferdt kaufft hat / vn(d) die .x. gulde(n) die ich zů ertzney vßgeben hab sol wider geben vnd betzalen / vnd das ers thů.

ff. de act. emp. q(ue) pendentem. Item als in der vorgeschriben clag sich gebürt das sollicher kauff vmb gezalt gelt geschehen sey / also gebürt sich auch hie / vnd auch das du bereit seyest die verkaufften habe zů übergeben / anders du möchst diß clag nit füren.

Das ander capitel vo(n) v(f)kauffen / gebürt vmb das dz gedingt ist im co(n)tract.

Herr richter ich clag eüch von .P. dem hab ich zů kauffen geben die wisen alda gelegen vmb zehen pfundt / vnnd mit sollichem geding als lang ich leb das ich die bestanden solt haben vmb .iij. pfundt / die ich im all iar geben solt / wann ich im nun den genanten grundt übergebenn hab. ff. de act. emp. tenetur. §. j. Bitt (et)c. erkennen (et)c. Wo er aber sollichs nit thůn wolt / das er mir als dann mein schaden ab solt legen / den ich schätz zehen pfundt / vnd das ers thů /zwingt in (et)c.

Das dritt capitel vo(n) verkauffen gebürt vmb die habe die der kauffer wider recht occupiert oder bekümmert.

Also formier dein clage.

C. de acti. emp. l. ij. in fi. Herr richter ich clag eüch von .R. dem hab ich zů kauffen geben die wisen alda gelegen (et)c. vmb .x. pfundt / vnd hab im sie übergebe(n) / vff der selben wisen was das hew gemeget / od(er) lag dar vff ander frucht ee dan(n) diser kauff geschach. Vnd wan(n) nun der genant .R. die vorgenanten frücht on recht in(n)helt. Bit (et)c. erkennen das er mir die genanten frucht wider sol geben (et)c. ff. c. l. ij. in fi. Deßgleychen / wer etwas abgebrochen oder abgehauwen vorm kauff / die kommen auch in dise clage / wo sie vom käuffer occupiert werden.

Das vierd ca. vo(m) verkauffe(r) gebürt vmb das / dz d(er) käuffer thů dz er thůn sol.

Herr richter ich clag eüch von .R. de(m) hab ich zů kauffen geb(e)n tausent stein vff dem grundt / oder ein hauffen stein / des wol drey wägen vol werden möge(n) vmb .x. pfundt. ff. de acti. emp. si is qui lapides. So aber nun souil zeyt von de(m) vnd wir den kauff mit einander getroffen haben vergange(n) ist / das der genant .R. die selben stein wol dannen gefürt möcht haben. Bitt (et)c. erkennen das er die genanten stein sol da(n)nen füren / wo ers aber nit thůn wolt / das er mir dan(n) meinen schaden sol ablegen / den ich schätz an vier pfundt / vnd das ers thů / zwingt in dartzů (et)c.

(169) Der Erst Teyl

ff. de verbo obli. si ita. Item merck / wo einer etwas thůn sol / so sol der clager souil zeyt harren biß das der verheisser sollichs thůn möcht.

ff. de re. iudi. si q(ui)s ab alio in fi. Item in diser clag magstu bitten das er dir verdampt werde in schade(n) als in allen pflichtung vnd obligierung des thůns geschehen sol.

Das fünfft capitel vom verkauffen gebürt vmb den kauff ab zů treyben vn(d) zů resoluieren.

Also formier dein clage.

Herr richter ich clag eüch von .R. dem hab ich zů kauffen geben ein sollich wisen alda gelegen (et)c. vnd dartzů den besitz auch übergeben vmb .x. pfundt / doch mit sollichem geding / wo er nit vff sant Jacobs tag das gelt betzalt / das er mir die wisen wider geben solt / vn(d) was ich sie vmb minders gelt oder näher fürter verkaufft / das er mir sollichs auch wider gebe / vn(d) wan(n) er mir nun das genant gelt vff das genant zil nit geben hat / vnd ich die wisen .xl. schilling näher verkaufft hab. Bitt (et)c. erkennen das er mir die wisen wider geben sol / vnd auch mir die .xl. schilling betzalen sol / vnd das ers thů / zwingt (et)c.

ff. d(e) pac. int. em. et ve(n). l. j. et. l. q(ue) ea. Ite(m) also hastu dz die käuff vß geding wider abgeschribe(n) od(er) getribe(n) werden.

ff. de le. co(m)missa. l. fundus. Ite(m) du solt wissen wo d(er) die weyl die wisen geschedigt od(er) verderbt het durch vntreüw / grossen od(er) cleine(n) vnfleyß / dz er dir wer schuldig den selben schade(n) so er angeschlagen würt wider zů geen / vnd möchtst sollichs im libel vordern.

ff. d(e) pac. int. em. et ven. que ea. l. j. et. l. co(m)missaria. Item wo du die wisen also verkaufft hettest / sey das du mir dz gelt vff sant Jacobs tag nit gibst / so sey es kein kauff / so bedarffstu die wisen mit diser clag nit vordern / sunder mit der clag der eygenschafft hieuor geschriben.

Item wiewol ich gesatzt hab vil capitel darumb das ich in yegklichem ein sunder clag setze / yedoch magst du in einer clag mer capitel setzen dann eins / als du magst vordern das dir dise gekaufft habe geben werde / oder dein schad abgelegt / vnnd auch dir versprochen werde den kauff zů vertigen / doch sollen die capitel nit wider einander sein.

Emptio contrabitur. Merck / als bald dir des gelts eins teyls würt / wiewol es noch nicht betzalet ist / so ist der kauff beschehen / vnd ob kein weinkauff geben worden ist. Wann das so in weinkauffs namen geben ist / ist ein vrkundt des kauffs also geschehe(n) doch wo der kauff nicht in geschrifft geschehen ist / wan(n) in den käuffen die in geschrifft geschehen / die selben käuffen seind nicht volnbracht / dan(n) so die brieff vn(d) instrument geschriben seind antweder durch den kauffer vnd verkauffer / mitt ir eygen handt von eim geschriben / vnd dem einen seiner eygen handt vnderschriben / wo aber ein sollicher kauff durch ein offenen schreyber geschribe(n) würt so sol die geschrifft den partheyen vorgelesen werden.

Ite(m) als lang der kauffer ein gebrauch hat der kauffstat / vn(d) mag der kauffer auch verkauffer on peen vom kauff lassen / doch also on schaden mögen sie vom kauff lassen / wo kein weinkauff gebenn ist / wo aber etwas in weinkauffs namen geben ist / es sey der kauff in geschrifft oder on geschrifft geschehen der d(er) sich des contracts widert zů volnbringen / ist er der kauffer er sol verliefen das er geben hat. Ist er aber der verkauffer / der selb sol zwyfach gezwungen werde(n) wider zů gebe(n) / vnd ob es nichts vmb weinkauffen verliesen geredt worde(n) were.

Ite(m) dz gelt můß bestympt werde(n) / wan(n) es mag kein kauff on gelt geschehen.

Ite(m) es sol auch ein sum(m)e bestympt werde(n) / and(er)s wo zwen also eins würden / wie .B. die habe geschätzt also solt du mirs betzale(n) vn(d) gekaufft habe(n) d(er) co(n)tract

(170) Das LXXVIII Blat

sol also besteen / ist das der benant .B. das gelt bestympt dz sol also betzalt werden wie ers geschätzt hab / vnd sol die habe auch übergeben werden / vnd mag yegklicher vß disem contract clagen / der kauffer vnd verkauffer.

Item wo aber der benent ist die habe nit wil od(er) kan schätze(n) / so ist der kauff vernichten vnd krafftloß.

Item diser contract sol vmbgelt geschehen / wann wo sunst habe vmb habe geben würt / heißt sollichs nit kauff / sunder es hat ein eygen namen / in latein permutatio / da eins vmb das ander geben würt.

Item wo der kauff wie obstat volnbracht würt / wan(n) er on geschrifft geschehen ist / die sorgfeltigkeit vnnd schaden der gekaufften habe / gebürt gantz als bald / vnd ist des kauffers wiewol die selb habe noch nit übergebe(n) ist. Also wo das thier stürbe / oder am cörpel geschedigt würt / oder das hauß gantz od(er) eins teyl verbrün(n)e / oder der grundt vßkrafft des wassers gantz oder eins teyls hin geflösset würt / oder von überflüssigkeit des wassers / oder da der grundt als die baum von windes krafft vmbgeworffen sein / ist cleiner oder grösser worden / sollichs ist des kauffers schad / d(er) můß wiewol er die habe noch nit begriffen hat das gelt betzalen / wan(n) was on vntreüw oder argenlist vnnd vnfleyß des verkauffers geschicht / ist der verkauffer vnschuldig vnd sicher.

Ite(m) wo etwas nach de(m) kauff de(n) grund durch wasser zůgeben würt / gehört de(m) kauffer sollicher nutz zů / wan(n) des sol d(er) nutz sein / des d(er) schad vnd verlust ist.

Item entpfleücht oder entlaufft dir das gekaufft gůt / oder würt dir gestole(n) doch on vntreüw argenlist vnd vnfleyß des verkauffers.

Recipiens in se custodia(m) rei vendire. Diß vnderscheid ist zů mercken / ob der verkauffer sollichs zů bewaren vnd zů versorgen biß vffs übergeben vff sich genom(m)en hab / wan(n) ers vff sich genommen het / diser casus gehört vff sein verlust / hat ers aber nit vff sich genom(m)en / er ist sicher / diß soltu mercken in allen verkaufften haben.

Item die weyl der verkafufer die habe dem kauffer nit übergeben hat / ist er noch der habe herre.

Item du solt mercken das in den contracten můß die habe übergeben werden / yedoch würt dannocht die eygenschafft transferiert vnnd übergeben / wie wol die habe nit übergeben ist.

In disem hernach geschriben puncten / als wo der kauffer die verkauffte(n) habe dem kauffer zeygt in můte die eygenschafft zů transferiern vn(d) giessen in den kauffer / oder wo der verkauffer über gibt die schlüssel dem kauffer / die zům gaden oder kornhauß gehörend / da die kauffmanschafft inn leyt / wo aber der kirchen etwas geben würt / da gewinnt die kirch on recht übergebung / die eygenschafft zů der selben habe.

Item was geschafft würt.

ff. de fur. a titio. et d(e) acq(ui)ren. pos. cum heredes. Item in erbschafft / wan(n) sich einer des erbs annemen wil / alltzůhandt würt die eygenschafft des erbs halbtransferiert vnd gossen in erben.

Fideico(m)missum. ff. ad trebel. l. facta. Item in generali fideicommisso / das ist / so einer dem anndern am todtbeth schafft vnd dartzů bitt das ers eim andern gebe.

ff. pro socio. l. j. ij. et. iij. Item in ein geselschafft aller habe. Vnd in etlichen gedingen die zwyschen dem kauffer vnd verkauffer geschehen / sollichs sůch in Azone in de(m) Titel / der sagt von den gedingen die zwyschen den kauffern vnd verkauffern geschehen.

(171) Der Erst Teyl

C. de bona. si q(ui)s Casus fortuito. Item in geben wo der geber im den nutz der gegebenen habe behebt vn(d) die selbe neüßt. Wann durch sollichs behalten der habe / ist Casus fortuitus. Ist ein bescherte erstöru(n)g der habe / der mit rat der mensche(n) nit widerstande(n) mag werden / als was der donner zerschlecht / oder verbren(n)t / vnd der natürlich tod / vnd deßgleychen / eygenschafft übergeben vnd transferiert.

d(e) peri. et como. rei vendi. Item oben stat geschribenn wes der nutz sey / sol der schaden auch sein / das nympt vil exception / die sůch in Azone im Titel / da er setzt vom nutze vnnd verlust der gekaufften habe.

ff. de rei ven. q(ui)da(m). mulier. et de acqui. pos. q(ui)d inco. Ite(m) wo sich der verkauffer co(n)stituiert ein besitzer in des kauffers namen / od(er) der geber in des nemers namen / als so der herr der habe spricht / vnd ich mach mich ein besitzer in deinem namen als lang biß du den besitz selbs begriffest.

Ite(m) in wölche(n) casus d(er) kauff v(f)nicht würt vn(d) abgetribe(n) die du hie nicht hast vn(d) wan(n) man vo(m) kauff on straff lassen mag / sůch in Azone in de(n) selbe(n) Titeln.

Was vntrew oder argelist sey: was grosser leychter vnd der leychst vnfleyß sey.

Dolus Argerlist. Darumb das offt in ob vnd nach geschribe(n) clagen argerlist / grosser vnfleyß leychter / vnd der leychst vnfleyß / kompt vnd gemelt würt. Soltu wissen das argerlist ist ein betriegenlich listigkeit den and(er)n zů betriegen / vn(d) das geschicht in dem / wo einer nit als fleyssig ist in frembder habe als in seiner habe / vnd dz briefft man an dem / wo einer in seiner eygen habe vnd in frembder habe arglistigklich vnd betrogenlich wont vnnd sich nit gleych helt. Magna culpa. Grosser vnfleyß ist ein vnfleyß vnd saumnüß die vß thorheit vnnd närrischeit kompt / wann wie wol er sich gleych in seiner vnd frembder habe helt vnd wont / vnnd in solchem ist ein vnnderscheid zwyschen argemlist / in dem aber briefft man grossen vnfleyß / wann er hat sollichen fleyß nit / auch die sorg die sich gemeynlich vndern menschen gebürt vnd erheischt. Leuis culpa. Leychter vnfleyß / das ist ein versaumnüß die do vß minderm vnfleyß kompt wiewol er gleych wont vnnd sich helt in seinen eygenen vnd frembden haben / vnd in dem so ist vnderscheidt vom argenlist / vnd auch so hat er sollichen fleyß vnd sorg die sich gemeynlich vnder den menschen gebürt vnd erheischt / vnd in dem so ist vnderscheid zwyschen disem vn(d) dem grossen vnfleyß / er ist aber yetzen nit als fleyssig als er am ersten gewesen ist / das ist zů der zeyt als der contract volnbracht ward. Leuissima culpa. Der leychst vnnfleyß ist da eine(n) gebricht an weyßheit / die man in de(r) mensche(n) natur vinde(n) mag / wie wol er gleych wont vnd sich helt in seim eygen vnd frembden haben. Vnnd in dem so ist vnderscheid zwyschen argemlist / vnd hat auch sollichen fleyß vnnd sorg die sich gemeynlich vndern menschen erheischt vnd gebürt / vnd in dem so ist vnderscheid vom grossen vnfleyß / vnd ist yetzen als fleyssig als er vor gewesen ist / vnnd in dem so ist vnderscheidt vom leychten vnfleyß / man brieffts aber in dem das er sich in der weyßheit die man in der menschen natur vinde(n) mag übel gehalten hat.

De actione ex conducto.

Von besteen oder entlehen zehen capitel.

Wo einer bestande(n) hat ein hauß oder ein grundt / vnd der hinleyher wil die

(172) Das LXXIX Blat

bestanden habe nit übergeben / vnnd so ers schon übergeyt / so wil er die and(er)n habe dartzů gehörend nit leyhen / oder reichen die er zů leyh(e)n schuldig ist. Ist gemacht dise clag dem der bestanden hat / wider den hinleyher in den selbenn beiden clagen / des hinleyhers vnd ders bestanden hat gebürt sich.

ff. de loca. et conduc. l. j. et. ij. Am ersten / das sich der bestender vnd hinleyher einhellig sein / als sich auch in etlichen puncten in den obgemelten nechsten beiden clagen gebürt.

ff. loca. et co(n)duc. l. ij. Am andern dz der co(n)tract vm(b) gelt geschee / als in kauffen / wo er aber and(er)s geschicht dan(n) vmb gelt / so heißt solichs nit leyhe(n) od(er) besteen / sunder ein ander vnbenenter contract. ff. loc. si merces. §. apparet. Also gebürt dise clag wider den der bauwet vnd gelt davon geyt vmb gelts willen / oder wider den der vmb ein teyl bauwet gebürt dise clag nit / sunder ein ander die heißt prescriptis verbis vel pro socio.

ff. loca. q(uo)ad certum. Am dritten das der / der leyhet / vnd der / der besteet sey ein sollich person / dz er sich obligieren möge. Wölch person sich nit verpflichten mögen / vindestu oben in der clag vom kauffer.

ff. c. si decem. Am vierden / sollen beid der leyher vn(d) der beste(n)der einhellig sein im grund wann wo sie irren / so ist sollichs kein hinleyhen.

ff. c. si quis conduxerit. Am fünfften das das gelt sey in einer summa / wann bestünd einer etwas nur vmb ein pfenning / sollichs were kein besteen.

ff. d(e) reg. iu. neqs pignus. Am sechsten / das die habe die ich bestee / sey nit mein / wann sollichs besteen vnd hinleyhen ist vernicht.

ff. d(e) ver. ob. multu(m). ff. loca. locare. Am sybenden das die habe also sey / das sie hingelühen mög werden / vn(d) dz wir mit der selben habe schaffen vnd thůn mögen nach vnserm willen.

Item etlich sunderheit hat die clag vmb besteen / in der ich dir capitel setze(n) wil / das du dester ee vindest das du begerest.

Das erst capitel gebürt dem bestender das der hinleyher in die bestande(n) habenyessen laß / vnd das in zwen weg / wann vnderweylen mag der der bestanden hat / clagen wo im verbotten wirt zů wonen im hauß vom hinleyher oder vonn dem der dem hinleyher sollichs verbiett(e)n mag / als wo der herr des hauß wonen sol / vnd in dem casus hat der hinleyher wissentlich das frembd hauß verlühen / vnnd in den casus kompt der gantz schad / interesse genant des bestenders vnd würt auch geschätzt der gewinn.

Also formier dein clage.

Herr richter ich clag eüch vonn .R. der hat mir als ich ein kauffmann bin / vmb zehen pfundt die ich im geben hab / das hauß alda gelühen. In das selb hauß gethar ich nit farn / wann .N. hat mir es verbottenn / oder .B. sein sune den er noch in seinem gewalt hat / oder .P. der des selbe(n) hauß ein herr ist / wan(n) der genant .R. ist des bestanden hauß kein herr / vnd wann er mich nun das genant hauß nit brauchen wil lassen / oder wan(n) er mir wissentlich ein frembd hauß gelühen hat / vnd mich der herr des hauß / nit im hauß wil wone(n) lassen nun schadt mir sollichs zweintzig pfundt / das ich das hauß nit brauchen sol / wann ich můß ein ander hauß besteen vmb zehen pfundt / vnnd bin auch ein gůtter kauffman / vnd das bestande(n) hauß leyt zů meiner kauffmanschatz an der besten statt / darumb schadt es mir zehen pfundt / die ich wol in de(m) bestanden hauß gewunnen wolt haben. Bitt (et)c. erkennen das er zů wegen bring dz

P

(173) Der Erst Teyl

ich im hauß wonen möge / wo er es aber nit thet / das er mir dann mein vorgemelten schaden / das ist .xxx. pfundt keren vnd geben sol / vnd das ers thů.

ff. loca. si in lege. §. colonus. Item also magstu clagen wo du noch nit kein ander hauß bestanden hast vnnd wo der hinleyher als bald wolt dich in das hauß lassen / er würt erledigt von deiner clag / wo du aber ein ander hauß bestanden hast oder lang bestanden were / das du in das bestanden hauß faren liessest / sunder allein vmb den schaden / vnd als dann wo der hinleyher dir das hauß lassen wolt / er würt damit nit ledig / wan(n) du woltst villycht nit zwey heüser haben / vn(d) dörffst in der clage nit anders dan(n) vmb .x. pfundt schadens clagen / oder wieuil sein were.

Das ander capitel von besteen gebürt vmb erleychternüß des gelts / als wo ein richter od(er) ein ander de(n) d(er) hinleyher nit widersteen mag verbotten het de(n) bestender dz er des bestande(n) hauß nit brauche(n) solt. ff. loca. si fu(n)dus. §. vlti. Auch in de(m) casus wo d(er) hinleyher in gůtte(m) glaube(n) ein hauß hingelühen / vn(d) glaubt hat das hauß sey sein / od(er) wo d(er) hinleyher de(m) bestender verbeüt den brauch vm(b) nottürfftigs brauchs willen / wo solich nottürfftigkeit nach de(m) hinleyhe(n) ko(m)pt / od(er) wo d(er) hinlyher des hauß selbs nottürfftig würd vß einer hernach kom(m)ender vrsach / also dz er ein eeweyb genom(m)en het (et)c. in allen disen sache(n) gebürt diß clag dz er im erleychter / vn(d) nit vmb schaden. Vnd also formier dein clag vmb der casus willen.

Herr richter ich clag eüch vo(n) .N. d(er) hat mir gelühe(n) dz hauß alda gelege(n) ein iar vm(b) .xij. pfund / dz selb gelt hab ich im bezalt / vn(d) wan(n) ich nun als ein bestener des hauß mich bruche(n) solt / vn(d) hab ichs nit le(n)ger dan(n) dry monat gebrucht / daru(m)b dz mirs d(er) edelman od(er) der ritter verbotte(n) hat. ff. de admini. tu. qui duo in fi. Bit (et)c. erke(n)nen / dz er mir die drey teyl des zynß als .ix. pfund sol wid(er) gebe(n) / die weyl ich mich des genante(n) hauß nit brauchen mocht als ich solt / vnnd das er mirs gebe / zwingt in (et)c. wo mir aber die gantz zeyt verbotten were der brauch / also das ich gantz nicht im hauß gewont were vmb der vorgeschriben irrung willen / ich möcht den gantzen zynß vord(er)n. ff. loca. si duo. §. vlti. Wo ich aber nicht des zynß gebe(n) het vn(d) also gehindert worde(n) were / vn(d) d(er) hinleyher beclagt mich vmb den zynß / so het ich exceptione(m) wid(er) in.

ff. loca. si quis domum. Ite(m) wo d(er) hinleyher de(m) bestender als ei(n) gůts hauß bestelt als seins ist / dz er vm(b) vorgeschribe(n) sach wille(n) nit bruche(n) mag / er wirt ledig vo(n) d(er) clag des besteners.

Item man sol auch ansehen in stette(n) den grund / die zeyt des iars / wan(n) vnderweylen ist eine(m) ein hauß in eim monat nützer / dan(n) sunst dz gantz iare / vnd würt auch zů der selben zeyt höher vn(d) theürer gelühen dan(n) sunst / als sollichs gewonlich geschicht in stetten da iarmeß innen sein / darumb wo einer on sein schuld in der meß vffgetrib(e)n oder gehindert würt / so solt im nach solchem der zynß geleychtert werden / vnd nit nach dem iargang / als wo ich ein laden hett bestanden vmb zwölff pfundt / so die meß in der selben statt were / vnd wo die meß nit were / so würd der laden ein gantz iar vmb fünff pfundt gelühen / wo ich dan(n) on mein schuld gehindert würd in der meß / das ich mich des hauß od(er) laden nit braucht / mir sollten die fünff pfundt abgetzogen werden.

Das drit capitel vo(n) besteen / gebürt vm(b) bawe(n). In d(er) formier also dein clage.

Herr richter ich clag eüch von .R. d(er) hat mir gelüh(e)n ein sollichs hauß alda gelege(n) vmb .x. pfundt / die ich im gebe(n) hab / od(er) bin bereit die zů betzale(n) / dz selb hauß das bedorfft das mans alda bauwet (et)c. vn(d) wan(n) ich nun des gebrechens halb im hauß nit wonen mag / es sey dan(n) das sollichs gebessert werd / wann es

(174) Das LXXX Blat

mag in keiner zeyt gebessert vnd gemacht werden. ff. loca. et co(n)duc. Bitt (et)c. erke(n)nen das er den genanten bauw thůn vnd machen sol / wo ers aber nit thůt / das er mir dann mein schaden ablegen sol / den ich schätz vier pfundt.

ff. de dam. infec. q(ui) bona fide. §. d(e) illo queritur. Item wo du dannocht nutzlich im hauß wonen möchst / so das hauß nitt gebessert würde / dir gebürt dise clag nit.

Item wo sollichs bessern begert od(er) bedörfft / also lenger zeyt dan(n) d(er) bestend(er) darin(n) wonen solt / vnnützlichen begert er das sollichs gebessert würde.

ff. loca. q(ui) sinsula(m). et. l. habitatores. In soliche(m) casus mag d(er) bestande(n) hat / vo(n) besteen lassen / vn(d) fürter auch clagen vmb leychteru(n)g des zynß nach d(er) zeyt in d(er) er nutzlich darin(n) wone(n) möcht.

ff. loc. q(uo)d si d(a)ns. Ite(m) wo der bestender sich des hauß braucht das besserns dörfft / es ist gleych als ob er keins bessern dörfft / vnd ist schuldig den gantzen zynß zů betzalen.

Das vierd capitel vom besteen / gebürt vmb das dem bestender gelühen werd das geschirr / vnd in dem formier also dein clage.

Herr richter ich clag eüch von .N. der hat mir gelühen den grundt alda gelegen / in dem weingarten / vnd ölbaum wachsen dar inn / vmb zehen pfund die ich im betzalt hab / oder bereit bin zů betzalen / vnd wann nun der genannt .N. mich nit wil brauchen lassen / oder leyhen vaß / gölten vnd ander geschirr in die ich die trauben leß vnd samelen möge.

Ite(m) er leycht mir nit die preß vff d(er) ich die ölbaum zerpressen vn(d) trucke(n) mög.

Item er leycht mir auch nit das geschirr / als vaß vnd ander geschirr d(er) ich bedarff / so er doch die selben instrument vnd geschirr hat / vn(d) dartzů gemacht seind. ff. loca. si edes. Bitt (et)c. erke(n)nen das er mir die selben geschirr leyhen sol zů dem brauch wo ers aber nit thůn wil / das er mir dann mein schaden ablegen vnnd keren sol / den ich schätz zehen pfundt / vnd das ers thů (et)c.

ff. de act. emp. iulianus. §. offer. Item es sol der zynß bezalt sein / oder du solt bereit sein in zů bezale(n) / anders dir gebürt kein clag vom besteen.

Item diß geschirr sollen dartzů gewidempt sein / wann wiewol der hinleyher sollich geschirr het vnd doch zů sollichem brauch nit gewidempt weren / er were sollich geschirr nit schuldig dar zů leyhen.

Das fünfft capitel vom besteen / gebürt vmb den schaden ab zů legen dem die bestanden habe gethon hat vnnd das mit dem vnderscheid / antweder du besteest ein gewisse habe / so ist er dir nicht pflichtig er hab es dann gewißt / vn(d) du hast dann also bestanden / vnd als dann formier dein clage.

Herr richter ich clag eüch von .R. der hat mir wissentlichen gelühe(n) ein sollichs pferdt das stettig ist / oder ein schlahens pferdt / vnd ich habs nitt gewißt / vmb zehen schilling / die ich bezalt hab. Nun hat das selb pferdt mir sollichen schaden gethon / wann es hat hindersich geschlagen vngereitzt von yemandt / vnd hat mir ein solliche suw erschlagen / den schaden schätz ich an zwen gulden. Bitt ich eüch die sach zů erfaren souil vnnd gnůg ist / vnnd mit eüwerm rechtlichen spruch erkennen das er mir die zwen gulden geben sol / vnd das er mirs geb zwingt (et)c. das ist war wo der hinleyher gewißt hat das laster des

P ij

(175) Der Erst Teyl

pferds / wo er aber in sunderheit das pferdt gelühen het / sunder du hast es vm(b) in bestanden / das er dir eins seiner pferdt / oder vesser leyhen solt / vnnd wiewol er dir vnnwissenlich leycht ein siechs pferdt / oder ein schymelicht vaß / er ist dir schuldig / wann er hat gewelt / vnnd hat übel gewelt / darumb ist er dir schuldig vß vnfleyß. Vnd also formier dein clage.

Herr richter ich clag eüch vo(n) .R. dem hab ich zehen schilling geben das er mir seiner halbsüderigen vß eins leyhen solt / nun hat er mir eins gelühen dz schymelet / vnd ich hab mein wein daryn gethon / der ist schymeln worden / vn(d) wan(n) er nun so in sollichem hinleyhen hat übel gewelt / wan(n) er ist nit fleyssig gewesen. ff. loca. si tibi domum. Bitt (et)c. erkennen das er mir schuldig sey mein schaden ab zů legen den ich schätz zehen pfundt / darumb das er mir ein sollichs schymeln vaß gelühen hat. Also hast die vnderscheid / wan(n) wo einer hinleycht ein habe nit in sunderheit / vnd die hat ein laster in ir / er ist schludig / wiewol er das laster nit gewißt hat / wann er ist vnfleyssig gewesen / vnnd hat übel gewelt / wo er aber in sunderheit ein habe hinleycht / so ist er nit schuldig / er hab es dan(n) gewißt / vnd das felet in der habe die gantz nicht wert ist / wann als dan(n) so ist der hinleyher gantzen schaden schuldig / wiewol ers nit gewißt hat. Vnd in dem casus magstu also formieren dein clage.

Herr richter ich clag eüch von .R. der hat mir gelühen ein sollichs vaß vm(b) zehen schilling die im bezalt hab / so aber nun das selb vaß gar nichts wert gewesen ist / od(er) so gar wurmessig gewesen ist das es kein wein halte(n) mocht / vn(d) sein mir zehen eymer vß gerunnen / die ich in das vaß gethon het / des ich schaden nym(m) zehen gulden. Bitt (et)c. erkennen das er mir zehen gulden schaden zů geben schuldig sey / vnd das er mirs geb / zwingt in (et)c.

ar. ff. si quadru. pau. fecis. dicaf. l. si canis. Item wo das pferdt würt gereitzt vonn im zů schlagen oder vß schmertzen sollichs schlagen geschee / were der hinleyher nichts schuldig.

Das sechst capitel vom besteen / gebürt vmb den schaden. Ist durch argenlist oder vnfleyß des hinleyhers / wann die bestanden habe also ist / das der hinleyher darumb schweygend pflichtig ist die habe zů behüten / als wo ich bestanden hab dein scheüwr schweygend bist du mir schuldig das du sie behüten solt. C. loca. domino. borreorum. Also wo vsserhalb vnglücklichs fals des casus fortuitus / ist dz mir ein schad geschicht in der scheüwren durch argenlist / grossen / leychten vnfleyß des hinleyhers / er ist mir schuldig den schaden wider zů keren.

Also formier dein clage.

Herr richter ich clag eüch von .N. der hat mir gelühen alda sein scheüwre(n) gelegen ein iare vmb zweintzig pfundt die ich im betzalt hab / wann aber mir durch argenlist oder vnfleyß des genanten .R. mir solch .N. vnnd .N. hab in der selben scheüwren gestolen wordenn seind / die ich schätz zehen pfundt. Bitt ich eüch das ir mir eüwerm rechtlichen spruch erkennen / das er mir die genanten zehen pfundt schadens geben sol / vnd das ers thů / zwingt (et)c.

ff. nau. caup. stabu. l. nauta. Item wo der hinleyher in sunderheit lon neme vmb des hütes willen / oder offenlich het verheissenn zů hüten / er ist schuldig zů hüten / wiewol er kein gelt vom hüten nemen sol vß gedings krafft.

Das sybendt capitel vom besteen gebürt vmb zeygen.

In dem formier also dein clage.

(176) Das LXXXI Blat

Herr richter ich clag eüch vo(n) .N. der hat mir gelühen ein solch scheürn alda gelege(n) vmb fünff pfundt / die ich im betzalt hab / die selben scheüren oder laden so du ein kauff man bist (et)c. zů behüten / hat er mit meinem wissen die .N. vnd .N. zů hüter gesatzt / vnd wann nun durch argenlist oder durch vnfleyß der hüter / der laden od(er) die scheüre vffbrochen ist. ff. loca. l. dominus borreor. Bitt (et)c. erkennen das er mir schuldig sey die hüter zů zeygen / wo er aber ein solichs nit thůn wil / das er mir dan(n) mein schaden ablege den ich schätz zweintzig pfundt / vnd das ers thů (et)c. Also wo der hinleyher mit meim wissen hüter gesatzt hette / oder sich der hůtte begeben het / ist er nit mer schuldig das er die hüter zeyge.

Das acht capitel vom besteen gebürt zů vord(er)n den koste(n) vn(d) expe(n)ß / die der bestender in d(er) bestande(n) habe vß gebe(n) hat / vn(d) in de(m) formier also dein libel.

ff. loca. l. dominus borreor. Herr richter ich clag eüch von .R. der hat mir gelühen dz hauß vmb zehen pfundt die ich im geben hab / so ich nun in dem sechs pfundt vßgeben hab vo(n) notturfft wegen / wann ich dan(n) die .N. wende wider machen ließ / wan(n) wo ichs nit machen het lassen / das hauß were nider gefallen. Bitt (et)c. erkennen das er mir die genanten sechs pfundt wider geben sol / vn(d) das ers thů (et)c. ff. de ver. sig. l. impense. Wölche expenß notturfft od(er) nutz geheissen werde(n) / sůch. Vnd auch Azone(n) in disem titel.

Das neünd capitel von besteen gebürt vmb das das der hinleyher laß den bestender hinweg füren das / das er in die bestanden habe gemacht hat / vnnd in dem formier also dein clage.

Herr richter ich clag eüch von .R. der hat mir ein sollichs hauß gelühen alda gelegen / ein ganntz iar vmb zehen pfundt / die ich im geben hab. Nun hab ich in dem genannten hauß ein sollich thůr oder laden gemacht / die wil mich der genant .R. nit her vßfüren lassen / wo er aber sollichs nit thůn wil / das er mir dann mein schaden ab sol legen / dann ich schätz zehen pfundt.

In disem capitel magstu auch clagen das er dich das dz du daryn gefüret hast wider vß laß füren / vn(d) auch wo d(er) vßgang der thůre so gar eng gemacht were / das die habe eins teyls nit her vß gebracht mag werden / vn(d) das er mich sollichs weyter laß machen / vnd also formier dein clage.

Herr richter ich clag eüch vo(n) .R. der hat mir gelühen dz hauß alda steend / vm(b) .x. pfund die ich im gebe(n) hab / in de(m) selbe(n) hauß hab ich ein kiste(n) die mag ich nit zů der thůr her vßbringen / wan(n) sie ist enger gemacht vom herrn des hauß. ff. c. si edes. §. in quilinus. Bitt (et)c. erkennen das der genant .R. sol die genante(n) kisten mich her vß lassen füren / vnd die thůre vff mein koste(n) machen sol lassen / oder mir .x. pfundt vm(b) den schaden den ich darumb leyd geben vnd betzalen sol / vnd das ers thů (et)c.

Das zehendt capitel von besteen gebürt vff das der hinleyher clag / oder die clag dem bestender übergebe. In dem formier also dein clage.

Herr richter ich clag eüch von .R. d(er) hat mir gelüh(e)n den acker ein iar vmb drey pfundt / mit sollichem geding / das auch der fünfft teyl der frücht die darvff wüchsen er nemen solt / vnnd sein weren / die selben drey pfundt hab ich im betzalt. So aber nun der .P. da die frucht zeytig was den acker geschitten die betzalt. So aber nun der .P. da die frucht zeytig was den acker geschitten die frucht hinweg gefürt hat / vnd darumb dem genanten .R. gebürt die clag vo(n) diebstall wider .P. ff. loca. cu(m) in plures. §. messem. Bitt (et)c. erkennen das er mir die selben clag geb(e)n sol die im wider .P. gebürt / oder das er selbs wider in clage / vnd was er mit der clag

P iij

(177) Der Erst Teyl

gewinn / das er mir mein teyl gebe / wil er aber solichs nit thůn / das er mir dann mein schaden ablegen vnd keren sol / den ich schatz zehen pfundt.

ff. de vi et vi arma. l. vlti. Item diß capitel ist dem bestender der do bauwet gar sere nütz / wann er gehindert würt den grundt zů bauwen / wan(n) er hat als dan(n) kein hilff wider den der in irrt / wann er besitzt die habe nit / so ist die eygenschafft der bestanden habe auch nit sein / darumb so můß er clagen wider den hinleyher dz er selbs clage wider den der do irrt / antweder mit dem interdict vti possidetis / oder mit do(s) interdict vnde vi / nach dem vnnd sich die sach ergangen hat / wann der / der den bauw irrt / der irrt den herren / wan(n) der herr besitzt den grundt durch das corpus / das ist den leyb des bauwes.

Item on gelt ist kein hinleyhen.

Item es mag in solliche(m) hinleyhen geding getroffen werde(n) (als wie obstat) wann wo ich allein vmb gelt bestanden hab ein acker zů bauwen / bedarff ich diser clag nit / sunder mit gebürt die clag von dem diebstal. ff. de sur. si apes. Wann also bald das die frucht abgeschnitten ist / so ist sie mein / vnd darumb gebürt mir vmb die frucht die clag vom diebstall.

Parciarius colonus. ff. de loca. si merces. §. apparet. Ite(m) in diser clag sichstu wol dz d(er) nit ge(n)tzlich vm(b) ein teyl gebauwe(n) hat / in de(m) als er spricht dz er .iij. pfund gegebe(n) hab / wan(n) wer ich Parciarius colonus / dz ist het ich schlecht vmb ein teyl gebauwe(n) / so geb ich kein gelt / vn(d) daru(m)b solte(n) die fürcht zwysche(n) mir vn(d) de(m) herre(n) geteylt werde(n) / vn(d) gebürt nit diß sunder ein ander clag / pro socio / von geselschafft / von der du hernach haben würst.

ff. de peculio. q(ui)d debetur. Item als offt einer schuldig ist darumb das im zů clagenn gebürt / er thůt gnůg so er die clag übergeyt.

De actione locati.

Vom hinleyhen vier capitel.

Das erst capitel von hinleyhen gebürt zů vordern den zynß.

In dem formier also dein clage.

Herr richter ich clag eüch von .R. dem hab ich das hauß alda gelegen vm(b) zehen pfund gelühen / das er darin(n) ein iar solt wonen / so aber nun der genant .R. in dem hauß gerůwlich gewont hat / vnd die zeyt des bestands vergangen ist / vnnd von im der zynß noch nit betzalt ist worden. ff. loc. d(a)ns. §. vl. Bitt (et)c. erkennen das er mir zehen pfundt für den zynß geben sol mit zymliche(n) schaden den ich sollichs seiner saumnüß halb hab / vnd das ers thů (et)c.

ff. de loca. l. ij. Item wo nit vmb gelt bestanden würt / so heißt sollichs nit bestanden / sunder es hat sollich contract ein andern namen.

ff. loca. si q(ui)s conduxerit. Item es můß auch des gelts mer sein dann ein pfenning.

ff. de acti. emp. l. pendentem. Item als der verkauffer nit clagen mag wider den kauffer er hab im dann die habe übergeben / oder sey bereit die habe zů übergeben. ff. loca. l. ij. Also mag auch der hinleyher nit clagen wider den bestender / er hab dann gethon was er thůn sol / wan(n) er sol daran sein vnd auch schaffen das der bestender gerůwlich sich der habe brauchen möge.

ff. loca. no(n) solet. Item der zynß sol betzalt werde(n) nach gewonheit eines yegklichen lands vor dem iare / oder nach dem iare / vnd ob einer vorm iare vmb den zynß nit clage(n) mag / so mag er in doch in disen weg heischen / wan(n) er mag am ersten den

(178) Das LXXXII Blat

bestender vßtreyben / vnd als dann hatt der bestender kein hilff / wann die eygenschafft ist sein nit / sie ist des herrn.

ff. loca. cu(m) in plures. §. heredem. Item er mag auch kein interdict haben von des besitz wegen / wann er besitzt nit im / sunder dem herrn. Vnd darumb will er im hauß bleybe(n) / so můß er sich brauchen der clag vom besteen / vnd der selben clag mag er auch nit genyessen / er hab dann den zynß betzalt.

ff. c. q(ue)ro. §. inter. Item wiewol der hinleyher nit mag den zynß vordern wie obstat / wo im aber der bestender nit gnůg thůt / so mag in der herr on straff vßtreyben / besunder wo die zeyt der betzalung vergangen were / vnnd darumb ist auch / wo der herr het bey einer peen verheissen den bestender nit vß zů treyben / so ist doch in sollichem diß schweygend geding / das er den zynß betzale.

C. loca. l. edem. Item diß seind auch vrsach den bestender auß zů treyben / wo der hinleyher das hauß von not wegen bessern oder bauwen wölt / oder wo im das hauß selbes not sein würde / vnnd der hinleyher sollichs bewiß / oder wo der innwoner bößlich im hauß wonet.

Das ander capitel vonn hinleyhen gebürt vmb den wert des schadens den der bestender gethon hat. Vnd also formier dein clage.

ff. in q(uo). cau. pig. vel hypo. ob. no(n) solum. Herr richter ich clag eüch von .R. dem hab ich gelühen das hauß alda gelegen vmb zehen pfundt / so aber nun das selb hauß durch sein argenlist / oder / durch sein grossen vnd leychten vnfleyß verbrunnen ist / vnd mir sollichs .xl. pfundt schadt. Bitt (et)c. erkennen das er mir die genante(n) .xl. pfund gebe(n) sol (et)c.

C. loca. si vulnerauerit. Item argerlist grosser vnd leychter vnfleyß kom(m)en in dise clag.

ff. loca. si merces §. culpe. Item wo einer feyndtschafft het mit dem bestender / vnd vo(n) des bestenders wegen die habe geschedigt / ist der bestender schuldig von dem schaden.

Das dritt capitel von dem hinleyher gebürt vmb das erfült vnd volbracht werde / das dz gesetz des besteens oder nature begert vnd erheischt.

In dem formier also dein clage.

ff. loca. si merces §. conductor. Herr richter ich clag eüch vo(n) .R. de(m) hab gelüh(e)n die wein garte(n) zů bawe(n) alda gelege(n) / dz er die frucht dar vß entpfienge vn(d) nyessen solt vm(b) .x. pfundt / so aber nun die zeyt vergange(n) ist / das die weingarten geschnitte(n) / die rebe(n) gelesen vn(d) gehackt solte(n) sei(n). Bit (et)c. erke(n)nen dz er solichs noch thů / wo ers aber nit thůn wolt / dz er mir dan(n) mein schade(n) ablege(n) vn(d) keren sol / den ich schätz .xj. pfundt.

C. loca. lege(m). Item als du clagen magst vff das / das die natur des contracts heischt. Also magst du auch clagen vff das geding / das do im contract gedinget vnd versprochen ist worden.

ff. de re. iudi. si quis ab alio. Ite(m) wo die zeyt noch vorhande(n) wer in der die arbeit noch nutzlich geschehen möcht / soltu clage(n) vff das / dz solichs noch geschehe / wo aber die vergange(n) wer so magstu allein clage(n) vm(b) de(n) schade(n) / als i(n) pflichtu(n)g vn(d) obligieru(n)g des thůns.

Das vierd capitel vom hinleyhen gebürt vmb das / das die habe wider geb(e)n werde / vnd das in etlichen weg / wan(n) nach dem zil sol die hingelühen habe wider gegeben werden dem hinleyher. Vnd in dem formier also dein clage.

Herr richter ich clag eüch vo(n) .R. de(m) hab ich gelühe(n) ein hauß alda gelegen vm(b) .x. pfund / dz er ein iar darin(n) solt wone(n) / nun ist die selb zeyt vergange(n) / vn(d) d(er) genant .R. helt dz hauß noch inne(n). Bitt (et)c. erke(n)nen dz er mir dz genant hauß wider geben sol / vnd das ers thů (et)c. wo es aber vmb farend habe ist.

P iiij

(179) Der Erst Teyl

Also formier dein clage.

ff. loca. videam. §. quo vuum. Herr richter ich clag eüch vonn .R. dem hab ich gelühen ein sollichs pferdt vmb zehen schilling / das ers ein monat reyten solt / so aber nun das zil vergangen ist / vnnd der genant .R. das pferdt noch innen helt. Bitt (et)c. erkennen das er mir das genant pferdt wider geben sol / vnd das ers thů (et)c.

ff. c. si. cui. et. ff. d(e) in lite(m) iuran. l. in actionibus. Item wiewol vnd er die habe nit het / so gebürt dannocht dise clage / wann sie ist wider die person / vnd in dem das ers nit wider geyt / vn(d) es hat / ist er dem hinleyher schuldig den schaden ab zů legen / wo er aber durch vnngehorsamkeit nit wider gibt / so mag er wider in den schaden mit dem eyd behalten / wan(n) man versicht sich arges list zů im.

Item du magst in dem geschriben libel setzen also.

Herr richter ich clag eüch vo(n) .R. de(m) hab ich gelühe(n) ein sollich pferdt vmb .xx. ß. dz ers ein monat reyte(n) solt / so aber nun dz zil vergange(n) ist / vn(d) d(er) genant .R. dz pfert noch helt. C. c. co(n)ductoreo. Bitt (et)c. erke(n)nen dz er mir dz pfert wid(er) gebe(n) sol / wo ers aber verzeücht biß vff dz endtlich vrteyl / dz er mir dan(n) dz genant pferdt geen sol / vn(d) dartzů den wert des selbe(n) pferds den ich schätz .x. pfund / vnd dz ers thů (et)c.

Merck / diß nechst libel gebürt mir wider den der die habe helt / vnd biß das das endtlich vrteyl geben würt.

Ite(m) vmb ander sach würt auch geben diß clag / vff das dz die hab vorm zil wider gebe(n) werd / als wo d(er) herr seins hauß selbs dörfft / vn(d) so dz hauß besserns bedarff / vn(d) auch so d(er) ders bestande(n) hat / übel vn(d) bößlich im hauß wont.

C. loc. si societas. Herr richter ich clag eüch von .R. dem hab ich das hauß alda gelegen gelühen vmb .x. pfundt das er ein iar darin(n) wone(n) solt / so aber nun dz selb hauß nach dem als ichs hingelühen hab / sollichs bauwens bedarff / also das der in(n)woner dar innen nit bleyben mag oder so aber nun der genant .R. bößlich in dem genanten hauß woner / als er bricht die britter / vnd hauwet die sparre(n) vß vnd verbren(n)t sie / vnd wan(n) ich nun des selben hauß selb bedarff / wan(n) ich hab nach sollichem hinleyhen erst ein fraw genom(m)en. Bitt (et)c. erke(n)nen das er schuldig sey vß dem hauß zů faren / vnd mir das genant hauß ledig zů lassen.

item wo das hauß am erste(n) da es der herr hinleyhen wolt / het sollichs bauwens bedörfft vnd het sollichs gewißt / vn(d) über das hinleyhen het sich dise clag begeben / das im nit gebüren möcht wider den bestender.

Item wo sollichs bessern on grossen vnstaten vnd vnrůwe des bestenders geschehen möcht / sol er nit vßgetriben werden.

ff. locati et conducti. Item was du in disen capiteln nit vindest / das sůch in Azone.

De actione pro socio.

Von den clagen deren die in geselschafft seind.

In diser clag setz ich dir am ersten ein gemeyn libel vnnd clag / vnnd darnach würst du ein libel in sunderheit haben vnd declarieren diß libel / dar inn würst du die natur diß contracts versteen.

Herr richter ich clag eüch das .R. vnd ich haben ein geselschafft mit einander gemacht aller vnser habe / in dem iar (et)c. vnd solt weren biß vff diß zeygt / so aber nun die selb zeyt vergangen ist (et)c. ff. pro so. arbiter et. C. c. l. si societas. et. tamdiu. Bitt (et)c. erke(n)nen das er die habe die mit mir zů teylen gebürn / sol mit mir teylen / den halben teyl der frucht die er vß

(180) Das LXXXIII Blat

sollicher gemeyner hab entpfangen hat mir geben sol / den schaden den er in diser geselschafft durch sein argenlist / oder durch grossen oder leychtern vnfleyß gethonhat / des selben schadens wert den halben teyl mir ablegen sol / vnd widerkeren / das er mir den selben halben teyl der zerung vnd schadens den ich der geselschafft halben gelitten hab widergebe / vnd das er alle dise ding thů / zwingt in dartzů mit zymlichen penen. ff. p. so. l. in(s). §. j. (et)c. C. c. l. si societas. Also hast du in gemeyn ein libel / wan(n) wo .R. die weyl die geselschafft gewert hat / hett gewunnen ein weingarte(n) / den sol er mit mir teylen / wann alles das das in geselschafft aller habe gewunnen oder überkommen würt das sol geteylt werden / wann es hat ir yegklicher die eygenschafft der selben habe.

Incorporales. Nomina. ff. pro so. iij. Item der gemeyne(n) habe in geselschafft / etlich seind Incorporales / dz man sie nit greyffen mag / als schuld die man in latein Nomina nent / vnd die selben habe darumb das wir geselschafft gemacht haben / sein sie nit gemeyn / also sein vns vnser nomina angehangen an vnser bein das sie von vns nitt geteylt mögen werden / vnnd auff das das sie nit geteylt mögen werden / so můß einer dem andern die clag übergeben.

Corporales. Die andern habe seind Corporales / das ist das man die greyffen mag / vnd wo sie in der zeyt als die geselschafft gemacht ward gewunnen seind gewesen / seind sie nit gemeyn / vnnd ist nit not vmb die selben mit diser clag zů clagen. ff. pro so. si quis societatem. Sein sie aber nit gewunnen gewesen zů der zeyt als sie nun gemacht was gewunnen / der selben habe eygenschafft sein in yn transferiert worden / vnnd die selben habe sein eygen / er sol es mir aber mitteylen. Vnd die selben habe werden gefordert in dem obgeschriben libel.

ff. pro so. l. j. Item die geselschafft mag gemacht vnnd getroffen werden zwyschen den die sie machen als lang als sie leben / oder vff ein nemlich zeyt. ff. de iu. fis. et. a fidei. Vnnd das selbig sol im libel bestympt werden das sie gemeynsamkeit vnd kein verborgenheit mache. ff. pro so. actione §. item qui societate(m) in tempus. In disem gemeyne(n) libel steet wie das die geselschafft ein ende hab / wann dise clag mag nit also gemeynlich gefürt werden / es werd dann die geselschafft volendt.

ff. pro so. arbiter §. vlti. Item du magst clagen vnd vorderen den halben teyl der nutzung.

ff. pro so cu(m) duobus. §. venit vt. d. l. arbiter. §. vlti. Item er ist dir pflichtig von argemlist / grossem vnd leychtem vnfleyß.

Item die expenß vnd kostung die ich in der geselschafft gethon hab sol mir wider werden. Vnd das ist war / wo ich getzert hab nach dem vn(d) ich ein man(n) bin / wann wo ich ein bauwer bin vnnd wolt pferdt besteen zů reyten da hin da ich von not wegen solt so ich sunst zů fůß gieng / sollichs zympt meiner person nit / sollich expenß vnd kostung mag ich nit vordern.

ff. p. so. si duob. Item du magst vord(er)n den schade(n) den du d(er) geselschafft halbe(n) erlitte(n) hast. ff. pro. so verum. Vnd das ist die vrsach / wan(n) das gemeyn geschäfft ist ein brüderlich recht.

ff. pro so. omne. Item was ich betzalt hab der geselschafft halben / sol ich zů vor vß abtziehe(n) / was ich aber verheissen hab mit geding / sol mir versprochen werden vom gesellen wo das geding geschee / das er mich schadenloß halten wöll / souil vnnd in antreffen würt.

Item also hast du ein gemeyne clage / du magst aber nur vmb einen oder zwen puncten clagen.

(181) Der Erst Teyl

ff. p. so. societas. Item nit allein würt geselschafft aller habe gemacht / sunnder es wür gemacht geselschafft etlicher kauffmanschafft.

Also formier dein clage.

Herr richter ich sag eüch das .R. vnd ich haben ein geselschafft gemacht / das wir auch kauffen vnnd verkauffen wöllen / also das vnser yegklicher den handel des hauptgůts gelegt hat / vn(d) daru(m)b sol er den halben teyl des gewin(n)ß neme(n) vn(d) den halbe(n) teyl des schade(n)s leyde(n) vn(d) trage(n) / vn(d) als wir nun die kauffmanschafft des gewands / kauffens vn(d) verkauffens getriben haben in d(er) geselschafft. Bitt (et)c. erkennen das er mir die habe die zů teylen sein / den halben teyl mitteyl / vnd er den schaden vnd kosten der kauffmanschafft halb geben sol.

Item als mir der genant .R. solt den halben teyl geben des gewin(n)ß d(er) mich antraffe / ist er seumig gewesen. Bitt (et)c. erkennen das er mir schuldig sey zů geben den genanten teyl des gewinnß / vnnd als er seumig ist gewesen / sollichs schadt mir zehen pfundt / das er mir sollichen schaden keren sol.

Item das er mir rechnung thů von seim arge(n)list oder vnfleyß / den er in der geselschafft gethon hat / das er sollichs als sampt thů / zwingt in dartzů.

ff. p. so. prout sic. Item du solt wissen das dise clag nicht gebürt / ir habt dan(n) ein geselschafft mit einander gemacht.

Leonina societas. ff. p. so. l. j. §. vlt(i). Item wo einer das hauptgůt gantz legt / vnd gantz arbeit hat / vnd der ander solt kein schaden tragen / vnd solt auch kein haupt gůt legen / auch kein arbeit haben / sollichs were nit geselschafft / wan(n) sollichs were ein geben.

ff. p. so. cu(m) duob. et insti. de socie. §. quintus. Item einer mag wol das gantz haupt gůtt legen / vnd der ander die arbeit allein thůn / aber doch sol der gewin(n) gleych sein am teyl.

ff. c. ss nihil. et. §. illud expeditiu(m). Ite(m) es ist nit not zů setzen dz er den halben teyl schadens tragen sol / wan(n) als die teyl des gewin(n)ß solle(n) gleych sein / also sols auch schweyge(n)s in schade(n) sein.

Ite(m) in disem libel bitt ich dz er mir die habe noch vorhande(n) sein mitteyl.

Item das er mir rechnung geb vom argenlist / oder vom vnfleyß.

ff. de co(m)pensa. si embo. Item das er wider geb(e)n sol den halben teyl der kostung (et)c. sollichs mag nit gefordert werden / es were dann das sollich gewerb getriben were worden / vnd wo sollichs were ir beider schuld / so möcht eienr wider den andern nit clagen / wan(n) ein vnfleyß würt mit dem andern compensiert vnd abgeschlagen. Wo aber sollichs nur allein an eim gebrech / der ander an dem sollicher gebrech nit were / möcht wider sein gesellen clage(n) / vmb das dz im sollichs schade(n) bringt.

Vnd in sollichem formier also dein clage.

Herr richter ich clag eüch das ich vnd .R. ein geselschafft miteinander gemacht haben / das wir miteinander gewandt kauffen vnd verkauffen solten / in dem iar / vnd solt weren biß vff diß zeyt. ff. p. so. cu(m) duob. So aber nun durch argenlist / oder grossen oder leychten vnfleyß des genante(n) .R. noch biß her gewesen ist / wir geirt sein worde(n) / dz wir das genant gewerb nit getriben habe(n) / vn(d) nun ist die zeyt vergangen / vnd sollichs schadt mir .x. pfundt das wir das gewerb nitt getriben haben. Bitt (et)c. erkennen das er mir den genanten schaden ablegen soll (et)c.

ff. loca. si in lege. §. colonus. Item wo wir noch weren in der geselschafft / vnnd das gewerb möchte noch nutzlich getribenn werden / der gesell möcht also sprechen / wir sein noch in der gesellschafft / vnd das gewerb mag noch wol vnnd nutzlicher getriben werden

(182) Das LXXXIIII Blat

dann bißher / ich bin bereit zů thůn was in mir ist / wann wo sollichs also wer so solt man in hören aber sunst nit.

ff. p. so. l. socius. Item im libel würt gemelt von der saumnüß / das er mir den gewinn / nitt geben hat / wann in diser clag kompt schaden.

ff. pro so. verum. §. vlti. Item wiewol in den contracten die eygen namen habenn / hat gemeynklich reüw nit stat / yedoch in geselschafft hat reüw stat / wann wir mögen vnns der geselschafft begebenn. C. co(u)i di. l. fi. Wann nyeman sol oder mag über sein willen in geselschafft gehalten werden. Wo aber einer zů frü die geselschafft vffsagt / so lößt er vnd ledigt sein gesellen von im / er würt aber nit erledigt von seim gesellen wann wo er zů frü vffsagt / er ist schuldig seim gesellen den schaden ab zů legen / vnd als dann formier also dein clage.

Herr richter ich clag eüch das ich vnd .R. ein geselschafft miteinander gemacht haben aller habe / als lang vnd wir leben. ff. pro so. si conuenerit. Nun hat der genannt .R. vnser geselschafft vil zů frü on vrsach vffgesagt / sollichs vffsagen schadt mir zehen pfundt. Bitt (et)c. erkennen das er mir schuldig sey die zehen pfundt schadens zů geben / vnd das ers thů.

ff. p. so. actio(n)e. §. diximus. Ite(m) ich mag nit allein vord(er)n den schade(n) sunder auch dz er mir mitteyl die habe die er nach de(m) vffsage(n) gewu(n)nen hat / als ob noch ein geselschafft weret.

Item wo die geselschafft gemacht ist / so magstu auch clagen vmb ein sunder habe / vmb das dir die selb habe mitgeteylt werde.

Herr richter ich sag eüch das ich vnd .R. haben ein geselschafft gemacht aller vnser habe / die sol weren so lang vnd wir leben / so aber nun der genant .R. gewunnen hat solliche wisen alda gelegen. Bitt (et)c. erkennen das er mir die genanten wisen mitteylen sol / vnd das ers thů (et)c.

Item wann du von mir vmb ein sundere habe wilt clagen / dadurch würt die geselschafft nit vffgelediget.

Item die weyl die geselschafft wert magst du clagen das die geding der geselschafft gehalten werden.

ff. pro so. cum so cietas. Herr richter ich sag wie das zwysch(e)n mir vnd .R. ein geselschafft gemacht ist / in dem iare / vnd solt also lang weren das wir gewandt kauffen vnnd verkauffen solt(e)n / mit dem geding / wan(n) wir wern in iar messen / so solt der genant .R. das essen geben vnd machen / vnd ich solt gewandt kauffen. Bitt (et)c. erkennen das er das essen sol geben oder bereiten / wo ers aber nit thůn wil / dz er mir dan(n) mein schaden ablegen sol / den ich schätz .x. pfundt / vnd das ers thů (et)c.

Item diß clag gebürt auch das einer leyde vom andern (et)c.

ff. p. so. non solu(m). Herr richter ich sag eüch das ich vnd .R. ein geselschafft gemacht haben / dz wir zwysche(n) vnsern beyden heüsern solten ein maur mach(e)n dz yeder möcht daruff mache(n) / vn(d) vnser yeglicher hat dartzů gebe(n) zwen schůch seins erdtrychs wan(n) nun der genant .R. mich nit laßt mein zym(m)er vffrichte(n) vff die genanten maure(n) vn(d) wand. Bitt (et)c. erke(n)nen dz er sol leyde(n) dz ich sollichs bauwe(n) mög (et)c.

Item geselschafft geet nit alltzeyt vff den erben.

Item was in diser clag nit geschriben steet / das sůch in Azone in disem Titel / vindestu gäntzlich alles das das in diser clag nottürfftig ist.

De actione mandati directa.

(183) Der Erst Teyl

So einer dem andern gewalt gibt oder beuelhde.

ff. p. so. arbiter. Es geschicht offt das einer dem andern gewalt oder macht geyt / vnd der gewalt mag gemeynlichen geben werden / so ich dir gewalt gebenn hab / das du all mein gewerb vnd geschäfft treyben solt / vnnd in sollichem ist dise clag gemeyn. Vnd in gemeyn magstu also formieren dein clage.

Herr richter ich sag eüch von .R. de(m) hab ich gewalt geben das er alle mein gewerb vnd geschäfft üben vnd treyben solt / der hat den gewalt vmb sunst vff sich genom(m)en vnd getriben / vnd geübet. Bitt (et)c. erkennen das er mir rechnu(n)g darumb thůn sol / wie er das gewerb getriben hat / vnd auch mir den schaden den er in soliche(n) üben vnd treyben (et)c. durch argenlist oder vnfleyß gethon hat / oder ich gelitten hab widergeben sol / vnd das ers alles thů / zwingt (et)c.

Item in disem libel seind die habe in sunderheit nit bestympt. Aber in dem proceß der sach / sollen die habe bestympt werden als durch sein vnfleyß ist dz mein hauß alda gelegen bößlich gebessert ist worden / vnd also ist es nider gefallen / vnd sollichs schadt mir zehen pfundt.

C. de iudi. licet. Item da hett ich. xx. malter korns / die hat er verkaufft / vnd es hett im wol mer golten / sollichs schadt mir sechs pfundt / also magstu im proceß erleutern was das sey das er nit nutzlich getriben vnd geübet hat.

Forma ma(n)dati. insti. de obl. q(ui) ex consensu co(n). Item es mag der gewalt geben werden mancherley wort / als ich heiß dich das du (et)c. oder ich will dich bitten (et)c. vnd deßgleychen wann der gewalt würt contrahiert mit einhelligkeit / das ist cum consensu in latein.

ff. man. l. circa. §. vlti. Item wo du eim gewalt gibst / darumb dz er etwas des deinen thů / so würt sollichs nit mandatu(m) / das ist gewalt geheissen / sunder locatio hinleyhen / oder ein ander vnbestympter contract. Mag aber eim vmb eren willen / od(er) zů vergelten etwas geben. Wann wer vns gůts thůt / sein wir schuldig vß dem gesetzd der natur auch gůt zů thůn.

ff. man. remunerandi. §. j. et. l. si procuratores. §. mandati. Item es ist nyeman schuldig den gewalt vff zů nemen / wo er sich aber der sach vnderwindt / so ist er schuldig die sach zů volenden.

ff. de nego. gest. l. j. Item wo einer gemeynklich all dein sach getriben hat / der ist schuldig das er die rechnung dauon thů.

ff. de co(n)di. et demon. l. cu(m) suus. Item in der rechnung gebürt sich das er rechen wieuil er des deinen yngenom(m)en hab / vnd was er mit den zynsen die er yngenom(m)en hat gethon hab.

C. man. a p(re)curatore. Item du magst vordern den schaden den du durch argenlist oder vnfleyß gelitten hast / vnd du bedarffst nit setzen wölchen vnfleyß / wan(n) dein procurator ist dir pflichtig vmb allen vnfleyß. Wo annders der procurator ein sollich man(n) ist / der sich obligieren vnd verpflichten mag / wan(n) in de(n) als er sich des gewalts an nympt vn(d) obligiert vn(d) verpflicht sich dz er schuldi(g) ist vm(b) alle(n) vnfleyß.

ff. man. ide(a)qs. §. si procurator. Item dein procurator ist dir schuldig zů keren den schaden.

Ite(m) in de(m) obgeschriben libel würt geclagt vmb dz d(er) gewalt vffgenom(m)en ist / er ist aber übel getriben worde(n) durch arge(n)list od(er) vnfleyß / wo aber d(er) gewalt vff genom(m)en were / vnd nit geübt worden / magstu clagen vmb den schaden also.

Herr richter ich clag eüch vo(n) .R. den hab ich zů eine(m) procurator gesatzt / dz er alle mein sach üben vn(d) treyb(e)n solt / d(er) hat nun den gewalt vff sich genom(m)en vmb sunst / so aber nun der genant .R. durch sein vntreüw oder argenlist / od(er) vnfleyß ist seumig gewesen / vnd hat die sach zů treyben vnderwegen gelassen

(184) Das LXXXV Blat

vnd mir sollichs .x. pfundt schadt / das die sachen nit getrib(e)n vnd volnbracht worde(n) sein. ff. man. l. si procuratorem. Bitt (et)c. erkennen das er mir die genanten .x. pfundt geben sol (et)c.

Item wo du vmb einer sundern habe willen ein procurator bestelt hettest / so solten die habe sunderlich vßlegen im libel also.

ff. man. si procuratorem. Herr richter ich clag eüch von .R. dem hab ich gewalt geben das er mir ein sollichs pferdt kauffen solt / sollichen gewalt hat er vmb sunst an sich genommen. Nun hat er den gewalt nit erfüllet / sunnder er hat sollichs vnnderwegen gelassen durch sein argenlist oder vnfleyß / vnnd sollichs schadt mir sechs pfundt. Bitt (et)c. erkennen das er mir den schaden ablegen vnd keren sol.

Item wann dein procurator die sach getriben hat bößlich / formier dein clage. Ich clag von .R. dem hab ich gewalt gebe(n) das er mir solt ein sollich pferdt kauffen / der hat nun sollichen gewalt vmb sunst auff sich genommen. Euictio. So er aber nun den gewalt bößlich getriben hat / wann er hat mir ein pferdt kaufft / er hat aber durch sein argenlist / oder durch sein vnfleyß / nitt geacht das er im vom verkauffer het verspreche(n) lassen dz im das pferdt nit angewu(n)nen möcht werden / das in latein Euictio genant würt / oder fertigung (et)c. wie sollichs zů teütsch heissen mag / nit versprochen ist. ff. man. idem. Bitt (et)c. erke(n)nen das er mir die genanten zehen pfundt geben sol (et)c.

Item vnderweylen so ist der gewalt volbracht vnd würt dannocht manig man clagen mit diser clag vff das das die habe übergeben werde.

Also formier dein libel.

ff. man. si procuratore(m) cu(m). l. seq(ue)n. Herr richter ich clag eüch von .N. de(m) hab ich gewalt geben das er mir den acker solt kauffen / den selben acker hat er mir von meins heissen wegen kaufft er ist im auch übergeben worden / er wil aber mir den genanten acker nit übergeben durch sein arge(n)list / oder vnfleyß / wie wol ich im das gelt darumb er den genanten acker kaufft hat / geben hab / oder bereit bin zů geben. Bitt (et)c. erke(n)nen das er mir den genanten acker sol übergeben mit der nutzung die er darvß od(er) dauon genommen hat / vnnd das er mirs versprech das er vff den genanten acker kein bürgen gelegt hab / als die bürge des pfands oder dienstbarkeit / vn(d) auch das er mir die clag geb die er hat vonn der fertigung wegen / das euictio genant würt in latein / vnd das er das alles thů / zwingt (et)c.

ff. man. l. ij. in fi. Item wo er den acker gekaufft het / darumb dz ichs im geraten hett / gebürt weder im noch mir dise clage.

ff. man. si ma(n)dato in co(u)i fi. j. r(e)n. i(n) illo veniet ego. Item wo im der acker noch nit übergeben wer / möcht ich nit den acker von im vordern / wan(n) er geb mir die clag die im gebürt widern käuffer / er würt vo(n) mir ledig / er wer mir auch fürter nit mer pflichtig.

ff. man. idemqs. ff. d(e) procur. qui proprio. Item die yngenommen frucht vnnd nutzung mögen auch mit diser clag gefordert werden / wann es sol nichts des gewalts halben bey dem der den gewalt vff sich nympt bleyben.

Mandatarius. ff. manda. d(e) tuo etiam facto. Item du magst wol vordern dz dir d(er) mandatarius dz ist der de(m) du den gewalt geben hast versprech dz er nichts arglistigklich gethon / oder mit vnfleyß vnderwege(n) gelassen hab / wan(n) wo der d(er) den gewalt gehabt hat / die verkauffte(n) habe bey im hielt od(er) yendert in einichen weg die habe einer dienstbarkeit vnderthänig macht / od(er) dar vff entlehet / od(er) verpfendt het / ee er dir die habe übergeben het / so wer er der habe hett / vnd sollichs solt stät vnd vest gehalten werde(n) /

Q

(185) Der Erst Teyl

wan(n) im gewalts brieff steet / das er möge vnd macht haben sol alles des so du thetest wan(n) du selb handelest / vnd du wilt sollichs sein thůn stät vnd vest halten / vn(d) sollichs verstee baß dan(n) ichs yetzu(n)t gesetzt hab. Daru(m)b so sol er dir versprechen / dz er nit arglistigklich / od(er) vnfleyßlichen sich in d(er) sach gehalten hab.

ff. man. si procurator. Ite(m) wo d(er) ma(n)datarius clage(n) mag / wil ich so sol er mir die selben clag geb(e)n.

ff. man. si ma(n)datario. §. sicut autem liberum. Item du solt wissen / wann sich einer des gewalts annympt / so ist er pflichtig den gewalt zů volenden. ff. man. si q(ui)s aliciu. §. an ma(n)datum. Vnd doch mit solchem vnderscheid / wo die sach noch gantz were / das ist das sie noch nit angehabenn wer / so möcht er sich des gewalts begeben vnd reuniciern dem der den gewalt geben hat / das im kein schad geschee / vnd er soll auch vngehindert vnd vngeirt werden dz ers nit hat thůn mögen. cle. instrumento de procur. Geistliche recht im bůch Cleme(n)tin genant setzen schlechts wan(n) der procurator hat den gewalt an sich genommen / der sol getzwungen werde(n) vom richter den der den gewalt geben hatt zů schirmen im gericht / vnnd die sach biß zům end bringen vnnd treyben. Nota. Rei turpis nulla est obligatio. Wie aber der gewalt ein end nympt / sůch Azonem in disem Titel / vnd hab für ein Regel / das schentlich sach kein gewalt sol nemen / also das ich dir gewalt geb den zů mörden / du magst dich nit entschuldigen durch den gewalt / ich bin dir widerumb von sollichs gewaltes geben wegen nichts schuldig.

insti. ma(n)dati. §. illud quoqs. Item der gewalt bindt nit der do ist wider gůtt sitten / als wo du eien heist das er solt stelen / oder dem andern schaden thůn / wann es zympt vnd ist nütz das du die peen des diebstals förchtest / vnd wo du etwas also für die peen geben hettest / dir gebürt kein clag wider den der dichs geheissenn hatt / wann die sach ist wider gůt sitten vnd auch an ir selbs schentlich.

De contraria actione mandati.

So der procurator clagen wil wider den der im gewalt geben hat.

ff. man. si vo. non remunerandi. §. contrario. Als die vorgeschriben clag gebürt dem herrn der den gewalt geben hat. Also gebürt dem procurator dise clag widern herren. In der sich gebürt.

Am erste(n) das der gewalt volendt werde/ hab ich dich geheissen das du mir kauffen solt ein wisen / wo ich das gelt noch nit betzalt hab / vnd du würdest beclagt das du das gelt betzalest das ich schuldig bin / du magst wider mich clagen das ich dir dein gelt geb vom kauffen das dir gebürt so ich das gelt nit betzalt hab / vnd in disem casus ist volendt der gewalt. ff. c. lucius. C. c. si pro ea. ff. de fide eius. fideiussor. Wo ich dich aber geheissen het das du für mich in gericht geest / du magst wider mich nit clage(n) ee dan(n) die sach in recht volendt ist / wo du aber für mich bürg werst worde(n) / du magst wider mich nit clagen du habest dan(n) betzalt / oder du seyst zů betzalen verdammet / ich wer dann lang schuldig blibenn / oder ich verthet bößlich mein habe / oder es wer dann anders zwyschen vns geredt worden.

ff. c. preteres. Am andern das du den gewalt gantz volendt hast / wilt du dise clag fürn / anders sie gebürt dir nit.

ff. c. si vero no(n) re munera(n)di. §. si passus. Am dritten das ich dir gewalt geben hab / anders wo ich dir verbotten het / het dise clag nit stat.

Exceptio perpetua. Am vierden das dir kein vnfleyß zů getzelt werde / wann du solt alles das gethon haben das du thůn solt / wan(n) wo du hettest ein exception die in latein Perpetua heißt vnderwegen gelassen so du gewißt hast das sie dir gebürt hat

(186) Das LXXXVI Blat

vß meiner person / du magst dise clag nit füren / als dann solichs clärlich sagt Azo in seiner summen diß Titels. In diser clag formier also dein libel.

Herr richter ich clag eüch von .R. der hat mir gewalt geben das ich im ein sollich pferdt solt kauffenn vmb zehen pfundt / nun hab ich im das selb pferdt kaufft vmb zehen pfundt die weyl der gewalt nit widerrüfft ist gewesenn / das selb gelt hab ich betzalt. Bitt (et)c. erke(n)nen das er mir die zehen pfundt geben sol / vnd den schaden der dar vff gangen ist (et)c. Oder also.

Herr richter ich clag eüch von .N. der hat mir gewalt geben das ich für in bürg würd gege(n) de(n) .N. vmb .xx. pfund. Nun bin ich bürg worde(n) für in / vnd habs betzalt. Bitt (et)c. erkennen das er mir die genanten .xx. pfund wider gebe.

Reuocat(i)o mandati. Item merck / wo der gewalt widerrüfft wer worden / so gebürt dem procurator diß clag nit. insti. de man. §. recte. et. §. ites si adhuc. Wo aber der herr nach der widerrüffunng sollichs stät hielt / durch sein stät halten würd das vorig mandat vnd gewalt wider erneüwert.

ff. man(n) si vero no(n) remunerandi. Item du magst wol vordern den wůcher so du gelt auff wůcher entlehest / oder gewechselt hettest.

ff. man. idemqs. §. item labeo. Item du magst vordern die kostu(n)g dz ist die expenß. Doch dz sie in gůttem glaube(n) vertzert sey worde(n) / nach de(m) wesen d(er) person die den gewalt an sich geno(m)en hat / wan(n) wer er ein pawr / so ist er vor gewonlich zů fůß gange(n) / er sol darumb nit zů vil zů farn oder zů reyten vßgeben / oder auch vmb kostlich essen / wan(n) er sol zwybeln vnd knobloch essen / als du in der clag von der geselschafft sollichs auch vindest. ff. manda. si diligenter. Also hast du das der procurator wo er fleyssig in d(er) sach gewesen ist / mag alles das / das er vßgeben hat gäntzlich vordern.

ff. man. q(ui) fidem. Item merck / wo ich für ein bürg würde so er mirs verbeüte / diß clag gebürt mir nit / wo ich aber ins einer gegenwertigkeit bürg würd / vnd er widersprechs nit / wann ein sollicher würt gehalten als ob ers hieß.

C. man. si p. ea. Item du bürg můst das gelt betzalt haben / anders dir gebürt diß clag nitt wider den schuldner. Vnd das felt in vier wege.

Bürg mag sich zu beledige(n) vordern. Am ersten wo ir sollichs eins worden seyt.

Am andern wan(n) die obligieru(n)g lang gestande(n) ist / wie aber dz lang geurteylt sol werden / gehört dem richter zů / wan(n) es steet in rechten geschriben.

ff. de iur. deli. l. j. in fi. Am dritten wann der bürg condemniert ist.

Am vierden wo der schuldner anhübe das sein bößlich on zů werden / das zů verderben dient / als dann möcht der bürg clagen / auff das das er von der burgschafft ledig würd. Vnd in dem formier also dein clage.

Herr richter ich clag eüch von .R. mit seim willen od(er) in seiner gegenwertigkeit / vnd hat dz nit widersprochen / od(er) er hat michs geheissen / bin ich bürge worde(n) gege(n) de(n) .N. seim creditor vmb .x. pfund die er im schuldig gewesen ist. So ich aber nun lang bürg gewesen / od(er) so ich nun in gericht gelade(n) vn(d) verfelt bin / vn(d) vom vrteyl geappelliert hab vmb die genante(n) .x. pfund / oder so nun d(er) genant .R. hebt an zů verderbe(n) vn(d) würt das sein bößlich on / od(er) so aber der genant .R. mit mir eins ist worden das er mich in der zeyt wolt ledig mache(n) / vn(d) hat sollichs nit gethon. Bitt (et)c. erke(n)nen dz er mich vo(n) der bürgschafft soll ledig machen.

vt dicta. l. si pro ea. ff. man. si procuratorem. §. si ignorantes. Item wo ich bürg verfelt wer worden / vnd het nicht geappelliert / wann ich bin schuldig zů appellieren / ich möcht nit clagen / ich het dann dem schuldner so er nit gegenwertig wer verkündet das er appelliert / were

Q ij

(187) Der Erst Teyl

anders billich zů appellieren / oder ich het das appellieren von armůt wegen vnderwegen gelassen.

Item was du in disen clagennit vindest / sůch in Azone vnd Rofredo.

De actione depositi.

Von vordern der habe die zů behalten geben ist.

ff. c. l. j. Hast du ein habe eim zů behalten geben / dir gebürt dise clag so du die habe wilt wider vordern. In der sich.

insti. qui. mo. tol. obli. Am ersten gebürt das ein habe zů behalten gebenn werd. Wann diser contract würt mit der habe contrahiert.

ff. c. l. j. §. j. Am andern dz die hůte d(er) habe de(n) zůgehöre / bey de(n) die habe behalten würt.

ff. c. q(ui) nerua. Item der der die habe zů behalten nympt / ist schuldig von argemlist vnnd grossen vnfleyß. ff. c. l. j. §. si conuenerit. Vnd in gleychen casus ist er pflichtig von leychtem vnfleyß / wann sie sollichs über ein worden sein.

ff. c. l. j. §. conuenit sepe. Ite(m) er ist pflichtig de casu fortuito / wan(n) sie solichs über ein kom(m)en sein / vnd sollich casus nemlich bestympt seind / vn(d) wo er sich des zů behalte(n)s erbotte(n) het. ff. c. si in asia. §. que(m)admodu(m). Vnd auch wo er seumig gewesen wer dz zů behalte(n) gebe(n) ist wider zů geben.

ff. c. q(uo)d nerua. Item wo der vnfleyß vorgeet dem casu fortuito / so macht er das der / der zů behalten genom(m)en hat dem schuldig ist vom casu fortuito.

ff. c. l. j. §. si rem de positam. Item wo einer argenlist treybt in der zů behaltenen habe / er würt obligiert de caus fortuito.

Item wo die habe deinethalben oder vmb deinen willen zů behalten gebe(n) ist / ist deßgleychen.

ff. d(e) vi bo. rap. l. ij. §. queru(m) in fi. Item wo er lon genommen hat vom behalten / er ist auch schuldig de casu fortuito.

ff. c. luci. ticius. Am dritten das nichts geben werd vmb das behalten / wann als dan(n) würt sollichs nit diser contract / sunder prescriptis verbis / oder der contract vom hinleyhen / von dem du oben hast. Als balde als man gelt darumb geyt / so würt die natur des contracts verwandelt.

ff. c. licet. §. rei. Am vierden das wir zů der behalten gebenden habe / eygenschafft vnd besitz vnns behalten. ff. c. luci. ticius. Wo aber die eygenschafft der habe in den der zů behalten genommen het / transferiert were / so würt solichs nit diser contract / sunder ein ander contract als wechsel.

ff. c. l. j. §. si rem. Am fünfften das die zů behalten gebend habe nit böser wider geben werde.

Am sechsten das die habe sey farend oder sich selbs wögend / wann vmb ligender habe willen gebürt sich dise clag nit. Als du sollichs gäntzlich vindest in Azone in disem Titel.

ff. c. qui rem. Am sybenden / das die habe sey nit des eygen der sie zů behalten nympt.

ff. c. l. j. §. si quis aurum. Am achten wan(n) die zů behalten geben habe gefordert würt / so soll man die zeychen sagen die die habe hat.

ff. c. si plures. §. vlti. Am neünden das die habe sey in der natur / wann wo sie natürlich vergangen were / der sie zů behalten genomme(n) het würd erledigt / on in den casus da er schuldig ist vmb die casus fortuitus.

Item in zwen weg magst du formieren dein clag / antweder die habe würt dir nit wider geben / vnd so clag du also.

Herr richter ich clage eüch vonn .R. dem habe ich zů behalten gebenn ein

(188) Das LXXXVII Blat

sollich bůch der alten geschrifft vff kelbere heüt geschribe(n) / nun wil der genant .R. mir das selb bůch nit widergebenn. Bitt ich eüch erkennen das er mir das genant bůch sol widergeben.

ff. c. l. j. in fi. Item du magst als bald du die habe zů behalten geben hast diß clag füre(n) / wann du můst nit harren biß das der / der zů behalten genom(m)en hat argenlist treybt / wann als bald ers nitt wider geyt / so ist er pflichtig vmb den argenlist treybt / wann als bald ers nitt wider geyt / so ist er pflichtig vmb den argenlist. ff. depo. l. j. §. penul. (et)c. c. l. si q(ui)s §. vlti. Vnd wo im zů behalten geben vnd geredt were worden das solichs nit wider geben solt werden dan(n) nach dem tod / so möcht der / der zů behalten geben het sein willen wandeln / wan(n) sollichs schadt dem depositario nit. Wann die habe böser widergeben würt. So formier also dein clage.

Herr richter ich clag eüch von .R. dem hab ich zů behalten gebe(n) ein sollichs pferdt / das hat wol gesehen / das hat er mir eineugig an de(m) rechten aug blindt wider geantwurt durch sein argenlist / od(er) grossen vnfleyß / so mir nun sollichs schadt zehen pfundt das das pferdt am rechten aug blindt ist. Bitt (et)c. erkennen das er mir die zehen pfundt schuldig sey zů geben (et)c.

Inficiatio(n)e crescit actio. Item merck / das diß clag wechßt vom leugken / dz in latein inficiatio heißt in vier weg / wo die habe würt zů behalten gebe(n) vmb brinnens / niderfallens / schiff vndergeens oder vflauffs willen. In sollichem formier dein clag also.

insti. d(e) act. §. ite(m) comodati. Herr richter ich clag eüch das ich von vflauffs willen hab zů behalten geben .R. ein sollichs bůch. Bitt (et)c. erkennen das er mir das / dz ich im zů behalten hab geben wider antwurten sol / wo er aber arglistigklich leugken würt dz ichs im nit zů behalten geben hab. Bitt ich eüch das ir erken(n)t das er mir dz genant bůch wider geben sol vnd dartzů was es wert ist / vnd das ers thů (et)c.

ff. de posi. si quis inficiatus. Item wo einer nit arglistigklich leugket er sol nit zwyfach verdampt werde(n). Von der materie hast du oben ein sundere clage.

De contraria actione depositi.

Wider den der zů behalten geben hat.

ff. c. l. apud que(m). (et)c. l. act(i)o d(e) positi. Als die vorig clag dem der zů behalten geben hat / als gebürt diß clag dem der zů behalten genom(m)en hat / vmb der expenß willen / vnd ander ding die er vßgeben hat vmb der habe willen die im zů behalten geben ist.

Item in diser clag ist notturfftig vnd gebürt sich nahendt alles das dz sich in der vorigen clag gebürt / on das man mit dem eyd behelt allen schaden so d(er) der zů behalten genom(m)en hat die habe nit wider geben wil / das in latein heißt iurare / aber in diser clag geschicht solicher eyd nit / es ist aber das nottürfftig dz du expenß gethon habest vnd nutzlich / anders dise clag hat nit stat.

In diser clag formier also dein libel.

ff. depo. l. actio. Herr richter ich clag eüch von .N. der hat mir zů behalten gebe(n) ein solichs pferdt / nun hab ich dem pferdt zů fůter vnnd zů neren vßgeben sechs pfundt. Bitt (et)c. erke(n)nen dz mir die genanten .vj. pfund betzalen sol (et)c. ff. como. l. in reb. §. possunt. Waru(m)b ist das das in diser clag expenß so sie schon clein gefordert mögen vnd betzalt sollen werden / vn(d) doch in der andern clag des gewalts obgeschribe(n) nit. R(e)n. Officium suus nemini debet esse nociuum. Das ist darumb wann gewonlich der der zů behalten nympt hat kein nutz des der zů behalten gibt. ff. de iur. si suus. So einer nun keins nutz hofft der selb sol kein schaden neme(n) oder leyde(n) wie clein er ist / wan(n) es sol nyeman seins ampts schade(n) haben. Vnd

Q iij

(189) Der Erst Teyl

das ist war es wer dan(n) das das zů behalten geben were vmb nutz des der zů behalten genommen hat.

De actione tutele.

Von der clag wider die vormündt oder vögt.

Darumb das offt tutores seind / das ist die vormündt oder kindt vögt / die vormundtschafft üben vnd treyben. Ist gemacht dise clag. In der sich.

Tutor testame(n)tarius. Am ersten gebürt das der tutor das ist der vormundt / sey testamentarius / das ist das in der vatter in seim testament dem waisen gesatzt hat. Legitimus. Oder legitimus / das ist das er von gebott des rechten gesetzt sey / als die nechsten freünd von vatter vnd von můtter. Datiuus qui petunt tutores vel procuratores. Oder datiuus / das ist das der den der richter geben hat / vnd wer die selben seind die sollichs bitten solben / vn(d) was peen sie verfallen wo sie den vormund vom richter nit bitte(n) (et)c. Sůch in Azone im Titel.

C. arbitriu(m) tute. l. q(u)e quid. ff. c. l. j. in princi. Am andern das er in den dinge(n) die er weißt dz ers nitt thůn sol argenlist od(er) grossen oder leychten vnfleyß gethon hab / oder das er nit gethon hab das er gethon solt haben.

insti. qui. mo. tute. fini. si cui. Am dritten das die vormundtschafft ein ende hab / die in manch(e)n weg ein ende nymmet / sůch. Wann nun einer vormundt ist formier also dein clage.

Herr richter ich clag eüch von .R. der ist mein legitimus oder testamentarius / od(er) datiuus tutor vormundt gewesen. So aber nun die vormu(n)dtschafft ein ende hat. Bitt (et)c. erkennen das er mir sol rechnu(n)g thůn seiner vormundtschafft / vnd gethon solt haben / vnd dartzů den wert keren vnnd geben sol des schadens den er mit seim argenlist / oder grossen od(er) leychten vnfleyß / in d(er) vormundtschafft begange(n) hat / oder mit seiner bösen übung / oder mit seinem bösen vnderwegen lassen / oder so er wol möcht nutz schaffen / vnd hat solichs nit gethon / oder gewunnen so er gewynnen möcht / vnd was er mit de(m) baren gelt gethon hab / vnd das er das alles thů / zwingt in dartzů (et)c.

Item ob das teütsch so gar nit ebenn stee / so sol ein yegklicher nach gelegenheit der sachen selbs nach dem besten setzen vnd füren.

ff. de auctorita. tuto. l. tutor. §. competit. Item merck das der vormundt in allem dem das er vnderwegen gelassen vnd gethan hat / ist schuldig von argemlist / grossen vnd leychten vnfleyß / on in kauffen / ist er allein von argenlist vnd grossen vnfleyß schuldig / wan(n) das recht wolt nit das der vormundt im kauffen schuldig wer von leychte(n) vnfleyß wan(n) in dem selben contract werden die menschen leychtlich betrogen.

ff. de tute. et ra. distra. l. j. Item der vormundt ist pflichtig rechnung zů thůn vmb alles das das de(m) waisen zůgehört. C. arbi. tute. curator. Vnd auch wo er das gelt hin gethon hat / vnd was er mit gewunnen möcht haben / vnd ob ers in sein eygen nutz gekert hab (et)c.

ff. de tuto. et cura. da. l. j. §. nu(n)c tractemus. Item wan(n) mer vormündt sein dan(n) einer. Antweder die vormundtschafft ist nit geteylt / weder vom richter / auch nit vom testator / vnd also / sie habe(n) sich all der vormundtschafft vnderwunden / od(er) ir keiner / sie seind all pflichtig / vn(d) in de(m) casus formier dein clage wie obstat. Wo aber einer die vormundtschafft treyb vnd der ander nit. Am ersten würt beclagt der ders treybt vmb das das er getriben hat / vnnd darnach der magistrat oder der rat der selben stattt / am dritten der ander vormund / vßgenom(m)en in disen vier casus sol der ander vormundt beclagt werden ee dann der magistrat oder rat (et)c.

(190) Das LXXXVIII Blat

Am vierden wo der vormundt der sich der vormundtschafft nit angenommen hat / sein mit vormundt nit beclagt hat als ein verdachtenn vormundt / oder er hat in zů langsam oder spat verclagt / oder im verclagen die gerechtigkeit der waisen geoffenbart / oder er hat von seim mit vormundt / satisdatione(m) die sicherheit vorm richter nit gefordert / vnd in dartzů bracht.

Item das wort satisdatio helt vil in im / wann der vormundt sol inuentorium machen / das ist / er sol beschreyben alles das / dz der waise hat / sollichs beschreyben dem richter fürbringen.

Item schwören das er dem waisen alles das im nütz sey thůn wöll / vnnd was im vnnütz sey wöll er lassen.

Item das der dem waisen das sein behalten / vnd nit empfrembden wöll.

C. arbi. tute. l. ceteris. §. v. l. et in sti. de suspec. tuto. §. iij. Item wo der vormundt nit inuentorium macht / so sol er als ein verdachter vnd arckweniger vom ampt gesatzt werden / man sol in auch gefangen legen mit billichen pene(n) straffen / er würt auch erloß. Vnd ist dem waisen pflichtig / vnd sol im verdampt werden in allem dem das der waise mit seim eyd behalten mag / vnd anders mer das du vindest im bůch Codex genant / im Titel de administratione tutorum vel curatorum / vnd also magst du in etlich weg formiern dein clag / wan(n) du wilt clagen wider den d(er) die vormundtschafft getriben hat / vmb das das er getriben hat / vnd auch was er vnderwegen gelassen hat / vnd als dan(n) formier dein clag wie obstat. Wo du aber allein den beclagen wilt vmb das er getriben hat / vnd als dan(n) formier also dein clage.

Herr richter ich clag eüch das .T. vnd .R. seind mein vormundt gewesen datiui / legitimi vel testamentarij. Nun hat .R. sollichs mein geschäfft getriben / so aber nun die vormundtschafft ein end hat. Bitt (et)c. erke(n)nen das er mir sol rechnung thůn von dem das er getriben hat / oder sich vnderwunden hat / oder wie du sollichs zů teütsch machst / vnd das er mir geb den wert des schadens / den er mir mit argemlist od(er) grossem oder leychtem vnfleyß gethon / vn(d) auch das bargelt wider gebe / wiltu aber wider den clagen der sich nichts vnderwunden hat / vmb das / das ers vnderwegen gelassen hat.

Also formier dein clage.

Herr richter ich clag eüch das .T. vn(d) .R. sein mein vormundt gewesen (et)c. vnd der genant .T. hat sich der sach zů regieren vnderwunde(n) / aber die and(er)n mein geschäfft seind vnderwege(n) bliben / vnd solichs schadt mir .x. pfund. So aber nun die vormundtschafft ein end genom(m)en hat / vn(d) d(er) genant .R. wol gewißt hat / vo(n) d(er) zeyt her dz er vormundt gewesen ist / in d(er) zeyt er die genanten geschäfft wol regiert möcht haben / vnd vßgericht / vnd hat des nit gethon. Bit (et)c. erkennen das er mir die genanten .x. pfundt schadens geben sol.

ff. de tuto. et cura. da. l. j. §. nu(n)c. tractemus. Item wo sich keiner der vormundtschafft vnnderwunden het / so mag ich einen welen zů beclagen wölchen ich wil / er mag sich aber schirme(n) mit der exception epistole diui Adriani / als die bürgen / dz nit yegklicher schuldig sey für es alles rechnung zů geben.

Item wo der vormundt der sich der vormundtschafft vnderwunden hette nicht zů betzalen / nach dem selben würt beclagt der magistrat oder der Radt vmb das / das der regierend vormundt gethon het / vnd darnach erst der ander vormundt. Vnd in dem casus formier also dein clage.

Q iiij

(191) Der Erst Teyl

Herr richter ich clag eüch das .T. vnd .R. seind mein vormundt (et)c. gewesen / vnd .T. hat solliche mein geschäfft regiert vnd hat mich geschedigt vmb zehen pfundt / durch sein argenlist / grossen vnd leychten vnfleyß / vmb den selben schade(n) hab ich beclagt den genanten .T. darnach den magistrat / das ist der / der den gerichts zwang innen gehabt hat / oder den rat der statt / de(m) zů gehört das er vonn den vo(r)munden satisdation sol heischen / oder der magistrat / das er oder sie vorschen solten von der habe vnd vermügen des genanten .T. haben sie den grossen magistraten / das ist dem landtrichter liegend entbotten das der genant .T. tügenlich sey von dem magistrat oder rat / vnnd auch .T. hab ich nichts mögen bringen / wan(n) sie mögen nichts betzalen / so aber nun die vormundtschafft ein ende hat / vnd der genant .R. gewißt hat / das er ist vormundt gewesen zů der zeyt da sich der vorgenant .T. der vormundtschafft vnderwandt. Bitt (et)c. erke(n)nen das er mir die genanten zehen pfundt schuldig sey zů betzalen / vnd das ers thů / zwingt in (et)c.

ff. de magistra. conueniendis. l. in princi. Merck / die mindern magistrat / das sein die / die cleinen gerichts zwang haben / vnnd Rät in den stetten / die sein schuldig das sie die vormunder dartzů halten das sie satisdation thůn / vnnd sollen auch erfarn was der vormundt vermüge / vnd ob er tügenlich zů der vormundtschafft sey.

Ite(m) in vier casus obgeschriben würt beclagt d(er) ander vormundt der nichts gethon hat ee dann der magistrat. Also formier dein clage.

Herr richter ich clag eüch das .T. vnd .R. seind mein vormundt gewesen vnd .T. hat sollich mein geschäfft bößlich regiert mit seim argenlist / oder grosser / oder leychten vnfleyß / durch sollichs bin ich geschediget worden in viertzig pfundt. Nun ich beclagt den genanten .T. vnd kundt im nichts angewynne(n) wann er hat mich nit zů betzalen. So aber nun die vormundtschafft ein end hat / vnd der genant .R. hat wol gewißt vond er selben zeyt das er vormundt was / da der genant .T. die vormundtschafft über vnd getribe(n) hat mit argem list / oder mit grossem oder leychtem vnfleyß / vnd er hat den genanten .T. als ein arckwenigen vnd verdachten vormundt nit vorm richter verclagt vnnd gefordert / das er von der vormundtschafft gestossen würd. Oder er hat solichs gefordert aber zů langsam / oder in dem als er vordert dz er abgesatzt solt werden / hat er mein gerechtigkeit geoffenbart / aber er hat nicht gefordert satisdationem von dem genanten .T. da er sahe das er anhůbe zů verderben. Bitt ich eüch dz (et)c. erke(n)nen dz er mir die genante(n) .xl. pfund gebe(n) vn(d) betzale(n) sol (et)c.

ff. d(e) administra. tuto (et)c. cura. l. tutores. Item wo die vormunder alle regiert hetten / vnd doch geteylt / habe(n) sie selbs das regieren geteylt / so ist es eben als hette(n) sie gemeynklich regiert / were aber sollich teylung des regierens geschehen durch den testator / od(er) durch den richter / so möcht keiner für den anndern beclagt werden / dann allein yegklicher vmb sein regieren / als in den vier casus / dar in(n) allein yegklicher vmb sein regieren verclagt würt / also wann er den verdachten vormundt nit hat gefordert / oder in der vorderung hat er die recht des waisen geoffenbart / oder hat nicht gefordert von im satisdationem / vnd wann er in seiner regierung brieff vnd ander gerechtigkeit gefunden hat die zů des andern vormunds regieru(n)g gehört haben / vnd hat in sollichs nit erinnert.

C. de periculo tut. l. ij. Item merck eben das in disen vier casus / keiner pflichtig ist vo(n) des andern

(192) Das LXXXIX Blat

geschäffts wegen / sunder allein von seiner eygen saumnüß wegen / vnd vnfleyß / vnd das ist war / wo die regierung geteylt were / vnnd doch in eim landt were / oder in einer statt / wo aber die teylung des regierens geschehen wer vom richter / oder von dem testator / also das einer in welschen landen solt die vormundtschafft regieren / so wer in den vier obgeschribe(n) casus keiner für den andern pflichtig. C. de diui. tu. l. j. et vlti. Wo aber vnder denen die regiert hetten / etlich zů betzalen hetten / vnd etlich nit / so sollen allein die beclagt werden die zů bezalen haben / sie hetten dann alda sie vom ampt komen zů betzalenn gehabt / wann der minor sol im sollichs selbs zů zelen das er so lang geschwigen hat.

Item wo der minor / das ist der / der noch nit .xxv. iar alt ist wil clagen wider den ein curator vmb das das er etlich sach übel regiert hatt / diß wort tutor vnd curator nym(m) ich eins als das ander im teütschen / mit de(m) wort vormundt.

So clag vnd formier also dein clage.

Herr richter ich clag eüch vo(n) .N. der ist mein vormundt / vn(d) hat .x. pfundt gelts in sein eyge(n) nutz gekert. Bitt ich eüch von meins .T. der auch mein vormundt ist gewalts wege(n) / dz ir mit eüwerm rechtliche(n) spruch erken(n)t / dz er mir die genante(n) .x. pfundt sol wider gebe(n) mit de(m) schade(n) (et)c. wan(n) er solt mir das genant gelt angelegt / vnd die wey(l) souil damit gewunnen haben (et)c. wie dan(n) der handel geschehen ist soltu ertzelen baß vnd clärlicher dan(n) ich dirs alhie setze.

ff. de tute. et ratio. distra. si cus adhuc. §. cus curatore. In sollichem casus magstu clagen ee dan(n) die vormundtschafft ein end hat.

C. si aduer. rem iudi. cum et minores. (et)c. C. de p. cur. no(n). eo mino. Item du můst sollichs clage(n) mit willen vn(d) gewalt des and(er)n vormunds / wann all die weyl du vnder .xxv. iarn bist / magstu im rechten für kein person zů verlust / aber wol zů gewynnen steen von dein selbs wegen.

ff. de auc. et consen. tu. pupillus. Item es ist gnůg das wir eim vormundt sollichen willen vnd gewalt geben vff das / das der minor vff den andern vormundt clage.

Curator in lite(m). Ite(m) wo ich kein vormu(n)d hab dan(n) .R. wid(er) den ich clage(n) wil / so sol ich vo(n) richter mir vordern ein vormundt zů geben zů diser sach / von des selben gewalts willen vnd beystandt so mag ich clagen wider .R. mein vormund / vnd wan(n) die sach im rechten ein end hat / so hat die vormundtschafft auch ein ende.

C. de admi. tut. l. pro. officio. Item du solt wissen das der minor nit allein clage(n) mag wid(er) sein vormu(n)dt als wid(er) sein person / von seins bösen regierens wegen. Wan(n) er mag auch dur(ch) ächte(n) veruolge(n) behe(m)men vn(d) anfallen die habe seins vormu(n)ds bey eim yeglichen besitzer mit der clag genant ypothecaria / wann de(m) minor sein alle habe des vormunds schweygend verpfandt / wo er übel vnd bößlich regiert.

de testa. tut. Item in diser clag were notturfft zů wissen diß Titel. Von der vormundtschafft vß dem Testament. de confir. tut. Vonn dem confirmieren den selben vormundt. de legit. tut. De legitima tutela / von der vormundtschafft der die von gesetze des rechten vormundt seind. de dati. tut. Wölche vormundt vom richter vordern vnd begern möge(n).

vbi tut. pet. Item wo die vormundt gefordert mögen werden.

de tut. illus. per. Item von den vormunden der Grauen vnd der edeln herrn.

qui tutores dati pos. Item wer vormundt geben sol / vnd wölche gegeben mögen werden.

q(ue)n. mul. tut. effing. pos. Item wann frawen mögen vormundt sein.

qui. casi. bab. tu. Ite(m) in wölche(n) sache(n) de(m) d(er) kein vormu(n)d hat / ein vormund mag gebe(n) werde(n).

tutor. da. pos. de admini. tut. Item von dem regieren der vormundt / vnd ob sie mit dem gelt des waisen wůchern mögen / oder zů behalten mögen geben.

(193) Der Erst Teyl

q(ue)n damnu(m) (et)c. piculu(m) ad ru. per. Item wann der schad vnd der verlust dem vormundt heim geen sol oder zů steen.

qua(n)do minor ex fa. tut. Item wann der minor vß der that seins vormunds clage(n) oder beclagt werden möge.

Item das der vormundt nit vom fisco / besteet in latein vectigalia genant.

de tut. qui no(n) satis dedit. Item von dem vormundt der nit satisdationem gethon hat.

de suspec. tut. d(e) tu. i(n) lite da(n)do. Item von den arckwenigen vnd verdachten vormunden.

Item von den vormunden zů kriegen geben.

Item wo die můtter verheißt schadloß zů halten.

Item wo wider den willen der můtter der vormundt geben ist.

de eo q(ue) p. tuto. vbi pupil. educ. debet. Ite(m) vo(n) de(m) der als ein vormundt regiert hat vn(d) ist kein vormundt gewesen.

Item wo die waisen ertzogen sollen werden.

Item was narung man in geben sol.

de diuide(n)da tutela. Item wie man die vormundtschafft teylen sol / vnnd vmb wieuil yegklicher vormundt beclagt sol werden.

Item wie man in diser clag vnnd wann man die habe vnnd den wert des schadens mit dem eyd behalten mag.

de hered. tuto. Item von den erben der vormunden.

de fideius. tuto. Item von den bürgen der vormunden.

Item wann die vormündt den minoribus gewalt gebenn mögen oder zů contrahieren in iren schaden.

q(ue)n. tut. esse defi. de actore. Item wann die vormundt heben an nymmer vormundt zů sein.

I(t)em wann der vormundt ein anndern mit namen actorem an sein statt so er selbs nit mag / geben möge.

de excusa. tut. si ex falsa causa. Ite(m) wie sich die vormund so sie der richter setzen wil entschuldigen mögen.

Item wo er fälschlich entschuldiget were das er den schaden gelten sol.

Item der vormundt von meines nutzes wegen oder willen vß ist.

qui etate. Item von dem entschuldigen der alten.

Item von dem entschuldigen ander vormundtschafft.

qui numero liberorum. Item von denen die sich von der menge ir kindt entschuldigen. insti de excu. tu. in princi. (et)c. §. hi enim. In dem selben Titel hast du das die kindt auch getzelt werden für lebendig die am spitzen des streyts gestorben sein / wann die selbenn vmb der eren willen schätzt sie das recht ewigklich leben.

qui morbo. Item von siechtagens wegen.

Item von dem vormundt des narren oder des geydischen.

Item das der vormundt kein ligendt gůt oder habe mag on erkentnüß des richters nit empfrembden oder obligieren.

q(ue)n decreto non est opus. Item wann sollichs erkennes nit not sey.

Item wo einer so er nit gewißt hat das die habe des minoris ist gewesenn / hat die selben habe gekaufft.

Item so der minor zů seinen tagen kommen ist / hat die empfrembdung on erkentnüß geschehen / stät gehalten.

Po. Et nunc reges intelligite. Nota. Item hier inn verstee vnnd merck / das gott nit vmb sunst gesprochen hat. Vnd nun ir Künig solt versteen / vnnd ir die das erdtreych vrteyln solt gelert werden / vnd fürter nach sollichem ist im rechtbůch gesatzt / das keiner richten sol er sey dan(n) gelert / da bey du wol mercke(n) magst / wieso gar thörlich den waisen

(194) Das XQ Blat

die nicht zů iren tage(n) kom(m)en seind geurteylt würt / so die rauchen / die truncken / die vngelerten leyhen vrteyln / vnnd duncken etlich mer nach gunst dann nach vernunfft / vnd wöllen wissen warumb einer clage / oder sich bewere vß seiner angesicht / oder auß alten vergangen thaten / das doch in im selbs heimlich ist / wann nyemandt weißt des menschen synn / vnd kan auch des menschen hertzen erfarn dann allein gott. Judicandu(m) f(e)m. allegata et probata. Auff sollichs ist gesatzt das der richter vrteyln sol nachclag vnd antwurt vnnd beweysung / vnnd nit vß versehen oder arckwon. Du versteest auch wol / dz die rechte(n) weysen sprechen wie in den rechtbüchern geschriben steet / darumb die Keyser groß arbeit vnd fleyß gethon haben biß sie die recht gesetzt haben.

Auch wie die teütschen Keyser so gar kein verstentnüß haben / vnd dartzů übel gethon das sie leyden das die vngelerten zů gericht sitzen.

De contraria actione tutele.

Wider die deren vormundt oder vogt du gewesen bist.

Als die vormundt mit der vorgeschriben clag beclagt werden. Also gebürt dise clag den vormundern / widerumb wider die deren vormundt sie gewesen seind. In der formier also dein clage.

Herr richter ich clag eüch von .N. des vormundt ich gewesen bin / vn(d) hab sein habe regiert / vn(d) hab souil vßgebe(n) als .x. pfund die ich alda verzert hab (et)c.

Item ich hab mich obligiert gegen dem .N. seim creditor / vmb den ich zehe(n) pfundt entlehent vnd in wechsel genom(m)en hab. So ich nun die genanten expenß am ersten nutzlich gethon hab / vnnd die vormundtschafft ein ende hat. Bitt (et)c. erkennen das er mir die genante(n) zehen pfundt expenß mit dem schaden (et)c. geben sol / vnd mich von dem genanten .N. seim glauber oder creditor ledig machen sol / vnd das ers thů (et)c.

Item du solt in diser clag bestymmen die expenß die du gethon hast.

ff. de contra. act. tu. l. j. §. finito. (et)c. l. ij. §. sufficit. Item es ist gnůg das sie am ersten nutzlich vßgeben seind worden / vnd ob kein nutz darnach gefolgt hat.

Item der schaden sol abgelegt werden / wölcher schade vnd in wölchen weg frag die gelerten darumb.

Comodati directa.

Von der clage des entlehens.

Offt geschicht das du deine / oder ein frembde habe die du besitzt leychst / vnd der ders entlehet / wil dirs nit wider geben / gebürt dir dise clag wider in.

ff. c. l. j. §. in commodato. ff. de p(e). ca. cu(m) p(re)cario. Am ersten gebürt sich das du ein habe eim leyhest zů eine(m) bestympten nutz oder brauch / die selb habe sey ligendt oder farendt. Also wan(n) all die weyl er den brauch nit volnbracht hat / du magst die habe nit wider vordern. Es ist aber in precario anders / das ist so einer eim ein habe leycht / vnd der brauch oder dz nutzen würt bestympt / die selb habe mag widerrüfft werde(n) wan(n) du wilt. ff. de p(re)ca. q(ui)situ(m). Vnd das darumb wan(n) im precario wiewol dirs gelühen würt vmb deinen willen so bistu doch nit mer pflichtig / wan(n) von argemlist / vnd grossem vnfleyß. ff. de p(re)ca. l. j. et ij. Es ist nit ein wunder hastu etwas wid(er) dich dz sollichs mag widerrüfft werde(n) vor der zeyt / wann es vnbillich ist das du das mein brauchst wider mein willen.

(195) Der Erst Teyl

ff. c. si vt certo. §. j. Aber in comodato / ist der / der entlehet hat zů eim besundern nutz vn(d) brauch / pflichtig / von argemlist / grossem / leychtem / vnd dem leychsten vnfleyß.

ff. c. si vt certo. §. nunc videndus. insti. man. §. pe. Am andern das die habe gelühen werd vmb sunst / wann wo sie vmb gelt gelühen wer / würt sollichs hinleyhen in latein locatio genant / oder ein ander vnbestympter contract / wo etwas anders darumb geben würt.

ff. como. rei. Am dritte(n) / dz der gelühene(n) habe / eyge(n)schafft vn(d) besitz bey de(m) leyher bleybe.

ff. c. si incerta. §. comodatum. §. q(uo)d vero. (et)c. §. custodiam. (et)c. §. interdum. Am vierden das das leyhen allein von deines nutzes wegen geschehe / vff das das du pflichtig werst von argemlist / grossem / leychtem / vn(d) dem leychsten vnfleyß / wann du bist nit pflichtig de fortuito casu / es wer dan(n) deines vnfleyß schuld / oder du hettest dann sollichs auch gedingt / wo aber allein meinenthalben ich dir ein habe leyhe / du bist allein von argemlist / vnd grossem vnfleys pflichtig.

ff. c. l. iij. §. ij. Am fünfften / das die habe nit widergeben würt / würde sie aber widergebe(n) / das sie böser widergeben werd.

Am sechsten / das inn nit widergeben der habe / oder in widergeben aber böser / geschehe argerlist / grosser / leychter / oder der leychst vnfleyß des der entlehent hat / als obgeschriben steet. Also formier dein clage.

Herr richter ich clag eüch von .R. dem hab ich vmb sunst gelühen ein sollichs pferdt / das er solt reyten gen Nörlingen. So aber nun er widerkommen ist / vnd der brauch dartzů ich im das pferdt gelühen het ein end hat.

Item als er widerkom(m)en ist / so hat er das pferdt eim and(er)n hingelüh(e)n vmb zehen schilling / das es kauffmanschafft tragen sol. Bitt (et)c. erke(n)nen das er mir das genant pferdt wider geben sol / vnnd auch die zehen schilling die er damit verdient hat / vnd das er mirs gebe / zwingt in (et)c.

ff. como. si qui. §. comodatum. Item merck / was er vß meiner hab empfange(n) vn(d) yngenom(m)en hat ist er mir schuldig wider zů gebe(n). Also gebürt dise clag vmb das / dz die habe widergeben werde / vnd gebürt auch vmb schaden so der / der die habe entlehet hat / die habe böser wider geben hat. Vnd in sollichem casus formier also dein libel.

Herr richter ich clag eüch von .R. dem hab ich vmb sunst ein sollich pferdt gelühen / das gesahe zů der selben zeyt an beiden augen wol / vff das / dz er reyt gen Rotemburg / vnnd als er wider kommen ist / hat er mir das pferdt wider geben vnd ist blindt an eim aug worden durch sein vnfleyß / wan(n) mir sollichs schadt zehen pfundt.

Item es ist nit not das du nemlich benennest den vnfleyß / wan(n) er ist schuldig von allem vnfleyß. Bitt (et)c. erke(n)nen das er mir die genanten zehen pfund schadens geben sol (et)c.

Contraria comodati.

Wider die clag des entlehens.

ff. c. si vt certo. §. sumptus. C. de pig. act. l. creditor infi. Darumb das dem der entlehet hat / hab dise clag gebürt / soltu wissen / das sich souil gebürt in diser clag als in der vorigen / vnd souil mer ist nottürfftig / als comodatarius / das ist der / der entlehent hat die habe / nottürfftiger expenß gethon hat in der entlehenten habe / als für ertzney / on speyß / dann die speyß sollen nit wider gekert werden.

Item es kompt auch in dise clag / wo der leyher hett schymelte vaß od(er) wie sie

(196) Das XQI Blat

gebrechen haben gelühen / vnd du hettest solichs schaden genom(m)en. B(e)n(e)ficijs tunati non decipi oportet. Wan(n) wir sollen in gůtheiten geholffen vnd nit betrogen werden.

ff. c. i(n) comodato. et. l. i(n) rebo. §. vlt. Ite(m) es ko(m)pt auch i(n) diser clag dz die entlehet hab vor d(er) zeyt nit wid(er) rüfft werd.

ff. c. in comodato. §. j. ff. como. rem comodasti. Item es kompt auch in diser clag so du mir die entlehet habe gestoln hast / vnd ich hab es nit gewißt / vnd der richter hat mic dir verdampt in de(n) wert / den hab ich dir betzalt / hernach würd ich innen das du die selben habe selbs gestolen hast / mir gebürt dise clag vmb den wert den ich betzalt hab / vnd nit die clag des diebstals.

Also formier dein clage.

Herr richter ich clag eüch von .R. der hat mir gelühen ein sollichs pferdt / das ist ein sollich kranckheit ankom(m)en on mein vnfleyß od(er) argenlist / nun hab ich dem pferdt zůhelffen vßgebenn viertzig schilling. Bitt (et)c. erkennen das er mir schuldig sey die genannten viertzig schilling wider zů geben (et)c. Vmb die andern sach formier yegklich nach dem vnd sich der casus begeben hat.

De pignoraticia directa.

So der schuldner das pfandt wider vordert.

Es macht sich offt das der schuldner dem creditor das gelt betzalt / oder vm(b) sunst in ein andern weg gnůg gethon hat / vnd daru(m)b ist das pfandt erledigt / darumb gebürt dem schuldner wider den creditor dise clag. In der sich.

Pignoraticia. Hippothecaria. insti. de act. §. inter. et insti. q(ue). motolli. ob. §. vlti. Am ersten gebürt das der besitz des pfands inn den glaubiger oder creditor transferiert werd / vnd am aller meysten in den farenden haben / vn(d) dise clage heißt in latein Pignoraticia / darumb das der habe besitz dem glauber od(er) creditor geben ist / wo aber der besitz der habe dem glauber oder creditor nitt geben ist / so heißt die clag in latein ypothecaria / wan(n) das pfandt würt auch mit willen verpfandt / vnd ob dir die habe nit geben würt / die habe sey farendt oder ligendt / du magst on den besitz der habe die habe auch verpfenden.

ff. c. si rem aliena(m) §. omnis. Am anndern das das gelt betzalt sey / oder sunst dem glauber oder creditor gnůg geschehen sey mit seinem willen.

ff. d(e) act. pig. si re(m) aliena(m). §. ij. Am dritten das ein vrsach vorgee darumb das pfandt gebenn würt od(er) ein pflichtung. insti. qui. mo. re co(n)tra. ob. §. vlti. Darumb würt das pfandt gegeben das der creditor dester sicherer sey. Es ist auch besser du habst ein pfandt / dan(n) das du wider die person clagest.

insti. d(e) obli. que ex delic. nascunt. §. furti. Am vierden das die habe sey eygen des schuldners.

Am fünffte(n) das dz gelt damit du bezale(n) wilt sey frum(m) / das ist geng vn(d) gebe.

C. q(ui) res pig. ob. pos. qui liberos. ff. c. eleganter. §. ij. Herr richter ich clag eüch von .R. dem hab ich zů pfandt übergeben ein sollichs pferdt / darumb das er mir zehen gulden gelühen hat vnd gewechselt / dz selb pferdt hat durch seinen argenlist oder grossen oder leychten vnfleyß dz ein aug verloren / vnd ist vnnützer vnd böser worden in viertzig pfunden. Vnnd so ich nun das genant gelt dem genanten .R. betzalt hab. Bitt ich eüch (et)c. erkennen das er mir das genant pferdt mit seinem nutz den er dauon empfange(n) hat / den ich schätz viertzig schilling / sol wider geben.

Item das er verheiß das er kein argenlist im widergeben thů / vnnd das er den wert des genanten schadens mir betzal (et)c.

Item es můß ein ware vrsach oder ein verheissen vrsach die man in latein ficta nennet sein / darumb du das pfandt geben hast / als ich wolt vo(n) dir zehen gulden entlehen / das ist in wechsel nemen / vnnd dauon dir mein decretal zů

R

(197) Der Erst Teyl

pfand übergeben / darnach hast du mir das gelt nit getzelt. Hypotheca. Pignus. Nymwar wie sollichs pfandt setzen oder geb(e)n nichts bindt / yedoch gebürt mir dise clag wiewol ich nicht betzalt hab / deßgleychen ist wo das geding nit volbracht were / darumb dann das pfandt übergeben were / darumb setz ich diß wort / übergeben / wann du magst mir zů pfandt setzen dein hauß / dein rock / vn(d) andere farendt vnd ligendt habe / allein mit worten / vnd als dann heißt solichs Hypotheca in latein / wan(n) ich hab noch nit den besitze der verpfandten habe / vnd von der selben clag hast du oben geschriben / wo du aber den besitz der verpfandten habe übergibst / so heißt sollichs Pignus / vnd vmb die selben habe also übergebe(n) gebürt diß clag in dem vorigen casus formier also dein clage.

ff. de pig. solutu(m) §. non q(ui) si datur. Herr richter ich clag eüch von .R. dem hab ich zů pfandt übergebenn mein decretal für zehen pfundt / die er mir leyhen vnd wechseln solt / nun hat er mir die zehen pfundt nit gewechselt vnd getzelt (et)c. Bitt (et)c. erke(n)nen das er mir das genant bůch sol wider geben.

ff. de pig. si rem. §. is quoqs. Item du solt wissen als ich im libel hab gesatzt ein sollich pfert / vn(d) nit mein pferdt / wan(n) wiewol ein frembde habe nit verpfandt mag werden / also das de(m) glauber hypothecaria gebüre / yedoch gebürt dise clag dem schuldner wo er ein frembde habe zů pfandt übergeben het dem glauber.

insti. qui. mo. recontra. ob. §. vl. Item der glauber ist pflichtig von arge(m)list / grossem / vnd leychtem vnfleyß.

ff. de pig. si rem. §. omnes. Item das gelt darumb das pfandt geben ist sol betzalt sein.

ff. de pig. act. l. creditor. Item er ist schuldig das er vor dem richter verheiß / das er kein arge(m)list im widergeben thů. Auch wo ein grundt zů pfandt übergebenn were / du möchst im libel vordern das der glauber verheissen solt / das er den grundt recht gehalten het. Also das durch sein nit brauchen / niendert ein dienstbarkeit verloren wer / als das clärlichen in dem genanten rechtsatz creditor geschribe(n) steet.

Item nit allein gebürt diß clag so das gelt betzalt ist / sie gebürt auch so das gelt nit betzalt ist / vnd das in disen weg.

Herr richter ich clag eüch von .R. dem hab ich übergeben ein sollich mein pferdt zů pfandt für zehen gulden / die er mir gelühen vn(d) gewechselt hat. So ich nun bereit bin die selben zehen gulden im zů betzalen. Oder also / so ich aber dem genanten .R. die zehen gulden zů rechter zeyt / vnd stät mich erbotten hab vnd wolts ym geben haben. Oder so aber nun die genanten zehen gulden sollen für betzalt gehalte(n) werden / eins gegen dem andern abgeschlagen / die schuld mit de(m) wert des schadens / wan(n) der genant .R. hat sollichen schaden an dem pferdt gethon / mit argemlist / grossem / oder cleinem vnfleyß den schätz ich zehen pfundt. Bitt (et)c. erkennen das er mir das genant pferdt wider geben sol (et)c.

Item wann du dich erbotten hast das gelt zů betzalen / als dann magst du clagen mit diser clage.

C. d(e) co(m)pen. l. vlt. Item die weyl der glauber schuldig ist den schaden zů keren der im pfandt mit argemlist / oder grossen / oder cleinen vnnfleyß geschehen ist / oder er gethon hat / es sol mit der schuld abgeschlagen werden.

Item du magst auch den schaden allein vordern in dise forme.

Herr richter ich clag eüch vo(n) .R. de(m) hab ich ein solichs mein decretal zů pfä(n)t

(198) Das XQII Blat

gesatzt vnd übergebe(n) für .x. pfund / die er mir gelühe(n) vn(d) gewechselt hat / an de(m) selben bůch hat er mir solchen schaden gethon mit seim argenlist / od(er) grossen / od(er) leychte(n) vnfleyß. Nun hab ich die genante(n) .x. pfund im betzalt. Bitt (et)c. erke(n)nen das er mir .vj. pfundt für den schaden geben vnd keren sol / vnd dz ers thů.

C. de pig. acti. q(ue) fortuit. et. c. l. si nulla. et. ff. de p. ba. quotiens. §. qui dolo. Item der glauber ist nit schuldig de casu fortuito / als so im das pfandt gestolenn were worden / vnnd was der schuldner wil vom glauber bringen das můß er weysen / das sollichs durch argenlist oder vnfleyß des glaubers kommen vnnd geschehen sey / sie weren dann also überkommen wann das pfandt verloren were / solt die schuld absein.

ff. de pig. act. q(ui)s. uis in fi. C. de iure domi impe. l. vltio. §. sin vero creditor. Item wo der glauber hat verkaufft das pfandt / so soll er dir das überig wider geben das er vß dem pfandt gelößt hat über das das du im schuldig gewesen bist. Vnd also formier dein libel.

ff. de pig. act. creditor. Herr richter ich clag eüch von .R. dem hab ich zů pfand gesatzt ein solichs mein decretal für .x. pfundt / die ich im schuldig bin gewesen / nun hat der genant .R. das selb bůch verkaufft / vnd .vj. pfundt mer darvß gelößt dann ich im schuldig gewesen bin. Bitt (et)c. erke(n)nen das er mir die genanten .vj. pfundt mit dem schaden geben sol (et)c. Wie dieser schad kompt frag die gelerten daru(m)b.

ff. d(e) pig. act. si cu(m) venderet. Item wo der glauber das pfandt verkaufft het / vnd mit dem kauffer über ein kommen were / geb der schuldner dem kauffer das gelt / solt im der kauffer das bůch wider geben / so möcht dann der schuldner wider den glauber clage(n) vff das das er im sein clag übergebe.

De contraria pignoraticia.

Dise clag gebürt dem glauber wider den schuldner von des pfands wegen.

Als dem schuldner mit der vorige(n) clag wider den glauber geholffen würt. Also würt de(m) glauber wideru(m)b geholffen wid(er) den schuldner vß sechs sachen.

Im erst(e)n casus gebürt dise clag so der schuldner ein frembd habe obligiert hat / od(er) so er sein eyge(n) habe vorhin eim verpflicht / vn(d) darnach auch die de(m) andern glauber hat obligiert / vnd die selb habe ist beide(n) glaubern nit gnůg für ir schuld / vnd in disem casus ist schuldig der schuldner dem glauber den er betrogen hat / den schaden zů betzalen / vnd also in dem casus von betriege(n)s wegen gebürt diß clag dem glauber. In der du also dein clag solt formieren.

ff. c. l. j. in princi. et. l. si quis in pignore. Herr richter ich clag eüch von .R. der hat mir ein solich .N. gebe(n) zů pfand das ist sein eygen nit gewesen / vnnd ich hab sollichs nit gewißt / für .x. pfundt die er mir schuldig ist. Oder also / ein soliche habe die er eim andern verpfandt hat für .x. pfundt / vnd ich hab sollichs nit gewißt / wann ich nun in sollichem pfandt setzen vnd geben betroge(n) bin / vnd sollichs mir schadet .x. pfundt. Bitt ich eüch (et)c. erkennen das er mir die genanten .x. pfundt betzal (et)c.

ff. de pig. tutor. §. contrariu. Item es irt nit diser clag halb(e)n der schuldner betrieg den glauber mit wissen oder nit.

ff. d(e) act. emp. l. j. Item wo ich sollichs weiß so bin ich nit betrogen / vnd daru(m)b mag ich nit clagen.

Am andern so clagt der glauber mit diser clag vmb den koste(n) den d(er) glauber vff das pfandt gelegt hat. In solchem formier also dein clage.

ff. c. si necessitas. Herr richter ich clag eüch von .R. der hat mir für .x. pfundt die er mir schuldig ist gewesenn ein sollichen sein eygen menschen zů pfandt gesatzt / der ward

R ij

(199) Der Erst Teyl

des siechtage(n) kranck / in der selben kranckheit hab ich .xl. ß. vßgeben vmb artzney. Bitt (et)c. erkennen das er mir schuldig sey die selben .xl. ß. wid(er) zů geben (et)c.

Item der richter sol die expenß eben ansehen / vnd auch das vermögen des schuldners / wan(n) es wer nit billich wer der schuldner arm das er alle expenß solt wider geben wan(n) die expenß groß weren / wan(n) also würd getzwunge(n) d(er) schuldner zů ma(n)geln des seine(n) dz er zů pfandt verpflicht het / vn(d) dz wer dan(n) vnrecht.

Euictio. Am dritten gebürt dise clag vff das dz der schuldner de(m) glabuer d(er) dz pfand verkaufft hat versprech / das er in schadloß wöll halten von Euiction / das ist der fertigung halb die er dem kauffer verheissenn hatt / in latein würt sollichs euictio geheissen. Vnd in dem formier also dein clage.

ff. d(e) pig. act. l. necessitas. §. j. Herr richter ich clag eüch von .R. der hat mir ein sollich decretal zů pfand übergeben für .x. pfund / die ich im gewechselt het. Nun hab ich das selb bůch für .x. pfundt verkaufft / vnd hab dartzů dem kauffer das gelt zwyfach daru(m)b ichs verkaufft hab verheissen wider zů geben / wo sollichs von yme im rechten abbehalten würde / dz heißt nomine euiction(em). vnd hab sollichs verheissens halber dester theürer verkaufft. Bitt (et)c. erke(n)nen das er versprech(e)n sol das er mich schadloß des verheissens halb halt / wo er es aber nit thůn wolt / dz er mir dan(n) .xx. pfundt die ich also versproche(n) hab zů gebe(n) / gebe(n) sol / vn(d) dz ers thů (et)c.

C. credi. euic. no(n) debere. l. j. et. ij. Item merck wo sollichs verheissen nit gewonheit im landt oder statt were / so möcht der glauber diß clag nit füren / er het dan(n) sollichs verheissens halb dz pfand dester theürer verkaufft wan(n) nach ordenung der rechten ist der glauber nit schuldig de euictione / von der fertigung / so er das pfandt verkaufft hat.

ff. ad. l. aqui. Item wiewol der schuldener wie obstat verdampt würt / so sol doch sollichs nit betzalt werden / als lang biß das pfandt abgehalten würt.

Am vierden gebürt diß clag dem glauber so das pfand abgehalten ist dem dem ers verkaufft hat / vmb das dz der glauber dem kauffer wider geben můß das gelt das der kauffer dem glauber vonn des pfandes wegen / vnnd im der glauber verheissen hat das wider zů geben / es sey einfach oder zwyfach (et)c.

Am fünfften gebürt dise clag vmb den besitz des pfands wider zů geben / so von bett wegen des schuldners der glauber im das pfandt wider gebe(n) hat.

Vnd in dem formier also dein clage.

ff. de pig. ac. si in pignore. §. si p. p. est actinuem. Herr richter ich clag eüch von .R. der hat mir zů pfandt gesatzt vnd übergeben sein decretal für zehen pfundt / die ich im gelühen vnd gewechselt hab / des selben decretals besitz hab ich im vo(n) seiner bette wegen wider gelühen / vn(d) als mich der genant .R. nit betzale(n) wolt / hab ich dz selbig bůch .T. verkaufft vmb zehen pfundt. Bitt ich eüch / erkennen das er mir den besitz des genante(n) bůchs wider geben sol / das ichs dem kauffer übergeben mög (et)c. Wie man dz pfandt verkauffen mög / sůch .C. im achten bůch.

Am sechsten gebürt diß clag wo der schuldner wissentlich dem glauber het zů pfandt gesatzt ein eyge(n) menschen / der ein dieb wer / diß libel setz ich nit / wan(n) die selben eygen menschen seind in teütsch landt nit.

Stellionatus. ff. d(e) crimine stel. l. ij. et. C. c. ti. l. j. Item merck / wölcher frembd habe wissentlich zů pfand gesatzt hat / d(er) wirt gestrafft mit der peen genant Stellionatus / deßgleychen wölcher zweyen ein habe versetzt zů pfandt / so das pfandt sollichs gelts nit wert ist / ist auch in diß

(200) Das XQIII Blat

peen gefallen. Vnd wölcher zweyen verkaufft ein habe der ist pflichtig crimine falsi / von falscherey.

C. d(e) crimine falsi per totum. Item die obgeschriben beid clage dester baß zů versteen / lise. C. de pignoribus im achten bůch.

Item diser Titel gebürt sich vß zů wissen mit namen.

In quibus casibus pignus tacite contrahatur

In wölchen puncten die habe schweygend verpfandt ist.

C. d(e) rei vxo. act. l. j. §. (et)c. vt pleni. Wie die habe schweygendt verpfandt werde(n) vß krafft vnd gewalt des rechten / ist nit not die casus vn(d) puncten vß zů lege(n) / ich wil dir ein teyl setze(n). Nymwar / dem eeman seind versetzt zů pfandt alle habe des der im verheissenn hat die morgengabe für sein eeweyb. Auch seind der frawen alle habe des mans versetzt / vmb das das der frawen ir morgengab wider geben werde.

Item de(m) hinleyher des grunds seind die frucht dauon empfangen schweygend versatzt vnd obligiert.

C. de loca. l. certi iuris. Item auch alles das dz mit wissen des herren daryn gefürt / das ist so lang es bleybt dem herren verpfandt. ff. c. in predijs. Was aber verkaufft were vn(d) das gelt das vß der frucht gelößt wer worden / seind dem herren schweygend nit verpflicht.

C. loca. certi. Item was ein stettgrundt sey hast du oben in der clag vonn der dienstbarkeit / vnd was yngefürt oder gebracht wer in dem hinleyhen ist auch dem herren ein pfandt / vnd ob er nit gewißt hat das es darin(n) ist gewesen. ff. c. l. ij. Als für sein zynß / oder vmb die beschedigung des hauß.

Aduenticia. C. de bonis que liber. l. au(t) pen. Ite(m) die habe d(er) vormu(n)d seind schweyge(n)d v(f)pflicht den kinde(n) / vm(b) behaltu(n)g wille(n) d(er) habe Adue(n)ticia genant / was dz sey hastu oben im titel von de(m) kauffer.

C. de sed(es) is nup. l. vlti. §. ne q(u)eß. Item die habe der můtter die zů der anndern Ee fleücht / seind den kinden der ersten Ee schweygend versatzt / auff das das die můtter wider geb was sie genommen hat von dem vorigen mann.

C. edia dele. l. j. §. cum enim. Item schweygend seind verpflicht die habe des todten pro legatis et fideico(m)missis / das ist für die habe die am letsten willen geschafft sein / vnd vff gůtte(m) glauben entpfolhen seind dem andern zů geben.

C. in q(ui). cau. pig. taci. p(e)traba. l. ij. Ite(m) schweyge(n)d sein verpflicht alle die habe des der mit de(m) fisco contrahiert.

Primipilarius. C. c. sat. notu(m) est. Item dem fisco seind schweygend verpflicht alle die habe des der vonn der spitzen des streyts geflohen ist / in latein Primipularij genant / vnd ist das der selben habe zů der genanten peen nit gnůg sey / so seind auch pflichtig morgengab die er von seiner frawen genommen hat.

C. in q(ui). cau. pig. taci. co(n)trahs. l. si mater. et. C. ad terlucianum. Item die habe der můtter seind schweygend obligiert den kinden wo sie die vormundtschafft vff sich genommen het / vnd het ein andern man(n) genom(m)en / vnd hat den kinden ein andern vormundt lassen setzen / vnd was sie inen von der vormundtschafft wegen schuldig ist betzalt hat / des selben irs mans habe seind auch vmb der vormundtschafft willen pflichtig.

Es seind noch mer casus die seind aber nit gewonlich vnd auch zů schwere in teütsch vß zů legen.

Ite(m) diß titel gebürn auch zů wissen wan(n) ein fre(m)bd habe zů pfand gebe(n) were.

Item wölche habe zů pfandt versetzt mögen werden / vnd wann vnd wie / hast du in dem selben Titel vnder andern.

R iij

(201) Der Erst Teyl

C. q(ui) res pig. ob. l. q(ui) filios cum sequen. Item die mögen nit zů pfandt versetzt werden / eeweyb schlaffweyb / vnnd freyer mensch / auch eekindt / die vneelichen kindt vnd ander dienstbotte(n) / auch die thier die im pflůg ziehen / vnd was geschirß zů dem pflůg gehört.

qui potiores in pig. (et)c. ti. sequen. Item wölcher der mechtiger am pfandt sey.

Item von den die an der vorigen glaubet statt kommen.

Item wo der elter glauber das pfandt verkaufft hat.

Item wo gemeyne habe zů pfandt geben were.

Ite(m) wo dz pfand genom(m)en wer vß vrsach des vrteyls dz in sein krafft gange(n) were.

Item wie das pfandt ledig werd.

Item wie das pfandt distrahiert vnd verkaufft mag werden.

Ite(m) wie d(er) schuldner dz verkauffen des pfands nit irren mag oder hindern.

Ite(m) vo(n) den gedinge(n) die im versetze(n) gescheen / vn(d) de lege co(m)missoria vn(d) noch etlich and(er) mer titel diser materie / die vindestu all im achte(n) bůch codex gena(n)t.

De actione prescriptis verbis estimatoria.

So die verkaufft habe oder das gelt nit würt wider geben.

ff. de estimato. act. l. j. Würt ein habe eim geben zů verkauffen vmb .x. vnnd weder die habe noch die .x. werden dem geber wider geben / dem geber gebürt dise clag durch die er vordern mag die habe / oder die .x. In diser clag gebürt sich.

Am ersten das ein habe zů verkauffen geben werde.

Am andern das die habe gesatzt werde vmb ein bestympt sum(m) gelts.

Am dritten das weder die habe noch das gelt nit wider geben werde.

Herr richter ich clag eüch vo(n) .R. de(n) hab ich ein sollichs mein decretal geb(e)n dz er mirs verkauffen solt vm(b) .x. gulde(n). Nun hat ers vm(b) die .x. v(f)kaufft. Bitt (et)c. erke(n)nen dz er mir dz gelt od(er) decretal wider sol geben vngeschedigt / vn(d) das ers (et)c. Was sich fürter in disen zweyen clagen gebürt / sůch in Rofredo.

De prescriptis verbis de permutando.

So wir etwas gen einander verwechselt haben.

ff. c. l. ij. Wan(n) ein geding gemacht ist das wir vnser bücher / ich mein decretal vmb dein instituta verwechseln / gebürt diß clage.

Am ersten gebürt sich das / das ein geding geschehe im wechseln.

Am andern das ein gewisse habe für die andern verwechselt werd.

C. c. ex placito. Am dritten das einer das sein gebe.

Herr richter ich clag eüch von .R. mit dem bin ich über ein kom(m)en / das er mir sein decretal solt vmb mein institua verwechseln / nun hab ich im mein decretal übergebe(n) / er widert sich aber mir sein instituta zů übergeben. Bit (et)c. erkennen das er mir sein instituta übergeben sol / vnd das ers thů (et)c.

Prescript. verbis subsidiaria. Ite(m) noch ist ein die heißt prescriptis verbis subsidiaria / in wölchen puncten vnd casus die selb clag gebüre / sůch in Rofredo.

De actione descendente ex re iudicata.

Von der clag die vns gebürt vß dem vrteyl das in sein krafft gangen ist.

Gemacht ist ein ander clag die kompt vß dem vrteyl das in sein krafft gangen ist. In diser clag gebürt sich.

(202) Das XQIIII Blat

Am ersten gebürt das einer beclagt sey / der ander geantwurt habe.

C. de iudi. in auten. iubemus. Am andern das der krieg co(n)testiert das ist bestätigt sey / vnd de calumnia geschworen sey worden / vdn all ander ding geschehen seind die in gerichts ordenungen geschehen sollen / oder das die gerechtigkeit des clagers erfaren sey worden durch getzeügknüß / oder durch instrument (et)c. das beschlossen sey in d(er) sach / oder renunciert der beweysung / das ist das sich die parthey mer beweysung begeben vnd vertzügen haben / als geschriben steet im bůch.

C. de sente(m). et inter lo. preses. Am dritte(n) dz dz vrteyl gange(n) sey für de(m) cläger / vn(d) verda(m)pt hab de(n) beclagte(n).

C. q(ue)n. puocare n(on) est necesse. venales. ff. de appel. si expressum. Am vierden das dz vrteyl sey recht geben / nit wider recht / nit vmb gelt.

Am fünfften / das dz vrteyl geben sey von de(m) der d(er) sach richter gewesen sey.

C. si no(n) a co(m)pete(m). iudi. l. vlti. Am sechsten das vom vrteyl nit geappelliert sey / wan(n) die weyl die appellatz hanget / so ist verschlossen das das geurteylt ist.

C. de appel. l. iij. ff. de re. iudi. l. j. Am sybenden das also geurteylt sey / das dz vrteyl den krieg ein end mache.

C. de sente(m). ex pericu. re. l. ij. et. iij. §. vlti. Am achten das das vrteyl sey mit der herligkeit oder zierheit geben worden die sich im rechten gebürt.

C. d(e) sen. et inter lo. l. prolatam. Am neüden das das vrteyl nit sey geben worden wider gewonlich gerichts ordenung.

Also formier dein clage.

Herr richter ich clag eüch von .R. dem hab ich vor dem .N. richter mir vrteyl angewunnen / das er mir sol geben zehen gulden. Bitt (et)c. erkennen das er mir die zehen gulden geben sol (et)c. Besser ist du bitst den richter das er sein vrteyl handthab vnd volfüre / dann das du die clag fürest (et)c.

De actione que oritur ex confessione.

Von der clag die vns gebürt von bekennen.

Hat dir einer beken(n)t etwas / dir würt geben dise clag wider in / vnd vff das das sollich bekennen schaden bringt dem der beken(n)t hat / gebürt sich.

C. de co(n)fes. l. vni. Am ersten das einer etwas bekenne vnd im gericht. ff. d(e) interro. act. l. j. in fi. et. l. fi. Wann beken(n)t er vsserhalb des gerichts / es schadt im nicht. Es geschehe dann vor fünff zeügen darzů gebetten. in aute(m). de testi. §. testiu(m) facilitate(m). (et)c. ff. c. l. ij. (et)c. iij. Wo du aber beken(n)st vsserhalb des gerichts du seyst mir schuldig .x. pfund / vn(d) verheist mirs vff die ostern zů gebe(n) / wo solichs beke(n)nen vn(d) v(f)heissen geschee vor zweyen zeüge(n) / brecht schade(n) / vn(d) d(er) schad ko(m)pt de(m) vß verheissen.

C. d(e) p(e)ba. ro(n)nes. et ibide(m) in aute(m). exe(m)plo. ff. de i(n)ter. act. et etate. Am andern das er wider sich beken(n) / wann für sich hilffts nit.

Am dritten das er fünff vnnd zweintzig iar alt sey / wann were er iünger so möcht er sich bitten zů restituieren.

ff. de co(n)fes. certu(m). §. minore. ff. de custo. reor. si confessus. Am vierden das sollichs bekennen geschehe in einer sach vmb habe / das in latein ciuili et pecuniaria würt genannt / wann wo er sunst in einer peinlichen sach / criminali in latein genannt bekente / der selb ist nit als bald vom rechten verdampt / sunder er sol darnach erst vom richter durch sein vrteyl verdampt werden. ff. de questio. l. j. §. diuus. et. l. si quis vltro. Wo aber das beke(n)nen durch die forcht der pein od(er) in d(er) pein gescheh(e)n were / als dan(n) schats nit / er bleyb dan(n) nach der pein in sollicher bekennung.

Am fünfften wo er etwas vngewisses bekennte / so schadt sollichs das er getzwungen würt / das er gewißlich bekenne. Also ich bekenne / das ich dir gelt schuldig sey / vnd bekenne doch nit quantitatem / das ist wie vil.

R iiij

(203) Der Erst Teyl

ff. de co(n)fes. certu(m). Auch nit wölcherley das ist in specie / oder ich beke(n)ne dir dz ich dir etwas thůn sol / vnd sag doch nit factum / das ist in latein was es sey.

ff. de inter. ac. co(n)fessionibus. Am sechsten das sollichs bekennen sey nit wider recht oder natur / als ich bekente das ich eygen were so ich frey bin / oder ich bekente das einer der elter were dann ich das er mein sun were / sollichs bekennen schadt nit.

ff. ad. l. iuli. de adulte. si minor. Am sybenden das man vmb der selben sach willen in gericht mag vordern oder das sollichs bekennen also volbracht mag werden / wan(n) so ich noch nit pubes bin / bekenne das ich die eefrawen gehelßt hab / sollichs beke(n)nen schadt mir nit / wan(n) ich mag darumb nit verclagt vnd accusiert werden. ff. d(e) interro. act. si is cuius. Es möcht aber ein ander der pubes were darumb verclagt werden. Oder so ich kein hoden od(er) kein zagel het / vnd bekennet ich het die frawen gehelßt.

ff. de confes. non fatetur. Am achten das du in der that od(er) geschicht nit geirret habst. Diß ist schwer zů versteen / wilt du das versteen / liß Azonem.

C. de iur. et facti ignorantia. Am neünden das sollich bekennen geschehe in gegenwertigkeit deins wider sachen. ff. d(e) interro. act. l. vlti. Wo aber dein procurator oder vormundt gegenwertig wer gleych als ob du selbs da werst.

ff. de confes. certum. §. si quis. Herr richter ich clag eüch von .R. der ist mir schuldig zehen gulde(n) / die hat er beken(n)t im rechten / oder vsserhalb des rechten in gegenwertigkeit fünff zeüge(n) dartzů gebetten / vnd auch in meiner gegenwertigkeit. Bitt (et)c. erkennen das er mir schuldig sey die selben zehen gulden (et)c.

De actione ex stipulatu pro dote.

Dise clag gebüren vmb die morgengab.

Zwo clag hastu von der morgengab. Die ein gebürt dem man(n) zů vordern die morgengab. Die ander der frawe(n) od(er) iren erben zů wider vordern die morgengab / so die Ee gebrochen ist durch den todt / oder sunst gescheiden ist.

ff. de iur. do. l. iij. In der ersten clag gebürt sich das ein Ee gemacht vn(d) contrahiert sey / wan(n) on die Ee mag kein morgengab sein.

Am andern das ein recht Ee sey.

ff. de iure do. no(n) em(p). et. l. promittendo. Am dritten das die hochtzeyt geschehen sey.

Am vierden das die morgengab sey verheissen.

C. de rei vxo. act. l. vnica. §. ij. In der sach vmb der morgengab willen die der frawen / irem vatter / oder iren erben so die Ee gebrochen ist / gebürt / seind die vorgeschribenn gebürnüß nottürfftig. C. d(e) rei vxo. act. l. vnica. §. cu(m) au(c)t. et. ff. de iur. do. l. vbi. ff. solu. mat. per totum. Es ist auch mer nottürftig / dz die Ee sey vffgeledigt durch ir eins todt / oder das sie gescheiden seind / wann all die weyl die Ee weret / so mag die morgengab nit gefordert werden / es wer dan(n) das der man(n) verderben wolt.

Item wie die Ee gescheiden mag werden / vnd vß wölchen sachen. Sůch im Titel de repudijs vnd diuortijs / per totum in geistlichen rechten.

C. de pac. co(n)uen. ta(m). sup. do. l. pen. et p. to. vt in aut. de inequali. do coll. vitj. Item wo geding gemacht were / das dem man(n) die morgengab bleyben vn(d) werden solt gantz od(er) eins teyls / sollichs geding sol gehalte(n) werden / als du hast. C. de repu. co(n)sensu. §. hec nisi. et l. penul. et i(n) aut. vt nulli iudi. §. adultera(m). col. ir. eti aut. qs. hodie. Es het dan(n) die fraw dise clag verlorn vmb ir sünd wille(n) / als vmb eebrechens willen / als dan(n) so gewin(n)t d(er) man(n) die morgengab. In den rechten hastu wan(n) die morgengab von der sünd der můtter / den kinden oder dem eeman würt.

Item wann die Ee gelediget ist / so formier also dein clage.

Herr richter ich clag eüch vonn .R. der ein erb ist .T. etwan meins eelichen

(204) Das XQV Blat

man(n)s / dem hatte ich oder ein ander in meim name(n) das hauß zů morgengab geben / vnd wann nun die Ee durch den todt meines man(n)s / oder die schuldt meins man(n)s geledigt oder gescheiden ist. Bitt (et)c. erkennen das er mir das selb hauß wider geben sol mit der nutzung dauon yngenommen (et)c. Wie die nutzung vnd wölche nutzung gefordert sol werden / frag die gelerten.

Merck / wan(n) die Ee gescheide(n) ist / so gebürt dise clag d(er) frawe(n) wid(er) den man(n) wo aber die Ee ledig wer worde(n) durch den tod / gebürt dise clag wid(er) die erbe(n).

ff. solu. ma. l. maritu(m). et. l. sequen. et. C. de rei vxo. ac. §. exactio autem dotis. Item wie d(er) man(n) od(er) sein erben in diser clag verdampt solle(n) werden. Sůch.

Item das ander libel gebürt sich so die Ee noch ist. Formier also dein clag.

Herr richter ich clag eüch von .N. der ist mein eelich man(n) / de(n) hab ich geben zů morgengab / oder ein ander in meim namen hundert gulden / vnd wiewol die Ee noch zwyschen mir vnd im wert / vn(d) der genant .N. nach der meynu(n)g der nachgebrauwrn hebt an sein gůt bößlich on zů werden vnd zů verderben. C. de iure dot. l. vbi. et potius in aute(m). de inequali do. §. illud q(ui)s. Bitt (et)c. erkennen das er mir die hundert gulden morgengab wider sol geben.

C. de iure dot. et d(e) rei vxo. act. in Azone. Item was du hie innen nit vindest. Sůch.

ff. d(e) iur. do reip. iter est m(u)lieres dotes saluas habere p(re)ter quas nubere possunt. Item merck / das recht spricht es ist ein gemeyner nutz das die frawe(n) sollen ir morgengab ledig haben / darumb das sie ander mannen nach irs mannes todt zů der Ee geben werden / wan(n) als dan(n) werden die stett vol freyer mensche(n).

ff. de ritu. nup. qui liberos. Item wölcher sein kindt nit zů der Ee geyt / oder vnbillich zů der Ee greyffen inen verbeüte / oder wölcher die morgengab nit geben wil / so sein kindt zů der Ee gegriffen haben / der soll durch die landtrichter vnd ander richter gezwunge(n) werde(n) die kindt zů d(er) Ee zů gebe(n) vn(d) auch die morge(n)gab zů gebe(n). ff. de ritu nup. qui liberos quos habe(n)t in potestate. iniuria prohibuerint vxore(n) duce re. vel nubere. vel qui dote(m) dare noluerunt. ex constitutione diui Seueri et Anthonini. per proconsules presides qs prouinciarum cogu(n)tur in matrimonium collocare. et dotem dare. prohibere autem videtur. et qui conditionem non querit. ff. de do. prele. si. §. vtru(n)qs. Es ist ein vätterlich ampt die kindt zů der Ee vnd morgengab geben.

De aqua pluuiali arcendo.

Von dem regen wasser zů zwingen.

ff. de aqua plu. arcen. l. j. Es macht sich offt das eienr etwas in seim acker macht / durch sollichs machen macht das regen wasser dein grundt eins andern / dann gebürt dem herren des grunds dem das regen wasser schaden mag dise clag / das er sollichs vff sein eygen kosten můß wider zerstören / vnnd den schaden den er nach dem vnd der krieg contestiert ist geschicht / ablegen vnd keren / besitzt er aber den acker von eim andern / so můß er leyden das sollichs zerstöret werd.

Am ersten gebürt sich / das etwas sey mit den henden gemacht.

Am andern das ers vff dem seinen mache / wan(n) so sollichs vß der natur derselben statt were / dise clag gebürt nit / deßgleychen were es vff der gemeyn gemacht / dise clag het nit statt.

ff. c. l. j. §. hec au(c)t et. l. si tertius. §. officium autem. Am dritten das durch sollichs machen das wasser schade(n) mag / nit das geschadt hab / es were dann / nach dem vnd der krieg contestiert were.

ff. c. d. l. j. §. ides ait. Am vierden das das selb wasser sey regen wasser / oder mit regen wasser gemischt. Wo aber ander wasser dan(n) rege(n) wasser schade(n) thet / gebürt dise clag negatoria / von der du hieuor hast ein Titel von dienstbarkeit vnd wasser.

(205) Der Erst Teyl

aqua pluusalis. ff. c. l. j. §. aquas pluuiam. Item das heißt regen wasser das vom hymel felt / oder vom regen wechßt / oder so das wasser wechßt / in dem das das regen wasser fleüßt / als sollichs in vil wassern geschicht.

ff. c. l. j. §. ite(m) scie(n)du(m). cu(m). §. seque(m). Am fünfften das das selb wasser dem acker oder wisenn schaden möge / nit eim zymmer einer statt oder hauß / wann als dann gebürt nit die negatoria.

ff. c. l. j. d. §. item sciendum. Item stat hat dise clag so das wasser keme her von wannen es kompt.

ff. c. l. j. §. de eo opere. Am sechsten / das sollichs gemacht were in můt den nachpawrn zů schade(n) damit / wann were es geschehen den acker zůseübern vnnd bessern / vmb acker geens / oder die frucht dauon nemens willen / dise clag het nit stat.

ff. c. l. j. §. hec aute(m) actio. et. §. de inde. Item es hat auch dise clag nit stat wan(n) von offens gewalts heissen das gemacht ist das schaden mag / oder wan(n) es also alt herkom(m)en ist / das nyemandt gedencken mag / oder die natur der statt / oder geding also herbracht het.

ff. c. l. i. §. cassius. Item auch růwet dise clag wo sollichs der fürst oder der radt heißt / oder die die am ersten die gründt gesatzt haben.

ff. c. l. labeo. Am sybenden / das sollichs sey gemacht in vnwissenheit des dem das wasser an seim grundt schaden mag.

ff. c. l. j. §. deniqs ff. de dam. infec. proculus. Am achten / das künfftiger schad geförcht werd / wan(n) ich mag den gewinn nemen vnd irren / wan(n) mach ich etwas in de(m) meinen / vnd durch sollichs werden die a(n)dern deins galtbrunnen verdeckt / ich bin diser clag nit schuldig.

Herr richter ich clag eüch von .R. der hat ein sollich .N. vff seind grundt gemacht / durch sollichs so mag das hauß oder regen wasser meim acker oder wisen schaden thůn. Bitt (et)c. erkennen das er sollichs vff sein kostung wenden vn(d) abthůn sol (et)c. vnd den schaden auch kere / darnach vnd so der krieg contestiert ist geschehen würt.

Item was du in diser sach zweyfelst / sůch in Rofredo.

Item dise clag gebürt auch dem fructuario.

De pastu pecoris.

So mit deim willen dein thier mir schaden thůt.

Fürt od(er) treybt einer schaff od(er) ander thier in deine(n) grundt / dz sie dir dein getreyd / gersten od(er) andere frucht / od(er) eycheln essen / dir gebürt dise clag wider in.

Am ersten gebürt sich / das einer treyb oder laß vihe in dein grundt.

ff. de glan. legen. l. vnica. ff. de edi. edic. l. iume(n)tor. et de p(re)scrip. ver. qui seruandaru(m). Am andern das die thier die frucht in de(m) grund essen. Weren aber die thier on mein willen in dein grundt gangen / so het dise clag nit stat / sunder die het nach geschriben / de pauperie in latein genant.

ff. de p(re)scrip. ver. qui seruandaru(m) §. vltimo. Herr richter ich clag eüch von .R. der hat sein thier gelassen oder getriben in mein grundt vnnd mein frucht (et)c. seind gessen worden (et)c. Bitt (et)c. erkennen das er mir sollichen schaden den ich schätz .x. ß. ablegen vnd betzalen sol (et)c.

De actione ex testamento.

Von der clag die vns vß dem Testament gebürt.

Legatum. Es machen etlich vnd setzen erben vnd schaffen am todtbeth / vnd die erb(e)n wöllen das dz geschäfft ist Legatum in latein genant denen den geschafft ist nit gebe(n) vn(d) betzalen / daru(m)b so kom(m)en die recht den / den geschafft ist mit dreyen

(206) Das XQVI Blat

clagen zů hilff / als mit diser clag vß de(m) Testament / wan(n) sie ist wider die person / wider die habe als rei vendicatione / vn(d) mit der clag hypothecaria / durch dise clag bringen sie die habe von dem erben. In diser clag gebürt sich.

Am ersten das einer ein Testament mach.

insti. qui non est permis. fa. testa. et. C. qui. testa. fa. pos. l. seniu(m) quid et. l. furiosum cu(m) sequen. Am ander das er sey ein solich person das er ein Testament machen vnd setzen mög / wölche die seind die kein testame(n)t setze(n) mögen / vindestu im bůch.

Am dritten das er in dem Testament ym ein erben gesatzt habe / wann der erb ist der grundt / vnd das haupt des Testaments.

insti. de heredi. instituen. Am vierden das der legatarius / dz ist der de(r) geschafft ist / sey ein sollich person dz er solichs schaffens vähig sey / anders er mag das geschafft nit vordern.

C. d(e) testa. et que(m) admo. ordi. l. si testamentum. Am fünfften das das selb Testament sey das hinderst / wan(n) ist es das erst gewesen / vnd würt verwandelt / als bald würt es vffgelediget.

C. c. l. bac consultissima. §. si q(ui)s autem. d. l. bac. consultissima. Am sechsten / das das Testament sey gemacht nach ordenung der rechten wie aber das Testament sol gemacht werden vor syben zeügen dartzů gebete(n) vnd was ander herligkeit sich gebüren / sůch in dem .C.

Codicillus. Item wo einer nit ein Testament sunder Codicillos machte in dem er kein erben setzen mag schlechts. Vnnd er schaffte in seim letsten willen. insti. de codicil. §. penul. C. de codicil. l. vlti. in princi. Das wort Codicillos nym(m) ich für den willen des der sein willen sagt oder schreybt was er wil das nach seim todt mit dem seinen geschehen sol / sollichs geschäfft mag gefordert werden auch mit diser clag / oder vß dem rechten geschribenn. Was geschafft ist im Testament / das mag man vß diser clag vordern / in latein directa actione ex Testame(n)to. Actio ex testamento directa. ff. de testa. l. j. Aber dise wort gefordert vtili actio(n)e ex testamento / wann das Testament in dem der erb instituiert / ist das letst vrteyl vnsers willen. Aber Codicillus ist ein zeügknüß vnsers willen / deßhalbenn das wir schaffen mit vnsern dinge(n). Es ist aber noch nit testatio / zeügknüß vnsers willens gegen dem das grösser ist / als die instituierung des erbe(n) / dz ist des herrn an vnser statt. Fideico(m)missum. Im Codicil magst du per obliquu(m) / das ist nit schlechts ein zů eim erben setzen oder machen / vnd das heißt in latein fideico(m)missum / das ist das eim vff glauben etwas geben würt / das selb fürter zů geben.

Legatarius. Ite(m) wo der im Codicil wer instituiert dz ers eim and(er)n gebe(n) solt / vnd der de(m) geben solt werden / wer aber der nechst erb der on Testament erben möcht / vn(d) darumb so fragt er nit nach solchem geben / sunder er besitzt sunst das erbe als ein erb / on Testament / als dan(n) so sol der Legatarius / das ist der de(r) geschafft ist / dz geschafft vordern durch dz edict. si omissa causa testame(n)ti. vo(n) de(m) du oben hast / so der erb sich des erbs nit vß vrsach des Testaments annympt.

insti de codicil. per totum. Item wo aber im Codicil nyemandt gesetzt wer der das geschäfft gebe / vn(d) wer doch geschafft / wan(n) vmb des schaffens willen seind die Codicil erfunden worden. ff. de cura. bo. da(n)dis. l. ij. Als dan(n) so ist diser rat der doctores / antweder die habe würt besessen oder nit / werden die habe nit besessen / so möge(n) die den geschafft ist bitten / das sie der richter von seins ampts wegen yn setz / oder bitten das der richter der habe ein curator vormundt setze / denn selben sie beclagen an des erben stat. Wo aber die habe von eim besessen werden / als dann vordern die legatarij vß der clage hypothecaria.

Duo testes in testamento. extra de testa. in dica(n)te. et. c. cum esses. et. c. relatu(m). extra e. si heredes. Item du solt wissenn / das auß ordenung Geistlicher rechten genůg ist an zweyen zeügen im Testament oder letsten willen / vnnd besunder wo durch

(207) Der Erst Teyl

gots ere od(er) durch gots willen etwas geschafft würt / vnd wan(n) durch gots willen geschafft würt / ist gnůg der schlecht vnd bloß wille des schaffers / wann in solchem schaffen gebürt sich nit die gantz herlichkeit d(er) weltlichen rechte(n). C. de cadu. tol. Vnd wo sollichs geschäfft nicht volendt oder volnbracht würt / so mag vnnd sol der Bischoff den erben zwingen das er den letsten willen volende. C. de rei. vxo. ac. l. vnica. Wann denen den geschafft ist gebürn drey clag als oben geschriben stat / so gebürt in diß ypothecaria / vß dem rechten als dem waisen in den habe(n) seins vormunds. Vnd als in der morgengabe. Vnd in andern casus geschriben. C. et. ff. vn(d) du hast ir eins teyls oben geschriben in dem Titel / in wölchen casus vnd puncten das pfandt schweygendt contrahiert würt.

insti. de obl. q(ui) ex contrac. vel quasi contract. Item diß erst clag ist vß de(m) testament gebürt hie nit / wan(n) die gebürt allein wider den erbe(n) / der ist de(m) legatario pflichtig vß bey co(n)tract ex quasi contractu.

ff. de fur. a ticio. Item die clag der eygenschafft gebürt auch nit / wann die selb gebürt erst so einer sich des erbs hat angenommen / als dann so geet erst die eygenschafft der geschfften habe / in den dem sie geschafft ist. ff. de publi. l. j. Das ist hienit / vnd auch gebürt die selb clag erst wan(n) die geschafft habe ist eygen gewesen des ders geschaft hat als dann so geet die eygenschafft in der frembden habe geschafft / in den legatarium / vnd hat der legatarius die clag publiciana. Also hast du das die clage ypothecaria auch gebürt in disem casus (et)c.

C. de fideicom. eam quam. Item wann einer in seim Testament instituiert ein erben / vnd nitt vor syben zeügen / sunnder allein vor fünffen so mag das das geschafft ist nit gefordert werden / wann er hat ein Testament wöllen machen vnd nit codicil. C. d(e) codicil. l. vlti. §. ill(u)d qs in fi. Er het dan(n) im Testament gesprochen / wo diß nit ist als ein Testament so soll es aber krefftig sein als ein codicil oder letster will. d. l. vlti. Als dan(n) mag das dz geschafft ist gefordert werden vß dem rechten.

Item vil hüpscher frag die in diser clage dienen / setzt Rofredus die ich von der schwere der frag vnderwegen laß.

Also formier dein clage.

Herr richter ich clag eüch von .R. der ist ein erb .T. der selb .T. hat in seim Testament mir ein .N. gesatzt oder geschafft / oder zweintzig gulden. Bitt (et)c. erkennen das er mir die selben habe oder was es ist / geben sol (et)c.

Item wann du den schaden auch solt vordere(n) / sůch in Rofredo / da vindest du auch von dem schaden / vnd die vnderscheid der frembde(n) vnd eygenen habe geschafft / vnd wie die sel warter beclagt sollen werden.

insti. de acti. ites mixta. Item du solt wissenn das dise clag gebürt nur einfach / on wann etwas der kirchen das ist den priestern die gott dienen in der kirchen vnnd dartzů gestifft seind geschafft würt / wo das nit geben würt ee dan(n) der erb in gericht gefordert würt / so můß ers zwyfach betzalen.

De actione ex stipulatu.

Von der clag vß verheissen.

insti. de ob. i(n) p(e)n. ff. de ver. ob. vbi au(c)t. no(n) apparet. Es macht sich offt das einer eim etwas zů thůn verheißt das vngewiß ist / als ein hauß zů machen / ein bůch zů schreyben / wan(n) alles das d(er) mensch thůn sol das ist vngewiß / wann der mensch hat nicht gewissers dann den todt. Gebürt wider den verheisser dise clage.

Also formier dein clage.

(208) Das XQVII Blat

Herr richter ich clag eüch vo(n) .R. der hat mir verheissen zů machen ein sollichs hauß / das hat er noch nit gethon. Bitt (et)c. erke(n)nen das er mirs mache(n) sol.

Item sůch in Rofredo in diser clag wann dir etwas verheissen würt bey einer peen / ob du die peen / oder es beide vordern magst.

De actione ex stipulatu arbitraria loci.

Aber vß verheissen etwas zů thůn an einer nemlichen statt.

Wann einer etwas zů betzale(n) / oder zů thůn oder machen an einer bestympten statt verheißt / was sich hie innen gebürt / sůch in Rofredo.

Also formier dein clage.

Stipulatio. Herr richter ich clag eüch von .R. d(er) hat mir verheissen per Stipulatione(m) / das ist durch mein fragen vnd sein antwurt dar vff / alltzů handt / das er mir gebe(n) vnd betzale(n) wöll zů Paryß .x. pfundt. Nun ist so vil zeyt vergange(n) / das er mir das gelt möcht geb(e)n od(er) gesandt habe(n) / vnd ist also seumig gewesen dz er mir das gelt nit zů Paryß betzalt hat. Nun schadt mir sollichs .iiij. pfundt / angesehe(n) den gewin(n) den ich het gehabt wer mir dz gelt zů Paryß bezalt worde(n) vn(d) auch den schade(n) den ich gelitten hab. Bitt (et)c. erke(n)nen das er mir die .xiiij. pfundt haupt gůts vnd schaden gebe(n) sol / vnd das ers thů / zwingt (et)c. Wie der schad vnd gewin(n) geschätzt vnd angesehen sol werden / sůch in Rofredo.

De actione ex stipulatu presumpta ex tempore.

Von der clag die vns vß der zeyt gebürt.

Wan(n) einer betzalt etwas oder geyts ein lang zeyt / das ist .x. iar zwyschen de(n) gegenwertigen / oder .xx. zwyschen denen die nit gegenwertig seind vß verheissen / vnd darumb so ist gemacht dise clag. In der formier also dein clage.

Herr richter ich clag eüch von .R. der wil mir nit geben ein pfundt wachs / oder pfeffers (et)c. od(er) ein pfundt pfenning für das vergangen iar / das selb pfund wachs (et)c. haben sein vorfarn vnd er mir vnd mein vorfarn iärlich betzalt von d(er) wisen (et)c. od(er) warumbs ist / oder er vnd sein vorfarn haben mirs .x. iar betzalt. Bitt (et)c. erkennen das er mirs noch betzalen sol / vnd das ers thů (et)c. Warumb dise clag erfunden sey vnd was sich darin(n) gebürt / sůch in Rofredo.

Furti non manifesti.

Von heimlichem diebstall.

Wann einer dein farendt habe handelt über deinen willen / vnnd würt damit nit begriffen / so gebürt dir dise clag widern dieb / wirt er aber begriffen am diebstall / er ist pfichtig des offen diebstals genant furti manifesti / von der selben clag hast du oben geschriben.

Furtu(m) quid sit. ff. c. l. j. §. vlti. insti. de ob. q(ui) ex de lic. nas. §. ij. Item diebstall ist ein vngetreüwe handlung frembder habe die farend ist / die do geschicht wider den willen des herren in gewinns můt / sollichs geschee vmb der habe willen / oder des besitz / oder gebrauchs willen / wann stelen ist vß götlichem rechten auch verbotten. In diser clag gebürt sich.

Am ersten das einer handel ein frembde habe.

Am andern das sie corporalis sey / das man sie greyffen vnd sehen möge.

insti. vi bo. rap. §. quia tamen. Am dritten das solcher handel geschee widern willen des herren / vnd

S

(209) Der Erst Teyl

vngetreüwlich im můt zů gewinnen / vngetreüwlich gebürt sich darumb / wan(n) wo einer glaubt das ym zäme sein eyge(n) habe zů nemen / der selb felt nit in das laster des diebstals / als du hast.

ff. c. l. j. et. l. inficiando. Item glaubt er das sollichs des herren will sey / er ist diser clag nit pflichtig / wan(n) er thůt solichs nit in vntreüw. Handel sprich ich darumb / wan(n) on das handeln geschicht nit diebstal / wann allein der will oder das laucken machet diebstal. ff. c. si q(ui)svxori. §. si quis asinum. Das handeln soltu versteen vff das aller gemeynst / es werd getrage(n) oder gefürt. Frembde habe sprich ich darum(b) / wan(n) die habe die volkom(m)enklich mein ist / stil ich nit / ist die habe aber gemeyn / oder ein anderer hat recht dartzů oder ist sie einem andern verpflicht vnd ich handels / ich fall in diebstall. Res aliena. ff. c. si socio. ff. p. so. rei co(n)is. et. l. si q(ui)s rem pignori in princi. Inuito domino. ff. c. qui re sibi comodata. Widers herren willen sprich ich darumb / wan(n) glaubt er das ym der herr günne / er ist nit schuldig des diebstals / wo aber er die habe handelt in eim casus in de(m) in keinen weg ym der herr das günte / als dan(n) wiewol er diser clag nit pflichtig würt / so würt er doch pflichtig des entlehens / oder des zů behalte(n) gebens / wan(n) es vor entlehet oder zů behalten gebe(n) were. ff. c. inter om(n)es §. recte. Wo ich aber meyn ich thů sollichs widers herre(n) willen / vnd ich thů es mit seim willen / wiewol ich diebstals pflige / so bin ich doch sein nit pflichtig. Animo lucra(n)di. ff. c. verum est si meretricem. Vntreüwlich vnd im můt zů gewinnen / wan(n) hat er nit můt zů gewinnen / sunder zů schaden oder sein lust vnd begird zů treybe(n) mit einer thörin / die eins andern eyge(n) menschen were / sollichs ist nit diebstal.

Item wölche person diß clag füren mögen vnd in wölchem casus / sůch in Rofredo.

Herr richter ich clag eüch von .R. der hat mir gestole(n) alda ein sollich mein pferdt / das schätz ich zehen gulden. Bitt (et)c. erkennen das er mir den wert zwyfach betzalen sol / oder das er mir zweintzig gulden geben sol (et)c.

Item du magst auch peen vordern zwyfach / als du oben geschribenn hast in der clag des offen diebstals.

Item in diser clag magst du auch schaden vordern.

Item wölcher dartzů geholffen hat.

ff. de furt. is qui ope(m). insti. de fur. §. hij qui. Item wölcher dartzů gerathen hat / wan(n) anders der dieb sollichs suns tnit gestolen het. Seind all schuldig diser clage.

Item diß zwyfach ist allein pein / wann du magst die habe sunst mit einer andern obgeschriben clag vordern.

De tigno iniuncto. So du ein frembden sparren in dein zymmer gebauwen hast.

ff. de tig. iniunc. l. j. insti. de re. di. § cu(m) in suo solo. Als die vorig clag ist in zwyfach vn(d) allein peen / also ist diß clag vom sparren ein gemacht auch zwyfach / aber dz ein einfach ist peen / wo einer dein sparren in sein zym(m)er on deine(n) willen gemacht hat / er ist dirn zwyfach schuldig zů betzalen. Deßgleychen verstee wo solchs in deim weingarten geschehe.

Item diese clag ist erfunden worden / darumb das man das das getzym(m)ert ist / nit wider abbreche vnnd der bauwe in weingarten nit gehindert vnnd betrübt werde. In diser clag gebürt sich.

Am ersten das der sparr frembd sey.

Am andern das ein ander den sparre(n) in seim zym(m)er od(er) weingarte(n) verbaw.

(210) Das XQVIII Blat

Am dritten das sollichs geschee wider den willen des herren oder on sein wissen / sollichs würt als bewisen durch die obgeschriben recht.

Item diß clag kompt vß malefitz.

ff. de rei ven. in rem. §. tignum. Item in dieser clag würt auch gestrafft der ders in gůte(m) glaube(n) thůt. Wan(n) wo er getzwungen würde den sparren wider her vß zů thůn / so kem er sein zů grösserm schaden / ein anders wider an die statt zů machen.

Also formier dein clage.

Herr richter ich calg eüch von .R. d(er) hat mein sparre(n) in sein zym(m)er gebawen wider mein willen / den schätz ich zwey pfundt. Bitt ich (et)c. erke(n)nen das er mir die selben zwey pfundt zwyfach betzalen sol (et)c. Wan(n) er es aber nit gethon hett / sunder ein anderer / so sprechstu also / der hat mein sparren in sein zym(m)er bauwen lassenn wider mein willen / den schätz ich zwey pfundt. Bitt (et)c. erkennen das er mir vier pfundt schuldig sey zů betzalen (et)c. Setz das libel besser dan(n) es gesatzt ist / vnd was du hie innen nit vindest / sůch in Rofredo.

Arborum furtim cesarum.

So dir dein baum dieblich abgehawen ist.

ff. arbo. fur. cesa. l. j. et. ij. et. l. furtim cese. Es fügt sich offt das einer dem andern dieblich ein baum abhauwet / vnd also thůt er dem herren des baums grossen schaden / vnd ym cleinen nutz / vn(d) ist auch in zwyfach / wan(n) der schaden wirt gezwyfacht on das holtz / als ee das der baum abgehawen ward / was er zehen gulden wert / vnd nun ist das holtz zweyer wert / nun die zwen abgetzogen / werden die acht geschätzt in zwyfach / vnd diß clag wiewol sie in zwyfach ist / so ist doch das einfach peen / wo aber dz holtz wider dein willen vertragen vnd gehandelt würd / gebürt dir vmb das holtz die clag des diebstals. In diser clag gebürt sich.

ff. c. l. vite(m) arbor. Am ersten das einer ein baum abhauwet. Was baum heissen / sůch.

ff. c. l. vite(m) arbor. Item weinreben / rot weyden (et)c. heissen baum.

d. l. vitem. Am andern das der baum wurtzeln habe / vnnd vff sein wurtzeln stee / oder so er vßgereüret were vnd wider gesetzt möcht werden.

ff. c. furtim. Am dritten das sollichs diebisch geschehe / wann geschehe sollichs mit wissen des herren oder mit gewalt / so ist er nit pflichtig diser clag / sunder der clag vi bo. rap. vel. l. aquili. vel interdicto quod vi aut clam. vel. l iuli. de vi pub. si cu(m) armis. vel priuata si sine armis. Des raubs arender habe vo(n) der du oben fünff capitel hast / oder der clag vom schaden thůn / vonn der du hernach hast oder von dem gewalt der mit gewappenter handt / od(er) on gewappente handt geschehen von dem du oben vnd hernach hast.

ff. c. furtim. et. l. cedere. Item der baum sey mit den wurtzeln vßgehauwen oder sunst abgehauwe(n) / verbren(n)t / geschelt / gesetzt oder gestymmelt / diß clag gebürt.

Am vierden das der / der diß clag fürt sey ein erbe nutzlich oder eygenschafft herre des baums.

Herr richter ich clag eüch vo(n) .R. der hat mir dieblich ein solchen baum abgehauwe(n) / sollichs schadt mir .x. pfundt. Bitt (et). erke(n)nen das er mir .x. pfund zwyfach betzalen sol / vnd als er das holtz auch genom(m)en oder gehandelt hatt / das ist zwey pfundt wert. Bitt (et)c. erkennen das er mir .x. pfund zwyfach bezale(n) sol / hat er aber das holtz offenlich gestolen / so gebürt diß vierfach vmbs holtz.

S ij

(211) Der Erst Teyl

ff. de pe. sanctio legum. Merck das seind zwo sünde / zwo malefitz / darumb so werden sie mit zweyen rechten gestrafft / wann ein sünd vn(d) ein malefitz sol nit mit zwyfachen rechten gestrafft werden. Es setz dan(n) das recht sollichs sunderlichen.

De actione rerum amotarum.

So die eeleüt einander stelen.

ff. de fur. serui et. filij. Offt stilt das weyb dem man(n) vnd wideru(m)b. So aber nun die clag des diebstals sich nit gebürt. Als so dz kind de(m) vatter stil. Also gebürt auch dise schentlich clag des diebstals nit. Die weyl die Ee nit gescheiden ist vmb der eren willen der Ee / darumb ist gefunden worden diß eygen clage. In der sich.

ff. de act. re. amo ta. l. j. et. ij. et. l. si concubinam. Am ersten gebürt das ein recht Ee zwyschen dem man(n) vnd der frawen sey wann nit ein Ee ist oder sein mag růwet dise clag.

Am and(er)n dz ir eins die habe verfendelt hab / vn(d) dz in vntreüw vn(d) arge(m)list.

Am dritten das sollichs farendt habe sey / wann die ligende gütter vnd habe mögen nit gestolen werden.

Am vierden das sollichs geschee causa diuortij / vmb scheidens willen.

Am fünfften das sollichs verfendelt werd die weyl die Ee noch ist / wan(n) wo sollichs nach dem scheiden geschee / so gebürt die clag des diebstals.

ff. c. si concubina(m) §. vl. et. l. ob res amoras. Item dise clag gebürt vmb die habe die do seind des eyge(n) dem sie genom(m)en seind / oder ym versetzt oder sunst von ymin gůttem glauben besessen / sie seind morgen gab od(er) in was sunst billichem vn(d) rechtlichem Titel die habe hast.

Am sechsten / das sie gescheiden seind all die weyl die Ee nit gescheiden ist / gebürt dise clag nit / waru(m)b dz sey sůch in Rofredo. Vn(d) formier also dein clag.

ff. c. l. j. §. j. Herr richter ich clag eüch vo(n) .R. die mein eelich haußfraw ist gewesen / dz sie mir arglistigklich genom(m)en hat .N. vn(d) .N. mein habe vß meim hauß / oder vo(n) dannen .N. vn(d) .N. daru(m)b dz wir gescheiden solte(n) werde(n) / od(er) von hoffnung meins tods. Bitt (et)c. erke(n)nen das sie mir die selben habe sol wider gebe(n) (et)c. wan(n) sollichs geno(m)men wer worde(n) durch hoffnu(n)g des tods / gebürt dise clag auch.

Item in diser clag magstu den wert vordern vnnd behalten mit dem eyd / wann diese clag kompt vß malefitz.

De ratio cinijs distrahendis.

Wider die vormundt die die farendt habe in iren nutz keren.

ff. de tuto. et cura. da. l. j. §. rationibus. Die weyl die vormundtschafft wert / macht es sich offt dz die bösen vormu(n)d die farendt habe oder bar gelt nemen / vnd sollichs in iren eygen nutz wenden / vnnd doch villycht nit in stelens můt / wann als dann weren sie pflichtig des diebstals / darumb ist gemacht dise clag / die ist zwyfach / also das das einfach ist ein durch ächtung der habe / vnnd das annder die peen / vnnd das einfach das die habe durch ächt sol allein den wert der habe in(n)halten vnd nit den schaden interesse genant. ff. de tuto. et cura. da. l. j. §. rationibus. In diser clag fassen all vormu(n)d in wölche(n) weg / in wölcher schicke oder namen die vormundt seind / vnd in disen zeyten seind vil sele loser menschen vnder herrn vnd vnder andern die vormundtschafft begeren / darumb das sie von sollichen haben reych vnd vol werden / vnnd mercken nit das gott gesprochen hat / pupillo et orphano / dem waisen vn(d) dem vatterlosen würstu ein helffer sein / so bistu nit allein nit ein helffer sunder ein feyndt

(212) Das XQIX Blat

In diser clag gebürt sich.

Am ersten das der sey tutor oder vormundt gewesen / testament arius / legitimus / vel datiuus. Were aber ein falscher tutor vormundt oder procurator gewesen / vnnd het sollichs gethon / spricht Rofredus er möcht auch mit diser clag beclagt werden.

Am andern das farende habe genommen werden.

Am dritten das er die vormundtschafft treybe.

ff. c. l. j. et. ij. Am vierden das er die weyl die vormundtschafft wert die habe neme.

ff. c. l. j. §. vlti. Am fünfften das die vormundtschafft ein ende hab.

Also formier dein clage.

ff. c. l. j. §. ro(n)nib. Herr richter ich clag eüch von .R. der ist mein vormundt gewesen / nen(n) in wölchem namen (et)c. vnd als er die vormundtschafft getriben hat / vnd die vormundtschafft vnder geschlagen. Bitt (et)c. erkennen das er mir die selben habe oder das selb gelt zwyfach sol wider geben (et)c.

Ite(m) ob diß clag gebür wid(er) den erbe(n) / vn(d) was vnderscheid sey zwyschen diser vnd andern clagen der vormundtschafft / vnd des diebstals / sůch in Rofredo.

De actione legis aquilie.

Wider den der dir schaden thůt.

Thůt dir einer schaden du magst wider in clagen vß diser clage.

Merck das dise clag stat hab so schaden geschicht vß vnfleyß / wan(n) wo kein schad geschehen ist / als so die habe dauon nit ist böser worde(n) / oder ist dauo(n) besser wordenn / růwet dise clag. Nym war / hab ich dein öpffelbaum so die öpffel zeytig seind gewesen abgebrochen / oder dein zeytig frucht abgeschnitten / nit dz ich dirs an die erde(n) hab geworffen / sunder sollichs dein nutz gewant růwet dise clag / als dann bist du mir schuldig die ksotung wider zů geben / die ich in solchem samlen vßgeben hab / wo ich aber solichs in meine(n) nutz neme / ich bin schuldig des diebstals / vnd mag mit der selben clag beclagt werden.

ff. c. si seruus. §. si ex plaustro. Item wo vß vnfleyß des menschen feür von vssen vffgangen ist nit vß der habe in denen der schad geschehen ist od(er) geschicht / als dan(n) so gebürt dise clag / vnd auch so vß vnfleyß des der den wagen oder karren geladen hatt / die stein oder das holtz seind nit recht versorgt / vnd im fallen haben sie etwas zerbrochen vnd geschedigt / gebürt dise clage.

ff. c. l. v. §. i(n)iuria(m). Ite(m) vnfleyß můß ye geschehen vn(d) vnderweyle(n) damit argerlist / anders dise clag gebürt nit / vnnd darumb seind weder thoren / auch nitt kinde / diser clag pflichtig / wann sie haben nit so vil vernunfft.

ff. c. scientia(m). §. q(ui) cum aliter. Item der ist diser clag nit pflichtig der etwas thůt in schirms weyß / vnd als bald / in der selbe(n) weyß das er sich schirme(n) wölle / als wan(n) du mir gewalt thůst mit waffen / ich mag dir mit waffen widersteen / vnd anders nit. Vnd vß diser vernunfft zympt mir zů tödte(n) den dieb in der nach begriffen / so ich ym mein schaden an meiner habe nit übersehen mag / als der wein schenck da er sein latern mit de(m) liecht wider habe(n) wolt vom dieb / vnd ym nicht übersehen mocht / das ist der casus / ein taberner het ein laterne(n) mit eim brinnende(n) liecht für sein schenckstat des nachts gesatzt / einer kam vnnd nam ym die laternen / dem lieff der taberner nach / vnnd vordert sein latern wider / er schlůg den taberner mitt

S iij

(213) Der Erst Teyl

einer geiseln gar übel / vß dem selben ward der hader noch grösser / also das d(er) taberner dem dieb ein aug vßschlůg / vnd sein latern wider nam. Nun wardt gefragt ob der taberner dem dieb vmb das aug etwas schuldig wer / vn(d) ward geantwurt / het der taberner sollichs nit arglistigklich gethon / so wer er nichts schuldig / het ers aber mit argemlist gethon / so wer er schuldig diser clag / doch so sol ich sollichs mit geschrey bezeügen. Telum. Aber den diebe am tag begriffen mag ich tödten / ist das er sich mit waffen / mit geschoß / telum inn latein beschirmet vnd were / vnd anders nit / vnnd sollichs soll ich auch mit geschrey bezeügen. waffen. insti. de pub. iudi. §. ite(m). lex corne. et. §. sequen. ff. c. l. iiij. §. j. et. l. v. et. l. si ex plag. §. tabernarius. Wann alles dz damit sich einer weret oder ein andern schediget heißt waffen / es seind stein oder messer (et)c. Deßgleychen ist wo ich ein anndern der nit ein dieb ist / so er mein mit waffen begert / vnd ob er mich noch nit geschlagen hat / es ist genůg der schreck der waffen / vff das das mir das wören oder schirmen günte vnd erlaubt sey / wo ich aber so ich yn möcht begreyffen / vnd wolt yn lieber tödten / ich bin schuldig.

ff. c. quemadmodu(m). §. magistratus. Ite(m) d(er) magistrat ist nit pflichtig diser clag / so er wid(er) den d(er) ym widersteet etwas gewalt thůt / wo aber d(er) magistrat on vrsach schaden thet / er ist schuldig.

Impulsus. ff. c. quemadmodum. §. si nauis. et. l. si ex plagis. §. in cliuo. Ite(m) es würt entschuldigt von vnfleyß der d(er) von des andern impulsu in latein vngestümigkeit od(er) vß krafft vnd gewalt des winds schaden hat gethon.

ff. c. l. v. §. j. et. l. scie(n)tia(m). §. penul. ff. e. i(n). l. hec regulariter. Item das entschuldigt allein nit von vnfleyß / so er spricht ich habs nit gewißt / wan(n) man ym mag zů zelen / das ers solt gewißt habe(n) / oder sunst ettwas anders bewart solt haben / als nymwar / mir zympt zů schlagen den der mich schlecht / vnd als ich yn wolt schlagen / schlůg ich ein andern. Vnnd alhie solt du nemen auch den leychsten vnfleyß.

Item vnder weylen würt nit clag vß vnfleyß / wan(n) ein vnfleyß mit dem andern compensiert vnd vergleycht würt / vnd auch wo vff ein teyl argerlist vnd dem andern teyl vnfleyß ist / so überwiget argerlist den vnfleyß / vnd darumb kompt vnderweylen allein argerlist in diser clage / vnd das ist darumb / wan(n) der vnfleyß ist des halbenn der den schaden gelitten hat. Als nym war / wo vil schoss schiessen vff ein plane / vnd ein eygen mensch ist über den plan gangen / vnd geschossen worden / der ist nit pflichtig der geschossen hat / wan(n) es sol kein er zů vnzeyten über ein sollichen plan geen / wölcher aber sollichs mit fleyß gethon het / der ist pflichtig. Ludus noxius in culpa est. Wan(n) ein yegklicher schädlicher schympff oder kurtzweyl felt in vnfleyß vnd in schuld.

ff. c. obstetrix. §. vlt. et. l. ite(m) mela. et. l. si ex plagis. §. vlti. Item wo auch so etlich vil des ballen spilen in einer gassen od(er) stat / wo sollichs vß gewonheit gespilt würt / vn(d) einer ymein scherer schere(n) ließ / vnd so der ball vngestym(m)igklich oder mit gewalt geschlage(n) / vn(d) in des scherers handt geworffen / vn(d) die kele ym abgeschnitte(n) würd / vn(d) dz scharsach de(m) scherer empfallen ist / es ist wed(er) der scherer / wed(er) der werffer noch der schlager schuldig / es sey dan(n) sollichs geschehen mit fleyß / wan(n) sollichs mag dem zů gezelt werden / der sich so gar an ein sorgklich oder schädlich statt dem scherer empfolhen hat.

Item der d(er) ein baum stym(m)elt oder abhawet an de(m) end da weder sunderlich noch gemeyner weg ist / felt der baum on sundern fleyß vff eine(n) der da geet / er ist nit pflichtig / wo aber da selbs ein weg ist / der da bauwet / ist schuldig / er het dan(n) vor geschryen dz sollicher fall wol fürkom(m)en vnd behüt möchte worde(n) sein. Deßgleychen ist auch / wo einer vff eim tach deckte / oder ein tach oder mauwer

(214) Das Q Blat

abbricht / mit diser vnderscheid / er sol das zů sollichen zeyten legen oder setzen / dadurch sollichs abbrechen oder decken verstanden möcht werden.

ff. c. si putator. et. l. qui foucas. Item deßgleychen ist vnd mit der vnderscheid in denen die do grůben machen das sie hiertzen da innen vahen.

Item diser vnfleyß geet vnderweylen vor der that / als das in vil weg mag declariert werden / als in dem der ein grůben macht an dem end da ein offener oder gemeyner weg ist / vnd in dem der müller treybt sein maule daryn / den er durch sein kranckheit oder künstlösigkeit / od(er) die vngestym(m)igkeit des mauls oder pferdts nit gehalten möcht / vnd in dem der die stein übel gelegt oder bößlich geladen hat vff den wagen oder karren / vnd in de(m) der sein aglen die die vom flachs fallen / oder dorn / so er sie verbrennen wolt / hat mir feür angezündt / vn(d) das feür ist fürbaß gangen vnd kom(m)en in frembds getreyd / oder ein frembden wein garten / vnd hat schaden gethon / wo sollichs vß seiner thorheit imperitia / saumnüß were geschehen / wan(n) er hat sollichs gethon am tag so der windt hat krefftig gewehet / oderhat nit gewöret / das das füer nit fürbaß gee / er ist schuldig. Qui causam damino dat. da(n)nus dedisse videtur. ff. c. q(ui) occidit. §. i(n) hac. et. l. q(ui) foue. as. (et)c. l. ide(m) iuris. §. mulione(m). et. l. si seruus seruu(m). §. si ex plaustro. Wann wölcher vrsach geyt zům schaden der würt gesehen den schaden selbs gethon habenn / wo er aber alles das gethon hett das nottürfftig was zů thůn / er ist nit schuldig. Vnderweylen volget der vnfleyß dem thůn oder der that nach / als so der artzt wol geschnitten hat vnd darnach so hat er das artzneyen vnderwegen gelassen oder verlassen. Vnderweylen so ist der vnfleyß in der that / als wo der artzet das schneyden oder ertzney nit kan / vnd thůts doch.

ff. c. co(n)tractio(n)e. §. vlti. et. l. ide(m) iur. ff. c. l. vlti. §. iniuria(m). et phak etias. Item den vnfleyß solt du allweg also versteen / das auch argerlist mit dem namen vnfleyß begriffen werd.

ff. de mi. si ex causa. §. si mulier. Item dise clag gebürt dem herrn der habe / in der der schad geschehenn ist / vnd dem der an sein statt kommen ist. vniuersitatis titulo. vnnd in dem wort herr / soltu auch versteen den erben. ff. c. ites mela. §. legis. et ob id. et. l. liber homo. §. si seruus. Vnd dise clag heißt in latein directa. Im latein ist vnderscheid vnder den worten directa vn(d) vtilis / aber im clagen kan ich kein vnderscheid vinden.

Vtilis. ff. c. si d(a)ns. et de edili. edic. et iustissime. §. vlti. Item vtilis dise clag gebürt auch denen die nit herren seind / als de(m) fructuario / das ist de(r) der den nutz vß den güttern hat / vnd de(r) der mit eim titel besitzt.

ff. c. ites mela. §. vlt. et penul. et. l. q(ui) occidit. §. pignore. Item dise gebürt dem glauber wo der schuldner nit zů bezale(n) hatt / oder wo er die clag wider die person der zeyt halben verloren hat. ff. c. huic septure Wo aber schaden geschicht in der habe die man mir schuldig ist oder verheissen hat / vnd doch nit zů pfandt gebenn als im verbinden oder verpflichten / vnnd so mir sunst kein recht in der habe gebürt / so dise clag dem schuldner / aber er sol mir über geben die clage.

ff. de ver. ob. si ex legato. et. l. si seruus stipulatus. §. de illo. et. §. nu(n)c. (et)c. §. an filio. Item er sol mir übergeben wo das thier mir verheissenn gethödt würt / würt es getödt vom schuldner / so mag ich dise clag füren wider yn vnnd wider die bürgen / vnd wider den vatter vß der person des suns.

ff. c. l. aquilic. Item würt das thier von dem dems verheissen ist getödt / ee dan(n) der schuldner seumig ist / der schuldner würt geledigt / ym gebürt aber dise clage.

ff. de dolo. arbitrio. §. vlti. Item würt das getödt vonn eim frembden / der schuldner würt ledig / aber der glauber mag clagen vom argenlist wider den tödter.

Item dise clag gebürt eim freyen menschen so der gewundt ist / nit vmb der

S iiij

(215) Der Erst Teyl

glider willen / wan(n) nyeman ist seiner glider herr. Nemo est dominus me(m)brorum suorm. ff. c. liber homo. ff. c. si qua. pau. fe. di. ex bac. Als dan(n) so clagstu vmb die arbeit die du vnderwege(n) můst lassen / so du zů deiner arbeit durch sollichs verwunden vntüglich werst worden / vnd auch vmb das artzetlon das du vßgeben hast / aber die vngeschaffenheit würt nicht geschätzt noch angesehen.

Certamen. Item wo ein freyer mensch in eine(m) offen streyt certamen genant / ertödt würt hat dise clag nit stat / wan(n) sollichs ist mer von sterck oder ere wegen vnd nitt in schmacheit geschehen. ff. ad. l. iul. de vi. pre. l. ex senatus et de act. l. aqui. q(ue)m e contractatione. §. si quis. Wo aber einer in sunderlichem schade(n) ertödt würt / die sünd erlendert vff den der vrsach sollichs übel gewesen ist. Also hastu das diser clag schuldig ist der / der ein freyen menschen tödt.

ff. c. si d(a)ns seruu(m). Ite(m) d(er) erb eins feryen mensche(n) clagt diser clag nit / wan(n) es wer ein vngehörte sach / absurdu(m) in latein / dz einer solt den wert überkom(m)en des des erb er were.

Item dise clag directa et vtilis et in factu(m) in latein ist vnderscheid. Actio in factu(m). In drey weg gebürt sich wo schad geschicht vo(n) corpus / so heißt er in latein directa / als so ich den eygen menschen erwürgt hab / wo aber schad geschicht vom nit corpus / in nit corpus / so gebürt diß clag in factus in latein / als so ich bewegt bin vß barmhertzigkeit / das ist nit ein corpus / vnnd hab dem eygen menschen als er mit bande(n) yn geschlossen was vffgeledigt. Nymwar das corpus ist nit versert. So magst du auch nit sprechen das ich mit meim corpus schade(n) gethon hab / wann wie wol ich in ledig hab gemacht / in solichem ledigen hast du kein schaden genommen / aber du hast erst schade(n) genommen durch das hernach fliehen vnd hinweg lauffen deins eygen menschen / vnd in dem casus gebürt dise clag infactum in latein.

Item wo schad geschicht vonn corpus in nit corpus gebürt diß clag vtilis. Nymwar ich hab dir den rinck vß deiner handt geschlagen / vff das er in das mere oder wasser solt fallen / oder ich hab dir yn vß den henden genommen in můt das ich dir schaden wolt / vnd das ich yn in das mere würff / als dann vß meim werffen ist dir schaden geschehen / vnnd das corpus ist doch nit verfert oder geschedigt / wann der rinck ist nichts dester böser so er im wasser leyt / dir ist aber von meim corpus schaden geschehen / wann du mangelst deins rings der nit geschedigt ist. insti. c. §. ceteru(m). vsqs in fi. l. Wo schad geschehe(n) ist nit vom corpus in corpus / als so ich hab mit rotem tůch gescheycht dein herdt vihes / vnd die ochsen / küw oder schaff seind geschlagen vnnd seind precipitiert / das ist über stein / clingen oder schorren gefallen / ich bin schuldig diser clag / wan(n) ich hab vrsach des schade(n)s gebe(n) / darumb ist es gleych als ob ichs gethon het / ich hab mit meim leyb kein schaden gethon / wan(n) mit der flucht die ich gemacht hab hast du kein schaden gelitten / aber im fallen des ich vrsach geben vnd gewesen bin.

Item dise clag directa gebürt allein dem herrn wo schade vom corpus inn corpus geschehen ist.

C. c. l. ij. Item dise clag gebürn wider den der schaden gethon hat.

Item wider den der dartzů geholffen hat / als so einer gehebt hat / vnnd der ander getödt / der gehebt hat / hat vrsach des tods geben / darumb ist er schuldig diser clag in factum in latein.

ff. c. ites mela. §. si alius. et. §. ite(m) cum eo. Item der der den hundt gereitzt hat vff das das er einen beyssen solt / hat er den hundt gehebt so ist er schuldig diser clag in factum.

ff. ad. l. cornel. de sicca. l. vlti. Item wo mer dan(n) einer schaden gethon oder geschlagen hette(n) / ist das man

(216) Das QI Blat

erken(n)t oder sicht vß wölches streich er gestorbe(n) sey / der ist schuldig als ob er getödt hab / die andern sein schuldig vom verwunden / wann es sol eins yegklichen dartzů gesamlet streich oder schlag angesehen werde(n). ff. c. ita vulneratus. Wo aber nit gesehen oder erken(n)t mag werden von wölches schlagen er gestorben ist / sie seind all als ob sie getödt hetten schuldig / vmb des willen das das malefitz die sünd die sie begangen haben nit vngestrafft bleybe.

Item wo wider einen geclagt würt / wie man es mit dem andern halten sol frag Rofredum vnd Azonem darumb.

l. ita vulneratus. ff. ad. l. aquil. Item wo aber etlich nit darumb gesamlet seind das sie schlahen / sunder einer verwundt heüt mein eygen menschen / vnd der ander zů einer andern zeyt yegklicher ist schuldig vom verwunden / wo der wunde(n) dhein tödtlich ist / wiewol der stirbt vnnfleyß halben seins herren / wo aber yegklichs wundt tödtlich were / vnd es wer gewiß das er sterben müst der ersten wunden halb / es ist yegklicher schuldig vom tödten / wann die hinderst wundt das sie tödtlich sey declariert der todt. Aber die schatzung des todten würt nit gleych in ir beider person / wann der der am erstenn verwundt hat / soll so vil betzalen als der eygen mensch das nechst iar vorm wunden wert gewesen ist. Wie aber der ander gestrafft sol werden / sůch im rechten.

Item der hat nit allein getödt der als bald das leben genommen hat / sunder auch der vß des verwunden man gewiß ist das er sterben můß / vnd wölcher schätzte das sollichs vnbillich vo(n) rechten gesetzt sey / der gedenck das noch vil vnbillicher ist / das ir keiner diser clag gestrafft würt oder nur einer. Maleficiu(m) non debet im unt. tum relinqui. Wan(n) es sol die malefitz überal nicht vngestrafft bleyben. So kanst du auchnitt wol wissen mit wölcher billicher straff diser gestrafft werd / vnd das ich gesprochen hab von dem eygen menschen von viln gewundt / tödtlich oder nit tödtlich zů einer zeyt oder nit zů einer zeyt / das würt auch gehalten so ein freyer mensch gewundt würt.

ff. c. ites mela. §. celsus. (et)c. l. ait lex qua(n)ti. et. l. q(ui) occidit. §. vlti. et. l. illud. §. vl. et. l. ita vulnerato. l. si ex plau. j. R(e)n. Item man vindt vil in weltlichenn rechten gesetzt das wider die vernunfft vnd subteyligkeit des disputierens ist / vnd ist doch vmb gemeyns nutz willen vffgesatzt. Nymwar wo vier ein grossen balcken stelen den keiner allein stele(n) möcht noch tragen / die sein all schuldig des diebstals / wiewol vß subteyler vrsach vnd vernunfft gesprochen möcht werden / das ir keiner schuldig wer des diebstals / wan(n) es sey war dz ir keiner den balcken hinweg hab getragen.

ff. c. liber homo si iussu. et d(e) reg. iur. ad ca. et isti. de noxa. §. ois. Item schuldig ist diser clag der geheissen hat schaden zů thůn / vnnd würt entschuldigt der ders gethon hat / vnnd geheissen worden ist / der sun vnnd die diener / doch nit in gar grossen vnd grausamlichen übelthaten vnnd sachen / wo aber einer nit hett gewalt zů gebiettenn / so ist er schuldig der es gethon hat / vnd der ders geheissen hat.

Item schuldig ist diser clag der der beken(n)t hatt / wo anders ein ander schaden gethon hat wan(n) die clag gebürt wider den d(er) schaden hat gethon / vn(d) würt transferiert in den der beken(n)t hat vß seim bekennen / wo aber nyeman schaden gethon het / der keiner wer schuldig gleych als ob er widers recht vnd vnmüglich ding beken(n)t. Als so er hat beken(n)t / er hab ein menschen der noch lebt getödt oder so einer rechts tods todt ist / hat er beken(n)t er hab yn ertödt / oder hat bekennt er hab yn verwundt / der kein wunden hat.

(217) Der Erst Teyl

ff. c. l. inde neratius. §. vlti. et. l. hoc apertius. et. l. proinde. Item hast du aber beken(n)t du habst mein eygen menschen ertödt / den ein ander getödt hat / du bist schuldig / wan(n) es ist gnůg das er ertödt sey vn(d) vor deim beken(n)en můst ichs bewisen hab(e)n das du in ertödt habst / aber nun durch dein bekennen würd ich der bürd in der beweysung entladen / as ich nit betzwungen würde zů beweysen das du in habst ertödt / ich würd aber doch getzwungen zů beweysen das du in habst ertödt / ich würd aber doch getzwungen zů beweysen das der von eim menschen ertödt sey.

ff. c. proinde. §. notandum. Ite(m) d(er) richter darff in soliche(n) beke(n)nen nit erke(n)nen dz d(er) schad geschehen sey / er sol nur den mordt declarieren / vnd sol den der beken(n)t in so vil verdamnen.

insti. de ver. obl. §. penul. Item der richter sol den schaden setzen nach der beweysung des clagers.

ff. de p(re)senticis. l. ij. et fi. regun. si irruptione. Item es mag vnderweylen die habe selb / oder dz ansehen d(er) habe betzeügknüß gebe(n) für den schaden / als du hast in der clag von der schmacheit / vnd in der clag von marckstein setzen / vnd in der clag der vormundtschafft.

C. vnde vi. si qu(i). Item wo die weysung der grösse des schade(n)s gebrech / sol der richter für die beweysung kein eyd nemen vom clager / es wer dan(n) das der schad vß violentz das ist vß gewalt geschehen were.

insti. c. item si ex pari mularum. Item in der schatzung gebürt einfach wo der beclagt beken(n)t dz er den schaden gethon hab. In disem einfach würt nit allein dz ga(n)tz corpus in de(m) schad geschehen ist geschätzt / sunder es werden auch gerechent die nutzbarkeit die de(n) corpus anhangen. Nymwar / wo eins vnder eim par ochsen oder meüler oder pferdt / so sie ein wagen oder akrren / oder pflůg ziehen getödt würt / nitt allein sol des getödten corpus schatzung geschehen. Es sol auch angesehen werden wie die andern dester minder wert seind worden.

insti. c. §. ill(u)d. ff. c. ait lex. et. l. proinde. Item es sol auch außwendiger nutz angesehen werden. Nymwar hast du mein eygen menschen ertödt den ich bey einer peen verheissen hab yemants zů gebenn / oder so du gethödt hast mein eygen menschen den ein ander hat gesatzt zů eim erben / vnnd so ich yn geheissen het das er sich des erbs solt annemen / so het er mir das erb zůgeeygent hetstu mirn nit getödt / vnnd doch also / das du yn erst getödt habst / als dann der testator gestorben was.

insti. c. §. illud. Item also hast du das wir mit diser clag vns vnsers schadens vnd verlust erholen / vnd das haben wir verlore(n) / oder das heissen wir verlust in diser clag das wir antweder überkommen möchten haben / oder getzwungen werde(n) vß zů geben. ex lege aquilia damnum consequimur. et amisisse dicimur. q(uo)d aut consequi potuimus aut erogate cogimur.

insti. c. in princi. et. ff. c. inde neratius. §. in suam. et. §. si dolo seruus. et. §. ss et si. Item / aber der nutz kompt in die schatzu(n)g der die habe kostlich macht / vn(d) sollichs sol man alles sampt schätzen wo geclagt würt vß dem erste(n) haußt diser clag / wie vil die habe besser gewesen ist vnder dem iar hinder sich zů rechen.

insti. c. §. caput secundum. Item etwan seind gewesen drey haupt oder capitel diser clage / aber nun ist das ander dannen gethon. Vnd haben wir zwey / vnd vß dem ersten würt geclagt von dem getödten menschen.

Item vo(n) dem vierfiessigen thier getödt das heütig genert würt das ist das vnderm hirten gee oder geen möcht / wann es ym fürgetrib(e)n würde / es seyent schaff / geiß / ochsen / küw / pferdt / meüler / esel vnd schwein / hundt vnd katzen kommen in dise clag nit. insti. c. in princi. Rubri. et. §. q(ui)d au(c)t. et. §. ita qs. (et)c. Auch wilde thier / als beren / löwen / panthelthier / elephant vnd kemelthier seind gemeste thier / wann die thůn ander thier arbeit /

(218) Das QII Blat

vnd doch so ist ir natur wild / vnd darumb das ir zeme(n) natur verwigt / werde(n) sie in dem ersten haupt diser clag beschlossen.

ff. c. l. ij. Item vmb allen andern schaden würt geclagt vß dem dritten capitel das das ander nun ist / es hab einer schaden gethon mit brennen / auffbrechen / mit zerbrechen / oder zerstöre(n) / oder mit vndermischen. Nymwar würffstu habern in eins andern korn acker / darumb das du im sein frucht vnseüberst / der herr des grunds mag dich beclagen mit der clag / quod vi aut clam / vonn der du oben hast / vnd auch der ders gebauwen hat / vnd auch mit diser clag / in factu(m) genant / wan(n) wiewol der sam nit verwandelt ist oder zerstöret. Es ist aber darzů eins andern same(n) gethon worde(n) der vo(n) dem übel gescheiden mag werden.

Corrumpere. Item schuldig ist diser clag der wein oder essig zerstöret hat / in wölchen weg das geschehen ist / es sey vßgossen oder die vaß zerbrochen. insti. c. §. item in oibus cu(m) se que(m). Wann mit disem wort zerstören / würt beschlossen brennen / zerbrechen / vffbrechen / vßgiessen / vnd wunden (et)c.

insti. c. §. ill(u)d palam. ff. c. si seruo §. huius legis. Item in disem capitel würt die schatzung angesehen / was die habe wert ist gewesen am kostlichsten in dreyssig tagen hinder sich zů rechen.

ff. c. inde neratio §. hec actio. Item wo der leucket der der schaden gethon hat / das er des schade(n)s nit gethon hab / vnd würt sollichs überwisen mit zeügen / er ist zwyfach schuldig / vn(d) würt getzwyfacht alles des das sich einfach gebürt. Wo aber der beclagt sollichs zů beweysen dir vff den eyd geyt / vnd du hast geschworen das er dir schaden gethon hab / würt dise clag allein in einfach.

insti. de perpe. et te(m)pora. act. Item dise clag ist ewig / wan(n) sie kompt vß den rechten. Dem erben gebürt sie aber nit wider die erben / dann als vil vnd yn worden ist.

ff. c. inde neratio §. bacatione. Item sie macht nicht erloß / wann sie gebürt dem eeman wider sein weyb in der Ee. ff. c. si seruus. §. cum maritus. Vnd gebürt mir in einfach vmb gunst willen d(er) Ee / all die weyl die Ee nit gescheide(n) ist / so gebürt sich kein erloß clag / noch kein clag mit peen.

ff. de ser. cor. l. vl. et. C. re. amo. l. ij. Item als dise clag yetzundt zwey capitel hat / so hat das erst statt / wann der schad des tods ist geben worden / oder geschehen vom corpus in eins menschen corpus / oder in eins vierfiessigenn thiers das für den hirten mag geen / als obstat. Vnd also formier dein clage.

Herr richter ich clag eüch vonn .R. der hat mir wider recht durch sein vnfleyß oder argenlist ertödt ein solchen mein eygen menschen / der was ein erb od(er) zů einem erben gesatzt instituiert des .N. nun was der genannt eygen mensch wol .x. pfundt wert / den wert hindersich zů rechen ein gantz iar vor dem todt.

Item es schadt mir zehen pfundt / das der eygen mensch getödt ist von des erbs wegen / wann er ist erb instituiert vn(d) gesetzt / das möcht mir durch yn nitt werden da er getödt was.

Item der genant mein eygen mensch hat bößlich das mein gehandelt / vn(d) mein gewerb bößlich getribe(n). Nun wolt ich yn gepeiniget oder durch ächter haben / daru(m)b das die vntreüw durch yn getriben / vn(d) die die an solcher vntreüw teyl hetten durch yn geoffenbart würden / das kan ich nun nit gethůn. Bitt (et)c. erkennen das er mir .xx. pfundt ist das er beken(n)t dz er den schaden gethon hab leucknet ers aber / das er mir .xl. pfundt schadens geben sol / vnd dz ers thů (et)c.

Item dise casus kommen all in diß clag die im libel steen.

(219) Der Erst Teyl

Item also für dein clag im andern capitel / das gebürt sich vmb allen schaden on vmb menschen / oder des vierfiessigen thiers todt / das oder sein gleyche(n) für den hirten geet / wann sollichs gebürt vnnd kompt in das erst capitel / was aber schadens sunst geschicht / kompt in das ander capitel / vnd wirt geschatzt wie kostlich die habe gewesen ist .xxx. tag hindersich zů rechen vonn dem als der schad geschehen ist / am kostlichsten ist es .xxx. pfundt wert gewesen. Bit (et)c. erke(n)nen das er mir die selben .xxx. pfundt / ist das er beken(n)t das er den schaden gethon hab / bekennt er aber nit das er mir dann sol zwyfach den schaden / das ist sechtzig pfundt geben vnd betzalen sol (et)c.

Merck ein libel.

Herr richter ich clag eüch von .R. der hat mit seine(r) argenlist oder vnfleyß .H. mein eygen menschen der gar wol schreyben kundt sein recht abgehauwen / den selbenn schaden schätz ich zehen pfundt hindersich zů rechen bey dreyssig tagen von dem der schad geschehen ist. Bitt (et)c. erkennen / aber da bey merck ob d(er) eyge(n) mensch .x. tag dauor ee im die handt abgeschlagen ward / wer blindt worden / so wer die handt schreybens halb an dem tag da im die abgeschlagen oder abgehauwen ward nichts wert gewesen / vnd möcht sein arbeit nit geschätzt werde(n) / aber in den dreyssig tage(n) dauor ist er ein gůter schreyber gewesen / das würt an gesehen vnd geschätzt / vnd ob er nun einen tag ein gůtter schreyber wer gewesen / so möchstu in an dem selben tag vmb souil verkaufft haben / deßgleyche(n) ist im ein iar auch in wölcher zeyt des iars die habe am kostlichsten ist gewesen / die selb zeyt würt geschätzt / es würt nit das gantz iare oder die gantzen dreyssig tag angesehen gäntzlich.

Liber ho(c) no(n) recipit estimato(n)es l. libertas. ff. de reg. iur. Item wölcher ein freyen menschen tödtet oder aber verwundet in offenlichem ströyt / felt in diß clag nit / tödt er in aber sunst / er ist diser clag schuldig / od(er) verwundet er in / er mag aber nit geschätzt werden an wert. ff. si q(ui)dru. pau. fe. dicac(c). ex hac lege. (et)c. sed si quem cu(m)qs. in fi. Wann ein freyer mensch oder leyb / nympt keinen wert / das ganntz erdtreych das ist nit als gůt als nur eins freyen menschen glid / darumb so müssen wir schätzen das artztlon / vnd alles das das mit im vertzert ist worden da man in im geartzneyt hat vnd sollen geschätzt werden die arbeit ist worden da man in im geartzneyt hat vnd sollen geschätzt werden die arbeit die der vatter gemangelt hat vnd hinfür mangeln můß / aber darumb das er frey ist würt seiner glider auch der mosen kein schatzung.

Item wo ein freyer mensch ertödt würt / als bald das im sein artzney ist geschehen / so würt kein geschätzt / es würt aber geschätzt die arbeit der der vatter mangeln můß. Ist aber der vatter getödt / so würt der erb schätzen sein arbeit die er verlorn hat / vnd die er haben möcht die weyl er gelebt möcht haben / als so er ist gewesen ein schůchmacher / kürßner / kauffmann / oder sunst hat er ein gewin(n)lichs handtwerck gekönt / hat er aber nichts gekönt vnd ist vnnütz gewesen / der man vil vindt / so möcht man nichts schätzen.

ff. ad. l. falci. hereditatu(m) co(m)putation. Item die arbeit der man mangeln můß sol so lang zeyt angesehen vnd geschätzt werden / so lang wol glaublich oder versehenlich were das d(er) getödt gelebt möcht haben.

ar. t. de flu. l. j. §. ite(m) si annis. ff. de fun. instruc. cus delamonis. §. asinam. Item offenn streyt solt du versteen dann den der fürst hat gegündt / oder die gewonheit einer statt / consuerudo loci / als an etlichen enden in welchen landen / das ander vechten heißt sunderlich priuatum.

(220) Das QIII Blat

Item was du hie innen nit vindest / sůch in Rofredo der setzt noch gar vil hüpscher frag in diser clag (et)c.

Si quadrupes pauperiem fecisse dicatur.

Wo ein vierfiessigs thier schaden thůt.

ff. c. l. j. et insti. c. in princi. Wann eins anndern thier eim schaden thůt / der selb hat diß clag wider den herren des thiers. In der clag würt der herr des thiers gezwungen das er den schaden ablege vnd betzale / oder das gebe das den schaden gethon hat.

In diser clag gebürt sich.

Am ersten das ein thier schaden thů.

Am anndern das das thier sey vierfessig / auff das das die clage directa gebüre / aber ist es dz ein thier zweyfiessig sey / als ein han od(er) hen(n). Vtilis actio. In dem casus heißt es in latein vtilis / wan(n) die wort des rechte(n) lauten vff dz vierfiessig thier. ff. c. l. penul. Aber d(er) sente(n)tz od(er) syn(n) des rechte(n) in de(n) zweyfiessige(n) thier hat stat / als dz on eins das hinderst recht diß Titels sagt / wo ein zweyfiessig thier schaden thůt.

ff. c. l. j. §. et generaliter. Am dritten das der schad gethon vom thier wider die natur des thiers. Wie man das versteen sol setzt das recht exemplum. Wann ein vierfiessigs thier bewegt auß greülichkeit ferocitate in latein hat schaden gethon / als so ein schlagend pferdt hindersich geschlagen hat / vnd hat schaden gethon / oder ein maulin von ir grossen grausamkeit ferocitate in latein hat geschlage(n) / od(er) so ein ochs der gewonlich stoßt hat gestossen / oder so ein hundt eine(n) hat gebissen / sollichs geschicht wid(er) die natur seis gschlechts / aber nit wid(er) die natur des thiers.

Item was sollicher schädlicher thier seind die sol man nitt haben an denen enden da die menschen ir wonung haben.

extra de iniu. et dam. da. si bos alienus. Item es ist auch in der alten Ee verbotten gewesen das keiner kein ochsen solt haben der gewonlichen stieß / wo aber sollichs übergangen ward / so můst der des der ochs oder kůw was / das selb schädlich thier geben dem dem schaden geschehen was / vnd das getödt durch das thier was sein.

Item wo ein thier schaden thůt nit wider sein natur / das ist nit des an dem sie schadenn gethon habenn / als so ein pferdt graß / ein hundt fleisch / vnnd ein schwein cleyen essen / sollichs geschicht vß der natur / du magst aber sollichen schaden auch mit diser clag vordern vtilis in latein.

ff. c. l. j. §. ij. Am vierden ist nottürfftig das das thier den schade(n) gethon hab nit vß reissung eins menschen / oder vß schuld des menschen / wan(n) als dan(n) würt nit geclagt wider den herren des thiers / sunder wider den der vrsach des schade(n)s geben hat. Deßgleyche(n) ist wo sollichs geschee vo(n) hertigkeit des wegs. ff. c. l. j. §. et qui generaliter. Wan(n) der d(er) den hundt reißt das er ein andern beyßt / ist schuldig der vorgeschriben clage.

ff. c. l. j. §. cum arietes. Am fünfften das das thier das schaden gethon hat / hab sollichs nit gethon so es sich hat gewört / wan(n) als dan(n) ist der herr des thier nit schuldig.

Item wo ein thier das ander angeet vnd ertödt / der herr des thiers ist schuldig diser clag / wo aber das thier das am ersten angeet / vom andern erstossen würt / so ist der herr des selben thiers nit pflichtig / wann das thier hat sich gewört / das ist im auch zymlich gewesen / wiewol es kein vernunfft hat.

T

(221) Der Erst Teyl

ff. ad. l. aquili. §. cu(m) intrume(n)ta. Item wo man nit weißt wölche kůw die andern am ersten angangen hat / so ist kein herr schuldig.

ff. c. l. j. Am sechsten das das selb thier ledig sey zů der zeyt so der krieg wert / es were dan(n) nach dem vnd der krieg bestätigt ist / das thier von eim andern getödt were / als dan(n) so ist der herr des thiers schuldig die clag zů übergeben.

ff. c. ex bac lege. Item merck / wo ein thier thůt schade(n) eim freyen menschen / als so es im einang vßschlecht oder ein arm / so sol nit angesehen werde(n) die vnsauberkeit / sunder allein die kostung des artzetlons vnd versaumnüß der arbeit.

Herr richter ich clag eüch vnd sprich das .N. hat ein pferd das hat mir ein sollichen schaden gethon / den schätz ich .xx. pfundt / bewegt wider sein natur. Bitt (et)c. erkennen das er mir den schaden ablegen sol (et)c. Oder also.

Herr richter ich clag eüch von .N. vnd vorder an in das er mir schaden ablege den mir sein pferdt gethon hat wid(er) sein natur / wan(n) es hat mir ein bein vff geschlage(n) od(er) ein aug vß / od(er) sunst mich verwundt / daru(m)b hab ich de(n) artzet geben .x. pfundt / vn(d) hab sunst .v. pfund verzert .iiij. versaumpt. Bitt (et)c. erke(n)nen das er mir die .xx. pfundt geben sol (et)c. Also formier dein clag in directa. Aber in vtili also so dir das thier nit wider sein natur schaden hat gethon.

Herr richter ich clag eüch von .R. des hundt hat mir so vil fleisch gessen / od(er) sein pferdt haben mir vff dem samen oder vff der wisen das graß gessen / oder sein schwein haben mein clyen gessen / oder sein katz hat mir so vil speck gessen das schätz ich ein pfundt. Bitt (et)c. erkennen das er mir das pfundt gebenn sol / vnd das ers thů.

ff. de edil. edic. l. hi e(ni)m. §. deinde. Item merck / vns ist verbotte(n) das wir weder beyssend hundt / will schwein beren / löwe(n) / wolff / vn(d) gemeynlichen kein thier das schade(n) mag oder vß seiner natur schädlich ist / halten vnd habe(n) sollen da ein gemeyner weg ist / das thier sey gebunden oder nit. Wo aber sollichs überfaren würt / vnnd würt ein freyer mensch ertödt / der der das thier gehabt hat / ist verfallen zwey hundert gulde(n) / geschicht aber sunst eim freyen menschen schaden / so sol der richter yn in sollichem was billich vnd zymlich ist verdammen / was aber schade(n) geschicht in andern dingen / vnd haben / sol zwyfach bezalt werden.

insti. c. §. vlti. Item on dise peen hat diß clag auch stat / vnd eine irret die andern nicht.

Item der gebunden hundt würt darumb nit dester harter / böser oder greülicher / wie man dan(n) sollichs in teütsch ne(n)nen sol / in latein heißt ferox grym(m)ig.

Wid(er) de(n) rat od(er) richter d(er) kein vormu(n)d gebe(n) hat

insti. de attilia. tu. in prin. Gewonlich mach es sich das die waisen kein vormundt haben / vnd daru(m)b so sollen in vormundt geben werden vom magistrat. ff. de m(a)g(istr)a. conuen. l. j. §. si curatores. Darumb wan(n) die magistrate(n) dz ist d(er) rat in d(er) statt / gemant seind vnd nit vormund gebe(n) den waisen vn(d) curatores dene(n) die nit zů ire(n) tage(n) kom(m)en seind / vn(d) also werde(n) sie die weyl geschediget / darumb seind die magistrat schuldig allen schaden gentzlich ab zů legen vnd keren mit diser clag. ff. c. l. j. §. scie(n)dus. Deßgleychen seind sie auch schuldig wo sie sollichs mit fleyß hette(n) verzoge(n) dz sie die vormundt nit gebe(n) hetten. Rem pupili saluam fore. Deßgleychen seind sie pflichtig wo die waisen hette(n) legitimos tutores vormund / vn(d) sie hette(n) sie nit dar zů gehalte(n) dz sie satisdationem hetten gethon. Die habe des waisen

(222) Das QIIII Blat

oder minoris saluam fore / zů beschirmen vnd zů behalte(n) / oder habens gethon aber nit ydonee nutzlich / oder also solt sein. ff. c. l. j. §. si curatores. insti. de satisda. tu. §. pen. Deßgleychen ist wo da weren vormundt geben worden sine in quisitione / darumb frag die gelerten wo der magistrat von ynen nit gefordert oder genom(m)en het satisdationem / oder sie habe(n)s vo(n) yn genom(m)en aber doch nit nach vßweysung der rechte(n). insti. de satisda. tu. §. penul. et. ff. de m(a)g(ist)ra. pueni cn. l. j. §. si p(e)ses. Deßgleychen seind sie auch schuldig wo die den vormundt geben haben / er ist aber nit tügenlich gewesen.

In diser clag gebürt sich.

Am ersten das ein waise oder einer der noch nit zů seinen tagen kom(m)en sey.

insti. de satisda. tut. in princi. Am andern das er kein vormundt vß de(m) Testame(n)t hab / wan(n) d(er) selb ist nitt schuldig satisdare. i(n)sti. d(e) satisda. tu. Hat er ein vormu(n)d datiuu(m) in latein / vn(d) er ist nit gebe(n) worden ex in quisitio(n)e / dz ist mit erke(n)tnüß / als dan(n) sein die magistrat nit pflichtig.

Am dritten das der magistrat kein vormundt satisdationem von yn nit genommen / oder habens von yn genom(m)en so sie doch nit tügenlich gewesen seind.

In diser clag formier also dein libel.

Herr richter ich clag eüch vo(n) burgermeister vnd radt (et)c. als sie offt ermant seind worde(n) vo(n) .N. meine(n) freünde(n) / dz sie mir gebe(n) ein vormund / sie hab(e)n mir kein gebe(n) / od(er) sie habe(n) mir ein gebe(n) / aber er ist nitt tüglich / od(er) sie habe(n) vo(n) ym nit satisdatione(m) genom(m)en / oder habens genom(m)en / aber nit als die recht vßweysen / vnd darumb bin ich geschediget / oder sollichs schadt mir .C. gulden. Bitt (et)c. erkennen das mir der .N. vnd .N. die .C. gulden geben sollen (et)c. Was sunst mer gebüre frag die gelerten / vn(d) auch wie du die lateinische wort versteen solt.

De actione quanto minoris.

Herr richter ich clag eüch vonn .R. der hat mir zů kauffen gebenn ein rots pferdt vmb zehen gulden / oder zehen pfundt das hat überbein / od(er) ist stetig (et)c. wie es ein siechtagen hab das melde / oder ein wisen die tragt vngefunds graß oder pfinnig fleisch / het ich sollichs gewißt ich het vier pfundt minder darum(b) geben. Bitt (et)c. erkennen das er mir die vier pfundt geben sol (et)c.

Quanto pluris.

Es macht sich offt das einer ein habe vil theürer kaufft dan(n) sie wert ist / ko(m)pt das recht dem kauffer zů hilff mit diser clage.

Herr richter ich clag eüch von .R. der hatt mir ein sollich pferdt zů kauffen geben vmb .xxj. gulden das ist nur .x. gulden wert. Bitt ich eüch (et)c. erkennen das er mir das gelt wider gebenn sol / wann ich bin bereit ym das pferdt wider zů gebenn. Was sich in disen zweyen sachen gebüre / sůch in Rofredo / ich hab sie nur zů einer gedächtnüß yn gesetzt.

De actione prescriptis verbis.

Hat einer mit dir contrahiert / vnd in dem selben contract ist als bald ein geding gemacht / oder ein cleins darvor oder darnach / doch das sollichs bey keiner peen obligiert sey / gebürt dise clage.

Herr richter ich clag eüch von .R. dem hab ich zů kauffen geben mein decretal vmb zehen gulden / als bald in dem selben co(n)tract hat er mir verheissen

T ij

(223) Der Erst Teyl

das er mirs leyhen wöll ab zů schreyben. Nun hab ich im das decretal übergeben. Bitt (et)c. erkennen das er mir das bůch leyhen sol / vnd das ers thů (et)c. was sich mer gebür in diser clag sůch in Rofredo.

In factum subsidiaria.

Dise clag gebürt so der obern kein stat hat.

Merck das es sich offt macht das vnns clag vnnd vorderung gebürt / aber durch die obgeschriben clag nit / so ist auch vmb alle clag von den rechtsetzern nit yegklicher clag vnd vorderung ein besunder nam geben worde(n) / das macht das / das der namen vnd wort lateinsch gebraucht würt / das man nen(n)t vocabulum / darum so gebürt die clag in latein prescriptis verbis in factum subsidiaria genant / die gebürt wo die recht geben clag oder exception / vnd doch nit ein sundern namen der clag gebe(n) / so heißt die selb in factum vmb der that willen / oder vmb gebruchs willen / der eygen namen der clag oder vorderunng / Plura sunt negocia q(ui)s vocabula. ff. de prescrip. verbis. Wann von natur ist es also / das mer geschäffts ist negocia dann des lateins vocabula / daru(m)b so můß ein lateinsch wort vnderweylen mer bedeüten dann eins. Darumb merck vnd bedenck diß exempel / het ich dir geben ein habe das du sie verkauffen solst vmb .x. vnd was du sie höher verkauffest solt dein sein / dise clag ist nit mandati / das ist vß gewalt geben / neqs pro socio / auch nit auß geselschafft / darumb gebürt dise clag in factum / wann das mandatum / das ist gewalt / sol sein gratuitum / dz ist on lon oder gelt / so würt auch geselschafft mit de(n) nit co(n)trahiert der sich mit im nit laßt sein ein gesellen distrationis / dz ist des lons oder gelts das do kompt von der habe so man sie on würt / sunder er hat im ein nemlichs behalten vnd zů vor vßgenommen.

Pauperies. Item wann dein eychelen oder dein frucht in mein grundt fallen / vnnd ich laß mein vihe essen / du magst nyendert der obgeschriben namhafftigen clage kein haben / dir gebürt die obgeschriben nit vom füren der thier / wann sollichs geschicht nit vff deim grundt / noch die Pauperies / so ein thier schaden thůt / wann die eychel wechßt darumb das sie die schwein essen sollen / darumb gebürt diß clag in factum.

ff. c. si rem. Item hab ich dir ein habe geben zů besehen / vnd du sprichst du habst verloren / diß clag gebürt mir prescriptis verbis. Wann ich anders nit weiß wo die habe ist / weiß ich aber das sie bey dir ist / ich mag dich beclage(n) mit der clag des diebstals / oder der clag vom zeygen.

ff. c. l. §. vlti. Item haben etliche im ein rinck empfolhen das er den de(n) geben solt der am besten laufft oder scheüßt / wider den selben mag der der gewu(n)nen hat / allein mit diser clagen / wan(n) er mag nit vß diebstal oder sunst condicieren / wan(n) er noch nye weder eygenschafft noch besitz gehabt hat.

ff. c. si tibi. Item hab ich dir zů wesche(n) gebe(n) etliche cleid(er) / hastu sollichs vmb sunst vff genom(m)en / so gebürt mir die clag obgeschribe(n) ma(n)dati / vo(n) dem gewalt / hab ich dir aber den lon gebe(n) / od(er) bin sein mit dir eins worde(n) / so hat aber stat ein obgeschriben clag vom hinleyhen vnnd besteen / hastu aber sollichs nit vmb sunst verwilliget zů wäschen / auch nit als bald bestympt den lon den ich dir geben sol / sunder du hast sollichs also vffgenom(m)en zů wäschen oder zů thůn das wir hernach des lons eins sollten werden / dise clag gebürt prescriptis verbis.

(224) Das QV Blat

Item zwen geen mit einander bey eim wasser / der ein bitt den anndern das er in sein rinck sol sehen lassen / dem entpfelt nun der rinckin das wasser / dem herren des rincks gebürt dise clag prescriptis verbis. ff. c. duo. Wan(n) ym mag sunst kein namhafftige clage gebüren.

De senatusconsulto velleyano.

Die Velleyanisch constitutz.

Senatusconsulta. Zů Rom seind gewesen hundert im Senat / das ist im Radt / vnd die selben haben etlich recht gemacht die geheissen seind in latein Senatusconsulta / dz ist so man den Radt geforst was daru(m)b recht sey / so habe(n) dan(n) die die im rate gesessen seind / daru(m)b recht gesatzt / vnd diß recht vn(d) constitutz od(er) statut heißt velleyanu(m) / wan(n) d(er) sein ein anhaber ist gewesen / d(er) hat Velleyanus geheissen.

ff. c. l. j. et. C. c. l. j. Item diß constitutz hat stat wo ein fraw ein frembde obligierung versprechung vff sich nympt / es sey in bürgschafft / oder mit gewalt geben / od(er) in wölchen weg das geschicht / also dz sich die fraw für ein and(er)n obligiert verpflicht sich selbs oder ir habe. Wann als dann ist die fraw sollichs verpflichten vnd obligieren nit schuldig zů halten vnd nach zů kommen.

ff. c. l. iubemus et. l. vlti. Item diß constitutz die růwet wan(n) sich die fraw der hilff diser constitutz begeben hat. ff. de trans. cum aquiliana. Wann diß exception ist vmb der frawen willen erfunden / vnd diß begeben ist krefftig so die fraw gewißt hat das sie mit diser exception sich schirmen mag / wan(n) sie sol sollichs vnderwisen werden das sie sich damit schirmen mag / von dem der mit der frawen contrahiert / oder von dem notarien der dz instrument sol machen / wol hat sie es nit gewißt vnd hatt doch sich diser exception begeb(e)n / oder aller hilff des rechten / ist sie nicht dester minder sicher mit diser exception / wann die gemeyn renuncierung vnd begebung würt nit gezogen vff das / das die fraw nit gewißt hat oder nit gedacht hat.

Item von diser matery hast du etwas mer oben geschrib(e)n in der clag vom kauffen / auch ist dise matery lestsam / wann aber sollichs nit geschicht / sůch in Azone oder Rofredo / da vindest du es.

De senatusconsulto macedoniano.

Die Macedonianisch constitutz.

C. de no(n) nu. pecu. l. j. Dise statut oder constitution ist geheissen worden von Macedo / der ist der böst wůcherer gewesen vnder andern / von bösen listen die er gewonlich getriben hat / so er mit seim gelt hinleyhen vrsach geben hat zů sünden / vnnd auch zů tödten vatter vnd můtter / er hat das gelt gelaubt vn(d) vßgelühen den süne(n) / vnnd nit offenlich / sunder mit verdeckten worten hat er geraten wie der vatter getödt würde vom sune / vnd das ist böß gewesen / darumb haben die im Senat vff sollichs dise constitutz gemacht / wann sich aber einer damit wören wil im rechten / so heißt es exceptio / vnd hat stat / wan(n) gelt des haußuatters sune (filiusfamilias in latein / von dem hast du auch oben in der clag vom kauffen im ersten capitel) gewechselt oder gelühen ist / also das das gelt getzalt sey. ff. c. l. j. §. si. et. l. q(ui) et. l. si filius. Gebe er ein frucht / öl / wein / oder ein pferdt vmb ein summe gelts auff das das er sollichs on würd / vff das das er gelt überkeme ist deßgleychen.

T iij

(225) Der Erst Teyl

ff. c. sed et pater. b. senatusconsul. C. c. l. penul. Item dise constitutz hat auch stat an töchtern / dichtern / vnd enckeln / in latein nepotes et pronepotes.

Item mit diser constitutz würt geholffen widern glauber vn(d) sein erben / vn(d) ist hässig / wan(n) sie ist zů haß vnd zů penen d(er) glauber gemacht worde(n) / vn(d) dise exceptio mag in gericht fürbracht werde(n) zů aller zeyt vor de(n) endtlichen vrteyl.

Item auch nach dem vrteyl / was aber bezalt ist worden magst du mitt diser hilff nicht wider vordern.

Item dise exception gebürt des haußuatters kinden als lang als sie in irs vatters gewalt seind.

Item auch so sie vß ihres vatters gewalt kom(m)en seind vnd iren erben.

ff. c. l. sed si pater et. l. sed iulio. §. qua(m)quam. C. c. l. penul. Item iren bürge(n) / vn(d) denen die inen gewalt geben haben. Wan(n) der haußuatters sun angelangt würt vorm richter vmb das gelt zů bezalen das im gewechselt ist worden / so mag er sich mit diser exception wören / vnd d(er) richter sol in gantz absoluieren von der selben clag vnd schuld / in den puncten vn(d) casus dar in(n) dise co(n)stitutz stat hat vn(d) nit růwet / als du obe(n) vn(d) nachgeschribe(n) vindest.

ff. c. sed iuli. §. non solum. Item dise exception würt geben wider den glauber vnd sein erben.

Cessat macedonia exceptio. C. c. l. j. Item diese constitutz růwet so der sun gelogen hat da in der glauber fraget / oder der haußuatter were / vnd er sprach / er wer haußuatter / vnnd damit hat er den glauber betrogen / wann het er gewißt das er nit haußuatter wer gewesen / er het im nichts gewechselt.

Also merck / das argerlist oder betriegen all zeyt im rechten würt gestrafft.

ff. c. si q(ui)s pater. Item diß růwet so yederman nit and(er)s gewißt hat dan(n) dz er ein haußuatter wer / er hat co(n)trahiert vn(d) sich in allweg gehalte(n) als ob er haußuatter sey.

ff. c. sz iulius. (et)c. Item diß růwet wan(n) der der den wechsel genom(m)en hat / hat sollichs gekert in des vatters nutz / als wo er sein schwester oder sein tochter damitt verheimsteüret hat. C. c. l. macedoniani. Vnd deßgleychen růwet dise exception / wo der sun in einer schůl wer / oder aber gesendt wer biß vff die sum(m) zů der notturfft der der sich der vatter nit widern solt zů geben. Darin(n) sol angesehen werden die person ir beider / des vatters vnd des suns / vnd auch in würdigkeit vnd reychtumb.

ff. c. sed iulius. § q(uo)d d(e)r. (et)c. §. qua(m)qua(m) inquit. et. l. si au(c)t. scie(n)te. et. l. si filiusfa. C. c. si permittente. Item diß růwet so der vatters sollichs gewilliget hat / oder so er gegenwertig gewesen ist / vn(d) hat es nit widersprochen / oder so im der sun brieff geschickt hat so er das gelt entlehet hat vnnd im gewechselt ist worden / vnnd der vatter hat das thůn des suns nit improbiert noch widersprochen. ff. c. filiu(m) habeo. Diß soltu versteen von dem vatter der sein sun im gewalt hat / wan(n) so des haußuatters sun nit in seinem / sunder in seins anherren gewalt ist / sollichs macht villeycht nit das diß constitutz růwe.

ff. c. sed iulia. §. penul. Item diß růwet wo dem sun gelühen vnd gewechselt wer worden / vff das das er sich von eim andern glauber erledige mit dem gelt / wo er annders den selben glauber mit keiner exception vßschliessen möcht.

C. c. l. vlti. Item diß růwet wo hernach der vatter sollichs leyhen stät vnnd vest helt / wan(n) dem sun das gelt gewechselt vnd gelühen ist worden / wan(n) mit den neüwen gesatzten würt das stät halten hindersich gezogen / vnd befestigt was vo(n) anfang nachgefolgt ist.

Ite(m) des haußuaters sun mag sich diser exception nit begebe(n) / wan(n) sie ist nit vm(b) seine(n) wille(n) / sund(er) in haß vn(d) in peen des glaubers od(er) wůcherers erfunden.

(226) Das QVI Blat

ff. c. sed iulius §. interdum. Item diß růwet wo der sun ist ein kremer mit seins vatters willen.

Item diß růwet auch so ferr als das peculium castrense / das ist das ein ritter in einer burg erwirbt / vel quasi castre(n)se reicht. ff. c. l. j. Was das sey / sůch oben im Titel vom kauffen im ersten capitel.

ff. c. sed iulius. §. vlti. Item diß růwet wo des haußuatters sun ist haußuatter worden / vnnd hat sollich gelt bezalt / oder hat aber pfandt geben. Doch also das ers gantz bezalt hab / oder pfandt genůg für es als geben hab.

ff. c. nihil. Item diß constitutz hat stat / es leyhe einer in sunderheit / oder ein statt.

Ad senatusconsultum sylleyanum.

Die Sylleyanisch constitutz.

ff. c. l. ij. in prin. Ein ander recht oder constitutz ist gemacht vß grosser fürsichtigkeit / in der fürsehen würt das die herrn / vatter vnd můtter / vnnd nahet yederman sicher seyent / als wol vor de(m) haußgesindt / als vor den frembden / nit dz so gar gentzlich kein periculu(m) schad geschehen mag / sunder das durch dise constitutz das haußgesindt dem herrn hilff thůn vnd beystandt / das sie dester sicherer seind.

ff. c. l. j. §. j. Am ersten gebürt sich das einer herr sey. ff. c. l. j. §. d(am)ni appellatione. Vnd das wort herr soltu versteen / er sey allein oder nur eins teyls herr. ff. c. l. j. circa p(e)n. Er sey volkom(m)enlich herr / oder nur allein der eygenschafft herr / wan(n) vsufructuarius / vnd der / der in gůttem glaube(n) besitzt / vnd der glauber / werden in diser constitutz nit herren geheissen.

ff. c. l. j. in tota p(ri)ma colu(m)na. Item die kindt vnd die fraw werden auch herr geheissen mit dem vatter.

ff. c. l. j. §. occisorum. Am andern gebürt sich das der herr ertödt sey mit de(m) schwert / oder erschlagen / oder erstreckt / oder erhangen / oder erwürgt / oder über ein höhe ab geworffen / er sey mit stein / mit stangen / oder in wölchen andern weg ermördt worde(n) wer er aber mit vergifft / oder sunst in ein andern weg heimlich ertödt worden het dise constitutz nit stat / vnd das darumb / wan(n) in heimliche(n) mörden mag das haußgesindt de(n) herrn kein hilff thůn. ff. c. l. j. §. plane. Wer es das das gifft wer im mit gewalt yn gossen / als dan(n) het stat dise constitutz. vt in p(re)de(n)ti. §. Wol wo sich der herr selbs tödt nit vß forcht der sündt / sunder das in des lebens verdreüßt / oder durch die vnleydlicheit des schmertze(n)s / hat diß nit stat / er thet dan(n) sollichs vor sein dienern. ff. c. si q(ui)s i(n) gus. (et)c. Wann das recht oder statut hat stat wie offt der herr ertödt würt / vnnd so im das hauß gesindt helffen möcht / vn(d) hat sollichs nit gethon / so sol dz selb hauß gesindt darin(n) auch getödt werden / vff das das sollichs erfaren werd / sie seyent frey oder eygen / oder im Testament frey gelassen / liberti in latein genant.

ff. c. l. j. §. impuberes. Item es werden entschuldiget die eyge(n) menschen die noch nit puberes seind das ist das sie noch nit har an irer scham haben / vnnd die eygen meyd ancille / die noch nit manbar seind / das sie nit gepeiniget sollen werden / man sol sie aber sunst strecken das sie die warheit sagen.

Item es werden entschuldiget die diener die lam seind. Es steet im rechtbůch / das das wort serui vnnd seruus / heißt ein eygen mensch / wölche eygen seind hast du oben geschribenn in der clag / wider den der frey ist / vnnd hat sich für eygen lassen verkauffen (et)c.

Item es steet auch geschriben das haußgesindt / vnd das wort haußgesindt bedeüt die freyen dienstbotten / vnd die / die eygen seind.

T iiij

(227) Der Erst Teyl

Item entschuldigt werden die krancken.

ff. c. si q(ui)s graui. §. subuenit. Item die vngehörenden / blinden / stum(m)en / vnd furiosi / narren / werden entschuldigt vom schreyen / nit vo(n) sehen habe(n) sie and(er)s gesehen / der blind vo(n) seh(e)n nit vom höre(n) / hat er anders den herrn hören ertödte(n) er solt geschrygen haben.

ff. c. l. j. §. plane. et. §. si quis non metu. Also hat diß statut zwen weg so ferr der todt nit heimlich geschicht / so sol dz haußgesindt gepeinigt werden / das vnder eim tach bey dem herrn gewesen ist vn(d) dz erbe sol d(er) erb nit neme(n) od(er) sich vnderwinde(n) / ee d(er) mordt gerochen sey. Wo aber dz tödte(n) heimlich geschicht / so solle(n) die zwen puncte(n) nit sein od(er) stat hab(e)n.

Am vierden das das haußgesindt gepeiniget werde / vnd der mörder erfaren werde / vnd das man yn ire haupter abschlahe / möchten sie de(n) herren helffen. vnder eim tach. Das wort vnder eim tach gewesen / verstee also / das sie dem herrn helffen möchten. ff. c. l. j. §. hoc autem secus. Das wort vnder eim tach ist vßgelegt also / das nit not sey dz sie vnder eim zymmer sollten sein / es sey genůg das sie so nahendt gewesen seyent / dz sie des herrn stym(m) möchten hören.

ff. c. l. j. §. potuisse. Ite(m) es hilfft nit / habe(n) sie sich geförcht dz sie auch ertödt würde(n) / sie werden nit entschuldiget / wan(n) sie solle(n) irs herrn on heil nit verschweyge(n) od(er) fürlege(n) hab(e)n.

Merck / diß ist ein schwerer punct.

ff. c. si q(ui)s in g(ra)ui. Am fünfften gebürt sich / das die diener gesundt seind gewesen das sie dem herren möchten helffen / anders sie weren entschuldiget.

ff. c. l. j. §. vlti. Also werden sie auch entschuldiget so der herr als er verwundt was die diener entschuldiget hat in seim letsten willen / vn(d) als dan(n) so sol d(er) erb als fleyssig sein / dz die güttigkeit die den dienern vom herrn geschehen ist / inen nit entfürt werd / also dz sie nit gepeiniget sollen werde(n) / so sie der herr absoluiert hat.

ff. c. si q(ui)s in g(ra)ui. Item sprech der herr das ym sollicher todtschlag von eim seiner diener were geschehen / man sol dem herren nit glauben / er mög es dan(n) beweysen.

Item die diener werden entschuldiget wo der herr die frauwen des nachts am beth ertödt / vnd widerumb die fraw den herren.

Item ertödt er sie / so er sie im eebrechen begreyfft oder begriffen hatt / wan(n) in de(n) ersten casus mag man den dienern zů zelen so sie in des herrn kamern nitt gelegen seind. ff. c. si q(ui)s in graui. §. si maritus. In de(n) andern casus werde(n) sie entschuldiget / wan(n) sie solte(n) nit widersteen de(n) herrn / so er sein billichen vn(d) rechte(n) schmertze(n) reche(n) od(er) volende(n) wolt.

Item die diener werden entschuldiget so ir herrn gewalt gelitten hab(e)n / vn(d) so sie nit yn allen zů hilff kom(m)en möchten / so sie nur eim geholffen haben.

ff. c. l. iij. §. om(n)es domini. Item deßgleychen so sie liber oder mer dem herrn / dann der frawen zů hilff kommen seind / oder widerumb.

C. ad. l. iul. maiesta. q(ui)squis. in fi. in auten. de ma(n). p(ri)nci. col. iij. et in autent. de iudi. coll. vj. Merck / das der richter sol de(n) verclager accusatori zerung vn(d) was nottürfftig der verclager ist geben vnnd vßrichten von der habe des verclagten. Hat aber der verclagt nit / so sol die zerung de publico / von gemeyn gelt vßgericht vnd de(m) verclager geben werden. Vnd also wo d(er) herr offenlich ertödt wüd / so sol ym das haußgesindt helffen / mit waffen / mit den henden / mitt schreyen vn(d) mit irem gantzen leyb / wo aber das haußgesindt das nit gethon hat / so soll dz haußgesindt auch getödt werden. ff. c. cum d(a)ns. ff. c. necessarias. §. no(n) alios. et. l. sequen. §. vlti. Diß peen strafft das haußgesindt / aber der erb würt mit sollicher peen gestrafft wo sich der erb des erbs vnderwindt / so d(er) herr offenlich ertödt ist ee dann der erb den todt richt / vnd ee dann das gesindt gepeiniget ist vmb die warheit zů sagen / vnd darnach ee der tödt gerochen ist /

(228) Das QVII Blat

vnd die tödter getödt seind / oder als dan(n) würt den erben das erbe genommen als das er sein nit würdig sey / vnd würt dem fisco geben.

ff. c. necessarias. et. l. heres. Item er sol den herrn also offenlich getödt rechen / nit mit dem schwert oder messer / sunder er sol den tödter verclagen nach ordenung des recht(e)n / vnd erst darnach sich des erbs vnderwinden. Aber in dem heimlichen ertödte(n) / so mag sich der erb des erbs vnderwinden / vnd darnach rechen / thůt ers aber nit das er in richt / so sol im das erbe als eim vnwürdigen genom(m)en werden / vnd dem fisco geben werde(n). Vnd als er schuldig ist zů rechen / so sol er rechen / nit allein biß vff das endtlich vrteyl / er ist auch schuldig zů appellieren. Deßgleychen sol man dem erben auch das erbe nemen / wo er den testator selbs getödt hett / vnd würt im auch genommen wo durch sein versaumnüß oder vnfleyß (was vnfleyß sey / sůch oben im Titel vo[n] verkauffen am letsten) der testator gestorbe(n) ist.

ff. ad sylley. l. propter veneni. §. vlti. et. l. minorib. et. l. si ideo. Item das kompt den erben zů hilff / wo die die des tods schuldig weren auß boßheit des richters absoluiert würden / oder die erben nit zů iren tagen kom(m)en weren / oder die schuldigen entrunnen / vnd nit gefunden möchten werden.

Item merck wo der eygen mensch den tödter offenbart er würt frey.

ff. c. si q(ui)s i(n) graui §. edicto cauet. Item vß recht volgt ein ander gůttheit / das wol zů mercke(n) ist / wo einer der ermordt ist hat ein Testament oder letsten willenn gemacht / der sol nit vffgethon noch geoffenbart werden weder gäntzlich noch eins teyls / ee dan(n) dz hauß gesindt vmb die warheit zů erfaren gepeiniget ist. ff. c. l. cor. §. exheredatio. Wölcher dar wider thůt / d(er) würt gestrafft vmb hundert gulden / der selben hundert gulde(n) halbteyl sollen geben werden dem verclager / das ander halbteyl dem fisco / vn(d) die verclagu(n)g ist in factum in latein / vnd mag ein yegklicher solliches verclagen.

ff. c. si q(ui)s in graui. §. edicto. Item der würt entschuldiget von diser peen wölcher nit gewißt het das der testator ermordt sey / oder so ers gewißt hat / so hat ers doch nit mit arge(m)list / sunder durch vnwissenheit nit gerochen. Was du hier in(n) nit vindest / sůch in Azone im Titel vonn denen den das erbe genommen würt darumb das sie es nit würdig seind / im sechsten bůch.

ff. ad. l. cornel. defal. querela. Item wiewol das ist das ander missethat vnd verclagung vmb die sünd / werent vff .xxx. vnd da entzwyschen iare. yedoch in den vorgeschriben puncte(n) weret verclagung vnd die clag in factum vmb die hundert gulden / vff fünff iare vnd da zwyschen / vom vffthůn des Testaments des ermordte(n). ff. c. l. in cognito(n)e. Vnd die clag des eebruchs. C. de adulte. l. adulter. Vnd das mit der vnderscheidt die Rofredus setzt.

De senatusconsulto trebelliano.

Die Trebellianisch constitutz.

fideico(m)missario. Dise constitutz hat stat / wan(n) einer stirbt / vnd er setzt im ein erben im Testament oder Codicil / oder in seim letsten willen oder nit / so bitt er den erben das er das erbe eim and(er)n gebe / der selb erb er sey gesatzt wie obstat / od(er) sey sunst sein erb / d(er) mag im das vierteyl des erbs behalte(n) / vn(d) die drey teyl můß er gebe(n) dem / dem ers gebetten ist zů geben / vnd der selb heißt in latein fideico(m)missarius.

insti. de fideico(m). here. §. in p(ri)mis

Am erstenn gebürt sich das einer gebetten sey das er das erbe eim anndern gebe / er sey im Testame(n)t oder on Testame(n)t / wo aber sollichs geschehe im

(229) Der Erst Teyl

Testament / so müst er ein erb instituiert sein der gebetten ist worden / wan(n) on die instituierung des erben hat das Testament kein krafft.

insti. qui no(n) est p(re)mis. fa. testa. Am andern das der / der ein Testament macht sey ein sollicher das er schaffen mög testari in latein. Sůch.

C. de codicil. hereditate(m). et insti. de codicil. Item das in Codicillis das nym(m) ich im letsten willen / mag einer dem andern sein erbe nit setzen schlechts / aber der rechter erb ist mag gebette(n) werde(n) das er dz erbe wider gebe .N. (et)c. ff. de le. ij. cu(m) pater. §. filius. Oder wan(n) einer testame(n)t gemacht hat / vn(d) nit nach ordenung des rechten / vnd also stirbt er on testament er mag bitten.

Item es irret nicht wer der sey / der gebetten würt.

Am dritten das der erb gebetten werde.

ff. c. mulier. §. vlti. et. cogi peta(n)t. Am vierden das er gebeten werd das gantz erbe / oder ein teyl des erbs wider zů geben / nit sunderlich habe.

Item der zůgehörung diser constitutz seind fünff.

Am ersten das der erb getzwungen werd sich des erbs an zů nemen.

Am and(er)n dz ers wid(er) gebe / vn(d) thůt ers nit mit wille(n) dz er gezwunge(n) werd.

C. d(e) fideico(m)mis. l. qui fideico(m)missariam. Am dritten das all clag geen in fideico(m)missarium / das ist in den dem das erbe geben sol werden dem gebüren all clage.

Am vierden geyt ers mit willen / so mag er den vierden teyl behalten.

Am fünfften wo der gesatzt oder instituiert erb der wider geb(e)n hat / clagt od(er) beclagt würd vmb es gantz in solidum genant / das er entschlossen werd vnnd entschließ den clagende(n) durch die exception wo er beclagt würt / er sol auch nit clagen dann vmb den teyl / wie du clärlicher alle obgeschribenn puncten versteen solt mit iren clauseln / sůch in Rofredo oder Azone / vnd was sich in sollichem mer gebürt / vnd wie weyt dise constitutz reich.

De senatusco(n)sulto cleme(n)tiano siue terculiano.

Die Terculianisch constitutz.

ff. de re. eo. q(ue) sub tute. (et)c. cu. sunt sine decre. no(n) alie. l. j. §. j. Dise constitutz ist gar nütz denen die noch nit .xxv. iar alt seind / vnnd den waisen / vnd will dz der selben grundt / es sey stettgrundt oder veldtgrund von den vormunden nit sollen verkaufft werde(n) / on erkentnüß des richters. Es het dann der testator das in seim Testament oder letsten willen geheissen.

In diser constitutz gebürt sich.

Am ersten dz einer sey ein waise od(er) minor / dz ist dz einer noch nit .xxv. iar alt sey.

Am anndern das der selb waise hab veldt oder stettgrundt / oder sunst etlich farendt habe.

C. d(e) pred(e). mino. ob es alienum. Am dritten vff das das sollichs empfrembden stät vnd vest sey / gebürt sich das ein schuld vorhanden sey. ff. vt supra proximo. Wann allein vmb schuld willenn mag man die gründt des minoris verkauffen.

Am vierden das das verkauffen geschee vn(d) vmb schuld / es alienum in latein / vn(d) dz auch der vormu(n)dt gege(n)wertig sey / vn(d) auch in warheit vormu(n)d sey.

ff. de re. eo. (et)c. l. magis. et i(n) eode(m) ti. si fundus. Am fünfften das die sach durch den richter in gerichts form erfaren werden das der grundt von schuld wegen verkaufft můß werden / vnd wo der richter darin(n) betrogen würd / so wer das verkauffen krafftloß vnd vernichten.

vt in predicta. l. magis tild(e) queri potest. Am sechsten / das dz gelt daru(m)b das hauß od(er) wise / acker / scheür / gart oder

(230) Das QVIII Blat

wein garte / verkaufft ist / in warheit dem glauber bezalt sey worde(n) / vnd daru(m)b so sol sollichs dem richter gesagt werden / das das gelt bezalt werde.

C. de predijs minor. et. C. si aduersus. ven. Item von disem verkauffen hast du auch oben in d(er) clag vom verkauffen / was du aber da selbst vnd hie inn nit vindest / sůch in Azone.

Item du solt wissen das ein Constitutz ist gemacht durch Keyser Fridercum den ersten / wo der minor verkaufft vnd schwört da wider nym(m)er zů thůn oder zů kom(m)en / er würt nym(m)er gehört wider den kauff / es geschehe in gege(n) wertigkeit des richters oder vormunds oder nit / vnd laut die selb Constitutz in latein als vil vnd ich ir gehabt hab in Rofredo also. Autentica Sacrame(n)ta puber. Sacramenta puberu(m) sponte facta super contractibus rerum semper inuiolabiliter custodia(n)tur. per vim vel metuma maioribus coacta seu extorta. maxime ne querimoniam maleficiorum faciant co(m)missorum. nullius sunt momenti. Die eyd die mit willen geschworen seind vonn den die über .xiiij. iar seind in den contracten irer habe halben / sollen vnuerbrochenlich gehalten werden / aber die eyd die durch oder mit gewalt / oder gezwungen / oder durch forcht geschworen / so sie vo(n) dene(n) die zů iren tagen kom(m)en seind im rechten clagen / vnd ire malefitz die sie an in begangen haben / die sollen vnkrefftig sein. Ich hab darum(b) das latein auch gesetzt / wan(n) ich besorgt das ich dz teütsch so gar gerecht vff die latein nit gemachen kont als sich gebürt / darumb bitt ich den der es lißt / das ers mir nitt in übel vffneme / vnd nit allein alhie / sunder in disem gantzen bůch.

Item die Eyde.

Nota all doctores versteen diß Constitutz vom leyblichen eyd / als so d(er) minor bey dem eyd sagt das er alt gnůg sey vnd also schwört.

C. si aduer. ven. l. j. C. si minor sema. dixe. l. iij. i(n) fi. Ich .T. schwör leyblichen vff die heiligen ewangelien gottes / das ich wider disen kauff nit thůn oder kom(m)en wöl. Vnd daru(m)b in welschen landen / so heissen die offen schreyber / die die mit einander contrahieren schwöre(n) leyblichen zů gott vnd den heiligen / in latein ad sancta die ewangelia.

Ite(m) wo einer schwüre muntliche(n) verbotenus vn(d) sprech also. Ich schwör dir bey de(m) lebendige(n) vn(d) ware(n) gott dz ich den kauff stät halte(n) od(er) da wid(er) nit will ko(m)men / der ist vß weltlichen vnd geistlichen rechte(n) schuldig den eyd zů halten.

Item hat er sein treüw geben.

Item hat er also geschworen bey gott der do lebt.

vt in decre. xxij. q. j. c. et iurabu(n)t. et. c. si aliqui. c. ca(u)et. c. si pactus. et in c. causa. q. v. c. q(ue) iurat. extra de spon. consuluit. ar. ff. de iu. cum pretor. Item hat er also geschworen / mein seel sol lebe(n) / oder deßgleychen / das seind als inn geistlichen rechten eyde. Oder sprecher also / in rechter warheit (et)c. Oder schwüre er bey heiligthumb.

xxij. q. v. paruuli et. c. pueri. (et)c. c. ta(m) q. iij. c. iij. ff. d(e) iureiuran. iusitura(n)dum. §. pupillo no(n) defertur iusiurandum. Item die eyd des die .viiij. iar alt seind die heissen puberes / seind des knaben / oder töchtern die über .xij. iar seind heissen auch puberes / vnd die kündt die vnder .xij. vn(d) .viiij. iare(n9 seind / heissen töchtern vn(d) knabe(n) / all dweyl sie den vatter habe(n) / haben sie aber kein vatter / so heissen sie waisen / vn(d) die eyd d(er) über dise iar seind / die sie willigklich schwöre(n) solle(n) vnuerbrochenlich gehalte(n) werden.

Item es halten etlich dz die die nit puberes seind / seind nit schuldig zů halten das das sie schwören.

ff. de iuciuron. qui iurasse. Item in geistlichen rechten werden die kindt die vnder .xiiij. iaren seind nit gezwungen zů schwören / vnd so sie schwören / do bindt der selb eyd nitt. Vnd lege(n) die geschribene(n) recht solichs also vß / wan(n) dz selb alter weiß nit wz es thůt.

(231) Der Erst Teyl

ff. ad. l. iuli. de adulte. si minor. Wo aber der waise wer arglistig / also dz die boßheit die iarzale erfült / wiewol er nit zů schwören gezwungen sol werden / schwört er / er sol den eyd halte(n) / von des eyds wegen / nit vß diser constitutz / wan(n) man vindet im rechten dz der impubes der noch nit viertzehen iar alt ist / ist vmb all sünd oder missethat pflichtig / on vmb eebrechen oder helsen / wan(n) vmb die selben missethat würt er erst nach d(er) zeyt pflichtig. willigklich. Willigklich würt darum(b) gesatzt / wan(n) hernach steen dise wort durch gewalt od(er) forcht / vn(d) vo(n) diser wort wille(n) setze(n) die offenbar schreyber in den instrumenten / der hat mit gewalt / nit gezwunge(n) / nit arglistigklich verfüert geschworen / als du oben die vnderscheid des schwörens hast.

Super contractibus.

In denen contracten / das wort contractus nennen wir vff das aller gemeynest vmb all obligierung vnd pflichtung die da kom(m)en vß contracten oder bey contracten / vß malefitz oder bey malefitz / vnd auch vmb die habe.

Ite(m) wo d(er) minor mächt ein testame(n)t vn(d) hat geschwore(n) dz ers halten wolt / er mag das testame(n)t wandeln / vnd in irr der eyd nit / vn(d) mag dz ers halten wolt / er mag das testame(n)t wandeln / vnd in irr der eyd nit / vn(d) mag dz vmb drey sach.

ff. dele. nemini. Am ersten / wan(n) es mag neyemandt gemachen oder im ein sollichs recht setzen / das die recht in seim Testament nit stat haben.

ff. d(e) do. inter vi. et vxo. cu(m) ß. stato. Am andern darumb wan(n) der letst will der mag gewendt werden vnd sich wenden biß vff den letsten artickel des lebens. C. de sacro sanc. eccle. l. j.Wann nicht ist man dem menschen mer schuldig dan(n) das man im den letsten willen für sich geen laß.

Am dritten wann dise constitutz redt von den contracten auß den vff beydseyten pflichtung oder obligierung geschicht / oder zům mynsten vff die ein seyten / als in hingeben (et)c. Aber im Testament würt vff kein seyt pflichtung irer habe halben. Rofredus der doctor sagt dz der minor in frembden haben / auch schuldig sey den eyd zů halten (et)c. sollen vnuerbrochenlich gehalten werden vo(n) dem pubes / das ist der der über viertzehen iar alt ist vnd also geschworn hatt / das er nit da wider thůn wöll. Aber die eyd die durch oder mit forcht oder gezwingen geschworen seind / sollen vnbindig vnd vnkrefftig sein.

extra de iud(ex). nouit. §. vlti. et spe. de co(m)pe. iudi. in adi. §. regulariter. ij. Merck dz weltlich recht spricht also / dz durch forcht geschee(n) ist würd ich nit stät halte(n) / aber dise wort / werde(n) in geistliche(n) rechte(n) declariert / vn(d) du solt wisse(n) dz die erke(n)tnüß welcher eyd zů halte(n) sey nit gehört allein de(m) geistliche(n) richter zů.

De consulto Dioalno et Pansiano.

Wider die die zymmer vßbrechen vnd verkauffen.

Diß constitutz verbüet das nyemandt sol verkauffen oder schaffen od(er) kauffmanschatz treybe(n) mit de(m) dz gezym(m)ert ist vn(d) gemacht od(er) gemaurt in den heüsern / in latein ea que sunst edium / vnd setzt ein peen denen die da wider thůn.

ff. de contrahen. emp. senatus. Item der der kaufft würt gezwungen zwyfach de(m) fisco zů geben als vil darumb als das gelt geben / der kauffer würt es wider von im erkobern / vnd diß constitutz hat stat das hauß sey des verkauffers gewesen oder frembd.

ff. dele. j. l. cetera §. n(o)t(a)m ad edes. Item dise constitutz hat nit allein stat in heüsern / sunnder auch in baden / tabernen / schenckstetten / vnd in allem das gezymmert ist.

ff. d(e) le. j. l. cetera. item hoc p(re)bibetur legan. Item du möchst fragen von vil haben ob die verkaufft oder geschafft

(232) Das QIX Blat

mögen werden die in heüsern seind / von ziegeln / von stegen / von thürn / von libe reyen / von stülen cancellis / von beth kamern / oder von seülen / gemalte(n) tafeln vnd als dan(n) hat stat dise gemecht / vff das dz sie verkaufft oder verschafft mögen werden / wan(n) sie nit an das zym(m)er seind genagelt / affixa in latein / seint sie aber angenagelt oder gebauwe(n) so möge(n) sie nit verkaufft od(er) verschafft werde(n).

C. de edifi. p(re)ua. l. negociandi. Item wiewol sollichs verbotte(n) ist / yedoch wo der herr in einer statt wolt sollichs von eim hauß in dz ander füren / er möchts on straff thůn / vn(d) deßgleychen in ein ander statt füren. ff. d(e) da(n). infec. l. fi. Vnd auch zů gemeynem nutz.

Opus. Item wiewol ich mag von einer stat in die andern füren (wie oben stat) vnd mag verschaffen in einer stat gebeüwe opus in latein / in der ich wone / sollichs mag ich keiner and(er)n statt schaffen / in der gerichts zwang ich nit bin. ff. dele. j. l. cetera §. si q(ui)s ad opus. C. d(e) edifi. priua. l. si quis. Es weren dann stein oder zymmer eins verfallen hauß mag ich vß einer statt in die andern füren.

Item wiewol ich mag in eim hauß nemen vnd in das ander füren / als wie oben stat / ich mag aber nit schaffen das sollichs dem legatario de(n) ich geschafft hab zymlich sey / wann der legatarius dem geschafft ist / ist nit künnfftiger besitzer beider heüser.

C. d(e) edifi. prius. si q(ui)s post hanc. Item wölcher vß d(er) statt marmelstein fürt (ich meyn sollichs hab auch statt in andern steinen) vnd mächt alda ein grossen palast / der würt gestrafft / wan(n) die selbstatt würt gemeyn.

C. d(e) edifi. priua. negaociandi. et. ff. ne q(uo)d in lo(n). publ. l. fi. (et)c. ij. §. si q(ui)s an nemine. Item das ist die vrsach warumb sollichs verbotten würt / vmb das dz die stett nit vnsauber vnd in schlossen recht / vnd wo es also ein mißhellung bringt / ist es auch den herren verbotten.

C. d(e) edifi. priua. singularum. Item die die bauwfellig heüser haben sollen gezwungen werden durch die richter die heüser zů bessern.

Des loblichen keyser Marcus constitutz wider die glauber.

ff. ad. l. iuli. de vi priua. l. creditores. Der loblich Keyser Marcus der weyse Fürst als er wolt straffen die fressigkeit / geytzigkeit vnd boßheit der glauber / vnd zů hilff kom(m)en den schuldnern / das sie wider recht nit vmbgetriben würden / satzt vnnd macht dise constitutz oder dz edict also. Wölcher glauber hat ein clag wider den schuldener / gůt vn(d) das best ist im / das ers mit rechtlichen clagen vßtrage. ff. c. q(ui)d me. cau. l. extat. et ad. l. iuli. d(e) vi priua. creditores. Vnd also dar zů bring das im der schuldner verdampt werd / wo aber der glauber nitt wil mitt dem schuldner in gerichts form rechten oder kriegen / sunder mit seim eygen gewalt occupiern / er vnderwindt sich d(er) habe des schuldners / oder er nympt de(n) schuldner mit seim eygen gewalt das gelt / die occupierten habe / oder das gwunnen gelt / sol er wider geben / vnd würt kein recht zů der schuld haben / wan(n) er würt die clag verlieren / als das bewert würt. In disem edict gebürt sich.

Am ersten das einer glauber sey / vnd der ander der schuldner / wan(n) es mag eins on das ander nit sein.

C. de pig. l. iij. et ff. ad. l. iuli. de vi p(ri)ua. l. creditores. Am andern das der glauber mit seim eyge(n) gewalt die habe des schuldners occupiert / vnd sich der vnderwindt / darumb sprich ich mit seim eygen gewalt

V

(233) Der Erst Teyl

wann solchs gedingt were worden / so were er nit pflichtig / oder thet ers vß gewalt des richters. Also magst du formieren dein clage.

p(re)hat. l. j. p. iura predicta. Herr richter ich clag eüch von .R. als er mir gewechselt vnnd gelühen hat zehen pfundt / so hat er mit seim eygen gewalt mir mein ochsen genom(m)en. Bitt (et)c. sollichs zů erfarn so vil vnd gnůg ist / vnd mit eüwerm rechtlichen spruch erkennen / das ich im nichts schuldig sey / vnd das er mir die genom(m)en den ochsen wider sol geben / vnd das ers thů / zwingt in dar zů mit zymlichen penen.

C. d(e) iudeis et celico. n(u)llus. §. cu(m) alioquin. Item du möchst sprechen / warumb wirt der so hart gestrafft darumb das er die hab des schuldners occupiert. R(e)n. Daru(m)b wan(n) er hat im selbs mit seim eygen gewalt recht gesprochen / wann das ist das best / hat der glauber etliche clagen / das ers mit recht vßtrag / vnd der schuldner sol etliche clag in seine(n) besitz bleyben / vnnd der glauber sol vordern im rechten / mit dem ist der gewalt geschehen so der glauber das dz er meynt das man im pflichtig sey / nitt durch den richter vordert / darumb ist der gerichts zwang vffgesatzt vnd erfunden / vt nemo i(n) ppria. cau. iud. aut iussibi dicat. Das sich nyemandt rechen sol auch im selbs nit recht sprechen.

Item merck das der glauber sol vß vrteyl des richters verdampt werden.

C. de pig. creditores. Item wann der glauber ein geding macht mit dem schuldner als gewonlich geschicht / wo der schuldner im bezalen suamig were das er in selbs pfenden möge / wo der glauber als dann des schuldners habe occupiert oder in besitz gieng / diß edict oder constitutz hat nit stat. C. de pig. creditores. In disem rechten steet auch wie wol er nit freuelt / wann der glauber also occupiert / yedoch ist er sicherer das er sollichs mit des gerichts erlaubung thů.

ff. dele. et senatuscon. legis. Merck was die recht radten das ist man nicht schuldig zů thůn. Aber was das recht gebeüt das ist man schuldig zů thůn / wan(n) der krafft vnd der tugent der rechten seind vier. imperare vel inhibere. vitare. permittere. punire. Gebietten / verbietten / verhengen / vnd straffen.

Ite(m) er sol verdampt werden in der gantzen schuld / vnd ob ernur ein wenig occupiert het / als sollichs die doctores setzen in einer frag deßhalben disputiert.

Item dise Constition hat stat / d(er) glauber occupier farend oder ligend habe.

C. d(e) le. et consti. prin. l. leges sucratissime. Item dise Constitutz hat stat er hab sollichs arglistigklich gethon oder nit / vnd das darumb / wann es ist nit zymlichen das yemandt die Constitutiones vnd Edicta der Fürsten nit wisse / es sol sie ein yegklicher mensch wissen / wan(n) sie zwingent vnd straffen das leben der menschen.

ff. de fur. qui iniurie ca(u). ianuas effregit in prin. Item in diser farende habe hat das recht vi bonorum raptorum von dem du oben hast nit stat / wann der glauber wolt hie innen nit rauben / vnnd hatt villeycht ge(g)laubt er hab sollichs recht / wann der will vnd der fürsatz machen vnderscheid vnder den malefitz.

ff. de admini. tu. quotiens. Item merck vß disem Edict / das diß dem richter für gelegt sol werden.

C. de iude. et celi eo. nullus. Am andern das nyema(n)dt im selbs sol recht sprechen mit seine(n) eyge(n) gewalt.

C. de condi. obtur. cau. l. j. Am dritten das vor dem richter bewisen vnnd sicherheit geben sol werden / quod iudici facienda sit fides.

Am vierden das einer gestrafft sol werden in dem das er sündet.

Vnde vi.

Des aller herlichste(n) fürste(n) keyser iustiniani co(n)stitutz wid(er) die die gwalt thůn.

(234) Das QX Blat

C. vnde vi. l. si q(ui)s in tanta(m). Hie volget ein ander constitutz wider den d(er) gewalt treybt / die aller na(h)hafftigst vn(d) heißt in latein. vnde vi si quis in tanta(m). In diser co(n)stitutio gebürt sich.

Am ersten das einer ein habe besitz sie sey ligend oder farend.

C. vnde vi si q(ui)s in tanta(m). et insti. vi bo. rap. §. sed ne dum. Am andern das einer die habe mit gewalt occupier / ist andes die habe farend / ist sie aber ligend. quod inuadat. das ist das er den besitzer vßtreyb.

In diser Constitution formier also dein clag.

Herr richter ich clag eüch von .N. der hat mich vßgetriben vom besitz des grunds .N. Bitt (et)c. erkennen das er mir den besitz des genannten grunds sol wider geben / vnd das er die eygenschafft der genanten habe auch verlorn hab vnd mein sey / ist anders die eygenschafft sein gewesen / vn(d) das ers thů / zwingt (et)c. Ist aber er nit herr der habe gewesen / das ist das sie nit sein eygen ist gewesen. So sprich also / das er mir den besitz der genante(n) habe sol wider geben / vn(d) dar zů den wert der genanten habe auch bezalen sol / vnd das ers thů (et)c.

ff. vnde vi. l. ij. §. rectissime. Item du möchst sprechen / in disem rechten oder Constitution würt gesatzt das mir der besitz sol wider werden / vn(d) ist der herr der gewalt hat getriben / so sol er in der verliesung der eygenschafft verdampt werden / ist er aber der habe nit herr / so sol er in dem wert der habe verdampt werden / mag ich nit das selb auch vordern durch das interdict. vnde vi. wider den der gewalt getriben hat / vonn dem du oben hast / ich mag auch mer durch das selb interdict bitten / als das mir werd abgelegt aller schade. Wo für ist dise Constitutz gemacht wan(n) ich mag durch dise co(n)stitution kein schade(n) vord(er)n / vn(d) es mag sich wol mach(e)n dz sich d(er) schad ferrer treff vn(d) mer vn(d) besser sey dan(n) die eygenschafft wert sey.

Item es ist für vns das wir mer clag haben dan(n) ein / vn(d) ist vns not das wir vil hilff haben wider die die gewalt treyben.

Nymwar ist dir gewalt geschehen / solt du dich beraten wölches rechte(n) hilff dir nutzlicher sey / das interdict / oder dise Constitutz.

insti. de offi. iud. §. vlti. Item merck das in diser Constitutz / d(er) richter als wol mag die eygenschafft transferieren / als in etlichen andern sachen die du geschriben vindest. ff. de acq(ui). re. do. l. g. §. alluuio. Wann sollichs thůn auch in die zynß ynsamle(n) ce(n)sitores in latein / vn(d) auch die wasser.

Merck das der der nahet bey den .xiiij. iare(n) ist / so er listig ist vn(d) böß / vn(d) der der minor ist / fallen auch in dise peen diser co(n)stitution / ob sie aber wid(er) dise constitutz restituiert möge(n) werde(n) / sůch i(n) Rofredo da er schrybt über diß co(n)stitutz.

C. de iu. et. fac. igno. l. ne(u)o passim. Item du möchst fragen ob ein fraw auch in diß Constitutz fall / die weyl sie nit schuldig ist die recht zů wissen.

ff. ad. l. iul. de adulte.si q(ui)s adulterium. §. j. Item die fraw würt nitt entschuldiget von der missethat durch das das sie das recht nit weißt.

q(ui)d tibi vis fieri mihi fac. j. dis. in princi. Item da wider ist / die fraw sol dz natürlich recht wissen / vnd das selb recht bindt die frawen. Du solt nyemandt thůn das du nit wilt das dir sollichs gethon werd / vnd mer. C. de iur. et fac. igno. l. vlti. Du solt nit begere(n) die habe deins nechsten / du solt nit stelen / wan(n) man kompt der frawen nit zů hilff daru(m)b das sie das recht nit weißt / dann allein in den casibus die geschribenn seind durch die gelerten in letsten rechten. ff. qui petunt. tu. l. vlti. Die fraw würt gestrafft vnnd würt nit entschuldiget darumb das sie das recht nit weißt. C. dele. et. co(n). p(e)n. leges. C. de iu. et fac. ig. constitutiones. Wann es sol vnd ist ein yegklicher mensch schuldig das er die heiligen Constitutiones sol wissenn / die das leben der menschen zwingen. Vnd darumb so felt die fraw in die peen diser Constitutz / wiewol ein fraw nit

V ij

(235) Der Erst Teyl

geschickt ist gwalt zů thůn durch sich selbs / so mag sie doch gewalt thu(n) durch die iren so sie sollichs heißt. Man vindt auch offt frawen die freidiger vn(d) stercker seind dan(n) vnderweyle(n) man(n) die offt ir man(n) schlage(n) / vor vß die do seind zage(n).

C. ro(u)is d(e) succes. seruus. Item der eygen mensch vnd der münch seind diser Constitutz pflichtig / also dz sie den besitz müssen wider geben / aber d(ie) peen nit / wan(n) der eygen mensch hat nichts / darumb mag er kein erben haben.

seruus nihil possidere. cu(m) ipse possidetur. Item der eyge(n) mensch mag keinen besitz haben / wan(n) alles dz gehabt würt mag nichts haben / nun würt der eygen mensch vom herre(n) gehabt / vn(d) daru(m)b mag er all peen schuldig werde(n) die die recht setze(n) / on wan(n) sie vmb habe seind / wan(n) der eyge(n) mensch / seruus in latein / hat nichts eyge(n)s / eben als der münch.

ff. de accu. accusare. §. o(mn)ibus. ff. de verbo. sig. pater fami. Item der magistrat ist diser Constitutz pflichtig / was er anders nit irs gerichts zwangs halb / vnd auch nit nach ordenu(n)g der rechten gethon hat / wan(n) wo er mit gerichts krafft so du verdamnet bist der clag der eyge(n)schafft dich vßtreybt / er ist nit pflichtig / wann er hat sollichs rechtlichen gethon.

ff. d(e) re. iur. factu(m) a iudice. et de in iu. nec de magistratibo. et. l. iniuriarus. §. q(ue) iure potestatis. ff. ad l. aquili. que(m)admodu(m). §. si magistratus. Ite(m) vatter vn(d) můtter vn(d) d(er) patron sein schuldig den besitz wid(er) zů gebe(n) / wan(n) kein peenlich clag mag wider sie gefürt werden / auch kein die erloß mächt.

C. de furt. l. vlti. §. vlti. in fine. Item ob der furiosus oder ein narr ist / auch schuldig sey diser Constitutz / vß vil recht(e)n / das die missethat oder malefitz die der furiosus thůt sol vngestrafft bleyben / wan(n) er ist sunst vmb seiner närrischeit gestrafft gnůg. ff. de offi. presi. diuus. Man sol auch den der vor gepeiniget ist nit mer peinigen.

C. de epis. au. ta(m) dementis. ff. ad. l. cor. de sic. car. infans. Item der furiosius sol der sünd entschuldiget sein vnd der vnseligkeit.

C. si aduer. delictus. l. j. §. sed cu(m) delictum. Item das der furiosus nit sündet würt also bewisen / wan(n) ein yegklich sünd kompt der fürsatz vnderscheiden die malefitz. ff. de fur. qui iniurie. ca(u). in p(e)n. Nun ist kein will in furioso. Wan(n) der furiosus würt geschätzt als ob er nit gegenwertig sey oder růwe.

ff. d(e) ado. l. si tibi. Item furiosus hat kein willen / vnnd darumb mag er die Ee nit geloben. ff. d(e) iur. codicil. l. ij. §. furiosus. Auch nit sponsalia. ff. de ritu nupti. oratio(n)e. §. furor.Vß disen rechten vnd argumenten sprechen wir das furiosus nit sol in die peen diser Constitutz fallen.

ff. de spo(n)sa. furor. ff. de offi. pre. co(n)gruit. (et)c. l. diuus. Item merck / wan(n) einer nit alle zeyt furiosus ist / als man solcher menschen vil vindt die zů einer zeyt töbig seind / vnd zů etlichen zeyten ganz synnig / vnd die selbenn werden mönischen geheisen / was die selbenn thůn so sie synnig seind mag gestrafft werde(n) mit diser Constitutz / thůn sie aber etwas so sie töbig seind so werden sie entschuldiget.

ff. de p(re)scrip. ver. quotiens. Item trib furiosus ein vß seinem besitz so er vnuernünfftig were / vnd so er wider vernünfftig würd / so behielt er die selben habe / dannoch ist er pflichtig den besitz wider zů geben durch die letsten clag die oben geschriben steet in sacrum subsidiaria. p. re. iur. li. vj. locupletari. Wann es sol nyemandt mit des andern schaden reych werden / auch einer freyheit nit zů ziehen vnrechten nutz.

ff. de act. et obli. l. j. in fi. Item furiosus so er synnig worden ist / vnd solichs stät gehalten hat das er in seiner närrischeit gethon hat / sol nit diser Constitutz gestrafft werden / wan(n) das malefitz ist am ersten nit malefitz gewesen / vnd darumb mag ers nit stät halten. Deßgleychen ist wo ein pflichtung oder obligierung nit vß dem rechten krefftig ist / die mag der richter nit consummieren oder bekrefftigen.

(236) Das QXI Blat

C. de cu. fu. l. vlt. Item d(er) furiosus / wan(n) er in seiner töbischeit hat etwas vffgetriben / mag nit geclagt werde(n) mit der obgenante(n) clag so er die habe dannocht in(n)helt / aber sein procurator od(er) vormundt (hat er anders eine[n]) hat er aber keinen vormundt / so sol der / der in beclagen wil den richter bitten / das er im ein vormundt gebe.

ar. ff. de vi. et vi. ar. l. j. §. q(ui)d igit. et. §. familie. Item wo einer vß dem haußgesindt des furiosi einen vß des furiosi einen vß seim besitz treybt / vnd der besitz kompt dem furioso / oder seim vormundt heim / der furiosus ist pflichtig vmb als vil vnd er in(n)helt.

ff. de verbo. obli. is cui bonis. Item der geydisch / vnd vor vß so im die regierung seiner habe verbotten ist (in wölcher form das geschehen sol hast du oben in der clag vom kauffer) ist pflichtig / wann er würt in malefitzen nit entschuldiget / er würt nur in andern sachen entschuldigt / in dem er gleych ist dem furioso.

Colonus. Item Colonus der das erdtreych bauwet. Inquilinus. Inquilinus der ein wonung bestanden hat. Co(m)modatario. Co(m)modatarius der etwas zů behalen genom(m)en hat. Precario tene(n)s. Precario tenens / der entle het hat / vnnd doch nit zů eim bestympten nutz. Sequester. Sequester ist der / der von des richters heissen vn(d) gebotte(n) od(er) der parthey willen die habe in(n)helt / vn(d) d(er) schuldner der ein wonung bestanden hat. ff. d(e) vsuca. no(n) solu(m). §. q(uo) vulgo. et. §. vlt. ff. co(u)i diuidun. l. ne qs. Auch der der vom richter in besitz gesetzt ist / darumb das er die habe behüte / die alle besitzen nicht / vnd darumb / werden sie vßgestossen / ine(n) würt mit diser Constitutz nit geholffen / wan(n) diß recht hilfft allein dem der besitzt / vnd das die vorgenanten nit besitzten würt bewisen. Der colonus der der bauwet das erdtreych besitzt nit / d(er) herr leb od(er) sey tod.

C. co(n)sa de vsuca. l. j. Item inquilinus der haußgenoß besitzt auch nit.

ff. co(m)modati. rei. et depo. ls. §. rei. Item depositarius der zů behalten genom(m)en hat / vnd co(m)modatarius / der zů einem bestympten nutz entlehet hat / besitzen nit / den der zů behalten gegeben vnd der entlehenten habe eygenschafft vnd besitz behalten wir vns.

Precarium. Item der der entlehet hat ein habe zů brauchen vnd nutzen / vnnd doch nit bestympt hat den nutz od(er) den brauch heißt in latein Precarium / besitzt auch nit es wer dann geredt worden eygentlich das er besitzen solt. ff. de p(re)ca. et bs. §. cum qui. Vnd darumb so würt gesprochen / es ist nit würdig das sollichs für gericht kom(m)en sol.

ff. co(u)i di. l. inter predones. Item der sequester besitzt auch nit / es sey dan(n) eygentlich geredt worden.

ff. de acqui. poss. l. interesse. Item der schuldner ist ein haußgenoß / besitzt auch nit.

ff. de acqui. pos. possideri. §. vlt. et. l. si q(ui)s autem conduxerit. Item der / der inn besitz vom richter gesetzt ist / besitzt auch nit / wiewol er im besitz ist.

ff. de p(re)scrip. ver. quotiens. Item merck / wiewol den durch diß co(n)stitutz nit geholffen würt / so würt in aber geholffen durch das Edict / das dem kein gewalt geschehe der in besitz gesatzt ist / oder mit der letsten clag in factum subsidiaria.

ff. loca. cu(m) in plures. §. messem. Item in der person des haußgenossen vn(d) des der bauwet / vinden wir hilff das der haußgenoß clagt wider den herren vß der clag vom besteen / vnd der herr clagt wider den der den vßgetribenn hat / also erkobert der herr den besitz / vnd als dann kommen dise wider in besitze. ff. loca. et. co(n)duc. Diß ist also / wan(n) der haußgenoß vnd der bauwer von eim andern vßgetriben werden / wann sie aber vßgetriben werden vom herrn der in hingelühen hat / als dann haben sie vnd gebürt inen die clag vom besteen wider herren / durch die sie irs schadens zů kom(m)en oder aber wider in besitz kom(m)en / nit verstee das sie in selbs besitzen. Es heißt in latein tenuta / innhaltung.

Item merck dz dise co(n)stitutz gebürt eben als wol vmb fare(n)de habe als vmb

V iij

(237) Der Erst Teyl

ligende. insti. vi bo. rapt. §. sz ne du(m) talia.Vnd in de(n) das sie gebürt vm(b) farende habe / ist sie gemacht zů hilff de(n) interdict. vnde vi. von de(n) du oben hast / dz selb hat nit stat vmb farende habe.

ff. de vi (et)c. via r. l. j. §. si q(ui)s d(e) naue. Item in geweychten oder geistlichen haben / wo einer vonn der selben habe besitz getriben würde / solt du wissenn das die leyen oder weltlichen / weder geweycht noch geistlich habe besitzen mögen. ff. de acqui. pos. q(ue) vniuersas. (et)c. d(e) rei. ven. que religiosis. Vnnd darumb so sie sollich habe nit besitzen mögen / wiewol sie sie innbehalten / wo sie vonn sollichem innhalt getribenn würden / in gebürt diß Constitutz nit / wann dise Constitutz kompt nur den besitzern zů hilff / als du oben vindest.

extra de dona. fraternitate(m). Item nit allein vmb der selben sach willen / sunder auch vmb einer anderen willen / wan(n) als der herr sol die eyge(n)schafft verliesen d(er) gewalt gethon hat. Nun vinden wir nit das einer einer geweychten oder geistlichen habe herr sey / wann die clerici / prelaten / vnd regierer der pfrůnden / werden im rechten procuratores / vnd nit herrn geheissen. de reg. iur. delictum. li. vj. Vnnd ob sie schon herrn weren / so were es doch übel vnd schad / das die kirchen stifft vnd pfrůndt / auch clöster solten die eygenschafft irer habe verliesen / durch die missethat vnnd malefitz der pfaffen vnd prelaten / wann die boßheit vnd malefitz der prelaten / apts / clerici / vnnd regierers der pfrůndt / sol nit kommen oder gewendt werden in den schade(n) des stifftes / closters / oder pfůnden.

Item wo er nit herr wer so möcht er im wert der eygenschafft nit verdampt werden / wan(n) die ecclesiastica geweychte habe / mag nit an wert geschätzt werden / auch nit geistlich habe / deßgleychen auch nit die gerechtigkeit der dienstbarkeit. iura seruitutis in latein / vnd also dem leyen der also innhelt geweycht oder geistlich habe / vnd würt von eim andern her vßgetriben / er sey geistlich oder weltlich / dem vßtreyber gebürt dise Constitutz nit.

Item dem der also in(n)helt so er villeycht ist der pfrůnd ein patron / das man lehenherr heißt würt geholffen mit der clag / in factum genant / oder er můß anrüffen des richters ampt.

ff. ad. l. aquil. ita vulneratus. Item die weyl die malefitz nit vngestrafft sollen bleybe(n). ff. ad. l. iuli. peculatus. et de sacrile. l. lege. et. l. sacrilegij. So möcht der rauber malefactor / vnd besunder wo die geweycht habe farendt habe wer / verclaget werden / crimine sacrilegij.

Item wo aber ein clericus / das ist ein geweychter besitzt / vnd ein leye treybt in vß / hat stat dise Constitutz / wan(n) der clericus mag die geweychte(n) habe besitzen / vn(d) als sein eyge(n) vordern / besunder in seiner pfrůnd name(n) / vn(d) d(er) vßtreyber sol im wert verdampt werden / wan(n) er ist nit herr / vn(d) mags auch nit gesein.

Item wiewol die geweycht habe nit an wert geschätzt mag werden der weyhe halb / so sol man sie doch schätzen / als were sie yendert eins besundern / vnd also sol die verdamnung geschehen.

Item ob vmb dienstbarkeit vnd ob dem Fisco dise Constitutz auch gebüre sůch in Rofredo.

Item du solt diß Constitutz versteen es besitzt einer mit de(m) leyb / also so einer im grundt ist / vnd das soltu nit versteen in dem besitzen das der bauwman / haußgenoß / der der entlehet hat / vn(d) der zů behalten genom(m)en hat thůn / wan(n) das selb besitzen heißt in latein detentatio / oder tenuta in(n)haltung / wiewol sie die habe mit dem leyb in(n)halten / yedoch so besitzen sie doch nit / als du oben hast. ff. de acqui. poss. clam. §. vlt. et. ff. de vi et vi ar. l. j. §. eum q(ui) animo. Besitzt einer in seim gemüt animo / diß Constitutz hat stat / wan(n) es mag einer

(238) Das QXII Blat

wol von de(n) selben besitz betriben werden / als so ich in den besitz gieng / so würd ich nit zůgelassen / oder so ein ander in besitz gangen ist / vnnd ich gedenck wol das ich vom besitz getriben mag werden / in latein suspicor me posse repelli / in disem casus würd ich des besitz beraubt. Von disem besitzen hastu oben auch clärlichen im interdict / wider den der gewalt gethon hat.

ff. de acqui. poss. iuste. C. de pig. l. iij. ff. de reg. iur. iuste. Ite(m) wo einer yn geet in besitz eins and(er)n / vn(d) treybt in vß vo(n) gewalts wegen / vnd erkentnüß des richters der sollichs richter ist / er würt entschuldiget.

C. si per vim vel alio mo(n) absentit pos. nec impiale. Item sollichs heissen vnd gebietten des richters / sol auch rechtlich sein / also das er sollichs hab zů gebietten / annders der vßtreyber würt nit entschuldiget / wann nit ein yegklich erkennen des richters / auch nitt ein yegklich rescript des Keysers / mag wören den besitz des der nitt ynheymisch ist / absentis in latein. ff. de regu. iur. factum a iudice. ff. de iniurijs iniurias. §. que iure potestatis. Vnd das diser vnderscheid sol geschehen / würt bewisen.

Ite(m) wo die viole(n)tz dz ist d(er) gewalt den besitz begreyfft / es geschehe mit waffen od(er) nit / dz irret nit / als du oben hast in der nechste(n) Constitutz keyser Marcus.

ff. d(e) vi et via r. die(m) est. §. armati. Item / vnd ob mir nyemandt widersteet / so ich in besitz gee / vnd ich begreyff den besitz / diß Constitutz hat stat / wann es ist gnůg das einer in besitz gangen sey / vff das / das der ander den besitz verliese.

Ite(m) dieser co(n)stitutz halb auch des interdicts / vnde vi / vn(d) clag halb q(uo)d metus causa / vo(n) dene(n) du obe(n) hast / ob wol einer fleücht vo(n) besitz / vn(d) doch kein ander den besitz begreyfft / d(er) selb ist nit mit gewalt vertribe(n) / oder vßgetriben.

Item diß Constitutz hat nit stat in zwingendem gewalt / von dem du oben hast in einer sundern clag / sunder allein in vßtreybendem gewalt.

insti. vi bo. rapt. §. ij. C. vn(d) vi. l. vl. Item der würt nit entschuldiget vo(n) der peen diser co(n)stitutz / ob einer glaubt das im sollichs yngeen in besitz zymlich sey.

Item es hilfft den nicht das er diß recht nit gewißt hat / wan(n) es ist nyemandt zymlich die Constitutiones nit zů wissen / es sol sie yederman wissen / vnd dar zů das natürlich recht / vnd dz götlich recht. In den .x. botte(n) würt gebotte(n) / du solt nit begern deins nechsten gůt / vff dz selb vn(d) ander götliche recht seind gegründt das natürlich vnd Keyserlich recht in disen casus vnd puncten.

ff. d(e) vict via r. l. j. §. deiccisse. et §. quotiens. Item du solt auch versteen der herr hab sollichen gewalt getriben selbs / od(er) ein ander von seins heissenn wegen / oder so sollichs in seim namen geschehen ist / so hat ers stät gehalten.

Item der sollichs gethon hat sol mit vrteyl verdampt werden / vnd soll den besitz dem wider geben der den gewalt gelitten hat / vnnd soll auch verdampt werden in der eygenschafft der habe / ist er herr gewesen / hatt er aber sunst recht zů der habe gehabt / als der lehenman zům lehen / der hinderseß zům erbe / od(er) der glauber zům pfandt / das selb recht sol der richter erfare(n). Ist aber er allein besitzer gewesen / so sol der besitz angeschlagen vnd geschätzt werden was der besitz wert sey.

ff. d(e) rei ven. p(re)tor. Item es sollen dise puncten all geschätzt werden / nit allein der besitz / sunder auch aller der schade.

Item vniuersitas / ein gemeyn einer statt / od(er) eins dorffs / ist auch dieser constitutz pflichtig / wan(n) es kompt offt das die stett einen vß seinem besitz treyben.

C. re. amo. l. diuortij. Item der eeman wann er die frauwe vß irem besitz treybt / vnd widermb hat diß Co(n)stitutz stat des besitz halben / aber d(er) peen halb nit / wan(n) all die weyl

V iiij

(239) Der Erst Teyl

die eeleüt vngescheiden seind / so hat kein peenlich clag stat / sunder de damno in factum / das ist ein clag vom schaden vß der that.

Item Rofredus spricht / das der prelat der kirchen / treyber einen vß seinem besitz / er sey pflichtig / also das er von dem seinen vnnd nit von der kirchen gůt bezalen sol.

C. de sacrosanc. ecc. iubemus. §. yconomus. Item wo auch ein capitel oder ein samnung der priester / einen vßtreybt sie seind pflichtig diser Constitutz / doch das sollichs ir pfrůndt / das seind die kirchen nit sollen bezalen / sie sollen von irem eygen gůt bezalen.

ar. ff. de pecul. licet. §. ex ca(n). et in sti. de acqui. per arroga. circa fi. Item gieng einer in ein closter nach dem vn(d) er sollichen gewalt gethon hat / das closter würt dieser Constitutz pflichtig / in so vil vnd sein das closter genossen hette / oder in des closters gewalt kommen were.

ff. d(e) capi. muni. tutelas. §. ij. Item der selb münch ist auch pflichtig / wan(n) die pflichtung obligierung vß malefitz gieng mit dem haupt. Vnd sol genůg geschehen vnd vßgericht werden sollichs von der habe die etwan des münchs gewesen seind / wann durch den yn gang in das closter / gewin(n)t das closter eygenschafft zů der habe die des münchs gewesen seind / als du oben hast von der eygenschafft der habe.

in. §. q(uo)d si creditor expellitur. Item wo der schuldner den glauber vßtreybt / diß Constitutz hat auch stat vnd er sol dem glauber die habe wider geben / vnd würt die eygenschafft verloren / vnd also würt der glauber herr / doch ist ein vnderscheidt hie in(n) / die sůch in Rofredo da er schreybt über diß Constitutz.

ff. de vi et via r. ide(m) est. §. vn(de) vi. Item der / der die eyge(n)schafft hat / treybt er vß dem besitz den der allein den nutz hat / wan(n) er mag in vßtreben vß seim rechten das er hatt / vnnd auch vß dem natürlich(e)n besitz den er hat so er in hindert an seiner nutzung. Der der die eygenschafft hat / der sol die eygenschafft die er hat verliesen / vnnd soll dem der den nutz hat / fructuarius / den besitz wider geben.

ff. vti pos. si duo. Item treybt aber der fructuarius den der die eygenschafft hat vß seim besitz der fructuarius sol durch diß Constitutz gestrafft werden inn dem rechten das er hat / wann sie besitzen beid.

Item würt der fructuarius von eim ander außgetriben / er mag wider den selben clagen / vnd er soll im verdampt werden im wert des nutz / vsufructus in latein / vnd den besitz dar zů wider geben.

ff. si agervecti. vl‘ emphit. peta. l. j. ij. et. iij. et de rei ven. supficiario. et. l. p(re)tor. ff. de supfi. l. j. §. q(uo)d au(c)t. et. §. q(uo)d enim. et §. fi. Item wo der lehenherr den lehenman vßtreybt / vnd widerumb / dem vßgetriben gebürt dise clag / wan(n) sie besitzen vnd haben recht zů der habe / yegklicher in seim standt od(er) rechten. Vnd sollen also gestrafft werden / wo der herr den lehenman vßtreybt / er sol die eygenschafft verliesen / wo aber der lehenmann den herren vßtreybt / sol der lehenman sein gerechtigkeit verloren haben / vnnd sollen dar zů den besitz wider geben. Ob aber der sein hindersessen außtreyben mög mit eygem gewalt oder nit / vnnd ob er inn die peen diser Constitutz fall. Sůch in Martino Fauen(n). in der .xlviij. frag.

C. de dona. quisquis. Ite(m) als etlich casus seind / in dene(n) die eyge(n)schafft gebe(n) vn(d) transferiert würt / vn(d) auch in d(en) besitz on die übergebu(n)g d(er) habe / als so wir vns den nutz d(er) habe behalten.

C. de dona. quisquis. l. j. C. q(ue) res pig. obli. poss. cu(m) co(n)stet. ff. de le. iij. q(ue) cyrographum. Item so ich gib die brieff über die habe.

Item wo ich dir den grundt gebe / auff eim thurn / es ist eben als so du mitt dein füssen dar vff stündest.

Item so ich mich ein besitzer mach in deinem namen.

(240) Das QXIII Blat

ff. de acqui. pos. l. j. §. vlt. ff. de co(n)trahen. emp. clauibus. Item gib ich dir die schlüssel vorm weinkeller / oder de(n) gewelb da die kauffmanschafft innen leyt / oder ist. Dise all werden sie gefunden vff dem grundt vnd dauon vßgetriben / oder sie kom(m)en vnd sie werden nit yn oder zůgelassen / in gebürt dise clag / wann vß den yetzgenanten rechten so besitzen sie / vnd dise Constitution kompt nyemandt zů hilff / dann dem der besitzt / wan(n) wo ich ein habe hingib / vnd behalt mir den nutz der selben habe / es ist eben als ob ich dir den besitz übergeben het / vnd den nutz gehalten. Vnd das constituiere(n) macht eine(n) auch zů eim besitzer / doch also wo der besessen hat der sich ein besitzer hatt gemacht in deim namen / als lang biß das du selbs lyblich in besitz kommen magst / wann besitzt der selb nit / vn(d) das er tausent mal sprech / ich will in deim namen besitzen (et)c. er mag dich nymmen zů eim besitzer machen / wan(n) es ist ein regel im rechte(n) die spricht. ff. de reg. iur. nemo plus iuris. Es mag nyema(n)dt mer rechts in den andern transferieren giessen / dann er selbs het.

ff. d(e) acqui. re. dona. quauis. ff. de acqui. pos. iuste. Item merck / dz diß regel des rechten felet in disen casus. Nymwar / der richter der mag der habe besitz vnd eygenschafft transferieren / vnd hat doch selbs ir keins / aber das geschicht vß der ordenung des rechten vnd des richters offenlichen ampts willen / daru(m)b so transferiert er durch sein vrteyl den besitz / vnd auch die eygenschafft das noch mer ist.

Item dem rauber gebürt dise Constitutz auch / wo er von eim frembde(n) vß seim raubischen besitz getriben würt / ist er nit herr gewesen der vßtreyber er sol den besitz wider geben / vnd den wert der eygenschafft bezalen. Ist er aber vßgetriben von dem rechten herren / vnd besitzer. ff. de. vi ar. l. j. §. vi possi. Ist sollichs vßtreyben als bald frischer that geschehen / so gebürt dem rauber dise hilff nit / wan(n) im ist kein gewalt geschehen / wan(n) der recht besitzer hat sein besitz behalten / als du oben hast vom interdict vnde vi. von dem gewalt clärlicher (et)c. Treybt aber der herr den rauber nit als bald auß / sunder über etlich zeyt treybt er in auch erst vß mit gewalt / so gebürt dem rauber diß Constitution / vnnd verlüre der herr den besitz vnnd die eygenschafft.

Item hab ich geglaubt das ich in gůttem glauben besitz / vnd hab dich als du warlich hast den besitz gehabt vß getriben / wan(n) ich hab nitt gewißt das du den besitz gehabt hast / ich bin diser Constitutz schuldig / vff das das die matery vnd vrsach genommen werd den räubern / wann man sollichs zů ließ geen so würd d(er) weg gar weyt / durch den die peen diser Constitutz entpfolhen würde / wo sollich entschuldigung stat hett.

ff. de act. et obli. co(n)stitutionibus. Item dise Constitutz gebürt nit wider die erben / in sollicher form vnd peen als sie gebürt hat wider den der tödt ist / es were dann mit dem tödte(n) der krieg contestiert worden. ff. deposi. quod tumultus. Vmb das aber das on geworden oder verthon ist / seind pflichtig / vnd ob sollichs on ir schuld geschehen ist.

ff. de calum. in heredem

Item was du sunst frag hast die hieinnen nit steen / sůch inn Rofredo / der setzt dreyhundert vnd acht vnd fünfftzig frag über dise Constitutz.

Lex. Meminerint (et)c.

Aber Keyser Justinianus Constitutz ein die den gewalt strafft.

Es ist aber ein ander Constitutz gemacht worden von dem Keyser Justinianus / die auch viloe(n)tz gewalt strafft / vn(d) heißt in latein meminerint / vn(d) wil

(241) Der Erst Teyl

wie offt einer von eins rescripts wegen / oder von eins richters vrteyl wegen den besitz einer habe mit seim gewalt occupiert hat. C. vnde vi meminerint. In disem casus wirt gestrafft der der occupiert oder vßgetriben hat / wan(n) er můß den besitz wider geben / vnd das recht das er hat sol er verliesen / vnnd das ist die vrsach warumb das sey / das die clage schmehe iniuriarum in latein / daher nit kom(m)en da die recht her kom(m)en / vnd darnach spricht die selb Constitutz / wo tutores seu curatores / das sein vormundt sollichs thůn / auff das / das sie die waisen oder die andern die noch nit zů iren tagen bom(m)en schedigen / ist gesatzt das sie den besitz wider solle(n) geben / vnd vmb die missethat / der vormundt habe all gemeyn geurteylt werden. publicatis omnibus bonis perpetuo deportabuntur. vnd sollen ewigklich vertriben werden. In diser Constitutz gebürt sich.

Rescript. Am ersten das einer ein Rescript / das ist Keyserlich oder Bäpstlich brieffe vßbringe / oder erwerbe / oder ein vrteyl vom richter behalt.

Am andern das er von seim eygen gewalt die habe occupiert.

Am dritten das der beclagt werde.

Also magstu formieren dein clage.

Herr richter ich clag eüch von .R. der nach dem vnd er ein Keyserlich rescript erworben hat / oder nach dem vnd er ein sollich vrteyl von dem richter behalten hat / so hat er sich der habe .N. mit seim eygen gewalt vnderwunde(n) vn(d) occupiert / oder sag sunst die form des rescripts oder des vrteyls. Bitt (et)c. erkennen das er mir den besitz sol wider geben / vnd dar zů all sein gerechtigkeit verlorn haben die er gehabt hat / oder im gebürt hat / oder das der all gerechtigkeit sol verlorn haben die er mit de(m) vrteyl behalten hat / vnd das mir das selb recht zůgeurteylt werd durch eüch / das bitt ich. Wiltu aber clagen wider den vormundt / so behalt diß form des merer teyls / vnd magst also sprechen.

Herr richter ich clag eüch von .R. der .N. vormundt ist / der hat von eins rescripts oder vrteyls wegen (et)c. die habe .N. die ich besessen hab occupiert / oder in sein eyge(n) gewalt bracht / darumb das er dem / des vormundt er ist / den weg zů kriegen verschlüge / oder wie du sunst sollichs zů teütsch wilt machen. copia(m) iurgandi adimeret. Bitt (et)c. erkennen das er mir den besitz der genanten habe sol wider geben / vnd das er ewigklich vertriben sol werden / vnnd all sein habe gemeyn geurteylt sol werden / oder gemeyn sol sein.

Item ob die vormundt mit den zweyen penen sollen gestrafft werden / sůch in Rofredo / da er schreybt über diß Co(n)stitutz / alda vindestu vil schwerer frag vnd wie er die all mit diser Constitution declariert.

ff. de fideico(m)mis. liber. l. neqs infa(n)tes (et)c. in decretis xvj. q. vj. si ep(re)m. Item vß diser vnd der vorgeschriben Constitution solt du mercke(n) / das die missethat culpa in lateind es vormunds vnd des prelaten / oder des der belehet ist / sol dem des vormundt er gewesen ist / oder der kirchen vnd der pfrůnd / nit schaden noch schaden bringen.

Ite(m) vß diser co(n)stitution hastu dz ein yegklicher mag erke(n)nen vm(b) den besitz.

Lex. Si quando.

Aber des selben Keysers Constitutz ein die gewalt strafft.

Si quando. Als die zwo obgeschribenn Constitutz straffen den der gewalt

(242) Das QXIIII Blat

getriben hat / deßgleychen würt mit diser Constitutio auch gestrafft / vnd darumb das diß Constitutio nütz ist / so wil ich sie in latein setzen eins teyls.

C. vnde vi si q(ui)n. Si quando vis erit patefacta in iudicio. deinde super rebus arreptis vel inuasis / vel damno tempore impetus dato / questio proponatur. Si non potuit qui vim sustinuit que perdidit singula co(n)probare. manifestat suo sacramento estimantionem rerum quas perdidit. taxatione a iudic facta pro qualitate personarum et negocij. Nec ei licet vltra taxationem a iudice factam iurare. et quod huius modi iureiurando fuerit declaratu(m) a iudice. oportet condemnare illum violentum. Wann der gewalt geoffenbart würt im recht(e)n vnd dar zů gefordert wird die yngenom(m)en od(er) occupiert habe / vn(d) ob der schad des gewalts halben geschehen vnd gelitten ist / wo der der den gewalt gelitten hat / oder de(n) geschehen ist mit gewalt yegklichs das er verlorn hat / in sunderheit nit beweysen mag / er sol mit seim eyd den wert d(er) habe die er verlorn hat offenbarn / doch sol solcher wert vor dem richter nach gelegenheit oder wesen der person vnnd des handels geschätzt werden / vnd im zympt nit über die schatzung des richters zů schwören / vnnd was also mit dem selben schwören oder eyd declariert vnd bewisen würt můß der richter den der violentz vn(d) gewalt gethon hat condemnieren vnd verdamnen vond es gewalts wege(n). Diß wort gewalt solt du versteen von dem vßtreybenden vn(d) auch von dem hinnemenden gewalt. ff. de do. arbitraria. Es spricht Rofredus der doctor das dise Constitutz sol auch verstanden werden vo(n) de(m) zwingende(n) gewalt / vo(n) de(n) du oben hast / vn(d) auch vo(n) de(n) betrübenden gewalt / vo(n) de(n) du oben hast im interdict q(uo)d vi aut cla(n) / wan(n) wo gewalt geschicht spricht der selb doctor so mag der clager sein schaden mit dem eyd beweysen.

ff. de in li. iur. l. j. Item interesse singulare was das ist sůch oben / würt bewisen mitt des clagers eyd vmb des argenlist willen des widersachen oder wider parthey. ff. de rei ven. qui restituere. Vnd wo viole(n)tz vn(d) gewalt geschicht / da geschicht auch argerlist vn(d) vntreüwe. ff. q(uo)d. ca(n). si cu(m) excep. §. metu. ff. vi bo. rap. p(re)tor. §. doli. Der schad würd dan(n) geoffenbart durch zeüge(n) od(er) durch dz beke(n)nen des beclagten.

Item du solt nit glauben wann einer spricht er sey beraubt / oder im sey gewalt geschehen / das man im vff sein eyd glauben sol das er beraubt sey oder gewalt gelitten hab / sunder er sol sein clag wider den rauber oder den der gewalt gethon hat in gericht fürbringen / vnd würt er dan(n) leucken / so sol geschworen werden von beiden partheyen de calumnia / vnd darnach sol der clager beweysen / vnd so die zeügknüß geoffenbart würt / hat er dan(n) mit den zeügen den gewalt bewisen oder violentz / so würt der gewalt geoffenbart im rechten oder vo(n) richter / der richter sey ordenlich richter / oder delegatus erworb(e)n / der clager sol mit seim eyd den wert der habe die er verloren hat offenbarn / doch sol sollicher wert vor vom richter nach gelegenheit oder wesenn der person halb vnnd des handels geschätzt werden.

Eyd des der gewalt gelitte(n) hat. Nota also sol er schwören. Ich schwör bey gott vnd all sein heiligen / das ich zů der zeyt des gewalts / oder da er mir das thet. inuasionis. verloren hab so vil vnd schätz sollich habe vnd die selben habe weren so vil wert / vnnd der eyd soll erst geschehen so die zeügknüß geoffenbart würt.

Item darumb hat der Keyser alhie gesatzt / das der richter schätzen sol das nyemandt überschwencklich schwöre / oder zů vil on ende das in infinitu(m) heißt

(243) Der Erst Teyl

wann sollichs on end ist verbotten im rechten. ff. de dam. infec. qui bona. §. fi. Vnd darumb ist die schatzu(n)g des richters erfunden. Er sol am ersten schätzen / vnnd darnach sol er heissen schwören. vt in aute(m). de iudi. coll‘. vj. Vnd sol im schätzen ansehen das wesen d(er) person vnd des handels wan(n) wolt ein armer spreche(n) er het habe verlorn die tausent pfundt wert wern.

Item sprech er er wer auß einem hauß getriben oder gestossenn worden das clein were / vnnd er het tausent füderig vaß darinn gehabt / so kaum hundert dar yn möchten geen.

Item wolt er sprechen im wert tausent gulden wert schaden im wein garten geschehen / vnd der weingart wer kaum eins gulden wert / der richter sol in nit hören / sunder er sol mercken das wesen od(er) gelegenheit d(er) person vn(d) des ha(n)dels.

Item diser eyd würt nit genommen anstatt der beweysung / wan(n) also wer er anclager vnnd zeüg / das wöllen die recht nit. Sunder das geschicht dem der gewalt gethon hat zů neyd vnd haß / vnd zů gunst des der beraubt ist / vnd was also mit dem eyde geschworen würt / in so vil můß der richter den der gewalt gethon hat verdamnen.

insti. d(e) obli. que ex delic. nas. §. si filiusfamilias. Merck wo das der richter nit thůt / so sol er so vil des seinen geben / wan(n) die weyl er geschworen hat so můß der richter den gewalt thäter verdamnen / anders er macht den krieg sein eygen.

Lex cum querebatur.

Aber des Keysers Justinianus Constitutz ein / die gewalt strafft.

C. vnde vi. l. vlt. Item es ist ein ander Constitutz die auch strafft die die gewalt thůn / vnnd heißt conquerebatur / die hat stat wider die / die den lären besitz / oder die in abwesen seind / on rechtlich vrteyl in(n)halten / doch das der gewalt hinnemend sey / der selb freuenlich occupierer der ist pflichtig als ein rauber / wiewol er kein gewalt gethon hat / wann er solt wol wissen das die habe nit sein were / vnnd ob er wol nit gewißt hat weß sie ist / vnd würt mitt der peen oben gestrafft / als du in der Constitutz. si quis in tantum. hast / nit durch die selben Constitutz / wann die selb strafft die / die violentz gethon haben / sunder allein durch diß Constitutz des raubs oder diebstals. In der gleych die selb peen gesatzt ist. Diß Constitutz hat Justinianus gemacht der Keyser.

Lex non ab re.

Des Keysers Zeno Constitutz.

C. loca. co(n)ducto res alienas. res. et. C. vnde vi no(n) ab re. Item es ist aber ein ander Constitutz die strafft ein yegklichen der in frembdem namen ein habe innen helt / wann der herr die habe rechtlich von im vordert vn(d) geyt sie im nit wid(er) / sunder er verhart im krieg biß das dz endtlich vrteyl geben würt / als dann sol er gezwungen werden die bestanden / oder hingelühen / oder entlehet habe wider zů geb(e)n / vnd dar zů ws die selb habe wert ist sol er auch dem herren bezalten. Diß Constitutz hat Keyser Zeno gemacht.

Lex constiterit.

Des Keysers Constantinus Constitutz.

C. fi. regundo. constiterit. Item es ist aber ein ander Constitutz / die strafft den der mitt dem anndern hat gekriegt vmb die end seiner ligende gütter / vnd ee die sach im rechten

(244) Das QXV Blat

vßgesproche(n) ist / so occupiert er die habe des grunds die er gefordert hat / die clag sol er verliesen / vnnd als vil als er des grunds occupiert hat / so vil sol er seins grunds seim nach gebaurn wider geben. Diß Constitutz hat der Keyser Constantinus gemacht. Vnd magst also formieren dein clage.

Herr richter ich clag eüch vo(n) .R. als er mich beclagt hat vor eüch vmb zwo fürch ackers alda gelegen (et)c. nun hat er ee dann das endtlich vrteyl gebenn ist so vil .N. des selb(e)n grunds occupiert / oder er hat mich mit seim eygen gewalt von dem besitz getribenn (et)c. Bitt (et)c. erkennen das er sein clag verloren sol haben die er wider mich vor eüch gefürt hat / vnnd als vil vnd er des ackers oder wissen occupiert hat sol er mir wider geben / vnnd so vil des sein ackers dar zů / vnd das ers thů / zwingt in dar zů mit zymlichen penen.

Honorius vnd Theodosius beid keyser haben gemacht diß Constitutz.

Juden oder beiden berauben. C. de co(m)mer. et merca. l. ij. Item diß Constitutz habe(n) gemacht die zwen Keyser Honorius vnd Theodosius / vnd straffet die Christen die da die Juden vnd die Heiden beraube(n) wann wo die Christen sie irer habe beraubenn / so sollen sie inen die habe zwyfach wider geben / vnd die landtrichter die sollichs nit straffen vnd rechen / sunder sollichs raubes zůsehent / die sollen eben gestrafft werden als ob sie sollichs selbs gethon hette(n) / das ist billich / wan(n) der richter der offenlich nit strafft / der bedeckt die sünde.

lxxx. dis. c. nemo. Item der irsal de(n) nit widerstanden würt approbiert / vnd die warheit so die nit beschirmbt würt / würt vndergetruckt / vnd d(er) würt gesehen als ob ers günne / so er wol mag straffen vnd betrüben die vn gehorsamen oder widerwertige(n) vnnd er ist seumig / vnnd der geyt sein willen in vngerechtigkeit / so er wol sollichs mag wenden vnd nit thůt.

Aber zwo Constitutz keyser Justiniani.

Selbs pfenden oder vaben. in auten. vt non fiant pignorationes in coll‘. v. Item im bůch Autenticorum das der Keyser Justinianus hat gemacht / steet das der glauber so er eins nympt für das annder zů pfandt / als so das etlich vnn zymliche ding geschehen in den Contracten / als ist es das du mir nit gnügen thůst biß vff den tag (et)c. so mag ich dein volck vahen vnd angreyffen / oder ir habe nemen / sollichs verbeüt diß Constitutz das sollichs nit geschehe / vnd wann der glauber sollichs thůt / so sol er von seiner clag fallen / vnnd dar zů vierfach verdampt werden.

Ein freyen menschen zu pfandt nemen. vt i(n) aute(m). vt nulli iudicum. §. qs au(c)t. coll‘. ix. In dem selben bůch steet auch ein ander Constitutz die strafft den glauber der ein freyen menschen zů pfanndt nympt vmb schuld / wann er verleürt sein schulde / vnd můß so vil vnnd der schad gewesen ist dem den er zů pfandt gehalten hat geben / oder seim vatter.

Item über diß Constitutiones alle schreybt Rofredus der doctor / darumb was du hie nit vindest sůch in dem selben bůch.

Item ein annder Constitutz ist gemacht in der der herr versehen würt des bauwman / haußgenoß / procurator / oder eygen mensch / oder ein sollicher der de(n) herrn mit künstigkeit oder arglistigklich den besitz verleürt / das sollich

X

(245) Der Ander Teyl

boßheit dem herren schaden bringen sol / vnnd setzt fürbaß wie die selben gestrafft sollen werden / seind sie frey vnd haben dar zů zů verlieren.

Item im rechten steet geschriben das nyemandt durch den andern sol zů bösem wesen gezogen werden.

ff. de transac. im peratores. Item es sol auch durch eins andern thate der anndern gerechtigkeit nit geschedigt werden.

ff. de noxa. actio. electio. §. sed absente. et. §. seq(ue)n. Item es sol auch des andern boßheit oder argerlist dem andern nit schaden.

ff. ad senatusconsul. trebel. quida(m) §. si q(ui)s filium. Item es sol auch die that eins andenr nyeman schaden zůfügen.

Hie nach volge(n)t die Titel des Andern Teyls.

(Abbild einer Gerichtsverhandlung)

De accusationibus: inquisitionibus: et quotiens cirmina in modum exceptionum opponuntur.

Von dem verclagen / vmb die übelthat erfarn / vnd wie offt die missethat / oder übelthat in exception weyß opponiert vn(d) fürgeworffen möge(n) werden.

(246) Das QXVI Blat

ALs ich nach meiner verstentnüß oben vo(n) den clagen vmb die habe mit der hilff gots gesetzt hab / also wil ich dir hier in(n) in disem teyl auch sage(n). Denunciare. Am ersten wie man vmb die sünd verclagen sol / auch wie vnd wann der richter von ampts wegen vmb die missethat erfarn / vnd die sünd straffen möge / vnnd wie man dem richter die sünd verkünden mag / das er die straff / in latein Denunciare / vnd auch von den exception wie vn(d) wie offt die sünder in exception weyß opponiert mög werden / vnd sich einer damit mag wören / wann wo an großschad leyt / da sol man auch grosse sorg vnd hilff habe(n) vnd thůn. ff. d(e) carboniano edicto. l. j. Daru(m)b sollen wir am ersten sehen vnd erfaren wer die seind die verclagen mögen.

Accusare. Das wort verclagen nym ich so einer ein vmb sein sünd vnnd übelthat fürnympt / vnd bitt den richter das er den selben straff. Aber das wort clagen ist / so einer vmb habe clagt vorm richter. ff. de test. l. j. et d(e) peur. l. mutus. §. cu(m) q(ue)ritur. et. d(e) postu. l. j. In disem wort verclagen ist gebenn ein gemeyn regel / das ein yegklicher mög accusieren verclagen / es sey im dan(n) vo(n) rechten verbotten / das ist man vinde dann sollichs im rechten geschriben das im sollichs verbotten sey / diß gemächt edictum in latein ist verbiettend / vnnd darumb ist es eim yegklichen erlaubt de(n) es im rechten nit verbotten ist / als das gemächt vnd edict von den zeügen vnd von den procuratoribus vnd den aduocaten. ff. ex. q(ue). cau. ma. l. nec no(n). ff. de p(ro)ba ab e aparte. Vnd dz ist die vrsach / wan(n) alle ding seind vns vom rechten erlaubt man vindt dann im rechten das vns verbotten sey. Wann wir wissen wölche nit verclagen mögen / so sehen wir das die andern all verclagen mög(e)n. ff. de accu. qui accusare. Vnd darum(b) in dem rechtbůch Codex genant ist diß rubrica also gesatzt wölche nit verclagen mögen per totum (et)c. Qui accusare non possunt. insti. d(e) obli. q(ue) ex q(ua)si p(re)tac. nas. §. igitur. Wan(n) in den widerwertigen dingen ist diß regel / wann eins vnder den widerwertigen ist bewisen worden / so ist in nachuolgung gezogen / das das ander auch bewisen sey was nit offenbar ist.

ff. de excep. rei iudi. l. si i(n)ter me et te. ff. de procur. pomp. Item erken(n)t der richter das die habe mein sey / in nachuolgung würt auch erken(n)t das sie dein nit sey. Aber nit herwiderumb / wo erkant würde das die habe nitt mein were / das darumb in nachuolgung erkant würde das sie dein sey dann die habe mag weder dein noch mein sein.

Qui propter sexum accusare no(n) possunt.

Wer die seind die nit verclagen mögen / vnd das vmb der schame des geschlechts / als die frawen.

ff. d(e) accu. q(ue) accusare. ij. q. j. probibent. C. de arbi. l. vlti. ff. de iudi. cu(m) p(re)tor. ff. d(e) procur. feminas. C. c. alienam. Am ersten sollen wir sehen vnnd mercken von den personen die verclagen mögen / auch die verclagt mögen werde(n). Nymwar am erst(e)n vmb der scham willen würt der frauwen verbotten das sie nit verclagen sol / sie mag auch nit wilkürt richter sein / auch nit ordenlicher richter / auch nit procurator / dann in casu / vnd darumb das die frawen sich nit vnerlich in die samnung der man(n) kommen vnd halten oder vndermischen. C. qu(e) muli. tut. offi. sun. po. l. j. ij. et vlti. Sie mag auch nit vormundt sein on allein irer kinde.

Item diß felet in sechs casus. Nymwar / die fraw mag verclagen / vß dem rechten genant cornelia de falsis / von falschen / von dem du hernach clärlichen würst haben.

Item das falsch Testament des vatters oder der můtter.

Am dritten sie mag verclagen wo sie oder die iren in schmacheit durchächt

X ij

(247) Der Ander Teyl

weren / vnnd wer die iren seind hast du. ff. de accu. l. ij. et. C. qui accu. non pos. vtor. Aber das ist gemeyn allen denen den verbotten ist zů verclagen.

ff. de accu. l. si tamen omnes. vt. ff. ad. l. iuli. de anno. l. vlti. et de accu. l. muliere(m). Am vierden so sie will verclage(n). l. iulia de annona. so verbotten ist das man das getreyd vß dem landt oder vß der statt nit füren sol / vnd das ist vmb gemeyns nutz willen / so die amptleüt die sollichs behütten sollen das dz getreyb nit verkaufft werd verbiette(n) / dz es als dan(n) nit verkaufft werd / od(er) so die amptleüt den burgern dz getreyd theürer verkauffen / die es baßfeyler solt(e)n zů kauff geben.

ff. ad. l. iul. maie. l. in q(ue)stionibus. Am fünfften die sünd crimen lese maiestatis / von der du auch hernach würst haben / mag die fraw auch verclagen.

insti. d(e) suspec. tu §. conseque(n)s. et ff. c. l. j. Am sechste(n) den verdachte(n) vn(d) arckwenige(n) vormu(n)dt mag sie auch verclage(n).

Am sybenden die symoney.

extra de simo. tanta. extra de diuor. c. de illa. Am achten die kätzerey. Vnd wann du die fraw nit magst clagen publico crimine. gemeyner sünd / also würt ir auch nit erlaubt ein gemeyn clage zů füren / es were dann das sie die sach selbs angieng.

ff. de popu. ac. l. mulieri. Ite(m) merck die sünd / etlich heissen priuata sunderlich / etlich publica gemeyn. priuata crimina. Die sunderlichen sünd seind der durch achtu(n)g / verclagung vnd verkündung allein / dene gebürt wider die die sündt geschehen ist / als diebstall / schaden gethon / vnd schmacheit. publica crimina. Die gemeyn sünd seind der durch ächtung vnd verclagung die eim yegklichen vnderm volckgebürt / wan(n) es ist gemeyner nutz das sie sündt nit vngestrafft sollen bleybe(n) / als seind todtschleg / eebrechung / symoney / kätzerey / vnd ander vil / von denen du hast.

Wölche nit verclage(n) möge(n) vo(n) irs alters wege(n).

ff. d(e) accu. q(ue) accusare. ij. q. j. probibentur. Item es würt das verclagen etlichem verbotten von seins alters oder iuge(n)t wegen / als dem pupillo / das ist der der noch nit .xiiij. iar alt ist / vel impuberi das ist der der noch nit har an seiner scham hat. C. de fal. monc. l. j. §. viduas au(c)t. Vnd das ist die vrsach / wan(n) das selb alter weißt nit was es thůt.

ff. de iureiuran. qui iurasse. ar. ff. de accu. l. ij. §. vlti. Item man versich sich nit das die selben betriege(n) künden. On in zwen casus / wan(n) er seines vatters testament od(er) anherrn todt durchächt od(er) aber verclagt vo(n) falsche(n) wid(er) seins vatters testame(n)t / vn(d) als dan(n) sol er sollichs thůn mit seins vormu(n)ds gewalt / es sol auch d(er) selb waise als da(n) des arge(n)list vähig sein.

Popularis. ff. de accu. popu. m(u)lieri (et)c. pupillo. Item es sol auch der waise kein gemeyn clag clagen / in latein Popularis / sie gee dann in selber an.

C. de auc. p(re)stan. clarum. Item der der pubes ist / das ist der d(er) über die viertzehen iar alt ist / der mag verclagen / aber das sol geschehen mit seins vormunds gewalt. ff. nd. l. iuli. de adulte. si marito §. lex iulia. Er wolt dan(n) verclagen daru(m)b das im sein eeweyb geschwecht wer worden / das selb eebrechten mag er wol verclagen. Vnd wann er durchächt sein schmacheit.

ff. d(e) test. testame(n)to. et. l. testium. Item minor der nit zů seinen tagen kommen ist / mag nit zeüg sein in causa criminali / so man ein verclagt vmb die sünd / darumb das sein rat selig ist. Aber in einer clag vmb die habe so mag einer zeüg sein / so er über viertzehenn iar ist / wann es steet nyendert im rechten verbotten.

Item du möchst sprech(e)n / was vrsach ist das dz der noch nit .xxv. iar alt ist würt vffgenom(m)en vom richter od(er) der parthey zů verclagen / vnd nit zů zeügknüß geben / oder zů eim zeüge(n) in eine verclagu(n)g. R(e)n. ff. de acqui. poss. q(ui)squis. §. infans et in predicta. l. clarum. Was im verclage(n) de(n) d(er) zů iung ist gebricht von des alters oder iugent willen / das würt erfült durch

(248) Das QXVII Blat

den gewalt seins vormunds. So aber der selb iung zeügknüß geyt / so geyt ers allein / wann ein yegklicher zeüg sol allein gehört werden.

Qui p(re)ter delictu(m) acculare non possunt.

C. d(e) testi. nullu(m). §. sed omnes. Die nit verclagen mögen von irer übelthat wegen.

ff. d(e) accu. q(ue) accusare. ij. q. c. prohibentur. Item es würt auch verbotten das verclagen vmb der sündt vnd missethat willen / als die erlosenn. On in fünff casus / wo sie ir vnnd den iren schmacheit durchächten. Vnd auch in der sünd crimen lese maiestatis. ff. de accu. l. si t(a)n. omnes. Vnd auch vmb die symoney. Auch in kätzerey / wann die selb schmacheit geet gott heim / oder rüret die gottheit.

c. ti. l. nullus. extra de symo. c. tanta. Item in der sünd so das getreyd vntreüwlich empfrembdt ist / in latein frau date annone. Wölcher aber Erloß sey / hast du. xvij. q. iij. sicut qui ecclesia(m). ff. d(e) acc. muliere(m). ff. de his q(ue) infa. no. per totum. Sie seind erloß von rechts wegen / oder von der that wege(n) oder durch das vrteyl / als du sollich exempla daselbs vindest / doch seind etliche d(er) selben recht durch dz geistlich recht gestrafft.

C. ex qui. cau. alicui infa. irro. Item wölche aber de facto infames seind / die werden nit vom verclage(n) vertriben / vnd wer die selben seind sůch in Azone. Vnd in Rofredo in disem Titel / vnd wann vnd wo in sollichs schadt.

Qui p(re)ter turpe lucru(m) accusare no(n) possunt.

Die nit verclagen mögen vmb schentlichs genyeß willen.

ff. d(e) accu q(ue) accusare. et. n. q. j. c. p(re)bibentur. Item es würt auch verbotten das verclagenn denen die sollichs thůn vmb schentlichen genyeß vnd nutz / als wo einer gelt nympt das er verclaget. Vnd ob einer dann zwen mögen verclagen sie hetten dann im schmacheit gethon / sůch in Rofredo in disem Titel.

C. de libera causa. si liberu(m). Item es werden auch vertriben vom verclagen die / die gesellen seind / vnd teyl an der sünd haben. Als sie auch nit zeügen mögen sein.

C. d(e) test. q(ue) liberi extra de accus. si legitimus. iij. q. vij. qui sine. Item ein sündiger mag den anndern sünder nit verclagen. Dann der / der ein balcken tregt / der mag kein ageln vß seins brůders augen thůn. c. §. porro. vj. q. vlti. c. vlti. Vnd darumb wölcher den andern wil verclagen / der sol eines gůten leümůts sein / anders er würt vom verclage(n) vertribe(n) / vn(d) d(er) verclagt wirt absoluiert vo(m) gericht.

ff. ad turpil. l. j. §. si q(ui)s aute(m). Item es werde(n) vertribe(n) die / die ein mal vom verclagen haben gelassen.

ff. de accus. si cui. Ite(m) der / d(er) ein mal fälschlich od(er) lugentlich in latein calu(m)niose verclagt hat.

ff. de accu. alij. Item etlich darum(b) das sie verdacht sein das sie mit lugen verclagen oder fälschlich als die die vnderwisen sein worden / vnd hab(e)n falsch zeügknüß gebe(n). Dise alle werden zůgelassen / wann sie ir oder der iren schmacheit durchächte(n) vnd in crimine lese maiestatis als du oben hast.

Qui propter inopia(m) accusare no(n) possunt.

Die nit verclagen mögen vmb irer armůt willen.

C. d(e) accu. no(n)nulli ij. q. j. p(re)bibent. insti. de ex cu(m). tu. Item es werden etlich vom verclagen vertriben vmb armůt willenn / als wölcher nit fünfftzig gulden wert hat. Als sie auch nit vormundt seind / wan(n) sie anders vngetreüw sein. Pauptas nocet. ff. de pen(a). quotiens. §. vlti. Also merck / das alhie schadt armůt vnd auch anderßwo / so würt einer gegeiselt / vnd am leyb gestrafft / so er nitt das gelt zů bezalen hat / darumb er dann mit vrteyl verdampt ist. in aute(m). de eccle. titu. coll‘. ir. §. si q(ui)s q(ue)vnu(m) sa(n)ctoris. Aber vnderweylen ist armůt nütz als sollichs du in vil rechten vindest / vnd besunder. Da spricht das

X iij

(249) Der Ander Teyl

weltlich recht / wo einer ein heiligen zů einem erben setzt / oder im etwas schafft vnd nen(n)t nit nemlichen in wölcher kirchen / vn(d) ist das / dz an de(n) selben end od(er) in der selben statt zwo kirchen oder gotzheüser seind in der ere des selben heiligen / so sol man es der kirchen geben die die ärmest ist.

Qui p(re)ter reuerentia(m) p(er)sone accusare no(n) pu(n)t.

Die nit verclagen mögen vmb des wesens vnd reuerentz willen der person.

ff. d(e) accu. q(ui) accusare. i(n) fi. ij. q. j. p(re)bibentur. Item etlich werden vertriben vom verclagen / vmb des wesens vnnd reuerentz willen der person / als liberti die eygen gewesen seind vn(d) frey gesagt seind worden / die kindt / die die geistliche lehen haben wider ir kirchen / auch die weltlich lehen haben wider ir lehenhern / eygen menschen vnnd das haußgesinde. Vnd das ist daru(m)b / wan(n) den kinden vnd den frey gesagten / sollen irs vatters vnd patrons persone heilig vnd erwirdig sein. ff. de obse. a libe. et liber pa. l. honori. Vnnd ist von freygesagten ein ander vrsach / wann also gewunne der patron vmb sein gůtheit malefitz vnd schaden / das doch nit sein sol / wann er hat in darumb nit freygesagt das er in hinfür für ein widersachen haben wöll. C. d(e) obse. pa. prestan. si manumissori. Von dem eygen menschen ist die vrsach / wann er mag nit in gericht steen.

ff. q(ue) testa. fa. pos. q(ue) testa. §. seruo. Item er würt auch geschätzt als ob er todt sey.

C. qui. accu. non possunt. si quis et. l. vlti. Item sie werden nit allein vertribe(n) / sunder wo die eygen menschen / die frey gesagten / vnd das haußgesindt familiares in latein / die selben wöllen verclagen / sollen sie gestrafft werden / vltimo supplicio / das ist mit dem todt.

C. qui accu. non pu(n)t. p(re)t. iu(n)dias. Item diß all on die eygen menschen / sollen gehört werden / wan(n) sie ire / oder der iren schmacheit durchächtung sůchen.

C. q(ue) accu. no(n) pos. l. si sorore(n). Item ein brůder mag den andern nit verclagen / noch ein schwester die andern / sie durchächten dan(n) ir eygen schmacheit / vnd auch nur vmb leycht vnd clein sünde / anders sie sollen verwisen werden in das ellendt.

Item wir neme(n) dz vß / die sünd der kätzerey / vnd lese maiestatis / als oben.

Qui publico crimine da(m)nati accusare no(n) pu(n)t.

Die nit verclagen mögen darumb das sie von gemeyner übelthat vnd malefitz wege(n) verdampt seind.

Item vertriben werden vom verclagen die / die von gemeyner sünd wegen verdampt seind.

Lucta(n)tes cum bestijs in arena. Item die / die vmb fechtens vnnd streytes willen mitt den thieren gesandt seind vff den sandt.

Item die / die schentlich kunst treyben / vnd auch die / die gelt nemen / vnnd frawen zů vnkeüscheit halten vnd leyhen.

ff. de accu. is qui iudicio. Item der / der erken(n)t ist worden das er etwas bößlich in einer offen gemeyne(n) verclagung gethon hab.

ff. de publi. iudi. qui reus. Item wölcher vmb einer gemeynen sünd willenn verclagt ist worden / der mag weder den der in verclagt hat / noch keinen andern verclagen. vt in p(re)dictis. l. q(ue) iudicio publico. et. l. nega(n)da. C. q(ue) accu. no(n) p(e)nt. Vnd das ist die vrsach / wann sie sollen sich vormals reinigen vnd entschuldigen / ee sie die andern verclagen / wann die verclagten sollen sich mit vnschuld reinigen vnd nit mit ander leüt sünd / vnd das verstee / es were dan(n) das sie durchächt(e)n

(250) Das QXVIII Blat

ire /oder der iren schmacheit / als dan(n) so sie verclagt werden / so mögen sie auch verclagen die / die sie verclagen / es sey der krieg contestiert oder nit / die sünd sey grösser / cleiner / oder aber gleych.

Laicus clericum non accusat.

Die vom verclagen werden auch abgetriben vß andern vrsachen.

d(e) accu. cu(m). p. ma(c)conella. extra detesti. de cetero crimi(n)a excepta. Item vertriben werden etlich vom verclagen vß andern vrsachen. Nymwar / ein leye mag kein geistlichen verclagen.

Item das felet in den außgenom(m)en sünden / als crimen lese maiestatis / der sünd des kempffens / per duellum / die sünd der kätzerey / symoney / sacrilegij / da etwas heiligs oder gewychts gestole(n) würt / fraudati census / dise missethat würt volbracht so einer gemeyn gelt stilt das im empfolhen ist gewesen / vel anone / so das getreyd über das verbietten empfrembdet würt / etlich sagen das vmb die sünd ein yegklicher ley / er sey erloß oder nit / sündig oder nit / mag verclagen on all exception.

Item du solt wissen das keinerley vsserhalb diser sünd mag kein geistlich(e)n verclage(n) noch wider yn in verclagung zeügknüß geben / on in der verclagung d(er) symoney. In disen stücken würt ein yegklicher ley zůgelassen zů zeügen vnd verclagen / doch also conspiratores vnd tödtlich feyndt / werden nym(m)er zů verclagen zůgelassen / weder wider geistlich noch weltlich.

Repelluntur ab accusatione inimici (et)c.

Die nit verclagen mögen daurmb das sie eins feyndt seind.

extra de accu. repellunt. et. c. cus oporteat. iij. q. v. accusatores. et. c. accusationib. Item es werden vertriben vom verclagen die / die eins feindt seind / vnd die die bey den feynden wonen des der verclag ist. Alda steet geschriben / den verclagern die feynd seind / oder auß des feynds hauß geen / oder bey den feynden wonen / oder die arckwenig vnnd verdacht seind / den solt ir nit glauben / vmb des willen ob sie zornig weren / vnnd wollten vnd begerten zů schedigen / vnnd wolten sich also leychtliche(n) rechen / vn(d) fürter im capitel. Suspecti. vt. c. ti. c. accusatores. et. c. canonica. Suspectis / steet auch geschriben die verdachten feynde / od(er) die / die leychtigklich kriegen / oder die die böß wesens seind / od(er) die der leben zů verclagen were / od(er) die / die den rechte(n) gelauben nit halten oder leren / sollen vnd mögen nyemandt verclage(n) / noch wider nyemandt gezeügen sein / das haben die zwölffbotten verbotten / vn(d) im capitel Canonica / da steet diß auch geschriben / vnd fürbaß das die / die man nit weißt ob sie frey seind / vnd auch so mag kein frembder der farend ist verclagen er mag auch nit zeüg sein.

Criminosi varij.

vt. c. ca(n). §. constituimus. Item die werden vom verclagen vertribe(n) / man schlechtige / zauberer / dieb / sacrilegi / die an geweychten stetten stelen / rauber / eebrecher / venefici / die arckwenigen oder verdachten / die sündigenn / die die im hauß wonen / domestici in latein / die meyneydigen / vnd die / die frawen oder iunckfrawe(n) mit gewalt rauben über iren willen / doch sollens nit gemeyn frawen sein / vnd die / die falsch zeügknüß geben haben / vnnd die / die zů den raubern lauffen vnnd rat bey in sůchen / der sol man auch kein zů zeügen nehmen.

X iiij

(251) Der Ander Teyl

Item der würt vertribenn der zů vil ablässig ist / das ist der / der sich leychtlich erbittenn laßt / auch der sündig ist / criminosus in latein / auch der / der leychtlich kriegt / der haderig ist / oder der / der von eins frawenbilds wegen zů gehört oder verwandt ist / affinis in latein.

Item kein eygner mensch / keiner der frey gesagt ist / kein vnglaubiger / keiner der selb mit laster beladen ist.

vt. c. ca(n). c. si. sise. Item der der sich schwörens fleyßt.

vt. c. ca(n). c. beatus. Item kein abtrinniger apostata / sol nit verclagen / auch nit zeügknüß gebe(n) wider den der ein Christen ist.

ij. q. vij. ipsi apsi. de testi. c. fi. Merck / wölcher nit zeüg mag sein / d(er) mag auc nit verclage(n) / vn(d) wideru(m)b.

In wölchen casibus vnd puncten die obgeschriben zům verclagen zůgelassen werden.

Item wiewol die obgenanten vom verclagen vertriben werden / yedoch so werden sie in etlichen casus zůgelassen.

Am ersten wo sie ir oder der iren schmacheit durchächten.

Item in den vßgenom(m)en sünde(n) / als crimen lese maiestatis / kätzerey / symoney / fraudati census / vel annone / vnd sacrilegij / als du oben auch vindest.

Abolitio. Item du möchst fragen / würt die sünd durch Abolitione(m) vergeben / möcht der verclagt durch den verclager / oder durch ein andern wider / vmb die selbe sünd verclagt werden. R(e)n. Du solt am ersten merck(e)n / das das wort abolitio bedeüt / vnnd ist ein zerstörung oder vßleschung der verclagung / also das der verclager mag on schaden vom verclagen lassen / vnd diß abolitio zerstöru(n)g geschicht in drey wege.

Quomodo crimen aboletur. C. d(e) genera. aboli. d(a)n. corpe. (et)c. ff. ad senatusco(n)sul. turpil. si q(ui)srepetere. et. l. vl‘ obre(m). Am ersten allein durch den fürsten / vnd heißt ein gemeyn zerstörung oder vßleschung / generalis in latein / vnnd verleschet all verclagung gegen yederman / on allein gegen dem verclager nitt / der selb mag den verclagten wider verclagen innerhalb dreyssig tagen / anheben zů rechen vonn dem tag als die gemeyn abolitio vßgangen ist / vnd diß wider verclagu(n)g geschicht vom fürste(n) vmb vil vrsach / daru(m)b das im ein sun gebore(n) ist worde(n) / oder so er ein streyt behalen hat / oder so er sunst ein offenlich gemeyn friden oder freüd habe(n) wil / damit das sich yederman mitt im frewe / oder vmb sunst ander sachen willen (et)c. diß würt bewisen. vt. ff. i(n) p(re)dicto ti. l. si interuenie(n)te. Vnnd diß abolitio macht auch das der verclagernit felt in die peen turpiliani / von der du hinnnach würst haben.

ff. ad senatusconsul. trebel. et de aboli. l. j. §. abolitio. Die ander zerstörung oder vßleschung die heißt specialis / sunderlich / da d(er) verclager der zerstörung bit vom Fürsten / oder vom ordenlichen richter / vnd die zerstörung würt etwan geben / etwan nit / vnnd darumb so sol sollichs mit fleyß erfaren werden / vnd der richter sol sollichs selbs erfaren vnd keim and(er)n entpfelhen oder delegieren. Beid parthey sollen gegenwertig sein / als dann so die sach erfarn ist / so mag die zerstörung gegündt werden / also / ist es das der per calumniam fälschlich die verclagung gefürt vnd gethon hat / so sol die zerstörung nit gegündt werden / ist es aber durch irsal geschehen / hat dan(n) der verclagt die schmacheit des schlahens oder kerckers gelitten / so sol diß zerstörung on des verclagten willen nit gegündt werde(n) / hat er aber sollich schmacheit nit gelitten / so mag die zerstörung vnder dreyssig tagen gegündt werden / vn(d)

(252) Das QXIX Blat

darnach nit / wo aber ein freyer mensch vmb zeügknüß zů geben am leyb gepeiniget wer / sol aber die zerstörung nit gegünt werden.

C. ad. l. corn. l. d(e) fal. l. vbi. Item in etlichen sünden würt in keinen weg nach keiner zeyt dise sunderlich zerstörung gegünt / als in den nit allein der verclager / sunder auch dem verclagten gebürt beweysung zů thůn / als in crimine falsi / vmb falscherey. C. de aboli. fallaciter. et. l. penul. Vnd so die maiestat geschedigt ist / doer das landt bestritten oder gewunnen / verraten oder hingeben / oder so gemeyn gelt einer statt gestolen ist.

C. c. l. penul. Item wo der verclager hat gelt genom(m)en von dem verclagten / das er vom verclagen sol lassen / sol diß abolitio nit gegünt werden / es het dann der verclager sein freünd verclagt oder durchächt / aber sein / oder der sein schmacheit / so mag er wol gelt nemen vnnd darnach dauon lassen. Wann ye leychtlicher er sein od(er) der seinen schmacheit zůgelassen würt zů durchächten / als dester mer ist er auch ablaß wirdig. In dem andern casus vmb des willen das er die liebe seiner freünd behalt / würt im sollichs gegünt.

Item diß würckt dise sunnderlich zerstörung oder vßleschung / wann der / der diß zerstörung erbittet / der würt nit zůgelassen zů verclagen / aber wo ein ander wolt verclagen / der sol gehört werden.

ff. ad senatusconsul. turpil. q(ue) priuatim in prin. Item die drit abolitio zerstörung oder vßtilckung geschicht durch recht / so der verclager todt ist / oder der verclagt / oder so er sunst durch ein billich vrsach gehindert worde(n) ist / on sein schuldt / das er sein verclagen nit volende(n) möcht / vnd also seind zwey iar vergangen. C. si reus vel accusa. mor. fue. l. j. et. ij. l. defunctis. Als dann ist volendt die verclagung gegen dem verclager / yedoch ist der verclagt absoluiert / aber er mag dannocht von eim andern verclagt werden. ff. ad senatusconsul. turpil. si i(n)ter uenientem. Vnd also würt der verclagt vom verclage(r) gefreyet / so sollich zerstörung geschehen ist. Vnnd der verclager felt nit in die peen turpiliani.

Item merck / als nach diser zerstörung einer oder mer / mag der verclagt von eim andern wide verclagt werden / sollich verclagung sol geschehen vnder dreyssig tage(n) nach der zerstöru(n)g / vn(d) fürter sol keiner gehört werde(n). Ro. (et)c.

Item merck / wo ein verclagter würt absoluiert / so in einer verclagt hat / der mag von keinem mer verclagt werden. extra de accu. de his. et. ff. c. si cui. §. hijsdem. Vnd nit allein ist er durch ein vrteyl absoluiert worden / sunder im ist auch durch ein dis pensatz die sünd vergeben worden / wan(n) also spricht das recht. xxxiij. q. iij. c. si ill‘. Die sünd die ein mal vergeben seind / leyde(n) wir nit dz sie weyter geroche(n) werde(n) / vn(d) dz felt des vrteyls halb in zwen weg.

ff. de p(re)uari. l. iij. Am ersten wann man mag beweysen das der erst verclager bößlich sich überwinden hat lassen / in latein preuaricatus est.

ff. de accu. si cui. §. si tamen. Item wo einer sein / oder der seinen schmacheit durchächt / vnd beweyßt / dz er die ersten verclagung nit gewißt hat.

Qui accusarinon possunt.

Wölche nit verclagt mögen werden.

ir. q. vlti. c. nemi ni. et. c. alioru(m). et c. facta. Nun sollen wir sehen von denen die nit verclagt mögen werden / vnd in denen ist diß gemeyn regel / das ein yegklicher mag verclagt werde(n) / man vinde dann das sollichs im rechten verbotten sey / das die selb person nit verclagt sol werden / wann es seind ettlich person die mögen nitt verclagt werden / als der

(253) Der Ander Teyl

Bapst / vnd der Keyser / wann sie haben kein obern ob inen / sie werden allein von gott geurteylt. xl. dis. si papa. Das ist gewesen vor alten zeyten das die Keyser regierten nach ordenung der geschriben rechten die die alten Keyser mit grossem fleyß vnd grosser arbeit gesetzt vnd gemacht haben. Nota. Aber es ist nun gar seer dauon kom(m)en / dz die Keyser yetzundt nicht nach der geschrifft vnd radt der gelerten die die recht wissen / sunder nach willen vnd duncken der vngelerten regieren vnnd vrteyl lassen sprechen / darumb so kompt es gar leychtlich vnd auch täglich das sie weych(e)n von dem weg der warheit / vnd gerechtigkeit / vnd regieren gar see übel. vt in api. ad apostolite. li. vj. de re iudi. Darumb ist es dar zů kom(m)en / das alle redlich amptleüt die der Keyser haben solt die hat der Bapst / darumb ist des Bapsts hoff bestalt mit der menge der gelerten / vnd der from(m)en richter / das kein gelerter des Bapsts richter / vmb die vngerechtigkeit straffen möge / sollichs solt auch in des Keysers hoff sein / so bedörfft der Bapst die Keyser nit absetzen / als etlich Keyser vom Bapst abgesetzt seind worden / darumb das sie sacrilegi / meyneydig / vnnd kätzer waren / so sie die geistlichen fiengen / vnd vmb sollich vn(d) anders ach willen mag nun der Bapst ein Keyser on ein Concilium absetzen.

Item es mögen auch nit verclagt werden die hohen richter vnd magistrat von denen die recht sagen die d(er) Keyser eins teyls bey im in seim hoff / eins teyls in den landen vnd prouincien solte setzen / vnd haben / der namen vnd gewalt aller in den ersten weltlichen rechtbůchen. ff. vnd C. geschriben stehen.

ff. d(e) ius voca(n)do. l. ad optimu(m). Item auch die personen die in dem andern / dritten / vierden / vnnd fünfften rechten geschriben stehen.

ff. d(e) iudi. l. ij. (et)c. sc. Item auch die legaten botschaffte(n) einer statt / das seind die / die ein statt vßsendet / sie sündten dann in der selben botschafft / sie mögen auch nit vmb habe für geladen werde(n). ff. de accu. hos accusare. Vnd auch all die / die vmb gemeyns nutz willen vß seind. ff. d(e) iudi. l. ij. (et)c. se. Auch alle die mögen nit verclagt werden die geschriben steen.

Item dise person vßgenom(m)en / die andern mögen alle verclagt werden.

C. de accu. absentem. et. l. qui de crimine. Item es seind auch etlich ander die nicht verclagt mögen werden / als die / die nicht gegenwertig seind / vnd das soltu also versteen / wann man sol wider die selben also procedieren / das man sol in requirione vnd in dem seinen sůch(e)n vnd laden / vnd fürheischen / vnd würt er nicht gefunden vnd ist nicht anheymisch / so sol sein habe angeschriben werden. Vnd kompt er dan(n) vnderm iar / so erkobert er die habe wider die im annotiert angeschribenn worden ist / vnnd würt dann dem verclager im rechten antwurten / kompt er aber nach dem iare / so sol man in hören / vnd sich wören lassen / wann man mag im nichts für heben / darumb das er sich nicht wören möge / er würt aber sein habe nit wider erkobern seind sie annotiert / vnd beschriben worden / vnd vom Fisco occupiert wo aber sie der Fiscus vnnder zweintzig iaren nit vordert / so mag er die selben habe nit mer vordern.

Item wie sollichs beschreyben geschehen sol / würstu hernach haben.

C. si pe(n). ap. mors. iteruenerit. l. iij. et. ff. c. l. vnica. §. qua(m)uis. et in auten. de nup. coll‘. iiij. Item die toden mögen nit verclagt werden / wan(n) sie seind vff ein höher gericht geheischen vnd berüffen / wan(n) als die sündt mit dem todt verlassen werden / darumb das der tod all ding ledigt / darumb ist billich das die todten nit verclagt mögen werden. Diß felt in disen puncten / in der sünd lese maiestatis

(254) Das QXX Blat

in zwe(n) casus / wan(n) einer sündt wid(er)n fürste(n) / vn(d) wan(n) einer ein statt spelt in zwey teyl / dz ist ein zwytracht macht. C. ad. l. iuli. maiesta. q(ui)squis. (et)c. l. meminisse. Vn(d) in d(er) sünd repetundaru(m) / vo(n) d(er) du auch hernach würst höre(n) / vn(d) in etliche(n) andern / als so einer einer statt gemeyn gelt stilt.

ff. ad. l. iul. pecu. l. vlti. C. de pre. im off. l. j. li. xij. Item die abtrinnigen.

C. d(e) aposta. apostatarum. ff. de rei ven. q(uo)d i(n)fnas. C. de pen. impunitas. Item der furiosus der vnsynnig mag auch nit verclagt werden / wann in entschuldiget sein vnseligkeit / vnd der der vnder zehen iare(n) infans ist / den selben entschuldiget die vnschuld seins rats.

De accusationibus.

Was verclagung sey vmb sünd vnd missethat.

rej. dis. paulus apostolus. Item merck dz die verclagu(n)g / accusatio in latein / ist wan(n) einer eine(n) vo(n) einer sünd wegen vor de(m) richter schuldiget vn(d) verclagt / vn(d) bitt rach / daru(m)b dz die sünd gestrafft werde(n) / wan(n) die verclagu(n)g ist diser natur / dz sie anders nit volfürt mag werde(n) / dan(n) vm(b) ein gemeyne od(er) sunderliche sünd / die sol also schwär sein das sie billichen verclagt vnd gestrafft sollen werden. ff. de pe. cogitationis pena(m). d(e) pe. dis. j. cogitat(i)o(n)is. Vnnd die sünd sol wan(n) die heimlichkeit der hertzen weißt nyemandt dan(n) allein gott.

C. de accu. l. vlti. Item die verclagung heischt das die sünd volbracht sey / vnd das auch ein verclager da sey / die sünd sey gemeyn oder sunderlich. Wann da steet geschriben / nyemandt würt on den verclager verdampt / vnd gott wolt auch die frawen die im eebrechen begriffen was vn(d) im tempel fürbracht ward / on den vercläger nit verdamnen.

Leno. ff. ad. l. iuli. de adult. l. ij. §. si publico. Ite(m) dz felt in etliche(n) casibus / wan(n) der richter mag on vercläger den eeman straffen / daru(m)b dz er Leno gewesen ist / das ist dz er das gelt od(er) sunst and(er)s genom(m)en hat / vn(d) hat sollichs eebrechen gegünt vn(d) verhenget / wo im sollichs in exceptio weyß würt fürgeworffen / so er die frawen vmb ir eebrechen verclagt.

ff. d(e) p(re)ba. plures. Item der richter mag auch on ein verclager straffen den der fürbringt verdacht vnd arckwenig instrument vnd brieff / vnd die brieff sie seind antweder vß der geschrifft oder der person des fürbringers / oder vß der person des schreybers verdacht.

ff. d(e) testi. l. nullu(m). Item den falschen zeügen / wo der richter brieffet vnnd merckt solliche vntreüw vnd falscherey vß dem sagen des zeügen.

Calumniator. ff. de suspec. tu. l. iij. §. nullum. Ite(m) den calu(m)niatore(n) / so d(er) verclager sein verclage(n) nit bewisen hatt / wan(n) der richter / als er dz vrteyl geyt vn(d) den verclagte(n) absoluieret / so solt er den verclager verdamnen vn(d) straffen / darnach mag er in on einen verclager von d(er) vormundtschafft stossen vnd setzen / wo er das vß offenlichen argumenten weyßt.

C. d(e) accu. l. accusationis exordium. §. sed. Item offentlich sünd die mag er auch on den verclager straffen.

Quomodo in accusatione procedatur.

Wie in der verclagung procediert sol werden.

Item wie in der verclagung sol procediert werden / solt du mercken das nahet das alles sol gehalten werden das in den clagen / vmb die habe gehalten sol werden / wann man sol das libel das ist die clag in die beid geschrifft geben aber doch vnnderscheidenlichen als du hernach im libel vnnd in der form der verclagung würst hören.

(255) Der Ander Teyl

C. de eden. qui accusare. Item wölcher den andern wil verclag(e)n / der sol sehe(n) das er sein beweysung bereit hab / vnd die sol sein clar vnd clärer dan(n) die sonne.

ff. de ede(n). is ap. d(e) que(n). et. C. de proba. scia(n)t cuncti de elec. vbi periculu(m). li. vj. Ite(m) vff dz merck / dz. vj. bewerter regel vo(n) beide(n) rechte(n) gebe(n) vn(d) gesatzt seind.

Die erst regel spricht das mit grossem fleyß sol die verhörung gescheh(e)n / wo man von des menschen heil oder vnheil oder schaden verhört vn(d) erken(n)t / wan(n) wo an grosser schad leyt / da sol man fürsichtigklicher vmbgeen. ff. d(e) pe. i(n) feruoris. Nun ist es offenbar das grosser schad vn(d) sorgfeltigkeit ist in einer cleinen verclagung / dan(n) in einer gar grossen clag vmb habe.

fac(ul). xij. q. iiij. vror. et vt pater. ff. c. ti. l. recipiendu(m). Die ander regel gebeüt das der richter in vrteyln der verclagu(n)g / fore nit geben sol das streng vrteyl zů dem todt über keinen / er sey dann vor vß seinem eygen beke(n)nen oder gewisser zeügknüß der zeügen überwunden / oder aber in der verclagten sünde also begriffen das ers nit laucken möge. In disen sachen sol die strengikeit nit vß übermůt kom(m)en / sunder der richter sol ein temperament der güttigkeit vnder die strengikeit des rechten myschen.

extra de p(re)sump. literas. ff. de pe. absentem. Die dritt regel / das vß arckwon / verdencke(n) / presumptionibus in latein / keiner vmb verclagung verdamnet sol werde(n). Wan(n) wiewol Salomon im dritten bůch der Künig hieß das kindt seiner můtter widergeben / allein vß vngestüm(m)er gedächtnüß vnd arckwon / yedoch verdampt er die andern frawen nit das sie der rechten můtter ir kindt genommen het / mit der peen de plagio / von der du hinnach würst haben.

C. de proba. l. sciant cuncti. Die vierd regel ist / das der der verdampt sol werden / sol vnd můß vor mitt den aller gewisten zeügknüssen vnd clarer dann das liecht überwunden sein. ff. de pe. absente(n). §. j. Wann es ist heiliger das der schuldig absoluiert werd / dan(n) das der vnschuldig verdamnet werd.

iij. q. ir. testes. ff. de q(ue)stio. vnius facinoris. §. testes. Die fünfft regel ist / das das malefitz nit mag bewisen werden dann durch die zeügen die da bey gewesen seind vnd das gesehen haben / vnnd die sollichs sagen vff ir rechte warheit das die sünd geschehen sey.

C. de testi. testiu(m) facilitatem. ff. d(e) sena. cassius extra de testi. testimorium. Die sechst regel ist / das die zeügen sollen sein eines gůtten wandels / vnnd eins gantzen gůtten leümůts / wann heischt vnnd gebürt sich sollichs in clagung vmb die habe / noch vil mer gebürt sich sollichs auch her innen / wan(n) in famia facti / ein cleiner leümůt vertreybt den zeügen.

ff. de accu. libellorum. Item merck wo du vmb ein gemeyn sündt wilt clagen / sich vnd merck vor mit wölchem rechten du in verclagen wilt. ff. de priua. delic. l. si quis. Ist aber die sünd sunderlich vnd hat ein eygen namen so soltu in der selben sünd verclagen. ff. d(e) crimine stelliona. l. j. Hat sie aber kein sunderlichen name(n) / so verclag in mit der sündt stellionatus / von dem du hernach würst haben. viij. dis. q(ue) co(n)tra mores. Du magst auch einen verclagen auß einer statt recht oder statut / wo annders ein peen gemachet ist. Nach dem so sol der verclager zům richter geen / vnnd zů im sprechen. Herr den will ich vmb die sünd verclagen darumb bitt ich das ir in ladent / vnd der richter sol von rechts wegen (wiewol das nit in gewonheit ist vnnd gehalten) zů im sprechen / wo von wiltu in verclagen. C. de exhi. reis. nullus. C. qui accu. non pos. qui crimen. Ich verbind vnd obligier dich das du in verclagest vn(d) dich verschreybest vnd verpflichst / als sich sollichs in der verclagung gebürt / vnd auch ander ding thůst die hier inn nottürfftig seind / vnd wil er dann sollichs thůn / als dann sol erst der richter ladenn / es sol keiner geladen in gericht bracht werden der richter der habs dann geheissen.

(256) Das QXXI Blat

Item diß felt in etlichen sachen / wann etlich mögen über iren willen vnnd on des richters vrlob fürbracht werden / exhiberi in latein.

C. de fal. monet. l.j. in prin. Am ersten der der die müntz felscht.

Item ein offenbarlicher rauber oder mörder / latro in latein.

Item der der die äcker zerstöret.

C. q(ue)n li. sine iudi se vindica. C de rap. virgi. l. i. C. de epis. et. cle. raptores. Item der der ein iunckfrawen beraubt / wann disen mag ein yegklicher tödten / noch vil meer mag er in gefangen fürn richter bringen. Deßgleychen villeycht mit dem dieb / es ist zymlich das er lebendig für den richter gefürt werd / aber nit getödt / dan(n) in den casus. ff. d(e) fur. interdu(m). §. q(ue) fur. c. (et)c. Von dem hastu auch obe(n) in der clag wider den der dir schade(n) thůt. Deßgleychen so mir einer vß malefitz schuldig ist / vn(d) er fleücht / wann ich mag in gefangen füren / aber nit tödten.

ff. ad. l. aquil. itaqs. §. fi. et ad. l. cor. de sicca. q(ue) furem. extra de homici. si perfodiens. Item wo einer eim drey mal verkündet das er mit seiner frauwen nit reden sol / vindet er in darnach mit ir reden / er mag in dem richter bringen das er in straff / wann sollichs ist die aller vnbeschirmiste arckwenigkeit vnd verdächtnüß / er hab mit ir in übel geredt oder nit.

ff. q(ue) i(n) frau. credi. ait p(re)tor. §. si debitore(m). et in au(c)t. Item auch in disen casus die do stehen. Vnd in etlichen mer casus.

vt iudi. sine quo quo suffragio fiant. §. necessitatem. coll‘. ij. et vt nulli iudi. col. ix. §. si vero quis in auten. vt liceat ma. et auic. §. is q(ui)s coll‘. viij. Item es ist nit ein wunder das sich einer in verclagung verpflicht vnd verdingt / wann im clagen ist es deßgleychen / wiewol die gemeyn gewonheit sollichs nit helt / wan(n) es solt keiner geladen werden / der anclager begert dan(n) vnd verheiß das er innerthalben zweyen monaten den krieg co(n)testiern wöll. Vnd das ist die vrsach / wann wir werden mit grossem vnstaten von dem vnnsern vnd vnsern geschäfften vertriben. in auten. vt nulli iudi. vt supra. de lit co(n)testa auten. libellu(m) q(ue) est. iij. q. iij. Noch vil billicher in verclagung / wan(n) wo grösser schaden sorgfeltigkeit oder gefärlicheit würt / da sol man synnigklicher vnd fürsichtiger procedieren. Aber die gewonheit helt diß nit / wann die richter seind zům raub bereit / vnd laden nach yegklichs willen.

ff. que(m)ad. testa. ape. si q(ui)s ex pugnatoribus. Item du möchst sprechen / ist sollichs vom rechte(n) gesatzt / waru(m)b helt mans dann nit.

Antwurt.

ff. de carbo. edic. l. i. xlij. dis. q(ui)ecsamus. Sollichs kompt am meysten von vnwissenheit / wißten aber die partheyen die recht / so würd sollichs gar vil fürkom(m)en / wan(n) die richter müsten sich nit allein vmb die peen förchten / sunder auch irer falschen vrteyl schamen.

Ad co(m)ponendu(m) mestos manes. Item merck das der verclagt geladen sol werden / vnd im sol der richter am ersten setzen dreyssig tag / das er in den selben tagen sein traurig freünd vnnd haußgesindt ordinier / vnd in sag das er verclagt sey / vn(d) zů in sprech. Ir seind traurig in der verclagunng die mir gemacht ist / aber ir solt eüch nit förchten / gott würt mich erledigen. ff. de requi. et absen. pu. l. i. in p(e)n. extra de ca(n). poss. et prie. c. i. Also schaff ich vnd ordinier mein hauß / vnd will dz sollichs mit de(m) meinen geschee / villeycht mag ich nit herwider kom(m)en / der richter würt villeycht kein bürge(n) nemen (et)c. wo aber d(er) verclagt nit ynheimisch were / so sol erfarn werden wo er sey / wan(n) es sol nyemand verdampt oder gestrafft werden / so sein sach noch nit verhört ist. Wann man sol nach dem verclagten stellen an den enden da er ist / vff das das er wiß das er geladen sey.

ff. de requi. et absen. pu. l. i. Item vnd ist er anderßwo / so sol der richter der do ladet dem richter schreyben in des gerichts zwang er ist / das er dem geladten offenbar das er geladen sey / vnd wie sein habe angeschribe(n) vnd annotiert sey / vnd auch wie er verclagt sey. Wie die selb form sein sol würstu hernach haben.

Item merck / er sol geladen werden vor dem hauß darin(n) er wonet / nit da er

Y

(257) Der Ander Teyl

sein pfrůnd hat / oder ein hauß. Vagabundus. ff. de dam. in fec. l. iiij. Were er aber vagabu(n)dus / dz er selten daheim were / vnd wider vnd für lieff / als dann sol er alda da er sein pfrůndt hat / oder hauß / geladen werden / vnd besunder würt er von des selben wegen geladen. extra de cleri. no(n) residen. extra q(ue) ma. accusa. pos. c. j. Het er aber vff de(m) veldt / oder von einer wüste ein hauß / so sol man in da selbs laden / vnd würt er nit gefunden / so sol man es sein freünden sage(n) / das sie im solichs sagen. ff. de custo. et exhi. diuus pius. et. l. sequen. C. de custo. reo. l. j. Vnd wan(n) der verclagt vorm richter ist / so sol der vercläger im sein libel vnd verclagung geben / vnd wan(n) ers genom(m)en hat / so sol d(er) verclagt im ein bürgen setzen das er biß an das end im rechten bleyben wölle / vnd was er verfall bezalen wöll / werd er anders verdampt / oder sich selbs stellen wöll in des richters gewalt / ist es anders ein solliche sünd das ein bürgschafft sol genom(m)en werde(n) / als wo die peen vm(b) gelt ist / wer aber die sünd / ein hauptsünd / so sol kein bürg genom(m)en werden / sunder er sol zů kercker gestossen werden / vnd vnderweylen in ketten gelegt werden / vnd behalten / deßgleychen auch sol geschehen dem verclager wo die sünd so groß ist / so sol er auch im kercker behalten werden / doch sunder vnd nit mit einander / vmb der peen willen die dem verclager an gelte sol werde(n) / wo er nit beweyßt. iij. q. iiij. offera(n)t. So das geschicht so sol d(er) verclagt zweintzig tag haben / in denen er sich betrachten vnd beraten mag / ob er kriegen wöll / oder vom kriegen lassen vnd weychen. Es redt der doctor Rofredus / das keiner so bald sol antwurten / wan(n) die zeyt bringt vil das in rat für gesehen möcht werden vnd erfunden / wan(n) der verclager möcht die weyl sterben / oder möcht ein gemeyn zerstörung / vnd vil anders dings kom(m)en / das alles in rat nit gefunden möcht werden vnd fürsehen.

ff. de accu. licet ij. q. iij. qui non probauerit. Item darnach soll sich der verclager verbinden auff die peen die er begert / vnd bitt das der richter den verclagten straff. Wo er nit beweyßt das er die selben peen leyd. ff. ad. l. iuli. de adulte. miles. §. seraginta. Vnnd diß felet vnderweylen / wann es seind etlich sünd wiewol not ist das ein verclagter sey / so bedarff es doch keiner verdingunng / als wann der eeman verclagt in seim rechten vnnder sechtzig tagen / vnnd als dann bedarff er sich nit verbinden.

ff. de abige. iu(n)cta glo. et. C. c. l. j. Item in der sünd abigeatus so einer ein herdt küw oder vihes das vor dem hirten geet stilt.

Item in etlichen sünnden můß sich der verclager nit verbinnden / als clein schmacheit / vnd clein hauß diebstal / in sollichen vnnd irs gleychen sollen die verclagten schlechts verdampt oder absoluiert werden.

C. q(ue) accu. no(n) pos. de crimine. xv. q. iij. de crimine. Item die fraw verbindt sich nit in allen sachen in denen sie verclage(n) mag / als du oben die selben sach vnd casus hast.

C. qui accu. non pos. l. ij. Item wo der vormundt verclagt.

ff. de his qui vt indig. Item als offt einer von not wegen des rechten verclagt. Als der erb d(er) schuldig ist zů rechenen den mordt des todten.

Item darnach sol der verclager sicherheit thůn vor eim offenbaren schreyber / vnd bey einer peen verheissen das er die verclagung zům end bringe(n) wöll vnd des auch ein bürgen geben / der auch bey der selben peen bürg für in were vnnd sollichs sol beschriben werden / darnach sol der verclagt verheissenn das er bezalen wöll / sey das er der verclagung halbe verdampt werde / vnnd auch

(258) Das QXXII Blat

ein bürgen setzen / oder verheissenn wo der verclagt nit bezal das ers bezalenn wöll / vnd vo(n) dem seinen / vnd yegklicher bey einer peen / oder das er die person des verclagten antwurten wöll dem richter / vnd diß sol auch beschriben werden wie obstat.

C. de p(ro)ba. exceptionu(m). C. de excep. l. penul. Item nach dem so mag der verclagt sein exceptiones dilatorias (ist das ers hat) fürbringen in gericht / wan(n) als die selben exceptiones mögen in den clage(n) fürbracht werden. ff. ad. l. suli. de adult. si maritus §. vlti. Also auch in der verclagung. Er mag auch peremptorias exceptiones fürbringen. Spe. ti. d(e) excep. Als du sollichs vindest in Speculatore. ti. de except. §. dicto in princi. C. quo(d) et q(ue)n iu. de. sent. p(re)fer. in auten. q(ui) semel. Hat er aber kein exceptiones / vßzüge oder ynrede / so soll der krieg contestiert werden vnd de calumnia geschworen / vnd die bekentnüß des verclagten gehört werden / vnd ist es nottürfftig / so sollen beweysung von beiden partheyen gehört / vnd zymlich zeyt vnd frist dar zů geb(e)n werden / vnd all fürbringung der parthey sol gehört werden / darnach soll der richter so er mitt fleyß die warheit erfarn hat / das endtlich vrteyl geben. ff. de exhi. reis. si p(re)fessus extra de offi. se. nisi specialis. extra de simo. licet helv. Also ist er überwunde(n) oder hat solchs beken(n)t / sol er mit der rechtlichen peen gestrafft werden die rechtlich peen würst hernach hören. ij. q. iij. §. notandu(m). extra de offi. dele. c. consuluit §. fi. Also ist es das über die selben sünd ein sunderlich peen vom rechten ist gesatzt / mit der selben sol der richter straffen / sunst sol der richter nach seim willen die peen moderieren / nit auff das strengst setzen. Dar vß vnd des beclagten bekennen sol auch beschriben werden.

Questio per tormenta. Merck wann in den schwären vnnd grossen sünden die warheit nit anders erfarn mag werden / so sol sie durch pein tormenta in latein erfarenn werden. ff. d(e) q(ue)stio. l. j. (et)c. l. d(e) minore. §. tormenta. extra de depo. c. j. Vnd die selben peen sollen durch den richter menschlichen temperiert werde(n) / vnd nit nach begird des verclagers verhört werden.

ff. de q(ue)stio. l. j. §. dino. et. C. de custo. reo. l. ij. Item es schadt auch die bekennung nit die einer von forcht wegen der pein thůt / oder so er auch in der pein ist / es were dann das der so er von der pein genommen ist / in sollichem bekennen blibe. C. d(e) epis. et cleri. si quis in hoc. Wo aber die beke(n)nung geschicht on forcht oder on pein / so würt nit angesehen ob er in bekennen bleybt oder nit / sunder er würt als bald gestrafft.

ff. de. pe. absente(m). Item het der verclagt nit beken(n)t / oder het sein bewerung rechtlich bewisen / oder so der verclager nichts bewisen hett / der verclagt sol ee absoluiert werden dann das ein vnschuldiger verdamnet werde. ij. q. vlti. sciant. Wann wo der verclagt laucknet so sol solchs durch clare vnnd die aller leütst beweysung bewisen werden als du sollichs oben hast. extra de p(re)sump. literas. Vnd nit durch versehen oder arckwon / sie were(n) dan(n) violenter vngestym(m)e / vnnd in disem casus würt ein nackter bey einer nackten allein vff eim beth heimlich gefunden / das recht versicht sich sie haben einander gehelfet / grob teütsch.

C. d(e) bo. li. l. libertinu(m). C. vt o(c)esta(m) ciuiles qua(m) mi. iud(ex). l. j. Item wo der verclagt fleücht er mag verdampt werden.

Item ich halt das diß recht yetzundt nit stat hab / vnd vor vß an der herren höfen / wan(n) sie haben ein sollichen sitten / wo sie einen vahen er sey schuldig od(er) nit / will er vß dem thurn / er můß gelt geben / vnd anders meer thůn / ist er anders ein burger vnd hat zů verlieren / vnd darumb so wirt wol von inen auch gesprochen durch den propheten Esaiam. Eüwer Fürsten seind gesellen der dieb / der witwen sach vnd der waisen verhören sie nit / wo sie nit sunderlichen raub oder nutz hoffen. Es werden auch die selben verräter von den selben fürsten nit gestrafft / würt aber ein edelman od(er) ein namhafftiger rauber verclagt

Y ij

(259) Der Ander Teyl

vnd so er schon in gefencknüß kompt vnd offenbar ist sein boßheit / der wirt nit allein nit gestrafft / er würt gewonlich der atzung halber frey gesagt.

C. de aduo. di. iudi. l. j. Item wo einer eim verkündt das er mit seinem eeweyb nit rede (et)c. wie obstat sunst würt keiner vß argemwon verdampt / darumb sollen zeügen gefürt vn(d) ander rechtlich beweysung volnbracht werden / würt aber nicht wider den verclagten bewisen / so versicht man sich das in d(er) verclager bößlich hab verclagt. xv. q. vlti. c. fi. et C. de accu. l. fi. Vnd der verclagt sol absoluiert werden / wan(n) es ist darumb einer nit schuldig darumb das einer verclagt ist / sunder der der überwunden ist.

ff. de appel. non tantum. Item würt aber die sünd bewisen / vnnd der verclagt het exception / so würt er verdampt / er mag aber appelliern / er selbs oder ein ander für in / auch wid(er) seine(n) willen. Relegatio. ff. an p. ali. cause appel. red. l. j. Durch ein procurator mag er nit appelliern die appellatz nit prosequieren / es were dan(n) die peen cleyner dan das landt verbiete(n) / relegatio in latein. C. quoru(m) appel. non recipi. l. obseruare. Ist aber die sünde durch zeügen bewise(n) oder der verclagt hat es bekant in etlichen sünden mag er nit appelliern / als dotschlagen / vergifftigen / zauberey / eebrecherey (et)c.

Item wie obstat soll geschehen so der verclager vnd der verclagt den bürgen entpfahen werden / das ist das sie bürgen geben habe(n) / wo aber der verclager in gefenkniß gehalte(n) würt / so solt ouch also procediert werde(n) das er für den richter gefürt soll werden / solichs wirt vor auß in deütschen lande(n) nit gehalten / darumb will ichs nit setzen.

Item merck / das in sollichem verclage(n) macht es sich in etlich weg anders dan(n) wie ob geschriben steet / nach statuten vnd gewonheyt der lande vnd stett wann es werden in stetten nachts wechter gesatzt / wo sie dieb oder etlich ander die nach einer verbotten zeyt vnd stunde geen vinden / das sie die selbe(n) vahen / oder dem richter verkünden zů straffen. Es werde(n) ouch etlich gesetzt ein strassen zů behüten / wo sie eynen vinde(n) das er verbotten wege fert / das sey den verkünden / oder aber vahen.

Item es werden etlich bestelt zů behüten das felt / ecker / vnd wißen / das sie die zerstörer der ecker vnd rauber der frucht / vnd ouch die thierer die schaden thůn verkünden / vnd fürbringen / die selben oder irs gleychen / wan(n) etlich von irs ampts wegen fürbringen vnd verkünden / ist nit nott das sie verclage(n) / oder das sie den eyd calumnia genant schwören / sunder sie mögen schlechts verkünden / vnd sollicher irer verkündung würt geglaubt vff den eyd den sie geschworen haben / da man sie an das ampt name / vnd vß sollicher verkündu(n)g on annder beweysung der also fürbracht were / er wöret sich dann sunst rechtlich / vnd bewise sein vnschuld er würt gestrafft / wann ir sünd würt gehalten für ein gantz beweysung.

Ite(m) es würt vnderweyle(n) boßheit gethon / vn(d) steet kein verclager od(er) fürbringer vff (et)c. als dan(n) sol d(er) richter od(er) regierer d(er) selbe(n) statt / von seins ampts wegen darnach forsche(n) / wan(n) er sol heimlichen zů im berüffen die die nahet bey d(er) statt wone(n) da die missethat vn(d) sünd geschehe(n) ist / vn(d) wölcher meynt dz sie die warheit wissen / sol er die zeügknüß vo(n) in neme(n) / vn(d) so er sie genom(m)en hat / vn(d) durch sie wissen mag die / die das malefitz begangen haben / sol er die selb(e)n laden für sich / kom(m)en sie dan(n) / so sol er sicherheit vo(n) in nemen / vnd entschuldigen sie sich nit mit recht (nit verstee mit irem eyde) so sol er sie straffen.

(260) Das QXXIII Blat

Quo(d) co(n)tumacia accusatoris punia(n)t.

Wie die vngehorsamkeit des verclagers sol gestrafft werden.

iiij. q. v. q(ui)squis. et. C. de iudi. p(re)perandu(m). l. siq(ui)de(m). Nun merck was recht sey so der verclager nit gehorsam ist / nymwar / wan(n) der verclagt in de(n) vffgesatzten tag kompt / vn(d) der verclager erscheint nit / nach geistlichen rechten sol der verclager geban(n)t werde(n) / vnd sol darnach nit gehört werden / er weyse dann recht vrsach die in gehindert hab / vnd der verclagt sol absoluiert werden. C. q(ui) accu. no(n) pos. q(ui) crime(n). et. C. de iudi. p(re)perandu(m). Wann er erzürnt mer mit seim vßbleyben / wann der verclagt. Aber nach weltlichem rechten so sol er peremptorie geladen werden / das er kom(m)e vnd volfür sein verclagung / kompt er dann nit / so sol er gestrafft werden / extra ordinarie / vnd auch alle zerung die der verclagt gethon hat sol er bezalen vnd dar zů gezwungen werde(n). vt ibi. et nec va. Er würt auch nach sollichem peremptorium nymmen gehört. ff. ad. turpili. ab accusatore. §. de stitisse. Das ist in criminali / wan(n) er würt geschätzt als ob er vom verclagen gestanden sey vnd gelassen hab / darum(b) das er in dem tag im vom richter vffgesatzt den verclagten nit durchächt. ff. de p(ri)ua. l. in(n). et ij. q. iij. si qua(m). Wer aber vngehorsam ist nach dem vnd der krieg bestätiget ist / so sol er gestrafft werden mit der peen turpiliani / das ist fünff pfundt golds. Turpilianum. Wann die selb peen hat stat in gemeyn sünden. C. ad turpil. l. j. Aber in sunderlich(e)n sünden hat dise peen nit stat. ff. ad turpil. que situm. Wer er aber vngehorsam nach dem vnd er sein verclagen in das gericht gebenn het / vnnd doch ee der krieg contestiert wer vnd ist / so würt er nit mit der peen turpiliani gestrafft / wan(n) in sollichem casus mag er dauon lassen on die selben peen. Es wer dan(n) als ferr procediert worde(n) / das der verclagt das libel genom(m)en hett / vn(d) sein bürgen gebe(n) / od(er) wer in gefencknüß gehalte(n) worde(n) / so fiel er in die selbe(n) peen.

C. vt itra cer. te(m)p. cri. caus. aga. l. j. Item ist er nach dem vnd der krieg bestätiget vnn contestiert ist vngehorsam / als das er die zwey iar vßbleybt / so sol er gestrafft werden in dem vierden teyl seiner habe.

extra de iudi. at si clerici. Merck / dise peen die sol angesehen werden nach dem wesen des verclagers vnd seiner person / wann villeycht ist er arm oder reych / edel oder vnedel / darnach sol man in mit der peen einer / die im die schwerer ist straffen / vnnd nicht mit in beiden / es sol nyemandt mit zweyen penen gestrafft werden. ij. q. iij. d(e) illicito. Wann den armen ist die peen turpilia grösser dann das verliesen des vierden teyls seiner habe / aber in dem rechten widerumb ist er aber vngehorsam so das vrteyl geben sol werden / so würt er nit gestrafft / wan(n) als dan(n) so ist die sach erfarn / vnd sol das endtlich vtreyl geben werden / vnd so würt sein vngehorsamkeit gnůgsam gestrafft / wan(n) er würt nit appelliern / sein vngehorsamkeit mag als dan(n) in nichten das erkennen des richters irren vnd hindern / vnd darumb so würt er nit gestrafft / iudicio contumacie.

Quomodo puniatur contumacia rei.

Wie die vngehorsamkeit des verclagten gestrafft sol werden.

Nun merck / wie die vnngehorsamkeit des verclagten sol gestrafft werden / wann als dann der verclager sein bürgen geben hat / so sol der verclagt geladen werden in massen wie du oben hast im Titel.

Item wie in der verclagung sol procediert werden in .§.

Item merck / dz der verclagt sol gelade(n) werde(n) vn(d) dem nechsten .§. hernach.

Y iij

(261) Der Ander Teyl

ff. de requi. re. l. j. §. j. de ca(n). poss. et pprie. c. j. Item merck / er sol geladen werde(n) / wan(n) er ist nit ynheimisch / so sol er requiriert vnd nach im geforscht werden wo er sey / vnnd das haben gesatzt die zwen Keyser Seuerus vnd Anthonius / das keiner der nit ynheimisch ist soll gestrafft werden / auch leydt es nit die vernunfft der billicheit das yemandt verdampt werden so die sach nit erfarn vn(d) noch vngehört ist. ff. de requi. re. l. j. §. j. Vnd ob er in eins andern iurisdiction / vn(d) gerichts zwang ist / kompt er dan(n) nit / sollen sein habe annoriert vnd beschriben werden / vnd der richter sol also sprechen / alle habe des .N. darumb das er geladen ist vnd nit kom(m)en ist / die thů ich in die acht des Fiscals in den ban fisci / er kom(m) dann innnerhalb des iars. C. si pen. l. eius. de ap. preterea. Es mag aber von sollichem vrteyl geappelliert werden. ff. d(e) requi. re. l. ij. Vnd sol dan(n) sein habe angeschriben werde(n) aber des Fiscals procurator mag die selben habe vnnderm iar nitt occupiern. Darnach / sol aber nach im geforscht werden / vnd der richter sol sein brieff senden vnd schicken dem richter vnd regierer an dem selben ende da der verclagt wonet / das de(n) verclagten durch den richter geoffenbart werde das er verclagt sey vnd geladen / vnd sein habe annotiert vnd angeschriben.

ff. de requi. reis. absen. l. j. §. presides. Item der selben brieff form sol also sein / dem edeln vnd weysen mann .T. richter vnd burgermeister der statt .N. Johannes richter oder burgermeister der statt .N. seinen willigen dienst vnd grůß (et)c. wie dann die gewonheit ist (et)c. als .B. verclagt .H. der in eüwerm gericht zwang vnnd magistrat wonend / vnd ich in rechtlich geladen hab das er kom(m) vnd in der verclagung antwurt / vnd hab auch sein habe vmb sein vngehorsamkeit annotiert vnd angeschrib(e)n bitt ich eüwer ersamkeit das ir dem genanten .H. verkünden vnnd zů wissen thůn wölt / dz er gelade(n) sey / vn(d) sein hab annotiert sey / vnd dz er vff den .N. tag vor mir in gericht erschein / de(n) genante(n) .B. vff sein verclagen zů antwurten dz sollich brieff nach de(m) vn(d) die habe annotiert ist erst geen solle(n) / ko(m)pt vß de(m) rechte(n).

Item der doctor Rofredus redt das sollich brieff sollen dem richter vn(d) der parthey geschickt werde(n) / wan(n) die parthey möcht sollich brieff verbergen.

Item auß dem merck / das ein magistrat dem andern gehorsam sol sein in den sachen die sein ampt antreffen.

Item diß annotatio vnd anschreybung sol also geschehen / der landtrichter oder der ander richter oder amptman sol kom(m)en mit eine(m) offen schreyber in das hauß der verclagten / vnd sol alda forschen wie vil heüser / scheüren / äcker / od(er) wisen / vnd wie vil morgen / der verclagt hab / wie vil weingarten / wie vil hindersessen zynßleüt / wie vil ligender vnd farender habe / vnnd also sol ers alles beschreyben als der erb oder selwarter die habe des todten beschreyben / vnd sol dann gemacht werden ein offen instrument.

vt in p(re)ce. §. p(re)sides. in fi. et. l. annus. Item darumb geschicht sollich beschreybung vmb des willen das kein vntreüw geschehe in den selben haben / die habe sol confisciert oder dem verclagten wider geben werden / wann der zweyen sol eins geschehen / vnd wiewol dise ding alle geschehe(n) seind / so würt doch d(er) verclagt in kein weg beschwert / wan(n) ist das er kompt vnd ist bereit dem verclager zů antwurten / vnd sein bürgen zů setzen / alle habe die angeschriben vnd annotiert seind / werden wider abgeschriben vnd annotiert / vnd werden im gar vnd gentzlich wider geben zů wölcher zeyt er kompt im iar / als oben stat (et)c. dz selb iar in den weg hebt sich erst an als die brieff dem richter gesant vnd de(m) verclager von im verkündt seind worden /

(262) Das QXXIIII Blat

das er geladen vnd sein habe annotiert seind / vnd nit vo(n) dem tag als die habe angeschriben vnd annotiert seind worde(n). ff. c. l. j. §. si prouincie. Wan(n) wo der verclagt vnderm iar stirbt / oder aber kompt vnd steet zů recht wie obstat / so erkobert er sein habe wider vnd sendt sie seinen erbe(n). ff. c. l. j. et. C. c. l. j. et fi. Kompt er aber nit so sol er seiner vngehorsamkeit entgelten / also zů straffen / wan(n) ist das iar vergangen / so sollen die habe also annotiert confisciert werden. ff. de requi. et absen. l. annus. Vnd wiewol die habe also confisciert seind / yedoch kompt er vnd wil sich beschirmen vnd wören / sol im gegünt werden.

c. ti. l. anni spacium. et. ff. de diuet. temp. p(re)scrip. in omnibus. Item sie werden confisciert ist das sie der procurator fisci an sich nympt / anders wiewol sie annotiert seind vnnd vordert sie der fiscus nit vnder .xx. iaren darnach mag ers nit vordern. Aber nun so werden die habe den kinden / vnd den andern vffsteygenden vnd absteygenden freünden / biß vff den dritte(n) gradt behalten. vt in aut. vt nulli iu. C. vl. col. ix. Vnnd die morgen gab werden den freünden auch behalten / mit der vnderscheid da selbs geschriben.

in specu. ti. d(e) dona. ite(m) pone. ij. Item het er nach dem vnnd er das malefitz begangen hat / die habe in vntreüw empfembdet. Sůch.

ff. de fur. ita qs fullo. Item wer das der verclagt ee dan(n) der krieg bestätiget vnd contestiert were vngehorsam / vnd het dan(n) kein habe die annotiert möchten werden. R(e)n. Villeycht solt im bey einer sum(m)e gelts gebotten werden das er kom(m)en solt (et)c. er aber arm wo für wer dan(n) sollichs gebiette(n) / wan(n) der / der nichts hat / hat nichts zů verliere(n). extra d(e) resti. spolim nobis. Vn(d) vnnütz ist die clag die dz armůt des schuldners entschleüßt. C. d(e) epis. et cleri. si q(ui)s p(re)sby. (et)c. l. id q(uo)d pauperib. (et)c. Vnd armůt hilfft. Selig seind die armen des geistes (et)c. du sprichst das in sollichs vast rüret / wann würt er gefangen / so würt er am leyb gepeiniget vnnd gestrafft / wan(n) das ist ein regel. Mat. v. in p(e)n. ff. de pen(e). l. j. in fi et. xxiij. q. iiij. ne admisso. Wölche die gelt peen betriegen / sollen am leyb gepeiniget werden. Vnd also schadt armůt.

xj. q. iij. pauper. C. de sacrosanc. ecc. sancino. §. vl. Item wo einer kein bürgen gehaben mag / od(er) es ist villeycht ein sollich verclagung das man keinen bürgen nympt / vnd also förcht er sich zů kom(m)en / od(er) villeycht weißt er sich schuldig / als dan(n) thet er thörlich wan(n) er keme / wann er sol ee leyden dz sein habe annotiert werd / dan(n) das er sich in vnglück gebe / wan(n) der leybt geet gar ferr für die habe.

iij. q. ix. de cernimus. et. ff. d(e) pe. absentem. Item ist das der krieg contestiert ist / so mögen die zeügen wider in verhört werden / vnd so die sach verhört würt / vnd die missethat bewisen / so mag das endtlich vtreyl geben werden. sic intelligit. ff. d(e) requi. re. annus. Vnd das verstee in keinen missethaten die gelt penen / oder verbietten des lands in(n)halten. specu. c. ti. in prima columna. Aber in den grössern sünde(n) / mag nymmer wider den nicht in heimischen procediern / wan(n) man soll in hören zů wölcher zeyt er kompt.

ff. q(ui) sen. sine ap. rescin. l. j. §. it cs cu(m) ex co. et de testi. cu(m) olim in fi. iij. q. ix. de cernimus. Item ist er vngehorsam so das vrteyl geben soll werden. Es sol auch vmb seiner vngehorsamkeit willen darumb das vrteyl nit vnderwegen bleybenn. Het er ein bürgen gesatzt das er zům rechten kom(m)en wolt als oben steet (et)c. vn(d) were vngehorsam / so möcht also wider den bürgen procediert werdenn / wann hett der bürg verheissen den verclagten wider zů bringen bey einer bestympt(e)n penen / so mag der fiscus vmb die selbenn peen clagen. ff. si q(ui)s cau. l. ij. (et)c. de custod. reo. si quis reum. Hatt er aber nicht bey eienr peen sunnder schlechts vnnd lauter verheissenn peen clagen. Hatt er aber nicht bey einer peen sunnder schlechts vnnd lauter verheissenn / vnnd gelobt den wider zů bringen / vnnd bringt in nit / als dann mag in der richter an gelt straffenn nach seinem willenn / doch angesehenn die verclagung vnnd auch das wesenn der persone / als oder da des richters gebiettenn oder heissenn nitt gehorsam

Y iiij

(263) Der Ander Teyl

were gewesen / wers aber nit nach dem iar / so geet die selb peen auch nit in den erben. C. de mo. mul. l. vlti. et. C. de spo(n). l. vlt. §. penul. ff. si q(ui)s ius di. non obtemp. l. vnica vt extra de spon. ea. gemina. On im Contract der Ee / sol kein peen gegebe(n) werden / so die Ee vß freyem willen geschehen sol. C. de mo. mulet. l. muleta cum. Vnnd dise peen obgeschriben sol dem fisco geben werden. ff. de culto. reor. l. si q(ui)s reum. Vnd diß ist war / wo der bürg nit arglistigklich den verclagten nicht bringt / vnd also kein bestympte sum(m) in der peen vom richter gesatzt ist / wo aber d(er) bürg arglistigklich den nit bringt / so mag er extra ordinarie gestrafft werden / oder ein zeyt des lands verwisenn / oder gegeiselt / oder sunst herter wider in procediert werden.

iiij. q. v. q(ui)squis. extra vt lite non conte. q(ue)m. Item nach geistliche(n) rechten der krieg sey co(n)testiert oder nit / so doch die sach nit erfaren ist / oder erfaren mag werden / so würt er gebant. extra de p(re)sump. nullus. Vnd kompt er vnderm iar / so würt er absoluiert vnnd gehört vmb die sünd / aber nach dem iar so würt er nicht gehört vmb die sünd / wan(n) er würt verstanden nach vßlegu(n)g des rechten / als ob er die sünd bekannt hab. Vnd nach dem selben iar mag der ban(n) beschwärt vnd fürter procediert werden vff ewig beraubung des amptes vnd der pfrůndt / oder im mag das landt verbotten werden.

Merck / diß obgeschriben sol alles nach ordenung der rechten gescheen vn(d) gehalten werden. Aber es ist in etlichen landen / vnnd besunder so hatt sollichs sein vrsprung vß welschen landen / wann der vngehorsam nit kompt vff den bestympten tag / so würt er in die acht gethon.

Auch vinde(n) wir das der Keyser Frederich der ander vom Bapst abgesatzt ward vnd vertriben / vnd Karolus der vierde. In etlichen geschriben rechten vindt man das man mag gemeynde vnd ander übelthäter vnnd übertretter irer rechten / in die acht thůn.

Merck / das in der stat Bononia in welschen landen / vnd in andern enden der selben landt / wan(n) der verclagt nit kompt / auch nyemandt der in im rechten beschirm / so würt der verclagt in die acht gethon / in sollicher form. Sigmundt schůch macher (et)c. alda gesessen ist verclagt vonn Anthonien das er in mit vßgezogen vnd blossem schwert überlauffen vnd gehauwe(n) hab / vn(d) würt gesatzt der gantz in(n)halt seiner verclagung / nach dem selbigen so steet fürbaß / vnd wan(n) er rechtlich geladen worde(n) ist vff den .N. tag / durch .N. der ein büttel ist der gemeynde der statt Bononia / das er vff den selben tag vmb der genanten verclagung willen vor dem .R. richter erschyne.

Item hernach an dem andern tag (et)c. setz den tage / ist er aber geladen worden durch Martin .N. der auch ein bott ist der genanten statt / das er von der selben verclagung willen vor dem selben .R. erschyn.

Nun als er am fünfften tag des monats Apprill / von gebots wege(n) des selben richters durch Petern auch ein botten der statt Bononia / in d(er) grossen .N. in der pfarr sant Lucien in gegenwertigkeit .N. vnd .N. die dar zů zeügen gebetten seind / offentlich vßgeschryen vnnd gerüffen worden ist / sey yemandt der den selben Sigmunden beschirmen vnd wären wöll in der genanten verclagung / der sol hernach an dem dritten tag vor dem selbenn richter erscheinen / kompt dan(n) der selb Sigmundt nicht / od(er) ein ander von seine(n) wege(n) in acht tagen / vnd stee zů recht / vnd wöll gehorsam sein den rechtlichen vnnd billichen gebotten des rechtens. Als dann sol er sein in der acht der gemeynde der selben statt Bononien / vmb die obgenant übelthat vnd malefitz / vnd vß der selben

(264) Das QXXV Blat

acht mag er nicht gethan werde(n) dan(n) nach der form des statuts der genanten statt / vnd es sey dan(n) das er vor bezale hundert pfundt Bonon(n). müntze / vnd vereyne sich auch mit dem genante(n) Anthonio. In der selbe(n) acht ist er auß gerüffen offentlich durch den botten .N. durch des richters heyssen vnd gebotten in dem sunderlichem vnd gemeynem rate der statt oder hoffs / als sie nach sollicher gewonheit versamelt waren.

Exo. xx. et. Deutero. v. Item du möchst sprechen die weyl sollich acht auß statuten der stette kommen seyn. Vnd etlich stett statut verhengen das die in der acht oder sunst vngehorsam vnd widerspenig seind getödt / sunst am leybe geschediget vnd beraubt mögen werde(n) / nemen wir darauß / wann götlich natürlich vn(d) gesatzt recht ir yeglichs verbeüt todtschlege d(er) mensche(n) in d(er) alte(n) ee. Matthei. q(ua)nto. Steet geschriben / du solt nit tödte(n). In d(er) neuwe(n) ee. Wölcher tödtet / d(er) wirt schuldig des gerichts.

ff. de i(n)sti. et iure. vt vim in fi. Item die selben statuten seind wider die natürlichen rechten / ius gentiu(m) in latein / das selbe vß natürlicher ynsprechung verbeüt / das keyn mensche dem andern soll hessig seyn.

ff. d(e) ar. na(m) et magistrato. (et)c. d(e) mi. minor nu(n)c. et ad tre. ille au(c)t. §. te(c) pestiuum. Item / die weil ein yeglicher in den andere(n) kein gewaldt hatt / noch vyl mynner der / der mynner ist mag kein gewalt in den obern haben. insti. de iure natu. gen. §. si naturalio. vin. di. §. ij. Nun ist es offenlich das / das götlich recht / über statt recht ist / vnd ist auch stercker.

De homicidio. ff. ad. cor. de sicca. et. C. c. ti. extra d(e) clec. i. p(e)n. Item sollich statut ist ouch wyder natürlich recht / wan(n) das natürlich recht mag nit gewa(n)delt werde(n) wie offt ma(n) will / vn(d) darum(b) mag das natürlich das nit gewa(n)delt mag werde(n) / durch die statute(n) nycht gestrafft vn(d) abgetha(n) werde(n).

ff. de insti. et iur. l. j. in fi. et. l. ij. xj. q. iij. qui resistit. in auten. vt o(mn)esobe. iudi. puin. p. to. iiij. di. sa(n)cte sunt. Item das geystlich recht verbeüt den menschen zů tödten / in dem titel von döten / vnd das weltlich recht an zweien enden. Vnd in etlichen andern titeln vn(d) darum(b) ist es grausam zů hören das ein solichs statut sein sol. Auff solichs antwort ein doctor Jacobus de arecio / vnnd spricht / das solichs geschehe in straff vnd peen der vngehorsame(n) / wan(n) der erst will aller rechte(n) ist / das man den magistraten vnd richtern gehorsam sey. ff. d(e) iurisdic. om. iudi. si q(ui)s id. §. doli. in regu. iu. q(uo)d q(ui)s. li. vj. Vnd darum(b) zimpt sollichs auß vernunfft das solich statut zů peen der vngehorsamen / vnd zů eynem schrecken der die vbeltheter seyn gemacht werde / als solichs steet. extra de postu. c. j. et. ff. de pen(c). legati. Vnd vmb der vrsach willen würt entschuldigt der / der etwas thůt vo(n) des richters heyssen das vnzymlich / ouch schedlich vnd peenlich were. Vnnd die verschmehunge soll den vngehorsamen schaden bringen.

p(ri)ma di. ius ciuile. viij. dis. q(ui) p(re)tra mores. ff. d(e) insti et iur. l. omnes populi. Item es mag ein ygliche stat recht setzen vn(d) machen vnder den yren. Vnd darumb das sie das vom fursten hat so würt solich gesetzt gehalte(n). C. vbi et ap(u)d q(ui)s l. j. C. de vete. iu. neu. l. ij. circa mediu(m). §. admonuimus. Vn(d) man soll solichs straffen wo man gewyß ist das die vbelthat gescheen ist / wann es stet in götlichen rechten geschriben / du solt nit lyden das die vbelthetige(n) vff der erden leben. Exo. xxj. et xxij. et. xxiij. q. v. §. ij. Sanctus Thode aq(ui)nos sc(e)da secu(n)de. q. lxiiij. ari j. ti. iij. et. Braciano in pri. §. Sprechen das / das tödten des der in der acht ist / oder eins vbelthetigen / seind zymlich wann solichs ordiniert würt in heyl vnd růwe der selben gemeyne / vnd daru(m)b der / der die selben gemeyn regiert / hat er vbers blůt zů richten / mag zymlich döten / vnd darumb mag ers durch ein andern ouch thůn / das er durch sich selber thůn möcht / wann offt werden die selben durch ander gestrafft darumb das / das statut solchs verhengt / das sunst durch die richter vngestrafft blibe.

(265) Der Ander Teyl

alle. ff. de bo. da(n). l. j. et. ij. et. lv. dis. c. j. et. ij. Item Martinus fauen(n). ein legist hat disputiert in wlschen lande(n) / wo ein statt verhenge / das ein geachter mög vngestrafft geschediget werden / oder der geächtet on straff nit getödt mag werden / er were dan(n) geacht worden vmb ein übelthat darumb er sunst getödt möcht werden / vnnd sunst nit. C. de adul. graccus. Es ist auch offenbar / die geschriben obgemelten recht in vil sachen verhengen den menschen zů tödten / vn(d) darumb so mögen wir sprechen / wo ein statt sollichs vmb übelthat darumb einer sunst getödt werden / verhengt das sollichs billich sey / wann was geschicht auß verhengen vnnd günnung des rechten / soll nitt gestrafft werden. Dar zů hilfft auch das götlich obgeschribe(n) recht / du solt nit leyden das die übelthäter vff der erden leben.

ff. de famili. herr cis. si filia. Item auß dem merck das die richter die den menschen in acht thůn / solten in irem fürnemen nit solich wort setzen die ein yegklicher möchte vßlegen wie er wolt / als das wort beschedigen / wo aber ein sollichs ye gesatzt müst werden / so solt im ein zůsatz hernach mit andern worten geben werden / dadurch ein yegklicher möchte versteen was des richters will were / wann die kunstlosigkeit der richter (der vil in Teütschen landen seind) mag die form des gerichts zwang nitt überwinden. vt in clemen. de sen. et re. iudi. pastorialis. Es mag auch weder der Bapst noch der Keyser statuiern vnnd setzen das wider natürlich vernunfft ist / oder natürlich recht. Noch vil minder die die vnder inen seind.

Item das das Thomas vnd Gracianus sprechen / gefelt mir nit / sunder das das Martinus der Jurist spricht / gefelt mir mit seiner vnderscheid. c. i(n) penis. de reg. iur. li. vj. Es wer gar erschrocklich vnnd grausam / würd einer fürgeheischen vmb gelt oder vmb ander habe / vnd vmb sein vngehorsam geächtet / dz er von eim yegklichen möcht vngestrafft getödt werden / wan(n) solch vngehorsamkeit würt genůg gestrafft / das er von eim yeden gefangen / vnd im das sein genom(m)en mag werden / vnd nyendert sicher ist / vn(d) so er vß der acht kom(m)en wil / so würter gestrafft vmb gelt vmb die absolutz / als du oben hast in d(er) form vnd in rechten der Keyser obgemeldet / solchs ist meisterlicher dan(n) das sanctus Thomas sagt / dann der richter in den penen vff das gnedigst vnd barmhertzigest geen sol.

C. de defen. ciui. per totum. Item das dz Jacobus De arena spricht / dz ein yegklich statt mag recht setze(n) vnder den irn (et)c. das selb recht ist gemacht worden zů der zeyt da sie innwoner in stetten geurteylt wurden von den defensores / als du hast. ff. d(e) offi. p(re)si. et. C. de offi. recto. prouin. l. iustissime. cum sequen. Die wurden von den stetten erwelt / vn(d) vom landtrichter in des landtgericht die statt was confirmiert / vn(d) ein sollicher defensor richt nit lenger dan(n) ein iar / als sollichs noch in welchen landen gehalten würt / vnd der selb erwelt heißt potestat / vnd der rat der selben stat / hat kein gewalt über in / vnd darnach würt ein ander erwelet / vnnd aber confirmiert wie obstat. Er het aber nit überall sach zů vrteyln / vn(d) besunder übers blůt / man sicht aber nun in teütschen lande(n) nit mer dz ein landtrichter übers blůt richt / als er dan(n) solchs möcht thůn / vn(d) geschribe(n) steet.

C. de p(re)scrip. xxx. vel. xl. au. l. o(mn)es. Item es richten nun die magistraten in reychstette(n) in allen sachen die den landtrichtern von rechts wegen zůsteen / vnd ein teyls höher vnder den iren / wo sich man yetzundt das die landtrichter übers blůt richten / man sicht wol das solchs die magistrat in rechtstetten thůn. Merum Imperium. Vnnd haben etlich sollichs vß freyheit / etlich vßlange(n) herkom(m)en prescribiert / vnd haben durch sollichs rechtgewunnen. Vnd solchs richten haben die landtrichter durch ir nitt brauchen

(266) Das QXXVI Blat

verloren / vnd ob sie sollichs richten in reichstetten vom rechten gehabt hetten / wan(n) ein yglicher der sich seins gewalts in der zyt als die recht vß wyse(n) nit brauchet / der verleust sein gewalt / vnd der / der sich des selben gwalts braucht / gewint zů sollichem gewalt recht in der zyt als die recht vß weysen / vnd vß sollichem glaub ich das nit allein die lantrichter yren gerichts zwang über die ynwoner in reichtsteten die vnderm magistrat sein / wan es ist clar vnd offenbar das yeglicher gleycher in den andern keynen gewalt hat als oben stat / wan(n) ym gerichts zwang so richte(n) nun zů diser zeyt die magistrat obgena(n)t / als hohe vnder den yren / als hohe dan dem lantrichter von rechts wegen vnder den seynen gebürt zů richten / vnd etlicher magistrat richt vnderweyl hoher / als übers blůt / vnd der selb gerichts zwang heißt in latein merum Imperium / den selben mag ein yeglicher prescribiern der vnderthan hat oder eygenleüt über die selben / vnd ouch wider den der den selben gerichts zwang solt haben / vnd in sollichem ist der magistrat obgemelte vnd der lantrichter ym gewalt des gerichts zwang gleich / vnd ist keyner über den andern.

vt legit(us) et no. C. vt intra cer. te(m)p. crimi. q(ue)sti. aga. l. ij. ff. d(e) iniur. ne(m). ap(u)d. §. quod ait pretor. Item du magst fragen ob ein geächtter / vff ein malefitz vnd übelthat geschuldiget würt vn(d) geladen worde(n) ist an den ende(n) da er wonet / so er nit kompt aber in die acht gethan mag werden / das das nit gesein mag / wann ein verleymeter mag nit mer verleymt werden.

ff. si quis ca. si actio. et. l. sequen. in p(u)nct. extra de consti. c. ij. Item die weyl er vo(n) der acht wege(n) des richters nit kom(m)en g(e)thar / er gethar ouch in der stat nit gesein / darum(b) mag er nit vngehorsam geheyssen werden.

extra d(e) iude. ita quoru(n)da(m). de sen. ex cu(m) p. ca(n). Item das sollichs billich sey würt also bewisen / wann der / der in dem ban ist / mag aber in ban(n) gethon werden. Anders er überkeme vnd hett von seiner boßheit nutz / das nit sein sol.

ff. de interdic. et depor. (et)c. rele. l. relegator. §. fi. ff. de neg. si hereditarie. extra vt lite non contest. accede(n)s ij. ff. ad trebell. q(ui) ita. §. j. Item Joha(n)nes Andree der namhafftig doctor spricht / dz sollichs wol stat het wan(n) man nichts weyßt wo er ist / wo man aber weyßt wo er ist / vnd mag requiriert werde(n) / dunckt yn sollichs vnbillich sein / das der / der nit vngehorsam ist geächt oder geban(n)t soll werde(n) / er spricht ouch mer / das ein beschirmer möchte ko(m)men / wer aber das geleydt kranck / so sey er nit schuldig vff das geleydt zů ko(m)men. de iudi. at si clerici. in fi. Es irt nit / ob einer sprech / er ist vß seyner schulde vnd misse that in die acht gethan / darumb můß er auß bleibe(n) / wan(n) die selb schuld ist genůg gestrafft durch ein acht / vnd das annotiern vn(d) beschreyben / vnd villeicht durch dz co(n)fisciere(n) du obe(n) hast / wa(n) es sol nyema(n)t zwifach gestrafft werde(n).

Quando iudex inquirere possit.

In wölchen übelthaten der richter von seines ampts wegen inquiriern / erfarn vnd procediern möge.

Item oben hast du gehört wie man in der verclagung procediern sol. Nun solt du sehen wie man inquieriern sol / das ist wie der richter vonn seins ampts wegen nach den sünden vnd übelthaten forschen vnd straffen sol.

Item am ersten wölche hie erfarn möge(n) / vnd wan(n) / wider wen / mit wölche(n) exception die abgetriben mögen werde(n) / die im erfarn procediern / dz ist die vo(n)

(267) Der Ander Teyl

ampts wegen procediern / was nottürfftig sey dar zů das der richter in der erfarung der missethat procediern mag.

Item wie man dar inn procediern sol.

Inquisitio. Item du solt am ersten wissenn das Inquisitio in criminibus / das erfarn vmb die missethat vnd übelthat vnd sunst geschicht in geistliche(n) vn(d) weltliche(n) rechte(n) so vil / vn(d) auch gentzlich nit dauon geschribe(n) steet im geistlichen. Nun merck die casus in dene(n) d(er) richter vo(n) ampts wege(n) in weltliche(n) rechte(n) procediere(n) mag. Nymwar / spricht man dz einer in seim hauß ertödt sey / in wölche(n) wegs gescheen sey / durch gewalt / durch schlagen / durch hangen / erstickt / erstochen (et)c. der richter sol erfarn. Von der matery hastu oben ad sena. consul. silleya.

C. de aboli. ablitio. Item wann ein verclagung gescheen ist vnd der vercläger hat gelt genommen vnd hat vom verclage(n) gelassen / erfindt das der richter durch sein ampt so sol er in straffen on verclagung.

Preses p(ri)uincie inq(ui)rere debet et purgare terram malis boibus. Item der landtrichter sol von ampts wegen procediern / das er erfar vnnd erforsch die übelthätigen menschen die in seim gerichts zwang vnd in der prouincien seind / vnd sol das landt reinigen von bösen leüten.

Plagiarij. Ite(m) all sacrilegos / schächer / latrones in latein / Plagiartores die den leüten ir weyb oder kindt hinfüren oder verfürn / dieb vnd die sie behalten vnd vffnemen (wan[n] on den selbe[n] so möchte[n] sie sich nit lang verberge[n]) vn(d) sol den selben ir sel nemen nach de(m) vnd yegklicher verschuldt hat. Solchs mag ein yegklicher richter thůn in seim gerichts zwang der anders übers blůt zů richten hat.

ff. ad. l. iuli. de adult. l. ij. §. si publica. Ite(m) die missethat Lenocinij / wo er dz erfert mag er straffen on eine(n) v(f)clager.

Item er mag den arckwenigen vormundt von ampts wegen straffen.

ff. de suspec. tut. tutor. §. no(n) t(a)n. C. de epis. et. cler. si q(ui)s in b. genus. Item der richter mag von ampts wegen erfaren vnnd auch straffen die die mit gewalt in ein Christenlich kirchen geen / vnd den geistlichen personen in d(en) krichen / oder den die götliche ampt volnbringen schmachheit od(er) gewalt thun.

C. de p(ro)ba. iubemus. et de testi. nullum. Ite(m) wan(n) sich einer gebraucht arckweniger oder verdacht brieff vn(d) instrument / od(er) falscher zeüge(n) / mag d(er) richter vo(n) ampts wege(n) erfarn vn(d) straffen.

C. d(e) iur. deli. sancimo. §. licentia(m). Item als offt der erb etwas stilt vom erbe.

C. de naufra. q(uo)tiens. l. i. li. xi. Item wann ein übelthäter beken(n)t er hab mer gesellen in der selbenn sünd / wie wol man nit glaubt wider die anndern darnach das er sein eygen boßheit bekant hat. yedoch würt nach den gesellen geforscht.

C. de acc. singuli. ff. de q(ue)stio. l. i. §. si q(ui)s vltro. Item in offenbarlichen übelthaten.

C. de accu. ea. q(ui) C. d(e) aposta. apostatap. C. de iude. nemo. Item in kätzerey vnd abtrünnigkeit.

C. ad. l. iuli. ma. l. ij. et. iij. Item in crimine lese maiestatis.

C. d(e) calu(m). l. i. et. ff. ad. tur. l. i. §. i. Item wann der vercläger sein verclagung nit bewisen hat / sol in der richter so er das vrteyl geben wil straffen.

Qui ex officio de crimine inquirire et procedere possunt.

Wer die seind die von ampts wegen vmb die übelthat vnd malefitz erfarn vnd procediern mögen.

Item wer die seind die von ampts wegen vmb die sünd vnd übelthat mögen procedieren / solt du mercken am ersten / das die oberste(n) herrn als d(er) Bapst

(268) Das QXXVII Blat

vnd der Keyser. Item die legaten vom Bapst vnnd auch vom Keyser / aber der Bapst vnd der Keyser erfarn vnnd in quirieren durch sich selbs nitt / aber sie gebiettens eim andern das der selb an irer statt thů.

Item die Bischoff in iren Bistumben.

in. c. sicut vnire de exces. prela. Item die Ertzbischoff / aber doch nit in irer vnderthänigen Bischoffen Bistumben / dann in etlichen casus geschriben.

ff. de q(ue)sti. l. j. §. si q(ui)s vltro. extra d(e) accu. cu(m) dilectus (et)c. c. sicut olim. extra de offi. or. c. ls. Item der landtrichter vnnd ein yegklicher richter der über das blůt hat zů richten der merum imperium hat.

Quando iudex inquirere per se potest.

Wann der richter von sein ampts wegen procediern möge.

Nun sollen wir sehen wan(n) man von ampts wegen mag procediern vn(d) wider wölche / als dan(n) sol der prelat oder weltlich richter procediern als oben stat oder so das der Bapst oder Keyser gebeüt / wan(n) das geschrey für in kompt / wider ein der ein missethat gethon hat / oder ein geistlich malefitz nit ein mal sunder offt / nymwar das geschrey kompt fürn prelaten das sein vnderthon seiner kirchen pfrůndt verthů / oder ein ander sündt. Aber so kompt ein geschrey das der ertödt sey worden / vnnd man weißt nit von wem / als dann sol der richter vonn ampts wegen procediern sollichs zů erfarn / vnd darnach straffen.

Merck das wort offt ist im rechten nit vßgelegt worden als an zweyen oder drey malen genůg sey (et)c. Wann als gott die statt Sodoma vnnd Gomorra wolt vndergeen lassen / da sprach er ich wil absteygen vnnd werd sehen ob das geschrey das für mich kommen ist war sey / vnnd ob sie solliches gethon haben oder nit das ichs wisse.

ff. de iur. deli. l. j. in fi. Item der amptman der vor seim herren verclagt mardt / was er im seinem habe vnd gůt gethon het / steet nyendert wie offt solliches geschrey vor gott oder den gůtten herrn kommen sey / vnd darumb so würt solchs gesatzt in den willen des richters. vt extra de accu qualiter et q(ui)n. Wann vß den beiden geschrifften der alten vnd neüwen Ee hat diß procediern ein fundament grundt vnd vrsprung genom(m)en.

Item es ist auch eins nottürfftig zů dem geschrey / das das geschrey nit kom(m) von feynden / oder denen die mit den feynden wonen / vnd die selben werden in latein maliuoli geheissen / der selben seind noch vil / von den du auch hast ob(e)n im Titel / wölche nit verclagen mögen. Maliuoli. Maledici. Maledici sollen sie auch nit sein / das seind die / die gewonlich böß von den menschen sagen / vnd wiewol die selben gůt seind / von den selben steet geschriben durch den Propheten. Der herr soll zerströwen all arglistige lefftzen die böß reden zungen / vnd fürter / des mund vol böser red vnd bitterkeit ist vnd arglistigkeit / vnnd fürter / sie haben ir zungen gespitzt als die natern schlangen von ersamen vnd fürsichtigen / wann zů ein yegklichen versicht man sich er sey from(m) / gůt vnd ersam / man beweyse dan(n) das er böß vnd nit from(m) sey. ff. de re mihi. no(n) o(mn)es. §. a barbar. Vnnd das ist wider die närrischen hecken richter in den dörffern / sie solten allein über schelmige hüner vnd die den pfipffitz haben / vnd ander schelmisch vihe vrteyl sprechen.

Z

(269) Der Ander Teyl

Exceptio(n)es co(n)tra inquisitiones et eius p(re)cessum.

Mit wölcher exceptio du dich wören magst so wider dich von ampts wegen in quiriert vnd procidiert würt.

Nun merck wölcher exception du dich gebrauche(n) magst so wider dich von ampts wege(n) inquiriert vnd procediert würt / oder so wider dich sollichs erworben ist vom babst oder vo(m) keyser. extra de crimine fal. licet ad regime(n). de offi. iudi. dele. cu(m) in iure. C. d(e) man. p(e)n. l. vni. Nym(m) war vil exceptio(n) magstu dich gebrauchen / so du geladen würst / so die inquisitz vnd das erfarn vmb die missethat wider dich erworben ist / so soltu abgeschrifft vnnd copey des rescripts vorderen vom richter das er dir die gebe / vnd das ist er schuldig zů thůn / vnnd er mag über sollichs nit procediere(n) / so ym die copey würt / die soll mit dem hauptbrieff verlesen werde(n) / vn(d) solt mit fleyß mercke(n) vn(d) war neme(n) ob d(er) hauptbrieff war sey od(er) ob du yend(er)t ein falscherey in de(n) brieff begryffe(n) möchst / als du solchs vindest.

in. c. suspitio(n)is d(e) offi. dele. et. c. cu(m) speciali d(e) appel. Am andern merck ob du die person des inquisitors / das ist der / d(er) vmb wie oben stat wider dich procediert / wan(n) es mag ein yegklicher richter der vmb übelthat hat zů richten von ampts wegen procediern die sünd zů erfaren / vn(d) darnach zů straffen / vmb ein redlich vrsach / als arckwönig vn(d) verdacht recusiert werden als dan(n) so soltu sollich arckwönigkeit fürbringen im rechten / vnd sollen dar über wilkürt richter gewelt werden / die dar über erkennen sollen ob die vrsach der arckwönigkeit billich sey oder nit / nach dem vnnd geschriben steet. ff. de libe. ca(n) ordinata. et. C. si rec. puin. vnica. Vnd diß hat stat / die inquisitio werd dem ordenlichen richter oder eim and(er)n empfolhen / wan(n) ir yeder mag für arckwönig vnd verdacht recusiert vnd gewid(er)t werde(n). iij. q. viij. iudics. de adpel. ij. req(ue). C. de iudi. apertissimi. Wan(n) es nympt gewonlich ein traurige(n) vßgang. Wo vor arckwönige(n) richtern gerecht würt / es ist auch herr vor eim verdachte(n) richter zů kriege(n).

Am dritten soltu mercken die form des rescripts / vn(d) vindestu also / es seind für vns kom(m)en .G. vnd .B. vnd hab(e)n vns vil schwärer vnd grosser übelthat vo(n) irem bischoff gesagt vn(d) verkündt / die möge(n) wir nit vngestrafft geen lassen daru(m)b gebiete(n) (et)c. So magstu also excipiern ir richter vn(d) inquisitores die die dise inquisitz erworbe(n) habe(n) / habe(n) sollichs nit in liebe d(er) gerechtigkeit / sund(er) ga(n)tz in boßheit gethon / wann sie seind mein offenlich seyndt / oder wonen bey mein feynden / ir freünd vnd ir helffer meynen sie wider mich gezeügen zůfürn.

Item sie seind meyneyd an mir worden / vnnd darumb sollen sie nit gehört werden das sie keinerleyh übelthat von mir sagen / auch sollen sie nit zů gelassen werden / vnd gehört dise in quisitz wider mich zů volfürn vn(d) prosequiern. Sie sollen auch nit wider mich zů zeügen genommen werden / wann sie seind mit vil sünden vnd missethaten umbgeben.

extra c. inq(ui)sito(n)is. Item mein leümůt ist noch nye versert gewesen in keinen weg / vn(d) als dan(n) sollen die inquisitores vmb die sünd nit prodecieren / sie erfarn dan(n) vor dz sein leümůt vor versert sey gewesen. C. q(ui) ad liber. procla. no(n) licet. l. iij. extra de testi. co. c. iij. Wan(n) durch das laucken würt die sach zwyfelig. de accu. cu(m) oporteat. et. c. q(ua)liter. ij. Vnd sollen die inquisitores vor nit vmb die warheit der sünderfarm / et dann der leumůt bewisen ist / anders er mag appellieren.

iiij. q. iij. ite(m) vbi vt d(e) accu. q(ua)liter ij. prope fi. Item zů beweysen den leümůt sollen zwen oder drey zeügen genom(m)en werden vnuerleümpt. Vnd die selben sagen das der verleümpt sey vmb die sünd vor fürsichtigen from(m)en schwären vnd ersamen menschen.

(270) Das QXXVIII Blat

de accu. cu(m) oporteat. Item wo er beweyßt das die solche als in der exception ob(e)n steet / so soll von iren wegen in der inquisitio nit fürter procediert werden.

extra de accu. q(ui)litceret et qua(n)do. Am vierden solt du exceptiones in gericht wider durch die zeügen geben die wider dich gefürt werden / wan(n) dir seind vor behalten all exceptiones vnd replicationes. Interrogatoria. Vnd darumb wan(n) die zeügen wider einen gefürt werden / so sol er protestiern das er im behalt exceptiones wider die person der zeügen vnnd wider ir sagen / vnnd sol im machen lassen Interrogatoria / das ist ein geschrifft in der geschriben steet wie die zeügen geforscht sollen werden vff die artickel / vnnd die selben geschrifft soll der richter nemen / vnd darnach die zeüge(n) verhören / wan(n) man sol dir der artickel ein copey geben vff die die zeügen verhört sollen werde(n). Nymwar geschee in quisitio vmb eebrechen / vnnd die zeügen würden gefürt / du solt vnder anderm in dem interrogatorio also setzen. Ist es das die zeügen sprechen das ich die Ee gebrochen hab / so forscht mit wölcher / vnd an wölche(m) end / in wölchem iar / in wölchem monat / in wölche(m) tag / vn(d) in wölcher stund des tags / vnd ob sie da bey gewesen seind / vnd ob sie es gesehen haben / vnd ob sie die frawen kennen / vnd wer mer da bey gewesen sey / vnnd ob sie sollichs vß neyd gunst forcht oder lieb sagen / vn(d) ob sie sollichs zů sagen vnderwisen seind.

Am fünfften so die zeücknüß geoffenbart ist / so sol er excipiern wider das sagen der zeüge(n) ob sie villeycht vnder inen widerwertig wern in der statt. Als geschach mit den zeügen die über die farwen Susannen zeügknüß gaben / d(er) ein sagt es wer gescheen vnd(er) eim birbaum / d(er) ander vnd(er) eim maulberbaum.

ff. ad. l. cornel. de fal. cos qui. Ite(m) seind sie d(er) zeyt nit eins / wan(n) wo einer sagt es sey im hornu(n)g / d(er) ander im mertze(n) geschehe(n) / wan(n) die seind nit tüge(n)lich zeüge(n) / die die vnderscheid d(er) zeyt nit zůlaßt.

Item du magst dich vil oben vnd hernach geschriben der exceptiones gebrauchen / die du oben vnd hernach mercken magst.

Que ad inquisitionem requirantur.

Was nottürfftig sey vnd wie vil vff das das inquiriert vnd von ampts wegen procediert mög werden.

Nun merck was nottürfftig sey / vnnd wie vil vff das das inquiriert vnnd von ampts wegen procediert mög werden. Nymwar.

Am ersten so můß einer vmb etliche sünd vn(d) übelthat wille(n) verleümt sein.

Am and(er)n gebürt sich dz d(er) selb sey vnder des selbe(n) richters gerichts zwang.

Am dritten das sollicher leümůt offt für den richter kommen sey. Wie sollichs geschehen sol / hast du oben.

Am vierden das sollichs nit nur ein mal / sunnder mer / für den obern kommen sey wie oben steet.

Am fünfften das sollichs nit kommen sey von feynden / bösen leüten / bösen schwätzern / vnd verleümten wie obsteet / sunder von fürsichtigen vnd frommen / als in dem nechsten Titel oben.

extra de accu. q(ua)liter et q(uo)n. Am sechsten das sollicher leümůt vmb der gerechtigkeit vnd nicht boßheit oder feyndtschafft willen vonn in gesagt werde / wann als in der verclagung sol inscriptio verbindunng vorgeen / also sol auch der inquisition vorgeen geschrey / clamosa insinuatio.

extra de accu. licet in fi. Item es gebürt sich das wider den der eins gůtten leümůts ist / nit also pro

Z ij

(271) Der Ander Teyl

cediert werd / wan(n) der richter der d(er) oberst ist / sol so schnell nit sein sollich inquisition zů erlaube(n) / wan(n) wir sollen mer ein wollust haben zů hören gůtten leümůt / dan(n) bösen. Wan(n) würt böser leümůt wid(er) eine(n) bewisen / vn(d) wil sich einer widerumb beweysen eins gůtten leümůts / man sol im sollichs günnen.

extra. c. inquisitionis. Item es sol vmb groß sünd vnd übelthat / als vmb symoney / eebrecherey / dilapidation / sollichs inquisitio geschehen / wan(n) die selben soll man nit leyden (et)c. vnd nit vmb clein sündt.

Item was du in disen zweyen Titeln nit vindest. Sůch in Speculatore / der setzt es als samen.

Item du magst auch beweysen dz d(er) leümůt vßgange(n) sey vo(n) den feynden / vnd von andern / den nit zů glaube(n) ist / wan(n) wölcher dein feyndt ist / sagt selt(e)n gůts von dir / vnd der der gestern verdacht was / ist dir auch heüt verdacht.

Judicis officium in procedendo.

Wie der richter von ampts wegen procedieren sol.

Item wie man von ampts wege(n) procediern sol / solt du wissen das in zwen weg vmb die übelthat vnnd malefitz würt procediert über das wesen eins closters / oder eins stiffts / oder kirchen / wie sollichs gesein mag laß ich vnderwege(n) wan(n) Rofredus vnd speculator setzen gantz do von in tractatu de inquisitionibus / vnderweylen würdt vo(n) ampts wege(n) inquiriert vmb ein sunderlich übelthat vnd malefitz / vnd die selb inquisitio ist vnderweyle(n) erworben vom babst / darum(b) ich ouch nit setzen wil wem es aber not geschehe / der sůch in den zweyen Rofredo vnd speculatore wye oben stat. extra de purga. cano. c. vlti. So aber die inquisitio(n) nit erworben ist / soltu wissen das / das geystlich recht geyt ein forme vnd spricht das allein sol vmb die artickel erfaren werden / ob ein gemeyner leümůt sey bey frommen vnd schwärn menschen / vnnd der leümůt sol nicht ein vrsprung haben von den feinde(n) / so mag der richter vff setzen ein bestympte(n) tag / so der vrspru(n)g von feinden nit kom(m)en ist oder leymůt / vnd wann also einer ist verleymdt vor seim ordenlichen richter / so mag der richter auff setzen ein bestympten tag ob yemant den wöll verclagen das die selben solichs thůn. fi. q. v. oib. et extra d(e) pur. cano. ex tuarum. Vnd ist das vercläger kommen die do wöllen vnd mögen den verleymten rechtlich verclagen. die sollen gehört werden.

vt hic. et d(e) simo. licet hely. Item erscheynt kein verclager vnd der bößt leymůt bleybt dannoch / so mötcht der bischoff mit seinen chorherren zů erfarn procediere(n). Vnd ist dan(n) einer der das ampt des erfarns treybt vnd vordert / so soll yn der richter hören / vnd soll sein g(e)zeüge(n) hören die der fürderer promotor in latein / dem richter benent hat / kompt aber kein fürderer / od(er) er ist ko(m)men / vn(d) erschyne(n) / vn(d) ist aber vertriben wan(n) der verleymt mag wider yn excipiere(n) vn(d) beweyse(n) seine(n) gůte(n) leymůt.

Promotor. Merck / wan(n) eyner gelade(n) würt vo(n) ampts wege(n) / vn(d) vorm richter erscheint / so sol fürbaß der richter bestellen einen der den anspreche vonn ampts wegen / vnd der selb heißt ein fürderer des ampts / Promotor officij in latein.

in (et)c. inquisitionis de accu. Item der richter sol am erstenn den verleümten laden vonn ampts wegen für sich / kompt dan(n) der geladen / so sol er im geben abgeschrifft vnd copey / das er wiß waru(m)b er gelade(n) sey / vff das dz er macht vn(d) weyl hab sich zů beschirme(n) /

(272) Das QXXIX Blat

vnd sol nymmer vo(n) ampts wegen procediert werden vff heimlich verreterey / die mit heymlichen brieffen zů geet / als dan solichs eygentlich. Verbotten ist / man soll ouch die selben die also heymlichen yren nechsten verrate(n) / durch echte(n) / als sollichs in der gloß des selbe(n) capitels stet.

extra de accu. q(ua)liter et q(uo)n. ij. et. c. inquisitionis. Item der also geladen soll wissen die vbelthat vn(d) malefitz darumb dan(n) der richter wider ynn procediert / wan(n) würde etwas wider in bewisen do von er nit verleymet wer / so soll er darumb nit gestraft werden.

vt in. c. inq(ui)sit(i)o(n)is. Item so die g(e)zeügen verhört vnd vff geno(m)men werden / so sollen yre namen vnd was sie gesagt haben dem geladen alles gesagt / vnd abgeschrifft geben werden / vff das das ymme behalte(n) seyg sein exceptiones wider die person der g(e)zügen vnd wider yr sagen / man soll ym ouch geben zeit vnd ziel sich zů beschirmen.

vt in. c. q(ua)liter. Item ist das also die sünd wider yn bewise(n) ist / so soll er gestrafft werden nach dem wille(n) vnd erkenne(n) quia alid(e) est arbitrin(o) aliud volu(n)tas des richters vnd dem wese(n) der sünde / also das er nit degradiert sol werden / ym mag aber sein pfrůnd genommen werden.

extra de do. et co(n) tu. c. j. Es wer dan(n) ein soliche swere sünd als mörderey (et)c. Von solichen hastu jme inquisitio(n)is. Diß geet allein die geistliche(n) an d(er) peen halb / aber ma(n) sol wid(er) die geystliche(n) die strengikeyt d(er) rechte(n) nit halte(n) noch brauche(n).

Item wirt er aber nit mit den g(e)zeügen vberwunden / das er die sünd hab begangen / vnd so ist doch der leymůt bewisen vnnd bleybt also der leymůt / so sol der richter den geladen sich heissen mit seim eyd entschuldigen nach dem wesen der sünd vn(d) ouch der person / vnd ist das sich die person nit entschuldiget / als du ym titel vom entschuldigen hast / so soll er nach ordenung der rechten gestrafft werden.

Defensio inquisiti et appelllatio.

Wie sich der wören vnd beschirmen mag wider denen also procediert würt / vnd wie er appelliern mag.

Oben hastu wie der ober richter mag erfarn vm(b) die vbelthat seiner vnderthan. Nun solt du sehen wie sich der beschirmen vn(d) weren mag wider den also procediert würt / vnd wie er appelliern mag.

extra de ap. cum speciali de accu. q(ua)liter et q(uo)n. ij. vt ibi. Am ersten soltu mercke(n) / ob du den richter auß einer redlichen vrsach recusiern vnd widern möchst / wann er mag wol recusiert vn(d) gewidert werden. Wann es sol solichs erfaren nit auß neyd geen. Gebürt ynne aber solichs in geschrifft zů geben die capitel vmb der wille(n) er spricht das er schwerlich verleymůt sey / vff das / das er sich möge im rechten beschirmen zů gezeyten sich bedencken.

p(ro)ba(n)t. extra de ac. cu. q(ua)liter et q(uo)n. ij. §. debet. ff. de edili. edict. l. j. §. edenda. Item das der richter solich ab geschrifft sey schuldig dem zů gben vnd ouch den g(e)zeug zů bedencken. Versagt er aber yn die copey er mag appelliern in sollicher forme.

Vor vch eerwürdiger vatter herr bischoff zů Bon(n). Ich .N. entpfind mich beschwert / darumb das ich von vch gefordert vnd gebetten hab zům dicker mal copey der artickel vm(b) der willen ir wider mich wolt procediern / vnd spricht ich sey schwerlich verleymůt die ir mir nit gebe(n) vn(d) dar zů zug mich dar vber zů berate(n) / vnd habt mir soliches wider recht versagt / vnd do mit die macht mich zů beschirmen mir geno(m)men vnd

Z iij

(273) Der Ander Teyl

entwört / darumb so appellier ich in diser schrifft zů vnserm heyligen vatter dem Bapst / vnd bitt aposteln fleyssig fleyssiger vnd aller fleyssigest / vnd sollich appellatz soll in geschrifft vnd vor eim notarien geschehen der dan(n) dar über ein instrument sol machen.

extra vt eccle. bene. c. vnico. Item merck / das der wider den also procediert würt / sol zům richter spreche(n) / herr sagt mir ob mich eyner gegen vch verclagt oder den u(n)ciert oder diß inquisitz gefordert hab / vn(d) ist sollichs also / so bit ich dz yr mir solichs ein libel gebent vnd zug mich zů beraten dar über / procediert ir aber von ewers ampts wege(n) / bit ich das yr mir gebent abgeschrifft der capitel von der wegen ir über mich procediern wölt / vnnd zeyt vnd zug das ich mich mag beschirmen / vnd würt ym sollichs versagt / er mag appelliern in massen hernach geschrib(e)n / wan(n) wo der richter vor vmb die warheit erfüre vn(d) erst darnach die capitel gebe / sollichs were kraftloß wan(n) er verkert die ordnung des rechten wan(n) wo vor erfarn ist vmb die warheit der vbelthat / ee dan(n) der leymůt nit vorgeet / so gepricht ouch des inquiriere(n)s verclager / wan(n) der leymůt ist an des verclagers statt / wan(n) on den selben mag niemant verdampt werden. ij. q. vj. in p(ri)mis. et. c. ti. inquisitionis. §. iij. Wann ym verclagen sol die verbindu(n)g vor geen / vnd ym inquiriern leymůt vn(d) vß sollichem wider recht procediern mag nicht ordenlichs nachuolge(n). Darumb sol der richter von solliche(m) proceß lassen / vnd sol von neüwen inquirieren vmb den leymůt / vn(d) ob dan(n) wol würt hernach der leymůt bewise(n) vnd erfunde(n) / yedoch sein dannoch die zeügen die gebe(n) sein über die warheit der malefitz vntügenlich / wann sie sein wider die ordnung der rechten verhört vn(d) geno(m)men worde(n). C. de p(ro)ba. cum precibus. Vor vch herr Johans bischoff zů Mentz. Ich .N. sprich vnd sag wie wol ich demütigklich gebere(n) als yr spracht ir wolt wider mich vber sollich .N. malefitz procidiern / das ir mir sagt vnd kunt theten / wer der sey der mich verclaget denu(n)ciert / oder diß inquiriere(n) vorder / vnd das mir geben würd das libel vnd zug / mich darüber zů beraten / wöltent ir aber von ewers ampts wegen wider mich procediern / das ir mir dan(n) die capitel geschryben vn(d) zug ouch darüber berate(n) gebent / das ich mich beschirme(n) vnd mein rechtlich exceptiones do wider geben möcht / sollich mein rechtlich bitten vnd vordern / habt ir mir wider recht versagt / darumb empfind ich mich in sollichem beschwert / vnnd appeliere für vnsern heyligen vatter den babst in disen schrifften / vnd bit aposteln fleyssig fleyssiger vnd aller fleyssigst (et)c.

extra de proba. q(ua)m contra. Item diß sol als bald gescheen durch den / wider den inquiriert würt so er in gegenwertigkeit ist des richters vnd von disen vnd andern das ym gericht geschicht soll alle weg gemacht werden instrument.

Item wie sich der halten sol wider den also procediert würt so er die artickel hat. Merck / ist das der richter gyt die capitel / als dan(n) so sol der wyder den procediert würt vff steen / vnd also spreche(n) / zwey seint der capitel von deren wege(n) yr wider mich wölt procediern vnd sprecht ich sey schwärlich verleymůt. Das erst ist das ich die vnkeüscheit getribe(n) soll haben mit Bertha. Das ander ich verthů meyner kirchen das yre / vff diß capitel gestee vnd beken(n) ich nitt das ich vmb solliche ding verleymůt sey / vnd sprich das ir wyder mich nit procediern möcht es sey dan(n) vor bewisen das ich eins söllichen verleymůt sey / darumb so sprich ich

(274) Das QXXX Blat

das ir vor solt zeüge(n) neme(n) / vn(d) die selbe(n) verhöre(n) / vn(d) solt mir ir name(n) sagen vn(d) mein interrogatoria neme(n) / vn(d) die zeüge(n) darnach verhöre(n) / wie sollichs interrogatoriu(m) gemacht sol werde(n) / nym auß obgeschribe(n) puncten / vn(d) lasset sollichs d(er) richter zů geen / so ist es gůt / thůt ers aber nit / so mag er appelliere(n) in sollicher form. Vor vch erwirdiger vatter .N. ich Joha(n)nes pfarrer zů .N. entpfind mich beswert / darum(b) wa(n) ich gelaucket vn(d) nit beka(n)t hab dz ich v(f)leymůt sey vm(b) die artikel von d(er) wege(n) ir wid(er) mich procediere(n) wölt / vn(d) ich sprach vn(d) gesproche(n) ha(b) dz ir vor solte(n) zeügen des leymůts halbe(n) geno(m)men vn(d) gehört habe(n) / vn(d) mir d(er) zeüge(n) name(n) gegeb(e)n / vn(d) mein interogatoriu(m) geno(m)men habe(n) wie sy verhört solte(n) werde(n) / ee yr fürter procediert zů erfare(n) / ir habt aber de(n) artickel des leymůts vnd(er) wegen gelasse(n) / vn(d) procediert zů erfare(n) vm(b) die warheit d(er) gemelte(n) artickeln wid(er) mich / wid(er) got / vnd dz recht / darum(b) appellier ich in diser geschrifft für vnsern heylige(n) vater de(n) babst / od(er) für de(n) dan(n) zů appelliere(n) ist vn(d) bit aposteln zům erste(n) zům andern dritte(n) mal fleyssig fleyssiger vn(d) aller fleyssigst. p(ro)ba(n)t extra de accu. cu(m) porteat. et. c. q(ua)liter et q(uo)n. ij. et. c. inq(ui)sitio(n)is. Das aber nur allein sollichs gelaucket hat / dz er in soliche(n) leymůt sey sollichs soll vor erfare(n) werde(n) ee da(n) fürter inquiriert würt / wan(n) durch das laucke(n) / würt die sach zweyfelich. C. q(ui) ad liber. p(ro)no. no(n) li. l. vlti. in princi. Würde d(er) leymůt bewise(n) / wie solt sich einer fürbas beschirme(n) r(e)n. extra de accu. licet in fi. Er sol sich beweyse(n) gůts leymůts / wan(n) wir solle(n) mere lufts habe(n) in gůte(n) leymůt da(n) in böße(n) / die freiheit gůts leymůts ist höher vn(d) crefftiger da(n) des böse(n) leymůts. c. ti. cu(m) dilectus. c. cu(m) oporteat. et c. q(ua)liter et q(uo)n. et c. inquisitionis. extra de cohabi. Beweyse aber dz sollicher leymůt ein vrspru(n)g hab vo(n) sein veinde(n) / a co(n)spiratoribus / od(er) vbelthätern / be(n)nische(n). Er beweyse aber wid(er) de(n) erst(e)n artickel dz er ein ersa(m)er ma(n) sy / od(er) dz die gena(n)t Bertha sy sei(n)er můter swester sei(n)s vaters swester.

cleri. et mulie. c. j. cus a nobis. C. de epise. et cleri. eum qui. Item vff de(n) and(er)n artickel vom verthůn mag er probiere(n) das er seyner pfrůndt habe wol tractiert hab / oder aber dz yne dar zů die schuld gezwungen hab / vnd er möcht sunst nit bezalen.

Quo(d) crime(n) in modu(m) exceptio(n)is opponit(o).

C. de sacrosanct. eccle. iubemus. in aute(m). hoc ius. Wie offt die malefitz vnd übelthat in exceptio(n) wyse fürbracht vnd opponiert mag werde(n) / vnd welche vrsprung vnd krafft die übelthat also fürbracht hab.

Nu(n) solle(n) wir sehe(n) wie offt die malefitz vn(d) übelthat in exceptio(n) weise fürbracht vn(d) opponiert werde(n) / welliche wircku(n)ge dz malefitz also fürbracht hab / vn(d) wie procediert sol werde(n) vn(d) ob ein peen darum(b) geen sölle / so die malefitz wider yn bewysen werden / oder ist das malefitz nyt bewisen worden / ob der also exciptiert hat / gestrafft / soll werden.

extra de simo. licet bely. Merck am erste(n) das nit allein in geystliche(n) / sund(er) ouch in weltlichen rechte(n) werde(n) die missethat in exceptio(n) weyse fürbracht / vn(d) vnderweyle(n) wider de(n) anclager / ouch wyder de(n) verclager / ouch wyder de(n) g(e)zeüge(n) / vn(d) ouch wider die / die geweycht / ode(r) erwelt seynt vn(d) co(n)firmirt solle(n) werde(n).

ff. d(e) his q(ui) no. infa. lucius. de or. cog. cu(m) dilectus. §. vlti. de testi. super eo. de simo. licet. et c. p(ro) tuas. Ite(m) excipiert einer daru(m)b dz d(er) verclager od(er) clager od(er) zeüge(n) von seim zeügniß gebe(n) sol vertribe(n) werde(n) / als da(n) der do excipiert der můß sich nit verbinden vff die peen (et)c. Vnd ist das der nit beweyset der excipiert / er würt nit gestrafft / die weyl ers in exceptio(n) wyse gethan hat.

Item ist das er das malefitz also fürbracht bewysen hat / der wider den also excipiert / würt nit gestrafft ouch darumb nit erlose.

Z iiij

(275) Der Ander Teyl

ij. q. vij. si q(ui) sunt et. c. querendum. Item man mag excipiern wid(er) den verclager vo(n) malefitz vnd vbelthat on libel vnnd on peen.

ff. ad. l. iuli. de adulte. si vxor. § iudex. Item in weltliche(n) rechten würt ouch der eeman vom verclagen / ist das er seyn ee gebrochen hat / wie mag der eeman keüscheyt sunder schame von der eefrawen begeren vnd vordern / die er selbs nit hat / wann der eeman sol dem weib gůt sytten für trage(n). ff. so. ma. que(m)ad. dos peta. l. viro. Vnd also werden gleych sünd vn(d) missethat gegen eynand(er) abgeschlage(n) vn(d) abgethan.

C. ad. l. iuli. de adulte. l. j. Item das malefitz vnd laster lenocin iu(s) in latein vertreybt ouch den eeman / wan(n) sollichs von der frawen wider yn excipiert würt / wan(n) der eeman das gelt vmbs eebrechen geno(m)men hat / oder nutz do von gehabt hat / vnd der eeman soll ouch dar zů vom richter gestrafft werden.

ff. ad. l. iuli. de adulterio. l. ij. §. si publico. Item also soltu mercken / das es also gehalten würt in malefitz / vnd vbelthaten wie offt sie in exceptio(n) weyse wider den anclager / verclager oder zeügen fürbracht vnd opponiert werden so vertreyben sie alleyn vnd würt niema(n)dt gestrafft dan(n) allein der eeman / wo er sein weyb dar zů helt / vnd nutz vom eebrechen nympt.

ff. de muneri. et bono. l. rescripto. Item das ist die vrsach warumb der nit gestrafft soll werden wider den wie oben steet also excipiert würt / wann vff das / das eyner gestraft werde(n) můß / soll ein verclager ko(m)men. ff. d(e) acc. libellor. Vn(d) der / d(er) excipiert der verclagt nit / wie solt er dan(n) verdampt werden / on ein libel der verclagung / oder so das libel bößlich gemacht wer.

Item es ist d(er) will nit des der excipiert / ouch nitt des d(er) vrteyl spricht / das der verclager verdampt soll werden / sunder allein das er vom clagen oder verclagen vertriben werd.

ff. de bo. co. qui. an. sen. si mor. co(n)sti. l. j. Item es würt ouch darumb dem der excipiert vber sehen / wan(n) du mich verclagst / so ist mir zymlich in welche(n) weg ich mag / das ich mein eygen blůt erlöße vnd ledige / vnd darumb so soll man mir vbersehen. ff. de bo. liber. q(ui) cum maior. Zů gleycher wyse als dem vbersehen soll werde(n) der sich rechen wolt als er gerayßt wart oder worden ist.

Item wan(n) aber ein vbelthat in exception weyse fürbracht würt / vff das / das einer von seym ampt oder pfrůnde entschlossen werde / als ob einer excipiert wider yn das er vbelthätig sey / vn(d) die sund ne(n)net (et)c. vnd excipiert er als dan(n) vor d(er) co(n)firmatz / so würt der / d(er) excipiert nit gezwungen das er sich verhinde (et)c. extra de accu. super his. Wann das vbelthat vnd malefitz also bewysen hyndert den der confirmiert sol werde(n) / aber es nympt ym nit das das er vor gehabt hat / vnd das ist darumb / wan(n) er hat noch keyn recht zů dem er erwelt ist / würt aber nach der confirmatz excipiert so er consecriet sol werden / als dann darumb das die übelthat in exception weyse fürbracht / wo dz bewisen würt / so irt es das er nit consecriert mag werden / vnnd nympt yme das recht das er mitt der confirmatz gewunnen hat / vnd wie wol als dann der der excipiert sich nit verbinden můß (et)c. Mag er nit die vbelthat bewisen er wirt gestrafft nach dem willen des richters einer peen. extraordinaria. de elect. sup(er) co. Vnd die selb(e)n peen můß er vor vff sich nemen ee yn der richter die zeügen füren laßt. Vnd das geschicht darumb / wan(n) was geet es dich an so der solt consecriert werden oder geweycht der dich nit verclagt / nit vmbtreybt / wann die wol er das / das er vor gehabt hat nit verleürt / so hindert yn doch sollichs an wirdigkeyten die er hernach überkommen möcht.

(276) Das QXXXI Blat

extra de offi. iudi. deleg. de causis. ff. d(e) co(n)trac. l. j. Item du möchst fragen warumb die peen dem richter heimgesatzt sey. Responsio. Darumb / wann das ist gemeyn im rechte(n) / wo nit ein gewisse peen im rechten gesatzt ist / so ist sollich straff des richters willen heim gesatzt. ff. de verbo. sig. si a qua pena. Vnd vo(n) der selbenn peen mag geappelliert werden / aber nit wo die peen im rechten geschriben steet.

extra de accu. euidentia. Item du solt wissen das in offenlichen vnd kuntlichen übelthaten / ist nicht not das verclagung geschehe / oder exception / auch dörffen die zeügen nitt verhört werden / oder ander beweysung. yedoch sol dannocht ein rechtlich ordnu(n)g eins teyls dar in(n) gehalten werden. extra de iureiuran. ad ni(n)am. iij. ar. extra d(e) accu. q(ua)liter. ij. §. debs ij. q. j. manifesta. Wann der schuldig reus sol geladen werde(n) vnd sol im die that fürgehalten werden ist das er kompt / vnd sol macht hab(e)n sich im rechten zů wören in seiner gegenwertigkeit / aber so er nach der verkündung vngehorsamlich vßbleybt / sol das vrteyl geben werden. Anders das vrteyl in offenbaren thaten ist krafftloß.

extra de except. cus inter. §. fi. et clemen. pastoralis. de re iudi. circa fi. Item gemeynklich würt in welschen landen also procediert / wann das malefitz offenlich fürbracht würt vnnd geschehen ist / als bald erforscht der richter in einer gemeyn / nit wider ein sunderheit / vnd so er sollichs erfarn gethon hat / so ladet er die die im benent seind in de(n) erfaren / vnd die selben zwingt er das sie die warheit sagen / vnd mögen sie sich beschirmen / das günt er inen / wan(n) sollich beschirmen gebürt sich vß natürlichen vnd geschriben rechten. extra d(e) offi. ordi. c. j. ff. de offi. p(re)si. l. iij. Vnd in disem erfaren gebürt sich nit die herlichkeit von der du ob(e)n hast im Titel. Nun sollen wir sehen / vnd im Titel mercken was nottürfftig sey / vnd in dem nechsten hernach / vnd wann der richter ist gewiß wölcher oder wölche das malefitz gethon haben / dannocht sol er im oder inen günnen sich zů beschirmen.

Spec. de no. cri. Item merck es ist dreyerley offenbar. Sůch sollichs in speculatore de notorijs criminibus / wann ich kan solchs nit zů teütsch machen.

De purgatione.

Wan(n) vnd wie sich einer entschuldigen oder einigen mag vnd můß.

extra de purga. cano. c. vlti. circa finem. Merck du hast oben wan(n) der richter von ampts wegen procediert / vn(d) mag nit vff die warheit kom(m)en / kan auch nit beweysenn vmb des leümůts willen / so mag der richter den dar zů zwingenn das er sich entschuldige vnnd dar für schwöre das er sollichs gethon hab / darumb er dann verleümpt ist / vnnd ist das im der richter gebeüt das er zwen oder meer zů im hab / die in auch helffen entschuldigen / die selben sollen schwören das sie glaube(n) das er recht geschworen hab. Anceps p(r)iurius de facto alieno. ff. de in li. iuran. videamus. Vnd sollen nit anders schwöre(n) / als etlich thorlich leyen heissen schwören die die mit entschuldigen / das der eyd den der verleümpt geschworn hat / rein das ist war sey / vnnd die selben die do also schwören / seind als bald als sie geschworen haben meyneydig gewonlich / vnnd besunder wo einer für ein sach schwüre die den mitschwörern verborgen ist / ob ers gethon hab oder nit. Vnd diß entschuldigen heißt in latein canonica. Vulgaris purgatio. extra de purga. vulga p(re)to. Noch ist ein entschuldigunng die heißt Vulgaris / die haben die leyen in selbs erfunden / das ist kempffen / kalts wasser / vn(d) das heiß eysen / wie sollichs zů gee schreybt Rofredus gäntzlich dauon in disem Titel / dise entschuldigung ist verbotte(n) von d(er) christenheit. extra. c. ti. c. vlti. Wan(n) durch sollichs würt gott versůcht das er zeichen gebe vnd thů / vnd sollichs soll nit geschehen.

(277) Der Ander Teyl

extra. c. ti. significantibus. Item es würt offt durch sollichs der vnschuldig verdampt. Die pfarrer solten solchen nit vnsern herrn geben / auch vff solchs nit beycht hören / vnd darumb steet nit vmb sunst geschriben das die priester solten geistlich recht künne(n) doch zům mynsten lesen. Deberemus sprach die nunne.

De custodia reorum.

Wann vnd wie die verclagten oder geschuldigten behüt sollen werden.

So die verclagung geschehen vnd der verclagt kom(m)en ist / so ist vnderweylen not / das der verclagt in gefencknüß gehalten werde / darumb so merck.

C. de custo. reor. si quis. Am ersten das der richter sol forschen ob der verclagt der malefitz bekentlich sey / oder nit / hat er die übelthat bekannt / so sol er in gefencknüß gehalten werden als lang biß das das vrteyl geben würt. C. c. l. vlti. Vnd als er bekant hat / so sol im bald die peen angelegt werden. c. l. si q(ui)s in ea. Doch also / so er ein cleine zeyt gefange(n) ist gewesen / so sol er vß der gefencknüß gefürt vnd vor gericht gehört werde(n) / das also offenbar werd ob er noch in seim beke(n)nen bleyb / oder ob er sein beke(n)nen endern wöll / vff das das also offenlich zeügknüß werde das er die missethat gethon hab / vn(d) vff das das also offenlich zeügknüß werde das er die missethat gethon hab / vn(d) vff das das die richter sollen wissen das in ein zaum angelegt vnd gesatzt sey wan(n) sie sollen nit mit im vmbgeen nach strengigkeit wie sie wöllen.

ff. c. l. vlti. Item hat aber der verclagt die missethat nit bekannt / vnnd ist verclagt von einer grossen missethat / so sol der verclagt gefangen gehalten werden. ff. de pe. aut damna. §. solent. Vnnd die erfaru(n)g vmb die sünd so bald geschehen / vff das dz der schuldig gestrafft / vnnd der vnschuldig absoluiert werde / würt aber das erfarn gehindert durch das abwesen des verclagers od(er) der gesellen des verclagte(n) / so sol der verclagt die weyl in hůt behalten werden / aber die ketten sollen lang sein nach dem vn(d) die missethat ist / also das er nit gepeiniget werde / er sol aber doch in sicherhůtt gehalten werden / wann die gefencknüß carcer in latein / ist erfunden allein zů behalten vnd nit zů peinigen. C. c. l. j. per totu(m). Vnd darumb sol er nit gantz in der fynsternüß sein / er sol sich des liechts gebrauchen / aber in der nacht sol die hüttung gezwyfacht werden / vn(d) sollen die hütter vor d(er) gefencknüß ligen vnderm fürschopff vnd so der tag her geet vor der sonnen vffgang / so soll der gefangen wider an das offen liecht gefürt werden / das er in der peen des kerckers nit sterbe. C. c. quoniam. Vnnd vil mögen in einer gefencknüß gehalten werden doch eins geschelchts. Auch merck das kein fraw sol von schuld wegen dem fisco oder eim andern in ein closter oder anderßwo beschlossen werden / oder auch vmb ein cleinen missethat / wan(n) vmb schuld sol sie vmb sich / durch sich oder iren man(n) oder ein and(er)n antwurten / so sol man über ir habe procediern. Ist es aber ein sollich malefitz das not ist das sie behüttet sol werden / mag sie dan(n) ein bürgen geben dem sol man glauben. vt in aut(em). vt nulli iudi. §. necessatium. coll‘. ix. Schwört sie aber sie mög kein bürgen geben / so sol man vff iren eyd glauben / wil sie anders schwörn dz sie dem vrteyl nachkom(m)en wöll / wers aber der grossen sünden eine darumb sie verclagt ist / so sol sie in ein closter gethon / oder frawen zů behütten geben werden / die sie auch behütten sollen.

Co(m)mentarie(n)sis. Item allein die man(n) sollen gefangen gehalten vnd mit fleyß behüt werde(n) von denen die in ir beth machen vnd iren dienern / vnd von dem Co(m)mentariensi / das ist der oberst bey dem gefangen gehalten werden / vnd diß alle sollen menschlichen die gefangen tractieren vnd handeln / sie sollen den verclagern

(278) Das QXXXII Blat

kein gewalt über sie lassen / das sie die gefangen nit peinige(n) mit hunger / durst oder angsten / sie sollen hören vnd gehört werden so sie schreyen / vnd wo sie dawider thůn / so sol sie der richter tödten / anders der richter würt erlößt vnd entsetzt / vnd sol nach dem willen des obern richters gestrafft werden.

C. c. l. vlti. Item co(m)mentariensis sol all wegen vmb den .xxx. tag dem richter sagen / wie vil der person seind / was missethat sie gethon haben / wie sie gefangen lige(n) wie sie gefangen gelege(n) gewesen sein / anders er ist verfallen eratio. xx. pfundt golds / vnd ist der richter seumig das er nit schickt das sollichs geschee d(er) würt seiner würdigkeit beraubt vnnd gestrafft in zehen pfundt golds. C. c. l. ad co(m)mentarienses. Kompt aber der gefangen vß der gefencknüß / sol der hüter die selben peen leyden die der gefangen sol leyden. Der hüter beweyse dan(n) das er casu fortuito vßkommen sey. ff. c. l. vlti. Man sol nit einem sunder zweyen das hütte(n) empfehlen / wan(n) wo sie saumnüß halb die hůt verlieren / sie sollen darnach ir vnfleyß gewesen ist gekestiget werden / wölcher er aber vntreüwlich mit dem hüten vmbgange(n) were / den sol man seins haupts berauber oder sunst schwerlich straffen / vnderweyle(n) würt gnad gethon so der hüter hinweg laufft / dem andern sol man gnad thůn.

ff. c. l. vlti. Item tödt sich aber einer in der gefencknüß oder fiel auß der gefencknüß zů todt / der hüter sol darumb gekestiget vnd gepeiniget werden / tödt aber der hüter oder würfft in auß der gefenncknüß zů todt / er ist schuldig des todtschlags / spricht er aber er sey sunst todt / er sol sollichs mit zeügen beweysenn / vnnd als dann sol im gnad geschehen.

Item der gefangen sol in hůt gehalten werden als lang biß die sachen ein end nympt. C. q(ui) acc. pos. l. ij. C. de custo. reo. si quis. Er soll auch als bald nit gestrafft werde(n) / wan(n) er sol vß der gefencknüß gefürt werden das da gehört werde wie er überwunden sey / vnd sol dan(n) wider in kercker gefürt werden / vnd darnach vßgefürt / vnd sol da gehört werden ob er sich icht wören möge. C. c. l. vlti. in p(e)n. Diß ist also / so der verclagt die missethat bekannt hat / aber wan(n) er mit zeügen überwunden würt / so sol nit gehört werden. C. de pe. si. vindicari. On wan(n) so grosse peen vffgelegt were.

ff. c. l. j. Item ist es das die übelthat nit groß ist der verclagt mag zů behalten gebe(n) werden eim oder im selbs vff sein trauwen oder bürgen das schätzt der richter nach de(m) wesen der missethat / od(er) vmb eren willen / oder vmb reychtumb d(er) gütter / oder vmb vnschuld der person / oder vmb die würdigkeit des verclagten.

Ite(m) d(er) bürg würt verdampt in d(er) sum(m) die er verheissen hat. Ist aber kein bestympte sum(m) verheissen worde(n) / so würt d(er) richter die sum(m) selber schätze(n) / es were dan(n) durch gewonheit ein sum(m) gemacht / die selbe sol der richter halten.

ff. c. si q(ui)s reum. Item er mag auch extra ordinarie den bürgen straffen ist das er arglistigklich den verclagten nit wider bring.

De priuatis carceribus.

Von den sunderlichen kerckern vnd gefencknüssen.

Oben hastu von offenlichen kerckern vn(d) gefencknüssen. Nun merck wie die sunderliche(n) gefencknüß verbotte(n) seind. Du solt wissen das keiner ein besunderlichen kercker oder gefencknüß hab(e)n sol / dan(n) allein der magistrat / dz ist der d(er) den gerichts zwang hat. C. de p(ri)ua. carce. inhibe(n)dis. l. vni. Nymwar wölche richter sollichs nit rechen vnnd wo die die ampt habenn sollichs nit verkünden / seind zů gleycherweyß als die die

(279) Der Ander Teyl

Keyserlich maiestat zerstören / sollen sie getödt werden / wan(n) das ist gewiß dz ein yegklicher der ein sunderlichen kercker hat / vnd die menschen daryn vahet ist als ob er crimen lese maiestatis gethon hab / der sol getödt werden.

Sireus vel accusator mortuus fuerit.

Wo der verclagt oder clager oder der geschuldiget todt were oder stürbe.

C. d(e) accu. l. diui. So das vrteyl vmb die missethat angefanngen ist / offt stirbt der verclager auch offt der verclagt / vnderweylen nur ir einer / vnd darumb was recht sey / sollen wir sehen wo sollichs geschee / vnd nymwar stirbt allein der verclager / die verclagung angehaben verlescht / wan(n) die erb(e)n des verclagers werden nit gezwungen die missethat also angefangen zů durchächten. ff. d(e) accu. ex iudi cior. C. d(e) apost. l. apostatarum. Wol von eim andern mag er verclagt werden. Stirbt aber der verclagt so ist es alles verloschen / on allein in der missethat lese maiestatis / vnd repetundaru(m) / vnd abtrünnigung / vnd kätzerey. Vnd das ist also / so der verclagt natürlichen stirbt die weyl die hauptsach weret. ff. de bo. eo. q(ui) an. sen. mor. co(n)sci. l. iij. (et)c. C. c. l. j. (et)c. ij. Tödt aber der verclagt sich selber / nach dem vnd d(er) krieg contestiert wer / oder so er in der missethat begriffen were / als dan(n) sollen sein habe den erben genom(m)en werden / wan(n) es ist herter so sich eienr selbs tödt / dan(n) tödt er ein Fürsten. C. c. l. vlti. Stürb aber der verclagt in hangender appellatio ist deßgleychen der missethat halbenn / aber der habe halben / seind sie offenlichen adempta / so sol die appellatz volendt werden. Ist aber sollichs schweygend gescheen / wan(n) die hauptsach verlescht / verlischt auch die sach der habe halb.

Si quis imperatori maledixerit.

Wölcher dem Keyser übel spreche.

ff. ad. l. iul. maie. famosi. Oben hastu vo(n) d(er) verclagu(n)g in gemeyn. Nun würstu haben in sunderheit / vn(d) in disem Titel hast vo(n) d(er) gröste(n) that / die geschicht vnderweyle(n) mit gthate / vo(n) d(er) du im nechste(n) Titel hast / vnderweyle(n) mit rede(n). Nymwar sprech einer / d(er) Keyser wer vntreüw / od(er) rotfuchs / od(er) deßgleychen / geschicht sollichs vß leychtigkeit / so sol es verschmächt werde(n) / wan(n) dz eim entschlupfft dz sol nit leychtlich zů peen gezogen werden. Geschichts aber vß vnsynnigkeit des zornes / od(er) so einer vol weins ist / so sol es vergeben werden. Geschichts aber mit bedachte(m) můt / so sol er dem Fürsten gesandt werden / vn(d) er soll die that wigen nach der gelegenheit der person / ob ers vnderwegen oder straffen wöll heissen.

Ad legem iuliam maiestatis.

Von der übelthat lese maiestatis.

Der Keyser würt verletzt so einer ein übelthat wider in thůt / darumb merck die Constitutiones ad .l. iuliam maiestatis lese / wie die selben missethat vßgelegt werden / wann diß malefitz übertrifft die andern alle.

Lese maiestatis crimen. Am ersten was crimen lese maiestatis sey / wölche darumb verclagen mögen / was die peen dar vff sey / vn(d) wie langs were. Das ist die übelthat lese maiestatis / wo einer wider Rom etwas thůt / oder wölcher fleücht zůn feynden / oder in wölchen weg er den feynden hilfft / mit waffen / mit gelt / oder mit rhat / oder die vnderthänige landt vndersteet vngehorsam zů machen / oder so einer ein vflauff bewegt oder macht in einer statt / od(er) das der magistrat ertödt werd

(280) Das QXXXIII Blat

oder der Fürst / oder die bey dem Fürsten militieren vnd wonen durch die er regiert / oder der waffen nympt / oder occupiert etlich end wider gemeyn nutz.

ff. c. l. iiij. in fi. Item wölcher einen der diser malefitz verclagt ist auß der gefencknüß heißt geen. Noch seind mer casus aber sie seind nit gewonlich / die vindestu .ff. in disem Titel.

Item es ist nahet gleych diser missethat wo eienr ein sunderlich gefencknüß hat / vnd in falscher müntz / von den du oben vn(d) hernach hast.

ff. c. famosi. et. l. questionibus. Item es hat dise verclagung vil sunnderheit / wann alle die die sunst vom verclagen vertriben werden die werden hie zůgelassen.

C. c. l. q(ui)squis. et. l. penul. et. ff. d(e) pe. crimen. Item die kindt deren die also gesündet haben vnd ob sie nit getödt werden / so leyden sie doch ander peen / wann sie werden erloß / vnd erben nyemandt / aber die töchtern haben in irer můtter habe falcidiam.

C. c. l. penul. Item so diß malefitz volbracht wirt / mag nichts empfrembdt werden. ff. de bona. post contractum. In andern sünden ist diß nit.

C. c. l. vlti. Item diß verclagung mag angehaben werden nach dem todt.

C. c. l. q(ui)sq(ui)s. §. fi. Item merck das der der sollichs offenbart / ee sollichs angehaben ist / vnd ee er sollichs sich verbunden hat / verdient ablaß vnd nit lon. Wölcher aber also nit entschuldiget mag werden der diser sünd schuldig ist / er hab das malefitz volbracht oder wolt es volbringen / also das etwas dar innen bescheen ist / als ob er den eyd geben oder geschworn het sollichs zů volbringen / oder deßgleych(e)n etwas geschehen were / der sol mit dem schwert getödt werden / vnnd alle sein habe sollen gemeyn geurteylt werden.

C. c. d. l. q(ui)squis. Item mit diser strengigkeit sol der will diser übelthat zů volbringe(n) eben als ob es geschehen were gestrafft werden.

Item wo du in disem bůch vindest dz wort Fürst / solt du allein den bapst Keyser oder ein Künig versteen / wann der andern keiner würt im rechten ein Fürsten geheissen. In diser verclagung magstu also dein libel formieren.

C. d(e) accu. l. accusationis. Vor eüch richter diser statt. Ich .T. verclag .N. vnd sprich das er mit dene(n) .N. vnd .N. ein bundt geschworen oder eins worden ist / wie sie den Keyser tödten wolten / oder den rhat in einer statt (et)c. in disem iar vnd ihm mertzen / in des hauß zů Nüremberg / vnd ist auch sollichs verlüempt vor schwären vnd fro(m)men leüten / darumb bitt ich das ir in straffen des rechten iulie maiestatis / vn(d) verbindt mich wo ich sollichs nit beweyß das ich die selb peen leyden soll / wan(n) der clager sol sich solcher peen zů leyden verbinden / wan(n) es zympt wol das sich der verclager verbind vff sollich peen / wann durch sollichs würt gezwungen vnnd nidergetruckt die keckheit oder freuel der die falsch übelthat fürbringen. Aber sollichs würt an etlichen enden nit gehalten gäntzlich / sunnder es ist ein sum(m) gelts dem verclager vffgesatzt wo er nit beweyset / wo anders er vmb clein sünd verclagt / darumb dann nit übers blůt geurteylt würt.

Ad legem iuliam de adulterijs et stupro.

Von dem eebrechen vnd iunckfrawen zerstörung.

Nun vom eebrechen als die selb missethat vnder den and(er)n gar seer schwer ist. Eebruch. Solt du mercken das Eebrechen ist ein vnzymlich helfen vn(d) vermischu(n)g mit eins andern eeweyb / oder die im gemähelt ist sponsa in latein / vnd ist eb(e)n als ein yngang in eins and(er)n schlaffkamern thorus in latein / wan(n) das ist nit

a

(281) Der Ander Teyl

eebrechung wan(n) ein eeman ein ledig frawen helset. C. c. l. j. et qui accu. no(n) pos. de crimine. In disem Titel würt das eebrechen nit angesehen darumb das einer geet von seiner frawen zů einer andern / sunder allein wo er geet zů eins andern eeweyb oder sponß / vnd das darumb / wan(n) eins andern eeweyb ist gehelset worde(n) spreche(n) wir nit das der man(n) zerstöret werd als die fraw / vnd darumb so mag ein fraw den eeman nit verclagen / daru(m)b das sie spreche das ir thorus schlaffkamer zerstöret sey / auch nit dz ein frembde schlaffkamer als so eins and(er)n eeweyb gehelßt wer zerstöret sey / wan(n) in gemeyn in verclagu(n)g gemeyner missethat würt die fraw nit gehört.

Item in diser verclagung missethat / würt am erste(n) zůgelassen der eeman vnd geet vor den andern allein / vnd darnach der frawen vatter / mit der vnderscheidt als Azo setzt in disem Titel.

ff. c. si vxor. §. diuus. et. §. si minor. Ite(m) spo(n)sus dz ist der d(er) noch nit bey geschlaffe(n) hat / mag diß verclagu(n)g fürn.

ff. c. l. iter. §. filio. Item es irt auch nit ob er der sponsus oder der eeman ist / haußuatters sun oder selb haußuatter / wann er mag on seins vatters willenn das eebrechen straffen / vnd rach seins eygen schmertzen bitten.

ff. c. si marito. §. lex. et. C. c. p(re)ter. §. sed si ipsa. Item es würt auch hie inn nit angesehen das alter / wann der der noch nit xxv. iar alt ist würt gehört / doch mit gewalt seins vormunds / vn(d) allein vm(b) seiner schlaffkamer willen nit vmb frembde clag.

Item der eeman můß sich auch verbinden vff die peen zů leyde(n) / wan(n) ist dz er nit beweyßt / so versicht man sich doch nit zů im das er sollichs välschlichen gethon hab / es erschein dan(n) sollichs mercklichen oder offenlich / vnd der eeman geet den andern verclagern vor innerhalb sechtzig tagen / vnnd wiewol man sich zů den zweyen nit falscherey versicht vnder den sechtzig tagen. ff. c. qua(m)uis. et. l. is cuius. §. vlti. Also / ist dz sie nicht beweysen das sie nit verdampt werde(n) / yedoch empfindt der richter offenlich ir boßheit / sie sollen der peen gestrafft werden. C. c. abolitione(m). ff. c. l. j. Wo sie aber vom verclage(n) oder ander störung von der du oben hast liessen / sie fielen in die peen turpilia.

C. c. iure mariti. Item es würt vertriben vnd gehindert der eeman zů verclage(n) in seim rechten nach den sechtzig tage(n) / er wöll dan(n) clagen als ein frembder nach sechs monaten nach dem vnd die sünd geschehen ist. ff. de adulte. mariti lenociniu(m). §. sex mensibo. (et)c. §. q(ui)nquennium. Vnd nach fünff iaren sol kein verclager gehört werden. Es wer dan(n) vß rechter vrsach gehindert worden. Vnd gemeynlich so mag kein übelthat nach zweintzig iaren angehaben werden zů verclagen. ff. c. q(ui)nqueniu(m). C. ad. l. cor. d(e) fal. querelam. Vnd diß felt in der missethat so eine sich schwanger dar geben hatt von irm mann / vnd hat einer andern frawen ir kindt genommen vnnd zů ir gelegt / vnd irem man(n) gesagt es sey von ir geborn / das selb malefitz steet nymmer so lang es mag allweg geoffenbart werden / vnd hilfft kein lang herkommen / es mag allweg verclagt werden / doch allein durch die die sollicher habe erb gewesen wern vnd seind.

ff. d(e) accu. senato. Ite(m) es mag keiner ein verclagen vmb ein missethat vß mer dan(n) eim rechte(n).

ff. c. l. penult. et. l. miles. §. penult. C. de diuor. l. vx. Ite(m) es mag eienr vmb eebrechung verclagt werde(n) / so er gewißt hat das die fraw eins andern eeweyb ist die er gehelßt hat / doch also das die fraw die dz eebrechen gelitten hat frey sey / wan(n) wer sie eygen so het diß verclagung nitt stat / sunder der clag ein von der schmacheit / oder von dem verfürn des dienstbotte(n) od(er) vo(n) schade(n) thůn / vo(n) den du obe(n) hast. ff. de iniu. l. si stuprum. Wo du dich aber der clag d(er) smacheit bruche(n) woltst / du můst beweyse(n) dz solich zerstöre(n) wer zů smacheit geschee(n) / wa(n)

(282) Das QXXXIIII Blat

zerstörung jungfrawlicher ere oder eebrechung in freyen vn(d) eygen frauwen geschicht gewonlich vß begird der natur / vn(d) nit in smacheyt / darumb můstu sollichs beweysen. Ouch ist nit nott mer do vonn zů setzen / wan(n) es ist keyn eygen mensch in teütsch landen von dene(n) die obgeschriben recht sage(n) / als du sollichs clerliche(n) oben in eim besundern titel hast.

ff. c. qui domu(m). Item des gleyche(n) es sey fraw od(er) man(n) / der od(er) die ir hauß dar zů leicht das dar in eebrechen geschehe / oder so eyner gelt / oder andern nutz auß seiner frawen eebrechen nimpt / er sey wer er wöll / er mag nahet als ein eebrecher gestrafft werden / das hauß sey sein eygen oder nit.

ff. c. qui. pupilla(m). C. si q(ui)s ca(n) cuius tu. fue. cor. l. vni. Item der formu(n)dt der die der formundt er ist zů der er ee nimpt wider das recht / würt nahet als der eebrecher gestrafft / deß gleiche(n) vnd noch mere der d(er) ir junckfrawlich ere nimpt. ff. c. si adulteriu(m). §. vlti. Aber dem magistrat oder de(m) der in etlichen gemeyne(n) dienst oder ern ist / sol die verclagung vertzogen werden biß das sein ere ein end hat.

C. de exhiben. et tra(n)s. reis. l. ij. Item also sol in diser verclagung procediert werden / wan(n) nach dem vnd das libell geben ist / soll ouch zug geben werden sich zů bedencken / vnd das sollen xxx. tag sein. Nach sollichem bedencken sollen ko(m)men der verclager / vnd der verclagt / vnd den kryeg co(n)testieren / der verclagt hab dan(n) exceptiones dilatorias / die / die sach verziehen / als dan(n) sollichs Azo setzt .C. de accu et in scrip. vn(d) ouch in disem titel. ff. c. fi. magistratus. §. penul. et. vlti. et. l. q(ui) vxori. Die fraw möcht sprechen der man möcht sie nit verclage(n) auß seim rechten nach .lx. tagen / oder ob sie sprech das sie nicht so vil möchten vmb eebrechen verclagen. Oder die fraw möcht mit andern exception die sach verzugen kommen / vn(d) darnach sol der krieg contestiert werde(n) wo sie der exceptio(n) kein hett oder aber in sollicher exceptio(n) fürbindu(n)g ist der nider gelegen.

C. c. l. vlti. Item die peremptorie exceptiones / das sein die exceptio(n) die den willen des verclagers gantz tödten / mögen fürbracht werden wann man will. Als in der prescriptio(n) der fünff jar. vnd der .vj. monat. ff. c. l. j. §. j. et. C. c. l. abolitionem. Des gleychen wo die frawe sprech der man hett do von gelassen. ff. c. denu(n)ciasse. §. queritur. et. l. adult. §. penul. et vlti. Oder der eebrecher were absoluiert worden / als dan(n) hat sie all wege diß exception / wo aber der eebrecher verdampt were / můß man von newem mit der frawen rechte(n). C. res inter alios (et)c. Wan(n) dz / das zwische(n) dene(n) geurteylt ist schat den and(er)n nit.

ff. c. si vxor. §. iudex. Item die frauwe hat mer tötend exceptio(n) / als wo sie spricht das der man(n) sey ein anhab irer missethat gewese(n) wan(n) der richter diser verclagung sol vor sein augen haben vnnd mit fleyß erfarn / ob der man(n) ein keüsch züchtigs leben fůre / vnd der frauwen also gůte sitten vor getragen hab wan(n) es were gar böß das der man fordert gůtte sytten vo(n) der frawen der er selbs nit enhab / das selb mag ouch den man verdamne(n).

ff. c. si. vxor. §. vltimo. Item wan(n) der eeman yr sitre(n) approbiert hat / als het er sie vßgestosse(n) / oder vo(n) ym missethat die vor in der andern / ee geschehen were / oder were sie ein witwe gewesen / vnd het sich helsen lassen / das in latein ouch stuprum heyßt / wan(n) er hat die missethat der vorigen ee zerstört in dem ers geno(m)men hat / vnd d(er) / der verclagt zerspelte die sitten des weybs die er mitt dem vnd er sye zů der ee nympt approbiert hatt.

C. ad. l. iul. de adult. q(ue)m. et. l. ita ff. c. l. j. Item spricht sie er sey leno g(e)wesen / mit diser exception vertreybt die frauwe vnd ouch ein frembder den man so er yn also verclagt / vnd der

a ij

(283) Der Ander Teyl

eeman(n) würt auch dar zů gestrafft / diß exception würt erst fürbracht nach dem vnd der krieg bestetigt ist.

Leno. Ite(m) ist leno / d(er) sein frawe(n) helt dar zů das sie die ee bricht / od(er) gelt davon nympt / od(er) and(er)n nutz / vnd leyt das sie ir ee bricht. C. c. l. ij. Vn(d) der Leno sol eben also gestrafft werde(n) als d(er) eebrecher / vn(d) also wan(n) diß exceptio(n) oder irs gleyche(n) nit seind / so würt die verclagu(n)g zů gelassen / es were dan(n) des verclagers person vom rechten reprobiert / als du obe(n) hast von den die nit verclagen mögen.

C. d(e) proba. scia(n)t cuncti. Ite(m) darnach sol beweisung geschehe(n) / vn(d) d(er) richter sol nit törliche(n) sage(n) glauben. C. c. l. i. adulterij et. C. de repu. c. iddi. de mori. sola. l. consensu. §. vir. ff. de adulte. Vnd sunderlich in diser verclagung so beweysung geschehen durch frembde zeügen / wan(n) die heymischen diensibotte(n) werden sunderlich in diser missethat mit peyn gehört.

vim passa. §. vl. C. c. quamuis in dubi. Ite(m) so die übelthat überwu(n)den würt / so sol dz vrteyl gebe(n) werde(n) in gegen wertigkeit d(er) parthey / es were dan(n) d(er) clager od(er) verclagte so die missethat geoffe(n)t wer vß rechter vrsach abwesend. C. c. qua(m)uis adulterij. Vn(d) d(er) man(n) würt gestrafft mit de(m) schwert. Aber die eebrecherin sol mit besemen geschlage(n) werden / vnd darnach in ein closter gethan werden / vnd d(er) man(n) mag sie vnder zweye(n) iare(n) wid(er) zů im neme(n). vt in aut. vt nulli. iudi. §. si qu(i). ff. c. patri. (et)c. l. nec et. l. q(uo)d ait. So aber die zwey iar vergange(n) sein / od(er) der man(n) gestorben ist / ee er sie genom(m)en hat vß de(m) closter / die eebrecherin sol beschnitte(n) werde(n) / vn(d) ein kette(n) an thůn / vn(d) ir lebtag im closter bleibe(n) / vnd die zwey teyl ir eyge(n) habe / solle(n) neme(n) ire kind / vn(d) vatter vn(d) můtter / den drytteyl das closter / hat sie aber kein kindt / vn(d) vatter vn(d) můtter leben hoch die kein schuldt am eebreche(n) habe(n) / den sol dz drytteyl / vn(d) de(m) closter die zwey teyl gebe(n) werde(n). ff. c. mari. i. Responsio. Ist aber d(er) kei(n)s im lebe(n) / so ist alles dz sie hat des closters / vn(d) solle(n) alle ding in de(n) hyrats brieffen gentzlich gehalte(n) werde(n). Also hastu wie die eebrechu(n)g gestrafft würt. Nim war / d(er) vatter d(er) sein tochter in seim gewalt hat / mag ein yegliche(n) eebrecher seiner tochter töten im hauß dz seinist / vn(d) in seins tochterman(n)s hauß / vn(d) er sol sie beyde / nit eins allein / vo(n) stu(n)d an töte(n). Aber d(er) eeman(n) mag de(n) eebrecher töte(n) / ist dz er ein sollicher ist de(n) er nit schuldig ist reuere(n)tz zů thůn. Od(er) mag in aber habe(n) zwei(n)tzig stu(n)d dz er zeüge(n) bri(n)g die im hinfür zeügniß gebe(n).

in aut(em). vt li. ma. et auie. is quo qs et. §. qs vero. Ite(m) wan(n) einer eine(n) verdacht hat mit seim weyb / vnnd sagt im oder verbeüt im dreymal in gege(n)wertigkeit from(m)er zeüge(n) dz er nymmer mit ir rede(n) sol / darnach findt er in bei ir in seym hauß / od(er) seins weybs / oder des eebrechers / od(er) in einer vorstatt / er mag i(n) on straff töte(n) / wo er in aber anderßwo vidnt / vn(d) růfft zů im drey zeügen / vn(d) bringt im de(m) richter / d(er) mag in on and(er) beweysung straffen / werde(n) sie aber in eine(m) gots hauß gefunde(n) mitteinand(er) zů rede(n) / nach solliche(n) drey male(n) v(f)biete(n) / wie obe(n) stat / der eeman(n) mag die beyd person de(n) beschirmer d(er) kirche übergebe(n) / od(er) den and(er)n priestern / dz sie vo(n) einand(er) gescheyde(n) behalte(n) solle(n) werde(n) biß dz d(er) richter sollichs erfarn hat / vn(d) sendt zům bischoff dz er im die übergebe / vff dz dz er sie straff. C. c. gracius. ff. c. si adulterius. §. si imperatoris. Wo aber d(er) eeman(n) an eim and(er)n ende dan(n) obe(n) statt ei(n) ertödte / er sol gestrafft werde(n) / doch nit so mit grosser pee(n) / vn(d) dz sol vnderweyle(n) vm(b) d(er) zeyt wille(n) villeycht so es nacht ist gewese(n) / od(er) vo(n) schmertzes wille(n) / wa(n) es ist gar schwere ei(n) billiche(n) schmertze(n) zů te(m)periere(n) vn(d) überwinde(n).

Ite(m) merck / dz allein die straff die d(er) richter thůt wie obe(n) stat / nach v(f)hengu(n)g götlicher vn(d) geistlicher rechte(n) zymlich ist. Auch soltu

(284) Das QXXXV Blat

wissen das in geistlichen rechten die fraw den man(n) mag der missethat verclagen / aber nit vff diß peen. Stuprum. Nun merck vmb zerstören inuckfrawenlicher ere oder witwesta(n)t wan(n) stuprum in latein ist ein vnzymlich oder sche(n)tlich geselschafft / vnd würt volbracht mit einer eiunckfrawe(n) / oder witwen / sie were dan(n) ein hůre / thörin / oder ein vnzymlich schlaffweyb / vnd die ist ein törin die sich im frawen hauß / schenckstart / oder sunst in eynem hauß eynem yegklichen feyl beüt / vnnd auß irem leyb gelt löset. xxxiij. q. iiij. meretrices. In geistlichen rechte(n) heißt die ein thörin die vil helsen laßt. Vnd das wort vil / würt in der selben gloß vßgelegt .xxiiij.

Ite(m) ein vnzymlich schlaffweib ist die einer nit zů der Ee neme(n) mag.

ff. c. inter. §. j. l. stupru(m). Item stuprum würt volbracht in eim kind. ff. c. ma. iti. §. q(uo)n que(m)niu(m). (et)c. §. vl. Pena stupri. Vnd die verclagu(n)g mag angehaben werden vnder .v. iaren / wo aber stuprum geschehe eim knaben oder tochter / oder frawen mit gewalt / sollich verclagung mag zů aller zeyt angehaben werden. insti de pub. audi. §. ites. lex. cornelia. Vnd das ist die peen stupri / ist d(er) erber dor also gesündt hat so sol das halb teyl seiner hab gemeyn geteylt werden. Ist aber er nit erber / so sol er am leyb gestrafft / vnd etlich iar im die stat verbotten werden.

Erber. vnzeytige meytle. Merck / diß wort Erber / soltu versteen eins erbern wa(n)dels vn(d) nit für edel wo du das wort hie in(n) vindest / wo aber einer ein Vnzeytige iunckfrawen zerstöret / ist er erber so sol er in ei(n) ertzgrůbe(n) verda(m)pt werde(n). ff. de pensi. q(ui)s aliq(uo)d. §. q(ui) no(n)du(m). Ist er nit erber so sol er mit dem schwert getödt werden.

C. c. cu(n)vir nubit. Item vß dem merck / das in straffen die person angesehen sol werde(n) / wan(n) sollichs vindestu vil in geistlichen vnd weltlichen rechten.

C. si q(ui)s ea(m) cuius tu. fue. corrupit. l. vnica. Item wan(n) der vormundt die zerstöret der vormundt er ist / dem sol ewigklichen die stat verbotten vnd sein habe gemeyn geurteylt werde(n). Also magstu formieren dein verclagung.

Herr richter (et)c. vnd sage wo vnd mit wem / vnd zů welcher zeyt d(er) Eebruch / geschehen ist (et)c. vnd bitt das ir in strafft mit dem recht iulia de adulterijs vo(n) Eebreche(n) / vnd im sein haubt abschlaget / vn(d) ich verbind mich das ich diß peen leyden wöll / wo ichsollichs nit beweyse. C. c. l. sed nouo. iure. (et)c. l. hodie. Deß gleychen magstu formieren wider die frawen / vnd beschleüß also / vnd darumb bit ich sie vor mit růten geschlagen / vn(d) ir har abgeschnitte(n) in ein closter alda ewig zů büssen gestossen werden.

vt li. ma. vl’auic. §. causas. Item sůch in der auten(t). Da vindestu wie der man(n) gestrafft sol werden so er zů andern frawen geet / vnd die fraw sollichs clagt / vnnd wie sie beyd am gůtt gestrafft mögen werden / wo yeglichs mit des andern willen sein Ee bricht (et)c.

aut. si q(ui)s in sua domo. Ite(m) also laut d(er) ein .§. in d(er) obgerürten auten(t). Si quis in sua domo in qua cu(m) sua co(n)iuge co(m)man et co(n)te(n)e(n)s ea(m) cu(m) alijs in ue(n)iatur i(n) ea domo mane(n)s. aut in eade(m) ciuitate dege(n)s. in alia domo cu(m) alia muliere freque(n)ter co(n)uincitur (et)c. Wer diser auten(t). bedarff der frag ein rechte(n)s gelerten.

In aut. vt lice. mat. (et)c. auic. (et)c. Ite(m) diß auto(n)tica ist wid(er) die man(n) die ir frawe(n) vnbilliche(n) schlage(n). Si quis a(u)t propriavxore(m) aut fustibus ceciderit sine aliqua causaru(m). quas co(n)travxores ad matrimonij solutione(m) sufficere iussimus. matrimonij quide(m) solutione(m) ex hoc fieri nolumus. viru(m) a(u)t qui mo(n)stratur sine hmo(n)ica(s) vel flagellis vel fustibus cecidisse vxore(m). t(a)m post hmo(n)i iniuria. ex alia sua dare substantia vxori e(n)t co(n)sta(n)te matrimonio qua(n)tu(m) tertia pars an(o) nuptialis facit largitatis.

a iij

(285) Der Ander Teyl

Ad legem iuliam de vi publica vel priuata.

Von gemeine(n) vn(d) sudnerlichen gewalt.

Darumb das offt eebrechu(n)g vnd iungfrawen zerstörung mit gewalt geschehen / würt hie gesetzt von offenliche(n) vn(d) sunderliche(n) gewalt. Violentia. Nun hat diß recht Julia d(er) vi publica. Der keyser Gaius iulius geheissen gemacht / vn(d) dz ein heyßt vo(n) offenliche(n) gewalt / wan(n) violentz das ist gewalt die geschehen ist mit waffen / od(er) so etwas als violentz würt geschätzt. als so einer da heyme(n) waffen hat / od(er) offenlich mit geschoß geet / od(er) gewaffent leüt in einer hynderhůt / od(er) hůt hat / dz er ein vfflauff machen wöll. ca(n) sedito(n)is in latein. ff. c. l. i. ij. iij. i. r(e)n. (et)c. i. §. Deportatio. Vnnd diß ist die peen / sein sie frey / in sol ewigkliche(n) die stat v(f)botten werde(n) / vn(d) all ir hab gemeyn geteylt werden / das in latein heßt Deportatio aber die eygen solle(n) getödt werden / wo sie on irs herre(n) wissen / gewalt gethon haben / hat ers aber geheyssen / sie solle(n) in ein ertzgrůbe(n) verda(m)pt werden. C. c. scruos. Vtis priuata. ff. de publi. iudi. l. i. Vis priuata sunderlich gewalt geschicht on waffen / vn(d) sollichs heyßt nit daru(m)b sund(er)lich / dz nur allein der de(m) gewalt geschicht verclage(n) mag / sund(er) ein yeglicher mag verclagen / vn(d) heyßt diß verclagu(n)g auch gemeyn (et)c. C. c. tutores. Vn(d) sein peen ist dz im genom(m)en sol werde(n) d(er) drytteyl seiner hab. ff. c. l. i. Vn(d) verliesung d(er) wirdigkeyt / vn(d) würt erlößt. ar ff. d(e) ter. amo. l. ij. (et)c. C. c. q(ua)m. Vn(d) verliesung d(er) wirdigkeyt / vn(d) würt erlößt. Man mag im auch dz landt verbiete(n) relegatio po(s)t imponi. C. c. q(ua)m. Vn(d) vnd(er)weyle(n) sol man(n) im dz haubt abschlagen / wo in sollicher violentz man(n)schlacht oder einer getödt worden were.

Merck wan(n) ein gewalt geschehen ist / so sol er sich bedencken ob er clagen oder verclagen wöll. Mann mag vmb die übelthat in zwen weg clagen / als du oben hast im tractat von clagen / vnnd hie in disem tractat von der verclagung.

C. c. si quis. insti de pup. iudi. §. item lex iulia. Item wan(n) gewalt geschicht in schirmes vnd wöres weyßt / würt nit gestrafft / doch sol sollich wöre(n) / mit massen geschehe(n) / als du obe(n) hast im tractat von clage(n) / im Titel wid(er) den der gewalt gethon hat. Dise zwen titel soltu da bey lesen / so magstu die vnderscheit versteen / anders wa d(er) der vß getribe(n) ist / hat etwas in rach gethon / oder so er über lang vn(d) nit als bald sein besitz wid(er) erkobert hat / vn(d) sein rauber vßgetribe(n) hat vom besitz der würt vn(d) mag ciuiliter vn(d) criminaliter / dz ist vm(b) die hab vn(d) auch diser clag gestrafft werden. C. c. crimen. Wan(n) aber einer als bald messigklich oder zů massen widersteet / vnd widerstandt thůt dem der in angeet / es würt all schuld / all übelthat die in sollichem gewalt geschehen sein / vff den der sollichs an gehaben hat geschoben vn(d) erleütert. ff. deiusti. (et)c. iure vt vim. (et)c. C. vnde vi. l. i. Daru(m)b merck etlich casus / dz du sollichs obgeschriben dester baß versteest. vt. dic. l. C. vnde vi. Nym war / wann einer ein übelthat gethan hat / so er sich wören můst der selb sol nit gestrafft werden.

ff. de vi. et vi. ar. l. i. §. vnde. vi. Item merck das zymlich ist gewalt mit gewalt vertriben vmb deiner hab wille(n). Vn(d) auch farender hab / als ich wöre(n) wolt meiner kappe(n).

ff. q(uo)d me. ca(n). isti quidem. Item das das mir zympt meins leybs halb / zympt mir auch vmb meins kyndes leyb. ff. p. so. cu(m) duobu. §. cu(m) quida(m). (et)c. l. renuncia. Des gleichen vmb meins brůders person / wan(n) das recht spricht / das die selben die in geselschafft seint aller habe halb / sollen als übel vnd gůt mit einander teylen.

ff. ma(n). cu(m) seruus (et)c. ar. ff. d(e) tuto. l. i. §. i. Item ratione affectionis von begird oder billicher lieb wegen. ff. de liberali ca(n). l. i. et. ij. verum. Wan(n) vmb die schmacheit die de(m) brůder geschehen ist mag der brůder (ist er

(286) Das QXXXVI Blat

richter) nit erkennen dar vmb / wan(n) ee würt geschätzt als ob es im selbes geschehen sey.

C. de cri. expi. here aduersus vxorem que socia. Item wolt einer sein frawen schirmen / vnd thet ein malefitz / d(er) selb würt auch entschuldiget als in sein kynden vnd brůdern wan(n) sie seint gesellen des götlichen vnd menschlichen hauß.

ff. d(e) ter. amo. l. i. ff. de iniu. l. i. Item auch darumb wan(n) sie sein zwey in eim fleysch. Vn(d) das macht das die schmacheit die der frawen geschehen ist / geschicht dem mann / wan(n) die fraw sol vom man(n) vn(d) nit wideru(m)b / mit waffe(n) beschirmt werde(n).

de sen. ex co(n)i. ea. dilecto filio. li. vi. Item von den andern gesypte(n) freünden / steet sollichs nit eyge(n)tlichen zů schreiben ob wir schuldig seint sie vor gewalt / zů beschirmen in weltlichen rechten. Aber es steet eygentlichen in geistlichen rechten im sechsten bůch. Do spricht das selb recht vnder andern / die weyl es zymlich ist ein yeglichen zů beschirmen den andern vor gewalt / vnnd sein hilff mit im teylen / vnnd darumb welcher es vermag vnd sollichs nit thůt der würt geschätzt das er dem gewalt treyber gunst gebe oder thü / vnd auch sollichs vnrechts würt er selbs teylhafftig / auch steet in geistliche(n) rechten / dise sterck ist vol gerechtigkeit da eienr seins vatter landt beschirmpt mit streyten vo(n) veinden / od(er) da heym beschirmpt die krancke(n) / oder von den schechern sein geselllen / fürter aber in geistlichen rechten steet das gesetz der warheit ist das man nit gewalt thů / sunder gewalt vertreiben sol / wan(n) welcher sein nachbawern nit hilfft beschirmen vor gewalt wa ers mag / der ist eben im laster / als ob ers selber gethon hett / vff dib dient dz dz in d(er) Keyserliche(n) reformacio(n) keyser friderichs des dritten geschribe(n) steet vo(n) zů eylen (et)c. Keyserliche reformacion. Sa(n)ctus moyses der ist d(er) erst gewesen der disen zymliche(n) streyt angefange(n) hat / da er sach ein vo(n) egypte(n) ein in de(n) schlage(n) / da beschirmet er den iude(n) vn(d) schlůge den egyptiere(n) zů todt vn(d) begrůb yn in sa(n)dt / wan(n) er forcht den künig pharao / auch spricht salomo(n) / du solt die mit gewalt neme(n) die wid(er) recht zům todt gefürt werde(n).

ar. C. de. episco. et cleri. si. captiui. insti. d(e) inuti. stipu. §. ei vero. ff. ad senatusco(n)sul. sylley. l. j. §. hoc au(c)t. senato. Ite(m) thůt d(er) sun etwas so er schirme(n) wil sein vatter / er würt / entschuldigt. Des gleychen der diener sol beschirme(n) sein herre(n). Dise ding seind war wo sollichs in beschirms weiß vn(d) nit in rach geschehen ist. Als du bist in eym besitze eins grunds / ich gee dich an / vnd wil dich vßtreyben / du hebst dich an zů wören / vnd die die da bey seint hebe(n) an zů schreyen wider mich vnd ich würd forchtig vn(d) fleüch vom gru(n)dt / du folgst mir nach vnnd schlechst mich / sollichs thůst du nit in wörens form / oder in schirms weiß / sund(er) du rychst dich / vn(d) daru(m)b soltu gestrafft werde(n) / wan(n) dz wöre(n) sol geschehe(n) mit massen / dz das schirme(n) nit geschuldiget mög werde(n) / als du oben hast in d(er) clag wider den der gewalt gethon hat.

C. q(ui)n sine iudi. li. vnicui. se vin. l. i. (et)c. ij. Ite(m) wan(n) du bist in fridliche(n) besitz deins gru(n)ds / vn(d) ich gee dich an mit waffe(n) / du wörest dich mit waffen / vn(d) du verwu(n)dst mich / ma(n) kan auch nit gewissen ob du sollichs in schirms weiß od(er) rach gethon habst / wes solle(n) wir vns in disem zweyfel versehe(n). et pro hoc facit. if. ad. l. aq(ui)l. si ex plagis. §. tabernarius. Ein doctor Jacobvs spricht dz man sich alweg versehe(n) sol das d(er) der angangen sey worden sollichs in schirms weiß gethon hab. Ein ander doctor spricht dz der / d(er) angangen würt alweg verdacht sey / er hab sollichs in rachs weiß getho(n) / er ertödt oder verwundt / es werd dann dar wider bewisen. ff. ad. l. aquil. scie(n)te(m). §. q(ui) alit. et dicto. §. tabernarius. Wie wissen wir aber ob du sollichs in schirms weiß oder in rach gethan hast. R(e)n. das das geschehen ist / vnd dz wesen der that zeyget sollichs / wan(n) gee ich dich an

a iiij

(287) Der Ander Teyl

mit waffen / vn(d) du hebst dich an zů wöre(n) / vn(d) also schlage(n) wir einander / vn(d) du ertödst mich / man(n) versicht sich das du sollichs in schirms weyß gethan habst. Schlagen wir aber eynander / vn(d) du bist stercker dan(n) ich hast mich vff die erde(n) geworffen vn(d) gebu(n)de(n) / vn(d) darnach erst getödt / du würdest verdacht dz du mich in rachs weyß getödt habst.

ff. de verbo. ob. l. continiuo. j. R(e)n. et. ff. d(e) duo. re. l. duos. §. vlti. Ite(m) setz das einer sey vßgetribe(n) von seim gru(n)dt / d(er) vßgetribe(n) ist heym ga(n)gen / vn(d) hat waffen genom(m)en vn(d) nach seine(n) freünden gesandt / vnd ist also ein tag od(er) mer gestanden biß das er sein freünd gesamelt hat / darnach ist er dar gange(n) / vn(d) hat sein besitz wid(er) erkobert / hat nit d(er) sollichs in schirms weyß vn(d) als bald gethan / sprich ia / wan(n) es ist kein frembde that darzwische(n) geschehen. ff. de vi. et vi. ar. l. iij. §. cu(m) igit. Vnd merck das alweg das weren vn(d) schirmen sol geschehe(n) mit massen / also dz schirme(n) nit geschuldigt mög werde(n) dz sollichs vß rach geschehe(n) sey / vn(d) dz würt also gebriefft / wan(n) thůst du mir gewalt mit waffen / ich mag mich mit waffen wöre(n) / thůstu mit gewalt on waffen ich sol mich beschirmen on waffen. Wer aber eins faust herter dan(n) des andere(n) schwertschlag / sprich er mag sich mit waffen wören.

ff. de vi et vi. ar. l. qui armati. ff. ad. l. aquil. sed et si q(ui)d cu(m)qs. et. C. ad. l. cor. d(e) sicca. is q(ui) cu(m) telo. azo. Item sol der besitzer oder der / der angangen ist beyten biß er vor geschlagen würt ee er schlecht. sprich nein / wann er möcht villeicht hinfür nymme(n) schlage(n) / es ist genůg dz d(er) angeer erschreck den angega(n)gene(n) vff das dz also der angegangen vn(d) der besitzer sich seyner waffen brauchen möge wider den angeer.

C. ad. l. iul. d(e) vi. pub. l. si q(ui)s. (et)c. in sti. de pub. iudi. §. item lex iulia Azo. Item wo ein vßgetribener / oder ein ander etwas gethan hat in rach / oder ex interuallo mit vnderlaß / nit zů frischer that sein besitz wider erkobert hat / er würt gestrafft mit diser straff.

C. ad. l. iul. d(e) vi. pub. l. si q(ui)s ad se fundum. Item setz das er zům andern mal nit zů frischer that ex interuallo sein besitz mitt gewalt erkobert / alligiere vnd in gericht fürgebe wider mein vorderung / das ich vorhyn violentz vnd gewalt gethan hab / vnd er spricht er wöll mich wideru(m)b beclage(n) / sol d(er) gehört werde(n). sprich nein / vn(d) dz ist d(er) wil d(er) gloß geschribe(n). ff. de vi. et vi. ar. qui possessionu(m). Dice(n)s / q(uo)d prima viole(n)tia fuit assu(m)pta per sc(i)daz ex i(n)teruallo facitam vt ex i(n)terdicto per prima(m) agi no(n) possit.

l. quonia(m). C. ad. laul. d(e) vi. pub. Ite(m) setz das einer vil menschen gesamelt hab / vnd ist gangen an ein stat / vnd wolt mich von der selben stat vnd besitz vertriben haben / vn(d) ich hůb an mit meinen freünden widerstandt zůthůn vnnd im widersteen / ist einer oder mer getödt worden vff eim theyl oder beyden theyl / welcher sol alda gestrafft werden. R(e)n. Der sol da gestrafft werden der vrsacher vnd anheber ist gewesen des haders.

ff. de ser. cor. in b. iudicio. Item wer das rumor nit vmb des besitz willen angehaben worden / sunder sunst vmb ander sach wille(n) / sol der anheber auch gestrafft werden. sprich ia. ff. de dam. infec. l. inter quos paries. §. j. (et)c. ar. ff. ad. l. cor. d(e) sicca. l. fi. In de(n) rechte(n) steet geschribe(n) dz d(er) vrsacher od(er) anheber des haders sey schuldig vn(d) sol gestrafft werde(n) / vn(d) auch so sol in zweyfel der sicherst weg gewelt werde(n) / darum(b) so solle(n) zů vor vß die anheber billicher gestrafft wede(n) dan(n) die wir nit wissen ob sie getödt od(er) verw(u)ndt habe(n).

per. l. C. d(e) excep. si quide(m). (et)c. C. ad l. iul. d(e) adul. quoniam. Item setz einer ist verclagt das er verwundt oder getödt hab / vnnd er spricht er hab es nit gethan / würd aber sollichs vff in gebracht dz er es gethan het / so hett er sollichs in schirms weyß gethan / sol sollichs sein antwurt vom richter vff genom(m)en werden. sprich ia. Da steet geschriben / das Alexander nit der groß künig ein ander ward verclagt von

(288) Das QXXXVII Blat

eebreche(n) / vnd er sprach er het kein eebruch gethan / het ers aber gethan so het der verclager sein eeweyb nach dem eebrechen bey im behalte(n) / vn(d) diß antwurt ward vom richter vff genom(m)en. vn(d) darnach vom rechte(n) bestetiget.

ff. d(e) re. iu. nemo ex his. Ite(m) das recht spricht gemeyngklich in schulden / dz einer mag sprechen ich bin dir nit schuldig / würd aber sollichs vff mich gebracht dz ich dir schuldig wer / so hastu mir verheissen oder ein geding gethan das du solches von mir nit vordern wolltest.

C. ad. l. iul. de vl. pu. l. j. C. ne vx. p. ma. l. ij. Ite(m) setz einer d(er) hat einen ertödt / oder ein ander malefitz gethan darvmb alle sein hab zerstört sollen werden / nach der form des statuts der statt / der richter wolt nun zerstören ein hauß / vn(d) das eeweyb vnderstůnde sich sollichs im rechten zů wören / wan(n) das selb hauß wz ir zů morge(n)gabe geben worden. Nun wolt der richter in andere(n) haben des übelthäters der frawen ein genügung thůn / das ir für ir morgengabe werden solt / ob die fraw gehört sol werden / sprich ia.

ff. d(e) distrac. pig. l. creditoris. Item videtur esse casus. Wan(n) die fraw geet vor andern glaubern.

C. qui po. in pi. b. hassiduus. Item wo der man(n) het ein sollichs malefitz gethon darumb alle sein hab solten gemeyn geteylt werden / darumb sollen der frawen habe nit gemeyn geteylet werden.

C. ne vx. pro. ma. l. ij. Item setz das einer ee er das malefitz volbracht hat / hat er alle sein hab eim seiner freünd empfrembdt / er hat sie aber nit übergeben / sund(er) er besitzt die hab dannocht so er das übelthat volbracht hat / möge(n) die hab zerstört oder confisciert werden / sprich ia.

ar. ff. q(ue) mo. vig. vl‘ ypotbe. solui. l. de acqui. heredi his qui. C. de natu. libe. l. iij. §. q(uo)d subcunda. C. de his qui latro. occul. l. ij. in fi. Ite(m) setz dz im statut einer statt geschriben stee / das alle hab des man(n) schlächtigen sollen zerstöret werde(n) / etlich paurn coloni haben bestande(n) etlich äcker vom man(n)schlächtigen / ee er die übelthat begange(n) hat / vn(d) haben die selben äcker gseet / sol das getreyd auch zerstört werden oder nit / vnd bedunckt am erste(n) nein / wan(n) die schuldige(n) sollen also gestrafft werden das die vnschuldigen die straff nit rüre.

ff. loca. si merces §. ius. Ite(m) wie wol ein geselschafft ist zwischen dem hern vn(d) dem der bawet. C. de pen(e). sancimus. So ist die geselschafft doch nit also das darumb der der bawt gestrafft sol werden. ff. d(e) pe. crime(n). Wan(n) des andern übelthat sol dem andern kein schad sein. ff. pro. so. socius. Herwiderumb bedunckt das die schuld des bawers sei / darumb das er mit eim übelthäter contrahiert hat.

insti. de socie. §. fi. Item die frücht seind des herren.

ff. loca. et co(n)duc. cu(m) in plures. §. messem. ff. d(e) fur. l. fugib(us). et. l. si apes. Item die frucht vnd der grundt werden ein hab geheyssen. Aber das recht spricht das die hab nit sollen gestrafft werde(n). ff. de fruc. credi. l. fi. §. vt fructo. vt in aut. de ma(n). prin. §. oportet. ff. fami. hercis. fu(n)dus. §. j. Sunder die person die sollen gestrafft werde(n) / wan(n) vnderweylen gibt man dem bawer das zweyt oder das halb teyl / waann es sol all wegen die kostung vnnd lon abgezogen werde(n) vn(d) bezalt werde(n) / vn(d) es mag kein casus kom(m)en der das selb irre(n) mög. C. d(e) allu. (et)c. palu. l. fi. Darumb spricht der doctor über die bibel dz die frucht nit zerstöret sol werden / wann es were gar vnbillich das die bawern vnnützlich gearbeyt hetten.

De raptu virginum seu viduarum. nec non sanctimonialium.

Von rauben der iungfrawen wytwe vnd closter frawen.

C. c. l. vni. in p(e)n. Oben hastu vo(n) raub in gemeyn. Nun hastu in sunderheyt / darum(b) so merck wan(n) der frawen raub sol gestrafft werde(n) / vn(d) wie schwerlich als

(289) Der Ander Teyl

dan(n) soll der raub gestrafft werden ist das er ein ersame frawen raubet / nit so er ein thörin raubt. ff. de fur. verr. e(t). C. c. l. j. §. q(ui) multomagis. et. §. ceteros. Aber es würt vnderscheyde(n) ob sollichs mitt d(er) frawen will geschee / oder vber iren willen / vnd ob sie ym zů der ee vermähelt sey / od(er) eim andern / vn(d) ob sie ein eeweyb sey od(er) nit / wan(n) diß malefitz sol schwerer vo(n) der eebrechu(n)g vn(d) des raubs wege(n) gestrafft werde(n).

vt in aut(em). d(e) rap. mulie. que rap. nubu(n)t. §. scimo. coll‘. ix. Item diß constitutio ist zwifach / sie geyt gewalt zů reche(n) das recht ist vnd richt / wan(n) ist das er ein frey geboren frawen raubt / er sol getödtet werden / vnd sein habe soll der geraubten frawen geben werden / die selben habe verleürt sie / ist das sy welet bey dem rauber zů bleyben. C. c. l. j. §. sin a(u)t post. et. §. et si q(ui)dem. (et)c. C. quor. appel. no(n) reci obseruare. Diser peen sollen ouch gestrafft werde(n) alle die bey dem rauber im rauben gewesenn seind welche aber allein nur hilff dar zů gethan haben / die sollen allein getödt werde(n) / vnd die also über wunden werden in diser übelthat / oder die sollichs bekent hetten / mögen nit appelliern. C. c. l. j. C. parentibus. Es mögen ouch sollich missethat rechen vatter vnd můtter der geraubte(n) frawen vnd die freünde / vnd vormund vnd die / die bey ynen wonen oder seind.

De emendatione propinquorum.

Von der straff der geboren nahen freünde.

C. c. l. vnica. Darumb das / das straffe(n) der freünd mit etliche(n) zymlichem gewalt geschicht / darum(b) volgt hie diser titel / vnd gibt zů oder nach den eltern freünden das sie straffen mögen die missethat / deren die noch nit zů iren tagen ko(m)men seind / nach dem wesen der missethat / doch mit etlicher massen vn(d) züchten / vnd als vätterlichs rechte(n) / doch soll diß erlaubung nit zů ferr vß gestreckt werden / wann vbi at rocitas facti ius domestice emendationis ecedit. placet enormis delicti reos iudicum notioni dedi. Wo der freünd straff zů greülich were / so sol sollichs der richter erkennen / vnd ouch straffen die / die also in irer straff übertreten hetten / es sey vatter oder můtter / oder der andern / einer zymliche straff ist ynen erlaubet durch diß recht.

Ad legem corneliam de siccarijs.

Von manschlacht oder morderey.

Wir habe(n) gehört vo(n) vnzymliche(n) gewalt / vnd so der selb geschicht so würt gar offt ma(n)schlacht vnd morderey begange(n). Nun sollen wir höre(n) diß constitutio(n)es von disem titel.

Am ersten war vmb sie siccarij heyssen / welcher diß rechten schuldig sey / vnd was sein peen sein. Siccarij. Darumb haben sie geheyssen siccarij / wan(n) sie haben getrage(n) ein eysenmesser das hat zů beyde(n) syten gesnitte(n). insti. de pu. iud(ex). §. ite(m) lex cornelia. Aber nun würt das wort / et sicca interpretiert vnd vß gelegt dz es bedeüt nit allein swert / sunder ouch beschließ stein / holtz / vnd ein yeglich eysen od(er) stähelen instrument. Diß rechten ist schuldig der / der ein menschen ertödt / vn(d) vß welche(n) argelist brenne(n) geschee(n) ist / welcher in arge(n) můt eins mensche(n) heymliche(n) od(er) diepliche(n) mit geschuß nach wa(n)delt vn(d) angeet.

Ite(m) schuldig ist der qui cu(m) magistratus esset publico iudicio preesset opera(m) dedisset quo quis falsum iudicum proferret vt quis cuz timeret condem naretur.

ff. ad. l. cor. de sic. l. j. j. R(e)n. et. j. §. Item der ist schuldig diß rechten / vmb des wille(n) das er ein mensche(n) tödt / vergisst hat gemacht / gegeben / bey im gehabt / verkaufft hat / der

(290) Das QXXXVIII Blat

der in argem list falsch zeügknüß geben hat / da einer in gemeyn übelthat seins lebens verdampt würt / vnnd wölcher ein mensch ertödt / sol gestrafft werden wölchs wesens der ertödt mensch gewesen sey.

ff. c. in lege. et. l. diuus. Item es ist notturfft das argerlist da bey sey / vff das das diß recht stat hab / wan(n) hier in(n) würt grosser vnfleyß nit für argenlist genom(m)en / darumb das einer hoch herab felt vff ein andern vnd den selben ertödt / oder so er ein baum stymmelt vnd so der ast fallen will er nit geschryen hat vnd einer ist hinfür gangen vnnd alda erschlagen worden vom ast / solchs gehört zů diß rechten straff nit / wan(n) der Keyser spricht / in malefitz sol der will / nit der vßgang an gesehen werden. ff. c. infans. Darumb kompts das das kindt infans vnd furiosus / ertödten die einen menschen / diß rechten seind sie nit schuldig / wan(n) den einen beschirmbt die vnschuld seins rats / den andern entschuldigt sein vnseligkeit. C. qu(i) li. vni se. si. iu. vin. l. j. et. ij. Vnd werden also entschuldigt von disem rechten / der richter vnnd die exceutores die das vtreyl volenden / die im gehorsam seind / wan(n) sie thůn sollichs nit arglistigklich / vn(d) deßgleychen / wan(n) ich ertödt ein offenlichen rauber / mörder (et)c. latronem in latein. ff. c. l. j. §. idem diuus. Wan(n) wo ich in beschirms weyß meins leybs eine(n) ertödt / ich bin nit schuldig / deßgleychen so ich mein gůt wort opinionem in latein wolt behalten / als wo ich hab ertödt den der mein kindt zů schanden wolt machen / inen ir iunckfrewlich ere / oder witwen standt zerstören wolt / qui mihi vel liberis meis stuprum volunt inferre. C. ad. l. iuli. de adult. graccus. ff. ad. l. aquil. itaqs §. i. et. l. sed et si quemcunqs. Deßgleychen wo ich ertödt so ich schirme(n) will mein habe / als ein nacht dieb / wer er aber ein tag dieb / od(er) der rauber / ich bin schuldig / ich müst dan(n) solchs vm(b) schirme(n)s wille(n) meins leybs thůn / wan(n) die zeyt beschwert die sünde.

Item in etlichen casus vnd ob ichs nit arglistigklich thů / sunder per lasciuiam durch geylheit / oder ein böß exempel / ich bin schuldig / aber ich würd ein cleiner peen leyden. ff. c. l. iij. §. sed. ex senatusconsulto et. l. iiij. §. i. Nymwar gib ich einer frawen ein ertzney / das die empfahen sol / vnd als sie die ertzney empfangen hat / so ist sie gestorben / ich sol relegiert werden fünff iar / vnnd auch der der durch geylheit vrsach des tods geben hat.

ff. c. l. iiij. §. i. et. l. hij quoqs. Item wölcher eim menschen vßschneydet / ist schuldig diß rechten / vnnd ist das die die sollich schmacheit gelitten habenn sollichs clagen / der landtrichter sol sie hören / wan(n) es sol nyemandt ein mensch(e)n über sein willen oder mit seim willen vßschneyden / es sol sich auch nyemandt willigklich dar zů geben / vnd wer dar wider thůt / vnnd auch der artzet der vßgeschnitten hat / sollen getödt werden / die die solch messer machen damit eim leycht vßgeschnitten würt / vn(d) die die vßschneyden seind in der verdamnüß.

ff. c. l. iij. §. vlti. §. penul. et vlti. Item die peen diß rechte(n) ist / dz die erbe(n) solle(n) d(er) statt ewigklich verwisen / vn(d) all ir habe gemeyn geurteylt werde(n) / od(er) aber getödt werde(n) / humiliores / die andern solle(n) den wilde(n) thiere(n) gebunde(n) geben werde(n) dz sie vo(n) inen getödt werden.

ff. c. l. vlti. Item du solt mercken wo einer in eim hader ertödt würt / das eins yegklichen alda gesameten schlag vnd stich sol angesehen werden in solchem.

ff. c. l. is qui. Item wölcher ein schwert vßzeücht vn(d) mit schlecht / der hat on zweyfel willen zů ertödten / schlecht er aber mit einem andern eysen claua / kolb(e)n / oder mit eim andern waffen / vnd thůt sollichs nit in můt zů ertödten / man sol die peen leychtern / dem der im hader mer on geuärlich dan(n) mit willen ertödt hat.

ff. ad. l. aquil. ites mela. §. ss si pl’es. Item dise frag ist in welschen lande(n) geschehe(n) in einer stat heißt Parma /

(291) Der Ander Teyl

daselbst haben etwan vil menschen einen getödt / also das yegklicher geschlagen het / vnd man wißt doch nit von wölchs schlage(n) der todt was / ob die all schuldig seind diß rechten / das sie schuldig seind / würt bewisen. Ibi. cum singulorum contumacia. C. de p(ro)ba. sciant cuncti. C. de pr. qui sententia(m). Nun spricht der doctor Albertus Papien(sis). das sie dises rechten vrsachen. Am ersten wann in malefitzen sollen die beweysung clarer vnd liechter sein dann der mittag.

ff. ad. l. cornel. de sicca. l. fi. Item in disen rechten sol eins yegklichen schlag beschauwet werden vff das ein yegklicher nach seine(n) schlagen gestrafft werd. ff. ad. l. cor. de sicca. l. fi. vbi vi dicitur notare. Wan(n) also würd als schwärmlich der gestrafft der leychtlich oder nur ein wenig geschlagen hett / als der der mit eim grossen schlegel oder karst geschlagen vnnd tödtlich verwundt het / es mag aber eins yegklichen schlag her in(n) nit angesehen werden / wan(n) man weißt nit wölcher disen oder ihenen streich gethon hat / vnd ist doch vnmüglich das sie all ertödt haben / auch irt das nit das die Gloß spricht. ff. ad. l. aquil. ita vulneratus. Wo man nit gewissen mag / wölches streichs er gestorbenn sey / so sein sie all schuldig / wiewol die Gloß spricht das sie all schuldig seind / so spricht sie doch nit dz sie all des tods schuldig seind / aber sie sollen nit all getödt werden / sunder sie sollen gestrafft werden nach dem erkennen des richters / wan(n) es ist offenbar das sie all gesündt haben / darumb sollen sie all gestrafft werden / vff das das die übelthat nit vngestrafft bleyben. ff. d(e) pe. absente(m). Es irt auch nit ob einer sprech / man versehe sich das er von eins yeden streich gestorben were / wan(n) vß arckwon oder versehen / sol nyema(n)dt verdampt werden regulariter. ff. de pe. si. C. c. d(e)fens. Auch daru(m)b wan(n) es ist nit erschynen von wölches streichs er gestorben sey / vß solchem sol die peen senffter vnd nit gehertert werde(n). Auch irt der .§. sed er si plures nit / wan(n) er redt in einer beclagu(n)g vß de(n) rechte(n) aquilia / vo(n) de(n) du obe(n) hast / vn(d) die verclagu(n)g insti. de pub. iudi. in prin.

ff. de fur. q(ui) iniuriaru(m) et. C. ad. l. corp. de sicca. is q(ui) cu(m) tolo. ff. c. ti. l. j. §. diuus. Item merck das diß alles war ist / wo nit bewisen würt das die ertödter nit haben willen gehabt den zů ertödten / wan(n) wo sollicher will bewisen würt / vn(d) die that hernach geschehen were / so möchten sie wol all getödt werden.

C. ad. l. cornel. de sicca. l. j. Item du möchst sprechen / würts nit gnůg damit bewisen das sie můt vn(d) willen zů ertödten gehabt haben. R(e)n. Diß ist war wan(n) offenbar ist / von wölchem vnnd von wölchsstreicher gestorben ist / oder so er von eim allein ertödt were. Vnd in sollicher that so mag nit bewisen werden / sunder man versicht sich wol vnd hat arckwon / aber in arckwon sol nyemandt in verclagung verdampt werden regulariter / wie oben stat / vnd darumb so verdamnet die genanten stat Parma die selben übelthäter vn(d) ertödter in tausent pfund all. pa.

C. ad. l. cornel. de sicca. l. j. et de iniur. et si non. Item du solt merck(e)n / das als offt einer ein ertödt / oder ein ander malefitz gethon hat / das man sich versicht oder verarckwont er hab solichs arglistigklich gethon. Vnd das ist war / er beweyse dann das er sollichs nit arglistigklich gethon hab. Wie mag er sollichs beweyse(n). R(e)n. Also wan(n) er ist sein gůter freünd gewesen oder sein kindt / oder er wolt ein andern schlagen / oder er hat in leychtlich geschlagen / oder er hat yn in eim schympff geschlagen. ff. ad. l. aquil. sciente(m). §. q(ui) cus alit‘. Oder hat seine(n) leyb müssen entrette(n). Vnd so er sollichs bewisen hat / da(n)nocht würt er in eins teyls nit vo(n) alle(n) pene(n) entschuldiget / wiewol er empflücht die peen leg. cor. diß rechte(n).

Item merck das der richter wol ein vrteyl geben mag / ee d(er) krieg in der verclagung contestiert ist / wo einer vngehorsam were in einer verclagung / darvmb

(292) Das QXXXIX Blat

einer vmb gelt verdampt mag werden / das die peen nit grösser sey dan(n) pena relegationis / aber in andern verclagungen da strenger vnd herter zů vrteyln ist / da sol kein vrteyl geben werden wider den der nit ynheimisch oder gegenwertig ist / als sollichs geschrib(e)n steet über dz recht gesatzd absente(n). ff. de pe.

Item setz das einer verclagt sey er hab ertödt / vnd er ist geladen worden vn(d) nit erschynen / vnd darnach in die acht gethon / vnd verdampt worden von de(m) richter / wann der richter hat in gehalten als ob er bekannt hab / darumb das er vngehorsam was / als wo er hinfür in sein gewalt kom(m) so sol er gehangen werden / darnach über etlich zeyt kam der in des richters gewalt oder gegen / d(er) richter wolt in heissen tödten / der sprach vnd allegiert er sol gehört werden sich zů wören / vnd zů beschirmen / was ist dar inn recht.

vt. d. l. absentem. §. j. Am erstenn bedunckt er sol gehört werden / wann so der nit ynheimsch ist so mag er über die peen relegationis das ist die statt od(er) gegene vff ein zeyt zů verbietten nit verdampt werden.

ff. c. de re iudi. si se no(n) ab. §. condemnatum. Item den verdampte(n) sollen wir nemen dz er rechtlich sey verdampt. Auch möcht das thůn des richters / gemeynen rechten nicht entziehen. ff. de fer. l. j. §. j. ff. ad tui pil. l. j. §. si mater. Wann man spricht das das erfarn der that / stee in dem gewalt des richters / aber die straff der peen sey dem geschriben rechten behalten.

vt. d. l. ad turpil. Item wir sollen vns genügen lassen an den penen der geschriben rechten.

ff. de verb. obli. si stipulatio. Herwiderumb bedunckt das er nit gehört sol werden / wan(n) er ist vnbehorsam gewesen / vnd darumb sol er als ob er bekant hab gehalten werden. C. de omni agro deser. l. locor. li. xj. et in. C. de exhib. re. §. et vero. et aut. vt om. obe. iudi. puin. Vnd darumb als ob er bekant hab möcht er verdampt werden.

Item sein flucht vnd sein abwesen macht in schuldig vnd arckwönig.

Item was vrteyl in ir krafft gangen seind da bey sol es bleyben. Wann vil dings sol nit geschehen / wan(n) sie aber gescheen / sie sollen bleyben. ff. de custo. et exhi. re. l. si p(re)fessus C. de asses. l. p(o)sili arios. ff. d(e) suspectu. ij. §. tutor. (et)c. Sprich das er gehört sol werden / vn(d) es sey dan(n) das er überwisen werd das er das übelthat gethon hab / er sol nit gestrafft werden / wan(n) der d(er) nit heimsch ist / sol nit schwärer dan(n) pena relegationis verdampt werden / vnd auch nit verclagt werden / also das in der verclagung procediert werde. Wan(n) es mag kein lange zeyt dawider sein das im der weg zů wören vnd im rechten sich zů beschirme(n) beschlossen werd. C. de re iudi. l. j. Wann das wören im rechten kompt von natürlichen rechten / darumb so hilfft kein lange zeyt da wider / auch keins Fürstenn gesetzt. ff. de sta. bo. ingenuum. ff. q(uo)n appel. sit. l. j. §. biduu(m). ff. de accu. l. j. §. fi. Noch vil minder eins richters gesetzt / oder vrteyl / wan(n) keme der Teüfel in gericht / man sol im günnen das er sich wöre.

vt. d. l. absentem. ff. de requi. re. aunus. in fi. Item setz das einer dem richter oder einem seiner dienstbotten seim gerichts schreyber in der person oder mit worten oder mit wercken schmacheit thů / mag nit der richter den schmäher straffen / vnd bedunckt etlich neyn / wan(n) also were einer richter in seiner eygne(n) sach / das dann mit nichten sein sol. clemen. pastoral‘ de sen. et re iudi. Er mag auch nit wilkürt richter sein. C. ne q(ui)s in ca(n) su. iudi. l. vnica. Herwiderum(b) bedunckt er mög richter sein. R(e)n. sprich. ff. d(e) arbi. l. penul vt in decre .xxiij. q. iiij. Guillinosus. Ist das die schmacheit offenbar vnnd vnlauckbar ist das sie dem richter oder den seinen geschehen ist / als so sie geschehen ist die weyl er zů gericht gesessenn ist / vnd villeycht dadurch der gerichts zwang betrübt ist worde(n) / er mag straffen den übelthäter / vnd mag die selb schmacheit on ein verclager vnnd on gerichts form straffen. lxiij. dis. solennitate. ar. ff. de adop. si pater. §. q(ui) duos. Vnd ein sollich schmacheit mag der richter nit übergeb(e)n vnd vngestrafft lassen / wan(n) sie geschicht im nit / sunder der gantze(n) vniuersitet

b

(293) Der Ander Teyl

der richter er ist / wan(n) die schmacheit ist im nit geschehen als eim in sunderheit sunder als eim richter / wan(n) er sitzt zů gericht / erken(n)t vnd declariert nitt als ein sunderlicher / sunder als ein gemeyn person.

ff. d(e) o. fi. p(re)si. diuo. Item du möchst fragen ob zwyfach schmacheit alda gescheh(e)n sey als einer sunderlichen person / vnd einer person die in eren gesatzt ist / als dz in zwen weg möge vmb diese schmacheit beclagt werde(n). R(e)n. ff. nau. cau. stab. licet. §. fi. Etlich die sprech(e)n neyn / wan(n) es sol nyemandt mit zweyen růtten geschlagen werden. de iniur. patit. Auch sol nit offt vonn eines einigen menschen übelthat gefragt werden. Du sprichst ia / wan(n) du hast deßgleych(e)n oben in d(er) clag von d(er) schmacheit von d(er) tochter / eeweyb vn(d) eeman.

De his qui parentes vel liberos occiderunt.

Von denen die ir eltern oder ir kindt ertödt haben.

ff. de in ius vo. l. que qs. §. vlt. et. l. sed si hac. §. sed iberos. Oben haben wir von manschlacht in gemeyn. Nun in sunderheit hastu vo(n) einem gar seer bösen manschlacht / das mit namen heißt parricidium / vn(d) diß manschlacht hat stat / wo einer eins seiner eltern / als vatter vn(d) můtter / anherr vnd anfraw / vnnd fürter vff / oder so einer vnder den eltern einen der von inen absteygt on ende / wan(n) die selben heissen all kindt oder dichtern / vnd die vffsteygenden heissen eltern. ff. c. l. j. et vlti. Es hat auch diß recht stat in etlichen collateralibus die vns von der seyten zůgehöre(n) / als in fratre patruele / das ist der der meins vatter brůder sun ist / vnd in consobrino / das ist der der meiner můtter schwester / oder brůder sun ist / vnd in denen die noch näher seind / vnd in etlichen die vns affines seind / vnd von der Ee wegen zůgehören / als das eeweyb dem eeman / tochterman suns weyb / schweher preuigno / et socero / patruo.

ff. c. vtrum. et. l. si sciente. Item auch alle die die hilff dar zů gethon haben seind schuldig diß rechten vnd die selben werden herter gestrafft dann ob sie es selber gethon hetten / vnd das ist zů mercken.

Item der der vergifft gekaufft hat darumb das ers dem vatter gebe / ist diß rechten schuldig ob ers im wol nit geben möge.

Item des brůder / hat er sollichs gewißt / vnd hats dem vatter nit zů wissen gethon / sol verwisen werden des lands / vnd der artzt getödt werden.

ff. c. l. penul. Item diß rechten peen ist also vffgesatzt / das der der obgeschriben personen eine ertödt / sol mit blůttigen růtten geschlage(n) werde(n) / darnach sol er in ein sack geneet werden mit eim hundt / vnd mit eim capaun / einer schlangen vn(d) affen darnach sol er in das mere oder einen wag geworffen werde(n). Ist aber dz man deren keins het / so sol er den wilden thierern fürgeworffen werden.

ff. c. l. vlti. Item er mag auch des vorgeschriben rechten ertödt werden / wan(n) sie berauben beid des lebens / vnd diß verclagung ist ewig.

De maleficis et mathematicis et dictis silibus.

Von den zauberern vnd denen die sich der verbotten kunst an nemen zů treyben vnd warsagen.

Geschriben steet oben von manschlacht / so aber manschlacht vnderweylen mit vergifft geschicht / vnd auch mit zauberey. C. c. l. nemo. et. l. vl. Augures. C. c. nemo. Darumb solt du mercken / das die die das volck maleficos zauberer nennet / vnd die / die sprechen das sie künden die schwartzen kunst / oder sunst anndere verbotten kunst / in latein artem

(294) Das QXL Blat

diuina(n)di die solle(n) getödt werde(n). Diuinant au(c)t. circa sompnia. sie versagen oder treiben kunst vß treyme(n) vn(d) vß vogelgeschrey vnd vß fliegen d(er) vogel / darumb heissen sie Augures / es sol sie niema(n)d über sein schwellen lassen geen / sie sol niemand radt frage(n) / anders sie werden in inselen verwisen / vnd alle ir hab gemeyn geteylt.

Diuinatores. C. nullus. (et)c. l. nemo. (et)c. culpa. Item es sol niemand warsagen Diuinern vnd sollich verbotte(n) sach treybe(n) / wan(n) den selben sol dz haubt abgeschlage(n) werde(n) mit eim schwert.

Aruspices. Item es heissen etlich Aruspices darumb das sie das yngeweyd der thier ansehen vnd diuinieren vnd warsagen dar vß.

C. c. multi. Ite(m) es sein auch and(er) die mit zauberey dem lebe(n) der vnschuldigen hessig seind / vn(d) dz gemüt d(er) frawen biege(n) vnd neygen zů lieb / begird vnd vnkeuscheit / vn(d) die selbe(n) solle(n) de(n) wilden thiere(n) fürgeworffen werde(n). C. c. l. i. Od(er) villeycht mit dem schwert getödt werde(n). ff. ad. l. cor. d(e) sicca. l. i. §. Sie möchten auch mit vorgeschriben rechten von man(n)schlacht getödt werden.

vt infra. c. l. et si ex cepta. Ite(m) zů diser v(f)clagu(n)g würt ein yeglicher zů gelasse(n) als obs crime(n) lese maiestatis wer / wann sölchs verferet vnd verletzt über die massen die maiestat / vn(d) ein yeglicher (kein würdigkeit oder ere angesehe[n]) sol gepeyniget werden vmb die warheit zů sage(n) / vn(d) würt er überwunden. si denegat suum facinus. sit eculio dedirus vngulisqs fulcantibus latera proferat. penas proprio dignas facinore. C. c. l. vl. Es sol niemand kein zauberer selbs tödte(n) mit seim eigen gewalt / anders es thůt zwyfach argwan vn(d) verdächtnüß wider in / entwed(er) er hat ein offenlichen übelthäter ertödt vmb des willen dz er sein gesellen nit offenbar der strengkheit des rechten / vn(d) in der billichen frag vnd erfaru(n)g in der pein entzoge vn(d) entpfürte / oder villeicht er hat sein eigen veind vnd(er) einer solliche(n) rach / in sollichem name(n) abgethon. C. c. l. eorum. §. nullis vero. Welche aber das wetter beschwören vmb des wille(n) das dz wetter der frucht die vff de(m) feld steet nit schaden thů / mit stein vn(d) kyseln dz man hagel nen(n)t / die sein nit peen sund(er) lones würdig.

De sepulcro violato.

Von denen die todten greber zerstören.

ff. c. l. vlti. Es ist ein verclagu(n)g vff gesetzt wider die / die die greber zerstöre(n) / wan(n) ist dz sie die cörper vn(d) todten leichna(m) dar vß ziehe(n) / oder ir gebeyn / seind sie arm sie sollen getödt werde(n) / die erbern in inseln ewiglich verwisen / oder in ein ertz grůben werd ampt werden. C. c. si. seruus. Vn(d) wo in eins hauß etwas vom grab gefürt würt / dz selb hauß od(er) gebeüw sol dem fisco werden.

Item der richter der sollichs mit diser peen nit richt an de(n) zerstörern der sol gestrafft werden in .xx. pfundt goldes.

Item die / die sünde(n) bey denen die in todts nöten od(er) kranckheit arbeyten / sollen gestrafft werde(n) in de(m) dritteyl aller irer hab / vn(d) die schuld verlore(n) habe(n) / vn(d) so vil der schuld gewesen / den erbe(n) des geschmächte(n) gebe(n).

Ite(m) sie werde(n) eerloß / ist das sie in dz hauß geend des sterbende(n) me(n)sche(n) vn(d) yn oder die seinen betrüben od(er) bekümmern oder sein hab entziehen / vn(d) der / d(er) felt in die selbe(n) peen so er gestorben ist / der bey der leych sündt / oder das begeen der begrebnüß verbeütet.

C. c. l. vl. (et)c. i(n) aut(em). vt defunct. seu. func. co. n(e) iniur. a credi. §. j. et vt de app. cog. §. meminimus. Item vmb der geistlicheit vn(d) menscheit willen ist gesatzt das vnder ix. tagen vom tod an zů zelen / sol kein betrübnüß geschehen wider

b ij

(295) Der Ander Teyl

nyemand von des todten wegen / vnnd was da wider geschicht sol vnnütz werden. Von der matery hast du oben in einer clage.

Ad legem fauiam de plagiarijs.

Von denen die eim sein eeweyb oder kynd hynfüren / verkauffen / od(er) sunst empfrembde(n).

Lex fauia. Nun sollen wir sehen vnnd mercken von dem schmertzen der da geschicht vatter vnd můtter / wan(n) vo(n) des selben schmertzen wegen / so ist gemacht ein recht Fauia de plagiarijs genant in latein / vnd diß recht hat stat wan(n) einer eine(n) freyen mensche(n) gebunde(n) helt oder verhelet. occultare in latein.

C. c. q(ue)m. Ite(m) noch vil mere ist schuldig diß rechten vnnd des todes der eins sune od(er) eine(n) andern freyen mensche(n) / frawe oder man(n) sune oder tochter vo(n) einer stat in die andern fürt / oder an ander ende.

C. c. l. vl. et. ff. c. l. in fi. Item vmb diß übelthat würt der gethäter der nit edel ist mit dem schwert getödt / vnnd der edel in ein ertzgrůben verdampt.

Ad corneliam de fallis actio subtilis.

Von falscherey in gemeyn.

Nun in disem gesatz würt gemeynlich gemelt von aller falscherey vnd heißt diß recht. lex cornelia de falsis. daru(m)b solle(n) wir sehen am ersten was falsch sey / vnnd wan(n) diß recht stat hab / wie der richter hier in(n) erkennen sol / wie die verclagung sey / was die peen sey.

Falsch. Nun ist falsch ein verwandelung der warheit / oder verkerunng der warheit. vt in aut. de instru. caute in p(e)n ci. coll‘. vj. Wan(n) die felscher fleyssen sich das sie verkere(n) die dinge die da war sein / vff das / das dz falsch war angesehen werde.

C. c. nec exe(m)plus. Item stat hat diß recht wo falscherey geschehen ist mit argemlist vn(d) sunst nit. ff. c. lit. §. quid in ratio(n)ib(us). et. l. paulus. §. paulus. Vnnd falscherey geschicht in manch weg / als mit schrifft / es schreybt einer falsch / oder dilget dz ware ab. vff dz / dz die warheit nit erscheyn / vn(d) also hat er dz instrume(n)t oder brieffe vnfleyssigklich gemacht. Es ist kein vnderscheit dar vnder es sey instrume(n)t oder ein ander offen oder sunderlich instrument oder brieffe / es sey wachs tafeln / oder holtz in tafeln / oder rationes rechen bücher.

Item es geschicht mit red / als wo ein zeüg wissentlich falsch sagt / od(er) vnstete zeügnüß gibt / vn(d) wo d(er) richter wisse(n)tlich wider co(n)stituto(n)es bößlich vrteylt / vn(d) welche zů dem obgeschribe(n) rate oder hilff geben haben / als wo sie dem richter oder zeügen corru(m)piert vn(d) dar zů bracht hetten.

ff. c. l. i. itez et. §. sed et si quis. et §. q(ui). iudice(t). (et)c. §. ss et si iudex. (et)c. l. vt. et. l. cos. q(ui). diuersa. Item vnd der / der etwas genom(m)en hat dz er nit zeügknüß gebe / od(er) dz er die zeügen vnderweyse das also die warheit nit vffgethon werde / oder der / der sich falscher recht braucht im fürbringen vorm richter.

Item nit ein yegklicher der leügt ist schuldig diß rechten. Obreptio. ff. c. q(ui)d sit. Wo aber einer leügt dem fürsten oder dem richter / vna durch sollichs Obreptionem in latein etwas erwirbt / diß rechten ist er pflichtig.

ff. c. si q(ui)s p. ocr. p(re)to(ri)ne(s). (et)c. C. si co(n)traius. puberi. si legilv. (et)c. de diuer. offi. (et)c. appari. l. ij. Item es geschicht falscherey im thůn / als in der müntze / vnnd in der wagen / vnd in dem messen. ff. c. q(ui)cu(m)qs. (et)c. l. lege. (et)c. l. penulti. §. i. Vnd nym ein beyzeichen in der müntz von denen die gulden oder silberin pfenning eins teyls beschneyden / abschaben / oder in ander weg abnemen / vnd auch wo einer etwas vnder golt mischt dz nit sein sol / vn(d) yme villeycht ein vnzymliche(n) zůsatz gibt / oder thůt / od(er) falsch silberin pfenning geüßt od(er) der zynne(n) od(er) pleyen pfe(n)ning

(296) Das QXLI Blat

kaufft / od(er) verkaufft. Welcher aber ein falsch müntz geschlae(n) hat vn(d) wil er sie gantz formiere(n) / so würt er durch bette mit billicher bůß absoluiert. Aber vmb falsch maß pro me(n)sura falsa in latein / so d(er) also gesündet hat sol er yn zwyfach gebüsset vnd dar zů lands v(f)misen werden.

ff. c. q(ui) falsa(m). §. j. (et)c. l. lex. cor. §. i. Ite(m) es geschicht falscherey wo ein fraw ein frembd kynt zů ir legt / vn(d) spricht zů de(m) man(n) sie habs geborn / diß ist ein sund(er)lich / vn(d) ein ewig verclagu(n)g / wan(n) diß falscherey verclage(n) allein die die dz erb erbe(n) solte(n) / vnd nit ein yeglicher von dem volck.

Dyploma. ff. c. l. cos. §. vl. Item es beschicht auch falscherey mit brauchen / wan(n) welcher sich für einen ritter dar geyt / oder sich vnzymlicher kleydu(n)g od(er) geschmückt insignia zů latein gebraucht. vel falso Dyplomate interdicto certilo ei itinere breuiori vias co(m)meauit pro co(m)missi qualitate grauissime puniendus est. der sol schwerlich gestrafft werden.

ff. c. in lege (et)c. q(ui) testame(n)tu(m). Item es seind auch ander die in dise peen vallen / als die / die ein testament verhelet haben / geraubt haben / abgedilgt haben / abgeschabt habe(n) subieceru(n)t / refriguraueru(n)t vbergebe(n) habe(n) / falsch testame(n)t geschribe(n) / gezeyche(n)dt habe(n) / gelese(n) habe(n) mit arge(n) list. ff. c. l. penul. i. fi. Deßgleyche(n) ist mit dene(n) die des richters edict vn(d) angeschlagen gebot zerstören. Debgleichen ist / wo einer zweyen ein hab gentzlich verkaufft hat. Vn(d) da selbs steet geschriben / sie sollen vff ein zeyt des lands verwisen werden / vn(d) ir hab sol ynen nit genom(m)en werden / als denen die den richter verfürt haben. ff. c. de cri. stellio. l. iij. Aber der der zweyen verpfandt hat ein hab / yedem gentzlich / ist diß rechten nit schuldig / sunder eins andern stellionatus hernach geschriben.

ff. c. l. j. et. §. is q(ui) et de pen(es). si quis aliquid. §. si q(ui)s. Ite(m) diß rechte(n) seind schuldig die / die die instrume(n)t vn(d) brieffe die in zů behalte(n) gebe(n) seind / des wid(er)sache(n) ders zů behalte(n) gebe(n) hat / heymlichen geben hat.

C. c. si q(ui)s. C. c. l. penul. i. fi. Item in diser verclagung wo sie criminaliter würt volbracht / sol vff das hertest erfarn werden / vnd dem verclager vnnd den verclagten gebürt zů beweysen. vbi et questio de scripture auctore habetur nulla obstante precogitatiua decurionatus vel alia. C. c. damus. Wo aber die prerogatiua decurionatus in diser verclagu(n)g eiuiliter dz ist vmb gelt straff fürbracht würt / geschicht des erfarn leychtlicher. ff. c. q(ui) nomine. et de in ius vo. l. penul. Vnnd in disen beyde(n) verclagu(n)g mag vor geen welche man wil. Ciuiliter mag erfarn werden durch ein exception oder replication / vn(d) vnderweyle(n) durch clagu(n)g / wan(n) d(er) ist verfalle(n) ein peen fünfftzig guldin der albu(s) pretoris dz ist dz bredt od(er) die wa(n)dt do die richter ir gebot an lassen schreibe(n) zerstört / vn(d) die clag geet nit in den erben oder über das iare.

insti. d(e) pub. iudi. §. item lex. Item diß verclagung ist gemein. Vnd weret biß vff .xx. iare.

C. c. l. querela. Ite(m) die peen diser verclagu(n)g ist / dz er d(er) stat ewigkliche(n) verwisen / vnd als dz sein sol im genom(m)en werde(n) vn(d) gemein geteylt werde(n). ff. c. l. j. §. vlti. et insti. de pub. iudi. ites lex cornelia. On in fünff casibus i(n) de(n) du vi(n)dest dz leychter peen solle(n) vom richter erke(n)net vn(d) geurteylt werden.

Ite(m) welcher im etwas zů schreybt im testame(n)t so das gantz gesatzt ist / ist auch diß rechten schuldig / wie vnd in welchen weg sollichs zůgee / sůch in Tzone nach disem Titel.

De falsa moneta.

Von falscher müntz.

Falscherey geschicht nit allein in obgeschriben sachen vnd würdt gestrafft. Sund(er) auch in müntz vn(d) schwere peen würt darumb angelegt

b iij

(297) Der Ander Teyl

dan(n) vmb andere falscherey darumb wöllen wir sehen wann diß verclagung stat habe / vnnd welcher diser übelthat schuldig sey / was sein straff sey / vnd was sunderlichs har in(n) sey.

ff. c. qui sola(m) monetam. Item als dan(n) hat stat dise verclagung / wan(n) einer ein falsch müntz geschlagen het / oder hat schlagen heissen / oder dar zů hat rat vn(d) hilff geben / oder hat aber nit verbotten das sie nit geschlagen sol werde(n) welcher aber die müntz nit gentzlich formieren vnnd vß machen wil mitt rechter reüwe / würt er entschuldiget. ff. c. q(ui) nummos. Welcher aber gulden pfenning schabt / oder sunst in ein andern weg da von nympt der sol sterben. C. c. l. penul. Weren sie aber nit guldin villeycht sol er also schwere peen nit leiden / aber vmb die gemachten müntz sol er verbrant werden.

C. c. l. i. auctore. Etlich die gebe(n) den vnderscheyd ob er gesündt hab in d(er) gulde(n) müntz / als dan(n) sol er verbrent werden. Sündt er aber in einer andern müntz / so sol er eins andern todts sterben.

C. c. l. penul. et. l. i. in. princi. In diser übelthat seind etlich vnderscheid / wan(n) es mögen verclagen die / verleümpt oder erloß seind. C. c. l.j. in prin. Vnd es mag ein yeglicher ein sollichen felscher vahen. C. c. l. j. §. appellandi. Vn(d) wan(n) er verdampt würt so mag er nit appellieren. Vn(d) es würt vo(n) des verclagers boßheit calu(m)nia in latein nicht erfare(n).

C. c. l. j. Item der grundt in de(r) dise übelthat geschehen ist / sol gemeyn geteylt werde(n) / es hette dan(n) d(er) herr des gru(n)ds sollichs nit gewißt / vn(d) als bald er es innen worde(n) were / so het er sollich übelthat geoffenbart / vn(d) ist das d(er) nahet bey de(m) gru(n)d wont vn(d) ob ers schon nit gewißt hat so würt er dannoch diser peen gestrafft / ist er aber ferr vom grund gewesen / er sol kein peen leyde(n). C. c. l. in fi. Aber welche hilff dar zů gethon haben / sollen capitaliter gestrafft werde(n) / witwen vn(d) ob die zů nächsten da bey gewonet habe(n) werde(n) nit gestrafft wed(er) vmb ir saumnüß an ire(n) grunden / oder sunst / auch nit vmb ire vnwissen / sunder sie sollen gestraffet werden so sie ein wissens da vo(n) gehabt vn(d) nit volbracht habe(n). Impuberes die vnd(er) .xij. iare(n) döchter vn(d) .xiiij. iare(n) knabe(n) / werde(n) auch nit gestrafft / vn(d) ob sie es gewißt haben / aber ir vormu(n)de / seind die nahet da bey gewese(n) / daru(m)b dz sie wissen solle(n) was in waisen habe geschehe sollen / in so vil gestrafft werden als vil dann der waise geben můst.

De mutatione nominis.

Von der verwandelung des namens.

C. c. l. vnica. et. ff. ad. l. cor. de fal. falsum. Ist das der frey geborn sein namen oder zů namen wandelt in vntreüw vnd argemlist / er ist schuldig .l. cornelia sunst nit.

Ad legem iuliam de ambitu.

Von den geytzigen der eren.

ff. c. l. j. Als das ober recht lex cornelia straffet die geytzigen selcher im gelt. Deßgleiche(n) strafft diß recht die geytzige(n) der eren / vn(d) diß recht hat stat / wo einer durch gelt zů wegen bringt das er zů eim ampt gewelet würt. ff. de pollicita. l. §. si. quis. et de admi. ra. no(n) existimo. Vn(d) diß ist war wo das volck in einer statt / od(er) anderßwo einen zů welen hat / vn(d) das verstee wo das gelt eim heimlich od(er) mer in sunderheit geben ist. And(er)s ist es / wo einer offenlich im rate sich erbeüt od(er) verheißt einer statt od(er) einer and(er)n gemeyne(n) / vff das dz er d(er) statt wölle nutz han / nit allein für sein. Aber sant Augustin spricht / welcher eins bistumbs

(298) Das QXII Blat

begert / der begert ein gůt werck / wo aber heimlich sollich bette geschehe(n) vnd erhört werden / er felt in dise peen / anders ist es wo ein ander für in bette on sein wissen / wie wol es anders ist in symonie.

ff. c. l. j. C. ad. le. iul. repetu(m). l. iubemus. (et)c. l. vlti. Item stat hat dise clag wo ein neüwer zol vff gesatzt ist / vnnd auch wider den der etwas in ein hauß gibt des der erkent oder richter ist in einer verclagung / es sei der verclager oder der verclagt / vnd ist die peen hundert gulden / vnnd erloß.

Ad legem iuliam repetundarum.

So der richter etwas thůt das er nit thůn solt oder vnderwegen laßt das er thůn solt.

repetundarum. Als einer durch gelt oder mit gelt gewelet würt / also das der / der on gelt er welet würt / thůt darnach vmb gelts willen etwas / darumb ist diß recht erfunden vnnd heißt Repetundarum pecuniarum in latein zů teüsch das gelt wider zů vordern.

Diß gesatz hat stat / so der / d(er) ein offen ampt hat / so im gelt geben oder verheyssen würt / etwas thůt / das er nit thůn sol / oder vnderwegen laßt das er thůn solt / vn(d) da von nim diß exe(m)pel. Nim war / einer hat gelt genom(m)en darumb dz er vrteyl sprech / oder nit sprech / od(er) das er erkenne / od(er) das er ein vrteyl im rate senat / od(er) offen rate sprech / oder dz einer verclage / od(er) das er eine(n) richtet / od(er) wilkurd richter gebe / od(er) wa(n)del / oder dz ein heiß dz er richte / od(er) das er ein mensche(n) in gemeyn gefencknüß lege / dar in(n) gefangen halt / oder binde / od(er) heißt binde(n) / oder halte(n) / oder das er ein mensche(n) vß gefencknüß löß / od(er) das er ein me(n)schen töde / oder absoluier. vel faciendu(m) vel no(n) faciendu(m) / vel ob militem lege(n)dum mittendu(m) vel de nu(n)ciandu(m) testimoniu(m) / vel no(n) denun cia(n)du(m) vel vt acceptu(m) feratur / opus publicum faciendum / frumentu(m) vel publice dandu(m) prebe(n)dum / apprehendu(m) / vel vt accepto ferantur / sarta tecta tuenda / antequaz perfecta probata prestita lege eru(n)t. Diß latein hab ich nit gantz / zů teütsch künden setzen. Welcher es aber wöl versteen / der frage die gelerte(n) darumb. ff. c. l. ij. iij. iiij. v. vj. etvij. Vn(d) diß ist d(er) gemeyn will diße rechte(n) das sich die richter hüten solle(n) vo(n) aller vnzymlicheit. Sie solle(n) auch kein gab nemen / dann von den personen die im rechte(n) vß genom(m)en seind / als geschwisterge kynd / vn(d) von denen die im näher seind / vn(d) von seim eeweybe. ff. d(e) offi. procunsul. solent. §. vl. et de offi. presi. si forte. Aber essend speyse oder getranck mag er nemen von yeglichem / doch sol sollichs nit zů reylich sein / also das sollichs in wenig tagen verzert mag werde(n). Vn(d) diß recht hat auch stat in den die mit den richtern wonen. ff. c. l. i. comites. C. c. l. j. Vnd vmb diß malefitz mag zwyfach geclagt werde(n) / die beclagung gebürt in vierfach wider den richter / vmb des wille(n) das er / oder der / d(er) bey ym im hauß wonet / oder manipularius / oder sein diener / genom(m)en hat. ff. de iure. fis. lucius. Vnd das vierfach sol gantz des fisco sein / wann der geber hyndert sein laster oder schande das er nichts vordern mag. ff. de. l. ij. et. C. sciant. Vn(d) diese clag gebürt auch wid(er) den erbe(n) des ders genom(m)en hat / od(er) vo(n) dem getru(n)gen hat / vnderm iar / vn(d) ob den erben nicht da von were worde(n). C. de. assess. l. consiliarius. et. C. c. vnusquisqz. Noch vil mer sol gebürn dise clag wo einer spricht er sei vom richter beraubt oder getrungen vel co(n)cussus als dann hat der beraubt clage in zwyfach.

C. iubemus. Item es würt auch ein gemeyn verclagung vmb die missethat / wie wol dz ampt da(n)noch weret. ff. d(e) in iuavo. l. ij. et d(e) iniur. nec magistratib(us). et in aut. vt. diffe. iud(ex). audi. inter pel. coll‘. ix. §. si vero. et vt iud(ex). si quoquo suff. §. illud videlicet. Wan(n) er hat im ampt gesündt / od(er) hat aber

a iiij

(299) Der Ander Teyl

die vnderthon vnd(er)truckt / anders mag sunst d(er) hohe(n) richter keiner al die weyl sein ampt weret verclagt werden / on vo(n) diebstal / aber die mynner richter mögend / weyl sie an iren ampten seind vmb ein yegklich missethat beclagt werde(n).

ff. c. l. an(no) penul. §. vlti. Ite(m) diß rechten peen ist nit ordinaria wid(er) die die sünde(n) / wan(n) etlich werde(n) versendt in wüstenu(n)g / vn(d) etwan schwerer / darnach sie auch gesündt habe(n) / wan(n) etwan habe(n) sie gelt genom(m)en das sie ein mensche(n) töten sollte(n) / od(er) so die kein gelt genom(m)en habe(n) / vn(d) doch vß hitzigkeit den vnschuldige(n) getödt habe(n) / od(er) den de(n) sie nit straffen sollten / man sol yn ir heupter abschlagen od(er) in in sel verweysen ewiklich / als ir vil also gestrafft seind worde(n). C. c. l. vl. in fi. Das solt auch mercken welcher gelt gibt vmb ere / d(er) sol de(n) d(er) in mit diser clag beclagt dz gelt dz er ynen geben hat vierfach gebe(n) / ff. c. l. penulti. Vn(d) diese clag gebürt eim yegklichen / eben als die verclagung ee dan(n) die hab wid(er) kom(m)en ist in den gewalt des od(er) seins erben vo(n) den es herkommen ist / vnd was käuff oder hinleyen da mit geschehen seind der hab halb ist crafftloß.

Ad legem iuliam peculatus.

Von denen die gemeyn gelt einer statt hynleyhen.

ff. c. l. j. et. iiij. j. Daru(m)b das die magistrat vnd(er) weyle(n) gemeyn gelt on recht hynleyhe(n) / daru(m)b würt dise clag da vo(n) gesetzt / die hat stat wo gemeyn gelt genommen würt / od(er) in welchen weg es geunseübert würt / als wo einer etwas vnder gelt od(er) silber mischt / oder dar zů thůt / als ysen / oder deßgleychen ist in geweychter hab als in yrden der kyrchen oder kylchen (et)c. Auch in geistlicher habe / als in zyrden eins grabs / es werde(n) die da vo(n) nit gescheyden die mit argem list zů wegen bracht habe(n) das sollichs vonn andern genom(m)en / oder gelestert oder vnsauber worde(n) ist / oder die die sollichs in yren nutz gekert haben. Es weren dan(n) di8e den sollichs dz recht erlaubt / auch ist es das einer das dz geben ist dem ewigen got genom(m)en hat / diß rechte(n) ist er schuldig. ff. c. l. iiij. §. vlti. et de acqui. poss. peregre. Anders ist es so einer eine(n) schatz an eym end fünd / wan(n) die stat würt von schätz wege(n) nit geistlich / wan(n) würt ein schatz in eym grab funden / er würt nit vff gehalten als ob er geystlich sey / wann was eynem verbotten ist zů begraben / das mag er nit geystlich mache(n) / nun mag einer gelt nit begraben on allein vmb bessers zů behüten.

ff. de fur. l. ob pecunia(m). ff. c. l. iiij. §. vlti. Item anders ist es in gelt dz eins in sunderheit ist / oder einer andern stat dan(n) Rome / oder des fisci / vn(d) in sollichem würt diebstal volbracht. ff. c. sacrile. §. c. Es geschicht auch dz in sunderheit vmb gelt einer in dise peen felt als wo ich vo(n) eine(m) schuldener des fisci gelt abtreünge / vn(d) sprech ich were fiscus glauber so es nit were / anders ist im so ich glauber bin(n) in bezaltem geldt / vn(d) ich hab yngenom(m)en von dem der mir vnd dem fisco schuldig was. ff. c. q(ui) tabulaz. (et)c. l. hac lege. (et)c. l. q(ui) p(re)sorauerit. Sztali cri(m)ne peculatus tenetur qui tabula(m) enea(m) co(n)tine(n)te(n)leges per forauerit. aut quid alid(e) refixit vel quid i(n)de mutauerit vel i(n) tabulis publicis aliquid deleuit / vel induxit / vel qui tabulis publicis mi(n)ore(m) pecu. scripserit / qua(m) q(uo)d ve(n)diderit muros vel aliquid i(n)de abstulit. ff. c. l. penul. Deßgleiche(n) in de(r) d(er) ein raub de(m) veind genom(m)en vn(d) gestole(n) hat / vn(d) daru(m)b so würt der selb in vier sach verda(m)pt.

insti. d(e) pub. iud(ex). §. itez lex iulia. peculatus. et. ff. c. peculatus crimen. Ite(m) diß rechte(n) peen ist dz den richtern die in iren ampte(n) stele(n) gemeyn gelt ir haubt abgeschlage(n) sol werden / vnd auch dene(n) die dz gestoln gelt ingenom(m)en haben wissentlich / die andern die diß rechte(n) schuldig seind soln / solle(n) verwyse(n) ewigkliche(n) vn(d) dz ir ingemeyn

(300) Das QXLIII Blat

geteylt werde(n) / vn(d) dise v(f)clagu(n)g ist gemeyn / vn(d) verlescht in .v. iare(n). Vn(d) diß ist sund(er)lich hie in(n) / dz die verclagu(n)g angehalte(n) mag werde(n) wid(er) die erben.

ff. c. l. vlti. Ite(m) welcher gemeyn gelt genom(m)en hat etwe(n) zů brauche(n) / vnd hat das selb gehalten vnd nit vßgeben / der sol verdampt werden vmb das selbe gelt / vnd das dritteyl mer.

De crimine sacrilegij.

Wo geweycht hab von geweychter statt genom(m)en würt.

Sacrilegium. Dz recht Julia tractiert auch vo(n) einer missethat / die heißt in latein sacrilegiu(m). Nu(n) ist sacrilegiu(m) ein übelthat wo geweicht hab vo(n) gewychter statt od(er) hab genom(m)en würt / wo aber nit geweychts vo(n) geweychte(n) / od(er) geweychts vo(n) vngeweychte(n) genom(m)en würt / ist nit sacrilegium / wan(n) wo eins hab vß einer kirche(n) genom(m)en würt / hat stat die clag vo(n) diebstal / vn(d) ist nit sacrilegiu(m).

ff. ad. l. iul. pecu. l. diui. ff. de. pe. aut. factu. l. loco. Ite(m) wo geweycht hab vo(n) vngeweychter hab genom(m)en würt / ist aber nit sacrilegiu(m) vn(d) daru(m)b spricht dz recht / das die stat macht ein malefitz / dz diebstal od(er) sacrilegiu(m) heißt. Geweycht. insti. de rerum. di. §. sacre. Geweycht heißt vn(d) ist dz dz durch die bischoff offe(n)lich vn(d) recht geweycht ist / nit sund(er)lich durch ei(n) priester od(er) leyen. ff. de sacrileg. capite. (et)c. insti. d(e) re. diui. §. nullus. Wa(n) d(er) priester hab vn(d) behüt geno(m)me(n) vn(d) gestole(n) werde(n) so sol nit schwerer dan(n) vm(b) diebstal vn(d) minner dan(n) vm(b) sacrilegiu(m) die straff angelegt werden.

Ite(m) die peen diser missethat würt schwerer oder leychter nach dem wesen der habe / d(er) zeyt / des alters / vn(d) des geschlechts / nachdem sol herter oder barmhertziger diß malefitz gestrafft werden / wan(n) etlich richter verdamnen die sacrilegos den wilden thieren / etlich brennen sie lebendig / etlich hencken sie /

De sediciosis et his qui plebem. audent contra rem publicam colligere.

Von denen die zwytracht oder vfflauff machen.

C. c. l. j. et. ij. Welcher zwytracht od(er) aufflauff macht zů rome der felt in die peen crimen lese maiestatis / von dem du oben hast / geschicht aber solichs in einer statt / schloß / oder dorff / der selb sol sterben. Wan(n) er thůt wider gemeynen nutz / daru(m)b ist er schuldig d(er) peen lese maiestatis dz ist des tods.

De crimine expilate hereditatis.

Wo einer von eim fremden erb styelt.

ff. ad. l. iul. maiesta. l. j. ad hoc facit. C. d(e) his qui ad. ec. confu. l. denu(n)ciauimus. p(ro) totum. Diß verclagung hat stat wo einer ein fremd erb styelt / so sich der erb des erbs noch nit hat angenom(m)en / vn(d) die hab noch nit vom erbe(n) begriffen seind / vn(d) die clage von der eygenschafft / oder die clag der vorderu(n)g des erbes die entschliessen diß verclagung nit. ff. c. l. j. ij. et. iij. et. C. c. l. vl. C. c. adactio. §. fructus. Vnd dise verclagung gebürt nit wo der die die mit der clag des diebstals nit beclagt mögen werden / vn(d) daru(m)b so mag die fraw (die ein gesellin ist der hab des götlichen vnd menschlichen hauß) von den erben ihres man(n)s nit verclagt werden diser malefitz / sie mag aber wol verclagt werden vmb die eygenschafft / oder das sie habe zeyge / vnd ist schuldig die yngenommen frucht vnd die verzerten in bösem glauben wider zů geben. ff. de. eff. rac. l. i. Dise peen über dise übelthat ist extraordi(n)aria / d(er) richter mag straffen wie er wil doch sol er vnd(er)scheit habe(n) vnd(er) den riche(n) vn(d) dene(n) vo(m) volck dz die peen ir keynem zů schwere seind / diser peen mögen auch gestrafft werden die

(301) Der Ander Teyl

bey tag oder bey nacht vmb stelens willen die heüser vff brechen.

De crimine uelionatus.

Oben hastu von sunderlichem verclage(n). Nun hastu ein gemeyn verclage(n) die kumpt zů hilff wo sich verclagu(n)g gebürt / vn(d) doch wo nit nemlich steet geschribe(n) welche verclagu(n)g sich gebüre / so gebürt sich die / zů gleycher weyß als du obe(n) hast ein clag am letsten die heyßt in factu(m) subsidiaria / wo sich kein sunder clag gebürt vn(d) stat hat / vn(d) doch billich geclagt würt / so hat stat die selb clag. Also würt alhie dise verclagung in latein stellionatus geheissen nach eine(m) thier heyßt stelio gleich einer natern / aber es hat ma(n)cherlei weg vn(n)mackele(n) / vn(d) diß verclagu(n)g hat stat wo einer die warheit gewandelt hat / od(er) gelogen gestrafft mag werden / vnd gebürt sunst nit wo ein sunderlich ve(r)clagung gebürt / sund(er) allein wo man den verclager billichen zů hilff sol kom(m)en vn(d) kein besund(er) verclagung ist / vn(d) nim im dise exce(m)pla / wo ich ein verpflichte habe / als ob sie nit verpflicht sey verkauff / oder verheyß / oder versetz zweyen / sie were dan(n) so gůt das den zweyen da von genůg geschehen möcht.

Impositura. Item wo einer vff redlich leüt leügt.

ff. c. l. iij. et d(e) pig. act. tutor. §. contrariu(m). (et)c. l. si pignore. Item si quis Impositura(m) fecerit. id est bonis viris mendacia imposuit. ff. ad. l. cor. d(e) fal. qui duob(us). Anders ist wo ich ein habe zweyen verkaufft han / wann vmb sollichs gebürt die obgeschriben clag von der falscherey.

ff. ad. l. cor. d(e) fal. qui duob(us). ff. de dolo. si legatarius. Ite(m) es steet nit geschriben wie ein yeglicher dises rechten schuldig gestrafft sol werden / yedoch solle(n) die vom volck über die peen der ertzgrůben nit gestrafft werden / aber die andern in eren seind mögen von iren eren gestossen / yn ein weyl des lands verwisen werde(n) od(er) der gegend entpfrembt. ff. de pub. iudi. infamem. Sie werde(n) auch erlößt die diser verclagu(n)g verda(m)pt werent / wo die verclagung ko(m)pt vß vrsach die erloß macht. Vnnd sunst nit.

De his qui latrones vel in alijs criminibus reos occultauerunt.

Von denen die die übelthäter verbergen oder herbergen.

Der der ein schuldigen verbirgt / sol leiden die selbe(n) peen die der schuldig lyden solt / vnd dar zů in seiner hab gestrafft werden / wo er in seine(n) grund ihvnd den schuldige(n) dem richter nit geben will. Ist er aber nit in heymsch / sein procurator sol yn dem richter geben / anders er sol am leyb oder an gelt gestrafft werden / nach dem wesen der person / vn(d) nach dem schätzen des richters mag die peen angelegt werden / der herr würt der eygenschafft des grunds beraubt / vnnd der / procurator oder die andern primates in latein sollen versendt werden in das ellend.

Item es ist dem landtrichter enpfollen dz er zů vahen vn(d) zů behalte(n) die latrones / schechten / vnd and(er)n übelthätern / all rechtlich hilff thůn sol / vn(d) wo die rechtlich hilff nit genůgsa(m) seind / so sol er vo(n) de(n) ynwonern seiner prouincie(n) die die nechste(n) da bey seind hilff begern / mit reysiger od(er) ritterlicher hilff vn(d) waffe(n) militare in latein / vn(d) wo die selbe(n) gewaffent hilff nit thäte(n) / od(er) so sie es thete(n) doch den andern in der prouincien schaden / sie sollen vff das schwärst gestrafft werde(n) / vnd die schaden vnd beschedigu(n)g wid(er) keren / vn(d) ablegen. C. c. l. j. et. ij. p. to. Deßgleiche(n) sol auch der landtrichter gestrafft werden / wo er solliche hilff nit begert vnd vordert / oder so ers

(302) Das QXLIIII Blat

begert hat wider ein vnschuldigen / oder so er die die in der prouincien wonen / vndertrucken vnd schedigen laßt vnd verhengt.

De requirendis reis.

Wan(n) vn(d) wie die geschuldigte(n) gesůcht / gelade(n) vn(d) nach ine(n) geforst sol werde(n).

C. de acc. absente(m). Allein die sollen geladen vnd nach in geforst vnd gestelt werde(n) / die do verclagt mögen werden / vonn denen du oben hast. Die nit ynheimschen / mögen auch requiriert vnd geladen werde(n) / wiewol in der verclagung nit weyter dan(n) biß auff das geben des libels procediert mag werden. ff. c. l. vlti. Der nit ynheimsch würt requiriert vnnd geladen durch edicta / schrifftlich ladung als sunst in andern sachen / vnd wan(n) solchs requiriern geschehen ist / kompt er nit vnd beschirmbt die sach / so werden sein habe all beschriben oder in ein gemeyn hauß gefürt / an ein teyl enden / vnd spricht der richter. Ich thů all habe des .N. in die acht diser co(m)mun / vnd darnach sollen all habe angeschribe(n) werde(n) von eim offnen schreyber / vff das dz sie dem fisco werden wo der nit kompt. ff. c. l. vlti. So das beschreyben geschehen ist / soll er aber geheisch(e)n vnd requiriert vnd dar zů verkündt werde(n) dz er kom(m) / wan(n) sein habe seind in die acht gethon / vnd von offen schreybern annotiert vnd angeschriben worde(n) / vnd sollich verkündung vn(d) ladung sol gesandt werden dem magistrat vnder den er wont / vnd als dann hebt sicherst das iar an so ers gewißt hat / vnd kompt er vnderm iar nit / darnach so werden die haben occupiert / vnderm iar mag man die habe die sunst verderben möcht angreyffen / doch sol der wert darumb sie geben werden behalte(n) werden. ff. c. l. j. §. p(re)sides. et. §. sed som. Wo aber der fiscus die habe vnd(er) zweintzig iarn nit occupiert / darnach mag ers nit vordern / wo aber der also vnderm iar stürb / die habe also angeschriben sollen behalten vnd geben werden seinen erben / vn(d) so er nach dem iar stürbt / nit. ff. de his q(ui) nota(m). infa. l. j. §. j. et. l. athletas. §. calu(m)niator. Vnd er würt darum(b) nit erloß / wan(n) er ist nit vmb ein gemeyn oder sunderlich sünd verdampt worden / wan(n) sollichs gebürt sich so einer sol erloß werden. Aber dz endtlich vrteyl sol vor dem vnd der krieg contestiert ist / nit geben werde(n) wider den der nit ynheimsch ist / auch nit hernach. ff. c. l. j. (et)c. de accu. absentem. Ist das gar ein schwere straff an zů legen ist es mag nit ferrer procediert werde(n) wider den nit ynheimschen / dan(n) vff des lands verbietten vff ein zeyt.

De questionibus.

Wann vnd wie der übelthäter vmb die warheit zů erfaren gepeiniget mag werden.

Questio. Darumb dz offt d(er) übelthäter laucknet er hab das malefitz nit gethon / so ist notturfft dz er gepeiniget werd dz heißt in latein Questio. ff. ad silley. l. j. §. questione. Nun ist questio die peinigu(n)g / ein erfaru(n)g d(er) warheit durch pein / wan(n) ein schlechte frag od(er) ei(n) leychte schrecku(n)g / gehört in disen Titel nit. ff. de questio. l. d(e) minore. §. tormenta. Es sollen auch die pein nit zů groß sein vnd auch nit solch pein sein die der verclager begert / man sol messigklich auß vernunfft peinigen. ff. c. ex libero. j. R(e)n. et. l. vnius. §. in causa. Der freygeboren mensch mag gepeinigt werden / aber erst ist das indicia wortzeichen vorgeen / vnd so er in seim sagen oder zeügknüß yetzundt das sag vn(d) werd sprechen / das er bey d(er) that gewesen sey. ff. c. l. de minore. j. R(e)n. et. l. ex libero. §. j. Vnd doch auch ist das er über .xiiij. iar alt ist / on in crimine lese maiestatis. C. c. milites. et. l. diuo. et. l. decuriones. Es werde(n) auch etlich anders vßgenom(m)en die nit gepeiniget sollen werden / als decuriones vnd

(303) Der Ander Teyl

milites / hofleüt vnd ritter / die nitt schentlich oder lasterlich militia miss vom heer gesandt seint / vnd ouch die dichter der hofleüt / es were dan(n) das der eyner vorhyn mit einer boßheit gemerckt were.

ff. c. l. j. §. imperator. Item es sol keiner gepeyniget werde(n) wider einen / wider den er über sein willen nit zeugniß geben můß. ff. c. l. j. §. p(re)terea. Wo aber gepeyniget ist / des veindt wider de(n) er gepeyniget ist dem sol man nit glauben / wan(n) veind die lügent leichtlich / yedoch sol man der veindschafft halben die peynigung nit vnderzychen vnd vnderwegen lassen / wan(n) in der erfarung der sach / brüfft man ob in der peynigung zů glauben sey oder nitt.

ff. c. l. j. §. ad questionem. Item es sollen die nit wider yemant gepeyniget werden die der clager auß seim hauß produciert vnd fürbracht hat. Judicium autem per vnum testem fieri dico. Eins zeügen zeügknüß ist ein wortzeichen.

ff. c. diuus. Item es mag gepeiniget werden der freygeborn vnnd der eygen mensch / sie seind aber nit in Teütschen lande(n) / wo die warheit anders nit erfarn mag werden. ff. c. l. j. §. q(ui) questionem. Die erfarung in der pein sol also geschehen / d(er) richter sol nit in sunderheit fragen / ob Hans oder Cůntz den todtschlag gethon hab. Der erfarung in der pein ist nit allweg zů glauben / doch sprich ich nit das man nym(m)er glauben sol wan(n) es ist ein felendt sorgfeltig ding / vnd betreügt die warheit / wan(n) vil seind also das sie vß vngedultigkeit oder hertigkeit der pein / die pein also verachten / das in keinen weg die warheit vß in gebracht mag werden. ff. c. l. i. §. diuus. et. §. si q(ui)s vitro. Die andern seind also gedultig vnd weich / das sie ee alles das liegen vnd bekennen dan(n) das sie pein leyden wöllen / vnd macht sich also das sie nitt allein in mancherley weg sich / sunder auch andere schuldigen / das beke(n)nen der geschuldigten sol nit für erfaren gehalten werden / sie bleyben dan(n) in dem bekennen / wo sie aber bleyben vnd verdampt werden / vnd hernach erfunde(n) vnd offenbar würt ir vnschuld / sie sollen vonn Fürsten erlößt werden. Vmb besser verstentnüß diser matery wil ich setzen etlich frage.

C. de questi. milites. ad. l. cor. de fal. sic(c). et. ff. c. i(n) p(e)n. Am ersten soltu wissen das man an der pein nit an sol heben / es geen dann iudicia wortzeichen oder argument vor / das würt bewisen. Nun frage ich / es ist kein leümůt von eim das er ein übelthat gethon sol haben / mag er vmb die warheit zů erfarn gepeinigt werden. R(e)n. ff. d(e) do. p(e)le. l. theopo(m)pus. et. ff. de adulte. l. capite quinto. Neyn / wan(n) nach gemeynem rechte(n) so der leümůt bewisen ist / so macht er erst ein wortzeichen zů geen auff ander beweysung / vnd nach gemeynem rechten / so würt nit procediert vff die peinigung allein vß wortzeichen / sunder außer mer wortzeichen / wo aber on den leümůt einer etwas thet / oder wer wider den verclagten oder geschuldigte(n) / allein das sagen eins zeügen das do macht ein wortzeichen. ff. q(uo)d me. ca(n). metum. et. ff. ex. qui. cau. ma. xxv. an. l. ij. et. iij. Oder wo sich d(er) verclagt gerümet het er wolt das malefitz thůn / vnnd er ist ein sollich person das wol zů glaubenn ist er hab sollichs gethon. vt in aut(em). de test. §. si vo et q(ui)dem. C. de oi(n) agro. de l. locor. Oder so der verclagt wolt geflohen sein vo(n) dem ende do das malefitz geschehen ist / zů der zyt als das übelthat geschehen ist / wan(n) ein solliche fluchte macht ein war zeyche(n) / darumb spricht das recht die flucht verclagt den flyehenden. vt in autentica predicta. Oder wo ein ander warzeychen were / das ein yeder clůger wol versteen möchte nach d(er) geschicht oder that / als dan(n) in allen obgeschriben casus wo der leymůt mit geet mit eynem der vorgechriben warzeyche(n) / mag der richter procediere(n) vff die peyngung nach ordenu(n)g gemeyner rechte(n) / vnd der richter soll thůn nach außweysu(n)g geschriben rechte(n).

(304) Das QXLV Blat

Item setz das einer sey gepeiniget worden / vnd hat in der pein beken(n)t / ob sollich sein bekennen gnůg sey. ff. de questio. l. j. §. diuus. Dar zů sprich / antweder der der beken(n)t hat / hat beken(n)t wider sich von seiner that / oder wider ein andern. In dem ersten casus / ist das er nit bleybt in dem bekennen / es schadt im nit. vt nota. p(re). bar. in l. j. §. diuo. seuetus. §. si quis vltro. ff. de q(ue)stio. Wann sollich ir bekennen sollen in für ein erfarung irer übelthat gehalten werden / darumb sol ein rechter gůtter richter den vß der pein thůn lassen / vnd wo er beken(n)t / er sol in senden in kercker / vnd darnach am andern tag sol ern im lassen bringen für sich / vn(d) ist das er aber deßgleychen bleybt / so sol er das anschreyben lassen. per dictas. l. Vnd wölcher also bleybt der würt für ein bekenner der beken(n)t hat gehalte(n) / wo er aber laucknet / er würt nit für ein bekenner gehalten. ff. de acc. edicto. Beken(n)t er aber in einer frembde(n) that vn(d) beken(n)t wider ein andern schlechts / nitt wider sein gesellen / man glaubt im wider den mitt andern wortzeichen. Beken(n)t er aber wider ein andern vn(d) spricht der selb sey sein gesell in der selbenn übelthat / man sol seim sagen nit glauben. Odof. doctor. C. de accu. l. vlti. in fi. et de serijs. l. p(re)uinciarum. Vnd diß felet in disen hernach geschrib(e)n casus. In denen würt geforst wo anders einer vor verarckwont ist / vnd das geschicht vmb d(er) grossen boßheit der sünden / vnd der übelthat.

Der erst casus ist .C. de ferijs. l. prouinciarum.

Der ander .C. de fal. mo. l. j.

Der dritt .ff. dedecurio. diuus Hadrianus.

Der vierd .ff. ad exhi. l. fi.

Der fünfft .C. de malefi. et ma. l. fi. C. de questio. l. i. Vnd das ist war / wo and(er)s ein arckwon vorgeet / wan(n) er sol sunst nit gefragt werden. accur. Wann solche antwurt würt nitt ein volkom(m)en beweysung / sunder allein ein arckwon.

C. de accu. l. fi. Item du möchst fragen ob die also benempt möchten in pein gesetzt vnnd gefragt werden / sprich neyn / on in disen außgenom(m)en casus. C. de q(ue)stio. l. milites. ff. c. l. j. Wann es sollen die pein nit on wortzeichen gehalten werden.

Item setz das einer ein mal in solcher peinung beken(n)t / vnd so er wid(er) für gericht gefürt würt / laucknet er aber / vn(d) felt von seiner bekentnüß / ob sollich peinigung wider geschehen mög / sprich neyn / on neüwe wortzeichen / als wo der gepeiniget sprech / es wer keiner die selben nacht bey im gewesen / oder an dem selben end da das übelthat geschehen ist / darnach würt man gewißlich innen das einer bey im gewesen ist. In solchem casus so mag gar wol die peinigung wider geschehen vmb ein solchs wortzeichen oder deßgleychen. Odof.

vt. ff. d(e) q(ue)stio. l. diuus. §. ex quib(us) causis in glo. ibi posita. Ite(m) setz das einer sey also gepeiniget / vnd sey doch kein wortzeichen vorgangen vnd hab beken(n)t / vn(d) sey im beke(n)nen bliben / sol man nun bey der bekentnüß bleybe(n) / sprich neyn. Vnd daru(m)b dz sollichs geschehen ist wider die ordnu(n)g des rechte(n) / dz spricht dz d(er) peinigu(n)g sollen wortzeichen vorgeen als obstat / vn(d) dar vmb was hernach vnd darwider geschicht / ist krafftloß vnd vernichten.

Vt intra certa t(y)pa criminalis q(ue)stio termine(n)t.

In wölcher zeyt die verclagung volendt sol werden.

C. c. l. vlti. Die verclagung zů volenden vnd zům end zů bringen. Ist ein nemliche bestympt zeyt gesatzt / als zwey iare. Vnd das felet in etliche(n) casus / als .C. vt o(mn)es tam ciuiles. l. j. §. sciant. et in auten. vt cleri. apud proprios episco. co(n)ue. col. vj. et. ff. de decurio. l. generali. et. C. de edifi. priua. l. vlti. et. ff. de excusa. tu. l.

c

(305) Der Ander Teyl

quinquaginta. et. C. de asser. tol. l. j. §. vlti. et ad. l. fal. aute(m). sed cum testator. et. C. de naufra. l. penul. ff. de ferq(ui)s. l. vlt. Vnd in(n)erhalb d(er) zeyt sollen den partheyen nottürfftig dilationes / vffzüg oder vffschleg nit versagt werden / als dem verclagten drey / vnnd dem verclager zwo. C. c. l. j. et. ij. Wölcher aber sich vß vnfleyß oder vngehorsamkeit dauo(n) macht / vnnd absentiert / der mag verclagt werden vmb den vierden teyl aller seiner habe / vnd dar zů in der zerung sol er sein widersachen verdampt werde(n) als du dauon auch oben hast / vnd ist die person schnöde / er mag auch in das ellendt verdampt vnd verwisen werden. Das verstee nach dem vn(d) der krieg contestiert ist worden vnd nit vor.

Ad senatusconsultum turpilianum.

Wie der verclager einer gemeyner übelthat gestrafft. sol werden / so er bößlich dauon gelassen hat.

ff. c. l. j. §. tergiuersari. Darumb das gewonlich die verclager bößlich dauon lassen. C. c. l. j. Darumb ist gesatzt dise Constitutz / vnd die hatt stat / wan(n) einer von der verclagung einer gemeynen übelthat so die sach an gehaben vnd geordiniert ist laßt. ff. c. si q(ui)s. §. si stellionatus. et. l. in senato. §. q(ui) post. et de adulte miles. §. si socer. Wann in sunderlicher verclagung als stellionatus / vnnd wo einer vom erbe stilt / auch in diebstal vnd schmacheit / von denen du oben hast / als dan(n) růwet dise Constitutz / aber doch sol vmb des richters ampt willen / der vnfleyßt od(er) schuld des verclagers gestrafft werden.

ff. rem rata(m) habe l. amplius. Item die verclagung sol also ordiniert sein / das d(er) krieg contestiert sey / wan(n) wiewol das libel / das ist die verclagung vorm richter geschehen ist / yedoch bin ich diser Constitutz nit pflichtig. ar. ff. c. l. in senatus. §. q(ui) post. et C. de calu(m). l. vlti. Etlich doctores meynen / das dise Constitutz stat hab / wann das libel geben sey.

C. c. l. vlti. ff. c. ab accusatio(n)e. §. destitisse. et. l. in senatus. §. q(ui) post. C. q(ui) accu. no(n) possi ca. Item der lestst dauon / der den willen zů verclagen gantz dannen vnd hinsetzt / so er nicht die zerstörung abolitionem der verclagung erworbe(n) hat / oder so im sollichs vom Fürsten nit erlaubt ist / anders ist es hat ers ein weyl verhalten / oder vmb treffenliche nottürfftigkeit / die verclagung nit volenden mögen. So aber die irrung od(er) hindernüß ein ende hat / so mag er die verclagu(n)g zům ende bringen / vnd rach nach dem rechten begern vnd vordern / wölcher aber innerhalb der zeyt vom richter vffgesatzt die verclagung nit treybt / so würt er gesehen als ob er dauon gelassen hab. ff. c. ab accusat(i)o(n)e. Wölcher aber thädingt transigit in latein / mit seim widersach / der laßt dauon. ff. de. bo. es. q(ui) an(n). sente(n)tia(m). l. j. et de p(ri)uari. l. i(n) o(mn)ibus. Ich vnnderscheidt eüch nit ob es ein sollich übelthat sey / die verthädingt mag werden / oder nitt zym(m)en zů verthädingen. Ich sich an des verclagt(e)n habe / also wie er mag das er sein eygen blůt erlöse / oder aber můß für bekant gehalten werden. C. c. si femina. et l. quamuis. Der verclager wo er (wie ob stat) vom verclagen laßt / er felt in diß peen. ff. c. l. diuus. Aber der vormundt wo sein waise / gestorben ist / ist nit pflichtig die verclagung zů volenden / wann er von des waisen wegen verclagt hat.

ff. c. l. j. §. et. l. in senatus. j. R(e)n. Item der verclagt / qui accusationem submittit / vel subiecit / vel instigauit / vel mandatalieui. et instituit t(a)n accusatione(m) capitale(m) faciendas / dando probationes / allega(n)do accusatio(n)es / et merito est hoc. na(nc) diffiniendo crime(n) q(uo)d mouet / eximendo se periculo calu(m)nie / vel desertoris / merito calumnia(n)tis et desistentis pene subici debuit. nisi subor natus accusator probauerit crime(n) / q(uo)d intercedere suscepit. nec interest per se an per aliu(m) quis mandet accusatione(m). hic tame(n) qui

(306) Das QXLVI Blat

ministerio vtitur alieno. non ex verbis sed ex sententia senatusconsulti permittitur. submissus autem accusator / punitur ex verbis et sententia. propter hoc solum q(uo)d ministerium alieni timoris recepit. Diß latein kundt ich nit zů gůte(n) verstentliche(n) teütschen mache(n) / es bedarff nahet yegklichs wort ein gloß / vn(d) ist d(er) syn(d) wid(er) die / die an solliche(n) verclage(n) / schuld vnd rat habe(n) / vn(d) wie die selben auch diß rechten gestrafft sollen werde(n) / vnd setz dar zů die vrsach waru(m)b.

ff. c. l. j. Ite(m) der minor dz ist der / d(er) vnder .xxv. iare(n) ist / mag on straff dauon lassen.

Item ein frawe.

ff. c. in senatus. §. co(n)s. Item on straff mögen alle die dauo(n) lassen / zů den man sich keiner boßheit versicht / wider die die man nit laßt de calumnia clagen.

C. c. l. ij. Ite(m) die peen diser co(n)stitutz ist erloß / vn(d) .v. pfund golds / vn(d) mag extraordinarie auch gestrafft werde(n). ff. de puari. l. iij. §. vlti. et de exhiben. reis. l. iiij. Quantitas promissa pro exhibitione exigitur.

De calumnimatoribus.

Wie der calumniator sol gestrafft werden.

Tergiuersari. Precuaricari. ff. de p(re)uari. l. ij. (et)c. l. accusator. et. l. ab impatore. Der verclager in freuelkeit würt in drey weg gestrafft / als durch das obgeschriben recht turpilianum / wan(n) die gantz dauo(n) lassen / so heißt das in latein Tergiuersari / den rucken keren / wan(n) sie aber nit dauon lassen vn(d) doch der widerparthey helffen / vnd die sach verraten / so weren sie extra ordinem nach de(m) erkennen des richters gestrafft / vnd heissen in latein preuaricatores.

Calumniari. Ite(m) wan(n) sie nit dauo(n) lassen vn(d) calu(m)nijere(n) / dz ist dz sie fälschlich(e)n eine(n) einer missethat zeyhen / vn(d) verclage(n) / so sollen sie gestrafft werden wie hernach steet.

ff. c. l. j. §. calu(m)niari. Nun ist calumnijeren falsch übelthat wissentlich in gericht fürbringen / dz verstee in verclagu(n)gs weyß. C. de aduoca. diuet. iu. l. j. et. ff. d(e) testi. l. iij. Es würt gestrafft der de calumnia / der das malefitz nit bewisen hat / wann darumb das er nit bewisen hat / ist er verackwont er hab fälschlich verclagt. Es wer dan(n) das die nottürfftigkeit des ampts anders riett zů versehen.

C. de acc. no(n) pos. l. ij. et. ff. de his q(ui) vt idig. lega. aufe. Item der person nahend freündtschafft vnd zů gehörung.

Iem damnum rei familiaris / der schad gemeyner habe.

C. c. mater. §. ss et extraneus. Item der groß schmertz der missethat halb(e)n entpfange(n). Als dan(n) geschicht dem eeman vnd sein freünden so die vmb eebrechen verclagen.

ff. d(e) bo. liber. qui cu(m) maior. §. si pl. Item auch vnnder weylen die grösse der übelthat / das einer dester leychter verclagt / als in der falschen müntz. C. ad. l. iuli. de adulte. l. qua(m)uis adulterij. Auch sol man nicht allemal sich versehe(n) wann einer nit beweyßt das er als bald calumnijert habe. C. de fal. mo. l. i. ibi accusatorib(us) etiam. Wann der richter / so der verclagt absoluiert ist / so sol er anheben zů erforschen vo(n) der person des verclagers / in was můtt / vnd in was syn(d)s / auch was in zů verclagu(n)g bewegt hab / vnd befindt der richter ein richterlich irsal / er sol in absoluiere(n) / wo er in aber begreyfft in offenbarer falscheit / so sol er yne einer rechtliche(n) peen straffen. C. c. q(ui) no(n) p(re)basse. vt in p(re)dicta. l. i. ad turpil. Wan(n) es ist ein vnloblich ding od(er) that vm(b) verclage(n). Accusatio e(t) genus illaudabile.

Item die peen diß rechten ist das der verclager sol gestrafft werden / mit der selben oder irs gleychen peen / die er gebetten hat dem verclagten an zů legen / vnd die man im angelegt solt haben / wer er der übelthat überwunden worde(n). C. c. l. vlti. Ist anders ein besundere peen vom rechten darüber gesatzt / wo aber die misse that extraordinaria / so sol im die straff anngelegt werden die man gewonlich vmb ein solliche missethat anlegt. C. c. l. j. Die calumnia würt allein vo(n) des richters

c ij

(307) Der Ander Teyl

ampt gestrafft / wo er in seim vrteyl declariert das die missethat nit volbracht sey worde(n) / hernach über ein zeyt so mag ers nit t(h)ůn. ff. ad turpil. l. j. §. calumniantib(us). Als bald so möcht ers t(h)ůn.

De penis.

Von den penen in einer gemeyn der übelthat vnd malefitz.

Wir haben oben gesehen von den sunderlichen vnd gemeynen missethate(n). Pena. Nun sollen wir sehen vonn iren penen. Nun solt du mercken am ersten / das die peen ist ein genůg thůn vmb die übelthat vn(d) malefitz / dz selb genůg thůn würt angelegt vom rechten / oder vonn dem diener des rechten vmb die übelthat vnd malefitz / vnd vff das du volkom(m)enlich versteest / wan(n) vmb die missethat sol die peen angelegt werden oder nit / merck diß vnderscheid / antweder es gedenckt einer oder vnndersteet sich zů thůn / vnd volbringt vnnd volendt die missethat. Er gedenckt vnd vndersteet sich zů thůn / vnd volbringts doch nitt. Er gedenckt vnd vnd(er)steet sich nit zů thůn / vn(d) volendt auch nit. Er gedenckt auch nit. Er gedenckt nit vnd vndersteet sichs zů thůn vnd volendts. Er gedenckt nit so vndersteet er sich es nit zů thůn / vnd volendt auch nit. ff. d(e) iudi. fi. regu(m) longius. et ad. l. aquil. ita vulneratus in fi. In dem ersten casus diß vnderscheids so würt er gestrafft / wan(n) es ist ein gemeyner nutz das die übelthat nicht vngestrafft sol bleyben. ff. ad. l. cor. de sic. l. iij. Vnnd das felet wider die feynd der Römder Vnd wan(n) sich einer seins leybs oder vmb das sein wören můß.

ff. de iusti. et iure vt vim. Item fallit .C. quando liceat vni. se sine iu. vin. l. j.

C. ad. l. iuli. de adulte. graccus. Item vnderweylen zympt dem eeman oder dem vatter den eebrecher zů ertödten. ff. ad. l. cor. de sic. legem. in princi. Vnd felet auch wann der richter einen nach dem rechten tödt. Vnnd auch wan(n) einer den tödtet der ein iunckfrawen mit gewalt zerstöre(n) wil. ff. ad. l. cor. de sic. l. j. §. diuus. ff. ad. l. cor. de sic. l. diuo. C. de epis. et cleri. si q(ui)s non dica(t) rapere. Vnd in vil andern stuck(e)n die du im rechte(n) geschribe(n) vindest / wo aber einer gedenckt vnd sichs vndersteet zů thůn / vnd volendt es doch nit so vnderscheid es also / wan(n) antweder er wolts nit thůn / vnnd möcht es doch thůn / oder wolts thůn / vnd möcht es nicht volenden / vnd wan(n) ers wolt vnd möcht es nicht volbringen / er würt gestrafft / wan(n) in malefitzen vnd übelthaten sich tman an den willen vnnd nitt den vßgang. ff. de fal. q(ui) falsas. Wann ers aber nit hat thůn wöllen / so ist er ablaß würdig. ff. de pe. cogitationis. Hatt er aber gedacht / vnnd hatt sich es nit vnnderstanden zů thůn / vnnd hatt es auch nitt volendt / würt dann sollichs geübet an dem gericht / so würt er als dann nitt gestraffet. C. d(e) heret. (et)c. ma. nich. quoniam. Vnnd diß felet auch in der missethat vnd malefitz lese maiestatis / als du oben hast vnd in kätzerey. ff. ad. l. cornel. de sicca. infans. Hat er aber etwas gethon vnd auch volendet / vnd hat sollichs nit gedacht zů thůn / als der der ein menschen ertůdt / ist dan(n) der selb ertödter ein kindt / infans in latein / oder furiosus ein thore oder narr / so sol das malefitz vngestrafft bleyben. ff. ad. l. aquil. si putator. Auch wo einer an eim end vff eim baum este stym(m)elt vnd abhawt / da kein gemeyner vn(d) sunderlicher fůßpfadt were / vnd so einer da geschediget würt / sollichs bleybt auch vngestrafft. ff. ad. l. cor. de sic. l. infans. et. ff. depe. respiciendus. §. delinquunt. Vnnd auch in andern casus (et)c. Ist er aber zů seiner verstentnüß kom(m)en / vnnd ist gesunds gemüts / geschicht dann das übelthat in trunckener weyß / so sol sollichs gütlicher gestrafft werde(n). ff. ad. l. cor. de sic. l. iij. §. sed lex. Ist das criminaliter die sach geübt würt / vnd auch wan(n) sollichs geschehe durch geylkeit / od(er) ein böß exempel brächt oder mächt / so sol auch leychtlicher gestrafft werde(n). C. d(e) pe. sancimo. Wo ers aber weder gedenck / auch nit vndersteet zů thůn / vnnd nit volendt / so würter nit gestrafft regulariter / wan(n) die missethat sollen allein die binde(n) die sie volbracht

(308) Das QXLVII Blat

haben. C. ad. l. iul. maiesta. quisq(ui)s. extra de hereti verge(n)tis. Diß felet in den missethaten ketzerey / vnd lese maiestatis / in denen werde(n) die kynd gestrafft die wed(er) gedacht / auch nit volbracht habe(n).

Item es felet in dem schlagen einer falschen müntz da verleüst der herre das hauß oder den grundt da die falsch müntz in(n) geschlagen worden ist. C. de fal. mo. Auch felet sollichs wo eins thier schaden gethon hat / wann der herre würt auch gestrafft. insti. et. C. si quadru. pau. fecis. di. Vn(d) auch in andern vil puncten die in rechten geschriben steen.

ordi(n)aria crimia. Item merck / das etlich missethat sein vnd heyssen gemeyn vnd Ordinaria / von den selben steet geschriben. insti. de pub. iu. iu. p(e)n. et. ff. cl. i. vt dictis. l. continetur. Vnd darumb heyssen die ordinaria / wan(n) es werden gewiß peen darumb angelegt vnd darumb heyssen sie gemeyn / wan(n) es mag nahet yeglicher vnder dem volck darumb verclagen.

priuata crimina extra ordi(n)aria. Die andern übelthat heyssen sund(er)lich. vt extra ordi(n)aria. ff. de. effrac. et ex pi. l. j. et. de fur. l. j. et de priua. delic. l. fi. Darumb das die peen dem erke(n)nen des richters enpfolhen vnd behalte(n) ist / das er mag nachdem wesen der person / vnd der missethat / die peen an legen.

ordinaria. Item in den missethaten die Ordinaria heyssen mag der richter die peen nit mindern / wan(n) das erfarn der that steet vnd ist in dem willen des richters. nota p(er)petuo. ff. ad turpil. l. j. C. ij. Aber die peen ist den geschriben rechten behalten. C. ex. q(ui) cua. i(n)fra. irro. si possidoniu(m) et. l. si. seuerior. et de hijs qui no. i(n)fa. q(ui)d g(rau). §. pena grauior. ff. de pe. in seruor. §. vlti. et. respi. ciendum. Er thet dann sollichs so die sach erfaren wer / wan(n) als dann mag er meren oder mindern die ordenlichen peen / als wan(n) des dings zů vil ist / vnd not ist eins exempels / vnd auch vff das das die peen eins / sey ein forcht den andern. Sie würt auch gemindert wan(n) die person die gesündt hat ist ein ersame person gewesen / vnd hat villeicht nit meer dan(n) ein mal gesündet / wan(n) alsdan(n) mag er es mindern / er mag auch gantz ab lassen. Es mag auch in den extra ordinarijs übelthäten / der richter die peen meren auß vrsach vnd mindern.

ff. de. pe. hodie. Item die richter sollen in leychten missethaten senfftmůtig sein / vn(d) in den grossen sollen sie die strengikeit d(er) rechten mit eim temperament der senfftmůtigkeit vollenden. ff. de. pe. respiendum. C. d(e) pe. decurionem. Man sol auch die vnnützen rede des volcks nit erhören / vnd auch nit glauben / wan(n) sie entweder den schuldige(n) bitten zů absoluieren / oder den vnschuldige(n) vordern zů verdamnen.

Item so die peen angelegt ist so sol sie der verdampt leyden / fleücht er aber die peen / sol im gezwifacht werde(n) / an der zeyt die er noch gelytten solt haben da er geflohen hat / vnd wer er .x. iare verdampt gewesen an eim end zů sein so sol im fürbaß die peen ewig geurteylt werden / oder sol aber in ein ertzgrůben gesandt werden / vnd ist einer er .x. iar verdampt worden / vnd ist am ersten geflohen / so sol er in ein ertzgrůbe(n) gethon werden / oder die peen sol im ewig sein.

ff. c. relgati. et. l. aut damnus. §. quisquis. Item wan(n) eim ein statt oder gegend verbotten ist vff ein zeyt / fleücht der selbe / oder kompt an die end die im verbotten sein das er da selbst hyn nitt dar / der sol in ewig ellend verdampt werden / dem der in ein in sel ewig versendt ist / würt die peen angelegt das im das landt verbotten / vnd dar zů alle sein hab gemeyn geteylt sol werden / dem der in ein insel verdampt ist / vn(d) das sein gemeyn geteylt ist sol man das haubt abschlagen / wan(n) die vngehorsamkeyt des verdampten haufft die peen.

ff. d(e) bo. cor. q(ui) au(t). sen. l. ij. Item du solt mercken das vmb ein yeglich übelthat darumb dann über das blůt gericht möcht werden / getedingt vnd über ein kommen

c iij

(309) Der Ander Teyl

mag werden on peen / wan(n) es ist zymlich eim yeglichen das er sein blůt erlösen mag in welchen weg er ymmer mag. ff. ad turpil. ab accusatore. Aber dem verclager ist es verbotten / wan(n) er felt in die peen turpiliani / von der du oben hast. Vo(n) dem würt vßgenommen eebrechung.

ff. d(e) iur. fisci. l. fisci. §. fisci. Item in allen andern übelthaten in den man nit übers blůt richt / mag gütlich teding oder gantz übergebung geschehenn / deßgleychen villeycht auch in der eebrechung.

Swido d(e). Susa. Item spricht ein doctor. C. de fur. post decisione(m). ff. d(e) p(re)di. fur. si p(re)fuit. ff. d(e) pac. sic quedas. Das offenlich durchs recht verhengt / vnd gündt sey zů tedingen vnd über ein zů kom(m)en in sunderlichen sünden. yedoch wo der geschuldiget über ein kompt vn(d) etwas gibt / er würt verlüemt. infamis in latein.

ff. l. q(uo)niam. (et)c. l. sequen. Item setz das einer teding in einer übelthat darumb über das blůt gericht möcht werden / vnnd darnach kompt ein ander der wil in vmb die selben missethat verclagen / sol nit der gehört werden / sprich nach d(er) meynung des gena(n)ten doctors. ff. d(e) iureiura(m). cu(m) qui. §. in popularibus. (et)c. ff. de p(re)uarica. l. preuaricationis. Ist dz der den die missethat über ein kompt oder die missethat vergyt vn(d) ablaßt ist es anders ein malefitz darumb dan(n) von verhencknüß des rechten getedingt mag werden / so würt vnnd ist der weg zů verclagen allen verschlossen. ff. nau. cau. sta. l. licet. §. fi. Wann es sol nit offt vonn der missethat eins menschen geforst werden.

ff. d(e) pac. iur. gentiu(m). §. si paciscaret. l. si vnus. §. pacta. Item setz das frydung sey gemacht vnd eintrechtigkeyt in den obgemelten sünden vnd übelthaten / vnd besunderlich vmb ein todtschlag durch den erbe(n) / mag nit der vmb den todtschlag vom richter dannoch gestrafft werden / das es gesein mag würt bewisen. ff. ad. l. aquil. ita vulneratus. ff. d(e) offi. p(re)si p(i)gruit. Wan(n) die übelthat sol nit vngestrafft bleyben. C. de ead. tol. l. vnica circa prin. Herwiderumb bedunckt / das es durch den richter nit gestrafft sol werden / wan(n) der frid ist gesatzt vff gůtheit vnd ist an im selbs gůt. Hie wider ist.

ff. d(e) mune. et bono. rescripto. §. si quis. Item es sol niemand on ein verclager gestrafft werden.

C. d(e) his q(ui) veni. eta. i(n)petra. l. j. Item also würden betrogen die recht die tedingen vnd überein kommen / günnen vnd verhengen / das doch nit sein sol.

C. co(u)i. de leg. l. ij. in fi. Item wann der dannoch gestrafft möcht werden / so würt das recht allein vff wort vnd nit vff werck gesatzt / das auch nit sein sol. ff. d(e) iusti. (et)c. iut. l. o(mn)es populi. Respon. sprich. ist das ein statut ist in einer stat / darumb ein missethat nit getedingt oder über ein kommen mag werden / das selb statut sol durch den richter gehalten werden / wann die stette mögen sollich statut wol halten. ff. q(ui) (et)c. a q(ui). manu. liber. l. p(re)spexit. Vnd ob es wol schwere oder hert ist / yedoch sol es gehalten werden. per iura prime all. Divido. Wan(n) durch sollich statut ist gegange(n) von gemeynen rechten. Ist aber über sollichs keyn statut / so mag der richter ein sollichen übelthäter nit straffen / wan(n) welche vertedigung vnd geding vom rechten gegünt ist / hat sollich krafft vnd macht das sie alle schmacheit dannen thůt / vnd ob die auch wider gemeyn nutz geschehen were.

ff. ad. syellv. si q(ui)s i(n) g(ra)ui. §. j. Divido. Item setz das einer tödliche(n) verwundt in seim beth ligend spreche / der hat mich verwundt / ob dem den er also nent solichs schade(n) bringt / sprich nein.

ff. ad. l. cor. d(e) sicca l. penul. Item setz ob einer gezwungen mag werden das er mit eim über ein komme / wan(n) durch sollichs ein vfflauff / nider gelegt würt der darumb in der statt were.

Item setz das einer über ein kommen sey / vnd mit dem andern fryd gemacht hab / vnnd doch das malefitz bewysen sey / ob er durch den

(310) Das QLXVIII Blat

richter gestrafft mag werden / als ob er das übelthat gethon hab / vnnd bedunckt ia / wan(n) der / der über ein kompt vnd tedingt / der würt gesehen als ob er die missethat beke(n)t. Du sprich nein / er mag in nit straffen / vn(d) im über ein kom(m)en sol also gesprochen werden. Ich bekenne nit das ich dich verwundt hab / wo aber sollichs erschin / so sol es vertedingt sein vnd frid zwyschen vns beyden.

ff. d(e). adop. n(ec). alit(er). (et)c. ar. ff. d(e) austi. (et)c. iu. l. i. §. ius publicum. Item setz / einer ligt im beth vnd ist tödtlich verwundt / vnd hat dem frid zů gesagt durch den priester / der hat den friden in des namen vnd stat vff genom(m)en der yn verwundt hat / ob der frid krefftig sey / vnd bedunckt ia. insti. d(e) inuti. stipu. §. alteri. ff. d(e) regu. iu. quo tutela. §. fi. Herwider vmb bedunckt das der frid nit thauge.

ff. d(e) verbo. ob. si ita. §. agit(o) pagano. ff. d(e). bo. auc. iudi pos. seu venum cu(m) vnus. Item der priester ist nit procurator oder sein eigen mensch des / vonn des wegen er den friden vff genom(m)en hat / sunder er ist ein frembder vnd frey person / vnd durch die freyen person über kom(m)en wir kein clage.

ff. d(e) co(n)ses. certu(m). §. penul. Item dem der nit bey vns ist / werde(n) wir nit verpflicht. Du sprich dz diser frid krefftig ist. Wann als der offen schreyber genent würt ein gemeyner amptman / darumb das er gemeynlich yederma(n) dient / deß gleychen ist auch der priester / wan(n) er ist schuldig yederman gemeynlich zů dienen. at. dicte. l. n(ec). alit(o). Vnd auch darumb / wan(n) wir sollen geneygter sein vff das / das ein ding krefftig sey. ff. d(e) iusti. (et)c. iure. l. j. §. ius. publicu(m). et d(e) vsur. qua(m)qua(m). li. vj. Wan(n) der fryd ist ein günstig sach vnd ding / vnnd darumb so sol er vßgebreyt werden.

ff. d(e) vbo. obli. q(uo)tiens. Ite(m) oben hast du das in diser missethat der eebrechung nit getedingt vnd über ein kom(m)en mag werden / also das etwas geben werde.

ff. d(e). li. et. postui here. cu(m) quidas. C. d(e) pac. si q(ui)s. in conscribendo. Nun setz das in einer statt sey ein statut / dz über ein yeglich übelthat getedingt vnnd über eyn mag kom(m)en werde(n) / mag vß verhencknüß diß statutz in der übelthat der eebrechu(n)g / vn(d) in andern malefitzen da auch von geschribe(n) rechten verbotte(n) ist zů tedigung getedingt werden nach der form der statutz. Du sprich das ein sollich statut das in alle(n) sachen vnd übelthaten zů tedigen verhengt / nit krefftig nach thaugenlich ist.

Ite(m) setz / einer ist ertödt worden der hat hinder im v(f)lassen kynde vnd(er) xiiij. iaren. Nun die můtter de(r) kynd / vn(d) eeweyb des ertödte(n) / ist gebe(n) worden zů eim vormu(n)dt de(n) kinde(n) / die selb vormu(n)d hat getedingt vn(d) frid gemacht / vn(d) den todtschlag d(em) kynder vater verziehe(n) / ob nun solicher fryd krefftig sey. Am erste(n) bedunckt ia / wan(n) der vormundt mag gelt heische(n) vn(d) ynbringe(n) / er mag auch in gericht schwere(n) de calu(m)nia / vn(d) auch su(n)st.

ff. p. emp. l. quid. fundo. §. fi. ff. de iureiura(n). tutor. Item der vormundt würt gehalten an seins hern stat all die weyl er wol regiert / aber nit wan(n) er übel regiert.

ff. d(e). fur. si. pignora. §. si. (et)c. l. interdu(m) q(uo)d scutella(m). Ite(m) er mag tedingen mit dem dieb / d(er) dem / des vormund er ist gestolen hat. Du sprich ist sollichs gewiß dz der den ertödt hat / so ist der frid krafftloß. Ist es aber zweyfel / als dan(n) ist der frid krefftig.

C. d(e) tra(n)sac. presens. et. l. tutor. et de admitt. tuto. lucius in fi. Divido. Item setz / dz in einer statt sein etwan(n) vil statuta / eins dz strafft den / der ein überlauff macht mit waffen / dz ander strafft den der verwundt eine(n) vff den todt / also dz er stirbt. Nu(n) hat einer ein überlauffen vn(d) also verwundt dz er stirbt / mag d(er) mit beyden statuten gestrafft werde(n). ff. d(e). priua. delic. l. penul. C. ad. l. iul. de vi pub. Am ersten bedunckt ia / wan(n) ein missethat würt durch das ander nit dannen gethon sunder gemeret. p. dictam. t. q(ua)m. Herwider vmb bedunckt nein / sunder er sol nur vom tödten gestrafft werden / wan(n) es würt angesehe(n) er hab yn daru(m)b überlauffen dz er yn tödten wolt / vn(d) also wie wol da überlauff / vnd verwunde(n) / vnd todschlag geschehen ist / so würt doch allein d(er)

c iiij

(311) Der Ander Teyl

todtschlag für ein missethat hat geschätzt. ff. nau. cau. ita. l. licet in fi. Vn(d) also sol einer vmb ein missethat nit offt gestrafft werden.

ff. d(e). fur. q(ui) iniure. in. prin. Du sprich / ist das er yne in de(m) můte überlauffen hat das er yne tödten wolt / so solt er allein vmb ein todtschlag gestrafft werde(n) / het er aber allein im fürgesatzt yn zů überlauffen / vnd im überlauffen ist der hader gewachsen vnd grösser worden / vnd hat yn verwundt vnd getödt er ist schuldig aller statuten / wan(n) der wille vnd der fürsatz vnderscheyden die übelthat. Divido. Was sollen wir aber vns in disem zweyfel versehen / sprich das er yne hab wöllen ertödten / ist das das überlauffen vn(d) das verwunden eins mals geschehen sein vnd sunst nit.

ff. ad. l. cor. d(e). sic. l. fi. Setz das er verwundt vnd ertödt sey von yegklichem / vnd in sollichem ist nottürfftig das eins yegklichen streich vnd wunden angesehen werden. ff. d(e) re milit. l. semel. Wer vnd durch wen sollen die streich vnd wunden beschawet vnd angesehen werden / sprich durch den artzet. vt in probemio. ff. omnem reipublice. Wan(n) man sol zů dem zůflůcht haben der die selben kunst kann. Als auch gesprochen würt vo(n) dem vndergenger agrimessor. in latein genant.

de p(re)scrip. quia i(n)dica(n)te. ff. si mes. fal. mo. dixe. l. j. et. ij. in. fine. Divido. Item vß disem rechten volgt dz man zweyen wundt artzeten die da sprechen das einer sey von sollichen wunden gestorben / baß glauben sol dan(n) zweyntzig zeügen die sprechen das der verwundt von zů kommen den sachen selber gestorben sey.

Item so einer verwundt ist vnd der richter will ein artzet welen / vnd die freündt des verwundten sprechen zům richter / sie wölle8n) den artzet welen / was sol her ynnen geschehen. insti. de satis. tu. §. sinau(l)t. Sprich / ist das die freünd des verwundten / vnnd des der verwundt hat / seind eintrechtig den artzet zů welen so sol sich sein der richter nit vnderwinden. Seind sie aber nitt eins / so sol der richter welen / deßgleychen steet auch geschriben von den vormündern die nit eins seind.

C. si. ex. fal. i(n)stru. l. falsas. et. if. l. fi. d(e) re iudi. diuus. Divido. Item setz das einer sey von etlichen verwundt worden / vnd darnach gestorben / der artzet hat gesagt er sey von den wunden gestorben die im Peter geschlagen hat / der richter hat den selben Petern verdampt als einen manschlachtigen / der selb Peter sprich vnd bringt für / er sey nit von seyner wunden gestorben / sunder von der andern wunden / vnd bitt das man andere besser meister bring / vnnd die selben erkennen laß von weß verwunden er ertödt sey / vnd die selben artzet sprechen / er sey von der andern wunden gestorben / ob nun sollichs gegeben vrteyl krefftig sey. Sprich sicherlich nein / zů gleycher weyß als etlich recht sprechenn / das das vrteyl das geben worde(n) ist durch falsch zeügen oder instrume(n)t / od(er) brieffe krafftloß ist / vn(d) sol krafftloß geurteylt werde(n) biß vff .xx. iare.

ff. de offi. p(re)si. co(n)gruit. Item setz das einer bitt den richter das er .C. zwing das er nit beleydig oder schedig / mag der sollichs thůn oder nit. Am ersten bedunckt dz der richter den mag zwingen das er bürgen setz dz er den nit schedigen wöl wan(n) ein gůter richter sol gedencken vnnd achten das er ein frydlich vnd gerůwig prouincien hab die er regiert.

ff. de iudi. n(ec). que(m)admodu(m). et d(e) fideius. i(n) o(mn)ib(us). et. ff. si. ser. ven. carus actionu(m). Item der richter sol die nit zů hader kom(m)en lassen / die er mit seim gerichts zwang zwingen vnd stillen mag.

Item man setzt bürgen sunst vmb habe zů behalten.

ff. d(e) da(n). i(n)fec. ex q(ui) edicto. Item man setzt bürgen vmb künfftigen schaden / als du oben hast in einer sunderlichen clag / so deines nachbawren zymmer trawet zů fallen

(312) Das QXLIX Blat

(et)c. vt santi. vt cu(m) de ap. cog. §. si. vero alienius. Vn(d) daru(m)b sol man vil mer vmb den leyb zů behalte(n) / dan(n) vmb bawen bürgen setze(n) / wan(n) die sele d(er) me(n)schen das ist die geselten cörpel seind weyt für alle ding zů wege(n) (et)c. ff. d(e). p(re)cura. l. no(n). cogendu(m). §. si ff. nau. cau. ita. hec stipulatio. in. fi. Herwideru(m)b bedu(n)ckt nein / wan(n) nyema(n)d sol beschwert werde(n) mit überflüssiger sicherheit.

Item solliche sicherheyt zů thůn ist gar herte / vnd das das hert vnd schwere ist das würt verschmecht vom techten.

ff. d(e) p(re)cur. sed et hec. p(er)sone. §. no(n) solu. in fi. et. ff. si q(ui)s cautio. in fi. Ite(m) es ist nit leycht yegliche(n) bürge(n) zů setze(n) / wan(n) vnderweyle(n) mag ma(n) vil leychter überkom(m)en gelt zů behalte(n) / dan(n) bürgen. ff. d(e). iudi. l. ij. §. ss et si dubitet. vt insti. d(e) satis. §. ss b. C. d(e). epis. et cle. gnalit. Es spricht auch dz recht wan(n) einer nit bürge(n) mag so sol man ein geschworn sicherheit vo(n) im neme(n). Du sprich dz er nit bürge(n) sol setze(n) dz er den nit schedigen wöl / d(er) richter sol in eine(n) andern weg dar vor sein / also er sol yne gebiete(n) bey einer gewisse(n) peen dz er de(n) nit schedig vn(d) villeycht dz er die selbe(n) straß od(er) gassen nit gee.

ff. d(e). offi. p(re)fec. vt. l. j. §. fi. D. ff. ad. l. aquil. ita vulnerato. ff. de fideius. si. a rev. Ite(m) setz dz d(er) richter sehe dz .P. ein ertödt hab / vn(d) ist sunst kein zeüg da bey gewesen an de(m) selbe(n) ende / mag d(er) richter den selbe(n) .P. vmb dz selb ertödte(n) straffen / vn(d) bedu(n)ckt ia / vn(d) es ist ye ware / dz die man(n)schlacht geschehe(n) ist / daru(m)b solle(n) die übelthat gestrafft werde(n) / vmb des wille(n) das dz malefitz nit vngestrafft blyb.

C. d(e). sente(n). (et)c. intelo. iude. l. nemo iudex in fi. Item der richter sol richte(n) nach der warheyt.

ff. d(e) p(ro)ba q(ui)nquaginta in. fi. Item de(m) richter sol man den glaube(n) machen / das ist vor dem richter sol man bewysen. Vn(d) die weyl ers vor weyßt so bedarff man im fürrer mer keyn glauben machen.

C. d(e) commer. et merca. l. ij. Item der richter so er die übelthat weyß vnd es nit strafft vnd richt der sol gestrafft werden.

ff. d(e). offi. p(re)si. illicitas. §. veritas. Herwiderumb bedunckt er mag den nit straffen.

ff. d(e) munc. et bono. l. rescripto. §. si quis. Item von dem man(n)schlacht ist kein verclagung geschehe(n) / darumb so sol er auch nit gestrafft werden.

ff. d(e) pe. cui insas. de testi. l. vlti. §. j. et. ij. Item diser Peter hat nit bekent / vnd ist auch nit überwunden das er diß malefitz gethon hab / darumb sol er nit gestrafft werden.

Item der richter man nit zeüg vnnd richter sein in der sach in der er richten würt oder sol.

ff. ad. trebel. ille q(ui). §. tempestiuu(m) p. l. p(re)dictas. (et)c. C. de iudi. re(m) no(n) noua(m). Divido. Item wann der richter den straffen möcht / so breücht er sich zweyer ampt / als des richters vnnd des zeügen / das sol nit sein. In diser frag sprich das d(er) richter in disem casus den nit straffen mög / wan(n) diß übelthat ist im offenbar als eim sunderlichen / vnd nit als eim richter / aber als offt etwas dem richter offenbar ist als eim richter / so mag er wol procediern vff das verdamnen nach seiner gewyßheit. Wo es im aber wyssend ist als eim sunderlichen so mag er nit verdamnen.

p. l. si cu(m). iudicio sisti. ff. si q(ui)s cautio. (et)c. l. se. (et)c. l. si q(ui)s rei capital‘. §. rei capitalis. Ite(m) setz einer hat ein übelthat gethon / als er geladen was do erschein er / vnd satzt bürgen / die verhiessen bey einer peen das sie yn wolten wid(er) bringen in gericht / vn(d) das er genůg thůn würde / vnd bezalen solt würd er verdampt / nach sollichem hat der selb einen ertödt / vnd ist vmb das selb ertödte(n) geladen vn(d) darnach in die acht gethon worden / vnd auch alle sein hab gemeyn oder dem fisco zů geteylt worden / nach dem selben vordert der richter von den bürgen das sie den wider antworten als sie verheyssen habenn / seind sie das schuldig oder nit / vnnd sprich für war nein. Diß recht spricht vnder andern. Ist einer vmb ein haubtsünde verdampt dar vmb er nit für den richter schuldig ist gewesen sich dem richter wider in gericht zů stellen / den selbigen soll man

c v

(313) Der Ander Teyl

billichen versehen / vnd diß exception ist auch nütz vnd hilfflich seind bürgen also das sie die peen nit schuldig sein zů bezalen.

ff. de pac. l. fi. Ite(m) wolt aber der richter de(n) vmb das ertödte(n) ein geleyt geben / ob dan(n) also die bürgen schuldig weren (et)c. sprich nein / durch die vorgeschriben recht / vn(d) auch darumb wan(n) sie seind ein mal ledig worden / daru(m)b mögen sie über iren willen nymme gebunden oder gepflicht werden.

ff. ad. l. iul. maiesta fan. osi. C. si q(ui)s. ipe. maledix. l. vnica. (et)c. Item setz das einer eim getrawt hab das er in schlagen wolt / der ist nun geschediget oder geschlage(n) worde(n) / vn(d) man weyßt nit vo(n) wem / was sol har in(n) gescheen / sprich ist das er ein solcher ist das er so böß ist das er sein trawen volendt vn(d) nach kompt gewo(n)lichen / so versicht man sich er habs gethon. Ist er aber kein solicher / so sol man sich solchs nit zů im versehen / man sol zornes rede nit so gar bald od(er) leychtlich zů peen zyhe(n). per. l. C. de. pe. q(ui) sententiam. Vnd wie wol man sich versicht dz ders gethon hat so sol er da(n)noch nit verdampt werden / wan(n) es sol niemand vß versehen vnd argwon verdampt werden. ff. d(e) quest. l. miles. et. l. i. Er aber mag gepeyniget werden / vnnd in der pein erfarn werden ob ers gethon hab.

ff. de regu. iur. n(ec) debet. Item setz zwen die haben ein gemeyn hauß also das einer den obern der ander den vndern teyl besitz. Der ein vnd(er) denen ertödet eine(n). Nun der richter nach de(r) selbe(n) statut der selben statt wolt dz hauß zerbreche(n) der den andern teyl des selben hauß inhat widerspricht sollichs / ob er gehört sol werden oder nit gehört. ff. d(e). alie iu. mu. cau. facti. l. i. Das ers widersprechen vnd hind(er)n mag würt bewisen also. extra de consti. cog(ni)se(n)tes. xvi. q. vl. mue(n)tu(m). Ein regel des rechten die sprich das einem vo(n) des andern wegen kein übels zů gezogen vnd gethon sol werden. C. d(e) pe. sancimo. Es sol auch einer vmb eins fremden that nit geschediget werde(n). O(mn)ibus mo(u)is pro consul id agit ne cuius deterior causa fiat ex alieno facto in prin.

C. ne vx. p. mari ob maritorum. culpam. extra de hijs q(ui) fi. a ma. parte. ca. c. que si in fi. Ite(m) der d(er) den obern teyl hat / hat nichts verschedigt oder verschuldt. darumb sol er auch in keinen weg gestrafft werden. Vnd darumb solle(n) die sünd allein binden die die sie volbracht haben.

ff. d(e) pe. absentes in fi. Item es ist besser das die übelthat des schuldigen vngestrafft sollen bleyben dan(n) das der vnschuldig verdampt werd.

ij. q. i. m(u)lti. et. xj. q. iij. nolite recedere. Item es müssen offt die bösen von der gůten wegen leyden. Vn(d) dar vmb so sendt got keinem kein vnuerdiente straff. Vn(d) darumb sol auch der mensch niemand ein vnuerdiente straff an legen. xij. q. iij. ill(u)d. plane. xxvj. q. vij. alligant. in. fi. Vnd also sol der teyl des vnschuldigen nit zerstört werden / wan(n) es möcht nit stehen bleyben / so des schuldigen teyl zerstört würt.

C. ne filio. p. pa. l. ij. et. penal. Item es ist besser rechenung zů geben von überiger barmhe(r)tzigkeyt. dann zů vil vnbarmher(tz)igkeit. ff. d(e) iudi. si lo(n)gio. et. de. bo. bona fides. Darumb sol auch das kyndt fürn vatter nitt gestrafft werden. Noch vil minder ein fremde person sol für ein ander gestrafft werden. Herwider vmb würt bewysen das das hauß sol zerstöret werden / wan(n) es ist gemeyner nutz das die übelthat nit vngestrafft sollen bleyben. Vn(d) darumb so sol der gemeyn nutz für den sünderlichen gehalten werde(n). Vnnd also zympt vil mere das das gemeyn hauß zestöret werde dan(n) nit.

vij. q. i. scias. ff. p. so. actione. §. labeo. C. d(e) p(re)misilio. vtilitas. publica. li. xx. in. fi. insti. p. so. §. vlt. Item es schadt dem nit ist dz sein teyl auch zerstöret würt / wann er mag einen zůflucht haben wider sein gesellen vß der vrsach wann er leydt vnnd nympt schaden vß seins gesellen schulde. extra d(e) sponsa. no(n) est vobis. Es macht sich auch offt das vmb eins missethat wider sein hauß gesind der yngang der kirchen verbotten würt.

(314) Das QL Blat

j. q. iij. ite(m) p. peccato acbor. Item vmb eins oder vnderweylen mer missethat seind offt gar vil gestrafft worden.

xxvj. q. j. ita nos. Ite(m) vmb die missethat der burger würt die gantz stat des bistumbs beraubet. C. d(e) p(re)di. isti. i(n)fecta. in prin. Deßgleichen bedunckt auch das der gestrafft mag werden vmb des andern missethat / die weyl sollichs vmb billicher / sach willen geschicht / wan(n) offt verdirbt der gerecht für den vngerechten /

extra. d(e) pe. di. j. sed et p(re)tinuo. Item zwo stett die nit gesündt hatten giengen dannoch vnder mit den andern die gesündt hatten. Vnd auch darumb wan(n) der der mag seins geselle(n) teyl an sich lösen / vnd mag villeicht auch dar zů gezwungen werden. ff. co(u)i. d co(u)i. di. §. vlti. Vnd sol dem fisco das gelt geben vnd bezalen / du sprich dz das hauß mag gantz zerstöret werden / aber der ander mag vmb sein schaden wider den ertödter clagen / vnd sol sein willen behalte(n) / als dan(n) Colandinus sprach das er des zů hoher schůl hab helffen vrteylen / er spricht aber das die wider fart gleycher möcht sein / oder das das oberteyl zerbrochen sol werden / oder mag aber den werdt dem fisco bezalen / so behebt er das gantz hauß.

Etlich frag die vff die statut der stett in der verclagung dienen.

Darumb das in den verclagungen der übelthaten / offt zůflůcht vn(d) zůgang geschicht vff die form der statuten / vnnd die malefitz werden nach inhalt der statute(n) gestrafft vnd volendet / die selben statute(n) seind vnderweylen verborgenn / vnderweylen vnder einander widerwertig. Darumb merck ein wenig von der selben matery.

an statuta accipia(n)t interprtatione(m). Am ersten ist ein frag ob ein statut mög interpretiert. das ist vß geleget werden / wie man das versteen sol / vnd bedunckt am ersten ia / wan(n) wo der rechtsetzer nit hyn zů gethon hat / da thůn wir hyn zů / vnd wo er nit vnderscheyden hat da vnderscheyden wir. ff. d(e). pub. in rem actio. l. d(e) precio. ff. d(e) co(n)di. ca. da. q(uo)d sernus.Wan(n) wir interpretieren des fürsten gesetz das von fürsten gesatzt ist. ff. ad. senatusco(n). macedo. sed iul. mutui. Noch vil mer mögen wir interpretieren vnd vßlegen ein statut das vom magistrat gemacht ist wan(n) das recht vnnd constitutz das genent würt macedonianum / das verbeüt das de(m) sune der in seines vatters gewalt ist kein gelt gelyhen vnd gewechselt sol werden / würt interpretiert vnd vßgelegt das das selb recht vn(d) gege(n)setz auch versta(n)de(n) sol werde(n) / in wein / getreyd / vn(d) öle.

ff. d(e) fu(n)dota. l. j. Item das recht iulia das geschriben steet in stit. qui. ali. licet veln non. in prin. das verbeüt die entpfrembdung des grundes der zů morgengab geben ist / würt verstanden vnd interpretiert / sey das alle hab verkaufft werd / das dann der selb grundt da mit auch im kauff begriffen werde / vnd also die empfrembdung des selben grunds geschehe / vnd also geet der selb grund mit der vniuersitet in der gemeyn hinweg. Vnd noch vil ander geschriben recht werden interpretiert (et)c. vnd wo das were das ein statut nit interpretiert würde / so volget gar groß laster vnd missethat dar vß. Setz das in eim statut stee vnnd gesatzt sey / welcher ein menschen tödt / das der selb auch getödt sol werde(n). Nym war einer tödt einen darumb das er im sunst nit widerstand mag thůn / vn(d) sich nitt anders sein erweren mag / vnnd thůt sollichs allein vmb schirms willen / oder so einer einen dieb ertödt. ff. dele. iij. l. n(ec). aliter. et do exerci. acti. l. i. §. si. is. q(ui) nauem. In de(m) casus als dann sollichs dz

(315) Der Ander Teyl

recht verhengt / od(er) so ein narr funefus in latein oder ein kyndt ertödt. Nim war wo das statut nit interpretiert würd / die vorgenanten müsten auch ertödt werden / das were nůn vß der massen böß vn(d) vnrecht / vnd also von forcht wegen des statuts / so ließ sich ein yeglicher ertödte(n) / od(er) im sein hab neme(n) / oder er würd aber nit gestrafft mit d(er) peen diß statuts / das ist wider vil recht. Herwiderumb bedunckt das nit zymlich sey zů interpretieren / wan(n) es sol bey den worten des edicts vnnd gebots besteen / vnd ist nit not das es vßgelegt vn(d) interpretiert werd. Du sprich wann das statut gewißt ist / so ist nit zymlich das es interpretiert werd. Aber wan(n) es not ist so mags wol interpretiert vnd vßgelegt werde(n) / als du wol in dem casus versteen magst.

ar. ff. de re iudi. in ambiguis. ff. de. origi. ur. l. ij. §. exactis. ibi interpretatur. Item nun ist ein frag wer sol oder mag diß interpretatz oder vßlegung thůn / vnd bedunckt das die die die selben statute(n) gemacht habe(n).

ff. d(e) re iu. l. inde. neracius. et. l. in ambiguis. Item wir sehen das der testator dz ist der der sein testament gemacht hat / interpretiert sein willen.

ff. q(ui) testa. facere pos. here. §. si q(uo)d. Item wo in einer commission dz in latein ist rescriptu(m) genant würt / zwyfel ist / so sol das interpretieren genommen werden von dem / von de(m) es vß ist gangen.

C. ad. l. cor. d(e) fal. si q(ui)s decurione(m). Item der offenbar schreyber der interpretiert sein instrument.

C. de. le. leges sacratissime. et. l. cu(m) de nouo. ff. c. et io(n). et. l. naz vt ait Pedius. Item wo ein zweyfel ist in eins fürsten gesetz vnd recht / so můß man zům fürsten geen das ers interpretiert / mag man yn anders gehaben. Du sprich das das selb co(m)mun oder die des selben radts vo(n) der gewalt wege(n) sollich statut gemacht ist worden die möge(n) interpretieren / wan(n) dem gebürt zů interpretiere(n) / der da macht hat zů setzen vnd zů statutiere(n).

ff. dele. et senato. co(n)sul. l. minime. et. l. si de interp(re)tatione. Item wo aber das selb co(m)mun oder die selben des radts das statut nit interpretieren / sprich wo dz selb statut vß gewonheit her ein verstentnüß genommen / die selb verstentnüß sol gehalten werden. ff. dele. et senatusconsul. benignio. et. l. i(n) ambigua. C. dele. et co(n). q(uo)d fauore. ff. (et)c. d(e) iudi. nulli. Ist aber das selb statut durch gewonheit in ein gewissen weg oder form nit verstanden / so sol es interpretiert werden in den güttigern vnd senfftmůtigen weg vnd teyl. Doch also das wider denen nichts geschehe vo(n) des nutz wegen sollichs statuiert vnnd gesetzt ist. ff. de co(n)di. et demo(n). l. publius. Ist aber das nit erscheynt welcher teyl d(er) senfftmütiger sey / so sol es bleyben bey der stre(n)gikeit der wort des selben statuts.

ff. de fi. instru. se(m)pture. ff. de re iu. vbi. repugnatia. Ite(m) wo zwey statut seind gleych wider einnander / also wo man eins hielt so würd das ander gantz dannen gethon / so sol keins behalten werden.

ff. de solutio. et libera. pro vt q(ui)squis. Item setz das ein statt hab ein statut gemacht / ob sie das selb statut wider ab mögen thůn / sprich ia / mit dieser vnd erscheyd ist dz das statut ist gemacht über den handel oder gewerb der statt / so mags abgethon vnd gewandelt werde(n). C. de mandatis princi. si quis in princi. So mag auch nyemandt im selbs ein recht setze(n) von de(m) er nit zymlich mag geen. ff. d(e) reiu. nemo potestmutare. Wo aber einer nach ynhalt des statuts het etwas zů recht gewonnen / so mag das selb statut da zů mal nit gewandelt werden noch abgethon / wan(n) es mag nyemand sein rate wenden mit eins andern schaden.

Item oben hast du in welcher übelthat einer verdampt vnd dar zů auch sein habe confisciert oder gemeyn geurteylet mag werden / vnnd auch wan(n) den erben das erb genommen mag werden.

(316) Das QLI Blat

De bonis eorum qui mortem sibi constituerunt / vel consciuerunt.

Von den die in selbs den todt thůn.

Oben hast du von den penen vnd auch von der habe der die verdampt sein worden. ff. de iure fis. l. in fraude(m). §. ij. et iij. et de bo. eo. q(ui) au(t). sen. l. vlti. et. C. c. l. j. et. ij. Merck den vnderscheid ob einer vß gewißheit der übelthat im selbs den todt an thůt / oder vß einer anderen vrsach / als von vngedultigkeit des weetagen / vnd schmertzen seiner kranckheit / oder das er sich scham das er so vil schuldig sey / ob pudore(m) eris alieni / vnd in disen casus ist es gewiß / das man dem erben das erbe nit neme(n) sol. Aber in dem ersten casus ist es vngewiß / so würt es also vnderscheiden / ob es ein solliche übelthat sey gewesen darumb dan(n) den erben das erbe nit genommen solt werden / als were diebstal / als dan(n) so werde(n) den erben die habe nit genom(m)en. Wer aber die selb übelthat also / das die verclagunng nach dem tode möcht angehaben werden / als repetundarum / peculatus vn(d) lese maiestatis / so werden den erben die habe genom(m)en / wo aber die verclagung nach dem tod nit möchte angehaben werden / so sollen die habe den erben nit genom(m)en werde(n) er het im dan(n) erst den todt gethon nach dem vnd der kreig contestiert wer worden / oder nach dem als er in der übelthat begriffen wer worde(n). ff. c. l. vlti. Wie aber so ein zweyfel ist / warumb er sich getödt hab / sprich man sol beweysen das er sich vm(b) diß übelthat getödt hab. Also hast du das nit war ist wan(n) sich einer ertödt / so sol in sein herr erben / dann wie oben stat man solt nit als bald glaube(n) / es würde dann sollichs durch die rechtbücher bewisenn. Aber die herren erben gern / des werden sie gottes gnad emberen.

De sententiam passis et restitutis.

Von denen die von den penen erlöset werden als der richter das vrteyl geben hat.

C. c. frustra. et. l. si pater. et. l. generalis. Du solt wissen das vnderweylen einer erlößt würt von der peen als der richter sein vrteyl geben hat / vmb ein malefitz vnd übelthat / vnd die selben werde(n) wider das vrteyl restituiert / das ist erlöset von der peen oder straff / als dan(n) das vrteyl in(n)helt / vnd das geschicht vnderweylen durch gnad indulgentia in latein / vnd dan(n) erkobert der selb wider sein hab nach seim leümůt. C. c. l. j. Er felt auch nit wider yn in seins vatter gewalt. C. c. l. an(o). penul. Es wer dan(n) dz der Fürst anders sprech in seinen breiffen rescript in latein / wo aber einer restituiert würt in integrum dz ist gantz vnd gar / der selb erlößt alles das im nütz vn(d) gůt ist / sein würdigkeit sein ere vnd sein leümůt. Er würt auch zů nutz vnd vnnutz restituiert / wan(n) er můß fürbaß sein glauber bezalen / der sun felt auch in seins vatter gewalt / vnd libertus in seins patrons gewalt. Deßgleychen ist auch wo der vatter deportatus were / das im die statte ewigklich verbotten were / vnnd alle sein habe gemeyn geteylt were / würt der selb in integrum restituiert dz ist gar vnd gäntzlich / so fallen sein kindt wid(er) in sein gewalt / vn(d) würt im damit verlühe(n) vn(d) gegünt die regieru(n)g d(er) habe seiner kindt / ist er and(er)s sunst eins gantze(n) gůtte(n) leümůts / vn(d) sunst nit. C. de sententiam passis et restitutis (et)c. Also hastu dz des fürste(n) dz ist des künigs gewalt i(n) solch(e)n

(317) Der Ander Teyl

dingen ist vßgenom(m)en / vnd die vnderthonen nichts wider den selben gewalt gethůn noch machen mögen / wan(n) er wil so mag er dawider restituiern gäntzlichen vnnd gar / oder nur eins teyls. Wann der Fürst mag eim sein ere wider geben / so er sie mit einer übelthat oder in eim vrteyl verloren hat / wer von diser matery mer wöll wissen / der sůchs.

Hie enden sich die clagen vnd nutzliche lere diß sunderlichen bůchs vß gemeyn geschriben rechten der Keyserlichen gesetz vnd den hauptbüchern originalibus in latein Pandectarum. ff. C. vnd Institu. gezogen / so vil vnnd der zů täglichem gebrauch vnd übung not seind. Gott dem almechtigen zů lob / vnd dem menschlichen geschlecht zů nutz / damit die fynsternuß der vnwissenheit abgeschnitten / vnd das recht verstentlich in treffenlichen schwären händeln zů tag vnd liecht bracht werd. Da durch sich ein yeder / er sey Clager / Antwurter oder Richter / vor vnrechter that / handlung vn(d) fürnemen hüten mag zů erwerben mit der gerechtigkeit / nach disem hinfarenden vnd zergängklichen leben / die freüd vnd seligkeit des ewigen lebens. Amen.

Getruckt seligliche(n) durch Mathis Hüpffuff Burger zů Straßburg. Vnd volnbracht vff Mathie apostoli. Als man zalt von der geburt Christi vnsers herren. Tausent / Fünffhundert vnd Sechzehen Jahre. Regnante diuo Maximiliano Rhomanorum imperatore felicisissimo / Augusto inuictissimo. Anno imperij eiusde(m) tricesimo.

(318) Der Ander Teyl

Sebastiani Brandt beschluss red ex Salustio.

Ein yeder sol betrachten wol

Wer vrteyln vnd recht sprechen sol

Das nit erbarmung / freündtschafft / greydt

Noch auch zorn / feyndtschafft / haß vnd neydt

In seim gemüt sich etwas rege

Vnd von dem weg des rechten weg

Wo der stuck eins nympt überhangk

Da nympt warheit vnd recht ein schwangk.

Eneas Syluius.

Wo man die vrteyln zalen thůt

Vnd nit wigt / würt es selten gůt

Dann weyßheit stat nit in der zal

Noch in vil köpffen überal

Sunder in kunst / übung vnd synn

Da wigt ein kopff mer / dann vil kynn

Als vrteyln der fürsichtigkeit

Stat vff kunst vnd erfarlichkeit

(1) Der Richterlich Clagspiegel.

Ein nutzbarlicher begriff: wie man setze(n) un(d) formiere(n) sol nach ordenu(n)g der rechte(n) ein yede clag / antwort / vn(d) vßzesprechene vrteyle(n) / gezoge(n) vß geistliche(n) vn(d) weltlichen rechte(n). Da durch sich ein yeder / er sey clager / antworter od(er) richter / in recht geschickt mache(n) / dz selb üben brauchen / vn(d) dargege(n) vor vnrechter that / anfechtung / vnnd fürnemen verhüten mag. Durch doctorem Sebastianum Brandt wider durchsichtiget unnd zům teyl gebessert.

(2) Vorred disz bůchs.

NAch de(m) vnd ein yegklich mensch de(m) gesetz vnderthänig sein sol als geschriben steet. ff. dele. et senatuscon. l. ij. vnnder anderm in latein. Lex est cui omnes homines decet obedire. So ist auch ein yegklicher schuldig die gesetzd zů wissen / vn(d) besunder die / die gemeynlich zůfalle(n). ff. e. l. iura oportet constitui (vt dixit Theophrastus) in his que frequenter accidunt. Herumb seind etliche clagen vnd nutzliche lere vß gemeynen geschribenen rechten der Keyserlichen gesetz vn(d) den hauptbüchern. Ex originalibus libiris in latein Pandectarum. ff. C. vnd Institut gezogen / gott zů lobe. Eim hochgeborne(n) Fürsten des heilige(n) Reychs vmb fleyssiger vorbete willen zů eren / vnnd den vnderthanen des selben / auch aller andern heiligen Rhömischen reychs zů gebrauch / so vil vnd zů täglicher übung not seind beschriben / damit die fynsterniß der vnwissenheit hin gelegt / vnd das gemeyn recht in treflicher handelung offenbar werde in Teütschem gesatzt / des sich ein yeder im rechten so im not sein würt< halten / vnd in warheit besteen mag.

Dem gestrengen auch dem Erentveste(n) fürnemen herrn Johan(n)s Bock Rittern vnnd Petern Mußlern Burgern vnd des Rats der Stat Straßburg / seinen gebiettenden Herren / wünscht Sebastianus Brant doctor / Cantzler der Statt Straßburg heil vnd seligkeit.

Der Leyenspiegel hoher acht

Den mein freünd te(n)gler hat gemacht

Mit schönen formen vnd gedicht

Der personen so zů dem gericht

Vnd allen ämptern sich thůndt halten

All gschäffde vn(d) he(n)del thůn verwalte(n)

Zeygt lieplich vnd geschicklich an

Wes sich sol halten yedeman /

Dar neben ich zů disen stunden

Diß wol geschickt wercklin befunden

Dar inn vß Keyserlichen rechten

All vorderung / clag / widerfechten

So fein vnd wol ist dargethon

Ein gantz parryt vff fechtensplon.

Mit anzeyg / vnd mit allegieren

Wo man mit recht das mög probiere(n)

Da yedes standt geschriben gar /

Wo all meynung entspringen har /

Das zeygt diß bůch grüntlich vor auge(n) /

Das ich mit fleyß hab wöllen schawe(n)

Vnd nach dem besten Corrigieren

Damit es dester baß hofieren

Vnd dienen mög dem spiegel clor

Den ich bestymmet hab hie vor

Im auch ein gstalt vnd vffmutz geben

Ein yeder spüren mag darneben

Was dort gebrist das sind er hie

Was zů de(s) grichts gang dient vn(d) wie

Ein yeder sein clag mög begrinden

Das mag er hie gantz clarlich finden /

Diß hab ich günstigen lieb herren

Euch zů gefallen / dienst vnd eren /

Von neüwem vßgon wöllen lassen /

Dann ich eüch acht in solcher massen

Das es eüch beiden gfallen mag

Wo recht kunst / warheit ko(m)pt an tag /

Damit wöll eüwer gott lang pflegen

Inn gsundtheit seligkeit allwegen /

Vnd eüch geben nach diser zeyt

Die ewig freüd / mir auch darmit.

Actu(m) zů Straßburg den viertzehende(n) tag Februarij. Anno (et)c. xv^c. xvj.

Hie nach volget das Register.

A ij

(3) Register

Actio de his qui in fraudem creditorum.

Das ist wann der schuldener inn vntrew seins creditors oder glaubigers verstoßt vn(d) empfrembdt sein habe mag der creditor / dz ist der glauber / alle empfre(m)bte habe widerrüffen vnd rechtlichen vordern mit diser clag. Folio j.

Fauiana.

Wann der libertus das ist der / der eygen gewesen ist / vn(d) in vntreüw seins patron das ist des der in frey hatt gemacht empfrembdt sein habe / mag d(er) patron die empfrembdte habe wider bringen durch dise clage. ij

Caluisiana.

Das ist ein clag gebürt de(m) der an eines kinds statt vffgenom(m)en würt / vn(d) der vffnemer empfrembdt die habe dem selben zů schaden / das der sein natürlich teyl da von nit gehaben mag. ij

Ediliciana.

Ist ein clag die sich gebürt so ein verkauffte habe ist wider geben / vnd der verkauffer hat das gelt nit wider geben / vnd so dem verkauffer nit wider gebenn würt das gewu(n)nen würt mit dem eygen menschen. ij

Exercitoria.

Vom schiffart vnd dem regierer des schiffs. iij

Institoria.

Wo einer seim sun oder eygenn menschen sein schenckstatt oder gewerbe entpfelhet. iij

Tributoria würt hie nit geübet daru(m)b ist wenig dauon gesatzt. iij

De in rem verso.

Diser lex sagt vom eyge(n) menschen od(er) sune die in irs herrn oder vatters nutz gekaufft / oder so einer einem münch gelt od(er) annders in nutz seines closters gelühenn hett. iij

Actio q(uo)d iussu perpetuo.

So d(er) vatter od(er) herr heißt gewerb treyben mit seim sun od(er) mensche(n). iij

Actio de peculio.

Ein ander clage vß de(m) ha(n)del des suns oder eygen menschen. iiij

De constituta pecunia.

So sich einer verpflicht eim für ein andern zů bezalen. iiij

De vtili actio(n)e ex q(ua) iurat(ur).

Von der clag so du etwas mit dem eyde behalten hast. iiij

Ein clag negociorum gestorum. dz ist wider die / die eim sein sach in seim abwesen on beuelhe des herrn vß gericht habe(n) vmb rechenschafft (et)c. v

De actione depositi causa timoris incendij (et)c.

Hastu dein habe vo(n) forcht wege(n) so es in einer stat brin(n)t od(er) ein vflauff geschicht oder so ein hauß wil niderfallen / oder ein schiff wil vndergeen / yemans zů behalte(n) geben / vnd er laucknet dir. vj

De actione reiecte.

So der wege inn deinen acker gekeret ist. vj

Quod vi aut met(us) causa.

So etwas von forcht wegen oder auß gezwungenem gewalt beschicht. vij

Actio de dolo.

Vom argenlist vnd betriegen. viij

De actio(n)e furti manifesti.

Von offenlichem diebstal. ix

De actio(n)e furti aduersus nautas / caupones / stabularios.

Vom diebstal wid(er) die schiffma(n) / weinschencke(n) / taberner vn(d) stalmeister. x

(4) Register

Ex edicto nau. caup. stabu. vt accepta restituant.

Aber vom diebstal wid(er) die schiffman tabernervnd stalmeister. x

Serui corrupti.

So dir dein dienstbotten verfürt werden. x

Vi bonorum raptorum.

Von dem raub farender habe. xj

De actione iniuriarum.

So einer dem andern schmacheit gethon hat mit worten oder sunst. xj

Criminaliter. xiij

Nunc de interdictis.

De mortuo inferendo.

Von den todten zů begraben. xiiij

De sepulcro edificando.

Von begrebnüß zů bauwen. xiiij

Ne q(ui)d in loco sacro fiat.

Das nicht vnsaubers vff einer geweychten statt werde / oder beschehe. xiiij

Ne q(ui)d fiat in loco vel via vel itinere publico. et si factum fuerit quod tollatur.

Das nichts gemacht werde vff einer offnen gemeynen statt / weg oder fůßpfadt d(er) gemeyn sey / vnd das das gemacht dannen gethon werde. xiiij

Ne quid in flumine publico. ripave eius fiat.

Das nichts gemacht were in gemeynem wasser / oder dem bach dar vß fliessende. xiiij

De loco publico frue(n)do.

So du ein gemeyn statt brauchen möchtest. xv

Vt liceat reficere via(m) pub.

So du einen gemeynen weg raumen mögest. xv

Vt liceat iter agere per viam publicam.

Das du gemeyn weg brauchenn mögest. xv

Vt liceat ripam fluminis reficere vel munire.

Das du ein bach raume(n) mögest. xv

Vt in flumine publico liceat nauigare. vel piscari.

Das du mögest vischen oder schiffare(n) in gemeynen wassern. xvj

Ne vis fiat ei qui in possessionem missus est.

Das dem kein gewalt geschee d(er) in besitz gesetzt ist. xvj

Interdictu(m) q(uo)rum bonor.

So einer einen erbt on testament oder im testament das erb yn zů bringe(n). xvij

Quorum legatorum.

Ein hab im Testament gesetzt yn zů bringen. xvij

De tabulis exhibendis.

Von dem Testame(n)t oder letsten willen zů zeygen. xvij

De liberis exhibendis.

Das man vns vnsere kindt sehen laß vnd in vnsern gewalt gebe. xvij

De liberis deducendis.

Das man vns vnser kindt füren laß / wo hin wir wöllen xviij

De libero ho(m)i(n)e exhibe(n)do.

Das vns d(er) freygeborn mensch vß gefencknüß gelassen vn(d) gebe(n) werde. xviij.

Vnde vi.

Diß clag gebürt wider den der gewalt gethon hat. xviij

Quod vi aut clam.

A iij

(5) Register

Wider den der mit gewalt oder heimlich bauwet od(er) etwas macht vff dem deinen / wider dein verbietten. xx

Vti possidetis.

So du allein in de(m) besitz betrübt würdest / vnd nit vßgetriben / als zwen sprechen sie besitzen. xx

De interdicto vtrobi.

Das du nit betrübt werdest in dem besitz farender habe. xxj

De superficiebus.

Das du nitt betrübt werdest im besitz einer habe die dir zů bezymmern gelühen ist zů eim erbe. xxj

De itinere actuq(u)e priuato.

Das dir nicht verbotten werde d(er) (to.) fůßpfadt oder weg / vnd der gebrauch über einen frembden grundt. xxj

De itinere actuq(u)e priuato reficiendo.

Das du den weg oder sunnderlichen brauch bessern mögest. xxij

De aqua quotidiana.

Von täglichem regenwasser. xxiij

De aqua estiuali.

Von summerwasser. xxiij

De aq(ua) ex castello duce(n)da.

Von dem wasser vß casteln vnd stuben zů füren. xxiij

Interdictum de riuis.

Vo(n) de(m) wasser vß de(m) bach zů füre(n). xxiij

De fonte reficiendo.

Vo(n) de(m) wasser zů schöpffen vß de(m) brunnen / fischwasser / see od(er) grůbe(n). xxiiij

De cloacis purgandis.

Von sprachheüsern zů fege(n). xxiiij

Interdictum de precario.

So eim ein gebrauch vo(n) bete wege(n) gegünt ist mag widerrüfft werde(n). xxiiij

De arboribus cedendis.

Von baum abhauwen. xxv

De glande legenda.

Von frucht vflesen. xxvj

Interdictu(m) de migra(n)do.

Das du dein habe mögest mitt dir füren / so du vß dem bestanden hauß faren wilt. xxvj

Interdictum saluianu(m).

Von dem hast du hernach in der clagen Seruiana. xxvj

De noui op(er)is nu(n)tiatio(n)e.

Wo einer ein andern überbauwe(n) wil / vnnd würt im vom herren des grundes verbotten. xxvj

Ne vis fiat ei qui satisdeit de opere demoliendo.

Das de(m) kein gewalt geschehe / der vor genügen hat gethon den bauw wider ab zů brechenn / vindt es sich das er vnrecht gebauwen hab. xxvij

Edicta.

Si quis ius dice(n)ti no(n) obtemperauerit.

So einer de(m) richter nit gehorsa(m) ist. xxviij

Si quis vocauerit alique(m) in ius quem vocari non licet.

Ladet einer ein fürn richter den er nitt laden sol. xxviij

Si q(ui)s i(n) ius vocat(us) no(n) ierit.

Ist das der geladen inn gericht nicht kompt. xxix

Ne quis eum q(ui) in ius vocatus est. vi eximat.

Das keiner den der in gericht geladen ist mit gewalt vffhalten (et)c. xxix

(6) Register

De eo per quem factum erit quo minus quis in iudicio sistat.

Wider den d(er) den gelade(n) mitt vntrew hindert dz er nicht in gericht ko(m)pt. xxx

De edendo.

Das dir dein eyge(n) oder gemeyne brieff gezeygt vn(d) gegeben werde(n). xxx

De edicio et calu(m)niatoribus (et)c.

Wider die / die vmb falsch sach dich bekriege(n) od(er) bekriege(n) lassen. xxx

De eo q(uo)d met (us) c(aus)a gestu(m) e(st).

So einer förcht er werd bekriegt vmb etlicher habe willen die er besitzt / gibt solliche habe eim andern. xxxj

Furti aduersus nautas: caupones / stabularios / actio.

Das der schiffman / taberner vnd stalmeister / bezale(n) das im schiff / schenckstatt oder stal gestolen ist worden. xxxij

De his q(ui) dei(c)eru(n)t vel effuderu(n)t.

Von den die vß den heüsern werffen oder schütten. xxxiij

De eiectis et effusis.

So einer vß dem hauß gossen oder geworffen hat. xxxiiij

Ne quis in domo sua (et)c.

Das nyemandts an seinem hauß etwas hab wo das fiel das den menschenn schaden thet. xxxiiij

Si messor falsum modu(m) dixerit.

Wider denn der den acker gemessenn hat. xxxv

De religiosis et sumptibus funerum.

Das dir die kostung wider werde / die dich die begrebnüß kost hat. xxxv

De iureiurando.

So du die habe vordern wilt / die du mit deim eyd behalten hast. xxxv

Si mulier ve(n)tris no(m)i(n)e (et)c.

Wider die fraw die sich fälschlich inn besitz hat lassen setzen der habe die etwan irs man(n)s gewesen ist. xxxvj

Wider die fraw so sie wie obstat vngesatzt ist / vn(d) den besitz in eine(m) and(er)n transferiert / wendt oder kert. xxxvj

De eo quod falso tutore auctore gestum esse dicitur.

Vonn der geschicht mit dem falschen vormundt geschehchen. xxxvj

Ein ander clag wid(er) den falschen vormundt / die gebürt dem waisen. xxxvij

Si omissa c(aus)a testamenti.

So d(er) erb sich des erbs nitt auß vrsach des Testame(n)ts angenom(m)en hatt / sunder on Testament. xxxvij

De publicanis et vectigalibus.

Wider die zoller so sie zů vil zols nemen. xxxviij

De liberali causa.

Wider den der frey ist und hat sich für eygen verkauffen lassen. xxxviij

Ex quibus causis in possessionem eatur.

Wider die in besitz gesatzt seind vnnd die frucht niessen od(er) schade(n) thůn. xxxix

De bonis auctoritate iudicis possidendis.

Das dem besitzer die kostung vnd die expenß die er in der besessen habe vßgebe(n) hat wider werden. xxxix

Vi bonorum raptorum.

Wider die / die mitt gesampter handt schaden thůn. xl

De incendio: ruina: naufragio (et)c.

Wider die so es brinnet od(er) die schiff gestümrpt (!) werden oder vndergeen /

A iiij

(7) Register

geplündert (et)c. die selben habe arglistigklich hinnemen. xl

De sepulcro violato.

Wider die / die die todtenn oder greber berauben oder zerstören. xlj

De damno infecto.

So das bauwfellig zym(m)er trawet zů fallen vff dein zym(m)er vnd grundt. xlj

De actione redibitoria.

So du ein siech thier wilt widergeben dem der dirs verkaufft hat. xlij

Quanto minoris.

So du die habe zů thüewer gekaufft hast. xliij

De fideicommissaria hereditatis petitione.

So du ein erbe das dir nitt schlechts im Testament oder letsten willenn geschafft ist / sunnder durch mittel eins andern vordern wilt. xliij

De eo quod falso tutore auctore gestum esse dicitur.

Von der geschicht vom falschen vormundt geschehen. xliiij

Seruiana.

Wid(er) die die habe besitze(n) die dir schweygent v(er)pfant ist für dein haußzynß. xliiij

Ipothecaria.

So du dein pfandt wilt vorderen inn dein gewalt. xlv

De vtili rei vendicatione que datur superficiario.

So du einen grundt bestanden vnd bezymmert hast / vnd ein ander hatt das zymmer besessen. xlv

De rei vendicatione que datur emphiteote.

So d(er) hinderseß sein erbe vordert. xlvj

De iure patronatus.

Ein clag gebürt wider den libertum / das ist den der eygen geweßt vnd frey gelassen ist. xlvij

De partu agnoscendo.

Wider den vatter d(er) des kinds laucknet / vnd widerumb so das kindt des vatters laucknet / vnd fürter vff zům anherren. xlvij

De rei vendicatione.

Von der eygenschafft der habe. xlix

De usufructu.

Von dem nutz der habe. lv

De publiciana.

So du die habe vordern wilt als dein eygen die dir worden ist / von dem / der der habe nit herr ist. lvj

Der recissoria.

So dir dein habe prescribiert ist worden in deinem abwesen vo(n) gemeyns nutz wegen. lvj

De (c)o(n)fessoria (et) negatoria.

Von dienstbarkeit vnd wasser. lvij

De preiudiciali in rem p(er) quam queritur an aliquis sitfilius in potestate patris.

So der vatter sein kindt / der apt sein münich / der lehenherre sein lehenman / vn(d) der burgermeister sein burger in sein gewalt will vordern. lx

Iterum de vsufructu.

Aber von dem nutz der habe. lxj

De petitio(n)e hereditatis.

Von erbe vorderung. lxj

Finium regundorum.

Von marckstein zů setzen / vnnd vndergeen. lxij

Familie herciscunde.

Von erbe zů teylen. lxiij

(8) Register

Co(m)muni diuidundo.

Von teylung gemeyner habe. lxiiij

De actione ex stipulatu.

So einer dem andern etwas verheißt in der handt. lxv

De conditio(n)e ex mutuo.

Von wechseln oder leyhen. lxvij

De co(n)ditione ob causam.

Von wider vordern des das geben ist vmb sachen willen. lxviij

De co(n)ditio(n)e ob turpe(m) ca(usa)m.

Von wider vordern des das geben ist vmb schentlicher sachen willen. lxviij

De conditio(n)e sine causa.

Von wider vordern des das geben ist on vrsach. lxviij

De conditione indebiti.

Von wider vordern des das du nicht schuldig bist gewesen / vnnd hast es doch bezalt. lxix

De conditione furtiua.

Von vordern der gestolen habe. lxix

De conditione ex lege.

Wann einer schreybt im sey gelt gelühen / vnd ist im doch nit dar gezalt / wie er sich behelffen sol. lxix

Ad exhibendum.

Von zeygen farendt habe. lxix

De actione empti.

Von der clag des kauffers. lxix

De inutili stipulatio(n)e ex parte rei.

Von den vnnützen contracten der habe halb. lxxij

Decem capitula.

Zehen capitel vom kauffen. lxxiiij

De actione ex vendito.

Vom verkauffen. lxxvij

Was vntreüw oder arger list sey / was grosser / leychter oder der leychtst vnfleyß sey. lxxviij

De actione ex conducto.

Vom besteen oder entlehen zehen capitel. lxxviij

De actione locati.

Vom hinleyhen vier capitel. lxxxj

De actione pro socio.

Von clagen deren die inn geselschafft seind. lxxxij

De act(i)o(n)e ma(n)dati directa.

So einer de(m) and(er)n gewalt gibt. lxxxviiij

De co(n)traria actio(n)e ma(n)da(ti).

So d(er) procurator clage(n) wil wider den d(er) im gewalt geben hat. lxxxv

De actione depositi.

Von vordern der habe die zů behalt(e)n geben ist. lxxxvj

De actione contraria depositi.

Wider den / der zů behaltenn geben hat. lxxxvij

De actione tutele.

Vonn der clag wider kindtvögt oder den vormundt. lxxxvij

De co(n)traria actio(n)e tutele.

Wider die der vogt od(er) vormundt du gewesen bist. vc

Co(m)mo dati directa.

Von der clag des entlehens. xc

Contraria co(m)modati.

Wider die clag des entlehens. xc

De pignoraticia directa.

So der schuldner das pfanndt wider vordert. xcj

De (con)traria et pignorati.

A v

(9) Register

Dise clage gebürt dem glauber wider de(n) schuldener vo(n) des pfands wege(n). vcij

In q(ui)bus casib(us) pignus tacite contrahatur.

In wölchen puncten die habe schweygendt verpfändt ist. xciij

De actio(n)e prescriptis verbis estimatoria.

So die verkaufft habe oder dz gelt nit würt wider geben. vciij

De prescriptis verbis. de permutando.

So wir etwas gen einander verwechselt haben xciij

De actione descendente ex re iudicata.

Von der clag die vns gebürt vß dem vrteyl das in krafft gangen ist. xciij

De actione que oritur ex confessione.

Von der clag die vns gebu(e)rr vom bekennen / oder der vergicht. xciiij

De actio(n)e ex stipulatu p(ro) dote.

Dise clag gebüre(n) vmb die morgengabe. xciiij

De aq(ua) pluuiali arcenda.

Von regenwasser zů zwingen. xcv

De pastu pecoris.

So mit deim willenn dein thier mir schaden thůt. xcv

De actione ex testame(n)to.

Von der clage die vß dem Testame(n)t gebürt. xcv

De actione ex stipulatu.

Von der clag vß verheissen. xcvj

De actio(n)e ex stipulatu arbitraria loci.

Aber vß verheissen etwas zů thůn an einer nemlichen statt. xcvij

De act(i)o(n)e ex stipulatu presumpta ex tempore.

Von der clag die vns auß der zeyt gebürt. xcvij

Furti non manifesti.

Von heimlichem diebstal. xcvij

De tigno iniuncto.

So du einen frembden sparre(n) in dein zymmer gebauwen hast. xcvij

Arbor(um) furtim cesarum.

So dir dein baum dieblich abgehauwen ist. xcviij

De actio(n)e reru(m) amotaru(m).

So die eeleüt einander stelen. xcviij.

De ratiocinijs distrahendis.

Wider die vögt od(er) vormu(n)d die die farend habe in ire(n) nutz kere(n). xcviij

De actione legis aquilie.

Wider den der dir schaden thůt. xcix

Si quadrupes pauperie(m) fecisse dicatur.

Wo ein vierfüssiges thiere schadenn thůt. Ciij

Wider den rat od(er) richter der kein vogt oder vormundt geben hat. Ciij

De act(i)o(n)e qua(n)to minoris.

So einer ein gebrechlich habe gekauft hat. C.iiij

Quanto pluris.

So einer ein habe zů theüwer kaufft hat. C.iiij

De actio(n)e p(re)scriptis v(er)bis.

So einer mit geding ettwas gekaufft hat vnd nicht verpeent ist. C.iiij

In factum subsidiaria.

Dise clag gebürt so der obern clagenn kein stat hat. C.iiij

De senatusco(nsulto). velleyano.

(10) Register

Die velleyanisch constitutz saget wes die frawen gefreyet seind. C.v

De senatusconsulto macedoniano.

Die macedonianisch co(n)stitutz von den sünen. C.v

Ad senatusco(n)sultum sylleyanum.

Die sylleyanisch constitutz das die herren vor ire(m) haußgesindt sicher sein. C.vj

De senatusconsulto trebelliano.

Die trebellianisch constitutz. So einer stirbt vnnd in seim Testament ein erben gesetzt hat. Cviij

De senatusco(n)sulto cleme(n)ciano siue terculiano.

Die terculianisch co(n)stitutz gebürt den waisen / vnd denen die noch nit fünff vnd zweintzig iar alt seind. C.vij

De consulto violano siue pansiano.

Wider die die zymmer vßbrechen vnd verkauffen. C.viij

Constitutio diui Marci.

Des loblichen Keyser Marci constitutz wider die glauber / vnnd kompt dem schuldenern zů hilff. C.ix

Vnde vi.

Des aller theürste(n) keysers Justiniani co(n)stitutz wid(er) die die gewalt thůn. C.ix

Lex. Meminerint (et)c.

Aber keyser Justiniani constitutz die gewalt strafft. C.xiij

Lex. Si quando.

Aber des selb(e)n Keysers constitutz ein die gewalt strafft. C.viij

Lex. Cum querebatur.

Aber des Keysers Justitiani constitutz eine die gewalt strafft / cum querebatur in latein. C.xiiij

Lex. Non ab re.

Des keysers Zeno Constitutz / strafft ein yegklichen der in frembden name(n) ein habe innhelt. C.viiij

Lex. Constiterit.

Des keysers Constantini co(n)stitutz wo zwen anstösser irer gütter mit einannder kriegen. C.xiiij

Honorius vnnd Theodosius beide Keyser straffen die Christen die da Juden und Heiden berauben. C.xv

Aber zwo co(n)stitutz keyser Justiniani. wo d(er) glauber eins für das ander zů pfande nympt. C.xv

Titel des andern teyls.

De accusatio(n)ibus inquisitionibus. et quotiens crimina in modum exceptionum opponuntur.

Vonn dem verclagen vmb die übelthat zů erfaren / vn(d) wie offt die missethat in exception vßzügen weyß opponiert vn(d) fürgeworffen mög werden. C.xv

Qui accusare no(n) possunt.

Wer die seind die nit verclagen möge(n) vnnd das vmb der scham willen des geschlechts als die frawen. C.xvj

Wölche nit verclagen mögen von irs alters wegen. C.xvj

Qui propter delictum accusare non possunt.

Die nit verclagen mögen vmb irer übelthat wegen. C.xvij

Qui p(ro)pter turpe lucru(m) (et)c.

Die nit verclagen mögen vmb schentlichs genieß willen (et)c. C.xvij

Qui propter inopiam accusare non possunt.

Die nit verclagenn mögen vmb irer armůt willen. C.xvij

(11) Register

Qui propter reuerentiam persone accusare non possunt.

Die nit verclagen möge(n) vmb des wesens od(er) reuere(n)tz willen d(er) person C.xvij

Qui publico crimine damnati accusare non possunt.

Die nit verclagen mögen darumb dz sie von gemeyner übelthat vnnd malefitz wegen verdampt seind. C.xvij

Laicus clericum non accusat.

Die vom verclagen werden auch abgetriben vß andern vrsachen. C.xviij

Repelluntur ab accusatione inimici (et)c.

Die nit verclagen mögen darumb dz sie eins feynd seind. C.xviij

In wölchen casus vnnd puncten die obgeschriben zům verclagen zůgelassen werden. C.xviij

Qui accusari no(n) possunt

Wölche nit verclagt mögenndt werden. C.xix

De accusationibus.

Was verclagung sey vmb sünde vnd missethat. C.xx

Quomodo in accusatione procedatur.

Wie in der verclagung procediert soll werden. C.xx

Quomodo contumacia accusatoris puniatur.

Wie die vngehorsamkeit des verclagers gestrafft sol werden. C.xxiij

Quomodo puniatur co(n)tumacia rei.

Wie die vngehorsamkeit des verclagten gestrafft sol werden. C.xxiij

Quando iudex inquirere possit.

In wölchen übelthaten der richter vo(n) seins ampts wegen inquirieren / erfaren vnd procedieren möge. C.xxvj

Qui ex offico de crimine inquirere et procedere possunt.

Wer die seind die vonn ampts wegen vmb die übelthat vnnd malefitz erfaren vnd procedieren mögen C.xxvj

Quando iudex inquirere per se potest.

Wann der richter von ampts wegen procedieren möge. C.xxvij

Exceptiones co(n)tra inquisitionem et eius processum.

Mit wölcher exception du dich wöre(n) magst / so wider dich von ampts wegen inquiriert vn(d) procediert würt. C.xxvij

Que ad inquisionem requirantur.

Was nottürfftig sey / vn(d) wie vil / vff dz das inquiriert vn(d) von ampts wege(n) procediert möge(n) werde(n). C.xxviij

Iudicis officium in procedendo.

Wie der richter vonn ampts wegenn procedieren sol. C.xxviij

Defensio inquisiti et appellatio.

Wie sich der wören vnnd beschirmen mag wider den also procediert würt / vn(d) wie er appellieren mag. C.xxix

Quomodo crime(n) in modum exceptionis opponitur.

Wie offt die malefitz vnd übelthat in exception weyß fürbracht vnd opponiert mag werde(n) / vn(d) wölche vrspru(n)g vn(d) krafft die übelthat also fürbracht hab. C.xxx

De purgatione.

Wann vnd wie sich einer entschuldigen mag vnd můß. C.xxx

(12) Register

De custodia reorum.

Wann vnd wie die verclagte(n) oder geschuldigte(n) behüt sollen werde(n). C.xxxj

De priuatis carceribus.

Von den sunderlichen kerckern vnnd gefencknüssen. C.xxxij

Si reus u(e)l accusator mortuus fuerit.

Wo der verclagt oder der geschuldigt tod were oder stürbe. C.xxxij

Si quis imperatori maledixerit.

Wölcher de(n) keyser übel sprech. C.xxxij

Ad lege(m) iulia(m) maiestatis.

Von der übelthat lese maiestatis. das ist verletzigung des Keysers. C.xxxij

Ad legem iulia(m) de adulterijs et stupro.

Von dem eebrechen vnd iunckfrawe(n) zerstören. C.xxxiij

Ad lege(m) iuliam de vi publica vel priuata.

Von gemeynem vnnd sunderlichem gewalt. C.xxxv

De raptu virginu(m) seu viduarum. necnon sanctimonialium.

Von rauben der iunckfrawen / witwe(n) vnd closterfrawen. Cxxxvij

De eme(n)datio(n)e p(ro)pinquor(um)

Vonn der straffe der gebornen nahen freündt. Cxxxij

Ad lege(m) cornelia(m) de siccarijs.

Von manschlacht vnnd mörderey. C.xxxvij

De his qui parentes vel liberos occiderunt.

Von den die ire elter oder kindt getödt haben. C.xxxix

De maleficis (et) mathematicis et dictis similibus.

Von den zauberern vnnd denen die sich der verbotten kunst annemen zů treyben vnd warsagen. C.xxxix

De sepulcro violato.

Vonn denen die todten(-)greber zerstören. C.xl

Ad legem fauiam de plagiarijs.

Vonn denen die eim sein eeweyb oder kindt hinfüre(n) / verkauffen / oder sunst empfrembden. C.xl

Ad legem corneliam de falsis. actio subtilis.

Von falscherey in gemeyn. C.xl

De falsa moneta.

Von falscher müntz. C.xlj

De mutatione nominis.

Von d(er) wandelung des name(n)s. Cxlj

Ad lege(m) iulia(m) de ambitu.

Von de(m) geytzigen d(er) eren. C.xlj

Ad legem iulia(m) repetundarum.

So der richter ettwas thůt das er nitt thůn solt / oder etwas vnnderwegen laßt das thůn solt. C.xlij

Ad lege(m) iulia(m) peculatus.

Von denen die gemeyn gelt einer statt hinleyhen. C.xlij

De crimine sacrilegij.

Wo geweycht habe vonn geweychter statt genom(m)en würt. C.xliij

De seditiosis et his q(ui) plebem audent contra rempublicam colligere.

Von den die zwytracht oder vflauff machen. C.xliij

(13) Register

De crimine expilate hereditatis.

Wo einer vonn eim frembden erbe stilet. C.xliij

De crimine stellionatus.

Wie einer der die warheit verwandelt hatt vnd gelogen gestrafft mag werden / als wo einer zweyen versetzt od(er) verkaufft ein habe / vnnd wo einer auff redlich leüt leüget (et)c. C.xliij

De his qui latro(n)es vel in alijs criminibus reos occultant.

Von den die die übelthäter verberge(n) oder herbergen. C.xliij

De requirendis reis.

Wan(n) vn(d) wie die geschuldigte(n) gesůcht vn(d) nach in geforst sol werde(n). C. xliiij

De questionibus.

Wann vnnd wie der übelthäter vmb die warheit zů erfarenn gepeiniget mag werden. Cxliiij

Vt intra certa te(m)pora criminalis questio terminetur.

In wölcher zeyt die peinlich b(e)clagu(n)g volendt sol werden. C.xlv

Ad senatusco(n)sultum turpilianum.

Wie der verclager einer gemeynen übelthat gestrafft soll werde(n) so er bößlich davon gelassen hat. C.xlv

De calumniatoribus.

Wie der calumniator das ist der freuenlich oder falsch verclaget / gestrafft sol werden. C.xlvj

De penis.

Von der peen in gemeyn der übelthat vnd malefitz. C.xlvj

Etlich frag die auff die statut der stett in der verclagung dienen. C.l.

De bonis eoru(m) qui mortem sibi constituerunt.

Von denen die in selbs den todt thůn vnd iren güttern. C.lj.

De sententiam passis et restitutis.

Von den die von der peen erlößt werden als d(er) richter dz vrteyl gebe(n) hat. C.lj.

Hie endet sich das Register diß bůchs.

(14) Sebastianus Brandt.

Der richterlich Clagspiegel gnant

Bin ich / vor nit als wol erkant

Des halb ich lang zeyt bin verlegen

All Cläg setz ich / vnd richt zů wegen

Verstandt der Titel aller rechten /

Wie man dar vß schirme(n) mög vn(d) fechte(n)

Deß gleych mit vßzüg sich erwören

Das man bey gůt bleyb vnd bey eren

Von gůttem recht nit werd getrungen

Teütsch red ich mit lateinischer zungen

Darumb hab man der wort wol acht

Die vß latein seind Teütsch gemacht

Die seind (so vil möglich gewesen)

Verteütscht das yeder die mag lesen

Dar vß nemen gůtten verstant

Mich hat gemustert doctor Brant

Vnd den Clagspiegel recht genant.

Nun volgent hernach die Titel des ersten Teyls diß bůchs.

(15) (Holzschnitt)

(16) Das I Blat

(1. T., 1. K.) Actio de his que in fraudem creditorum.

WAnn der schuldener in untreüwe seines creditors oder glöubigers verstoßt vnd empfremdet sein habe / mag der creditor alle empfremte habe widerrüffen vn(d) rechtlichen vordern durch dise clage.

ff. de. act. et obli. is cui.

Vnd das dir dise clag gebüre / ist nottürfftig.

Am ersten das es schulde sey die da rechtlich gefordert mag werden.

ff. de bis que in fraude(m) creditoris omnis.

Am andern das die creditores veruntreüwet werden mit radte vnd mit geschicht / das ist so einer weißt das er schuldig ist vnd empfremdet alle sein hab farends vnd ligens / so verdencket man sich / er hab es in vntreüw empfrembdet.

ff. de proba. l. patronus.

Empfrembdet er aber nur ein teil seiner habe / oder ein sunderliche habe / als einen rock oder wisen / so er sunst mer hat / dan(n) růwet das verdencken / vn(d) můß d(er) creditor bewysen dz solichs in vntrewe b(e)stossen vn(d) emppfre(m)det sey.

vt. ff. de bis q(ue) in fraudes credito tum. l. j.

Am dritte(n) můß d(er) creditor vor / alle habe des schuldners mit recht ersůcht / ine dauo(n) gestossen vn(d) inne(n) habe(n). Ee dan(n) er die beclage die die fre(m)bden habe besitzen.

ff. de bis que in fraude(m) creditoris qui autem.

Am vierde(n) dz derd(er) dz nympt vo(n) de(m) empfre(m)der / dz neme vß gewynlicher sach / oder dz er wiß die vntrewe / wan(n) besitzet er die habe vß gewynlicher sach / so ist er schuldig er wiß die vntrew od(er) nit. Dise clag gebürt den creditoribus auch / so d(er) schuldener das sein also heimliche(n) verstossen hat / das in der richter zwing zů sagen wo ers hin verstossen hat / oder ine in einen kercker lege / als lang biß er sagt wo er die habe hab hingethan.

Formier also dein clage.

Herr richter ich clag eüch das .N. mein schuldener in hundert gulden hat sein habe heimlichen also verstossen / oder hat es andern leüten zů behalten geben / mir zů schaden / also das ich mit recht vor eüch behalten hab / das ich bin yn(-)gesatzt in sein hab. Nun find ich nit an seiner habe die er also empfrembdet vnd verstossen hat, das ich dauo(n) betzalt mög werden / so sind ich auch nit die selbe empfrembte habe. Bitt ich eüch sollichs zů erfaren souil vnnd gnůg ist / vnd mit eüwerm rechtlichen spruch erkennen das mein schuldener also lang im kercker oder im thurn sol ligen / biß das er offenbart die / den er sein habe zů kauffen / zů behalten oder zů verstossen hat geben / vnnd heissendt inen eüwer diener ynlegen in solliche gefencknüß das bitt ich eüch.

In diser clag formier dise drey form.

Die ersten / als vor eüch.

Herr richter ich clag über Petrum vnd sprich das .N. besitze ein hauß gelegen in der gassen / an einer seyten an Hans (et)c. stoßt vff Paulum an d(er) andern / das selbig hauß hat mein schuldener in .x. gulden die ich im gelühen hab / mir zů schaden vnd in vntreüwe empfrembdet in Petrum (et)c. in kauffes wyse / vnd der selb Peter hat solche vntreüwe gewißt / vnd so ich nun die habe meins schuldeners ersůchet mit recht vnd in(n)hab / vnd die selb habe nit gnůg ist für mein schulde die er mir schuldig ist. Bit ich eüch solichs zů erfarn souil vnd gnůg ist / vnd erkennen mit eüwerm rechtlichen spruch / das mir der genant Petrus. solle widergeben das genannt hauß / mit den nutzen die er von

B

(17) Der Erst Teyl

der zeyt der empfremdung yn(-)genom(m)en hat / die ich schätz an .x. gulden / vnd mit allen den nutzungen / vnd gerichts(-)schäden die hinfür kom(m)en werde(n) / vnd zwinget in dartzů das er mir solliches gebe bey zymlichen penen.

In diser clag steet mit namen .x. gulden schulde ich (et)c. zů versteen das er mir nit schuldig ist vß malefitz / wann das recht spricht nit das der creditor vß malefitz möge widerbringe(n) empfrembte hab in untreüw / vn(d) solt versteen den schaden an geltschulde / darumb du im dein habe geben hast.

In der clag steet in kauffs weyse / vn(d) das er an der vntreüwe teil hab / wan(n) so die empfremdung nit geschicht vmb sunst / můß der in den die empfrembdung ist geschehen / an der vntreüw teil haben (et)c. die nutzung von dem erdtrych / vnd der gerichts(-)schaden kom(m)en in verdamnung / wann die nutzung in hangender sach yngenom(m)en möcht sein wordenn / were aber frucht gesayt vor der zeyt vff die äcker / vnd yngenom(m)en / die kom(m)en nit.

Die ander form ist so vmb sunst ist vnder den lebendigen empfrembdung geschehen / als so einer dem andern gibt sein habe in vntreüw seins creditors / formier die clag glych als vor / dan(n) du solt nit setze(n) dz der in den die empfrembdung geschehen ist / hab teil an der vntreüwe / oder sie gewißt habe.

ff. de bis que in frau. credi. l. qui autem.

Die dritte form ist / so empfrembdt würt an dem todtbet. So formier in aller maß wie vor / dan(n) du nit setzen solt das vntreüwe darin(n) geschehen sey / wan(n) darin(n) würt angesehen das ende.

Du solt wissen das nit allein habe kom(m)en in dise clage / sunder auch ob der empfrembder anderßwo schuld hette / doch vnderscheidenlich / hat mein schuldener den der im mitt geding schuldig ist gewesen ledig gesaget / gebürt mir dise clage, das sich der selbe schuldner widerlege in die vorigen verpflichtung oder schulde. Vnd also formier dein clage.

Herr richtter ich sag / dz Roderus mein schuldner in zehen gulde(n) / hat ledig gesagt mir zů schade(n) Petru(m) rychardi / d(er) selb petrus wz im schuldig als im Rodero geschafft was am todtbeth zehen gulden mit geding / were es dz ein schiff käm vo(n) Paryß. So ich nun habe Roderi meins schuldners mit recht ersůcht vnd innen hab / vnnd mit der habe nit mag bezalt werden. Darumb bitt ich eüch / dz ir den vorgenanten Petrum Rychardi wöllend mit eüwerm rechtlichen spruch dartzů zwinge(n) / dz er sich in die vorgenante(n) schuld wideru(m)b lege.

ff. de bis que in fraud. credi sit pretor

Wer aber die schuld lauter von der / der schuldner were vntreüwlich gelediget / so sol der creditor clagen vff den schuldner / das er das gelt betzale / vnd den wůcher von der schulde / von der er mir in vntreüwe gelediget ist.

So der schuldner verkauffet in vntreüwe der creditoren / vnd die creditores die habe mit recht von dem kauffer bringen / sollen sie dz gelt dem kauffer nit wider geben / es were dan(n) sach das das gelt nit vorhanden were / möcht d(er) richter es heissen wider geben / wann also geschehe nyemandt vntreüwe / verkaufft aber der vntreüw keuffer eim andern die habe / der solichs nit weißt / der ander kauffer ist nit schuldig wan(n) er mangelt vntreüw. Aber der erst kauffer der vo(n) seim verkauffen hat das gelt genommen / ist schuldig das gelt wider zů geben den creditoribus.

ff. e. q(uo)d autem

Am letstenn mercke / das die creditores nit veruntreüwet werdenn / so mitt

(18) Das II Blat

irem willen der schuldener empfremdet sein habe / oder einer vß den creditorn mit der andern willen betzalet würt / wann nyemandts würt mit seinem willen veruntreüwet.

Item was du hie innen nit vindest / sůch .C. de reuocandis que in frau. credi. alienata sunt. im achten bůch am letsten.

(1. T., 2. K.) Fauaina.

Wann der libertus / das ist der der eygen ist gewesen / vnd in vntreüw seines patrons / das ist des der in frey hat gemacht / empfremdt sein habe / mag der patron die empfremdten hab wider bringen durch dise clage.

Das dem patron gebür dise clag / seind diß ding notturfftig.

Am ersten das der libertus todt sey / dann die weyl libertus lebt / hat der patron keinen teil an seins libertus habe.

ff. de suis et leg. l. intestato.

Am andern das er sein patron sey. Patron verstee einem yegkliche(n) der sein eygen menschen frey macht / es sey vß freyem oder getzwungen willen.

ff. si q(uo)d in frau. pa. l. ij.

Am dritten das der libertus nit hab seine kindt im testament zů erben gesatzt / wann also entfliessen sie dem patron. Hat aber libertus kein testament gemacht vnnd stirbt / vnnd het so vil empfremdt das dem patron sein teil nit möcht werden / gebürt dem patron dise clage.

Insti. de success. liber. §. ss nostra

Am vierden das der libertus mer sol haben dann hundert gulde(n) wert / hat er minder / so mag er gantz seim patron entfliessen.

Am fünfften hett libertus so vil empfremdet in seinem leben / das nach seinem tod nit hundert gulden wert da belibe / wer die empfremdung geschehen wider das recht / so möcht der patron seinen teil widerrüffen.

Am sechsten das die empfemdt habe noch vor(-)handen sey / anders der ist nit schuldig in dem die empfremdung geschehen ist. Also formier dein clage.

Herr richter ich sag eüch das Roderus neüwlich gestorb(e)n / hat besser dan(n) hundert gulden wert gehabt / die wissen aldo (et)c. gelege(n) / in seim lebe(n) vmb sunst in Ticium empfremdt / mir als seine(m) patron zů schaden / hat auch einen fremden zů einem erben in seinem testame(n)t gesatzt / dannoch hat er meer dan(n) hundert gulden wert gelassen / über die entpfremdung / wann der vorgenant Ticius besitzet die wisen. Darumb so bit ich eüch richter / das ir solchs erfaren so vil vnd gnůg ist / vnd erkennen mit eüwerm rechtlichen spruch / das mir der genant Ticius sol wider geben den dritten teil an der wisen / mit der nutzung dauon yngenommen / gerichts(-)schaden / vnd nutzung hinfür kom(m)enden / vnd zwingt in dartzů mit zymlichen penen.

ff. si q(uo)d in frau. pa. l. j. §. j.

Item so der libertus empfremdet sein habe am todbeth / stürbt er dan(n) / so ist nicht not in d(er) clag zů setzen mir zů schaden / wan(n) da wirt angesehen das ende.

ff. si q(uo)d in frau. pa. l. j. §. f.

Item verkaufft der libertus sein habe zů wolfeil / mag libertus das überig wider vordern / dann dise clag hat anders nit stat / dann so die empfremdung geschicht vß gewynlicher sach / daru(m)b mag der libertus sein kind in vntreüwe seins patrons verheimste wern.

ff. c. si q(uo)d in frau. pa. Julius libertus.

Auch mag er gebe(n) im lebe(n) seine(n) gůtte(n) fründe(n) / hab(e)n sy es vm(b) in v(er)dienet (et)c.

(1. T., 3. K.) Caluisiana.

B ij

(19) Der Erst Teyl

ff. c. si q(ui)d in frau. l. viri. Arrogiert oder nympt einer einen an seins kindes statt / vnd in zů seine(m) kind. Darnach empfremdet er ettwas seiner habe in schaden des genom(m)en kindes / also das im gemynnert würt sein vierteil am erbe / das im gebürt vonn gesetz des keysers Pij / mag das genom(m)en arrogatus kindt wider vordern / das empfremdt durch dise clage. Wie soll ich es nemen geschehen sol vnnd krafft hab frag die gelerten oder sůch das recht geschrib(e)n. ff. de adop. l. si paterfa. §. in arrogationibus. et. in. l. sequen. et insti. de adop. Also formier dein clage.

Herr richter ich clage eüch / das .N. besitzt etlich hab .N. vnnd .N. die .N. mein vatter mir zů schaden vn(d) in vntreüwe empfremdt hat / vff das mir das vierteil meins erbs geminderet werde / das mir vom gesetz des keysers Pij gebürt. Bitt ich eüch sollichs erfaren souil vnd gnůg ist / erkennen mit eüwerm rechtlichen spruch /das mir der genant .N. die genanten hab sol widergeben / mit der nutzung dauon yngenommen / gerichts(-)schaden vnd nutzung hinfür kom(m)ende / vnd das er mir sollichs geb zwingt in dartzů mit zymlichen penen.

ff. c. si quis a pa. fu. ma. l. j. in fi. et. l. ij.

Merck verthůt vn(d) empfremdet der vatter das sein das dem eelichen kindt nit zů erb werde / das selb kindt hat diß recht nit.

Nun volgen zwo clag / die ein heißt redibitoria / die ander quanto minoris von den du hast hernach / nach der clage wann ein zymmer oder bawe trauwet zů fallen.

(1. T., II. Bl. 4. K.) Ediliciana.

Dise clag gebürt in mancherley weg.

Am ersten so die verkaufft habe ist widergeben dem kauffer / das gelt nit widergeben mit seiner zůgehörunge.

Item so dem verkauffer würt nit widergeben das gewunnen ist / mitt dem eygen menschen.

ff. de edi. edic. q(uo)d si nolit. §. in fructum.

Herr richter ich clag eüch von .N. der hat mir zů kauffen geben ein pferdt das den siechtagen hat .N. vnd so ichs im widergeben hab / hat er mir dz gelt nit wider geben. Bitt (et)c. das er dz gelt sol wider geben. In d(er) person des verkauffers formier diß clag. Eüch herr richter clag ich .R. wider den .N. de(m) hab ich geb(e)n zů kauffen ein sieches pferdt oder eygen menschen / des hat er mir mit recht anbehalten das ichs wider můß nemen / vnd hab es wider genommen / er hat aber nit widergeben das er mit meim eygen menschen gewunnen hat.

Bitt ich (et)c. das er mir sollichs auch geben sol / vnnd das er mirs gebe / zwingt in dartzů mit zymlichen penen.

ff. de edi. edic. q(uo)d si nolit. §. fi.

Ist im kauff gedingt / sey dz dir der kauff mißfall das d(er) kauff nichts sey (et)c. gebürt dise clag in viertzig tagen.

Herr richter ich clag eüch von .N. der hat mir das .N. zů kauffen gebenn / wer das es mir mißfiel solt ichs im widergebenn. Nun gefelt es mir nitt. Bitt ich eüch zů erkennen durch eüwern rechtlichen spruch / das er solliches sol wider nemen / vnd zwingt in dartzů mit zymlichen penen.

Item so das pferdt mit seinem zeüg / oder der eygen mensch mit seinem cleide vnd schmuck oder getzierde verkaufft ist worden / das pferdt oder dz mensch würt on das getzierd widergeben / gebürt diß clage.

ff. c. ti. ediles.

Herr richter ich clag eüch vonn .N. der hat mir widergeben ein pferdt oder

(20) Das III Blat

ein eygen menschen den ich im mit solichen zierden het verkaufft. Nun in der widergebung / widert er sich das getzierde oder cleidung widertzůgeben. Bitt ich eüch aber als vor (et)c. In viertzig tagen sol dise clage gescheen.

ff. de edili. edic. bis enim.

Dise clag gebürt einem yegklichen so an eine(m) offen gemeinen wege einer hat einen beyssenden hundt / hawendt schwein / beren / löwen / od(er) ein ander schädlich thier / es sey gebunden oder ledig das schaden thůt oder thůn möcht.

ff. de edili. edic. bis em(m). et de popula. acti. l. vlt(i).

Herr richter ich clag eüch vonn .N(.). der an der verbotten offen strassen hat einen beyssenden hundt / oder ein ander thier das schaden mag thůn / das hat schaden gethan / wan(n) den menschen hat es gebissen oder getödt / wan(n) nun sollichs wider den gemeinen nutz ist / vnnd wider das gantz volck. Bitt ich eüch in zů verfellen in zweyhundert gulde(n). Also clagt er als einer vom volck so einem andern schaden geschicht / vnd wert dise clag nit über dz iar / wan(n) dir selbs schaden ist geschehen / am leybe / ist dise clag ewig / vnnd mag der richter verdammen als in billichen bedunckt / geschicht dir aber sunst schaden an deiner habe / sol die verdamnung geschehen zwyfach.

(1. T., 5. K.) Exercitoria.

ff. c. l. j. §. exercitorem. Hat einer ein schiff vff dem mere oder vff einem schiffrych(e)n wasser / bestelt ein schiffmann zů dingen vmb die fůre vnnd ander handel zů tryben mit irer kauffmanschatz zů füren / ist der exercitor schuldig vmb allen den handel der mit dem schiffman gehandelt ist worden. Der heisset der schiffmann dem die regierung des gantzen schiffs empfolhen ist / offennlich oder schwygendt. Der heisset exercitor dem die nutzung des schiffs zů gehören vnd sie ynnympt / das schiff sey sein oder nit / er hab das schiff bestannden ewig oder vff zeyt / also das verlust vnnd gewin im zů stee / es sey fraw oder man(n) / iung oder alt / doch mit seiner vormünder gunst vnd willen sol er den schiffman bestelt haben.

Das dise clage gebüret ist notturfftig.

Am ersten das ein schiffart sey.

ff. c. l. s. §. si ples.

Am andern das der schiffman bestellet were von dem exercitor / vnnd die ampt vnderscheiden weren mit wölchen ich handel vnd contrahier / ist mir d(er) exercitor schuldig / hat aber mir der exercitor verbotten das einer on den andern nichts handeln sol vnd contrahieren / der mit eim allein geschafft vn(d) contrahiert hat / hat im den schaden. Also formier dein clage.

Herr richter ich clag eüch von .N. als er .R. bestellet hat einen schiffmann seins schiffs / hab ich mit im über ein kom(m)en / dz er mich mit meiner kauffmanschatz solt gen Cöln füren / dz hat er nun nit gethon / solchs schadt mir .x. gulden. Bitt ich eüch sollichs zů erfaren souil vnnd gnůg ist / vnnd erkennen mit eüwerm rechtlichen spruch / das im sollichs nit zymlich sey gewesen / dz er mir mein schade(n) sol widerkere(n) / vn(d) dz ers thů / zwingt in dartzů mit zymliche(n) pene(n).

(1. T., III. Bl. 6. K.) Institoria.

Deßglychen ist so einer sein sone / eygen menschen / oder einem ander freyen menschen empfelhet ein schenckstat oder annder gewerb zů tryben / kauff oder verkauff ich mit dem sollichs empfolhen ist / gebürt mir dise clag wid(er) den herren oder vatter der schenckstat oder des gewerbs.

Am ersten dz der empfelher sey über .xv. iare / ist er aber darunder / das

B iij

(21) Der Erst Teyl

sollichs geschehe mit seines vormunds heissen anders er wer dan(n) auch schuldig in de(m) contract darin(n) er richter wer worden. Also soltu formiern dein clage.

Herr richter ich clag eüch von .H. der hat dem .T. entpfolhen sein gewerb zů tryben / de(n) selben .T. hab ich gelühen zweintzig gulden als er öle kaufft hat. Bitt ich eüch sollichs zů erfaren souil vnd gnůg ist / vnd mitt eüwerm rechtlichen spruch erkennen / das mir der genannt .H. sol die zweintzig gulden die ich .T. gelühen hab an der genanten kauffmanschatz / wider geben vnd bezalen / vnd das er mirs gebe zwingt in dartzů (et)c.

Vil hoflicher frag sein in disen zweyen clagen / die sůch in Azone. C. de exercitoria et institoria actione. l. iiij.

(1. T., 7. K.) Tributoria.

Nun vahet ein clage die heißt Tributoaria / die selb clage würt aber hie nicht getriben / darumb laß ichs vnderwegen.

(1. T., 8. K.) De in rem in verso.

Ist das vß dem handel vnd contract mit deinem sone oder eygen mensch(e)n geschehen / etwas in dein nutz ist gewant oder kommen / bist du schuldig souil vnd in dein nutz des contracts vnd handels kom(m)en ist.

ff. c. l. iij.

Am ersten gebürt sich das dein sone oder eygen mensch dz gewerb mit deinem willen tryb / er trybs als dan(n) nutzlich oder vnnutzlich / so er kauffet salb(e)n vnkeüscheit zů trybe(n) / hielt der vatter sollichs kauffen stät / were ers gantz schuldig. c. l. §. vlt’ Kauffet aber der sone oder der eygen mensch frucht das gesind zů speysen / ob wol der haußuatter nit als vil kauffet / er ist schuldig.

ff. c. l. iij. §. sed si mutuator.

Am anndern das der sone oder eygen mensch das gelt entlehen auff das es werde gekert in des herren nutz / vnnd das solliches geschehe / als deinem sone tůch ist kaufft / oder der tochter zů morgen(-)gabe geben / anders dise clag gebürt nit / wan(n) der creditor lyhet so sol er sehen wem er das sein gebe vnd getrawe.

Herr richter ich clag eüch von .H. von dem vorder ich fünff gulde(n) die ich seinem sone oder eygen menschen gelühen habe / oder so ein ander contract od(er) handel mitt ir einem geschehen ist sollichs gelt inn seinen nutz gekert ist. Bitt ich eüch sollichs zů erfarn (et)c. vnd darnach mit eüwerm rechtlichen spruch erkennen das er mir sollichs gelühen gelt sol wider geben / vnd das er mirs wid(er)gebe zwingent in dartzů (et)c.

Item deßglychen ist so du eine(m) münich gelühen oder zů kauffen geben hettest / vnd in seins closters nutz gekeret ist.

(1. T., III. Bl. 9. K.) Actio quod iussu perpetuo.

So der vatter oder herre heißt gewerb treyben mit seinem sone / oder eygen menschen / ist der vatter oder herre schuldig vß dem handel vnd contract.

ff. c. l. si tutor. §. si iussu.

Am ersten ist notturfftig dz die person mit d(er) gehandelt od(er) contrahiert wirt sey in gewalt.

ff. c. l. j. §. iussu. §. si et rarum.

Am andern das dem sone oder eygen menschen oder der person die co(n)trahieren vnd handeln so gebotten sey oder der herre oder der vatter vnderschrybe oder stät halt den contract.

ff. c. j. et. ff. man dati si tibi.

Am dritten das der contract sey geschehen in der habe genant peculium in merce peculiari / vnnd nit in des herren oder vatters habe / wann also hat stat die clage mandati.

Herr richter ich clag eüch von .N. der ist mir schuldig zehen gulden darumb

(22) Das IIII Blat

ich seinem eyge(n) menschen oder seinem sone tůch zů kauff geben hab mitt seinem heissen oder willenn. Bitt ich eüch solliches zů erfaren souil vnnd genůg ist / vnd mit eüwerm rechtlichen spruch erkennen das mir der genant .N. sollich gelt schuldig sey / vnd das er mirs gebe zwingent ine dartzů mitt zymlichen penen mit verfellung der schaden.

Item deßglychen ist aber wider mit dem münich als du oben hast / wann der münich ist auch seins closters eygen.

(1. T., 10. K.) Actio de peculio.

ff. de pecul. l. ss et si damnu(m) cu(m). l. sc.

Sich gebürt vß dem contract vnnd handel des sons oder eygen menschen noch ein clage der peculio / aber nicht vß malefitz / das peculium were dan(n) gemert vß malefitz des eygen menschen dan(n) gebürt dise clag wider den herren.

ff. c l. j.

Am ersten sol die person als der eygen mensch oder son / sein in gewalt.

ff. c. peculium. et l. deposita.

Am andern das der sone oder der eygen mensch hab sollich gůt mit des herren oder vatters willen.

ff. qua(n)do act. de pecu. est annalis l. j.

Am dritten das der herre sey über fünff vnd zweintzig iar.

ff. c. et ancillarus §. si seruus.

Am vierden das der eygen sey vß seins herren gewalt nit gelassen oder lebe / ist er aber vß gewalt gelassen oder todt / das dannocht nit ein iare vergangen sey. ff. c. si damnu(m). §. peculium. et. §. hinc. Wann als dann gebürt die clag wider den neüwen herren.

Am fünfften das dem herren der eygen nit schuldig sey / auch dem die bey im wonen / wan(n) der herre nympt sollichs vor von dem peculio gantz.

Item das die clag sey vmb habe vn(d) nit vß malefitz. Also formier diß clag.

ff. c. licet. §. ex ca(sus).

Herr richter ich sag eüch das ich hab Petrum Růprechts eygen menschen gelühen .x. gulden. Bit ich eüch zů erfaren das peculiu(m) Peters vorgenant vn(d) mit eüwerm rechtlichen spruch erkennen / das mir der vorgenant Růprecht die gelühen .x. gulden sol geben / vnd das er mirs gebe / zwingent in dartzů (et)c.

Vil hoflicher casus schrybt Azo in seiner summa von den vorgeschribenn clagen. C. quod cum eo qui in aliena potestate est gestum esse negocium dicitur. vel de peculio. seu quod iussu. vel de in rem verso. l. iiij.

(1. T., 11. K.) De constituta pecunia.

So ich mich constituier vnd verpflicht / eim für ein andern zů betzalen / gebürt dem dem ich solchs verheissen vnd mich verpflicht hab clag wider mich.

Am ersten můß die schuld sein also das sie mit recht geuorderet mag werden / vnd nicht durch ein exceptio vernicht oder erstöret / vß wölchem contract vnd handel die schuld am ersten keins sey / in gericht / in zollen / in messen / in thieren / in menschen. Oder in ander gestalt / also das vß de(m) contract die schuld von dem ersten schuldener mag rechtlich geuordert werden.

Am andern das solliche verpflichtung geschehe von denen persone(n) die sich verpflichtet(n) oder verbinde(n) mögen / nit vo(n) denen die vnd(er) .xiiij. iaren sein / auch nit von furiosis / oder von einem dem ein vormundt vmb seiner geydigu(n)g wegen gesetzet sein / nit vnder .xxv. iaren on seiner vormundt willen sey.

Am dritten das die constitutz vnnd verpflichtung geschehe nit durch des frage dem ich mich verpflicht / sunder durch schlecht geding / wann geschehe solliches durch frage. Also / wiltu mirs für .N. geben / vnnd spricht als bald / dann ia ich wil dirs für in geben / hat diß clag nit stat / aber ein ander clag hat

B iiij

(23) Der Erst Teyl

stat genant ex stipulatu / von der du hernach hast.

Am vierden das ich mich selber personlichen constituier vnd verbinde zů betzalen. Also / ich will dirs für .N. gebenn / oder ich will dir gnůg für in thůn / oder ich will dir pfandt für inen geben. Sprecher aber / sorg nit du würdest betzalt / sollichs wer kein constitutz oder verbindung.

ff. c. l. promissor.

Constituier vn(d) verbinde ich mich vmb mein oder vmb eins andern schuld genůg zů thůn / ich würd ledig gibe ich einen bürgen od(er) pfandt. ff. c. q(ue) au(c)t. Versprich ich aber einem menschen zů geben / nämlich der für mich versprech oder bürge werde / ichs bins schuldig / vnd ob ioch der selb nit bürg wolt werde(n) / stürbt er aber ee die zeyt kompt in der ich versprochen hab / bin ich nit schuldig stirbet er aber nach der zeyt in der ich versprochenn habe / so bin ich schuldig ein andere person zů geben oder stellen / der als gůt ist / oder den schaden abtzůlegen.

ff. c. l. bactenus.

Wo ich mich aber der rechten waren schuld verbind oder versprich / so bin ich nicht schuldig über die rechten schulde. Also ob der schuld nur .xx. gulden weren / ich verbinde mich .xx. zů betzaln / bin ich schuldig über .xx. versprich ich .r. zů betzalen / allein bin ich die selbigen schuldig. ff. c. l. j. §. an(e)pe. Verbind ich mich vm(b) die rechte(n) schuld etwas and(er)s zů betzale(n) / bin ich schuldig. ff. c. l. promissor. §. j. Dise clag gebürt nit in den .x. tagen als das versprechen oder co(n)stitutz geschehen ist. ff. de soln. quod dicimus. Es soll der creditor nicht als bald kom(m)en mit dem sack bereit zů entpfahenn das versprochen ist. Insti. de accu. §. de pecunia. Dise clag wert vnderm iare.

Also formier dise clage.

Herr richter ich clag eüch das .T. ist mir schuldig .x. gulde(n) gelühens gelts oder in kauffwyse / od(er) vß verheissen. Nun hat Roderus mir die selben .x. gulden versprochen / oder sich verbunden zů betzalen für den genanten .T. Bitt ich eüch sollichs erfaren souil vnnd genůg ist / vnnd mit eüwerm rechtlichen spruch erkennen das mir der genant Roderus solche schuld soll geben / vnnd das er mirs gebe / zwingt in dartzů mit zymlichen penen.

(1. T., 12. K.) De vtili actione ex qua iuratur.

Von der clag so du etwas mit dem eyd behalten hast.

Hast du besessen etwas / das ich sprich es sey mein / vß vrsach als vff kauff gelühen zů behalten geben / oder gehört mir vo(n) erbfal zů / kurtzlichen vß was sachen ich die habe rechtlichenn vorder / vnnd du hast mirs heim gesatzt / das ich schwör das mein sey / ich schwöre den eyde / gebürt mir fürter diese clag wid(er) den besitzer. Das gebürt sich.

ff. c. ss. si po(r)t. ff. c. si pretor.

Am ersten in dieser clag das die habe rechtlich gefürdert sey vmb deren willen geschworn ist.

Am andern das ich geschworen habe / mit deinem willen.

ff. c. si duo. §. si q(ui)s ve(n)didisse.

Am drittenn das ich schwöre vß was sach das mein sey / als ich vorder .x. gulde(n) vo(n) .N. die ist er mir schuldig / als ich hab im ein pferdt zů kauffen gebe(n).

ff. de verb. ob. is cui. et de adopt. l. si tibi. §. furiosus.

Am vierden das die person die schwören laßt nit sey pupillus oder vnnder xxv. iaren / im sol auch nit vormunde gesatzt sein.

ff. c. q(ue) iurasse.

Wiewol kein vnnderscheid ist vnnder dem schwörer / er sey iung oder alt / fraw oder mann.

Herr richter ich clag eüch als ich vordert vo(n) .R. .x. gulde(n) daru(m)b ich im ein

(24) Das V Blat

pferdt zů kauffen het geben / der genant .R. setzt mirs heime / wolt ich schwöre(n) das er mir die .x. gulden vß der genanten vrsach schuldig were / also schwůre ich zů den heiligen das er mir schuldig were. Bitt ich eüch sollichs erfarn als vil vnd gnůg ist / vnd mit eüwerm rechtlichem spruch erkennen / das mir der genant .R. sollich .x. gulden vß der genanten vrsach schuldig sey vnd geben sol / vnd das er mirs gebe / zwingt in dartzů mit zymlichen penen.

ff. de iurein ran. no(n) crit. §. j. et. §. dinus pius.

Item der eyd sol Christlich geschworen werden / wan(n) anders docht er nit.

C. de re. cre. et su reiuran. l. actori.

Item schwöre ich mit deinem willen wie obstat das die hab mein sey / vnd setz nit dartzů vrsache(n) waru(m)b sie mein sey / gebürt mir auch dise clag / vn(d) darff in der clag nit setzen die vrsach. Hab ich vrsach im eyd gesatzt / gebürt mir die clag vß dem selben Contract so ich clag vnd in nit bewysen möcht / wann der eyd kompt an statt der bewysung. Exemplum. Ich hab geschworen ich hab dir den rock abkaufft vmb .x. gulden / den rock mag ich vo(n) dir vordern vß der clage vom kauffen / vnd ich bin dir schuldig das gelt zů geben.

Ein clag. Negociorum gestorum.

Merck in mancherley meinung / auch manncherley wegen werden die geschäfft deren die nicht ynheimisch sein geübet / vßgericht / vnd vollendt / darum(b) will ich hie setzen etlich libell vff das / das du etwas vonn diser clage wissest zů sagen / wann ich kan dise clag nit volkom(m)enlich in teütsch setzen / was dir aber herinn gebricht diser materien / vnnd diß Contracts halben / sůch in Rofredo in viern titeln Negociorum gestorum / vnd Azone de negocijs gestis. Wan(n) einer sich überuölligklich annympt in můte als ob ers allein üben vnd vßrichten wolt. Aber er übt nur ein geschäfft / vnd vmb sollichs übens willen / so hat ein ander der sunst seines nachgebauren sachen oder geschäfft übt vnd sůcht / meins geschäffts alles vnderwunden wolt haben / das fürbaß vnnderwegen gelassen / vnd in dem fall ist der Gestor pflichtig von allen geübten geschäfften / vnd was er vnderwege(n) gelassen hat / vn(d) in de(m) fall formier also dein clage. Herr richter ich clag eüch von .R. der hat mein geschäfft / oder wie du sollichs zů teütsch wilt machen / on mein heissen geübt oder vßgericht / vnnd hat sich sollichs vnderwunden als ob ers alles vßrichte(n) od(er) üben wolt. Bitt ich (et)c. erkennen das er mir rechenung thů / vnd den wert des schade(n)s den er mir mit argem list oder vnfleyß zůgefügt hat / mit thůn oder mit vnderwegen lassen vnd ob etwas überigs da sey / das er mirs geben sol / vnd das ers alles thů (et)c.

ff. de nego. gest. pomponius.

Merck / als bald vnd er sich vnderwunden hat das ers alles wölle vßrichten / so ist er vmb alles pflichtig / vnnd darumb ist er pflichtig von argem list / grossem vnd leychtem vnfleyß / wo ers übel hat vßgericht oder versumpt hette. C. de nego. gest. tutor. Was die wort argelist / grosser vnd leychter vnfleyß / bedeüte(n). Sůch hernach in der clage vom verkauffenn im fünfften capitel am ende / wann wo er sich vnderwindt vßtzůrichten vnnd zů üben oder zů uersehen / so ist es ein contract / darumb so ist er pflichtig von allem geschäfft vnd von argemlist / grössern vnd leychtern vnflyß. Ich hab dir in ein gemeine diß libell gesatzt / wie aber vnd warumb er dir rechenung thůn sol / solt du setzen (et)c.

ff. de condi. inde Julianus. et. l. cum si.

Item der Gestor sol rechenung thůn wie vnd wo ers vßgeben habe / vnnd was er yngenom(m)en hette. Vnd wann sollich rechenung geschehen ist / ist dan(n) etwas überigs da / das sol er heraußthůn geben.

(25) Der Erst Teyl

Item nit allein ist schuldig der / der sich aller ding angenom(m)en hat / vß zů richten / von inen allen rechnung zů gebe(n) / sunder auch der sich nur einer sach vnderwunden hat / vnd in dem selben fall formier also das libell.

Herr richter ich clag eüch von .R. der hat sich on mein heissenn meines geschäffts .N. vnderwunden vß zů richte(n) / vn(d) da sollichs Ticius sach der wolt sich aller meiner oder meines geschäffts vnderwunden haben / hat er sollichs vnderwegen gelassen / vnnd wann nun sollichs der genant .R. gewißt hat das er sich des genanten meins geschäffts vnderwand / darumb ist er pflichtig gewesen fürbaß alle mein geschäfft auß zů richten. Bitt (et)c. erkennen das er mir solle rechnung thůn / vnd den wert des schadens den er mit seinem argenlist oder grossem oder leychtem / vnfleyß gethon hat / mitt thůn oder vnderwegen lassen / oder mit bösem versehen / vnd das er mir das überig herauß gebe / vn(d) schaden ablege (et)c.

C. de nego. gest.

Item merck das in disem fall der Gestor darumb gestrafft wirt / darumb er das gewißt hat / das ein ander alles sein geschäfft wolt versehen vnd vßgericht haben / vnd darumb so sol er wissen / das er ist pflichtig rechnu(n)g zů thůn vmb alles ander geschäfft das er vnderwegen gelassen hat / das solt du im libell auch melden / vnd den schaden auch bitten abtzůlegen / den solt du dann nämlich in dem libel bestym(m)en / wo du aber nit gewißt hast das Ticius alles geschäfft wolt vßgericht haben / wann du dann ein ding vßrichtest so magst on straff von den andern geschäfften lassen / wann es ist gnůg das du erfreüwet werdest in ein wenig arbeit eines frembdens.

Co(n)tra nego. ges.

Item als dise clag gebürt dem / dem das geschäfft verwesen worde(n) ist / als gebürt sie auch widerumb dem der das verwesen hatt. Diser clag formier also dein libell.

ff. de nego. l. ij

Herr richter ich clag eüch vom .R. des geschäfft hab ich in gůttem glaube(n) on sein heissen mich vnderwunden / vnd hab sie nutzlich angehaben zů versehen vnd vßtzůrichten / vnd wann ich nun in den geschäfften des genanten .R. vßgeben hab .x. pfundt. Bitt eüch (et)c. mir die widergeben sol (et)c.

ff. de nego. gest. sed an. vltro.

Item es ist gnůg das du sollichs habest nutzlich angefangen vßtzůrichten vnd ob es nit zům nutzlichen end kompt.

ff. de nego. gest. si quis ma(n)dato ticij.

Item merck du habst die .x. pfundt vß deinem seckel geben / oder dich gege(n) eim andern obligiert / wan(n) du des pflichtig bist eben als ob du es nit habst.

Item du solt im libell nämlich bestymmen / warumb duß geben hast / vnd wie du sollichs schaden genommen habst.

Item vnderweyle(n) hat einer nit willen das ers alles / sunder nur eins wöll vßrichten vnd versehen / wan(n) in vier weg werde(n) d(er) nit anheimischen geschäfft od(er) gewerbe versehe(n) vn(d) vßgericht / als wo du hast in meine(m) namen ein pferdt kaufft vnnd ist dir übergeben worden / als bald ich das selb sttäte hab / mag ich dich beclagen das du mir das pferdt gebest. Also formier dein clage.

ff. de nego. gest. mandasti.

Herr richter ich clag eüch von .R. der hat mein geschäfft verwesen on gewalt oder vngeheissen / vnnd hat ein sollichs pferdt in meinem namen kaufft vmb .x. pfundt / vnd ist im übergebe(n) worden. Nun hat der genant .R. durch seinen grossen oder cleinen vnfleyß in nit der euiction waren versprechen lassen / wan(n) ich nun den genanten kauff stät hab / vnd bin bereit im das gelt darumb

(26) Das VI Blat

das pferdt kaufft worden ist zů betzaln / bitt zů erkennen das er mir das genant pferdt geben sol / vnd als mir das / dz er im nit geweret hat verspreche(n) lassen .x. ß. schadt / das er mir die .x. ß. auch betzalen sol / vnd das er (et)c.

ff. de nego. mandasti tutori. et. l. si negocia.

Item was im libell steet gebürt sich alles.

ff. c. si pupilli. §. idem sit.

Item was in meinem namen geschehen ist mag ich steet haben / vnd darnach gebürt mir dise clage.

Item nota in vier wege heißt diß geschäfft frembde / wan(n) dise clag gebürt mir vmb frembdes geschäffts willen.

Lura et sollicitudine.

Am ersten. Cura et sollicitudine / mit sorgfeltigkeit. Als wan(n) frembdes geschäfft mir gebürt zůuersehen / als ein vormund oder procurator / vn(d) als dan(n) bin ich schuldig / wo sollichs von eim andern vmb meinen willen vßgericht oder versehen würt. Re ipsa. Re ipsa / der habe halben. Ist das geschäfft mein wo du in meiner habe etwas vßgibst nottürfftiglich / vnd nutzlich etwas thůst / vnd also bin ich pflichtig hast du es in meinem namen gethan / hast du es aber in eins andern namen gethan dem das geschäfft nit zůgehört oder zůstůnde zů thůn / ich deßglychen aber schuldig vnd nit der selb.

Ratibabitiones. ff. c. si pupilli. §. Item queru(m). et l. si ego.

Item wo aber in etlichen wege dz geschäfft in antreff / sůch sollichs in Azone vnd Rofre. de nego. gest. mit seiner vnderscheide. Ratihabitione / mit vest oder stäte haben. Ist das geschäfft mein das in meinem name(n) geschehen ist / vnd ich hab stät gehabt oder gewilliget / dan(n) wen(n) ichs offenlich oder schwygent stät hab / so gewin(n) ich recht dartzů / als du hast gelt in meine(m) namen vßbracht ich hab es stäte / oder hast etwas gekaufft in meinem name(n) / das verwillig vn(d) approbier ich / das vßbracht exactum vnd gekaufft würt mein.

Ipso gesto. ff. c. soluendo.

Item in disem stäte habe(n) sůch aber Azonem wie ob stat mit seinem vnderscheid. Ipso gesto / mit d(er) that. Würt auch frembdes thůn als ob ichs gethan het / als wo einer mein glauber betzalt vnd ob wol solchs über meinen willen geschehe vnd nit wöste / wan(n) er löset mich wie wol er von meinen schuldener wider meinen willen nichts bringen oder vordern mag. Die natürlich vnnd rechtlich vernunfft redt vn(d) will / alienam conditione(m) / frembdes wesen mögen besser werden / des ders nit weißt / vn(d) auch des wider des willen dz geschicht aber dz wesen dz d(er) fre(m)bd nit weißt vn(d) nit wil / mag nit böser werde(n). ff. c. cu(m) pecunias. et. l. que vtiliter. §. vlti. Wan(n) er löset mich wo er in meinem name(n) betzalt vn(d) wolt aber ableschen die pflichtung der schulde / vnd wolt im etwan obligern oder einen verpflichten / vnd ob er sollichs in eins andern namen gethan hette den es überall nichts angangen hat doch er meynter were des schuldner. Ich bin im pflichtig vß diser clage / wan(n) ich mag nit reprobieren vnd widertryben das / das so gar nutzlich wider mich geschehen ist.

ff. c. l. iij. §. bacactione. C. c. curatorem.

Item dise clag gebürt in den obgeschriben puncten wo das versehen oder vßricht(e)n were / wan(n) es einer willigklichen gethan hette / wan(n) ers aber von notturfft wegen thůt / ist also ein besunder clage dartzů gemacht / als tutele vonn der vormundtschafft / so růwet dise / anders dise gebürt vtiliter / als wider den curatorem vormundt / oder aber wider den selben der do versicht dz gschäffte nit vß notturfft / sunder vß versehung der notturfft / vnd darumb die besunder clage pro tutela genant vßschleüßt dise nit.

(27) Der Erst Teyl

ff. c. cu(m) po(r)t. et de tu. et cu. da. ab bis. l. postumu(m).

Deßglychen ist wann eim geben würt ein vormundt dem der noch nitt geboren ist / Postumo / vnd die weyl Postumus nit geboren ist / gebürt dise clag vmb das das er die weyl versehen vnd vßgericht hat / were aber der geborn / so gebürt die clag tutele vmb beider gůt willen wider den vormundt.

ff. c. ss an vltro.

Item dise clag gebürt auch in disen puncten / so der der mit willen versehe(n) hat / hat solchs so es not gewesen ist gethan / oder ist nutzlichen angefanngen worden. Es ist nit gnůg das einer meynt er habs nutzlich angefanngen / wo du aber sollichs auß wollust thetest / gebürt dise clag dir nit / sunder man soll dich nit allein lassen die expenß abtziehen / doch on versehung der vorigen gestalt der habe.

Item vnderweyle(n) ist es nit gnůg das nutzlich angefange(n) ist / es můß nutzlich vollendet werden / also das der herre des geschäffts dester reycher werde / wann er ist nit anders oder auch nicht mere vnd fürbasser schuldig dan(n) in dem vnd rycher ist worden / das ist so das geschäfft des weysen versehen worden ist. Auch findestu meer casus die sůch in Azone.

Insti. de ob. que er quasi co(n)tract. §. Re.

Item vß solchem vßrichten üben oder versehen frembdes gewerbs oder geschäffts on heissen oder gewalt / sunder auß willen / seind gemacht zwo clage. Directa / die würt geben den herrn. Contraria die gebürt dem dem der versehen hat. Vnd was sich in ir yegklicher gebürt / hast du oben in den clagen / wz du aber harin(n) nit findest / sůch in Azone vnd Rofredo / wann du hast nit alle casus vnd vnderscheidt hierinne.

(1. T., VI.,13. K.) De actio(n)e depositi causa timoris incendij.

So du von forcht wegen des brinnens / vflauffs oder niderfallens / zů behalten geben hast / hast du dein habe von forcht wegen so es in einer statt brinnet / oder ein vflauff geschicht / oder so ein hauß nider wil fallen / oder ein schiff vnnder wil geen / eim zů behalten geben / vnnd er laugnet dir / gebürt dir dise clag wider den / dem du dein habe hast zů behalten geben / wan(n) er ist dir schuldig zwyfach wider zů geben.

ff. depositi. q(uo)d tumultus.

Am ersten můst du dein habe zů behalte(n) geben habe(n) vmb ein der genanten sachen willen / vnd das sollich sach vnd casus geschehen sey.

ff. de re. iud. si q(ui)s ab alio.

Am andern das die forcht redlich sey vnd billich. Also redlich wann bru(n)ne ein hauß in der andern oder ferrer gassen / were die forcht nit redlich.

vt in. l. quod tumultus. ff. depositi.

Am dritten das sollichs geläucknet werde das es nit zů behalte(n) geben worden sey / wann vmb sein leucken ist er schuldig zwyfach zů betzalen / bekent ers aber / so ist er nur einfach schuldig zů betzalen. Vnd formier also dise clage.

Herr richter ich clag eüch von .N. dem hab ich das vnnd das zů behalten geben in der zeyt als da es da bran / oder da mein oder meins nechsten nachgebawrs hauß wolt niderfallen / oder da der vflauff geschach / oder da dz schiff vndergeen wolt / die selben hab leuckendt er von mir ime zů behalten gebenn / vnd widerr sich sollichs mir wider zů geben. Bitt ich eüch sollichs erfarn (et)c. erkennen das mir .N. solch hab sey schuldig zwyfach wider zů geben / vnd das ers mir gebe / zwingt in dartzů mit zymlichen penen.

(1. T., 14. K.) De actione reiecte.

(28) Das VII Blat

So der weg in einen acker gekert ist.

ff. de via publi. si in agrum

Hat dein nachgebawr einen offen gemeinen weg in deinen acker gelegt od(er) gemacht / magstu in vmb solches beclagen / vnnd begern von ime dir deinen schaden abtzůlegen / souil vnnd dir vmb sollichs an den grund schadenn geschicht / vnd sol der gemeyn weg also blyben. ar. ff. ad. l. aquil. que(m)admodu(m). et C. de allu. l. j. Du magst aber selbs vnerlaubet / den weg wid(er) verschliessen vn(d) vermache(n) / das dz volck durch deine(n) grund nit gange.

Herr richter ich clag eüch vo(n) .N. der hat ein gemeyn weg in mein acker gemacht / darumb ich sollichs schaden nym(m) hundert gulden / der mein acker besser were / wer der gemein weg nit dardurch. Bitt ich eüch (et)c. erkennen das er mir sollich hundert gulden schuldig sey zů gebenn vnnd das er mirs gebe / zwingt in (et)c.

ff. si ser. ven. l. ij.

Merck / wan(n) mir mein schuld abgelegt würt / mag ich fürbaß de(n) weg nymmer abtryben / macht aber mein nachgebawr einen besund(er)n weg durch meinen grund / ich möcht sollichs durch dise clag nit abtryben / mir gebürt ein ander / die heißt negatoria.

Merck wan(n) d(er) gemein weg zerbroche(n) ist od(er) ich vo(n) eins bachs wege(n) den gemeyn weg nit geen möcht / ich mag durch deine(n) grund geen über deine(n) wille(n).

(1. T., 15. K.) Quod vi aut metus causa.

So etwas von forcht wegen geschicht oder vß zwingender gewalt.

Zwingt dich einer das du im etwas gebst oder verheist / hastu wider in dise clag mit der du dein habe wider bringst / vnd würst von im deins verheissens vnd geloben ledig geteilt.

ff. q(uo)d me. ca. l. me tum.

Am ersten gebürt sich das du durch solch forcht getzwunge(n) werdest die do zwingt ein stäten man(n). C. de tra(n)sac. l. interpositos. Es sol das zwingen in(n)halten forcht des todes / oder pein des lybes. Als / so dich dein feynd od(er) andere mit waffen oder an eine(m) strick od(er) mit and(er)n penen zwinge(n) zů gebe(n) od(er) globe(n) / bistu nit schuldig zů halte(n).

C. q(uo)d me. ca. l. ij.

Am andern das die forcht nit allein sey / so du verheist dein habe zů geben / sunder so du dein habe gibst getzwungenlich / wan(n) gibst du dein habe willigklich / wiewol du vor getzwungen bist worden / růwet dise clage.

ff. q(uo)d me ca. l. me tum.

Am dritten das das verheissen durch forcht geschehe / oder die habe geben sey / wan(n) dise clag hat nicht stat dan(n) in grossen dingen.

ff. q(uo)d me. ca. l. s.

Am vierden das der schade / das ist der todt oder pein des lybs / nahendt gegenwertig seyen.

C. de his q(uo) prop. me. iud. a. sen. appel. no(n) licet. l. ij. et. iij.

Am fünfften das solch zwingen geschehe an den enden da sich einer billichen förchten můß.

ff. l. isti quide(m)

Merck / es můß nit allwege(n) sein forcht des tods / gnůg ist es des selben glychen / als so ich hab ledig vnd frey gesagt mein eyge(n) menschen / er würt getzwungen von .N. der hat sein instrument in dem ich in frey gesagt hab / das er .N. gebe sein hauß oder er wöll verbrennen sein instrume(n)t / nym war geschehe sollichs / wan(n) ich hinfür meinem gefreyten zů sprecher were mein eygen / erwürd mir eygen geteilt / deßglychen zwingstu in dir zů geben oder er würt mir eygen geteilt / wan(n) er kundt sich der instrument vnd brieffe nit gebrauchen so sie verbrennet sein / deßglychen zwingstu mich dir zů gebenn oder du wilt mir mein frawen oder tochter schenden / die forcht sol in from(m)en vatter vnd můtter vnd

C

(29) Der Erst Teyl

eltern grösser sein / dan(n) die forcht des todes. Es ist nit not das der tochter zeytig zů helffen sey / sunder von angesicht / als wo stro oder beth gege(n)wertig sey.

ff. c. l. nec timore(m). ff. c. l. si partus

Item hatt einer geförcht den todt oder pein des leybes / es irt nicht ob sollich forcht kom(m)e vß seiner vergangner missethat oder nit / wan(n) würt begriffen der eebrecher oder dieb in seiner eebrechung oder steln / vnd gibt gelt das du in nitt tödtest / gebürt im dise clage / wan(n) es ist nit yegkliche(r) diebe oder eebrecher zymlich zů ertödten. Es hat auch stat die peen des rechte(n) genant Julia. de vi publica vel priuata.

ff. c. si q(ue) imp(re)ss(i)o(n)es. ff. de contraben. emp. l. no(n) licet

Item dem getzwungenen würt zů hilff kom(m)en durch Keyserlich constitutz so ich mit forcht vndergetruckt vnd getzwungen würde vom magistrat / vnd gib im darumb zů kauffen / dasselbe sol mir widergeben werden vnnd dartzů behalt ich dz gelt mit. Auch würt d(er) magistrat an die habe vierfach verda(m)pt.

ff. de va. et extra or. cog. l. medico

Item durch den richter so mich ein augen(-)artzt zwinget im zů gebenn oder geloben / oder wil mir böse artzney geben / solichs sol durch den richter gestrafft werden / vn(d) zů vor der contract widerrüfft werden. Merck auch ob du durch solch zwingen schaden nemest oder nit / wan(n) nymbstu nit schaden / als do dich dein creditor zwingt dz du in betzalst / dir gebürt dise clage nit / wan(n) die natur diser clage erheischt / dz dir schade(n) geschee. Deßglychen hab ich dich getzwungen das du mir gebest oder thůst / vnd du zwingest mich von stund an wider das ich dir die habe durch forcht von dir getzwungen widergebe / das bin ich von rechts wegen schuldig gewesenn zů thůn / bist du mir schuldig / aber dem schuldner gebürt wider sein creditor dise clage / die do heißt edictum diui marci. wan(n) der creditor hat durch solchen gewalt verlorn sein schulde / vnnd was er also genom(m)en hat sol er dem schuldener widergeben.

ff. de dolo. l. arbitrio.

Item darumb das die clage so billich ist / mag der getzwunge(n) / seinen schaden mit seinem eyde behalten.

In diser clage esein vil Capitel.

ff. de rei. ven. si in rem q(uo)s agat. ff. q(uo)d me. ca. l. si cu(m) exceptio(n)e. §. in bacatione.

Das erst würt geben wider einen yegklichen de(n) die habe würt / hat er macht die habe wider zů geben / die habe sol auch mit seinem zeichen bestympt werde(n) wan(n) die clage ist vff die habe / daru(m)b sollen die zeiche(n) bestymbt werde(n). Es ist nit not clage zů setzen wer dich getzwunge(n) habe / wan(n) solich forcht hat nun vermessenheit / vnd besunder sollichs in d(er) nacht od(er) mit reisigem zeüge geschicht.

Also formier dein clage.

Herr richter ich clag eüch / das ich durch forcht die eine(m) stäten man(n) zwingt hab gebe(n) ein wyß pferdt / vn(d) als .N. dz selbig pferd besitzt. Bit ich eüch solchs erfarn souil vnd gnůg ist / vnd mit eüwerm rechtlichem spruch erkennen das mir der genant .N. das selbig pferdt wider soll geben mit der nutzunge dauo(n) empfangen vnnd die dich yngenom(m)en möcht haben / die schätz ich .x. gulden / vnd ist das er mir das pferdt vnd nutzung vorgenant in der zeyt ym vo(n) eüch gesatzt nit wider gibt vnd betzalt. Bitt ich eüch das ir erkennet das er mir sollichs vierfeltigklich die habe vnnd nutzunge zůsamen gerechet sol betzalen / vnd das er mirs gebe zwingt in dartzů (et)c.

ff. q(u)o me. ca. l. si cu(m) exceptio(n)e. §. s et ij. et insti. de offi. iud(i).

Item geyt der besitzer die habe nit in der zeyt ym vom richter auffgesatzt / so hat er mit vier monat nach dem vrteil frist zů betzalen / sunder er ist von stund an schuldig die habe mit aller nutzunge oder frucht vierfach zů betzalen oder

(30) Das VIII Blat

drey mal als vil zů der habe vnd nutzunge gerechent. Betzalt er aber in diser zyt vom richter vff gesatzt / er ist die habe vnd nutzung nur einfach schuldig.

Das ander capitel wirt geben wider den der gezwu(n)gen hat / vnd dan(n) wirt bestympt die person die gezwungen hat / vnd wirt hier in nit angesehen / oder macht hab die habe wider zů geben oder nit.

ff. q(uo)d me. ca. l. ss et partus.

Herr richter ich clag eüch über .N. der hat mich gtzewunge(n) (= getzwungen)durch forcht die do zwinget ein steten man(n) das ich ym geben hab mein rots pfert. Bit ich vch solichs erfarn so vil vnd gnůg ist / vnd mir ewerm rechtlichen spruch erkennen das mir der genant. N. myn pfert sol wider(-)geben mit der nutzu(n)g do von entpfangen / vnd auch den nutzungen die ich die weyl do von entfange(n) hette / die ich schetz .x. gulde(n) / vnd das er auch globe kein vntrew ym wider geben das pfert darin thüe / das die habe nicht schwecher sey worde(n) / vn(d) zwingt yn dar zů / die vnderscheit zwischen der obern vnd vndern clage wirt benent die person die gezwungen hat / wan(n) nit allein die yngeno(m)men nutzunge / vnd die yngeno(m)en möcht werden / sunder allen schaden de(n) die habe nympt ist er schuldig zů kere(n) als der dieb. ff. q(uo)d me. ca. l. me tum. §. iulian. Er ist schuldig das er globe nicht vngetrewelich mit der habe vmb zů geen.

Das drit capitel wirt gebe(n) wider den der nit gezwunge(n) hat / auch nit macht die habe wid(er) zů gebe(n) / er hat aber gewyn(n) auß meiner habe geno(m)men / wan(n) die habe mir abgetrungen ist / vmb sunst geben worden / vnd er hat die habe verkaufft vn(d) das gelt yngeno(m)men vn(d) die hab ist dar nach vergange(n) / gebürt mir dise clage dz er mir gebe den gewin den er vß meiner habe entpfang hat.

Herr richter ich clag euch das ich durch vorcht die eine(n) steten ma(n) zwinget bin bezwungen worde(n) myn rots pfert hin zů geben das selbig pferd ist auß gewinlicher sach .R. worde(n) der selbig .R. hat das selbige pferdt .T. zů kauffen geben vmb .x. gulden / die er im also bar betzalt hat wann nun das pferdt todt ist. Bitt ich eüch das ir sollichs erfart so vil vn(d) gnůg ist / vn(d) mit eüwerm rechtlichen spruch erkennet das mir der genant .R. die .x. gulden die er vß meiner hab empfangen hat sol wider geben / vnd das er mirs gebe zwingt in dartzů vnd ist das er mirs in vier monaten nach dem vrteil nit gibt. Bit ich eüch dz ir erkennet das er mir die .x. gulden geben vnd vierfach sol betzalen / vnd das er mirs betzale zwingt in dartzů (et)c.

C. de rei ven. l. A in rem.

Merck wann die hab vorhanden were / het ich ein zůflucht nach der habe / vnd möchte nit vff das recht clagen.

Das vierdt capitel hat stat so ich will das der contract sol abgeschnitten werden vnd die habe dan(n) wider werden.

ff. q(uo)d me. ca. l. me tum. §. sed. q(uo)d pretor. ff. q(uo) me. ca. l. si cu(m) exceptione.

Herr richter ich clag eüch das mich .N. betzwunngen hat durch forcht die einen stäten man(n) zwinget / das ich ym mein rot pferdt vmb .x. gulden hab zů kauffen geb(e)n die er mir betzalt hat mit barm gold / wan(n) ich nun bereit bin ym die .x. gulden wider zů geben. Bitt (et)c. erkennen das er mir das genant pferdt wider sol geben / vnd das er mirs wider gebe (et)c. vnnd ist das er mirs in der zeyt ym von eüch vffgesatzt nit wider gibt. Bitt ich eüch zů erkennen das er mir dz genant pferdt (et)c. als in dem ersten capitel / das alles das man ist einfach wid(er) zů gebe(n) schuldig / würt es im ersten vrteil nit betzalt / můß vierfach bezalt werden. Doch in(n)erhalb des iares vn(d) d(er) getra(n)g geschehe(n) ist / übers iare nur einfach.

C ij

(31) Der Erst Teyl

Merck / das ich durch forcht wie obstat geben hab / vordern ich wider zů geben das ich verheissen oder verlobt hab / halt ichs nit das abgelassen mag ich vordern mit diser clage.

ff. q(uo)d me. ca.

Item es halten ettlich doctores das gott selbs die wort durch den pretorem geredt hab die da steen. Was durch forcht geschicht / werde ich nit stat halten

Extra d(er) iud(ex). nouit. §. vlti. Aber dise wort werden durch die geistlichen recht declariert / vnnd besunnder wo durch forcht ein eyd geschworn würt / ob der selb eyd gehalten sol werde(n) od(er) nit / solliches sol allein der geistlich richter erkennen.

(1. T., 16. K.) Actio de dolo.

Von argem list vnd betriegen.

Zů vnsern zeyten betreügt einer den andern so wir mit einander contrahieren vnd handel tryben / darumb ist ein clag gemacht die heißt de dolo.

Dolosus heißt einer d(er) do betreügt / dolus vngetrewe od(er) betriegu(n)g od(er) argelist.

ff. c. elega(n)ter i. p(e)n.

Am ersten ist notturfft das betriegung hab vrsach geben de(n) contract oder sey in contract kom(m)en. Exemplum / betriegung geyt vrsach dem co(n)tract so ich keinen willen hab das mein zů verkauffen / du ratest aber ym(m)er das ich sol verkauffen vnd setzest vrsach / vnd ich glaub dir / vnd also verkauff ich dir mein habe / darumb das du mirs ratest / alßdann geyt die betriegung vrsach dem contract / ist dan(n) der contract bonefidei / so ist der contract von rechts wegen nullus vnbündig vnd für nicht / vnd bist nit schuldig den co(n)tract zů halten / du magst sprechen so du angelangt würdest du seyest betrogen worden / vnd ist exceptio peremptoria / das ist souil das dise exceptio zerstöret gentzlichen die clag des anclagers. ff. c. elega(n)ter. Wer aber die hab gebe(n) worde(n) / so wer die eyge(n)schafft übergebe(n) / du magst die habe wid(er) vordern vnd wider bringe(n) durch dise clage.

C. de nuti. stipu. s. si dolo. Ist aber der contract stricti iuris / so beleybt er / aber er würt abgetribe(n) durch dise clage / ist das die habe geben ist. Sunst würt dem betrogen ewigklich geholffenn durch die exceptio / du magst allweg sprechen ich hett sollichs nit gethan het ich die vntreüw vn(d) das es nit war were gewesen gewist. ff. de act. emp. et ven. l. interens q(ue) scie(n)s. §. pr(eto)rium. Die vntrew kompt in dem contract / so ich willen hab etwas zů verkauffenn / du hast aber mirs vernicht / oder gesagt es gelt mir souil nit / vnd vff sollichs hab ich dir zů kauffen gebenn das .xx. gulden wert ist gewesen vmb .vij. Ist dann der contract bone fidei / würt gerechtfertiget die betriegu(n)g biß vff den hindersten pfenning. ff. de dolo. l. j. §. sit pretor. Ist aber er stricti iuris der contract bestätet / aber denen betrogenen gebürt die exceptio wie obstat / möcht aber dem betrogenen mit der exceptio nitt geholffen werden / als so er die habe gebe(n) het / gebürt ym dise clag vmb des willen das der betrogen sol gar nicht am schaden ligen.

C. de transac. l. cu(m) donationis

Am dritten / ich sol nit wissen das betriege(n) so ich betrogen wurde / wan(n) de(m) d(er) dz weißt vn(d) seine(m) wille(n) daryn gibt / de(m) beschicht die vntrew nit wid(er) recht.

ff. c. non debet.

Am vierden / dz der betrieger nit sey ein leychter mensch / vnd der betrogen erbers wandels / edel oder wirdig.

C. de dolo ma. l. vlti.

Am fünffte(n) / dz vo(n) d(er) zyt als die betrieg(u)ng geschehe(n) ist zwey iar nit vergangen sey.

ff. c. l. ij.

Am sechste(n) dz kein and(er) clag stat hab / also vsserhalb des co(n)tracts vntreüw geschicht / als stelen / rauben / oder ander malefitz.

ff. c. sed si dolo. §. vlti.

Am sybenden / das der betrieger in der clag bestympt vnd benent werde.

(32) Das IX Blat

Merck / ist das nur der contract ist geschehen vnd die habe nit geben ist / ist not das du clagst wann dich hilfft die exceptio / ist aber fürter procediert also das die habe geben ist vnd der contract bone fidei.

Also formier dein clage.

Herr richter ich clag eüch von .N. der hat mich mit listen vnd betriegliche(n) dartzů bracht das ich im zů kauffen geben hab mein erb oder rock / das het ich sunst nit verkaufft / vnd hab im das erb oder rock übergeben. Bitt ich (et)c. erkennen das er mir sollich erb oder rock sol wider geben / vnnd das er mirs gebe (et)c. So aber die vntreüw kommet inn contract.

Formier dein clag also.

Herr richter (et)c. das ich willen het meinen rock zů verkauffen vmb .xx. gulden / nun hat er mich betrogen in zweyen pfenningen. Bitt ich eüch als vor.

Item was du herin(n) nit vindest / sůch in Azone vonn diser clage / die ist mer zů mercken von der exception wegen dan(n) von der clage wegen.

Dolus.

Item dolus vntreüw oder argelist ist ein betrieglich listigkeit den andern zů betriegen / vnd man brüfft sollichs in de(m) so einer ist nit als fleyssig in frembder habe als in seiner habe / vnnd das briefft man in dem das er sich in seinen vnd frembden haben nit glych helt.

Magna negligentia.

Magna negligentia / grosser vnfleyß der do kom(m)et auß narrheit oder thorheit / wan(n) wie wol er in seiner habe vnd frembder habe sich glych helt / vnd darin(n) wont / man brieffts aber in dem wol / das er sollichs nit bewart vnd fürsicht als sich sollichs gemeinlich vnder den menschen gebürt vnd erheischt.

minor negligentia.

Minor neglige(n)tia / leychter vnfleyß ist ein vnfleyß d(er) do kom(m)et vß mindern oder eim cleinerm fleyß / wann wie wol er in seiner vn(d) frembder hab sich gleych helt / vnd auch in solcher maß vn(d) weyse als sich gewonlich vnder den menschen gebürt vnd heischt / man brieffts aber in dem das er yetzundt nit als fleyssig ist als er vor gewesen ist do der contract geschach.

Leuis culpa.

Leuis culpa / der leychts vnfleyß ist do einem gebricht an d(er) weyßheit die in von natur in menschen gefunden möcht werde(n) / das ist das er alles das thůn vnd versorgt solt haben das ein weyser versorgt hette vnd gethan / vnnd das briefft man in dem das ym gebrochen hat an der hohen weyßheit.

Item in ein gemeyn soltu wissen das des vnfleyß getzalt wirt / das versorgt solt worden sein / vnd wan(n) einer des grossen / leychten / leychtsten vnflyß / oder arglistigkeit pflichtig sey / würst du in yegklicher clage sunderlich haben.

Casus fortuit.

Casus fortuitus / ist ein beschert verdamnüß oder behůt dem nit widerstanden möcht werden / als so der donder / hagel / od(er) ander vnrat von hymel kommet kompt vnd die habe zerstört / oder die feynde hinfüren oder zerstören.

Ite(m) vo(n) diser materien hastu auch hernach in de(m) titel vo(m) kauffer / am letste(n).

(1. T., 17. K.) De actione furti manifesti.

Von offenlichem diebstal.

So dir einer raubt oder offenlichen stilt das dein / gebürt dir dise clage / vn(d) sol dir die rauberey oder diebstall vierfach wider werden / wann ein yegklicher rauber ist ein dieb.

Am ersten gebürt sich das die habe frembd sey / vnd můß farende habe sein.

C iij

(33) Der Erst Teyl

insti. de ob. q(ue) ex delic. nas. §. furtum. ff. c. l. i.

Am andern das die hab gewandelt were wider den willen des / des sie ist / wann diebstall vnnd raub ist ein vngetreüw handelung / oder ein gebrauch frembder habe widers herrn willen.

insti. c. §. placuit

Am dritten das der / der die habe brauch wisse das er es brauch wider des herrn willen / es werd dan(n) bewisen dz ers brluch (= brauch) mit des hern willen / findestu exempla. ff. c q(uo) vas. §. potare. Aber wir versteen das sollichs alweg sey wider des hern willen / es werde dan(n) bewisen das der herr seinen willen daryn geben hab.

Am vierden / das der dieb begriffen oder gesehen werde ee dan(n) er kompt an das end da er den tag blyben wil / sollichs wie obstat gebürt sich wider den der den diebstall gethan hat / wilt du aber clagen wider den der hilff oder rat dartzů geben hat seind dise notturfft.

ff. c. furti. actio (et)c. l. vestre. §. opere et consilio.

Am fünfften das er hilff vnd rate dartzů geben habe.

Wie wol aber einer rat oder hilff zům rauben geyt / gebürt wider yn nit dise clag / sunder die ander die heißt furti non manifesti / das ist ein heimlich diebstall / von der selben clag du hernach würst haben.

Also formier dein clage.

Herr richter ich clag eüch von .R. der hat mir gestoln ein pferdt das ist .x. gulden wert / das selb pferdt het ich gelobt oder verheissen a n dem selbige(n) tag .N. bey einer peen .x. pfundt zů geben / vnd wan(n) nun der genant .R. ee dan(n) er kome an die statt do er den tag wolt belyben / ist gesehen worden oder begriffen mit dem gestoln gůt oder habe / vnd so ich nun von des genante(n) diebstals wegen dem genanten .N. das selbig pferdt nit geben mocht / vnd bin darumb in die peen zehen pfundt gefallen. Bitt ich eüch sollichs erfarn souil vnd genůg ist / vnd mit eüwerm rechtlichen spruch erkennen das mir der genant .R. den wert des pferts vnd die verheissen peen vierfach schuldig sey zů betzalen / vn(d) das er mirs betzal zwingt yn (et)c. Hast du aber die habe nit hingelobt bey peen darffstu die peen in die clag nicht setzen / wann aber die gestolen habe were offenlich ein pfandt / gebürt dir auch dise clag / wan(n) sie gebürt auch dem der die habe inngehabt hat vß etlicher vrsach also.

Herr richter ich clag eüch über .N. vnd sag wie er hat ein pferdt / das selbig pferdt mir ist als zů pfandt versetzt vmb .x. gulden von .R. meinem schuldener / das selbig pferdt on mein schuld hat er mir gestolen / vnd wann er nun ee dan(n) er kome an das ende do er den selben tag bleyben wolt mit dem pferdt gesehen oder begriffen ist worden / vnd es schadt mir vmb .x. gulden das ich das pferdt nit hab. Bitt (et)c. erkennen das mir der genannt .N. mein schaden vierfach das ist .xl. gulden sol betzaln vnd geben / vnd das er mirs gebe (et)c.

l. iulia. de vi publica vel priuata. Deßglyche(n) ob dir ein pfert gelühe(n) were dz du etwz mit thetest / vn(d) ee sollichs geschehe / würde dirdz pfert gestole(n) / magstu auch clage(n) vn(d) deine(n) schade(n) vierfach vord(er)n wie obstat / aber nit das pfert od(er) seinen wert / wan(n) die eygenschafft des pferts dein nit ist / der des die eygenschafft ist / möcht auch criminaliter clagen vff den dieb oder rauber vß dem rechten iulia.

Item wer die seind die dise clag füren mögen. sůch insti. de ob. que ex delic. nas. §. furti. et vs q(ue) ad. §. in summa.

Item mit diser clag vorderstu nur die peen / vnd die ist vierfach als die habe wert ist / aber die habe magstu sunderlich vord(er)n mit einer hernach geschriben

(34) Das X Blat

clage. de furtiua conditione.

insti. de perpe. et. temporis. acti. Item dise clag ist ewig. Mit diser peen als die clage vonn dem heimlichen diebstall die ist auch ewig / aber sie ist nur zwyfach / vonn der selbenn hast du auch hernach geschriben.

(1. T., X. Bl. 18. K.) De actione furti aduersus nau. cau. stab.

Von diebstal vnd(er) die schiffman / weinschenck / tabernierer vn(d) stalmeister.

ff. c. l. j.

Es ist ein ander clag auch von diebstals wegen / die gebürt wid(er) den schiffman / weinschencke(n) vn(d) tabernierrer od(er) wirt / vn(d) stabulariu(m) zů de(m) man die thierer stellet / wan(n) etwas vo(n) yn od(er) eim fryhe(n) menschen vo(n) ir eine(m) dartzů bestellet gestolen würt / sollich diebstal sol zwyfach wider geben werden.

ff. c. l. j.

Am ersten gebürt sich das der der die kauffmanschaftz nympt sey ein schiffmann / tabernierer oder stalmeister.

Am andern das der die habe hab.

Am dritten das der diebstal sey geschehen von dem der das schiff regiert od(er) einem andern der im schiff sey gewesen vmb farends willen.

ff. fur. aduer. nau. cau. sta. l. j. §. j.

An dem vierden das der schiffman / tabernierer oder stalmeister hab die habe in sein hůt vnd sorge genommen.

Item es sol auch der diebstal geschehen sein von denen die ynwoner seind im schenckhauß oder dem stall / wan(n) geschehe sollich diebstal von den bilgern botte(n) oder and(er)n die in die schiff kom(m)en / were der schiffman nit schuldig durch diese clag / sunder durch ein ander hernach geschriben.

ff. c. l. j. §. j.

Geschehe aber der diebstal von den genanten personen / weren schuldig die regierer / schiffman / tabernierer oder stalmeister das gestolen gůt zwyfach wider zů geben durch dise clage.

ff. c. l. licet. §. in factum.

Ite(m) es můß auch die person bestympt werde(n) die de(n) diebstal solt gethan han.

Also formier dein clage.

Herr richter ich clag eüch von .N. in des schiff / tabern od(er) stall ich mein habe gethan oder gesatzt hab / die selb habe ist mir gestolen worden von .R. vnd ist .x. gulden wert gewesenn. Bitt ich (et)c. erkennen das mir der selbe .N. die genanten habe sol zwyfach betzaln / vnd das er mirs betzale zwingt yn (et)c.

ff. si. ser. ven. Id cuius.

Dich möcht wunder warumb der schiffman mir die kauffmanschatz in seinem schiff gestoln von einem andern betzaln solle / so doch die recht vßweysen / dz die peen allein straffen sollen die die es gethan handt / od(er) sunst sol die peen nit weyter reichen. Es ist war vonn gemeinen rechten / aber in disem fall so mein knecht sündet bin ich schuldig von der selb sünde wegen. ff. nau. cau. stab. l. j. ct. ij. §. j. Vnd ist dz die vrsach wann die schifleüt (et)c. haben gewonlich sollich böse leüt zů dienern / vnd das sollich boßheit vnd vatreüwe vndertruckt vnd gehindert werde vnd fürkom(m)en / ist sollichs vom rechten vffgesatzt.

(1. T., 19. K.) Ex edicto naute caupones stabularij. vt accepta restituant.

Aber von diebstal wider die schiffman / tabernierer vnd stalmeister.

ff. nau. cau. stab. l. iij. §. vlti.

Noch ist ein clag wider die schiffman / tabernierer vnd stalmeister vo(n) diebstals

C iiij

(35) Der Erst Teyl

wegen so in dem schiff (et)c. gestolen würt / vnd ist die clag nur einfach / vnd durchecht die habe.

ff. c. l. j.

Am ersten gebürt sich das der wider den du clagst / sey schiffmann / tabernierer oder stallmeister.

ff. c. l. j.

Am andern das du dein habe in das schifftabern (et)c. gethan habst.

Am dritten das der schiffman(n) taberner (et)c. die habe (et)c. in sein hůte genom(m)en hab / die habe sey im schiff am gestad oder dabey / also das er es weiß.

Also formier dein clage.

Herr richter ich clag eüch von .N. in des schiff ich sollich mein kauffmanschatz gethan habe mit seinem wissen / vnd er hat solche habe in sein hůtte genommen / sollich habe ist mir gestolen worden. Bitt (et)c. erke(n)nen das er mir solliche habe wider geb(e)n sol / vnd das er mirs gebe zwingt in (et)c. ff. furtus aduer. nau. cau. stabu. l. vnica. In diser clage ist der schiffmann schuldig die habe / oder den wert wider zů geben / wann er hat die habe in sein hůtte genom(m)en / darumb er stäl es oder ander leüt / er ist schuldig wider zů geben. In der vorgeschriebenen clage die zwyfach ist / kompt auß malefitz ist der regierer / schiffmann / taberner (et)c. nit schuldig / wan(n) die bottenleuffer / oder waller (et)c. die habe gestolen haben.

(1. T., X. Bl. 20. K.) Serui corrupti.

So dir dein dienstbott verfüret würt.

Vnderweylen würt gestolen von de(m) haußgesinde durch rate frembder leüte / darumb hast du einen eygnen menschen vnd ich verfüre sein gemüte. Also so er frum(m) ist / mach ich yn böse / oder vngehorsam / oder so er böse ist mach ich yn böser / gebürt dir dise clage wider den verfürer zwyfach.

In dieser clage ist not.

ff. c. de dolo.

Am ersten das einer vngetreüwlich verfüre dein eygen menschen.

ff. c. l. j. §. persuadere.

Am andern das vß solchem bösen rate der eygen mensche böser werde.

C. de für. si quis seruo. et. ff. c. l. j.

In diser clag würt dir verdam(m)ung in wert der habe die der eygen mensch gestolen hat zwyfach.

Herr richter ich clag eüch von .N. der hat .R. mein eygen mensche(n) verfürt vnd ym geraten / das er mit einer thörin hinweg gelauffen ist / vnd mir mein habe mit genom(m)en hat / wan(n) nun der genant .R. vß solche(m) rate ist böser worden in .x. gulden / wan(n) er ist mit einer thörin hinweg gelauffen / vn(d) mir mein habe genom(m)en / vnnd hat mir sollich mein habe die wol .x. gulden wert ist mit ym genom(m)en / oder mir gestolen als er fliehen wolt. Bitt zů erke(n)nen das er mir den wert der gestolenen habe / vn(d) die .x. gulden (der) er böser worden ist zwyfach / das ist viertzig gulden betzalen vnd geben sol / vnd das er mir es gebe (et)c.

ff. de l. j. vin.

Dise clag würt nit allein geben wider den der den eygen menschen verfürt sunder auch wider den der einem seinen sun / tochter / eehalten oder diener verfürt / wan(n) schwärer sündet der / d(er) den freyhen verfürt / dan(n) den eyge(n) mensche(n).

ff. q(ue) vi aut clam. §. i b. interdicto.

Item den schaden den du nymmest von sollicher verfürung / magst du beweysen mit dem eyde / wann sollicher schaden kompt vß malefitz. Doch sol sollicher schade vor von dem richter vorgeschätzt werden / als du sollichs glyche(n) hernach vindest / wie der schade vom richter vorgeschätzt vnnd darnach mitt dem eyde bewisen sol werden.

(36) Das XI. Blat

(1. T., XI Bl. 21. K.) Vi bonorum raptorum.

Von dem raub farender habe.

insti. c. is q(ue) res alie.

Nympt dir einer dein farende habe mit gewalt / hat statt dise clag / vnnd ist dir der rauber im erstenn iar vierfach schuldig die habe wider zů gebenn / aber nach dem iar vnd das geschehen ist / nur einfach. insti. d(e) pub. iud(ex). §. ite(m) lex iulia peculatus. Ein sollicher rauber möcht auch criminaliter mit de(m) rechte(n) iulia. d(e) vi publica vel priuata. gestrafft werde(n).

inisti. c. §. meli.

Item diser clag gebürt am erste(n) dz die habe farend sey die geraubet ist.

ff. c. p(re)tor. et insti. c. §. j.

Am and(er)n dz die hab frembd sey / wan(n) raub ich mein eygne hab / bin ich nit diser clag schuldig. Sund(er) d(er) clag. si quis in tanta(m). C. vn(de) vi. vo(n) d(er) du hernach habe(n) würst.

ff. quod. me. ca. extat.

Am dritte(n) dz sollichs mit vntrew dz ist in raube(n)s weyß geraubt werde / wan(n) gelaubt einer dz er sollichs recht het wirt er nit getrafft mit disem rechte(n). sed ex dicto diui Marci. ff. c. p(re)tor. §. hac. actio(n)e. ex insti. c. §. j. Sunder mit einem andern hernach geschriben / die sich anhebt der weyß Keyser Marcus.

ff. c. pretor.

Am vierden das das mit hinnemendem gewalt geschehe.

insti. c. §. sanc.

Am fünffte(n) dz der d(er) dise clag fürt / beweyse dz er durch solliche(n) raub ym geschehe(n) die selbe(n) hab ym vß etlicher sach gebürt zů habe(n) / als ob ym ein pfert geluhe(n) wer worde(n) dz etwa(n) zů gebruche(n) / od(er) ym etwz zů behalte(n) gebe(n) wer worde(n).

ff. c. pretor. §. bet. actio.

Ite(m) mir gebürt dise clag / du raubst mich / oder deine diener / ich můß auch mit beweysen wölcher vß deinen dienern mich beraubt habe.

Herr richter ich clag eüch dz .B. hat mir raubliche(n) genom(m)en ein tots pfert dz ist .x. gulde(n) wert. Bitt ich (et)c. erke(n)nen dz mir d(er) gena(n)t .B. dz bestymbt pfert mit dryfache(m) wert dz ist .xxx. gulde(n) sol wid(er) gebe(n) (et)c. vn(d) dz er mirs gebe zwingt yn (et)c. wer aber dz pfert vergange(n) / so wer er die .x. gulde(n) vn(d) dreyfachen wert / dz mach .xl. gulden schuldig / das haupt(-)gelt vn(d) wert zůsamen gerechent.

Hat dir einer ein pferdt gelühen gen .N. zů reyten / vnd dir wer das pferdt genom(m)en ee du dar kom(m)en werest / magstu also clagen.

Herr richter ich clag eüch das .B. mir raublich hat ein tots pferdt genommen / das hat mir .H. gelühen biß gen .N. zů reyten / wann mir nun sollichs rauben schadt zehen pfundt / das ich das pferdt nit gebraucht hab. ff. quod me. ca. (et)c. mulier. Bitt (et)c. erkennen das mir der genant .B. das pferdt mit vierfache(m) schaden / das macht viertzig pfundt / sol wider geben / vnd das er mir es gebe / zwingt yn (et)c.

Item merck dz dise clag nit allein gebürt mit vmb raub / sunder auch vm(b) schaden / so einer volck samelt / vmb des willen das er schade(n) thůn wölle / vn(d) sollichen schaden ist er schuldig wider zů keren vierfach.

Also formier dein clage.

ff. de vi bo. rap. l. ij.

Herr richter ich clag eüch / das .N. hat gesamelt sollich volck / vnd mit solliche(m) volck hat er mir so vil haupt vihes ertödt vn(d) gewunt / den selbe(n) schaden schätz ich vff .x. gulde(n). Bitt (et)c. erke(n)nen dz er mir schuldig sey vn(d) sol den schade(n) viefach dz ist .xl. gulde(n) betzale(n) / vn(d) kere(n) / vn(d) dz erst thů zwingt yn (et)c.

ff. de vi. bo. rap. l. ij.

Merck / das er schuldig sey vierfach de(n) schaden zů betzale(n) / er hab den schaden selbs gethan oder nicht / genůg ist das ers dartzů gesamelt hat den schaden zů volbringen vnd ob er nur selb ander ist gewesen.

Ite(m) merck dz d(er) gesamelt / wan(n) er hat hand angelegt / vn(d) schade(n) gethan / ist er auch allen schade(n) der geschehe(n) ist vierfach wider zů keren schuldig.

(37) Der Erst Teyl

ff. vi. bo rap. l. ij. si q(u)o no(n) boies.

Herr richter ich clag eüch dz .T. volck gesamlet hat das sie mir schaden theten / die selben gesamelten haben mir schaden gethan / souil vihes getödt oder hingefüret / das schätz ich .x. gulden / vnd wan(n) nun .R. einer ist gewesen vnd(er) den gesamelten / vnd auch mit seiner eygen handt schaden hatt gethan. Bitt ich eüch (et)c. sollichs zů erkennen / das er mir schuldig sey den schadenn vierfach zů betzalen / vnd was er mirs betzale / zwingt (et)c.

Also hast du .iij. capitel des edicts.

Item wan(n) einer das volck nit samelt / sunder das dz volck vmb ander sachen willen gesamelt ist / als vor einer kirchen / oder an einem gericht (et)c. / vnd es kompt einer vn(d) spricht / was steend ir hie so müssig / seyt ir frum(m) leüt so gehört eüch zů das ir dz übel straffet. Nun hat mir .T. das mein genom(m)en vn(d) mich dartzů geschlagen. Es were gůt das wir in strafften / vnd also eylten die gesamelten vnd theten .T. grossen schaden an seiner habe / also ist der der die gesamelten vffbewegt hat schuldig den schaden den sie also wie obstat gethan haben zwifach wider zů geben.

Herr richter ich clag eüch vo(n) .B. der hat dz volck vor sant Michels kirche(n) gesamelt vmb der gemeyn willen / der selbige .B. hat mir vntreüw das volck bewegt das sie mir grossen schaden an meiner habe gethan haben / den schaden schatz ich vff zweintzig gulden. Bitt (et)c. erkennen das er mir den wert des genanten schade(n)s / das macht viertzig gulden betzalen vnd keren sol / vnd dz er mirs betzal zwingt yn (et)c.

ff. vi bo. rap. pretorait.

Merck / das der der das volck nit gesamelt hat / sunder darbey gewesen verschuldt so vil nit als d(er) dz volck samelt / darumb wirt er nit als hert gestrafft.

Merck / das die von der genante(n) schar was sie mir ihren hande(n) schade(n) thůn / sie sein auch den schaden zwyfach zů betzalen schuldig / vn(d) dz würt das fünfft capitel diser clage. Also formier dein clage.

ff. vi bo. rap. l. pretor. §. si quis aduentu suo.

Ich clag eüch herr richter / das ein menige des volcks gesamelt vor d(er) kirchen sant Michels / vnd vmb böser bewegung willen hat mir .B. schaden gethan an meiner hab vff .xx. gulden wert / wan(n) nun .P. auch einer ist gewesen vnd(er) de(m) selbe(n) volck / vn(d) hat auch mit seiner eyge(n) hand schade(n) getha(n) / mir mein thier ertödt vn(d) verwu(n)t. Bitt (et)c. erkenne(n) dz mir d(er) selbig .P. den wert des schadens / dz macht .xl. gulden sol wider gebe(n) vn(d) betzale(n) / vn(d) dz er mirs (et)c.

insti. c. ti. §. quadrupliciter.

Item merck das dise vierfach ist dreyfach die peen / vnd das einfach durchecht die habe. Aber in der clage vom offen diebstal ist dz vierfach allein peen / vnnd die habe magst du vordern mit einer besundern clage genant von vorderung der gestolen habe.

de conditio(n)e furtiua.

Item dise clage gebürt vnnder dem iar vmb die peen / vnnd nach dem iar hat sie nit stat vmb die peen.

insti. vi bo. rap. in prin. (et)c.

Item merck das kein böser dieb ist dan(n) der offenlichen raubt.

(1. T., 22. K.) De actione iniuriarum.

So einer de(m) and(er)n schmacheit gethan hat od(er) laster mit worte(n) od(er) sunst.

In diser clage würt dz wort iniuria genom(m)en für laster / schand / schmachheit oder scheltwort / damit man eim sein ere oder gůtten lewmůt nympt oder abschneyt. Nun mag ein yegklicher den and(er)n lestern od(er) schmähe(n) schende(n)

(38) Das XII. Blat

on narren oder kidne die vnder .xij. iarn seind meydlin / vn(d) knabe(n) vnder .xiiij. iarenist es anders vntreüw vnd argelistes nit vehig / ist es aber arglistigk / es ist diser clage pflichtig. Nun geschicht schmähen in drey wege / mit den wercke(n) als vfft du freuel handt anlegest mit feüsten / prügel / waffen / oder gast mit gewalt oder über meinen willen in mein hauß / es sey mein eygen / bestanden / od(er) nur vmb sunst gelühen / darinn zů wonen. Sollich iniuria oder schmacheit würt gestrafft vß dem rechten Cornelia genant / vnd du magst sollich schmähe nach dem iare vnd es geschehen ist dannoch clagen / vnd rach bitten.

ff. de fur. iniuris tum.

Item der schmäher můß sollichs in můte zů schmähen thůn / wan(n) der wille vnd fürsatz vnderscheiden die malefitz. ff. c. illud. et. l. iniuriarum. Wan(n) rede ich etwas in schympff / oder schlahe oder würff ich mit einem stein / so ich ein andern wolt schlahen od(er) werffen / bin ich nit schuldig diser clage. ff. c. l. j. §. iniuria §. iniuria(m) fecisse §. cui. Sunder der clage aquilia von de(m) schaden / von der du hernach würst haben. Mit den worten / so du mich heissest einen bößwicht / oder mit andern worten mich schendest vnd lesterest / das mir mein ere oder lewmůt rüre / ich sey gegenwertig oder nit / oder so ich einen andern getantzt vnd bewegt / ein nämlich person lestern vnd schenden. C. de famo. libel. Mit geschrifft / so ich mach ein lied oder dichtet ein brieff / oder bücher / darinn ich ein andern schmähe / ich habe sollich schrifft / liede (et)c. von mein oder eins andern wegen gethan vn(d) gemacht / der eygen namen der wider den dz gemacht ist sey bestympt oder nit / wer sollichs schreybt oder singet / sol gestraff werde(n) mit den Keyserlichen Constitution. Das ist man soll im das haupt abschlahen. Auch mit der peen sol gestraffet werden der / der sollich schrifft vindet / vnd sie nit verbrennet oder sunst vnnd ertruckt / sunder er offenbart sollichs. Es mag ein yegklicher clagen über sollich schmacheit / vnnd der richter sol in nit allein hören / sunder im lonen mit gelt darnach vnnd der ist der also verclagt würt reych oder arm.

ff. c. §. ait pretor.

Deßglychen ist schuldig der / der sollich schrifft kaufft oder verkaufft. Deßglychen sey schuldig der / d(er) on geschrifft zů schmehe eim laßt mache(n) ein schentlich oder stinckend / oder cläglich cleid / oder an solich cleid malen etwas einem andern zů schmähe.

Deßglychen so ich eim sein hauß schendtlichen zeichen.

Merck / wie sunst schmacheit geschicht / vßgenom(m)en wie obstat geschriben / můß allein der clagen dem sollichs geschicht / vnd sunst nyemandt soll vom richter gehört werden.

Merck / wiewol die / die schmähen mit gerůcht oder gesange / mögen darumb getödt werden / wil ich aber so mag ich clagen vnd schätz sollich schmähe an ein sum(m)e gelts / vnd würt er mir verdampt in einer sum(m)a / so mag ich nit noch nyemandt mer den verclagen vmb das leben wie obstat.

Merck / wir lyden nit allein schmacheit an vnsern personen / auch an vnsern kinden die wir in vnnser gewalt habent / verkaufft mir einer meinen sun mit seinem willen / oder fürt man yn in ein schentlichs hauß / oder er oder ein ander leret yn bretspilen / mir geschicht schmacheit.

ff. c. l. §. vlti.

Item von vnnsern frawen nitt allein mit worten oder wercken wie obstat / Auch so ich einen knechte oder magte mitt meiner frauwen habe geschicket / vnnd einer hat mitt rede oder gewalte gemacht das der diener oder magt die

(39) Der Erst Teyl

frawe(n) gelassen hat / also kompts das nit allein mein frawe die noch in irs vatters gewalt ist / sunder mir vnnd meiner frawen vnnd irem vatter / wider den schmäher er gebürt dise clage. Ist aber mein fraw / nit in irs vatters gewalt / gebürt mir vnd ir allein dise clage / vnd wan(n) eins vnder den genanten personen clagt / nit dester minder mögen die andern persone(n) auch clage(n) / die fraw mag nicht clagen so dem man(n) schmacheit geschicht.

Die frawen sollen von den mannen beschirmbt werden vnd nit widerum(b).

ff. c. l. j. s. l. si forte

Ite(m) thet einer eine(m) todte(n) des erbe wir weren smacheit / gebürt vns dise clage.

Deßglychen schmähet er des todten lewmůt des erbe wir sein.

insti. c. §. no(n) solu(m) et. ff. c. no(n) solum.

Dise clag würt gegeben wider den der die schmähe gethan hat / es sey mitt worten oder wercken / auch wider den der es geheissen vnd gebotten hat / auch wider den / der es gedingt hat / das er sollichs thet / auch wider den der dem gerathen hat schmacheit zů thůn so ers selbs on das thůn wolt.

ff. q(uo)d reipu.

Merck / es würt entschuldiget von diser clage wo der magistrat eim seinen schilt durchsticht / so er im streyt übel gestritten oder geschlagen hat. ff. c. iniuriarum actio. l. prealle. §. is q(ue) et. §. q(ue) iure potestatio. Oder so d(er) richter vrteilet ein zů dem todt / oder heißt in in thurn füren / so er im nit gehorsam wil sein. Es wurde dann bewisen das sollichs in neyde oder schmahe geschehen were.

Item so mich einer schmähet / vnd ich eße oder trinck mit im / oder schilt in wider / also würt ein schmähe gen der andern abgeschlagen.

ff. c. no(n) solu(m). §. in. iuriarum actio.

Item wo ich mitt worten oder gesanck geschmähet wurde / vn(d) schwige ein iare / mag ich fürbaß nit clagen.

Item wann nun vor dem richter die schmaheit bewisen ist / so sol der dem schmacheit geschehen ist schwörn wie vil er des seinen gebe(n) wolt hette er souil / ee dann er sollich schmacheit wolt lyden.

So aber nun die getzwungenen vntzymlich schweren / ist es dem Richter heim gesatzt / dz er sol ansehe(n) die schmacheit bey der person / vn(d) sol schätzen die sum(m)a / vn(d) dan(n) sol d(er) die schmacheit gelitte(n) hat schweren vnd nit höher.

Item es würt auch die schmacheit beschwärt vnd grösser in drey wege.

Am ersten an der person / anders solle man schätzen macheit die do geschicht dem magistrat / patron / vatter vnd můtter / dan(n) andern personen. An der zeyt geschicht schmacheit / vor de(m) richter / od(er) in angesicht des volcks / od(er) an eine(m) einig schwer ist die geschicht in angesicht schwerer ist die schmacheit. Als ist dir ein wunden geschlage(n) / od(er) an den mund. Auch meret die grösse d(er) wunden / auch so dir ein auge verderbet ist / auch schlecht einer den anderen vff de(n) marckt oder dantzhauß / wiewol er in nit seer wundet oder schlecht / doch merer die statt die schmacheit / nitt allein geschätzet würt so schmacheit an dem lybe geschicht / sunder auch so dir an de(m) leyb nichts geschicht / als so dich einer mit wortest oder gesanck schmähet / dein cleider zerreyßt / oder deiner frauwen knecht oder maget abfůret.

ff. c. q(uo)d senatus

Merck in diser clag magstu ciuiliter oder criminaliter clagen.

ff. ad. l. aquil. que actio.

Item würt dir abgeschlagen ein arm / dein naße / oder auge / würt dir die vngeschaffenheit nit geschätzt / wann nyemandt ist seiner glider herre / allein würt geschätzt die arbeit die vn derwegen bleybt damit du verdienet hettest / vnnd das artzlon.

(40) Das XIII. Blat

Herr richter ich clag eüch vo(n) .N. d(er) hat in disem iare im mertze(n) in .P. hauß geredt / ich sey ein hůrn sun / oder ein kätzer / od(er) hat ein schämlich lied von mir gesungen oder geschrib(e)n / sollich schmacheit schätz ich an hundert gulden die ich lieber verlieren wolt dan(n) sollich schmacheit lyden / doch eüwer schätzen all wegen vor behalten. Bitt (et)c. erkennen das dem genanten .N. sollichs nit zymlich sey gewesen / vnd mir sollichs vnbillichen sunder freuelichen gethan habe vnd das er mir sollich sum(m)a gelts schuldig sey für mein schmacheit zů geben.

(1. T., XIII. Bl. 23. K.) Criminaliter. Also.

ff. de accu. l. libellorum.

Herr richter ich clag eüch von .N. der hat in disem iar vn(d) monat von mir ein sollichen schentlichen brieff geschribe(n) / darumb bitt ich eüch ym sein haupt heissen abschlahen / wan(n) es gebürt sich das übels soll gestrafft werden / vnd ist das ich es nit bewyse / verbinde ich mich die selbenn peen zů lyden / oder will ich die peen selbes lyden.

ff. e. no(n) solu(m). §. in iuriaru(m) actio.

Item du solt wissenn das der nit mag clagen diser clage so ym schmacheit mit worten von einem geschicht / wan(n) sollich schmacheit ym nit zů hertze(n) gangen ist / oder nit gesprochen hat / ich will dich darumb für den richter laden / du můst mir die schmacheit keren / vnd ein wandel darumb thůn / vnd wie er solliche wort fürn würt oder ir glychen / das heißt in latyn / in animum reuocare. Wan(n) wölcher die schmacheit an de(n) ersten veracht / d(er) mag diser clag nit clage(n). Item wan(n) du clagst wider mich mit diser clag / vnd ich excipier wider dich deßglychen / vnd beweyß solches / so würt ein schmacheit gegen der andern abgethan vnd compensiert / als zwen die einander schelten.

ff. c. cum qui

Item du solt wissen / das vil doctores schryben mancherley über das / wan(n) einer dem andern mit worten schmacheit thůt / vnd solichs war ist / ob der selb von der warheit wegen diser clag entschuldiget würde / vn(d) die meyste wenig der treffenlichen doctores / die geben vnd blyben vff der vnderscheid vn(d) sprechen / antweder ich sag dir schmacheit vor de(m) gericht / od(er) vsserhalbe(n) des gerichts / sag ich es dir in gericht vnd beweyß sollichs / da ist kein zwyfel ich würd nit gestrafft. Vnd das soltn versteen / du verclagst eine(n) od(er) excipierst wider yn / wan(n) was die recht verhengen das kan nit schmacheit getzogen werden.

Quia iuris executio no(n) bs iniuriaru(m) actio. ff. de re. factu(m) cuiq(ui)s no(n) vide(n)t vim facere q(ui) iure suo vtit et ordinaria actio(n)e experitur.

In dem andern casus das ist vsserhalb des gerichts / wo sollichs gesicht durch geschrifft in latyn / libellis famosis / er ist schuldig ob es schon war ist.

C. de libel. famo.

Geschichts aber on geschrifft / antweder das schmähen geschicht vß vrsach oder on vrsach.

facit quod no. Cad. l. cor. d(e) sicca. l. j.

Am erste(n) geschicht solilchs in straff weyse vnd obs auch offenlich geschicht / sollichs mag einer wol thůn in straff weyse / vn(d) auch vmb straff willen solichs vorm richter rede(n). vt habetur ad Timotheum quinto. Peccante(m) coram om(m)itus argue vt ceterimorem habeant. Als wan(n) einer ein heimlicher kätzer were / oder wolt ein statt / oder schloß / oder dorff hingeben oder verraten / oder einer der vssetzig were / wan(n) das selbig ist ein siechtagen dauon die gefunden menschen auch siech werden / vnd auch deßglychen / sollich ding zů offenbarenist billichen vnd hat in im ein gerecht vrsach / vn(d) als sollichs nit geschicht in můt zů schmähen / so sein sie diser clag nit pflichtig / dise zwey ding zůsame(n) / mache(n) das dise clag růwet / vnd antzeygt das sollichs nit in schmähens můte geschehen

D

(41) Der Erst Teyl

sey / so sollichs offenbaren in ym selbs ein gemeyner nutz ist / daru(m)b ich sollichs offenbaren billichen / vnd kompt vß rechter vrsach / vnnd ist das sollichs auch dartzů war ist / wan(n) man můß den můt vnd willen in sollichem durch vmbstandt vnd vortzeichen / iudicia in latyn vrteilen. ff. c. ite(m) apud. §. si q(ui)s astrologus Vnnd darumb kompt es da vnderweylen so die vrsach nit billich oder recht ist / wiewol sie nit hilfft wider die peen / so entschuldiget sie doch vo(n) diser clage / darumb das sollichs nit in schmehens willen vnd můtte geschehen ist.

C. d(e) postu. quisquis ei. C. droff. fecto. pro. l. iij.

In dem andern casus oder teyl / wann schmehe würt geschehen on vrsach. Als so sich zwen mit einannder hadern / oder so sollichs on haderey geschicht / vnd ob sollich schmacheit schon war ist / er ist pflichtig diser clag / wan(n) alda ist der můt vnd will zů schmähen / vnd die schmähen wort zů reden / vnd darumb so freyt in die warheit nit von diser clage. Alda spricht der Keyser. Es ist nit gnůg das das schmähen war ist / sunder es gebürt sich das der wille vnd die begirde des schmähens nit da sey. Dartzů dienet auch. l. iij. C. que(m) ad test. aperi. Da gebeüt der Keyser das das teyl des testament nit sol vffgethan werden vnd geoffenbart das eins schande rüre.

C. q(ui)s qui quar par. l. ij. libro. r. vi. q. j. ex. totu(m) capitalis.

Item es zympt auch nit dz man ym sein schand sage / wan(n) es ist vnmenschlich vnnd schäntlich das vnser gebrechen geoffenbart werden. Wider die die leüt schmähen sich. Darumb thůn die richter vnd magistrat wol / dz sie nämlich peen setzen damit solliche schmacheit gestrafft werde / vnd wiewol solliche schmähe war ist (et)c. er pflichtig.

(1. T., XIII. Bl. 24. K.) Aunc de interdictis de mortuo inferendo.

Von dem todten zů begraben.

Wil einer begraben einen todten in ein grab / daryn ym von rechts wege(n) gebürt zů begrabe(n) / oder wil von neüwem machen ein grab in sein eygen grundt vnd es würt ym von einem andern verbotten gebürt ym dise clag / darinn du gewinnest was es dir schadt sollich verbietten / wann hast du die begrebnüß kaufft / můß er dir das gelt darumb du es kaufft hast / oder hast du die begrebnüß vmb einen lon bestanden / můß er dir den lon wider geben.

C. de reli. et su(m)p. fu. l. sepulcru(m). et. l. ius familiariu(s).

Am erste(n) gebürt sich dz die statt in die du wilt grabe(n) den todte(n) sey dein / oder habst sunst gerechtikeit da hin zů grabe(n). Nun hat aber d(er) recht zů begraben de(n) es am todtbeth gesatzt ist / od(er) er ist haußgesind des der dz testame(n)t gesatzt hat.

C. de reli. et su(m)p. fu. l. iij.

Am andern / ob die grabstatt frembd ist / das sollich begraben mit des hern der statt wille geschehe.

ff. d(e) mor. infe. l. j.

Am dritten / das du als du wölst den todten begraben verbotten seyst worden. Es verbiette dir einer den weg oder statt des grabs.

Herr richter ich clag eüch von .B. der hat mir verbotten mein todtem alda hin zů begraben / nenne wohin (et)c. An die selben statt gebürt mir vo(n) rechts wegen zů begraben. Bitt (et)c. erkennen das mir der selbe .B. schuldig sey meinen schaden abtzůlegen / den ich schätz fünff gulden / vnd das er mirs gebe (et)c. hast du von sollichs verbiettens wegen ein andere statt bestanden.

Formier also dein clage.

Herr richter ich clag eüch vo(n) .M. d(er) hat mir verbotte(n) mein todte(n) da hin ich recht hab zů begrabe(n) / vn(d) vmb sollicher verbiettung willen hab ich den selben

(42) Das XIIII. Blat

todten aldar müssen graben / die selben statt hab ich vmb .N. bestanden vmb .x. gulde(n). Bitt (et)c. erke(n)nen dz mir der genant .M. die selbe(n) .x. gulden vn(d) meine(n) schade(n) den ich auch .x. gulde(n) schätz sol geben vn(d) betzalen / vn(d) dz er mirs gebe.

(1. T., XIIII. Bl. 25. K.) De sepulcro edificando.

Von begrebnu(s)ß zů bawen.

Wiltu ein grab bauwen dartzů du recht hast / vnd einer verbeüt dirs / gebürt dir dise clag vnd ist notturfftig.

ff. de reli. et stip. fu. q(uo)d si locus

Am ersten das dir von rechts wegen gebürt zů bawen.

ff. d(e) mor. infer. l. j. §. pretorait.

Am andern das du sollichs bawest oder wöllest bawen / als so du hast gesammelt die matery / speyß / holtz / kalck / sandt. Oder so du die statt gekert hast vnd ein ander irret dich.

Am dritten das dir einer verbiette.

Am vierden das dz grab noch nit gemacht sey / sunder erst gemacht sol werden. Wan(n) als dan(n) hat ein ander clage stat genant. interdictu(m) q(uo)d vi aut clam. Herr richter ich clag eüch vonn .M. der verbeüt mir so ich wil machen ein grab alda (et)c. da hin mir von rechts wegen gebürt mein todten zů gebragen. Bitt (et)c. erkennen das ym sollich yntrag vnd irrung nit zymlichen sey / vnd dz er mir hinfür keinen yntrag noch irrung thů / zwingt yn dartzů (et)c.

(1. T., XIIII. Bl. 26. K.) Ae quid in loco sancto fiat.

Das nichts vnsaubers vff einer gewychten statt beschehe.

ff. c. l. ij. §. hoc interdictum.

Bauwt einer vff einer gewychten statt etwas dadurch die selb gewycht stat vnsauber oder schentlich oder entstelt würt / mag nit allein der prelat der selben statt / sunder ein yegklicher das selb irren / vnnd verbietten das sollichs nit gebauwen werde / vnnd ob sollichs gebauwen were / mag er den richter bitten das er sollichs heiß dannen thůn.

Herr richter ich clag eüch von .M. der will da an der gewychte(n) stat sollichs bauwen / dadurch die stat vngestalt vnnd schentlich würt. Bitt ich eüch ym sollichs zů verbietten.

(1. T., XIIII. Bl. 27. K.) Ae quid fiat in loco publico: vel via: vel itinere publico / et si factum fuerit & tollatur.

Das nichts gemacht werd vff einer gemeyn statt / weg oder fůßpfat der gemeyn sey / vnd das das gemacht dannen gethan werde.

Gewonliche(n) geschicht es das einer an gemeyner straß der gemeinem weg etwas bauwet oder legt / dardurch der gemeyn weg geirret würt / ist diß interdict oder clage gemacht worden damit dem selben yntrag geschehe. Am erste(n) mag verbotten werden das er sollichs nit thů / hat ers aber gebauwen / das er sollichs wider abthüe.

Am ersten gebürt sich das der weg oder die statt genieyn sey.

Am andern das etwas da selbst hin gebauwen oder geleget werde.

Am dritte(n) dz sollichs nit gebauwe(n) od(er) geleget werde vo(n) günnu(n)g des fürsten.

ff. c. pretorait.

Am vierden ob sollichs gebauwen oder gelegt were geschehen von des fürsten günnung / des die dem andern vnschädlich sey an seinem gebrauch / es sey an trauff oder an liecht.

D ij

(43) Der Erst Teyl

ff. c. pretorait.

Am fünfften das der / der do clagt dise clage / habe nit sollichs gleychen gebauwen / wann man sol ein sollichen nit hören.

ff. c. pretor. §. deindeait pretor

Am sechsten / das das gebawen oder gelegt ist altzůhandt schade / oder hinfüro schaden bringen möge.

ff. c. p(re)tor. §. si q(ui)s neminem.

Am sybenden das / das man dauon thůn sol kein hauß sey / wann ist es ein hauß / so sol man es nit dannen thůn / wann durch sollichs hauß abbrechen / werde(n) die stette entschickt / es wer dan(n) sach das ein gemeyner gebrauch durch sollichs geirret würde / alßdann mag es nicht durch dise clag / sunnder durch des richters ampt den man also sol anrüffen dannen gethan werdenn. ff. de serui. l. vlti. §. ij. Es ist auch nit zymlich das man in den stetten / brucken mach übern weg / wann den lufft sol frey sein.

ff. c. pretor. §. cus quida(m). et. §. merito in fi.

Am achtenn / das die gemeyn statt dester böser werde / ye doch würde mir mein sunder gůt dester vnnützer / mir gebürt auch dise clag.

ff. c. pretor. §. hoc interdicto.

Am neünden ist genůg zů dem dise clag gebüre / das der habe gebauwen oder ein ander vor ym.

Herr richter ich clag eüch vonn .M. der einen sollichen bauw gethan hat / oder will ein sollichs bauwen. Nenne wo vnnd was es sey / durch sollichs würt die gemeyn statt böser vnd vngestalt. Bitt ich (et)c. vnnd ym verbiettent das er sollichs nit bauwe / wer es aber gebauwen / das er es wider danne(n) thů / zwingt yn dartzů / würde aber durch sollichs bauwen dein eygener nutze geschediget. Also so dir dein liecht würt verbauwen. / clage also.

Herr richter ich clag eüch von .M. der hat ein solich brucken gemacht oder hats gemacht an einer sollichen gemeyner statt (et)c. Durch solichs bawen würt mir mein liecht benom(m)en. Bitt (et)c. erkennen vnd ym gebietten das er sollichen bauwe abthü / hat ers gebauwen / will er es aber bauwe(n) / das er von sollichem bauwe laß. C. de ser. vr. pre. l. si viuarum Merck / diß liecht das ich hab von deinem bauw od(er) grundt / mag stu mir nehmen es were dan(n) das ich sollich gerechtigkeit vff dir hette.

(1. T., XIIII. Bl. 28. K.) Ae q(uo)d in flumine publico ripave eius fiat.

Das nichts gemacht werd in gemeyne(m) wasser / od(er) de(m) bach daruß fliessende. Dick geschichts das einer etwas wil machen in einem offenliche(n) wasser od(er) gemeynem wasser / oder dem bach der darauß rinnet. Auch geschichts das er was gemacht ist worden im wasser oder seiner bach. Darumb seint gemacht zwey interdict. Ir eins verbeüt das sollichs bauw nicht geschehe. Das annder verbeüt das der der gebauwet hat / sol wider abthůn.

ff. c. l. j.

Am erste(n) gebürt sich das das wasser sey gemeyn. Es soll nit sein ein brunnen fluß.

ff. de flu. l. j. §. flumen.

Am andern das etwas gebauwen sey oder einer bauwen wölle in dem wasser oder eim bach.

ff. c. l. j.

Am dritten das durch sollichen bauw die schiffart gehindert werd / vnd also můß das wasser als groß sein / das es schiffrych sey.

ff. ne quid in flu. pub. l. j.

ff. ne quid in flu. pub. l. j.

Am vierden / das das wasser anders fließ dan(n) es in dem vergangen sum(m)er geflossen hat. ff. de flu. l. j.

Darumb merck die vnderscheid / das ein teyl diser clag wil / das nichts gebauwen werde / darumb dester böser würde das schiffarn.

(44) Das XV. Blat

ff. ne quid in flu. pub. l. j. in prin.

Insti. de rerum di. §. et. ff. e. l. nemo.

Das ander wil / das nichts geschehe in de(m) wasser oder seiner bach da durch das wasser anders fließ dan(n) in dem vergange(n) sum(m)er. Vnd ob etwas im wasser gemacht were das sollichs werde dannen gethan.

ff. d(e) flu. l. j. §. fluminum.

Auch wisse dz nahe(s)dt alle wasser gemein sein. Ist dz sie ewig sein. Aber dz suchen in cleinern wassern ist nit an allen enden gemeyn / dz macht prescriptio das lang herkom(m)en / als du hernach in dem fünfften interdict hast.

ff. c. l. j. §. pbe(n)ne.

Am fünfften / so můß das wasser ewig sein. Ist es aber nitt ewig so gebürt dir dise clage nit / das wasser heißt ewig / das ewig sum(m)er vnd winter fleüßt.

Am sechsten das ein sollichs geschee da durch dester böser zů farn sey.

ff. c. l. j. §. vlti.

Am sybende(n) du habst dz gebawen od(er) ein ander / gnůg ist es so du es besitzt.

Herr richter ich clag eüch vo(n) .M. der hat ein sollichs in das .N. wasser gebawen / dadurch die schiffart geirret vnd gehindert würt. Bitt (et)c. erkennen dz er sollichs sol dannen thůn / vnd das er es thü (et)c. Wer aber der baw nit geschehen. Bitt also. Bitt ich eüch sollichs erfarn souil vnd gnůg / vnd ym verbieten das sollichs nit bawe. Wiltu aber vß dem andern teyl clagen / das ist das nichts geschehen in dem wasser dadurch das wasser anders fließ (et)c. als obstat.

Vor eüch herr richter clag ich vonn .M. der hat in dem wasser sollichs gebauwen / durch sollichs fleüßt das wasser / anders (et)c. dan(n) es in dem vergange(n) sum(m)er geflossen. Bitt ich erkennen das er sollichs sol wider abthůn vnnd das er es thü (et)c. wolt er aber ein sollichs erst machen / solt du bitten den richter das er ym sollichs verbiette.

ff. de aqus plu. ar. C. de opere.

Item merck es gebürt dir dise clag auch so die dein sunder nutz geschediget würde / vnd ob das wasser nit schiffrych ist / als die cleinen wasser / vnd ob ym der Keyser het günnet etwas in dem wasser zů bawen / so sol man doch sollich günnung versteen / das dir dein eygener nutz dadurch nit geschediget werde. Wann also sol ein yegklicher sich seines rechten gebrauchen das er nyemandt an seiner gerechtigkeit letz oder schedige. Das ist wider die / die sich vogt heissen über die güttere / vnd nemen sich an der eygenschafft vnd zů dem erbe mer dan(n) yn von rechtem gebürt. Auch heissen sie sich billicher richter dan(n) vögt / so das gerichtszwang ir ist / wann es gebürt sich das ein vogt sol den der das erbe hat schirmen vor gewalt vff seinem erbe / sollichs geschicht aber nit.

Herr richter ich clag eüch von .N. der will oder hat gedawen einen sollichen baw / dadurch nur solicher schade geschicht / das mein müle yetzimbt nit geet als sie vor gangen oder gelauffen hat. Bitt (et)c. erkennen das er solichen bauw dannen sol thůn / hat er es aber noch nit gebawen das ir im verbiet sollichs nit zů bawen.

ff. de dam. infec. l. liminu(m). §. vlti.

Auch merck / hastu ein goltbrunnen vff dem dein / ich mag auch einen graben vff dem mein / wiewol durch sollichs mein graben dein brun(n) verseyhet vn(d) würt. ff. ne q(ui)d i. lo. pub. l. ij. §. damnu(m). Aber vff einer gemeind möcht ichs mit recht nit gethůn.

(1. T., XV. Bl. 29. K.) De loco publico fruendo.

Das du ein gemeyn statt brauchen mögest.

Wann einer ein gemeyn hoffstat oder etwas gemeyns das einer statt ist besteet vmb einen zynß / vnd wurde er geirret von einem / gebürt die dise clag wider yn / das im verbotten würt das er dich dieselbenn bestanden stat laß

D iij

(45) Der Erst Teyl

gebrauchen vnd nutzen nach dem gesetz des bestandes.

ff. loca. l. ij.

Am ersten sol die bestanden statt sein gemeyn einer statt.

Am andern das der zynß betzalt werde / anders es ist kein bestand on zynß.

ff. c. l. ij. in si.

Am dritten das der der geirret würt gebrauch sich der statt nachforme des bestandes / gebraucht er aber der statt anders dan(n) es im geluhen were / möcht er geirt vnd verbotten werden die statt zů gebrauchen.

Herr richter ich clag eüch von .N. der laßt mich nit gebrauchen vnd nutze(n) die gemeynen statt .M. die ich vo(m) bawmeister diser statt bestanden hab vmb zehen gulden / alle iar zů geben vnd zů betzalen. Bitt (et)c. ym verbietten das er mich nit irre vnd mich der statt nach gemeinem nutz laß gebrauchen.

(1. T., XV. Bl. 30. K.) Vt liceat reficere viam publicam.

Das du einen gemeinen weg raumen mögest.

So einer wil einen gemeynen weg oder fůßpfat raumen oder widerbringe(n) oder fegen / vnd würt geirret von einem / gebürt ym dise clage.

Am ersten so můß ein gemeyner weg oder fůßpfat sein.

Am andern das ich den weg fegen vnd widerbringen wölle.

Am dritten das mit sollichem fegen oder widerbringen der alt weg / standt vnd wesen des wegen nit verwandelt werde.

ff. c. l. j.

Am vierden das mich ein ander irre so ich den weg seübern wil.

Herr richter ich clag eüch von .M. als ich wil den gemeynen weg fegen vn(d) widerbrinngen so irret er mich. Bitt ich (et)c. ym verbietten das er mich nit irre. Würde aber durch sollichs irren dein eygener nutz gehindert / magstu clagen wie obstat vnd sprechen / es schadt mir sollichs irre(n) an meinem hause / sag wie dir das wasser seydt schaden hat gethan (et)c. zwen gulden / die selben zwen gulden. Bitt (et)c. erkennen das er mirs gebe.

(1. T., XV. Bl. 31. K.) Vt liceat iter agere per viam publicam.

Das du gemeyn weg gebrauchen mögest.

So einer gat oder etwas fürer vff einem gemeynen weg vnnd würt gehindert vnd geirret / gebürt dir dise clag wider den irrer.

Am ersten sol der weg gemeyn sein.

Am andern das der der geen oder faren wil / vff de(n) weg geirret werde / wolt aber einer durch meinen weg geen oder faren / mag ich ym verbietten.

dicit. l. ne q(uo)d in lo. pub. l. ij. §. viarum.

Herr richter ich clag elich vo(n) .M. d(er) wil mich nit vff de(n) gemeyne(n) weg lasse(n) geen od(er) fare(n). Bitt ich (et)c. ym gebiette(n) dz er mich sol lassen geen oder faren.

C. de vect. insti. non pos. l. j.

Merck / das weder die herren noch die stett mögen soll vffsetzen sie habenns dann vom fürsten erworben.

(1. T., XV. Bl. 32. K.) Vt liceat ripa(m) fluminis reficere vel munire.

Das du ein bach raumen mögest.

Es wil vnderweylen einer fegen vnd widerbringen ein loch eines gemeyne(n) wassers / vnd würt im verbotten von einem andern / gebürt ym dise clag.

Am ersten gebürt sich das / das sollich wasser gemeyn sey.

Am andern / das der bach fegens oder bauwens bedürff.

(46) Das XVI. Blat

Am dritten / das durch sollich fegen od(er) bawe(n) / die schiffart gehind(er)t werde. Am vierden / das der / der den bach fegt oder widerbringt / verbürge denen die grund haben an den bach stossen nach seinem standt den schaden abtzůlegen / den der bach thůn würt / sollichs fegens oder bauwens halb vff .x. iar.

Am fünfften / das der baw nit geschehen sey / ee dann das verbürgen gebotten od(er) gefordert werde / würde aber hernach schaden geschehen / würd geclagt mit der clag die do heißt aquilia / hernach geschriben.

ff. de ri. pub. non. l. vnica.

Am sechsten dz der / der da fege(n) od(er) bawe(n) wil / werde geirret oder gehindert.

Herr richter ich clag eüch von .M. der mir verbeüt oder mich hindert das ich wil den bach .N. auß dem wasser fliessen on allen schaden fegen / ob er ein sollichs daran bawen / vn(d) auch bereit bin den anstossern verbürgen den schaden widerkern vff .x. iar nach gesetz des rechten. Bitt ich eüch (et)c. Deßglychen magstu clagen von einem bach der vß einem see oder anderßwoher rinnet.

ff. de re. di. riparuin. insti. de redi. §. insula.

Merck / du magst sprechen / das diß interdict vnnd clag mög nit gebüren / wan(n) die bäch von den gemeynen wassern rinnent seind deren die nahend bey dem bach grundt haben. ff. ad l. aquil. que(m) admodus. §. si et(c). rectum. Sein sie nun der selbenn / antweder sie wöllens raumen oder ander wöllen sie raumen das mögen sie wol thůn / wöllent aber ander raumen oder fegen mit gewalt / den mag wol verbotten werden / vnd ym gebürr kein clag / wan(n) einer etwas wil thů in dem meine(n) / ich mag ym sollichs mit meinem eygen gewalt verbietten. ff. vt in flu. pa. l. j. §. si priuara. Vnd wan(n) die andern sollichs wöllen thůn vnnd würt yn verbotten / yn gebürt dise clag / wiewol das ist / das die eygenschafft deren ist die anstossen grundt da haben / so ist doch der gebrauch des wassers gemeyn / wann es mag ein yegklicher sein netze alda trucken / vnd die schiff alda füren vnd an die baum binde(n) die alda gewachsen sein / wiewol die baum deren seind / der die grund sein / vnd darumb so mag ein yegklicher die bäch seübern vnd raumen.

(1. T., XVI. Bl. 33. K.) Vt in flu(m)ino publico liceat nauigare vel piscari.

Das du magst fischen oder schiffaren in gemeynen wassern.

Es wil etwan einer in eine(m) gemeyn wasser wog oder see schiffarn oder fische(n) vnd ein ander verbeüt ym sollichs / gebürt im dise clag wider den verbietter.

Am erste(n) gebürt sich das das wasser / wog oder see / seind gemeyn / weren sie aber nit gemeyn / mögen die deren sie sein on schaden sollichs verbietten.

Am andern das du wölest schiffarn oder fischen.

Am dritten das du verhindert werdest oder dir verbotten werde.

ff. d(e) dinct. et tempora. p(re)scribi. l. qui in fluminis.

Am vierden das der / der es verbeüt / habs fischen nit herbracht durch fryheit der fürsten / als dan(n) mag ers on schaden verbiette(n) / oder habe aber bey .xl. iaren gefischt in meim wasser / alßdan(n) het er allein vnd sunst nyemand recht das zů fischenn / wann er hat sollichs prescribiert so lang zeyt er habe aber bey viertzig iaren gefischt in gemeynem wasser.

Herr richter ich clag eüch von .M. der hat mir verbotten vn(d) verbeüt mir schiffarn od(er) fischen in dem freyen wasser / wog oder see. Bitt (et)c. das ir ym verbiettent mir sollichs nit mer wöre.

(1. T., XVI. Bl. 34. K.) Ae vis fiat ei q(ue) in possessione(m) missus est.

D iiij

(47) Der Erst Teyl

Das dem kein gewalt geschehe der yn besitze gesetzet ist.

Si q(ui)s in tanta(m).

Wann da die ancläger vß vil vnd mancherley vrsach werden yn gesetzt in die habe der die sie anclagt haben / vnd die habe zů versorgen vnd zů behalte(n) / vnd söllicher besitz würt yn gewert / vnnd werden daryn nit gelassen / so mag yn auch das interdict vnd dich die Keyserlich constitutz. Si quis in tantam /. nit zů hilff kom(m)en / wan(n) die cläger haben solliche habe nit besessen / darumb ist nottürfftigklich vnd hilflich erfunden worden dise clage. In der sich am erst(e)n gebitt / dz ein redlich sach sey darumb einer bitter das man yn besitz setze. Als so dir am todtbeth einer etwas verschafft het / oder morgen gabe / oder so dir ein er nit wolt verbürgen für schaden so yn der richter sollichs geheissen hette / oder vß einer ander sach willen / wie die genant were.

ff. c. l. j. §. becvba

Am andern das die sach gerecht war sey / annders die ynsetzung in besitz were krafftloß.

Am dritten das die recht vßweysen das ich yngesetzt sol werden.

ff. c. l. j. in p(ee)n.

Am vierden das mir sollicher ynsitze verbotten werde mit vntreüwe.

Am fünfften / das der d(er) es verbüet oder irret / sey nit ein narr od(er) vnder viertzehen iaren / nit herr oder vatter so sie ire knecht sollichs heissen verbieten oder irren / wann sollich die werdenn entschuldiget / so sie wie obenn stat gehorsam seind gewesen.

ff. c. l. j. §. si q(ui)s jo(n)

Auch merck / ist das ich glaub mir sollichs verbiette(n) zymlich sey / oder so die habe mein oder mir verpfandt ist / die man anclaget / irre ich sollichen ynsatz / bin ich nit schuldig.

Merck die d(er) besitz gewört wirt hat dise hilff vmb sollichs verbiete(n) vn(d) irren.

Am erste(n) / ist dz er verbotte(n) wirt ee dan(n) er in besitz kompt / hat er dise clag / dz de(m) nit gewalt sol geschehe(n) / den d(er) richter hat heissen in besitz setzen.

Am andern / das der richter sol den mit gewapneter handt ynsetze(n) daryn yn der richter hat heissen setzen / oder in die habe des ders verbotten hat.

ff. c. l. j. §. j.

Am dritte(n) / so erfolgest du mit der clag als vil als er dir schadet das dir der besitz verbotten ist.

ff. c. si q(ui)s missus. §. cum pretor.

Dise hilff hast du ee du in den besitz kompst / vnnd auch so du im besitz gewesen bist. Es wer gar clein das der richter hieß ein in besitz setzen / wan(n) er yn im besitz nit schirmbt / vß was sach der besitz würt erkennet / sol der richter den besitz schirmen / würt er aber verbotten oder vßgetriben / so sol er aber beschirmen wie obstat.

dicit. l. si qui. §. j. ff. c.

Herr richter ich clag eüch von .M. der irret vnd verbeüt mir das ich nit besitzen mag die habe des .N. in die selbenn habe hat der richter erkennet das ich daryn in die selben habe gesetzt sol werden. Bitt (et)c. ym verbietten das er mich in sollichem ynsetzen nit irre (et)c. wöllest du aber fordern den schade(n) / behalt die form vnd setz hintzů / vnd wan(n) mir nun sollichs verbietten oder hind(er)n schadt hundert gulden. Bitt (et)c. erkennen das er mir sollich hundert gulden schuldig sey zů geben vnnd das er mir es gebe / wilt du aber die vorgeschriben clage nit fürn / magst du den richter also bitten.

Herr richter ich clag eüch von .M. der wil mich nit besitzen lassen die habe / daryn ir mich habt heissen sitzen. Bitt ich eüch vnnd rüffen hierinn eüwer amplan / das ir mich mit gewapneter handt inn den genannten besitz setzen.

(48) Das XVII. Blat

Werestu aber in der habe gesessen / vnd werest wider vßgetriben / magstu dise clag wie obstat aber fürn / dann das du clagst du werest vßgetriben / vnd bittest den richter dich wider ynsetze(n) als du gesessen bist / wöllestu aber den schaden vordern den du sollichs vßtrybens geno(m)men hettest / formier dein clag wie obstat in der andern form.

ff. c. si q(ui)s missum

Am dritten magst du wider den richter bitten dich mit macht ynsetzen als da vor gesessen bist / alles mit der clag (et)c.

Merck / der der also yngesetzt ist / besitzt nit / er in(n)helt nur den besitz / in latyn tenta oder tenuta. Wer nach sechs monaten nit verbürgen wolt vmb das / dz geschafft ist oder vmb ein andere habe / die im rechten gefordert ist worden / od(er) so einer vngehorsam ist / vnd nicht im rechten antworten will. Aber dise drey hilff werden yetzundt nit gebraucht. Wann geistlichen würt der vngehorsam gebant / vnd weltlichen in die acht gethan.

(1. T., XVII. Bl. 35. K.) Interdictum quorum bonorum.

So einer einen erbt on testament / oder im testament / vn(d) will den besitz des erbfals vord(er)n vn(d) ynbringe(n) vo(n) den besitzern d(er) erbgütter / würt ym geholffe(n) mit diser clag damit er yngesetzt würt in die habe von de(m) todten verlassen.

Also formier dein clage.

Herr richter ich clag eüch von .M. der behelt vnd besitzt alle habe die gewesen seind etwan .H. des selben .H. ich on testament oder im testament erb bin. Bitt (et)c. erkennen das er mir den besitz des selbenn erbs sol geben / was sich gebüre das man einem sollichen besitz sol geben / frag die gelerten.

vt in. l. pendente C. de bo. posses. im tal.

Merck / als lang das testament krefftig ist / so mag das erb nit yngenom(m)en werden von dem der sunst erbe were. ab intestato.

ff. de vulga. et pupil. substi. l. j.

Item sol auch nyemandt sorgen vnnd hoffnung haben vff des andern tode von erbs wegen. So der erbe den besitz des erbs den der legatarius in(n)helt / das ist der dem geschafft ist / vordern wil / so hat er dise clage.

(1. T., XVII. Bl. 36. K.) Quorum legatorum.

Es geschicht dick das die dem im testament oder letsten willen gesetzt oder geschafft würt / die selben habe also geschafft bekom(m)en vnd besitzen vnd behalten yne wider den willen der erben / darumb würt den erben geholffen mit diser clage / damit sie die beküm(m)erten habe widerbringen mögen.

Am ersten ist notturfft das das testament od(er) letster wille sey geschehen vo(n) der person die gewalt hab testament oder letsten willen zů machen / vnd das sollichs nach ordenung der rechten geschehe.

ff. c. l. j. §. j.

Am andern das der legatarius / dz ist der dem geschafft oder gesatzt ist im testament oder letsten willen / hab beke(n)net die geschaffen habe wider den willen des erben.

C. de legatis. no(n) est dubium.

Am dritten / das ers bekom(m)en oder yn genom(m)en habe ee dan(n) der erb das erbe rechtlich besessen hab / wan(n) het der erb das erbe rechtlich besessen (wie das sein sol / frag die gelerten) der legatarius verliere gäntzlich die habe die der besitzer überkommen hette.

(49) Der Erst Teyl

Am vierden / ist das der erbe dem legatario günnet die habe zů besitzen / dz sollichs ee dan(n) der erb das erbe besitz geschehe.

Falcidia

Am fünfften das in dem selb(e)n erbe sey nit Falcidia / das ist dz der erbe mag das vierteyl der verschaffenen habe innhaben.

Am sechsten / das der erb vrbütig oder bereit sey zů verbürgen dem legatario als bald er das vrteyl genom(m)en het das er dem legatario das verschafft geben vnd volgen lassen wölle. Die sachen seind schwer vnd übel zů teütsch zů machen / wo es aber not sein wurde frag einen legisten darumb.

Herr richter ich clag eüch von .M. der .N. hauß im testament das Ticius hat gemacht vnd geschafft / des selben Ti. ich erbe bin / sage wie (et)c. freuelich(e)n (et)c. mit seinem eygen gewalt besessen ee dan(n) dz erbe rechtlich besaß. Bitt (et)c. erkennen das er mir das hauß sol widergeben. ff. c. l. j. Es ist billich das ein yegklich er nit selbs in gehe / in den besitz des das im gebürt / sunder er soll sollichen besitz vordern von dem richter.

(1. T., XVII. Bl. 37. K.) De tabulis exhibendis.

Von dem testament oder letsten willen zů zeygen.

Harumb hat einer ein testament gemacht / das selb testament helt einer innen / vnnd du darffst wol das du es sehest / vnnd dir es getzeygt werde / magst auch vordern durch dise clag.

Am ersten gebürt sich das ein testament oder letster willen in geschrifft gemacht sey / eins oder zwey.

que(m)admodu(m) testamentu(m) apsat. ff. c. si q(ui)s forte.

Am anndern das der / der die geschrifft sol haben nit leucken das er es habe bey ym / oder sprech er mög es nit zeygen / anders es het ein andere clag stat genant. Quemadmodum testamentum aperiatur. So er bekennet das ers hette vnd doch nit zeygen wolt.

ff. c. l. i. §. vlti.

Am dritten das der des testament du begerest zů sehen sey todt.

Am vierden das das testament oder letster wille sey in geschrifft gemacht / wann sollichs möcht sunst nit getzeugt werden.

ff. c. l. i. in prin.

Am fünfften das der das testament besitz oder aber mit vntreüwe von ym hab gethan.

ff. c. locum.

Am sechsten wer die clag will füre(n) / de(m) můß etwas im testame(n)t geschafft sein.

Eüch herr richter clag ich von .M. der wil mir das testament .M. in dem mir .xx. gulden geschafft sein nit zeygen / nun schadt es mir vmb .xx. gulden. Bitt (et)c. erkennen das er mir die .xx. gulden betzalen (et)c.

ff. c. l. locu(m) conde(m)natio.

Merck / am erstenn soll der richter erkennen das der zeyge das instrument / wil er dan(n) nit gehorsam sein / sol er yn verda(m)nen in schaden. Dise clag ist auch schwer / wo es aber not würde / frag einen legisten.

(1. T., XVII. Bl. 38. K.) De liberis exhibendis.

Das man vns vnsere sehen lasse / vnd yn vnsere gewalt gebe.

So vnsere kindt über iren willen von einem behalten werden / mögen wir sie in vnsere gewalt bringen mit diser clage.

ff. c. l. j. in prin.

Am ersten gebürt sich / das sollichs kindt das ich vorder / mein sey.

Am andern / das das kindt in meinem gewalt sey. Wie wir vnnsere kindt in vnserm gewalt haben / sůch insti. de patri. potes. circa princi.

(50) Das XVIII. Blat

Am dritten das das kindt über sein willen mir vorgehalten sey.

ff. c. l. j. §. si vero.

Am vierden das der / der den sun vor helt nit hab ein gerecht vrsach mir yn vor zů haltenn / als die můtter so der vatter töubt oder see zornig ist über das kindt. Es mag auch ein recht vrsach sein / dz der dz kindt vorhelt als die můtter / so das kindt ist vnder dreyen iaren. C. vbi. pupillus. educari de. l. j. Als dan(n) mag man es der můter über iren willen nit nehmen / die můtter neme dan(n) dem kindt einen stieffuatter.

ff. c. l. j. in si.

Item auch wann mein tochter bey irem eeman ist / wann hielt ichs ym vor ym gebürt dise clag wider mich.

Herr richter ich clag eüch von .M. der helt .N. meinem sun der noch in meinem gewalt ist über seinen willen. Bitt (et)c. erkennen dz er mir meinen sun sol lassen vnd (et)c. vil ander hilff haben wir so vns vnsere kindt vorgehalten werden. So aber mein suns selbs leucket dz er mein sun sey / gebürt mir wider yne.

Am ersten zů rüffen an des richters ampt.

Am andern actio preiudicialis in rem / von der du vor hast gehabt.

ff. de libe. exbi. l. penul.

Am dritten / interdichtum de liberis deducendis. Als so mir ein erb von seinen wegen sol werden.

(1. T., XVIII. Bl. 39. K.) De liberis deducendis.

Es wer ein cleiner nutz das man vns vnsere kindt zeygt / man ließ vns sie dan(n) wo wir hin wolten / hierumb in dem vnd dem vor geschriben nechsten interdict / gebürt sich glych vn(d) ist kein vnderscheid / dan(n) das ist kein vnderscheid dann das in der nechsten clag nach dem latyn heißt die clag von den kinden vns zů zeygen / vn(d) in diser / dz man vns vnser kind laß füre(n) wo wir hin wölle(n).

(1. T., XVIII. Bl. 40. K.) De libero homine exhibendo.

Das vns der frey geborn mensch vß gefencknüß gelassen vnd geb(e)n werde.

Offt geschichts dz ein frey geborn mensch würt in gefencknüß über seine(m) willen gehalte(n) / vn(d) nit mit freyem wille(n) yn laßt ziehen wo er hin wil. Ist gemacht dise clag / vnd gebürt einem yegklichen wider den der den gefangen helt.

Am ersten das der / der vß gefencknüß gelassen sol werden / frey sey.

Am anndern das der / der den freyen menschen gefangen hat / nit recht zů ym hab. ff. c. l. iij. Also so er yn hat erlößt von den feynden / vnd er hat mir das selb gelt noch nit betzalt / oder so er ein annder recht sach zů ym hat / sollich gerecht sach gehört dem richter zů erkennen.

ff. c. l. iij. §. si q(ui)s voluntate.

Am dritten / das der gefangen mensch über seinen willen gefange(n) sey. Es were dan(n) das sollicher wille mit list vnd vntrew des fahers geschehen were.

ff. c. l. iiij. §. exhibere.

Am vierden / das der gefangen gantz frey gelassen werde.

C. qui legit. perso. stan. b a. iti iudicio. l. j.

Am fünfften / ob ein fraw oder ein knab vnder viertzehe(n) iaren dise clag wolt füren / das der gefangen sey ir eins freündt von můtter vnnd vatter / vnd das ist ein casus das einer vnder viertzehen iare(n) in gericht steet der doch sunst kein person hat zů steen in gericht.

ff. c. l. iij. §. si tame(n) plures.

Am sechsten / ob mer cläger kom(m)en / so mag der richter den würdigsten vn(d) redlichsten welen vnd clagen lassen.

Am sybenden / ist das ein mal geclaget ist / das fürbaß nit mer geclagt werde / es würde dann bewisen das der erst claget vntreüwlich vnd bößlich dauon gelassen hette / das würt in latyn geheissen preuaricare.

(51) Der Erst Teyl

Herr richter ich clage eüch von .M. der hat .N. über seinen willen gefange(n) vnd laß yn nit geen oder steen wo hin er wil. Bitt (et)c. zů gebietten das er yn vß gefencknüß sol lassen / vnd das er es thü / zwinget (et)c.

ff. c. l. iij. §. si tamen reus.

Item merck / wil er yn nit vß gefenckniß lassen / mag ich wider in schwöre(n) vn(d) sollichs schätzen an gelt / vnd doch mag der faher wider von mir oder eim andern verclagt werden.

Merck / dise clag ist ewig / vnd kompt der faher in gericht / sol der richter den clager ynsetzen in die habe des fahers (et)c.

Priuat carcer. C. de p(ri)uatis carce. inhibendis.

Merck / es ist verbotte(n) das in sunnderheit kein kercker od(er) thürn sol sein / daryn die mensche(n) gelegt werde(n) / sollich gefencknüß solle(n) allein die richter haben.

(1. T., XVIII. Bl. 41. K.) Vnde vi.

Dise clag gebürt wider den der gewalt gethan hat.

Dise clag oder interdict hat stat so du mit gewalt hast verlore(n) den besitz der erden / das ist ligende habe / als heüser / äcker / wisen (et)c.

ff. c. si verum

Item der gewalt můß sein vßtrybend nit zwingend. Wann würde ich getzwungen den besitz meiner habe hin zů geben / gebürt mir nit dise clage / vnd hat ein andere stat mit namen. q(uo)d me. cau. von der du oben geschribe(n) vindest.

Item es sol auch vnbillicher gewalt sein. Incontinenti.Wann würde ich vßgetriben vß meinem besitz / vnd als bald wil ich wider mit gewalt mein besitz bringen / dz mag ich mit meinem eygen gewalt von verhengknüß des rechten thůn. ff. dever. ob. continuus. et. ad. l. iul. q(uo)d ait.

Als bald soltu also versteen / ee du dich bereitest ander dein geschäfft zů thůn. Es mag auch der / der noch nit ist außgetriben / dem der vnbillichen außtreybenn wil widersteen / vn(d) mit gewalt seine(n) besitz schirme(n) / doch mit massen. ff. c. l. j. Moderame(n) inculpate tutele. ff. c. l. iij. §. cu(m) igst. Solliche maß würt gemerckt in zwen weg / thůstu mir aber gewalt on waffen / sol ich mich weren on waffen. ff. c. l. iij. §. armis Waffen sein all geschoß / spieß / stangen / schwert / stein / messer / bogen (et)c. Were aber einer so groß vnnd starck / das sein feüst herter weren dann mein schwert schlege / mag ich mich mit waffen weren. ff. c. l. iij. §. qui armati. Auch bin ich nit schuldig das ich beyt biß ich geschlagen würde / genůg ist das einer mich angee mit waffen / od(er) mit waffen schreck / als dann mag ich mein besitz mit waffen schirmen / vnd mich der waffen brauchen.

ff. ad. l. aqui. si et plagis. §. tabernarius.

Item du solt dich allein schirmen vnd nit rechen / wann magstu dich des zwingens mit schlahen erweren / vn(d) schlechst ym mit fleyß ein aug vß / wercst schuldig des gesetz aquilia.

ff. c. l. j. §. ad sola(m)

Item der gewalt sol grausam sein.

Item der gewalt sol nit geschehen sein von des richters heissen / als du hernach würst höre(n) in den keyserliche(n) rechte(n). si quis in tantå. et. l. meminerint (et)c.

Dise clag gebürt allein vmb ligende habe / wann vmb farende habe clagt man furti. oder vi bonorum raptorum. Die clag hast du vor geschriben von rauben vnd stelen (et)c. ff. c. l. j. §. vlti. Wurst du aber von deiner ligenden habe vertriben / so auch darinn farends were gewesen / käm die selb habe auch mit in dise clage / die selb farend habe sey des vertriben eygen / entlehent / ym zů behalten geben / oder zů pfandt gesatzt / wolt aber einer vonn der ligende habe wegen diese clage füren / vnd vmb die farende habe die andern / als raub vn(d) diebstall wie ob stat

(52) Das XIX. Blat

er mags thůn. Wiltu clagen vff den verloren besitz / gebürt sich zwey.

ff. c. l. j.

Am ersten / das du warlich besessen habst als du vß getribenn bist worden / antweder mit dem lybe / oder mit dem gemüte / vnd darumb ist einer von acker oder vß seinem hauß gangen / vnd hat nyemandt der seinen hinder im gelassen / so er wider kompt würt er nit yn gelassen / oder het yn einer vnder wege(n) gefangen / der ist mir gewalt vertriben / wan(n) also ist ym entwert der besitz den er in seinem gemüt gehabt hat / wiewol er mit dem lyb nit besessen hat. ff. de re. in no(n) vider(e) re(s) amittere

Wan(n) nyemandt verleürt die habe dan(n) der es gehabt hat.

ff. c. l. j. §. penul.

Am andern / das der besitz sey warlichen verlorn / and(er)s dir gebürt dise clag nit / vnd darumb ist das mich einer vßtrybt vnd nit die meinen / diese clag gebürt mir nit / wan(n) durch die meinen behalt ich den besitz. Wann die rechtlich besitzung ist der natürlichen besitzung so gewant / das ein von der andern nit gescheiden mag werden. Ui deiectus q(ui)s dicatur. Mit gewalt würt verlorn der besitz ich werd dauon vertriben / oder so ich widerkom(m) vnd würd nit yngelassen. ff. de vsucs. non solum. Item wann ich hab die gewapneten gsehen / oder hab gehört das sie kom(m)en / durch sollich forcht bin ich gangen von dem besitz / zů verlieren den besitz bin ich vertriben.

Juris possessio.

Tiaturalis possessio.

ff. c. l. j. §. dicitur

Item dise clag gebürt de(m) vertribene(n) er besitz rechtlich / das ist in de(m) gemsive od(er) natürlich / das ist mit de(m) leyb so ich in der habe / od(er) vff de(m) acker stee / lige oder sitze / oder die habe die in meiner angesicht ist / besitz ich allein rechtlich.

Dise clag würt geben dem vertribenen so er in seinem namen besitzt / sunst würt die clag geben dem in des namen der es besessen hat. Einem yegklichen vertribenen gebürt dise clag an dem der widerkompt vnnd nit yn gelassen würt er besitz rechtlich oder vnrechtlich. Etia(m) predo testetuendus. Wann dem rauber gebürt dise clag / der rauber sol in seinem besitz von dem richter auch beschirmt werden.

Item dise clag gebürt wider den / der vertribenn hat / auch wider den der es gebotten oder geheissen hat / auch wider den der sollichs vertryben von einem andern in seinem namen geschehen / stät helt / wan(n) malefitz stät halten / würt einem gebott gegleychet.

ff. c. l. j. §. deiecisse. et. §. q(uo)tiens.

Item der / der in seim oder eins and(er)n namen oder vo(n) gebott od(er) beuelhnüß hat vertriben / ist schuldig diser clag (et)c. So aber der besitz mit recht von dem hern würt gebracht / würt der procurator erlöset / vnd widerumb.

Item diese clag gebürt wider den der wider das haußgesind oder taglöner sollichen gewalt getriben hab / vnd souil vnd sollichs im worden ist.

Uiolentia.

ff. c. si. vi. me. deiecerit.

Item also sein die stät schuldig diser clag von de(m) das in worden ist / vß violentz / das ist gewalt den ein ander in irem namen gethan hat.

Aber vm(b) ere willen etlicher person würt dise clag vom richter versagt / als den kinden wider vatter vnd můtter / liberti wider iren patron / geschehe aber sollicher gewalt von vatter vnd můtter oder patron wider die genante(n) person mit waffen / het dise clag stat.

Item es sol wider geben werden die ligend habe / vnnd ales das darinn ist gewesen / auch würt der rauber damit nit ledig / wer die halbe die weyl er es besitzt vergangen / oder zů nichten worden.

Item auch alle die nutzung die er yngenom(m)en vnd genossen hat / auch alle die frucht vnd nütz die der vertriben het yngenom(m)en het er besessen.

E

(53) Der Erst Teyl

ff. c. l. j. §. ex die.

Ite(m) auch aller schade den d(er) vertribe(n) durch solliche(n) gewalt empfange(n) hat.

Cide si. de possessore. et extra de resti. spo. grauis.

So aber nun der vertriben im rechten dein gewalt bewisen hat. C. c. si q(ue)n. Darnach vmb die farend habe vnd schaden des gewalts halben gelitten / mag er nit alle verlorn ding beweysen / sol yn der richter dz verlorn lassen schätzen / die verlorn habe vnd schaden wie obstat gelitten / doch sol der richter nach gelege(n)heit der sachen vnd der person sollichen wert schätze(n) / vnd über sein schätzen soll er den vertriben nit lassen schwören.

Also formier dein clag / so du selbes vertriben bist.

Herr richter ich clag eüch von .N. vn(d) sprich / wiewol ich das hauß alda gelegen besessen habe / ye doch hat der genant .N. mich vonn sollichem besitze getzwungen vnd freuenlich vßgetriben vnnd beraubt. Bitt (et)c. erkennen das er mit den besitz des genanten hauß / ackers oder wisen (et)c. mit gewalt genom(m)en sol widergeben mit dem nutz den ich vonn im yngenommen möcht habenn vnd den schaden den ich sollichs vertrybens halben gelitte hab / den selbigen nutz schätz ich an .x. gulden / vnd den schaden schätz ich an .xx. gulden / doch eüwer rechtlicher schätzung vorbehalten / vnd das er mir es gebe zwingt yn (et)c. So du aber widerkom(m)en bist vnd nit yn gelassen. Sprich also.

Herr richter (et)c. Der ist yngange(n) in besitze des hauß / das selb hauß hab ich besessen / vn(d) als ich wider hinyn wolt / wolt er mich nit ynlassen. Bitt (et)c. wie ob stat / die beschliessung diser clag ist all weg in ein du clagst wider den vertreyber oder sein haußgesinde / taglöner oder der es in eins andern namen gethan gebotten oder geheissen hat / oder den raub in seine(m) namen geschehen stät halt. Dise clage gebürt auch dem lehenman / vnd andern die in latyn vsufructuarius / emphiteota / seu donatarius / superficiarius genant werden.

ff. c. q(uo)d in eo. §. si venditorem.

Item merck / es besitz die habe oder sey in der habe oder nit / wan(n) er nur die habe sicht / ye doch besitzt er es natürlich / wann er überkompt den natürlichen besitz durch sehen.

Aber rechtlichen besitzt der / so er wol nit in der habe ist vnnd auch die habe in seinem angesicht nit ist. Wann diser rechtlicher besitz ist vor dem richter erfunden. Nun haben die den rechtlichen besitz der des die eygenschafft ist. ff. c. naturaliter. et. l. possessio. So er einem andern die habe zů niessen geluhen hat / oder der der zů lehen geluhe(n) hat oder zů einem erbe dem hindersessen der fructuarius / der d(er) den nutz neüsser oder nympt / vnd der hinderseß / auch der lehenman die besitzen allein natürlichen. l. ij. Sie besitzen yn selbs auch von des richters wegen das sie zů der habe recht haben / die aber die etwas besteen nit auff lang zeyt. C. de prescrip. xxx. an. Lang zeyt ist im rechten .x. iare die besitzen in frembdem namen / vn(d) darumb so haben sie kein besitz. vt insti. de inter. §. possidere. Ein lang zeyt ist im rechten .x. iare / wann sie besitzen durch mich. vt. C. co(n)ia de vsuca. q(ue) ex co(n)ducto. Also spricht das recht / der besitzt / in des namen besessen würt / vnd darumb hat er innen einen besitz aber den rechtlichen nit / wann ich behalt den selben besitz in meinem gemüt / darumb můß er den natürlichen besitz in(n)haben / wann es ist sunst kein ander besitz / vnd wan(n) er nun den natürlichen hat durch mich / darumb hab ich den selben durch yn / wan(n) die selben besitzen natürlichen.

(54) Das XX. Blat

Colonus. ff. c. possideri. §. q(uo)d seru(m). et l. peregre.

Item merck / das die colom die das erdtrych bauwen / die das besteen / entlehen / zů behalten nemen / vnd irs glychen / allein in irem gemütte behalten sie den herrn den natürlichen besitz / vnd ob sie nit in der habe sein / wan(n) sie anders nit von der habe gangen sein in můtte den besitz zů verlieren / wo aber derobgeschriben einer vß de(m) besitz getriben würde / würde er beide besitz verlieren.

ff. q(uo)d in co.

Item den besitz überkom(m)en wir vnd gewinnen durch einen yegklichen der in vnserm namen im besitz ist. Vnd etlich ander wege / vnd wir verlieren den besitz auch in ettlich wege / doch ist vnderscheid vnder dem verlieren farender vnd ligender habe / das sůch. C. de aquirenda et amittenda possessione.

(1. T., XX. Bl. 42. K.) Quod vi aut clam.

Wider den der mit gewalt oder heimlichen bau wet / od(er) ettwas machet vff dem deinen wider dein verbietten.

Jactus lapilli

Ist das einer über dein verbietten macht etwas in dem deinen oder vff deinem erdtrych. Sollichs verbietten geschee mitt einem cleinen steinwurff oder sunst / ist dz sollicher der über dz bauwer / der thůt gewalt / macht er aber heymlich das / so du es nit weist / wann er versicht sich oder solt sich versehe(n) / das du yn on gericht nit bauwen lassest etwas vff deim erdtrych / der selb thůt sollichs heimlich / der selb bauwer můß sollichen bauw vff sein kost wider abthůn.

Am ersten gebürt sich das solliches werck mitt gewalt oder heimlichen gebauwen werde vff der erden / oder an andern gebeüwen das vff der erden stee / vnd im ersten der baume.

Am andern das die verbiettung geschee durch einen cleinen steinwurff.

ff. c. vim facit. in prin. §. pbibit.

Am dritten das nach sollichem verbietten der bauw geschehe.

Ite(m) merck / ich vbiet mit eine(m) wort od(er) mit eine(m) cleine(n) steinwurff / od(er) legeha(n)t an.

ff. c. probibere.

Item ich verbiet od(er) mein taglöner od(er) ein yegklich ander frey person.

Am vierden das die verbiettung blyb.

ff. c. pbibe(n)t. §. si quis paratus.

Am fünfften das der dem bauwen also verbotte(n) ist sey nit bereit sich zů weren im rechten / wan(n) bauwet er darnach thůt er mit gewalt.

ff. c. si ali. §. est autem et alia.

Am sechsten das der gebauwen hat in dem deine / sollichs habe gebauwen verbrant oder brunnen / wan(n) als dan(n) hat dise clag nit stat.

ff. c. si ali aceruu(m)

Am sybenden das sollichs werck das ich nach dem verbietten hab gemacht an deinem acker / das das wesen des ackers nit sey besser worden / als dann gebürt dise clag nit.

Am achten das der / der dise clag füret sey herr / oder es thůt ym sunst schaden / als het ich einen grossen nutz in einem garten / oder het eine(m) ein acker vmb einen teyl gesewet / vnd einer fürt wasser vff das erdtrych / oder hab baum darvnder / durch sollichs würde die frucht geschediget.

ff. c. sp.

Am neünde(n) dz ein iar nit vergange(n) sey / nach de(m) dz werck gebauwen sey.

ff. c. pbibere in si

Am zehende(n) / so sollicher baw heimlich geschicht dz d(er) bauwer hab geförcht dz du yn mit recht anlangest / od(er) solt aber solichs gedacht od(er) geförcht haben.

Herr richter ich clag eüch vo(n) .M. der mit gewalt od(er) heimlich über meinen wille(n) od(er) on meine(m) wissen / wan(n) er hat wolgedacht od(er) solt gedacht haben dz ich yn rechts nit erließ / hat an dem ende (et)c. das mein eygen / oder sunst was gerechtigkeit du da selbes hast / soltu fürwenden einen sollichen bauw nach meinem

E ij

(55) Der Erst Teyl

verbietten gemacht oder machen lassen. Bitt (et)c. erke(n)nen dz er sollichen bauw wider abe mit seiner eygen kostung thůn sol / vnd das er es thů (et)c.

Hat er das werck allein mit gewalt gemacht nach deinem verbietten vnd verkünden / clag also.

Herr richter ich clag eüch von .M. der mit gewalt vnd über mein bietten vnd verkünden hat alda (et)c. Die selb statt ist mein eygen / oder so ich sunst ein nutz oder andere gerechtigkeit da hab / vnnd würde durch sollichen bauw geschediget oder gehindert (et)c. einen sollichen bauw gemacht. Bitt (et)c. erke(n)nen dz er sollichen bauw mit seiner eygen kostung dannen thůn / vnd den erste(n) stand widerbringen sol / vnd das er es thů (et)c.

Besitz aber ich es / vnd ein ander hat es gebauwen / clag also.

Herr richter ich clag eüch von .M. der sollichen bauw .N. gebauwen vnd gemacht an dem ende (et)c. die selbig statt ist mein eygen / oder (so du sunst ein gerechtigkeit hast) nach meiner verbiettung besitzt. Bitt (et)c. erkennen das er sollichen baw sol lyden / wider zerbrechen vnd zerstörn / vn(d) in den ersten bestandt wider bringen lassen.

Hat er aber gebauwen on dein wissen / clag also.

Herr richter ich clag eüch vonn .M. der hat ein sollichs gebauwen an das ende / on mein wissen / vnnd hat wol gewißt oder solt gewißt haben / das ich in rechts darumb nit erließ / die selb statt ist mein eygen / oder sag was gerechtigkeit du an der selben statt hast. Bitt ich (et)c. erkennen das er solichen bauw wid(er) mit seiner eygen kostung sol abthůn oder dannen / vnd das er es thů (et)c. Hast du aber sollichs nit gebauwen / sunder ein ander / vnnd du besesset sollichen bauw / clag wie obstat in der nechsten clage.

ff. sp. §. boc interdicto.

Merck / du magst in diser clag deinen schaden mit deinem eygen eyde beweysen. Stat iurame(n)to damnu(m) passi. Vnd das ist ein gemeyn regel / wo schade(n) gefordert würt vß malefitz / das sollicher schad mit eyd behalten mag werden. C. vn(d) vi. si q(ui)n. insti. d(e) ver. ob. §. vlti. ff. de partu. sup. Lvlti. Würt aber der schad gefordert vß contract vnd handel / sol er durch zeügen bewisen werden. Dise materie ist schwere. Frag die gelerten.

(1. T., XX. Bl. 43. K.) Vti possidetis.

So du allein in dem besitz betrübet würst vnnd nit außgetriben als zwen sprechen sie besitzen (et)c.

insti. de interdic. §. retinende.

Vnderweylen betrübt oder hindert einer einen / also das er in nit fridlich lasset sitze(n) / nit zů acker geen / sewen / darumb ist gemacht dise clage / durch die du deinen besitz beheltest.

Am erste(n) gebürt sich das du besitzest.

Am andern das ligende habe sey.

ff. c. l. j. in prin.

Am dritten das sollich habe sey die besessen möge werden / nit heimlich / nit cünstlich / nit gemeyn.

ff. c. l. j. §. huius interdicti.

Am vierden / das ein yntrag geschehe / oder du betrübt werdest.

ff. c. l. j.

Am fünfften das der besitzer nit besitz mit gewalt / nit heimlich od(er) mit willen vnd gunst von dem der dich betrübt / das ist von deinem widersach.

insti. de interdi. §. vtrobiqs.

Am sechsten das du sollichen besitz gehabt hast / als das der krieg zwysch(e)n dir vnd deinem widersach vorm richter bestättiget werde.

(56) Das XXI. Blat

Ite(m) diese clag würt auch gebe(n) so einer dem and(er)n sein gerechtigkeit betrübet.

Item dise clag gebürt sich so beide krieger meynen den besitz zů hab(e)n / yeder spricht er besitz / wölcher dan(n) das beweyßt der behelt seinen willen.

Item auch so einer besitzt vn(d) der ander yn im besitz betrübt. Als so du mir verbeüttest in dem meinen zů bauwe(n) / also irrest du mich an meinem besitz so du mir verbeüttest meinen besitz zů nyessen oder brauchen.

Item so du oder dein arbeiter vß meinem grund zeücht wein rebe(n) in deinen bauw irrestu mich das ich die weinreben antweder abschnyden oder wider in meinen grundt füre / thůstu mir gewalt an meinem besitze / wer mir meinen grundt verbeüt zů arbeiten / verbeüt mir yn zů besitzen.

ff. c. si duo. §. vicinus.

Item wo einer vff eim andern grunde schütt oder würfft gebürt dem herrn des grundes wider den werffer oder schütter dise clage / wann der grundt eins yeden sol frey sein biß in hymel. ff. c. si duo. §. lab. o. Wer dann das der schütter (et)c. sollichs besesse mit dienstbarkeit oder gerechtigkeit / ym würd dise clag auch geben wider den herrn des grundes so er yn betrübt inn dem besitze sein gerechtikeit oder dienstbarkeit.

Herr richter ich clag eüch von .N. der mich mein haußgesinde odre bauwern in de(m) besitz dz hauß alda gelege(n) (et)c. irret vnd betrübt also das er mich nit laßt dz hauß od(er) den grund fridliche(n) besitze(n). Bitt (et)c. erke(n)nen dz er mich an solliche(m) meine(n) besitze nit irre(n) solle / vn(d) verbiette(n) ym mich hinfür nym(m)er zů irren.

Item betrübt einer dein hindersessen also er geet vff das feld vn(d) laßt sie nit zů acker gan / nit sewe(n) / nit mein zyuß od(er) dienst thůn od(er) geben / clag also.

Herr richter ich clag eüch von .M. der den .N. vnd .N. mein hindersessen die ich hab an dem ende betrübt vnd hindert / er laßt sie mir mein zynß nit fridlichen geben vnd thůn. Bitt (et)c. erkennen das er mich an sollichem besitze mitt irren solle / vnd verbiettent ym mich hinfür nymmer zů irren / ob aber die bauwern vns in vnserm besitz selbes betrüben.

Herr richter ich clag eüch von .M. wiewol ich im besitze bin von ym yntzůnemen sollich zynß oder dienst die er mir schuldig ist zů thůn od(er) geb(e)n / ye doch betrübt er mich in sollichem besitz vnd widert sich mir sollich dienst zů thůn. Bitt (et)c. das er mir sollich zynß oder dienst thů vnd betzale hinfür vnd in sollichem besitze nit mer betrübe. Dise materie ist schwer zů teütsch zů machen. Frag die gelerten.

Am letste(n) merck wölcher den andern in dieser clag überwindet / sol der überwunden innerthalben dem iare vnnd das vrteil gangen ist im in dem werde des besitz verdampt werden. de treuga et pa. c. penul. Aber nach dem iare magst du nit clagen vff den werdt / sunder allein vff den schirm des besitze / vnd vff ewige verbietung der betrübung / wann mit mein hinderseß mein gült nit gibt / mag in darumb lassen in bann thůn.

(1. T., XXI. Bl. 44. K.) De interdicto vtrobi.

Das du nit betrübet werdest in dem besitz farender habe.

Auch würt deßglychen der besitz einer farender habe betrübt vnnd geirret / darumb ist gefunden dise clag / in der alles das nottürfftig ist das du vindest

E iij

(57) Der Erst Teyl

du der vorgeschriben clage / allein ist diß die vnnderscheid / das die vorig clag gebürt vmbligende / vnd dise vmb farende habe.

Herr richter ich clag eüch von .M. der mich das weyß pferdt das ich besitz nit fridlichen laßt besitzen vnd brauchen / als er laßt mich nit darauff reyten wo ich hin will / oder damit zů acker geen. Bitt (et)c. das er mich dz pferdt sol fridlichen lassen besitzen. Vnd verbiettent im (et)c.

(1. T., XXI. Bl. 45. K.) De superficiebus.

Das du nit betrübet werdest im besitz einer habe die dir zů bezymmern gelühen ist zů einem erbe.

Superficies.

Wann du hast ein gůt oder ein grund bestande(n) / vnd hast darauff ein zymmer / es sey stall / hauß oder scheüwt / wie es genannt sey / in latyn würt sollichs genant superficies / vnd du besitzetst das zym(m)er / ein ander kompt vnd betrübt dich in dem besitz des zymmers / gebürt dir dise clage.

Am ersten das das zymmer sey vff die erden gesatzt.

Am andern / das der grundt frembd sey / nicht dein.

Am dritten das du das zymmer besitzest.

Am vierden das du es nit mit gewalt / nit heimlich / nit mit willen besitzest des der dir yntrag thůt oder dich betrübet.

Am fünfften das du sollichs bestanden habst.

Am sechsten das sollicher bestande sey nit vff ein clein zeyt.

Merck / vmb sollich betrübung gebürt dir die obgeschriben clage. vti possidetis. vnnd diese auch wie obsteet / eine heisset vtilis rei vendicatio. vonn der du oben hast hernach steet sie.

Triplex funiculus difficilio ru(m)pitur.

Merck / es ist vns nütz das wir vil hilff haben / wan(n) ein dreyfachstuck würt nicht bald zerbrochen. Als Salomon spricht.

Herr richter ich clag eüch von .M. das er mich das zym(m)er das ich vff dem grundt alda gebauwen hab an dem ende / den selben grund hab ich wol von .N. der des selben grundes herr ist bestanden ein sollich zym(m)er darauff zů setzen / nit laßt fridlich besitzen / sunnder er betrübt mich also (et)c. in dem besitz des zymmers. Bitt (et)c. erkennen das er mich also an sollichem besitze nicht betrübe vnd verbiettent im hinfür als vor.

(1. T., XXI. Bl. 46. K.) De itinere actuqs priuato.

Das dir nit verbotten werde der fůßpfadt oder weg / vnd der gebrauch über einen frembden grundt.

Offt geet einer durch des anndern grund dises iar / doch das er nit sein gerechtigkeit habe / der ander kompt vnnd verbeüt im so er geen oder farn wil / ist gemacht dise clage / in der sich gebürt.

Am erstenn das einer sich des pfades oder weges diß iares habe gebraucht durch seins nachpauwrn grund zů seinem grund / oder zů de(m) mynsten dreyssig tag diß iares / doch nit mit gewalt / nit heimlich / nit mitt gunst seins nachpauwrs.

Am anndern / das er sich des weges oder pfads gebraucht / als ob er sollich gerechtigkeit habe. Wan(n) werestu gangen durch deins nachpauwrn grund /

(58) Das XXII. Blat

darumb das der gemeyn weg zerbrochen / oder ein grosser bach da gewachsen were / vnd darumb kanstu anders nit zů dem grundt kom(m)en dan(n) durch den grundt deins nachpauwrn gewynnestu darumb kein gerechtigkeit.

ff. c. l. j. §. hoc interdictum.

Am dritten das du solichs wegen oder pfads dich bebraucht habst vff dem velde. Wann dise clag hat nit stat in stetten / dörffern / märckten / sunnder allein vff dem velde.

Am vierden / das du dich gebraucht hast des weges oder des pfads wie ob stat / du habst sein gerechtigkeit oder nit.

Am fünfften das dir als du dich diß iar gebraucht hast verbotten sey.

Herr richter ich clag eüch von .N. der mir als ich geen oder mich des wegs gebrauchen sol / sollichs wegs oder pfads gebrauchen wil durch den grund alda gelegen .N. verbeüt das ich mich sollichs wegs nit gebrauchen sol / solichs wegs oder pfads des ich gebraucht hab diß iare / nit mit gewalt / nit heimlich / nit mit gunst. Bitt (et)c. erkennen das er mir sollichs nit verbieten sol / vnd das ers thů / zwingt in. Negatoria. Magstu sprechen / was hilfft dich das du mit diser clag beheltest / nun mag es doch der der vnder gelegen ist / das ist der herre des grundes dich darnach anclagen / mit der clag genant Negatoria / von der du hernach würst haben / mit der selben clag würt er behalten das dir verbotte(n) würt sollicher brauch / was hilfft dich sollicher behalt (et)c.

Sollicher behalt hilfft.

Felix possidet.

Am ersten / wann also steet geschriben. Selig ist der / der da besitzet vnd im Rhömischen hoffe sprechenn die Cortisan. Selig seind die die besitzen / wann sie nyessen die nutzung vnd frucht.

insti. de interdi. §. comodum.

Item es ist auch nütz er besitzen dann vordern / wann als offt vnnd dick die recht beider partheyen verborgen oder vff zweyfel seind / beleybet der besitze als er ym anfang gewesen ist vff einer statt.

pprietatis pbatio difficillima.

Item es möcht auch sein das sich der nit möcht beweysen einen herren des grundes durch den ich gangen bin / das můß er thůn / wann die eygenschafft der habe ist das aller schwerst zů bewysen. C. de. pba. cu(m) res. Das würstu hernach wol versteen in der clag von der eygenschafft.

Item diser würt sich des gebrauchs brauchen so lang biß d(er) ander beweyßt sein willen. Er ist im auch schuldig vor de(m) richter sicherheit thůn / dz er in an sollichem gebrauch nit irren wöll / so lang biß er seine willen beweyßt.

(1. T., XXII. Bl. 47. K.) De itinere actuqs priuato reficiendo.

Das du den weg oder sunderlichen brauch bessern mögest.

So du hast gerechtigkeit des pfads oder weges / vnd es wer not das du den pfadt oder weg besserst oder raumest / vff das das du mögst den pfadt od(er) weg gebrauch(e)n / ist diese clag erfunde(n) / durch wölche verbotte(n) würt / dz dich nyema(n)t irre od(er) dir verbiette / dz du sollichen pfat od(er) weg besserst od(er) raumest.

Am ersten gebürt sich das du dich sollichs pfads oder weges gebraucht habest diß iar / nit mit gewalt / nit mit gunst.

Am andern das du beweysest das dir sollich gerechtigkeit gebüre.

Am dritten / das du sicherheit thůst ob du einem schaden thůst / das du den schaden ablegen wöllest.

E iiij

(59) Der Erst Teyl

Am vierden das du sollichs nit raumest weyter dann gewonheit ist / vnnd dein gerechtigkeit begreyffet.

ff. veterea

Am fünfften das der geirret werde d(er) do wil raumen / od(er) so er raumet / od(er) so er tregt / legt / oder fürt nottürfftige geschirr zů solliche(n) bessern vnd raumen.

ff. c. veterea. §. vl.

Am sechsten das der / der raumen oder bessern wil die nottürfftige geschirre nit ferrer oder weyter leg vff den weg / vff das / das der weg nit böser werde zů wandern / wan(n) als dan(n) mag man es im on straff verbietten.

ff. c. apparet.

Am sybenden das der / der die nottürfftige geschirr vn(d) anders das nottürfftig ist füre oder bringe durch den teyl des grundes da es am mynsten schaden thůt / anders der herre des grundes mag sollichs on straff verbietten.

ff. c. apparet. §. vlti.

Am achten das du sollich habst gerechtigkeit als ob steet vnd habst sollichen pfat oder weg gebraucht lenger dan(n) in gedächtnüß d(er) menschen ist. Wan(n) dienstbarkeit des wegs hat nit on vnd(er)laß vrsach / wan(n) heüt geet man darauff morgen nit / darumb ist nottürfftig die lengst zeyt / vff das / das sollich gerechtigkeit gewunnen werde / oder gebüre.

Herr richter ich clag eüch von .M. der mich als ich wil raume(n) oder bessern den pfat oder weg / den ich hab durch Hansen .N. grundt sollichs pfads oder wegs ich gerechtigkeit also oder also hab / den selben pfad oder irret od(er) verbeüt zů raumen oder bessern. Bitt (et)c. erkennen das er mir sollichs nit verbietten sol / oder mich an sollichem raumen nit irren solle.

Item ob sollichs irren oder verbietten schaden brächt / sol dir der richter yn in sollichen schaden verdamnen.

Questio. C. d(e) rei ven. l. vl.

Item merck / so ich bin im besitz des wegs oder pfads / warumb můß ich beweysen dz mir sollich gerechtigkeit sey gesatzt oder mit lang herkom(m)en gewonheiten / warumb hilfft mich nit der besitz / so doch sollichs in andern sachen geschicht / so ich beweyß den besitz / bedarff ich nit mer beweysen / es sey dann das der anclager seinen willen beweyse der besitz blybt mir.

Responsio.

R. Wölcher sagt das im gerechtigkeit oder dienstbarkeit gebüre / der vergicht sollichs im gebüre vff eim frembden grunde. Wann were der grundt mein eygen nit / het ich kein gerechtigkeit oder dienstbarkeit darauff zů fordern. Wan(n) nun gewiß ist das ich sprich mir gebüre dienstbarkeit des weges vff ein frembden grundt / můß ich beweysen das sollich gerechtigkeit oder dienstbarkeit von mir erkaufft / im testame(n)t gesatzt sey / oder so lang herkom(m)en sey / dadurch mir gerechtigkeit gewu(n)nen sey. Res sua nemini debet scruitute(m). An gesehen das ein yegklicher grundt frey ist / vnd nyemandt dienet / es sey dan(n) im dienst oder gerechtigkeit wie obstat auffgesatzt wann ich nun sprich das mir gerechtigkeit oder dienstbarkeit gebüre / wiewol ich sollichs besitz. Insti. de act. in pma columna. So aber durch sollichs man den willen des widersache(r) versteet / wann der grundt ist sein / ich můß von not beweysen dz mir sollich dienstbarkeit oder gerechtigkeit sey vffgesatzt oder gebüre wie obstat / vnnd diß ist ein casus do einer besitzt / vnd darnach beweysen můß.

Gend durch meinen grundt ist einem yegklichen frey vnd erlaubt / so ers nit thůt das er im durch sollichs gerechtigkeit oder dienstbarkeit wöll gewynnen / ich mag im aber das yn geen verbietten / vnd ist das er über sollichs verbietten yn geet / mag ich in beclage(n) vmb die schmacheit / vn(d) die an gelt schätze(n) / als du obgeschriben hast in d(er) clag genant iniuriaru(m). So dir schmacheit gethan ist.

(60) Das XXIII. Blat

ff. de iniurija iniuriarum.

Ist er aber yngangen mag ich im nit verbietten / ich můß in lassen vßgeen / so er vnuerbotten ist yngangen.

(1. T., XXIII. Bl. 48. K.) De aqua quotidiana.

Von täglichem regen wasser.

Vil haben dienstbarkeit oder gerechtigkeit das täglich wasser zů füren auff ir gründe / vn(d) sollichs würt in verbotten. Daru(m)b ist dise clag gemacht durch die den verbotten würt / vn(d) du deinen besitz behaltst also (et)c. Vnderweylen ist durch dise clag wider zů bringen ob etwas geschee dadurch der besitz des wasserfluß gehindert würt / das sollichs zerstöret vnd zerbrochen würde.

Teglich wasser.

Am ersten gebürt sich das das wasser täglich sey / also täglich / das du es alle tag möchtest füren ob du wöllest.

Am andern das du sollich wasser gebraucht habest diß iare / nicht mit gewalt / nit heimlich / nit mit gunst / zů dem mynsten ein nacht oder tag.

Am dritten / das sollichs wasser sey ewig.

Vom haupt füeren.

Am vierden / das du sollichs wasser fürest von haupt vnd nicht and(er)s / von haupt fürest du es / so du es fürest daher / da es entspringet / geet es vo(n) brunne(n) so ist das haupt der brunne. Ist es auß einem fliessenden wasser oder bach / so ist das erste abfliessen das haupt.

Am fünfften das der / der das wasser füret meynet er füre es mit recht.

ff. c. l. j.

Am sechsten / das so du in sollich wasser fürest du dich nit weyter brauchest vnd was wasser durch kein ander feld fürest kein anders daryn myschest.

Herr richter ich clag eüch von .N. der verbeüt mir das wasser vß meinem grunde zů füre(n) / das ich hab alda gelegt diß iare / nit mit gewalt / nit heimlich / nit mitt gunst gefüret. ff. c. l. j. Bitt (et)c. erkennen das er mich sollichs wasser hin für soll füren lassen / vnd als mir sollichs sein verbietten zweintzig gulden schadt das er mir sollichs auch betzale / zwingt (et)c.

(1. T., XXIII. Bl. 49. K.) De aqua estiua.

Von Summer wasser.

Von des wassers wege(n) das einer allein in dem sum(m)er füret / ist gemacht diese clage. Hat nun einer des fordern sum(m)er wasser vff seine(n) grundt gefüret vn(d) wil disen sum(m)er aber füren / würt er gehindert / gebürt im dise clage.

Am ersten das das wasser sey täglich / wan(n) sum(m)er wasser hat vnderscheid von täglichem wasser / nit am rechten / allein am brauch.

Summer.

Am andern das du dz wasser fernet vn(d) heüwr gefüret habst. Der Sum(m)er hebt sich in de(m) weg an zů sant Peters tag / cathedra genant / vn(d) weret drey monet / ein yeglichs wasser dz (e)r sum(m)er laufft / laufft auch i(m) winter / vn(d) nit wideru(m)b.

Am dritte(n) dz du solichs wasser habst gefüret zů de(m) mynste(n) ein nachtod(es) tag.

Am vierde(n) / das du es nit mit gewalt / nit heimlich / nit mit gunst habst gefüret / als in der vorigen clage.

Herr richter ich clag eüch vo(n) .M. d(er) v(n)beüt mir od(er) irret mich dz ich dz summer wasser nit mag füre(m) vff meine(n) gru(n)d alda gelege(n) / dz selbig wasser hab ich de(n) vorige(n) sum(m)er gefüret. Bitt (et)c. erko(n)nen dz er mich solich wasser füre(n) lasse(n) sol vn(d) dz er mich es füre(n) laß / zwingt in (et)c. Dise vn(d) die vorig clag sind nahe(n)t eins.

(61) Der Erst Teyl

(1. T., XXIII. Bl. 50. K.) De aqua ex castello ducenda.

Von dem wasser vß casteln vnd stuben zů füren.

An etlichen enden füret man das gemeyn wasser vff die wisen oder grunde od(er) in die heüser / vß de(m) castell od(er) caste(n) dz gemeyn wasser / ist dise clag erfunde(n).

Ist das einer hat recht das wasser auß dem casten zů füren / würt sollichs ym verbotten / gebürt ym dise clag wider den verbietter.

ff. c. l. j.

Am ersten das dir das wasser sey günnet zů füren vom Keyser oder vom Rate die sollichs zů günnen haben / wann nyemandt ist zymlich wasser zů fůren vß dem gemeyn casten / es sey ym dan(n) von den genanten personen günnet.

Am andern das du geiret werdest.

Am dritten wiltu sollichs wasser füren vonn neüwem das du es on dein er nachgebauren schaden fůrest.

Am vierden / das das wasser gemeyn sey das in casten fleüßt.

ff. c. l. j.

Item wiewol die nechsten zwo clag allein den besitz schirme(n) / dise clag setzt auch die eygenschafft. Wan(n) ist dir gegünnet vom Fürsten od(er) Senat / so hast du dise clag. Du hast aber dise clag nit / wann du dich sollichs wasser hettest gebraucht / du habst dan(n) dich sollichs gebraucht als lang vnd in gedächtnüß der menschen ist. ff. de serui. l. ij. Wol würt das wasser gefüret anders her / vnd on vnderlaß gewinnest du recht in zehen iaren.

Priuilegiu(m) principis.

So der Fürst günnet einem das er wasser vff seinen grund füre / verhenget er sollichs nit anders dan(n) dz sollichs on der nachgebauwern schaden geschee.

ff. ne q(ui)d i lo. pub. l. ij. §. merito.

Herr richter ich clag eüch von .M. der verbeüt mir wider recht oder irret mich das wasser vß dem casten alda (et)c. zů füren sol lassen.

ff. de flu. q(ue) min.

Item den schaden magstu auch vordern. Merck / gemeyn wasser magstu füre(n) on des Keysers od(er) Rats günnu(n)g / aber dz gemeyn wasser dz eim gemeynen nutz gewidemt ist / magstu on der Fürste(n) od(er) Senats günnu(n)g nit füren.

(1. T., XXIII. Bl. 51. K.) Interdictum de riuis.

Von dem wasser vß dem bach zů füren.

Hat einer ein bächlein durch den erwasser füret / es würt ym von einem verbotten das er das wasser nit füre / oder er will den bach raume(n) oder bessern / vn(d) es würt ym verbotten / deßglychen hat einer ein verborgene rinne(n) oder zaun in dem wasser oder einen galtbrunnen / vnd wilt wasser darauß nehmen / raume(n) oder bessern vnd würt dir verbotten gebürt die dise clage.

Am ersten das der bach oder riuus sey gemacht wasser daryn zů füren.

Am andern / das du dich des bachs oder fluß diß oder des vergangen summers habst gebraucht.

Am dritten / das du diß gebraucht habest / nit mit gewalt / nit heimlich / nit mit gunst.

ff. c. l. j.

Am vierden / dz du dz wasser fürest als du diß oder des vergangen sum(m)ers hettest gefüret / anders man möchte dir es on straff verbiete(n). ff. c. si seruus. §. si quis nouum. Wol möcht einer ein neüwen rinnen oder runsen / oder rören lege(n) in bach / doch also das es dem grunde nit schade durch den das wasser gefüret würt.

(62) Das XXIIII. Blat

Herr richter ich clag eüch von .M. der verbeüt mir oder irret mich das ich wasser nit füren mag durch das bächlin / rünsen / rinnen / rören oder auß dem galtbru(n)nen schöpffen als ich diß vergangen sum(m)ers gethan gefüret hab (et)c. Bitt (et)c. erkennen das er mir sollichs nit sol verbietten / oder an söllichem füren / schöpffen / nit irren / vnd verbietten ym (et)c. vmb den schade(n) sollichs verbiettens oder irrens magstu auch wol clagen.

(1. T., XXIIII. Bl. 52. K.) De fonte reficiendo.

Von dem wasser zů schöpffen vß de(m) brunnen / filsch wasser / see / od(er) grůb(e)n.

Offt hat einer sich gebraucht wasser zů schöpffen vß einem bru(n)nen / see / grůben / einer irret yn / gebürt ym diese clap. Auch wil einer vnnnderweylen sollich rinnen / grůben / vnnd schiffwasser / bessern / fegen oder raumen. Es würt ym verbotten / gebürt ym auch dise clag.

Piscins.

Am ersten das ein brunne / see / grůbe / Pisein sey.

Am andern das dz wasser sey lebe(n)dig wasser / nit cistern / oder steen wasser.

Am dritten / das dir es einer verbiet.

Am vierden / das du den brunnen / grůben / oder piscin wöllest fegen.

Am fünfften das du diß nit mit gewalt / nit heimlich / nit mit gunst habest gebraucht diß iare.

ff. c. l. j.

Am sechsten / das du es in sollicher weyß vnd formen fegest / od(er) dich sein gebrauchst / als er vor gebraucht oder gefeget gewonlich ist. ff. c. l. j. §. vlti. Wolt aber einer den brunnen fegen / oder das wasser anderst zwingen das nit flüß als es geflossen hat / gebürt dise clag wider yn.

Herr richter ich clag eüch von .M. d(er) verbeüt mir den brauch des wassers vß dem brunnen / piscin (et)c. alda gelege(n) / das selb wasser hab ich gebraucht diß iare / nit mit gewalt / nit heimlich / nit mit gunst. Bitt (et)c. erkennen das er mich sollichs wasser sol brauchen lassen / vnd das er es thů (et)c. Deßglychen magstu auch clagen / so dich einer nit will ein brunnen fegen lassen.

Item du solt dich sein zů dem minsten dreyssig tag habenn gebraucht / als oben in der clag steet.

(1. T., XXIIII. Bl. 53. K.) De cloacis purgandis.

Von sprochheüsern zů fegen.

Vnderweylen will einer sein profet / sprochhauß fegen / es würt ym von eine(m) verbotten. Deßgleychen ob einer wolt ein sprochhauß von neüwem machen.

Ite(m) offt schüt / geüßt od(er) würfft einer etwas daryn / dadurch mit der brauch meines sproch hauß gehind(er)t würt / daru(m)b ist diese clag in eine(m) weg widerbringe(n) das den brauch irret / das solichs da(n)nen gethan werde / dz erst ist verbiettende.

Am ersten gebürt sich das du ein sprochhauß habst.

Am andern das dir einer verbiet das zů fegen / bessern / oder etwas in dem sprochhaus were / dadurch der gebrauch des profet gehindert würde / das dz selb dannen gethan werde.

Am dritten das der das profet bessern oder fegen wölle / hab seinen nachgebauwern sicherheit gethan / oder thů es ym ob er ym schadenn thůn würde / das er sollichen schaden ym ablegen wölle.

(63) Der Erst Teyl

Merck / dise clag het stat es wölle einer fegen sein sproch hauß oder ruinen tolen oder loch / oder profet.

Item vn(d) ob einer den bruch des sproch hauß mit gewalt / heimlich oder mit gunst het / es schadt ym nit.

ff. c. l. j. §. hoc interdictum.

Item verbeüt einer einem sollichen neüwen bauwe zů volfüren / es schadt sollichem verkünden nit / er mag sollich verbietten oder verkünnden on straff verschmehen.

Herr richter ich clag eüch vonn .M. der irret mich oder verbeüt mir / so ich wil fegen oder bessern mein sprochhauß dz ich alda an dem end zwyschen mir vnd ym hab. Bitt (et)c. erkennen das er mich an sollichem bessern oder segen nit irren sol / noch mir verbietten / vn(d) das er es (et)c. Hat er aber etwas in de(m) sprochhauß gethan dadurch der gebrauch des sprochhauß auß geirret würt / sprich.

Herr richter ich clag eüch von .M. der hat in das sprochhauß (et)c. zwyschen ym vnd mir alda gelegen geschütt oder gethan / dadurch ich mich des sprochhauß nit mer gebrauchen kan. Bitt (et)c. erkennen dz er sollichs sol dan(n)en thůn / vnd das er es thů (et)c.

ff. c. l. j. §. si quis purga(n)ti. et. l. vlti.

Item merck / ich mag innerthalb meines hauß zwyschen mir vnnd dir ein sprochhauß machen wider deinen willen / vnd ob du mir verkündest oder verbeüttest einen neüwen bauw zů machen / sollich verkünde(n) oder verbiette(n) mag ich verschmehen. ff. c. l. vlti. Wolt ich aber an gemeinem wege sollichs bauwenn / müst ich günnung haben von dem gemeyne(m) bauwmeister dem die sorg der gemeynen wege empfolhen ist.

(1. T., XXIIII. Bl. 54. K.) Interdictum de precario.

So du einem von bett wegen etwas gegünnet hast zů brauchen / vnd der brauch im günnen nit eygentlich bestym(m)et ist / das magstu vordern wann du wilt. Precarium. Dise clag heißt inn latyn Precarium / das ist so einer leyhet oder günnet dem andern sein habe / sie sey ligende oder farende habe / oder dienstbarkeit / od(er) gerechtigkeit / oder ander recht das ist precarium / so einer ein biet das er ym leyhe zů brauchen / vnd es würt ym gelühen oder günnet / sollichs leyhen od(er) günnen mag ich widerrüffen wan(n) ich wil / wan(n) billich ist es dz du dich meins willens oder günnens nit lenger brauchst dan(n) ich wil / darumb ist diß die vnderscheid vnder geben / vnd disem leyhen oder günnen / wan(n) der do gibt / gibt also das er es nit wider neme. Wer aber leyhet oder günnet / der leyhet oder günnet also / das er es widerrüffe wan(n) ym eben ist. Co(m)modati. Auch ist vnderscheid zwyschen diser clag vnd der hernach geschriben mit namen Commodati / das auch zů teütsch leyhen heißt / wan(n) in der selben clag gebürt sich das ich dir mein habe leyhe zů einem bestympten nutz vnd vff ein benante zeyt / das gebürt sich in diser clag nit das ich dir gelühen hab vff ein bestymbte zeyt / mag ich es nit vor d(er) selben zeyt widerrüffen / hab ich dir es gelühen zů einem sunderen nutze / es du dz gelühen zů sollichem nutz gebraucht hast / mag ich es nit widerrüffen. Als so ich dir ein pferdt leyhe in ein dorff zů reyten / das du dester reycher erscheinest oder ein leitern dz du zů deinen fenstern steygest / hab ich aber dir es ein benante zeyt gelühen / mag ich es nit widerrüffen / wan(n) mir es eben ist.

ff. c. l. j.

Am ersten gebürt sich das du mich bittest dz ich dir etwas leyhe / oder günne /

(64) Das XXV. Blat

du habst mich gebetten durch dein sone / dein eygen menschen / dein procurator / oder ein andern in deinem namen / so du sollichs ståt gehalten hast.

Am andern / das ich dir gelühen hab oder günnet.

ff. c. l. in rebus

Am dritten / das die habe darum(b) du mich bittest dir zů leyhen / sey nit dein wan(n) als dann were sollichs leyhen krafftloß. Das soltu also versteen / das die habe dein sey mit eygenschafft vnd besitz. Wann wer die habe dein eygen / aber du besitzest sie nit / möcht sollichs leyhen wol geschehenn. ff. c. sed et ea(m) rem. Als so ich dir versetz meinen rock vmb schulde / vnnd bitt dich das du mir inn wider leyhest / vnnd du leyhest mir in wider / das mag wol geschehen.

Am vierden das der / der also gelühenn oder gegünnet hat / wölle die habe wider haben / also das er sein willen gewent habe.

ff. c. et. habet

Am fünfften das der / der also von bete wegen gelühen het / hab im nit versprechen lassen / oder gewißheit thůn / das im sollich habe wider sol geben werden / als dan(n) hat dise clag nit stat / sund(er) ein andere mit name(n) prescriptis vbis.

Herr richter ich clag eüch von .M. dem hab ich gelühen mein vaß / wann er hat mich daru(m)b gebetten / sollich vaß widert er sich mir wider zů geben. Bitt ich (et)c. erkennen das er mir sollich mein vaß wider sol geben / vnnd das er mirs gebe (et)c. Sollichs leyhen oder günnen geschicht in ligender vn(d) farender habe / in dienstbarkeit od(er) gerechtikeit. Als so du mich bittest dz ich dich durch mein gru(n)d laß geen / od(er) fare(n) / od(er) trybe(n) / schütte(n) (et)c. od(er) dz ich dir gün(n)e dz der(r) tach tropffen in meine(m) gru(n)dt od(er) hoff falle(n) / od(er) sparre(n) od(er) holtz in mein wandt setze(n) lassen.

ff. c. precario.

Item die habe die mein eygen ist / mag mir nit gelühen werden ich hette sie dann versetzt / vnnd meim creditor zů pfandt versetzt / der möcht mir es von berte wegen wider leyhen. Sollichs leyhenn geschicht zwyschenn dem gegenwertigen / vnnd denen die nit gegenwertig sein / vnnd durch einen sendtbrieff. Dise clag gebürt de(m) d(er) von bett wege(n) gelühe(n) hat / wan(n) ers widerrüffen wil. Es ist vo(n) natur billich dz du dich meiner güttikeit nit le(n)ger brauchst dan(n) ich will.

ff. c. quesitum

Item dise clag würt gebe(n) wider den d(er) mit vntreüw vo(n) der habe kom(m)en ist.

Item der erbe des der gebetten hat / ist schuldig als vil vnd der todt schuldig was / vnd also vil als von schuld wegen oder vntreüw an in gereicht oder kom(m)en ist. Wiewol das ist das diß lehen ein ende hat so der stirbt der gebetten hat / vnnd nit so der stirbt der gelühen hat / ye doch gebürt dem erben dise clag vnd wider den erben / als yetzo geschriben ist.

Item es kompt in dise clag die gelühen habe vnd ire frücht.

Item vntreüw des bitters vnd grosser vnfleyß. lata culpa.

ff. c. quesitu(m). §. si seruitute

Item der empfangen schaden ist das / das gelühen nit widerkom(m)et in den erste(n) standt / also was sein der clager schade(n) nympt / als er die habe widerrüfft / darumb so kompt auch all nutzung / gerichts schaden / nach dem vn(d) der krieg bestätiget ist / auch ist schuldig der der gebetten hat / ist das er sich der dienstbarkeit oder gerechtigkeit oder gelühen habe nit rechtlich in vntreüwe hat gebraucht / vnd vß sollichem ist die dienstbarkeit oder gerechtigkeit verlorn.

Item dise clag gebürt auch nach dem iare / wann offt würt gelühenn oder günnet lenger dann ein iare.

Item wan(n) ich dich bitt das du mir günnest in deinem hauß zů wonen / ist nit allein mit / sunder auch den meinen günnet.

F

(65) Der Erst Teyl

(1. T., XXV. Bl. 55. K.) De arboribus cedendis.

Von baum abhauwen.

Wan(n) nun offt deines nachpauwrn baum hanget vff dein hauß / od(er) deine(m) acker / vn(d) thůt dir schade(n). Auch thůn etwan die wurtzel des baums de(m) grund des hauß schade(n) / daru(m)b ist gemacht dise clag / durch die geheissen würt der / d(er) den baum hat / dz er in abhauwe / and(er)s d(er) vff des hauß od(er) acker d(em) baum hanget / mag mit seine(r) eygen gewalt den baum abhauwe(n) / vn(d) dz holtz im haben / hangt er vff das hauß / hangt er aber vff den acker / mag ich den selben baum enteste(n). id est. die este abhauwen .xv. schůch lang vom erdtrych vff zů messen an de(m) baum gege(n) dem grund in die höhe. ff. c. l. j. sj. iij.

Also hat dise clag zwey haupt / eins vo(n) dem gründe(r) d(er) heüser / dz ander vo(n) den äckern als yetzundt geschriben steet.

Offt geschicht es in stetten das die baum nitt hangen vff dein hauß / ye doch thůn die wurtzeln des baumes dem grundt deins hauß schaden / gebürt dise clag auch / das sollicher schad abgethan werde.

Am ersten gebürt sich der selb baum hangt vff dein hauß oder acker / oder das dir die wurtzeln an dem grundt deins hauß schaden thůn.

Am andern das der baum oder este schaden thügen.

Am dritten / das dz hauß dein eyge(n) sey / oder der grundt / oder das du sunst recht im hauß habst od(er) nutzu(n)g vff de(n) grund dem der baum schaden thůt.

ff. c. l. j. §. ait p(re)tor

Am vierden / das ich dir verkündet hab dz du den baum da(n)nen thůst / anders so er meine(m) hauß schadet od(er) meine(m) grund / so mag ich den baum abhaußwen biß vff die wurtzeln / so er meine(m) hauß geschadt hat / od(er) die este abhauwe(n) .xv. schůch lang / so er meinem acker geschadt hat / vn(d) ist dz du mir werest / gebürt mir dise clag wider dich / das du mich abhauwen oder stüm(m)eln last.

C. ad. l. iul. de adul. l. graebus.

Merck / wie kompt das / dz du dir selber recht sprichst / du magst darum(b) gestrafft werde(n) / neyn / wan(n) wz rechtlich geschicht vn(d) mit recht / dz sol nit gestrafft werde(n). ff. ad. l. aquil. que(m) admodu(m). §. alid(e). Auch vindestu mer dz im einer selba recht spreche(n) mag / als so du hast durch mein grund ein gerechtigkeit od(er) dienstbarkeit wasser vß de(m) gru(n)d lassen rinne(n) / als so du ein loch durch dein wandt machst / vn(d) dz wasser dar vß über mein grund laufft / mag ich dz selbig loch vermache(n) vo(n) des richters vrlaube.

Am fünfften das du dem des der baum ist verkündest das er in dan(n)en thů vff das das du durch sollich verkünden in begreyffst seumig / darumb solt du nemen ein offenbarn schryber vnd getzeügen so du es im verkündest / vnd heiß dir machen sollicher verkündung ein instrume(n)t / hauwet er den ab das ist gůtt thůt er es aber nit gebürt dir dise clage.

Herr richter ich clag eüch von .M. der hat ein baum in seine(m) hoff oder garten / der hanget über mein hauß / er wil in nit abhauwen / vnd wil auch nit leyden das ich in abhauwe. Bitt (et)c. erkennen das er mich sol den baum ab lassen hauwen / vnd das er es thů. Hanget er aber über deinen acker / clag also von .M. der hat alda in seinem acker ein baum der hanget über meinen grundt / den selben baum wil er mich nit .xv. schůch hoch von der erden gemessen abstümmeln lassen. Bitt (et)c. erkennen das er mich den baum stüm(m)eln als recht ist lassenn sol / vnnd das er es thů (et)c. Thetten aber die wurtzeln dem grunde meins hauß schaden / clag also von .M. der hat einen baum in seinem garten

(66) Das XXVI. Blat

des selben baums wurtzel der schwellen meinem hauß schaden thůt / vnd er wil es nit da(n)nen thůn. Bitt (et)c. erke(n)nen das er mich sol lassen die wurtzeln des selben baums von da(n)nen hauwen / vn(d) dz er es thů (et)c. Würde aber der baum von dem windt vff dein hauß geneyget / oder deinen grundt / clag also.

Herr richter ich clag eüch vonn .M. des baum in seine(m) garten vom windt auff mein hauß oder grundt geneyget thůt mir schaden / nun vergihe oder bekenne ich nit das er sollichs recht habe. Bitt (et)c. erkennen das er sollichen baum dannen solt thůn / vnd das er es thů (et)c.

ff. de ser. vr. predi. si arborem

Merck die baum so sie über dein heüser hangen / mögen grossenn schaden thůn / wan(n) sie mgöen das liecht nemen. Causa continua. Wann ich aber den baum zehen oder zweintzig iare also gehabt hab / so hab ich sollich gerechtigkeit oder dienstbarkeit. ff. de serui. ven. si q(ui)s diuturno. Wann der baum hat on vnnderlaß vrsach / das er ist ståt alle tag vnnd nacht / darumb gewynnen ich sein recht zů haben in sollicher zeyt.

In acker oder wisen mag der baum schaden thůn dz die frucht dester minder wachsen von de(m) schatte(n) des baums / die wurtzeln thůn schade(n) den schwellen des hauß / des fallen etwa(n) die heüser vmb / daru(m)b seind dise clag gar nütz.

Merck / die schwel sol ma(n) messen vo(n) stam(m)en / vff gege(n) deine(m) gru(n)d in die höhe .xv. schůch den baumen vff gemessen sollen die este abgehauwen werden.

(1. T., XXVI. Bl. 56. K.) De glande legenda.

Von frucht vflesen.

Vnderweylen fallen die frücht von den baumen in deines nachpauwern grundt / vnnd so du wilt in deines nachpauwrn grundt geen / vnd darinn die frucht vflesen / sollichs würt dir von dem herrn des grundes verbotten. Auff das das du magst die frucht vflesen ist gemacht dise clag in der sich.

Am ersten gebürt / das deins nachpauwrn grund sey nahe(n)t bey de(m) deinen.

Am andern / das der baum hang vff deins nachpauwrn gründt.

Am dritten / das der baum fruchtbar sey.

Am vierden / das die frücht in deins nachpauwrn grundt gefallen seindt.

Am fünfften das du es vflesen wöllest / das dir verbotten sey / von deinem nachpauwrn.

ff. c. l. vnica.

Am sechsten / das drey tag nit vergangen seind nach dem vn(d) die frücht gefallen sein.

Merck / als offt die frucht ab dem baum felt / als offt hast du drey tag vff zů lesen.

Herr richter ich clag eüch vom Sum(m)er / der wil mich öffel vn(d) piren von meine(m) baum in seine(m) garte(n) gefalle(n) nit vff lasse(n) lesen. Bit ich (et)c. erke(n)nen / mich sollichs obs vff lassen lesen / vn(d) verbiette(n) im mir sollichs nym(m)er weren.

ff. de iniuri. l. iniuriam.

Merck / wiewol ich kein recht hab über deine(n) willen in dein hauß od(er) grund zů geen / wo ich über deine(m) willen yn gee / ich bin in dir schuldig solliche schmachheit abtzůlege(n) nach erkantnüß des richters. ff. ad. exhibendu(m) thesaurum.

Wo ich aber das mein sůch / mag ich über deinen willen in dein hauß geen.

ff. de rei ven. meum e(x) quod ex rem ea est.

Merck / das vß dem meinen kompt ist mein / so der baum mein ist / ist auch die frucht mein / so die kůw mein ist / ist auch das kalb mein. Es irret nitt das der baum vff frembd erdtrych hanget / du magst in nit dannen heissen thůn / als du oben hast in der nechsten clage.

F ij

(67) Der Erst Teyl

(1. T., XXVI. Bl. 57. K.) Interdictum de migrando.

Das du dein habe mögest mit dir füre(n) so du vß de(m) bestande(n) hauß fare(n) wilt.

So der / d(er) ein hauß bestande(n) hat / wil vß de(m) bestande(n) hauß ziehen / vnd sein habe mit im nemen / vn(d) der des dz hauß ist / wil den beständer od(er) haußgenossen nit mit seiner habe faren lassen / ist gemacht dise clag in d(er) sich gebürt.

Am ersten das du das bestanden habst.

Am andern das die habe sey in das hauß kommen mit willen / es sey offenlich oder schweygen des hinleyhers.

Am dritten / das das gelt das du von des zynß wegen schuldig bist de(m) hinleyher betzalt sey / oder seyst bereit den zynß zů betzalen vn(d) er wil in nit nemen.

Merck / die habe sey des beständers oder hab sunst recht zů der habe / sie sey im zů behalten geben / oder er habe sie entlehent / im gebürt dise clage.

ff. c. l. j. in prin.

Am vierde(n) / dz dir d(er) leyher gewalt thů / als so er dich nit laßt die habe füre(n).

ff. c. l. j. §. si tu(am) gratuitam

Merck / dise clag gebürt auch so dir ein hauß vmb sunst gelühen ist.

Conducti.

Herr richter ich clag eüch von .M. der hatt mir das hauß alda gelege(n) .N. gelühen vmb zehen gulden / oder vmb sunst / in das selb hauß hab ich solliche habe gefürt / die selb habe wil er mich nit wid(er) vßfüren lassen / oder er wil mich mit meiner habe nit faren lassen dar vß. Bitt (et)c. erkennen dz er mich mit meiner habe vngeirret faren sol lassen / vnd das ers thů (et)c. Merck dise clag ist nitt notturfftig / aber es ist vns nütz dz wir vil hilff haben / es möcht der richter sollichs von ampts wegen verbietten. Es gebürt sich auch ein andere clage / die heißt ex conducto / von besteen / von der du hernach geschriben vindest.

(1. T., XXVI. Bl. 58. K.) Interdictum saluianum.

Von dem hastu oben geschriben in der clag Seruiana.

(1. T., XXVI. Bl. 59. K.) De noui operis nunciatione.

Offt macht es sich das einer bauwet oder will bauwen vff ein frembd erdtrych / vnd der der recht hat vff der erden / verkündt oder verbeüt im das er nitt bauwe / ye doch bauwet der / vn(d) verschmähet die verkündu(n)g. Darum(b) kom(m)en die recht zů hilff de(m) verkündter od(er) verbietter / dz der bauwer getzwunge(n) würde wid(er) abtzůbrechen das / dz er gebauwe(n) hat vff sein kostu(n)g / vn(d) ob er schon recht zů bauwe(n) het gehabt. Vmb besser verstentnüß diser materien soltu mercken das drey vrsach sein darumb verbotten oder verkündet wirt neüwer bauwe. Die erst ist natürlich. Die ander ist ein gemeyner nutze. Die dritte ist vff gesatzt oder mit lang herkom(m)en gewonheite(n). ff. c. de pupillo. Die natürlich ist als offt etwas in vnser schwelle(n) gemacht / gelegt / gebauwet / od(er) in oder vff de(n) vnsern gebauwen wirt. ff. fi. regu(l)do. l. fi. Gemeyn ist / so offt geschriben recht / eins rats gemächt / oder der Keyser Constitution verkündung der neüwen bauwe schirmen so wider geschriben recht gebauwen wirt vnnd man darumb verbietten. Darumb ist zů mercken / das etlich schuldig seind die eygen bauwe wider bauwe(n) vnd bessern / als alle burger in stette(n) / aber die besitzer der beuwe / seind sie nit burger / seind sie nit schuldig heüser von neüwen zů bauwe(n) / aber die heüser die sie besitze(n) / sein sie bauwfellig / werden sie durch des richters gebott getzwungen wider zů bauwen / also das sie doch irem nechsten nit schaden / so sie sollichs nit recht haben.

(68) Das XXVII. Blat

Item es ist yegklichem erlaubet sein eygen grundt / oder die weyte seiner eygenschafft / mit mauren oder getül / oder zaune vmbgeben / doch das sollichs nit gebe materie d(er) vflauff od(er) ein zerstöru(n)g od(er) verderbe(n) sey einer andern statt.

C. d(e) edifi. prius. l. meniana.

Item so einer in sunderheit will bauwe(n) bey eins andern zym(m)er sol er lassen zehen schůch weyt das des trauff da zwyschen frey sey. Geschehe aber sollicher bauw bey gemeynem bauwen / sollen aber zehen schůch zwyschen de(m) gemeyn vnd dem sunder bauw sein. Anders nit / allein sol das zym(m)er zerbrochen sein sunder das hauß sol dem Fisco zů geteilt vnd zůgeschriben werden.

Item im zymmer sol keiner übertretten die gemeyn gewonheit der nehe / ist das in der statt ist gemacht ein süte zů bauwen.

ff. de co(n)tra. emp.

Were aber gewonheit in einer statt / wan(n) ein hauß niderfiel / das an der selben statt ein gart würde / sol der richter die sach erfarn vnd erkennen / als offt in sollicher zwytracht erkent ist worden / die zerstörung der heüser würt verbotte(n) / dz die stein nit verkaufft sollen werde(n) / durch dz recht geschribe(n). Der synne des rechten ist das keiner groß oder clein heüser sol abbrechen / dz ist der verkauffer od(er) kauffer in kauffma(n)schatz weyse. Als so ich gib meine(n) nagebawern .xx. gulde(n) dz er dz abbreche / so es nur .xij. wert ist / die peen ist / wer wider das gemächt thůt / dz ich zwyfach als vil als ich kaufft hab / de(m) fiscal gebe / de(m) aber d(er) es verkaufft hat sol d(er) kauff vernicht werde(n). Gib ich aber dir dz gelt daru(m)b ich kaufft hab / vn(d) het zwyfach als vil de(m) fiscal gebe(n) / mag ich dz gelt wider vo(n) dir ford(er)n / wan(n) dein erhalbe(n) ist d(er) kauff krafft loß erteilt / diß recht hat allein nit stat so du dein eygen hauß oder zym(m)er / sunder so du ein frembdes verkaufft hast.

Das dritt das ist vffgesatzt vrsach.

Als offt einer seinem grundt vffgesatzt hat ein dienstbarkeit oder gerechtigkeit / vnd ob nach sollicher vffgesetzter gerechtigkeit / er etwas wider die gerechtigkeit des der die dienstbarkeit hat / bauwen wolt / mag der verkünden od(er) dir verbietten neüwen bauw / bauwest du anders wider die dienstbarkeit.

Nunciationis cause.

Item die verkündung neüwes bauwes geschicht vmb willen vnser recht zů behalten / oder vmb willen vnser schaden zů vertreyben / oder vmb willen gemeyner recht vnd nutz zů beschirmen. Als vmb drey vrsach die verkündu(n)g geschicht / also geschicht auch die verkündung in drey wege.

Am ersten mit schlechten worten.

Nu(n)ciatio quo(d) siat.

Am andern / durch den richter.

Nu(n)ciatio vbalio. ff. c. l. j. §. nunciatio. et. §. nout operis.

Am dritten / mit einem cleine(n) steinwurff. Mit worten geschicht sollich verkündung / wan(n) ich fünde einen newen bauw bauwen / vnnd ich sprich zů im allein mit worten / du solt nit bauwen (et)c. wan(n) ich sunst nit mer dartzů thůn / so macht sollich verkündu(n)g / mein widersach all zů handt eine(n) besitzer / wiewol er solichs vor nit besessen hat / hat er anders ein willen sollichs zů besitzen.

Nu(n)ciatio que sic iudici.

Durch den richter geschicht es so einer bauwet einen neüwen bauw vn(d) ich gee zů dem richter vnd sprich zů im.

C. de iude. (et)c. celi. l. nullus. §. cum alio.

Herr der richter. Es gehört eüch von ampts wegen zů übels zů vertreybe(n) vnd die menschen zů einträchtigkeit bringe(n) vnd rüffen / wan(n) der richter sol die nit zů vnrichtigkeit vnd zů waffen kommen lassen / die er mit seinem gerichts zwang geschweigen oder getzwingen mag .N. der bauwet auff dem .M. ein neüwes zym(m)er / sendent zů im vnd verbiette(n)t im das er nit bauwe / sendent ir

F iij

(69) Der Erst Teyl

aber nit zů im / ir werdent wol sehen was ich thůn würde / vn(d) darumb bin ich zů eüch kommen / wan(n) es sol sich nyemandt mit seinem eygen gewalt rechen / wan(n) darumb ist der gerichts zwang erfunden worden. Dise verkündung beheltet dir deinen besitz vn(d) alle dein gerechtigkeit / wan(n) der büttel würt gesant zů dem bauwer vnd verbeüt im das er fürter nit bauwen soll.

ff. de operibus pub. l. iij.

Lapillus.

Item die verkündu(n)g geschicht durch einen cleine(n) steinwurff so ich gee mitt getzeügen vnnd mit einem offenbaren schreyber / vnd sprich also. Ich verbeüt vnd verkünde dir das du nit solt bauwen / vnnd als offt würff ich ein cleinen steinwurff / vff das zymmer / vnd das ist genůg.

Item in dieser clag ist nottürfftig.

Am ersten das eine der genanten vrsach da sey.

Am anndern / das das zymmer nit gemacht sey / sunder das künfftig sey zů bauwen / dann wider gas (= das) (!) gebauwe(n) gebürt das interdict genant. quod vi aut clam. von dem du vor hast.

Am dritten das das gebeüw geschehe vff der erde oder maure / wann dise clag geschicht allein von des richters willen.

ff. c. l. j. §. si quis edificium

Am vierden das der bauw von neüwem geschehe / wan(n) ziert einer das alt gebeüwe / hat die verkündung nit stat. C. de iude. (et)c. celi. l. bec valitura. §. illud. Also möge(n) die Juden kein neüwe iuden schůl machen / die alte(n) mögen sie aber zieren. ff. c. l. j. §. opus nouum. Der der bessert macht nichts neüwes / sunder es behalt allein den alten standt / doch so das bessern also sey / das dem alten wesen gleych sey / anders die verkündung hat stat.

Am fünfften das dem verkünder kein andere hilff gebüre / wan(n) gebürt im ein ander hilff sol dise verkündung nit stat haben.

ff. de polli. l. j. §. cepisse.

Am sechsten das die verkündung geschehe in gegenwertigkeit vnd an der statt da das zymmern geschicht / es bauwe einer oder wölle bauwe(n) / also einer die statt keret.

Am sybenden / ob die sach mer dann einen rüret / ist genůg das die verkündung einem geschehe. Geschehe aber die verkündung einem / were sie nit von in allen geschehen die gemeynschafft in dem verkünden hetten.

Am achten das der verkünder schwöre das er nitt in boßheit verkünde / ob sollicher eyd von im begert würde.

Am neünden / ob die verkündung geschehe nur vff einem teyl des bauwes / das sollich teyl getzeyget werde.

ff. c. l. j. in prin.

Am zehenden / das der verkünder der verkündung nit ablaß / annders diese clag hett nit statt.

Herr richter ich clag eüch von .M. der als ich im mit eine(m) cleinen stein wurff / oder mit dem büttel verbot oder verkündt den neüwe(n) bauw alda gebauwe(n) (et)c. hat über sollich ich verkünden gebauwen. Bitt ich eüch sollichs erfarn souil vnd gnůg ist / vnd mit eüwerm rechtlichen spruch erkennen das er sollichen bauw den er nach dem verbietten oder verkünden gebauwen hat auf sein kost ab sol thůn vnd das ers thů / zwingt in dartzů mit zymlichen penen.

(1. T., XXVII. Bl. 60. K.) Ae vis fiat ei q(ui) satis dedit de ope demolie(n)do.

Das dem kein gewalt geschehe / der genügen hat gethan den bauw wider ab zů brechen / vindet es sich das er vnrecht gebauwen habe.

(70) Das XXVIII. Blat

Vmb sollicher verkündung willen würt offt der bauw gehindert das der bauw nit geschicht / vnd geschicht es so würts wider zerstört als obgeschriben steet. Nun ist ein ander interdict gefunden worden / durch das geholffen würt dem / dem verkündet würt / das er wiewol im verkündet ist / nit dester minder bauwen mag / also so er ein genügen hat gethan / od(er) bereit ist zů thůn de(m) verkünder / ist er gegenwertig od(er) in seine(m) abwesen de(m) stattrichter od(er) landtrichter / würde es sich erfinde(n) dz er vnbilliche(n) gebauwet het / dz er solliche(n) bauw abthůn wolt / also ist diß interdict oder clage verbietten / das kein gewalt dem geschehe(n) sol der genügung gethan hat das zymmer wider abtzůbrechenn / ob es sich erfünde / das er vnrecht gebauwen hette.

Am ersten gebürt sich das ein neüwe verkündung geschehen sey.

Am andern / das der dem verkündet sey habe genügung gethan oder wolt es aber gethan habenn / oder sey bereit zů thůn dem verkünder / erfindet es sich das er vnbillichen gebauwen habe / das er es wider ab wölle brechen.

Seniegu(n)g thun. ff. c. non solum

Merck / ist das einer bauwet vff einen gemeynen grundt / vnd im würt verkündet er ist schlechts nit mer schuldig dann globen das er sollichs ab wölle brechen / sey das er vnrechts habe gebauwen / bauwet er aber vff das mein / ist er mir schuldig einen bürgen zů setzen / vnd das ist genügung thůn (et)c. wann gelobt er mir schlechts die gelübnüß ist für nichts / vnnd nit dester minder hat stat die vorgeschriben clage / vnnd das ist die vnderscheid warumb ich ein genügung sol haben an dem globen so du bauwest auff der gemeyn / verkünde ich dir nicht in meinem namen / noch vmb das mein / sunder ich verkünde dir in einem frembden namen / vnnd vmb ein frembde habe / darumb sol ich mir genügen lassen an deiner schlecht(e)n gelübde / so ich aber verkünde von meinen wegen vnd vmb meiner habe willen / ist nit ein wunder ob du mir einen bürgen solt setzen oder geben.

Seniegu(n)g thun sol bkyben.

Am dritten / das sollich genügung thůn bleyb / anders es were eben als vil als ob die genügung nye geschehen were. ff. c. pretorait. ff. ad sena. co(m). vel leia. non putat. Also bleybt die genügung thůn nit / so die bürgschafft vffhalten / also das sie solliche bürgschafft nit schuldig weren zů halten / als frawen.

ff. c. §. deinde.

Am vierden / das der dem genůg gethan ist / über sollichs dannocht irre od(er) verbiette zů bauwen.

Am fünfften das ein iar nit vergangen sey / wann übers iar gebürt dir diese clag nit. Aber diese vorgeschriben clag gebürt .xxx. iare. Also clage.

Herr richter ich clag eüch von .N. der als er mir verkündt hat den neüwen bauw / vnd ich im ein genüge(n) gethan hab den bauw wider zerbrechen / ob sich erfünde das ich wider recht gebauwe(n) het / od(er) ich bereit bin im genůg zů thůn / vnd dan(n) wolt ich bauwen / über sollichs hindert er mich das ich nit gebauwe(n) kan. Bitt (et)c. erkennen das er mich sol bauwen lassen / vnd das er es thů (et)c.

Merck / nit allein gebürt dir dise clag so du besitzst / sund(er) auch die zwo vorgeschribenen clage / mit namen. quod vi aut clam. vnd interdictum vti possidetis. Es ist gůt vns das wir vil hilff haben.

(1. T., XXVIII. Bl. 61. K.) Edicta.

F iiij

(71) Der Erst Teyl

Si quis ius dicenti non obtemperauerit.

So einer dem richter nit gehorsam ist.

Es geschicht offt das die krieger dem richter nit gehorsam seindt / darumb ist gefunden diß edict / durch das der / der nit gehorsam wil sein / gestrafft vnd peenfellig geurteilt oder erkant würt.

Am ersten gebürt sich das ein magistrat sey.

ff. de iurisdic. c. iu. l. extra.

Am andern das einer vnder des selben magistrats gerichts zwang sey / anders er wer nit schuldig gehorsam zů sein.

ff. si q(ui)s ius di. no(n) ob. l. vnica.

Am dritten / das dem der vnderm gerichts zwang ist etwas gebotten sey.

Am vierden / das er nit gehorsam sey.

Formier also dein clage.

Herr richter ich clag eüch von .N. der ist geladen worden das er für eüch in gericht kom(m)e von meintwegen / vn(d) mir vff mein clag antwort / das hat er nun nit gethan / vnd wan(n) nun sollich sein vngehorsamkeit mir .x. gulden schadt. Bitt (et)c. erkennen das er mir die .x. gulden schadens ab sol legen vn(d) keren / vn(d) das ers thů (et)c. Also formier dein clag / wann du wilt fordern dein schaden / so einer geladen ist von deinen wegen für den richter vnnd nit kom(m)en ist / oder so im der richter etwas gebotten von meinen wegen / vnd er ist vngehorsam gewesen / vnd so dir sein vngehorsam schaden bringet. Wann du aber wilt das in der richter vmb gelt strafft / clag also.

Herr richter ich clag eüch von .N. der hat das gebott im von eüch gebotten nit gethan / vnd ist auch vngehorsam gewesen. Bitt (et)c. das ir in straffet vmb sollich vngehorsamkeit.

Item wan(n) einer also vom richter gestrafft würt / sollich straffgelt ist nit des richters / sunder es gehört dem fisco.

Item wann der beclagt nitt gehorsam ist / so magstu den richter bitten das er in straff in ein der obgeschriben wege / oder magst bitten das dich der richter ynsetz in etlich habe des beclagten.

ff. de rei. ven. qui restituere.

Item wann dich der richter heißt etwas widergeben / vnd du bist dem richter nit gehorsam / mag ich mit meinem eyde behalten was ich sollicher vngehorsamkeit schaden nymme.

(1. T., XXVIII. Bl. 62. K.) Si q(ui)s vocauerit alique(m) t(e) ius que(m) vocari no(n) licet.

Ladet einer einen für den richter den er nit laden sol.

C. de in ius vocando. l. ij.

Offt ladet oder werden in gericht geladen die / die vnerlaubt nit geladen sollen werden / als vatter vnd můtter / vnd patron / den selben ladern vnnd den kindern / vnd liberten / das sein die / die eygen wer(e)n vnd sein frey gelassen von den der sie eygen waren / sollich lader werden gestrafft in. l. iulia.

C. de episa. au. si lenones.

Merck / der sun mag den vatter für den richter laden vnerlaubt / das er in vß seine(m) vätterlichen gewalt lasse / so der vatter in getzwungen hat zů sünde(n).

ff. si q(ui)s a paren. fu. ma. l. vlti.

Auch so der vatter hett / streng / oder dem sun peinlich ist.

Item dem vatter dem am todtbeth gesetzt würt etwas vmb des willen dz der vatter sein sun vß gewalt laß / mag d(er) sun den vatter vor dem richter

(72) Das XXIX. Blat

vnerlaubt beclagen / vnd den richter bitten das er seinen vatter zwinge sollich gesatzt an sich nehmen / vnd in vß vätterlichem gewalt lassen.

ff. ad trebel. imperator

Item ob dem vatter ein erbe were gesatzt also das ers dem sone solt widergebenn / mag der sone den vatter beclagen / also das er dem sone můß sicherheit thůn / das er das erbe nit verthů / oder das ers dem sun gebe.

ff. de lib. agno. si quis alium

Item der sun beclagt sein vatter vmb sein narung.

ff. de iudi. l. si nulla

Item auch ob der sun het etwas mit seiner kunst / oder an eines herren hoff oder mit ricterschafft gewunnen / der vatter het sollichs in seinem gewalt / vnd wolt sollichs den sun nit niessen lassen.

ff. c. si bac lege. §. liberos

Item was stat hat in de(n) sun vnd tochter / hat auch stat in richtern oder encklin / vn(d) fürter in richter kindern. Deßglychen in liberto vnd in seinen kinden.

ff. d(e) obse. a li. paprestan. heres

Item in diser clag gebürt.

Am ersten das etwas sey vatter / můter / patron / od(er) sey ein fraw die eine(n) frey gelassen het vatter vnd můtter vnd alle ir vorfarn / auch alle ire kindt / nit allein die eelichen / auch vneelichen / wann der entpfangen ist im frawenhauß / mag sein můtter vnerlaubt in gericht nit laden / wan(n) die můtter ist allweg gewiß. Aber der ist der vatter der die hochtzeyt mit der můtter gehabt hat. Pater est q(ui)s nuptie demonstra(n)t. Vnsern natürlichen eltern seind wir schuldig ere zů thůn gleych eine(m) als de(m) and(er)n.

ff. c. qui q(ui)s et. l. quia semper. ff. c. l. parentes

Item hat mich einer für sein kindt genom(m)en / als lang vnd sollichs nehmen wert / that ich in bey dieser peen nit in recht vordern.

Am andern dz der sun sey vß vätterlichem gewalt gelassen / noch vil minder ist er noch in vätterlichem gewalt.

ff. c. l. libertus

Am dritten / das der sun oder libertus habe den kriege im rechten beuestet / wann hette er allein geclagt vnnd were der krieg durch nein oder ia / des vatters oder patrons nit beuestet / würde er nit gestrafft / wer das ers in gereüwet ee sollich beuestigen geschehe.

ff. c. l. vl. et penul.

Am vierden / das sollich für gericht laden geschehe vnerlaubt / wan(n) geschehe etwas von erlaubung des richters / hat die straff nit stat.

Herr richter ich clag eüch von .M. der hat mich sein vatter oder patron vnerlaubt in gericht geladen / vnd den krieg bestät. Bitt (et)c. erkennen das er mir schuldig sey fünfftzig gulden zů geben / vnd das er mirs gebe.

Non habens in ere. luat in corpe.

ff. de in ius vocando. l. ve.

Merck / wan(n) der einer die fünfftzig gulden nit hat zů betzale(n) / soll man im am leyb peinigen / vnd das ist ein gemeyn regel / wan(n) die geltstraff betrogen wirt / so sollen die selbigen am leyb gepeiniget werden.

(1. T., XXIX. Bl. 63. K.) Si quis in ius vocatus non ierit.

ff. c. l. j. et. ij.

Ist das der geladen in gericht nit kompt.

Die geladen in gericht kom(m)en offt nit / darumb ist gemacht dise clag / wann der geladen mag gestrafft werden nach dem gerichts zwang des richters.

Am ersten gebürt sich das du geladen seyst.

Am andern das sollichs laden sey von des richters heischen geschehen.

Am dritten / das der geladen sey vnder dem gerichts zwang des richters.

Am vierden das der geladen nit kom(m)e.

ff. c. si q(ui)s ius vo. no(n) ierit. l. j. et. ij.

Am fünfften das der geladen kein bauwer sey.

Am sechste(n) / dz dir solich vngehorsa(m)keit schad / and(er)s d(er) gelade(n) felt nit in peen.

(73) Der Erst Teyl

ff. d(e) iuri. au. anul

Merck / wan(n) offenbar ist das der geladen nit gehört in den gerichts zwang des richters / ist der geladen nit schuldig zů kom(m)en / er wöll dan(n) von höfligkeit willen kom(m)en / der geladen mag nit gestrafft werden dann vom richter. ff. d(e) iudi. si quis ex aliena.

Were aber ein zweyfel ob der geladen in den gerichts zwang des richters gehört / so sol der geladen erscheinen vnnd soll sein freyheit fürbringen in gerichts form / vnd bitten den richter sollich sein freyheit ansehen vnd erkennen vnd declarieren / das er sein richter nit sey.

Also formier dein clage.

Herr richter ich clag eüch von .M. der was geladen von .N. der alda ein richter was / vn(d) er kam nit in gericht / wiewol er in den selben gerichts zwang gehört / darumb bitt ich eüch ir wölt in straffen nach eüwerm willenn / het der richter ein peen in seinem gerichts zwang / so mag er yn in den selbigen penen verdamnen. C. de modo mulctandi. mulctax. Merck / dise peen gehört dem fisco / das ist in gemeynen nutz.

ff. de rei ven. in fundo. et ff. de serui. si cui.

Item du möchtest sprechen / was geet mich dann not an zů clagen / so ich mir kein nutz damit schaff / darumb sol ich nit gehört werden / so ich einem andern schaden wil vnd mir damit auch nit nutz schaffen. Responsio. Expedit rei publice ne crimia (et)c. Wiewol ich kein nutz hab / ye doch mag ich clagen / vff das dz er gestrafft werde. ff. d(e) fideins. si q(ui)s acer. Wan(n) es ist ein gemeyner nut das dz übel gestrafft werde. Es ist auch genůg so ich meinen feyndt an dem gůt oder in seiner person zů straffen beger / als die vorgeschriben recht reden / wann clagt ich vmb habe / vnd nit vmb die sünd oder vngehorsamkeit / würd ich nit gehört.

Merck / dise clag vnd die obgeschriben / mit namen so einer dem richter nit gehorsam / ist ein matery.

ff. de iudi. cum que(m) temere. extra d(e) rescrip. ceterum.

Merck / wan(n) mich einer ladet für einen frembder richter od(er) nit meinen richter der nit mein richter ist / sol mir der anclager verdampt werden in aller kostung die ichthů. Vff sollichs formier dein clag also.

Herr richter ich clag eüch von .M. der hat mich wider recht für ein frembden richter der nit mein richter gewesenn ist geladen (et)c. darumb ich zweintzig pfundt vertzert hab. Bitt ich (et)c. erkennen das er mit schuldig sey die zweintzig pfundt zerung abtzůlegen / vnd zů geben / vnd das er mirs gebe.

ff. ad erbi. si hereditas. §. quomo autem loco.

Merck / wölcher ein in gericht ladet als obgeschriben stat für einen frembde(n) richter / der ist schuldig allein gerichts schaden / das ist dz gelt das die parthey vnnd dartzů von der meylen auch gelt zů geben / als man dann einem botten nach des landes gesetz gilt / was ich aber vmb das essen vertzere / ist man mir nit schuldig wider zů geben / wan(n) ich müst da heim auch essen.

(1. T., XXIX. Bl. 64. K.) Ae q(ui)s eum qui in ius vocatus est vi eximat.

Das keiner den der in gericht geladen ist mitt gewalt vffhalt oder verbiette das der geladen in gericht nit kompt.

ff. c. l. j. si per aliu(m) R(epet)u. j.

Offt geschichts das die geladenen so sie in gericht kom(m)en wöllen / werde(n) mit gewalt gefangen oder widerrecht gehindert / also das sie in gericht nit kom(m)en / ist gemacht dise clag wider die selb(e)n. Also das die selben sollen dem anclager verdampt werden in den schaden / den er sollichs vßblybens genom(m)en hat vn(d) sollichen schaden beweyßt der anclager mit seinem eyde.

(74) Das XXX. Blat

Am ersten gebürt sich das einer für gericht geladen sey.

Am andern / das der geladen wolt für gericht kom(m)en.

ff. c. l. iij. §. vlti.

Am dritten / das der geladen mit gewalt gefangen oder sunst gehindert sey worden / vff das das er in gericht nit komme.

ff. c. l. j. §. j. et vlt.

Am vierden dz der gelade(n) sey ein sollich person dz er in gericht gelade(n) mag werde(n) / and(er)s der fahet od(er) der d(er) gehind(er)t ist / ist diser peen nit schuldig.

ff. c. q(uo)d si quis

Am fünfften das er von dem richter geladen werde der in laden möchte.

Herr richter ich clag eüch von .M. der hat .N. den ich geladen het in gericht / mit gewalt gefangen / oder sunst wider recht vffgehalten oder verbotten / das er in gericht nit kommen ist / vnd wan(n) nun sollich sein vßbleyben mir hundert gulden schadt. Bitt (et)c. er mir sollich hunndert gulden schadens betzalen sol / vnd das er mirs betzale.

Merck / dise schuld kompt vß malefitz / darumb magst du den schade(n) mitt deinem eyde behalten.

ff. c. ss eximendu(m)

Merck / dise clag ist darumb erfunden / wan(n) dir gebürt ein clag wider mich vnd die selb clag gebürt sich nit allwege(n) / als du oben vindest in den interdicte(n) vnd andern clagen die nit ewig seind / vnd so du mich geladen hast / hat mich .N. gefangen als lang gehabt biß ich dir mit recht nym(m)er schuldig bin zů antwurten. Also was du an mir verleürst / beheltest du an dem faher (et)c.

Wider den d(er) gelade(n) mit vntreüw hindert das er nit in gericht kompt.

Item ist gemacht dise clag vnd edict wider die / die den geladen hindere(t) vn(d) dadurch yne wider den lader oder den der gehindert hat geholffen würt.

Am ersten gebürt sich das einer für gericht geladen sey.

Am andern das der geladen für gericht geen wölle.

Am dritten / das einer mit listen vnd mit vnrecht dem geladen etwas sage dadurch der geladen nit komme zů recht / sollicher list oder vntreüw sey durch dich oder dein diener geschehen.

ff. c. l. j. §. j.

Item hastu dem geladen etwas traurigs verkündet / als dein vatter ist tod oder dein bůl ist dir todt / als sollich exempel geschriben steend im recht.

Item wann der geladen würt gehindert von dem der in geladen hatt / oder würt von einem andern gehindert von ladens wegen / so hat der geladen exception wider den der in gehindert hat / hat aber in ein ander gehindert dan(n) der lader / so hat der geladenn kein exception / wann im gebürt die selb clag wider den der hindert vmb den schaden / würt aber der geladen gehindert vom magistrat vnuerschuldter sach / so gebürt dem geladenn die exception wider den lader. Geschehe aber sollich fahenn oder hindern vß schulde willen / oder arglist des geladen / würt im sein verschulde oder vntreüw der exception schaden / das sie im nit hilflich were / wan(n) nyemandt sol vntreüw oder argelist im rechten zů hilff kommen.

Herr richter ich clag eüch von .M. der hat .N. den ich für gericht geladen het mit argem list gehindert das er nit in recht kommen ist / vnnd geantwurt hette / sollichs vßbleyben schadt mir zehen gulden. Bitt (et)c. erke(n)nen das er mir sollichen schaden ablegen sölle / vnd das er es thů (et)c.

ff. ad. l. aqui. ita vulneratus

Merck / wann ein handtwerckman einen ladet für gericht / vnd für gericht lange steet / damit versaumpt er sein arbeit / so nun der geladenn mit kompt /

(75) Der Erst Teyl

so schadet dem lader sollichs an seiner arbeit / vnd villycht můß er ein andern der die selben weyl für in arbeit lonen / wann wir werden mit grösserm vnstaten von vnser arbeit genom(m)en. Dise clag gebürt vor vß wider den der hindert / vmb des willen das das übel nit vngestrafft bleybe.

ff. c. l. ex hoc edicto. §. ss si stipulator

Item merck / wo d(er) gelade(n) als er für gericht wölt geen / ist gefange(n) od(er) gehindert worden / der richter hat in peen fellig vrteilt / das sunst nit geschehen were od(er) er hat villycht ein peen verheissen wo er nit kom(m)e / also ist die peen verfallen / gebürt dem geladen dise clag wider den der gehindert hat.

(1. T., XXX. Bl. 64. K.) De edendo.

Das dir deine eygen oder gemeyn brieff werden getzeyget vnd gegolten.

ff. de edendo

Hat einer dein eygen instrument oder ander brieff / die sein dein eygen oder euch beiden gemeyn / vnd er versagt dirs zů geben so du ir in gericht bedarffst / magst du in mit des richters ampt dartzů bringen / das er dir es zeygen vnnd geben můß / vnnd wo du sollichs versagens zů schaden kommen bist / magst du den schaden mit diser clag vordern.

Herr richter ich clag eüch von .M. der als ich mein eygen oder vnser beider gemeyn brieff vnd instrument von im voerdert das er mirs gebe wann ich bedörfft des in gericht (et)c. Hat mirs versagt zů geben / oder hat mirs nit volko(m)menlich / sunder betriegenlichen geben vnnd gelühen / wann ich nun sollichs versagens in zweintzig gulden schaden genommen habe. Bitt ich (et)c. erkenne(n) das er mir sollichen schaden ablegen sol / vnnd das ers thů. Sollicher schade möcht also kom(m)en. Ich kriege wider dich vnd du wider mich vmb ein dienstbarkeit eins hoffs od(er) hauß / het ich mein brieff gehabt / ich hett bewisen dz mein hauß solliche dienstbarkeit haben solt / dz ich on das instrume(n)t nit thůn kundt (et)c. Was sich herinne gebürt sůch in Rofredo.

(1. T., XXX. Bl. 65. K.) De edicto de calumniatoribus.

Wider die / die vmb falsch sach dich bekriegen oder lassen bekriegen.

Es macht sich vnder weylen das einer dem andern gelt geyt das er dich in gericht beclage vmb habe / od(er) verclage vmb sünde / vn(d) sollichs geschicht vmb vnrecht. Columniator.

Also das der anclager dem geladen vnrecht thůt / oder so einer wolt dich vnbillichen für gericht laden / vnd ich gebe im gelt das er dich nit vnbillichen solt laden / in disen beide(n) casus gebürt sich dise clag wider die calu(m)niatores / das seind die / die vmb falsch oder erloge(n) sach etlich für gericht laden / gebürt sich diese clag wid(er) den d(er) dz gelt genom(m)en hatt / dz er das gelt im iare vierfach wider geben můß / nach dern iare einfach. In diser sach gebürt sich.

ff. c. l. j. in fi. et. l. ij. et. l. gn(u)aliter.

Am ersten das einer gelt gebe einem vff das / das er den anndern felschlich vnd mit lugen für gericht lade / vnd bey gelt solt du versteen alles das also gegolten würde / oder wirt einem sollichen vmb sollichs laden sunst ein nutz der etwas wert wer. Vnnd dise clag hat stat die sach sey in gericht kom(m)en oder nit etwas wert wer. ff. c. l. j. Vnnd dise clag hat stat die sach sey in gericht kom(m)en oder nit. Repetundarus. Dise clag hat stat es sey vmb sünde od(er) vmb habe / wiewol vm(b) sünde ein forcht genant repetundarum auch stat hat.

ff. c. gn(u)alr. j. R(epet)u.

Item der / der das gelt genom(m)en hat vnd ob er nit kriege / ye doch wirt er gestrafft / wann er solt on gelt sollichs haben vnderwegen gelassen.

(76) Das XXXI. Blat

Am andern / so ich gelt geben hab das er dich nit fälschlichen kriege / vnd er kriege dich oder nit / da(n)nocht ist er schuldig vierfach wider zů geben. In dem ersten so ich geben hab gelt / das er dich fälschlichen kriege / so mag der dz gelt vord(er)n d(er) gekriegt sol werde(n) / vn(d) nit ich / wan(n) ich hab sollich gelt schentlich gebe(n).

ff. c. generaliter

Am dritten / so ich das gelt gebenn hab das man dich nit fälschlich kriegt / haben du vnd ich die vorderung. Also formier dein clag wider den der dz gelt genom(m)en hat dich fälschlich zů bekriegen.

Herr richter ich clag eüch von .N. d(er) hat .xx. pfund vo(n) .M. genom(m)en dz er mich in der .N. sach vnrechtlich hat bekriegt oder kriegen solt. Bitt (et)c. erke(n)nen das er mir die selben .xx. pfundt schuldig sey vierfach zů geben / vn(d) dz er mirs gebe (et)c. Hastu aber das gelt genom(m)en / das du mich nit fälschlich bekriegst.

Also formier dein clage.

Herr richter ich clag eüch von .N. der hat .xx. gulden von .M. genom(m)en / das er mich in der sach nit fälschlich kriegen solt. Bitt (et)c. erkennen das er mir die .xx. gulden vierfach betzalen sol / vnd das er mirs gebe / zwingt (et)c.

ff. c. ss et p(re)ter ha(n)c

Merck / der der dz gelt gibt / das man einen wider recht oder fälschlich krieg der hat vnrecht / daru(m)b mag er das gelt nit wider vordern / wan(n) er hats schentlich geben / vn(d) darumb wan(n) zwen einander schentlich sach schuldig sein / so ist der anclager nit besser dan(n) der anclagt würt. So ist auch der schuldig der dz gelt nympt wiewol er nit kriegt / wan(n) sollichs gelt růwet wider recht vn(d) schentlich bey dem nemer / darumb ist er schuldig vierfach zů betzalen.

ff. c. et generalit.

Merck gib ich .N. zehen gulden das er .M. nit fälschlich kriege oder verclage / vnnd hab solliches gelt allein vmb des besten willenn gebenn das sollicher kriege vnnderwegen beleybe / so mage ich solliches gelt wider vorderen / wann sollichs ist mir zymlichen gewesen / aber der nemer hat sollichs nit zymlichen genommen / wann er solt söllich vnredlich kriegen on gelt vnd erwegen lassen / vnd vmb sollichs gebürt dem der gekriegt solt werden dise clag / vnnd der nemer ist im die sum(m)a gelts vierfach schuldig / vn(d) de(m) geber einfach. Nach dem iar gebürt sich die clag nur einfach.

Merck / das iar hebt sich an deßhalben der dz gelt geben hat / vnd der nemer gewalt gehabt het / die sach zů treyben. So aber gelt von einem andern gebe(n) ist das ich nit gekriegt werde / so hebt sich das iar an von der zeyt als ich sollich geben gewißt hab / vnd nit so das gelt geben worden ist.

Merck / gib ich von deins geheiß wegen sollich gelt / gebürt mir nit dise clag sunder dir / wan(n) du hast sollichs gebe(n) / daru(m)b gebürt dir dise clag wie obstat.

So einer förcht er werde bekriegt vmb etlicher habe willen die er besitzt geyt solliche habe einem andern.

ff.c. l. j.

Vmb des wille(n) dz einer den krieg förcht / ist gemacht dise clag in d(en) geholffe(n) wirt dene(n) in d(en) schade(n) vn(d) schmähe etliche habe od(er) der besitz vm(b) d(en) wille(n) sie gelaube(n) vn(d) förchte(n) sich bekrieget werde(n). Sollich habe od(er) besitz verkauffen sie andern / od(er) gebe(n)s in wille(n) dz in wider werde / vff das dz die selbe(n) sein vnderwylen mechtig od(er) gar seer böß / wid(er) solliche(n) empfre(m)bdet gebürt dise clag / in d(er) du alle(n) schade(n) gewyn(n)est dz du solicher empfre(m)bdung halbe(n) nympst / als so solichs empfrembdet ist in eins andern landes od(er) höhers gerichts / so ein sollicher gefryet were wider den ordenlichen richter des empfrembders / vnd wan(n) du von dem

G

(77) Der Erst Teyl

empfrembdet deinen schaden beheltest / als dann magst du anclagen den besitzer můß antwurten vmb die habe.

Am ersten gebürt sich das ein krieg getriben sol werden.

Am andern das die sach sey vmb habe / vnd ob es wider ein person sey / das doch vmb habe sey.

ff. c. l. j. et. l. non solum

Am dritten das der / der die habe besitzt / die habe oder besitze empfrembde.

ff. c. l. iij. extra c. c. ij

Am vierden das der empfrembder die habe empfrembde / also das der den krieg fliehe vnd einen andern an den krieg stoß / vnd der selbig ist dem clager vnderweylen zů mechtig / zů ferre / oder zů böß oder gefreyt.

ff. c. ex hoc. §. ait pretor

Am fünfften das der krieg künfftig vnd nit angehaben sey. d. litig. vlti. Were der krieg angehaben / vnd

darnach geschehe solliche empfrembdung / hat dise clag nit / sunder ein anders stat.

ff. c. er. H. §. si. alienauerit

Am sechsten dz sollich empfre(m)bdung nit widerrüfft werde / wan(n) empfrembdet einer wie obstat / vnd widerrüfft die empfrembdung / ist er nit schuldig.

ff. c. non solum.

Am sybenden / das dir sollich empfrembdu(n)g schade. Vnd der schade wirt angesehen. Am ersten gege(n) der person / als so der besitzer ist mechtig / oder böser dan(n) der empfrembder gegen der statt als so du empfrembdet hast die habe einem eins andern landes / gege(n) der sach / als den menschen den ich gefordert wolt haben / hast du vß deinem gewalt gelassen / gegen der habe / so du die stat hast empfrembdet in der du ein neüwen bauw hast gethan / vn(d) vmb sollichs neüwen bauwes willen wolt ich dich beclagt haben / mit der clage genant. q(uo)d vi aut clam. oder mit der clag von regen wasser zů zwingen / oder mit dem interdict von dem neüwen bauwe zů verkünden / oder zů verbietten / wann besessest du sollichs so můßtest du sollichs mit deinem eygen gelt abbrechen. ff. c. l. s. in si. et. ij. et. iij. §. i. ij. et. iij. So aber nun ein annder besitzt / můß ich mit meiner kostung abbrechen. Als du oben in disen clagen clärlichen vindest.

ff. c. no(n) solum. §. hec actio.

Am achten / das die empfrembdte habe noch vorhanden sey / wan(n) were die habe on schuld des empfrembders vmbkom(m)en oder vergangen / were der empfembder nit schuldig diser clage.

Herr richter ich clag eüch von .M. der vmb willen die sach vo(n) im zů schieben das er darumb nit schuldig sey gerecht zů werden / ein solliche habe mit namen .N. von der selben habe wegen ich in mit gericht wolt anlangen / hatt die selben habe empfrembdet vnd .R. geben / so nun .R. mechtiger ist dann mein widersach / oder ist eins andern landes oder böser / vnd wann mir solliche empfrembdung schadt .xx. pfundt. Bitt (et)c. erke(n)nen das er mir sollich .xx. pfund geben sol (et)c. Also formier dein clag so dir sollich empfrembdung schadt vonn der person wegen oder der statt / so aber dir sollich empfrembdung schadt von der sach wegen. Formier also dein clage.

Herr richter ich clag eüch von .N. der hat seinen eygen menschen den er besaß von des selben eygen menschen wegen ich in beclagt wolt haben / von der eygenschafft wegen hat frey gesagt / oder vff deng rundt hat er gebauwe(n) heimlich oder mit gewalt / oder vff dem grund als er bauwet hab ich im verkündet einen neüwen bauwe / oder mir gebürt die clag wider in genant von de(m) regenwasser zů zwinge(n) / die selbe(n) statt vn(d) grund hat er empfre(m)det / wan(n) sollichs empfre(m)den schadt mir .xx. gulde(n). Bitt (et)c. erke(n)nen dz er mir .xx. gulden geb(e)n sol.

(78) Das XXXII. Blat

ff. c. l. j. et. l. item. §. vlti.

Merck / in dieser empfrembdung gebürt sich argerlist vnd betriegu(n)g / daru(m)b wo einer von alters wegen / kranckheit oder ander nottürfftiger küm(m)ernüß wegen die habe empfrembdet darumb das er lieber der habe wolt mangeln dan(n) offt darumb kriege(n) / als so er die habe vmb sunst geyt / würt er nit schuldig diser clage / wo er aber die habe verkaufft / verwechßlet / oder in wölchem andern wege empfre(m)det also dz er des gleychen er wid(er) nemen / sollicher list ist zů schelte(n) wan(n) er wil die habe od(er) seine(n) wert haben vn(d) den kriege vff ein andern bringen.

ff. de pe. here. l. et si rem

Item darumb so hat er die habe oder der habe wert oder dz gelt vmb habe.

ff. c. l. ite(m). §. pen.

Merck / wo ich den besitz mitt argem list gantz verlaß / bin ich diser clag nit schuldig / wann ich hab weder den besitz noch habe in keinen anndern bracht / oder keinen andern geben.

ff. c. l. iij.

Item merck / ich mag wider den empfrembder clagen vmb den schaden / ee ich icht vßgibe / wan(n) so ich sollichs vßgeben můß ich es gleych als ob ich yetzundt geben hette / vnd vor vß so der empfrembder farend habe verkaufft hette vnd der kauffer hat die habe drey iare inne gehabt / mag ich fürbaß wider den kauffer nit clagen / wan(n) er hat die habe prescribiert / wo ich die habe vom kauffer vorder gebe ich vntzymlich vß mein gelt.

ff. c. no(n) solu(m). §. vl.

Merck / dem in des schaden soll ich empfrembden geschicht / vnd seinem erben gebürt dise clag innerhalb des iares / vnnd gebürt wider den der in seinem namen hat empfrembdet vnd sein erben / vnd würt gebe(n) wider den der in eins andern namen empfrembdet hat / als vormunder vnnd procurator / aber nitt wider ir erben / wann dise clag ist vß malefitz.

Merck / der dem solliche empfrembdu(n)g geschehen ist / mag den empfrembder vmb die hauptsach beclagen vmb die habe / oder vmb den wert der habe / wann solliche sein vntreüw macht in dannocht ein besitzer der habe wiewol er die nymmer besitzt / vnnd behelt er dann den wert von dem empfrembden / es mag darnach die habe keiner vom besitzer nit gewynnen / wann er soll nit die habe vnd den wert beib haben / sunder nur ir eins als die habe von dem besitzer vnd den schaden von dem empfrembder wie obstat.

ff. d(e) pecu. ss si q(ui)s de peti. berc. sed et rem pau.

Merck / der empfrembder mag nit allein vmb den wert den er von der habe hat anclagt werden / wann die vntreüw macht in ein besitzer / sunder auch vmb das gelt darumb er die habe verkaufft hat / wan(n) das gelt gect an der habe statt. Die wale steet zům anclager vmb wölchs er clagen wölle. Also hast du wie du den empfrembder anclagen solt.

Merck / wider das edict würt auch gethan / so einer meynet habe ein rechtsach wider ein / die selben sach geyt er eim gefreyten / als die geistlichen gefreyet sein / wider wen sie kriegen wöllen den mögen sie geistlichenn fürnemen / oder einen mechtigen oder einen grausamen / der selb mechtig sol ein sollicher sein / das er dir zů förchte(n) sey vnd gewalt an dich mag legen / als herrn / stett / reych edelleüt oder habende straßrauber. C. ne liccat pote(s). pa. litig. pres. l. j. Es würt der gestrafft der hilff der obgeschribenn person in seiner sach vffnympt / in meynung seinen widersachen zů schrecken / wann er verleürt die sach die er also hingeben hat / vnd sollich vffgeben ist krafftloß / vnd der der es vffgenommen hat mag im rechten nit clagen der der also hin geben hat vnnd der der die sach hat vffgenommen vnnd ob er ein Graff were / so mag man in von der sünde wegen vor dem landtrichter

G ij

(79) Der Erst Teyl

beclagen / auff das hertest sol er am gůt gestrafft werden. Die geistlichen sollen auch gestrafft werden von irem obersten.

extra. c. ti. ij.

Item sollicher sachergebung oder vffgebung / ist dise vnnderscheid zů vermercken. Geschicht sollich vffgebung am todtbeth / ist die vffgebung krefftig / es were dann das die habe kriegesch were. Geschicht es aber vß geding vnnd geschehe die vffgebung einem mechtigen / die vffgebung ist krafftloß / vnd der vffgeben hat mag nit clagen. C. de litig. l. vlti. Geschicht aber sollich übergeben mit eine(m) mechtigen vnd ist die clag in recht kom(m)en / ist die übergebu(n)g krafftloß / die clag wirt darumb nit verlorn / dan(n) er würt clagen der über geben hat / on wan(n) die übergebung geschicht vß morgengabe willen. C. de act. vel bere. ven. Wer aber die sach nit in gericht ko(m)men so ist die übergebung krefftig / wan(n) anders die übergebung warlich geschicht. C. plus valere q(uo)d agitur per totu(m). Ist aber die übergebung oder das verkauffen nit lauter / so ist sie vnkrefftig. Also ist sie nit lauter so zwyschen dem geber vnd vffnemer ist gedingt worden das der nutz wider dem geber solt werden.

in aut(e). de litig. j. R(epet)u.

Merck / also würde die habe kriegsch / so zwyschen dem clager vnd besitzer vmb ligende oder farende habe / od(er) die habe die sich selbs weget vmb die eygen schafft kriege angehaben ist / antweder durch die ladung in gericht oder durch ein rescript vom fürsten erlanget dem richter verkündt vnd geantwurt / vnd dann vom richter oder widersach verkündt. Das sein die peen dem geber vnd nemer / wölcher ein kriegisch habe nympt / es sey in kauffs oder gebenns weyß / oder vß was andern contract es geschicht / hat er gewißt das die habe kriegisch ist gewesen / nit allein würt er getzwungen die habe wider zů gebenn / er würt auch beraubet des gelts das er darumb geben hat / das gelt sol dem fiscal werden / vnnd der geber můß auch so vil dem fisco geben. Wann aber der nemer nit weißt das die habe kriegisch ist / sol der die habe widergeben / vnd das gelt sol im wider werden hat ers geben / oder hat er es nit geben / würd er vom betzalen ledig / vnd das dritteil des gelts darumb die habe verkaufft ist sol der kauffer nehmen vom verkauffer / vnnd sol die andern zweyteil der summa als ers verkaufft hat dem fisco geben.

Item dise peen hat auch stat in gebung vmb sunst / also das die habe warlich geschätzt würde / wann diß gebott ist nit darumb geben worden / so sol der geber den wert der habe dem fisco geben.

Fiscus. C. ne fisc vl. resp. pcuratione(m) alicui patrocinij ca(sus) in lite pres.

Merck / als du yetzundt gehört hast das den sunderlichen mechtigen personen verbotten ist das sie den kriegern kein hilff söllen thůn / noch vil mer würt dem fisco verbotten ein sollichs / als dem procurator fisci / das sein die die das gemeyn gelt ynnemen vnd vßgeben / es sey des Keysers od(er) eins and(er)n fiscus.

(1. T., XXXII. Bl. 66. K.) Aaute caupones stabularij.

Das der schiffman / taberner vnd stallmeister betzale das im schiff / schenckstat oder stall gestolen ist worden.

Kompt einer in ein schiff mit seiner habe / oder in ein schenckstat oder stall / vnnd verleürt etwas vonn seiner habe / würt im geholffen am ersten mit diser clage. Also das im die habe vom schiffman / schencken oder stallmeister wider werde / vnnd ist diese clag auß dem contract vnnd auch gleych dem contract oder bey.

(80) Das XXXIII. Blat

Am ersten gebürt sich / dz der den du anclagen wilt / sey schiffman / schenck oder stallmeister.

Am andern / das du dein habe in dz schiff / schenckstat od(er) stal gethan habst.

Am dritten das sie es zů behalten genommen haben wann hetten sie sichs zů behalten gewidert werent sie nicht schuldig.

ff. c. l. j. §. s.

Am vierden das die habe verlorn sey.

Exercitor

Merck / bey dem schiffman soltu nit allein versteen den des schiff ist / sunder den Exercitor / das ist der dem die regierung des schiffs entpfollen ist / vn(d) bey dem schiffman soltu versteen ein yegklichen dem das schiff oder ander fůre entpfollen ist vff wasser oder vff landt. ff. c. l. j. §. si de exercitore. §. vlti. ff. c. l. j. Vnd als oben steet das sie die habe zů behalten sollen genom(m)en haben / versteen das die habe sey zů geben oder geantwurt worden oder nit / wan(n) anders die habe in das schiff kom(m)en sein / vnd ob die habe von etlicher notturfft wegen wider auß dem schiff getzogen weren / wo sie vff dem gestad verlorn werden / sein die schifleüt schuldig.

Deßgleychen solt du versteen bey den schencken vnnd stallmeistern alle die die der tabern täglichen nutz nehmen / oder des stals / als die schifleüt vnnd die die tabern oder stall bestanden hab(e)n die die tabern nit der thürhůtter oder der koch / wann der schenck oder stallmeister oder der von iren wegen regiert schuldig ist von der missethat des thürhůtters oder des kochs / wann sie habenn sie in iren heüsern vnd dienen inen.

Herr richter ich clag eüch von .M. schiffman / taberner oder stallmeister / in des schiff / tabern / hauß oder stall ich sol .N. mein habe gethan haben / vnd hab sie darinn verloren / vnnd wann er mir nun die habe nit will wider geben. Bitt (et)c. erkennen das er mir schuldig sey mein schaden zů keren / vnnd das er in mir kere / zwingt in dartzů.

Item merck / es möcht einer in sollicher geschicht clagen in einem anndern wege / als locati vnnd conducti / das ist ein clag von der du hernach hast von hinleyhen vnd von besteen / als so der schiffman gelt nympt vnnd besteet dein habe zů füren gen Cöln / od(er) wo er dir es vmb sunst füret / het stat aber ein clag mit namen Depositi / das ist zů behalten geben von der du auch hernach vindest. Aber der richter hat an geseh(e)n der genanten person boßheit / vnd meynet die zů zwingen / wan(n) was eygentlich oder sunderlich gesatzt ist / das würt mer geförcht dan(n) würde es in gemeyn gesetzt. ff. c. comod. si vt certo. Auch so kompt in dem contract des hinleyhens vntreüw / argelist / grosser vnd leychter vnfleyß. In deposito. In deposito / das ist zů behalten geben kompt vntreüw oder grosser vnfleyß. ff. depo. q(uo)d nerus. Aber in dieser clag kompt vntreüw / grosser / leychter / vnd allerleycht vnfleyß / was sollichs würt bedeüten würst du hernach geschriben vinden / vn(d) auch hieuor nach der clag von argem list. Casus fortuit. Doch kompt nit Casus fortuitus / das ist vnglücke / darwider der schiffman nit mag / also rauber gewaltigklichen kom(m)en / oder das schiff vnder gieng / oder von hymels hitz verbrunne. Hieuor hast auch ein clag wider die genanten person / die heißt von diebstals wege(n) wid(er) den schiffman / schencken vnd stallmeister / vnd eine heißt exercitoria vn(d) institutoria / dise clag ist vß contract oder deßgleychen / wan(n) so ich mein habe in das schiff thůn so ist gleych als ob ich mit im gedingt hett vmb einen gewissen lone / wan(n) so ich nit mit im

G iij

(81) Der Erst Teyl

contrahiert vmb einen gewissen lone / doch weiß ich wol dz ich im lonen můß darumb ist gleych als ob ich mit im gewort vnd contrahiert hette.

Item deßgleyche(n) sol ma(n) auch vrteiln so etwas im bade verlorn würt / wan(n) sein die cleider dem bader geben worden / vnd hat gelt genommen die cleider zů behalten oder im würt das gelt vmb das behaltenn. ff. depo. l. j. §. si vestimenta. Als so einer vormals allwegen gelt geben hat vom dinglach zů behalten / so magst du in auch clagen locati vom hinleyhen / als oben steet / hat aber der bader keinen lone dauo(n) sunder allein zů behalten genommen / so magst du clagen depositi / das ist zů behalten geben wie ob stat. Sein aber die habe dem bader nit zů behalten geben worden / sunder allein in dz bade gelegt so ist er eben schuldig als die schiffman / taberner vnnd stallmeister / wann er nympt geld vmb das bade als die genanten person vmbs schiff / hauß vnd stall.

Merck etliche doctores als Azo / sein wid(er) das hinderst notabel / vnd spreche(n) das sollich gesetz sey allein von den schifleüten / taberner vnd stallmeister / die sein an im selbs böse vnd haben dann vntreüw diener als dann sollich ir boßheit im ersten recht dises titels clarlichen geschriben steet.

Stallmeister

Merck / das sein stallmeister in den grossen stette(n) habe(n) etliche grosse heüser vn(d) machen darin(n) stelle dz sie d(ie) frembde(n) menschen thier darin(n) stellen / so sie zů marckt oder sunst kom(m)en / vnd nehmen darumb iren lone von der stund (et)c.

Rofredus

Item wo ein gůt freündt den andern in sein herberg neme / vnd er verlüre sein habe / hat dise clag nit stat / dise clag ist auch ewig.

(1. T., XXXIII. Bl. 67. K.) De his qui effuderunt vel deiecerunt.

Wider die die vß den heüsern werffen oder schütten.

Würfft einer oder geüßt vß eim hauß / also das das selb vff einen der da für geet falle / vnd sein cleider vnd ander sein habe sein im verderbt oder geschediget / der den schaden entpfangen hat / mag clagen. ff. de his q(ue) deie. vel effu. l. j. §. j. Dise clag ist zwyfach wider den der vßwürfft / wo aber vß solliche(n) vßwerffen ein frey geborn mensch stürbe würde der vßwerffer verdampt in fünfftzig gulden. Geschehe aber einem frey geborn menschen sunst ein schade. ff. c. l. j. §. j. et. §. si cum bo(n) liber. Als ob im sein haupt were gebrochen oder eineugig würde / oder sunst ein schaden geschehen were / so sol der richter ynen erkennen was billich ist / wan(n) er sol ansehen die zerung des kranck(e)n / den lone der artzt / vnd was er die selben weyl verdienet hette / vnnd was er hinfüre verdienen möcht /were er sollichs werffens zů arbeiten gantz vntüglichen worde(n) aber der masen oder vngeschaffenheit soll nit gedacht werden / wan(n) ein freyer leyb mag nit vergolten werden / das cleinest glid am menschen mag nit mitt der gantzen krafft vergolten werden.

Am ersten gebürt sich das etwas vßgossen oder vßgeworffen sey.

ff. c. l. j. R. §. furium sic ut in. l. aq(ui)lia. ff. ad. l. aquil. si putator

Am dritten das die statt dahin gossen oder geworffen ist da der schaden genommen hat ganngen ist / sey also / das ein yegklicher da mag geen als ein gemeyner weg / wann were die statt heimlich / růwet dise clag / wiewol durch sollich werffen schaden geschehen ist.

Herr richter ich clag eüch von .M. wan(n) vß seine(m) hauß ist dz (et)c. gegossen od(er) geworffen / vn(d) er wonet in de(m) hauß / nun sein mein cleider od(er) mein kauffmanschatz

(82) Das XXXIIII. Blat

dester böser worde(n) in .xx. lb. Bitt (et)c. erke(n)nen / dz er mir sollichen schade(n) zwyfach bezale(n) sol / vn(d) dz er in mir bezale. Wan(n) ein fryer me(n)sch ist getödt worden / clag also.

Herr richter ich clag eüch vo(n) .M. wan(n) vß de(m) hauß darin(n) er wonet ist dz (et)c. vßgeworffen worde(n) / daru(m)b mein vatter gestorbe(n) ist. Bitt (et)c. erke(n)nen dz er mir .l. gulde(n) sey schuldig zů gebe(n) / vn(d) dz er mirs gebe / wer aber vß soliche(m) werffen d(er) lyb eines fryen mensche(n) geschediget. Formier also dein clage.

Herr richter ich clag eüch von .N. vß des selben hauß darinn er wonet ist das (et)c. vßgossen oder geworffen worden / dauon ich an meiner handt / aug od(er) haupt (et)c. geschediget bin / vn(d) hab vmb sollicher beschedigu(n)g willen zweintzig pfundt vertzert / zehen pfundt dem artzt geben / souil schadt es mir an meiner arbeit die ich versaumet hab / vnnd auch schadt es mir souil hinfür / wann ich dauge zů meiner arbeit nymmer. Bitt (et)c. erkennen das er mir sollich summa gelts schuldig sey zů geben / vnd das er mirs gebe (et)c.

Merck / wann dise clag gebürt vmb schadenn an cleidern oder kauffmanschatz so ist sie ewig / vnd gebürt auch de(n) erben nit aber wider den erben wann sie aber gebürt so ein freyer mensch gestorben ist / so weret sie nur ein iare vnnd würt nit geben wider den erben / auch nit dem erben als eim erben / sunder als dem der dem vergangen am nechsten zůgehört. ff. c. si vero. §. hec autem actio. Wan(n) aber dise clag gebürt vmb schaden dem leybe eins freyen menschenn zůgefüget / so ist sie dem freyen menschen ewig / aber seinem erben nur iärig.

Merck / dise clag ist vß malefitz / nun sol in malefitz die person bene(n)net werden / aber in diser clag würt nur der innwoner benennet / vnnd steet wol das er nit da heim sey gewesen / das sollicher schade geschehen ist. ff. c. l. penul. §. habitator. Warumb gebürt dann dise clage wider in / das ist darumb / wann der des das hauß ist oder bestannden hat darinne zů wonen / vnnd darinnen wonet / der ist schuldig vmb sein vnfleyß vnd der seinen.

Der in(n)woner sol die seinen warnen das sie nichts args das schaden mag vß schütten oder werffen / das aber die person im clagen nit bestympt würt die sollichs gethan hat / ist nit vnbillich. Wan(n) so ich am weg gee vnd mich vff mein sach bede(n)ck / so würfft d(er) / ich entpfind wol schade(n) vß solliche(n) weisse(n) / so bald aber vn(d) solicher wurff geschicht / verbürgt sich d(er) werffer das ich in nit geschen kan. Möchtstu spreche(n) / die weyl ein fryer lyb am wert nit mag geschätzt werden / waru(m)b vorderstu dan(n) .xx. gulde(n) / nit vm(b) den wert als obgeschribe(n) steet. C. de pe. sancim. Nymmest du dan(n) die .l. gulde(n) zů peen / dz ein graff / herr od(er) ein and(er) edler od(er) vnedler frum(m)er me(n)sch d(er) vil in stette(n) sein nur .l. gulde(n) wert sol sein / so offt einer de(n) and(er)n .l. gulde(n) můß gebe(n) für ei(n) tods pfert / so doch nach ordnu(n)g d(es) recht die peen nach grösse d(er) sünde solt vffgelegt werde(n). Abigeatus. ff. de abigeis. l. j. Die .l. gulde(n) werde(n) nit gefordert vmb den wert gegebe(n) / sund(er) als ein peen / wiewol sie clein ist gege(n) d(er) sünde / so hat es doch d(er) recht setzer also gesetzt / wa(n) es geschicht nur wo ei(n) clein peen solt vfgesetzt worden sein / ist ein grosse / vn(d) wideru(m)b die sünd genant Abigeatus / dz ist / so einer ein herd vich von der weid stilt / so sol der selb den wilden thieren für geworffen werden inn zů tödten. ff. de effrac. l. j. Vnnd widerumb / das ist ein grosse sünde da einer ein wandt auffbricht vnnd gelt darauß stilet / den soll man fünff iare an ein ende schaffen oder versenden die fünff iare in ein inseln / oder sunst an einem gewissen ende zů bleyben. Das ist ein cleine peen.

G iiij

(83) Der Erst Teyl

Merck / die weyl das übel volbracht ist so magstu clagen vmb die künfftige(n) arbeit / vnnd so sol das leben angesehen werden wie lang du geleben magst / würt dir zweintzig iar zů wenig geschätzt / so magstu nach dem selbe(n) aber clagen vmb die künfftigen arbeit der du mangeln můst als du geletzt bist / vnnd irret dich nit die exceptio das vor ein vrteil gangen were an dem dich benüget hette / wann wo billich vrsach sein oder casus kom(m)en / so vordert man wol das das betzalt ist vß vrsach eins vergange(n) vrteils / dz ist / ex causa iudicati / wan(n) gib ich etwas zů wäsche(n) vmb lone / vn(d) würt mit verlorn / ich gewin(n) d(ie) wäscherin mit vrteil an vnd würd betzalt. Conditio sine causa. Darnach würt mir mein habe wider / hat die wäscherin ein zůflucht wider vß dem rechten genant / Conditio sine causa. ff. c. j. si fullo. (et)c. C. de re. iudi. l. j. Vnd mag den wert wid(er) von mir vordern als ob sie es on vrsach mir gebe(n) hette / wie wol ich vor sollichen wert mit vrteil behalten hab / vnd das vrteil in sein krafft gangen ist / das ist das dauon nit appelliert ist worden.

Item würt etwas vß gossen oder geworffen dauon ein schwanger frawe od(er) sunst ein mensch kranck würde / wie die kranckheit geheissen ist / de(m) selbe(n) menschen es were frawe oder mann gebürt dise clage.

(1. T., XXXIIII. Bl. 68. K.) De eiectis et effusis:

So einer vß dem hauß gossen oder geworffen hat.

ff. c. si vero in pn.

Es macht sich offt das mer dan(n) einer in einem zym(m)er wonent / vnd einer vnder ine hat vßgeworffen oder geschütt dauon schaden kom(m)en ist / als diebe clagten sollichen schaden müsten betzalen / kom(m)en die recht den betzalern zů hilff mit diser clage / also das sie von dem werffer den schaden möge(n) vordern / doch sollen sie bey einander wonen / vnd nit vnderscheidenlich / wan(n) als dan(n) müßt der allein betzalen vß des zymmer der schad geschicht.

ff. ad. l. aquil. ita vulneratus

Item einer besteet ein hauß darinnen zů wonen mit seinen knechte(n) / dartzů nympt er ein haußgenossenn zů im / der haußgenoß oder der knecht einer thůt schaden / vmb sollichs můß der beständer den schaden betzalen vnd im rechte(n) antwurten / wann nun der beständer in die obgeschriben clage verdampt ist / gebürt im dise clag wider den haußgenossenn oder knecht / wann es ist billich kom(m) ich von deiner sünd wegen zů schaden / das du mir sollichen schaden ablegest / an gesehen das malefitz nit vngestrafft beleyben sol.

Dise clag ist gleych dem malefitz. In diser clag gebürt sich alles das / das in der vorgeschriben clage gebürt.

Herr richter ich clag eüch von .N. der mein haußgenoß oder knecht ist / der hat vß dem hauß in de(m) ich wone / das vßgeworffen / das hat .T. an seinen cleidern souil schadens gethan / darumb ich im zwyfach verdampt bin. Bitt (et)c. erkennen das er mir sollich sum(m)a zwyfach geben sol / vnd das er mirs gebe (et)c. ff. man. si mandato. §. quotiens. Also clag wan(n) du das gelt gebe(n) hast / du magst aber auch clagen das er dich ledig mache so du verdampt würst ee du betzalest.

(1. T., XXXIIII. Bl. 69. K.) Ae quis in domo sua (et)c.

Das nyemandt an seinem hauß etwas habe wo fiel das dem menschen schaden thette.

ff. c. si vero. §. pretorait.

Die recht haben aber fürsehen durch ein ander edict vnnd clage gleych dem

(84) Das XXXV. Blat

vorigen / das nyemandt kein schad geschehe / vnd vor vß den menschen die an offen wegen geen / vnd verbeüt der richter das nyemandt so lichtes haben vnder seinem tach / an seinem hauß / oder an einem gebeuwe vnd zym(m)er / wo das fiel das sollichs schaden thette / vnd wer da wider thůt / würt der selbe gestrafft vmb zehen gulden.

ff. c. si vero. §.pretorait.

Am ersten gebürt sich / das einer ein sollichs mach / oder also gemacht stehen laß / es sey der herr oder der in(n)woner es irret nit.

Am anndern / das sollichs an den enden gemacht sey da ein gemeyner weg sey / oder die menschen gewonlich in der selben statt oder gassen stehen.

ff. c. l. predicta

Am dritten / wann sollichs viele das es schaden thůn möcht.

In diser clag gebürt sich nit das schaden geschehen sey / sunder das schaden geschehen möge / wann ist schaden geschehen / als so es gefallen ist / so clag der der den schade(n) entpfange(n) hab wider den der es im gethan hat / vmb den schaden on dise peen. Also formier dein clage.

Herr richter ich clag eüch von .M. der an dem ende da ein gemeyne straß ist / hat ein sollichs hencknüß oder .N. vnnd viel es so möcht es schaden thůn. Bitt (et)c. erkennen das er zehen gulden verfallen sey.

Merck / es můß ein sollichs sein das leychtlich fallen möge.

ff. c. si vero. §. vli.

Merck / dise clag gebürt eine(r) yegliche(n) über de(n) vierde(n) erbe(n) / wa(n) sie ist vß peen.

(1. T., XXXV. Bl. 70. K.) Sim messor falsum modum dixerit.

Wider den der den acker gemessen hat.

ff. si mes. fal. modixe. l. j.

Es fůgt sich offt das einer zehen schöffel kalcks wil kauffen / oder zwen seind stössig vmb die ende irer gründe / also geet der messer hin vnnd wils messen / vnnd misset es / vnnd sagt falsch / zů vil oder zů wenig / also das sollichs dem kauffer schadt / es sey in wölchen weg er gemessen habe / an zymmer / an korn / an wein / das er dich betrogen hab / magst du den schaden an dem messer / od(er) ycher oder kauffer zů kommen.

Am ersten gebürt sich das krieg sey vmb die ende der gründe zwyschen etlichen / als so ein kauff getroffen ist vmb äcker oder wisen / vnd der kauffer will wissen wie vil morgen des ackers sey den er kaufft hat.

Am andern das der messer oder vndergenger gewölt werd.

Am dritten / das der messer gee vnd messe.

Am vierden das er messe / vnd falsch zůsage.

Am fünfften das er mit vntreüw oder mit grossem vnfleyß gemessen habe oder gekaufft.

ff. c. l. j. et. in(n). et vl. et. l. si duobus. §. competit.

Am sechsten das mir kein andere clag gebüre wider die kaufer od(er) verkauffer / so der kauffer zů vil hat der morgen / oder der verkauffer hat mir zů wenig geben am wein oder korn an velde.

ff. c. l. j.

Am sybenden / das der messer in der kunst sey gelert vn(d) wisse zů messen / anders du müst dir den schaden selbs haben so du eine(n) sollichen hast vsserwölet.

Herr richter ich clag eüch von .M. der hat mit argem list oder vß grossem vnflyß vnrecht oder falsch zů gesagt / als ich in sandte zů messen den acker od(er) wisen / vnd hat zůgesagt es sein .x. morgen / vnd ich vindt nit als vil.

Item er hat zůgesagt mein wise gee biß dahin / vnnd sie geet ferrer / wann

(85) Der Erst Teyl

mir nun sollichs zehen gulden schadt. Bitt (et)c. erkennen dz er mir meinen schaden schuldig sey abtzůlegen / vnd das ers thů.

ff. c. l. iij. §. competit

Merck / dise clag ist ein hilflich clage den personen den sunst nit geholffen mag werden.

(1. T., XXXV. Bl. 70. K.) De sepulchro violato.

ff. de sepul. vio. l. pretor. §. diuus adrianus

Als nach ordenung der recht die todten in stetten nit söllen begraben werden / noch in dörffern / casteln oder gassen / sunder allein ausserhalb / wann der lufft würt vergifft oder gefelscht vonn den schelmen der todten / vnnd werden auch die menschen vergifft. Darumb ist ein peen gesatzt fünfftzig gulden / über die die dawider thůn. So aber dise clage durch lang herkommen gewonheit nit stat hat / darumb laß ichs vnderwegen.

(1. T., XXXV. Bl. 71. K.) De religiosis et sumptibus funerum.

Das dir die kostung wider werd / die dich die begrebnüß kost habe.

Vil vnd offt macht es sich das einer einen todten laßt begraben / vnd in sollichem begraben leyhet er das gelt vnd kostung dar / oder geyt dar / also kommen in die recht mit diser clag zů hilff / das im die kostung můß wider werde(n).

Am ersten gebürt sich / das einer todt sey.

Am andern / das in des selben todten begrebnüß sey kostung geschehen.

l. si q(ui)s sepulebru(m) §. pretor. ff. de religi. et sumpt. fu.

Am dritten / das sollich kostung geschehen sey in můt vn(d) willen die wider zů nemen. Kostung. ff. at si q(ui)s. §. funus. et. l. et sumptus funeris. Kostung verstee / es sey geschehen den todten zů begraben / oder zů behůtt(e)n / oder zů fůren / so der todt ferr zů der begrebnüß hat / oder das gelt das man den priestern / oder dem graber / oder wie es genannt sey / das heißt alles kostung der begrebnüß.

ff. c. at si quis. §. equum

Am vierden / das die kostung geschehenn sey nach würdigkeit des todten / darinnen sol man auch ansehe(n) die habe des todten. Auch můß man anseh(e)n die zeyt / wann winter zeyt ist die kostung schwerer dann summer zeyt.

Am sechsten das ein protestation geschehe am begraber / das er solliche kostung thů im můtte das im wider werde.

Am sybenden / das kein andere clag stat habe.

ff. c. l. at si quis §. si q(ui)s equu(m) §. interdictum

Am achten / das solliche kostung geschehe nach der würdigkeit vnnd habe des todten / wann were der todte reych / vnd geschehe clein kostung in schmähe des todten / würt die kostung nit wider gefordert.

Herr richter ich clag eüch von .N. an den vorder ich .xx. pfundt / wann ich hab seine(n) vatter begrabe(n) / vn(d) hab souil vßgebe(n) des selb(e)n erbe er ist. Bitt (et)c. erkennen das er mir sollich gelt betzalen sol / vnd das er mirs gebe (et)c.

ff. c. l. penul.

Ite(m) merck / dz die kostu(n)g geet vor vn(d) sol vor betzalt werde(n) vor aller schulde.

(1. T., XXXV. Bl. 72. K.) De iure iurando.

So du die habe vordern wilt die du mit deinem eyde vormals im rechten betzalt hast.

Krieg ist zwyschen zweyen / einer vordert die habe / der ander besitzt die habe der der sie vordert besitzt die habe on vrsach / wann er spricht die habe sey sein / als er spricht die habe ist mein / aber nit vß was sach / der besitzer spricht desselben

(86) Das XXXVI. Blat

gleychen. Ist krieg vmb nutz der erbe. Vnnderweylen spricht der besitzer zů dem anclager / schwör das die habe dein sey / so will ich dirs widergeben / vnderweyle(n) spricht der anclager zů dem besitzer / schwör das die habe dein sey so will ich vom kriegen lassen. In dem casus kompt das recht zů hilff dem d(er) geschworen hat / wan(n) er mag die habe mit recht fürbaß vorderen / aber and(er)s der besitzer / anders der der es vordert / wan(n) der besitzer hat exceptionem wid(er) den anclager / er hat auch wider in die clag ob er von dem besitz kom(m)en. ff. de iureiuran. no(n) postea. §. vit. Zů dem anclager hat allein dise clag wider den besitzer der es im vff sein eyd heimgeben hat / er hat aber nit dise clag wider ein andern / wan(n) der krieg zwyschen vns ergangen bringt den andern keinen schaden.

In diser clag sein alle ding nottürfftig die in der vorgeschriben auch also genanter clag geschriben stehen / sie seind beid gleych / dann in der vorgeschrib(e)n clag můß die sach im eyd bestympt sein / warumb die habe dein sein. In diser aber nit. Also formier dein clage.

Herr richter ich clag eüch von .M. da ich von im vordert .N. die habe vn(d) sprach sie wer mein / vnd als er mir es vff meinen eyd setzt / schwůr ich das die habe mein were / die selben habe will er mir nitt geben. Bitt (et)c. erkennen das er mir die habe geben sol / vnd das er mirs gebe.

Wo aber der besitzer vom besitz kommen / vnd die habe kommen in des anclagers besitz vnd gewalt / clag also.

Herr richter ich clag eüch von .M. als er vordert an mich die habe .N. vnd sie were sein / doch gabe er mirs heim / behübe ich es mit meinem eyde / das das mein were / ye doch bin ich vom besitz kom(m)en / vnd die habe hatt er wider. ff. d(e) iureiuran. et. l. sed et possessor. Bitt ich (et)c. erkennen das er mir die habe sol wider geben (et)c. vnd das ist war / wan(n) d(er) besitzer hat geschworn das die habe sein sey / wo er aber geschworn hett das die habe des anclagers nitt were / so hat er kein clage / sunder allein exceptionem / wann was geet es dich an das ich ein habe besitz die dein nit ist.

ff. de procu. pompo. in fi.

Wan(n) ich aber schwör damit das die habe nit dein sey / darumb gebürt mir wider dich diese clag vnd exception zů geben.

(1. T., XXXVI. Bl. 73. K.) Si mulier ventris nomine (et)c.

Wider die frawen die sich fälschlich in besitz hat lassen setzen / der habe die etwan ires mannes gewesen ist.

Offt stirbt einer / vnd sein fraw spricht sie sey von im schwanger so es nit ist / oder sie ist aber schwanger von einem andern / vnnd also vordert sie fälschlich das sie yn gesetzt werde in die verlassen habe / etwan ihres mans / vff das das sie die weyl die habe nyesse / vnd dester reycher werde frembder habe. ff. si mulier ven. no. i. posses. calu(m). cau. esse. dica(n)t. l. j. Also kompt das recht dem erben / es sey auß testament oder on testament zů hilff wider die frawen durch dise clag / mit der beheltest du dein schaden.

Am ersten gebürt sich das einer gestorben sey / vnnd ein frawen hinder ime gelassen habe.

Am andern das die fraw fälschlich bitt sich in die habe zů setzen.

ff. c. l. j. ij. et. iij.

Am dritten / das sie yngesetzt sey.

ff. c. l. j. §. j. ij. iij. ff. de acqui. here. cum quidam

Am vierden das nit ein iar sey vergangen. Darumb sprich ich ein eefrauwe / wann erst mag man bitten den ynsatz / so der im leyb getragenn würt der

(87) Der Erst Teyl

ein rechter erbe were / würd er geborn / darumb mag man das erbe die weyl nit anfallen. Wo aber die fraw nit fälschlich ist yn gesetzt worde(n) / gebürt dise clag nit / sie sol die weyl von leybs wegen genert werden von frembder habe.

ff. c. l. j. ij. et. iij.

Es mag auch ein sollichs on falsch sein / wan(n) sich die fraw geglaubt hat sie sey schwanger / vnd die hebammen haben es dafür gehalten / villeycht hat sie ir recht zeyt nit gehabt / vnd haben ir vmb anders ach willen vffgehört. Aber in sollichem zweyfel sol man halten das sie nit fälschlich besitz.

Herr richter ich clag eüch von .B. die hat sich ertzeygt vn(d) gesprochen sie sey schwanger / vnd ist nit gewesen / oder sie ist schwanger nit vo(n) irem eeman / hat fälschlich gebetten sich yntzůsetzen in die habe .N. etwan ihres mans / vnd sie ist yngesetzt worden / von der selben habe hat sie souil verthon dz ist fünfftzig gulden wert / auch ist vil der selben habe minder worden / als (et)c. wann ich nun ein erbe .N. Bitt (et)c. erkennen das die genant fraw mir schuldig sey die genanten fünfftzig gulden zů geben / vnnd den schaden in der andern habe ablegen sol / vnd das sie es thů (et)c.

Merck / es ist nit neüw das die frawen bößlistig sein / es ist lang gewesen.

ff. de acqui. poss. possedi. in fi.

Merck / in dieser clag als die fraw ist yngesatzt in besitz wiewol sie nit besitzt. ye doch neüsset sie die frucht / als du oben hast. ff. vt in pos. legatorum. Vnd das ist sunst nit allein in der vorderung des erbs.

ff. er q(ue). cau. i pos. ca. fulun. §. vlt(i).

Wider die frawen so sie wie obstat yngesatzt ist / vnd den besitz in einen andern tra(n)sferiert / wendt oder keret.

Wann nun vnderweylen nit allein ein fraw nit in den weg sündet / sunder auch in einen andern weg / wan(n) nach dem vnd sie ist yngesatzt wie obstat in d(en) vorigen clage. So übergeyt sie den besitz einem andern / vnd also würt geschediget der erbe der von rechts wegen erben mag / wan(n) villycht in gůttem glauben vertzert er die frucht / oder besitzt er aber in bösem glaube(n) / so hat ers nit zů betzalen / darumb hat der erbe dise clag wider die frawen vmb seinen schade(n).

Am ersten gebürt sich das die fraw sey in besitz gesatzt.

Am andern das sie mit argem list den besitz einem andern yngebe.

Also formier dein clage.

ff. si ven. no. muli. in pos. mis. eadem pos. do. ma. ad alia(m) trans. esse di. l. j. §. j. (et)c. §. ij. et. §. non solu(m). et. §. necessario

Herr richter ich clag eüch von .B. die als sie yngesatzt ist in den besitz .T. etwan irs mans des ich ein erbe bin / vß seinem testame(n)t / hat den besitz .M. vntreüwlich yngeben / das selbig schadt mir zehen gulden. Bitt ich eüch sollichs erfarn souil vnd gnůg ist / vnd mit eüwerm rechtlichen spruch erkennen / das die fraw mir schuldig sey den genanten schaden abtzůlege(n) / vn(d) dz sie es thů (et)c.

(1. T., XXXVI. Bl. 74. K.) De eo q(uo)d falso tutore auctore gestu(m) esse dicit.

Von der geschicht mit eim falschen vormundt geschehen.

So einer weißt dz er nit vormundt ist / mit vntreüw spricht er sey vormund vnnd also vß seinem gewalt so contrahiert ein ander mit dem waisen / der selb contract würt hernach krafftloß / oder er verkaufft ein habe des waisen / vnd d(er) selbkauff würt darnach widerrüfft / als würt de(m) der mit de(m) waisen vß gewalt vnd günnu(n)g des falsche(n) vormunds geschediget / würt de(m) selben geholffen mit diser clag mit der er behelt allen seinen schaden wie obstat entpfange(n). ff. c. l. j. §. j. In der clag würt angesehen die zerung die du hinfür in gericht thůn můst.

(88) Das XXXVII. Blat

Am ersten gebürt sich das ein waise sey.

Am andern das einer wol wisse das er nit vormundt sey / vnd sich doch seines geschäfftes vnderwinde.

Am dritten / das er es nit arglistig thů.

Am vierden / das vß seinem gewalt sey gehandelt oder contrahiert worde(n).

Am fünfften das der / der contrahiert hat wisse nit das der ein falscher vormundt sey / sunder er sol glabut haben das er recht vormundt sey.

ff. c. l. j. §. j. et vlt(i). et. l. nouissime

Am sechsten das der contract nit confirmiert sey vom richter / wan(n) wiewol er sunst von rechts wegen nit taugt / so würt er krefftig von des richters decret oder confirmatz wegen.

ff. c. l. j. §. interdu(m)

Am sybenden / das alleind er falsch sich des contracts vnderwindt / wann geschehe sollicher contract vß gewalt des waren vnnd des falschen vormundt der contract ist krefftig.

Herr richter ich clag eüch von .M. der hat sich geheissen ein vormund .M. des waisen / vnd ist nit vormundt gewesen / wan(n) er hat wol gewißt das er nitt vormund gewesen ist / vnd hat sich fälschlich vnd listigklich einen vormund genant / darumb hab ich mit im vnd dem .M. waisen vß seinem willen vn(d) gewalt contrahiert / vnd wann der handel vnd contract mit dem falschen vormundt krafftloß ist / schadt es mir .xx. pfundt das ich nit mit dem waren vormundt contrahiert hab. Judicium restitutionis dicit. l. j. §. j. ff. e. et .l. nouusime. Bitt (et)c. erkennen das er mir die .xx. pfundt schadens vnd die zerung die ich künfftig bin zů thůn / in dem widergeben den gericht (in iudicio restitutio[n]is in latein) so d(er) minder d(er) nach seine(n) tage(n) nit kom(m)en ist / würt vord(er)n wid(er) mich / den schätz ich hund(er)t gulde(n) geben soll / vn(d) dz er mirs gebe (et)c.

ff. de iudi. non que(m)admodu(m)

Merck du möchtst sprechen / dise clag gebürt dir nit wider den falschen vormundt / wann das geircht sol nit sein in künfftigen dingen / sunder man mag nur allein clagenn vmb das das man schuldig ist. Minor. Die weyl nun der contract noch nicht beleybt / vnd der minder das ist der / der noch nit zů seine(n) tagen kommen ist / noch nit restituiert ist / das ist so der contract noch nit vnkrefftig geteilt ist / vnd die zerung die er künfftig ist zů thůn in dem widergeben oder dem widerbringenden gericht er noch nit gethan hette. R(e)n. ff. de ac. emp. seruns. §. sciens. Das geschicht vmb vntreüw oder argemlist / das der sich einen vormundt geheissen hat so er es nit was. Ist also sunst auch in einem sollichem / so einer wissentlich verkaufft ein frembde habe / also clagt der kauffer wider in vmb seinen schaden vß der clag vo(m) kauffen genant / ee dan(n) die habe im am rechte(n) ab behalten würt vo(m) erben.

ff. c. l. hui. §. vlt(i).

Merck dise clag würt geben de(m) erben / aber nit wid(er)n erbe(n) oder wid(er) den sächer nach de(m) iar / wan(n) dise clag strafft die statt vn(d) würt begriffen wid(er) vntreüwe.

(1. T., XXXVII. Bl. 75. K.) Ein ander clag wider den falschen vormundt / die gebürt den verlassenen waisen.

ff. c. l. vlti.

Auß dem vorgeschriben contract würt vnnder weylen geschediget der verlassen waise / kompt im das recht zů hilff mit diser clage.

In diser clag ist alles das nottürfftig als obgeschriben steet.

Also formier dein clage.

Herr richter ich clag eüch von .M. der hat sich genant mein vormund / vn(d) ist es nit gewesen / vnd an dem gericht als ich nun zů gericht mit .T. gieng (et)c.

H

(89) Der Erst Teyl

bekannt er das (et)c. sollichs bekennens bin ich hundert gulden zů schaden kom(m)en. Bitt (et)c. erkennen / das er mir die hundert gulden schadens geben sol / were aber der waise betrogen worden in einem contract / so spräch er in der clag von seines gewalts wegen bin ich in dem contract betrogen worden in zweintzig gulden. Bitt ich (et)c. erkennen.

Merck / der minor hette auch ander hilff.

(1. T., XXXVII. Bl. 76. K.) Si omissa causa testamenti.

So der erb sich des erbs nit vß vrsach des Testaments angenom(m)en hat / sunder on Testament.

ff. si omissa causa testa. l. j. §. j.

Es geschicht etwan das einer meynt ein erbe gantz im zů behalten / vnd die so im Testament oder in Codicillis / das ist letsten willen gesatzt ist entschliessen / vnd sie das das yngesatzt ist berauben / als er das erbe besitzen vnd in seinen gewalt solt nehmen / hat er das erbe nit vß vrsach des Testame(n)ts / sunder als sunst sein erbe vn(d) on Testame(n)t zů seinen handen genom(m)en / wan(n) villycht ist er sein sun / oder höret im sunst vom vatter oder von der můtter zů / kompt der pretor denen den gesatzt ist im Testame(n)t zů hilff / das der eben als wol schuldig ist / als ob ers vß dem Testament besäß.

In diser clag ist nottürfftig.

C. si omissa causa testa. l. ij.

Am ersten das das Testament sey / also das er vß dem Testame(n)t sich des erbs möchte annemen / oder den besitz der habe bitten.

ff. si omissa causa testa. l. j. §. no(n) co(n)tinuus

Am andern das er das erbe dz er vß dem Testament annemen möcht (besitzt ers anders) besitz als ein erbe on Testament / nit das er es besitz auß eienr sach / vß der das Testament hat gesatzt villycht im schuldig was / also ein ander mir gesatzt hette. per fidei co(m)issum. ein erbe das soltu mir .N. gebe(n) vnd er setzt mich im Testament des selben erbs ein erben. Dise clag hat statt / so offt einer das erbe nit rechtlich oder als ein rauber besitzt / vn(d) schöpfft im ein Titel on Testament zů besitzen.

ff. c. si q(ui)s pecuni(u)a

Am dritten / das er besitz oder gelt genom(m)en hab dz er es einem andern gebe het er es aber sunst vnderwegen gelassen wer er nit schuldig. ff. de peti. hered(i). si et rem et p(r)eius. Hatt er gelt genom(m)en / so sol er am erste(n) vmb das gelt verclagt werden / wan(n) der wert kompt an des erbs statt / vnd wer den wert hat / hat auch die habe.

ff. de legi. l. planein fi.

Wan(n) aber d(er) selb nit bezale(n) mag od(er) gnůg thůn / als da(n) sol erst beclagt werden d(er) besitzer / vn(d) habe(n) die dene(n) gesatzt ist ein zůflucht wider den besitzer.

ff. c. l. j.

Am vierden das er es vnderwegen laß in vntreüwe.

ff. c. l. j. §. qui sub conditione

In wölchen weg er möcht das erbe an sich nemen / vnd hat sein nit gethan würt verstanden solliches in vntreüwe.

ff. c. l. j. §. si ppona(n)tet. l. q(ue) au(c)t. §. j.

Am fünfften das er das erbe nit von vnd vß willen des der das Testame(n)t gesatzt hat vnderwegen gelassen / wan(n) als dan(n) were er nit schuldig.

Herr richter ich clag eüch von .M. als er was ein erbe gesatzt vo(n) Ticio / der selb hat mir .xx. gulde(n) in seine(m) Testame(n)t gesatzt / in vntreüw vn(d) schade(n) d(er) gesatzte(n) habe / hat er dz erbe vß vrsach des Testame(n)ts vnderwege(n) gelassen / vnd besitzt dz erb on Testame(n)t. Bitt (et)c. erke(n)nen dz er mir die .xx. gulde(n) mir gesatzt geben sol zů gleycher weyß als ob er das erbe vrsach des Testame(n)ts besäß. ff. c. l. vlti. Also clag so dir im Testament gesatzt ist / vnd der erb besitzt das erbe. Wann

(90) Das XXXVIII. Blat

er aber nit besitzt / sunder den besitz in vntreüw vnderwegen laßt / clag wie obstat / dan(n) allein das du vnderwegen lassest vnd er besitzt on testament. ff. d(e) reiven. si au(c)t. Das ist die vrsach warumb das ist das der schuldig ist / wann so er in vntreüw den besitz vnderwegen laßt / vnd die vntreüw für den besitz würt gehalten. Darumb ist billich das der d(er) in vntreüw nit besitze(n) will das er schuldig sey. Wan(n) abe der nit besitzt / vnnd nit in vntreüw den besitz vnderwegen gelassen hat / sunder vmb sunst / vnd ein ander besitzt. Nun formier also dein clag.

Herr richter ich clag eüch von .M. d(er) besitzt ein erbe / des besitzer vnderwegen gelassen hat / Ticius d(er) ein erbe gesatzt was in seine(m) testame(n)t / der selbe hat mir in seine(m) testame(n)t .xx. gulde(n) gesatzt od(er) geschafft. Bitt (et)c. erke(n)nen dz er mir die selbe(n) .xx. gulde(n) geben sol als ob er erbe were / vn(d) dz er mirs gebe / zwingt (et)c.

Merck / wan(n) der d(er) im testame(n)t gesatzt ist vord(er)t das gesatz vo(m) erbe(n) / so ist im der erb schuldig nit vß eine(n) contract / wann er hat nit mit im contrahiert / er ist aber schuldig ex quasi contractu / das ist schuldig vß gleycher weyße eim contract. So aber nun der besitzer des erbs wie in der nechsten clag steet kein erbe ist / Dise clag ist vmb der testame(n)t willen gemacht worden / vff das das die testament fürgang hab(e)n. Ultima volu(n)tas testatoris adimplenda. ff. c. l. j. Wann nichts ist billichers dan(n) das der letst wille des menschen frey sey vnd fürgang hab / darumb so ist der besitzer schuldig.

ff. de noxa eletionum.

Zů gleycher weyß wölcher die habe nit besitzt ist auch nit schuldig vmb die habe zů antworte(n) / wan(n) aber einer in vntreüw vom besitz kompt so ist er schuldig als ob er besitz / als du in manigen clagen vindest.

(1. T., XXXVIII. Bl. 77. K.) De publicanis et vectigalibus.

Wider die zoller so sie zů vil zolns nemen.

Die zoller nemen vnderweylen mer dan(n) sie sollen. Darumb ist gesatzt die clag damit der getzwungen würt zwyfach wider zů geben / das er wider recht genommen hat / vn(d) das vnder dem iar / nach dem iar nur einfach. Zoller. ff. de publica. l. j. Bey dem zoller verstee einen yegklichen der etwas vom fisco bestanden hat yn zů neme(n) er neme zynß / geleyt / zoll / vnnd was sunst sey / er hab es bestanden oder nitt / er oder sein hauß gesindt hab es gethan.

Am ersten gebürt sich / das einer ein zoller sey.

ff. c. l. j. §. j. et. ij.

Am andern das er von des selben ampts wegen etwas mit gewalt neme / der gewalt sie hinnemen oder zwingent.

Herr richter ich clag eüch vonn .M. der ein zoller ist des Keysers oder der statt / vonn des selben ampts wegen hat er mir hundert pfundt abgetrungen oder abgenommen. Bitt ich (et)c. erkennen das er mir die hundert pfundt zwyfach schuldig sey zů betzalen vnd das er mirs betzale.

Publicanus

Merck / du magst wider die obgeschriben person clagen von dem raub farender habe / auch des diebstals / auch so etwas von forcht wegen geschicht / od(er) vß zwingendem gewalt / von den du oben hast. Uiolent raptor. ff. c. l. j. §. h titul. Vmb des willen das die zoller nit bessers wesen sein dan(n) die andern rauber oder zwinger.

Merck / wo die clag nit so gar eben od(er) gäntzlich gesetzt were / soltu sie selber gäntzlich setze(n) / wan(n) ich beken(n) es das ichs so gar gäntzlich von gůttem teütsch nit gesetzt hab als sich villycht gebürt vnd not were.

H ij

(91) Der Erst Teyl

(1. T., XXXVIII. Bl. 78. K.) De liberali causa.

Wider den der frey ist vnd hat sich für eygen verkauffen lassen.

Vnnderweylen macht es sich das sich ein freyer mensch laßt für eygen verkauffen / also das er auch teil am gelt hab / vnd also so alle ding die sich gebüren geschehen sein / so würt der frey geborn eygen / in sollichem gebürt sich auff das das einer der frey ist eygen werde.

Am ersten das der / der sich verkauffen laßt sey elter dan(n) zweintzig iar alt.

Am andern das er sich vff das verkauffen laß das er ein teil am gelt habe.

Am dritten das er ein teil des gelts hab vnd im werde.

ff. de libe. cau. rectissime

Am vierden das er wisse das er frey sey.

Am fünfften das er einem verkaufft werd der glaubt das er eygen sey. ff. de libe. cau. liberis. et. l. q(ue) scie(n)s. Also můß der kauffer nit wissen sein wesen das er frey sey.

ff. c. si vsufructu. ven. et. l. j. i. R(e)n. §. i.

Merck vnd ob einer nit wie obstat verkaufft würde / er laßt sich hingeben in morgengab / oder pfandtschafft weyse / oder einen andern nutz vff im machen vnd setzen von eines nutz wegen oder gemächts wegen.

vt in. l. predictis

Wo aber der eins oder mer nit ist / so mag der / der sich verkaufft hatt wider frey von dem richter zů lassen erke(n)nen. So aber der kauffer also betrogen were / wann der kauff krafftloß erteilet vnd hinder sich getriben würde / kompt im das recht zů hilff mit diser clag / wider den der sich verkauffen hat lassenn für eygen / vnd frey ist / vn(d) dise clag gebürt dem kauffer vnder dem selben iar zwyfach / vnnd ist die peen allesament nach dem iar nur einfach / als vil vnnd du vmb in geben hast.

ff. de libe. ca. l. obligat. et. l. vtiq(u)s.

Item on dise clag mag ich dannocht clagen wider den verkauffer vmb die peen / ob mir einer ein peen verheissen het im kauff / ob ich abgetribe(n) würde / vn(d) ein clag hindert die andern nit.

In diser clag gebürt sich.

Am ersten das der kauff vmb den geschehen sey.

Am andern das der kauff also geschehen sey / dz er im rechte(n) vntüge(n)lich sey.

Am dritten das der verkaufft sich frey vßrüffe.

Am vierden das er also sich frey rüffe / das er im rechten behalt.

ff. de libe. ca. liberis. et. l. q(ue) sciens.

Am fünfften das der / der in kaufft hat / wisse nit das er frey sey / anders west ers / so ist er vnwürdig aller hilff.

ff. de libe. ca. non solum. §. penul.

Item dem kauffer schadt sein wissen / wann er es am ersten hatt gewißt da er in kaufft / aber das hernach wissen schadt im an diser clag nit.

Herr richter ich clag eüch von .M. der hat gewißt das er frey was / vnd vff das das er des gelts ein teil neme / hat er sich verkauffen lassen von .T. vnnd ich hab sein wesen nit gewißt / vnd gelaubt er wer des verkauffers eygen / vnnd nach dem hat er sich frey gerüffen lassen / vnd sollichs auch behalten von dem richter / wan(n) alles das / das sich in sollichem gebürt hat sich nit gefunden vnd ist nit geschehen / wann ich nun an sollichem kauff fünftzig gulden mangel. Bitt (et)c. erkennen das er mir solliche fünfftzig gulden zwyfach betzalen sol.

Seruitus de in re gentium.

Merck diese clag ist vß malefitz / also hast du wie einer eygen würt nach ordenung Keyserlicher rechten. insti. de re. di. eaq(ue) ab hostibus. Noch ist ein weg dadurch eins eygen würt / vn(d) ist ex iure gentiu(m) / das ist vß de(m) rechten dz nahent alle die halten die vff d(er) erden

(92) Das XXXIX. Blat

seind / was wir fahent deren die vnnser feynde seind / sein vnser eygen / also das die freyen menschen vnser eygen werden / als bald dan(n) sie aber vß vnserm gewalt kom(m)en / so seind sie wider frey.

de so. et pe. nouit. §. vlti.

Merck / vß dem magst du wol versteen / das nit not ist das man einen der schlechts gefangen würt ledig zele / wan(n) wie er vß des fahers gewalt kom(m)et so ist er ledig / schwört er aber sich zů stellen 7 oder den eyd schuldig sey zů halten oder nit / gehört allein den geistlichen richtern zů erkennen. ff. de sta. ho. libertis. Wann etwan hiessen die Keyser die selben menschen behalten bey irem leben das sie nit getödt solten werden / sie waren aber der eygen die sie fiengent. ff. de iust. et iur. Vnnd eygenschafft ist ein constitutz vß dem yetz geschriben rechten kom(m)en / da einer eins andern herrschafft vnderthänig würt wider die natur / von dem yetz gemelte(n) rechten würt leychtlich gegangen als das recht sagt. Im ersten rechten am hindersten / also ist es gehalten worden von Christus geburt von allen den die vff der welt waren / was man fieng vnser feyndt oder vnsern feynde(n) name / das was alles vnnser / aber es ist nun in der christenheit anders / wann es sol der krieg billich vnd rechtlich sein / wölcher krieg billich sey ist hart zů beweysen.

Merck / was vß vnsern eygen frawen geborn würt ist vnser eygen.

Merck / vß dem magst du wol versteen / das in Schwaben kein eyge(n) mensche ist / noch in Francken.

C. de validis me(n)dicantibus. li. xj.

Merck / wann ein gesunder vnnd starcker mensch / on in theürung betteln geet / wer den selben fahet des eygen ist der selb / vnnd mag in fürbaß verkauffen als ein thier.

(1. T., XXXIX. Bl. 79. K.) Ex quibus causis in possessionem eatur.

Wider die / die in besitz gesatzt seind vnd die frucht nyessen od(er) schade(n) thůn.

ff. vt in pos. legs. l. plurs.

Offt werden etlich yn gesatzt in besitz etlicher habe vß mancherley vrsach / gesetzter habe am todtbeh / etwan von künfftigs schade(n) wegen / etwan vmb vngehorsamkeit des geladen / die alle so sie yn gesatzt werden inn besitz so besitzen sie nit / sie haben den besitz allein in pfands weyße / on so einer yngesetzt ist inn die habe die er im rechten gefordert hat / die besitzer wie obstat möge(n) die frucht nit nyessen / sie werden dann dise person / als tochter / tichter kindt oder eeweyb / also dz dise person sunst nit haben. ff. ex q(ue). cau. i. pos. ca. fulcimo. §. vl. Es were dan(n) vmb erbschafft / wölcher mit des richters gewalt daryn gesetzt würt der neüßt die frucht vnd seind sein.

ff. de ho. cauc. iu. pos. ait pretor. j. R(e)n.

So aber nu(n) die wie obstat yngesatzt die frucht nyessen / vn(d) vnderweyle(n) thůn sie schade(n) / kom(m)en die recht zů hilff dene(n) in dere(n) habe die ynsetzung gescheen ist dz sie mit diser clage die yngenom(m)en frucht wid(er) geben / vn(d) den schade(n) beke(n)nen müssen.

Am ersten gebürt sich das ein vrsach sey daru(m)b der creditor oder glaubiger bittet den ynsatze inn die habe / als schuld vmb gesatzt habe / oder so der geladen vngehorsam ist / oder vmb ein anders ach.

Am andern / das er sollichs bitt vom richter / vnd das in der richter ynsetze.

ff. ne vis fiat ei q(uem) in poss. l. j. §. hec vero. de iurisdic. om. iud. l. iubere cauere.

Am dritten das der richter ein sollicher sey das er ynsetzen möge.

Am vierden / das er die frucht nyesse oder schaden thů.

Also formier dein clage.

vt in predicta. l. pretor.

Herr richter ich clag eüch von .M. als der yngesatzt was in den besitze des hauß / oder der wissen / od(er) ander meiner habe / so vil nutzung hatt er vß meiner

H iij

(93) Der Erst Teyl

habe yngenom(m)en / oder er hat mir die selben habe schwecher gemacht. Bitt (et)c. erkennen das er mir die selbe nutzung wider sol geben / vnd den schaden bekeren sol / vnd das ers thů zwingt in (et)c.

Merck / vmb sollichen schaden also gelitten / magstu auch clagen mitt der clag aquilia genant / von der du hernach würst haben.

(1. T., XXXIX. Bl. 80. K.) De bonis auctoritate iuditis possedendis.

Das dem besitzer die kostung vnd die expenß die er in der besessen habe vßgeben hat wider werden.

Als de(m) schuldiger geholffen würt wider den creditor der in besitz gesetzt worden ist / das er die frucht wider erkobert / vnd also würt der schaden gekert wie obstat. Also würt mer diser clag geholffen dem creditor der yngesatzt ist / vnnd hat in dem besitz eypenß gethan / das ist vmb etliche habe vßgeben / als ob er etwas hat zym(m)ern lassen / oder sunst nottürfftig gelt vßgeben hett / das im die selben expenß wider werde / die er nit mit vntreüw vn(d) arglistigklichen gethan hat. In diser clag gebürt sich alles das das sich in der obgeschribenn gebürt / on von der nutzung vnd schaden.

ff. de bon. auc. iu. pos. pretor ait.

Es ist auch noch eins nottürfftig / das der yngesatzt die expension argenlist gethan hab / vnd ob sie wol nit nottürfftig oder nütz dem des die habe ist gewesen sein. ff. de nego. gest. sed an vitro.

Also hett er aber die expenß / vnd ob sie nit nütz gewesen seind an gesehen das ende / wann sie anders am ersten nütz gewesen sein.

ff. de bon. auc. iu. pos. cus vnus. §. is qui

Auch ist mer nottürfftig gas (= das) (!) die stat daryn er gesatzt ist / gehöre in gerichts zwang des richters / anders sie ynsatzung ist krafftloß.

Herr richter ich clag eüch vo(n) .M. als ich yngesatzt was in den besitz seiner habe od(er) des hauß (et)c. vo(n) seiner vngehorsamkeit wege(n) (et)c. od(er) vß einer and(er)n sach hab ich in den selben besitz souil. c. pfundt vßgeben / sag waru(m)b (et)c. Bitt (et)c. erkennen das er mir sollich expenß wider geben söl / vnd das er es thů.

Questio

Item du möchtest sprechen / diß vß geben mag nit geuordert werden / es ist gewiß das der creditor also yngesatzt hat nur ein pfandt an d(er) habe. ff. de pig. act. no(n) est min. C. q(ue) po. in pig. habe. l. ij. et. iij. Er ist nit schuldig ichtes zů machen oder vß zů geben / wan(n) er ist allein schuldig zů antworte(n) von argemlist vnd grossem vnfleyß. C. de pig. act. creditor. et. l. si ull.. insti. de re. di. §. ex diuerss. Ist er es nun nit schuldig zů thůn vnd geyt es wissentlichen vß / so ist es eben als gebe ers vmb sunst. Darumb ist es ein wunder das der rechtsetz er spricht / er erkobert die expenß oder das vß gebe(n) de(m) schuldiger nit nütz gewesen ist. Re(s). Responsio. ff. de neg. gest. l. j. Es mag nit in ein nachuolge(n) gezoge(n) werde(n) / er ist sein nit schuldig gewesen / daru(m)b sol man es im nit wider gebe(n) wan(n) so du hie nit anheimsch bist vn(d) ich gib etwas in einer sach vß on dein heissen / vnnd sollichs geschicht dir zů nutz / wiewol ichs nit schuldig bin gewesen / ye doch bistu mirs schuldig wider zů geben / vn(d) ob sollichs am letsten kein gůtten vßgang het gehabt / wan(n) mir sollichs vßgeben am ersten nütz ist gewesen. ff. de vsufruc. cus vsufructuarius. non magis. et. l. si absente fructuario. Von der clag hastu oben geschriben. Nymwar / so der erb expenß thůt in der habe / der nutzung gesetzt ist eine(m) andern / wiewol ers nit schuldig ist zů thůn / ye doch thůt ers / er vordert sie wider mit der clag nego. gesto. vom nyesser.

ff. de neg. gest. co(n)di. in hoc. §. impendia

Item das ist ein gemeyns / also offt ich etwas mach oder vß gib in einer habe / thů ich solichs als ob die habe mein sey / gebürt mir kein clag / wan(n) ich wolt

(94) Das XL. Blat

mir nyemandt verpflichten oder schuldig machen / wo aber sollichs geschicht in frembder habe / gebürt die clage.

(1. T., XL. Bl. 81. K.) Vi bonorum raptorum.

Wider die die mit gesampter handt schaden thůn.

ff. vi bo. rap. pretor ait. j. Kn.

Es macht sich off das ein gesampte schar einen schaden thůt / darumb ist gemacht dise clag / mit der zů hilff kom(m)en würt dem der den schaden gelitten hat / vnder dem iar zwyfach / nach de(m) iar nur einfach. In disen clagen gebürt sich das ein gesampte schar sey.

ff. c. pretor ait. j. R(e)n. et. §. ne qs

Merck / zehen menschen heissen ein schare.

Drey menschen machen ein collegium.

ff. de ver. sig. veracius

Zwen menschen machen ein hader.

ff. d(e) abigeis. l. vl.

Zehe(n) schaff mache(n) ein herd / od(er) vier schwein od(er) fünff mache(n) auch ein herd.

Am andern das vß argemlist von der schar schaden geschee / es sey gegenwertig oder nit / er hab die schar gesammet / oder sey sunst in die schar kom(m)en.

ff. c. p(re)tor. §. neq(ui)s si q(ui)s aduetu suo

Item es ist gnůg das vß vntreüw eins vnder der schar schade(n) gescheen sey.

ff. c. p(re)tor. §. hec actio

Am dritten / das schaden gescheen sey in der schar / wann wo sunst schaden gescheen so růwet dise clage.

ff. c. p(re)tor . j. Ru(n).

Am vierden das ein iar nit vergangen sey / wan(n) vnder dem iar ist dise clag zwyfach / darnach nur einfach.

Herr richter ich clag eüch von .M. vß des selben argenlist vnder der schar .N. ein sollicher schad gescheen ist mir vff .l. gulden / oder souil hab ich verlorn oder solliche habe sein mir zerbrochen / zerspalten (et)c. Bitt (et)c. erkennen dz er mir sollich fünfftzig gulden zwyfach betzalen sol / vnd das er mirs gebe (et)c.

Merck / vmb sollichs gebürt auch die clag aquilia genant.

(1. T., XL. Bl. 82. K.) De incendio: ruina: naufragio (et)c.

Wider die ihenen so es brennet oder die schiff gestürmet werden oder vnder geen geplündert (et)c. die selbe habe arglistlich hinnemen.

ff. incen. rui. nen fra. rate naue ex pugna. l. j. §. j.

So vnderweylen feür vffgeet / ein hauß niderfallen wil / oder ein schiff will vndergeen / einer nympt etliche habe in argemlist oder thůt schade(n). Deßgleychen ist so ein schiff geplündert oder gestürmet würt vo(n) feynden / kompt der rechtsetzer wider die selben zů hilff mit diser clag / das sie vnder dem iar die habe also vngetreüwlichen genommen vierfach wider gebenn müssen / nach dem iar nur einfach.

ff. c. l. j. §. ex incendio.

Am ersten gebürt sich das sich brinnen erhabenn hab / oder ein hauß fallen wöll / ein schiff vndergeen wil / od(er) das schiff geplündert werd / also das vß sollichem vflauff schad geschee / oder etlich habe gestoln oder geraubt werd / es geschee vff der hoffstat da es gebrunnen hat / oder da d(er) vall gescheen soll oder dabey in andern gründen / die argwenigkeit des brinnens oder des niderfals machet dise clage.

vt in p(re)dicta. l.

Am andern / das die habe vntreüwlichen genommen oder gestoln werd / od(er) schaden geschehe.

ff. c. l. j. Ru(n).

Am dritte(n) das dz iar nit vergange(n) sey / vff das dz vierfach dise clag gebüre

H iiij

(95) Der Erst Teyl

Item merck / in diser clag die gebürt vonn dem schiffplündern oder vndergeen seind zwen sunderlich casus.

ff. c. quo naufragiu(m). §. senatus

Der erst von eins gestoln nagels wegen gebürt dise clag vmb alle die habe die im schiff sein sie werden alle am werde geschätzt / vnnd vmb alle habe soll verdamnung geschehen.

ff. de pe. l. penul.

Ich meyn aber nit das von eins nagels wegen alle habe söllent verfallen geschätzt werden / die peen ist sunst groß vnd die sünd clein / wan(n) die peen söllen geleychtert werden. Vnd das ist die vrsach warumb vmb eins nagels willen so der gestolen ist / ist der dieb schuldig vmb all kauffmanschatz / wan(n) vm(b) ein nagels willen möcht das schiff vndergeen / vnnd also verdürb die kauffmanschatz. Etlich sprechen das man sollichs nit sol versteen von einem yegklichen nagel / sunder allein von dem nagel der sollichen schaden möcht bringen wann er vßgetzogen würt vnd sich darnach das schiff trennen würde oder möcht trennen.

ff. c. quo naufragium. §. vlti.

Der annder casus das der der also gesündt hat als vil er dem in sunderheit schuldig ist als vnder dem iare vierfach / nach dem iare einfach / so vil ist er de(m) fisco auch schuldig / also würt er achtfeltigklich gestrafft. So doch das recht sagt. Das die peen vom rechten vffgesatzt vierfach übertrette(n) söllen. insti. de act. §. omnes vo acto(n)es. Responsio / das das recht saget hat stat das die peen der person vierfach nit übertrette(n) sol / wan(n) die peen ein person antritt / vnd der person sol geben werden / wo aber die peen sol vnderscheidenlichen personen wider die gesündet würt gegebenn werden / so übertrifft die peen das vierfach / das ein vierfach gehört der person der die habe ist gestolen worden / das annder dem fisco der ist auch geschediget worde(n) / wan(n) es ist gemeyner nutz dz nichts in solche(n) casus genom(m)en sol werde(n).

Herr richter ich clag eüch von .M. der vntreüwlich hat genom(m)en oder geraubt solliche habe / oder in sollicher habe mir schaden gethan / da mein hauß bran / oder fallen wolt / oder so mein schiff vndergieng oder geplündert wurde sollichs schadt mir hundert gulden. Bitt (et)c. erkennen das er mir sollich hundert gulden vierfach betzalen wölle / vnd das ers thů.

Afflictio no(n) dehet addi afflicto

Merck / diß gebürt auch so ein schiff wil vndergeen / oder gestürm soll werden von raubern / so würffe man vnderweyle(n) die habe vff das landt / vn(d) würt verloren / vnd darumb sol nit yegklicher die selben habe an sich nemen / vnnd sprechen. C. de epis. audie(ns). l. tam deme(n)tis. Gott hab sie geplaget / vnd darumb ist das wider recht das sie peinigen den der vor in pein ist. ff. ad. l. rodias de iactu. l. dep(re)catio. Sollich gewonheit ist vnbillichen. C. l. j. de naufra. li. x. Es ist vnbillich vnnd steet übel es sey fiscus oder ein ander / das er von sollichem frembden iamer vnd täglicher sach gewin(n) haben söll.

C. de naufra. li. x. l. ij.

Item merck / wil ich clagen von schiff vnndergeen / so sol ich beweysen das ich sollichs gelitten hab vnder dem iare / vnd darnach sol die sach vnder dem iar geendet werde(n) / also sol d(er) krieg in zweyen iare(n) angehabe(n) vn(d) geendet werde(n).

ff. c. l. j. in fi. et. l. ij. in prin.

Merck. wer die habe nympt so die schiff nach dem vn(d) sie vndergange(n) seind / der ist pflichtig des diebstals / nympt er es aber so dz schiff vndergeen wil oder gestürmt würt / so ist er diser clag pflichtig.

ff. c. ne quit.

Item merck / wann ich also schaden auff dem wasser nym(m) / das die habe im schiff gelegen an das gestad kompt / vnnd ich weiß nit wer es genom(m)en hat / so mag ich die habe vordern von denen die die gründt besitzen daselbst.

(96) Das XLI. Blat

Schiff bestritte(n)

Merck / das schiff heißt bestritten / so es bestritte(n) würt oder beraub / oder vndergeet / oder von einander bricht / oder die thuenen übergeben / oder so der segel oder strick brechen. In den casus allen gebürt dise clag vnderm iar vierfach / wan(n) man aber criminaliter würt clagen / gebürn sich andere clage.

(1. T., XLI. Bl. 83. K.) De sepulchro violato.

Wider die / die todten oder ir gräber berauben oder zerstören.

ff. de sepul. vio. p(re)tor. et q(ue) sepulcro

Es macht sich etwan dz einer ein grabe zerstöret oder einen todten beraubt / od(er) etwas von de(m) grab nympt / es sey daran gehangen oder nitt / ist dise clag erfunden / vn(d) auch ein verclagu(n)g ist / dz der clagt den sollichs angeet als freünd vom vatter vnd von můtter / oder der erbe / behelter allen schaden wie groß d(er) ist vmb der schmacheit die im in sollichem geschehen ist. ff. de sepul. viola. ait. p(re)tor. i. Ru(n). Vnd were der schad vff tausent gulden. Ist aber der schad clein / behelter zů dem mynsten hund(er)t gulden / wan(n) aber der obgenanten keiner clage(n) will / mag ein yegklicher frembder clagen / vnd im gebürt diese clag vff hundert gulden. ff. c. pretor in fi. i. R(e)n. §. vlti. Vnd dise clag gebürt einem yegklichen vß dem volck. C. e. q(ue) sepulchra. Dartzů würt er getzwungen dem fisco zehen marck goldes zů geben.

Accusatio / das ist verclagung gebürt auch wider den der gräber zerstöret / wan(n) zeücht er die cörper od(er) gebein heruß. ff. c. l. vlti. Ist er arm / er sol daru(m)b sterbe(n) / ist er reych er soll in ein Insel verdampt werden / oder in ein ertzgrůben. Vnnd der richter mit diser peen die sünd nit strafft / er würt gestrafft in .xx. pfundt gelts.

Item die / die da sünden bey denen die da in tods nöten oder artickeln arbeiten / söllen gstrafft werden in dem dritten teil irer habe / vnnd verliesung der schuld / vnd souil vnd der schuld ist / als vil söllen sie den erben geben / des der die schmacheit gelitten hat.

Item sie werden erloß die do geen in eines sterbenden menschen hauß / vnd in oder die seinen betrüben / oder seiner habe on des richters laube zeichen anschlagen.

Item diser peen ist schuldig der / der verbeüt den todten nit zů begraben.

C. c. l. vlti.

Item vmb der geistlicheit willen ist gesatzt das vnder neün tagen vom tode an zů zelen / kein betrübnüß sol geschehen wider nyemanndt auß der person des todten / wann es würt krafftloß.

Am ersten gebürt sich das einer todt sey.

ff. c. l. ij. c. l. p(re)tor.

Am andern das er etwan begraben sey / vnd sunderlichen mit dem haupt / wan(n) es heißt sunst kein grab oder religio.

Am dritten / das das grab zerstört sey.

ff. c. sepultura

Am vierden das der begraben nit feyndt sey gewesen.

Herr richter ich clag eüch von .M. der in arge(m)list hat dz grab alda zerstört als er hat den todte(n) begraben beraubt / od(er) die stein od(er) die seuweln da(n)nen gethan / wan(n) nun vß sollichem zerstören schmacheit mir vnd dem todten ist geschehe(n) vnd souil schadens hat er gethan / vnd souil entragen / sollich schmacheit vnd schaden schätz ich an .C. gulden. Bitt (et)c. erkennen das er mir die .C. gulde(n) bezalen sol. So aber einer clagen wil den sollichs nit angeet / sol er sprechen.

Herr richter ich clag eüch von .M. der hat in argemlist das grab zerstöret. Bitt (et)c. erkennen dz er mir .C. gulden schuldig sey zů gebe(n) / vn(d) dz ers thů.

(97) Der Erst Teyl

Moraoia tollit in aut. de nup.

Item du möchst sprechen wider das erst libell vnd clag / wie mag eine(n) todten schmacheit geschehen / so doch der todt alle ding scheidet.

ff. de iniurijs no(n) solum

Item / dann so mag einer vmb schmacheit clagen / so er die schmacheit inn sein gemüt hat genommen. Der todt hat weder ia noch neyn / so mag er auch nichts in sein gemüt nemen.

ff. de iniur. vt illud relatum

Item er mag vß seiner eygen person nit clage(n) / so wolt auch der der dz grab zerstört hat / dem todten kein schmacheit thůn / die schmacheit würd dann geschätzt nach dem willen des / der dz thůt. R(e)n. C. de epis. audie(s) l. nemo. Dise clag gebürt sich auch bey der person / wan(n) von wegen des todten clagt man / wann dem todten geschicht schmacheit / wan(n) etlich nottürfftigkeit der lebendigen werden auch zů getzoge(n) den todten / wan(n) man spricht auch sie schlaffen. C. de admi. tu. l. que tutores. Auch hat er vß seiner person / wan(n) es zympt vns das vnsern todte(n) kein schmacheit geschehe(n). Es steet auch wol das wir vnsers herrn bildung ansehen. ff. ad exhiben. liber ho(s). ff. d(e) serui. quotioens. Wider das ander libell vnd clag magstu sprechen / so vns ein sach antrifft / so trifft sie vns von gelts wegen an / in solliche(n) sache(n). R(e)n. ff. c. p(re)tor. §. illud. Dem d(er) dise clagt / trifft die sach in gelts weyß / in dry weg / wan(n) die schmacheit ist geschehen / vnd der der zerstöret / hat gewinne genom(m)en / vnd schaden gethan / vnd auch die freuelkeit des erstörers würt angesehen. ff. c. pretor. §. j. Vnd als oben steet / wann mer dan(n) einer wöllen clagen / sol der richter dem günnen der am billichern vrsach hat zů clagen. ff. d(e) acc. si plures. Solichs geschicht auch in einer yegklichen verclagung einer gemeynen sünde.

ff. de sepul. vio.

Item merck / wan(n) ein frembder am ersten clagt hat / vnd das vrteil ist gangen / vnd ein ander kompt / wer der selb gegenwertig gewesen / so het im zů clagen gebürt / vnd wer im auch geben worden dise clage / kompt er hernach vnd wil clagen / er würt nit gehört / vnd ob er gelych wol von gemeynes nutz wege(n) wer vß gewesen / es sey ein verda(m)mend oder absoluierend vrteil gangen.

(1. T., XLI. Bl. 84. K.) De damno infecto.

So das bauwfellig zym(m)er trauwet zů fallen vff dein zym(m)er vnd grundt.

ff. de dam. infec. in hac stipulatione venit.

Merck / wann ein zym(m)er oder bauw trauwet zů fallen vff das ander zym(m)er eins andern / mag der herr des andern zym(m)ers / von dem herrn des trauwende(n) zym(m)ers / das ist des das do fallen wil vor dem richter vordern / das er im verheiß / was im schaden von dem trauwende(n) zymmer geschehe / das er im allen schaden keren wil / ob hernach von dem selbigen zym(m)er schade(n) geschehen würde. ff. c. dies cautionum stipula. Die selb stipulatio / das ist die verheissung / ist das sie nit geschicht würt d(er) yngesatzt in die habe vnnd besitz des fallenden zym(m)ers der die verheissung nemen sol. Stipulatio. Die verheissung geschicht also so einer fraget den andern vnd spricht du verheist mir das zů geben oder zů thůn / vn(d) der ander spricht all zů handt / ia ich verheiß / oder nur schlechts ia. Das du sollich stipulierung oder verheissung vordern mögest.

ff. c. l. ij.

Am ersten gebürt sich das das zym(m)er sey also bauwfellig / das man förcht das gar schier schaden dauon geschehen werde / vnnd also můß der schaden künfftig vnd nit geschehen sein. ff. c. p(re)tor. §. h edictum. insti. ad. l. aquil. §. vlti. Wann wer der schade(n) geschehen / hat stat ein clag mit namen aquilia. ff. c. euenit. et. l. pretor ait. Von der selben würstu hernach hab(e)n / wo aber der herr der hoffstat nym(m)er wolt bauwen / vnd ließ die stein vn(d) das gefallen holtz ligen / vnd begebe sich des wer er nit schuldig / wo er aber nit wolt sollichs dannen

(98) Das XLII Blat

thůn / müst er nit allein für den vergangen / sunder auch für den künfftigen schaden sicherheit thůn / dem der do den schadenn gelitten hette / oder ob er sich der hoffstat vnd des andern erwegen wolt.

ff. c. si finita. §. ex hoc edicto

Dise clag haben stat in stetten / dörffern oder veldes gründes.

ff. c. l. fluminum. §. j.

Am andern das der schad der geschehen möge / geschehe auß gebresten des bauwes das eines in sunderheit ist / vnd das in dörffern vnd stetten / aber auff dem velde ist genůg das der gebrech sey / am erdtrych dem der schad möge geschehen / dan(n) so das zym(m)er würt volnbracht / ob darnach wol geschehe sollicher schad von kreffte der windt / oder vß anderm götlichen gewalt / hette stipulatio / das ist verheissung nit stat / das gebeüw were dan(n) so gar alt das leychtlich fallen möchte / wie clein der windt were.

ff. c. dies. §. p(re)tor.

Am dritten das sollichs verkündet werde / dem des das hauß oder acker ist. Ist er gege(n)wertig dz er genůgu(n)g thů / sunst mag ma(n) es verkünde(n) zů de(m) hauß / od(er) seine(m) procurator / od(er) seine(m) in(n)woner / vff dz ob schade(n) hernach geschicht / das geclagt werde über den herrn des velligen zymmers.

ff. c. dies. §. hoc aute(m) iudicium

Am vierden das einer sollich verheissung vor dem richter so er zů dem gericht sitz vorder / anders du würst nit clagen.

ff. c. pretor. et. l. q(ue) bona

Am fünfften das der / der verclagt vnd vordert das im sollichs verheissen geschehe / schweyg das er sollichs nit bößlich arglistigklich vorder am ersten.

ff. c. pretor

Am sechsten / ist der ein herr / der verheissenn sol das er allein verheiß / ist er aber nit herr / das er dan(n) bürgen setz. ff. c. inter quos §. si d(a)ns. Wan(n) allwegen sol man den besitzer mit gericht anlangen / vnd ob er nit herr ist / das er sollichs verheissen thů.

ff. c. dies in prin.

Item der richter sol auch vffsetzen einen nemlichen tag / wie lang solliches verheissen weren sölle.

ff. c. si diebus

Am sybenden / das dem sunst nit anders geholffen werde(n) möge / dan(n) durch sollichs verheissen.

Am achten / das du dein zymmer rechtlichen habst von des wegen du mir das verheissen vorderst.

ff. de dam. infec. si is q(ue) vicinos

Item man ist auch den schaden also gelitten abtzůlegen schuldig / annder habe die da zů den zeyten im hauß waren da die verheissunng geschehe / auch die habe die darnach daryn kommen sein.

ff. c. si finita

Am neünden / wil er nit verheissen oder verbürgen / sol der anclager yngesetzt werden in besitz der bauwfelligen zymmer.

ff. c. fluminum

Am zehende(n) / dz nach de(m) vn(d) die vheissung geschehe(n) ist / d(er) schade(n) geschehe.

Am eylfften / wann mer seind dann einer die verheissen sollen / also oder so mer der seind die die verheissung nemen sollen das yegklicher verheiß.

ff. c. si plures

Also so du verheist vnd den schaden abtzůlegen / also verheißt er souil vnd im gebürt. Wo aber mer herren weren eins hauß / oder vn geteilt / vnd wann sie schlecht wie obstat verheissen ist nit yegklicher schuldig den schaden gantz abtzůlegen / dann allein nur für sein teil. ff. de duo. re. l. codem. Wann es mögen in einem yegklichen contract sein mer schuldener dann einer.

Wann du wilt das die verheissung geschehe / clag also.

Herr richter ich clag eüch wider den .M. wan(n) sein hauß vff das mein will fallen / oder als er hat ein bauwfelliges hauß bey dem meinen / vnnd es mag leychtlich mir schade(n) geschehen. Bitt (et)c. erke(n)nen dz er mir schuldig sey zů

(99) Der Erst Teyl

verheissen / geschehe mir schaden das er mir den wöll vßrichten / vnd rüff herinn eüwer ampt an.

insti. d(e) obli. et. ff. de act. et. obli. l. j.

Item du möchtst sprechen. Ein yegklicher der vns ist etwas pflichtig / der ist vns pflichtig vß contract oder deßgleychen.

Nun ist dise clag auß der keinem / darumb sol ich nit wider in clagen. R(e)n. Dise regel ist war / wo ich clag wider eins person vß meinen rechten / vnd bitt mir etwas zů thůn / wo ich aber des richters ampt anrüff / vorder ich nichts dz mir von meins rechten wegen gebürt / sunder ich bitt hilff von de(m) richter. insti. de act. §. j. Deß gleychen wa(n) ich vmb habe clag / clag ich wider den der mir im rechten nichts pflichtig ist / er besitz aber die habe.

C. de alie. iu. mu. cau. fac. l. j.

Also ist im hie / wiewol der mir nit pflichtig ist / ye doch clag ich / wan(n) der besitzt die bauwfellige zymmer / wann die clag vmb habe durchächtet den besitzer das er von der habe wegen antworten můß.

Pauperies

Also auch hie. ff. e. inter quos. §. d(a)ns. ff. si quadru. paupe. fe. di. l. j. Deßgleychen hastu hernach so dz vier füssig thier schade(n) thůt in einer clag genant Pauperies / so ist er auch vnfleyssig sein zym(m)er zů bessern / vnd darumb würt er getzwungen das er sollich sicherheit vnd verheissung thů / oder aber sich des zymmers vnnd grunds erwege vnd ligen laß / die gebürt auch nit vß dem contract oder deßgleychen oder auß malefitz / wan(n) das thier sündet nit / wan(n) es mangelt der vernunfft / vnd doch ist der schuldig der das thier hat das den schaden gethan hat. Wan(n) du aber wilt clagen so schaden geschehen ist. dic. l. pretor. ff. c. §. j. et. ij. Ich clag wider in als er mir verheissenn hat für den schaden genůg zů thůn / darumb das sein zymmer baufellig ist worden oder gewesen / vnnd nahendt bey dem meinen ist gewesen / das selbig zymmer ist gefallen / vnd hat mir an sollichem meinem zymmer schaden gethan. Bitt ich (et)c. erkennen das er mir schuldig sey den selben schaden abtzůlegen / vnd das er es thů (et)c.

(1. T., XLII. Bl. 85. K.) De actione redibitoria.

So du ein siech thier wilt geben wider dem der dirs zů kauffen geben hat.

Verkaufft einer einem andern ein pferdt das stetig ist od(er) sunst brechen hafftig oder siech / gebürt dem kauffer dise clag wider den verkauffer.

ff. de edili. edic. l. j. in prin.

Am ersten gebürt sich das ein kauff beschee / oder ein ander contractus als wechsel / deßgleych ist dem contract des kauffers.

ff. de edili. edic. l. j. §. illud

Am andern das sollichs geschee von einem besundern vnd nit vom fisco.

ff. de edi. edic. ad res donatas

Item dise clag gebürt nit vmb beschenckt oder vmb gegebene habe.

ff. de edili. edic. l. obq(ue). §. die(m) pom.

Am dritten das die verkaufft habe sey siech oder hab sunst ein laster an im vnd die selben ding seind allein im eygen menschen vnd den thieren vnnd in iren cörpeln leyb.

ff. de edili. edic. l. obq(ue). §. cum au(c)t.

Am vierdenn warinn das laster oder die bößheit am bleyb ist / das der verkauffer verheissenn hab eygentlich / das das verkaufft nitt sollichs laster oder bößheit habe.

ff. de edi. edic. l. j.

Aber von dem siechtage(n) des leybes ist schuldig der verkauffer / er versprech darfür oder nit / er wisse den siechtagen oder nit.

ff. c. l. j.

Am fünfften das der selb keüffer nit wisse das die gekaufft habe den siechtagen oder laster od(er) bößheit an im hab / anders im gebürt diese clag nit. Wan(n)

(100) Das XLIII Blat

er hat sich selbs betrogen. Scienti non fit iniuria nec dolo. ff. de act. emp. l. j. Auch ist der nicht betroge(n) / der do gewißt hat / er solt auch sollichs nit herinnert oder im sollichs gesagt werden / der sollichs vor gewißt hat.

C. de transac. l. donationis

Item dem der es weißt oder wissen sol vnnd seinen willen daryn geyt / dem geschicht kein vntreüw auch nit wider recht.

ff. c. l. j. §. si intelligatur

Am sechsten das der siechtag heimlich sey / wan(n) were er offenbar / so gebürt dise clag nit / wan(n) dz so langesehe(n) werde(n) / dz d(er) keuffer nit betrogen werde.

C. de edilicijs actionibus. l. si apapriorem

Am sybenden das das laster oder die boßheit sey vorm kauffen gewesenn / nitt darnach. ar. ff. c l. quero §. vlti. Es were dann eygentlich für alle boßheit versprochen worden / Vnd der kauffer sol beweysen das die boßheit vor gewesen sey.

Also magstu formiern dein clage.

Herr richter ich clag eüch vo(n) .R. der hat mir zů kauffen gebe(n) ein rots pferd das selbig pferdt ist stetig / oder hat überbein (et)c. Bitt (et)c. erke(n)nen das er das selbig pferdt wider sol nemen / vnd mir das gelt wider geben (et)c.

Item merck / das der verkauffer so er dir das gelt wider geyt / vn(d) das ander darumb er dir dan(n) verdampt ist / er ist dem clager solchs zwyfach schuldig zů geben / vnd als dann soltu formieren dein clag also.

ff. de edili. edic.

Herr richter ich clag eüch von .R. der hat mir ein stetig pferdt / oder wie es sunst ein gebrechen gehabt hat (soltu setzen) zů kauffen geben / vnnd vmb des selben willen ist er mir verdampt worden / das er mir das gelt wider solt gebe(n) vnnd er hat es noch nitt gethan. Bitt (et)c. erkennen das er mir schuldig sey das gelt zwyfach zů betzalen.

Item du solt mercken / das vnderscheid ist vnder der boßheit des thieres od(er) laster / vnd andern siechtagen.

ff. c. scie(n)du(m). §. vlt.

Item dise clag gebürt in sechs monaten / vnd fübaß nymmer.

Quanto minoris.

So du die habe zů theür gekaufft hast.

ff. de edili. edict. boue(n). §. aliqu(is)

Es ist ein ander clage / als so ein habe kaufft ist / vn(d) ist souil nit werdt als sie gekaufft worden ist / vnnd dise clag gebürt so vmb der boßheit willen oder des siechtagen willen die habe minder werdt ist / also wo ein habe wer .xx. pfundt wert / wo sie den siechtagen oder boßheit nit het / aber von des siechtagen wege(n) oder boßheit halben / so ist sie nur .xv. pfundt wert / vnnd vnderweylen ist das selbig minder / also geschicht das die habe gäntzlich vnnütz ist.

Item in diser clag ist nahent alles das not das in diser vorgeschriben clag gesatzt ist / vnd magst also die formieren.

Herr richter ich clag eüch von .R. der hatt mir ein siechs pferdt zů kauffen geben / das hat überbeine / vnd ist stetig / oder ein buch / oder ein gründt daruff wechßt vergifft das graß (et)c. oder fleisch ist pfinnig / oder wolffbissig gewesenn / nun ist das selbig .N. von des genanten siechtagen oder boßheit willen zehen pfundt oder minder wert / dann wann es den siechtagen oder boßheit nit hett. ff. de edil. edic. sd enqum. §. vlti. Bitt (et)c. erkennen das er mir die genannten zehen pfundt oder pfenning wider geben sol / vnd das er es thů (et)c.

Item dise clag weret nur ein iare.

I

(101) Der Erst Teyl

De fidei co(m)missaria hereditatis petio(n)e p(re)toria.

So du ein erbe das dir nichts schlechts im Testament oder letsten willen geschafft ist / sunder durch mittel eins andern vordern wilt.

Fideico(m)missum

Wann einer ein Testament macht vnd setzt dich zů einem erben / vnd bitt dich / per fideico(m)missum / das ist / er bitt dich vnnd hat ein sollichen glauben / was er dich bitt du thůst sollichs / vnd bitt dich das du mir das erbe gebest / du gibst mir es nit / mir gebürt vmb die habe dise clage.

C. de codicil. hereditatem

Am ersten gebürt sich das einer ein Testament gemacht hab / oder codicillum dz nym als den letsten willen / in de(n) / wiewol keiner directe / dz ist schlechts erb gesatzt mag werden / so mag aber doch der recht erb gebetten werden / das er das erbe wider gebe. C. ad senatusco(n)sultum trebel. l. iij. et. ff. c. l. j. Sollichs mag auch geschehen.

C. de testa. l. bac consultissima. §. ex imperfecto

Am andern geschicht sollichs im Testament das da bey sein syben zeügen gewesen / vnd dartzů gebetten. Ist es aber im codicill / der letste wille geschehen das fünff zeügen gewesen sein gebetten oder nit.

C. de codicil. l. vlti. §. vlti. C. q(u)n decre. op(eris) non est. l. iij.

Am dritten das der testierer ein sollich person gewesen sey / dz er ein Testament mag machen vnd mag bitte(n) das sein erbe eine(n) wider geben werde(n) mag.

C. de his qui. vt indig. per to.

Am vierden das du ein sollich person seyst / die da eins erbs vehig sey / oder dein person nit vnwürdig sey.

ff. ad trebel. restitura

Am fünfften das wider geben geschehen sey dir oder einem andern.

Also magstu formieren dein clage.

ff. de fideico(m)mis. here. pe. l. j. ij. iij. et. iiij.

Herr richter ich clag eüch vo(n) .R. vn(d) sage(n) dz .T. ist instituiert vn(d) gemacht worden im Testament ein erbe / vnnd dartzů gebetten worden das er mir das selb erbe wider gebe mit worten / vnd wann ich nun ein erb worden bin des genanten .M. vnnd der gemelt .R. besitzt das / vnnd das .N. des selben erben. Bitt (et)c. erkennen das er mir dz genant .N. vnd .N. geben sol mit allen zů gehörungen / nutz / vnd was anders sich gebürt magstu auch vordern (et)c.

ff. ad trebel. restituta

Item merck / wo dir das erbe also mit willen des erben wider gebenn were / das mag er allein mit worte(n) thůn. So besteet diß libell wol / wer aber der erb durch dein clag die dir gebürt vß der co(n)stitutz senatusconsultum trebellianu(m). von dem du hernach hast getzwungen worden / das er sich des erbes an müst nemen / so gebürt im dein erbe das vierteyl / wann wo der erb er sey im Testament gesatzt oder der recht erb sey im codicill gebetten wordenn das erbe wider zů geben / thůt er es mit gůttem willen / so mag er das vierteyl des erbs im behalten / wann sich gebürn vier sach in der selben constitutz.

Am ersten das er getzwungen werde sich des erbs an zů nemen.

Am anndern so der sich des erbs mit willen oder getzwungen angenom(m)en hat / das erbe wider geben hab.

Am dritten / das alle clag die der person des erben gebürt haben vmb das erbe / vnd der habe des erbs geen in den fideicommissarium / dem das erbe wider geben sol werden.

insti. de fidei. heredi. §. ergo siq(u)dem. et. ff. ad trebel. l. j.

Am vierden wo sich der erbe des erbes mitt willen vnderwindet das er das vierteyl behalt.

(102) Das XLIIII Blat

Ite(m) nachsolche(m) magstu wa(n)deln dz libel wie sich dan(n) d(er) handel begeb(e)n hat.

De eo q(uo)d falso tutore auctore gestu(m) esse dicit.

Von der geschicht von dem falschen vormundt geschehen.

ff. de eo q(uo)d falso tu. auct. gest. esse d(e)r. l. j. §. j.

So einer weißt das er nit vormundt ist / mit vntreüw spricht er / er sey vormundt / vnd also vß seinem gewalt so contrahiert ein ander mit dem waisen / der selb co(n)tract würt hernach krafftloß / oder er verkaufft ein habe des waisen / vn(d) d(er) selbig kauff würt darnach widerrüfft / also würt der / d(er) mit de(m) waisen vß gewalt vnd günnu(n)g des falschen vormunds geschediget / würt im geholffen mit diser clag / mit der er behelt allen seinen schaden wie obstat etpfangen (!). In der clag würt angesehen die zerung die du hinfür in gericht thůn můst.

Am ersten gebürt es sich das ein waise sey.

Am andern das einer wol wisse das er nit vormundt sey / vnd er sich doch seines geschäfftes vnderwindt.

Am dritten das ers arglistlich thů.

Am vierden das vß seinem gewalt sey gehandelt oder contrahiert worden.

Am fünfften dz der / d(er) contrahiert hat wisse nit dz er ein falscher vormu(n)d sey.

ff. c. l. j. §. interdu(m)

Am sechsten das der contract nit confirmiert sey vom richter / wan(n) wiewol er sunst von rechts wegen nit taugt / so würt er doch krefftig vonn richters decret oder confirmatz wegen.

dic. l. j. §. j. ff. c. et. l. nouissime

Herr richter ich clag eüch vo(n) .N. d(er) hat sich geheissen ein vormu(n)dt .M. des waisen / vn(d) ist nit vormund gewesen / vn(d) hat sich fälschlich vnd listigklich ein vormund genant / darin(n) hab ich mit im vn(d) de(m) .M waisen vß seine(m) willen vn(d) gewalt co(n)trahiert / vn(d) wan(n) nun d(er) handel od(er) co(n)tract mit de(m) falsche(n) vormundt krafftloß ist / vnd es schadt mir zweintzig gulden das ichs nit mit dem waren vormund co(n)trahiert hab. Bitt (et)c. erke(n)nen dz er mir die selbe(n) .xx. gulde(n) schade(n) vnd die zerung die ich künfftig bin zů thůn in de(m) wider gebenden gerichts genant iudicio restitutio(n)is in latein. So d(er) minor der zů seine(n) tage(n) nit kom(m)en ist würt vordern wid(er) mich / die schätz ich .C. gulden gebe(n) sol / vn(d) dz er mirs gebe.

ff. de ac. emp. setuus. §. sciens

Item merck / du möchtst sprechen / diese clag gebürt dir nit wider den falsche(n) vormundt / wann das gericht sol nit sein in hangenden dingen / sunder man mag nur allein clagen vmb das dz man schuldig ist / noch nitt restituiert / dz ist so der contract noch nit vnnkrefftig erteilt ist / vnnd die zerung die er künfftig ist zů thůn in dem wider gebenden vnd widerbringende(n) argenlist / des der sich ein vormundt geheissen hat so ers nit was / als sunst auch in einem sollichen / so einer wissenntlichen verkaufft ein frembde habe / alda claget der kauffer wider in vmb sein schaden / vß dem kauffen geno(m)men / ee dan(n) im die habe am rechten abgehalten würt.

Seruiana.

Wider die / die habe besitze(n) die dir schwyge(n)t verpfant ist für dein haußzynß.

C. de loca. et con duc. certi. ff. in q(ue) cau. pig. vel ypo. ta co(n)tra. l. j. ij. iij.

So dein ackerman / weingartman / oder haußgenoß / besteet von dir einen grundt oder hauß / alles das dz in das hauß gefürt vnd bracht ist / ist sein vnderpfandt vmb vnd für den haußzynß des hauß oder grundes. In wölchen weg der besitz der habe einem andern würt / magst du den besitz der selben habe zů dir bringen mit dieser clage.

I ij

(103) Der Erst Teyl

Am ersten gebürt sich das ein contract des hinleyhens geschehen sey.

ff. in qui. cau. pig vel ypo. ta. co(n)tra. borum

Am andern das die habe in den grundt oder hauß gefürt oder bracht sey.

Am dritten das in den gründen genant vrbani / gebürt sich nit das der herre sol wissen das solliche habe daryn gefürt oder bracht sein.

Vrbanu(m) p(re)dium. ff. in qui. cau. pig vl‘ ypo. ta. co(n)tra. quo iure

Merck / bey dem wort grundt. vrbanu(m). soltu versteen heüser / scheüwr / gärten / doch das solliche gründt in stetten / dörffern oder weylern gelege(n) seind / od(er) nit veldt gründt / vff das das die habe ein schweygendt pfandt sey. Vnd das ist die vrsach warumb in stett vnd dorffs gründen sollichs wissen nit gebürt / vn(d) gebürt sich doch in veldtgründen / wan(n) es ist schand mit hoffart reychtumb offenbarn / vnd eins armen armůt deßgleychen offenbarn / du solt nitt einem in sein hauß geen / vnd ersůchen was er darin(n) hat oder nicht. Aber vff den veldt gründen mag sollichs wissen on scham wol geschehen.

ff. d(e) pig. debitor

Am vierden das die habe daryn kom(m)en sein / als lang da zů bleybe(n) so lang dan(n) der ackerman od(er) haußgenoß in de(m) grund wonet / wan(n) were(n) die habe daryn kom(m)en vn(d) da zů beleybe(n) nur ein clein zeyt / als kauffmanschatz / sollich habe were dein pfandt nit / von diser clag gebürt dir vmb die selben habe nicht.

C. q(ui) res pig. ob. pos. l. qui filios

Am fünfften das die hab also sey / das sie des in(n)woners sey / oder das im der selben habe halben gebürt ein clag publiciana / wan(n) allein die habe kompt in dise clag die wir verpfenden oder verpflichten mögen. ff. d(e) acquiren. re. do. rem in bonis. Vnnd vns můß auch von der selben habe wegen antweder clage oder exception gebüren.

ff. q(ui) res pig. ob. pos. l. j. §. ea(m) rem

Am sechsten das ein solliche habe sey die verpfendet werden möge / wan(n) geweychte habe mag nit verpfendt werden.

ff. de pig. obliga. generali.

Am sybenden das die habe sollen verpflicht verstannden werden / die einer in sunderheit verpflichten würde / nit sein eeweb / nit schlaffweyb / nit tochter deßgleychen. ff. c. sed et si q(uo)d. ff. de pecu. q(ui) libera(m). Was nit verkaufft mag werden das selbig mag auch nitt verpfandt werden.

ff. de loca. et conduc. l. ij.

Am achten / das das hauß oder grundt vmb ein genannt gelt hingelühen sey / anders hinleyhen were krafftloß / vnnd wer auch kein habe also verpfandt vnnd verpflicht.

C. de pig. l. iij.

Am neünden das die habe vom beclagten besessen werden / wann dise clag ist vmb habe. C. de alie. iu. mu. cau. fac. l. j. Darumb ist nottürfftig das der beclagt besitz.

C. de admi. tu. l. pro officio

Am zehenden das der bestender oder haußgenoß oder ackermann / sol elter dann .xxv. iar alt sein / auff das das sein habe also verschweygent verpfandt sein / wann die habe des der noch nit zů seinen tagen kom(m)en ist / mögen schweygent nit verpfandt werden. In diser clag hast du zwey libell / das erst ist vmb die habe die in den veldtgrundt gefürt ist.

Herr richter ich clag eüch vonn .M. als .R. vo(n) mir bestande(n) hat ein scheüwern an dem ende .N. vff dem veldt gelegen vmb zehen pfundt zynß ein iare mir daruß zů gee(n) / vn(d) hat mit meine(m) wissen in den selben grundt ein solliche arche(n) .N. die sein ist gewesen gefürt / dz sie darin(n) wer so lang vn(d) d(er) den grundt bauwet / vn(d) als mir dise arch für meine(n) zynß mein pfandt ist gewesen / vn(d) nun .M. die genanten archen besitzet. Bitt ich eüch ir wölt die sachen erfarn souil vnd gnůg ist / vnd mit eüwerm rechtlichen spruch erkennen / dz ich an d(er) selb(e)n archen pfands recht hab / vn(d) dz er mir schuldig sey die selben arche(n) in meine(n)

(104) Das XLV Blat

besitz zů antworten / vnd das ers thů / zwingt in dartzů mit zymlichen penen.

Dander libel ist gleych dem / dann das du nit setzen darffst das sollichs mit deinem wissen in das hauß gefürt sey.

Merck / dise clag gebürt sich nit allein wie obstat vmb den zynß / sund(er) auch vmb schaden den der innwoner des grundes gethan hette.

ff. qui mo. ta. contra. pig. si gratui tam

Item bestee ich ein hauß / vnd leyhe eim vmb sunst ein wonung darin(n)e / vn(d) der dem die wonung vmb sunst gelühen ist / fürt sein habe daryn / solliche sein habe sein nit schweygent verpfandt. ff. in qui. cau. pi. vel ypo. ta. co(n)tra non solum. Dann allein vmb schaden so die wonu(n)g dester böster were worden vß schulde des innwoners.

ff. de pig. ac. l. solutam. §. soluta(m)

Item merck / wo einer ein hauß besteet vnd leyhet ettlichen andern kamern für ein zynß / vnd die andern faren mit irer habe yn / yegklicher wo er bestanden hat / die habe sein nit für den gantzen haußzynß pfandt / sunder allein für den kamer zynß / vnd wan(n) einer dem haußherren oder seinem procurator oder de(m) ders bestanden hat sein zynß betzalt / ist er ledig.

ff. de dam. insec. vtiqs. C. ex q(ui). cau. pig. que est dicta et. C. de pig. ac pignoris. §. vlti.

Merck / der dem dise clag gebürt / mag mit seinem eygen gewalt handt an die habe legen / vnnd mag die also yngefürten habe im schweygent verpfandt behalten / beschliessen vnd beküm(m)ern. Jo. de bla. nosco. Vnd das mag sunst in anderen pfanden ypotheca genant sein.

ypothecaria.

So du ein pfandt wilt vordern in dein gewalt.

Besitzt einer ein farende oder ligende habe die dein pfand ist / er sey ein schuldener oder ein anderer / du magst die selbenn habe in deinen gewalt mitt diser clag fordern / die heisset in latein ypothecaria.

insti. q(ui). mo. reco(n)tra. ob. §. vlti.

Am ersten gebürt sich das er schuldig sey / also das du warlich das gelühe(n) gelt getzelet habest / oder etwas anders / es sey mit zelen oder mit messen. Oder so ein habe verkaufft ist worden vmb schirmes willen der selbige(n) habe / ist dir die selb habe verpflicht vnd obligiert. ff. qui po. in pig. ha. l. creditor. Oder so ich verheiß oder gelob etwas zů betzalen / oder constituier mich selber einen schuldener für ein / vnnd setz vnnd gib im pfandt. Also můß ye ein verpflichtung da sein / vff das das dise clage gebüre.

ff. de pig. ac. l. j.

Am andern das diehabe obligiert sey oder verpflicht allein mit willen vn(d) übergebung des der sich verpflicht vnd obligiert hat / vnd das ist gantz / wan(n) also thůn die schuldner / sie sprechen ich wil das thůn / vnnd setz dir alle mein habe zů pfandt / oder mein weingarte(n) oder wissen alda gelegen. insti. qui. mo. recontra. o. §. creditor. Oder so die habe zů pfandt geben / oder hab dir das pfandt in dein gewalt geben. Wann dir die habe in dein gewalt zů pfandt geben würt / so heißt es in latein pignus / vn(d) so das nit geschicht / so heißt es ypotheca. Pignus Hypotheca. Setzest du mir ein garten zů pfandt / ob ich in nymmer gesihe / dannocht ist er mein pfandt.

Am dritten das die habe sey / also das sie obligiert vnnd verpfendt werden möge / würstu hernach hören von der clag pignoraticia genant.

ff. de pig. act. alienas res.

Am vierden das der / der die habe obligiert vn(d) verpfendt / das die habe sein sey / oder sunst recht zů der habe hab / oder ob die habe frembd were / das sollich verpfenden mit willen des herren geschehen sey / oder das ers stät habe.

I iij

(105) Der Erst Teyl

Am fünfften das er sey elter dan(n) .xxv. iar alt der die hab also obligiert.

ff. de pig. et que no(n). §. q(uo)d dicit(ur).

Am sechsten das die habe zů sollicher maß sey gewesen das sie ward in sunderheit verpfandt / das im antweder der selbenn habe halben clag / oder exception gebürt hette.

Am sybenden weren dir die habe in gemeyn verpfandt worden / das dann die habe also sey das ers auch in sunderheit verpflicht vn(d) obligiert het / als du deßgleychen in der vorgeschriben clag hast.

ff. d(e) pac. si tibi. §. de pignore

Am achten das die schuld sey ein richtlich schuld / wann wer ein geding gemacht das die schuld nym(m)er mer solt gefordert werden / het exception stat.

ff. de verb. sig. is cui

Am nünden das der ein person gewesen sey der das sein obligieren oder verpfenden möcht / nitt furiosus emptor / nitt einer dem die regierung seiner habe verbotten sey.

ff. ad macedo. l. iulianus

Item nit filius familias / das ist der sun der noch nit vß seins vaters gewalt gelassen ist / so im gelt gelühen ist vmb des hass willen der wůcherer / als du hernach würst haben in dem gesetzt senatusconsultum macedonianum.

Am zehenden das der den du beclagest die habe besitz die du also vorderst als in der vorgeschriben clag stat / clag also.

Herr richter ich clag eüch von .M. wan(n) als ich .T. gelühen hab .x. pfund / vnd mir die selben .x. pfundt wider zů geben / hat er mir zů pfandt gesetzt das .N. hauß alda gelegen / das selb hauß ist sein gewesen / wann mir nun die selben .x. pfundt schuld noch nit betzalt ist / vnd .M. das selbig hauß besitzt. phak insti. de ac. §. item quo in scruiana. Bit ich eüch die sach erfarn souil vn(d) gnůg ist / vn(d) mitt eüwerm rechtlichen spruch erkennen / das ich an dem selben haußpfands recht habe / vnd das er mir das selbig hauß in meinen besitz zů antwurten vnnd geben schuldig sey / das als lang zů behalten vnnd innhaben / biß das mir für die genanten schuld gantz genügen geschicht / vnd das er mirs gebe zwingt in dartzů mit zymliche(n) pene(n).

De vtili rei vendicatione q(ui) datur superficiario.

So du einen grundt bestanden vnd bezymmert hast / vnd ein ander hat das zymmer besässen.

ff. de superfi. l. j.

So einer besteet ein hoffstat vnd darauff zymmert als offt geschicht / kompt er von dem besitz der selbenn habe / er mag die selbenn habe wider vordern mit diser clag. In der sich gebürt.

ff. c. l. j.

Am ersten das der contract des bestands ergangen sey.

Am and(er)n das ern nit vff ein cleine zeyt bestande(n) habe / als zehen od(er) zweintzig iare / was der iar minder sein dan(n) zehen / hat dise clag nit stat.

Am dritten das der betzymmert sey.

C. de alic. tu. mu. cau. fac. l. vnica

Am vierden das dein widersach besitz / wann der der besitzt die habe / můß allwegen vmb die habe antwurten. ff. de peti. hered(es) sed si lego. §. sin au(c)t. et d(e) rei ven. sin autem. Vnd auch der der den besitz vntreüwlichen verlassen hat / wann die vntreüw od(er) argerlist würt geschätzt für den besitz.

Am fünfften das der / der hinleyhet herr sey.

Herr richter ich clag eüch vonn .N. der helt innen das hauß alda gelegen / an einem teyl ist. P. hauß / am andern teyl ist. Q. hauß.

(106) Das XLVI Blat

Am dritten vn(d) am vierden ist gemeyner wege / das selb hauß ist mein erbe darumb das mirs der des die eygenschafft ist zů einem erbe gelühen hat auff dreyssig iare / vnd sol im alle iar fünff schillig heller zynß dauon geb(e)n / das ich vff die hoffstat ein hauß bauwen solt / nun hab ich das hauß gebauwen. Bit ich eüch die sach zů erfarn souil vnd gnůg ist / vnnd mitt eüwerm rechtlichen spruch erkennen das das genant hauß mein sey / vnd das der genant .R. mir den besitz des genanten hauß wider soll geben / vnd das er mirs gebe / zwingt in dartzů mit zymlichen penen.

De rei vendicatione que datur emphiteote.

So der hindersäß sein erbe vordert.

Emphiteosis

Diser contract heißt in latein emphiteoticus / vnd in hat der Keyser Zenon erfunden. Diser contract ist nahent als der contract des verkauffens / vnd nahent als der contract des hinleyhens / vnnd ist doch ir keiner / wann er hat sein eygen eygenschafft vnd gebürnüß.

Merck / etwan wurden allein vnfruchtbar gründe vnd gütter hingelüh(e)n vnd vererbet / vff das das einer einen acker zů eim weingarte(n) / vnd ein hoffstat zů eim hauß oder schewren oder vngebauwen erdtrych zů eine(m) acker oder garten gemachet / darnach ist es dartzů kom(m)en / das nit allein die vnfruchtbarn / auch die allerfruchtbarsten gründe zů einem erbe gelühen werden / vnd das wort emphiteosis ist Kriechisch / vnd heißt in latein melioratio / das ist besserung zů teürsch / vnd geschicht diser contract allein vmb das erdtrych.

C. de emphiteotico iure. l. j.

Item diser contract solt nach ordenu(n)g des rechte(n) in geschrifft geschehen vn(d) nit on willen des herrn vn(d) des hindersässen. Wo sollichs nit in geschrifft geschicht / dannocht sol gehalten werden was gedingt worde(n) ist. Wan(n) die lang herkommen gewonheit bricht diß recht in den weg.

Item der herr sol etwas nemen für das erbe / es sey gelt oder etwas.

Item der hindersäß sol hinfür alle iar die gült betzalen vnnd geben / vnnd dienst thůn zů yeder zeyt im iar / wie sie dan(n) sollichs über ein kom(m)en sein.

Item diser contract würt vnderweylen etlich iar / etwan ewig / also das das gůt dem hindersässen nit genom(m)en sol werden noch seinen erben / als lang vn(d) er die gült betzalt.

C. c. l. j.

Item die natur diß contracts ist / was der herr des das eyge(n) ist / vnd der hindersäß des das erbe ist / mit einander bedinge(n) vnd über ein kom(m)en / das sollichs behalte(n) werd / vnd ob nichts bedingt würde / so ist doch die natur diß contracts das die gült geben vnd die gewonheit gehalten werde / als bedingt ist worden / es wer dann das die habe gäntzlich zerstöret würde / vnnd ob ein teyl villycht der mynst teyl belib / vnd die selben teyl zů nichten würden / yedoch soll vnd ist schuldig der hindersäß die gült zů geben.

C. de re. alie. non alic. seimus

Item wer nit macht hat zů empfrembde(n) / als der der noch nit .xxv. iar alt ist / vn(d) alle and(er)n die vormu(n)d habe(n) / als narre(n) / vn(d) die / die zů geüdisch sein / mögen sollichs co(n)tracts nit volbringe(n). Es möge(n) auch heilig vn(d) geweychte habe nit vererbt werden / vnd alle andere habe die nit empfrembdet mag werden / mag auch diß contracts nit vererbt werden / von den selben haben hast du.

Item wo der emphiteota das ist der hindersäß sewmig were / vnd die gült

I iiij

(107) Der Erst Teyl

in dreyen iaren nit geb / das selb erbe hat ers vo(n) einem weltlichen entpfangen oder bestanden / oder in zweyen iaren (hat ers von der kirchen / das ist von eine[m] closter / stifft / pfarr oder capeln) er verleürt von rechts wegen sein gerechtigkeit das ist sein erbe / vnnd es schadt dem herrn nit das der hindersäß das erbe gebessert hat. Dies interpellat prio homine. ff. de pact. si vno. Vnnd ob der herr die gült nit geheischen hett / wan(n) die zeyt heischt vnd vordert die gült für den menschen so die zeit vff gesatzt ist / vff wölchen tag die gült geben solt werden / wann der der geben hat zů einem erbe das gůt / der hat darumb die eygenschafft nit übergeben / wan(n) die eygenschafft hat er im behalten / vnd darumb so kompt die habe dester ee wider in ire natur. C. de leg. et co(n)sti. p(e)nci. q(uo)d fauore. et d(e) pact. si q(ui)s in co(n)scribendo. Das soltu versteen / ist das dem gefelt der das gůt vererbt hat / wann das der hindersäß sein gerechtigkeit also verleürt durch seüwmigkeit an der gült / ist gemacht zů gunst des der vererbt / vnd darumb so mag er dem gunst renuncieren / das ist er mag sich des gunst vertzeihen. Wann was in meiner gunst krafftloß ist / wan(n) ich wil / so würt sollichs krafft haben / also mag der herr welen dz der contract stät beleyb vnd die gült vordern / wan(n) der hindersäß solt nit anders von seiner gerechtigkeit es gefall dann dem herren.

Item als lang der herr schweygt / mag d(er) hindersäß sein erbe mit recht vordern von eim yegklichen der das erbe besitzet.

ff. de peu. inca(n)e. in fi.

Item wo der herr oder hindersäß wölten das erb von einem frembden vordern / sol der hindersäß dem herren vor geen / wan(n) des erbe ist der nutz der geet für die eygenschafft / vnd ist auch im beütel vnd kornhauß nützer.

C. de emphiteo. iur. l. ij.

Item wan(n) der hindersäß in dreyen iaren die gült nit geyt / mag der herr in mit seinem eygen gewalt vßtreyben.

Item es mag der hindersäß sein erbe einem and(er)n verkauffen / er můß aber dem herren vor zeygen / ermanen vnd bitten / das es dem dem er es zů kauffen geben hat leyhe / vnd im auch die warheit sagen wie ers verkaufft hab / vnnd wil dan(n) der herr das erbe vmb souil lassen so mag ers wol thůn / vnd geet vor dem kauffer. Wo aber der herr so im solichs verkündet ist / spricht er wöll sein nit lassen / so mag der hindersäß dz erbe on des herrn willen verkauffen / doch den personen den sollichs nit verbotten ist zů kauffen / vn(d) von den der herr sein gült nutzlichen bringen mag / vnd wan(n) also der hindersäß sein erbe einem andern verkaufft / der da tugentlich ist die gült zů betzalen / sol der herr sich nit widern den andern hindersässen zů entpfahen / vnnd im das erbe leyhen / durch sich selbs oder durch sein brieff / oder ein instrument für getzeügen / vmb die selben brieff vnd leyhen sol der herr den fünfftzigsten teil haben des gelts darum(b) das erbe verkaufft worden ist / od(er) des werts des erbs / das also in ein andern person transferiert oder geben ist / oder so in erbfallen transferiert oder kom(m)en werde. Wo aber der herr wider durch sein brieff oder eine(m) and(er)n durch sein willen in sollichs verkauffen nit gehellen wil / mag der hindersäß on des herren transferieren. C. c. l. vlti. Wo aber der hindersäß anders mit dem erbe vmbgeet dan(n) wie obstat / vnd auch so er das erbe nit in rechtem bauw helt / hat das recht gebotten / das der hindersäß sein gerechtigkeit an dem erbe verlorsn sol haben.

ff. de act. qui pos. naturaliter

Item der herr des erbs besitzt das erbe rechtlich / vnd der hindersäß nur

(108) Das XLVII Blat

allein natürlich / darumb mag in der herr mit seinem eygen gewalt vßtreyben / ob es nit gehalten würd nach laut des gedings.

C. c. l. j. m. prin.

Item vß den obgeschriben puncten hastu das diser contract ist nit der contract des verkauffens / oder auch nit des hinleyhens. Wann diser contract ist allein vmb ligende habe am erdtrych / aber die andern in aller habe.

Item in disem contract můß nit allein gelt gebenn werden / wann es mag frucht / hüner vnnd ander ding dann gelt gebenn werden / aber in den andern můß gelt kommen.

Item in disem contract geschicht kein empfrembdung / wann der herre besitzt / vnnd hatt auch die eygenschafft der habe / durch verkauffen verleürt der herre die eygenschafft.

ff. loca. et co(n)dnecus in plures. §. messe.

Item durch hinleyhen gewinnet keiner eingerley gerechtigkeit in der gelühenen habe / vnnd darumb so mag der der besteet / weder verkauffen noch mit recht die bestanden habe an sich als eygen oder erbe vordern / wo der den innhalt verleürt / mag im mit keinem rechten geholffen werden. Aber diser hindersäß mag das alles thůn.

Item der herr hat zwen monat in denen er sich berate(n) mag das erbe an sich zů lösen oder den kauff günnen.

Item es seind noch etlich vnderscheid vnd er den erben / wann das gůt von der kirchen vererbt würt / vnd auch ist vnderweylen die gewonheit des landes anders dann wie obstat / wöllichs aber krefftig sey / frage die gelerten darumb. Vnd auch ob ein ander casus sich begebe dann die obsteen / vindest du in den recht büchern dich darnach zů richten.

Item ob der hindersäß das erb verwechseln mög oder verpfende(n) / oder hinleyhen / oder zů lehen geb(e)n / oder einem andern zů einem erb leyhen / oder einer kirchen ein gült geben / oder am todtbeth schaffen.

Item wer in erben sol / vnd wie ferre.

Martinus fauentinus

Item was recht sey so der hindersäß hinweg ist / in latein vagabundus / die frag vnd noch mer dan(n) hndert die vß diser materien kom(m)en / vindest du alle gesetzt durch einen doctore(n) mit namen Martinus Fauen. in de(m) selben sůchs.

De iure patronatus.

Libertus Ingenuus

Dise clag gebürt wider den libertum.

Wann mein libertus das ist der / der mein eygen gewesen ist / vnnd ich hab in frey gesagt / er sey ingenuus das ist frey geborn / vnd er bringt mir schaden / darumb mag ich wider in dise clag füren / mit der ich in wider in mein gerechtigkeit bringen / die ich vmb sollichs zů im habe.

Am ersten gebürt es sich das einer mein eygen sey gewesen / vnd ich hab in vß meinem gewalt gelassen vnd frey gesagt. Libertus. isti. d(e) liber. i. p(e)n. Wann der heißt libertus der vß rechter vnd billicher eygenschafft frey gelassen ist.

Am andern das er sich můß frey geborn vßrüffen vnd sagen / clag also.

Herr richter ich clag eüch vonn .M. der spricht er sey frey geborn / so er doch mein libertus ist. Bitt (et)c. erkennen das er mein libertus sey / vnd darumb mir schuldig sey mein gerechtigkeit zů thůn / vnd das er mirs thů / zwingt in (et)c.

Item merck / du můst beweysen das der dein eygen sey gewesen / vn(d) das du

(109) Der Erst Teyl

in frey gesagt habst. Wie aber die eygenschafft herkom(m)en ist / hast du darnach in einer andern clag / also anhebende.

Vnderweylen macht es sich das ein freyer mensch (et)c.

C. de iure patro.

Item was die gerechtigkeit seind die libertus seinem partron schuldig ist zů thůn / hast du durch Azonem.

Item dise clag würt selten geübet / darumb laß ichs fallen.

De partu agnoscendo.

Wider den vatter der des kindes leücknet / vnd widerumb so das kindt des vatters leucknet / vnd fürter vff zům anherren.

Es ist aber ein clag die schaden bringt / vnd würt in latein genant von der geburt zů bekennen oder veriehen / wan(n) einer ist eins sun / vnd würt vom vatter nit bekant oder veriehen / hat der selb dise clage.

vt insti. de act. §. preiudiciales

Item dise clag hat auch in stat in encklin oder tichtern wider den anherren / vn(d) fürter ab. Vnd auch hat stat dise clag widerumb / das der bekenne vnd veriehe den vatter / den anherrn vnd fürter vff (et)c.

ff. d(e) libe. ag. et. C. d(e) alien. libe. a paren.

Wan(n) als der vatter ist schuldig den sun zů neren / wan(n) er im selbst nit helffen mag / also widerumb ist schuldig der sun den vatter zů neren.

Item statt hat auch dise clag / wann der vatter wil den sun vordern vnnd zwingen in sein gewalt.

ff. de ven. inspi. l. j. C. de pa. po. l. nec filium.

Item statt hat auch dise clag / so das weyb schwanger ist gewesen / vnd der man(n) hat einen arckwon zů ihr gehabt / dz sie vo(n) im nit schwanger sey / vn(d) hat sie vo(n) im gestossen / vn(d) hat sie doch nit verhüte(n) lassen / spricht dz recht im zů schaden / dz er sol getzwunge(n) werde(n) das kindt zů versorgen vnd bekennen.

ff. d(e) libe. ag. si q(ui)s a libe. et. C. de al(i)e libe. a paren.

Am ersten gebürt sich so die narung gefordert würt / so můß zweyfel sein ob er der sun sey oder nit / vnd als dan(n) sol die narung gefordert werden mitt diser clag / vnd sol also sprechen / du solt mich bekennen oder veriehen dein sun / vn(d) mich nach notturfft versehen. Were aber gewiß das er sein kindt were / solt die narung allein von des richters ampt wegen gefordert werden. ff. de libe. agno. si q(ui)s a liberis. §. si vel parens. Wan(n) es můß sein das der sun sey / vnd der d(er) vatter sey / vn(d) d(er) tichter sey / vn(d) der d(er) anherr sey.

ff. de libe. agno. si q(u)o a libe. §. ides

Am andern das der sey eelicher sune oder tichter vnd natürlicher / oder allein natürlicher / das seind die kindt / die ein lediger einer ledigen macht.

a in aut(em). qui mo. natur. effici. sui. col. vij. §. si quis igitur

Wer aber ein kindt anders vneelich dan(n) in den weg / so mag es nitt narung vordern von den genanten person.

vt in p(re)dieta au(c)t. §. vlti.

Aber diß weltlich recht ist vnd würt gestrafft vnd abgethan durch die geistliche recht / in dem Titel von de(m) der zů der ee genom(m)en hat die er vor in der andern ee fleischlich erkent hat. de eo q(ue) duxit in matri. q(ui)s poss. c. cum haberet. prima. di. ius naturale. ff. de iusticia et iure. l. j. §. ius naturale vulgo quesitus. Alda gebeüt der Bapst / das die kindt von der habe beider eltern ertzogen vnd ernert sollen werden / vnd das kompt vß natürlichen rechten / das gebeüt / das die kindt von iren eltern ernert söllen werden / vnnd das recht ist nit allein gemeyn den menschen sunder auch den thieren / vnd kompt vß ynsprechen der natur.

ff. de libe. agno. si q(ui)s a libe. §. ides q(ui)s in liberis.

Item das kind das die gemeyn fraw gebürt hat keinen vatter / daru(m)b mag es vom vatter kein narung bitten / aber von der můtter bitt vnnd vordert das kindt narung vnd erbt sie auch.

Auch wo die můtter sein im testame(n)t vergäß / möchte dz kindt also geboren

(110) Das XLVIII Blat

sollich testament mit recht hinder sich treyben / vnd krafftloß machen. ff. de offi. testa. l. sed instituto. §. de inofficioso. Es wer dann das die můtter ein fürstin were / so erbt sie das natürlich kindt nit.

C. de legit. heredi. si quis

Ite(m) das dz kind vo(n) einer gemeynen frawe(n) geborn kein vatter hab / steet geschribe(n).

Insti. de nupti. §. itaq(ui)s hij

Item es ist auch nottürfftig das das kindt sunst nüt anders hab dauon es ernert mag werden / wan(n) so sich das kindt selbs erneren möcht / würt der vatter nit getzwungen das kindt zů erneren.

ff. de libe. agno. si quis a liberis §. si filius. ff. de libe. agno. l. penulti.

Item die kindt vnd tichter söllen wie obstat ernert werden / sie seyen knab(e)n oder töchter / sie sein vnser tichter von sünen oder töchteren.

Item an der clag so der vatter vordert den sun / oder die anherr den enckel oder tichter / in der sich gebürt.

Am ersten das ein sun oder tichter sey.

Am andern das die kindt eelich seind.

Am dritten das der sun antweder sich selber wider den vatter setz / oder von eim andern dem vatter vorgehalten werden / vnd mit des suns willen / wo sollichs nit des suns wille were / so hat stat ein interdict den kinden von wider zů geben hernach geschriben.

Item in der clag von der geburt zů erkennen vnd veriehen gebürt sich.

ff. de libe. agno. l. sine. §. j.

Am ersten das fraw vnd man(n) mit einander gescheiden sein / vnd das kind werd nach sollichem scheiden geobrn / wann würt das kindt in der ee geborn / so die gemähelten bey einander wonen / so sol es on widerred ernert werden vo(n) dem vatter vnd můtter.

Contra confessores

Item merck / das die beychtuätter vnrecht thůn / so ein weyb beychtet sie hab von eim andern entpfangen das kindt / so doch der eemann das kindt bekennt vnd vergicht für sein kindt / so die heissen das kindt zů schanden machen / vnd auch die frawen. ff. de his qui sui vel alie. aut. filij. Sie solten ansehen das capitel officij / das geschribenn steet im geistlichen rechten / im Titel von der bůß vnd ablaß der sünde / da steet im geistlichen rechten / im Titel von der bůß vnd ablaß der sünde / da steet geschriben das man der frawen die ein frembde geburt heimlich vor irem mann zů ir legt / vnd irem man(n) sagt sie hab es geborn von im / also wol sol bůß setzen vnd ir sünde vergeben / als der frawen die in der ee von einem and(er)n entpfangen hat / vnd der man(n) glaubt es sey von im entpfangen / wann es würt der frawen inne oder vsserhalben des rechten nit glaubt wider das kindt. Allegans ppri(v)atur pitudine(m) no(n) est audiendus. Vnnd nitt allein einer sollichen frawen / sunder einem yegklichen der sein schand an den tag legt / dem sol man allein wider sich vnnd sunst wider nyemandt glauben den sollichs sagen oder bekennen schaden bringen mag / als du wol verstecst / das sollichs bekennen dem kinde schaden bringt / vnnd ir schande ist sollichs zů beke(n)nen / daru(m)b so soll man ir im rechten nit glaube(n) ob sollichs wol war ist.

ff. de his qui sui vel alie. iuri. su(u)s filij

Item das recht verhengt vn(d) will / das ein yegklicher der in rechter ee geborn ist / das der selbig eelich sey vnnd erben soll. Angesehen das der erbfall kompt nach ordenung Keyserlicher rechte / vnd nit von natur. Also erbt ein yegklich kindt sein vatter / vnd möcht keiner kein adoptieren vnd vß wölen / so er andere kindt hett / wann sie würden ihres teyls beraubt der dem erwölten kindt würde / nach gesetzt des weltlichen rechten.

Veniant co(n)fessores

Consilium autenticorum doctorum non ita faciliter debes paruipendere / feu annihilare. nisi habueris pro te alios autenticos doctores.

(111) Der Erst Teyl

Item nec ratio tua videtur sufficiens qua dicis monasteria succedere. quia licet de iure co(m)muni hoc esse possit. t(u)m in multis locis secus est de consuetudine.

vt in cle. exiui de paradiso. de ver. signi.

Item de ordine mendicantium fratres non debent succedere. id eo neqs filij de iure. Et sic consilium doctoris bene stare posset q(uo)d talis filius caute faceret si ordine(m) mendicantiu(m) intraret. aut monasteriu(m) q(uo)d ex co(n)suetudine non succedit. Amoue igitur te deniqs deprecor. vt nihil proprij capitis co(n)tra doctores autenticos in hoc opusculo scribas aut ponas nisi habitis pro te alijs magis autenticis et fide dignis. quia talis diuersitas generat intricationes et errores. im motuijpsius et presentis opusculi vilipendium et annihilationem. Item so ist der rate auch vernichten das der beychtuatter söll die frawe(n) vnderweysen das sie das kindt in ein closter thů / vmb des willen das die rechten erben des erbs nit beraubt werden. ff. de his qui sui vl‘ alieni iuris su(u)s. Nun erben doch die clöster auch nach ordenung geistlicher vnd weltlicher rechten. Die beychtuätter vnd auch die richter solten ansehen den Titel.

In dem vnd andern rechten die vinden das das erben nit von natur hie ist sunder allein vom rechte(n) / anders es möcht der vatter sein kindt vmb kein vrsach enterben / vnd widerumb so möcht auch der fiscus den kätzer nit erben so er kinder hinder im ließ / vnd auch in etlichen andern sünden / werden die kind irs vätterlichen erbs beraubt / vnd erbt der fiscus.

ff. de libe. ag. l. j.

Am andern das die fraw irem man(n) verkünd dz sie von im schwanger sey vnd sollich verkündung sol innerhalb dreyssig tagen geschehen nach de(m) scheiden zů zelen / oder ein cleine weyl hernach.

ff. d(e) alen. libe. l. j.

Am dritten / das nach dem verkünden der mann sollichs nit widersprech / wan(n) würd er sollichs widersprechen / das sie von im nit schwanger wer / würd er nit getzwungen das kindt zů erneren / doch mit gerichts erkentnüß.

Also formier dein clag wann du sprichst der sey dein vatter / vnd er leucknet sollichs.

Herr richter ich clag eüch von .N. wiewol ich sein sun bin / yedoch leucknet er das ich sein sun sey. Bitt (et)c. die sach erfarn souil vnd gnůg ist / vnd mit eüwerm rechtlichen spruch erkennen das ich sein sun sey / vnnd er mir kintliche recht ertzeygen / vnnd die narung zů geben schuldig sey / vnnd das er mirs thů zwingt in dartzů. Wann ich aber meinen vatter nit bekent vnd veriehe / mag er wider mich also clagen.

Herr richter ich clag eüch von .R. des vatter ich bin / vnd er leucknet vnnd wil mich nit für einen vatter erkennen vnd veriehen. Bitt (et)c. erkennen das er mich für seinen vatter erkenne / vnd mir vätterliche recht vnd treüw schuldig sey zů thůn / vnd das er mirs thů / zwingt (et)c.

ff. de libe. agno. si quis a liberis

Kindtliche recht seind das das kindt ertzogen sol werden / vnd deßgleychen vätterliche recht / das der vatter ernert werden sol. Darumb was ir einem gebricht ist nottürfftig das sollichs im libell vnd clag bestympt werde.

Item wie man sich sollichs nerens erweren soll / frag die gelerten darumb / wann es ist ein vnderscheid so der richter erkent das der soll ernert werden von dem / vnd so er erkent das der sein sun sey.

Merck / diese materie ist schwer / darauff frag die gelerten.

Item der vatter mag also clagen so er nit will dz sich einer sein sun veriche.

(112) Das XLIX Blat

Herr richter ich clag eüch von .R. der heißt sich mein sune wiewol er mein sunt nit ist / vnd nympt von mir sein naru(n)g als mein kindt / wan(n) im ist sollichs vom richter erken(n)t worden. Bitt (et)c. erkennen das er mein sun nit sey / vnnd ich im sein narung zů geben nit schuldig sey / vnnd das er sich auch hinfür mein sun nymmer nenne vnd veriehen sol / vnd das ers thů (et)c.

vt in auten. qui. mod. na. effi. sui. §. decretis et. §. oportet

Item du solt wissen das das natürlich kindt nit allein sol von vatter vnd von můtter ernert werden / er mag auch einen teyl seins vatters erben wo sein vatter nit eelich kindt hat. ff. ad sena. co(n)sul. orfi. per totum. Das selb kindt erbt sein můtter / vnd ob sein můtter eelich kindt hette / so erbt es gleych als vil als der andern eins. Die můtter wer dann ein fürstin.

ff. vbi pupillus educari debeat

Item ein brůder ist schuldig den andern zů neren.

Item in der clag so der vatter oder anherr sein sun od(er) tichter wider in sein gewalt vordert / so er bey einem andern behalten würt / clag also.

Herr richter ich clag eüch von .T. der helt über meinen willen .N. meinen sun oder mein tichter vß .N. meinem sune geborn / der in meinem gewalt ist. Bitt (et)c. erkennen das der genant .N. mein sun oder tichter sey / vn(d) in meinem gewalt sein sol / vnnd das der genant .T. den genanten .N. meinen sune oder tichter mir wider in mein gewalt geben sol / vnd das ers thů (et)c.

Item wie du schaden vordern solt / ob dein sun ein handtwerck kündt / frag die gelerten / wann man ist dir den schaden schuldig ab zů legen.

Item in sollicher form magstu formieren dein libell / so ein statt der andern ein burger helt / oder susnt einer / oder so ein burger nit vnderthänig sein wolt.

Herr richter ich .N. burgermeister der statt zů Hall / clag eüch vonn .B. burgermeister der statt zů Gemunden vnd sprich / wiewol das ist das .R. ist ein burger zů Hall / yedoch helt in .B. d(er) burgermeist zů Gemunde für einen burger oder innwoner daselbst / vnd in irem namen. Bitt (et)c. erkennen das der genant .R. sey ein burger zů Hall / vnd das der .B. burgermeister zů Gemunde schuldig sey inen von der von gemunde wegen wider zů geben / vnd das ers thů zwingt (et)c.

ff. q(uo)d cuius. vniuer. no. l. sic(c). municipes

Item darumb hab ich gesatzt allein den burgermeister in der stat namen wan(n) die die den gerichts zwang innhaben / mögen von der statt wegen / vnnd auch von gerichts zwang wegen in gericht gefordert werden / vnnd auch die schulden an ein statt / mögen von der statt wegen an sie gelangt werden.

Merck / in disen clage(n) alle(n) ko(m)pt schade(n) an d(er) nützu(n)g in ma(n)cherley weg / frag die gelerten / zů gleycher weyß als der vatter den sun in seinen gewalt vordert / also vordert der burgermeister sein burger / vnd der apt sein münch.

De rei vendicatione.

Von der eygenschafft der habe.

Besitzt einer ein habe / der selben eygenschafft sprichst du sie gehöre dir zů / magstu die selben habe vordern mit dieser clag in der sich gebürt.

ff. de acquire(n). re. do. et insti. de re. diui.

Am ersten das du clagst das du clagst wider den besitzer / od(er) wider den der arglistigklich oder vntreüwlich hat vom besitz gelassen / das er herr den habe sey / de iure gentium / als vom natürlichen rechten / als mit übergeben vnnd durch ander vil weg / die geschribenn stehen in dem Titel. Der ich dir in diser clag den merern

K

(113) Der Erst Teyl

teyl setzen wil / vnnd auch von Keyserlichem rechten 7 als durch prescribieren / das ist lang herkom(m)en / es sey in ligender oder farender habe / durch vsucapion vnd prescription / das ist gewöre oder lang herko(m)men gewinnestu auch recht / vnd würst herr der habe als du hernach eins teyl vinden würst.

ff. de acquire(n). re. do. seruus. §. in corpales. d(e) alie. iudic. C. l. vnica. ff. de rei ven. l. j. §. per hanc

Ite(m) die habe die du mit diser clag vord(er)n wilt / můß sein corporalis / dz ist dz man die habe gryffen möge / wan(n) die ding die ma(n) nit gryffen mag / als dienstbarkeit vnd gerechtigkeit / heissen incorporales / das ist on einen corpus magst du mit diser clag nit vordern / wan(n) sie werden nit besessen / wan(n) von des besitz wegen můß der besitzer vmb die habe antworten im rechten.

ff. de rei ven. in rem. §. loca.

Item die habe sey ligendt oder farendt die also gefordert würt / můß in vnserm gewalt sein / also das wir damit zů schaffen vnd lassen mögen nach vnserm willen / wan(n) sie sol nit heilig / nit geistlich sein. C. d(e) sacrosan. ec. sancimus. Dan(n) allein in dem casus so dise clag gebürt dem prelaten als in geschriben rechten stat.

ff. de rei ven. officium. et l. sinau(c)t.

Item sich gebürt dz dein widersach die habe besitz / oder arglistigklich vom besitz gelassen haben.

C. d(e) alie. su. mu. cau. fac. l. vnica.

Item ee ich vff das libel das ist die clag komme / soltu wissen das etlich habe vß natürlichem rechten gemeyn sein einem yegklichen / als der lufft vom hymel / fliessendt wasser vom mere / vnd die gestaden littera des meres / oder vniuersitet / das ist ein gemeyn / vnnd nit yegklichs in sunderheit / als do sein die dantzheüser / wärde / märckt / vn(d) deßgleychen / vn(d) ist dz etwas sunst gemeyns in der statt / dorff oder marckt / vnd deßgleychen als brunnen.

Item die habe in latein genant Sacre religiose et sancte / das ist gewycht / geistlich oder heilig habe / sein nyemandts / wann was auß götlichem rechten ist / das ist in nyemandts habe vnd gewalt.

Sacre res

Geweyhet habe sein die ding die nach ordenung der rechten durch gott vnd die bischoff geweyhet vnnd geheiliget seind / als kirchen / kirchhoff / vnnd was sunst anders zů gottes zierde gehört vnd geweyhet ist / das ist alles durch den Keyser vnd heiligsten fürsten Justianum verbotten zů empfrembden vnd obligieren / vßgenom(m)en zů erlösung der gefange(n) menschen. Vnd ob die kirch schuldig were / vnd was einer vß seinem eygen gewalt hielt als geweyhet vnd es ist doch weltlich.

Religiose res

Als ein geistlich statt macht im ein yegklicher selbs mit seine(m) eygen willen / wo einer ein todte(n) hin begrebt (et)c. vo(n) d(er) materie ist nit not mer zů setze(n) / wan(n) yetzundt begrebt man die todte(n) vff die kirchoff (et)c. dz etwan im rechte(n) verbotten ist.

Sancte res

Heilig habe sein die mauren / vnd porten das sein thore der statt vß götlichem rechten. insti. de re. dui. §. id eo au(c)t. Darumb seind sie in nyemandts gewalt / wan(n) darum(b) heissen wir die maure(n) heilig / wan(n) bey haupt abschlahen ist verbotte(n) dz nyemants wider die mauren sünden sol / darüber vß zů steygen / vnd sie abtzůbrechen.

Item eins yegklichen menschen in sunnderheit werden die habe sein eygen in manchen weg / wann etlicher habe eygenschafft würt vns vß natürlichem rechten / das wir nennen ius gentium / etlicher vß Keyserlichem rechten. So aber das natürlich recht elter ist dan(n) die Keyserlichen / das natürlich recht hat gott mit dem menschlichen geschlecht auffbracht. insti. e. §. fere g(r). Aber die Keyserlichen recht genant ciuilia / habent die stett vnn dörffer gemacht / die richter vnnd magistrat gewelt vnd geschöpfft / vnd die recht geschriben / daru(m)b die wilden thier /

(114) Das L Blat

vogel vnd visch in fliessenden wassern / auch alle die wilden thier die vff dem erdtrych / in mere / vnd in küfften geborn werden / seind des von dem sie gefangen werden vß natürlichem rechten / wann das das nyemands ist / das würt vß natürlicher vernunfft des ders occupiert / das ist der es vahet oder wie ers in seinen gewalt bringt. Es irret auch nitt ob wir die wilden thier / visch oder vogel in vnsern oder in frembden gründe(n) vahernt / doch mag dem der in einen frembden grundt yn geet zů iagen / vischen oder vogeln / von dem herren des grunds (sicht er in yngeen) verbotten werden dz er nit yngee / was du aber diser thier vahest / als lang seind sie dein / so lang sie in deiner handt getzwunge(n) seind / wan(n) sie aber vß deiner hůt wider in ir natürlich wildigkeit vnd freyheit kommen / so seind sie nymmer dein vnd werden wider des ders occupiert vnnd vahet. insti. de re. diui. per totum. Also soltu versteen sein natürlich wildigkeit / so es dir vß deinen auge(n) entrunnen ist. od(er) wiewol es ist in deine(n) auge(n) / doch ist dir sein durch ächten zů schwere.

Item ob du wol ein wild thier scheüssest oder verwundest / das das thier gefangen můss werden / so ist es doch dein nit du vahest es dann (et)c.

Apes

Item der binen natur ist wild / wann als wenig als die vogel die in deinen binkorb bringest. Darumb der ders in binkob schleüßt ist ir herre. Fauus. Den wifel den sie in dem baum machen / mag ein yegklicher vßnemen / doch ee das geschicht / sichst du einen on deinen willen in den grundt yngeen / magstu im verbietten das er nit yngee / geet er aber über solliches yn / du magst in beclagen von d(er) schmachheit dir gethan / vnd die an ein gelt schlagen vnd vordern solchs vor dem richter / wann du magst in der sach nit parthey vnd richter sein / als du oben geschriben hast von der clag genant von der schmacheit. Examen. Examen / der schwarm der vß deinem binkorb fleügt / ist als lang dein als lang er in deinem angesicht ist / es sey dan(n) das sein durchächte(n) zů schwer sey / sunst würt es des der in occupiert.

Pauones. Columbe

Der pfauwen vnd tauben natur ist wilde / es irret nit das sie vß natur oder gewonheit her vnd hinwider fliegent / wann sollichs thůn die binen die auch wilder natur sein.

Cerui

Etlich haben hirtzen vnd hinden so heimlich das sie in das holtz vnd wider heim geen / der natur ist wild das nyema(n)dt widerspricht. Aber in solchen thieren die vß gewonheit hin vn(d) herwider geen / ist die regel bestätiget / das sie als lang dein sein so lang sie willen haben wider heim zů geen / wan(n) sie den selbe(n) willen verlassen als dann heben sie an nymme dein zů sein / vnd werden des ders occupiert / den willen wider zů kom(m)en verlassen so sie vß gewonheit nymme kom(m)ens. Anseros Pull. Gänß / hüner / enten natur ist nit wilde / das mögen wir vß dem versteen / wann es sein wilde gänß / hüner vnd enten / die wir wild heissen / darumb werden dein gänß / hüner vn(d) enten verscheicht / wiewol sie vß deiner angesicht kom(m)en / wo sieh in kom(m)en sie sein danocht dein / vnd wölcher die selb(e)n thier in gewynnes meynung innhelt / der felt in die peen des diebstals.

Captum ab hostibus

Item was wir vnsern feynde(n) abnemen vnd vnser feynde vahent / würt von stunden vnser / also das frey menschen vnser eygen werent / wo aber die selb(e)n vß vnserm gewalt entrinnen vnd wider in ir heimat kom(m)en / werden sie wider frey / wo wir aber der feyndtschafft vnrecht haben / so ist die habe nit vnser.

K ij

(115) Der Erst Teyl

Semen lapilli.

Item edel gestein vnnd ander ding die an dem gestad des meres gefunden werden / vß natürlichem rechten als bals sein sie des finders.

Pecudu(m) fructo.

Item was vß vnsern thieren vnnserm gewalt vnderthan geborn würt ist in dem selben rechten vnser / auch was das güeß oder wasser alluuio in latein deinem acker zůgeyt ist dein.

Alluuio

Nun ist alluuio ein verborgen zůnemen / das mit menschlichen augen nitt begriffen oder gemerckt mag werden / durch alluuionem güeß od(er) wasser würt in sollicher weyß zůgenommen das es also langsam zůnympt / das du nit wol versteen magst in wölchem augenblick der grundt zůgenom(m)en hab. Wo aber die krafft des wassers etwas fürt vß deinem grundt / vnd füret das vff eins andern grundt das beleybt dein / wo aber sollichs zů lang an deinem grund belib / vnd die baum die das wasser mit im gefürt hette in den grundt wurtzeln würden / würt sollichs des dahin es gefürt ist (et)c.

Insula

Item der wörde der in dem mere würt (das selt[e]n geschicht) würt des der in occupiert / wan(n) er ist sunst nyemandts. Aber die insel oder der wasen / oder der werde der in dem wasser würt (das offt vnd dick geschicht im mittel des wassers) er ist der die zů beiden seyten am nechsten gründt dabey haben / yegklichs so breit als dan(n) sein grundt dargege(n) ligt. Ist aber d(er) wasem vff die einen seyte(n) näher dan(n) vff die and(er)n / so ist er allein d(er) die vff d(er) breit als dan(n) sein grund am nächste(n) grunde darbey gelege(n) ist. Würde aber d(er) fluß geteylt vn(d) also dz es eine(m) sein acker zů einer Insel mächt / so d(er) acker fürter zwysche(n) flüssen lege / d(er) acker belybt des des er gewesen ist. Wo aber die flüß gantz anderßwo hin gienge(n) vn(d) flüssen ein and(er)n weg / so ist dz selb kise vn(d) grund dere(n) die daran stossen / hab(e)n aber yegklichs nach der breite die daran stoßt / so aber nach etlicher zeyt d(er) fluß wider keme da er vor geflossen hette / so würd aber der grund vnnd kise deren die am nechsten grundt daran stossen hette(n) / aber yegklichs nach der breit daran stossende. Wo aber ein güeß käme vnd dir deinen acker gantz zerflösset / vn(d) verwandelt dir doch die gestalt deins grunds nicht / nach de(m) hinweg geen des wassers beleybt der grundt wider dein als er vor gewesen ist.

Item wan(n) einer vß frembder materie in gůttem glauben etwas gemacht hat / mag das selbig gemacht wider zů seiner vorigen materie gebracht werde(n) so ist der herr der der materie herr was als ein gossen geschirr von ere / gold od(er) sylber / das mag wider in die vorigen materie gebracht werde(n) / wo aber sollichs nit widerbracht möcht werden in die vorigen neüwen gestalt vnd materie / so ist der herr ders gemacht hat / als macht einer vß eine(m) frembden traube(n) wein / oder vß frembden ähern korn oder frucht / oder vß frembder wollen tůch oder cleidt / oder vß frembden brittern ein schiff (et)c. Sollichs mag nit wider in die vorigen gestalt kom(m)en / wann der wein würt nym(m)er zů trauben / das korn kompt nym(m)er zů ähern / das tůch würt nym(m)er zů wollen / wo aber einer eins teyls auß seiner eygen vnd eins teyls vß frembder materien ein gestalt gemacht hat / als vß seiner vnd frembder wollen ein cleid / das ist kein zweyfel an / der ist herr der die gestalt macht / wan(n) er hat nit allein sein arbeit sunder auch ein teyl d(er) materie dartzů gethan vnnd gelühen / wo aber ein frembder purpur in sein cleidt het weben lassen / wiewol doch die purpur kostlicher ist / yedoch volget sie dem cleidt / vnnd der herr der purpur hat die clage des diebstals / es sey der dieb der

(116) Das LI Blat

das cleid gemacht hat / oder ein ander / wiewol geraubt habe mit diser clag nit gefordert mag werden / so mögen sie doch in andere weg hernach geschriben von dieben vnd etlich andern besitzern gefordert werden.

Per co(n)fusione(m)

Item so zweyer herren matery mit irem willen zůsamen gegossen seind / dz ga(n)tz corpus dz vß de(m) giessen worde(n) ist / ist ir beider gemeyn. So also zwen wyn zůsame(n) giessen / sylber od(er) golds knolle(n) zůsame(n) lassen / auch wo vß zweyer vnd(er)scheidenlicher materie ein gestalt worde(n) were / als vß wein vn(d) honig / vß gold vn(d) sylber / co(n)trarie ist deßgleychen / wan(n) es ist nit zweyfel die gestalt oder dz corpus ist ir beider / doch wölcher das kostlicher gelegt hat sol mer haben.

ff. de rei ven. marcellus. et. l. seque(m).

Item wo sollichs zůsamen giessen geschee / gebürt wider die selben die clag des diebstals ad exhibendum zů zeygen / vnd die clag gemeyn gůt zů teyln (et)c.

per co(m)mixtione(m).

Würt hansen frucht mit deiner vermischt / geschee sollichs von beider willen die frucht würt gemeyn wan(n) yegklicher hat sein wille(n) daryn geben / das dz korn gemeyn sey. Geschee aber dz on geuerd oder über deinen willen / so ist die frucht nit gemeyn. Behelt einer vnd den die frucht yegkliche(n) gebürt dz sein zů vord(er)n / d(er) richter sol aber darin(n) erke(n)nen wie kostlich yeglichs frucht gewesen ist.

Item wan(n) einer vff seinem erdtrych auß frembdem zeüge ein hauß bauwet in gůttem glauben / er ist herr des zym(m)ers / wan(n) alles das gebauwen würt vff die erden volgt der erden / vnd wiewol der der materien herr was / bleybt herr / yedoch mag er die materien nit vordern / wan(n) im rechten steet geschriben vnd ist verbotten das keiner der einfrembden sparren in latein tignum genant / in sein zym(m)er machet / sol dannen thůn / sunder er sol in zwyfach betzalen / als du hast in der clag de tigno iniuncto / von sparren eins zymmers (et)c.

Tignus

Item bey dem vocabel sparren würt alle materie darauß man bauwet vn(d) zymmert verstanden / vnd das ist darumb verbotte(n) das man die zymmer nit wider ab můß brechen / vnd wie das zym(m)er zerbrech wiewol der herr d(er) matery zwyfach betzalung dauon gehabt het / dannocht möcht er die materie als sein eygen mit diser clag vordern. Vnd widerumb bauwet einer vff frembder erde(n) vß seiner materien ein hauß / des würt das hauß des die erd ist / vnd also der herr der materien verleürt die eygenschafft / wann also würts verstanden / die eygenschafft sey mit seinem willen empfrembdet / vnd vor vß so er wol gewißt hat das die erde frembd ist / vnd vff das das hauß zerbrech er möcht die materien für sein eygen nit vordern.

Ite(m) so der d(er) gebauwet hat in gůtte(m) glaube(n) / vff frembde(m) erdtrych den bauw besitzt / vn(d) d(er) herr des grunds vord(er)t dz hauß vor de(m) richter vn(d) bitt im solliches zů zůteyln / vn(d) wid(er)t sich die materien vn(d) taglöner zů bezalen. Exceptio doli. Er mag durch die exception arglistigklich abgetriben werden / so ferr dz der in gůtte(m) glauben gebauwet hab. Wann der gewißt hat das die erd frembd was mag nit allein grosser vnfleyß sunder das er auch freuenlich gebauwen habe auff frembdem grundt vnd erdtrych im rechten für geworffen vnd fürgehalten werden.

Plantatio

Item ist das Peter ein baum oder etwas anders in sein erden setzt / er würt sein / vnd widerumb setzt Peter ein baum in Hansen erden / das gesetzt würt Hansen / vff wölchs erden der stamb des baums steet / des ist der baum.

Steet er vff zweyer erde(n) / d(er) baum ist ir beider in gemeyn / ich glaub nit dz die wurtzeln yema(n)ts icht gerechtigkeit gebe(n) / wiewol er on wurtzeln nit frucht bringen

K iij

(117) Der Erst Teyl

mag / wan(n) in gleychnüß sichstu wol / macht dein pferdt dz mein trage(n) / dz vß meine(m) geborn ist / ist mein / wiewol d(er) anfang vo(n) deine(m) pferdt ist / daru(m)b als die baum vnd anders vß dem erdtych wechßt der erden volgt / vß der selbenn vrsach vnd vernunfft die gesehet frucht sol auch dem grundt volgen.

Item zů gleycher weyß als der der in gůttem glauben vff frembde erden gebauwet hat / wo der herr des grunds den bauw von im vord(er)t beschirmet mag werden durch die exception arglistikeit nach dem wie obstat / also mag auch mit derselben exception hilff / sicher sein der d(er) ein frembden grundt mit seiner kostung in gůttem glauben gesammet hat.

Citere auree

Merck /also hat doch der herr an sollichem gewin(n) / wan(n) er bedarff nit meer dan(n) kostung vnd arbeit betzalen. Vnd bůchstaben ob sie gulden weren volge(n) den karten / bapyr vnd perment nach / als in der form als des gebauwen vnd gesomet der erden nachuolget / vnd darumb hat Peter vff dein tafeln oder bapyr ein hystorien oder lied geschribe(n) / des corpus bist du herr vnd nit Peter / wo du aber von Petern vorderst dein tafeln oder bapyr / vnd vorderst du die geschrifft zů betzale(n) / Peter mag sich beschirme(n) durch die exception der vntreüw oder arglistigkeit / ist das er in gůtem glauben dein tafeln oder bapyr der des besitz an sich gebracht hat.

Pictura

Item so einer vff ein frembd brett oder tafeln malet / etlich meynten sie solte(n) dem gemälts volgen / etlich meynten das gemälts were wie es were es solt der tafeln volgenn. Aber es ist billicher das die tafel des gemälts sey. Es were ein spot solt ein kostlich gemälde einer tafeln volgen die leychts schatz wert were / vnd darumb wan(n) von dem herrn der tafeln so er das bild besitzt der sie gemalet hat die tafel vordert / vnd die tafel doch nit betzalt / er mag durch die exception arglistigkeit abgetriben werden. Auch ist billich besitzt der maler die tafel das dem herren der tafel clag geben werde wider den maler / wo er aber das male(n) nit betzale(n) wolt / mag er auch durch die exception arglistigkeit entschlossen werden / wann anders der maler in gůttem glauben die tafel besessen hat / wann das ist offentlich der maler der hab die tafel oder ein ander gestolen / de(m) herren gebürt die clag des diebstals.

Fructus bona fide percepti

Item wo einer von eine(m) der nit herr gewesen ist doch glaubt er er were herr / in gůttem glauben einen grundt kaufft hat / oder er hat den grundt in gůttem glauben von im bestanden / oder er hat den im geben / oder vß wölcher billicher vrsach der den grund von im in gůttem glauben genom(m)en hat / vß natürlicher vernunfft sein die frücht oder nutzung von im entpfange(n) vmb des bauwes sorgen vnd arbeit willen / vnd darumb ist das der herr hernach kompt / vnd den grundt mit recht gewynnet / er mag die vernutzte frucht. s. industriales nit von ym im rechten vordern / dem aber der wissentlichen hat den frembden grundt besessen ist sollichs nit erlaubt / er würt mit dem grundt der nutzung ob die vertzeret were getrungen vnd getzwungen die wider zů geben.

Vsufructuario

Item der vsufructuarius ist der der den abnutz nympt / de(m) allein die nutzung des grunds zůgehören / würt nit annders der nutzung herr dann ist das ers yngenommen hat / vnd darumb wiewol die frucht zeytig ist gewesen / vnd er ist gestorben ee er sie yn genommen hat / die nutzung gehört seinen erbenn nit / sunder sie sein des herren der eygenschafft.

(118) Das LII Blat

Item in d(er) nutzu(n)g d(er) thier die wir für den hirte(n) trybe(n) / kompt auch die geburt als milch / har vn(d) wolle / auch die schäflin / böcklin / schweinlin / kelblin / pferdtlin (et)c. die sein vß natürliche(n) rechte(n) des d(er) den nutz neme(n) soll / in latein vsufructuarius genant. Fructus ancille. Als die geburt d(er) eyge(n) frawe(n) kompt nit in die nutzung / sund(er) sie ist des herre(n) des sie eyge(n) ist / wan(n) es ist vo(n) den wysen gesatzt worde(n) / dz vnbillich sey dz d(er) mensch in nutzu(n)g gesatzt werd / die weyl gott alle frucht vn(d) nutzung vmb des menschen willen geschaffen hat.

Tbesauri

Item die schätz die ein yeglicher vindet in seine(n) grund es sey die eyge(n)schafft od(er) erbe des grunds sein / in latein in suo iure directo vel vtili / ist des vinders.

insti. de re. diui. §. et co(n)uenie(n)ter

Der Keyser Adrianus hat in dem geben der in funden hat. Der selb Keyser hat auch deßgleychen gesatzt / vindet einer in einer geweychte(n) oder geistlichen statt ongeuerde eine(n) schatz / der halbteyl sol des vinders sein / der ander des des der grundt ist / vn(d) vindet einer in des Keysers grundt der halbteyl ist des vinders das ander des fiscals oder der statt. Vnd ist das er dem fisco seine(n) teyl vnndertrucket / er würt schuldig dem fisco den schatz gantz zů geben. ff. de iure fisci. l. iij. §. fi. Sůcht aber einer mit sunderm fleyß vnd vindet einen schatz / also mit fleyß gefunden in einem frembden grundt sol gantz dem herren des grundes gegeben werde(n).

C. de thesauris. l. vnica.

Item es mag ein yegklicher in seinem grundt schätz sůchen / aber doch nitt mit zauberey / anders der schatz also gefunden wer gantz des fisco.

Per traditione(m)

Item per traditionem / durch übergebung gewinnen wir eygennschafft der habe / wann nichts ist als zymlicher aller natürlicher gerechtigkeit / dann das der wille des herren / der sein habe einem andern übergeben hat stät sein soll / vnd gehandthabt werde / vnd darumb in wölchen weg die habe seind so mögen sie übergeben werden / vnd so sie geben seind / werden sie empfrembdet.

Item auß was billicher vrsach übergeben würt / on zweyfel die eygenschafft würt auch transferiert / dz ist in den andern gegossen / die verkaufften habe vn(d) übergeben werden anders nit des kauffers / wan(n) so er dz gelt dem kauffer gebe(n) hat / oder im sunst gnůg mit pfanden oder in ander weg gethan / auch wie der verkauffer dem kauffer getrauwet hat / als bald ist die habe des keuffers.

Item es ist auch nit ob der herr einem gelt gebe / oder ein ander der von des herren willen im besitz ist die habe geben (et)c.

Procurator habens liberam

Item wo einer hat freyen gewalt aller geschäfften von dem herren / vn(d) verkaufft er etwas von dem selben geschäfft vnd gibt’s / die habe wer des nemers.

Sola voluntas

Item vnderweylen der bloß will des herren on übergeb(e)n / ist gnůg die habe transferieren / als so die habe dir einer gelühen oder dir zů behalten hat geben / vnnd dir dann die zů kauffen oder sunst gebenn hatt / so er aber bewilliget das sie dein sey / mit dem gewynnest du dir eygenschafft als ob sie dir in dem selben namen geben worden were.

Item wo einer kauffmanschatz in seinem gadem / kornhauß oder wo er das ligen hat verkaufft / vnd geyt dartzů die schlüssel des gadems (et)c. dem kauffer / er transferiert die eygenschafft der kauffmanschatz in kauffer.

Missilis

Item die richter vnd magistrat transferieren die eyge(n)schafft der habe auch vnderweylen / also das der Bapst gekrönet würt / so würt gelt geworffen vmb des willen das die herren wandeln oder reyten mögen / was einer des selbigen gelts vflißt / ist sein / wann es würt darumb geworffen (et)c.

K iiij

(119) Der Erst Teyl

per occupatione(m)

Item der würt auch der habe herr die vonn irem herren verlassen ist / wo er sie occupiert / das würt für verlassen geschätzt / das der herr in sollichem můt von im würfft oder laßt / das er nit will das die habe fürbaß mer sein sey / vnd darumb hebt er an der selben habe an nymmer herr zů sein.

Pro derelicto

Ein andere vrsach ist in der habe die in vngewitter des meres dem schiff zů hilff kom(m)en vßgeworffen würt / als ob sie die habe nym(m)er wölle(n) / sunder mer dz sie mit de(m) schiff dz vnglück vn(d) sorg des meres entpfliehe(n) möge(n) / vn(d) daru(m)b wölcher die selben habe von den lünnen oder wellen vßgeworffen oder sunst im mere vmb gewinnes willen oder můte neme / würt im für diebstal getzalt.

Deßgleychen ist von der habe so die menschen über landt faren / vn(d) in irem vnwissen etwas entpfallen ist (et)c.

ff. de acquire(n). re. do. l. ergo. §. alluuio. et de rei ven. si verberatum. §. ite(m) si forte

Item wo der Keyser oder ein ander der sollichs gewalt hat / geyt seinen dienern frembde gründe. Doch so sol man den besitzern sollichs betzalen was sie wert sein.

Item nun merck das vß Keyserlichem rechten wir auch eygen schafft vnd recht zů der habe gewinnen.

Vsucapio

Am ersten per vsucapione(m) / das ist durch gewerde oder besitz nach ordenu(n)g geschriebener rechten / farender habe eygenschafft gewinnen wir in dreyen iare(n). Aber ligender habe durch langen besitz / als zwyschen de(m) gegenwertige(n) in .x. iare(n) / vn(d) vnder den nit heimsche(n) .xx. iare. Vnderweyle(n) aber ob einer in gůtem glaube(n) besitzt gar lang zeyt / doch prescribiert er nit / als so einer ein freyen menschen / od(er) geweyhet / od(er) geistlich habe / od(er) ein flüchtige(n) eygen menschen besitzt.

Res furtiue

Item diebsch habe vnd auch die die mit gewalt besessen sein / vnnd ob sie so lange wie obstat in gůttem glaubenn besessen werden / so werden sie doch nicht prescribiert / wan(n) der diebschen habe prescribierung verbeüt das recht der .xij. tafeln / vnd das recht atilia / der mit gewalt besessen hat / das recht Julia vnd plancia / der gewalt sol außtreybend vnd nit herbringend sein. Vi possesse. Würden aber solliche habe (wie obstat) dreyssig od(er) viertzig iar besessen / sie würde(n) prescribiert. C. de p(re)scrip. xxx. vel. xl. an. l. om(n)es. Das aber geschriben steet das der diebschen vnd mit gewalt besessenen habe / prescribieren verbotten sey / gehört allein dem dieb zů / also das der dieb vnnd der mit gewalt besitzt nit prescribiern mag / wan(n) dem selbe(n) gebürt sich sollichs auch in ein andern weg nit wan(n) sie besitzen in bösem glauben / sunder aber ein ander der von einem sollichen in gůttem glaubenn kaufft hat / oder sunst auß einer andern sach entpfangen hat die habe / mag prescribieren. Wann in farender habe / kompt nit leychtlich das der in gůttem glauben besitzt / mag prescribieren / wan(n) wölcher wissentlichen frembde habe verkaufft die vß einer andern rechten sach oder titel geet / der ist ein dieb. Aber vnderweylen halt es sich anders / wann wo der erb ein habe die dem todten entpfolhen / gelühen oder zů behalten geben ist / so er meynt sie wer sein erbe / in gůtte(m) glauben verkaufft hat oder vmb sunst oder zů morgen gabe geben hat / ist kein zweyfel wann der der das also genom(m)en hat / prescribiert / die habe ist in dz laster des diebstals nit gefallen / wan(n) wo der erb in gůttem glauben die habe als das sein empfrembdt der ist kein dieb. Wann diebstal on willen des stelens geschicht nit.

Furtum sine affectu furandi (et)c.

Item es mag auch in ander weg geschehen / das einer ein laster eines diebstals frembder habe transferiern mag / vnd machen das der gůtt glaubig

(120) Das LIII Blat

besitzer sollichs prescribieret. Als wo ich zymlich irre vnnd hab glaubt ich sey ein erb / vnd sunst wo einer glaubt das die habe sein sey.

Rei immobilis no(n) sit furtum

Item in ligender habe ist es also / wölcher ein müssige ligende habe besitzt / das ist vmb abwesen oder versaumnüß des herrn / oder so der herr on erben gestorben ist / on gewalt besitzt vnd begreyfft / oder yngeet / wiewol d(er) in bösem gelauben besitzt / wann er weißt wol das er ein frembden grundt occupiert / geyt er es einem andern der yn in gůttem glauben von im nympt / dem selben mag der lang besitz zů hilff kommen / vnd er gewynnet recht zů der habe / vnd was er hat genom(m)en das das weder gestolen noch mit gewalt nit besessen ist / wann ligende habe würt nit gestolen.

Ne reru(m) dominia i icerto sint.

Also ist es mit besunderen constitution gemacht / das einem ein gůttglaubiger langer besitz nit genommen sol werden / vmb des willen das die eygenschafft der habe nit vngeübt sey.

Aiciosa res insti. de vsuca. §. si. et. C. de vsuca. transformanda. et p. emptore. p. tra(n)sactio(n)e. p. donato. p. d(e) relicto p. herede (et)c.

Am letsten solt du das mercken das die habe also sein soll / das sie in ir kein laster habe / vff das / das sie von dem keuffer prescribiert mag werden / oder vo(n) einem anndern der die habe auß einem rechten Titel oder vrsach besitzt / oder mer von diser materie. Sůch.

Donatio

Item es ist auch ein andere clag der habe / eygenschafft gewynnen / genant Donatio das ist geben / vnd das geschicht in zwen wege.

Donatio causa mortis

Das ein heißt gebenn vmb oder auß forcht des todes / das einer also geyt / sey das er sterbe / so sol es der haben dem ers gebenn hatt / überlebt er aber / so sol ers wider nemen / oder so es den geber gerauwen hett / oder so der dem gebenn ist / vor stirbt.

Donatio inter viuos

Der ander heißt Donatio viuos / geben zwyschen den lebendige(n) / wan(n) die selb gebung geschicht on alle forcht des todes / vnd wo die geschehen rechtlich / so mögen sie freuenlich nit widerrüfft werden / vn(d) werden volbracht wan(n) der geber seinen willen offenbart /e s sey in geschrifft oder on geschrifft / vnd geleycher weyß als sich im kauffen über gebenn gebürt / sollichs gebürt sich auch alhie / wann die übergebung geschehen ist / so hatt das geben volkom(m)en krafft / vnnd wann er die habe nicht übergeyt / so mag er dartzů getzwungen werden / vnd wann die übergebung die summa fünffhundert gulden nicht übertrifft / so ist man nit schuldig die gebung den richtern vnd magistraten zů verkünden / vnd dannocht sein die gebung krefftig.

Item also werden die habe im rechten übergeben / wann die habe in gegenwertigkeit ist / vnd der dem geben ist sie in seinen gewalt nympt / oder so der geber die brieffe der habe geyt / oder den nutz der habe im behelt / oder die schlüssel der zymmer darinnen die gegeben habe leyt geyt / wo aber einer kirchen gegebe(n) würt / so ist nit not sollichs über gebens / wann es würt die eygenschafft on über geben transferiert.

Reuocatio donationis. C. d(e) dona. reuo. l. vlti.

Merck / der geber mag sein gebung widerrüffen / als wo der dem gebenn ist dem geber ein grosse schmacheit thette / oder freuenlich handt an in legt / oder schweren schaden im zůfügt / seinem leben nach stündt / od(er) das geding im geben gesetzt vnd gemacht / nit erfüllet.

Testamentum. insti. de testa.

Item wir gewynnen auch recht zů der habe durch die Testament / das ist dem letsten willen am todtbeth oder sunst.

(121) Der Erst Teyl

insti. d(e) le. per to. de singulis reb. p. fideico(m)missus p. to. et ad. l. de fideico(m)miss. here.

Item auch so vns etwas geschafft würt vn(d) auch per fideico(m)missum / so der erb gebetten würt das erbe wider zů geben.

Item on Testament / als so wir einen erben.

Item durch den besitz der habe.

insti. d(e) bo. poss.

Item per arrogatione(m) / so einer den andern nympt oder wölt zů eine(m) kinde.

insti. de acqui. p. arroga.

Item aditione / so der herr seinen eygen menschen freyet / so soll er in mitt etwas begaben.

Item durch yngeen in die clöster / wann nach der profeß / würt sein gůt des closters.

insti. de eo cui libet. ca. bona adi vt in autenti. demonach. §. ill(u)d quam

Item per damnationem / durch vorderung des richters / wann vnderweylen mir allein etlich habe confistiert od(er) gemeyn geteylt / als du hast Vnnd auch hernach im andern Tractat.

insti. de re. diui. per totum

Item merck / wölcher die habe wil vordern / der můß ir herre sein / vß der obgeschriben sachen einer / vnnd wo er vß einem contract herr ist / so můß er zwey zům mynsten beweysen.

Das erst das der contract beschehen sey / vnd das die habe übergeben das ist geantwurt sey / wo du aber ein habe vorderst vß dem contract des kaufers / so můst du vier beweysen.

ff. de acquire(n). re. do. nu(n)qs nuda

Am ersten das der contract geschehen sey / wo der contract nit geschehe(n) were / dan(n) schlecht vnd bloß antwurt farender habe / oder vß der handt geb(e)n / wie man das zů teütsch nennen wil / transferiert die eygenschafft nit.

ff. de contraben. emp. vendidi.

Das ander das das gelt getzelt sey / oder sunst ein gewißheit dauon geschehe / oder das dir sunst genůg darumb geschehe.

Das dritt das die habe geantwurt werde / wan(n) on die übergebung in dein gewalt würt die eygenschafft nit transferiert / es můß also geantwurt sein / das die von dir im rechten nit gefordert mag werden / on in etlich weg / on die übergebung. id est. auß der handt geben / die eygenschafft würt transferiert / als du eins teyls oben in dem andern casus vnd hernach in den constitution des keysers Justiniani / wider die die gewalt thůn / vindestu.

Nemo po(s)t plus iuris (et)c.

Das vierd das der kauffer der habe herr sey / wan(n) ist er nun nit herr d(er) eygenschafft die er nit hat / mag er die in keinen and(er)n giessen noch transferiere(n). Wan(n) nyemandt mag mer rechts in einen transferiern dan(n) er selbs hat.

ff. de acquire(n). re. do. no(n) est nouu(m). et de offi. proco(n)sul. obseruare. §. vlti. et p. regulas nemo plus iure de regu. iuli. vi.

Item vß dem merck wie schwer die eygenschafft zů beweysen sey / darumb ist der rat des rechten das geschriben steet. Das spricht. ff. de rei vendi. l. is qui. Wölcher will ein habe vordern / der sol vor sich erfarn ob er im der selben habe den besitz vß eienr clag dir vor geschribenn steet / die man nennet interdictum / an sich bringen möge / wan(n) es ist gar weyt im besser / er besitz vnnd werd damit sein widersach besitzt vnd er sie vordert. Also magstu formieren dein clag.

Herr richter ich clag eüch von .N. wiewol das ist das die wise alda gelegen einhalb stoßt sie an den gemeynen weg / anderhalb stoßt sie an Hannsen Petern (et)c. mein ist / yedoch der genant .N. hat sie inngehalten vnd besessen / innhelt sie vnd besitzt die nutzung die darauß kom(m)en seind hat er genossen / vnd geneüßt sie noch in diser zeyt / vnnd widert sich der wisen mit der nutzung dauon yngenom(m)en wider zů geben. Bitt ich eüch die sach zů erfarn souil vnd genůg ist / vnd (et)c. erkennen das die genant wisen mein geweßt sey / vnd noch mein sey

(122) Das LIIII Blat

vnd das sie der genant .N. vnbillichen gehalten hab / vnnd noch innhelt / das er schuldig sey mir die genannten wisen mitt der nutzung damit entpfangen wider zů geben / zwingt in dartzů mit zymlichen penen.

Item du solt mercke(n) wan(n) du vmb die habe kriegst / so sol die habe bestympt werden ob sie ein acker oder ein weingart sey / vorderst du aber grosse habe / solt du sagen was es sey / goldt oder sylber / vnnd dartzů das gewicht / wo aber ein grundt gefordert würt / sol der eygen namen genennet werden / vnd dartzů die nechsten zwen gründt / vnd wo es not ist / sol der grundt dem richter vnd deine(n) widersachen getzeygt werden.

ff. co(u)i. diui. l. fundo. de simo. licet. ff. de rei vend. ex diuerso. §. j.

Item du solt bitten das der richter erkenne das die habe dein sey / wann der richter ist schuldig vnd sol erkennen nach dem er gebetten würt vnd nit weyter wann wo er weyter oder ferrer erkennet dann von im gebetten ist / so ist das selb krafftloß vnd vnbündig. ff.d e rei ven. qui restituere. Vnd wann der richter erkennt das das mein sey / so sol er auch damit erkennen das mirs mein widersach wider sol geben / vnd wo es darnach not würt er sol in dartzů zwingen mit zymlichen penen. Es were ein cleine hilff das einer ein vrteyl behielte / wan(n) in der richter nit handthaben wolt / so er doch das schuldig ist zů thůn / vnd sein auch macht hat / vnnd das steet geschribenn. ff. de iur. §. iuris dictio. Den den der gerichts zwang erlaubt on die der gerichts zwang nit volendet mag werden.

ff. c. non solum

Item in der widergebung der habe / soll angesehen werden der schade. Die widerbringu(n)g sol geschehe(n) vo(n) de(m) ders besitzt / hastu vier hilff wid(er) in. Antwed(er) die habe sol im mit gewapneter handt genom(m)en werde(n) wiltu / od(er) er sol dir verdampt werde(n) in souil du schwörst im rechte(n) dz ist so du als vil lieber ma(n)geln wöllest / was die habe wert sey (et)c. oder dz er dir verdampt werd in souil als du schwörest im rechten. ad interesse. das ist was dir sollichs widergeben schaden bringt / besitzt er aber nit / so gebüren dir allein die drey hilff / vn(d) die erst nit.

Item merck / in diser clag kommen auch die frücht der nutzung / wan(n) aber die nutzung der frucht mancherley ist vnderscheid vnd auch der kostung darumb geschehen vnd ansehunge.

Fructus naturales

Merck am ersten dz d(ie) frücht etlich heissen naturales. natürlich / als öpffel / bieren / keeß / die von natur kommen.

Industriales

Die andern industriales / wiewol sie von natur kom(m)en / so můß doch d(er) fleyß vnd die sorg des menschen dartzů kom(m)en vnd geschehen / als se getes / das gesehet ist / wann sollichs kommet vß dem ackergang / die milch / har vnd woll / kompt vß sorg der arbeit.

Fructus p(re)cepti

Item etlich frücht sein entpfanngen als das vom erdtrych geteylt sein oder in scheüwren beschlossen.

Qui percipi potuerunt

Ite(m) etlich sol man erst entpfahe(n) vn(d) dz in zwen weg / antwed(er) sie möchte(n) entpfange(n) werde(n) / daru(m)b dz sie nit zering ware(n) / möchten sie yngenom(m)en werden.

Consumpti Extantes

Item etlich sein vertzert als so sie nymmer sein / etlich sein noch vorhanden / vnd der stehen etlich noch / als das getreyde / etlich hangen als öpffel vnd biere(n).

Possessio cu(m) titulo

Item der besitzer / etlich die besitzen mit Titel / etlich in gůttem glauben / etlich in bösem glaube(n). Daru(m)b soltu mercke(n) / dz kein besitzer vn(d) ob er gůts glaubens wer nit die natürliche(n) frucht sein eyge(n) ist / er hab titel od(er) nit. ff. de vsuca. l. sic. Darum(b) sein sie noch vorhande(n) / werde(n) sie ve(n)diciert vn(d) geford(er)t / vn(d) mag d(er) clager anspreche(n).

(123) Der Erst Teyl

vn(d) er ist die natürlich frucht die noch vorhande(n) sein vß meiner habe die mein sein auch schuldig zů geben (et)c. wo er es aber vertzert hette in gůttem glauben möchten sie mit diser clag nit vordern / wan(n) er hat ir nit (et)c. ff. si cer. pe. si me. Auch ist er nit arglistigklich vom besitz kom(m)en / du magst sie aber vordern mit der clage genant co(n)ditio sine causa / als was sie wert gewesen sein / wan(n) d(er) besitzer ist souil vß deiner habe reycher worde(n) / wan(n) er müst souil vßgeben haben / vmb souil frucht (et)c. Industriales / das sein die frücht die mit fleyß gearbeit vnd sorg kom(m)en / sein eins yegklichen gůt glaubigen besitzers / er besitze mit Titel oder nit / das ist die meynung aller rechten gelerten.

C. e. certu(m) est. §. bona

Item wie wol sie sein seind sie vorhanden mögen sie gefordert werdenn / nit mit diser clag / sunder von des richters ampt / wann sie sein des ynnemers als von bauwes wegen / er ist sie aber schuldig wider zů geben. insti. de offi. iudi. §. illoq. au(c)t. Was aber sollicher frucht wegen / er ist sie aber schuldig wider zů geben. ff. de vs. qui scit bo. fi. Was aber sollicher frucht vertzert weren / er ist nitt schuldig. Gůtter glaube gebürt sich allein im anfang.

ff. c. solum. §. me cum

Item besitzt er in bösem glauben vnd on Titel / ist er schuldig wider zů geben die vertzerten conditione sine causa / die noch vorhande(n) sein mit dieser clag nit als die habe gefordert were mit sunderlicher clag / vff die eygenschafft was vß meiner habe kompt ist mein.

vt instit. de offi. iud(ex). §. et si in re(m).

Item die frucht die der recht besitzer genommen möchte haben / werden von des richters ampt gefordert.

C. c. l. fundum

Item besitzt er aber mit einem Titel / er ist nit schuldig wider zů gebenn die vertzerten frucht / conditione sine causa / die noch vorhanden sein / mit der clag von der eygenschafft von dem d(er) recht besitzer möchte yngenom(m)en haben / würt er entschuldiget von Titels wegen. ff. de his qui in frau. cred. ait. §. per hanc. On in diser wan(n) er verkaufft hat von eine(m) den er weißt der verkaufft hat in vntreüw seiner glaubiger.

ff. q. me. cau. l. ss et partus.

Item wo er kaufft von einm der getzwungen verkaufft hat.

C. de agri. cen. (et)c. colo. que(m)admodum. et in aute(m). de no(n) alie. aut p. mu. §. si q(ui)s igit(ur)

Item wan(n) er verkaufft hat wider die gebott oder geschriben recht / wann als dan(n) sol ein yegklicher sollicher / für ein bösen glaubigen gehalten werden.

Deßgleychen wo er laßt die zeytigen frucht verderb(e)n. Vnd vmb der frucht willen magstu zů der vorgeschriben clage setzen / das der besitzer gůt glaubig ist / vnd wann nun die natürlichen frucht die noch nit gegenwertig oder vorhanden seind mein seind vnd etlich natürlich frücht / als öpffel vnd bieren / die er vß meiner habe yngenommen hat / on vrsach der genant besitzer vertzeichent / vnd ist reycher worden in zehen schilling.

Item wann er nun die frucht industriales / das sein die mitt fleyß vnd arbeit die noch vorhanden sein / vnd all die frucht yngenom(m)en vor dem contestieren des kriegs mir schuldig ist wider zů geben vo(n) eüwers ampts wegen. Bitt ich eüch (et)c. erkennen das der genant besitzer mir schuldig sey alle frucht nach der bestätigung des krieges / oder nach dem vnd der krieg contestiert ist worden / yngenom(m)en hat wider zů geben / vnd das er mirs gebe (et)c.

Ist er aber böß Titels besitzer / also ist kein frucht sein / darumb ist es deßgeleychen natürlichen vnd die mit arbeit (et)c. wider zů geben vnnd auch die yngenom(m)en habe schuldig. Hettest du die habe selb besessen als obstat / so magstu also sprechen vnd hintzů setzen. Wan(n) nun der genant .N. in bösem glauben

(124) Das LV Blat

den grundt besitzt / darauß kompt das die gegenwertigen frücht auß meiner habe entpfangen mein seind.

Item wo er frucht hat auß meiner habe entpfangen vertzert / hat er nit auß keinen rechten die vertzert.

Possessio sine titulo

Item so er on Titel besitzt / so ist er schuldig mir dise frucht die ich yngenommen möcht haben wider zů geben. Darumb bitt ich eüch das ir dem genante(n) P. mir in den yngenom(m)en früchte(n) vn(d) dauon die ich yngenom(m)en möcht haben verdam(m)ent. Ist er aber bößglaubiger besitzer mit einem Titel / so würt er entschuldiget von den früchten die yngenom(m)en solten sein worden vo dir / so due selbs besessen hettest / vnd darumb so soltu sie nit vordern als obstat.

Item in dem obgeschriben libel steet nicht gesatzt die vrsach vß was vrsach die habe dein sey / es můß nicht von nöten sein / du magst aber wol die sach setzen im libel / dan(n) wan(n) der cläger setzt ein vrsach / vnd verleürt vß der selben vrsach / er mag vß einer andern vrsach hernach die selben habe wider vordern / wo er aber kein vrsach setzt so mag er die habe hernach nym(m)er vordern / wan(n) er hat alle sein gerechtigkeit fürbracht / vn(d) wiewol du kein vrsach setzst in deiner clag / so du vmb die habe kriegest / so můß dir antweder durch bekennung der beweysung geoffenbart werden / vß was vrsach dir der habe eygenschafft zů geteylt můß werden / vnd můß deren eine sein die obgeschriben steet. C. de rei ve(n). is q(ui). Darumb so rette das recht. Vnd spricht also / der / der in seinem gemüt gedenckt die habe zů vordern / soll vor betrachten ob er yendert mitt einem interdict den besitz zů im bringen möge / wann es ist im weyt besser er besitz vnd zwinge sein widersachen zů der bürgen der beweysung / wann das ers thůn můß.

Item also hastu wo zů die vorgeschriben clage nütz sein / wann sich gebür also vil arbeit nicht als in der.

De vsufructu.

Von dem nutz der habe.

Vrsusfructus

Vsufructus würt von der eygenschafft vnderweylen gescheiden / vnd das geschicht in manig weg / als so einer eim schafft vsufructum / vnd widerumb so ich dir schaff des grundes eygenschafft / allein der dem geschafft ist / hatt die blossen eygenschafft oder der erb hat vsufructum.

Item es mag einer vsufructum dem andern schaffen / wo aber einer ein testament wider einen vsufructuarium constituiert / der soll es mit gedinge das ist in latein pactionibus vnd stipulationibus thůn.

ff. c. l. vi. §. j.

Item der richter mag auch constituieren vsufructum in der clag von dem erbe zů teylen / in der genannten habe zů teyln wo der richter einem die eygenschafft vnd dem andern den nutz zů vrteylet.

Item es würt auch zwyschen den lebendigen vsufructus co(n)stituiert. Nym war der / der der gantzen habe herr ist / mag die blossen eygenschafft in wölche(m) Titel vnd er wil transferieren vnd in einen andern giessen / vnnd im den nutz

L

(125) Der Erst Teyl

behalten. C. d(e) dona. l. q(ui)sq(ui)s. Als so einer geyt einem ein acker / ein wisen / oder hauß / oder gült (et)c. vnd behelt im den nutz das er mag thůn.

C. d(e) bo. q(ui) libe. in potes. pa. consti. l. ante penul.

Item vß dem gewalt des rechten würt vsufructus constituiert dem vatter in der habe seines kindes das in seines vatters gewalt ist / die in latein aduenticia heissen / vo(n) dem du hernach hast in der clag vom kauffer. Sollichs mag auch in andern vil puncten geschehen. Nym war die můtter die iren sun erbt mit seinen brüdern / die hat in der vätterlichen lieb allein den nutz.

in auten. de secu(n)dis nup. col. iiij. §. ne q(u)equam

Item die fraw die nach dem iar ein andern mann nympt / alles das sie genom(m)en hat von dem vorigen man(n) / hat allein den nutz / vnd die eygenschafft würt den kinden behalte(n). Auff das aber die eygenschafft so gar alle zeyt nit vnnütz werden / so allwegen der nutz vonn der eygenschafft komme / hat sollichs dem rechtsetzer wolgefallen / das vsufructus in etliche weg verlesche / vnd wider zů der eyenschafft komme.

Item vsufructus würt nit allein constituiert vnd gemacht vß eim grund vnd in heüsern / sunder auch in eygen leüten vnd thieren / auch in andern farende(n) vnd ligende(n) habe(n) / vßgenom(m)en die haben die mit vn(d) in de(m) gebrauch verzert werde(n) / wan(n) die selben habe / nehmen / weder vß natürlicher vernunfft noch vß de(m) rechte(n) vsumfructu(m) / als ist getreyde / wein / öl / vnd cleider / zů den ist gar nahent getzelt gelt / wan(n) dise ding durch emssigen gebrauch vergeen sie.

Vsusfructus ex tinguitur

Item der vsumfructum hat / mag sein recht einem andern verkauffen / vn(d) vmb sunst günnen über den willen des herren des die eygenschafft ist / dz ius personale die selbe gerechtigkeit an im bleyb / wan(n) es geyt allein in solche(n) verkauffen macht die frucht zů nyessen / also vergeet der nutz darnach vß seiner person / er mag keine(m) frembde(n) sein gerechtigkeit geb(e)n / also das er ius personale nit habe / vnd also wann er sollichs thůt / verlescht vsufructus vnd kompt wider zů der eygenschafft / mag ers geben in wölchen Titel vnd das er wil.

Item vsufructus nympt ein ende so der fructuarius das ist der der sein nutz hat / stirbt / oder so er in ein Insel oder wasser oder wilde gesendt würt / oder so im die statt verbotten würt / vnd alle sein habe consistiert oder gemeyn geteylt würt / vnd mag sichs mit nicht gebrauche(n) in der form vnd zeyt wie recht ist / dz ist inn .x. iaren wider den gegenwertigen. ff. c. l. an vsusfructus. Wo aber vsufructus geschafft oder geben were einer statt / so gebüren hundert iar den nutz zů verlieren.

Item vsufructus nympt ein ende wann vsufructuarius dem herren der eygenschafft entweychet / vnd im vsumfructum wider geyt.

Item wo das zymmer verbrennet oder in eim erdtbidem oder sunst verfiel / verlescht auch vsufructus.

insti. de vsufruc. p. totu(m). et presertim. §. fi.

Item vsufructus hat ein ende so vsufructuarius kompt wider zů der eygenschafft / vnd von der selben zeyt hebt der herr der eygenschafft an vollen gewalt zů haben wider zů der habe.

de vsufruc. et habitatio(n)e. et in. ff. d(e) vsufruc. et que(m) admodu(m) q(ui)s vtatur fruatur. et d(e) fructu accrescendo. et de vsufru. ea re q(ui) vsu consum. et vsufruc. q(ui)d et caucat

Item in wölcher habe vsufructus der nutz constituieret mag werden / vnd wie groß die nutzung sein mag / ist alles des vsufructuarij / yedoch mag er getzwungen werden das er recht bauwe. Er mag auch was nottürfftig ist wider des herren willen der eygenschafft bessern. Er můß auch gilt vnd tribut bezalen. Er mag auch getzwungen werden das er die heüser vnd scheüwren vff sein kosten decken laß / vnd was du hierin(n) nit vindest / Sůch.

(126) Das LVI Blat

De publiciana.

So du die habe vordern wilt als dein eygen die dir worden ist von dem der der habe nit herr gewesen ist.

Als du oben geschriben vindest wie so schwere die eygenschafft were vn(d) sey zů beweysen / ist erfunden ein andere clag Publiciana genannt / in der solliche schwere beweysung nicht gebürt / vnd doch die habe gefordert würt.

In diser clag wil ich setzen vier libel / wann die materie ist gar schwer / wan(n) einer besitzt ein habe die dir zůgehört antweder auß vrsach der morgengabe / am todtbeth gesatzt / vß kauffen / oder vß einem Titel genommen vn(d) mit gůttem glaubenn / das du glaubt hast / also das die habe des gebers sey gewesen / wiewol er in warheit der habe nit herr ist gewesen / du magst die habe mitt diser clag nit vordern.

Das erst libel geet wo du vß contract die habe vorderst als (et)c.

Libellus ex contractu

Herr richter ich clag eüch vonn .N. der besitzt vnbillichen das hauß alda gelegen / an einem ende .N. am andern .R. am dritten ist ein gemeyne straß / (et)c. das selb hauß gehört mir zů / oder ist mein / wann ich hab es in gůttem gelauben von .T. kaufft / vnd ist in gůttem glauben von im genommen / vnnd hat auch im kauff im glaubt das er herr der habe sey / wiewol es nit gewesenn ist. Bitt ich eüch die sachen erfarn souil vnd gnůg ist / vnd (et)c. erkennen das ich ein rechte vrsach hab das genant hauß zů vordern / vnd das der genannt .N. mit schuldig sey / vnd das er mirs gebe (et)c.

Item vnnd als er in bösem glauben das hauß besitzet vnd kein Titel hat / vß dem zů brieffen oder offenbar sey / vnd ist das er die nutzung vff dem hauß yngenom(m)en on vrsach vertzert hat. Bitt (et)c. erkennen das der genannt .N. die nutzung des hauß entpfangen vertzert / vnd die noch vorhanden sein / die ich schätz .x. pfundt / vnd die ich entpfangen / het ich das hauß besessen mir zů geben schuldig sey / vn(d) dz er mirs gebe zwingt (et)c. Also magstu die nutzu(n)g vordern mit sollicher vnderscheid als du nechst in der vorgeschriben clag hast.

Das ander libel wo vß vrsach des behalten vrteyls / die habe gefordert würt.

Formier also dein clage.

Libellus ex re iudicato

Herr richter ich clag eüch als ich den .N. grundt alda gelegen der mein ist darumb das ich in als das mein gefordert hab vonn .T. vor .N. richter (et)c. der selb richter erkant das der genant grundt mein wer / vnnd verdampt den genanten .T. das er mir den genanten grundt solt wider gebenn / der selbig .T. vß vrsach des behalten oder vergangen vrteyls hat mir den genanten grundt geben / vnd wann .R. den genanttn grundt besitzt vnbillichen. Bitt (et)c. erkennen das ich ein rechte vrsach hab zů vordern den genanten grundt / vnnd das er mir in geben sol / vnd das ers thů zwingt in.

Item du möchtest aber hintzů setzen von der nutzung wie obstat.

Item in diser clag steet nit das der geber nit herr gewesen sey / wan(n) es můß in diser clag nit sein (et)c.

Libellus ex iure iurando

Das dritt libel wo vß vrsach des geschwornen eyds in gericht die habe gegeben were / clag also.

Herr richter (et)c. der .N. grundt alda gelegen gehört mir zů. Wann als ich

L ij

(127) Der Erst Teyl

den genanten grund vordert von .T. als mein eyen / vor .N. dem richter / der selbig .T. gab mirs vff meinen eyd / schwür ich vff meinen eyd bey gott das er mein were. Als er mir es heim gab also schwür ich / vn(d) also vß gewalt meins geschwornen eyds / ward mir der grundt gegeben / vnd als in nun .T. besitzet (et)c. Bitt (et)c. erkennet (et)c. procedier fürter wie obstat.

insti. d(e) act. §. ite(m) si q(ui)s postulante

In disem libel ist nit not zů setzen das du die habe genom(m)en hast / dann du glaubst er wer herr der habe / dan(n) es ist gnůg das dir die hab gegeben ist worden. Der richter sol auch nit anders forschen dan(n) ob er geschworn hab / vn(d) ime die habe auß gewalt seines geschwornen eydes gegeben worden sey. Das wort gewalt laut in latein ex auctoritate in disem libel.

Libellus ex testamento

Das vierd libel kompt vß dem letsten willen / als so ein habe .T. in gůtem glauben hat besessen on Titel / der selb .T. hat ein Testament gemacht / vnd in dem selben Testament .T. zů einem erben gesatzt / vnnd hat nun gebotten das er mir sein erbe wider geb / der selb hat mir das .T. erbe mundtlichen wider geben / das mag sein. ff. ad sena. co(n)sul. trebel. insti. et. l. facta recte. ff. de pub. l. cum sponius. §. j. Vnd so also das erbe widergeben ist das .T. besessen hat / mag ich das selb erbe vordern mit der clag / wiewol ich den besitz noch nit begriffen habe.

In disem casus formier also dein clage.

Ex fidei co(m)misso

Herr richter ich sag vnd sprich das der .M. grundt mein ist / darum das .T. den selben grunndt besessen hat / vnd der selb grundt ist in der zeyt seins sterbens in seinem erbe gefunden worden / der genant .T. hat ein Testament gemacht / vnd hat .P. zů einem erben gesatzt / vnd in gebette(n) das er mir das erbe mundtlich wider geben sol / vnd als .P. den selben grundt wider recht besitzt. Bitt (et)c. erkennen das ich den genanten grundt billichen vorder / oder das ich ein rechte vrsach hab den selben grundt zů vordern / vnnd das er in mir wider geben sol / zwingt in dartzů (et)c.

Item aber magst du vordern die nutzung.

vti dicta. l. facta

Item in disem libel ist nit not zů sprechen das ich den besitz der habe begriffen hab / wann die mundtlich gebung geschehen ist / thůt als vil als ob die habe übergeben ist oder were.

ff. p. here. ff. l. pe.

Item so ich hab ein gůten glauben vnd glaub auch das die habe sey des erben der gestorben ist / hab ich dem Titel genant pro herede. ff. de pub. q(u)eu(m)q(ui)s. So es müglich ist als ob mir die habe gegeben sey / vnd hab einen gůttn glauben vnd den Titel als ein erb / darumb hab ich ein billich vrsach die habe zů vordern / vn(d) gebürt mit dise clag. ff. p. here. l. ij. io. de pla.nosco. Wan(n) ich aber sein natürlicher erb wer / so hett ich den Titel nit.

De recissoria.

So dir dein habe prescribiert ist worden in deinem abwesen von gemeynen nutz wegen.

Wann dein habe ist vsucapta / vel prescripta / oder prescribiert vonn einem besitzer / so du nit bist anheimsch gewesen von gemeinem nutz wegen / oder zů schůl vmb lernung willen / oder vmb kauffmanschatz / oder von nottürfftiger sach willen als so du gefangen bist gewesen / die mögen die selben habe erkobern

(128) Das LVII Blat

als ob sie nit prescribiert were. insti. de act. §. rursus. Wo aber einer mit freyem willenn nit anheimsch were / dem würt die selbhilff vnd clag nit geben.

ff. ex q(ue). cau. ma. xxv. an. resti. l. ij.

Ite(m) dise materie ist schwer daru(m)b frag die gelerte(n) in disen dinge(n) wan(n) solcher obgeschribe(n) casus bedarff ein eyge(n) libel vn(d) clag / ich will nur eins setzen also.

Herr richter ich sprich wie das .T. den .N. grundt alda gelege(n) (et)c. der mein ist / hat acht iar mit einem Titel besessen in meiner gegenwertigkeit / darumb můst ich vonn gemeynes nutz wegen in der .N. sach hinweg zwey iare / der genant .T. hatt den selben meinen grundt prescribiert. Bitt ich eüch die sach zů erfaren souil vnd gnůg ist / vnd mich durch eüwer vrteyl restituieren vnd die zeyt der prescribierung die in meinem abwesen vergangen ist als die zwey iar wolt von dannen thůn vnd abschneyden / wan(n) sollichs geschicht vnd die selb zeyt von dannen gethan / so würt offenbar oder erscheinen das ich des genante(n) grunds eygenschafft vordern mag / als dan(n) bitt ich eüch dar ir so ir mich restituiert habt / den genanten .T. zwingt (et)c. dz er mir den selben grund wid(er) gebe.

Item du magst aber die nutzung nit vordern / als du hast hieruor von der eygenschafft geschriben sůch in Rofredo von diser vorderung vnd clage.

De confessoria et negatoria.

Von dienstbarkeit vnd wasser.

In disem Titel magst du am ersten mercken / das ein grundt oder bodem dem andern dient / vnd die selben gründt haben zwen namen. Rustica predia. Etlich heissen rustice / das seind veldgründt. Vrbana. Die andern vrbane / das seind die heüser vnnd wonung / in dörffern / weyiern / märckten / vnnd stetten / vnnd die dienstbarkeit heißt rustica / das ist veldisch die dem veldtgrundt sollen.

Item das seind die recht der stetgründt / höher zů bauwen / vn(d) damit thůn sie schaden dem nachgebauwrn an seinem liecht / oder nit höher zů bauwen.

Item den trauff zů kere(n) in dz tach od(er) scheüwr deins nechste(n) / od(er) nit zů kere(n).

Item plancke(n) sparre(n) (et)c. in deines nechste(n) zym(m)er verbauwe(n) vn(d) wid(er) dannen zů thůn / fürschopff zů machen über dein grundt / vn(d) ander deßgleychen.

Ite(m) vnder disen so ist dz die dienstbarkeit / das die vß gesicht nit gesatzt werde.

Item das gegeben werde die vß gesicht.

ff. de serui. vr. p.

Item das das liecht geben werde / vnd wan(n) man sol mir das liecht geben / so sol ich auch den hymel sehen / vnd sol er mir antweder sein hauß gantz od(er) eins teyls dannen thůn / vff das das ich liecht entpfahe in mein hauß von im. Vnd wan(n) ich den hymel nit mag gesehen durch deines bauwes willen dz du gebauwen hast / od(er) eins baums alda gewachsen / bistu mir schuldig dan(n)en zů thůn wan(n) der baum mag also wachsen / das er mir am liecht schaden mag.

ff. de serui. vrb. l. luminum. et. l. si actorem

Item wo der baum oder das zym(m)er irret den sonnen schein / der ist mir schuldig der mir den sonnen schein irrt / das er nit in mein hauß möge / vnnd ich bedarff der sonnen schein.

vt in predicto ti. et. l. si arbore(m). §. interdictum

Item merck / nit allein mitt bauwe(n) würt das liecht gehindert / sunder auch mitt abbrechen. Als wo der schein geyt liecht in mein zymmer. Als geschriben steet in dem bůch der Künig. Machabcorp. Die sonn hat geschinen inn die gulden schilt das sollichs in die berg widerschein.

L iij

(129) Der Erst Teyl

Jura rusticoru(m) prediorum

Item der veldt grundt recht seind dise. Iter fůß pfad / actus gebrauch / via weg / aqueductus wasser zů füren / aque haustus wasser zů schöpffen / pecoris ad aquam appulsus das vihe zům wasser das ist zů der trenck zů treybe(n) / ius pascendi das vihe vff die weid zů treybenn / calcis coquende kalck zů brennen / arene fodiende sandt zů graben.

Iter. insti. de serui. rusti. pre. §. ij.

Item Iter der fůßpfadt ist ein recht zů geen / zů wandeln de(n) menschen / der mensch gee allein / oder reyt vff einem thier / aber er mag kein thier allein treyben / oder karren oder schlitten füren / der allein den fůßpfadt hat.

Actus. insti. c. §. iij.

Actus der gebrauch / ist das einer hat zů treyben vnd zů füren thier / karren vnd schlitten / also wölcher den pfadt hatt / hat den gebrauch nit / aber wölcher den brauch hat / hat den pfadt / wan(n) er mag on die thier da geen.

Via

Via der weg ist so einer geen / brauche(n) vn(d) wa(n)deln mag vff des and(er)n gru(n)d.

ff. de serui. rusti. pre. l. sella(m). §. j.

Item es ist in etlichen stetten vnderscheidt vnder dem brauch / vnnd vnder dem weg. Wann wölcher den weg hat / hat gewalt zů füren stein / balcken vn(d) eben stangen / das dem der gebrauche(n) sol nit verhenget würd / wan(n) die frucht möchte beschediget werden.

de serui. rusti. p(re)di. l. vie. et. l. certe. §. atitudo. et. l. via. constitui.

Item wan(n) die weyte oder die enge des wegs nit geschriben ist / da die dienstbarkeit gesatzt ist worden / so ist doch sollichs im rechtenn gesatzt / als acht füeß schůch in die schlicht / vnd sechtzehen in die krüm(m)e.

Aqueductus. ff. d(e) serui. predi. l. j. §. aqueducto.

Aqueductus wasser zů füren ist / so du wasser magst füren durch ein and(er)n grundt / es sey durch hültzen rören / oder wie solliches durch einen haffner gemacht were / doch nit mit gehauwen stein / auch nit mit roren die de(m) herren des grundes den wasserfluß dester böser machen / mitt sollichen roren legen mag doch der dienend grundt von natur geschedigt werden / als vom regenn das wasser wechßt in dem fluß oder das vß andern erkern zůfleüßt.

Item diß verstee in dem wasser das gefunden ist.

vt in predicto ti. l. labeo

Ite(m) ma(n) mag dir die die(n)stbarkeit gebe(n) dz du dz wasser sůchst vn(d) gefunde(n) werde wan(n) ee dz zym(m)er gemacht wirt / mag dienstbarkeit gegebe(n) vn(d) gesetzt werde(n).

vt in predicto ti. l. ij.

Item das wasser zů füren / mag geben vnd günnet werden eim vnd mer / vnd zů etlichen tagen vnd nachten / durch ein fluß oder mer.

Haustus aque. ff. de serui. vr. p(re). laij. §. vlti.

Haustus aque wasser schöpffen / ist ein recht das wasser zů schöpffenn vß eim galbrunnen / oder deins nachgebauwrn brunnen / vnnd wo dir das recht offenlich gegünt würt / ist dir damit gegünnet der fůßpfadt zům brunnen / vn(d) ist dir schweygent vergünnet auch der brunnen zů schöpffen.

Pecoris appulsus

Pecoris ad aqua(m) appulsus / d(e) vihet reyb zů de(m) wasser ist / so du dz recht dein vihe über eins and(er)n grund zům bru(n)nen od(er) zům wasser zů treyben hast.

Ite(m) es mag also sein dz ich keine(n) and(er)n nutz vff meine(n) gru(n)d hab / dan(n) allein die weid / vn(d) also můß ich meine ochsen so ich mit zů acker gangen bin / vff des and(er)n gru(n)de vm(b) wassers wille(n) od(er) der weid halbe(n) trybe(n) / sie da zů trencke(n) od(er) speysen / also mag mir gerechtigkeit gebe(n) werde(n) dz ich mag in eine(n) frembde(n) grund kalck brennen / sandt grabe(n) vn(d) erde / dz daruß geschirr gemacht werde / heüser bauwen / vnd anders gezym(m)ert werde / dartzů dan(n) sollichs nottürfftig ist.

Merck / dise würt rechte gerechtigkeit vnd dienstbarkeit / eins als das ander in disen beiden clagen.

Merck / dise dienstbarkeit werden gemacht vnnd constituiert von dem der

(130) Das LVIII Blat

herr des grunds ist / vn(d) wo mer sein der herre(n) / so sollen sy alle iren willen daryn geben / wo aber nur allein einer die dienstbarkeit constituiert vnd verhenget on die andere / ist sollich günnen vernicht. Aber der der sollichs gegünnet hat der mag de(m) richter verbiette(n) / er můß in dz gegünnet recht brauche(n) lassen.

ff. de serui. rusti. p(re). l. q(ue) sella. §. vlt.

Ite(m) es gebürt sich in den veldtgründe(n) / dz sie eina(n)der also nahe(n)t sein solle(n) / dz kein gru(n)d zwysche(n) in sey / vnd(er) de(m) grund d(er) do dienet / vn(d) dem de(m) gedienet wirt. Es wer dan(n) das dz mittel veld wer ein solichs dz ich mich frey gebe / als ob es mir kein dienstbarkeit thůn solt / vn(d) es wer ein gemeyner weg / oder ein gemeyne / vnd durch sollichen mein gebrauch geschehen nyemandt kein schad / der alda gieng vnd wandelt oder wer mein eygen / oder deßgleychen.

Item merck / wann dir gebürt dienstbarkeit durch meinen grundt das ein sollichs ist nur eine dienstbarkeit / vnd nit plures oder vil.

Item wo aber damit oder da zwyschen ist ein grundt / d(er) nicht dient / so wirt dienstbarkeit gehindert / nit das sie nit sey / sunder allein das sich der d(er) sie hatt nicht gebrauchen mag durch das verbietten des mitteln grundes herren. Vrbana p(re)dia. In vrbanis / das ist in stettgründen / gebürt sich nit soliche nähe / sunder das eins dem andern schaden mög bringen.

ff. de serui. vr. p(re). si edes me ea tu. Seruitutes acquiruntur

Item die dienstbarkeit werden gesatzt vnd gemacht pactionibus / mit kauffung / vnd sunst günnung / vnd werden auch geschafft im Testament.

insti. c. §. vlti. ff. de serui. vr. p(re). l. iumentum

Ite(m) mit wille(n) d(er) parthey werden sie gemacht / vn(d) nit mit wider einer parthey wille(n).

ff. q(ue)n serui. amit. sed locus. §. vlt.

Item nota das recht spricht / so der gemeyn weg vom wasser oder sunst zerbrochen ist / můß der nechst weg geben.

Item du überkom(m)est dz du gewynnest dienstbarkeit durch so lang gewonheit / d(er) gedächtnüß nit im mensche(n) ist .x.xx.xxx. od(er) .xl. iar / es wer dan(n) dienstbarkeit die do het continua(m) causas / dz ist flyssig vrsach on vnd(er)laß. ff. de serui. vr p(re). sed si inter. Also ist die dienstbarkeit den sparre(n) in dein wand zů setze(n) / höher nit zů bawe(n) / wasser zů füren on vnd(er)laß / daru(m)b so hastu in disem titel auch vo(n) wasser insund(er)heit / deß glychen ist in der dienstbarkeit des trauffs / wiewol das doch alwege(n) ir tropfft doch vß natürlicher vrsach wann das doch das wasser vonn dem hymel empfacht so tropfft es / darumb so würt es ewig geschätzt.

ff. q(ue)n serui. a seruitute

Item in disem casus gewynnen wir die dienstbarkeit in zehen iarenn zwyschen den gegenwertige(n) dan(n) anheben zům rechten / wan(n) einer anhebt sich der dienstbarkeit zů gebrauchen / nit mit gewalt / nit heimlich / nit mit gunst.

Item in den dienstbarkeiten die intermission on vnnderlaß haben wir / wie wol sie mit langer zeyt nit gewunnen werden. ff. d(e) aq(ui) plu. arce(m). l. j. §. vlti. Wo aber einer vß einem Titel spricht / im gebüre dise gerechtigkeit / vnd mag sollichs mit zeügen vnd instrumenten beweysen / doch in einer fürdernüß seins willens wo er beweyßt das er solcher dienstbarkeit sich gebraucht habe mit wissen des herren des grundes / vnd hat sollichs nit widersprochen / zehen oder zweintzig iar / versicht man sich im gebüre vß dem Titel vnd vrsach die er fürgeben hat.

Amittuntur autem seruitutes.

Die dienstbarkeit werden verloren / wann dein grundt meinem dient / vnd ich in kauff od(er) sunst würd deines grundes herr / od(er) du würdest meines grundes herr / harumb verleürst du die dienstbarkeit.

L iiij

(131) Der Erst Teyl

ff. q(ue)n. serui. amit. si sic. et. l. vlti.

Item du verleürst die dienstbarkeit so du dich d(er) dienstbarkeit nit brauchst in .x. iarn vnd(er) den gege(n)wertige(n) / vn(d) in .xx. iarn vnd(er) den nit gege(n)wertigen / wo and(er)s die dienstbarkeit gesatzt ist die nit hat interualla temporu(m) / vnderlaß die zeyt / vn(d) ob sie vnderlaß hat d(en) tag od(er) nacht / als vnderweyle(n) einer hat gerechtigkeit zů füre(n) dz wasser am andern od(er) am dritten tag / od(er) nacht / od(er) noch kürtzer wo aber die dienstbarkeit hat vnderlaß die iare od(er) monat / so verleürt man sie in zwyfacher zeyt / als in .xx. iaren vnder dem gegenwertigen / vnd .xl. vnder nit heimschen. Vnd das an den veldtgründen ist. Es ist nicht genůg dz ichs nit brauch / sunder es můß sein das mich der zů der dienstbarkeit irre.

Item die dienstbarkeit werden auch verloren mit verhengen / als so du nit bist schuldig die dienstbarkeit nit höher zů bauwen / vnd ich verhenge dir das du nit höher bauwest.

Item so du mir mein trauff in de(m) hoff lassest geen vn(d) ich verhenge dir das.

Item so du nit solt lassen durch dein grundt / vnnd ich verheng dir aldar / da ich geen sol / das du etwas da selbst bauwest / oder sunst machest / wann ich mag dir gebenn die dienstbarkeit vff meinem grundt allenthalben / oder nur an einem ende / vnd wan(n) ein bestym(m)et ende günnet würt vom herrn des grundes / so dienet allein das selb / wo aber der grund dienen sol / so sol doch der der die dienstbarkeit nit hat darumb durch das mittel des weingarten geen / vnd wan(n) er ein mal gangen ist / so mag er die erwölten teyl nit enderen.

ff. c. si cui. (et)c. d(e) serui. rusti. p(re). si. via et q(ue)n serui. amit. l. non satis

Item wo aber eyge(n)tlich verhenget wer dienstbarkeit / durch ein yegklich teyl des grunds zů geen vnd wandeln / so mag er wol den erwölten teyl wandeln.

Confessoria

Also magst du formieren dein clag die in latein heißt confessoria / so du gehindert würst deiner dienstbarkeit zů brauchen.

Herr richter ich clag eüch von .R. der besitzt den grund alda gelege(n) / durch den selben grund gebürt mir die dienstbarkeit des wegs oder des fůßpfads / od(er) ich hab recht über den selbe(n) grundt / gebürt mir die dienstbarkeit des wegs od(er) fůßpfads / od(er) ich hab recht über den selbe(n) grund zů geen od(er) zů fare(n) zů de(m) wein garte(n) alda gelege(n) (et)c. setze wie die dienstbarkeit dir gebüre / vn(d) wan(n) nun der genant .R. mich nit geen od(er) fare(n) laßt durch den genante(n) grund zů meine(m) gru(n)d Bitt (et)c. erke(n)nen dz ich vff den genante(n) grund hab die dienstbarkeit des wegs / oder des pfads / vnd das er sol leyden das ich gee oder fare über den genanten grund / vnnd das er mir auch sicherheit thůn sol / das er weder sein erben mich hinfür nit mer irren noch dz verbiette(n) sollen / an d(er) genanten dienstbarkeit.

Merck / du magst auch bitten dein interesse / dz ist schaden den du sollichs verbiette(n)s genom(m)en hast / vn(d) nympst biß das dz vrteyl geen würt / vn(d) magst also hintzů setze(n) / vn(d) bitt eüch herr darumb zů erke(n)nen dz er mir in bösem glaube(n) verbeüt / od(er) mich irret dz ich nit über den genante(n) gru(n)dt geen vn(d) fare(n) mag / od(er) dar / vn(d) sollichs schadt mir .x. pfunt / dz er mich biß her geirret hat / dz ir erken(n)t dz er mir die .x. pfunt bezale(n) sol vn(d) auch was er mir biß hin vff dz entdlich vrteyl schaden würt auch betzalen sol / vnd das er solichs alles thů / zwingt in (et)c.

ff. si serui. ven. loci. §. in p(o)sessoria

Merck / du magst dein schaden vordern an der nutzung statt / die sich inn andern clagen gebürt.

(132) Das LIX Blat

ff. si serui. vendi. hoq(ue). §. et lege.

Item der richter sol auch erkennen / das er dir gewißheit thů / das dir kein irrung hinfür geschehe.

ff. si serui. ven. sicut. §. sz si q(u)ric(e). extra de simo. licet helv.

Item er sol auch erke(n)nen dz du sollich dienstbarkeit habst. Sollich möcht der richter sunst nit thůn / es were dan(n) sunderlich gebetten worden vnd gefordert / wan(n) nach dem vnnd gebetten würt / sol der richter das vrteyl geben. Er mag auch nit weyter erkennen dann gebetten würt.

ff. co(u)i predi. l. vt fundus. Confessoria

Item es ist not zů setzen in diser clage so du vmb dienstbarkeit clagen wilt / das du setzst das .R. den grundt besitzt (et)c. wann es gebürt sich dise clag in latein Confessoria genant wider ein yegklichen der dich hindert zů geen / zů fare(n) oder sunst brauch die dienstbarkeit vff dem grundt vff dem dir dann dienstbarkeit gebürt. ff. si vsufructus pe. §. vtru(m) aute(m). Wann es ist genůg ob du also sprechest.

Herr richter ich clag eüch das mir vff dem grundt alda gelegen (et)c. gebürt die dienstbarkeit zů geen / zů faren / mein vihe zů treyben (et)c. zů dem wasser / od(er) vff die .N. mein wisen alda gelegen (et)c. So aber nun der genant .R. mich irret / das ich nit geen / faren / oder mein vihe treyben mag (et)c. wan(n) er hat ein graben oder zaun gemacht / setz wie du gehindert werdest (et)c. Bitt (et)c. erkennen (et)c. wie obstat / wilt du aber clagen vmb nutzung / das ist vsufructus / das ist ein dienstbarkeit die allein der person gebürt / wann dir gebürt dise clag vmb vsufructum / sprich also.

Herr richter ich clag eüch von .R. der besitzt von .N. grundt alda gelegen .N. in de(m) selben grund gebürt mir die dienstbarkeit vsufructus d(er) nutzung der frucht die do wechßt / vn(d) wan(n) nun d(er) genant .R. mich des gefaßte(n) grunds / es sey wise od(er) acker nutzu(n)g (et)c. nit gebrauchen laßt. Bitt (et)c. erke(n)nen dz d(er) vsufructus nutz des genanten grunds mir zůgehöre / vnd das der genant .R. sol leyden das ich den genanten nutz brauch nd nyessen möge / vnd mir sicherheit thůn sol / das er mich hinfür nit irre noch hindern sol / vnd darumb als er drey vergangen iare mich wider recht gehindert vnnd geirret hat / das ich den nutz des genanten grunds nit nyessen vnd mich sein nit brauchen mocht / vnnd er hat die selben frucht yngenom(m)en die ich schätz .x. pfundt wert / das er mir auch die selben yngenom(m)en frücht vnd nutz / oder iren wert / die genanten .x. pfundt auch sol wider geben vnd betzalen / das er das alles thů / zwingt in (et)c.

Item du solt mercken was der clager beweysen oder fürgeben můß in seine(n) artickeln / wan(n) er mag also setzen. Ich sag als .N. ist gewesen einherr des .N. do constituiert er mir die dienstbarkeit des wegs / oder (et)c. durch den genanten grundt zů meinem grundt.

Item durch sein leyden das er leid das ich durch den genante(n) grund gieng hat er mich in besitz gefürt / es heißt nahet besitz / wan(n) sollich gerechtigkeit seind nit corporales / sie mögen nit an gerürt noch griffen werden.

Item d(er) grund vo(n) des wege(n) mir dise dienstbarkeit ist constituiert worde(n) / od(er) ist gewesen mein / zů d(er) zeyt als mir dise dienstbarkeit constituiert ward / wer er aber nit dein gewesen / sunder eins and(er)n / setz darnach den artickel / du magst des grunds herr sein / er sey dein eygen od(er) dein erb / oder du seyst superficiarius oder vasallus / oder habst in gekaufft / also hoffstu du werdest schier oder bald herr / wan(n) ee dir der besitz nit gegeben würt / so magstu dem kaufften grund die dienstbarkeit vflegen vnd machen wie du magst / vnd also setzen.

(133) Der Erst Teyl

ff. co(n). pre. l. fi.

Item ich sag das mir der genant nutz am todtbeth ist geschafft worden von dem .N. der des grunds herr ist gewesen / wan(n) sollichs mag gesein als du obe(n) hast im Titel von dem nutz der habe.

ff. si serui. vendi. si quis

Item ich sag das ich .x. iar in deiner gegenwertigkeit oder .xx. iar so du nit gege(n)wertig im landt bist gewesen hab ich mich diser dienstbarkeit gebraucht nit mit gewalt / nit heimlich / nit mit gunst / wan(n) also das gewisen würt / so gebürt dir dise dienstbarkeit / wan(n) die dienstbarkeit die do hat on vnd(er)laß vrsach die mag so in vil iare(n) prescribiert werde(n) / auch on Titel. Der als du oben hast in den dienstbarkeite(n) die do nit habe(n) on vnd(er)laß vrsach / die magstu also setze(n).

ff. de aqua plu. ar. l. j. in fi.

Ich sag das ich vnnd mein vorfarn haben vns gebraucht sollicher dienstbarkeit / nit mit gewalt / nit heimlich / nit mit gunst / als lang zeyt / vnd lenger dan(n) in gedächtnüß der menschen ist. Wann aber einer sich dienstbarkeit gebraucht vff dem grundt der im nit gebürt / vnd so du im mit recht wören wöllest / dz er sich d(er) dienstbarkeit nit brauchen solt / wan(n) wo er im besitz des dienstbarkeit were / vnd du hinderst in / vnd last in nit fridlich seinen besitz gebrauchen / vnd beraubst in also seins besitz / er möcht dich beclagen vmb den besitz allein / dann werstu im den schuldig wider zů geben / vnd villycht mit der peen der constitution. si quis intantum. von der du hernach hast. Darumb ist besser du clagest wider in dise clag in latein negatoria genant / vnd sprich also.

Libellus in negatoria

Herr richter ich clag eüch von .R. vnd sprich / dz ich bin ein herr des grundes .N. alda gelegen über den selben grundt braucht sich der genant .R. der dienstbarkeit des weges / oder des fůßpfadts (et)c. zů eim wein garten alda gelegen. So aber nun de(m) genante(n) .R. die dienstbarkeit des wegs nit gebürt durch mein grundt .N. (et)c. Bitt (et)c. erkennen das mein grundt frey sey von der genanten dienstbarkeit / vn(d) verbiettent de(m) genanten .R. das er hinfür nit mer durch mein grundt gee oder fare / vnd das er mir auch sicherheit thů / das er nit mer dardurch geen oder faren wöll / vnd bitt in auch mir in .x. pfundt verdamnen wan(n) souil schadt es mir das er durch meinen grundt gangen ist. Also magst du dein artickel setzen / ist das ich dir solt die dienstbarkeit / so hastu mich mitt gedinge der ledig gesagt / vnd geding sollent gehalten werden.

ff. qua(n)do serui. amit. l. parte(m). §. si fundi

Item .x. oder .xx. iare hast du dich diser dienstbarkeit nit gebraucht / darumb hab ich freyheit wider dich prescribiert / vnd ist mit deim nit brauche(n) verlorn / so sich einer der dienstbarkeit nitt braucht / wiewol er nit hatt gewißt / das im die dienstbarkeit gebürt hat. ff. de vi. et vi. ar. si plures. §. j. Wol wo du durch die macht deines wid(er)sachen dich der dienstbarkeit nit gebraucht hast / wiewol sie nach ordenu(n)g der rechten verloren heißt / sie solt dir wider geben werden.

Auch merck / dz ein vnderscheid ist vnder den dienstbarkeite(n) der stet gründ vnd veldtgründt / die freyheit wider die dienstbarkeit zů prescribieren / wan(n) in dienstbarkeit der veldtgründt bedarff der der prescribiert nichts thůn. Aber in stettgründt dienstbarkeit ist es anders / als du sollichs sichst in der dienstbarkeit der sparrn in dein wandt zů setzen / wann der der freyheit wil prescribieren der můß die löcher vermachen / vnd der mag also sein artickel setze(n) wider den du dise clag fürest.

ff. de serui. vr. p(re)dio. hec au(c)t. iura

Item ich sag das die löcher in de(m) mein sparren waren sein noch offen / wan(n) du hast sie nit zů gemacht / wann wo es also wer / wiewol er sich der dienstbarkeit

(134) Das LX Blat

nit gebraucht het in d(er) zeyt die dan(n) gesetzt ist / die dienstbarkeit zů verliesen / er hat die dienstbarkeit nit verlorn.

C. de pba. si possessor

Item merck / das in diser clag můß ich nit beweysenn das mein grundt frey sey / wann es ist ein yegklicher grundt am ersten frey / daru(m)b versicht man sich er sey noch frey / vnnd würd auch für frey gehalten / er werd dann dienstbarkeit beweysen. Ich můß aber beweysen das er mein sey / darumb das ich gesprochen hab er sey mein / wann der můß beweysen der do spricht es sey (et)c. Vnd das ist ein besunders / wann wiewol ich besitz so můß ich dannocht beweysenn das ich herr sey / darumb das ich gesprochen hab in meiner clag.

ff. de vsuca. sem. nomine

Item wiewol er herr sol sein / der die clag füre(n) wil / yedoch gebürt sie auch de(m) der gekaufft hat vo(n) dem der nit herr der habe ist gewesen / sie gebürt auch dem glauber / wann er besitzt zů aller widerwertigkeit.

ff. si ager vecti. l. j. ij. et. iij. et. ff. de superfi. l. j.

Item dem emphiteota / superficiario / vasallo / vnd eim yeglichen der recht zů dem grundt hat / gebürt dise clag vtilis in latein.

Also sol der richter sein vrteyl sprech(e)n / ich verdam(m)e .N. das er .S. sol lassen geen vnnd faren durch seind grundt / oder das er die wandt wider mach das sie das zymmer vnd bürd in tragen mög / vnd das er sicherheit thů / das er hinfür in nit irren wöl / weder durch sich selbs noch durch sein erben / vn(d) das er auch hinfür die wandt machen werd / vnd das er im zehen pfundt für sein schaden geben soll / wann souil schadt sollichs verbietten dem genanten .S. diß vrteyl gebürt sich in der ersten clag confessoria genannt. Also sol der richter sprechen in der andern clag genant negatoria. Ich verdam(m) .R. das er sich .S. grundt oder das er nichts bauwe / oder leg auff die wandt / oder das er im ein gewißheit oder sicherheit thů / das er hinfür in nit irren oder hinder mit geen oder mit faren durch sein grundt / oder nit bauwen vff sein wandt / vnnd sol im dartzů geben .x. pfundt für sein schaden / wann souil hat es im geschadt das er sich sollichs gebraucht hat durch sein grundt / vnd das einer in disen dreyen puncten verdampt sol werden / in beiden clagen spricht das recht. ff. si serui. ven. l. haru(m) et. l. egi. et. l. loci corpus. §. in confessoria (et)c. was du nit vindest in diser materie sůchin Rofredo. e. ti.

De pre iudiciali in rem p quam queritur: an aliquis sit filius in potestate patris.

Insti. de pa. po.

So der vatter sein kindt / der apt sein münch / der lehenherr sein lehenman vnd der burgermeister sein burger in sein gewalt will vordern. ff. de his q(ui) sui vl‘ alie. iuris su(n)t. l. Mit diser clag vordert einer sein sun oder tochter in sein gewalt.

Item. (et)c. l. filius

Am ersten gebürt sich das du ein eeweyb hast.

Insti. q(ue). mo. ius. pa. po. sol. et. C. de eman. l. vlt‘

Am andern das vß der selben frawen der sun geborn sey.

ff. si a paren. q(ui)s manumis. fuerit. l. j.

Am dritten / das du den selben sun vß dem vätterlichen gewalt nit gelassen habst / vnd das geschicht vnderweylen mit willen. Vnderweylen vßnotturfft ob du in zů sünden gehalten vnd gemüssigt hest. ff. de condi. et. demon. si cui. Oder so du in eim testament ettwas geschäffts genommen hetst / darumb das du in auß deinem gewalt soltest lassen.

ff. de his q(ui) sui vl‘ alie. iuris sunt

Am vierde(n) dz du ein sollicher seyst dz du kind in deim gewalt mögst mache(n).

(135) Der Erst Teyl

insti. de adop. §. maior.

Am fünfften / das du im in souil iaren vor geest / das er dein sun mag sein / wann es wer ein gespöt solt der sun elter sein dann der vatter.

ff. qui sui vel alieni iuris sunst. l. fi.

Am sechsten / das du von deim weyb nit seyst gewesen / wann so du von deinem weyb bist gewesen vnnd nun kompst / vnd vindest ein kindt eins iars alt von deiner frawen geborn / das selb kindt ist dein nit / noch in deinem gewalt.

Septimo mense nalci p(re)fectum puerum

Item merck / es mag ein fraw von natur in dem sybende(n) monat nach dem vnd sie von dem mann beschlossen worden ist / ein natürlich kindt geberen / vn(d) das selb kindt mag lang leben.

Item auch im achten vnd neündten monat / aber die selb(e)n kindt möge(n) nit lang leben / fürter in dem zehenden so mögen die selben kindt lang leben.

Item darumb sprechen die recht in dem obgemelten Titel / das man glauben sol / das die kindt wie obstat recht eekindt sein / wann man mag sollichs nit beweysen / vnd ist vnmüglich zů beweysen / das der des oder des sun sey / wann zů sollichen wercken nympt man kein zeügen.

Item wo aber der man(n) so alt wer / oder ein solliche kranckheit het / das er zů etlichen wercken nit geschickt wer / wiewol sein fraw bey im wonende ein kindt gebere / sollichs wer nit sein / das hastu clärlich in de(m) nechsten obgeschribe(n) titel.

Vn(n)ica p(re)tas. Patria. Judicialis

Item merck / es sein drey gewalt / der ein heißt Dominica / der herren über ir eygen menschen / der annder Patria / der vatter über sein eelich kindt / der dritt gewalt / Judicialis / gerichts gewalt.

Lebenmann ist schuldig seinem herren

Item mitt dieser clage mag vordern der vatter das kindt / der burgermeister sein burger / der apt sein münch / der lehenherr sein lehenman(n) / dz er im vnderthänig vnnd willig sey zů thůn das / das er im schuldig sey zů thůn / als zů im in ein here zů ziehen / zů hilff zů kommen / so der herr ein landt will kauffen / den herrn vß gefencknüß zů lösen.

hec habentur in li. feudorus et in spec. ti. d(e) feudis. §. q(ue)m et nota.

Item zů steüwer zů kommen / so er ritter will werde(n) / oder sein töchter zů der ee wil geben.

Item das ein lehenherr seim lehenman(n) als vil pflichtig ist / et econuerso.

Der herr seim lehe(n) man schuldig.

Item merck / das der lehen herr seim lehen mann als vil pflichtig ist als der lehen man(n) dem herrn / vn(d) als der lehen man(n) so er sunst sein lehen verleürt / also verleürt auch der lehenherr sein eygenschafft am lehen. Als du sollichs in li. feudoru(m) in vil capiteln vindest / vnd sunderlich im capitel ex facto / das sagt wan(n) der herr sein eyge(n)schafft verleürt. Auch hastu etlich ander weg durch die der herr sein eyge(n)schafft verleürt vsserhalb des lehenbůchs. Als so d(er) herr thůt wider die constitution / si quis intantum / vnd vil ander geschriben recht.

Item es verleürt der herr etliche gerechtigkeit / die im der lehen man(n) von lehens wegen pflichtig wer zů thůn / dz macht dz lang herkom(m)en so einer nichts mer gethan hat seinem lehen herren / dan(n) das ers vom lehen herren empfacht so weder er noch sein vorfarn zům herrn nye in kein here kom(m)en were / vnnd in andern sachen die er dem lehen herrn schuldig ist / vnd so sollichs der herr nottürfftig wer gewesen / vnd ander sein lehenman(n) sollichs von im ermant seind der herr hat in aber zů sollichem nye gefordert / vnd in sollichen puncten so prescribiert der lehen man sollichs wider den herrn / das der lehen man im sollichs nymmer pflichtig ist zů thůn. in speculatore titulo de feudis. Als du das vnd mer vindest in Speculatore titulo de feudis. in libro feudor. Ob aber die eygenschafft al weg dem lehen man heim falle / oder

(136) Das LXI Blat

so der lehen man dz lehen verleürt / ob das lehen dem herren allweg heimfalle oder dem erben / sůch im lehen bůch.

vt. iiij. q. iij. §. ite(m) in criminali

Item der lehen man ist seim herrn nit schuldig wid(er) ein yegklichen zů helffen. Vnd besunder nit wider sein gemeyn vnder den er wont / vnd auch wider etlich person die im zůgehören.

De vsufructu.

Von dem nutz der habe.

Vsufructus heißt nutz / vnd ist so einer recht hat sich zů brauch(e)n frembder habe / die zů nyessen on schaden des grunds oder bodems / wan(n) vsufructus ist ein recht vff dem corpus. Vnd wan(n) dz corpus nym(m)er ist / so nympt auch vsufructus ein ende / vsufructus würt von der eygenschafft vnderweylen gescheyden / vnnd das geschicht in manig weg / als einer eygenschafft vsufructum / so hat der erbe allein die eygenschafft / vnd dem geschafft ist hat vsufructu(m) / vnd widerumb so ich dir schaff des grundes eygenschafft / allein der dem geschafft ist / hat die blossen eygenschafft / aber der erbe hat vsufructum.

Item es mag einer eim vsufructum / dem andern die eygenschafft schaffen wo aber einer on Testament wil eim vsufructum constituiern / d(er) sol das mitt geding thůn / das ist in latein pactionibus vnd stipulationibus.

ff. c. l. vj. et. l. vij.

Item der richter mag auch constituieren vsufructum in der clag von dem erbe zů teylen / vnd in der clag gemeyn habe zů teylen / wo der richter eim die eygenschafft vnd dem andern den nutz vrteylt.

C. de bona. q(ui)sq(ui)s

Item auch zwyschen den lebenndigen würt auch vsufructus constituiert / nym war der Titel / er wil transferieren vnd in einander giessen / vnnd im den nutz behalten / als so einer geyt ein acker / wisen / oder hauß / oder gült (et)c. vnd behelt im den nutz das mag er thůn.

C. de bo. que li. l. ante penul.

Item vß dem gewalt des rechten würt vsufructus constituiert dem vatter in der habe seins kindes / die in latein adue(n)ticio geheissen ist / vo(n) de(m) du hernach hast in der clag kauffen. Sollichs mag auch in andern vil puncten geschehen / nymwar / die můtter die iren sun erbt mit sein brüdern / die hat in der vätterlichen habe allein den nutz.

in auten. de nuptijs. §. huic. et C. de sedis nup. l. iij.

Item die fraw die nach dem iar ein andern man(n) nympt / alles das sie gewinnen hat von dem vorigen mann / hat sie allein den nutz / vnd die eygenschafft würt den kinden behalten.

Aber das die eygenschafft alltzeyt so gar nit vnnütz werde / so allweg d(er) nutz von der eygenschafft kom(m)e / hat sollichs dem rechtsetzer wol gefallen / das vsufructus in etlich weg verlesche / vnd wider zů der eygenschafft kom(m)e.

Item vsufructus würt nit allein constituiert vnd gemacht vff ein grundt vnd in heüser / sunder auch in eygen leüten vnd thieren / auch anderen ligende(n) vnd farenden haben / vßgenom(m)en die habe die mit vnd in dem gebrauch vertzert werden / wann die selben habe nehmen sie wider vß natürlicher vernunfft / noch vß vusufructum / als ist wein / öl / getreyde / vnd cleider / vn(d) die sein gar nahendt getzelt zů gelt / wan(n) die ding durch fleyssigen gebrauch vergeen.

Item der der vsufructum hat / mag sein recht eim andern verkauffen / hinleyhen vn(d) vmb sunst günnen / über den willen des herre(n) des die eyge(n)schafft ist

M

(137) Der Erst Teyl

also dz ius personale die selbe gerechtigkeit in im bleyb / wan(n) er geyt in solichem v(f)kauffen (et)c. allein macht die frücht zů nyessen / vn(d) also v(f)geet d(er) nutz da(n)nocht vß seiner person / er mag keim frembde(n) sein gerechtigkeit gebe(n) / also das er ius personale nit habe / vn(d) wan(n) er sollichs thůt so verleürt er vsufructu(m) / vn(d) d(er) herr kompt wider zů der eygenschafft / der mags geben in wölchen Titel er will.

Vsusfructus finitur

Item vsufructus nympt ein ende so der fructuarius / das ist der d(er) den nutz hat stirbt / oder so er in ein Insel oder über wasser / oder veldt versendet würt / oder so im die statt verbotten würt / vnd alle sein habe consistiert oder gemeyn geteylt würt / vnnd mit nit gebrauche in der form vnd zeyt wie recht ist / das ist in zehen iaren vnder dem gegenwertigen / vnd zweintzig iaren vnder den nitt gegenwertigen. ff. c. l. au vsufructus. Wo aber vsufructus geschafft oder gebenn were einer statt / so gebürten hundert iare den nutz zů verlieren.

Item vsufructus nympt ein ende wann vsufructuarius dem herrenn der eygenschafft den nutz geyt / vnd widerumb wo der vsufructuarius die eygenschafft auch überkompt.

Item wo das zymmer verbrunne oder in eim erdtbidem oder sunst verfiel / verleürst auch vsufructum.

insti. de vsufruc. per totum

Item wann vsufructus ein end hat / so kompt er wider zů der eygenschafft vnd von der selben zeyt hebt der herr der eygenschafft an vollen gewalt zů haben / inn vnd zů der habe.

C. de vsufructu. et habitatione (et)c. ff. de vsufruc. et que(m)admodu(m) q(ui)s vtatur fruatur. (et)c. de vsufructu accresce(n)do. de vsufructu. ea re. que vsu psum. et vsu fruc. que(m) ad ea.

Item in wölcher habe vsufructus der nutz constituiert mag werden / vnnd wie groß die nutzung sein möge / wan(n) alles das im veldt grundt wechßt ist alles sein / yedoch so mag er getzwungen werden dz er recht bauw / er mag auch vß notturfft ist es widers herren der eygenschafft willen bessern / er můß auch gült vnnd tribut betzalen / er mag auch getzwungen werden das er die heüser vnd scheüren decken laß vff sein kosten / vnd was du hie in(n) nit vindest / sůch.

De petitione hereditatis.

Von erbe vorderung.

Es macht sich offt so einer stirbt so wil in einer erben der der nechst ist / dem gebürt dise clag. In der sich.

ff. d(e) vulga. et pupil. substi. l. ij.

Am ersten gebürt / das der todt sey / vonn des erbe tractiert würt / wann wir sollen nit sorgfeltig sein vmb des erbe der noch lebt.

C. de post li. reuer. l. nec nos

Am andern das ich sol wissen das der todt sey.

ff. d(e) peti. heredi. l. ij. et. iij.

Am dritten ich sol wissen ob er todt sey on Testament / oder ob er ein Testament gemacht hab / also das am ersten ich mag ein weg welen / vnd mag fürbaß von dem gewölten nit fallen od(er) lassen / ich were dan(n) vatter oder můtter / oder vß den kinden / biß vff den vierden grad / den selbenn schadt die obgemelt wale nit / wan(n) in ein weg felet so mögen sie den andern auch geen.

C. q(ui) testa. fa. pos. frater patruelis

Am vierden / wil ich vß dem Testament erben (et)c. das der ein sollich person gewesen sey / der do mit recht ein Testament möge machen.

ff. de here. insti. et q(ui) testa. fa. pos. lan testamento.

(Am fünfften / am sechsten) (fehlt)

Am sybenden / das ich also instituiert / sey sollichs das mir geschafft ist vähig / anders ich möchte nit zů erben gesatzt werden.

insti. de here. q(ui) ab intesia.

Am achtenn das ich sey der nechst in linea transuersali / vonn der seyten an zů rechen / in der do statt habe / die selbe linien oder das selbe glid / in der selben

(138) Das LXII Blat

linien od(er) glid der nechst / der ist auch im erben der nechste / wiewol sollichs in d(en) linien vn(d) glid die do übersteygt felt / wan(n) wölche vo(n) eim kom(m)en sie sein gleych in de(m) grad oder glid oder nit / so sollen sie gleych erben. C. de legit. here. au(c)t. poss. fratres fratru(s) qs filios. Sollichs aber felt in des brůder sun / der gleych erbt mit seim vettern den andern vettern an seins vatter statt / wiewol er mit seinem vettern nit im grad oder im glid ist.

ff. de iur. et fac. igno. l. j.

Am neünden wil ich in on Testament erben / ich sol wissen das ich d(er) nechst erb sey / anders ich würd nit zůgelassen.

C. in qui. cau. cessat lon. te(m). p(re)scrip.

Am zehenden das der d(er) das erb besitzt kein Titel hab / wan(n) wider den der mit Titel besitzt / würt dise clage. Sůch Azonem wie man das versteen sol.

C. c. ti.

Am eylfften das der mit vrsach besitz dz gantz erbe / oder ein Titel / od(er) doch das mynst teyl / er ist aber nit mer schuldig wider zů geben / dann souil vnd er besitzt / oder arglistigklich vom besitz gelassen hat.

ff. c. q(ui)d si possessor. l. vlti. et. l. no(n) tantum

Item merck / in dise clag kom(m)en auch die habe die nit des erbs sein / als die habe die zů pfandt geben sein dem todten / die der todt entlehet hat / oder im zů behalten geben sein. Wiewol das ist / das wir der entleheten vnd zů behalten gebenden habe / eygenschafft vnd besitz vns behalten. ff. c. non tantum. So aber die habe ist vnder der habe gewesen / vnd in gewalt des todten / gebürt vns clag oder exception / wiewol der gläubiger allein hat vmb die genante habe die clage / als das recht spricht. ff. de acquire(n). re. do. in bonis. Wan(n) die habe haben wir in vnserm gewalt von der wegen vns antweder clag oder exception gebürt.

Item merck / das ee dise clag verhört würt / sol der besitzer des erbs gefragt werden / in was meynung er das erbe besitz / besitzt ers dann pro herede / das ist das er spricht er sey ein erb / oder besitzt ers possessorie / das ist als ein rauber / od(er) so ers sunst in gůttem glauben besitzt / für dein clag also.

Herr richter ich clag eüch von .R. vnd das ich bin ein erb vß dem Testament / oder on Testament .C. so aber nun .R. etliche habe des erbs .C. oder etliche habe die den .C. zů versorgen zůstůnden vnd zůgestannden sein / als ein erb oder ein besitzer in gůttem glaubenn innhelt. Bitt (et)c. erkennen das er mir alles das er des erbs .C. besitzt vnd innhelt gebe.

Item alles das im zů versorgen gebürt hat das der genant .R. besitzt vnd in(n)helt oder in(n)halten würd / biß das dißvrteyl geben würt. Auch alles das das er von übelthat oder malefitz .C. schuldig gewesen ist / od(er) den erbe in souil vn(d) er auch richter worden ist / von der zeyt als im verkündt worden ist / das das erbe mir zůgehöre / auch mit allen früchten vnd nutzung die er yngenom(m)en hat vnd die nütz die ich yngenom(m)en möcht haben / nach dem verkünden sol geben vnd betzalen / vnd das er das alles thů / zwingt in (et)c.

Merck du bedarffst nit beide setzen vß de(m) Testament / oder on Testament / du můst nit mer dann ir eins setzen. Diß libel das würt declariert vnd vßgelegt durch die obgeschriben puncten.

ff. d(e) peti. heredi. si debitor

Merck dz du magst vordern die schuld die vß malefitz vn(d) übelthat kompt / mit diser clag / was aber schuld weren vß contract oder dabey / kommen in diese vorderung nit. Der schuldner sprech dann das er auch ein erb were / vnd wider den magstu also clagen.

Herr richter ich sag das ich ein erb bin .C. on Testament / dem selben .C. ist .R. schuldig gewesen vß dem .N. contract .x. pfundt. Nun will er mir die

M ij

(139) Der Erst Teyl

genanten schuld nit betzalen daru(m)b dz er sich ein erben spricht .C. Bit (et)c. erke(n)nen das er mir die genanten schuld vnd alles das / das er dem gemelten .C. schuldig gewesen ist / das erbe .C. mir zůgehöre als eim rechten erben / vnnd das er mir sol alles das widergeben / das er besitzt vnd in(n)helt des genanten erbs / vnd das er mirs auch betzalen vnd vßrichten sol / vnd das ers thů / zwingt (et)c.

Item wider den böß glaubiger besitzer etlicher habe / nenn die habe oder nit wann es můß in dieser clag nit sein .C. besitzt in der selben habe er schaden gethan hat / er ist auch dem gemelten .C. vß malefitz .N. souil schuldig gewesen so hat er auch etlich frucht des selben erbs vertzeret vnnd yn genommen. Bitt ich (et)c. erkennen das erbe .C. mir zů gehöre als eim rechten erbenn das er alles das / das er des genanten .C. erbs in(n)helt vnd besitzt oder besitzen würt biß diß vrteyl geben würt / auch alle die habe die er arglistigklich vo(n) im gelassen hat / auch was der habe minder worden ist / vnd alle die vertzerte vnd yngenommen frucht / vnnd die ich yngenom(m)en möcht haben / hette ich besessen / auch den wert des schadens den er im erbe gethan hat / den ich schätz an zehen pfunde / vnnd alles das er auß malefitz vnnd übelthat dem gemelten .C. pflichtig was / das ich alles das ein erbe vorderen mag / sol mir betzalen / vßrichten vnd körung thůn / vnd das ers thů (et)c.

insti. de perpe. et tempo. act. §. no(n) omnes autem

Merck dise wort / das ich also ein erbe vordern mag hab ich gesetzt darumb Wann etliche clage kom(m)en vß malefitz vnd gebüren de(m) erben nit / als die clag iniuriarum / vmb schmacheit / die selben werden den erben nit geben.

ff.d e peti. here. l. item veniunt. §. cum p(re)diximus.

Item die clag die auß malefitz dem erben gebüren wie obstat / gebüren allein nur einfach.

Finium regundorum.

Von marckstein zů setzen vnd vndergeend.

Darumb das die die anstossend gründe haben gar offt vneins werden / vn(d) mit einander kriegen. ff. c. l. j. (et)c. Ist gemachet dise clag mit der die partheyen gescheiden werden / als so einer des anndern grundt eins teyls yntzeücht / oder er wil in nit lassen marckstein setzen / oder hat die marckstein dannen gethan.

In diser clag gebürt sich.

ff. c. l. j. et. loci l. fini. regun.

Am ersten das der der die clage füren will sey des grundes herre / oder aber recht hab zů dem grundt / als dann seind vsufructuarius vnd der glaubiger.

ff. c. hec actio

Am andern das der grundt sey rusticum / das ist veldtgrundt. ff. de verbo. sig. vrbana. Wann die stettgründe heissend nit anstossend / sunder nahend gründe / wan(n) sie seind mit wenden vndermachet / oder vnderscheiden.

ff. c. sed si riuus.

Am dritten dz sie anstossen / also dz nicht da zwysche(n) sey / als gemeyner weg oder gemeyn wasser / wo aber ein brunne eins were / das selb schadt nicht / wan(n) ich mag mit diser clag den herren des brunnens beclagen.

Item die weyl zwyschen mir vnd dir ist ein gemeyner weg oder wasser / vn(d) ich wolt doch gern mein grundt vermarcksteint haben / wider den soll ich clagen .R. du solt zům richter geen / vnd in bitten / das er sollichs gebiette von seines ampts wegen / das dir marckstein gesetzt werden.

C. c. si constiterit

Am vierden das der der dise clag füren wil hab mitt seim eygen gewalt die ende des grunds nit occupiert / wan(n) er würt gestrafft das er nit clagen möcht.

(140) Das LXIII Blat

ff. c. licet

Am fünfften / das dein grundt sey occupiert von eim andern darumb das du die stein nit setzest / oder so die stein dannen gethan sein.

Also formier dz erst so du wilt dz die gründ vermarcksteint sein od(er) werden.

Herr richter ich clag eüch von .M. vnd sage / wie das ich vnd .N. haben an dem ende zwo wisen an eina(n)der stossen / in meiner wisen sollen sechs tagweidt sein / vnd in seiner drey tagweid / vnd wan(n) nun die wisen nit versteint sein / vn(d) darumb occupiert .N. meiner wisen zwey tagweid / vnd hat das graß od(er) hew in bösem glauben yngenom(m)en / das schätz ich für .x. pfundt. Auch hat er auff dem selben grundt etlich baum abgehauwe(n) / dich ich schätz auch für .x. pfund Bitt ich eüch die sach (et)c. erkennen das mir der genant .N. die .xx. pfundt geben sol / vnnd bitt eüch das ir die wisen sechs tagweid bleyben / mag es anders nutzlich sein / wo es aber nit nutzlich mag gesein / also das ir meinem grundt etwas von .N. grundt müssen zůgeteylt würt / heissent dem andern für ein tagweidt .xl. gulden geben / vnd wölcher eüwerm spruch nit nachkompt / also das die stein gesatzt mögen werden / was der ander sollichs schaden nympt / vnnd mit seinem eyd behelt / wölt in verdamnen.

Item das ander libel gebürt / so die marckstein sein dannen gethan / vnnd das mag in zwen weg sein / das die alten stein wider gelegt werden vnnd das man die selben stein für marckstein helt / oder das neüwe stein gesetzt werden.

In disem casus formier dein clag also.

Herr richter ich sag eüch wie das ich vnd .R. alda haben zwo wisen an ein ander stossen / vnd die selben wisen waren alda vermarcksteint / an dem ende. So aber der genannt .R. die stein dannen hat gethan / oder also. So aber die genanten marckstein sein verruckt / oder dannen gethan / vnd der genant .R. hat meiner wisen zwey tagweid yn getzogen oder occupiert / vnd darumb in bösem glauben die frucht yn genom(m)en / die schätz ich für .x. pfundt / oder also. So aber der genant .R. vmb der genante(n) marckstein willen sich mit mir zweyet / vnd wil die anwenden / oder zil / oder marckstein nit halte(n) / sunder er occupiert über die marckstein zwey tagweid / vnd hat die frucht in bösem glauben yn genom(m)en / die schätz ich an .x. pfundt. Bitt (et)c. erkennen das er mir die .x. pfundt geben sol / vnd das er die genanten zil vnd stein halten sol / oder also. Bitt (et)c. erkennen das er die genanten stein sol für marckstein halten / vnd mir .x. pfundt für die frucht die er in bösem glauben hat yngenommen geben sol (et)c. Also geschicht es offt das einer die marckstein dannen gethan hat / vnd .R. weiß nitt / oder villeycht steen die stein noch. Aber .R. leucknet das sie marckstein sein / vnd er hat meines grundes zwey tagweid yngenommen.

ff. de termino moto. l. ij.

Item wan(n) einer die marckstein mit willen vßgrebt / den mag man für gericht laden vnd sol in fünfftzig gulden dem fisco verdampt werden.

Item wann die marckstein zerstöret sein / vnnd die gründt mögen nit wol bey sollichem stein vnderscheiden werden / würt geclagt das / das die stein gesetzt werden. Also.

Herr richter ich clag eüch / das ich vnd .R. haben alda zwo wisen / der selben wisen marckstein von alter alda gewesen sein bey dem stein alda gelegen / oder stend biß in den stein alda stend / vnd fürter von dem stein in den winckel

M iij

(141) Der Erst Teyl

biß an den baum / vnd so nun der genant .R. die anwenden vn(d) stein nit halten will / sunder er überteylet mich in souil / vnd übernympt in bösem glauben die frucht die schätz ich zehen pfundt.

Item so die genante(n) gründt durch die genanten stein nit nutzlich versteint sein. Bitt (et)c. erkennen das die alten stein sollen gehalten werde(n) / vn(d) sollen die stein marckstein sein / vnd dz er mir die .x. pfundt auch schuldig sey zů gebe(n) (et)c.

Item du solt bitten vnd formieren wie es not sey.

C. si. regun. si co(n)siderit

Item wo einer dem ander seind grundt vnd ertzeügt oder vnder vecht vnnd occupiert / die weyl die sach im rechten hanget / vnd noch nit vßgesprochen ist / der würt gestrafft das er die sach verleürt / vnnd würt getzwungen souil seines grundes zů geben / souil vnd er des frembden grundes occupiert hat.

Item dise clage geen nit allein dem des der grundt eygen ist / sunder auch dem hindersessen / dem glaubiger / dem der vsufructum hat.

ff. c. l. iij. finalibus

Item mit diser clag clagt man auch das die marckstein antweder mit dem willen deren die die gründt habenn / oder mitt des willen der den grund empfembdet hat / das sie gehalten sollen werden / vnnd darumb sollen die neüw gesatzten stein / von den die sie setzen möchten gehalte(n) werden / wo aber die selben nit weren / sollen die alten gehalten werden.

ff. c. si irruptionem

Item in allen obgeschrib(e)n stucken diser clage / sol der richter (ist das not ist) die stett selbs besehen / vnd auch die vndergenger schicken vn(d) senden / es sey dz durch die menschen oder das wasser / die stein dannen gethan werden.

Item es kom(m)en auch die frücht vnd nutzung in dise clage.

ff. c. l. iiij. insti. de offi. iudi. §. co q. qs. et. §. co(n)tumacie.

Item der schaden vnd die vngehorsamkeit würt gestrafft nach des richters willenn / wo einer dem richter nit gehorsam wil sein / so er gebüet ein baum ab zů hauwen / oder das zymmer am ende zů bauwen / so ers nit dan(n)en will thůn gantz oder eins teyls.

Familie herciscunde.

Von erbe zů teylen.

So die erben wie sie genant sein das erbe wöllen teyle(n) all oder ir einer / wan(n) nyemandt sol über sein willen in gemeynschafft gehalten werden. Ist erfunden dise clage. In der sich.

Am ersten gebürt das etlich erben sein / vß Testament / oder on Testament oder sunst vß eim rechtlichen Titel.

de peti. heredi. ff. c. l. j.

Am and(er)n wan(n) einer diß clag fürt dz in die and(er)n für ein erbe(n) veriehe(n) / and(er)s de(n) selbe(n) gebürt dise clag nit sunder die obgeschribe(n) genant vo(n) de(m) erb zů vord(er)n.

ff. c. l. ij. §. vlti. et §. planc

Am dritten / das etwa anders im erb zů teyln sey wan(n) schuld / das sol man nit teylen / wann sie sein vor im rechten geteylt. Aber der richter soll yegklichem erben / der schuld / einem die / dem andern die (et)c. zů teylen.

ff. c. cetere

Am vierden das die habe die im erbe ist / sey nit bößlich gewunnen / nit gestolen / nit geraubt / nit erwůchert.

ff. c. si filia. §. fami. herciscun.

Am fünfften das dise clage nit mer dan(n) ein mal sey angefangen worden.

Am sechsten / das das erbe am ersten nit als man das Testame(n)t gemacht hat / oder durch das Testament geteylet sey / als dan(n) sol das erbe fürbaß nymmer geteylt werden / sunder es sol bey der teylung des letsten vrteyls bleyben.

(142) Das LXIIII Blat

ff. de excep. et p(re). scrip. l. j. §. ad b.

Am sybende(n) dz wider diß clag nit prescribiert sey / wan(n) wo etlich in gemeynschafft sei .xxx. iar gewese(n) / die möge(n) fürter nym(m)er zů teylu(n)g getzwunge(n) werde(n).

ff. c. fundus. et. l. heredes. §. aut ea.

Am achten das die habe also sey das sie geteylt werden mögen / wan(n) sein sie vn geteylsam als dienstbarkeit gerichtes zwang / vnnd ander gerechtigkeit / die kom(m)en in dise clag nit / wan(n) sie sollen eim erben gantz zůgeteylt werden.

Sente(n)tia no(n) debet p. pre valere

Am neünden das in dem gericht der richter absoluier / oder condemnier in die person alle. ff. c. in hoc iudicio. et. l. heredes §. iudex. Wann das vrteyl sol nit eins teyl krefftig sein vnnd eins teyls vnkrefftig. Wann der richter sol nichts vnerfaren lassen.

Also formier dein libel.

Herr richter ich sag vnd sprich das ich vnd mein brůder sollen vß dem Testament vnsers vaters / sein verlassen habe gleych erben. So nun das genant erbe zwyschen mir vnd meim brůder ist noch nit geteylt / vnd der genant .A. mein brůder mich vergicht auch einen erben. Bitt (et)c. ich eüch das ir das genant erbe teylent yegklichem sein halbteyl zů scheident / vnd wölche habe nutzlichen nit geteylt mag werde(n) vnd vnser einem zůgeteylt würt / heisset dem andern gelt darfür gebe(n) durch eüwern rechtlichen spruch (et)c. Oder also. Ich clag über .A. wan(n) er mit mir erb ist an dem erbe .T. des kinder wir seind / vnd in geerbt haben / so wil er das erbe nit mit mir teylen / oder ich kan mit im in der teylung nit eins werden. Bitt ich eüch das ir das erbe zwyschen vns teylent.

Merck / der richter sol ein oder zwen zů sollicher teylung senden.

Item ein ander libel in dem du gar vil puncten vindest.

Herr richter (et)c. ich sag vnd sprich / das ich vnd .A. mein brůder sein erben / .N. vnnsers vatters / das selb erbe .A. allein yn genommen vnnd die nutzung genossen / die schatz ich zehen pfundt.

Item der genannt .A. als er sich des erbs vnderwunden hat / ist er nit also fleyssig gewesen in der selben habe als in seiner eygen habe / vnnd hat also das erbe geschmächt / oder ist geschädiget worden in zehen pfundt.

Item .A. mein brůder als ich von meinen feynden gefangen ward / hat er mit recht .N. angewunnen .x. pfundt schuld / vnd ich hab in dem erbe vßgebe(n) .x. pfundt / als ich ließ bessern das hauß / vnd loßte das pfandt.

Item der genant .N. vnser vatter die wisen alda gelegen die er von meiner frawen in meinem namen zů morgengabe empfange(n) hat / die .x. pfund wert ist / vnd in seinem Testament hat er mir verschaffen / vnnd auch mit gůttem freyem willen gegeben / vnd wan(n) nun .A. mein brůder mich vergicht sein miterben zů sein. Bitt ich eüch das ir mir dz genant erbe halbs zůteylent / vn(d) den halben teyl der nutzu(n)g die .A. darauß empfange(n) hat / die ich schätz .x. pfundt.

Item das er den halben teyl des schadens den er im erbe gethan hatt oder versaumpt hat auch vßricht.

Item das er mir den halbteyl der zerung die ich des erbs halb gethan hab / der aller sum(m) ist zweintzig pfundt wider gebe.

Ite(m) dz er mit mir teyl den gewin(n) den er de(m) schuldner abbehalte(n) hat als ich gefange(n) wz. Bitt ich eüch dz ir das genant erbe zwysche(n) mir vn(d) .A. meine(m) brůd(er) teyle(n)t / yegliche(n) sein teyl zů teyle(n)t / vn(d) ob etwas nit nutzlich geteylt möcht werde(n) / vnd dem andern zů geteylt würde / heissent dem andern gelt darfür geben.

M iiij

(143) Der Erst Teyl

Ite(m) so ir vnser yegliche(n) vff dz glychst die erbschuld zů teyle(n) / zwinge(n)t yegliche(n) dz einer de(m) andern de(m) die schuld zůgeteylt ist / sein teyl der clag vffgebe.

Item dz die gegebe(n) habe vo(n) meine(m) vatter d(er) sein letste(n) willen in mich gesetzt hat / vnd die habe die mir von im vor geschaffen sein die er von meiner haußfrawen genom(m)en hat / zů vorauß mit vrteyl mir zůgeteylt vnd werden.

Item dz die Testame(n)t tafeln vn(d) ander brieff bey mir als bey de(n) eltern soll sein / vn(d) behalte(n) werde(n) / wan(n) ich bin bereit de(n) genante(n) .A. meine(m) brůder die instrument vnd brieff zů weysen vnd zů zeygen als offt das not sein würde.

Item das ir sollich bücher die verbotten sein zů lesen / die wir im erbe gefunden haben / heissent verbrennen / als bücher in zauberey vnnd falsch ertzney (et)c. den genanten .A. das er mir die genanten sach alle thů / als ich sie von im begert hab / mit eüwerm rechtlichen spruch zů verdamnen.

ff. fami. berci. pr(e). et. l. si filia. §. papiniano. et. l. ites labeo. §. ob rem pignori. et.l. si maritus. et. C. c. certu(m). et. l. filie.

Item merck / die habe die dem kinde geben würt vom vatter als ob ers wirdig sey / oder so der vatter in yn setzt sein letsten willenn / ist er nit schuldig den anndern brüdern oder erben mit zů teylen. Aber was er im geyt das ers hab in peculium / das ist in sunderheit hab abgescheiden von des vatters gewalt / sollichs můß er mit den andern brüdern teylen.

ff. c. cetere. §. vl. et. l. sequen. et de fide inistru. l. vlt.

Item vß dem obgeschriben libel hastu / das in diser clag gebürt sich das etlich habe geteylt sol werden / als die habe die corporales sein / etlich sollen zůgeteylt werden gantz / als die schuld (et)c. ettlich zů behalten gelegt werden als erbbrieff. Etlich sollen vor abgetzogen werden / als die morgengabe / vnd deßgeleychen. ff. c. cetere. §. mala medica me(n)ta. Etlich sollen verbren(n)t werden oder zerrissen / als böse artzney / od(er) zauberey bücher. ff. c. heredes. §. si incerto. Etlich sollen betzalt vnd widergeben werde(n) / als der teyl d(er) frucht oder teyl der expenß / das ist kostung / vnd der teyl des werts des schadens / der schaden sey geschehen mit zerstören oder zerbrechen / oder sey geschehen darum(b) das mein brůder sein willen daryn nit geben wolt / so vnnser vatter vns beide etwas geheissen het zů thůn / vnd ich wer allwegen willig gewesen sollichs zů thůn / mein brůder wolt aber mir sein willen dartzů nit geb(e)n / vnd also bin ich darumb zů recht gefordert worden / vnd sein etwas zů schaden kom(m)en / sollichen schaden mag ich auch wider vordern mit diser clage.

Item etlich sollen volendt werden / als die gebott des testators was er in seinem letsten willen gebotten vnd geheissen hat / vnnd also wölcher diser clage clagen wil der neme der puncten einen oder mer / vn(d) clag wie obstat / nach dem vnd im not sein würt.

item was du nit hie inn vindest / sůch .C. familie herciscunde (et)c.

Communi diuidundo.

Von teylung gemeyner habe.

ff. co(u)i di. l. j. et. q.

Wann du hast ein gemeyne habe mit eine(n) vß geselschafft / oder vß einer andern sach / als ob sie dir vn(d) im geschafft sein / oder in wölchen andern weg oder weyß die habe gemeyn ist / vnd du wilt von der geselschafft lassen / vnd die habe für dein teyl besitzen / gebürt dir dise clag. ff. de condi. inde bi. si no(n) forte. §. indebitum. Wan(n) als nyemandt über sein willen getzwungen würt in gemeynsamkeit oder geselschafft zů kommen. C. d(e) fami. herciscun. iudi. l. vlti. Also würt nyemandt über sein willen in geselschafft vnd gemeynschafft gehalten.

ff. c. l. j.

Am ersten gebürt sich das die habe gemeyn sey.

(144) Das LXV Blat

ff. c. p. b. iudicius

Am andern das die habe die zů teylen seind seyen corporales. insti. de re. incor. C. sa. hereis. ea q(ue). Wan(n) die habe die nit corporales sein / als schuld / dienstbarkeit oder gerechtigkeit. ff. c. arbores. §. si per eadem. Seindt mit recht yetzundt geteylt / also das sie nit kom(m)en zů teylen / sunder zů vrteylen. Doch mag man vnderweyle(n) gerechtigkeit mit de(n) brauch / oder mit d(er) zeyt teyle(n).

ff. c. p. b. iudicius

Am dritten das die habe nit sey vniuersitas / das ist ein gemeyn.

ff. c. p. b. iudicius

Am vierden / das du der habe eygenschafft habst. ff. c. co(u)i di. §. qui in rem publi. §. si debitor. et. §. si duo. Oder das du sunst recht zů der habe habst / wan(n) ir habt die habe kaufft vo(n) dem der d(er) habe nit herre ist gewesen. In de(n) casus gebürt inen die clag publiciana / od(er) so sie glaubiger sein.

ff. c. co(u)i di. §. cus de vsufructu

Item wo zwen sein die die nutzung haben / mögen dise clag auch thůn / also das yeder ein teyl des grunds brauch oder nyeß / vnd der ander dz ander teyl. ff. c. co(u)i di. §. inter. et. §. neqs. Die andern die aber kein recht zů der habe habenn / mögen dise clag nit thůn als die die nit von recht wegen die habe besitzen / als rauber / dieb (et)c.

Am fünfften / das prescriptio nit statt habe / oder ein geding gemacht sey / od(er) das die habe also sey / das sie von not wegen nit geteylt solt werden.

ff. c. co(u)i diui.

Am sechsten / das mein widersach bekenne das die habe eins teyls mein sey.

ff. c. vt fundus

Am sybenden / das dise clag geschehe vmb gemeyn habe / wann wil ich clagen vmb gemeyn habe / vnd nit gemeyn ist / als ob das die gemeyn habe were / ich mags nit vordern / auch mag sollichs der wilkürt richter den d(er) richter senden würt zů teylen die gemeyn habe nit erkennen.

ff. c. si quis putas in princi. et. l. in summa

Item in diser clag würt angesehen vnd gefordert die nutzu(n)g in der gemeynen habe empfangen / auch die expenß das ist kostung vn(d) der schade(n) gethan arglistigklich oder mit grossem vnfleyß.

Herr richter ich clag eüch von .N. vn(d) sprich / als wir habe(n) alda ein gemeyn hauß / in dem selben hauß hat der genant .N. sollichen schaden gethan / wann die wandt (et)c. hat er arglistigklich / oder mit grossem vnfleyß verfallen lassen / ist sie zerbrochen / den selben schaden schätz ich an .x. pfundt.

Item der genant .R. hat das hauß allein gehabt / vnd ist nit anders darin(n) gewont dann in seim eygen hauß / durch sein liederlicheit hat er das vngedeckt gelassen / vnd also hat das hauß schaden genom(m)en in .x. pfundt.

Item der genant .N. hat allein die nutzung vß dem hauß yngenommen die schätzt ich auch zehen pfundt.

Item in dem selben hauß hab ich verbauwet zehen pfundt.

Item der genant .N. wil über mein widersprechen in dem genanten hauß ein badtstuben machen oder hat yetzundt angehebt zů machen. Oder also.

Item der genant .N. hat in meine(n) widersprechen / oder on meine(n) wissen in dem selben haußstuben / oder badtstuben gemacht / vnd wan(n) nun der genant .N. beken(n)t das dz genant hauß mein vnd sein gemeyn sey / vorder ich den halben teyl des schadens / den er mit seine(m) zerbrechen od(er) versaumung gethan hat.

Ite(m) dz er mir den halb(e)n teyl d(er) nutzu(n)g die er vß de(m) hauß genom(m)en hat gebe.

Item das er mir den halbenn teyl der expenß / das ist kostung die ich in der habe verbauwen hab / der summe ist .xxx. pfundt / widergebe.

Item das er vonn dem genannten bauwe den er in dem hauß wil machen lassen / vnnd das / das er gemacht hat / auff sein eygen kostung vnd expenß sol abbrechen / vnd mit mein schaden den ich schätz zehen pfundt / wann souil schadt es mir das die stuben daryn getzymmert sey mir gebe. Bitt ich eüch (et)c.

(145) Der Erst Teyl

das ir das genant hauß zwyschen mir vnd dem genanten .N. teylent / vnnser yegklichem ein halbe(n) teyl / mag es aber nit nutzlich gesein / so vrteylt vnser eim das gantz hauß zů / vnd verdampt den dem das hauß zů geteylt ist / dem andern in sein summe gelts zů geben vnd zů betzalen / vnnd zwingt den genanten .N. zů allem dem das ich ob gebetten hab.

Item merck / in der gemeynen habe ist das wesenn / oder der gewalt des der verbeüt mechtiger vnd grösser dann des andern.

Item wann den glaubigern ist in einer gemeyn ein habe zů geurteylt. Formier also dein clage.

Herr richter ich clag eüch vnd sprich / das das hauß alda gelege(n) / ist mir vn(d) .R. vmb .x. pfundt in gemeyn verpfandt / vn(d) wan(n) nun der genant beken(n)t / dz das hauß mir vnd im verpfandt sey in gemeyn / vnd ich wil von der gemeynschafft lassen. Bitt ich eüch das ir einen vnder vns pfandßgnossen mit eüwerem rechtlichen spruch zů vrteylt in dem genanten hauß / vn(d) den dem pfands recht zů gesprochen würt / dem andern sein schuld zů geben / darumb er dan(n) pfands recht in dem hauß gehabt hat verdamnet / an gesehen das das pfandt besser ist dann die schuld geschätzt mag werden.

ff. co(u)i diui. l. c. §. si duo. et. §. incertos

Item wo aber dz pfandt also vil nit wert were / so solt der dem dan(n) dz hauß zůgeteylt würt / nit verdampt werden die gantzen schuld de(m) andern zů betzalen / sunder er würt nur allein verdampt in dem als es warlichen wert were.

Item merck / ist einer in der teylung des erbs od(er) der habe / so die teylung vsserhalb des gerichts geschehen über das halbteyl rechts werts betrogen / mag er dise clag füren.

Herr richter ich clag eüch über .R. als das erb vß dem Testament oder on Testament mir vnd .R. gefallen ist / vnd ich vnd der genant .R. haben vns des erbs vnderwunden vnd vsserhalb des gerichts geteylt / vnd wan(n) ich aber in der teylung bin betrogen worden über das halbteyl rechts werts / wann das halbteyl erbs das mir der genant .R. die .ix. pfundt die mir außsteen / auff das dz ich gleychen wert meines teyls hab sol gebe(n) / wo er aber sollichs nit thůn wolt. Bitt ich eüch das ir das genant erbe zwyschen mir vnd im mit vrteyl teylent / yegklichem sein halbteyl zůsprechen.

Item deßgleychen magst du auch clagen bist du betrogen worden im teylen von gemeynschafft wegen.

Item in der clag steet nemlich das die teylung vsserhalb des gerichts geschehen sey / wann were sie in gericht / das ist von des richters heissen so er etwan einem dartzů geben hette geschehen / möchtest du nit clagen / wann dir widerstünde die exceptio rei iudicare / das die sach geurteylt were.

Item daru(m)b ist er dir schuldig dz dir vßsteet zů erfülle(n) / vn(d) wolt er dz nit thůn dz als dan(n) die teylu(n)g geschehe / wan(n) im .R. sol die wale gebe(n) werde(n) / ob er wöl erfüllen den rechten wert / oder ob er wölte das wider geteylt werden.

De actione ex stipulatu.

So einer dem andern etwas verheißt mit der handt.

ff. si cet. pe. certi. p(re)dictio. §. j. nisi

So einer dem andern ettwas verheißt / vß was vrsach / vß wölcher pflichtung /

(146) Das LXVI Blat

vß wölchem contract / es sey gewiß od(er) vngewiß / das verheissen ist (wan[n] alles das / das der mensch thůn sol / das ist vngewiß / dann er nicht gewissers hat dan[n] den todt) gebürt dise clag / doch so ferr dz die pflichtung vn(d) obligieru(n)g sey lauter vn(d) nit vff ein nemliche(n) tag / od(er) mit geding / wan(n) vor de(m) selb(e)n tag od(er) de(m) geding gebürt dise clag nit. Also formier dein clage.

Herr richter ich clag eüch von .R. der hat mir verheissen vff mein frag / vff meim grundt alda gelegen (et)c. zů bauwen ein hauß von stein / oder von holtz / das do zwölff schůch weyt .xv. schůch lang vnd souil in der höhe sey vmb zehen pfundt / der müntz so ich im betzalt hab / vnd nun souil zeyt von der zeyt / als er mirs verheissen hat vergangen ist / das er dz genant hauß hatt machen mögen / vnd hat es doch nit gemacht. Bitt (et)c. erke(n)nen das er mir schuldig sey mein schade(n) ab zů lege(n) / den ich sollicher saumnüß nym / vn(d) dz ers thů / zwingt in dartzů mit zymlichen pene(n). ff. de iure. do. cu(m) post. §. gener. In disem libel steet bestympt das dz hauß .xij. schůch (et)c. wan(n) wo schlechts stůnd im libel ein hauß / so wer die vorderu(n)g spöttisch / wan(n) macht er ein hauß eins schůchs lang / er würt ledig getzelt.

ff. de eo q(uo)d certo loco. l. non vtiqs §. si q(ui)s insulam

Item nemlich steet vff meim grundt (et)c. wann sunst were solich verheissen für nicht so mir sollichs kein schaden brächt.

ff. de ver. obli. l. si q(ui)s cum aliter

Item nemlich steet vmb zehen pfundt (et)c. wann in sollichem verheissen sol vrsach sein / vff das / das darumb gefordert mag werden.

C. ad. l. fal. l. vlti.

Merck / nach d(er) lerer meynu(n)g so ist nit not zů setze(n) die vrsach d(er) verheissung es ist gnůg dz ich dich verclage(n) mag / als in dem verheissen ist genůg vrsach / wan(n) betzale(n) vn(d) verheissen habe(n) gleych krafft. ff. de proba. cum de indebito. Dan(n) man versicht sich nit dz yema(n)t on schuld betzale. ff. d(e) eden. l. si patronus. Daru(m)b versicht man sich auch nit / das yema(n)t dz er nit schuldig sey verheiß / vnd wan(n) nun also die vrsach der verheissunng allwege versehen würt / so ist nit not das die vrsach in der verheissung bestympt werde das aber betzalen vnd verheissen gleych sey / würt bewisen im recht bůch.

Quattuor obligationu(m) genera insti. d(e) ob. in p(e)n.

Ite(m) merck / dz vier obligieru(n)g od(er) verpflichtu(n)g seind / mit worte(n) / in brieffen / mit wille(n) / vn(d) mit d(er) habe. Vn(d) yegkliche pflichtu(n)g ist / dz man dar vß vordern mag on bestym(m)ung nemlicher vrsach. Obligatio. Wan(n) obligatio dz ist verpflichtu(n)g / ist ein band des rechten / mit de(m) wir mit not gezwunge(n) od(er) schuldig sein etwas zů thůn od(er) zů gebe(n) / nach ordenung der rhömischen rechten / oder einer stat recht.

Item die pflichtung / eine heißt allein natürlich / die ander allein rechtlich / die dritt natürlich vnd rechtlich zůsamen.

Naturalis obligatio

Item natürlich pflichtung ist die / die in im hat natürliche billicheit / vnnd vß dieser natürlichen pflichtung / verpflicht vnd obligiert sich allein der waise das ist der / der nit .xiiij. iar alt ist / vnd keinen vatter hat / on seins vormunds gewalt / so der waise damit reycher würt od(er) kein vntrew od(er) arglistigkeit trybt.

Item der vatter dem sune der in seim gewalt ist / vnd der sune dem vatter / dise personen verpflichten vnd obligiere(n) sich allein mit diser natürlichen verpflichtung / aber sie sein einander nit schuldig / wann die natürlich pflichtung ist nit krefftig zů vordern oder clagen.

Ciuil obligatio

Item die rechtlich pflichtunng ist / wann einer mitt der zierlicheit des rechten gebunden ist / aber die natürlich billicheit will nit das er schuldig od(er) pflichtig sey / als wann einer in einen brieff bekennt hat das im gewechselt sey vnnd gelühen worden ein summa gelts / vffhoffenung / das im das gelt getzelt vnd gelühen solt werden / vnd ist im doch nicht worden. Exceptio no(n) numerate pecume. Sich an das nach ordenung

(147) Der Erst Teyl

der rechten ist pflichtung geschehen / aber die natürlich billicheit will de(n) nit schuldig sein zů betzalen / das er nit hat / darumb so mag er vnder zweyen iaren sich beschirmen mit der exception das im dz gelt nit gezelt sey worde(n) / wo er aber vnder zweyen iaren diß exception nit fürbringt vn(d) opponiert / als dan(n) wil die natürlich billicheit dz ers im selbs zů zele vn(d) schätz / vnd würt pflichtig natürlich vnd rechtlich. Also sichstu das die natürlich pflichtung allein vn(d) die rechtlich allein nit togenlich vnd krefftig seind zů clagen vnd vordern.

Naturalis et ciuilis obligatio.

Item die natürlich vnd rechtlich pflichtung mag nach ordennung des rechten / sich verpflicht vn(d) obligiert / so wil die natürlich billicheit / des entschuldigt sein vnd diese pflichtung ist krefftig zů vordern vnd zů clagen.

Item der natürlichen vnd rechtlichen pflichtung ist / schaden / oder missethat / oder schmacheit oder dabey.

Obligatio ex co(n)tractu

Item die pflichtu(n)g vß de(n) co(n)tract ist / so zwen od(er) mer mit geding etwas vontrahiere(n) vnd handeln / vn(d) was vß de(m) geding vnd co(n)tract volget vn(n)kompt / als kauffen vn(d) verkauffen / hinleyhen vnd besteen / geben vnd deßgleychen (et)c.

Ex q(ue)si co(n)tractu(m)

Ite(m) vß bey / de(m) co(n)tract ist / wan(n) einer des and(er)n geschäfft sich vnderwindt on heissen des / des es ist / als die vormůnd(er) / vn(d) andere persone(n) d(er) gleyche(n) die da co(n)trahieren vn(d) handele(n) / nicht mit de(m) des geschafft sie regiere(n) / daru(m)b so sein sie nit schuldig vß dem contract / sie sein aber vß bey / dem contract schuldig.

Ex maleficio

Item vß malefitz ist / wan(n) einer dem andern stilet raubet / oder andern schaden oder schmacheit zůfügt vnd thůt / der ist pflichtig vß malefitz.

quasi maleficis.

Item vß bey malefitz ist / so einer durch sich selbs nit / sunder aber er dabey / als ist wan(n) vß eins hauß oder in dem er wonet / etwas gegossen od(er) geworffen ist / das dem andern geschadt hat / der ist pflichtig vß bey malefitz.

Re contrabitur

Item die pflichtung vnd obligierung beschehen vnd werden volbracht etwan mit d(er) habe / etwan mit worte(n) / etwan mit brieffen / etwan mit wille(n). Mit der habe würt volbracht die pflichtu(n)g im wechsel / entlehe(n) zů bezalte(n) gebe(n) / vn(d) im pfande / wan(n) vß d(er) gewechselte(n) habe / bistu mir schuldig vn(d) pflichtig d(er) selben habe gleyche(n) wid(er) zů gebe(n) / als pfenning / frucht / oder den wein den du mir leyhest / bistu mir nit schuldig wid(er) zů gebe(n) / sunder allein deßgleychen / daru(m)b heißt sollichs billicher gewechselt dan(n) gelühen / wan(n) als bald du mir ein gulde(n) leyhest / so ist der selb gulden nym(m)er dein / sunder mein / were er dein / ich were in dir schuldig wider zů geben / vnnd gebe ich dir ein andern / ich hett dich nit betzalt. Auß der entlehenten / zů behalten geben / vnd verpfandten habe / bist du mir schuldig die selben habe wider zů geben / wan(n) darumb das die habe zwyschen den contract kom(m)en ist / ist schuldig der der die habe genom(m)en hat.

Verbis p(re)trabit.

Item mit worten würt volbracht die pflichtung / durch frage / die vorgeet / vnd antwurt alltzůhandt nachuolgendt / wo aber die antwurt vorgeet d(er) frage / ist vnkrefftig die pflichtu(n)g. Also Hans fragt Anthonien / du verheist mir oder gelobst mir zů geben .T. oder zů machen das.

Item es sol gleych darauff geantwurt werden.

Literarum obligatis

Item es würt auch mit brieffen in geschrifft volnbracht die pflichtu(n)g / wan(n) einer brieff geben hat in den er beken(n)t das im gewechselt vnd gelühen sey worden zehen pfundt die im nit gelühen worde(n) sein / aber er hatt sollichs gethan in

(258) Das QXXII Blat

ein bürgen setzen / oder verheissenn wo der verclagt nit bezal das ers bezalenn wöll / vnd vo(n) dem seinen / vnd yegklicher bey einer peen / oder das er die person des verclagten antwurten wöll dem richter / vnd diß sol auch beschriben werden wie obstat.

C. de p(ro)ba. exceptionu(m). C. de excep. l. penul. Item nach dem so mag der verclagt sein exceptiones dilatorias (ist das ers hat) fürbringen in gericht / wan(n) als die selben exceptiones mögen in den clage(n) fürbracht werden. ff. ad. l. suli. de adult. si maritus §. vlti. Also auch in der verclagung. Er mag auch peremptorias exceptiones fürbringen. Spe. ti. d(e) excep. Als du sollichs vindest in Speculatore. ti. de except. §. dicto in princi. C. quo(d) et q(ue)n iu. de. sent. p(re)fer. in auten. q(ui) semel. Hat er aber kein exceptiones / vßzüge oder ynrede / so soll der krieg contestiert werden vnd de calumnia geschworen / vnd die bekentnüß des verclagten gehört werden / vnd ist es nottürfftig / so sollen beweysung von beiden partheyen gehört / vnd zymlich zeyt vnd frist dar zů geb(e)n werden / vnd all fürbringung der parthey sol gehört werden / darnach soll der richter so er mitt fleyß die warheit erfarn hat / das endtlich vrteyl geben. ff. de exhi. reis. si p(re)fessus extra de offi. se. nisi specialis. extra de simo. licet helv. Also ist er überwunde(n) oder hat solchs beken(n)t / sol er mit der rechtlichen peen gestrafft werden die rechtlich peen würst hernach hören. ij. q. iij. §. notandu(m). extra de offi. dele. c. consuluit §. fi. Also ist es das über die selben sünd ein sunderlich peen vom rechten ist gesatzt / mit der selben sol der richter straffen / sunst sol der richter nach seim willen die peen moderieren / nit auff das strengst setzen. Dar vß vnd des beclagten bekennen sol auch beschriben werden.

Questio per tormenta. Merck wann in den schwären vnnd grossen sünden die warheit nit anders erfarn mag werden / so sol sie durch pein tormenta in latein erfarenn werden. ff. d(e) q(ue)stio. l. j. (et)c. l. d(e) minore. §. tormenta. extra de depo. c. j. Vnd die selben peen sollen durch den richter menschlichen temperiert werde(n) / vnd nit nach begird des verclagers verhört werden.

ff. de q(ue)stio. l. j. §. dino. et. C. de custo. reo. l. ij. Item es schadt auch die bekennung nit die einer von forcht wegen der pein thůt / oder so er auch in der pein ist / es were dann das der so er von der pein genommen ist / in sollichem bekennen blibe. C. d(e) epis. et cleri. si quis in hoc. Wo aber die beke(n)nung geschicht on forcht oder on pein / so würt nit angesehen ob er in bekennen bleybt oder nit / sunder er würt als bald gestrafft.

ff. de. pe. absente(m). Item het der verclagt nit beken(n)t / oder het sein bewerung rechtlich bewisen / oder so der verclager nichts bewisen hett / der verclagt sol ee absoluiert werden dann das ein vnschuldiger verdamnet werde. ij. q. vlti. sciant. Wann wo der verclagt laucknet so sol solchs durch clare vnnd die aller leütst beweysung bewisen werden als du sollichs oben hast. extra de p(re)sump. literas. Vnd nit durch versehen oder arckwon / sie were(n) dan(n) violenter vngestym(m)e / vnnd in disem casus würt ein nackter bey einer nackten allein vff eim beth heimlich gefunden / das recht versicht sich sie haben einander gehelfet / grob teütsch.

C. d(e) bo. li. l. libertinu(m). C. vt o(c)esta(m) ciuiles qua(m) mi. iud(ex). l. j. Item wo der verclagt fleücht er mag verdampt werden.

Item ich halt das diß recht yetzundt nit stat hab / vnd vor vß an der herren höfen / wan(n) sie haben ein sollichen sitten / wo sie einen vahen er sey schuldig od(er) nit / will er vß dem thurn / er můß gelt geben / vnd anders meer thůn / ist er anders ein burger vnd hat zů verlieren / vnd darumb so wirt wol von inen auch gesprochen durch den propheten Esaiam. Eüwer Fürsten seind gesellen der dieb / der witwen sach vnd der waisen verhören sie nit / wo sie nit sunderlichen raub oder nutz hoffen. Es werden auch die selben verräter von den selben fürsten nit gestrafft / würt aber ein edelman od(er) ein namhafftiger rauber verclagt

Y ij

(259) Der Ander Teyl

vnd so er schon in gefencknüß kompt vnd offenbar ist sein boßheit / der wirt nit allein nit gestrafft / er würt gewonlich der atzung halber frey gesagt.

C. de aduo. di. iudi. l. j. Item wo einer eim verkündt das er mit seinem eeweyb nit rede (et)c. wie obstat sunst würt keiner vß argemwon verdampt / darumb sollen zeügen gefürt vn(d) ander rechtlich beweysung volnbracht werden / würt aber nicht wider den verclagten bewisen / so versicht man sich das in d(er) verclager bößlich hab verclagt. xv. q. vlti. c. fi. et C. de accu. l. fi. Vnd der verclagt sol absoluiert werden / wan(n) es ist darumb einer nit schuldig darumb das einer verclagt ist / sunder der der überwunden ist.

ff. de appel. non tantum. Item würt aber die sünd bewisen / vnnd der verclagt het exception / so würt er verdampt / er mag aber appelliern / er selbs oder ein ander für in / auch wid(er) seine(n) willen. Relegatio. ff. an p. ali. cause appel. red. l. j. Durch ein procurator mag er nit appelliern die appellatz nit prosequieren / es were dan(n) die peen cleyner dan das landt verbiete(n) / relegatio in latein. C. quoru(m) appel. non recipi. l. obseruare. Ist aber die sünde durch zeügen bewise(n) oder der verclagt hat es bekant in etlichen sünden mag er nit appelliern / als dotschlagen / vergifftigen / zauberey / eebrecherey (et)c.

Item wie obstat soll geschehen so der verclager vnd der verclagt den bürgen entpfahen werden / das ist das sie bürgen geben habe(n) / wo aber der verclager in gefenkniß gehalte(n) würt / so solt ouch also procediert werde(n) das er für den richter gefürt soll werden / solichs wirt vor auß in deütschen lande(n) nit gehalten / darumb will ichs nit setzen.

Item merck / das in sollichem verclage(n) macht es sich in etlich weg anders dan(n) wie ob geschriben steet / nach statuten vnd gewonheyt der lande vnd stett wann es werden in stetten nachts wechter gesatzt / wo sie dieb oder etlich ander die nach einer verbotten zeyt vnd stunde geen vinden / das sie die selbe(n) vahen / oder dem richter verkünden zů straffen. Es werde(n) ouch etlich gesetzt ein strassen zů behüten / wo sie eynen vinde(n) das er verbotten wege fert / das sey den verkünden / oder aber vahen.

Item es werden etlich bestelt zů behüten das felt / ecker / vnd wißen / das sie die zerstörer der ecker vnd rauber der frucht / vnd ouch die thierer die schaden thůn verkünden / vnd fürbringen / die selben oder irs gleychen / wan(n) etlich von irs ampts wegen fürbringen vnd verkünden / ist nit nott das sie verclage(n) / oder das sie den eyd calumnia genant schwören / sunder sie mögen schlechts verkünden / vnd sollicher irer verkündung würt geglaubt vff den eyd den sie geschworen haben / da man sie an das ampt name / vnd vß sollicher verkündu(n)g on annder beweysung der also fürbracht were / er wöret sich dann sunst rechtlich / vnd bewise sein vnschuld er würt gestrafft / wann ir sünd würt gehalten für ein gantz beweysung.

Ite(m) es würt vnderweyle(n) boßheit gethon / vn(d) steet kein verclager od(er) fürbringer vff (et)c. als dan(n) sol d(er) richter od(er) regierer d(er) selbe(n) statt / von seins ampts wegen darnach forsche(n) / wan(n) er sol heimlichen zů im berüffen die die nahet bey d(er) statt wone(n) da die missethat vn(d) sünd geschehe(n) ist / vn(d) wölcher meynt dz sie die warheit wissen / sol er die zeügknüß vo(n) in neme(n) / vn(d) so er sie genom(m)en hat / vn(d) durch sie wissen mag die / die das malefitz begangen haben / sol er die selb(e)n laden für sich / kom(m)en sie dan(n) / so sol er sicherheit vo(n) in nemen / vnd entschuldigen sie sich nit mit recht (nit verstee mit irem eyde) so sol er sie straffen.

(260) Das QXXIII Blat

Quo(d) co(n)tumacia accusatoris punia(n)t.

Wie die vngehorsamkeit des verclagers sol gestrafft werden.

iiij. q. v. q(ui)squis. et. C. de iudi. p(re)perandu(m). l. siq(ui)de(m). Nun merck was recht sey so der verclager nit gehorsam ist / nymwar / wan(n) der verclagt in de(n) vffgesatzten tag kompt / vn(d) der verclager erscheint nit / nach geistlichen rechten sol der verclager geban(n)t werde(n) / vnd sol darnach nit gehört werden / er weyse dann recht vrsach die in gehindert hab / vnd der verclagt sol absoluiert werden. C. q(ui) accu. no(n) pos. q(ui) crime(n). et. C. de iudi. p(re)perandu(m). Wann er erzürnt mer mit seim vßbleyben / wann der verclagt. Aber nach weltlichem rechten so sol er peremptorie geladen werden / das er kom(m)e vnd volfür sein verclagung / kompt er dann nit / so sol er gestrafft werden / extra ordinarie / vnd auch alle zerung die der verclagt gethon hat sol er bezalen vnd dar zů gezwungen werde(n). vt ibi. et nec va. Er würt auch nach sollichem peremptorium nymmen gehört. ff. ad. turpili. ab accusatore. §. de stitisse. Das ist in criminali / wan(n) er würt geschätzt als ob er vom verclagen gestanden sey vnd gelassen hab / darum(b) das er in dem tag im vom richter vffgesatzt den verclagten nit durchächt. ff. de p(ri)ua. l. in(n). et ij. q. iij. si qua(m). Wer aber vngehorsam ist nach dem vnd der krieg bestätiget ist / so sol er gestrafft werden mit der peen turpiliani / das ist fünff pfundt golds. Turpilianum. Wann die selb peen hat stat in gemeyn sünden. C. ad turpil. l. j. Aber in sunderlich(e)n sünden hat dise peen nit stat. ff. ad turpil. que situm. Wer er aber vngehorsam nach dem vnd er sein verclagen in das gericht gebenn het / vnnd doch ee der krieg contestiert wer vnd ist / so würt er nit mit der peen turpiliani gestrafft / wan(n) in sollichem casus mag er dauon lassen on die selben peen. Es wer dan(n) als ferr procediert worde(n) / das der verclagt das libel genom(m)en hett / vn(d) sein bürgen gebe(n) / od(er) wer in gefencknüß gehalte(n) worde(n) / so fiel er in die selbe(n) peen.

C. vt itra cer. te(m)p. cri. caus. aga. l. j. Item ist er nach dem vnd der krieg bestätiget vnn contestiert ist vngehorsam / als das er die zwey iar vßbleybt / so sol er gestrafft werden in dem vierden teyl seiner habe.

extra de iudi. at si clerici. Merck / dise peen die sol angesehen werden nach dem wesen des verclagers vnd seiner person / wann villeycht ist er arm oder reych / edel oder vnedel / darnach sol man in mit der peen einer / die im die schwerer ist straffen / vnnd nicht mit in beiden / es sol nyemandt mit zweyen penen gestrafft werden. ij. q. iij. d(e) illicito. Wann den armen ist die peen turpilia grösser dann das verliesen des vierden teyls seiner habe / aber in dem rechten widerumb ist er aber vngehorsam so das vrteyl geben sol werden / so würt er nit gestrafft / wan(n) als dan(n) so ist die sach erfarn / vnd sol das endtlich vtreyl geben werden / vnd so würt sein vngehorsamkeit gnůgsam gestrafft / wan(n) er würt nit appelliern / sein vngehorsamkeit mag als dan(n) in nichten das erkennen des richters irren vnd hindern / vnd darumb so würt er nit gestrafft / iudicio contumacie.

Quomodo puniatur contumacia rei.

Wie die vngehorsamkeit des verclagten gestrafft sol werden.

Nun merck / wie die vnngehorsamkeit des verclagten sol gestrafft werden / wann als dann der verclager sein bürgen geben hat / so sol der verclagt geladen werden in massen wie du oben hast im Titel.

Item wie in der verclagung sol procediert werden in .§.

Item merck / dz der verclagt sol gelade(n) werde(n) vn(d) dem nechsten .§. hernach.

Y iij

(261) Der Ander Teyl

ff. de requi. re. l. j. §. j. de ca(n). poss. et pprie. c. j. Item merck / er sol geladen werde(n) / wan(n) er ist nit ynheimisch / so sol er requiriert vnd nach im geforscht werden wo er sey / vnnd das haben gesatzt die zwen Keyser Seuerus vnd Anthonius / das keiner der nit ynheimisch ist soll gestrafft werden / auch leydt es nit die vernunfft der billicheit das yemandt verdampt werden so die sach nit erfarn vn(d) noch vngehört ist. ff. de requi. re. l. j. §. j. Vnd ob er in eins andern iurisdiction / vn(d) gerichts zwang ist / kompt er dan(n) nit / sollen sein habe annoriert vnd beschriben werden / vnd der richter sol also sprechen / alle habe des .N. darumb das er geladen ist vnd nit kom(m)en ist / die thů ich in die acht des Fiscals in den ban fisci / er kom(m) dann innnerhalb des iars. C. si pen. l. eius. de ap. preterea. Es mag aber von sollichem vrteyl geappelliert werden. ff. d(e) requi. re. l. ij. Vnd sol dan(n) sein habe angeschriben werde(n) aber des Fiscals procurator mag die selben habe vnnderm iar nitt occupiern. Darnach / sol aber nach im geforscht werden / vnd der richter sol sein brieff senden vnd schicken dem richter vnd regierer an dem selben ende da der verclagt wonet / das de(n) verclagten durch den richter geoffenbart werde das er verclagt sey vnd geladen / vnd sein habe annotiert vnd angeschriben.

ff. de requi. reis. absen. l. j. §. presides. Item der selben brieff form sol also sein / dem edeln vnd weysen mann .T. richter vnd burgermeister der statt .N. Johannes richter oder burgermeister der statt .N. seinen willigen dienst vnd grůß (et)c. wie dann die gewonheit ist (et)c. als .B. verclagt .H. der in eüwerm gericht zwang vnnd magistrat wonend / vnd ich in rechtlich geladen hab das er kom(m) vnd in der verclagung antwurt / vnd hab auch sein habe vmb sein vngehorsamkeit annotiert vnd angeschrib(e)n bitt ich eüwer ersamkeit das ir dem genanten .H. verkünden vnnd zů wissen thůn wölt / dz er gelade(n) sey / vn(d) sein hab annotiert sey / vnd dz er vff den .N. tag vor mir in gericht erschein / de(n) genante(n) .B. vff sein verclagen zů antwurten dz sollich brieff nach de(m) vn(d) die habe annotiert ist erst geen solle(n) / ko(m)pt vß de(m) rechte(n).

Item der doctor Rofredus redt das sollich brieff sollen dem richter vn(d) der parthey geschickt werde(n) / wan(n) die parthey möcht sollich brieff verbergen.

Item auß dem merck / das ein magistrat dem andern gehorsam sol sein in den sachen die sein ampt antreffen.

Item diß annotatio vnd anschreybung sol also geschehen / der landtrichter oder der ander richter oder amptman sol kom(m)en mit eine(m) offen schreyber in das hauß der verclagten / vnd sol alda forschen wie vil heüser / scheüren / äcker / od(er) wisen / vnd wie vil morgen / der verclagt hab / wie vil weingarten / wie vil hindersessen zynßleüt / wie vil ligender vnd farender habe / vnnd also sol ers alles beschreyben als der erb oder selwarter die habe des todten beschreyben / vnd sol dann gemacht werden ein offen instrument.

vt in p(re)ce. §. p(re)sides. in fi. et. l. annus. Item darumb geschicht sollich beschreybung vmb des willen das kein vntreüw geschehe in den selben haben / die habe sol confisciert oder dem verclagten wider geben werden / wann der zweyen sol eins geschehen / vnd wiewol dise ding alle geschehe(n) seind / so würt doch d(er) verclagt in kein weg beschwert / wan(n) ist das er kompt vnd ist bereit dem verclager zů antwurten / vnd sein bürgen zů setzen / alle habe die angeschriben vnd annotiert seind / werden wider abgeschriben vnd annotiert / vnd werden im gar vnd gentzlich wider geben zů wölcher zeyt er kompt im iar / als oben stat (et)c. dz selb iar in den weg hebt sich erst an als die brieff dem richter gesant vnd de(m) verclager von im verkündt seind worden /

(262) Das QXXIIII Blat

das er geladen vnd sein habe annotiert seind / vnd nit vo(n) dem tag als die habe angeschriben vnd annotiert seind worde(n). ff. c. l. j. §. si prouincie. Wan(n) wo der verclagt vnderm iar stirbt / oder aber kompt vnd steet zů recht wie obstat / so erkobert er sein habe wider vnd sendt sie seinen erbe(n). ff. c. l. j. et. C. c. l. j. et fi. Kompt er aber nit so sol er seiner vngehorsamkeit entgelten / also zů straffen / wan(n) ist das iar vergangen / so sollen die habe also annotiert confisciert werden. ff. de requi. et absen. l. annus. Vnd wiewol die habe also confisciert seind / yedoch kompt er vnd wil sich beschirmen vnd wören / sol im gegünt werden.

c. ti. l. anni spacium. et. ff. de diuet. temp. p(re)scrip. in omnibus. Item sie werden confisciert ist das sie der procurator fisci an sich nympt / anders wiewol sie annotiert seind vnnd vordert sie der fiscus nit vnder .xx. iaren darnach mag ers nit vordern. Aber nun so werden die habe den kinden / vnd den andern vffsteygenden vnd absteygenden freünden / biß vff den dritte(n) gradt behalten. vt in aut. vt nulli iu. C. vl. col. ix. Vnnd die morgen gab werden den freünden auch behalten / mit der vnderscheid da selbs geschriben.

in specu. ti. d(e) dona. ite(m) pone. ij. Item het er nach dem vnnd er das malefitz begangen hat / die habe in vntreüw empfembdet. Sůch.

ff. de fur. ita qs fullo. Item wer das der verclagt ee dan(n) der krieg bestätiget vnd contestiert were vngehorsam / vnd het dan(n) kein habe die annotiert möchten werden. R(e)n. Villeycht solt im bey einer sum(m)e gelts gebotten werden das er kom(m)en solt (et)c. er aber arm wo für wer dan(n) sollichs gebiette(n) / wan(n) der / der nichts hat / hat nichts zů verliere(n). extra d(e) resti. spolim nobis. Vn(d) vnnütz ist die clag die dz armůt des schuldners entschleüßt. C. d(e) epis. et cleri. si q(ui)s p(re)sby. (et)c. l. id q(uo)d pauperib. (et)c. Vnd armůt hilfft. Selig seind die armen des geistes (et)c. du sprichst das in sollichs vast rüret / wann würt er gefangen / so würt er am leyb gepeiniget vnnd gestrafft / wan(n) das ist ein regel. Mat. v. in p(e)n. ff. de pen(e). l. j. in fi et. xxiij. q. iiij. ne admisso. Wölche die gelt peen betriegen / sollen am leyb gepeiniget werden. Vnd also schadt armůt.

xj. q. iij. pauper. C. de sacrosanc. ecc. sancino. §. vl. Item wo einer kein bürgen gehaben mag / od(er) es ist villeycht ein sollich verclagung das man keinen bürgen nympt / vnd also förcht er sich zů kom(m)en / od(er) villeycht weißt er sich schuldig / als dan(n) thet er thörlich wan(n) er keme / wann er sol ee leyden dz sein habe annotiert werd / dan(n) das er sich in vnglück gebe / wan(n) der leybt geet gar ferr für die habe.

iij. q. ix. de cernimus. et. ff. d(e) pe. absentem. Item ist das der krieg contestiert ist / so mögen die zeügen wider in verhört werden / vnd so die sach verhört würt / vnd die missethat bewisen / so mag das endtlich vtreyl geben werden. sic intelligit. ff. d(e) requi. re. annus. Vnd das verstee in keinen missethaten die gelt penen / oder verbietten des lands in(n)halten. specu. c. ti. in prima columna. Aber in den grössern sünde(n) / mag nymmer wider den nicht in heimischen procediern / wan(n) man soll in hören zů wölcher zeyt er kompt.

ff. q(ui) sen. sine ap. rescin. l. j. §. it cs cu(m) ex co. et de testi. cu(m) olim in fi. iij. q. ix. de cernimus. Item ist er vngehorsam so das vrteyl geben soll werden. Es sol auch vmb seiner vngehorsamkeit willen darumb das vrteyl nit vnderwegen bleybenn. Het er ein bürgen gesatzt das er zům rechten kom(m)en wolt als oben steet (et)c. vn(d) were vngehorsam / so möcht also wider den bürgen procediert werdenn / wann hett der bürg verheissen den verclagten wider zů bringen bey einer bestympt(e)n penen / so mag der fiscus vmb die selbenn peen clagen. ff. si q(ui)s cau. l. ij. (et)c. de custod. reo. si quis reum. Hatt er aber nicht bey eienr peen sunnder schlechts vnnd lauter verheissenn peen clagen. Hatt er aber nicht bey einer peen sunnder schlechts vnnd lauter verheissenn / vnnd gelobt den wider zů bringen / vnnd bringt in nit / als dann mag in der richter an gelt straffenn nach seinem willenn / doch angesehenn die verclagung vnnd auch das wesenn der persone / als oder da des richters gebiettenn oder heissenn nitt gehorsam

Y iiij

(263) Der Ander Teyl

were gewesen / wers aber nit nach dem iar / so geet die selb peen auch nit in den erben. C. de mo. mul. l. vlti. et. C. de spo(n). l. vlt. §. penul. ff. si q(ui)s ius di. non obtemp. l. vnica vt extra de spon. ea. gemina. On im Contract der Ee / sol kein peen gegebe(n) werden / so die Ee vß freyem willen geschehen sol. C. de mo. mulet. l. muleta cum. Vnnd dise peen obgeschriben sol dem fisco geben werden. ff. de culto. reor. l. si q(ui)s reum. Vnd diß ist war / wo der bürg nit arglistigklich den verclagten nicht bringt / vnd also kein bestympte sum(m) in der peen vom richter gesatzt ist / wo aber d(er) bürg arglistigklich den nit bringt / so mag er extra ordinarie gestrafft werden / oder ein zeyt des lands verwisenn / oder gegeiselt / oder sunst herter wider in procediert werden.

iiij. q. v. q(ui)squis. extra vt lite non conte. q(ue)m. Item nach geistliche(n) rechten der krieg sey co(n)testiert oder nit / so doch die sach nit erfaren ist / oder erfaren mag werden / so würt er gebant. extra de p(re)sump. nullus. Vnd kompt er vnderm iar / so würt er absoluiert vnnd gehört vmb die sünd / aber nach dem iar so würt er nicht gehört vmb die sünd / wan(n) er würt verstanden nach vßlegu(n)g des rechten / als ob er die sünd bekannt hab. Vnd nach dem selben iar mag der ban(n) beschwärt vnd fürter procediert werden vff ewig beraubung des amptes vnd der pfrůndt / oder im mag das landt verbotten werden.

Merck / diß obgeschriben sol alles nach ordenung der rechten gescheen vn(d) gehalten werden. Aber es ist in etlichen landen / vnnd besunder so hatt sollichs sein vrsprung vß welschen landen / wann der vngehorsam nit kompt vff den bestympten tag / so würt er in die acht gethon.

Auch vinde(n) wir das der Keyser Frederich der ander vom Bapst abgesatzt ward vnd vertriben / vnd Karolus der vierde. In etlichen geschriben rechten vindt man das man mag gemeynde vnd ander übelthäter vnnd übertretter irer rechten / in die acht thůn.

Merck / das in der stat Bononia in welschen landen / vnd in andern enden der selben landt / wan(n) der verclagt nit kompt / auch nyemandt der in im rechten beschirm / so würt der verclagt in die acht gethon / in sollicher form. Sigmundt schůch macher (et)c. alda gesessen ist verclagt vonn Anthonien das er in mit vßgezogen vnd blossem schwert überlauffen vnd gehauwe(n) hab / vn(d) würt gesatzt der gantz in(n)halt seiner verclagung / nach dem selbigen so steet fürbaß / vnd wan(n) er rechtlich geladen worde(n) ist vff den .N. tag / durch .N. der ein büttel ist der gemeynde der statt Bononia / das er vff den selben tag vmb der genanten verclagung willen vor dem .R. richter erschyne.

Item hernach an dem andern tag (et)c. setz den tage / ist er aber geladen worden durch Martin .N. der auch ein bott ist der genanten statt / das er von der selben verclagung willen vor dem selben .R. erschyn.

Nun als er am fünfften tag des monats Apprill / von gebots wege(n) des selben richters durch Petern auch ein botten der statt Bononia / in d(er) grossen .N. in der pfarr sant Lucien in gegenwertigkeit .N. vnd .N. die dar zů zeügen gebetten seind / offentlich vßgeschryen vnnd gerüffen worden ist / sey yemandt der den selben Sigmunden beschirmen vnd wären wöll in der genanten verclagung / der sol hernach an dem dritten tag vor dem selbenn richter erscheinen / kompt dan(n) der selb Sigmundt nicht / od(er) ein ander von seine(n) wege(n) in acht tagen / vnd stee zů recht / vnd wöll gehorsam sein den rechtlichen vnnd billichen gebotten des rechtens. Als dann sol er sein in der acht der gemeynde der selben statt Bononien / vmb die obgenant übelthat vnd malefitz / vnd vß der selben

(264) Das QXXV Blat

acht mag er nicht gethan werde(n) dan(n) nach der form des statuts der genanten statt / vnd es sey dan(n) das er vor bezale hundert pfundt Bonon(n). müntze / vnd vereyne sich auch mit dem genante(n) Anthonio. In der selbe(n) acht ist er auß gerüffen offentlich durch den botten .N. durch des richters heyssen vnd gebotten in dem sunderlichem vnd gemeynem rate der statt oder hoffs / als sie nach sollicher gewonheit versamelt waren.

Exo. xx. et. Deutero. v. Item du möchst sprechen die weyl sollich acht auß statuten der stette kommen seyn. Vnd etlich stett statut verhengen das die in der acht oder sunst vngehorsam vnd widerspenig seind getödt / sunst am leybe geschediget vnd beraubt mögen werde(n) / nemen wir darauß / wann götlich natürlich vn(d) gesatzt recht ir yeglichs verbeüt todtschlege d(er) mensche(n) in d(er) alte(n) ee. Matthei. q(ua)nto. Steet geschriben / du solt nit tödte(n). In d(er) neuwe(n) ee. Wölcher tödtet / d(er) wirt schuldig des gerichts.

ff. de i(n)sti. et iure. vt vim in fi. Item die selben statuten seind wider die natürlichen rechten / ius gentiu(m) in latein / das selbe vß natürlicher ynsprechung verbeüt / das keyn mensche dem andern soll hessig seyn.

ff. d(e) ar. na(m) et magistrato. (et)c. d(e) mi. minor nu(n)c. et ad tre. ille au(c)t. §. te(c) pestiuum. Item / die weil ein yeglicher in den andere(n) kein gewaldt hatt / noch vyl mynner der / der mynner ist mag kein gewalt in den obern haben. insti. de iure natu. gen. §. si naturalio. vin. di. §. ij. Nun ist es offenlich das / das götlich recht / über statt recht ist / vnd ist auch stercker.

De homicidio. ff. ad. cor. de sicca. et. C. c. ti. extra d(e) clec. i. p(e)n. Item sollich statut ist ouch wyder natürlich recht / wan(n) das natürlich recht mag nit gewa(n)delt werde(n) wie offt ma(n) will / vn(d) darum(b) mag das natürlich das nit gewa(n)delt mag werde(n) / durch die statute(n) nycht gestrafft vn(d) abgetha(n) werde(n).

ff. de insti. et iur. l. j. in fi. et. l. ij. xj. q. iij. qui resistit. in auten. vt o(mn)esobe. iudi. puin. p. to. iiij. di. sa(n)cte sunt. Item das geystlich recht verbeüt den menschen zů tödten / in dem titel von döten / vnd das weltlich recht an zweien enden. Vnd in etlichen andern titeln vn(d) darum(b) ist es grausam zů hören das ein solichs statut sein sol. Auff solichs antwort ein doctor Jacobus de arecio / vnnd spricht / das solichs geschehe in straff vnd peen der vngehorsame(n) / wan(n) der erst will aller rechte(n) ist / das man den magistraten vnd richtern gehorsam sey. ff. d(e) iurisdic. om. iudi. si q(ui)s id. §. doli. in regu. iu. q(uo)d q(ui)s. li. vj. Vnd darum(b) zimpt sollichs auß vernunfft das solich statut zů peen der vngehorsamen / vnd zů eynem schrecken der die vbeltheter seyn gemacht werde / als solichs steet. extra de postu. c. j. et. ff. de pen(c). legati. Vnd vmb der vrsach willen würt entschuldigt der / der etwas thůt vo(n) des richters heyssen das vnzymlich / ouch schedlich vnd peenlich were. Vnnd die verschmehunge soll den vngehorsamen schaden bringen.

p(ri)ma di. ius ciuile. viij. dis. q(ui) p(re)tra mores. ff. d(e) insti et iur. l. omnes populi. Item es mag ein ygliche stat recht setzen vn(d) machen vnder den yren. Vnd darumb das sie das vom fursten hat so würt solich gesetzt gehalte(n). C. vbi et ap(u)d q(ui)s l. j. C. de vete. iu. neu. l. ij. circa mediu(m). §. admonuimus. Vn(d) man soll solichs straffen wo man gewyß ist das die vbelthat gescheen ist / wann es stet in götlichen rechten geschriben / du solt nit lyden das die vbelthetige(n) vff der erden leben. Exo. xxj. et xxij. et. xxiij. q. v. §. ij. Sanctus Thode aq(ui)nos sc(e)da secu(n)de. q. lxiiij. ari j. ti. iij. et. Braciano in pri. §. Sprechen das / das tödten des der in der acht ist / oder eins vbelthetigen / seind zymlich wann solichs ordiniert würt in heyl vnd růwe der selben gemeyne / vnd daru(m)b der / der die selben gemeyn regiert / hat er vbers blůt zů richten / mag zymlich döten / vnd darumb mag ers durch ein andern ouch thůn / das er durch sich selber thůn möcht / wann offt werden die selben durch ander gestrafft darumb das / das statut solchs verhengt / das sunst durch die richter vngestrafft blibe.

(265) Der Ander Teyl

alle. ff. de bo. da(n). l. j. et. ij. et. lv. dis. c. j. et. ij. Item Martinus fauen(n). ein legist hat disputiert in wlschen lande(n) / wo ein statt verhenge / das ein geachter mög vngestrafft geschediget werden / oder der geächtet on straff nit getödt mag werden / er were dan(n) geacht worden vmb ein übelthat darumb er sunst getödt möcht werden / vnnd sunst nit. C. de adul. graccus. Es ist auch offenbar / die geschriben obgemelten recht in vil sachen verhengen den menschen zů tödten / vn(d) darumb so mögen wir sprechen / wo ein statt sollichs vmb übelthat darumb einer sunst getödt werden / verhengt das sollichs billich sey / wann was geschicht auß verhengen vnnd günnung des rechten / soll nitt gestrafft werden. Dar zů hilfft auch das götlich obgeschribe(n) recht / du solt nit leyden das die übelthäter vff der erden leben.

ff. de famili. herr cis. si filia. Item auß dem merck das die richter die den menschen in acht thůn / solten in irem fürnemen nit solich wort setzen die ein yegklicher möchte vßlegen wie er wolt / als das wort beschedigen / wo aber ein sollichs ye gesatzt müst werden / so solt im ein zůsatz hernach mit andern worten geben werden / dadurch ein yegklicher möchte versteen was des richters will were / wann die kunstlosigkeit der richter (der vil in Teütschen landen seind) mag die form des gerichts zwang nitt überwinden. vt in clemen. de sen. et re. iudi. pastorialis. Es mag auch weder der Bapst noch der Keyser statuiern vnnd setzen das wider natürlich vernunfft ist / oder natürlich recht. Noch vil minder die die vnder inen seind.

Item das das Thomas vnd Gracianus sprechen / gefelt mir nit / sunder das das Martinus der Jurist spricht / gefelt mir mit seiner vnderscheid. c. i(n) penis. de reg. iur. li. vj. Es wer gar erschrocklich vnnd grausam / würd einer fürgeheischen vmb gelt oder vmb ander habe / vnd vmb sein vngehorsam geächtet / dz er von eim yegklichen möcht vngestrafft getödt werden / wan(n) solch vngehorsamkeit würt genůg gestrafft / das er von eim yeden gefangen / vnd im das sein genom(m)en mag werden / vnd nyendert sicher ist / vn(d) so er vß der acht kom(m)en wil / so würter gestrafft vmb gelt vmb die absolutz / als du oben hast in d(er) form vnd in rechten der Keyser obgemeldet / solchs ist meisterlicher dan(n) das sanctus Thomas sagt / dann der richter in den penen vff das gnedigst vnd barmhertzigest geen sol.

C. de defen. ciui. per totum. Item das dz Jacobus De arena spricht / dz ein yegklich statt mag recht setze(n) vnder den irn (et)c. das selb recht ist gemacht worden zů der zeyt da sie innwoner in stetten geurteylt wurden von den defensores / als du hast. ff. d(e) offi. p(re)si. et. C. de offi. recto. prouin. l. iustissime. cum sequen. Die wurden von den stetten erwelt / vn(d) vom landtrichter in des landtgericht die statt was confirmiert / vn(d) ein sollicher defensor richt nit lenger dan(n) ein iar / als sollichs noch in welchen landen gehalten würt / vnd der selb erwelt heißt potestat / vnd der rat der selben stat / hat kein gewalt über in / vnd darnach würt ein ander erwelet / vnnd aber confirmiert wie obstat. Er het aber nit überall sach zů vrteyln / vn(d) besunder übers blůt / man sicht aber nun in teütschen lande(n) nit mer dz ein landtrichter übers blůt richt / als er dan(n) solchs möcht thůn / vn(d) geschribe(n) steet.

C. de p(re)scrip. xxx. vel. xl. au. l. o(mn)es. Item es richten nun die magistraten in reychstette(n) in allen sachen die den landtrichtern von rechts wegen zůsteen / vnd ein teyls höher vnder den iren / wo sich man yetzundt das die landtrichter übers blůt richten / man sicht wol das solchs die magistrat in rechtstetten thůn. Merum Imperium. Vnnd haben etlich sollichs vß freyheit / etlich vßlange(n) herkom(m)en prescribiert / vnd haben durch sollichs rechtgewunnen. Vnd solchs richten haben die landtrichter durch ir nitt brauchen

(266) Das QXXVI Blat

verloren / vnd ob sie sollichs richten in reichstetten vom rechten gehabt hetten / wan(n) ein yglicher der sich seins gewalts in der zyt als die recht vß wyse(n) nit brauchet / der verleust sein gewalt / vnd der / der sich des selben gwalts braucht / gewint zů sollichem gewalt recht in der zyt als die recht vß weysen / vnd vß sollichem glaub ich das nit allein die lantrichter yren gerichts zwang über die ynwoner in reichtsteten die vnderm magistrat sein / wan es ist clar vnd offenbar das yeglicher gleycher in den andern keynen gewalt hat als oben stat / wan(n) ym gerichts zwang so richte(n) nun zů diser zeyt die magistrat obgena(n)t / als hohe vnder den yren / als hohe dan dem lantrichter von rechts wegen vnder den seynen gebürt zů richten / vnd etlicher magistrat richt vnderweyl hoher / als übers blůt / vnd der selb gerichts zwang heißt in latein merum Imperium / den selben mag ein yeglicher prescribiern der vnderthan hat oder eygenleüt über die selben / vnd ouch wider den der den selben gerichts zwang solt haben / vnd in sollichem ist der magistrat obgemelte vnd der lantrichter ym gewalt des gerichts zwang gleich / vnd ist keyner über den andern.

vt legit(us) et no. C. vt intra cer. te(m)p. crimi. q(ue)sti. aga. l. ij. ff. d(e) iniur. ne(m). ap(u)d. §. quod ait pretor. Item du magst fragen ob ein geächtter / vff ein malefitz vnd übelthat geschuldiget würt vn(d) geladen worde(n) ist an den ende(n) da er wonet / so er nit kompt aber in die acht gethan mag werden / das das nit gesein mag / wann ein verleymeter mag nit mer verleymt werden.

ff. si quis ca. si actio. et. l. sequen. in p(u)nct. extra de consti. c. ij. Item die weyl er vo(n) der acht wege(n) des richters nit kom(m)en g(e)thar / er gethar ouch in der stat nit gesein / darum(b) mag er nit vngehorsam geheyssen werden.

extra d(e) iude. ita quoru(n)da(m). de sen. ex cu(m) p. ca(n). Item das sollichs billich sey würt also bewisen / wann der / der in dem ban ist / mag aber in ban(n) gethon werden. Anders er überkeme vnd hett von seiner boßheit nutz / das nit sein sol.

ff. de interdic. et depor. (et)c. rele. l. relegator. §. fi. ff. de neg. si hereditarie. extra vt lite non contest. accede(n)s ij. ff. ad trebell. q(ui) ita. §. j. Item Joha(n)nes Andree der namhafftig doctor spricht / dz sollichs wol stat het wan(n) man nichts weyßt wo er ist / wo man aber weyßt wo er ist / vnd mag requiriert werde(n) / dunckt yn sollichs vnbillich sein / das der / der nit vngehorsam ist geächt oder geban(n)t soll werde(n) / er spricht ouch mer / das ein beschirmer möchte ko(m)men / wer aber das geleydt kranck / so sey er nit schuldig vff das geleydt zů ko(m)men. de iudi. at si clerici. in fi. Es irt nit / ob einer sprech / er ist vß seyner schulde vnd misse that in die acht gethan / darumb můß er auß bleibe(n) / wan(n) die selb schuld ist genůg gestrafft durch ein acht / vnd das annotiern vn(d) beschreyben / vnd villeicht durch dz co(n)fisciere(n) du obe(n) hast / wa(n) es sol nyema(n)t zwifach gestrafft werde(n).

Quando iudex inquirere possit.

In wölchen übelthaten der richter von seines ampts wegen inquiriern / erfarn vnd procediern möge.

Item oben hast du gehört wie man in der verclagung procediern sol. Nun solt du sehen wie man inquieriern sol / das ist wie der richter vonn seins ampts wegen nach den sünden vnd übelthaten forschen vnd straffen sol.

Item am ersten wölche hie erfarn möge(n) / vnd wan(n) / wider wen / mit wölche(n) exception die abgetriben mögen werde(n) / die im erfarn procediern / dz ist die vo(n)

(267) Der Ander Teyl

ampts wegen procediern / was nottürfftig sey dar zů das der richter in der erfarung der missethat procediern mag.

Item wie man dar inn procediern sol.

Inquisitio. Item du solt am ersten wissenn das Inquisitio in criminibus / das erfarn vmb die missethat vnd übelthat vnd sunst geschicht in geistliche(n) vn(d) weltliche(n) rechte(n) so vil / vn(d) auch gentzlich nit dauon geschribe(n) steet im geistlichen. Nun merck die casus in dene(n) d(er) richter vo(n) ampts wege(n) in weltliche(n) rechte(n) procediere(n) mag. Nymwar / spricht man dz einer in seim hauß ertödt sey / in wölche(n) wegs gescheen sey / durch gewalt / durch schlagen / durch hangen / erstickt / erstochen (et)c. der richter sol erfarn. Von der matery hastu oben ad sena. consul. silleya.

C. de aboli. ablitio. Item wann ein verclagung gescheen ist vnd der vercläger hat gelt genommen vnd hat vom verclage(n) gelassen / erfindt das der richter durch sein ampt so sol er in straffen on verclagung.

Preses p(ri)uincie inq(ui)rere debet et purgare terram malis boibus. Item der landtrichter sol von ampts wegen procediern / das er erfar vnnd erforsch die übelthätigen menschen die in seim gerichts zwang vnd in der prouincien seind / vnd sol das landt reinigen von bösen leüten.

Plagiarij. Ite(m) all sacrilegos / schächer / latrones in latein / Plagiartores die den leüten ir weyb oder kindt hinfüren oder verfürn / dieb vnd die sie behalten vnd vffnemen (wan[n] on den selbe[n] so möchte[n] sie sich nit lang verberge[n]) vn(d) sol den selben ir sel nemen nach de(m) vnd yegklicher verschuldt hat. Solchs mag ein yegklicher richter thůn in seim gerichts zwang der anders übers blůt zů richten hat.

ff. ad. l. iuli. de adult. l. ij. §. si publica. Ite(m) die missethat Lenocinij / wo er dz erfert mag er straffen on eine(n) v(f)clager.

Item er mag den arckwenigen vormundt von ampts wegen straffen.

ff. de suspec. tut. tutor. §. no(n) t(a)n. C. de epis. et. cler. si q(ui)s in b. genus. Item der richter mag von ampts wegen erfaren vnnd auch straffen die die mit gewalt in ein Christenlich kirchen geen / vnd den geistlichen personen in d(en) krichen / oder den die götliche ampt volnbringen schmachheit od(er) gewalt thun.

C. de p(ro)ba. iubemus. et de testi. nullum. Ite(m) wan(n) sich einer gebraucht arckweniger oder verdacht brieff vn(d) instrument / od(er) falscher zeüge(n) / mag d(er) richter vo(n) ampts wege(n) erfarn vn(d) straffen.

C. d(e) iur. deli. sancimo. §. licentia(m). Item als offt der erb etwas stilt vom erbe.

C. de naufra. q(uo)tiens. l. i. li. xi. Item wann ein übelthäter beken(n)t er hab mer gesellen in der selbenn sünd / wie wol man nit glaubt wider die anndern darnach das er sein eygen boßheit bekant hat. yedoch würt nach den gesellen geforscht.

C. de acc. singuli. ff. de q(ue)stio. l. i. §. si q(ui)s vltro. Item in offenbarlichen übelthaten.

C. de accu. ea. q(ui) C. d(e) aposta. apostatap. C. de iude. nemo. Item in kätzerey vnd abtrünnigkeit.

C. ad. l. iuli. ma. l. ij. et. iij. Item in crimine lese maiestatis.

C. d(e) calu(m). l. i. et. ff. ad. tur. l. i. §. i. Item wann der vercläger sein verclagung nit bewisen hat / sol in der richter so er das vrteyl geben wil straffen.

Qui ex officio de crimine inquirire et procedere possunt.

Wer die seind die von ampts wegen vmb die übelthat vnd malefitz erfarn vnd procediern mögen.

Item wer die seind die von ampts wegen vmb die sünd vnd übelthat mögen procedieren / solt du mercken am ersten / das die oberste(n) herrn als d(er) Bapst

(268) Das QXXVII Blat

vnd der Keyser. Item die legaten vom Bapst vnnd auch vom Keyser / aber der Bapst vnd der Keyser erfarn vnnd in quirieren durch sich selbs nitt / aber sie gebiettens eim andern das der selb an irer statt thů.

Item die Bischoff in iren Bistumben.

in. c. sicut vnire de exces. prela. Item die Ertzbischoff / aber doch nit in irer vnderthänigen Bischoffen Bistumben / dann in etlichen casus geschriben.

ff. de q(ue)sti. l. j. §. si q(ui)s vltro. extra d(e) accu. cu(m) dilectus (et)c. c. sicut olim. extra de offi. or. c. ls. Item der landtrichter vnnd ein yegklicher richter der über das blůt hat zů richten der merum imperium hat.

Quando iudex inquirere per se potest.

Wann der richter von sein ampts wegen procediern möge.

Nun sollen wir sehen wan(n) man von ampts wegen mag procediern vn(d) wider wölche / als dan(n) sol der prelat oder weltlich richter procediern als oben stat oder so das der Bapst oder Keyser gebeüt / wan(n) das geschrey für in kompt / wider ein der ein missethat gethon hat / oder ein geistlich malefitz nit ein mal sunder offt / nymwar das geschrey kompt fürn prelaten das sein vnderthon seiner kirchen pfrůndt verthů / oder ein ander sündt. Aber so kompt ein geschrey das der ertödt sey worden / vnnd man weißt nit von wem / als dann sol der richter vonn ampts wegen procediern sollichs zů erfarn / vnd darnach straffen.

Merck das wort offt ist im rechten nit vßgelegt worden als an zweyen oder drey malen genůg sey (et)c. Wann als gott die statt Sodoma vnnd Gomorra wolt vndergeen lassen / da sprach er ich wil absteygen vnnd werd sehen ob das geschrey das für mich kommen ist war sey / vnnd ob sie solliches gethon haben oder nit das ichs wisse.

ff. de iur. deli. l. j. in fi. Item der amptman der vor seim herren verclagt mardt / was er im seinem habe vnd gůt gethon het / steet nyendert wie offt solliches geschrey vor gott oder den gůtten herrn kommen sey / vnd darumb so würt solchs gesatzt in den willen des richters. vt extra de accu qualiter et q(ui)n. Wann vß den beiden geschrifften der alten vnd neüwen Ee hat diß procediern ein fundament grundt vnd vrsprung genom(m)en.

Item es ist auch eins nottürfftig zů dem geschrey / das das geschrey nit kom(m) von feynden / oder denen die mit den feynden wonen / vnd die selben werden in latein maliuoli geheissen / der selben seind noch vil / von den du auch hast ob(e)n im Titel / wölche nit verclagen mögen. Maliuoli. Maledici. Maledici sollen sie auch nit sein / das seind die / die gewonlich böß von den menschen sagen / vnd wiewol die selben gůt seind / von den selben steet geschriben durch den Propheten. Der herr soll zerströwen all arglistige lefftzen die böß reden zungen / vnd fürter / des mund vol böser red vnd bitterkeit ist vnd arglistigkeit / vnnd fürter / sie haben ir zungen gespitzt als die natern schlangen von ersamen vnd fürsichtigen / wann zů ein yegklichen versicht man sich er sey from(m) / gůt vnd ersam / man beweyse dan(n) das er böß vnd nit from(m) sey. ff. de re mihi. no(n) o(mn)es. §. a barbar. Vnnd das ist wider die närrischen hecken richter in den dörffern / sie solten allein über schelmige hüner vnd die den pfipffitz haben / vnd ander schelmisch vihe vrteyl sprechen.

Z

(269) Der Ander Teyl

Exceptio(n)es co(n)tra inquisitiones et eius p(re)cessum.

Mit wölcher exceptio du dich wören magst so wider dich von ampts wegen in quiriert vnd procidiert würt.

Nun merck wölcher exception du dich gebrauche(n) magst so wider dich von ampts wege(n) inquiriert vnd procediert würt / oder so wider dich sollichs erworben ist vom babst oder vo(m) keyser. extra de crimine fal. licet ad regime(n). de offi. iudi. dele. cu(m) in iure. C. d(e) man. p(e)n. l. vni. Nym(m) war vil exceptio(n) magstu dich gebrauchen / so du geladen würst / so die inquisitz vnd das erfarn vmb die missethat wider dich erworben ist / so soltu abgeschrifft vnnd copey des rescripts vorderen vom richter das er dir die gebe / vnd das ist er schuldig zů thůn / vnnd er mag über sollichs nit procediere(n) / so ym die copey würt / die soll mit dem hauptbrieff verlesen werde(n) / vn(d) solt mit fleyß mercke(n) vn(d) war neme(n) ob d(er) hauptbrieff war sey od(er) ob du yend(er)t ein falscherey in de(n) brieff begryffe(n) möchst / als du solchs vindest.

in. c. suspitio(n)is d(e) offi. dele. et. c. cu(m) speciali d(e) appel. Am andern merck ob du die person des inquisitors / das ist der / d(er) vmb wie oben stat wider dich procediert / wan(n) es mag ein yegklicher richter der vmb übelthat hat zů richten von ampts wegen procediern die sünd zů erfaren / vn(d) darnach zů straffen / vmb ein redlich vrsach / als arckwönig vn(d) verdacht recusiert werden als dan(n) so soltu sollich arckwönigkeit fürbringen im rechten / vnd sollen dar über wilkürt richter gewelt werden / die dar über erkennen sollen ob die vrsach der arckwönigkeit billich sey oder nit / nach dem vnnd geschriben steet. ff. de libe. ca(n) ordinata. et. C. si rec. puin. vnica. Vnd diß hat stat / die inquisitio werd dem ordenlichen richter oder eim and(er)n empfolhen / wan(n) ir yeder mag für arckwönig vnd verdacht recusiert vnd gewid(er)t werde(n). iij. q. viij. iudics. de adpel. ij. req(ue). C. de iudi. apertissimi. Wan(n) es nympt gewonlich ein traurige(n) vßgang. Wo vor arckwönige(n) richtern gerecht würt / es ist auch herr vor eim verdachte(n) richter zů kriege(n).

Am dritten soltu mercken die form des rescripts / vn(d) vindestu also / es seind für vns kom(m)en .G. vnd .B. vnd hab(e)n vns vil schwärer vnd grosser übelthat vo(n) irem bischoff gesagt vn(d) verkündt / die möge(n) wir nit vngestrafft geen lassen daru(m)b gebiete(n) (et)c. So magstu also excipiern ir richter vn(d) inquisitores die die dise inquisitz erworbe(n) habe(n) / habe(n) sollichs nit in liebe d(er) gerechtigkeit / sund(er) ga(n)tz in boßheit gethon / wann sie seind mein offenlich seyndt / oder wonen bey mein feynden / ir freünd vnd ir helffer meynen sie wider mich gezeügen zůfürn.

Item sie seind meyneyd an mir worden / vnnd darumb sollen sie nit gehört werden das sie keinerleyh übelthat von mir sagen / auch sollen sie nit zů gelassen werden / vnd gehört dise in quisitz wider mich zů volfürn vn(d) prosequiern. Sie sollen auch nit wider mich zů zeügen genommen werden / wann sie seind mit vil sünden vnd missethaten umbgeben.

extra c. inq(ui)sito(n)is. Item mein leümůt ist noch nye versert gewesen in keinen weg / vn(d) als dan(n) sollen die inquisitores vmb die sünd nit prodecieren / sie erfarn dan(n) vor dz sein leümůt vor versert sey gewesen. C. q(ui) ad liber. procla. no(n) licet. l. iij. extra de testi. co. c. iij. Wan(n) durch das laucken würt die sach zwyfelig. de accu. cu(m) oporteat. et. c. q(ua)liter. ij. Vnd sollen die inquisitores vor nit vmb die warheit der sünderfarm / et dann der leumůt bewisen ist / anders er mag appellieren.

iiij. q. iij. ite(m) vbi vt d(e) accu. q(ua)liter ij. prope fi. Item zů beweysen den leümůt sollen zwen oder drey zeügen genom(m)en werden vnuerleümpt. Vnd die selben sagen das der verleümpt sey vmb die sünd vor fürsichtigen from(m)en schwären vnd ersamen menschen.

(270) Das QXXVIII Blat

de accu. cu(m) oporteat. Item wo er beweyßt das die solche als in der exception ob(e)n steet / so soll von iren wegen in der inquisitio nit fürter procediert werden.

extra de accu. q(ui)litceret et qua(n)do. Am vierden solt du exceptiones in gericht wider durch die zeügen geben die wider dich gefürt werden / wan(n) dir seind vor behalten all exceptiones vnd replicationes. Interrogatoria. Vnd darumb wan(n) die zeügen wider einen gefürt werden / so sol er protestiern das er im behalt exceptiones wider die person der zeügen vnnd wider ir sagen / vnnd sol im machen lassen Interrogatoria / das ist ein geschrifft in der geschriben steet wie die zeügen geforscht sollen werden vff die artickel / vnnd die selben geschrifft soll der richter nemen / vnd darnach die zeüge(n) verhören / wan(n) man sol dir der artickel ein copey geben vff die die zeügen verhört sollen werde(n). Nymwar geschee in quisitio vmb eebrechen / vnnd die zeügen würden gefürt / du solt vnder anderm in dem interrogatorio also setzen. Ist es das die zeügen sprechen das ich die Ee gebrochen hab / so forscht mit wölcher / vnd an wölche(m) end / in wölchem iar / in wölchem monat / in wölche(m) tag / vn(d) in wölcher stund des tags / vnd ob sie da bey gewesen seind / vnd ob sie es gesehen haben / vnd ob sie die frawen kennen / vnd wer mer da bey gewesen sey / vnnd ob sie sollichs vß neyd gunst forcht oder lieb sagen / vn(d) ob sie sollichs zů sagen vnderwisen seind.

Am fünfften so die zeücknüß geoffenbart ist / so sol er excipiern wider das sagen der zeüge(n) ob sie villeycht vnder inen widerwertig wern in der statt. Als geschach mit den zeügen die über die farwen Susannen zeügknüß gaben / d(er) ein sagt es wer gescheen vnd(er) eim birbaum / d(er) ander vnd(er) eim maulberbaum.

ff. ad. l. cornel. de fal. cos qui. Ite(m) seind sie d(er) zeyt nit eins / wan(n) wo einer sagt es sey im hornu(n)g / d(er) ander im mertze(n) geschehe(n) / wan(n) die seind nit tüge(n)lich zeüge(n) / die die vnderscheid d(er) zeyt nit zůlaßt.

Item du magst dich vil oben vnd hernach geschriben der exceptiones gebrauchen / die du oben vnd hernach mercken magst.

Que ad inquisitionem requirantur.

Was nottürfftig sey vnd wie vil vff das das inquiriert vnd von ampts wegen procediert mög werden.

Nun merck was nottürfftig sey / vnnd wie vil vff das das inquiriert vnnd von ampts wegen procediert mög werden. Nymwar.

Am ersten so můß einer vmb etliche sünd vn(d) übelthat wille(n) verleümt sein.

Am and(er)n gebürt sich dz d(er) selb sey vnder des selbe(n) richters gerichts zwang.

Am dritten das sollicher leümůt offt für den richter kommen sey. Wie sollichs geschehen sol / hast du oben.

Am vierden das sollichs nit nur ein mal / sunnder mer / für den obern kommen sey wie oben steet.

Am fünfften das sollichs nit kommen sey von feynden / bösen leüten / bösen schwätzern / vnd verleümten wie obsteet / sunder von fürsichtigen vnd frommen / als in dem nechsten Titel oben.

extra de accu. q(ua)liter et q(uo)n. Am sechsten das sollicher leümůt vmb der gerechtigkeit vnd nicht boßheit oder feyndtschafft willen vonn in gesagt werde / wann als in der verclagung sol inscriptio verbindunng vorgeen / also sol auch der inquisition vorgeen geschrey / clamosa insinuatio.

extra de accu. licet in fi. Item es gebürt sich das wider den der eins gůtten leümůts ist / nit also pro

Z ij

(271) Der Ander Teyl

cediert werd / wan(n) der richter der d(er) oberst ist / sol so schnell nit sein sollich inquisition zů erlaube(n) / wan(n) wir sollen mer ein wollust haben zů hören gůtten leümůt / dan(n) bösen. Wan(n) würt böser leümůt wid(er) eine(n) bewisen / vn(d) wil sich einer widerumb beweysen eins gůtten leümůts / man sol im sollichs günnen.

extra. c. inquisitionis. Item es sol vmb groß sünd vnd übelthat / als vmb symoney / eebrecherey / dilapidation / sollichs inquisitio geschehen / wan(n) die selben soll man nit leyden (et)c. vnd nit vmb clein sündt.

Item was du in disen zweyen Titeln nit vindest. Sůch in Speculatore / der setzt es als samen.

Item du magst auch beweysen dz d(er) leümůt vßgange(n) sey vo(n) den feynden / vnd von andern / den nit zů glaube(n) ist / wan(n) wölcher dein feyndt ist / sagt selt(e)n gůts von dir / vnd der der gestern verdacht was / ist dir auch heüt verdacht.

Judicis officium in procedendo.

Wie der richter von ampts wegen procedieren sol.

Item wie man von ampts wege(n) procediern sol / solt du wissen das in zwen weg vmb die übelthat vnnd malefitz würt procediert über das wesen eins closters / oder eins stiffts / oder kirchen / wie sollichs gesein mag laß ich vnderwege(n) wan(n) Rofredus vnd speculator setzen gantz do von in tractatu de inquisitionibus / vnderweylen würdt vo(n) ampts wege(n) inquiriert vmb ein sunderlich übelthat vnd malefitz / vnd die selb inquisitio ist vnderweyle(n) erworben vom babst / darum(b) ich ouch nit setzen wil wem es aber not geschehe / der sůch in den zweyen Rofredo vnd speculatore wye oben stat. extra de purga. cano. c. vlti. So aber die inquisitio(n) nit erworben ist / soltu wissen das / das geystlich recht geyt ein forme vnd spricht das allein sol vmb die artickel erfaren werden / ob ein gemeyner leümůt sey bey frommen vnd schwärn menschen / vnnd der leümůt sol nicht ein vrsprung haben von den feinde(n) / so mag der richter vff setzen ein bestympte(n) tag / so der vrspru(n)g von feinden nit kom(m)en ist oder leymůt / vnd wann also einer ist verleymdt vor seim ordenlichen richter / so mag der richter auff setzen ein bestympten tag ob yemant den wöll verclagen das die selben solichs thůn. fi. q. v. oib. et extra d(e) pur. cano. ex tuarum. Vnd ist das vercläger kommen die do wöllen vnd mögen den verleymten rechtlich verclagen. die sollen gehört werden.

vt hic. et d(e) simo. licet hely. Item erscheynt kein verclager vnd der bößt leymůt bleybt dannoch / so mötcht der bischoff mit seinen chorherren zů erfarn procediere(n). Vnd ist dan(n) einer der das ampt des erfarns treybt vnd vordert / so soll yn der richter hören / vnd soll sein g(e)zeüge(n) hören die der fürderer promotor in latein / dem richter benent hat / kompt aber kein fürderer / od(er) er ist ko(m)men / vn(d) erschyne(n) / vn(d) ist aber vertriben wan(n) der verleymt mag wider yn excipiere(n) vn(d) beweyse(n) seine(n) gůte(n) leymůt.

Promotor. Merck / wan(n) eyner gelade(n) würt vo(n) ampts wege(n) / vn(d) vorm richter erscheint / so sol fürbaß der richter bestellen einen der den anspreche vonn ampts wegen / vnd der selb heißt ein fürderer des ampts / Promotor officij in latein.

in (et)c. inquisitionis de accu. Item der richter sol am erstenn den verleümten laden vonn ampts wegen für sich / kompt dan(n) der geladen / so sol er im geben abgeschrifft vnd copey / das er wiß waru(m)b er gelade(n) sey / vff das dz er macht vn(d) weyl hab sich zů beschirme(n) /

(272) Das QXXIX Blat

vnd sol nymmer vo(n) ampts wegen procediert werden vff heimlich verreterey / die mit heymlichen brieffen zů geet / als dan solichs eygentlich. Verbotten ist / man soll ouch die selben die also heymlichen yren nechsten verrate(n) / durch echte(n) / als sollichs in der gloß des selbe(n) capitels stet.

extra de accu. q(ua)liter et q(uo)n. ij. et. c. inquisitionis. Item der also geladen soll wissen die vbelthat vn(d) malefitz darumb dan(n) der richter wider ynn procediert / wan(n) würde etwas wider in bewisen do von er nit verleymet wer / so soll er darumb nit gestraft werden.

vt in. c. inq(ui)sit(i)o(n)is. Item so die g(e)zeügen verhört vnd vff geno(m)men werden / so sollen yre namen vnd was sie gesagt haben dem geladen alles gesagt / vnd abgeschrifft geben werden / vff das das ymme behalte(n) seyg sein exceptiones wider die person der g(e)zügen vnd wider yr sagen / man soll ym ouch geben zeit vnd ziel sich zů beschirmen.

vt in. c. q(ua)liter. Item ist das also die sünd wider yn bewise(n) ist / so soll er gestrafft werden nach dem wille(n) vnd erkenne(n) quia alid(e) est arbitrin(o) aliud volu(n)tas des richters vnd dem wese(n) der sünde / also das er nit degradiert sol werden / ym mag aber sein pfrůnd genommen werden.

extra de do. et co(n) tu. c. j. Es wer dan(n) ein soliche swere sünd als mörderey (et)c. Von solichen hastu jme inquisitio(n)is. Diß geet allein die geistliche(n) an d(er) peen halb / aber ma(n) sol wid(er) die geystliche(n) die strengikeyt d(er) rechte(n) nit halte(n) noch brauche(n).

Item wirt er aber nit mit den g(e)zeügen vberwunden / das er die sünd hab begangen / vnd so ist doch der leymůt bewisen vnnd bleybt also der leymůt / so sol der richter den geladen sich heissen mit seim eyd entschuldigen nach dem wesen der sünd vn(d) ouch der person / vnd ist das sich die person nit entschuldiget / als du ym titel vom entschuldigen hast / so soll er nach ordenung der rechten gestrafft werden.

Defensio inquisiti et appelllatio.

Wie sich der wören vnd beschirmen mag wider denen also procediert würt / vnd wie er appelliern mag.

Oben hastu wie der ober richter mag erfarn vm(b) die vbelthat seiner vnderthan. Nun solt du sehen wie sich der beschirmen vn(d) weren mag wider den also procediert würt / vnd wie er appelliern mag.

extra de ap. cum speciali de accu. q(ua)liter et q(uo)n. ij. vt ibi. Am ersten soltu mercke(n) / ob du den richter auß einer redlichen vrsach recusiern vnd widern möchst / wann er mag wol recusiert vn(d) gewidert werden. Wann es sol solichs erfaren nit auß neyd geen. Gebürt ynne aber solichs in geschrifft zů geben die capitel vmb der wille(n) er spricht das er schwerlich verleymůt sey / vff das / das er sich möge im rechten beschirmen zů gezeyten sich bedencken.

p(ro)ba(n)t. extra de ac. cu. q(ua)liter et q(uo)n. ij. §. debet. ff. de edili. edict. l. j. §. edenda. Item das der richter solich ab geschrifft sey schuldig dem zů gben vnd ouch den g(e)zeug zů bedencken. Versagt er aber yn die copey er mag appelliern in sollicher forme.

Vor vch eerwürdiger vatter herr bischoff zů Bon(n). Ich .N. entpfind mich beschwert / darumb das ich von vch gefordert vnd gebetten hab zům dicker mal copey der artickel vm(b) der willen ir wider mich wolt procediern / vnd spricht ich sey schwerlich verleymůt die ir mir nit gebe(n) vn(d) dar zů zug mich dar vber zů berate(n) / vnd habt mir soliches wider recht versagt / vnd do mit die macht mich zů beschirmen mir geno(m)men vnd

Z iij

(273) Der Ander Teyl

entwört / darumb so appellier ich in diser schrifft zů vnserm heyligen vatter dem Bapst / vnd bitt aposteln fleyssig fleyssiger vnd aller fleyssigest / vnd sollich appellatz soll in geschrifft vnd vor eim notarien geschehen der dan(n) dar über ein instrument sol machen.

extra vt eccle. bene. c. vnico. Item merck / das der wider den also procediert würt / sol zům richter spreche(n) / herr sagt mir ob mich eyner gegen vch verclagt oder den u(n)ciert oder diß inquisitz gefordert hab / vn(d) ist sollichs also / so bit ich dz yr mir solichs ein libel gebent vnd zug mich zů beraten dar über / procediert ir aber von ewers ampts wege(n) / bit ich das yr mir gebent abgeschrifft der capitel von der wegen ir über mich procediern wölt / vnnd zeyt vnd zug das ich mich mag beschirmen / vnd würt ym sollichs versagt / er mag appelliern in massen hernach geschrib(e)n / wan(n) wo der richter vor vmb die warheit erfüre vn(d) erst darnach die capitel gebe / sollichs were kraftloß wan(n) er verkert die ordnung des rechten wan(n) wo vor erfarn ist vmb die warheit der vbelthat / ee dan(n) der leymůt nit vorgeet / so gepricht ouch des inquiriere(n)s verclager / wan(n) der leymůt ist an des verclagers statt / wan(n) on den selben mag niemant verdampt werden. ij. q. vj. in p(ri)mis. et. c. ti. inquisitionis. §. iij. Wann ym verclagen sol die verbindu(n)g vor geen / vnd ym inquiriern leymůt vn(d) vß sollichem wider recht procediern mag nicht ordenlichs nachuolge(n). Darumb sol der richter von solliche(m) proceß lassen / vnd sol von neüwen inquirieren vmb den leymůt / vn(d) ob dan(n) wol würt hernach der leymůt bewise(n) vnd erfunde(n) / yedoch sein dannoch die zeügen die gebe(n) sein über die warheit der malefitz vntügenlich / wann sie sein wider die ordnung der rechten verhört vn(d) geno(m)men worde(n). C. de p(ro)ba. cum precibus. Vor vch herr Johans bischoff zů Mentz. Ich .N. sprich vnd sag wie wol ich demütigklich gebere(n) als yr spracht ir wolt wider mich vber sollich .N. malefitz procidiern / das ir mir sagt vnd kunt theten / wer der sey der mich verclaget denu(n)ciert / oder diß inquiriere(n) vorder / vnd das mir geben würd das libel vnd zug / mich darüber zů beraten / wöltent ir aber von ewers ampts wegen wider mich procediern / das ir mir dan(n) die capitel geschryben vn(d) zug ouch darüber berate(n) gebent / das ich mich beschirme(n) vnd mein rechtlich exceptiones do wider geben möcht / sollich mein rechtlich bitten vnd vordern / habt ir mir wider recht versagt / darumb empfind ich mich in sollichem beschwert / vnnd appeliere für vnsern heyligen vatter den babst in disen schrifften / vnd bit aposteln fleyssig fleyssiger vnd aller fleyssigst (et)c.

extra de proba. q(ua)m contra. Item diß sol als bald gescheen durch den / wider den inquiriert würt so er in gegenwertigkeit ist des richters vnd von disen vnd andern das ym gericht geschicht soll alle weg gemacht werden instrument.

Item wie sich der halten sol wider den also procediert würt so er die artickel hat. Merck / ist das der richter gyt die capitel / als dan(n) so sol der wyder den procediert würt vff steen / vnd also spreche(n) / zwey seint der capitel von deren wege(n) yr wider mich wölt procediern vnd sprecht ich sey schwärlich verleymůt. Das erst ist das ich die vnkeüscheit getribe(n) soll haben mit Bertha. Das ander ich verthů meyner kirchen das yre / vff diß capitel gestee vnd beken(n) ich nitt das ich vmb solliche ding verleymůt sey / vnd sprich das ir wyder mich nit procediern möcht es sey dan(n) vor bewisen das ich eins söllichen verleymůt sey / darumb so sprich ich

(274) Das QXXX Blat

das ir vor solt zeüge(n) neme(n) / vn(d) die selbe(n) verhöre(n) / vn(d) solt mir ir name(n) sagen vn(d) mein interrogatoria neme(n) / vn(d) die zeüge(n) darnach verhöre(n) / wie sollichs interrogatoriu(m) gemacht sol werde(n) / nym auß obgeschribe(n) puncten / vn(d) lasset sollichs d(er) richter zů geen / so ist es gůt / thůt ers aber nit / so mag er appelliere(n) in sollicher form. Vor vch erwirdiger vatter .N. ich Joha(n)nes pfarrer zů .N. entpfind mich beswert / darum(b) wa(n) ich gelaucket vn(d) nit beka(n)t hab dz ich v(f)leymůt sey vm(b) die artikel von d(er) wege(n) ir wid(er) mich procediere(n) wölt / vn(d) ich sprach vn(d) gesproche(n) ha(b) dz ir vor solte(n) zeügen des leymůts halbe(n) geno(m)men vn(d) gehört habe(n) / vn(d) mir d(er) zeüge(n) name(n) gegeb(e)n / vn(d) mein interogatoriu(m) geno(m)men habe(n) wie sy verhört solte(n) werde(n) / ee yr fürter procediert zů erfare(n) / ir habt aber de(n) artickel des leymůts vnd(er) wegen gelasse(n) / vn(d) procediert zů erfare(n) vm(b) die warheit d(er) gemelte(n) artickeln wid(er) mich / wid(er) got / vnd dz recht / darum(b) appellier ich in diser geschrifft für vnsern heylige(n) vater de(n) babst / od(er) für de(n) dan(n) zů appelliere(n) ist vn(d) bit aposteln zům erste(n) zům andern dritte(n) mal fleyssig fleyssiger vn(d) aller fleyssigst. p(ro)ba(n)t extra de accu. cu(m) porteat. et. c. q(ua)liter et q(uo)n. ij. et. c. inq(ui)sitio(n)is. Das aber nur allein sollichs gelaucket hat / dz er in soliche(n) leymůt sey sollichs soll vor erfare(n) werde(n) ee da(n) fürter inquiriert würt / wan(n) durch das laucke(n) / würt die sach zweyfelich. C. q(ui) ad liber. p(ro)no. no(n) li. l. vlti. in princi. Würde d(er) leymůt bewise(n) / wie solt sich einer fürbas beschirme(n) r(e)n. extra de accu. licet in fi. Er sol sich beweyse(n) gůts leymůts / wan(n) wir solle(n) mere lufts habe(n) in gůte(n) leymůt da(n) in böße(n) / die freiheit gůts leymůts ist höher vn(d) crefftiger da(n) des böse(n) leymůts. c. ti. cu(m) dilectus. c. cu(m) oporteat. et c. q(ua)liter et q(uo)n. et c. inquisitionis. extra de cohabi. Beweyse aber dz sollicher leymůt ein vrspru(n)g hab vo(n) sein veinde(n) / a co(n)spiratoribus / od(er) vbelthätern / be(n)nische(n). Er beweyse aber wid(er) de(n) erst(e)n artickel dz er ein ersa(m)er ma(n) sy / od(er) dz die gena(n)t Bertha sy sei(n)er můter swester sei(n)s vaters swester.

cleri. et mulie. c. j. cus a nobis. C. de epise. et cleri. eum qui. Item vff de(n) and(er)n artickel vom verthůn mag er probiere(n) das er seyner pfrůndt habe wol tractiert hab / oder aber dz yne dar zů die schuld gezwungen hab / vnd er möcht sunst nit bezalen.

Quo(d) crime(n) in modu(m) exceptio(n)is opponit(o).

C. de sacrosanct. eccle. iubemus. in aute(m). hoc ius. Wie offt die malefitz vnd übelthat in exceptio(n) wyse fürbracht vnd opponiert mag werde(n) / vnd welche vrsprung vnd krafft die übelthat also fürbracht hab.

Nu(n) solle(n) wir sehe(n) wie offt die malefitz vn(d) übelthat in exceptio(n) weise fürbracht vn(d) opponiert werde(n) / welliche wircku(n)ge dz malefitz also fürbracht hab / vn(d) wie procediert sol werde(n) vn(d) ob ein peen darum(b) geen sölle / so die malefitz wider yn bewysen werden / oder ist das malefitz nyt bewisen worden / ob der also exciptiert hat / gestrafft / soll werden.

extra de simo. licet bely. Merck am erste(n) das nit allein in geystliche(n) / sund(er) ouch in weltlichen rechte(n) werde(n) die missethat in exceptio(n) weyse fürbracht / vn(d) vnderweyle(n) wider de(n) anclager / ouch wyder de(n) verclager / ouch wyder de(n) g(e)zeüge(n) / vn(d) ouch wider die / die geweycht / ode(r) erwelt seynt vn(d) co(n)firmirt solle(n) werde(n).

ff. d(e) his q(ui) no. infa. lucius. de or. cog. cu(m) dilectus. §. vlti. de testi. super eo. de simo. licet. et c. p(ro) tuas. Ite(m) excipiert einer daru(m)b dz d(er) verclager od(er) clager od(er) zeüge(n) von seim zeügniß gebe(n) sol vertribe(n) werde(n) / als da(n) der do excipiert der můß sich nit verbinden vff die peen (et)c. Vnd ist das der nit beweyset der excipiert / er würt nit gestrafft / die weyl ers in exceptio(n) wyse gethan hat.

Item ist das er das malefitz also fürbracht bewysen hat / der wider den also excipiert / würt nit gestrafft ouch darumb nit erlose.

Z iiij

(275) Der Ander Teyl

ij. q. vij. si q(ui) sunt et. c. querendum. Item man mag excipiern wid(er) den verclager vo(n) malefitz vnd vbelthat on libel vnnd on peen.

ff. ad. l. iuli. de adulte. si vxor. § iudex. Item in weltliche(n) rechten würt ouch der eeman vom verclagen / ist das er seyn ee gebrochen hat / wie mag der eeman keüscheyt sunder schame von der eefrawen begeren vnd vordern / die er selbs nit hat / wann der eeman sol dem weib gůt sytten für trage(n). ff. so. ma. que(m)ad. dos peta. l. viro. Vnd also werden gleych sünd vn(d) missethat gegen eynand(er) abgeschlage(n) vn(d) abgethan.

C. ad. l. iuli. de adulte. l. j. Item das malefitz vnd laster lenocin iu(s) in latein vertreybt ouch den eeman / wan(n) sollichs von der frawen wider yn excipiert würt / wan(n) der eeman das gelt vmbs eebrechen geno(m)men hat / oder nutz do von gehabt hat / vnd der eeman soll ouch dar zů vom richter gestrafft werden.

ff. ad. l. iuli. de adulterio. l. ij. §. si publico. Item also soltu mercken / das es also gehalten würt in malefitz / vnd vbelthaten wie offt sie in exceptio(n) weyse wider den anclager / verclager oder zeügen fürbracht vnd opponiert werden so vertreyben sie alleyn vnd würt niema(n)dt gestrafft dan(n) allein der eeman / wo er sein weyb dar zů helt / vnd nutz vom eebrechen nympt.

ff. de muneri. et bono. l. rescripto. Item das ist die vrsach warumb der nit gestrafft soll werden wider den wie oben steet also excipiert würt / wann vff das / das eyner gestraft werde(n) můß / soll ein verclager ko(m)men. ff. d(e) acc. libellor. Vn(d) der / d(er) excipiert der verclagt nit / wie solt er dan(n) verdampt werden / on ein libel der verclagung / oder so das libel bößlich gemacht wer.

Item es ist d(er) will nit des der excipiert / ouch nitt des d(er) vrteyl spricht / das der verclager verdampt soll werden / sunder allein das er vom clagen oder verclagen vertriben werd.

ff. de bo. co. qui. an. sen. si mor. co(n)sti. l. j. Item es würt ouch darumb dem der excipiert vber sehen / wan(n) du mich verclagst / so ist mir zymlich in welche(n) weg ich mag / das ich mein eygen blůt erlöße vnd ledige / vnd darumb so soll man mir vbersehen. ff. de bo. liber. q(ui) cum maior. Zů gleycher wyse als dem vbersehen soll werde(n) der sich rechen wolt als er gerayßt wart oder worden ist.

Item wan(n) aber ein vbelthat in exception weyse fürbracht würt / vff das / das einer von seym ampt oder pfrůnde entschlossen werde / als ob einer excipiert wider yn das er vbelthätig sey / vn(d) die sund ne(n)net (et)c. vnd excipiert er als dan(n) vor d(er) co(n)firmatz / so würt der / d(er) excipiert nit gezwungen das er sich verhinde (et)c. extra de accu. super his. Wann das vbelthat vnd malefitz also bewysen hyndert den der confirmiert sol werde(n) / aber es nympt ym nit das das er vor gehabt hat / vnd das ist darumb / wan(n) er hat noch keyn recht zů dem er erwelt ist / würt aber nach der confirmatz excipiert so er consecriet sol werden / als dann darumb das die übelthat in exception weyse fürbracht / wo dz bewisen würt / so irt es das er nit consecriert mag werden / vnnd nympt yme das recht das er mitt der confirmatz gewunnen hat / vnd wie wol als dann der der excipiert sich nit verbinden můß (et)c. Mag er nit die vbelthat bewisen er wirt gestrafft nach dem willen des richters einer peen. extraordinaria. de elect. sup(er) co. Vnd die selb(e)n peen můß er vor vff sich nemen ee yn der richter die zeügen füren laßt. Vnd das geschicht darumb / wan(n) was geet es dich an so der solt consecriert werden oder geweycht der dich nit verclagt / nit vmbtreybt / wann die wol er das / das er vor gehabt hat nit verleürt / so hindert yn doch sollichs an wirdigkeyten die er hernach überkommen möcht.

(276) Das QXXXI Blat

extra de offi. iudi. deleg. de causis. ff. d(e) co(n)trac. l. j. Item du möchst fragen warumb die peen dem richter heimgesatzt sey. Responsio. Darumb / wann das ist gemeyn im rechte(n) / wo nit ein gewisse peen im rechten gesatzt ist / so ist sollich straff des richters willen heim gesatzt. ff. de verbo. sig. si a qua pena. Vnd vo(n) der selbenn peen mag geappelliert werden / aber nit wo die peen im rechten geschriben steet.

extra de accu. euidentia. Item du solt wissen das in offenlichen vnd kuntlichen übelthaten / ist nicht not das verclagung geschehe / oder exception / auch dörffen die zeügen nitt verhört werden / oder ander beweysung. yedoch sol dannocht ein rechtlich ordnu(n)g eins teyls dar in(n) gehalten werden. extra de iureiuran. ad ni(n)am. iij. ar. extra d(e) accu. q(ua)liter. ij. §. debs ij. q. j. manifesta. Wann der schuldig reus sol geladen werde(n) vnd sol im die that fürgehalten werden ist das er kompt / vnd sol macht hab(e)n sich im rechten zů wören in seiner gegenwertigkeit / aber so er nach der verkündung vngehorsamlich vßbleybt / sol das vrteyl geben werden. Anders das vrteyl in offenbaren thaten ist krafftloß.

extra de except. cus inter. §. fi. et clemen. pastoralis. de re iudi. circa fi. Item gemeynklich würt in welschen landen also procediert / wann das malefitz offenlich fürbracht würt vnnd geschehen ist / als bald erforscht der richter in einer gemeyn / nit wider ein sunderheit / vnd so er sollichs erfarn gethon hat / so ladet er die die im benent seind in de(n) erfaren / vnd die selben zwingt er das sie die warheit sagen / vnd mögen sie sich beschirmen / das günt er inen / wan(n) sollich beschirmen gebürt sich vß natürlichen vnd geschriben rechten. extra d(e) offi. ordi. c. j. ff. de offi. p(re)si. l. iij. Vnd in disem erfaren gebürt sich nit die herlichkeit von der du ob(e)n hast im Titel. Nun sollen wir sehen / vnd im Titel mercken was nottürfftig sey / vnd in dem nechsten hernach / vnd wann der richter ist gewiß wölcher oder wölche das malefitz gethon haben / dannocht sol er im oder inen günnen sich zů beschirmen.

Spec. de no. cri. Item merck es ist dreyerley offenbar. Sůch sollichs in speculatore de notorijs criminibus / wann ich kan solchs nit zů teütsch machen.

De purgatione.

Wan(n) vnd wie sich einer entschuldigen oder einigen mag vnd můß.

extra de purga. cano. c. vlti. circa finem. Merck du hast oben wan(n) der richter von ampts wegen procediert / vn(d) mag nit vff die warheit kom(m)en / kan auch nit beweysenn vmb des leümůts willen / so mag der richter den dar zů zwingenn das er sich entschuldige vnnd dar für schwöre das er sollichs gethon hab / darumb er dann verleümpt ist / vnnd ist das im der richter gebeüt das er zwen oder meer zů im hab / die in auch helffen entschuldigen / die selben sollen schwören das sie glaube(n) das er recht geschworen hab. Anceps p(r)iurius de facto alieno. ff. de in li. iuran. videamus. Vnd sollen nit anders schwöre(n) / als etlich thorlich leyen heissen schwören die die mit entschuldigen / das der eyd den der verleümpt geschworn hat / rein das ist war sey / vnnd die selben die do also schwören / seind als bald als sie geschworen haben meyneydig gewonlich / vnnd besunder wo einer für ein sach schwüre die den mitschwörern verborgen ist / ob ers gethon hab oder nit. Vnd diß entschuldigen heißt in latein canonica. Vulgaris purgatio. extra de purga. vulga p(re)to. Noch ist ein entschuldigunng die heißt Vulgaris / die haben die leyen in selbs erfunden / das ist kempffen / kalts wasser / vn(d) das heiß eysen / wie sollichs zů gee schreybt Rofredus gäntzlich dauon in disem Titel / dise entschuldigung ist verbotte(n) von d(er) christenheit. extra. c. ti. c. vlti. Wan(n) durch sollichs würt gott versůcht das er zeichen gebe vnd thů / vnd sollichs soll nit geschehen.

(277) Der Ander Teyl

extra. c. ti. significantibus. Item es würt offt durch sollichs der vnschuldig verdampt. Die pfarrer solten solchen nit vnsern herrn geben / auch vff solchs nit beycht hören / vnd darumb steet nit vmb sunst geschriben das die priester solten geistlich recht künne(n) doch zům mynsten lesen. Deberemus sprach die nunne.

De custodia reorum.

Wann vnd wie die verclagten oder geschuldigten behüt sollen werden.

So die verclagung geschehen vnd der verclagt kom(m)en ist / so ist vnderweylen not / das der verclagt in gefencknüß gehalten werde / darumb so merck.

C. de custo. reor. si quis. Am ersten das der richter sol forschen ob der verclagt der malefitz bekentlich sey / oder nit / hat er die übelthat bekannt / so sol er in gefencknüß gehalten werden als lang biß das das vrteyl geben würt. C. c. l. vlti. Vnd als er bekant hat / so sol im bald die peen angelegt werden. c. l. si q(ui)s in ea. Doch also / so er ein cleine zeyt gefange(n) ist gewesen / so sol er vß der gefencknüß gefürt vnd vor gericht gehört werde(n) / das also offenbar werd ob er noch in seim beke(n)nen bleyb / oder ob er sein beke(n)nen endern wöll / vff das das also offenlich zeügknüß werde das er die missethat gethon hab / vn(d) vff das das also offenlich zeügknüß werde das er die missethat gethon hab / vn(d) vff das das die richter sollen wissen das in ein zaum angelegt vnd gesatzt sey wan(n) sie sollen nit mit im vmbgeen nach strengigkeit wie sie wöllen.

ff. c. l. vlti. Item hat aber der verclagt die missethat nit bekannt / vnnd ist verclagt von einer grossen missethat / so sol der verclagt gefangen gehalten werden. ff. de pe. aut damna. §. solent. Vnnd die erfaru(n)g vmb die sünd so bald geschehen / vff das dz der schuldig gestrafft / vnnd der vnschuldig absoluiert werde / würt aber das erfarn gehindert durch das abwesen des verclagers od(er) der gesellen des verclagte(n) / so sol der verclagt die weyl in hůt behalten werden / aber die ketten sollen lang sein nach dem vn(d) die missethat ist / also das er nit gepeiniget werde / er sol aber doch in sicherhůtt gehalten werden / wann die gefencknüß carcer in latein / ist erfunden allein zů behalten vnd nit zů peinigen. C. c. l. j. per totu(m). Vnd darumb sol er nit gantz in der fynsternüß sein / er sol sich des liechts gebrauchen / aber in der nacht sol die hüttung gezwyfacht werden / vn(d) sollen die hütter vor d(er) gefencknüß ligen vnderm fürschopff vnd so der tag her geet vor der sonnen vffgang / so soll der gefangen wider an das offen liecht gefürt werden / das er in der peen des kerckers nit sterbe. C. c. quoniam. Vnnd vil mögen in einer gefencknüß gehalten werden doch eins geschelchts. Auch merck das kein fraw sol von schuld wegen dem fisco oder eim andern in ein closter oder anderßwo beschlossen werden / oder auch vmb ein cleinen missethat / wan(n) vmb schuld sol sie vmb sich / durch sich oder iren man(n) oder ein and(er)n antwurten / so sol man über ir habe procediern. Ist es aber ein sollich malefitz das not ist das sie behüttet sol werden / mag sie dan(n) ein bürgen geben dem sol man glauben. vt in aut(em). vt nulli iudi. §. necessatium. coll‘. ix. Schwört sie aber sie mög kein bürgen geben / so sol man vff iren eyd glauben / wil sie anders schwörn dz sie dem vrteyl nachkom(m)en wöll / wers aber der grossen sünden eine darumb sie verclagt ist / so sol sie in ein closter gethon / oder frawen zů behütten geben werden / die sie auch behütten sollen.

Co(m)mentarie(n)sis. Item allein die man(n) sollen gefangen gehalten vnd mit fleyß behüt werde(n) von denen die in ir beth machen vnd iren dienern / vnd von dem Co(m)mentariensi / das ist der oberst bey dem gefangen gehalten werden / vnd diß alle sollen menschlichen die gefangen tractieren vnd handeln / sie sollen den verclagern

(278) Das QXXXII Blat

kein gewalt über sie lassen / das sie die gefangen nit peinige(n) mit hunger / durst oder angsten / sie sollen hören vnd gehört werden so sie schreyen / vnd wo sie dawider thůn / so sol sie der richter tödten / anders der richter würt erlößt vnd entsetzt / vnd sol nach dem willen des obern richters gestrafft werden.

C. c. l. vlti. Item co(m)mentariensis sol all wegen vmb den .xxx. tag dem richter sagen / wie vil der person seind / was missethat sie gethon haben / wie sie gefangen lige(n) wie sie gefangen gelege(n) gewesen sein / anders er ist verfallen eratio. xx. pfundt golds / vnd ist der richter seumig das er nit schickt das sollichs geschee d(er) würt seiner würdigkeit beraubt vnnd gestrafft in zehen pfundt golds. C. c. l. ad co(m)mentarienses. Kompt aber der gefangen vß der gefencknüß / sol der hüter die selben peen leyden die der gefangen sol leyden. Der hüter beweyse dan(n) das er casu fortuito vßkommen sey. ff. c. l. vlti. Man sol nit einem sunder zweyen das hütte(n) empfehlen / wan(n) wo sie saumnüß halb die hůt verlieren / sie sollen darnach ir vnfleyß gewesen ist gekestiget werden / wölcher er aber vntreüwlich mit dem hüten vmbgange(n) were / den sol man seins haupts berauber oder sunst schwerlich straffen / vnderweyle(n) würt gnad gethon so der hüter hinweg laufft / dem andern sol man gnad thůn.

ff. c. l. vlti. Item tödt sich aber einer in der gefencknüß oder fiel auß der gefencknüß zů todt / der hüter sol darumb gekestiget vnd gepeiniget werden / tödt aber der hüter oder würfft in auß der gefenncknüß zů todt / er ist schuldig des todtschlags / spricht er aber er sey sunst todt / er sol sollichs mit zeügen beweysenn / vnnd als dann sol im gnad geschehen.

Item der gefangen sol in hůt gehalten werden als lang biß die sachen ein end nympt. C. q(ui) acc. pos. l. ij. C. de custo. reo. si quis. Er soll auch als bald nit gestrafft werde(n) / wan(n) er sol vß der gefencknüß gefürt werden das da gehört werde wie er überwunden sey / vnd sol dan(n) wider in kercker gefürt werden / vnd darnach vßgefürt / vnd sol da gehört werden ob er sich icht wören möge. C. c. l. vlti. in p(e)n. Diß ist also / so der verclagt die missethat bekannt hat / aber wan(n) er mit zeügen überwunden würt / so sol nit gehört werden. C. de pe. si. vindicari. On wan(n) so grosse peen vffgelegt were.

ff. c. l. j. Item ist es das die übelthat nit groß ist der verclagt mag zů behalten gebe(n) werden eim oder im selbs vff sein trauwen oder bürgen das schätzt der richter nach de(m) wesen der missethat / od(er) vmb eren willen / oder vmb reychtumb d(er) gütter / oder vmb vnschuld der person / oder vmb die würdigkeit des verclagten.

Ite(m) d(er) bürg würt verdampt in d(er) sum(m) die er verheissen hat. Ist aber kein bestympte sum(m) verheissen worde(n) / so würt d(er) richter die sum(m) selber schätze(n) / es were dan(n) durch gewonheit ein sum(m) gemacht / die selbe sol der richter halten.

ff. c. si q(ui)s reum. Item er mag auch extra ordinarie den bürgen straffen ist das er arglistigklich den verclagten nit wider bring.

De priuatis carceribus.

Von den sunderlichen kerckern vnd gefencknüssen.

Oben hastu von offenlichen kerckern vn(d) gefencknüssen. Nun merck wie die sunderliche(n) gefencknüß verbotte(n) seind. Du solt wissen das keiner ein besunderlichen kercker oder gefencknüß hab(e)n sol / dan(n) allein der magistrat / dz ist der d(er) den gerichts zwang hat. C. de p(ri)ua. carce. inhibe(n)dis. l. vni. Nymwar wölche richter sollichs nit rechen vnnd wo die die ampt habenn sollichs nit verkünden / seind zů gleycherweyß als die die

(279) Der Ander Teyl

Keyserlich maiestat zerstören / sollen sie getödt werden / wan(n) das ist gewiß dz ein yegklicher der ein sunderlichen kercker hat / vnd die menschen daryn vahet ist als ob er crimen lese maiestatis gethon hab / der sol getödt werden.

Sireus vel accusator mortuus fuerit.

Wo der verclagt oder clager oder der geschuldiget todt were oder stürbe.

C. d(e) accu. l. diui. So das vrteyl vmb die missethat angefanngen ist / offt stirbt der verclager auch offt der verclagt / vnderweylen nur ir einer / vnd darumb was recht sey / sollen wir sehen wo sollichs geschee / vnd nymwar stirbt allein der verclager / die verclagung angehaben verlescht / wan(n) die erb(e)n des verclagers werden nit gezwungen die missethat also angefangen zů durchächten. ff. d(e) accu. ex iudi cior. C. d(e) apost. l. apostatarum. Wol von eim andern mag er verclagt werden. Stirbt aber der verclagt so ist es alles verloschen / on allein in der missethat lese maiestatis / vnd repetundaru(m) / vnd abtrünnigung / vnd kätzerey. Vnd das ist also / so der verclagt natürlichen stirbt die weyl die hauptsach weret. ff. de bo. eo. q(ui) an. sen. mor. co(n)sci. l. iij. (et)c. C. c. l. j. (et)c. ij. Tödt aber der verclagt sich selber / nach dem vnd d(er) krieg contestiert wer / oder so er in der missethat begriffen were / als dan(n) sollen sein habe den erben genom(m)en werden / wan(n) es ist herter so sich eienr selbs tödt / dan(n) tödt er ein Fürsten. C. c. l. vlti. Stürb aber der verclagt in hangender appellatio ist deßgleychen der missethat halbenn / aber der habe halben / seind sie offenlichen adempta / so sol die appellatz volendt werden. Ist aber sollichs schweygend gescheen / wan(n) die hauptsach verlescht / verlischt auch die sach der habe halb.

Si quis imperatori maledixerit.

Wölcher dem Keyser übel spreche.

ff. ad. l. iul. maie. famosi. Oben hastu vo(n) d(er) verclagu(n)g in gemeyn. Nun würstu haben in sunderheit / vn(d) in disem Titel hast vo(n) d(er) gröste(n) that / die geschicht vnderweyle(n) mit gthate / vo(n) d(er) du im nechste(n) Titel hast / vnderweyle(n) mit rede(n). Nymwar sprech einer / d(er) Keyser wer vntreüw / od(er) rotfuchs / od(er) deßgleychen / geschicht sollichs vß leychtigkeit / so sol es verschmächt werde(n) / wan(n) dz eim entschlupfft dz sol nit leychtlich zů peen gezogen werden. Geschichts aber vß vnsynnigkeit des zornes / od(er) so einer vol weins ist / so sol es vergeben werden. Geschichts aber mit bedachte(m) můt / so sol er dem Fürsten gesandt werden / vn(d) er soll die that wigen nach der gelegenheit der person / ob ers vnderwegen oder straffen wöll heissen.

Ad legem iuliam maiestatis.

Von der übelthat lese maiestatis.

Der Keyser würt verletzt so einer ein übelthat wider in thůt / darumb merck die Constitutiones ad .l. iuliam maiestatis lese / wie die selben missethat vßgelegt werden / wann diß malefitz übertrifft die andern alle.

Lese maiestatis crimen. Am ersten was crimen lese maiestatis sey / wölche darumb verclagen mögen / was die peen dar vff sey / vn(d) wie langs were. Das ist die übelthat lese maiestatis / wo einer wider Rom etwas thůt / oder wölcher fleücht zůn feynden / oder in wölchen weg er den feynden hilfft / mit waffen / mit gelt / oder mit rhat / oder die vnderthänige landt vndersteet vngehorsam zů machen / oder so einer ein vflauff bewegt oder macht in einer statt / od(er) das der magistrat ertödt werd

(280) Das QXXXIII Blat

oder der Fürst / oder die bey dem Fürsten militieren vnd wonen durch die er regiert / oder der waffen nympt / oder occupiert etlich end wider gemeyn nutz.

ff. c. l. iiij. in fi. Item wölcher einen der diser malefitz verclagt ist auß der gefencknüß heißt geen. Noch seind mer casus aber sie seind nit gewonlich / die vindestu .ff. in disem Titel.

Item es ist nahet gleych diser missethat wo eienr ein sunderlich gefencknüß hat / vnd in falscher müntz / von den du oben vn(d) hernach hast.

ff. c. famosi. et. l. questionibus. Item es hat dise verclagung vil sunnderheit / wann alle die die sunst vom verclagen vertriben werden die werden hie zůgelassen.

C. c. l. q(ui)squis. et. l. penul. et. ff. d(e) pe. crimen. Item die kindt deren die also gesündet haben vnd ob sie nit getödt werden / so leyden sie doch ander peen / wann sie werden erloß / vnd erben nyemandt / aber die töchtern haben in irer můtter habe falcidiam.

C. c. l. penul. Item so diß malefitz volbracht wirt / mag nichts empfrembdt werden. ff. de bona. post contractum. In andern sünden ist diß nit.

C. c. l. vlti. Item diß verclagung mag angehaben werden nach dem todt.

C. c. l. q(ui)sq(ui)s. §. fi. Item merck das der der sollichs offenbart / ee sollichs angehaben ist / vnd ee er sollichs sich verbunden hat / verdient ablaß vnd nit lon. Wölcher aber also nit entschuldiget mag werden der diser sünd schuldig ist / er hab das malefitz volbracht oder wolt es volbringen / also das etwas dar innen bescheen ist / als ob er den eyd geben oder geschworn het sollichs zů volbringen / oder deßgleych(e)n etwas geschehen were / der sol mit dem schwert getödt werden / vnnd alle sein habe sollen gemeyn geurteylt werden.

C. c. d. l. q(ui)squis. Item mit diser strengigkeit sol der will diser übelthat zů volbringe(n) eben als ob es geschehen were gestrafft werden.

Item wo du in disem bůch vindest dz wort Fürst / solt du allein den bapst Keyser oder ein Künig versteen / wann der andern keiner würt im rechten ein Fürsten geheissen. In diser verclagung magstu also dein libel formieren.

C. d(e) accu. l. accusationis. Vor eüch richter diser statt. Ich .T. verclag .N. vnd sprich das er mit dene(n) .N. vnd .N. ein bundt geschworen oder eins worden ist / wie sie den Keyser tödten wolten / oder den rhat in einer statt (et)c. in disem iar vnd ihm mertzen / in des hauß zů Nüremberg / vnd ist auch sollichs verlüempt vor schwären vnd fro(m)men leüten / darumb bitt ich das ir in straffen des rechten iulie maiestatis / vn(d) verbindt mich wo ich sollichs nit beweyß das ich die selb peen leyden soll / wan(n) der clager sol sich solcher peen zů leyden verbinden / wan(n) es zympt wol das sich der verclager verbind vff sollich peen / wann durch sollichs würt gezwungen vnnd nidergetruckt die keckheit oder freuel der die falsch übelthat fürbringen. Aber sollichs würt an etlichen enden nit gehalten gäntzlich / sunnder es ist ein sum(m) gelts dem verclager vffgesatzt wo er nit beweyset / wo anders er vmb clein sünd verclagt / darumb dann nit übers blůt geurteylt würt.

Ad legem iuliam de adulterijs et stupro.

Von dem eebrechen vnd iunckfrawen zerstörung.

Nun vom eebrechen als die selb missethat vnder den and(er)n gar seer schwer ist. Eebruch. Solt du mercken das Eebrechen ist ein vnzymlich helfen vn(d) vermischu(n)g mit eins andern eeweyb / oder die im gemähelt ist sponsa in latein / vnd ist eb(e)n als ein yngang in eins and(er)n schlaffkamern thorus in latein / wan(n) das ist nit

a

(281) Der Ander Teyl

eebrechung wan(n) ein eeman ein ledig frawen helset. C. c. l. j. et qui accu. no(n) pos. de crimine. In disem Titel würt das eebrechen nit angesehen darumb das einer geet von seiner frawen zů einer andern / sunder allein wo er geet zů eins andern eeweyb oder sponß / vnd das darumb / wan(n) eins andern eeweyb ist gehelset worde(n) spreche(n) wir nit das der man(n) zerstöret werd als die fraw / vnd darumb so mag ein fraw den eeman nit verclagen / daru(m)b das sie spreche das ir thorus schlaffkamer zerstöret sey / auch nit dz ein frembde schlaffkamer als so eins and(er)n eeweyb gehelßt wer zerstöret sey / wan(n) in gemeyn in verclagu(n)g gemeyner missethat würt die fraw nit gehört.

Item in diser verclagung missethat / würt am erste(n) zůgelassen der eeman vnd geet vor den andern allein / vnd darnach der frawen vatter / mit der vnderscheidt als Azo setzt in disem Titel.

ff. c. si vxor. §. diuus. et. §. si minor. Ite(m) spo(n)sus dz ist der d(er) noch nit bey geschlaffe(n) hat / mag diß verclagu(n)g fürn.

ff. c. l. iter. §. filio. Item es irt auch nit ob er der sponsus oder der eeman ist / haußuatters sun oder selb haußuatter / wann er mag on seins vatters willenn das eebrechen straffen / vnd rach seins eygen schmertzen bitten.

ff. c. si marito. §. lex. et. C. c. p(re)ter. §. sed si ipsa. Item es würt auch hie inn nit angesehen das alter / wann der der noch nit xxv. iar alt ist würt gehört / doch mit gewalt seins vormunds / vn(d) allein vm(b) seiner schlaffkamer willen nit vmb frembde clag.

Item der eeman můß sich auch verbinden vff die peen zů leyde(n) / wan(n) ist dz er nit beweyßt / so versicht man sich doch nit zů im das er sollichs välschlichen gethon hab / es erschein dan(n) sollichs mercklichen oder offenlich / vnd der eeman geet den andern verclagern vor innerhalb sechtzig tagen / vnnd wiewol man sich zů den zweyen nit falscherey versicht vnder den sechtzig tagen. ff. c. qua(m)uis. et. l. is cuius. §. vlti. Also / ist dz sie nicht beweysen das sie nit verdampt werde(n) / yedoch empfindt der richter offenlich ir boßheit / sie sollen der peen gestrafft werden. C. c. abolitione(m). ff. c. l. j. Wo sie aber vom verclage(n) oder ander störung von der du oben hast liessen / sie fielen in die peen turpilia.

C. c. iure mariti. Item es würt vertriben vnd gehindert der eeman zů verclage(n) in seim rechten nach den sechtzig tage(n) / er wöll dan(n) clagen als ein frembder nach sechs monaten nach dem vnd die sünd geschehen ist. ff. de adulte. mariti lenociniu(m). §. sex mensibo. (et)c. §. q(ui)nquennium. Vnd nach fünff iaren sol kein verclager gehört werden. Es wer dan(n) vß rechter vrsach gehindert worden. Vnd gemeynlich so mag kein übelthat nach zweintzig iaren angehaben werden zů verclagen. ff. c. q(ui)nqueniu(m). C. ad. l. cor. d(e) fal. querelam. Vnd diß felt in der missethat so eine sich schwanger dar geben hatt von irm mann / vnd hat einer andern frawen ir kindt genommen vnnd zů ir gelegt / vnd irem man(n) gesagt es sey von ir geborn / das selb malefitz steet nymmer so lang es mag allweg geoffenbart werden / vnd hilfft kein lang herkommen / es mag allweg verclagt werden / doch allein durch die die sollicher habe erb gewesen wern vnd seind.

ff. d(e) accu. senato. Ite(m) es mag keiner ein verclagen vmb ein missethat vß mer dan(n) eim rechte(n).

ff. c. l. penult. et. l. miles. §. penult. C. de diuor. l. vx. Ite(m) es mag eienr vmb eebrechung verclagt werde(n) / so er gewißt hat das die fraw eins andern eeweyb ist die er gehelßt hat / doch also das die fraw die dz eebrechen gelitten hat frey sey / wan(n) wer sie eygen so het diß verclagung nitt stat / sunder der clag ein von der schmacheit / oder von dem verfürn des dienstbotte(n) od(er) vo(n) schade(n) thůn / vo(n) den du obe(n) hast. ff. de iniu. l. si stuprum. Wo du dich aber der clag d(er) smacheit bruche(n) woltst / du můst beweyse(n) dz solich zerstöre(n) wer zů smacheit geschee(n) / wa(n)

(282) Das QXXXIIII Blat

zerstörung jungfrawlicher ere oder eebrechung in freyen vn(d) eygen frauwen geschicht gewonlich vß begird der natur / vn(d) nit in smacheyt / darumb můstu sollichs beweysen. Ouch ist nit nott mer do vonn zů setzen / wan(n) es ist keyn eygen mensch in teütsch landen von dene(n) die obgeschriben recht sage(n) / als du sollichs clerliche(n) oben in eim besundern titel hast.

ff. c. qui domu(m). Item des gleyche(n) es sey fraw od(er) man(n) / der od(er) die ir hauß dar zů leicht das dar in eebrechen geschehe / oder so eyner gelt / oder andern nutz auß seiner frawen eebrechen nimpt / er sey wer er wöll / er mag nahet als ein eebrecher gestrafft werden / das hauß sey sein eygen oder nit.

ff. c. qui. pupilla(m). C. si q(ui)s ca(n) cuius tu. fue. cor. l. vni. Item der formu(n)dt der die der formundt er ist zů der er ee nimpt wider das recht / würt nahet als der eebrecher gestrafft / deß gleiche(n) vnd noch mere der d(er) ir junckfrawlich ere nimpt. ff. c. si adulteriu(m). §. vlti. Aber dem magistrat oder de(m) der in etlichen gemeyne(n) dienst oder ern ist / sol die verclagung vertzogen werden biß das sein ere ein end hat.

C. de exhiben. et tra(n)s. reis. l. ij. Item also sol in diser verclagung procediert werden / wan(n) nach dem vnd das libell geben ist / soll ouch zug geben werden sich zů bedencken / vnd das sollen xxx. tag sein. Nach sollichem bedencken sollen ko(m)men der verclager / vnd der verclagt / vnd den kryeg co(n)testieren / der verclagt hab dan(n) exceptiones dilatorias / die / die sach verziehen / als dan(n) sollichs Azo setzt .C. de accu et in scrip. vn(d) ouch in disem titel. ff. c. fi. magistratus. §. penul. et. vlti. et. l. q(ui) vxori. Die fraw möcht sprechen der man möcht sie nit verclage(n) auß seim rechten nach .lx. tagen / oder ob sie sprech das sie nicht so vil möchten vmb eebrechen verclagen. Oder die fraw möcht mit andern exception die sach verzugen kommen / vn(d) darnach sol der krieg contestiert werde(n) wo sie der exceptio(n) kein hett oder aber in sollicher exceptio(n) fürbindu(n)g ist der nider gelegen.

C. c. l. vlti. Item die peremptorie exceptiones / das sein die exceptio(n) die den willen des verclagers gantz tödten / mögen fürbracht werden wann man will. Als in der prescriptio(n) der fünff jar. vnd der .vj. monat. ff. c. l. j. §. j. et. C. c. l. abolitionem. Des gleychen wo die frawe sprech der man hett do von gelassen. ff. c. denu(n)ciasse. §. queritur. et. l. adult. §. penul. et vlti. Oder der eebrecher were absoluiert worden / als dan(n) hat sie all wege diß exception / wo aber der eebrecher verdampt were / můß man von newem mit der frawen rechte(n). C. res inter alios (et)c. Wan(n) dz / das zwische(n) dene(n) geurteylt ist schat den and(er)n nit.

ff. c. si vxor. §. iudex. Item die frauwe hat mer tötend exceptio(n) / als wo sie spricht das der man(n) sey ein anhab irer missethat gewese(n) wan(n) der richter diser verclagung sol vor sein augen haben vnnd mit fleyß erfarn / ob der man(n) ein keüsch züchtigs leben fůre / vnd der frauwen also gůte sitten vor getragen hab wan(n) es were gar böß das der man fordert gůtte sytten vo(n) der frawen der er selbs nit enhab / das selb mag ouch den man verdamne(n).

ff. c. si. vxor. §. vltimo. Item wan(n) der eeman yr sitre(n) approbiert hat / als het er sie vßgestosse(n) / oder vo(n) ym missethat die vor in der andern / ee geschehen were / oder were sie ein witwe gewesen / vnd het sich helsen lassen / das in latein ouch stuprum heyßt / wan(n) er hat die missethat der vorigen ee zerstört in dem ers geno(m)men hat / vnd d(er) / der verclagt zerspelte die sitten des weybs die er mitt dem vnd er sye zů der ee nympt approbiert hatt.

C. ad. l. iul. de adult. q(ue)m. et. l. ita ff. c. l. j. Item spricht sie er sey leno g(e)wesen / mit diser exception vertreybt die frauwe vnd ouch ein frembder den man so er yn also verclagt / vnd der

a ij

(283) Der Ander Teyl

eeman(n) würt auch dar zů gestrafft / diß exception würt erst fürbracht nach dem vnd der krieg bestetigt ist.

Leno. Ite(m) ist leno / d(er) sein frawe(n) helt dar zů das sie die ee bricht / od(er) gelt davon nympt / od(er) and(er)n nutz / vnd leyt das sie ir ee bricht. C. c. l. ij. Vn(d) der Leno sol eben also gestrafft werde(n) als d(er) eebrecher / vn(d) also wan(n) diß exceptio(n) oder irs gleyche(n) nit seind / so würt die verclagu(n)g zů gelassen / es were dan(n) des verclagers person vom rechten reprobiert / als du obe(n) hast von den die nit verclagen mögen.

C. d(e) proba. scia(n)t cuncti. Ite(m) darnach sol beweisung geschehe(n) / vn(d) d(er) richter sol nit törliche(n) sage(n) glauben. C. c. l. i. adulterij et. C. de repu. c. iddi. de mori. sola. l. consensu. §. vir. ff. de adulte. Vnd sunderlich in diser verclagung so beweysung geschehen durch frembde zeügen / wan(n) die heymischen diensibotte(n) werden sunderlich in diser missethat mit peyn gehört.

vim passa. §. vl. C. c. quamuis in dubi. Ite(m) so die übelthat überwu(n)den würt / so sol dz vrteyl gebe(n) werde(n) in gegen wertigkeit d(er) parthey / es were dan(n) d(er) clager od(er) verclagte so die missethat geoffe(n)t wer vß rechter vrsach abwesend. C. c. qua(m)uis adulterij. Vn(d) d(er) man(n) würt gestrafft mit de(m) schwert. Aber die eebrecherin sol mit besemen geschlage(n) werden / vnd darnach in ein closter gethan werden / vnd d(er) man(n) mag sie vnder zweye(n) iare(n) wid(er) zů im neme(n). vt in aut. vt nulli. iudi. §. si qu(i). ff. c. patri. (et)c. l. nec et. l. q(uo)d ait. So aber die zwey iar vergange(n) sein / od(er) der man(n) gestorben ist / ee er sie genom(m)en hat vß de(m) closter / die eebrecherin sol beschnitte(n) werde(n) / vn(d) ein kette(n) an thůn / vn(d) ir lebtag im closter bleibe(n) / vnd die zwey teyl ir eyge(n) habe / solle(n) neme(n) ire kind / vn(d) vatter vn(d) můtter / den drytteyl das closter / hat sie aber kein kindt / vn(d) vatter vn(d) můtter leben hoch die kein schuldt am eebreche(n) habe(n) / den sol dz drytteyl / vn(d) de(m) closter die zwey teyl gebe(n) werde(n). ff. c. mari. i. Responsio. Ist aber d(er) kei(n)s im lebe(n) / so ist alles dz sie hat des closters / vn(d) solle(n) alle ding in de(n) hyrats brieffen gentzlich gehalte(n) werde(n). Also hastu wie die eebrechu(n)g gestrafft würt. Nim war / d(er) vatter d(er) sein tochter in seim gewalt hat / mag ein yegliche(n) eebrecher seiner tochter töten im hauß dz seinist / vn(d) in seins tochterman(n)s hauß / vn(d) er sol sie beyde / nit eins allein / vo(n) stu(n)d an töte(n). Aber d(er) eeman(n) mag de(n) eebrecher töte(n) / ist dz er ein sollicher ist de(n) er nit schuldig ist reuere(n)tz zů thůn. Od(er) mag in aber habe(n) zwei(n)tzig stu(n)d dz er zeüge(n) bri(n)g die im hinfür zeügniß gebe(n).

in aut(em). vt li. ma. et auie. is quo qs et. §. qs vero. Ite(m) wan(n) einer eine(n) verdacht hat mit seim weyb / vnnd sagt im oder verbeüt im dreymal in gege(n)wertigkeit from(m)er zeüge(n) dz er nymmer mit ir rede(n) sol / darnach findt er in bei ir in seym hauß / od(er) seins weybs / oder des eebrechers / od(er) in einer vorstatt / er mag i(n) on straff töte(n) / wo er in aber anderßwo vidnt / vn(d) růfft zů im drey zeügen / vn(d) bringt im de(m) richter / d(er) mag in on and(er) beweysung straffen / werde(n) sie aber in eine(m) gots hauß gefunde(n) mitteinand(er) zů rede(n) / nach solliche(n) drey male(n) v(f)biete(n) / wie obe(n) stat / der eeman(n) mag die beyd person de(n) beschirmer d(er) kirche übergebe(n) / od(er) den and(er)n priestern / dz sie vo(n) einand(er) gescheyde(n) behalte(n) solle(n) werde(n) biß dz d(er) richter sollichs erfarn hat / vn(d) sendt zům bischoff dz er im die übergebe / vff dz dz er sie straff. C. c. gracius. ff. c. si adulterius. §. si imperatoris. Wo aber d(er) eeman(n) an eim and(er)n ende dan(n) obe(n) statt ei(n) ertödte / er sol gestrafft werde(n) / doch nit so mit grosser pee(n) / vn(d) dz sol vnderweyle(n) vm(b) d(er) zeyt wille(n) villeycht so es nacht ist gewese(n) / od(er) vo(n) schmertzes wille(n) / wa(n) es ist gar schwere ei(n) billiche(n) schmertze(n) zů te(m)periere(n) vn(d) überwinde(n).

Ite(m) merck / dz allein die straff die d(er) richter thůt wie obe(n) stat / nach v(f)hengu(n)g götlicher vn(d) geistlicher rechte(n) zymlich ist. Auch soltu

(284) Das QXXXV Blat

wissen das in geistlichen rechten die fraw den man(n) mag der missethat verclagen / aber nit vff diß peen. Stuprum. Nun merck vmb zerstören inuckfrawenlicher ere oder witwesta(n)t wan(n) stuprum in latein ist ein vnzymlich oder sche(n)tlich geselschafft / vnd würt volbracht mit einer eiunckfrawe(n) / oder witwen / sie were dan(n) ein hůre / thörin / oder ein vnzymlich schlaffweyb / vnd die ist ein törin die sich im frawen hauß / schenckstart / oder sunst in eynem hauß eynem yegklichen feyl beüt / vnnd auß irem leyb gelt löset. xxxiij. q. iiij. meretrices. In geistlichen rechte(n) heißt die ein thörin die vil helsen laßt. Vnd das wort vil / würt in der selben gloß vßgelegt .xxiiij.

Ite(m) ein vnzymlich schlaffweib ist die einer nit zů der Ee neme(n) mag.

ff. c. inter. §. j. l. stupru(m). Item stuprum würt volbracht in eim kind. ff. c. ma. iti. §. q(uo)n que(m)niu(m). (et)c. §. vl. Pena stupri. Vnd die verclagu(n)g mag angehaben werden vnder .v. iaren / wo aber stuprum geschehe eim knaben oder tochter / oder frawen mit gewalt / sollich verclagung mag zů aller zeyt angehaben werden. insti de pub. audi. §. ites. lex. cornelia. Vnd das ist die peen stupri / ist d(er) erber dor also gesündt hat so sol das halb teyl seiner hab gemeyn geteylt werden. Ist aber er nit erber / so sol er am leyb gestrafft / vnd etlich iar im die stat verbotten werden.

Erber. vnzeytige meytle. Merck / diß wort Erber / soltu versteen eins erbern wa(n)dels vn(d) nit für edel wo du das wort hie in(n) vindest / wo aber einer ein Vnzeytige iunckfrawen zerstöret / ist er erber so sol er in ei(n) ertzgrůbe(n) verda(m)pt werde(n). ff. de pensi. q(ui)s aliq(uo)d. §. q(ui) no(n)du(m). Ist er nit erber so sol er mit dem schwert getödt werden.

C. c. cu(n)vir nubit. Item vß dem merck / das in straffen die person angesehen sol werde(n) / wan(n) sollichs vindestu vil in geistlichen vnd weltlichen rechten.

C. si q(ui)s ea(m) cuius tu. fue. corrupit. l. vnica. Item wan(n) der vormundt die zerstöret der vormundt er ist / dem sol ewigklichen die stat verbotten vnd sein habe gemeyn geurteylt werde(n). Also magstu formieren dein verclagung.

Herr richter (et)c. vnd sage wo vnd mit wem / vnd zů welcher zeyt d(er) Eebruch / geschehen ist (et)c. vnd bitt das ir in strafft mit dem recht iulia de adulterijs vo(n) Eebreche(n) / vnd im sein haubt abschlaget / vn(d) ich verbind mich das ich diß peen leyden wöll / wo ichsollichs nit beweyse. C. c. l. sed nouo. iure. (et)c. l. hodie. Deß gleychen magstu formieren wider die frawen / vnd beschleüß also / vnd darumb bit ich sie vor mit růten geschlagen / vn(d) ir har abgeschnitte(n) in ein closter alda ewig zů büssen gestossen werden.

vt li. ma. vl’auic. §. causas. Item sůch in der auten(t). Da vindestu wie der man(n) gestrafft sol werden so er zů andern frawen geet / vnd die fraw sollichs clagt / vnnd wie sie beyd am gůtt gestrafft mögen werden / wo yeglichs mit des andern willen sein Ee bricht (et)c.

aut. si q(ui)s in sua domo. Ite(m) also laut d(er) ein .§. in d(er) obgerürten auten(t). Si quis in sua domo in qua cu(m) sua co(n)iuge co(m)man et co(n)te(n)e(n)s ea(m) cu(m) alijs in ue(n)iatur i(n) ea domo mane(n)s. aut in eade(m) ciuitate dege(n)s. in alia domo cu(m) alia muliere freque(n)ter co(n)uincitur (et)c. Wer diser auten(t). bedarff der frag ein rechte(n)s gelerten.

In aut. vt lice. mat. (et)c. auic. (et)c. Ite(m) diß auto(n)tica ist wid(er) die man(n) die ir frawe(n) vnbilliche(n) schlage(n). Si quis a(u)t propriavxore(m) aut fustibus ceciderit sine aliqua causaru(m). quas co(n)travxores ad matrimonij solutione(m) sufficere iussimus. matrimonij quide(m) solutione(m) ex hoc fieri nolumus. viru(m) a(u)t qui mo(n)stratur sine hmo(n)ica(s) vel flagellis vel fustibus cecidisse vxore(m). t(a)m post hmo(n)i iniuria. ex alia sua dare substantia vxori e(n)t co(n)sta(n)te matrimonio qua(n)tu(m) tertia pars an(o) nuptialis facit largitatis.

a iij

(285) Der Ander Teyl

Ad legem iuliam de vi publica vel priuata.

Von gemeine(n) vn(d) sudnerlichen gewalt.

Darumb das offt eebrechu(n)g vnd iungfrawen zerstörung mit gewalt geschehen / würt hie gesetzt von offenliche(n) vn(d) sunderliche(n) gewalt. Violentia. Nun hat diß recht Julia d(er) vi publica. Der keyser Gaius iulius geheissen gemacht / vn(d) dz ein heyßt vo(n) offenliche(n) gewalt / wan(n) violentz das ist gewalt die geschehen ist mit waffen / od(er) so etwas als violentz würt geschätzt. als so einer da heyme(n) waffen hat / od(er) offenlich mit geschoß geet / od(er) gewaffent leüt in einer hynderhůt / od(er) hůt hat / dz er ein vfflauff machen wöll. ca(n) sedito(n)is in latein. ff. c. l. i. ij. iij. i. r(e)n. (et)c. i. §. Deportatio. Vnnd diß ist die peen / sein sie frey / in sol ewigkliche(n) die stat v(f)botten werde(n) / vn(d) all ir hab gemeyn geteylt werden / das in latein heßt Deportatio aber die eygen solle(n) getödt werden / wo sie on irs herre(n) wissen / gewalt gethon haben / hat ers aber geheyssen / sie solle(n) in ein ertzgrůbe(n) verda(m)pt werden. C. c. scruos. Vtis priuata. ff. de publi. iudi. l. i. Vis priuata sunderlich gewalt geschicht on waffen / vn(d) sollichs heyßt nit daru(m)b sund(er)lich / dz nur allein der de(m) gewalt geschicht verclage(n) mag / sund(er) ein yeglicher mag verclagen / vn(d) heyßt diß verclagu(n)g auch gemeyn (et)c. C. c. tutores. Vn(d) sein peen ist dz im genom(m)en sol werde(n) d(er) drytteyl seiner hab. ff. c. l. i. Vn(d) verliesung d(er) wirdigkeyt / vn(d) würt erlößt. ar ff. d(e) ter. amo. l. ij. (et)c. C. c. q(ua)m. Vn(d) verliesung d(er) wirdigkeyt / vn(d) würt erlößt. Man mag im auch dz landt verbiete(n) relegatio po(s)t imponi. C. c. q(ua)m. Vn(d) vnd(er)weyle(n) sol man(n) im dz haubt abschlagen / wo in sollicher violentz man(n)schlacht oder einer getödt worden were.

Merck wan(n) ein gewalt geschehen ist / so sol er sich bedencken ob er clagen oder verclagen wöll. Mann mag vmb die übelthat in zwen weg clagen / als du oben hast im tractat von clagen / vnnd hie in disem tractat von der verclagung.

C. c. si quis. insti de pup. iudi. §. item lex iulia. Item wan(n) gewalt geschicht in schirmes vnd wöres weyßt / würt nit gestrafft / doch sol sollich wöre(n) / mit massen geschehe(n) / als du obe(n) hast im tractat von clage(n) / im Titel wid(er) den der gewalt gethon hat. Dise zwen titel soltu da bey lesen / so magstu die vnderscheit versteen / anders wa d(er) der vß getribe(n) ist / hat etwas in rach gethon / oder so er über lang vn(d) nit als bald sein besitz wid(er) erkobert hat / vn(d) sein rauber vßgetribe(n) hat vom besitz der würt vn(d) mag ciuiliter vn(d) criminaliter / dz ist vm(b) die hab vn(d) auch diser clag gestrafft werden. C. c. crimen. Wan(n) aber einer als bald messigklich oder zů massen widersteet / vnd widerstandt thůt dem der in angeet / es würt all schuld / all übelthat die in sollichem gewalt geschehen sein / vff den der sollichs an gehaben hat geschoben vn(d) erleütert. ff. deiusti. (et)c. iure vt vim. (et)c. C. vnde vi. l. i. Daru(m)b merck etlich casus / dz du sollichs obgeschriben dester baß versteest. vt. dic. l. C. vnde vi. Nym war / wann einer ein übelthat gethan hat / so er sich wören můst der selb sol nit gestrafft werden.

ff. de vi. et vi. ar. l. i. §. vnde. vi. Item merck das zymlich ist gewalt mit gewalt vertriben vmb deiner hab wille(n). Vn(d) auch farender hab / als ich wöre(n) wolt meiner kappe(n).

ff. q(uo)d me. ca(n). isti quidem. Item das das mir zympt meins leybs halb / zympt mir auch vmb meins kyndes leyb. ff. p. so. cu(m) duobu. §. cu(m) quida(m). (et)c. l. renuncia. Des gleichen vmb meins brůders person / wan(n) das recht spricht / das die selben die in geselschafft seint aller habe halb / sollen als übel vnd gůt mit einander teylen.

ff. ma(n). cu(m) seruus (et)c. ar. ff. d(e) tuto. l. i. §. i. Item ratione affectionis von begird oder billicher lieb wegen. ff. de liberali ca(n). l. i. et. ij. verum. Wan(n) vmb die schmacheit die de(m) brůder geschehen ist mag der brůder (ist er

(286) Das QXXXVI Blat

richter) nit erkennen dar vmb / wan(n) ee würt geschätzt als ob es im selbes geschehen sey.

C. de cri. expi. here aduersus vxorem que socia. Item wolt einer sein frawen schirmen / vnd thet ein malefitz / d(er) selb würt auch entschuldiget als in sein kynden vnd brůdern wan(n) sie seint gesellen des götlichen vnd menschlichen hauß.

ff. d(e) ter. amo. l. i. ff. de iniu. l. i. Item auch darumb wan(n) sie sein zwey in eim fleysch. Vn(d) das macht das die schmacheit die der frawen geschehen ist / geschicht dem mann / wan(n) die fraw sol vom man(n) vn(d) nit wideru(m)b / mit waffe(n) beschirmt werde(n).

de sen. ex co(n)i. ea. dilecto filio. li. vi. Item von den andern gesypte(n) freünden / steet sollichs nit eyge(n)tlichen zů schreiben ob wir schuldig seint sie vor gewalt / zů beschirmen in weltlichen rechten. Aber es steet eygentlichen in geistlichen rechten im sechsten bůch. Do spricht das selb recht vnder andern / die weyl es zymlich ist ein yeglichen zů beschirmen den andern vor gewalt / vnnd sein hilff mit im teylen / vnnd darumb welcher es vermag vnd sollichs nit thůt der würt geschätzt das er dem gewalt treyber gunst gebe oder thü / vnd auch sollichs vnrechts würt er selbs teylhafftig / auch steet in geistliche(n) rechten / dise sterck ist vol gerechtigkeit da eienr seins vatter landt beschirmpt mit streyten vo(n) veinden / od(er) da heym beschirmpt die krancke(n) / oder von den schechern sein geselllen / fürter aber in geistlichen rechten steet das gesetz der warheit ist das man nit gewalt thů / sunder gewalt vertreiben sol / wan(n) welcher sein nachbawern nit hilfft beschirmen vor gewalt wa ers mag / der ist eben im laster / als ob ers selber gethon hett / vff dib dient dz dz in d(er) Keyserliche(n) reformacio(n) keyser friderichs des dritten geschribe(n) steet vo(n) zů eylen (et)c. Keyserliche reformacion. Sa(n)ctus moyses der ist d(er) erst gewesen der disen zymliche(n) streyt angefange(n) hat / da er sach ein vo(n) egypte(n) ein in de(n) schlage(n) / da beschirmet er den iude(n) vn(d) schlůge den egyptiere(n) zů todt vn(d) begrůb yn in sa(n)dt / wan(n) er forcht den künig pharao / auch spricht salomo(n) / du solt die mit gewalt neme(n) die wid(er) recht zům todt gefürt werde(n).

ar. C. de. episco. et cleri. si. captiui. insti. d(e) inuti. stipu. §. ei vero. ff. ad senatusco(n)sul. sylley. l. j. §. hoc au(c)t. senato. Ite(m) thůt d(er) sun etwas so er schirme(n) wil sein vatter / er würt / entschuldigt. Des gleychen der diener sol beschirme(n) sein herre(n). Dise ding seind war wo sollichs in beschirms weiß vn(d) nit in rach geschehen ist. Als du bist in eym besitze eins grunds / ich gee dich an / vnd wil dich vßtreyben / du hebst dich an zů wören / vnd die die da bey seint hebe(n) an zů schreyen wider mich vnd ich würd forchtig vn(d) fleüch vom gru(n)dt / du folgst mir nach vnnd schlechst mich / sollichs thůst du nit in wörens form / oder in schirms weiß / sund(er) du rychst dich / vn(d) daru(m)b soltu gestrafft werde(n) / wan(n) dz wöre(n) sol geschehe(n) mit massen / dz das schirme(n) nit geschuldiget mög werde(n) / als du oben hast in d(er) clag wider den der gewalt gethon hat.

C. q(ui)n sine iudi. li. vnicui. se vin. l. i. (et)c. ij. Ite(m) wan(n) du bist in fridliche(n) besitz deins gru(n)ds / vn(d) ich gee dich an mit waffe(n) / du wörest dich mit waffen / vn(d) du verwu(n)dst mich / ma(n) kan auch nit gewissen ob du sollichs in schirms weiß od(er) rach gethon habst / wes solle(n) wir vns in disem zweyfel versehe(n). et pro hoc facit. if. ad. l. aq(ui)l. si ex plagis. §. tabernarius. Ein doctor Jacobvs spricht dz man sich alweg versehe(n) sol das d(er) der angangen sey worden sollichs in schirms weiß gethon hab. Ein ander doctor spricht dz der / d(er) angangen würt alweg verdacht sey / er hab sollichs in rachs weiß getho(n) / er ertödt oder verwundt / es werd dann dar wider bewisen. ff. ad. l. aquil. scie(n)te(m). §. q(ui) alit. et dicto. §. tabernarius. Wie wissen wir aber ob du sollichs in schirms weiß oder in rach gethan hast. R(e)n. das das geschehen ist / vnd dz wesen der that zeyget sollichs / wan(n) gee ich dich an

a iiij

(287) Der Ander Teyl

mit waffen / vn(d) du hebst dich an zů wöre(n) / vn(d) also schlage(n) wir einander / vn(d) du ertödst mich / man(n) versicht sich das du sollichs in schirms weyß gethan habst. Schlagen wir aber eynander / vn(d) du bist stercker dan(n) ich hast mich vff die erde(n) geworffen vn(d) gebu(n)de(n) / vn(d) darnach erst getödt / du würdest verdacht dz du mich in rachs weyß getödt habst.

ff. de verbo. ob. l. continiuo. j. R(e)n. et. ff. d(e) duo. re. l. duos. §. vlti. Ite(m) setz das einer sey vßgetribe(n) von seim gru(n)dt / d(er) vßgetribe(n) ist heym ga(n)gen / vn(d) hat waffen genom(m)en vn(d) nach seine(n) freünden gesandt / vnd ist also ein tag od(er) mer gestanden biß das er sein freünd gesamelt hat / darnach ist er dar gange(n) / vn(d) hat sein besitz wid(er) erkobert / hat nit d(er) sollichs in schirms weyß vn(d) als bald gethan / sprich ia / wan(n) es ist kein frembde that darzwische(n) geschehen. ff. de vi. et vi. ar. l. iij. §. cu(m) igit. Vnd merck das alweg das weren vn(d) schirmen sol geschehe(n) mit massen / also dz schirme(n) nit geschuldigt mög werde(n) dz sollichs vß rach geschehe(n) sey / vn(d) dz würt also gebriefft / wan(n) thůst du mir gewalt mit waffen / ich mag mich mit waffen wöre(n) / thůstu mit gewalt on waffen ich sol mich beschirmen on waffen. Wer aber eins faust herter dan(n) des andere(n) schwertschlag / sprich er mag sich mit waffen wören.

ff. de vi et vi. ar. l. qui armati. ff. ad. l. aquil. sed et si q(ui)d cu(m)qs. et. C. ad. l. cor. d(e) sicca. is q(ui) cu(m) telo. azo. Item sol der besitzer oder der / der angangen ist beyten biß er vor geschlagen würt ee er schlecht. sprich nein / wann er möcht villeicht hinfür nymme(n) schlage(n) / es ist genůg dz d(er) angeer erschreck den angega(n)gene(n) vff das dz also der angegangen vn(d) der besitzer sich seyner waffen brauchen möge wider den angeer.

C. ad. l. iul. d(e) vi. pub. l. si q(ui)s. (et)c. in sti. de pub. iudi. §. item lex iulia Azo. Item wo ein vßgetribener / oder ein ander etwas gethan hat in rach / oder ex interuallo mit vnderlaß / nit zů frischer that sein besitz wider erkobert hat / er würt gestrafft mit diser straff.

C. ad. l. iul. d(e) vi. pub. l. si q(ui)s ad se fundum. Item setz das er zům andern mal nit zů frischer that ex interuallo sein besitz mitt gewalt erkobert / alligiere vnd in gericht fürgebe wider mein vorderung / das ich vorhyn violentz vnd gewalt gethan hab / vnd er spricht er wöll mich wideru(m)b beclage(n) / sol d(er) gehört werde(n). sprich nein / vn(d) dz ist d(er) wil d(er) gloß geschribe(n). ff. de vi. et vi. ar. qui possessionu(m). Dice(n)s / q(uo)d prima viole(n)tia fuit assu(m)pta per sc(i)daz ex i(n)teruallo facitam vt ex i(n)terdicto per prima(m) agi no(n) possit.

l. quonia(m). C. ad. laul. d(e) vi. pub. Ite(m) setz das einer vil menschen gesamelt hab / vnd ist gangen an ein stat / vnd wolt mich von der selben stat vnd besitz vertriben haben / vn(d) ich hůb an mit meinen freünden widerstandt zůthůn vnnd im widersteen / ist einer oder mer getödt worden vff eim theyl oder beyden theyl / welcher sol alda gestrafft werden. R(e)n. Der sol da gestrafft werden der vrsacher vnd anheber ist gewesen des haders.

ff. de ser. cor. in b. iudicio. Item wer das rumor nit vmb des besitz willen angehaben worden / sunder sunst vmb ander sach wille(n) / sol der anheber auch gestrafft werden. sprich ia. ff. de dam. infec. l. inter quos paries. §. j. (et)c. ar. ff. ad. l. cor. d(e) sicca. l. fi. In de(n) rechte(n) steet geschribe(n) dz d(er) vrsacher od(er) anheber des haders sey schuldig vn(d) sol gestrafft werde(n) / vn(d) auch so sol in zweyfel der sicherst weg gewelt werde(n) / darum(b) so solle(n) zů vor vß die anheber billicher gestrafft wede(n) dan(n) die wir nit wissen ob sie getödt od(er) verw(u)ndt habe(n).

per. l. C. d(e) excep. si quide(m). (et)c. C. ad l. iul. d(e) adul. quoniam. Item setz einer ist verclagt das er verwundt oder getödt hab / vnnd er spricht er hab es nit gethan / würd aber sollichs vff in gebracht dz er es gethan het / so hett er sollichs in schirms weyß gethan / sol sollichs sein antwurt vom richter vff genom(m)en werden. sprich ia. Da steet geschriben / das Alexander nit der groß künig ein ander ward verclagt von